བོད་ཡིག |
1a1 @#/
1a1 /mdo sde ha pa bzhugs so/ /
1b1 ##/ /rgya gar skad du/ karma sha ta ka/ bod skad du/ las brgya tham pa pa/ bam po dang po/ thams cad mkhyen pa la phyag 'tshal lo/ /gang las
1b2 'jig rten bla ma bde gshegs thos pa'i sgo nas rab snyan brtan pa'i gsung ldan gyis//sems can rnams la phan pa 'ba' zhig bzhed phyir bshad pa rnam pa sna tshogs rang nyid kyis/ /
1b3 log par lta ba'i mun nag chen po thibs por 'thoms shing 'khrugs pa rnams la rab gsungs pa/ /de yi ming ni las rnam brgya pa zhes bya yongs su tshang ba bdag gis bshad kyis
1b4 nyon//spyi sdom ni/ khyi mo dang ni shing rta dang / /ka tsang ka la byams mi sdug /bya dang 'phye bo gang po dang / /bu rnams dang ni brgya byin no/ /sdom ni/ khyi mo mig chung
1b5 rdzogs byed dang //sgur gnyis 'char ka rgyal mtshan dang / /bde byed ma dang nor bu'i 'od/ /sna ma'i me tog nga byin dang / /'dus mo dang ni tshem bu mkhan/ /khyi mo zhes bya
2a1 ba ni/gleng gzhi mnyan du yod pa na bzhugs te/ de'i tshe mnyan du yod pa na/ khyim bdag phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran
2a2 pa zhig gnas te/mu stegs can la dga'o/ /de nas des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las phyis de'i chung ma la bu chags nas de zla ba dgu'am
2a3 bcu lon pa dang /khye'u gzugs bzang zhing blta na sdug la mdzes pa/ mdog bzang ba gser gyi kha dog can/ mgo bo gdugs ltar 'dug pa lag pa ring ba/ dpral ba'i dbyes che ba/ sna mtho ba sna legs pa smin ma stug pa zhig btsas so/ /de nas de'i
2a4 btsas ston rgyas par byas nas/rigs dang 'thun par ming btags te/ 'o ma dang zho dang mar dang zhun mar dang mar gyi nying gus bskyed bsrings te mtsho'i nang gi pad+ma bzhin du skye drag par gyur to/ /de nas de gang gi tshe 'gro nus par gyur pa de'i tshe de rtser gzhug pa'i phyir
2a5 phas/khyi gu mo zhig khyim du bzhag go/ /khyi gu mo de yang gang gi tshe/ gzhan mu stegs pa dag mthong ba de'i tshe ni rgyug ste za bar byed la gos rnams kyang 'dral bar byed do/ /de ste dge slong dag mthong na ni drung du 'jar zhing lces rkang pa la bldags te/ mjug
2a6 ma dril nas g.yas phyogs su skor ba byed do//sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang / ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa mi 'jigs pa bzhis mi
2b1 'jigs pa 'gro ba lngar 'gro ba las rnam par grol ba/skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan
2b2 pa/yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu/ sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug /su ni nyam nga bar gyur su ni gnod pa dang ldan/
2b3 su ni phongs pa dang nyam nga ba dang gnod pa dang ldan su ni ngan song du gzhol su ni ngan song du 'bab su ni ngan song du bab su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag pa nas drang bar bya/ su ni 'phags
2b4 pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon
2b5 gyis brtol bar bya/su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /
2b6 sangs rgyas bcom ldan 'das rnams ji ltar nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs pa de bzhin du/ nyan thos chen po rnams kyang nyin dus gsum mtshan dus gsum ste/ nyin mtshan dus drug tu nyan thos kyi mig gis 'jig rten
2b7 la lta bar byed de/tshe dang ldan pa shA ri'i bus nyan thos kyi mig gis 'jig rten la bltas na/ khyim bdag 'khor dang bcas pa gdul ba'i dus la bab par mthong nas/ snga dro sham thabs dang chos gos bgos te/ lhung bzed thogs nas mnyan du yod par bsod snyoms la song ngo / /
3a1 de mthar gyis bsod snyoms rgyu ba las khyim bdag de'i khyim ga la ba der song ba dang / khyi mo des tshe dang ldan pa shA ri'i bu thag ring po zhig nas mthong ngo / /mthong nas kyang shin tu rings par langs te/ tshe dang ldan pa shA ri'i bu ga la ba der song nas/ ji ltar dge slong gzhan dag gi
3a2 thad du 'gro ba de bzhin du/tshe dang ldan pa shA ri'i bu'i thad du song nas/ ches gus par lces rkang pa la bldags te/ mjug ma dril nas lan gsum skor ba byed do/ /de yang khyim bdag des mthong ngo / /mthong nas kyang bsams pa/ ma la 'di ltar/ khyi mo log par ltung ba'i lus can 'di yang 'di
3a3 la de lta bu'i bkur sti byed par sems pa las na/dge slong 'di ni bdag nyid chen po zhig yin gor ma chag snyam du bsams te/ ma la bdag gis kyang dge slong 'di spyan drangs la bshos gsol lo snyam du bsams nas tshe dang ldan pa shA ri'i bu ga la ba der song ste phyin nas tshe dang ldan pa shA ri'i bu'i
3a4 rkang pa la phyag 'tshal te/'di skad ces smras so/ /btsun pa shA ri'i bu 'o na 'di nyid du bshos gsol du ci gnang zhes byas nas/ tshe dang ldan pa shA ri'i bus khyim bdag de la cang mi zer bas gnang ngo / /de nas khyim bdag des tshe dang ldan pa shA ri'i bus cang mi zer bas gnang bar rig nas tshe dang ldan pa
3a5 shA ri'i bu'i stan bshams te 'di skad ces smras so//btsun pa shA ri'i bu gdan bshams pa la bzhugs su gsol/ de nas tshe dang ldan pa shA ri'i bu stan bshams pa la 'dug go/ /de nas khyim bdag des tshe dang ldan pa shA ri'i bu bde bar 'dug par rig nas/ rang gi lag nas bza' ba dang
3a6 bca' ba gtsang ma bzang po mang pos tshim par byas te/ci 'dod pa bstabs so/ /rang gi lag nas bza' ba dang bca' ba gtsang ma bzang po mang po rnam grangs du mas tshim par byas te/ ci 'dod pa bstabs pa'i 'og tu sder ni gyu/ lhung bzed ni bkrus par rig nas/ chos mnyan pa'i phyir
3a7 mdun du 'dug go//de nas tshe dang ldan pa shA ri'i bus khyim bdag de 'khor dang bcas pa'i bsam pa dang / bag la nyal dang khams dang rang bzhin rtogs nas de dang 'thun pa'i chos bstan te/ de thos nas khyim bdag de 'khor dang bcas pas 'jig tshogs la lta ba'i ri'i rtse mo mthon po nyi shu
3b1 ye shes rdo rjes bcom nas rgyun du zhugs pa'i 'bras bu mngon sum du byas te/des bden pa mthong nas skyabs su 'gro ba dang bslab pa'i gzhi rnams blangs so/ /de nas tshe dang ldan pa shA ri'i bus khyim bdag de chos kyi gtam gyis yang dag par bstan/ yang dag par 'dzin du bcug /
3b2 yang dag par gzengs bstod/ yang dag pa dga' bar byas nas stan las langs te song ngo / /khyim bdag de yang bden pa mthong bar gyur nas/ sbyin pa dag sbyin zhing bsod nams dag byed do/ /de'i khyim de slong ba'i skye bo rnams kyi chu dong dang 'dra bar gyur to/ /khyim bdag des
3b3 kyang /tshe dang ldan pa shA ri'i bu yang dang yang du khyim gyi nang du bshos gsol bar byed do/ /de nas tshe dang ldan pa shA ri'i bu dang khyim bdag des khyi mo de la kha zas byin nas chos mnyan pa'i phyir mdun du 'dug go/ /khyi mo de yang tshe dang ldan pa shA ri'i bu'i mdun du 'dug nas chos nyan to/ /
3b4 de nas khyim bdag des bsams pa bdag gis legs pa 'di lta bu rtogs pa ci yang rung ba de dag thams cad ni khyi mo 'di'i mthu las byung ba yin no/ /snyam du rig go/ /rig nas kyang de la shin tu skyong bar byed do/ /de nas phyi zhig na khyi mo de nad kyis thebs nas/ shA ri'i bus de la smras
3b5 pa/bu 'di ltar 'du byed thams cad ni mi rtag pa'o/ /'du byed thams cad ni sdug bsngal ba'o/ /chos thams cad ni bdag med pa'o/ /mya ngan las 'das pa ni zhi ba'o/ /nga la sems dga' bar gyis shig dang / dud 'gro'i skye gnas dang 'bral bar 'gyur yang srid do zhes smras nas/
3b6 tshe dang ldan pa shA ri'i bu song ngo / /de song nas ring po ma lon par khyi mo de yang tshe dang ldan pa shA ri'i bu la sems dga' bar gyur nas shi'o/ /de shi 'phos te 'das nas khyim de nyid du khyim bdag de'i chung ma chen ma'i mngal du skyes so/ /de shi ba'i tshe tshe dang ldan pa shA ri'i bu slar khyim der
3b7 'ongs nas/khyim bdag gis tshe dang ldan pa shA ri'i bu la bsnyad de/ btsun pa shA ri'i bu khyi mo de gum lags so zhes byas so/ /tshe dang ldan pa shA ri'i bus smras pa/ khyi mo de'i ro de phyogs dben pa zhig tu zhog shig dang / rus pa de dag phyis de nyid la phan 'dogs par 'gyur ro/ /
4a1 khyim bdag gis smras pa/ btsun pa shA ri'i bus ji skad bka' stsal pa bzhin du bgyi'o zhes smras nas/ khyim bdag des khyi ro de gang du sus kyang mi mthong bar 'gyur ba de lta bu'i phyogs shig tu bzhag go/ /de nas khyim bdag gi chung ma de zla ba dgu'am bcu lon pa dang
4a2 bu byung ste/bu mo gzugs bzang zhing blta na sdug la mdzes pa mdog bzang ba gser gyi kha dog can mgo bo gdugs ltar 'dug pa/ lag pa ring ba dpral ba'i dbyes che ba sna mtho ba sna legs pa smin ma stug pa zhig btsas so/ /de nas de'i btsas ston yang rgyas par byas nas/
4a3 rigs dang 'thun pa'i ming btags te/ 'o ma dang mar dang zho dang zhun mar dang mar gyi nying gus bskyed bsrings te/ mtsho'i nang gi pad ma bzhin du skye drag par gyur to/ /de nas de gang gi tshe chen mor gyur pa de'i tshe tshe dang ldan pa shA ri'i bus smras pa/ bu 'dug la chos nyon cig
4a4 ces byas na/de byad gzugs dang lang tsho'i rgyags pas dregs nas phan tshun du g.yengs te chos nyan du mi btub bo/ /de nas phyis tshe dang ldan pa shA ri'i bus de shed bye bar rig nas/ khyi mo'i rus bu de de nyid kyi mdun du bzhag ste/ ci nas kyang bu mo des tshe rabs dran par 'gyur ba
4a5 de lta bur byin gyis brlabs nas/tshe rabs dran ma thag tu bu mo de shas cher skyo ba skyes so/ /de skyo ba skyes nas bsams pa/ 'phags pa shA ri'i bu ni/ bdag la dka' ba byed byed pa yin pa lta zhig ste/ 'di las brten nas/ bdag gis dud 'gro'i skye gnas spangs so snyam du
4a6 rig nas/dga' ba skyes te chos mnyan pa'i phyir/ tshe dang ldan pa shA ri'i bu'i mdun du 'dug go/ /de nas tshe dang ldan pa shA ri'i bus de'i bsam pa dang bag la nyal dang / khams dang rang bzhin rtogs nas de dang 'thun pa'i chos bstan te/ de thos nas bu mo des stan de kho na la 'dug
4a7 bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas te/ des bden pa mthong nas stan las langs te bla gos phrag pa gcig tu gzar nas/ tshe dang ldan pa shA ri'i bu ga la ba de logs su thal mo sbyar
4b1 ba btud nas/tshe dang ldan pa shA ri'i bu la 'di skad ces smras so/ /btsun pa shA ri'i bu bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong ma'i dngos po 'thob tu rung na bdag kyang / bcom ldan 'das kyi thad du tshangs par spyod pa
4b2 spyad par 'tshal lo//de nas tshe dang ldan pa shA ri'i bus de'i pha ma la dad pa smras nas/ skye dgu'i bdag mo chen mo la gtad de skye dgu'i bdag mo chen mos de rab tu phyung nas bsnyen par rdzogs par byas te/ de la lung yang phog go/ /des kyang brtson pa dang bsgrub pa dang 'bad pas nyon
4b3 mongs pa thams cad spangs nas/dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong rdor mnyam pa nam mkha' dang lag mthil du 'dra ba'i sems dang ldan pa tsan dan sbangs pa lta bur bsil bar gyur pa
4b4 rig pas ma rig pa'i sgo nga'i sbubs bcom pa rig pa dang mngon par shes pa dang /so so yang dag par rig pa thob pa srid pa'i rnyed pa dang chags pa dang bkur sti la rgyab kyis phyogs pa dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas
4b5 su gyur to//de dgra bcom par gyur nas/ tshe dang ldan pa shA ri'i bu'i sngon gyi drin dran te/ yang dang yang du thad du 'gro zhing rkang pa la phyag 'tshal nas/ 'di skad du 'phags pa shA ri'i bu las brten te bdag gis dud 'gro'i skye gnas spangs nas/ yon tan 'di lta bu dag kyang thob par
4b6 gyur pas na/'phags pa ni bdag la dka' ba mdzad mdzad pa lags so zhes zer ro/ /de yang dang yang du zer ba dge slong mang pos thos nas thos ma thag tu de dag gis tshe dang ldan pa shA ri'i bu la dris pa/ tshe dang ldan pa shA ri'i bu dge slong ma 'dis ci las bsams te/ de yang dang yang
4b7 du de skad mchi/tshe dang ldan pa shA ri'i bus smras pa/ khyed kyis khyim bdag 'di'i khyim na khyi mo zhig 'dug pa mthong ngam/ de dag gis smras pa/ btsun pa shA ri'i bu mthong ngo / /de kho nas bdag la dga' ba'i sems bskyed nas shi ste 'das pa dang / khyim bdag de nyid kyi khyim
5a1 du skyes te/des sngon gyi tshe rabs rjes su dran nas/ sngon gyi drin gzo ba'i phyir bdag la de skad ces zer ro/ /de nas bcom ldan 'das la dge slong rnams kyis zhus pa/ btsun pa dge slong ma 'dis las ci bgyis na/ las de'i rnam par smin pas sngon khyir
5a2 skyes lags/las ci bgyis na de nas shi 'phos te mir skyes nas/ bcom ldan 'das mnyes par bgyis te mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis
5a3 lags/bcom ldan 'das kyis bka' stsal pa/ dge slong dag 'das pa'i las kyi shas kyang yod la da ltar byung ba'i las kyi shas kyang yod do/ /btsun pa 'das pa'i las ci bgyis lags/ dge slong dag sngon byung ba 'das pa'i dus na/ bskal pa bzang po 'di nyid la
5a4 skye dgu'i tshe lo nyi khri thub pa na/de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba kha lo sgyur ba/ bla na med pa lha dang mi rnams kyi ston pa/ sangs rgyas bcom ldan
5a5 'das 'od srung zhes bya ba 'jig rten du byung ste/de'i tshe grong khyer bA rA Na sI na khyim bdag cig gnas pa las phyis de la bu mo gzugs bzang zhing blta na sdug la mdzes pa zhig btsas nas/ gang gi tshe de chen mor gyur pa dang / des yang dag par rdzogs pa'i sangs rgyas 'od srung gi bstan pa
5a6 la dad pa rnyed nas pha ma la gsol te rab tu byung ngo //rab tu byung nas sde snod gsum bslabs te/ de rig pa dang grol ba'i spobs pa dang ldan pa'i chos smra ba/ gos dang zas dang mal cha dang / stan dang nad gsos dang sman zong rnams rnyed par gyur nas des bsams pa ma la bdag gis
5a7 rnyed pa dang bkur sti'i sgo nas/rnyed par bya ba rnyed pa gang yin pa des/ bdag gis tshangs pa mtshungs par spyod pa rnams la phan gdags par bya gor ma chag snyam du bsams nas/ chos bzhin du gnyi ga'i dge 'dun gyi zhal ta byas so/ /de nas phyis de la brel ba zhig byung ste/ des
5b1 slob pa dang mi slob pa'i dge slong ma mang po zhig la gsol ba btab na/de dag na re bdag cag gi dge ba'i phyogs btang ste/ khyod kyi don bsgrub mi nus so zhes zer ro/ /de nas de thos pa'i mod la dge slong ma de shin tu khro ba'i kun nas dkris pa skyes te/ de khros nas
5b2 dge slong ma de dag la smras pa/nga ni khyi mo dang 'dra ba khyed dgang ba dang gso ba 'ba' zhig byed na khyed ni skad cig tsam bdag gi don byed du yang mi btub bam zhes byas so/ /de nas dge slong ma de rnams kyis bsams pa/ nyon mongs ma 'di ni dmas shing nyams par gyur te/
5b3 'khor ba na 'khor zhing sdug bsngal chen po rnyed na mi rung ngo snyam du bsams nas/ 'di'i ra mda' bya dgos so snyam ste de dag gis smras pa/ khyod kyis nged su yin pa dang / khyod bdag su yin pa shes sam des smras pa/ ngas shes te khyed kyang rab tu byung ba yin la nga yang rab tu
5b4 byung ba yin no//de dag gis smras pa/ che zhe'u bu cag rab tu byung bar 'dra mod kyi/ khyod ni bcing ba thams cad kyis bcings pa'i so so'i skye bo yin la nged ni bya ba byas pa yin gyis nyes pa la nyes so zhes bshags par gyis shig /khyod 'khor ba na 'khor zhing sdug bsngal
5b5 chen po rnyed ta re/de skad thos pa'i mod la dge slong ma de 'gyod pa chen po skyes te/ 'gyod pa chen po skyes nas/ lhag par yang chos bzhin du gnyi ga'i dge 'dun gyi zhal ta byas te tshe gcig tu tshangs par spyod pa spyad nas/ 'chi kar smon lam btab pa/ kye ma bdag kyang
5b6 yang dag par rdzogs pa'i sangs rgyas 'od srung gi bstan pa la rab tu byung nas tshe gcig tu tshangs par spyod pa spyad de/chos bzhin du zhal ta byas pa'i dge ba'i rtsa ba 'dis ni bdag gang dang gang du skye ba de dang der ci nas phyug cing nor mang la longs spyod che ba'i rigs su skye ba dang / gzugs
5b7 bzang zhing blta na sdug la mdzes par gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /
6a1 de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig /bdag khros nas tshangs pa mtshungs par spyod pa rnams la tshig rtsub po smras pa gang yin pa'i las de'i rnam par smin pa'i skal
6a2 ba can du bdag ma gyur cig ces byas so//dge slong dag ji snyam du sems de'i tshe dge slong mar gyur pa gang yin pa de ni dge slong ma 'di nyid yin te/ des der tshangs pa mtshungs par spyod pa de dag la tshig rtsub po smras pa'i las de'i rnam par smin pas ni tshe rabs lnga brgyar khyir skyes so/ /
6a3 des der 'chi kar smon lam btab ste/ bdag gang dang gang du skye ba de dang der phyug cing nor mang la longs spyod che ba'i rigs su skye bar gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan
6a4 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig ces byas pa'i las de'i rnam par smin pas ni/ 'di
6a5 da ltar phyug cing nor mang la longs spyod che ba'i rigs su skyes te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/ 'dis nga mnyes par byas te/ mi mnyes par ma
6a6 byas la nga nyid kyi bstan pa la rab tu byung nas/nyon mongs pa thams cad spangs te/ dgra bcom pa nyid mngon sum du byas pa 'di ni 'dis 'das pa'i las yin no/ /da ltar byung ba'i las ci zhig byas zhe na/ de khyir skyes nas shA ri'i bu la sems dga' bar gyur pa des ni mi'i nang
6a7 du skyes te/'di ni da ltar byung ba'i las yin no// //mig chung zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang
6b1 ldan pa/rnam thos kyi bu'i nor dang 'gran pa zhig gnas pa des/ thabs zlar bab pa las chung ma blangs nas/ de de dang lhan cig rtse zhing dga' la dga' mgur spyod pa las phyis de'i chung ma la bu chags nas/ de zla ba dgu'am/ bcu lon pa dang khye'u gzugs
6b2 bzang zhing /blta na sdug la mdzes pa zhig btsas nas/ de'i btsas ston rgyas par byas te/ rigs dang 'thun par ming btags nas/ 'o ma dang zho dang mar dang zhun mar dang mar gyi nying gus bskyed bsrings te de gang gi tshe/ 'gro nus par gyur pa de'i tshe/ de rtser
6b3 gzhug pa'i phyir phas khyi gu zhig khyim du bzhag ste khye'u la byin no//de nas khye'u des khyi gu de za ba bslabs so/ /de nas gang gi tshe khyi gu de cher skyes pa de'i tshe/ lam po cher song nas skye bo phal po che la yang za bar byed do/ /sangs rgyas bcom ldan 'das bgrod pa
6b4 gcig pu'i lam ston pa/rnam pa gnyis kyi shes bya dang / ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa mi 'jigs pa bzhis mi 'jigs pa/ 'gro ba lngar 'gro ba las rnam par grol ba skye mched drug la mkhas pa/ byang
6b5 chub kyi yan lag bdun la spyod yul ba/rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa yang dag pa'i seng ge'i sgra chen po sgrogs pa rnams ni chos nyid kyis
6b6 nyin dus gsum mtshan dus gsum ste/nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/
6b7 su ni ngan song du gzhol su ni ngan song du 'bab/ su ni ngan song du bab/ su ni ngas ngan song las phyung ste mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags
7a1 pa'i nor bdun gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes
7a2 kyi mtshon gyis brtol bar bya/su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /
7a3 sangs rgyas dus las yol ba med/ /sangs rgyas bcom ldan 'das rnams ji ltar nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs pa de bzhin du nyan thos chen po rnams kyang nyin dus gsum mtshan dus gsum ste/
7a4 nyin mtshan dus drug tu nyan thos kyi mig gis 'jig rten la lta bar byed do/ /tshe dang ldan pa shA ri'i bus/ nyan thos kyi mig gis 'jig rten la bltas na khyim bdag 'khor dang bcas pa gdul ba'i dus la bab par mthong nas/ snga dro sham thabs dang / chos gos bgos
7a5 te lhung bzed thogs nas mnyan du yod par bsod snyoms la song ngo //de mthar gyis bsod snyoms la rgyu ba las/ khyim bdag de'i khyim ga la ba der song ba dang / khyi des tshe dang ldan pa shA ri'i bu mthong ngo / /mthong nas kyang shugs drag pos brgyugs te/ tshe dang ldan pa shA
7a6 ri'i bu zin to//de'i chos gos rnams dral to/ /khyim bdag des kyang mthong nas bkag ste/ de'i rma de yang bkrus nas/ ras kyis dkris te rkang pa la phyag 'tshal nas smras pa/ btsun pa shA ri'i bu 'di nyid du bshos gsol du ci gnang zhes byas nas/ tshe dang ldan pa shA ri'i bus/
7a7 khyim bdag de la cang mi smra bas gnang ngo / /de nas khyim bdag des/ tshe dang ldan pa shA ri'i bus cang mi smra bas gnang bar rig nas/ stan bshams te 'di skad ces smras so/ /btsun pa shA ri'i bu/ gdan bshams pa la bzhugs su gsol/ de nas tshe dang ldan pa shA
7b1 ri'i bu stan bshams pa la 'dug go//de nas khyim bdag des tshe dang ldan pa shA ri'i bu bde bar 'dug par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci 'dod pa bstabs so/ /rang gi lag nas bza' ba dang bca' ba
7b2 gtsang ma bzang po mang po rnam grangs du mas tshim par byas te ci 'dod pa bstabs nas/tshe dang ldan pa shA ri'i bus/ de'i nyin par zan zos pa'i 'og tu khyi de la khyos ma byin te/ khyi des zos nas de'i gdong du bltas so/ /de nas khyim bdag des tshe dang ldan pa shA ri'i bu
7b3 zan zos zin te/sder ni gyu lhung bzed ni bkrus par rig nas chos mnyan pa'i phyir mdun du 'dug go/ /de nas tshe dang ldan pa shA ri'i bus khyim bdag de 'khor dang bcas pa'i bsam pa dang bag la nyal dang khams dang rang bzhin rtogs nas/ de dang 'thun pa'i chos ston par byed de/
7b4 de thos nas khyim bdag de 'khor dang bcas pas/ stan de la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas skyabs su 'gro ba dang bslab pa'i gzhi
7b5 rnams blangs te/smras pa btsun pa shA ri'i bu bdag ji srid 'tsho'i bar du bdag las gos dang zas dang mal cha dang stan dang snyun gsos dang sman zong rnams bzhes par gsol/ tshe dang ldan pa shA ri'i bus smras pa/ khyim bdag gzhan dag la yang phan gdags dgos
7b6 kyis thong shig ces byas nas stan las langs te song ngo //der gang gi tshe khyim bdag des bden pa rnams mthong nas skyabs su 'gro ba dang bslab pa'i gzhi rnams blangs pa de'i tshe des sbyin pa dag sbyin pa dang bsod nams dag bya bar brtsams so/ /tshe dang ldan pa shA ri'i
7b7 bu yang dus dus su spyan drangs te/bshos gsol bar byed do/ /tshe dang ldan pa shA ri'i bus kyang zan zos pa'i 'og tu khyi de la khyos ma byin par byed do/ /khyi de yang tshe dang ldan pa shA ri'i bu la shin tu dga' bar gyur te/ de dga' bar gyur nas gang gi tshe tshe dang ldan
8a1 pa shA ri'i bu/khyim der 'ong ba de'i tshe/ khyi des bsu nas rkang pa la bldags te mjug ma dril nas lan gsum skor ba byed do/ /der gang gi tshe tshe dang ldan pa shA ri'i bus chos bshad nas phyir 'gro ba de'i tshe khyi des the gi zad tsam du bskyal nas/ lan
