CLOSE WINDOW

D3405
བོད་ཡིག

oM AHbadzra hUM swA hA/ zhes so/ /rdo rje gdan gyi sgrub pa'i thabs rdzogs so//[ ]@##/ /rgya gar skad du/ Ar+ya Sha Ta k+Sha rI ma hA bid+yA sA d+ha naM/ bod skad du/ 'phags pa yi ge drug ma rig pa chen po'i sgrub thabs/ 'jig rten mgon po la phyag 'tshal lo/ /dang por re zhig sngags pas stan bde ba la 'dug ste/kha bsang ba la sogs pa byas nas rang gi snying gar zla ba la gnas pa'i hrIHyig dkar po las 'od zer 'phros nas bla ma dang / sangs rgyas dang / byang chub sems dpa' rnams mdun du bltas te yang dag par mchod nas gsum la skyabs su 'gro ba la sogs pa bya ba ni/dkon mchog gsum la bdag skyabs mchi/ /zhes bya ba la sogs pas ji srid sems can rnams dang / sems can gyi khongs su gtogs shing bsdus pa rnams/ sgo nga las skyes pa dang / mngal las skyes pa dang / drod gsher las skyes pa dang / rdzus te skyes pa dang /gzugs can dang / gzugs med pa dang / 'du shes can dang / 'du shes med pa dang / 'du shes yod min med min dang / gang yang cung zad sems can gyi khongs su gtogs shing bgrang ba de dag thams cad bdag gis phung po lhag ma med pa'i mya ngan las 'das pa'i dbyings su gzhag par bya'o//de nas oM swa b+hA wa shud+d+haHsarba d+harmAHswa b+hA wa shud+d+hou0f85haM/ zhes lan gsum brjod par bya'o/ /de'i rjes su skad cig gis stong par dmigs shing / de nas rang gi snying gar pad+ma dkar po'i steng du zla ba'i dkyil 'khor/ de'i steng du hrIHyig dkar po/ de la 'od zer b rgya stong dpag tu med pa 'byung bar bsams la/sems can thams cad kyi dus thog ma med pa nas bsags pa'i 'dod chags la sogs pa'i nyon mongs pa'i tshogs ma lus pa rnam par dag par byas nas/ slar yang de nyid la de bzhin du zhugs nas gang de nyid yongs su gyur pa las bdag nyid 'jig rten dbang phyug gi sku/rgyan thams cad kyis brgyan pa/ sku mdog dkar po phyag bzhi pa g.yon pad+ma bsnams pa/ g.yas na bgrang phreng bsnams pa/ phyag gzhan gnyis thugs kar thal mo sbyar ba/ 'od dpag med kyi ral pa'i cod pan can bsgom par bya'o//g.yas phyogs su nor bu 'dzin pa de dang sku mdog phyag mtshan mtshungs pa pad+ma'i nang gi steng du gnas pa'o/ /de bzhin du g.yon du pad+ma gzhan gyi steng du yi ge drug ma'i rig byed ma chen mo 'jig rten dbang phyug dang 'dra ba'i sku mdog dang phyag mtshan bsgom par bya'o//de nas oM ma hA su kha badzra satwa dzaHhUM baM hoHsu ra ta s+t+waM/ a la la la la ho/ aHaHaHAHzhes bya bas byin gyis brlabs pa'i sngags kyi rgyal po brjod par bya'o/ /de bzhin du bsgoms nas de nas 'jig rten dbang phyug gi thugs kar zla ba'i dkyil 'khor gyi rnam pa la bgrang phreng gi rnam pa lta bu kha dog dkar po zhal nas phyung ste/lte bar 'jug cing 'khor lo ltar 'khor ba'i sbyor bas/ sangs rgyas thams cad kyi snying po rtog pa'i sngags kyi rgyal po yid bzhin gyi nor bu 'di mtshan ma med pa'i sbyor bas blta zhing de nas bzlas pa bya'o/ /de nas 'khor zhing 'dzag pa la sogs pa thob nas dad pa dang /snying rje dang ldan zhing bla ma la gus pa'i rnal 'byor pas dus mi ring bas dngos grub tu 'gyur ro/ /oM ma Ni pad+me hUM zhes bya ba'i sngags bzlas par bya'o/ /de nas ldang ba'i dus su sngags kyi rgyal po 'di brjod nas ldang bar bya'o/ /oM badzra satwa sa ma ya/ ma nu pA la ya/badzra satwa twe no pa tiSh+Tha dr-i D+ho me b+ha ba/ su to Sh+yo me b+ha ba/ su po Sh+yo me b+ha ba/ a nu rak+to me b+ha ba/ sarba sid+d+him+me pra yats+tsha/ sarba karma su tsa me/ tsit+taM shre yaHku ru hUM/ ha ha ha ha hoH/ b+ha ga wA na sarba ta thA ga ta badzra mA me muny+tsa badzrI b+ha ba ma hA sa ma ya satwa AHzhes brjod nas ci bder gnas par bya'o/