CLOSE WINDOW

D3473
བོད་ཡིག

/sgra yis nam mkha' khyab par blta/ /sgra yi 'od kyi re khA'o/ /zhes pa ni shes rab 'phel ba'i cho ga rdzogs so//[ ]@##/ /rgya gar skad du/ nA ma saM gi t+yA ma na ye na sid+d+hi pradz+nyA tsakra ba la ba d+haM sA d+ha naM/ bod skad du/ mtshan yang dag par brjod pa'i man ngag shes rab 'khor lo'i dngos grub mchog thob pa'i sgrub thabs/'phags pa 'jam dpal la phyag 'tshal lo/ /bla ma'i zhabs la bdag phyag 'tshal/ /rdo rje slob dpon de bzhin du/ /ngag gi dbang po phyag 'tshal nas/ /'jam dpal sgrub thabs bdag gis bri/ /sems dpa'i skyil krung gis bzhugs te/ /snying gar zla ba a yis brgyan//kun+da dung 'dra sa bon 'bar/ /sna tshogs 'od zer kun du 'khrigs/ /de skyes rdzogs pa'i sangs rgyas dang / /bla ma byang chub sems dpa' dang / /chen po de rnams bltas nas ni/ /sngags 'di yis ni mchod par bya/ /oM badzra puSh+pe hUM/ oM badzra d+hU pe hUM/ oM badzra dI pe hUM/ oM badzra gan+d+he hUM/ oM badzra nai bi d+ye hUM/ de nas/ dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /sangs rgyas chos dang tshogs mchog la/ /byang chub bar du bdag skyabs mchi/ / rang gzhan don ni rab sgrub phyir/ /byang chub sems ni bdag gis bskyed/ /byang chub mchog tu bdag gis sems bskyed nas/ /sems can thams cad bdag gis mgron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /ces pa'i smon lam sngon du 'gro ba yis//chos kun bdag med sngags 'di brjod par bya/ /oM shU n+ya tA dz+nyA na badzra swa b+hA ba At+ma kou0f85haM/ sa bon sgyu ma lta bu bsam/ /khams gsum rnams ni ma lus pa/ /mthong ba dang ni reg pa nyid/ /dper na thams cad sgyu ma bzhin/ /de bzhin dmigs pa'ang med pa ste/ /kun k yang sgyu ma ji bzhin no//'gro ba thams cad gnas pa ni/ /de yang dmigs pa med par bya/ /zhes pas lhag par mos par bya/ /de nas thog ma med pa'i dus kyi yang dag pa ma yin pa'i rnam par rtog pa'i sa bon spangs nas rang bzhin gyis dag pa zhes bya ba lhag par mos par bya'o/ /oM swa b+hA wa shud+d+haHsarba d+harmAHswa b+hA ba shud+d+hou0f85haM/zhes so/ /de nas sngon du gsungs pa'i sa bon yongs su gyur pa las ral gri'o/ /de'i chang pa'i dbus su zla ba'i dkyil 'khor/ de'i steng du sngon du gsungs pa'i sa bon/ de thams cad yongs su gyur pa las 'jam dpal gyi skur bdag nyid bsam par bya'o/ /bdag nyid 'gro ba thams cad kyi gtso bo zhes bya'o//pad+ma dang zla ba'i gdan la sems dpa'i skyil krung gis mnyam par bzhugs pa'o/ /zla ba du ma'i 'od zer 'phro zhing nam mkha'i mthil khyab par mdzad pa sna tshogs pa'i na bza' bsnams shing / 'gro ba rnams dga' bar mdzad pa/ gzugs mdzes shing sku mdog dkar po yid du 'ong ba'i zur phud lngas spras pa'i dpa' bo chen po rgyan thams cad kyis brgyan pa/phyag g.yas pa na ral gri 'phyar ba/ phyag g.yon gyi thugs kar po ti bsnams pa'o/ /de nas phyag rgya bcing bar bya'o/ /lag pa gnyis thal mo sbyar te/ mdzub mo dag dang ming med dag gis sen mo dag bkab nas ut+pal kha bye ba ltar gnas pa'o//snying ga dang / mdzod spu dang / mgrin pa dang / spyi bo rnams su rang gi sngags kyis dgod par bya'o/ /phyi nas lte ba'i 'og tu b+h+rUM yig dkar po a shwad+thA'i lo ma lta bu bsam par bya'o/ /zla ba'i dkyil 'khor la de'i steng du brgyad pa'i bzhi pa dang po'i bcu drug pa bdun pa'i gnyis pa dang po'i bzhi pas brgyan pa'o//de yongs su gyur pa las pad+ma kha zum pa ste/ lte ba'i steng du hUM yig kha 'byed pa bsam par bya'o/ /de'i steng du zla ba'i dkyil 'khor ro/ /de'i steng du sor gcig tsam spangs nas 'khor lo rtsibs drug pa 'od zer dang bcas pa'o//de'i rtsibs rnams la dbyangs yig bcu gnyis yi ge zung re re dgod par bya'o/ /rtsibs so so'i steng du rtsa ba'i sngags kyi yi ge re re rnam par bkod nas 'khor lo'i nang gi lte ba la d+hIHyig 'od zer dang bcas pa mi g.yo bar bsgom par bya'o/ /phyi'i mu khyud la kA li sbyor ba yang dag par 'bar ba'i nga nya Na na ma'i yi ge rnams spangs par bsgom par bya'o//yang de'i steng du sor gcig tsam spangs nas zla ba'i dkyil 'khor la de'i steng du a ra pa tsa na zhes pa bltas nas shin tu myur du 'khor ba'i 'khor lo bsgom par bya'o/ /ji srid zla ba drug gi bar du sngags 'di bzlas par bya'o//oM badzratIk+Sh+Na muHzhes nyi ma re re la khri phrag re bzlas par bya'o/ /de nas lkugs pa yin yang ngag gi dbang por 'gyur zhing blo dang ldan par 'gyur ro/ /gzhung stong phrag re 'dzin nus so/ /rgyun chad med par legs par sbyar ba'i skad dang ldan zhing snyan ngag mkhan chen por gyur nas bstan bcos thams cad kyi mthar phyin par 'gyur ro//grub par gyur nas ral gri'i rig pa 'dzin pa'i bdag por 'gyur zhing rig 'dzin ma rnams dang lhan cig tu rtse bar byed do/ /'khor lo mchog 'dir mi gsal ba rnams slob dpon gyi man ngag las khong du chud par bya'o/ /shes rab 'khor lo'i mchog gyur 'di//bris pa'i 'bras bu gang thob pa/ /de yis 'jig rten thams cad 'dir/ /'jam dpal go 'phang thob par shog /mtshan yang dag par brjod pa'i man ngag shes rab 'khor lo'i dngos grub mchog gi sgrub thabs rdzogs so// //