CLOSE WINDOW

D3412
བོད་ཡིག

@##/ /rgya gar skad du/ Ar+ya khar+sa pA Ni sA d+ha naM/ bod skad du/ 'phags pa mkha' spyod kyi sgrub thabs/ 'phags pa mkha' spyod la phyag 'tshal lo/ /sdug bsngal can gyi mgon gyur pa'i/ /mgon po mkha' spyod la phyag 'tshal/ /de yi sgrub thabs bsdus pa las/ / cung zad rgyas par bri bar bya/ /dang po re zhig sngags pas rkang pa dang / lag pa la sogs pa chus bkrus shing mchog tu gtsang bar byas nas ri phug skye bos dben par gnas te/ kha bsang bar bya'o/ /kha cig nas yid dang mthun pa'i gnas su 'jam zhing yangs pa'i gdan la nye bar 'dug nas/rang gi snying gar dbyangs yig dang po yongs su gyur pa las zla ba'i dkyil 'khor yid kyis bsam par bya ste/ de'i dbus su ston ka'i zla ba brgya'i 'od zer gyi phreng ba rab tu 'bar ba'i hrIHyig gi sa bon blta bar bya'o/ /de nas yang hrIHyig gi sa bon las 'phros te/ 'gro ba rnams kyis ma rig pa'i mun pa 'joms par byed cing 'od zer gyi lcags kyu'i rnam par 'phros te/phyogs bcu mtha' yas pa'i 'jig rten gyi khams na bzhugs pa rnams thams cad snang bar mdzad nas/ de na bzhugs pa'i yang grangs med dpag tu med pa'i bla ma dang / sangs rgyas dang / byang chub sems dpa' rnams spyan drangs nas mdun gyi nam mkha' la bzhugs par bya'o//phyi nas de rnams nam mkha'i phyogs su 'khod cing / mchog gi snying rje dang ldan pa'i bla ma dang / sangs rgyas dang / byang chub sems dpa' rnams la me tog dang / spos dang / mar me dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / dril bu dang / ba dan la sogs pa shin tu phul du byung ba'i mchod pa'i rnam pas mchod cing / sdig pa bshags par bya'o/ /gang zhig skye ba 'di dang / skye ba gzhan rnams su thog ma dang tha ma med pa'i 'khor ba nas 'khor ba'i skye gnas rnams su bdag gi lus dang ngag dang yid kyis kyang sdig pa'i las ci bgyis pa dang /bgyid du stsal ba dang / rjes su yi rang bar bgyis pa de rnams thams cad 'jig rten gsum gyi mgon po bcom ldan 'das spro ba chen po rnams dang / bla ma dang / sangs rgyas dang byang chub sems dpa' rnams kyi spyan sngar so sor bshags par bgyi'o/ /cho ga 'dis so sor bshags shing slar yang mi byed pa'i sdom pa 'dzin cing bsod nams la rjes su yi rang bar bya ste/ rdzogs pa'i sangs rgyas dang / rang rgyal dang / nyan thos rnams dang / byang chub sems dpa' rnams dang /gang zhig 'jig rten gsum na mchis pa'i dge ba thams cad la rjes su yi rang ngo / /de'i rjes su dkon mchog gsum la skyabs su 'gro bar bya ste/ rkang gnyis rnams kyi mchog sangs rgyas la skyabs su mchi'o/ /'dod chags dang bral ba rnams kyi mchog chos la skyabs su mchi'o//tshogs rnams kyi mchog dge 'dun la skyabs su mchi'o/ /phyi nas lam la brten pa ni rdzogs pa'i sangs rgyas kyis gsungs pa'i lam la bdag gis bsten gyi gzhan ni ma yin no/ /de nas gsol ba gdab par bya ste/ sangs rgyas bcom ldan 'das rnams dang de'i sras byang chub sems dpa' chen po rnams kyang yongs su mya ngan las mi 'da' zhing 'khor ba ma stongs kyi bar du sems can gyi don mdzad du gsol/de'i rjes su bskul ma gdab par bya ste/ rnam pa de bzhin du bcom ldan 'das de bzhin gshegs pa rnams kyis bla na med pa'i chos gsung bzhin bstan pas gang gis myur du sems can rnams 'khor ba'i rgya mtsho gting mtha' med pa las bsgral du gsol/gsol ba btab pa'i rjes su de nas bsod nams yongs su bsngo bar bya'o/ /bla na med pa'i mchod pa rnam pa bdun gyis mchod nas gang de bzhin du