CLOSE WINDOW

D3437
བོད་ཡིག

'jig rten gsum po dbang du byed pa'i 'phags pa b+hug+ma'i sgrub thabs rdzogs so// //slob dpon dpal ldan shU n+ya tA sa mA d+hi badzra pA das mdzad pa'o//[ ]@##/ /rgya gar skad du/ shrI lo ka nA tha sA d+ha naM/ bod skad du/ dpal 'jig rten mgon po'i sgrub thabs/'phags pa spyan ras gzigs dbang phyug la phyag 'tshal lo/ /gang gi ming tsam gyis kyang ni/ /dpal ldan bskal pa brgyar 'jug pa'i/ /'jig rten dbang phyug la btud nas/ /sgrub thabs bsdus pa bshad par bya/ /'dir dang por re zhig lhag par sgom par byed pa'i sngags pas snga bar langs te/yid dang mthun pa'i gnas 'ga' zhig tu stan bde ba la nye bar 'dug ste/ yi ge gsum gyi sngags kyis gnas dang bdag bsrung ba'i sbyor ba bya'o/ /mdun du kha che skyes dang tsan+dan dmar pos maN+Dal zlum po la nye bar byugs te skad cig gis stong pa nyid du bsgoms nas/rang gi snying gar a yig las skyes pa'i zla ba'i dkyil 'khor snying gi mun pa 'joms pa yongs su spros nas/ chu skyes dmar po skya rengs shar ba lta bu la 'od zer gyi tshogs 'phro ba'i hrIHyig bltas te/ de las 'od 'phros te phyogs bcu khyab par byas nas yongs su 'phro ba'i hrIH yig gi lcags kyus mdun gyi nam mkha' la gdan drangs te/'jig rten mtha' dag gcig tu gdon par 'dod pa'i mkhas pas bde bar gshegs pa sras dang bcas pa dang chu skyes kyi phyag rgya can rnams rnam par bltas te me tog la sogs pa'i mchod pa lngas yang dag par mchod nas/ de rnams kyi mdun du thal mo sbyar te phyag 'tshal nas/sdig pa bshags pa la sogs pa btang snyoms kyi bar du ji snyed pa rnam par bsgoms nas/ oM swa b+hA ba shud+d+haHsarba d+harmAHswa b+hA ba shud+d+hou0f85haM/ zhes pas lhag par grol bar byas la/ oM shu n+ya tA dz+nyA na badzra swa b+hA ba At+ma kou0f85haM zhes pas byin gyis br lab par bya'o//de nas snga bar smon lam gyi rjes su 'jug pas snying rje chen pos rab tu sad nas paM yig las skyes pa'i sna tshogs pa'i chu skyes la gnas pa dbyangs dang po las skyes pa'i zla ba'i 'od kyi dkyil 'khor la/ ban+du ka skyes pa'i mdog lta bu'i hrIHyig las skyes shing hrIHyig gis lhag par gnas pa'i dbus su nyi ma'i 'od zer dang mtshungs pa'i chu skyes bsam par bya'o//de nas sa bon gyi yi ge las nges par 'phros te/ sangs rgyas kyi zhing rnams su sangs rgyas dang / byang chub sems dpa' rnams gsal bar mdzad nas/ de rnams kyi bsod nams dang ye shes kyi tshogs dang ro mnyam par gyur te/de la de bzhin du zhugs par bsam mo/ /sa bon gyis mtshan pa'i pad+ma yongs su gyur pa las pad+ma dang zla ba'i steng du mnyam pa'i zhabs kyis bzhugs pa/ glog dang byi ru'i kha dog lta bu/ pad+ma rgyas pa'i zhal mnga' ba/ut+pa la sngon po'i 'dab ma ltar yangs pa'i spyan zung dang ldan pa/ dbu skra gnag cing ring ba lha'i gos dang rgyan gyis rnam par brgyan pa/ phyag g.yas pa dang / g.yon pa dag gis mchog sbyin dang / chu skyes dmar po bsnams pa/ lo bcu drug lon pa lta bu 'od zer dmar po 'phro zhing nyi ma'i dkyil 'khor dang / zla ba'i dkyil 'khor la gnas pa'i snying gar rang gi sa bon kyi byin gyis brlabs nas/ dpral ba dang / mgrin pa dang / nu ma'i bar du yi ge gsum gyis brgyan pa'i dpal ldan 'jig rten dbang phyug gi skur bdag nyid bsgom par bya'o//de nas me la sogs pa'i mtshams rnams su pad+ma la gnas pa'i ku mu da'i gnyen gyi steng du dkar po dang / nag po dang / dmar po dang / ljang gu'i lAM mAM pAM tAM gi yi ge yongs su gyur pa las/de'i sku mdog can thal mo sbyar zhing pus mo sa la btsugs pa lang tsho gzhon nu dang ldan pa/ sna tshogs pa'i rin po che dang / gos kyis brgyan pa 'gying zhing zhal 'dzum pa dang ldan pa'i spyan ma dang / mA ma kI dang / gos dkar mo dang / sgrol ma rnams bsgom par bya'o//de'i rjes su rang gi snying ga'i sa bon gyi rgyal po las 'od zer 'phros te hrIH'i 'od zer gyi lcags kyus mngon par dga' ba'i 'jig rten kyi khams na/ dam tshig sems dpa' dang 'dra ba'i ye shes sems dpa' gdan drangs nas nam mkha'i mthil du bltas te/dam tshig sems dpa' dang / gcig tu byas nas/ a b+hi Shiny+tsa tu mAM sarba ta thA ga ta zhes pas mngon par mchod nas/ nam mkha'i mthil du song ste bdud rtsis gang ba'i rin po che'i bum pa rnams kyis oM AHsarba ta thA ga tA b+hi She ka ta sa ma ya shri ye hUM zhes brjod nas bdag la dbang bskur bar mdzad cing /bdag nyid kyi spyi bor ngag gi dbang phyug bzhugs par bsgom par bya'o/ /de nas rang gi sa bon las skyes pa'i 'od zer gyi dra bas nam mkha'i mthil mtha' dag khyab cing nye bar spyad pa gcig tu rab tu mang po spros nas bzhi po dga' zhing dga' ba'i tshogs rnams kyis bdag la mngon par mchod par bsgom par bya'o//de nas yongs su 'phro ba'i 'od zer dmar po rab tu brkyang ste/ sdig pa'i gnas su lhung ba'i srog chags rnams bton nas bde bar gshegs pa'i lam la nges par sbyar nas smin cing grol bar bya'o//rang gi cho gas bsdus nas bya ste/ skad cig gis bsam par bya'o/ /ngal bar gyur na snying ga'i sa bon gyi dbus su bsdus nas/ dam tshig gi sa bon dang rang bzhin gyi sa bon kyi sngags kyi rgyal po bzung nas bzlas par bya'o//de'i rjes su bdag nyid me tog la sogs pa'i nyer spyod rnams kyis mngon par mchod nas/ 'byung po thams cad la ji ltar mthun pa'i gtor ma dbul zhing / smon lam dang / rjes su yi rang ba dang /yongs su bsngo ba yang byas nas/ yi ge gsum gyi sngags brjod de/ lha mo bzhi snying ga'i sa bon la bsdus nas langs te/ ci bder gnas par bya'o/ /gnyis pa dang gsum pa'i thun mtshams dag la snying ga'i sa bon las lha mo bzhi dbugs la zhugs nas cho ga snga ma bzhin du bya'o//thun mtshams bzhi pa la snga ma bzhin du byas nas/ oM AHbadzra muHzhes pas ye shes sems dpa' gshegs te lha mo rang gi snying ga'i sa bon la bcug nas/ ji ltar 'dod pa bzhin gnas par bya'o//nyal ba'i dus su don dam pa'i sems mngon du byas nas nyal bar bya'o/ /sngags pas snga bar smon lam gyi dbang gis rab tu sad nas langs te ji lta ba bzhin du bya'o/ /'jig rten dbang phyug gi sgrub thabs rdzogs so// //