CLOSE WINDOW

D3465
བོད་ཡིག

@##/ /rgya gar skad du/ Ar+ya sid+d+hi ka bI ra sA d+ha naM/ bod skad du/ 'phags pa dpa' bo gcig tu grub pa'i sgrub thabs/ dpal ldan 'jam dpal dbyangs la phyag 'tshal lo/ /'od gsal ston ka'i zla ba mtshungs/ /'jam dpal rdo rje la phyag 'tshal/ /de yi sgrub thabs gsal po mchog /mdor bsdus bdag gis brjod par bgyi/ /dang por re zhig sngags pas yid dang mthun zhing gtsang ba'i sa phyogs su stan bde ba'i dbus su 'dug ste/ rang gi snying gar a yig las byung ba'i zla ba la maM dkar po de nyid dgod par bya'o/ /de'i 'od zer gyis nam mkha' gang bas bcom ldan 'das dang bla ma rje btsun nam mkha' la bltas te/de nas bcom ldan 'das kyi mdun du 'dug la yid kyis rang bzhin gyi mchod pas 'jam dpal dang bla ma rje btsun yang mchod cing phyag btsal nas dge ba spel ba'i don du deng nas sdig pa thams cad bdag gis so sor bshags so/ /bsod nams thams cad la rjes su yi rang ngo //de yang bla na med pa'i sangs rgyas kyi byang chub tu bdag gis yongs su bsngo bar bgyi'o/ /byang chub ma thob kyi bar du sangs rgyas dang chos dang dge 'dun rnams la skyabs su mchi'o/ /yang dag pa'i byang chub tu sems bskyed par bgyi'o/ /de nas bcom ldan 'das kyi sa bon lhan cig tu gyur par blta'o//brtan pa dang g.yo ba'i khams gsum po thams cad rten cing 'brel par 'byung ba rnam par dpyad mi bzod pa rmi lam dang / sgyu ma dang / gzugs brnyan lta bur blta zhing rang bzhin gyis 'od gsal ba yongs su dag pa 'ba' zhig gi bdag nyid du bsgom par bya'o//oM swa b+hA wa shud+d+haHsarba d+harmAHswa b+hA wa shud+d+hou0f85haM zhes pa 'dis brtan par bya'o/ /yang na smon lam gyi stobs las byung ba'i zla ba la maM yig dkar po bltas te/ de'i 'od zer 'phros pas 'jam dpal rdo rje bdag nyid la rab tu zhugs te/ maM las byung bar bsgom m o//ston ka'i zla ba'i rnam pa can/ zur phud lnga dang ldan pa/ rgyan thams cad kyis brgyan pa/ phyag g.yon na ut+pa la sngon po bsnams pa/ phyag g.yas pas mchog sbyin mdzad pa/ sna tshogs pad+ma dang zla ba'i gdan la rdo rje skyil krung gis bzhugs pa'o/ /de nas rang gi snying gar zla ba la maM nor bu chu shel gyi 'od lta bu 'od zer rnams kyis nam mkha'i khong na gnas pa'i 'gro ba rnams kyi don byed pa gsal bzhin pa ji srid skyo bar ma gyur pa de srid du bsgom par bya'o//bsgoms pas skyo na sngags bzlas par bya'o/ /oM bA kye daM na maHnye ba'i snying po yang bzlas par bya'o//oM hrIHhUM de nas yi ge brgya pa bzlas nas 'jam pa'i rdo rje'i nga rgyal byas te langs la yang de bzhin du gnas par bya'o zhes so/ /zla ba drug gis ngag gi dbang phyug 'grub par 'gyur ro/ /rtag tu goms pa'i sbyor bas skye ba 'di la sangs rgyas nyid kyang 'grub par 'gyur ro/ /de ltar bsam gtan la gnas pas sngon du bsnyen pa 'bum phrag brgyad bzlas nas ral gri la sogs pa'i dngos grub bsgrub par bya'o//de la zla ba gzas zin pa'am/ nyi ma gzas zin pa la khab len gyi lcags las brdungs pa'i ral gri lag pas bzung ste zla ba la bltas nas ji srid grol bar ma gyur pa de srid du bzlas pa byas pas ral gri'i rig pa 'dzin par 'gyur ro//de bzhin du rdo rje dang / 'khor lo dang / rtse gsum dang / tho ba dang / zhags pa dang / lcags kyu la sogs pa dang / mig sman dang / rkang mgyogs dang / thig le dang / dbang du bya ba'i rdzas la sogs pa bsgrub par bya'o/ / rig pa 'dzin pa dang / bcud len dang / legs par sbyar ba rnams bsgrub par bya'o/ /'o thug gi bza' ba dang / zho'i bza' ba dang / mar dang bcas pa'i sha ka ras snod bkang ste/ lag pas bkab la bzlas pa byas la bza' bar bya'o/ /lo lnga brgya ru 'tsho bar 'gyur ro/ / sran ma Sha khar bcug la bzlas par bya'o/ /myu gu 'byung bar 'gyur ro/ /de mid na tshigs bcad la mkhas par 'gyur ro/ /thos pa 'dzin par 'gyur ba dang / ngag dang ldan zhing blo rno bar 'gyur ro/ /bil ba rnams kyi sbyin sreg 'bum phrag gcig byas na 'jig rten gsum gyi rgyal po 'grub par 'gyur ro//ji ltar rnyed pa'i me tog dkar pos sbyin sreg 'bum phrag bzhi byas na ngag gi grub pa thob ste/ ngag gi dbang phyug dang mtshungs par 'gyur ro/ /mar dang 'bru dmar po lnga'i sbyin sreg byas na 'bum phrag bzhi tsam gyis gnod sbyin mo 'gugs par 'gyur ro/ /sa 'og gi gzhon nu ma yang ngo //brah+ma'i phye ma sor bzhi tsam la brgya rtsa brgyad mngon par bsngags la nang par snga bar dkyil 'khor byas la ji ltar 'byor pas bcom ldan 'das la mchod la mar ram kany+dzi btung bar bya'o/ /shu dag zho phyed kyi tshad la de bzhin du mngon par bsngags la mar ram 'o ma'am mar khu dang /zla ba gcig tu btung bar bya'o/ /dig pa dang / lkugs pa dang / ldib pa rnams rnam par nyams par byed do/ /zla ba drug na gzhan yang ma thos pa'i bstan bcos rnams kyang mngon du 'gyur ro/ /rmongs pa rnam par nyams par 'gyur zhing thos pa 'dzin par 'gyur ro/ /