dge ba'i rtsa ba bskyed pa rnams de bzhin du bdag gis rdzogs pa'i byang chub tu yongs su bsngo bar bgyi'o//yang na bsdus nas bla na med pa'i mchod pa rnam pa bdun gsungs te/ tshigs su bcad pa 'di bklag par bya'o/ /lus dang ngag dang yid kyis gang bgyis pa'i/ /sdig rnams rgyal ba rnams kyi spyan sngar bshags//'jig rten gsum gyi dge ba thams cad la/ /rab tu dga' bas rtag tu rjes yi rang / /dkon mchog gsum la rtag tu bdag skyabs mchi/ /rgyal ba'i gsung la skyabs shing bsten par bgyi/ /ji srid srid pa brtan gyur de srid du/ /skye dgu'i yab rnams mya ngan mi 'da' zhing //'dir yang rtag tu sems can don mdzad cing / /sangs rgyas sras bcas de rnams bzhugs su gsol/ /the tshom mthar byed ji lta ba yi chos/ /kye kye mthu chen khyod kyis bstan du gsol/ /'khor ba'i rgya mtshor 'gro rnams lhan cig der/ /gang gis pha rol 'gro zhing bde bsags pa//bsod nams rab tu gang bsags 'di kun kyang / /rdzogs pa'i byang chub bdag gis bsngo bar bgyi/ /rgyal ba rnams dang de yi sras/ /bdag dang 'gro ba'i bla ma la/ /bdag gis dngos po thams cad ni/ /thams cad du ni dbul bar bgyi/ /zhes pa 'dis mchod pa rnam pa bdun gyis mchod nas/oM AHhUM muHzhes pas gshegs su gsol/ de nas tshad med pa bzhi ni byams pa dang / snying rje dang / dga' ba dang / btang snyoms kyi mtshan nyid rnams ni 'og nas 'chad par 'gyur ba'i rim pas bsgom par bya'o/ /de la 'dir byams pas ni sems can thams cad la shin tu phan par byed cing /bu gcig pa ltar mnyes gshin pa'i mtshan nyid can no/ /snying rje ni ci 'dra na/ gting mtha' med pa'i 'khor ba'i rgya mtsho'i nang du lhung ba'i mtha' yas pa'i sems can gyi khams bdag gis yang dag par gdon par 'dod pa'i bsam pa can no/ /yang dga' ba ni ci 'dra na/khams gsum na gnas pa'i sems can rnams kyang gang zhig legs par spyod pa de rnams la de'i longs spyod kyi dbang phyug la sogs pa rnams la sems dga' ba'o/ /gang 'dir btang snyoms ni khong khro ba dang / rjes su brtse ba dag nges par bcings shing phan pa dang / gnod par byed pa spangs nas sems can rnams la mchog tu phan par spyod pa ste/tshad med pa bzhi sgom zhing / de nas chos thams cad kyi rang bzhin yongs su dag par bsam par bya'o/ /chos thams cad 'di bzhin du rang bzhin ngo bo nyid med cing yongs su dag pa'o zhes pa la sogs pa mngon du bya'o/ / 'di bzhin du chos thams cad rang bzhin yongs su dag cing / oM swa b+hA wa shud+d+haHsarba d+harmAHswa b+hA wa shud+d+hou0f85haM zhes pa 'dis brtan par bya'o/ /chos thams cad rang bzhin yongs su dag pa la gsar du sgrib par mi 'gyur ro zhe na/ bden te/ gzhan 'dir 'gyur ba dang mi 'gyur ba de bzhin du gang las 'gyur ba ni 'khor ba'i rgyu 'dod chags la sogs pa'i dri ma sna tshogs pa'i phyir slar yang chos thams cad kyis ji ltar med par 'gyur na/khyad par du 'phags pa'i lam bsgom pa des 'gog ste/ de'i phyir bcom ldan 'das kyis 'gog pa mngon du bya zhes so/ /de'i phyir na chos thams cad rang bzhin gyis yongs su dag pa zhes bya ba la sogs pa'i tshig las bskyed pa bzhin no//'dir mang po smras pas ci zhig bya/ chos thams cad kyi rang bzhin yongs su dag pa mngon du bya ba'i phyir/ chos thams cad stong pa nyid do zhes bsgom par bya'o/ /de la 'dir stong pa nyid ni yid tsam gyis de bzhin du 'dir de dang de'i rnam pas bdag nyid snang zhing so sor gsal bar bya ste/dper na rmi lam bzhin no/ /phyi rol du yid kyis gzung ba med de yid kyis so/ /gzung ba'i