120b4 /rin chen myu gus legs par sbyar ba yis/ /bung ba myos byed sgrub thabs de yis so/ /bung ba myos pa'i sgrub thabs rdzogs so//[ ]@##/ /rgya gar skad du/ ba sh+ya d+hi kA ra many+dzu shrI sA d+ha naM/ bod skad du/ lhag par dbang du byed pa'i 'jam dpal
120b5 gyi sgrub thabs/'phags pa 'jam dpal la phyag 'tshal lo/ /dpal ldan 'jam dpal rdo rje'i skur bsgrubs te/ /sku mdog dmar po 'od zer 'bar ba'i tshogs/ /dbyangs yig bcu drug yang dag 'khor ba yi/ /snying ga'i pad dbus rdo rje bsam par bya/ /ban+d+hu'i me tog rnam pa dang mtshungs
120b6 skur//dmigs nas nges par rkang drug bshad pa yis/ /dbugs ni rlung gis ma lus dal bu yis/ /nges par drangs nas skye ba'i bsam pa yang / /bsgrub bya mdun du gnas shing thal mo sbyor/ /mig zung gnyid ni yur bar yang dag bsam/ /sna bug nas ni de bzhin bung ba yis/ /
120b7 de rnams bsgrub bya nyid kyi snying gar zhugs/ /snying ga'i pad+ma kun nas bldag cing rnyings/ /de yi yid kyi sbrang rtsi 'thungs pa yis/ /nges phyung de las slar yang zhugs gyur nas/ /de la de bzhin nges par yid thim bsam/ /rnam pa de bzhin brtan pa dang ldan sems/ /thun mtshams bzhi
121a1 ru bsgrubs par gyur pa yis//dbang po'ang de rnams dbang dang ldan 'gyur te/ /bcu bzhi'i nyi ma rnams kyis nges par 'grub/ /dpal ldan 'jam dbyangs sgrub thabs gcig tu 'di/ /bla ma dam pa las rnyed bdag gsal byas/ /'di la ci ste'ang med par 'gyur snyam pa'i/ /
121a2 'dir ni cung zad the tshom mi bya'o/ /'di rnams bkug nas nges par sems nyid zhi/ /dge byed ces byas ji ltar nyer bstan mdzad/ /dam pa rnams kyis bya ba yongs spangs nas/ /bdag gi bla ma dag ni 'di yis so/ /rkang drug brgyad pa dag gis mchog bris pa'i/ /gang 'dir dge ba dri med cung zad
121a3 thob//de yis sems can ma lus de bzhin du/ /dpal ldan 'jam mgon lhan cig ldan par shog /slob dpon dge ba byed pa'i zhabs kyis mdzad do/ /bdag gis sgrub thabs mchog tu gyur pa 'di bris pa'i/ /dge ba ma lus gang thob shin tu rnam dag pa/ /de yis 'jig rten 'di rnams rgyal
ba nyid thob nas/