CLOSE WINDOW

D3435
བོད་ཡིག

mgon po rdo rje skyil krung bzhugs/ /mkhas pas cho ga bzhin du bsgom/ /nye bar spyod pa dang bcas pa sran ma ma Sha'i zhal gyi gzungs rdzogs so//[ ]@##/ /rgya gar skad du/ a mo g+ha pA sha lo ke shwa ra sA d+ha naM/ bod skad du/ 'jig rten dbang phyug don yod zhags pa'i sgrub thabs/ bcom ldan 'das don yod zhags pa la phyag 'tshal lo//'jig rten dbang phyug zhi zhing dkar/ /yon tan rgya mtsho don yod grub/ /phyag 'tshal nas ni sgrub pa'i thabs/ /bdag nyid rtogs phyir cung zad bri/ /de la dang por re zhig sngags pas zhi zhing snying rje gcig pu'i sems kyis sdug bsngal mtha' dag gi chu srin gyi gnas su ltung ba'i 'gro ba rnams la nges par bltas te/de rnams bton nas bde ba'i gnas la dgod cing bdag gis don yod pa'i 'bras bus bskyab par bya'o zhes nges pa brtan pos ri brag la sogs pa chu dang me tog dang 'bras bus brgyan pa'i phyogs su stan gtsang ma la sogs pa la 'dug nas/oM tsa ra tsa ra/ tsi ri tsi ri/ tsu ru tsu ru/ ma ra ma ra/ mi ri mi ri/ mu ru mu ru/ ma hA kA ru Ni ka sarba bi g+h+nAn hUM phaT/ ces pa 'dis bsang gtor bya'o/ /oM dza ya dza ya swA hA/ oM dza ya bi dza ya swA hA zhes pas lus dang ngag dang yid kyi gnas la bgegs bsal bar bya'o/ / oM a tsa la bI rA ya swA hA zhes brjod nas tsan+dan la sogs pa'i dri bzangs kyis maN+Dal byas nas/ rang gi snying gar zla ba'i gzugs brnyan la hrIHyig dkar po blta bar bya'o/ /de'i 'od zer gyis gdan drang bar bya ste/ oM ba ra pra d+hA ya swA hA/ zhes pas dpal ldan po Ta la ke'i ri bo las bskul nas/ / oM sa ra sa ra hu lu hu lu b+ha ga bAn d+ha ra d+ha ra sa ma ya ma nu sma ra hUM hAHswA hA/ zhes pa'i tshig 'dis phyag la sogs pa 'chang bar 'gyur ba'i bcom ldan 'das 'phags pa spyan ras gzigs dbang phyug gi mdun du oM hrIHhAHhUM swA hA/ zhes pas mchod yon phul nas me tog la sogs pa yid kyi rang bzhin gyi mchod pa'i khyad par gyis yang dag par mchod par byas te/oM Da Da hUM ha puSh+paM swA hA/ oM d+hu na d+hu na ma tha ma tha ha ha hUM d+hU paM swA hA/ oM raM dIr+g+ha hrIHdIr+g+ha hrI hUM dI paM swA hA/ oM ka ra ka ra/ ku ru ku ru/ he he gan d+haM swA hA/ oM ba ra ba ra dA ya ke he hrI/ hUM nai bi d+yaM swA hA/ zhes pa'i sngags kyis yang dag par mchod cing phyag 'tshal nas sdig pa bshags pa la sogs pa bya'o//de nas byams pa la sogs pa bsgoms nas brtan pa dang g.yo ba'i 'gro ba mtha' dag gi gnas kyi don dang / skye ba dang bdag gi lus kyang rang gi sa bon gyi 'od zer gyis khyab par byas nas/ oM shU n+ya tA dz+nyA na badzra swA b+hA ba At+ma kou0f85haM zhes p as rang gi sems byin gyis brlab par bya'o//oM bi ma la u da ya hUM mtsho'o/ /oM rat+na a tsa la hUM bskyed pa ste rin po che'i ri'i steng du'o/ /oM ka ma la be swA hA zhes pas pad+ma legs par sbyar nas oM a mi tot+b+ha bA ya swA hA zhes pa 'dis byang chub kyi sems zhu bar gyur nas/ de'i snying po la A li dang kA li la sogs pa'i rang bzhin zla ba dang nyi ma yang dag par sbyar ba la hrIHyig dkar po las yang dag par bskyed pa'i 'dam skyes/de'i sa bon gyi 'od zer gyi tshogs kyis byin gyis brlabs nas ze'u 'bru'o/ /de thams cad gcig tu gyur pa las ye shes lnga'i rim pas bcom ldan 'das 'phags pa spyan ras gzigs dbang phyug don yod zhags pa ston ka'i sprin gyi mdog lta bu dkar po ral pa'i cod pan dang 'od dpag tu med pas dbu brgyan pa/mchod phyir thogs dkar pos brgyan pa zhi ba'i tshul can zhi ba'i rgyan dang ldan pa zhal gcig pa/ phyag bcu gnyis pa 'od zer 'bar ba/ de la phyag g.yas kyi dang po mchog sbyin/gnyis pa sangs rgyas la phyag 'tshal ba'i tshul dang mdzod 'dren pa/ gsum pa na nor bu'i phreng ba dkar po'o/ /bzhi pa na mda'/ lnga pa na me'i dkyil 'khor/ drug pa na rin po che sna tshogs pa'i 'khri shing ngo / /phyag g.yon gyi dang po na pad+ma dmar po/ gnyis pa ni ri rab/ gsum pa na dbyu gu rtse gsum/ bzhi pa na gzhu/ lnga pa na gser gyi ril ba spyi blugs/ drug pa na don yod pa'i 'bras bu bcings pa'i zhags pa bsnams pa/ rin po che'i ri'i phug na sna