dngos po med na 'dzin pa'i yid kyang med do/ /de'i phyir chos thams cad kyang yid kyi rang bzhin no//de rnams kyi gzung ba dang 'dzin pa la sogs pa'i rtog pa'i spros pa mtha' dag ji snyed pa/ don dam pa stong pa nyid kyi de kho na nyid do/ /'di'i don gnyis su med pa'i snang ba tsam gyi bdag nyid du g.yo ba dang / mi g.yo ba'i 'gro ba thams cad bsam par bya'o/ /'dir de bzhin du stong pa nyid ni/oM shU n+ya tA dz+nyA na badzra swa b+ha wa At+ma kou0f85haM zhes pa'i sngags 'dis byin gyis brlab par bya'o/ /ri dwags kyis mtshan pa'i dri ma dang bral ba'i mtshan mor byed pa'i dkyil 'khor gyi steng du shin tu dkar zhing dkar ba'i hrIHyig gi sa bon las bcom ldan 'das dpal ldan mkha' la g shegs pa'i 'jig rten dbang phyug ston ka'i zla ba dri ma med pa'i dkyil 'khor brgya shar ba ltar shin tu dkar ba'i sku can/mchog tu sgeg pa'i nyams 'bar zhing yid du 'ong ba/ rin po che sna tshogs pa la sogs pas brgyan cing rnam par spras pa'i sku mnga' ba/ ral pa'i cod pan 'dzin pa/ pad+ma dkar po rgyas pa'i spyan mnga' ba/bcom ldan 'das 'od dpag tu med pa rgyal ba'i rin po ches dbu rnam par mdzes pa/ gangs kyi bye ma'i chus bkrus pa bzhin dkar ba'i na bza' sku la bsnams pa/ shing rta'i 'khor lo'i tshad tsam pa'i shin tu yid du 'ong ba'i chu skyes dkar po'i steng na gnas pa'i ri dwags kyi mtshan ma dang bral ba'i zla ba'i dkyil 'khor gyi gdan la skyil krung phyed pas bzhugs pa/phyag g.yas pa mchog sbyin/ g.yon pa yid 'phrog pa'i pad+ma dkar po kha 'bus pa bsnams pa/ de lta bur gyur pa'i bcom ldan 'das kyi skur bdag nyid bskyed cing bsgom par bya'o//bcom ldan 'das kyi g.yas phyogs logs su 'phags ma sgrol ma dang nor bzangs so/ /g.yon phyogs logs su khro gnyer can dang rta mgrin bsgom par bya'o zhes so/ /mgo bor dri ma med pa'i zla ba'i dkyil 'khor gyi steng du oM yig go/ /de'i rjes su mgrin par dri ma med pa'i zla ba'i dkyil 'khor gyi steng du AHyig go//snying gar dri ma med pa'i ku mu ta'i gnyen gyi dkyil 'khor gyi steng du hUM yig blta bar bya'o/ /de'i rim pa 'dis ji srid 'dod kyi bar de srid bsgom par bya'o/ /de'i rjes la de bzhin du dam tshig sems dpa'i gzugs kyis bcom ldan 'das 'jig rten mgon po'i thugs kar ri dwags kyi mtshan ma dang bral zhing dri ma med pa'i ri bong 'dzin pa'i dkyil 'khor gyi steng du smin drug gi zla ba'am/kun da'i mdog lta bu'i hrIHyig gi sa bon las skyes pa'i 'od zer khor yug gi mthar thug par 'phros te/ 'jig rten gsum gyi mi shes pa'i mun pa bcom par gyur nas/thog ma med pa nas yang dag par bsgrubs pa'i bcom ldan 'das ye shes sems dpa'i sku shin tu ring po nas nam mkha'i phyogs su gdan drangs shing bkug ste/ de bzhin du bcom ldan 'das mdun gyi nam mkha'i phyogs su bzhugs nas rin po che sna tshogs pas spras pa'i gser gyi snod du dri bzang gi chu dang /dri zhim po'i me tog bcug ste/ des de bzhin du gdan drangs pa'i ye shes sems dpa'i sku bcom ldan 'das 'jig rten mgon po'i zhabs la mchod yon phul nas/ de'i rjes su lha'i me tog dang /spos dang / mar me dang / zhal zas dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / dril bu dang / ba dan la sogs pa rnams kyis phyi dang / gsang ba'i mchod pa dang / phyi rol gyi sna tshogs pa'i rim pas de bzhin du bcom ldan 'das ye shes sems dpa'i bdag nyid la mchod par bya'o//slar yang mngon par mchod cing bstod nas dzaHhUM baM hoHzhes pa'i yi ge bzhi po 'di'i phyag rgya