CLOSE WINDOW

D3469
བོད་ཡིག

/srid pa'i 'jigs pa ma lus shin tu rab zhi shog /lhag par dbang du byed pa'i 'jam dpal gyi sgrub thabs rdzogs so//[ ]@##/ /rgya gar skad du/ many+dzu shrI sA d+ha naM/ bod skad du/ 'jam dpal gyi sgrub thabs/ 'phags pa 'jam dpal la phyag 'tshal lo/ /'jam dpal sgrub thabs rnam dag pa//bsdus shing shin tu gsal ba yis/ /mi shes rab rib 'joms mdzad pa/ /yid 'ong legs par brjod par bya/ /sngon du gsungs pa'i cho gas 'dir rang gi snying gar zla ba la mUHyig ser po yongs su gyur pa las 'jam dpal gzhon nu zhal gsum phyag drug pa/ sku mdog gur gum ltar dmar ba dang / sngon po dang dkar po ni g.yas dang cig shos kyi zhal lo/ /sems dpa'i skyil krung gis bzhugs pa/ ral gri dang / mda' dang / mchog sbyin dang ldan pa ni g.yas kyi phyag gsum na'o/ /shes rab kyi pha rol tu phyin pa'i po ti dang / ut+pal dang / gzhu dang ldan pa ni phyag g.yon pa gsum na'o//gzhon nu sgeg pa dang bcas shing rgyan dang na bza' la sogs pas brgyan pa/ me tog sna tshogs pas cher mdzes pa/ zur phud gsum gyis brgyan pa/ de bzhin gshegs pa'i rdul phra rab las yongs su grub pa'i bdag nyid du bsgom par bya'o/ /oM mUMHzhes pa'i sngags bzlas par bya'o/