8a2 gsum bskor ba byas te phyir ldog go//de nas phyis tshe dang ldan pa shA ri'i bus/ yang khyim der zan zos te khyim bdag de la chos bshad nas phyir 'gro ba na khyi de yang phyi bzhin 'brang ste/ phyi rol gyi lam po cher song nas lces rkang pa la bldags te/ mjug ma dril nas
8a3 lan gsum bskor ba byas te/phyir log nas khyim du 'gro ba na/ khyi de khyi gzhan dag cig gis bcas nas bsad do/ /de nas de gnas brtan shA ri'i bu la sems dga' bzhin du shi 'phos te 'das nas khyim de nyid du khyim bdag de'i chung ma chen ma'i mngal du skyes so/ /
8a4 tshe dang ldan pa shA ri'i bus kyang khyi de bdag gi thad nas phyir ldog pa'i 'og tu khyi gzhan dag gis ji ltar bsad pa shes so/ /de nas des bsams pa khyi de gar skyes snyam pa dang / khyim bdag de nyid kyi khyim du khyim bdag gi chung ma'i mngal du skyes par mthong ngo / /mthong
8a5 nas kyang de nyid la snying brtse ba'i phyir g.yog med par gcig pu khyim bdag de'i khyim du song ba dang /khyim bdag des tshe dang ldan pa shA ri'i bu zla med pa dang / g.yog med par gcig pu 'ong bar mthong ngo / /mthong nas kyang 'phags pa khyod ci'i slad du zla ma mchis pa dang /
8a6 zham ring ma mchis par gcig pu gshegs/ 'phags pa'i zham ring bgyid pa 'ga' yang ma mchis sam zhes dris so/ /tshe dang ldan pa shA ri'i bus smras pa/ khyed cag lta bu 'ba' zhig gis byin pa ma gtogs par bdag cag la gud na g.yog gi 'byung khungs ga la yod/
8a7 khyim bdag gis smras pa/ btsun pa shA ri'i bu bdag gi mchis brang la bu chags pa mchis kyis/ de las gal te khye'u zhig btsas par gyur na/ de bdag gis 'phags pa'i zham ring du dbul lo/ /tshe dang ldan pa shA ri'i bus smras pa/ khong dge ba rnams ni dam bcas
8b1 pa la brtan pa yin no//de skad ces smras nas/ tshe dang ldan pa shA ri'i bu song ngo / /khyim bdag de'i chung ma yang zla ba dgu'am bcu lon pa dang / khye'u gzugs bzang zhing / blta na sdug la mdzes pa zhig btsas mod kyi 'on kyang mig chung ngo / /de nas de'i btsas ston
8b2 rgyas par byas nas/khye'u 'di'i ming ji skad gdags zhes ming 'dogs par byed de/ khye'u 'di mig chung bas na ming mig chung zhes gdags so zhes zer ro/ /de nas khye'u mig chung 'o ma dang / zho dang mar dang zhun mar dang / mar gyi nying gus bskyed bsrings
8b3 te mtsho'i nang gi pad ma bzhin du skye drag par gyur to//de gang gi tshe cher skyes pa de'i tshe yi ge dang khong rtsis dang / shod dgod pa dang lag rtsis dang dbyung ba dang / sba ba dang dgram pa dang gos brtag pa dang nor bu brtag pa dang rin po che brtag pa dang / spos brtag pa dang
8b4 sman brtag pa dang /glang po che brtag pa dang rta brtag pa dang go mtshon brtag pa bslabs te/ yi ge mkhas pa dang klog mkhas pa dang / mdzangs pa dang bya ba la gsal ba dang yid gzhungs pa dang brtag pa rnam pa brgyad la byang bar gyur to/ /de nas tshe dang ldan pa shA ri'i
8b5 bus kyang mig chung rab tu dbyung ba'i dus la bab par mthong nas/snga dro sham thabs dang chos gos bgos te lhung bzed thogs nas mnyan du yod par bsod snyoms la song ste/ de mthar gyis bsod snyoms rgyu ba las/ khyim bdag de'i khyim ga la ba der song ste phyin
8b6 nas stan bshams pa la 'dug go//'dug nas kyang tshe dang ldan pa shA ri'i bus khyim bdag de la smras pa/ khyim bdag khye'u 'di ni ma btsas pa'i snga rol nas khyod kyis bdag gi g.yog tu byin te/ khong dge ba rnams ni dam bcas pa la brtan pa yin na/ de kho na ltar dam
8b7 ma bcas sam/khyim bdag gis smras pa/ 'phags pa de kho na ltar dam bcas lags so zhes byas nas/ khye'u de lag pa gnyis kyis bzung ste/ tshe dang ldan pa shA ri'i bu la phul nas smras pa/ bu khyod ma btsas pa'i snga rol nas/ 'phags pa la ngas phul
9a1 gyis song la 'phags pa'i zham ring gyis shig /khye'us smras pa/ de ni bdag la phan btags pa lags so zhes byas nas/ khye'u de tshe dang ldan pa shA ri'i bu'i phyi bzhin 'brang ste/ khye'u de tshe dang ldan pa shA ri'i bus/ gtsug lag khang du khrid nas rab
9a2 tu phyung ste/de la lung yang phog go/ /des kyang dge tshul ba byed bzhin du brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser
9a3 dang bong bar mnyam pa/nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ sred pa'i rnyed pa dang chags
9a4 pa dang bkur sti la rgyab kyis phyogs pa dang dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to//des dgra bcom pa nyid thob nas/ tshe dang ldan pa shA ri'i bu'i rkang pa gnyis snum gyis skud pa na/ des tshe dang ldan pa shA
9a5 ri'i bu'i rkang pa'i rma'i sgros mthong ngo //mthong nas dris pa/ mkhan po'i rma'i sgros 'di sngon ci las gyur lags/ tshe dang ldan pa shA ri'i bus smras pa/ bu rma'i sgros 'di sngon ci las gyur pa soms shig /de nas des bdag nyid kyis sngon khyir gyur pa'i tshe zin par mthong
9a6 nas des bdag gang nas shi 'phos te/khyir skyes par gyur ces bsams na/ des khyi las shi 'phos te khyi nyid du skyes par mthong ngo / /de bzhin du des tshe rabs lnga brgya'i bar du bltas na des khyi las shi 'phos te/ khyi 'ba' zhig tu skyes par mthong ngo / /des yang ma
9a7 'ongs pa'i dus la bsams te/gal te bdag la mkhan pos ma dgongs su zin na/ bdag de nas shi 'phos na/ gang du skye bar 'gyur snyam du bsams na des khyi de nyid du de'u skyes par mthong ngo / /de bzhin du des ma 'ongs pa'i dus su tshe rabs lnga brgya'i bar tu bltas na des khyi
9b1 las shi 'phos nas khyi 'ba' zhig tu de'u skyes par mthong nas/des bsams pa bdag 'dis log par ltung ba las rnam par grol bar byas te g.yung drung gi mthar thug pa grub pa dang bde ba mya ngan las 'das pa la bzhag pas mkhan po ni bdag la dka' ba byed byed pa yin
9b2 no snyam nas/bsnyen bkur bya ba las gud na mkhan po'i drin bdag gis bsab pa'i thabs gzhan ci yod de bsnyen par rdzogs nas ni bdag gis bsnyen bkur rim gyis byar mi rung na/ ma la bdag ji srid 'tsho'i bar du dge tshul bar 'dug la 'di la bsnyen bkur bya'o snyam du
9b3 bsams nas/des tshe dang ldan pa shA ri'i bu la smras pa/ mkhan po bdag ji srid 'tsho'i bar du mkhan po'i bsnyen bkur ba bgyid do/ /bu khyod ji ltar dga' ba bzhin gyis shig /de nas phyis de la dge slong rnams kyis smras pa/ mig chung khyod ci'i phyir bsnyen
9b4 par rdzogs par mi byed/des smras pa/ bdag gis mkhan po'i drin bsab dgos te/ bdag ji srid 'tsho'i bar du dge tshul bar 'dug bzhin du de'i bsnyen bkur byed do/ /de dag gis smras pa/ khyod la mkhan pos lhag par drin ci zhig btags/ de nas
9b5 des dge slong de dag la gtam de rgyas par bsnyad nas/dge slong de dag gis sangs rgyas bcom ldan 'das la zhus pa/ btsun pa mig chung gis las ci bgyis na/ las de'i rnam par smin pas khyir skyes la/ gal te tshe dang ldan pa shA ri'i bus ma bsams
9b6 su lags na/tshe rabs lnga brgyar khyi 'ba' zhig tu de'u skyes lags/ las ci bgyis na las de'i rnam par smin pas khyi las shi 'phos te/ slar mi'i nang du phyug cing nor mang la longs spyod che ba'i rigs su skyes nas/ 'dis bcom ldan 'das mnyes par bgyis te/
9b7 mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ las ci bgyis na las de'i rnam par smin pas mig chung ngur gyur lags/ bcom ldan
10a1 'das kyis bka' stsal pa/dge slong dag mig chung 'di nyid kyis sngon las byas shing bsags te/ dge slong dag las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang me'i khams dang rlung
10a2 gi khams la rnam par smin par mi 'gyur te/las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /
10a3 tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa bde bar gshegs pa
10a4 'jig rten mkhyen pa skyes bu gdul bya'i kha lo sgyur ba/bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i tshe grong khyer bA rA Na sI na khyim bdag phyug cing nor mang la longs spyod che ba/ yongs su 'dzin
10a5 pa yangs shing rgya che ba/rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas te/ phyi zhig na de'i chung ma la bu chags nas/ de zla ba dgu'am bcu lon pa dang khye'u gzugs bzang zhing / blta na sdug la mdzes pa zhig btsas nas/ de
10a6 gang gi tshe cher skyes pa de'i tshe/des yang dag par rdzogs pa'i sangs rgyas 'od srung gi bstan pa la dad pa rnyed nas/ pha ma la gsol te rab tu byung ngo / /rab tu byung nas sde snod gsum bslabs te/ de rig pa dang grol ba'i spobs pa dang ldan pa'i chos smra ba/
10a7 gos dang zas dang mal cha dang stan dang nad gsos dang sman zong rnams rnyed par gyur nas/ des bsams pa ma la bdag gis rnyed pa dang bkur sti'i sgo nas/ rnyed par bya ba rnyed pa gang yin pa des/ bdag gis tshangs pa mtshungs par spyod pa rnams la phan gdags
10b1 par bya gor ma chag snyam du bsams nas/chos bzhin du dge 'dun gyi zhal ta byas te/ de nas phyi zhig na dge slong dgra bcom pa zhig la phyi dro'i gung skyems kyi zhal ta byed pa'i res bab nas/ des dge 'dun la gung skyems brims pa'i 'og tu lus ngal te gnas khang du
10b2 song nas skyil mo krung bcas te 'dug go de nas zhal ta byed pa de'i sbyin bdag rnams la gung skyems dgos par gyur nas/des dge slong gzhan dag la smras pa/ deng gung skyems kyi zhal ta byed pa'i res su la bab/ de dag gis smras pa/ dge slong che ge mo zhig
10b3 la bab bo//de nas zhal ta byed pa de khros nas mig btsums te mig 'di 'dra ba de yin pa lta zhes smras so/ /de skad smras nas/ dgra bcom pa de ga la ba der dong ste phyin nas smras pa/ btsun pa bdag ni khyed kyi phyir sbyin bdag dang sbyin pa po rnams dga' bar
10b4 byas nas/yo byad thams cad kyis bsnyen bkur byed na khyed ni bdag gi dad pas byin pa la longs spyod nas/ khyi bzhin du tshang du zhugs nas nyal zhing 'dug gam zhes byas so/ /de nas dgra bcom pa des bsams pa/ nyon mongs pa 'di ni dmas shing nyams
10b5 par gyur te/'khor ba na 'khor zhing sdug bsngal chen po rnyed na mi rung ngo snyam du bsams nas 'di'i ra mda' bya dgos so snyam ste/ zhal ta byed pa de la smras pa/ btsun pa khyod kyis nga su yin pa dang / khyod bdag su yin pa shes sam/ des smras pa/ ngas
10b6 shes te/khyod kyang rab tu byung ba yin la nga yang rab tu byung ba yin no/ /dgra bcom pas smras pa/ 'u bu cag gnyis rab tu byung bar 'dra mod kyi khyod ni bcing ba thams cad kyis bcings pa'i so so'i skye bo yin la/ nga ni bcing ba thams cad las nges par grol
10b7 ba'i dgra bcom pa yin na khyod kyis tshig rtsub po smras kyis nyes pa la nyes so zhes bshags par gyis shig /khyod 'khor ba na 'khor zhing sdug bsngal chen po rnyed ta re/ de skad thos pa'i mod la zhal ta byed pa de 'gyod pa chen po skyes te/ 'gyod pa chen po skyes nas/
11a1 dge slong de'i rkang pa la phyag 'tshal te/ bzod pa gsol nas lhag par yang sangs rgyas dang / chos dang dge 'dun la bsnyen bkur byas so/ /des tshe gcig tu tshangs par spyod pa spyad de chos bzhin du dge 'dun gyi zhal ta byas nas/ 'chi kar smon
11a2 lam btab pa/kye ma bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad pa dang / chos bzhin du zhal ta byas pa'i dge ba'i rtsa ba 'dis na bdag gang dang / gang du skye ba de dang der ci nas phyug cing nor mang la longs
11a3 spyod che ba'i rigs su skye bar shog shig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /
11a4 de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig /bdag gis tshangs pa mtshungs par spyod pa la tshig rtsub po smras pa'i sdig pa'i las de'i 'bras bu bdag gis rnyed par ma gyur cig /
11a5 ces byas so/ /dge slong dag ji snyam du sems/ de'i tshe de'i dus na zhal ta byed par gyur pa gang yin pa de ni/ dge tshul pa mig chung 'di nyid yin te/ des der dgra bcom pa de la tshig rtsub po smras pa'i las de'i rnam par smin pas/ tshe rabs lnga brgyar khyir skyes te/
11a6 gal te dge slong shA ri'i bus ma bsams su zin na/ phyin cad kyang tshe rabs lnga brgya'i bar du khyi 'ba' zhig tu de'u skyes so/ /khros nas des dgra bcom pa de nyid kyi mig ltar bcos te/ mig btsums nas mig 'di 'dra ba de yin pa lta zhes smras pa'i las de'i rnam par
11a7 smin pas ni/da ltar mir skyes na yang mig gnyis 'di 'dra bar gyur to/ /des der smon lam btab ste/ kye ma dge ba'i rtsa ba 'dis na bdag ci nas phyug cing nor mang la longs spyod che ba'i rigs su skye bar shog shig /yang dag par rdzogs pa'i sangs rgyas 'od srung gis
11b1 bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum
11b2 du byed par gyur cig ces byas pa'i las de'i rnam par smin pas ni/da ltar phyug cing nor mang la longs spyod che ba'i rigs su skyes te/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang
11b3 thabs mnyam pa brnyes par gyur nas/'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas so// //rdzogs byed ces bya ba ni/ gleng
11b4 gzhi mnyan du yod pa na bzhugs te/de'i tshe mnyan du yod pa na khyim bdag phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zlar bab pa
11b5 las chung ma blangs nas de de dang lhan cig tu rtse zhing dga' la dga' mgur spyod do//de rtse zhing dga' la dga' mgur spyod kyang khyim bdag de la bu med de bu 'dod pa'i phyir des lha rnams la yang gsol ba btab ste/ lha gu lang dang chu lha dang ku be ra dang brgya byin dang tshangs
11b6 pa la sogs pa dang kun dga' ra ba'i lha dang nags tshal gyi lha dang /lam gyi bzhi mdo'i lha dang sum mdo'i lha dang gtor ma len pa'i lha dang lhan cig skyes pa'i lha dang chos 'thun pa pa dang rtag tu phyi bzhin 'brang ba'i lha rnams la yang gsol ba 'debs te/ 'jig rten na
11b7 yang gsol ba btab pa'i rgyus bu dang bu mo skye bar 'gyur ro zhes grag mod kyi/de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod par 'gyur ba'i
12a1 rigs so//ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang ma dus la bab cing zla mtshan dang ldan pa dang dri za 'ongs pa ste/ dri za'i sems kyang rjes su chags pa dang
12a2 ldan pa'am khong khro ba dang ldan pa rnam pa gnyis las gang yang rung bas skyes pa'o//de nas de yang gsol ba 'debs pa lhur byed la sems can chen po che bar grags pa/ srid pa tha ma pa btsal bar bya ba rnyed pa thar pa'i skal ba can du gyur pa/ tshogs bsags pa mya
12a3 ngan las 'das pa la nang du bltas pa/'khor ba las phyi rol tu bltas pa/ srid par 'gro ba'i skye gnas rnams mi 'dod pa/ lus kyi tha ma 'dzin pa zhig kyang de'i chung ma'i mngal du skyes so/ /bud med mkhas pa'i rang bzhin can kha cig la ni thun mong ma yin pa'i chos
12a4 lnga yod de/lnga gang zhe na/ skyes pa chags par yang shes la ma chags par yang shes pa dang dus kyang shes la zla mtshan yang shes pa dang bu chags pa shes pa dang / gang las bu chags pa shes pa dang / khye'u yang shes la bu mo yang shes pa ste/ gal te khye'u yin na
12a5 ni lto g.yas logs su rten cing gnas so//gal te bu mo yin na ni/ lto g.yon logs na rten cing gnas so/ /de nas gang gi tshe de la bu chags par gyur pa de'i tshe de dga' ches nas khyim thab la sbran pa/ jo bo bdag la sras chags te/ bdag gi rum g.yas
12a6 logs su rten cing gnas pa las na khye'ur 'gyur bar nges kyis/dgyes pa bskyed du gsol zhes byas nas/ de yang dga' ches te ro stod ni bteg lag pa g.yas pa ni brkyang nas/ bdag gis yun ring po nas smon smon pa'i bu'i ngo mthong bar 'ong ngo / /bdag gi bu
12a7 rung bar gyur cig mi rung bar ma gyur cig /bdag gi bya ba dag byed par shog shig /gsos na gsos pa'i lan phyir gso bar shog shig /nor skal la spyod par shog shig /bdag gi rigs rgyud yun ring du gnas par shog shig /bdag cag 'das te shi
12b1 ba'i 'og tu yang bdag cag gi phyir mang yang rung nyung yang rung ste/sbyin pa dag byin la bsod nams dag byas nas de gnyis gang dang gang du skyes shing 'gro ba der 'di song shig ces yon sngo bar shog shig ces dga' ba'i tshig brjod do/ /des bu chags par rig nas
12b2 bu'i rim gro bya ba'i phyir khang steng du nyam rangs su bzhag ste/grang ba'i tshe grang ba'i yo byad rnams dang tsha ba'i tshe tsha ba'i yo byad rnams dang / sman pas bstan pa'i zas rnams dang ha cang kha ba ma yin pa rnams dang ha cang skyur ba ma yin pa rnams dang ha cang
12b3 lan tshwa che ba ma yin pa rnams dang ha cang mngar ba ma yin pa rnams dang /ha cang ro tsha ba ma yin pa rnams dang ha cang bska ba ma yin pa rnams te/ kha ba dang skyur ba dang lan tshwa dang mngar ba dang tsha ba dang bska ba med pa'i zas rnams kyis bsten cing / do shal dang se mo dos
12b4 lus rnam par bklubs te/lha'i bu mo dga' ba'i tshal na rnam par rgyu ba bzhin du/ lus khri'i steng nas khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so/ /sangs rgyas bcom ldan 'das bgrod
12b5 pa gcig pu'i lam ston pa/rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa byang chub kyi
12b6 yan lag bdun la spyod yul ba/rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa yang dag pa'i seng ge'i sgra chen po sgrogs pa rnams ni/ chos nyid kyis
12b7 nyin dus gsum mtshan dus gsum ste/nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug su ni nyam nga bar gyur su ni gnod pa dang ldan su ni phongs pa dang nyam nga ba dang gnod pa dang ldan su ni ngan song du gzhol su
13a1 ni ngan song du 'bab su ni ngan song du bab su ni ngas ngan song las phyung ste mtho ris dang thar pa dang 'bras bu la gzhag par bya/su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las/ 'phags pa'i nor bdun
13a2 gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/
13a3 su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /
13a4 sangs rgyas bcom ldan 'das rnams ji ltar nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs pa de bzhin du nyan thos chen po rnams kyang nyin dus gsum mtshan dus gsum ste/ nyin mtshan dus drug tu nyan thos kyi
13a5 mig gis 'jig rten la lta bar byed de/tshe dang ldan pa ma 'gags pas nyan thos kyi mig gis 'jig rten la bltas na/ srid pa tha ma pa'i sems can zhig gis khyim bdag de'i khyim du nying mtshams sbyor bar mthong ngo / /mthong nas kyang bsams pa sems can de sus/
13a6 'dul bar 'gyur/ ci sangs rgyas kyis 'dul bar 'gyur ram/ 'on te nyan thos kyis 'dul bar 'gyur zhig gu snyam pa dang des bdag nyid kyis 'dul bar 'gyur ba mthong ngo / /mthong nas kyang khyim der song nas/ khyim bdag de la dus dus su chos ston to/ /des khyim
13a7 bdag de dad pa phun sum tshogs pa la gnas par byas so//skyabs su 'gro ba dang / bslab pa'i gzhi rnams la yang gnas par byas so/ /sbyin pa dang sbyin pa'i bgo bsha' la yang dad par btsud de/ des ring po ma lon par/ khyim de slong ba rnams kyi chu dong dang 'dra bar
13b1 gyur par byas so//de nas phyi zhig na/ tshe dang ldan pa ma 'gags pas/ pha ma de gnyis brtan par bya ba'i phyir zla med pa dang / g.yog med par gcig pu khyim der song ba dang khyim bdag des/ tshe dang ldan pa ma 'gags pa zla med pa dang / g.yog med
13b2 par gcig pu 'ong bar mthong ngo //mthong nas kyang 'phags pa khyod ci'i slad du zla ma mchis pa dang / zham ring ma mchis par gcig pu gshegs/ 'phags pa'i zhabs 'bring bgyid pa 'ga' yang ma mchis sam zhes dris so/ /tshe dang ldan pa ma 'gags
13b3 pas smras pa/khyed cag lta bu 'ba' zhig gis byin pa ma gtogs par bdag cag la gud na g.yog gi 'byung khungs ga la yod/ khyim bdag gis smras pa/ btsun pa ma 'gags pa bdag gi mchis brang la bu chags pa mchis kyis de las/ gal te khye'u zhig
13b4 btsas par gyur na/de bdag gis 'phags pa'i zhabs 'bring du dbul lo/ /tshe dang ldan pa ma 'gags pas smras pa/ khong dge ba rnams ni dam bcas pa la brtan pa yin no/ /de skad ces smras nas/ tshe dang ldan pa ma 'gags pa song ngo / /khyim bdag
13b5 de'i chung ma yang zla ba dgu 'am bcu lon pa dang khye'u gzugs bzang zhing blta na sdug la mdzes pa mdog bzang ba gser gyi kha dog can mgo gdugs ltar 'dug pa lag pa ring ba dpral ba'i dbyes che ba/sna mtho ba sna legs pa smin ma stug pa zhig btsas so/ /de nas
13b6 de'i btsas ston rgyas par byas nas/khye'u 'di'i ming ji skad gdags zhes ming 'dogs par byed de/ bdag gi bu nam btsa' bar 'gyur zhig gu snyam du yun ring po nas/ bdag gis smon smon pa dang yun ring po nas bdag 'dod cing / yid smon du bgyi bgyi ba de/
13b7 khye'u 'dis yongs su rdzogs par byas pas na/ khye'u 'di'i ming rdzogs byed ces gdags so zhes zer ro/ /de nas khye'u rdzogs byed pang na 'tsho ba'i ma ma gnyis dang / nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma
14a1 brgyad la gtad nas/de sred med kyi bu'i lag na thogs pa'i rma bya'i mdongs dang bsrung ba'i srad bu dang 'o ma dang zho dang mar dang zhun mar dang mar gyi nying gus bskyed bsrings te/ mtsho'i nang gi pad ma bzhin du skyed drag par gyur to/ /de gang gi tshe cher skyes pa
14a2 de'i tshe/yi ge dang khong rtsis dang shod dgod pa dang lag rtsis dang dbyung ba dang sba ba dang dgram pa dang gos brtag pa dang nor bu brtag pa dang rin po che brtag pa dang spos brtag pa dang sman brtag pa dang glang po che brtag pa dang rta brtag pa dang go mtshon brtag pa bslabs te/ yi ge
14a3 mkhas pa dang klog mkhas pa dang mdzangs pa dang bya ba la gsal ba dang yid gzhungs pa dang brtag pa rnam pa brgyad la byang bar gyur to//de nas phyi zhig na/ tshe dang ldan pa ma 'gags pas/ khye'u de rab tu dbyung ba'i dus la bab par mthong nas/ snga dro sham thabs dang chos gos
14a4 bgos te/lhung bzed thogs nas mnyan du yod par bsod snyoms la song ste/ de mthar gyis bsod snyoms la rgyu ba las/ khyim bdag de'i khyim ga la ba der song ste phyin nas/ stan bshams pa la 'dug go/ /'dug nas kyang tshe dang ldan pa ma 'gags pas/
14a5 khyim bdag de la smras pa/ khyim bdag khye'u 'di ni ma btsas pa'i snga rol nas/ khyod kyis bdag gi g.yog tu byin te/ khong dge ba rnams ni dam bcas pa la brtan pa yin na/ de kho na ltar dam ma bcas sam/ khyim bdag gis smras pa/ 'phags pa de
14a6 kho na ltar dam bcas lags so zhes byas nas/khye'u de lag pa gnyis kyis bzung ste/ tshe dang ldan pa ma 'gags pa la phul nas smras pa/ bu khyod ma btsas pa'i snga rol nas/ 'phags pa la ngas phul gyis song la 'phags pa'i zham ring gyis shig /
14a7 khye'us smras pa/ de ni bdag la phan gdags pa lags so zhes byas nas/ khye'u de tshe dang ldan pa ma 'gags pa'i phyi bzhin 'brang ste/ khye'u de tshe dang ldan pa ma 'gags pas/ gtsug lag khang du khrid nas/ rab tu phyung ste/ bsnyen par rdzogs par byas
