CLOSE WINDOW

D3445
བོད་ཡིག

@##/ /rgya gar skad du/ Ar+ya shrI mA na bA dI rA dza sA d+ha naM/ bod skad du/ dpal ldan 'phags pa ngag gi rgyal po'i sgrub thabs/ 'phags pa 'jam dpal la phyag 'tshal lo/ /ye shes rang bzhin mgon phyag 'tshal/ /bya ba'i rgyud kyi rjes 'brangs nas/ /dngos grub thams cad rab ster ba//de yi sgrub thabs bdag gis brjod/ /dang por re zhig sngags pas yid dang mthun pa'i gnas ji ltar bde bas nye bar 'dug ste/ sdug bsngal gyi rgya mtshor lhung ba'i sems can gyi khams la bltas nas/ smon lam gdab par bya'o/ /sdug bsngal ba'i sems can 'di rnams 'khor bar 'khor te/de rnams la bdag gis 'jam pa'i dbyangs su gyur nas/ bla na med pa'i go 'phang mchog la rab tu dgod par bya'o zhes so/ /de nas bris sku la sogs pa bkram nas bcom ldan 'das 'jam pa'i dbyangs dang / bla ma dang / sangs rgyas dang / byang chub sems dpa' rnams mdun du dmigs te/me tog la sogs pa rnams kyis mchod cing phyag 'tshal nas/ sdig pa bshags pa dang / slan chad mi bgyid cing sdom pa dang / bsod nams la rjes su yi rang ba dang / bdag nyid dbul ba dang / gsum la skyabs su 'gro ba dang / byang chub tu sems bskyed pa yang byas nas tshigs su bcad pa 'di gnyis kyis bya ste/dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /byang chub sems mchog bdag gis bskyed//sems can thams cad mgron du gnyer/ /byang chub spyod mchog yid 'ong spyad/ /'gro la phan phyir sangs rgyas shog /de nas lam bsten par bya'o/ /oM swa b+hA ba shud+d+haHsarba d+harmAHswa b+hA ba shud+d+hou0f85haM/ zhes pa'i don khong du chud par byas nas/ lan gsum brjod n as rang bzhin gyis rnam par dag cing chos thams cad bdag med par mos pa bya'o//khams gsum po ni stong pa nyid dang mtshan nyid med pa gzung ba dang / 'dzin pa dang bral bar bltas nas/ rang gi snying gar a yig las zla ba'i dkyil 'khor/ de'i steng du muHyig gser btso ma'i kha dog lta bu de las byung ba'i 'od zer gyi tshogs kyis 'jig rten gyi khams thams cad du bkye zhing snang bar mdzad nas ji ltar skal ba dang ldan pa'i sems can gyi don mdzad de/de bzhin gshegs pa thams cad bskul nas de'i 'od de sa bon la rab tu zhugs te/ de thams cad yongs su gyur pa las bdag nyid 'jam pa'i dbyangs kyi skur bsgom par bya'o//gser zhun ma lta bu zhal gcig phyag gnyis pa/ seng ge'i steng na pad+ma dang zla ba'i gdan la skyil krung phyed pas bzhugs pa/ zur phud gsum pa'i rin po che'i dbu rgyan can/ zla ba'i dkyil 'khor gyi 'od lta bu gzhon nu'i rnam pa can gyi gzugs dang ldan pa/rgyan thams cad kyis brgyan pa/ sgeg pa'i nyams dang ldan pa/ cung zhig 'dzum pa/ phyag gnyis kyis chos kyi 'khor lo'i phyag rgya mdzad pa/ phyag g.yas pa na ma reg par shes rab kyi pha rol tu phyin pa dang bcas pa'i ut+pal bsnams pa/zhabs g.yon pa'i ngar gdong la brten pa'i khro bo chen po gshin rje gshed sku mdog nag po mi bzad pa'i zhal mche ba gtsigs pa skra dmar ser 'khyil pa/ kun nas dmar ba'i spyan zlum pa/ phyag g.yas pas bcom ldan 'das kyi rje ngar la reg pa/ g.yon pa dbyug pa bsnams pa'o//de bzhin du bsgoms nas/ sku dang / gsung dang / thugs rnams la zla ba'i dkyil 'khor la oM AHhUM zhes pa'i yi ge dkar po dang / dmar po dang / nag po'i mdog can rnams rim pa bzhin du bkod la/ de nas nu ma'i bar du zla ba'i dkyil 'khor la muHyig bsam par bya'o//de nas mchod bya dang mchod byed dbyer med par dmigs nas/ lha rnams kyis rnam pa sna tshogs pa'i mchod pa dang / bstod pa bdag nyid la byed par bltas nas/ spro ba dang bsdu ba ji srid skyo bar ma gyur pa de srid du bsgom par bya'o/ /de ltar rtag tu sgom par byed pa ni/sangs rgyas kyi byang chub rab tu 'grub par 'gyur te/ tshe 'di nyid la brtse ba chen po mgon po 'jam pa'i dbyangs thob par 'gyur ro/ /bsgoms pas ngal na rang gi snying gar zla ba'i dkyil 'khor la sngags bkod nas ma chags pa'i yid kyis bzlas par bya'o/ /de nas bzlas pa'i sngags ni 'di'o//oM d+harma d+hA tu bA gI shwa ri muHde ltar bzlas pa byas nas kyang mi ngal na bsgom par bya'o/ /gal te ldang bar 'dod na slar yang de bzhin du yang dag par mchod pa dang / legs par bstod pa dang / dge ba yongs su bsngo ba dang / tshigs su bcad pa 'dis bzod pa gsol bar bya ste/bdag ni mi shes blo rmongs pas/ /nyes pa ji snyed bgyis pa gang / /gang phyir lus can skyob pa yi/ /mgon po khyed la bzod par gsol/ /'gro ba rnams la phan pa'i phyir/ /smon lam yang dag gdab par bya/ /bdag gi dge ba 'di yis ni/ /sangs rgyas nyid ni thob nas kyang //srid pa'i rgya mtsho zab mo las/ /'gro ba ma lus 'don par shog /de nas chos thams cad mnyam pa nyid du mos pas 'gro ba thams cad 'jam pa'i dbyangs kyi rang bzhin du bltas nas/ rang gi lha'i nga rgyal dang ldan pas ji ltar bde bar gnas par bya'o/ /de ltar thun mtshams bzhi'am/ thun mtshams gsum du 'di bzhin du bya'o/