69b5 /[ ]@##/ /rgya gar skad du/ badzrA sa na sA d+ha naM/ bod skad du/ rdo rje gdan gyi sgrub thabs/ dpal rdo rje gdan la phyag 'tshal lo/ /dang por kha la sogs pa bsang ba'i cho ga byas nas rang gi snying gar a yig yongs su gyur pa las zla ba
69b6 la hUM yig ser po blta bar bya'o//de'i 'od zer gyis bla ma dang / sangs rgyas dang / byang chub sems dpa' la sogs pa rnams bkug nas mchod par bya'o/ /de nas yang sdig pa bshags pa la sogs pa'i cho ga byas nas/ stong pa nyid mngon du byas te de'i sngags kyis byin gyis brlab
69b7 par bya'o//de nas sngon gyi smon lam gyis yang dag par bskul nas gzugs kyi sku mngon par sprul nas sems can gyi don gyi phyir zla ba'i dkyil 'khor gyi dbus su hUM yig ser po bltas nas/ a yig la sogs pa'i dbyangs dkar po bcu drug gis bskor te/ de nas phyi rol du ka yig
70a1 la sogs pa'i yi ge'i tshogs dkar po rnams kyis bskor ba'o//de thams cad yongs su gyur pa las zla ba'i dkyil 'khor/ de'i steng du hUM yig las skyes pa'i rdo rje'o/ /de thams cad yongs su gyur pa las rdo rje ser po'i gdan gyi bdag nyid bsgom par bya'o/ /
70a2 de'i steng du sangs rgyas bcom ldan 'das phyag g.yas pa sa gnon gyi phyag rgya/ g.yon pa pang du bzhag pa/ sku la ngur smrig gi na bza' bsnams pa/ sngon po dang / ser po dang / dmar po dang / ljang gu ste/ bdud bzhi'i steng du sna tshogs pad+ma dang rdo rje la bzhugs pa/ zhi zhing mtshan dang dpe
70a3 byad kyis spras pa'i sku'o//bcom ldan 'das de'i g.yas su byang chub sems dpa' byams pa ser po phyag gnyis pa ral pa'i cod pan bcings pa/ phyag g.yas na rin po che'i rnga yab bsnams pa/ g.yon na klu shing gi yal ga me tog dang bcas pa bsnams pa'o/ /de bzhin du g.yon na 'jig
70a4 rten dbang phyug dkar po phyag g.yas na rnga yab bsnams pa/phyag g.yon na chu skyes bsnams pa/ bcom ldan 'das la zhal blta ba gzhan dag bsgom par bya'o/ /de nas yan lag drug tu yi ge dgod par bya ste/ bcom ldan 'das kyi spyan dag la zla ba la gnas pa'i k+ShiM yig dkar po'o/ /
70a5 snyan dag la ri bong 'dzin pa la gnas pa'i dzr-IM yig sngon po'o/ /shangs kyi bu ga la zla ba la gnas pa'i khaM yig ser po'o/ /ljags la zla ba la gnas pa'i gaM yig dmar po'o/ /dpral ba la zla ba la gnas pa'i kaM yig sngon po'o/ /nu ma'i dbus su zla ba la gnas pa'i saM yig dkar po bsam
70a6 par bya'o//de'i rjes su ye shes sems dpa' bsgoms nas spyi bor zla ba'i dkyil 'khor gyi steng du oM yig las skyes pa'i 'khor lo rtsibs brgyad pa dkar po'o/ /de'i steng du zla ba la gnas pa'i oM yig go/ /mgrin par zla ba'i steng du AHyig las skyes pa'i pad+ma 'dab ma brgyad pa de'i dbus su
70a7 zla ba la gnas pa'i AHyig go//snying gar zla ba la gnas pa'i hUM yig las skyes pa'i rdo rje rang gi sa bon gyi snying po can no/ /lus dang ngag dang yid rnam par dag pa ste gsum po bsgom par bya'o/ /ji srid du bcom ldan 'das bsgoms pas skyon sngags bzlas par bya'o/ /de la sngags ni
'di yin te/