tshogs pa'i pad+ma dang / zla ba la mnyam pa'i zhabs kyis bzhugs pa'i bdag nyid mngon par sprul pa'o//yang na phyag bcu pa'o/ /de la phyag g.yas pa na mchog sbyin dang / rtse gsum dang / nor bu'i phreng ba dang / mda' dang / lcags kyu'o/ /g.yon na pad+ma dmar po dang / ri rab dang / gser gyi ril ba spyi blugs dang / zhags pa dang / gzhu rnams bsnams pa'o/ /yang na phyag drug pa'o/ / g.yas na mchog sbyin dang rtse gsum dang / nor bu'i phreng ba'o/ /g.yon na pad+ma dmar po dang / zhags pa dang / ril ba spyi blugs bsnams pa'o/ /yang na phyag bzhi pa bsgom par 'dod na g.yas pa mchog sbyin dang / zhags pa'o/ /g.yon na pad+ma dmar po dang dbyu gu rtse gsum bsnams pa'i bcom ldan 'das don yod pa'i zhags pa'o//ji ltar phyag bcu gnyis pa bsgoms pa de bzhin du phyag bcu pa dang / de bzhin du drug pa dang / de bzhin du phyag bzhi pa'o/ /bzhi po rnams kyi 'khor dang bcas pa'o/ /de la mdun du pad+ma dang zla ba la ha yig dmar po las lcags kyu de yongs su gyur pa las don yod lcags kyu zhes pa skya rengs gsar pa'i mdog lta bu ral pa'i cod pan dang ldan pa/rgyan dmar po can/ rgya nag gi gos kyis bla gos su byas pa phyag bzhi pa ste/ g.yas pa dag na lcags kyu dang rdo rje'o/ /g.yon pa dag na zhags pa dang / pad+ma bsnams pa'o/ / g.yas phyogs na pad+ma dang nyi ma la btsod kyi kha dog lta bu'i hUM yig las skyes shing pad+mas mtshan pa'i dbyug pa dkar po las skyes pa'i rta mgrin bskal ba'i me dang nyi ma 'bar ba lta bu'o/ /sma ra dmar ser 'bar zhing 'khyil pa/ smin ma 'khyog cing khro gnyer bsdus shing 'bar ba zhal 'jigs shing hUM zhes sgrogs pa spyan gsum 'bar ba'i skra can/hi hi'i sgra sgrogs pa dbu'i steng du rta mgo ljang gu'i zhal byas pa/ sku la sbrul gyi rgyan gyis brgyan pa/ thung zhing gsus pa che ba/ phyag bzhi dbyig pas brgyan pa/ g.yas pa dag na dbyug pa 'phyar ba dang rdo rje bsnams pa/ g.yon pa dag na sdigs mdzub dang / pad+ma bsnams pa/ stag gi pags pa'i sham thabs can no/ /rgyab tu chu skyes la ha yig sngon po/ /de las ral gri/ de las skyes pa'i lha mo ral pa gcig ma/ ral pa dmar ser gcig tu 'khyil pa/ khro mo'i rnam pa can/glang po che'i pags pa'i stod g.yogs can/ stag gi pags pa'i sham thabs can/ sbrul gyi rgyan gyis sku la brgyan pa/ spyan gsum pa/ dzam+bu nA da'i dpal 'dzin cing phyag bzhi pa/ g.yas pa dag na ral gri dang / gri gug dang / g.yon pa dag na ut+pa la dang /thod pa bsnams pa'o/ /g.yon phyogs na chu skyes dang zla ba'i steng du Ta yig ser po las chu skyes/ de yongs su gyur pa las khro gnyer can ral pa'i thor tshugs can gzhon nu dar la bab pa mdzes shing sku mdog ser mo/ dar dkar po'i na bza' sku la gsol ba/lha'i rgyan gyis brgyan pa/ phyag g.yas pa dag na pad+ma dang phreng ba bsnams pa/ g.yon pa dag na dbyu gu dang ril ba spyi blugs bsnams pa bsam par bya'o/ /de nas snying gar zla ba dang / pad+ma'i sa bon las 'od zer gyi dra ba 'phros pas/ sangs rgyas dang byang chub sems dpa'i tshogs gdan drangs te/mchod pa la sogs pa sngon du 'gro bas phyag rgya dang sngags kyis gzhug pa dang bcing bas yang dag par mnyes shing lus la sogs pa byin gyis brlabs nas/ 'od dpag tu med pa la sogs pa'i de bzhin gshegs pa rnams kyis dbang bskur bar blta bar bya'o//dbang bskur ba ni zhes pa la sogs pas des spros nas gos dkar mo la sogs pa rig ma'i tshogs rnams kyis yal ga dang bcas pa'i bum pa 'dzin pas dbang bskur ba'i tshigs su bcad pa brjod cing dbang bskur bar bsgom par bya zhing rgyal ba 'od dpag tu med pas dbu brgyan par bsam par bya'o//bdud rtsis mchod cing ro myang bar bya'o/ /snying ga'i zla ba'i 'od zer gyi sgo nas 'thon te sna tshogs pa'i sku gzugs 'phros nas 'gro ba rnams kyi bsam pa ji lta ba'i mngon par 'dod pa'i 'bras bu rdzogs par byas nas/cho ga 'dis sngags bzlas par bya'o/ /snying ga'i sa bon gyi 'od zer gyi nor bu bzhin du kha nas thon nas lte bar 'jug cing yi ge'i phreng bar bsam par bya'o/ /spyan ras gzigs dbang phyug don yod zhags pa'i sgrub thabs rdzogs so//