blta bar bya'o/ /cung zad thal mo gug por sbyar nas gung mo rtse mor byas te/ sor mo'i lhag ma rnams cung zad kha bsdus shing kha mngon du byas te/cung zad ma reg par gzung bar bya'o/ /mthe bo dang mdzub mo dag nye bar gnas shing chu skyes kha bye ba'i phyag rgya'o/ /phyag rgya 'dis de bzhin du gdan drangs nas bcom ldan 'das ye shes sems dpa'i mtshan nyid yongs su mnyes par byas nas/ yang dam tshig sems dpa'i gzugs la bcom ldan 'das nang du bsgom par bya'o//oM AHhUM zhes pa 'dis gnyis su med pa 'di dag nyid lhag par mos par bya'o/ /de'i rjes la ri dwags kyi mtshan ma dang bral ba'i zla ba'i dkyil 'khor gyi dbus su thim zhing / dri ma med pa'i rtsa'i dbang po'i dkyil 'khor brgya'i 'od zer gyi tshogs 'bar ba'i hrIHyig gi sa bon las rnam par 'phros nas grangs med gzhal du med pa'i bcom ldan 'das dpal khar+sa pA Ni 'jig rten dbang phyug rje btsun phyogs bcu nas byon zhing dpag tu med pa'i 'jig rten gyi khams kyi nam mkha' la bzhugs nas/yang de na gnas pa'i sems can rnams la gser dang /rin po che dang / mu tig dang / mu men dang / byi ru dang / be+e DUr+ya dang / in+d+ra nI la la sogs pa'i rin po che'i char phab nas/ dbul ba la sogs pa'i sdug bsngal bcom zhing / bla na med pa'i dpal 'byor la bkod nas/ bdag med pa la sogs pa'i chos gsungs pas bdud rtsi'i rgyun bab pa des yang dag par tshim par byas nas slar yang rgyun mi 'chad par sna tshogs pa'i rab tu byed pas/gzhan gyi don mdzad nas 'gro ba rnams kyang bcom ldan 'das 'jig rten dbang phyug gi gzugs su bskyed nas/ de la yang bsil zer byed pa'i dkyil 'khor gyi dbus su shel dang /nor bu'i 'od zer phreng ba lta bu'i hrIHyig gi sa bon bkod nas/ de bzhin du bcom ldan 'das nang du yang dag par zhugs par gyur te/ de lta bu la sogs pa spro ba dang bsdu ba'i rim pas ji srid ngal bar ma gyur pa de srid du bsgom par bya'o//de nas yang bsgoms pas ngal na sngags bzlas par bya'o/ /de la sngags ni 'di'o/ /oM hrIHswA hA sngags gang bcom ldan 'das 'jig rten mgon po'i snying po thun mong ma yin pa'i mthu dang ldan pa de dag gis de bzhin du sngags kyi rgyal po ste/ thams cad kyis de bzhin du rgyal ba mchog rnams kyis mngon par mchod pas bkur sti dang phyag bya'o zhes so//ting nge 'dzin las langs nas 'gro ba rnams 'jig rten dbang phyug gi skur blta zhing / de'i nga rgyal byas nas ji ltar 'dod pa bzhin gnas par bya'o zhes so/ /cho ga 'dis bcom ldan 'das mang du bsgoms na/ ral gri la sogs pa'i dngos grub mtha' dag mngon du byed cing zhabs kyi drung du yang dag par 'byung zhing 'jug na/ gzhan dngos grub phra mo smos ci dgos te/ nges par 'byung ngo / /gang zhig skye bos dben pa'i nags tshal dang / dur khrod dang / ri'i phug rnams su gnas nas bcom ldan 'das sgom pa de rnams kyis yun mi ring bar de bzhin du 'dir nges par bcom ldan 'das mngon du byed de/bcom ldan 'das rang nyid kyis de rnams kyi dbugs 'byin pa dang rab tu dbugs 'byin pa la sogs pa ster bar mdzad do/ /nges par zhugs na mang po smras pas ci zhig bya/ /mchog tu shin tu rnyed par dka' ba'i sangs rgyas nyid kyang de rnams kyi lag pa'i mthil na/rag chung gi 'bras bu gzhag pa bzhin du 'gyur ro zhes so/ /dpal ldan mkha' spyod 'jig rten mgon/ /mchog gi sgrub thabs byas pa yis/ /bsod nams gang bsags de yis ni/ /'jig rten thub pa'i drung 'gro shog /dpal ldan mkha' spyod 'jig rten dbang phyug gi sgrub thabs cung zad rgyas par mdzad pa/