14b1 nas de la lung yang phog go//de nas de srod dang tho rangs mi nyal bar brtson pa lhur byed pa la gnas kyang khyad par cung zad kyang ma thob nas/ de phyi zhig na nad kyis thebs nas/ de'i pha ma gnyis kyis bu nad kyis thebs so zhes thos nas/ thos ma thag tu de'i pha ma gnyis
14b2 kyis sman pa khrid de/yo byad thams cad khyer nas/ gtsug lag khang du song ste/ yo byad thams cad kyis bsnyen bkur byas kyang sos par byed ma nus nas/ de gnyis kyis bsams pa/ bdag cag gnyis gtsug lag khang du 'dug na ni khyim gyi bya ba mang
14b3 po dag shor bar 'gyur na ma la bu 'di khyim du khrid la de nyid du nad g.yog bya'o snyam du bsams nas/tshe dang ldan pa ma 'gags pa'i rkang pa la phyag 'tshal te smras pa/ 'phags pa mkhyen par mdzad du gsol/ bdag cag gnyis 'di na mchis na ni khyim gyi bgyi
14b4 ba mang po dag shor bar 'gyur na/bdag cag gnyis kyis bu 'di khyim du khrid de nad g.yog bgyi bar 'tshal na gnang bar mdzad du gsol zhes byas so/ /de nas tshe dang ldan pa ma 'gags pas bsams pa/ dge slong 'dis khyim de nyid du dgra bcom pa nyid mngon sum du
14b5 byed par 'gyur la/pha ma gnyis dang khyim mi rnams kyang bden pa rnams la 'god par 'gyur ro snyam du rig nas/ tshe dang ldan pa ma 'gags pas smras pa/ khyed gnyis ji ltar dga' ba bzhin du gyis shig /de nas de skad thos pa'i mod la/ khyim bdag
14b6 des/dge slong de bdag gi khyim du khrid de/ sman pa'i lung bzhin du yo byad thams cad kyis nad g.yog byas so/ /dge slong des kyang khyim de nyid na 'dug bzhin du nad kyis skyo bar gyur nas/ brtson pa dang bsgrub pa dang 'bad pas nyon mongs pa thams cad
14b7 spangs nas/dgra bcom pa nyid mngon sum du byas te/ des dgra bcom pa thob nas pha ma gnyis dang khyim gyi mi rnams kyi bsam pa dang bag la nyal dang khams dang rang bzhin rtogs nas de dang 'thun pa'i chos bstan te/ de thos nas khyim bdag de 'khor dang bcas
15a1 pas stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas te/ des pha ma gnyis bden pa rnams la bkod nas/ bdag nyid kyi sngon gyi gnas
15a2 rjes su dran par byed de/bdag gang nas 'chi 'phos gang du skyes snyam du bsams nas/ des mi las shi 'phos te/ mi nyid du skyes la thams cad du yang nad mang ba dang / tshe thung bar gyur par mthong nas/ des bsams pa bdag so so'i skye bor gyur pas/
15a3 'di lta bu'i sdug bsngal nyams su myong bar gyur la/ da ni bdag gis bya ba byas zin pas/ bdag la sdug bsngal 'di lta bu ci dgos kyis/ ma la bdag zhi ba'i dbyings su 'jug par bya'o snyam du bsams nas/ 'bar ba dang lam mer 'dug pa dang / char 'bab
15a4 pa dang glog 'gyu ba'i cho 'phrul rnams bstan te/phung po lhag ma med pa'i mya ngan las 'das pa'i dbyings su yongs su mya ngan las 'das so/ /de yongs su mya ngan las 'das nas/ pha ma gnyis kyis de khyogs ras sngon po dang / ser po dang dmar po dang
15a5 dkar po rnams kyis brgyan pa'i steng du bzhag ste khyer bar byas na/khyogs gdeg par ma nus nas/ de dag tshe dang ldan pa ma 'gags pa'i thad du song ste bsnyad do/ /de nas tshe dang ldan pa ma 'gags pas dran par byas te/ bsams na de nyid kyis/ de lta bur
15a6 'gyur ba'i smon lam btab par rig nas bcom ldan 'das la gsol te/bcom ldan 'das kyis bka' stsal pa/ dge slong dag chos gos dag gyon la/ dge slong de'i mchod pa'i las byed du 'dong ngo zhes bka' stsal nas/ bcom ldan 'das dge
15a7 slong gi tshogs kyis zham ring byas te/dge slong gi dge 'dun gyis mdun du bdar nas/ khyim bdag de'i khyim ga la ba der gshegs so/ /skye dgu'i bdag mo chen mo gau ta mIs kyang khyim bdag che ge mo zhig gi bu rab tu byung nas/ de yongs su mya ngan las
15b1 'das te/bcom ldan 'das kyang de la mchod pa dang bkur stir mdzad par bzhed do zhes thos te/ de ltar rig nas/ des kyang de'i sngon gyi gnas rjes su dran par byas te 'khor lnga brgya dang khyim bdag de'i khyim ga la ba der dong ngo / /khyim bdag mgon med
15b2 zas sbyin dang btsun mo'i 'khor gyi bla drang srong sbyin dang gna' mis kyang thos so//dge bsnyen ma sa ga dang / dge bsnyen ma legs skyes mas kyang khyim bdag che ge mo zhig gi bu rab tu byung nas/ de yongs su mya ngan las 'das te/ bcom ldan 'das kyang
15b3 de'i mchod pa dang bkur sti mdzad par bzhed do zhes thos so//thos nas de dag kyang 'khor dang bcas par der dong ste/ de dag gis bcom ldan 'das kyi zhabs la phyag 'tshal nas gsol pa/ dge slong 'di yi sku gdung gi mchod pa bdag cag bgyid kyis/
15b4 bcom ldan 'das 'o brgyal mi 'tshal lo/ /de nas bcom ldan 'das kyis/ khyim bdag mgon med zas sbyin la cang mi gsung bas gnang ngo / /de nas khyim bdag mgon med zas sbyin dang / dge bsnyen gzhan dag gis dge slong de'i khyogs khyer
15b5 nas/dur khrod du chas te/ de'i phyi bzhin du bcom ldan 'das dang dge slong gzhan dag dang mchod pa dang bkur sti byed pa'i dge bsnyen dang dge bsnyen ma rnams kyang phyi bzhin du 'brang ste/ de dag gis dur khrod du khyer nas/ spos kyi shing sna tshogs btser te me sbar nas/ me de
15b6 'o mas bsad de rus pa de rnams bsdus nas bum pa'i nang du bcug ste sa phyogs de nyid du sku gdung gi mchod rten brtsigs nas/mchod rten de la mchod pa chen po byas te chos mnyan pa'i phyir/ sangs rgyas kyi spyan sngar 'khod nas/ bcom ldan 'das
15b7 kyis 'khor bzhi po rnams la mi rtag pa dang ldan pa'i gtam bka' stsal nas/gtsug lag khang du gshegs so/ /de nas dge slong dag gis bcom ldan 'das la zhus pa/ dge slong rdzogs byed kyis las ci bgyis na/ las de'i rnam par smin pas phyug
16a1 cing nor mang la longs spyod che ba'i rigs su skyes la nad mang bar gyur lags/bcom ldan 'das kyis bka' stsal pa/ dge slong dag rdzogs byed 'di nyid kyis sngon las byas shing bsags te/ dge slong dag las byas shing bsags
16a2 pa rnams ni/phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang /
16a3 khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i
16a4 dus na/bskal pa bzang po 'di nyid la/ skye dgu'i tshe lo bzhi khri thub pa na/ rgyal po'i pho brang bde ldan na/ rgyal po bde ba'i mdun na 'don pa/ bram ze mes byin la bu gnyis yod pa las gcig gis ni rgan po dang / nad pa dang shi ba mthong nas nags kyi nang du
16a5 rten bcas te/de der song nas byang chub kyi phyogs dang 'thun pa'i chos sum cu rtsa bdun dran par byas nas/ bla na med pa yang dag par rdzogs pa'i byang chub brnyes te/ chos kyi 'khor lo rnam pa bcu gnyis lan gsum du bskor nas sems can la phan pa mdzad de/ yang
16a6 dag par rdzogs pa'i sangs rgyas 'khor ba 'jig ces bya bar gyur to//cig shos ni 'dod pa la zhugs te bag med pa dang gzhan gyi chung ma la byi byed pa dang / srog gcod pa byed par gyur te/ de shor du song nas/ sems can stong phrag du ma kha 'dog par
16a7 byed do//der gang gi tshe yang dag par rdzogs pa'i sangs rgyas 'khor ba 'jig pho brang mdzes ldan du gshegs te/ yab sras gdan 'dzom pa de'i tshe mdzes ldan na rten cing bzhugs te/ sems can la phan pa mdzad do/ /de nas des gcung de sdig pa'i
16b1 las de las bzlog nas/skyabs su 'gro ba dang / bslab pa'i gzhi rnams la gnas par mdzad do/ /des kyang rnam pa thams cad yongs su rdzogs pa'i gtsug lag khang byas nas yang dag par rdzogs pa'i sangs rgyas 'khor ba 'jig nyan thos kyi dge 'dun dang
16b2 bcas pa la phul te yo byad thams cad kyis bsnyen bkur byas nas 'chi kar smon lam btab pa/kye ma dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i rigs su skye bar gyur cig /ston pa 'di lta bu mnyes par byed
16b3 par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ /dge slong dag ci snyam du sems/ de'i tshe de'i dus na bram
16b4 ze'i bur gyur pa gang yin pa de ni rdzogs byed 'di nyid yin te/des der sems can stong phrag du ma kha btag pa'i las de'i rnam par smin pas ni gang dang gang du skyes pa de dang der nad mang ba dang tshe thung bar gyur to/ /des der rnam pa thams cad yongs su rdzogs pa'i
16b5 gtsug lag khang byas nas/sangs rgyas la sogs pa dge slong gi dge 'dun la phul te yo byad thams cad kyis bsnyen bkur byas nas 'chi kar smon lam btab pa/ bdag gang dang gang du skye ba de dang der phyug cing nor mang la longs spyod che ba'i rigs su skye bar
16b6 gyur cig /ston pa 'di lta bu mnyes par byed par gyur cig /mi mnyes par byed par ma gyur cig /yon tan 'di lta bu dag kyang thob par gyur cig /ces byas pa'i las de'i rnam par smin pas ni/ gang dang gang du skyes pa de dang der phyug cing nor mang la
16b7 longs spyod che ba'i rigs su skyes la/gzugs bzang zhing blta na sdug la mdzes par gyur te/ dge slong dag nga yang dag par rdzogs pa'i sangs rgyas 'khor ba 'jig dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes
17a1 par gyur nas/'dis nga mnyes par byas te/ mi mnyes par ma byas la nga nyid kyi bstan pa la rab tu byung nas/ nyon mongs pa thams cad spangs te dgra bcom pa nyid mngon sum du byas so/ /las ci bgyis na las de'i rnam par smin pas yongs su
17a2 mya ngan las 'das pa na 'khor bzhi po rnams mchod pa bgyid par 'gyur lags/bcom ldan 'das kyis bka' stsal pa/ smon lam btab pa'i dbang gis gyur to/ /'dis gang du smon lam btab pa lags/ bcom ldan 'das kyis bka' stsal pa/
17a3 dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba kha lo sgyur ba bla
17a4 na med pa lha dang mi rnams kyi ston pa/sangs rgyas bcom ldan 'das 'od srung zhes bya ba 'jig rten du byung ste/ de'i tshe grong khyer bA rA Na sI na khyim bdag cig gnas pa las phyi zhig na/ de'i chung ma la bu chags nas/ de zla ba dgu'am bcu lon pa dang bu gzugs
17a5 bzang zhing blta na sdug la mdzes pa zhig btsas nas/gang gi tshe de cher skyes pa de'i tshe/ des yang dag par rdzogs pa'i sangs rgyas 'od srung gi bstan pa la dad pa rnyed nas des pha ma la gsol te/ yang dag par rdzogs pa'i sangs rgyas 'od srung gi gsung rab la rab tu
17a6 byung nas/brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ des dgra bcom pa nyid thob nas bsams pa/ bdag gis 'khor ba'i lus 'dis bya ba byas zin gyis/ ma la da ni bdag zhi ba'i dbyings su
17a7 'jug par bya'o snyam du bsams nas/'bar ba dang lam mer 'dug pa dang char 'bab pa dang glog 'gyu ba'i cho 'phrul rnams bstan te/ phung po lhag ma med pa'i mya ngan las 'das pa'i dbyings su yongs su mya ngan las 'das nas/ mkhan pos de'i pha ma la sbran te/ de'i pha
17b1 ma gnyis dang mkhan pos sku gdung gi mchod pa chen po byas nas mkhan pos smon lam btab pa/kye ma dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i rigs su skye bar gyur cig /yang dag par rdzogs pa'i sangs rgyas
17b2 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig /mi mnyes par byed par ma gyur cig /yon tan 'di lta bu dag kyang thob par gyur cig /bdag yongs su mya ngan las 'das pa na yang bcom ldan
17b3 'das 'khor bzhi po dang bcas pa rnams kyis mchod pa'i las mdzad par shog cig ces byas so//dge slong dag 'di ji snyam du sems/ de'i tshe dge slong du gyur pa gang yin pa de ni rdzogs byed 'di nyid yin te/ des dgra bcom pa de la mchod pa byas nas smon lam btab
17b4 pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs
17b5 mnyam pa brnyes par gyur nas/'dis nga mnyes par byas te mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ yongs su mya ngan las 'das pa na yang 'khor
17b6 bzhi po rnams kyis mchod pa'i las byas so// //las brgya tham pa/ bam po gnyis pa/ sgur bu gnyis zhes bya ba de la/ sgur bu dang po ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag
17b7 phyug cing nor mang la longs spyod che ba yongs su 'dzin pa yangs shing rgya che ba/rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur
18a1 spyod pa las phyi zhig na de'i chung ma la bu chags nas/de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun par ming btags te/
18a2 'o ma dang zho dang mar dang zhun mar dang mar gyi nying gus bskyed bsrings te/ de gang gi tshe cher skyes pa de'i tshe yi ge dang khong rtsis dang shod dgod pa dang / lag rtsis dang dbyung ba dang sba ba dang dgram pa dang gos brtag pa dang nor bu brtag pa dang rin po che brtag pa dang
18a3 spos brtag pa dang sman brtag pa dang glang po che brtag pa dang rta brtag pa dang go mtshon brtag pa rnams bslabs te/yi ge mkhas pa dang klog mkhas pa dang mdzangs pa dang bya ba la gsal ba dang yid gzhungs pa dang brtag pa rnam pa brgyad la byang bar gyur to/ /de nas phyi
18a4 zhig na khye'u de nad kyis thebs nas de'i rgyab rlung gis sgur bur byas so//de nas de mthong ma thag tu pha ma gnyis shin tu sdug bsngal bar gyur nas/ de la sman pa thams cad dang yo byad thams cad bsogs te rim gro byas kyang sos par byed ma nus so/ /de nas phyi zhig
18a5 na khyim bdag de'i blo skyes pa khye'u 'di sman pa thams cad kyis gso ma nus kyis/da ni yon gnas rnams la gsol ba btab na/ de dag ni rdzu 'phrul che zhing mthu che ba yin pas/ de dag gis bdag gi bu'i rgyab snga mkho bzhin du rangs par byed nus kyang srid do
18a6 snyam du bsams nas/des rdzogs byed la sogs pa ston pa drug spyan drangs te/ rang gi lag gis bza' ba dang bca' ba gtsang ma bzang po mang pos tshim par byas nas/ rkang pa la phyag 'tshal te smras pa/ khyed ni 'di ltar 'das pa dang ma 'ongs pa dang da ltar byung ba ci
18a7 yang mi mkhyen pa'am/mi rtogs pa mi mnga' ba lags na/ bdag gi bu 'di rlung gis rgyab sgur por bgyis pa de sos par mdzad du gsol zhes byas so/ /de dag gis kyang de la sngags dang sman mang du byas na/ 'on kyang sos par byed ma nus so/ /de nas khyim
18b1 bdag de'i mdza' bo bshes pa'i grogs po sangs rgyas pa'i dge bsnyen zhig yod pa des/de la smras pa grogs po skyabs ma yin pa 'di dag la skyabs btsal te ci bya/ sangs rgyas bcom ldan 'das la skyabs su song dang khyod kyi legs pa thams cad mdzad par 'gyur
18b2 ro//des smras pa de ci shes pa zhig dge bsnyen gyis smras pa/ de ni thams cad mkhyen pa rnam pa thams cad mkhyen pa yin no/ /de nas khyim bdag des thos ma thag tu dga' ba skyes so/ /dga' ba skyes nas bcom ldan 'das ga la ba der song ste phyin nas/ bcom
18b3 ldan 'das kyi zhabs la mgo bos phyag 'tshal te/chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de dang 'tsham pa'i chos bstan nas cang mi gsung bar bzhugs so/ /de nas bcom ldan 'das kyis gtam gyi mjug
18b4 rdzogs nas/khyim bdag de stan las langs te bla gos phrag pa gcig tu gzar nas/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs cig tu sang bdag gi khyim du bshos gsol bar ci gnang zhes gsol to/
18b5 de nas bcom ldan 'das kyis khyim bdag de la cang mi gsung bas gnang ngo / /de nas khyim bdag des bcom ldan 'das kyis cang mi gsung bas gnang bar rig nas/ bcom ldan 'das kyis gsungs pa la mngon par bstod de/ rjes su yi rang nas bcom
18b6 ldan 'das kyi zhabs la mgo bos phyag 'tshal te/bcom ldan 'das kyi thad nas song ngo / /de nas des de nyid kyi mtshan mo bza' ba dang bca' ba gtsang ma bzang po mang po sbyar nas nang par sngar langs te gdan bshams nas phyag chab kyi chu ra bkang ste/ bcom ldan
18b7 'das la phrin gyis gdugs tshod bskul ba/btsun pa gdugs tshod la bab ste bshos gsol lags na/ bcom ldan 'das kyis da de'i dus la bab par dgongs te gshegs su gsol zhes bskul to/ /de nas bcom ldan 'das snga dro sham thabs dang chos gos
19a1 gsol te/lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdar nas/ khyim bdag de'i bkad sa ga la ba der gshegs pa dang khye'u des thag ring po zhig nas sangs rgyas
19a2 bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/me lus kyi dbyibs su 'dug pa lta bu me lce mar gyis btab pa lta bu/ mar me gser gyi snod du bzhag pa lta bu mchod sdong rin po che sna tshogs kyis spras pa lta bu/
19a3 blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba
19a4 de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro//de ltar mthong nas kyang khye'u de bcom ldan 'das la shin tu dga' ba skyes te/ shin tu dga' ba skyes nas/ de gus par bsgrim pa'i
19a5 tshul gyis khri las langs so//de khri las langs pa'i mod la rgyab sgur ba de snga mkho bzhin du rangs par gyur to/ /de nas de lhag par yang bcom ldan 'das la dga' ba skyes so/ /dga' ba skyes nas bcom ldan 'das ga la ba der song ste phyin nas/ bcom
19a6 ldan 'das kyi zhabs la mgo bos phyag 'tshal te/bcom ldan 'das kyi zhabs la mchus gtugs nas 'di skad du/ bcom ldan 'das ni bdag la dka' ba mdzad pa'o/ /bde bar gshegs pa ni/ bdag la dka' ba mdzad pa'o zhes gsol to/ /de nas
19a7 bcom ldan 'das dge slong gi dge 'dun gyi gung la gdan bshams pa la bzhugs so//de nas khyim bdag des sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par
19b1 byas te ci bzhed pa bstabs so//rang gi lag nas bza' ba dang bca' ba gtsang ma bzang po mang po rnam grangs du mas tshim par byas te/ ci bzhed pa bstabs nas/ bcom ldan 'das bshos gsol lags te/ gsang sder ni gyu phyag ni bcabs par rig
19b2 nas/chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis khyim bdag de 'khor dang bcas pa'i bsam pa dang bag la nyal dang khams dang rang bzhin thugs su chud nas de dang 'thun pa'i chos bstan te/ de thos nas khyim bdag de 'khor
19b3 dang bcas pa dang khye'u des 'jig tshogs la lta ba'i ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas so/ /de nas bcom ldan 'das kyis de dag bden pa rnams la bkod nas/ chos kyi gtam gyis yang dag par
19b4 bstan/yang dag par 'dzin du bcug /yang dag par gzengs bstod/ yang dag par dga' bar mdzad nas/ gdan las bzhengs te gshegs so/ /de nas phyi zhig na khye'u de'i blo skyes pa/ bcom ldan 'das kyis bdag gi sdug bsngal dang yid mi
19b5 bde ba rnam pa du ma ni bsal/bde ba dang yid bde ba rnam pa du ma ni bsgrubs/ sdig pa mi dge ba'i chos rnam pa du ma ni bsal/ dge ba'i chos rnam pa du ma ni bsgrubs kyis bdag gis khyim na gnas pa btang la bcom ldan 'das kyi thad du tshangs par spyod pa spyad du
19b6 'gro'o snyam du bsams te pha ma la gsol nas/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud
19b7 de bcom ldan 'das la 'di skad ces gsol to//btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na bdag kyang / bcom ldan 'das kyi thad du tshangs par spyod pa spyad par 'tshal
20a1 lo//de nas de la bcom ldan 'das kyis dge slong tshur shog /tshangs par spyod cig ces bka' stsal nas/ tshig de skad ces bka' stsal pa'i mod la skra dang kha spu bregs nas zhag bdun lon pa tsam du gyur/ spyod lam ni bsnyen par rdzogs nas lo
20a2 brgya lon pa lta bur 'dug par gyur/lag na ni lhung bzed dang / chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ de ni mgo bregs lus la snam sbyar gyon/ /sangs rgyas kyis ni dgongs pas gos bgos
20a3 nas//mod la dbang po rab tu zhi bar gnas/ /de nas bcom ldan 'das kyis de la lung phog nas des kyang brtson pa dang / bsgrub pa dang 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams
20a4 gsum pa'i 'dod chags dang bral bar gyur la/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes
20a5 pa dang /so so yang dag par rig pa thob pa/ srid pa'i rnyed pa dang chags pa dang bkur sti la rgyab kyis phyogs pa dang dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong dag gis bcom
20a6 ldan 'das la zhus pa/btsun pa dge slong 'dis las ci bgyis na/ las de'i rnam par smin pas phyug cing nor mang la longs spyod che ba'i rigs su skyes lags/ las ci bgyis na/ las de'i rnam par smin pas rgyab sgur bur gyur la/ bcom ldan 'das
20a7 la brten te/snga mkho bzhin du rangs par gyur nas/ 'dis bcom ldan 'das mnyes par bgyis te/ mi mnyes par ma bgyis na/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum
20b1 du bgyis lags/bcom ldan 'das kyis bka' stsal pa/ dge slong dag dge slong 'dis las byas shing bsags te/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i
20b2 sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba/bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i tshe grong khyer bA rA Na
20b3 sI na khyim bdag cig gnas pa des thabs zlar bab pa las chung ma blangs nas/de de dang lhan cig tu rtse zhing dga' la dga' mgur spyod pa las phyi zhig na de'i chung ma la bu chags nas/ de zla ba dgu'am bcu lon pa dang / bu mtshe ma gnyis byung ste/ de gnyis kyi btsas
20b4 ston rgyas par byas nas/rigs dang 'thun par ming btags te/ 'o ma dang zho dang mar dang zhun mar dang mar gyi nying gus bskyed bsrings te/ gang gi tshe de gnyis cher skyes pa de'i tshe de gnyis yang dag par rdzogs pa'i sangs rgyas 'od srung gi bstan pa la dad pa
20b5 rnyed nas/de gnyis kyis pha ma la gsol te/ yang dag par rdzogs pa'i sangs rgyas 'od srung gi bstan pa la rab tu byung nas/ bsnyen par rdzogs te de gnyis la mkhan pos smras pa/ bu gnyis bcom ldan 'das kyi bstan pa 'di ni 'khor lo gnyis kyis gzung
20b6 ba byed de/bsam gtan gyi 'khor lo dang kha ton byed pa'i 'khor lo 'di gnyis yin na/ khyed gnyis kyis gang bya/ de gnyis kyis smras pa/ thog mar re zhig kha ton la 'bad par bgyis la slad kyis bsam gtan bgyi'o/ /mkhan pos smras pa/ khyed
20b7 gnyis ji ltar dga' ba bzhin du gyis shig ces byas nas/des re zhig kha ton slob tu bcug go/ /de gnyis kyi nang na gcig ni rgod bag can zhig go/ /gcig ni brtan po zhig ste de ni gang gi tshe kha ton byas zin nas nyal bar byed de/ de'i tshe rgod bag can cig
21a1 shos kyis de nyal ba'i steng du yang dang yang ljid kyis 'bebs par byed nas/des de la btsun pa bdag la yang dang yang du gnod pa ma byed cig ces byas kyang des de'i ngag ma mnyan to/ /de nas de khros nas de nyid snad par bya ba'i phyir drung du so
21a2 phag cig bsgrengs te bzhag go//dge slong de yang de la gtse ba'i phyir yang 'ongs te/ de'i steng du ljid kyis phab nas de'i rgyab so phag de'i steng du phab ste/ rked pa chag nas de gzhi de las sdug bsngal chen po skyes so/ /de nas nu bo des kyang de'i lus kyi sdug bsngal
21a3 mthong nas/de yang sems kyi sdug bsngal chen po skyes te/ bdag gis mi dgos pa 'di lta bu byas pa nyes so snyam du 'gyod pa skyes nas/ des sman pa dang yo byad rnams sbyar te phu bo'i nad g.yog byas nas des ring po ma thogs par de'i rgyab sos par byas so/ /de
21a4 gang gi tshe sos par gyur pa de'i tshe de shas cher skyo ba skyes te/lus rul ba snying po med pa 'di ci dgos snyam nas/ des brtson pa dang bsgrub pa dang 'bad pas nyon mongs pa thams cad spangs te dgra bcom pa nyid mngon sum du byas so/ /nu bo des kyang des bya ba byas par rtogs
