CLOSE WINDOW

D3406
བོད་ཡིག

/yi ge drug ma'i sgrub thabs/ dpal lhan cig skyes pa'i rol pas mdzad pa rdzogs so//[ ]@##/ /rgya gar skad du/ Sha Ta k+Sha ra sA d+ha naM/ bod skad du/ yi ge drug pa'i sgrub thabs/ 'phags pa spyan ras gzigs dbang phyug la phyag 'tshal lo/ /mgon po pad+ma'i rigs las byung //thams cad mkhyen pa'i cod pan can/ /nad rnams thams cad zhi ba'i phyir/ /phyag btsal nas ni sgrub thabs brtsam/ /dang por re zhig dngos grub slob dpon gyi rjes su 'jug pas/ de'i phyir thams cad du sgom pa dang / bla ma'i mchod pa la brtson par bya ste/ bla ma yongs su mnyes pas thams cad du las rnams 'grub par 'gyur zhing dkyil 'khor du rab tu zhugs pas dngos grub thob par yang 'gyur te/ rang gi dam tshig dang sdom pa bsrungs pas nges par dngos grub thob bo/ /sngon du kha bsang ba la sogs pa byas nas lha khang du rje btsun gyi thang sku la sogs pa bkram nas rang gi thugs kar dang po'i yi ge las zla ba'i dkyil 'khor/de'i steng du brgyad pa'i bzhi pa'i sa bon la bdun pa'i gnyis pa'i gdan dang / dang po'i bzhi pas brgyan cing / bcu drug pa dang yang dag par ldan pa kha dog dkar zhing yid du 'ong ba'o/ /de las sna tshogs pa'i 'od zer 'phros te/'od zer de rnams kyi tshogs las bla ma rdzogs pa'i sangs rgyas kyi skur bsgoms nas mchod pa dang / phyag dang bstod pa bya ste/ sngags 'dis so/ /oM badzra puSh+pe hUM/ oM badzra d+hU pe hUM/ oM badzra dI pe hUM/ oM badzra gan+d+he hUM/ oM badzra nai bi d+ye hUM/ zhes so//de nas/ dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /sangs rgyas chos dang tshogs mchog la/ /byang chub bar du bdag skyabs mchi/ /rang gzhan don ni rab sgrub phyir//byang chub sems ni bdag gis bskyed/ /byang chub mchog tu sems bskyed nas/ /sems can thams cad mgron du gnyer/ /mngon 'dod byang chub mchog spyad pas/ /'gro la phan phyir sangs rgyas shog /smon pa sngon du 'gro bas chos thams cad bdag med par bsgom par bya'o//oM shU n+ya tA dz+nyA na badzra swa b+hA wa At+ma kou0f85haM/ zhes so/ /sa bon sgyu ma'i dper byas nas/ /khams gsum pa ni ma lus pa/ /blta zhing reg nas de bzhin du/ /ji ltar thams cad sgyu ma bzhin/ /thams cad de bzhin dmigs med pas/ /'gro ba gnas pa rtag tu grol/ / des na thog ma med pa'i dus nas rnam rtog ngan pa'i sa bon las byung ba'i rang bzhin las grol bar byas te/ oM swa b+hA wa shud+d+haHsarba d+harmAHswa b+hA wa shud+d+hou0f85haM/ de nas sngon du gsungs pa'i sa bon yongs su gyur pa las pad+ma'o/ /de'i steng du hrIHyig de thams cad yongs su gyur pa las dpal ldan 'jig rten mgon po rdo rje dang /pad+ma'i snying po la zla ba'i steng du rdo rje skyil krung gis bzhugs pa/ ri bong 'dzin pa'i 'od zer lta bu/ kun+da dang zla ba'i kha dog 'bar ba las/ ral pa'i cod pan can zhi zhing 'od dpag tu med pas dbu brgyan pa/ stag gi pags pa'i sham thabs bsnams pa/phyag bzhi pa sna tshogs pa'i rgyan gyis brgyan pa/ phyag g.yas na bgrang phreng bsnams pa/ phyag g.yon na pad+ma dang nor bus rnam par brgyan pa/ phyag gnyis thal mo sbyar ba/ rgyal ba'i dbang po kun gyi phyag rgya thugs kar gnas pa'o/ /de nas nga rgyal bsgom par bya ste/bdag nyid 'jig rten dbang phyug go/ /zhes so/ /de nas ji ltar nye bar bstan pas ye shes sems dpa' spyan drangs te/ rang gi sngags kyis mchod yon dang zhabs bsil la sogs pa phul te/ phyag rgya bsdus nas gcig tu byas te/ sngags 'dis lhan cig tu dgod do//oM su ra ta s+t+waM/ badzra a la la la la ho/ sa ma ya s+t+waM/ sa ma ya s+t+waM/ sa ma ya s+t+waM/ a haM zhes so/ /ji ltar nye bar bstan pas dbang bskur ba dang / go cha dang / dar dpyangs bcings pas lhag par grol bar 'gyur ro/ /dus thams cad du mchod pa dang / bstod pa dang /bsgom pa sngon du 'gro bar byas nas bzlas pa bya'o/ /rang gi snying gar zla ba'i steng du yi ge drug pa 'od zer gyi phreng ba bzhin du byas pa'i khyim gyi nang du blta bar bya'o/ /sngags ni oM ma Ni pad+me hUM zhes pa yi ge 'bum du bzlas so/ /de nas gnyis pa dang gsum pas sdig pa dag par 'gyur ro//mtshams med pa lnga byed pas kyang bye ba bzlas pas dngos grub tu 'gyur ro/ /de las ldang bar 'dod na mchod yon la sogs pa phul nas/ khyad par 'phags pa'i nga rgyal gyis gnas par bya'o/ /thun mtshams bzhir bzlas shing dge ba'i rtsa ba mngon par 'dod pa'i dngos grub tu bsngo'o//nam phyed nas ye shes sems dpa' gshegs su gsol la yi ge brgya pa brjod cing / lus dang / ngag dang / yid bsrung bar byas nas ci bder gnas par bya ste/ gal te nad la sogs pa zhi bar 'dod na/ de la ji ltar nye bar bstan pas skar ma rgyal las lam lhung ba'i ba'i lci bas rje btsun gyi drung du maN+Dal gru bzhi bya ste/mngon par 'dod pa la yi ge drug pa dang sbyar nas lan brgya rtsa brgyad bzlas par bya'o/ /zla ba drug gis the tshom med par 'grub bo zhes so/ /za ma tog bkod pa'i man ngag gis mdzad pa'i yi ge drug pa'i sgrub thabs rdzogs so// //