CLOSE WINDOW

D3401
བོད་ཡིག

/dam tshig gsum gyi rgyal po'i sgrub thabs rdzogs so/ /paN+Di ta chen po ku mu ta 'byung ba'i blo gros zhabs kyis mdzad pa rdzogs so//[ ]@##/ /rgya gar skad du/ t-I sa ma ya rA dza sA d+ha naM/ bod skad du/ dam tshig gsum gyi rgyal po'i sgrub thabs/sangs rgyas dang byang chub sems dpa' thams cad la phyag 'tshal lo/ /mi mnyam mi g.yo shin tu yang dag chos kyi snying / /snying rje'i bdag nyid 'gro ba rnams kyi sdug bsngal 'joms/ /mnyam med yon tan kun dang dngos grub ster mdzad pa/ / dri med mi g.yo mtshungs med rab mchog chos rnams ni/ /nam mkha' dang mtshungs de rnams dpe med yon tan gyi/ /cha shas rdul phran zegs mas kyang ni mtshams med pa/ /rtag tu sems can khams byed dngos grub sbyin pa po/ /dpe dang bral zhing ma lus pa yi dngos grub rnams/ / rtag tu dri med snying rje'i shugs kyis langs nas ni/ /smon lam grub cing 'gog pa med pa'i chos nyid do/ /'gro ba'i don du sgrub thabs gzhan yang mtha' med pa/ /brtse ba chen po'i bdag nyid rtag tu rnam par mdzes/ /'gag med snying rje'i spyod pa g.yo ba med pa yis/ /'jig rten gsum bgrod mchog gi dngos grub sbyin pa po//gzhal bya gzhal byed dang bral legs par yongs rdzogs shing / /kye ma chos nyid der 'jug legs par khong du chud/ /dam tshig gsum mchog dngos grub mchog sbyin ster mdzad pa/ /sbyin pa'i mchog de bdag la rtag tu legs par stsol/ / 'jig rten gsum kun mchog sbyin mchog gi sgrub pa po/ /mgon po dus gsum gshegs rnams kun nas sgrib med pa/ /dam tshig gsum rgyal rtog par gsungs/ /rdor 'dzin glu dang bstod pa bya/ /de 'dir sangs rgyas thams cad kyi/ /yon tan rgya chen phul du byung / /lan cig tsam du brjod pas kyang //sngags rnams thams cad nges par 'grub/ /bstod pa'i rgyal po 'di yis ni/ /de bzhin gshegs rnams nges par mnyes/ /dngos grub rgya chen ster bar byed/ /rtog pa la gnas rtog las gsungs/ /mgon po rnam par snang mdzad che/ /mi bskyod rin chen 'byung ldan dang //rgyal ba dag pa 'od dpag med/ /don yod grub pa rgyal po kun/ /ro dang ro bcud de nyid dang / /mchog tu ster bar mdzad pa ste/ /ma lus dngos grub dag dang ni/ /dga' ba rgya chen phun tshogs gnas/ /bsam pa thams cad yongs su gang / /yid kyi 'dod pa yongs su ster//ye shes tshe dang stobs kyi shugs/ /dge ba'i mchog rnams ster ba po/ /zhes so/ /de bzhin du bstod pa 'di rdo rje'i gur gyis brgyan pa/ rnal 'byor rgyud chen po'i rjes su 'brang nas brjod par bya'o zhes so/ /sangs rgyas kun la phyag 'tshal lo/ /sangs rgyas sras kyi rang bzhin dang //dus gsum sangs rgyas phyag 'tshal nas/ /'chad 'gyur dam tshig cung zad rnams/ /dpal ldan dam tshig gsum las gsungs/ /dam chos smad par mi bya zhing / /gang du'ang spang bar mi bya'o/ /rdzogs sangs rgyas dang byang chub sems/ /de rnams mi gus spang bar bya//bla ma'i bka' las 'da' mi bya/ /lus can rnams ni gsad mi bya/ /rang gi sngags dang phyag rgya yang / /don med pa dang nyams mi bya/ /ser sna chang gi btung ba ni/ /thams cad du yang bya ba min/ /rdo rje'i rnam pa mi 'gong zhing / /bza' bar bya ba'ang ma yin no/ /khri yi steng du mi nyal zhing //phyag rgya mi gus spang bar bya/ /bla ma dang ni lha rnams drung / /byis pa'i chos nyid mi bya'o/ /mngon spyod bya ba ma yin zhing / /tshul khrims ldan pa smad mi bya/ /bya min bya ba mi bya zhing / /sdig la rjes su yi rang min/ /rang gzhan rjes su mi mthun pa'i/ / bya ba rnams ni spang bar bya/ /rtog pa chen po'i dam tshig 'di/ /dpal ldan dam tshig gsum las shes/ /'tsho ba 'gyod bcas mi bya zhing / /tshogs smra dga' bas chog par bya/ /the tshom nyid du gyur pa dang / /yo byad yongs su 'dzin pa dang / /le lo dang ni zhum pa'i sems/ /de bzhin bdag la bstod la sogs//bar du gcod pa'i chos rnams su/ /rtog pa'i rgyal po nyid las gsungs/ /nyes pa 'di rnams las nges par grol zhing sngon du gsungs pa'i dam tshig la gnas nas chags pa thams cad spangs te/ dad pa dang brtan pa'i yang dag pa'i byang chub kyi sems kyis 'gro ba gsum po la phan pa dang ldan pa'i lus dang /ngag dang yid rnams kyis byed pa dang / dam tshig gsum las gsungs pa'i sgrub thabs kyi cho gas 'dod pa'i dngos grub tu 'gyur ro/ /rin chen 'byung gnas sbas pa'i zhabs kyis mdzad pa/ dam tshig gsum gyi rgyal po'i sgrub thabs rdzogs so/