21a5 nas/de de la shin tu dga' ba skyes so/ /dga' ba skyes nas de la bkur sti dang ldan pas g.yog byas so/ /de bzhin du sangs rgyas dang chos dang dge 'dun la yang bkur sti byas nas/ tshe gcig tu tshangs par spyod pa spyad de/ 'chi kar smon lam btab pa/
21a6 bdag gis 'di ltar sangs rgyas dang chos dang dge 'dun la bkur sti byas nas/ tshe gcig tu tshangs par spyod pa spyad kyang / yon tan gyi tshogs ci yang ma thob kyis da dge ba'i rtsa ba 'dis na/ bdag gang dang gang du skye ba de dang der phyug cing nor mang la longs
21a7 spyod che ba'i rigs su skye bar gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur
21b1 cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig /bdag gis sems can dag pa 'di lta bu la gnod pa byas pa'i las de'i skal ba can du bdag ma gyur cig /ji ste bdag la las
21b2 de'i 'bras bu rnam par smin par 'gyur na yang bdag gi lus dang sems kyi gnod pa de bcom ldan 'das kyis bsal bar gyur cig ces byas so//dge slong dag ji snyam du sems de'i tshe yang dag par rdzogs pa'i sangs rgyas 'od srung gi gsung rab la rab tu byung
21b3 bar gyur pa gang yin pa de ni dge slong 'di nyid yin te/de khros nas phu bo'i rked pa bcag pa'i las de'i rnam par smin pas ni gang dang gang du skyes pa de dang der rked pa chag par gyur to/ /des der smon lam btab ste/ ji ste bdag la las de'i 'bras bu rnam
21b4 par smin par gyur na yang bdag gi lus dang sems kyi gnod pa de bcom ldan 'das kyis bsal bar gyur cig ces byas pa des na da ltar ngas 'di gnod pa gnyi ga las yongs su bskyabs so//des der smon lam btab ste/ bdag gang dang gang du skye ba de dang
21b5 der phyug cing nor mang la longs spyod che ba'i rigs su skye bar gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par
21b6 byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa'i las de'i rnam par smin pas ni/ 'di gang dang gang du skyes pa de dang der phyug cing nor mang la
21b7 longs spyod che ba'i rigs su skyes te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/ 'dis nga mnyes par byas te/ mi mnyes par
22a1 ma byas la/nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// //sgur bu gcig ni/ gleng gzhi mnyan du yod pa na bzhugs te/ de'i tshe dge slong ma tshon mo dga'
22a2 mo dge slong ma'i gtsug lag khang rgyal po'i kun dga' ra ba zhes bya ba na 'dug pa las phyi zhig na de'i blo skyes pa nyan thos chen mo/gnas brtan ma gnas brtan ma rdzu 'phrul thob pa de dag ni rdzu 'phrul gyis 'di nas shar gyi lus 'phags kyi gling du yang song / byang gi sgra
22a3 mi snyan dang nub kyi ban lang spyod dang sum cu rtsa gsum pa'i lha yul dang gzhan yang ljongs 'byor pa dang rgyas pa dang bde ba dang lo legs pa dang skye bo dang mi mang pos gang ba'i ljongs de dang de dag tu song nas kha zas gtsang ma bzang po mang po dag khyer nas 'ongs te/za bar
22a4 byed na/bdag gis kyang rdzu 'phrul zhig thob na ni bdag kyang shar gyi lus 'phags kyi gling du yang song / byang gi sgra mi snyan dang nub kyi ban lang spyod dang sum cu rtsa gsum pa'i lha yul dang / gzhan yang ljongs 'byor pa dang rgyas pa dang bde ba dang lo legs pa dang skye
22a5 bo dang mi mang pos gang ba'i ljongs de dang de dag tu song la/kha zas gtsang ma bzang po mang po blangs te bza' ba zhig na/ ma la bdag gis kyang rdzu 'phrul bskyed par bya'o snyam mo/ /des yang bsams pa/ bdag la rdzu 'phrul gyi man ngag ston nus pa su
22a6 zhig yod/gal te bdag dge slong ma rnams kyi thad du song na ni/ 'di na dge slong ma rnams phrag dog can yin pas bdag la rdzu 'phrul gyi lam mi ston to/ /dge slong rnams kyang snyan slebs par dka' ste/ bdag cag gtsug lag khang na gnas pa rnams
22a7 la gtam zer du yang mi btub na/rdzu 'phrul gyi lam gyi man ngag ston pa lta ci smos kyis/ ma la bdag drug sde rnams kyi thad du song na ni/ de dag bdag gi gnyen yin pas/ rtag tu bdag gi don du 'gyur bar 'dod pa dang phan par 'dod pa yin la/ de
22b1 dag gis ni bdag la rdzu 'phrul gyi lam gyi man ngag ston kyang nus na bdag gis ji ltar bya/thog ma kho nar bdag gis de dag la zang zing gis gcams la phyis bdag gis 'di dag la don de'i gsol ba gdab bo snyam bsams nas/ des de dag spyan drangs te/ rang
22b2 gi lag nas bza' ba dang bca' ba gtsang ma bzang po mang pos tshim par byas nas/rkang pa la phyag 'tshal te smras pa/ 'phags pa dag mkhyen par mdzad du gsol/ bdag ni rdzu 'phrul bsgrub par 'tshal la/ khyed kyang bdag la rdzu 'phrul gyi lam ston par
22b3 spyod kyis bdag la rdzu 'phrul gyi lam gyi man ngag bstan du gsol/khyed kyi mthus bdag gis rdzu 'phrul bskyed par 'tshal lo/ /drug sde rnams kyis de la smras pa/ tshon mo dga' mo/ rig pa su la'ang sbyin mi bya/ /rig dang mnyam du 'chi bar bya/ /yang
22b4 na rig pas rig pa brje//yang na sri zhu nor phyir sbyin/ /zhes bya ba khyod kyis ma thos sam/ de lta mod kyi 'on kyang khyod nged las rdzu 'phrul bsgrub par 'dod na/ sngar je kho bo cag zla ba gsum gyi bar du spyan drongs la/ re re la yang yo byad rnam pa drug drug phul
22b5 cig ces byas so//de nas des rkang pa la phyag 'tshal te smras pa/ bdag la rdzu 'phrul gyi lam gyi man ngag ston cig dang de bzhin du bgyi'o/ /drug sde pa rnams kyis smras pa/ che zhe khyod kyis thog mar je lus zon yang bar gyis dang / phyis goms pa'i
22b6 shugs kyis rdzu 'phrul dka' ba med do//des smras pa/ bdag gis thabs ci zhig gis lus zon yang bar bgyi/ de dag gis smras pa/ re zhig kha zas nyung du zo shig /de nas dang po'i nyin par ni khri'u gcig gi steng du 'dzegs la mchongs shig /de
22b7 bzhin du phyi de nyin par khri'u nyis brtsegs byos la de'i steng du 'dzegs nas de la mchongs shig /de bzhin du nyi ma gsum nas nyi ma bdun gyi bar du khri'u bdun gcig gi steng du gcig brtsegs la de'i steng du 'dzegs te de las mchongs shig /de bzhin du khang thog nas
23a1 kyang mchongs shig dang de'i tshe goms pa'i shugs kyis lus zon yang bar 'gyur ro//de'i 'og tu goms pa'i shugs kyis rdzu 'phrul 'grub par 'gyur ro/ /de nas de thos ma thag tu tshon mo dga' mos/ ji ltar de dag gis man ngag bstan pa de bzhin du
23a2 byas nas zhag bdun pa'i nyin par des khri'u bdun brtsegs las mchongs nas rked pa chag go//de nas des drug sde rnams la bsnyad de/ 'phags pa dag bdag 'di kho na ltar gyur gyis ma mchis na/ da bdag gis ji ltar bgyi zhes byas so/ /drug sde rnams kyis
23a3 de la smras pa/bdag cag gis ci shes pa'i man ngag ni khyod la bstan zin te/ thabs 'dis na khyod kyi lus zon yang bar gyur la/ phyis rdzu 'phrul yang dka' ba med do/ /de phan cad ji ltar bya ba ni khyod nyid shes par zad do/ /de nas de thos ma thag tu tshon mo
23a4 dga' mo khro ba'i kun nas dkris pa chen po skyes nas/des gtsug lag khang du 'ongs pa de dag tshar bcad de zhe gcod pa'i tshig gis dmus phyung nas gtsug lag khang nas bskrad do/ /skye bo phal po che la yang don de bsnyad nas kha byas te smod cing 'phyas so/ /de nas
23a5 skabs de dge slong dag gis thos nas bcom ldan 'das la gsol te 'di skad ces smras so//btsun pa dge slong ma tshon mo dga' mo rdzu 'phrul gyi slad du dmas shing nyams par gyur la/ des dgung zla gsum gyi bar du g.yar drangs pa dang / lhung bzed dang chos gos mang pos
23a6 kyang bgod la/des rdzu 'phrul yang ma thob pa la gzigs/ bcom ldan 'das kyis bka' stsal pa/ dge slong ma tshon mo dga' mo ni drug sde rnams kyis da ltar 'ba' zhig brid par ma zad de/ ji ltar 'das pa'i dus na yang 'di dag nyid kyis brid de/ don de yang
23a7 ma grub pa de nyon cig /dge slong dag sngon byung ba 'das pa'i dus na/ grong khyer bA rA Na sI na rgyal po tshangs pas byin rgyal po byed de/ rgyal po de'i pho brang na khang zhig gsar du byed pa der shing mkhan mang po zhig las byed de/ de dag gis sdong po yon po gang
23b1 yin pa de dag thig gis btab nas drang por srong bar byed pa dang /rgyal po de'i dkor ba bud med sgur mo zhig 'dug pa des/ shing mkhan de dag gis sdong po yon po rnams thig gis btab nas drang por srong bar byed pa mthong ngo / /mthong nas kyang de'i blo skyes pa shing
23b2 mkhan 'di dag ni mkhas te 'di ltar sdong po mkhrang la reg na rtsub pa dag kyang drang por srong nus na/bdag gi rgyab 'jam zhing mnyen pa lta smos kyang ci dgos te/ ji ste srong mi nus snyam bsams nas/ de dag gi thad du song ste smras pa/ kye khyed rnams kyis bdag
23b3 gi rgyab sgur ba bsrang bar nus sam/de dag gis smras pa/ nged kyis nus ni nus mod kyi 'on kyang sngar ji kho bo cag la rngan pa byin te/ zla ba gsum gyi bar du g.yar drongs la gos dang rgyan mang po dag kyang byin cig dang de'i 'og tu kho bo cag gis khyod kyi rgyab drang por
23b4 bsrang ngo //des smras pa/ khyed ji ltar dga' ba bzhin du bya'o zhes byas nas des de dag zla ba gsum gyi bar du bza' ba dang bca' ba gtsang ma bzang po mang pos bkur nas/ tha ma'i nyin par gos dang rgyan dag kyang byin te smras pa/ bdag gis khyed la rngan pa stsal lags
23b5 kyis/da ni khyed kyis bdag gi rgyab sgur ba drang por srong shig /de dag gis smras pa che zhe bdag cag gis ni sdong po yon po rnams thig gis btab nas sta res bzhogs te drang por srong na/ gal te khyod kyis gnod pa de lta bu bzod nus na ni/ bdag cag gis khyod
23b6 kyi rgyab thig gis btab ste sta res bzhogs la drang por bsrang ngo //des smras pa/ thabs des ni bdag 'chi bar 'gyur te/ bdag 'tsho ba'i skabs kyang med do/ /shing mkhan rnams kyis smras pa/ kho bo cag gi shes pa ni de kho nar zad de/ de phan cad ji ltar
23b7 bya ba ni khyod nyid shes su zad do//de nas de skyengs te re thag chad nas/ kha rog par 'dug ste/ su la yang cung zad kyang smra ba ma phod do/ /dge slong dag ji snyam du sems de'i tshe/ rgan mor gyur pa gang yin pa de ni tshon mo dga' mo 'di nyid yin no/ /de'i tshe shing
24a1 mkhan du gyur pa de dag ni drug sde 'di dag nyid yin te/de'i tshe yang 'di de dag gis brid nas don de ma grub bo/ /da ltar yang 'di de dag gis brid nas 'di rdzu 'phrul yang ma grub pa yin no// //'char ka zhes bya ba ni/ gleng gzhi rgyal po'i
24a2 khab na bzhugs te der gang gi tshe/tshe dang ldan pa piN+Do la ba ra d+h+wa dzas nyon mongs pa thams cad spangs nas/ dgra bcom pa nyid mngon sum du byas pa de'i tshe des bsams pa/ bcom ldan 'das kyis bdag gi sdug bsngal dang yid mi bde ba rnam pa du ma ni bsal/
24a3 bde ba dang yid bde ba rnam pa du ma ni bsgrubs/ sdig pa mi dge ba'i chos rnam pa du ma ni bsal/ dge ba'i chos rnam pa du ma ni bsgrubs na/ bdag gis bcom ldan 'das kyi bka' drin ji ltar bsab par bya snyam mo/ /de nas des bsams pa sangs rgyas 'jig rten du 'byung
24a4 ba gang yang rung ba de dag thams cad ni sems can la phan pa'i phyir 'byung bar zad kyis/ma la bdag gis kyang sems can la phan par bya gor ma chag snyam nas des bsams pa/ bdag gis gdul bar bya ba 'ga' lta yod dam snyam pa dang / des yul kau shAM bI na gnas pa'i skye bo
24a5 phal cher bdag gis gdul bar 'gyur ba mthong nas/ji srid dga' ba'i bar du rgyal po'i khab tu gnas nas des sham thabs dang chos gos bgos te/ lhung bzed thogs nas yul kau shAM bI na ga la ba der rgyu zhing song ste de mthar gyis rgyu zhing song ba las yul kau shAM bIr phyin nas/
24a6 kau shAM bI na khyim bdag gdangs las rig gi kun dga' ra ba na gnas so/ /tshe dang ldan pa de yang bsod nams chen po dang ldan pa/ mdun na 'don gyi bu las rab tu byung ba yin no zhes grags so/ /de nas kau shAM bI na gnas pa'i skye bo mang pos 'phags pa piN+Do la ba ra d+hA dza ljongs rgyu zhing
24a7 yul kau shAM bIr 'ongs te/kau shAM bI na khyim bdag gdangs las rig gi kun dga' ra ba na 'dug go zhes thos so/ /thos nas kyang tshogs nas tshogs dang sde tshan nas sde tshan du 'dus shing tshogs te/ kau shAM bI nas byung nas/ tshe dang ldan pa piN+Do la ba ra d+h+wa dza ga la ba der song ste
24b1 lhags nas/tshe dang ldan pa piN+Do la ba ra d+h+wa dza'i rkang pa la phyag 'tshal te chos mnyan pa'i phyir mdun du 'khod do/ /de nas tshe dang ldan pa piN+Do la ba ra d+h+wa dzas/ de dag gi bsam pa dang bag la nyal dang khams dang rang bzhin rtogs nas de dang 'thun pa'i chos bstan te/ kau shAM bI na
24b2 gnas pa'i skye bo'i tshogs 'dus pa rnams kyis stan de nyid la 'khod bzhin du kha cig gis ni dro bar gyur pa bskyed do//kha cig gis ni spyi bo dang bden pa dang 'thun pa'i bzod pa dang 'jig rten gyi chos kyi mchog dang mthong ba'i snyoms par 'jug pa bskyed do/ /kha cig gis ni rgyun
24b3 du zhugs pa'i 'bras bu mngon sum du byas so//kha cig gis ni lan cig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu byung nas dgra bcom pa nyid mngon sum du byas so/ /kha
24b4 cig gis ni 'khor los sgyur ba'i rgyal por 'gyur ba'i sa bon bskyed do//kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang /
24b5 kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do/ /'khor de dag gi nang nas phal cher ni sangs rgyas la gzhol chos la 'bab/ dge 'dun la bab par byas te bkod do/ /de dag gis
24b6 bden pa mthong nas stan las langs te bla gos phrag pa gcig tu gzar nas/tshe dang ldan pa piN+Do la ba ra d+h+wa dza ga la ba de logs su thal mo sbyar ba btud de/ tshe dang ldan pa piN+Do la ba ra d+h+wa dza la 'di skad ces smras so/ /'phags pa las brten te bdag cag sems can
24b7 dmyal ba dang dud 'gro dang rnams las bton nas/lha dang mi rnams kyi nang du gom pa 'dor du bcug ste/ khrag dang mchi ma'i rgya mtsho ni skams/ rus pa'i la ni bsgral/ thog ma med pa nas goms pa'i nyon mongs pa de dag ni bor te bsal to/ /'phags pa
25a1 bdag cag ji srid 'tsho'i bar du bdag cag las zhal zas dang na bza' dang gzims cha dang gdan dang snyun gsos dang sman zong rnams bzhes par ci gnang zhes byas so//tshe dang ldan pa piN+Do la ba ra d+h+wa dzas smras pa/ grogs po dag gzhan dag la yang
25a2 phan gdags dgos kyis thong shig /de nas kau shAM bI na gnas pa'i skye bo'i tshogs rnams/ tshe dang ldan pa piN+Do la ba ra d+h+wa dzas smras pa la mngon par bstod de rjes su yi rang nas/ tshe dang ldan pa piN+Do la ba ra d+h+wa dza'i rkang pa la mgo bos phyag 'tshal te dong ngo / /de nas
25a3 bden pa mthong ba de dag dus dus su tshe dang ldan pa piN+Do la ba ra d+h+wa dza'i thad du 'dong zhing chos nyan to//de nas phyi zhig na kau shAM bI na gnas pa'i tshogs nas tshogs dang 'dus pa nas 'dus pa'i skye bo'i tshogs rnams/ 'dus shing tshogs te 'dong bar byed la/ bad sa'i rgyal po
25a4 'char ka yang dpung gi tshogs yan lag bzhi pa go bskon nas shor du dong ba dang /bad sa'i rgyal po 'char kas/ kau shAM bI na gnas pa'i skye bo'i tshogs rnams/ khyim bdag gdangs las rig gi kun dga' ra bar 'dong ba mthong ngo / /mthong nas kyang blon po
25a5 rnams la dris pa/yul mi 'di dag gar 'dong blon po rnams kyis gsol pa/ lha mdun na 'don gyi bu piN+Do la ba ra d+h+wa dza zhes bgyi ba zhig mchis pa des khyim dang cod pan ma mchis pa'i rgyal srid bor nas rab tu byung ste/ de ljongs rgyu zhing mchis pa las kau shAM bIr mchis
25a6 nas/kau shAM bI na khyim bdag gdangs las rig gi kun dga' ra ba na gnas te/ 'di dag ni de la blta ba'i slad du mchis pa lags so/ /de nas de thos ma thag tu rgyal pos smras pa/ de ni nga'i yang yun ring po nas snying du sdug pa dang yid du 'ong ba dang mkhan po dang
25a7 dran par bya ba yin gyis nga yang de la blta ba dang /bsnyen bkur bya ba'i phyir 'gro zhes byas nas/ khyim bdag gdangs las rig gi kun dga' ra ba ga la ba der song ba dang / gnas brtan des rgyal po bsu yang ma bsu langs kyang ma langs so/ /de nas mthong ma thag
25b1 tu rgyal po khro ba'i kun nas dkris pa chen pos non te/khros nas gnas brtan la bsnyen bkur byas te song ngo / /de nas des blon po rnams la smras pa/ khyed kyis nga'i yul na 'dug pa'i mdun na 'don gyi bu rab tu byung ba piN+Do la ba ra d+h+wa dza 'di la ltos dang / khos nga
25b2 mthong na bsu yang ma bsu langs kyang ma langs so zhes byas so//de nas blon po sdang ba rnams kyis smras pa/ lha 'di ltar mthong ba bzhin du ma bsu ba dang ma langs pa 'di ni des 'tsham par bgyis pa ma lags so zhes byas nas/ de dag gis rgyal po de lhag par snying na bar
25b3 byas te/gzhi des rgyal po de lhag par yang mi dga' bar gyur nas/ de khros te dpung gi tshogs de dag dang shor du song nas phyir log ste gtsug lag khang de nyid kyi 'dab tu song nas bsams pa/ nga dge slong de la blta ba'i phyir yang song la/ gal te des nga mthong na
25b4 bsu yang mi bsu ldang yang mi ldang bar gyur na ni/de mgo bo bcad de dor ro snyam du bsams nas/ de khyim bdag gdangs las rig gi kun dga' ra bar yang song ngo / /de nas tshe dang ldan pa piN+Do la ba ra d+h+wa dzas bad sa'i rgyal po 'char ka bdag la blta ba'i phyir yang 'ongs so
25b5 zhes thos so//de nas thos ma thag tu rgyal po de ci'i phyir yang bdag la ltar 'ong snyam du bsams pa dang / des gal te dge slong 'di bdag bsu bar yang mi byed ldang bar yang mi byed par gyur na/ 'di'i mgo 'ud por bcad de sa la dor ro snyam du sdang ba'i sems kyis 'ongs par des
25b6 mthong ste/des rgyal po de'i bsam pa sems kyis shes nas/ ting nge 'dzin de las langs te gom pa drug bor nas bsu ba dang / bsu ba'i mod la rgyal po de'i lus las 'od 'byung ba de med par gyur te sa yang gas so/ /de nas de mthong ma thag tu rgyal po de skrag nas/
25b7 dge slong 'di ni rdzu 'phrul che ba dang mthu che ba zhig ste/ bdag 'di la sdang ba'i sems kyis song ba las 'di'i mthus bdag gi 'od med par gyur la sa yang gas par gyur to snyam du rig nas/ tshe dang ldan pa piN+Do la ba ra d+h+wa dza ga la ba der song ste rkang pa la phyag 'tshal nas
26a1 smras pa/'phags pa bdag byis pa rmongs pa mi gsal ba mi mkhas pa'i nongs pa bzod par gsol/ gnas brtan gyis smras pa/ rgyal po chen po ngas ni bzod mod kyi rang gi sems la bzod pa gsol cig ces byas so/ /rgyal pos smras pa/ btsun pa bdag rgyal srid
26a2 las nyams pa 'am srog gi bar chad du mi 'gyur lags grang /gnas brtan gyis smras pa/ rgyal po chen po ma skrag shig ma skrag shig /khyod rgyal srid las kyang nyams par mi 'gyur la srog gi bar chad du yang mi 'gyur ro/ /rgyal po chen po de lta mod kyi bdag gis khyod la gom pa drug bsu
26a3 ba des na khyod zla ba drug gi bar du rgyal srid stor bar 'gyur te/zla ba drug lon nas phyir yang rgyal srid thob par 'gyur ro/ /rgyal po chen po gzhan yang bdag la sems dga' bar gyis shig dang / sems dga' bar byas ma thag pa des na khyod sa'i 'og tu nub par mi 'gyur la/ khyod kyi
26a4 'od kyi dkyil 'khor yang slar 'byung bar 'gyur ro//de nas de thos ma thag tu rgyal pos gnas brtan la sems dga' ba bskyed de/ sems dga' ba bskyed pa'i mod la de'i 'od kyi dkyil 'khor yang slar byung la sa gas pa yang slar 'byor bar gyur to/ /de nas rgyal po
26a5 de gnas brtan la lhag par yang dga' bar gyur to//dga' bar gyur nas gnas brtan gyi rkang pa la mgo bos phyag 'tshal te gnas brtan gyi thad nas song ngo / /de nas phyi zhig na bad sa'i rgyal po 'char kas yang dpung gi tshogs yan lag bzhi pa go bskon te
26a6 shor du song ba dang /de kyis mig blangs te song nas dpung gi tshogs kyang logs shig tu song rgyal po yang logs shig tu song ste/ de dpung gi tshogs dang bral nas 'brog 'chol te/ ba lang gi lhas zhig tu song nas de der sus kyang ngo ma shes la des kyang su
26a7 yang ngo mi shes te/de myos nas de zla ba drug gi bar du ba lang gi lhas de nyid na 'dug go/ /de nas de bu dang blon po dang zham ring 'khor rnams kyis kyang btsal ba las ma rnyed nas slar rgyal po'i pho brang du 'ong ste/ bdag cag gis ma rnyed na ji ltar bya/ gar song zhig gu snyam nas
26b1 kha rog ste 'khod do//de nas zla ba drug lon pa dang rgyal po de gzhan gyis mthong nas ngo shes te lha khyod ga las gshegs te 'dir byon ces dris so/ /rgyal po de yang sems rtas nas des ba lang rdzi de la ji ltar gyur pa thams cad bsnyad do/ /ba lang rdzis smras pa/ lha thugs
26b2 rton la spro ba chen po bskyed du gsol dang /bdag gis khyod nyid kyi pho brang du bskyal lo zhes smras nas/ ba lang rdzi des rgyal po de khrid de/ kau shAM bI logs su chas so/ /blon po rigs pa'i mun 'dzin gyi bu zhes bya bas kyang zla ba drug lon pa dang yid la dran te rgyal po de gar
26b3 gshegs zhig gu bdag cag gis btsal dgos so//gal te bdag cag gis gson por rnyed na ni de nyid rgyal po mdzad par zad do/ /de ma yin te nongs par gyur na ni sras rgyal srid kyi dbang phyug la dbang byed du gzhug go snyam du bsams nas/ dpung gi tshogs yan lag
26b4 bzhi go bskon te/grong dang / grong rdal dang / grong khyer dang / yul 'khor dang / rgyal po'i pho brang dag tu tshol du dong ba las/ blon po rigs pa'i mun 'dzin gyi bus bad sa'i rgyal po 'char ka thag ring po nas 'ong ba mthong ngo / /mthong nas kyang dga' ches te/ bad sa'i
26b5 rgyal po 'char ka ga la ba der song nas snyun gsol te/lha gang du gshegs zhes dris so/ /de nas bad sa'i rgyal po 'char kas ji ltar gyur pa rgyas par bsnyad do/ /blon po rigs pa'i mun 'dzin gyi bus smras pa/ lha 'di ni 'phags pa piN+Do la ba ra d+h+wa dzas ji skad
26b6 du lung bstan pa thams cad de kho na bzhin du gyur pa lags so//de nas de thos ma thag tu rgyal po de gnas brtan la shin tu dga' bar gyur nas/ des bsams pa/ re zhig bdag grong khyer du 'gro ba btang la 'phags pa piN+Do la ba ra d+h+wa dza de nyid la bsnyen bkur bya'o snyam du bsams
26b7 nas/kau shAM bIr ma song bar khyim bdag gdangs las rig gi kun dga' ra ba ga la ba der song ste/ de ji srid du/ bzhon pas 'gro bar bya ba'i sa de srid du bzhon pas song nas/ bzhon pa las babs te rkang pas kun dga' ra bar song nas/ tshe dang ldan pa piN+Do la ba ra d+h+wa dza ga
27a1 la ba der song ste phyin nas/tshe dang ldan pa piN+Do la ba ra d+h+wa dza'i rkang pa la phyag 'tshal te chos mnyan pa'i phyir mdun du 'dug go/ /gnas brtan gyis kyang de la/ de dang 'thun pa'i chos bstan to/ /de nas bad sa'i rgyal po 'char kas tshe dang ldan pa piN+Do la
27a2 ba ra d+h+wa dza'i gtam gyi mjug rdzogs par rig nas stan las langs te bla gos phrag pa gcig tu gzar nas/tshe dang ldan pa piN+Do la ba ra d+h+wa dza ga la ba de logs su thal mo sbyar ba btud de smras pa/ 'phags pa dge slong gi dge 'dun dang bcas pa dgung bdun gyi bar du bdag gi der
27a3 bshos gsol bar ci gnang zhes byas so//de nas tshe dang ldan pa piN+Do la ba ra d+h+wa dzas bad sa'i rgyal po 'char ka la cang mi smra bas gnang ngo / /de nas bad sa'i rgyal po 'char kas/ tshe dang ldan pa piN+Do la ba ra d+h+wa dzas cang mi smra bas gnang bar rig nas stan las langs te rkang
27a4 pa la phyag 'tshal nas tshe dang ldan pa piN+Do la ba ra d+h+wa dza'i thad nas song ngo //de nas des zhag bdun gyi bar du tshe dang ldan pa piN+Do la ba ra d+h+wa dza 'khor dang bcas pa bza' ba dang bca' ba gtsang ma bzang po mang pos tshim par byas nas/ tha ma'i nyin par re re la yang ras zung re
27a5 phul te/chos mnyan pa'i phyir mdun du 'dug go/ /tshe dang ldan pa piN+Do la ba ra d+h+wa dzas kyang de dang 'thun pa'i chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar byas so/ /chos
27a6 kyi gtam rnam grangs du mas yang dag par bstan/yang dag par 'dzin du bcug /yang dag par gzengs bstod/ yang dag par dga' bar byas nas stan las langs te song ngo / /de nas phyi zhig na bcom ldan 'das rgyal po'i khab tu ji srid dgyes pa'i bar du
27a7 bzhugs nas chos gos gsol te lhung bzed bsnams nas dge slong gi tshogs kyis zham ring byas te/dge slong gi dge 'dun gyis mdun du bdar nas kau shAM bI ga la ba der rgyu zhing gshegs pa las mthar gyis kau shAM bIr byon te/ kau shAM bI na khyim bdag gdangs las rig gi
27b1 kun dga' ra ba na bzhugs so//de nas bad sa'i rgyal po 'char kas bcom ldan 'das pad ma'i ljongs rgyu zhing gshegs te/ kau shAM bIr byon nas kau shAM bI na khyim bdag gdangs las rig gi kun dga' ra ba na bzhugs so zhes thos so/ /thos nas kyang bcom ldan 'das ga la ba der song ste
27b2 phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go//phyogs gcig tu 'dug nas bcom ldan 'das kyis bad sa'i rgyal po 'char ka chos kyi gtam gyis yang dag par bstan/ yang dag par 'dzin du bcug /yang dag par gzengs
27b3 bstod/yang dag par dga' bar mdzad do/ /chos kyi gtam rnam grangs du mas yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas cang mi gsung bar bzhugs so/ /de nas bad sa'i rgyal po 'char
27b4 kas/bcom ldan 'das kyi gtam gyi mjug rdzogs par rig nas/ stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das
27b5 dge slong gi dge 'dun dang bcas par dgung zla gsum gyi bar tu bdag las na bza' dang zhal zas dang gzims cha dang gdan dang snyun gsos dang sman zong rnams bzhes par ci gnang zhes gsol to//de nas bcom ldan 'das kyis bad sa'i rgyal po 'char ka la cang mi
27b6 gsung bas gnang ngo //de nas bad sa'i rgyal po 'char kas bcom ldan 'das kyis cang mi gsung bas gnang bar rig nas/ khyim bdag gdangs las rig gi kun dga' ra bar yo byad thams cad sbyar nas/ sangs rgyas la sogs pa dge slong gi dge 'dun la zla ba gsum
27b7 gyi bar du yo byad thams cad kyis bsnyen bkur byas nas/tha ma'i nyin par bcom ldan 'das la na bza' 'bum ri ba phul lo/ /dge slong gzhan dag la yang re re la ras zung re phul nas song ngo / /de yang dus dus su bcom ldan 'das kyi thad du song nas chos mnyan par byed do/ /
28a1 bcom ldan 'das las chos mnyan nas lhag par yang tshe dang ldan pa piN+Do la ba ra d+h+wa dza 'ba' zhig gi thad du bsnyen bkur bya ba'i phyir 'gro bar byed do/ /de nas dge slong rnams kyis de mthong nas the tsom skyes te rgyal po 'di ci'i phyir/ tshe dang ldan pa piN+Do la ba ra d+h+wa dza 'ba'
28a2 zhig la lhag par bkur sti byed zhig gu snyam nas de dag gis gtam de rgyas par thos so//thos nas kyang bcom ldan 'das la gsol te/ 'di skad ces smras so/ /btsun pa bad sa'i rgyal po 'char kas rab tu sdang ba'i sems kyis/ tshe dang ldan pa piN+Do la ba ra d+h+wa dza'i thad du
28a3 mchis nas/gzhi des na de'i 'od ma mchis par gyur te dog sa la yang de'u nub pa las/ gang gi tshe des slar sems dga' ba bskyed pa de'i tshe 'od de yang slar byung bar gyur la/ dog sa gas pa yang slar 'byor par gyur pa la gzigs lags/ bcom ldan 'das kyis
28a4 bka' stsal pa/dge slong dag de ni da ltar 'ba' zhig ma yin te/ 'di ltar 'das pa'i dus na yang grong khyer 'bras 'phel zhes bya ba na rgyal po lhun po zhes bya ba rgyal po byed de/ de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang /
28a5 rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad rnams med pa dang / 'bras sA lu dang bu ram shing dang ba lang dang ma he dang ldan par 'dug ste/ bu gcig pa sdug pa la bya ba bzhin du chos bzhin du rgyal srid byed do/ /de nas rgyal po de'i
28a6 mdun na 'don des/thabs zlar bab pa las chung ma blangs nas de de dang lhan cig rtse zhing dga' la dga' mgur spyod pa las phyis re zhig na de'i chung ma la bu chags nas de zla ba dgu'am bcu lon pa dang khye'u gzugs bzang zhing blta na sdug la mdzes pa zhig btsas nas/ de'i btsas
28a7 ston rgyas par byas te/rigs dang 'thun par ming btags nas/ 'o ma dang zho dang mar dang zhun mar dang mar gyi nying gus bskyed bsrings te/ de gang gi tshe cher skyes pa de'i tshe yi ge dang bram ze'i spyod lam dang spyod pa dang oM zhes bya ba dang / b+ho zhes bya ba dang / gtsang
28b1 sbra dang cho ga dang /thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang
28b2 ba dang /kha ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas brgyad la byang bar gyur to/ /phyi zhig na des bdag gi pha chos dang / chos ma yin pas rgyal srid
28b3 'dzin pa mthong ngo //mthong nas kyang des bsams pa pha shi ba'i 'og tu bdag gi cod pan med pa'i rgyal srid 'dzin pa'i bar du gyur gyis/ bdag gis khyim na gnas pa btang la nags 'dab tu gnas bca' bar bya'o snyam du bsams nas pha ma la gsol te nags 'dab tu gnas bcas so/ /
28b4 de der song nas bsam gtan bzhi dang mngon par shes pa lnga bskyed do/ /de nas phyi zhig na de rgyal po'i pho brang 'bras 'phel du phyin nas/ de'i phas bu de'i phyir bdag gi skyed mos tshal du yal ga dang lo ma'i spyil po phub nas yo byad thams cad kyis bsnyen bkur byas te/ de la dus
28b5 dus su skye bo phal po che 'dong zhing chos nyan par byed do//de nas phyi zhig na rgyal po lhun pos dpung gi tshogs yan lag bzhi pa go bskon nas shor du song ba dang / rgyal pos skye bo phal po che mdun na 'don gyi skyed mos tshal du 'dong ba mthong ngo / /mthong nas
28b6 kyang skye bo'i tshogs 'di dag gar 'dong zhes dris so//blon po rnams kyis gsol pa/ lha mdun na 'don gyi bu de rab tu byung ste de ni rdzu 'phrul che zhing mthu che bar yang gyur te 'di dag ni de la blta ba'i slad du mchi ba lags so/ /de nas rgyal pos bsams pa/ de ni nga yi
28b7 yang snying du sdug pa dang yid du 'ong ba dang /mkhan po dang dran par bya ba yin gyis nga yang de blta ba'i phyir 'gro'o snyam du bsams nas/ rgyal po de drang srong ga la ba der song ba dang / drang srong des de mthong nas bsu yang ma bsu langs kyang ma langs so/ /de nas de mthong
29a1 ma thag tu rgyal po de khro ba chen pos non nas/'di nga yi yul na 'dug pa'i mdun na 'don gyi bu yin la/ nga 'ongs na bsu yang ma bsu langs kyang ma langs kyis 'di'i mgo bo bcad de bor ro snyam du bsams pa dang / rgyal po de'i lus las 'od 'byung ba de
29a2 des sems bskyed ma thag tu 'od med par gyur to//sa yang gas te der nub tu byed pa dang de mthong ma thag tu rgyal po de 'jigs pa chen po skyes te/ drang srong de la 'di ni rdzu 'phrul che zhing mthu che ba zhig yin no snyam nas dga' ba chen po skyes so/ /de nas des de'i rkang pa la phyag
29a3 'tshal nas bzod pa gsol to//de nas drang srong gis smras pa/ rgyal po chen po ngas ni bzod mod kyi 'on kyang rang gi sems la bzod pa gsol cig ces byas so/ /de nas rgyal po skrag nas drang srong de la smras pa/ drang srong bdag rgyal srid las nyams pa'am srog gi
29a4 bar chad du mi 'gyur lags grang /drang srong gis smras pa/ rgyal po chen po ma skrag shig /khyod rgyal srid las kyang nyams par mi 'gyur la srog gi bar chad du yang mi 'gyur ro/ /de lta mod kyi khyod kyis bdag la sems sdang bar byas pa des na khyod kyi 'od de med par gyur
29a5 la sa yang gas par gyur to//rgyal po chen po khyod kyis slar bdag la dga' ba'i sems bskyed na ni/ khyod kyi 'od de slar snga mkho bzhin du 'byung bar 'gyur ro/ /de nas de thos ma thag tu rgyal po des drang srong de la sems dga' ba skyes nas/ de'i 'od de snga mkho bzhin du byung
29a6 bar gyur la/sa yang slar 'byor bar gyur to/ /dge slong dag ji snyam du sems/ de'i tshe drang srong du gyur pa gang yin pa de ni piN+Do la ba ra d+h+wa dza 'di nyid yin no/ /rgyal po lhun por gyur pa de ni bad sa'i rgyal po 'char ka 'di nyid yin te/ de'i tshe yang 'dis de la sems sdang
29a7 bar byas pas de'i 'od kyi dkyil 'khor med par gyur la sa yang gas par gyur to//gang gi tshe phyir sems dga' ba bskyed pa de'i tshe ni 'od kyi dkyil 'khor de yang byung la/ sa gas pa yang phyir 'byor bar gyur to/ /da ltar yang 'dis de la sems sdang bar byas pas 'di'i 'od
29b1 kyang med par gyur la sa yang gas so//gang gi tshe 'dis de la sems dga' ba bskyed pa de'i tshe ni 'di'i 'od kyi dkyil 'khor yang byung bar gyur la sa gas pa yang 'byor bar gyur to// //rgyal mtshan zhes bya ba ni/ gleng gzhi mnyan du yod pa na bzhugs te/ de'i tshe grong khyer bA
29b2 rA Na sI na rgyal po tshangs pas byin zhes bya ba rgyal po byed de/de'i ring la 'byor pa dang rgyas pa dang bde ba dang lo legs pa dang / skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad rnams med pa dang 'bras sA lu dang bu ram
29b3 shing dang ba lang dang ma he dang ldan par 'dug ste/bu gcig pa sdug pa la bya ba bzhin du chos bzhin du rgyal srid byed do/ /de nas phyi zhig na rgyal po de'i btsun mo la bu chags nas de zla ba dgu'am bcu lon pa dang / bu mo gzugs bzang zhing blta na sdug la mdzes pa zhig btsas
29b4 nas/de'i btsas ston rgyas par byas te/ bu mo 'di'i ming ji skad gdags zhes ming 'dogs par byed do/ /kA shi'i rgyal po'i bu mo yang yin la gzugs kyang mdzes pas na/ bu mo 'di'i ming kA shi mdzes ldan ma zhes gdags so zhes zer ro/ /de nas bu mo kA shi mdzes
29b5 ldan ma pang na 'tsho ba'i ma ma gnyis dang /nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang zho dang mar dang / zhun mar dang mar gyi nying gus bskyed bsrings te mtsho'i nang gi
29b6 pad ma bzhin du skye drag par gyur to//de gang gi tshe chen mor gyur te/ sgyu rtsal shes par gyur pa de'i tshe/ des bcom ldan 'das kyi bstan pa la dad pa rnyed nas des pha ma gnyis la gsol te/ sangs rgyas dang chos dang dge 'dun la bkur sti byas so/ /de gang gi tshe chen mor
29b7 gyur pa de'i tshe/kA shi'i rgyal po'i bu mo gzugs bzang zhing blta na sdug la mdzes pa zhig yod de/ 'jig rten na bu mo de dang 'dra ba gzhan med do zhes kun tu grags pas rgyas par gyur to/ /de nas de thos ma thag tu nyi 'og gi rgyal po drug 'dod chags kyi mdas phog
30a1 nas/de dag thams cad kyis kA shi'i rgyal po tshangs pas byin la pho nya btang ste/ de dag re re nas bu mo de nga la byin cig ces spring ngo / /de nas de thos ma thag tu rgyal po tshangs pas byin sems khongs su chud cing 'dug ste/ gal te bu mo 'di gcig la byin
30a2 na ni/gzhan rnams bdag gi dgrar 'gyur na su la byin par bya snyam bsams nas gang la yang sbyin mi 'dod par gyur to/ /de nas phyi zhig na nyi 'og gi rgyal po drug gis bsams pa/ des bdag cag la dad pas bu mo byin par mi 'gyur gyis der song la mthus dbrog
30a3 go snyam du bsams te/thams cad kyis nyi ma gcig tu dpung gi tshogs yan lag bzhi go bskon nas grong khyer bA rA Na sIr dong ste/ kho ra khor yug nas bskor to/ /de nas rgyal po tshangs pas byin gyis bdag nyid pha rol gyi dmag tshogs kyis gtses par rig nas khang
30a4 steng du song ste/lag pa la rkom tshugs bcas nas/ da bdag gis ji ltar bya snyam ste sems khongs su chud cing 'dug go/ /de nas kA shi mdzes ldan mas rgyal po khang steng du song nas lag pa la rkom tshugs bcas te 'dug pa mthong ngo / /mthong nas
30a5 kyang pha la 'di skad ces smras so//yab ci'i slad du khang steng du gshegs nas/ phyag la rkom tshugs bcas te sems khongs su chud cing bzhugs/ rgyal pos smras pa/ bu mo khyod nyid kyi phyir ro/ /bu mos smras pa/ yab bdag byad bzhin ngan lags
30a6 sam ci na bdag gi slad du yab sems khongs su chud cing bzhugs/rgyal pos smras pa/ bu mo khyod yan lag thams cad mdzes pa dang ldan pas/ de'i phyir nga sems khongs su chud cing 'dug ste/ khyod nyid kyi phyir nyi 'og gi rgyal po drug 'khrugs nas dpung gi tshogs
30a7 yan lag bzhi go bskon te lhags nas ba ra NA sIr bskor te 'khod do//kA shi mdzes ldan mas smras pa/ yab bu mo dag la rang nyid kyis khyim thab 'dam pa ma mchis lags sam/ rgyal pos smras pa/ bu mo 'dam pa yod do/ /bu mos smras pa/ yab bdag
30b1 nyid kyis khyim thab 'dam par gnang bar mdzad du gsol/rgyal pos smras pa/ bu mo khyod nyi 'og gi rgyal po rnams la nga bzlugs kyi bar du sdod cig ces byas nas/ rgyal po tshangs pas byin gyis nyi 'og gi rgyal po de dag thams cad la bzlugs te/ kA shi mdzes ldan ma ni rang
30b2 nyid khyim thab 'dam par chad kyis gal te khyed 'dod na 'dam du gzhug go//de nas der so so nas bsams pa de ni nga lta bu btang ste/ gzhan 'dam par mi 'gyur ro snyam nas smras pa/ des ma nongs kyis 'dam du stsol cig /de nas pho nya de phyir song nas rgyal po tshangs pas byin
30b3 la bsnyad de/de thos ma thag tu rgyal po tshangs pas byin shin tu dga' bar gyur to/ /rgyal po drug po de dag gis kyang gcig la gcig bzlugs nas/ yid ches pa'i mna' mtho bcad de mjal dum byas nas sa phyogs go skabs yangs pa zhig tu khang pa brtsegs pa tshar du sbrengs
30b4 te rang rang gi g.yog 'khor dang rgyan thams cad kyis bklubs pa'i seng ge'i khri dag la 'dug cing 'khod do//kA shi mdzes ldan ma yang bzhon pa bzang po la zhon te/ bu mo dag gis g.yog byas nas chas gos tshon can gyi rgyal mtshan bsgrengs te/ bA rA Na sI nas byung nas de
30b5 dag thams cad kyi dbus nas thal te/drang srong smra ba logs su kha bltas nas bcom ldan 'das logs su me tog gi chun po bor te smras pa/ bdag ni sangs rgyas bcom ldan 'das de la skyabs su mchi'o zhes byas nas/ shing rta de drang srong smra ba logs su kha bsgyur to/ /de
30b6 nas rgyal po de dag dang skye bo phal po che de dag ya mtshan du gyur te/'di 'di ltar byad gzugs mdzes la 'dod pa rnams la yang mi lta ba ngo mtshar to snyam mo/ /de nas de dag de nyid kyi phyi gzhin du 'brang ste re zhig 'dong la 'di ci byed pa blta'o zhes 'dzer to/ /de nas kA shi mdzes
30b7 ldan ma drang srong smra ba ga la ba der song ste/de ci srid du bzhon pas 'gro bar bya ba'i sa de srid du bzhon pas song nas/ bzhon pa las babs te rkang pas kun dga' ra bar song nas/ bcom ldan 'das ga la ba der song ste phyin nas bcom ldan 'das kyi zhabs la mgo bos
31a1 phyag 'tshal te/bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu byung ba dang bsnyen
31a2 par rdzogs shing dge slong ma'i dngos po 'thob tu rung na bdag kyang bcom ldan 'das kyi thad du tshangs par spyod pa spyad par 'tshal lo//de nas bcom ldan 'das kyis skye dgu'i bdag mo chen mo gau ta mI 'gugs pa btang ste de la gtad do/ /skye dgu'i bdag mo chen mo gau ta mIs
31a3 kyang de rab tu phyung ste bsnyen par rdzogs par byas nas de la lung yang phog go//des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/
31a4 gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags
31a5 pa dang bkur sti la rgyab kyis phyogs pa dang /dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /skye bo phal po che de dag kyang ya mtshan du gyur nas/ bcom ldan 'das ga la ba der song ste lhags nas bcom ldan 'das kyi
31a6 zhabs la mgo bos phyag 'tshal te/chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis de dag la de dang 'thun pa'i chos bstan pa mdzad do/ /de dag kyang bcom ldan 'das las chos mnyan nas rang rang gi yul du dong ngo / /de nas dge slong
31a7 dag gis bcom ldan 'das la zhus pa/bcom ldan 'das kA shi mdzes ldan mas las ci bgyis na las de'i rnam par smin pas phyug cing nor mang la longs spyod che ba'i rgyal po'i rigs su skyes te/ gzugs bzang zhing blta na sdug la mdzes pa dang byad gzugs dpe ma mchis par gyur la
31b1 des bcom ldan 'das mnyes par bgyis te mi mnyes par ma bgyis na/bcom ldan 'das kyi bstan pa la rab tu byung ste/ nyon mongs pa thams cad spangs nas dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi
31b2 dbang las gyur to//btsun pa 'dis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang
31b3 zhabs su ldan pa bde bar gshegs pa 'jig rten mkhyen pa skyes bu gdul bya'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/de'i tshe grong khyer bA rA Na sI na khyim bdag phyug cing nor mang la longs spyod che
31b4 ba yongs su 'dzin pa yangs shing rgya che ba rnam thos kyi bu'i nor dang ldan pa/rnam thos kyi bu'i nor dang 'gran pa zhig gnas pa des/ thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas de
31b5 zla ba dgu'am bcu lon pa dang bu mo gzugs bzang zhing blta na sdug la mdzes pa zhig btsas te/de'i btsas ston rgyas par byas nas rigs dang 'thun par ming btags te 'o ma dang zho dang mar dang zhun mar dang mar gyi nying gus bskyed bsrings te/ mtsho'i nang gi pad ma bzhin du skye drag
31b6 par gyur to//de nas de gang gi tshe chen mor gyur pa de'i tshe yang dag par rdzogs pa'i sangs rgyas 'od srung gi bstan pa la dad pa rnyed nas des pha ma la gsol te/ rnam pa thams cad yongs su rdzogs pa'i gtsug lag khang brtsigs nas/ sangs rgyas 'od srung la sogs pa
31b7 dge slong gi dge 'dun rnams la phul te/dge slong rnams la yo byad thams cad kyis bsnyen bkur byas nas pha ma gnyis la gsol te/ yang dag par rdzogs pa'i sangs rgyas 'od srung gi bstan pa la rab tu byung ngo / /de rab tu byung nas sde snod gsum bslabs te rig pa dang grol ba'i
32a1 spobs pa dang ldan pa'i chos smra bar gyur to//de nas des bsams pa/ thos par bya ba gang yin pa de ni bdag gis byas zin gyis/ ma la da ni bdag gis bsam gtan la 'bad par bya'o snyam du bsams nas/ yid la byed pa'i lung mnos te srod dang tho rangs mi nyal bar
32a2 brtson pa lhur byed pa la gnas pas byams pa'i sems kyi ting nge 'dzin bskyed nas/des der tshe gcig tu tshangs par spyod pa spyad de/ 'chi kar smon lam btab pa/ kye ma bdag gis yang dag par rdzogs pa'i sangs rgyas 'od srung gi bstan pa la sbyin pa dag sbyin zhing bsod nams
32a3 dag byas pa dang rab tu byung nas tshe gcig tu tshangs par spyod pa spyad pa'i dge ba'i rtsa ba 'dis na/bdag gang dang gang du skye ba de dang der ci nas phyug cing nor mang la longs spyod che ba'i rigs su skye ba dang gzugs bzang zhing blta na sdug la mdzes pa dang byad gzugs dpe med par gyur cig /
32a4 yang dag par rdzogs pa'i sangs rgyas 'od srung gis/ bram ze'i khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te
32a5 dgra bcom pa nyid mngon sum du byed par gyur cig ces byas so//dge slong dag ji snyam du sems/ de'i tshe yang dag par rdzogs pa'i sangs rgyas 'od srung gi bstan pa la rab tu byung ba'i dge slong ma gang yin pa de ni kA shi mdzes ldan ma 'di nyid yin te/ des der sbyin pa dag byin zhing
32a6 bsod nams dag byas pa dang tshe gcig tu tshangs par spyod pa spyad nas 'chi kar smon lam btab pa/bdag gang dang gang du skyes pa de dang der phyug cing nor mang la longs spyod che ba'i rigs su skye ba dang / gzugs bzang zhing blta na sdug la mdzes pa dang byad gzugs
32a7 dpe med par gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la
32b1 rab tu byung nas nyon mongs pa thams cad spangs te/dgra bcom pa nyid mngon sum du byed par gyur cig ces byas pa'i las de'i rnam par smin pas/ gang dang gang du skyes pa de dang der phyug cing nor mang la longs spyod che ba'i rigs su skyes te/ gzugs bzang zhing blta na sdug la mdzes
32b2 pa dang byad gzugs dpe med par gyur te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga
32b3 nyid kyi bstan pa la rab tu byung nas nyon mongs pa thams cad spangs te/dgra bcom pa nyid mngon sum du byas so/ /des der byams pa'i sems kyi ting nge 'dzin bskyed pa'i las de'i rnam par smin pas ni gang dang gang du skyes pa de dang der byad gzugs dpe med par gyur to// //
32b4 las brgya tham pa/ bam po gsum pa/ bde byed ma zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na rgyal po gsal rgyal rgyal po byed la/ bA rA Na sI na ni rgyal po tshangs pas byin zhes bya ba rgyal po byed pa las de gnyis phan tshun
32b5 mi 'thun par gyur te/dus dus su skye bo mang po kha 'dog par byed do/ /de nas phyi zhig na rgyal po tshangs pas byin gyis dpung gi tshogs yan lag bzhi go bskon te ko sa la'i yul du song nas chu klung khang ldan gyi 'gram du phru ma btab ste 'khod do/ /rgyal po gsal rgyal gyis kyang
32b6 rgyal po tshangs pas byin gyis dpung gi tshogs yan lag bzhi go bskon nas/bdag dang g.yul 'gyed du 'ongs so zhes thos so/ /thos nas des kyang dpung gi tshogs yan lag bzhi go bskon nas kA shi'i rgyal po dang g.yul 'gyed du song ste/ des kyang chu klung khang ldan gyi 'gram du
32b7 phru ma btab ste 'khod do//de nas de gnyis de na 'khod pas phan tshun du skye bo mang po kha 'dog par byed do/ /de gnyis ka yang mthu che zhing tshugs par dka' ba yin te/ de gnyis gcig gis gcig mi thub cing 'dug go/ /de nas phyi zhig na de kho na 'khod bzhin du rgyal po gsal
33a1 rgyal gyi bu mo gzugs bzang zhing blta na sdug la mdzes pa zhig btsas so//kA shi'i rgyal po tshangs pas byin gyi bu gzugs bzang zhing blta na sdug la mdzes pa zhig kyang btsas nas/ der de gnyis so so'i pho brang 'khor du dga' ba'i rol mo brdungs so/ /de
33a2 nas de gnyis kyis phan tshun du thos nas 'dir dga' ba'i rol mo brdungs pa de ci zhig ces dris nas blon po rnams kyis bsnyad de/rgyal po gsal rgyal gyi ni bu mo btsas/ lha'i ni sras po bltam mo zhes byas so/ /rgyal po gsal rgyal gyi blon po rnams kyis kyang bsnyad de/
33a3 lha'i ni sras mo bltam/ rgyal po tshangs pas byin gyi ni bu pho btsas so zhes byas so/ /de nas de thos ma thag tu de gnyis dga' bar gyur te/ bdag cag gnyis phan tshun dgrar mi byed par gnyen byed pa'i thabs rnyed do snyam mo/ /de nas de thos ma thag tu rgyal po tshangs pas byin gyis rgyal
33a4 po gsal rgyal la pho nya btang ste/khyod kyi bu mo btsas pa de bdag gi bu 'di'i chung mar byin cig ces spring ngo / /de nas rgyal po gsal rgyal gyis bsams pa thabs 'dis ni bdag ji srid 'tsho'i bar du/ rgyal po tshangs pas byin dang mdza' bar 'gyur ro snyam nas des kyang de la pho nya btang ste ji ltar
33a5 dga' ba de bzhin du bya'o zhes byas nas/de gnyis gcig la gcig bzod pa gsol te mdza' bo byas nas gcig gis kyang bu mo la gos dang rgyan mang po bskur ro/ /gcig gis kyang khye'u la gos dang rgyan mang po bskur te/ de gnyis phan tshun gnyen du byas nas mgul nas 'jus te
33a6 yul de nas dong ngo //de nas rgyal po gsal rgyal gyis bsams pa bu mo 'di btsas pas nga rgyal po tshangs pas byin dang bde bar gyur to snyam nas/ de'i btsas ston rgyas par byas te/ ming bde byed ma zhes btags so/ /de nas bu mo bde byed ma 'o ma dang zho dang mar dang
33a7 zhun mar dang mar gyi nying gus bskyed bsrings te/mtsho'i nang gi pad ma bzhin du skye drag par gyur to/ /de nas gang gi tshe chen mor gyur pa de'i tshe/ bcom ldan 'das kyi bstan pa la dad pa rnyed de/ des skyabs su 'gro ba dang bslab pa'i gzhi rnams blangs nas/ sbyin pa dag
33b1 byin te bsod nams dag byas so//dge slong ma'i gtsug lag khang du yang rgyun mi 'chad par 'gro zhing chos nyan to/ /de nas phyi zhig na des phyir mi 'ong ba'i 'bras bu mngon sum du byas te/ rdzu 'phrul yang bsgrubs nas/ rdzu 'phrul chen mo mthu chen mo rnam par thar pa brgyad
33b2 la bsam gtan par gyur to//de nas phyi zhig na des pha ma gnyis kyi mdun du rdzu 'phrul gyi cho 'phrul bstan te smras pa/ yab yum bdag gis ni chos 'di lta bu thob pas na 'dod pa yongs su spyod pa'i rngo mi thogs kyis/ bdag gis bcom ldan 'das kyi bstan pa la rab tu
33b3 'byung ba gnang bar mdzad du gsol/pha ma gnyis kyis smras pa/ bu mo khyod btsas ma thag tu bdag cag gis khyim thab la byin zin gyis bdag cag gis gnang bar byar mi rung ngo / /de lta mod kyi bdag cag gis de la bzlugs te/ de dang bdag cag ci nas phyis 'khon
33b4 du mi 'gyur bar byas la/bag ma len pa 'ongs nas khyod nyid kyis khyim thab la gsol ba thob la rab tu 'byung bar gyis shig ces byas so/ /de nas rgyal po gsal rgyal gyis rgyal po tshangs pas byin la pho nya btang ste/ bu mo bde byed ma ni rab tu 'byung bar 'dod de bzlog par mi
33b5 nus kyi ma thogs par bag ma long shig ces spring ngo //rgyal po tshangs pas byin gyis kyang pho nya btang ste/ tshes grangs 'di la 'ong gis bag ma btang ba'i sta gon gyis shig ces spring ngo / /de nas rgyal po gsal rgyal gyis thos ma thag tu bag ma btang ba'i sta gon byas so/ /
33b6 rgyal po tshangs pas byin gyis kyang bu 'byor pa chen po dang rgyal po'i mthu chen po dang ldan pas btang ngo / /de nas rgyal po gsal rgyal gyis de bkur sti chen pos mnyan du yod par g.yar drangs so/ /g.yar drangs nas rang gi pho brang du stegs bu byas te/ rgyan gyis brgyan nas
33b7 der skye bo phal cher 'dus so//bu mo de yang rgyan thams cad kyis bklubs nas stegs bu brgyan pa de'i steng du drangs te bzhag go/ /khye'u de yang stegs bu brgyan pa de'i steng du btang ste bu mo bde byed ma drang bar byas pa las/ de'i steng gi bar snang la 'phags te 'bar ba dang / lam
34a1 mer 'dug pa dang char 'bab pa dang glog 'gyu ba'i cho 'phrul rnams bstan to//de nas khye'u de dang skye bo de dag gis mthong ma thag tu bde byed ma la dga' ba chen po skyes so/ /de nas khye'u des bsams pa/ gal te 'di lta bu'i yon tan dag thob pa
34a2 yin na/'di bdag dang lhan cig tu 'dod pa yongs su spyod par ga la 'gyur snyam du bsams nas smras pa/ bzang mo mar spyon dang khyod nyid ci dgar 'dam du gzhug go/ /bde byed mas smras pa/ jo bo bdag ni 'dod pa yongs su spyod pa'i rngo mi thogs kyis bdag bcom ldan 'das
34a3 kyi bstan pa la rab tu 'byung bar gnang bar mdzod cig /khye'us smras pa/ gnang ngo / /de nas de thos ma thag tu bu mo bde byed ma babs te/ des skye bo'i tshogs de dag la chos bstan nas pha ma gnyis la gsol te/ rgyal bu rgyal byed kyi tshal du song nas/ de bcom ldan
34a4 'das ga la ba der song ste phyin nas/bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i
34a5 dngos po 'thob tu rung na/bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis skye dgu'i bdag mo chen mo gau ta mI la gtad do/ /skye dgu'i bdag mo chen mo gau ta mIs kyang de rab tu phyung ste bsnyen par rdzogs par byas nas de la lung
34a6 yang phog go//des kyang brtson pa dang bsgrub pa dang 'bad pas nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag
34a7 mthil du 'dra ba'i sems dang ldan pa/tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang sa so yang dag par rig pa thob pa/ srid pa'i rnyed pa dang chags pa dang bkur sti la rgyab kyis phyogs pa/ dbang
34b1 po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur te/bcom ldan 'das kyis shes rab dang ldan pa rnams kyi mchog tu bstan to/ /bde byed ma de ltar rab tu byung nas rgyal po'i bu des bsams pa/ bud med kyis kyang 'di lta bu'i
34b2 chos rtogs par 'gyur na/ma la bdag kyang bcom ldan 'das kyi bstan pa la rab tu 'byung gor ma chag snyam du bsams nas des kyang pha ma la gsol te/ bcom ldan 'das kyi bstan pa la rab tu byung nas/ des kyang brtson pa dang bsgrub pa dang 'bad pas nyon mongs pa thams
34b3 cad spangs nas/dgra bcom pa nyid mngon sum du byas so/ /de nas dge slong dag gis bcom ldan 'das la zhus pa btsun pa/ bu mo bde byed ma dang rgyal po'i bu des las ci bgyis na las de'i rnam par smin pas phyug cing nor mang la longs spyod che ba'i rigs su skyes la/ 'di gnyis
34b4 kyis bcom ldan 'das mnyes par bgyis te/mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi
34b5 dbang las gyur to//btsun pa 'di gnyis kyis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs
34b6 rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/de'i tshe grong khyer bA rA Na sI na/ khyim bdag phyug cing
34b7 nor mang la longs spyod che ba zhig gnas pa des/thabs zlar bab pa las chung ma blangs nas de de dang lhan cig tu rtse zhing dga' la dga' mgur spyod do/ /de nas phyi zhig na de gnyis kyis yang dag par rdzogs pa'i sangs rgyas 'od srung gi bstan pa la dad pa rnyed nas/ de gnyis
35a1 gcig la gcig smras pa/bzang mo bdag cag gnyis la bu yang med bu mo yang med pas 'das te shi ba'i 'og tu ci bdog pa 'di dag rgyal po dbang bar 'gyur gyis/ bdag cag gnyis gson gyi bar du ji 'di dag 'jig rten pha rol tu bskya'o zhes zer
35a2 nas/de bza' bran gnyis kyis rnam pa thams cad yongs su rdzogs pa'i gtsug lag khang brtsigs nas/ yang dag par rdzogs pa'i sangs rgyas 'od srung la sogs pa dge slong gi dge 'dun rnams la phul te yo byad thams cad sbyar nas dge slong rnams
35a3 la bsnyen bkur byas so//de nas phyi zhig na de gnyis kyi blo skyes pa/ bdag cag gnyis khyim na gnas pa btang la yang dag par rdzogs pa'i sangs rgyas 'od srung gi gsung rab la rab tu 'byung ngo zhes zer nas khyim gyi 'khor btang ste/ sbyin pa dag byin zhing bsod
35a4 nams dag byas nas yang dag par rdzogs pa'i sangs rgyas 'od srung gi bstan pa la rab tu byung ste/bsnyen par rdzogs nas de gnyis tshe gcig tu tshangs par spyod pa spyad kyang yon tan gyi tshogs ci yang ma thob pas/ de gnyis kyis 'chi kar smon lam btab pa/ kye ma bdag cag
35a5 gnyis kyis yang dag par rdzogs pa'i sangs rgyas 'od srung gi bstan pa la sbyin pa dag byin zhing bsod nams dag byas te tshe gcig tu tshangs par spyod pa spyad kyang yon tan gyi tshogs ci yang ma thob kyis/dge ba'i rtsa ba 'dis bdag cag gnyis ci nas gang dang gang du skye ba de dang der phyug cing
35a6 nor mang la longs spyod che ba'i rigs su skye bar shog cig /gzugs bzang zhing blta na sdug la mdzes par shog cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gnyis kyis
35a7 mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ /dge slong dag ji snyam du sems/ de'i tshe bza' bran du gyur
35b1 pa gang yin pa de gnyis ni bde byed ma 'di nyid dang rgyal po'i bu 'di nyid yin te/de gnyis kyis der sbyin pa dag byin zhing bsod nams dag byas nas tshe gcig tu tshangs par spyod pa spyad de/ 'chi kar smon lam btab pa'i las de'i rnam par smin pas gang dang gang du skye ba de dang der phyug cing
35b2 nor mang la longs spyod che ba'i rigs su skyes la gzugs bzang zhing blta na sdug la mdzes par gyur te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur
35b3 nas/'di gnyis kyis nga mnyes par byas te mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// //nor bu'i 'od ces bya ba ni/ gleng gzhi mnyan du yod pa na bzhugs
35b4 te/de'i tshe lha'i bu nor bu'i 'od ces bya ba rna cha gdub kor dag cing 'gul ba thogs pa/ lus do shal dang se mo dos mdzes par byas pa/ lha'i nor bu rin po che'i gzhal med khang 'od shin tu che ba dang ldan pa/ 'od 'phags pa des lha'i me tog ud pa la dang pad ma dang
35b5 ku mu da dang pad ma dkar po rnams kyis thu ba bkang ste/nam sros pa dang mnyan du yod pa'i nang du rgyal bu rgyal byed kyi tshal du song nas/ bcom ldan 'das ga la ba der song ste phyin nas/ bcom ldan 'das la lha'i me tog ud pa la dang / pad ma dang ku mu da dang
35b6 pad ma dkar po rnams dang lha'i me tog man dA ra ba dag gis gtor te/bcom ldan 'das kyi zhabs la mgo bos phyag 'tshal nas chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams
35b7 dang rang bzhin thugs su chud nas/de dang 'thun pa'i chos bstan te/ de thos nas lha'i bu des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas
36a1 bcom ldan 'das kyi zhabs la mgo bos phyag 'tshal te/bcom ldan 'das la lan gsum bskor ba byas nas de nyid du mi snang bar gyur to/ /de'i tshe dge slong srod dang tho rangs mi nyal bar brtson pa lhur len pa la gnas pa de dag gis rgyal bu rgyal byed kyi
36a2 tshal thams cad snang ba chen pos khyab par gyur pa mthong ngo //mthong nas kyang de dag gis bsams pa/ ci mdang sum mi mjed kyi bdag po tshangs pa'am lha'i dbang po brgya byin nam/ rgyal po chen po bzhi bcom ldan 'das la blta ba'i phyir 'ongs sam snyam nas/ bcom
36a3 ldan 'das la don de zhus pa/btsun pa ci lags mdang sum mi mjed kyi bdag po tshangs pa'am lha'i dbang po brgya byin nam rgyal po chen po bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mdang sum mi
36a4 mjed kyi bdag po tshangs pa'am lha'i dbang po brgya byin nam/'jig rten skyong ba bzhi nga la blta ba'i phyir 'ongs pa ma yin gyi/ lha'i bu nor bu'i 'od lha'i gzhal med khang 'od shin tu che ba dang ldan pa/ 'od 'phags pa de mdang sum nga la blta ba dang / bsnyen bkur bya ba'i phyir
36a5 'ongs nas/de 'ongs pa la ngas chos bstan te/ des nga las chos thos nas rgyun du zhugs pa'i 'bras bu mngon sum du byas te/ des bden pa mthong nas rang gi gnas su song ngo / /btsun pa lha'i bu des las ci bgyis na/ las de'i rnam par smin pas lhar skyes te/
36a6 nor bu rin po che'i gnas su grub par gyur la/ bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ dge slong dag nor bu'i 'od 'di nyid kyis sngon las byas shing bsags te/ dge slong dag las
36a7 byas shing bsags pa rnams ni/phyi rol gyi sa'i khams la rnam par smin par mi 'gyur la/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/
36b1 zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ 'bras bu nyid du smin par 'gyur/ /dge slong dag sngon byung ba 'das
36b2 pa'i dus na/bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas
36b3 bcom ldan 'das 'od srung zhes bya ba 'jig rten du byung ste/de'i tshe bA rA Na sI na/ khyim bdag phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des yang dag par rdzogs
36b4 pa'i sangs rgyas 'od srung gi dbu skra dang sen mo blangs nas/dbu skra dang sen mo'i mchod rten dang rnam pa thams cad yongs su rdzogs pa'i gtsug lag khang brtsigs te/ des gtsug lag khang der yo byad thams cad phul lo/ /mchod rten de'i char khab la yang nor bu rin po che btags te/
36b5 de'i mthus mchod rten dang bcas pa'i gtsug lag khang de mtshan mo yang nyin mo bzhin du snang bar gyur to/ /de nas des gtsug lag khang de/ sangs rgyas bcom ldan 'das 'od srung la sogs pa dge slong gi dge 'dun rnams la phul lo/ /dge slong rnams la yang yo byad thams cad kyis bsnyen
36b6 bkur byas so//tshe gcig tu skyabs su 'gro ba dang bslab pa'i gzhi rnams kyang bsrungs nas/ lha'i nang du skyes so/ /der skyes nas de'i nor bu rin po che'i gzhal med khang grub par gyur to/ /dge slong dag ji snyam du sems/ de'i tshe khyim bdag gang gis yang dag
36b7 par rdzogs pa'i sangs rgyas 'od srung gi gsung rab la mchod rten dang bcas pa'i gtsug lag khang brtsigs nas nor bu rin po che btags pa de ni/lha'i bu'i nor bu'i 'od 'di yin te/ des der rnam pa thams cad yongs su rdzogs pa'i mchod rten dang bcas pa'i gtsug lag khang brtsigs
37a1 te/bcom ldan 'das 'od srung la sogs pa dge slong gi dge 'dun rnams la phul ba dang mchod rten de la nor bu rin po che btags pa'i las de'i rnam par smin pas lha'i nang du skyes te/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang
37a2 shugs mnyam pa dang mdzad pa mnyam pa dang thabs mnyam pa brnyes par gyur nas/'dis nga mnyes par byas te mi mnyes par ma byas so// //sna ma'i me tog ces bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ khyim bdag phyug
37a3 cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/rnam thos kyi bu'i nor dang 'gran pa zhig gnas pa des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod pa las/
37a4 khyim bdag de bu med de bu 'dod pa'i phyir lha rnams la yang gsol ba 'debs te/ lha gu lang dang / chu lha dang ku be ra dang brgya byin dang tshangs pa la sogs pa dang kun dga' ra ba'i lha dang / nags tshal gyi lha dang lam gyi bzhi mdo'i lha dang sum mdo'i lha dang gtor ma len pa'i lha dang
37a5 lhan cig skyes pa dang chos 'thun pa dang rtag tu phyi bzhin 'brang ba'i lha rnams la yang gsol ba 'debs la/'jig rten na yang gsol ba btab pa'i rgyus bu dang bu mo skye bar 'gyur ro/ /zhes grags mod kyi de yang de lta ni ma yin te / gal te gsol ba btab pa'i rgyus
37a6 bu dang bu mo skye bar 'gyur du zin na 'khor los sgyur ba'i rgyal po bzhin du/re re la yang bu stong stong yod par 'gyur ba'i rigs te/ de ni gnas gsum tshogs pa las/ bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa
37a7 dang ma dus la bab cing zla mtshan dang ldan pa dang dri za 'ongs pa ste/dri za'i sems kyang rjes su chags pa dang ldan pa'am/ khong khro ba dang ldan pa rnam pa gnyis las gang yang rung ba skyes pa'o/ /de nas de yang gsol ba 'debs pa lhur byed la/ sems can chen
37b1 po che bar grags pa/srid pa tha ma btsal bar bya ba rnyed pa thar pa'i skal ba can du gyur pa/ tshogs bsags pa mya ngan las 'das pa la nang du bltas pa/ 'khor ba las phyi rol tu bltas pa srid par 'gro ba'i skye gnas rnams mi 'dod pa lus kyi tha ma 'dzin pa zhig kyang
37b2 de'i chung ma'i mngal du skyes so//bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags par yang shes la ma chags par yang shes pa dang / dus kyang shes la zla mtshan yang shes pa dang / bu chags
37b3 pa shes pa dang gang las chags pa shes pa dang khye'u yang shes la bu mo yang shes pa ste/gal te khye'u yin na ni lto g.yas logs su rten cing gnas so/ /gal te bu mo yin na ni lto g.yon logs su rten cing gnas so/ /de nas gang gi tshe de la bu chags par 'gyur ba
37b4 de'i tshe/de dga' ches nas khyim thab la sbran pa/ jo bo bdag la sras chags te bdag gi rum g.yas logs su rten cing gnas pa las khye'ur 'gyur bar nges kyis dgyes pa bskyed du gsol zhes byas nas/ de yang dga' ches te/ ro stod ni bteg lag pa
37b5 g.yas pa ni brkyang nas/bdag gis yun ring po nas/ smon smon pa'i bu'i ngo mthong bar 'ong ngo / /bdag gi bu rung bar gyur cig mi rung bar ma gyur cig bdag gi bya ba dag byed par shog cig /gsos na gsos pa'i lan phyir gso bar shog cig /nor skal la
37b6 spyod par shog cig /bdag gi rigs rgyud yun ring du gnas par shog cig /bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod nams dag byas nas de gnyis gang dang gang du skyes shing 'gro ba der 'di
37b7 song shig ces yon sngo bar shog cig ces dga' ba'i tshig brjod do//des bu chags par rig nas bu'i rim gro bya ba'i phyir khang steng du nyam rangs su bzhag ste/ grang ba'i tshe grang ba'i yo byad rnams dang tsha ba'i tshe tsha ba'i yo byad rnams dang sman pas bstan pa'i zas rnams
38a1 dang ha cang kha ba ma yin pa rnams dang ha cang skyur ba ma yin pa rnams dang ha cang lan tshwa che ba ma yin pa rnams dang ha cang mngar ba ma yin pa rnams dang ha cang ro tsha ba ma yin pa rnams dang ha cang bska ba ma yin pa rnams te/kha ba dang skyur ba dang lan tshwa dang mngar ba dang tsha ba dang
38a2 bska ba med pa'i zas rnams kyis bsten cing /do shal dang se mo dos lus rnam par bklubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang khri'u'i steng nas/ khri'u'i steng du rgyu zhing 'og gi sa gzhi la mi 'bab pa dang / des yid du mi
38a3 'ong ba'i sgra skad ci yang mi thos par byas so//sangs rgyas bcom ldan 'das bgrod pa gcig pa'i lam ston pa rnam pa gnyis kyi shes bya dang / ye shes la mnga' brnyes pa ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa 'gro ba lngar
38a4 'gro ba las rnam par grol ba skye mched drug la mkhas pa/byang chub kyi yan lag bdun la spyod yul ba rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa yang dag pa'i seng
38a5 ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/nyin mtshan dus drug tu/ sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug /su ni nyam nga bar gyur/ su ni gnod pa dang ldan/ su ni
38a6 phongs pa dang nyam nga ba dang gnod pa dang ldan/su ni ngan song du gzhol su ni ngan song du bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar
38a7 bya/su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge
38b1 ba'i rtsa ba rnams yongs su smin zin pa las ye shes kyi mtshon gyis brtol bar bya/su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur
38b2 yang srid//gdul bar bya ba'i sras rnams la/ /sangs rgyas dus las yol ba med/ /sangs rgyas bcom ldan 'das rnams ji ltar nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs pa de bzhin du nyan thos
38b3 chen po rnams kyang nyin dus gsum mtshan dus gsum ste/nyin mtshan dus drug tu nyan thos kyi mig gis 'jig rten la lta bar byed de/ tshe dang ldan pa ma 'gags pas nyan thos kyi mig gis 'jig rten la bltas na/ srid pa tha ma pa'i sems can zhig gis khyim
38b4 bdag de'i chung ma chen ma'i ltor nying mtshams sbyar bar mthong ngo //mthong nas kyang bsams pa/ sems can de sus 'dul bar 'gyur/ ci sangs rgyas kyis 'dul bar 'gyur ram 'on te nyan thos kyis 'dul bar 'gyur zhig gu snyam pa dang / de bdag nyid kyis
38b5 'dul bar 'gyur bar mthong la/de yang sngan cad khyim de'i bsen yin te/ des khyim bdag de brtan por bya ba'i phyir zla med pa dang g.yog med par gcig pu khyim bdag de'i khyim du song ba dang khyim bdag des tshe dang ldan pa ma 'gags pa zla med pa dang g.yog med par
38b6 gcig pu 'ong ba mthong ngo //mthong nas kyang 'phags pa khyod zla ma mchis pa dang / zhabs 'bring ma mchis par gcig pu gshegs na 'phags pa'i zhabs 'bring bgyid pa 'ga' yang ma mchis sam zhes dris so/ /tshe dang ldan pa ma 'gags pas smras pa khyed cag lta bu 'ba'
38b7 zhig las rnyed pa ma gtogs par bdag cag gis gud na/g.yog ga la rnyed de khyed las rnyed pa 'ba' zhig bdag cag gi g.yog byed par zad do/ /khyim bdag gis smras pa/ 'phags pa bdag gi mchis brang la bu chags pa mchis kyis/ de las gal te khye'u zhig
39a1 btsas par gyur na/de bdag gis 'phags pa'i zhabs 'bring du dbul lo/ /tshe dang ldan pa ma 'gags pas smras pa/ khong dge ba dag ni dam bcas pa la brtan pa yin no zhes de skad smras nas/ tshe dang ldan pa ma 'gags pa song ngo / /khyim bdag de'i chung
39a2 ma yang zla ba dgu'am bcu lon pa dang /khye'u gzugs bzang zhing blta na sdug la mdzes pa zhig btsas te/ de'i lus thams cad nas sna ma'i me tog gi dri'i ngad ldang ste/ des khyim de thams cad sna ma'i me tog gi dris 'gengs par byed do/ /khye'u de ma'i mngal du zhugs pa dang
39a3 btsas pa'i tshe yang khyim de kun du sna ma'i me tog gi char 'bab bo//de nas de'i btsas ston rgyas par byas nas/ khye'u 'di'i ming ci skad gdags zhes ming 'dogs par byed de/ khye'u 'di ma'i mngal du zhugs pa dang btsas pa'i tshe khyim du sna ma'i me tog gi char 'bab pas na/
39a4 de'i phyir khye'u 'di'i ming sna ma'i me tog ces gdags so/ /de nas khye'u sna ma'i me tog 'o ma dang zho dang mar dang zhun mar dang mar gyi nying gus bskyed bsrings te/ mtsho'i nang gi pad ma bzhin du skye drag par gyur to/ /de gang gi tshe cher skyes pa de'i tshe yi ge dang khong rtsis dang shod dgod
39a5 dang lag rtsis dang dbyung ba dang sba ba dang dgram pa dang gos brtag pa dang nor bu brtag pa dang rin po che brtag pa dang spos brtag pa dang sman brtag pa dang glang po che brtag pa dang rta brtag pa dang go mtshon brtag pa bslabs te/yi ge mkhas pa dang klog mkhas pa dang mdzangs pa dang bya ba gsal ba
39a6 dang yid gzhungs pa dang brtag pa rnam pa brgyad la byang bar gyur to//de nas phyi zhig na tshe dang ldan pa ma 'gags pas/ khye'u de rab tu dbyung ba'i dus la bab par mthong nas/ khyim bdag de'i khyim du song ste/ khyim bdag la smras pa/ khyim bdag khye'u 'di ni ma btsas
39a7 pa'i snga rol nas/khyod kyis bdag gi g.yog tu byin te/ khong dge ba rnams ni dam bcas pa la brtan pa yin na/ de kho na ltar dam ma bcas sam/ khyim bdag gis smras pa/ 'phags pa de kho na ltar dam bcas lags so zhes smras nas/ khye'u de lag pa gnyis kyis
39b1 bzung ste/tshe dang ldan pa ma 'gags pa la phul nas smras pa/ bu khyod ma btsas pa'i snga rol nas/ 'phags pa ma 'gags pa la ngas phul gyis song la/ 'phags pa'i zhabs 'bring gyis shig /khye'us smras pa/ de ni bdag la phan gdags pa lags so zhes byas nas/ khye'u
39b2 de tshe dang ldan pa ma 'gags pa'i phyi bzhin du chas so//tshe dang ldan pa ma 'gags pas kyang / khyim bdag de chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar byas nas/ stan las langs te
39b3 song ngo //de nas khye'u de tshe dang ldan pa ma 'gags pas gtsug lag khang du khrid nas rab tu phyung ste/ bsnyen par rdzogs par byas nas de la lung yang phog go/ /des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du
39b4 byas te/de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa
39b5 dang mngon par shes pa dang so so yang dag par rig pa thob pa srid pa'i rnyed pa dang chags pa dang bkur sti la rgyab kyis phyogs pa dbang po dang /nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de yang rdzu 'phrul che zhing mthu che la/
39b6 bsam gtan dang rnam par thar pa dang ting nge 'dzin dang snyoms par 'jug pa'i bar du thob pa yin no/ /de snyoms par 'jug pa dang ldang ba la myur te/ khab lan re 'dzugs pa'i yun tsam la/ ting nge 'dzin gzhan dang gzhan dag la snyoms par 'jug cing ldang ngo / /de nas phyi zhig
39b7 na/tshe dang ldan pa sna ma'i me tog gis bsams pa/ bcom ldan 'das kyis bdag gi sdug bsngal dang yid mi bde ba rnam pa du ma ni bsal/ bde ba dang yid bde ba rnam pa du ma ni bsgrubs/ sdig pa mi dge ba'i chos rnam pa du ma ni bsal/ dge ba'i chos rnam pa du ma ni
40a1 bsgrubs na/bdag gis bcom ldan 'das kyis bka' drin ji ltar bsab par bya snyam mo/ /de nas des bsams pa/ sangs rgyas rnams 'jig rten du 'byung ba gang yang rung ba de dag thams cad ni sems can la phan pa'i phyir 'byung bar zad kyis/ ma la bdag gis
40a2 kyang sems can la phan par bya'o snyam mo//de nas des bdag gis gdul bar 'gyur ba 'ga' lta yod dam snyam du bsams pa dang / des thog ma kho nar pha ma gnyis mthong ngo / /mthong nas kyang des bsams pa thabs ci zhig gis de gnyis 'dul bar 'gyur snyam pa dang / des
40a3 rdzu 'phrul gyis 'dul bar rig nas/rgyal bu rgyal byed kyi tshal nas mi snang bar gyur te/ rang gi khyim du pha ma gnyis kyi mdun logs nas sa brtol te byung nas steng gi nam mkha' la 'dug ste/ 'bar ba dang lam mer 'dug pa dang / char 'bebs pa dang glog 'gyu ba'i cho 'phrul
40a4 rnams bstan nas babs te/stan bshams pa la 'dug go/ /de 'dug nas pha ma gnyis la de dang 'thun pa'i chos bstan te/ de nas khyim bdag de 'khor dang bcas pas stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom ste/ rgyun
40a5 du zhugs pa'i 'bras bu mngon sum du byas nas skyabs su 'gro ba dang /bslab pa'i gzhi rnams la gnas par byas te/ bden pa mthong nas sbyin pa dag sbyin zhing bsod nams dag byed par gyur to/ /de nas dge slong rnams kyis/ bcom ldan 'das la zhus pa/ btsun pa sna ma'i
40a6 me tog gis las ci zhig bgyis na/las de'i rnam par smin pas phyug cing nor mang la longs spyod che ba'i rigs su skyes te/ gzugs bzang zhing blta na sdug la mdzes par gyur la/ btsas ma thag tu yang lus thams cad nas sna ma'i me tog gi ngad ldang zhing mngal du zhugs pa
40a7 dang btsas pa'i tshe yang khyim du sna ma'i me tog gi char bab la/'dis bcom ldan 'das kyang mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum
40b1 du bgyis pa lags/pha ma gnyis kyis kyang las ci bgyis na/ des de kho na la brten nas bcom ldan 'das mnyes par bgyis te mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to/ /btsun pa 'dis smon lam
40b2 gang du btab lags/dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba kha lo sgyur ba/
40b3 bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na khyim bdag phyug cing nor mang la longs spyod che ba yongs su 'dzin pa/ yangs shing rgya che ba rnam thos kyi bu'i nor dang ldan pa/ rnam thos kyi
40b4 bu'i nor dang 'gran pa zhig gnas pa des thabs zlar bab pa las/chung ma blangs nas/ de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas/ des zla ba dgu'am bcu lon pa dang / khye'u gzugs bzang zhing
40b5 blta na sdug la mdzes pa zhig btsas so//de nas de cher skyes pa dang / des yang dag par rdzogs pa'i sangs rgyas 'od srung gi bstan pa la dad pa rnyed nas/ des pha ma la gsol te/ rab tu byung ngo / /rab tu byung nas sde snod gsum bslabs te/ rig pa dang grol ba'i spobs pa
40b6 dang ldan pa'i chos smra bar gyur nas des pha ma gnyis dad pa phun sum tshogs pa la bkod de/skyabs su 'gro ba dang / bslab pa'i gzhi rnams la gnas par byas so/ /sbyin pa dang sbyin pa'i bgo bsha' la yang btsud do/ /phyi zhig na des bsams pa/ bdag gis
40b7 thos pa'i sgo nas bya ba gang yin pa de ni bdag gis byas zin gyis/ma la da ni bdag gis dge 'dun gyi zhal ta bya'o snyam du bsams nas/ pha ma gnyis dang bram ze dang khyim bdag dad pa can gzhan dag la bskul te/ dge 'dun la 'bras chan dang thug pa btung ba dang skyo ma rnams
41a1 dang gos dang zas dang mal cha dang stan dang nad gsos dang sman zong rnams phul lo//khab kyang phul lo/ /de bzhin du dbu skra dang sen mo'i mchod rten rnams la yang til mar gyis byug pa dang spos kyis byug pa dang / mar me'i phreng ba dang sna ma'i me tog gi phreng ba dang gdugs
41a2 kyang phul sna ma'i me tog gi sil mas kyang gtor nas/smon lam btab pa/ kye ma dge ba'i rtsa ba 'dis na/ gang dang gang du skye ba de dang der phyug cing nor mang la longs spyod che ba'i rigs su skye bar shog cig /gzugs bzang zhing blta na sdug la mdzes par shog cig /bdag
41a3 gi lus thams cad nas kyang sna ma'i me tog gi dri'i ngad ldang bar shog cig /mngal du zhugs pa dang btsas pa'i tshe yang bdag gi khyim du sna ma'i me tog gi char 'bab par shog cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i
41a4 sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig /shes rab kyang rno bar gyur
41a5 cig /bsam gtan dang / rnam par thar pa dang / ting nge 'dzin dang / snyoms par 'jug pa rnams kyang thob ste/ snyoms par 'jug pa dang ldang ba la myur bar gyur cig /khab lan re 'dzugs pa'i yun tsam la yang / ting nge 'dzin gzhan dang / gzhan dag la
41a6 snyoms par 'jug cing ldang bar gyur cig ces byas so//de nas pha ma gnyis kyis de mthong nas dris pa/ bu khyod kyis smon lam ci zhig btab/ des de gnyis la bdag gis smon lam 'di ltar btab po zhes thams cad bsnyad do/ /pha ma gnyis kyis smras pa/ khyod kho na
41a7 bdag cag gnyis kyi bur gyur cig /bdag cag gnyis kyang khyod kyi pha mar gyur cig /khyod kho na la brten te bdag cag gnyis kyis sangs rgyas bcom ldan 'das mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i
41b1 tshe dge slong du gyur pa gang yin pa de ni sna ma'i me tog 'di nyid yin te/de der yang dag par rdzogs pa'i sangs rgyas 'od srung gi bstan pa la rab tu byung nas/ chos bzhin du zhal ta byas te/ sangs rgyas dang / chos dang dge 'dun la bkur sti byas nas/ smon lam btab pa'i las
41b2 de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/gzugs bzang zhing blta na sdug la mdzes par gyur la btsas ma thag tu yang de'i lus thams cad nas/ sna ma'i me tog gi dri'i ngad ldang bar gyur pa dang / mngal du
41b3 zhugs pa dang /btsas pa'i tshe yang de'i khyim du sna ma'i me tog gi char phab ste/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang mdzad pa mnyam pa dang thabs mnyam pa rnyed par gyur nas/ 'dis nga mnyes
41b4 par byas te mi mnyes par ma byas la/nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas la shes rab rno bar gyur te/ bsam gtan dang / rnam par thar pa dang / ting nge 'dzin dang / snyoms par 'jug
41b5 pa rnams thob nas/snyoms par 'jug pa dang ldang ba la myur bar gyur te/ khab lan re 'dzugs pa'i yun tsam la yang ting nge 'dzin gzhan dang / gzhan dag la snyoms par 'jug cing ldang bar byed do/ /de'i tshe pha mar gyur pa de gnyis ni/ pha ma 'di gnyis yin te/ de
41b6 gnyis kyis der smon lam btab ste/khyod kho na la brten nas/ bdag cag gnyis kyis shAkya'i rgyal po mnyes par byed par gyur cig /mi mnyes par byed par ma gyur cig /ces byas pas da ltar 'di kho na la brten te/ 'di gnyis kyis nga mnyes par byas te mi mnyes
41b7 par ma byas so// //nga la byin zhes bya ba ni/ gleng gzhi mnyan du yod pa na bzhugs te/ de nas bcom ldan 'das snga dro sham thabs dang chos gos gsol te lhung bzed bsnams nas/ mnyan du yod par bsod snyoms la gshegs pa las/ der bcom
42a1 ldan 'das la/khyim bdag cig gis ro brgya dang ldan pa'i la du 'grangs tshad cig phul ba dang / de'i tshe bram ze'i khye'u zhig /bcom ldan 'das kyi drung nas thag mi ring ba zhig na 'greng ste/ bcom ldan 'das la khyim bdag des ro brgya dang ldan pa'i
42a2 la du 'grangs tshad cig phul ba bram ze'i khye'u des mthong ngo //mthong nas kyang bram ze'i khye'u de/ la du de la chags pa skyes nas/ de bcom ldan 'das kyi thad du song nas smras pa/ kye gau ta ma/ la du 'o ni nga la byin cig ces byas so/ /de nas bcom ldan 'das
42a3 kyis/bram ze'i khye'u de la bka' stsal pa/ khye'u gal te khyod kyis 'di skad du/ la du 'di bdag la mi dgos so zhes byas na ni de'i 'og tu ngas sbyin no/ /de nas des kye gau ta ma la du 'di bdag la mi dgos sa zhes smras so/ /de skad ces smras nas/ bcom ldan 'das kyis bram
42a4 ze'i khye'u de la la du de byin no//de'i tshe khyim bdag mgon med zas sbyin bcom ldan 'das kyi drung nas thag mi ring ba zhig na 'dug pa/ des bsams pa/ bcom ldan 'das ni bsod snyoms gzhan bzhes mi srid de/ de ni gnas med cing skabs ma yin no snyam du rig nas bram
42a5 ze'i khye'u de gud du bkar te/bram ze'i khye'u la smras pa/ bram ze'i khye'u la du 'o ni bcom ldan 'das la phyir phul cig dang / bdag gis khyod la kAr ShA pa Na lnga brgya sbyin no/ /bram ze'i khye'us smras pa/ khyim bdag khyod ci ltar dga' ba de bzhin du bya'o zhes byas nas
42a6 bram ze'i khye'u des la du de bcom ldan 'das kyi lhung bzed kyi nang du bcug go//de nas bcom ldan 'das kyis bsod snyoms de bzhes nas gtsug lag khang du gshegs so/ /khyim bdag mgon med zas sbyin gyis kyang bram ze'i khye'u de khyim du khrid de/ zan byin nas kAr+ShA pa Na lnga brgya
42a7 byin te btang ngo //de nas dge slong dag gis bcom ldan 'das la zhus pa/ btsun pa kye ma bram ze'i khye'u 'dis bcom ldan 'das las la du blangs pa de'i tshe/ bcom ldan 'das kyis de la ma stsal la/ gang gi tshe des kye gau ta ma la du 'di bdag la mi dgos so zhes smras pa de'i
42b1 tshe/bcom ldan 'das kyis de la la du stsal pa la gzigs/ bcom ldan 'das kyis bka' stsal pa/ dge slong dag bram ze'i khye'u des ni tshe rabs stong phrag du mar blang ba'i 'du shes 'ba' zhig kun du bsten cing bsgoms te/ mang du byas nas 'di rtag tu gzhan 'ba'
42b2 zhig la re bar gyur pas na/ngas 'di da ltar la dus brid nas blang ba'i 'du shes las bzlog ste/ 'di nyid 'di'i rab tu 'byung ba dang / phung po yongs su spong ba'i rgyur 'gyur ro/ /btsun pa bram ze'i khye'u 'di'i phung po gang du yongs su spong bar 'gyur lags/ dge slong
42b3 dag ma 'ongs pa'i dus na nyan thos dang /rang sangs rgyas kyi sa las 'das pa'i yang dag par rdzogs pa'i sangs rgyas ri bo zhes bya ba zhig 'byung bar 'gyur te/ de'i gsung rab la 'dis mir skye ba thob nas/ rgyu 'di kho nas rab tu byung ste/ nyon mongs pa thams cad
42b4 spangs nas/dgra bcom pa nyid mngon sum du byed par 'gyur ro// //las brgya tham pa/ bam po bzhi pa/ 'dus mo zhes bya ba ni/ gleng gzhi rgyal po'i khab na bzhugs te/ de'i tshe yul tak+Sha shI la na/ rgyal po pad ma'i snying po can zhes bya ba
42b5 rgyal po byed de/de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras
42b6 sA lu dang /bu ram shing dang / ba lang dang / ma he dang ldan par 'dug ste/ bu gcig pa sdug pa la bya ba bzhin du chos bzhin du rgyal srid byed do/ /de nas de btsun mo dang lhan cig tu rtse zhing dga' la dga' mgur spyod pa las/ btsun mo la bu chags nas/ de'i yid la
42b7 gzhung smra ba rnams dang lhan cig tu rtsod kyang ci ma rung snyam du yid la 'dod pa/de lta bu zhig skyes so/ /de nas rgyal pos de thos ma thag tu ltas mkhan rnams la bstan te/ ltas mkhan rnams na re lha 'di ni lto na mchis pa'i sems can de'i mthu lags te/ des ni bstan
43a1 bcos thams cad rtogs par 'gyur la gzhung smra ba thams cad tshar gcod par 'gyur te/de'i slad du 'di'i yid la 'dod pa/ de lta bu skyes pa lags so zhes zer ro/ /rgyal pos smras pa/ shes ldan dag gal te/ btsun mo'i yid la 'dod pa skyes pa
43a2 de ma bsal na/de cir 'gyur ltas mkhan rnams kyis smras pa/ sras de yan lag ma tshang bar skye bar 'gyur lags so/ /de nas rgyal pos bsams pa/ bdag gi bu yin la yan lag ma tshang bar 'gyur na mi rung ngo snyam nas btsun mo yol ba'i nang du bzhag ste/
43a3 gzhung smra ba thams cad bsags nas gzu bo rnams kyang bskos te/ gzhung gis rtsod du bcug go/ /de nas des gzhung smra ba thams cad tshar bcad nas/ de'i yid la 'dod pa skyes pa de med par gyur to/ /de nas de zla ba dgu'am bcu lon pa dang / bu mo gzugs bzang zhing
43a4 blta na sdug la mdzes pa zhig btsas nas/de'i btsas ston rgyas par byas te/ bu mo 'di'i ming ci skad gdags zhes ming 'dogs par byed de/ bu mo 'di'i mas 'dus pa'i nang du gzhung smra ba thams cad tshar bcad pas na bu mo 'di'i ming 'dus mo zhes gdags so zhes zer ro/ /
43a5 de nas bu mo 'dus mo pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de sred med kyi bu'i lag na thogs pa'i rma bya'i mdongs dang bsrung ba'i srad bu dang / 'o ma dang / zho dang /
43a6 mar dang / zhun mar dang / mar gyi nying gus bskyed bsrings te/ mtsho'i nang gi pad ma bzhin du skye drag par gyur to/ /de nas de gang gi tshe chen mor gyur pa de'i tshe/ de rgyal po'i pho brang de nyid du yol ba'i nang du bzhag nas yi ge bslabs so/ /de yi ge byang nas des yol ba'i nang
43a7 'ba' zhig tu bstan bcos thams cad bslabs nas yul tak+Sha shI la der gzhung smra ba thams cad tshar bcad do//de nas phyi zhig na rgyal pos bu mo de la dris pa/ khyod ngas su la sbyin par bya/ bu mos smras pa/ sus gzhung brtsad pas bdag thub par nus pa de la stsal bar gsol/
43b1 de nas rgyal pos de thos nas 'dis 'di lta bu'i tshig smras pa las na/ bu mo 'di ni ngas gzhung smra ba gang gis 'di thub pa de 'ba' zhig la sbyin par bya'i byad gzugs bzang ba la yang mi sbyin/ rigs mtho ba la yang mi sbyin/ dbang phyug dang ldan pa la yang mi sbyin no zhes zer
43b2 ro//de nas de'i sgra de kun tu grags nas/ de thos ma thag tu phyogs kun nas gzhung smra ba rnams lhags pa las bu mo des thams cad tshar bcad do/ /de nas de'i tshe lho phyogs na gzhung smra ba ri'u zhes bya ba bstan bcos thams cad la 'jigs pa med pa gtsug lag che ba/
43b3 gtsug lag la 'byam pa gzugs bzang zhing blta na sdug la mdzes pa/ kha dog shin tu rgyas pa dang ldan pa zhig gnas pa des yul tak+Sha shI la'i rgyal po pad ma'i snying po'i sras mos gzhung smra ba thams cad tshar bcad la de'i yab kyis kyang de lta bur dam bcas so
43b4 zhes thos so//de thos ma thag tu de ya mtshan du gyur te/ bdag der song la de ci shes pa blta'o snyam mo/ /de nas de 'khor lnga brgya dang chas te/ grong dang / grong khyer dang / grong rdal dang / nags khrod kyi grong dang / yul po che rnams su rgyu zhing gzhung smra ba rnams
43b5 kyang tshar gcod par byed pa las mthar gyis yul tak+Sha shI lar phyin nas des rgyal po pad ma'i snying po can gyi thad du song nas smras pa/bdag gis thos na lha'i sras mos gzhung smra ba thams cad tshar bcad ces gda' na/ bdag gis kyang mkhan po las bstan bcos
43b6 bslabs pa dag mchis pas bdag kyang de dang bka' mchid bgyi bar 'tshal lo//rgyal pos smras pa/ khyod ji ltar dga' ba bzhin du bya'o zhes smras nas/ rgyal po des gzhung smra ba'i 'khor bsags te so so'i gzhung btsugs nas bu mo de yol ba'i nang du bzhag ste/ bu
43b7 mo des gzhung smra ba'i ri'u zhes bya ba gzugs bzang zhing blta na sdug la/mdzes pa kha dog rgyas pa mchog dang ldan pa mthong nas de mthong ma thag tu 'dod chags kyi mdas phog ste/ des bsams pa/ bdag gis khyim thab 'di 'dra ba ga las kyang mi rnyed kyis 'di kho na bdag gi khyim
44a1 thab tu bya dgos kyi gzhan ni mi 'dod do snyam du bsams nas/des ci nas gzhung smra ba des bdag thub par 'gyur ba de ltar byas so/ /de nas rgyal pos bsams pa/ bdag gis dam bcas pa la gzhung smra ba gang gis 'di thub par 'gyur ba de la bdag gis 'di
44a2 sbyin par bya'i/bdag gis 'di byad gzugs bzang ba la yang mi sbyin/ rigs mtho ba la yang mi sbyin dbang phyug dang ldan pa la yang mi sbyin no zhes dam bcas pa las/ 'dis 'di thub par gyur la 'di yang gzugs bzang zhing blta na sdug la mdzes te/ bdag gis 'di las
44a3 lhag pa gud nas gzhung smra ba ches khyad par du 'phags pa mi rnyed kyis/ma la bdag gis 'di kho na la sbyin par bya'o snyam du bsams nas/ khyim pa rnams kyi khyim pa'i chos gang yin pa de bzhin du byas te/ bu mo de de la byin nas dbang phyug chen por yang bskos so/ /de yang de dang lhan cig
44a4 tu rtse zhing dga' la dga' mgur spyod do//de nas phyi zhig na/ bu mo de la bu chags nas de zla ba dgu'am bcu lon pa dang khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas khye'u 'di'i ming ji skad gdags zhes ming 'dogs par byed
44a5 de/khye'u 'di rus kA t+yA ya na yin la 'dus mo'i bu yin pas na 'dus pa'i kA t+yA ya na zhes gdags so zhes zer ro/ /de nas khye'u 'dus pa'i kA t+yA ya na 'o ma dang / zho dang mar dang / zhun mar dang / mar gyi nying gus bskyed bsrings te/ mtsho'i nang gi pad ma bzhin du skye drag
44a6 par gyur to//de nas de gang gi tshe cher skyes pa de'i tshe yi ge dang bram ze'i spyod lam dang spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig
44a7 byed dang /snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas las rnam pa drug la mkhas pa'i bram zer gyur te/
44b1 de mthar gyis rig pa'i gnas brgyad la byang bar gyur to/ /des lo bcu drug lon nas bstan bcos thams cad rtogs te/ gzhung smra ba thams cad tshar bcad nas de'i blo 'di lta bu zhig skyes te/ 'dzam bu'i gling na bdag dang mnyam pa yang med na lhag pa lta ci smos snyam du rlom
44b2 pa des skye bo phal po che la khyad du gsod par byed do//de nas dge bsnyen zhig gis de la smras pa/ khye'u khyod bdag dang mnyam pa su yang med na/ lhag pa lta ci smos snyam du rlom pa 'dis rgyags par ma byed cig /khye'u yul dbus na shAkya'i bu zhig skyes pa de bram ze ltas mkhan
44b3 bye brag phyed pa rnams kyis lung bstan te gal te khyim na gnas na ni 'khor los sgyur ba'i rgyal por 'gyur ro//gal te skra dang kha spu bregs te chos gos tshon can bgos nas yang dag pa'i dad pa kho nas khyim nas khyim med par rab tu byung na ni/ 'jig rten du de bzhin gshegs pa dgra
44b4 bcom pa yang dag par rdzogs pa'i sangs rgyas sgra cher grags par 'gyur ro zhes lung bstan pa las de skra dang kha spu bregs te chos gos tshon can bgos nas yang dag pa'i dad pa kho nas khyim nas khyim med par rab tu byung ste/bla na med pa yang dag par rdzogs pa'i byang chub mngon par
44b5 rdzogs par sangs rgyas pa de la ni/khyod kyi gzugs dang shes rab kyis kyang brgya'i char yang mi phod stong gi char yang mi phod/ 'bum gyi char yang mi phod/ khrag khrig gi char yang mi phod de/ grangs su bgrang du yang med do zhes byas so/ /de nas khye'u des sangs rgyas zhes bya
44b6 ba'i sgra sngon ma thos pa thos nas spu thams cad zing zhes byas te lta 'dod par gyur to//de nas des pha ma la gsol te/ yab yum bdag yul dbus su mchis te/ bcom ldan 'das de'i thad du tshangs par spyod pa spyad par 'tshal gyis gnang bar mdzad du gsol zhes byas so/ /
44b7 de nas pha ma gnyis kyi bsams pa/ 'di ni bdag cag gis bzlog par mi nus so snyam du rig nas smras pa/ sdod cig dang bdag cag gnyis kyis khyim gyi 'khor btang nas de'i 'og tu lhan cig tu 'dong la bcom ldan 'das de'i thad du tshangs par spyod pa spyad par bya'o
45a1 zhes de skad smras nas/de gnyis kyis khyim gyi 'khor btang ste sbyin pa dag byin zhing bsod nams dag byas nas yul dbus su dong ste/ de dag mthar gyis dong dong ba las rgyal po'i khab tu phyin nas de dag bcom ldan 'das ga la ba der dong ba dang / khye'u de dang de'i
45a2 pha ma gnyis kyis thag ring po zhig nas/sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/
45a3 mchod sdong rin po che sna tshogs kyis spras pa lta bu/ bla gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis/ dang po
45a4 sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro//de ltar mthong nas kyang mchog tu dga' ba skyes so/ /dga' ba skyes nas bcom ldan 'das ga la ba der dong
45a5 ste lhags nas/bcom ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis/ de rnams kyi bsam pa dang bag la nyal dang khams dang rang bzhin thugs su chud nas de dang 'thun pa'i
45a6 chos bstan te/de rnams kyis stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas so/ /de rnams kyis bden pa mthong nas stan las langs te bla gos phrag pa gcig tu gzar nas
45a7 bcom ldan 'das ga la ba de logs su thal mo sbyar ba btud de/bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu byung ba dang bsnyen par rdzogs shing dge slong gi dngos po 'thob tu rung na/ bdag cag kyang bcom
45b1 ldan 'das kyi thad du tshangs par spyod pa spyad par 'tshal lo//de nas bcom ldan 'das kyis de gnyis dge slong tshur shog ces bya bas rab tu phyung ste bsnyen par rdzogs par mdzad do/ /de gnyis la lung yang phog ste/ de gnyis kyis kyang brtson pa dang / bsgrub pa dang / 'bad
45b2 pas nyon mongs pa thams cad spangs nas dgra bcom pa nyid mngon sum du byas te/dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil
45b3 bar gyur pa/rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su
45b4 gyur to//de nas 'dus mo yang bcom ldan 'das kyis skye dgu'i bdag mo chen mo gau ta mI la gtad nas/ de yang des rab tu phyung ste/ bsnyen par rdzogs par byas nas de la lung yang phog ste/ des kyang brtson pa dang bsgrub pa dang 'bad pas nyon mongs pa thams cad spangs nas
45b5 dgra bcom pa nyid mngon sum du byas so//de nas dge slong dag gis bcom ldan 'das la zhus pa/ btsun pa 'dus pa'i kA t+yA ya nas las ci bgyis na/ las de'i rnam par smin pas phyug cing nor mang la longs spyod che ba'i rigs su skyes te/ gzugs bzang zhing blta na sdug
45b6 la mdzes pa dang bstan bcos thams cad rtogs te gzhung smra ba thams cad tshar bcad la/'dis bcom ldan 'das kyang mnyes par bgyis te mi mnyes par ma bgyis pa dang / bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa
45b7 nyid mngon sum du bgyis pa dang /de'i pha ma gnyis kyang gzhung smra ba'i mchog tu gyur te/ 'di nyid la brten nas bcom ldan 'das mnyes par bgyis te mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad spangs te/ dgra
46a1 bcom pa nyid mngon sum du bgyis lags/bcom ldan 'das kyis bka' stsal pa/ smon lam gyi dbang las gyur to/ /btsun pa 'di rnams kyis gang du smon lam btab lags/ bcom ldan 'das kyis bka' stsal pa/ dge slong dag sngon byung ba 'das
46a2 pa'i dus na bskal pa bzang po 'di nyid la skye dgu'i tshe lo nyi khri thub pa na/yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa/
46a3 sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na bram ze zhig gnas pa des thabs zlar bab pa las chung ma blangs pa las/ phyi zhig na de'i chung ma la bu chags nas de zla ba dgu'am bcu lon pa dang khye'u gzugs bzang zhing blta na sdug la
46a4 mdzes pa zhig btsas nas/'o ma dang zho dang / mar dang zhun mar dang / mar gyi nying gus bskyed bsrings te/ mtsho'i nang gi pad ma bzhin du skye drag par gyur to/ /de nas de cher skyes nas des yang dag par rdzogs pa'i sangs rgyas 'od srung gi bstan pa la dad pa rnyed nas
46a5 pha ma gnyis la gsol te/yab yum bdag cag bcom ldan 'das kyi bstan pa la rab tu byung bar gnang bar mdzad du gsol zhes byas so/ /de nas pha ma gnyis kyis de la smras pa/ bu khyod bdag cag gnyis kyi bu gcig pa sdug cing yid du 'ong la phongs pa dang 'thun par byed pa
46a6 yin pas na bdag cag gnyis kyis gnang bar byar mi rung ngo zhes byas so//'on kyang de pha ma gnyis kyis thabs sna tshogs kyis bzlog ma nus nas de pha ma gnyis kyis gnang ste/ yang dag par rdzogs pa'i sangs rgyas 'od srung gi gsung rab la rab tu byung nas bsnyen par rdzogs te/
46a7 des sde snod gsum bslabs nas/ rig pa dang grol ba'i spobs pa dang ldan pa'i chos smra bar gyur te/ gos dang zas dang / mal cha dang stan dang / nad gsos dang sman zong rnams rnyed do/ /de nas des pha ma gnyis dad pa phun sum tshogs pa la bkod de/ skyabs su 'gro ba dang
46b1 bslab pa'i gzhi rnams la gnas par byas nas/de gnyis sbyin pa dang sbyin pa'i bgo bsha' la btsud do/ /de nas phyi zhig na des bsams pa bdag gis thos pa'i sgo nas bya ba gang yin pa de ni bdag gis byas zin gyis ma la da ni bdag gis dge 'dun gyi zhal ta chos bzhin du bya'o
46b2 snyam nas des pha ma gnyis dang sbyin bdag dang sbyin pa po gzhan dag la bskul nas/bcom ldan 'das 'od srung la sogs pa dge slong gi dge 'dun la bshos gsol te/ dbu skra dang sen mo'i mchod rten rnams la bkur sti byas nas/ smon lam btab pa/ kye ma dge ba'i rtsa ba
46b3 'dis na bdag gang dang gang du skye ba de dang der phyug cing nor mang la longs spyod che ba'i rigs su skye bar shog cig /gzugs bzang zhing blta na sdug la mdzes par shog cig ces byas so/ /de gang las rab tu byung ba'i mkhan po des ni lo bcu drug lon pa na/ bstan bcos thams cad
46b4 rtogs nas gzhung smra ba thams cad kyang tshar bcad do//de bzhin du de'i pha ma gnyis kyang gzhung smra ba'i mchog tu gyur te gzhung smra ba thams cad tshar bcad do/ /de nas des smras pa/ ji ltar na bdag gi mkhan pos lo bcu drug lon pa na bstan bcos thams cad rtogs nas gzhung
46b5 smra ba thams cad tshar bcad pa dang /de bzhin du de'i pha ma gnyis kyang gzhung smra ba'i mchog tu gyur te/ de gnyis kyis kyang gzhung smra ba thams cad tshar bcad pa de bzhin du bdag gis kyang lo bcu drug kho na lon pa na bstan bcos thams cad rtogs par gyur cig /gzhung smra ba thams cad tshar
46b6 gcod par gyur cig /de bzhin du bdag gi pha ma gnyis kyang gzhung smra ba thams cad kyi mchog tu gyur cig /yang dag par rdzogs pa'i sangs rgyas 'od srung gis/ bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /
46b7 mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom nyid mngon sum du byed par gyur cig ces byas so/ /de nas de smon lam 'debs shing 'dug pa pha ma gnyis kyis mthong nas de gnyis kyis de la dris pa/ bu
47a1 khyod kyis smon lam ci zhig btab de nas des pha ma gnyis la bdag gis smon lam 'di ltar btab po zhes rgyas par bsnyad do//pha ma gnyis kyis smras pa/ de'i tshe bdag cag gnyis khyod kyi pha ma gzhung smra ba'i mchog tu gyur cig /khyod kyang bdag cag gnyis kyi bur gyur
47a2 cig /khyod kho na la brten te bdag cag gnyis kyis sangs rgyas bcom ldan 'das mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur
47a3 cig ces byas so//dge slong dag ji snyam du sems/ de'i tshe yang dag par rdzogs pa'i sangs rgyas 'od srung gi bstan pa la rab tu byung ba'i dge slong du gyur pa/ gang yin pa de ni 'dus pa'i kA t+yA ya na 'di nyid yin no/ /de'i tshe de'i pha mar gyur pa gnyis ni pha ma 'di gnyis kho
47a4 na yin no//des der sbyin pa dag byin cing bsod nams dag byas nas smon lam btab pa'i las de'i rnam par smin pas/ gang dang gang du skyes pa de dang der phyug cing nor mang la longs spyod che ba'i rigs su skyes te/ gzugs bzang zhing blta na sdug la mdzes pa dang / bstan
47a5 bcos thams cad kyang rtogs la/gzhung smra ba thams cad kyang tshar bcad de/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/ 'dis nga mnyes par
47a6 byas te mi mnyes par ma byas la/nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas so/ /pha ma de gnyis kyis der smon lam btab ste/ bdag cag gnyis khyod kyi pha ma gzhung smra ba'i mchog tu gyur cig /khyod
47a7 las brten te bdag cag gnyis kyis sangs rgyas bcom ldan 'das mnyes par byed par gyur cig /mi mnyes par byed par ma gyur cig ces byas pa des ni da ltar yang 'di gnyis gzhung smra ba'i mchog tu gyur te/ 'di nyid las brten nas 'di gnyis kyis nga mnyes par byas te/ mi
47b1 mnyes par ma byas la/nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //tshem bu mkhan zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag cig gnas pa las phyi zhig na
47b2 de'i chung ma la bu chags nas de zla ba dgu'am bcu lon pa dang khye'u zhig btsas te/khye'u de yang 'phye bo 'gro mi nus pa zhig tu gyur te de'i btsas ston rgyas par byas nas/ khye'u 'di'i ming ci skad gdags zhes ming 'dogs par byed de/ khye'u 'di 'phye bo yin pas na khye'u 'di'i ming 'phye bor
47b3 gdags so//de nas khye'u 'phye bo 'o ma dang zho dang mar dang zhun mar dang mar gyi nying gus bskyed bsrings te/ de gang gi tshe cher skyes pa de'i tshe phas bsams pa/ bdag gis khye'u 'di ci nas 'dug bzhin du las byed cing bzo des 'tsho ba rnyed par 'gyur ba'i bzo ji lta bu zhig bslab
47b4 par bya snyam mo//de nas des bsams pa ma la bdag gi 'di tshem bu mkhan gyi las bslabs pa dang des 'di'i 'tsho ba rnyed par 'gyur ro snyam du bsams nas/ des khye'u de tshem bu mkhan gyi las slob tu bcug go/ /de nas de yang de la slob dpon gyi mchog tu gyur to/ /de nas dus
47b5 ston zhig byed pa na khyim bdag gzhan zhig gis chung ma'i phyir gzhan gyi khyim nas gos dang rgyan g.yar por blangs nas/khyer te 'ongs te chung ma des kyang bgos nas dus ston la chas te song ngo / /de nas de bag med pas de'i zhu gcig gis dral to/ /de nas de khyim thab kyis 'jigs
47b6 nas su la yang ma bstan te dus ston las phyir log nas khyim bdag de grong gzhan zhig tu song ngo //de song nas bud med des tshem bu mkhan de bdag gis khyim du blangs te/ sus kyang mi mthong bar bya ba'i phyir sgo bcad nas zhu de drub tu bcug pa dang / tshem bu mkhan gyi khyim du blangs
47b7 pa'i rjes la khyim thab rang gi khyim du 'ongs nas sgo rdung zhing 'bod do//de nas de'i chung mas skad las ngo shes nas tshem bu mkhan rang gi khyim du bzhag pa dang / zhu dral ba'i phyir shas cher 'jigs pa skyes nas de 'jigs shing skrag pas/ tshem bu mkhan de khong du chud par byas te
48a1 gzeb kyi nang du bcug nas gzeb rgyas btab ste bzhag go//de nas sgo phye ste khyim thab nang du 'ongs nas kha gsag byas te ci rigs par bsnyen bkur byas nas de dang lhan cig tu nyal lo/ /de gnyis nyal ba dang rkun po dag cig gis khyim phug nas nang du 'ongs te thog ma kho
48a2 nar gzeb de las zin nas/de dag 'di snyam du sems te gzeb 'di 'di ltar rgyas legs par btab la lci ba las na nor bu rin po che chen po yod gor ma chag go/ /'dis ni bdag cag mi rabs bdun gyi bar du yang chog par 'gyur te/ 'di kho nas bdag cag chog gis bdag cag la
48a3 rdzas gzhan mi dgos so snyam du bsams nas/de dag gis gzeb de gcig pu khyer te phyir phyung nas nags 'dab tu khyer ro/ /de dag 'dong ba na zla ba yang shar la mi des kyang de'i nang na 'dug bzhin du gcin shor nas gcin de gzeb las thar te phyi rol du zags so/ /de nas rkun po
48a4 de dag 'di snyam du sems te 'di ltar zla ba shar ba na/'di'i nang nas chu 'bab pa las na/ 'di'i nang du ni nor bu chu shel bcug yang dag snyam ste/ lhag par yang snying dga' bar gyur to/ /de nas de dag gis sha thang ste gzeb de khyer nas nags 'dab tu lhags so/ /de nas mi
48a5 rgod kyi sde dpon dang mi rgod gzhan dag gis dris pa/khyod kyis gzeb 'di'i nang du ci zhig khyer te 'ongs/ de dag gis smras pa/ sde dpon deng du ni bdag cag gis thams cad kyi dbul ba'i rgyun bcad kyis dgyes pa bskyed du gsol/ deng bdag cag gis rin po ches gang ba'i
48a6 gzeb rnyed do zhes byas so//de nas de thos ma thag tu de dag kyang snying dga' bar gyur te smras pa/ gzeb phye zhig dang 'dir rin po che ji lta bu dag bcug pa blta'o zhes byas so/ /de nas de dag gis gzeb de bkrol nas kha phye ste bltas na gzeb de'i nang du 'phye bo zhig bcug cing 'dug pa
48a7 mthong nas/mthong ma thag tu der song song ba dang gzeb de khyer khyer ba gang yin pa de dag ni 'phye bo 'dis bdag cag mtshan thog thag nyon mongs so snyam nas sdug bsngal bar gyur to/ /der ma dong ba gang yin pa de dag gis ni mi rgod der song song ba de dag la gad mo chen pos btab nas smras
48b1 pa/legs par nyon mongs so/ /shin tu nyon mongs so zhes byas so/ /de nas bud med de sad de langs nas khang pa de'i nang du song ba dang / khyim phug ste gzeb rkus pa mthong ngo / /mthong nas kyang snying dga' nas tshigs su bcad de smras pa/ khang pa phug nas gzeb kyang stor/ /
48b2 bdag ni phyed dga' phyed mi dga'/ /nags 'dab song ba'i rkun po rnams/ /de ni dgod cing ngu bar 'gyur/ /zhes byas so/ /de nas der gzeb de khyer te 'ongs pa gang yin pa de dag khros te smras pa/ 'di ltar 'phye bo 'dis bdag cag mi dga' bar byas mod kyi/ 'on kyang
48b3 bdag cag gi gnod sbyin mchod dgos kyis bdag cag gis 'di kho nas gnod sbyin la mchod pa bya'o zhes smras nas/de dag gis gnod sbyin de'i mdun du ba lang gi lci bas dkyil 'khor byas te/ bdug pa dang me tog dang mchod pa'i cho ga dang bum pa gang ba rnams bzhag nas
48b4 ral gri rnon po thogs te/mi de gnod sbyin gyi mdun du bzhag nas mchod sbyin byas so/ /de nas mi des kyang ji ltar bdag nyid gnod sbyin de'i mchod par dbul bar chad pa khong du chud nas/ shin tu skrag ste/ bsams pa/ bcom ldan 'das ma gtogs pa gzhan su zhig la
48b5 da bdag skyabs su 'gro bar bya/su zhig bdag la srog phangs pa sbyin par 'gyur snyam du bsams nas/ des bcom ldan 'das la sems kyis gsol ba btab pa/ btsun pa bcom ldan 'das kyis ni 'di lta ste 'das pa dang ma 'ongs pa dang / da ltar byung ba ci yang mi
48b6 gzigs pa dang mi mkhyen pa dang thugs su ma chud pa mi mnga' na/kye ma bcom ldan 'das/ bdag ni dkos thag cing nyam nga la phongs par gyur pa lags kyis bdag yongs su bskyab tu gsol/ srog phangs pa stsal du gsol zhes byas so/ /sangs rgyas bcom ldan
48b7 'das bgrod pa gcig pu'i lam ston pa rnam pa gnyis kyi shes bya dang ye shes la mnga' brnyes pa ma 'dres pa'i dran pa nye bar gzhag pa gsum la mkhas pa mi 'jigs pa bzhis mi 'jigs pa/'gro ba lngar 'gro ba las rnam par grol ba/ skye mched drug la mkhas pa/ byang chub
49a1 kyi yan lag bdun la spyod yul ba/rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag par seng ge'i sgra chen po sgrogs pa rnams ni/ chos nyid
49a2 kyis nyin dus gsum mtshan dus gsum ste/nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam thag par gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du
49a3 gzhol/su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor
49a4 bdun gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la
49a5 ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go//rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas
49a6 bcom ldan 'das kyis gzigs na/'phye bo de dang mi rgod lnga brgya po de rnams gdul ba'i dus la bab par thugs su chud nas/ lha'i sku gzugs de nyid las lha'i cha lugs su bzhugs so/ /de nas mi rgod lnga brgya 'di snyam du sems te/ lhas bdag cag la rang gi sku bstan
49a7 to snyam ste/spu zing zhes byas nas/ thal mo sbyar te 'khod nas 'di skad ces smras so/ /bcom ldan 'das bka' ci stsal bcom ldan 'das kyis bka' stsal pa/ nga la mis mchod mi dgos kyis mi'i mchod pa 'di thong shig /gal te khyed chos 'dod na ni mchod pa gsol ba
49b1 thong la 'khod cig dang chos bstan par bya'o//de nas de ltar 'tshal lo zhes byas nas mi rgod de dag gis mchod pa btang nas bcom ldan 'das kyi zhabs la mgo bos phyag 'tshal te chos mnyan pa'i phyir spyan sngar 'khod do/ /de nas bcom ldan 'das kyis 'phye bo de dang mi rgod de dag gi bsam
49b2 pa dang bag la nyal dang khams dang rang bzhin thugs su chud nas de dang 'thun pa'i chos bstan te/des na mi rgod lnga brgya po de dag gis stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du
49b3 byas so//'phye bo des kyang phyir mi 'ong ba'i 'bras bu mngon sum du byas so/ /de nas de dag gis bden pa mthong nas bcom ldan 'das kyis lha'i cha lugs mi snang bar mdzad nas rang bzhin gyi skur bzhugs so/ /de nas de dag gis bcom ldan 'das mthong nas lhag par yang dga'
49b4 ba skyes so//dga' ba skyes nas stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu 'byung
49b5 ba dang bsnyen par rdzogs shing dge slong gi dngos po 'thob tu rung na/bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis mi rgod rnams la dge slong tshur shog tshangs par spyod cig ces bka' stsal pa'i mod la skra dang kha
49b6 spu ni bregs nas/zhag bdun lon pa tsam du gyur spyod lam ni bsnyen par rdzogs nas lo brgya lon pa lta bur 'dug par gyur nas lag na lhung bzed dang chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ /de ni mgo bregs lus la
49b7 snam sbyar gyon//sangs rgyas kyi ni dgongs pas gos bgos nas/ /mod la dbang po rab tu zhi bar gnas/ /de nas bcom ldan 'das kyis de rnams la lung phog ste/ de dag gis kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid
50a1 mngon sum du byas te/de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs
50a2 bcom pa rig pa dang mngon par shes pa dang so so yang dag par rig pa thob pa srid pa'i rnyed pa dang chags pa dang bkur sti la rgyab kyis phyogs pa/dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas 'phye bos bsams pa/ gal
50a3 te bdag kyang lus 'di 'dra bar ma gyur na ni bdag kyang bcom ldan 'das kyi bstan pa la rab tu byung ste/chu bo rnams las brgal bar bya ba dang sbyor ba rnams las 'da' bar bya ba'i phyir brtson pa dang bsgrub pa dang 'bad par bya ba zhig na snyam mo/ /de nas de skad ces brjod ma thag tu de'i lus de
50a4 rnam pa thams cad du yongs su rdzogs shing rangs par gyur nas de lhag par yang bcom ldan 'das la dga' bar gyur to//dga' bar gyur nas stan las langs te bla gos phrag pa gcig tu gzar nas bcom ldan 'das la 'di skad ces gsol to/ /btsun pa legs par gsungs pa'i
50a5 chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge slong tshur shog ces bya bas rab tu phyung ste bsnyen par rdzogs par mdzad nas
50a6 lung yang phog go//des kyang brtson pa dang bsgrub pa dang 'bad pas nyon mongs pa thams cad spangs te dgra bcom pa nyid mngon sum du byas so/ /de nas dge slong dag gis bcom ldan 'das la zhus pa btsun pa 'phye bos las ci zhig bgyis na las de'i rnam par smin pas 'phye bor gyur lags/
50a7 las ci zhig bgyis na/ des bcom ldan 'das mnyes par bgyis te mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong
50b1 dag 'di nyid kyis las de lta bu byas shing bsags te dge slong dag sngon byung ba 'das pa'i dus na/bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu gdul
50b2 bya'i kha lo sgyur ba/bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI 'di nyid na khyim bdag spun gnyis shig gnas pa las gcig gis ni yang dag par rdzogs pa'i sangs rgyas 'od srung las chos thos
50b3 te phyir mi 'ong ba'i 'bras bu mngon sum du byas nas/des kha na ma tho ba dang bcas pa'i las rnams spangs te/ gcig tu nges par kha na ma tho ba med pa'i las rnams la gnas so/ /nu bo cig shos ni zhing las byed de des bsams pa bdag ni grang ba na yang grang bas nyen tsha ba
50b4 na yang tsha bas nyen la/'di ni khyim na 'dug cing bde ba nyams su myong bar byed do snyam nas/ de khros te phyir mi 'ong ba de la tshig rtsub po smras pa/ bdag ni grang ba na yang grang bas nyen tsha ba na yang tsha bas nyen te las thams cad byed la khyod ni 'phye bo bzhin du khyim na then zhing 'dug ste ci
50b5 yang byed pa mi 'dod dam zhes byas so//de nas phyir mi 'ong bas bsams pa/ nu bo 'dis bdag la tshig rtsub po smras kyis gtan du phung bar mi 'gyur bar bya ba'i phyir 'di'i ra mda' bya dgos so snyam nas des de'i mdun du rdzu 'phrul bstan te smras pa/ khyod kyis nga la tshig rtsub po smras
50b6 kyis nyes pa la nyes so zhes bshags par gyis shig /'khor ba na 'khor zhing sdug bsngal chen po rnyed ta re/ de nas de thos ma thag tu nu bo de 'gyod pa chen po skyes te/ des de'i rkang pa la phyag 'tshal nas bzod par gsol te 'di skad ces smras so/ /bdag khyim na
50b7 gnas pa btang ste/song la yang dag par rdzogs pa'i sangs rgyas 'od srung gi bstan pa la rab tu 'byung ngo / /phyir mi 'ong bas smras pa/ khyim gyi 'khor thong la bdag cag gnyis ka rab tu 'byung bar bya'o/ /des smras pa/ de ltar bgyi'o/ /de nas des khyim gyi 'khor
51a1 btang nas yang dag par rdzogs pa'i sangs rgyas 'od srung gi bstan pa la gnyi ga rab tu byung ste/phyir mi 'ong bas ni rab tu byung nas nyon mongs pa thams cad spangs te dgra bcom pa nyid mngon sum du byas so/ /cig shos kyis ni rab tu byung nas tshe gcig tu tshangs par spyod pa
51a2 spyad de 'chi kar smon lam btab pa/bdag gis 'di ltar sems can dag pa 'di lta bu la tshig rtsub po smras pa'i las de'i skal ba can du bdag ma gyur cig /brgyal las de'i 'bras bu bdag la smin par gyur na yang rab tu 'byung ba'i sems bskyed ma thag tu ma legs pa med par gyur te
51a3 legs pa 'byung bar gyur cig /'di ltar bdag rab tu byung nas tshe gcig tu tshangs par spyod pa spyad kyang yon tan ci yang ma thob kyis yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes
51a4 par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong dag ji snyam du sems/ de'i tshe yang dag par rdzogs pa'i sangs rgyas
51a5 'od srung gi gsung rab la rab tu byung ba'i dge slong du gyur pa gang yin pa de ni 'phye bo 'di nyid yin te/des der phu bo la tshig rtsub po smras pa'i las des ni gang dang gang du skyes pa de dang der 'phye bor gyur to/ /de 'gyod par gyur te rab tu byung nas tshe gcig tu tshangs par spyod pa spyad de 'chi kar
51a6 smon lam btab pa/'di ltar bdag gis sems can dag pa 'di lta bu la tshig rtsub po smras pa'i las de'i skal ba can du bdag ma gyur cig /brgya la las de'i rnam par smin pa bdag la smin par gyur na yang rab tu 'byung ba'i sems bskyed ma thag tu bdag gi ma legs pa med par
51a7 gyur te/legs pa 'byung bar gyur cig ces byas pa des ni da ltar rab tu byung ba'i sems bskyed ma thag tu lus kyi yan lag thams cad yongs su rdzogs par gyur to/ /des der smon lam btab ste yang dag par rdzogs pa'i sangs rgyas 'od srung gis/ bram ze'i khye'u bla ma lung bstan pa
51b1 gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas pas ni/ dge slong dag
51b2 nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/'dis nga mnyes par byas te mi mnyes par ma byas la nga nyid kyi bstan pa la rab tu byung nas nyon mongs pa thams cad spangs te dgra bcom pa
51b3 nyid mngon sum du byas so//de nas dge slong dag gis bcom ldan 'das la zhus pa/ btsun pa kye ma mi rgod lnga brgya po 'di dag 'phye bo 'di dang mjal nas rab tu byung ste/ nyon mongs pa thams cad spangs nas dgra bcom pa nyid mngon sum du bgyis pa la gzigs/ bcom ldan 'das
51b4 kyis bka' stsal pa/dge slong dag da ltar 'ba' zhig ma yin gyi 'das pa'i dus na yang mi rgod lnga brgya po 'di dag 'phye bo 'di nyid dang phrad nas rab tu byung ste/ bsam gtan bzhi dang mngon par shes pa lnga bskyed pa de nyon cig /dge slong dag sngon byung ba 'das pa'i dus na mi rgod lnga brgya
51b5 tsam nags khrod cig na rten cing gnas te/de dag gis ri khrod kyi grong zhig bcom ste/ nor zas mang po de nas blangs so/ /mi 'di yang nags khrod de nyid na rten cing 'dug pa las mi rgod de dag der dong bas gnod sbyin la mi mchod pa'i phyir bzung ste/ de dag nags khrod der dong
51b6 nas gnod sbyin de'i mdun du ba lang gi lci bas byugs te/bum pa gang ba dang mi de bzhag nas ral gri rnon po thogs te/ gnod sbyin gyi mdun du 'dug nas mchod sbyin byas so/ /mi des kyang bdag 'di rnams kyis bsad de gnod sbyin gyi mchod pa byed par sems sam snyam
51b7 nas de shin tu 'jigs shing skrag par gyur to//'jigs shing skrag nas bsams pa/ bdag su zhig la skyabs su 'gro bar bya/ bdag la su zhig srog phangs pa sbyin par 'gyur snyam mo/ /de nas de'i tshe ri khrod de nas thag mi ring ba zhig na dka' thub kyi gnas shig gi nang na
52a1 drang srong zhig gnas so//de'i tshe mi des drang srong de yid la dran nas des dad pa'i sems kyis drang srong de la gsol ba btab pa/ bcom ldan 'das ni mi gzigs pa dang / mi mkhyen pa dang / thugs su mi chud pa ci yang mi mnga' na kye ma bdag la srog phangs pa stsal du gsol/ dka'
52a2 ba sku nyams su bzhes par gsol zhes byas so//de nas drang srong de la dga' ba'i lha zhig gis mi de'i bsam pa sems kyis shes nas drang srong de la sbran to/ /de nas drang srong gis thos ma thag tu rang gi dka' thub kyi gnas nas mi snang bar gyur te/ mi rgod de dag gi mdun du 'ongs
52a3 nas mi rgod de dag gis drang srong de mthong ngo //mthong nas kyang de dag mchog tu dga' bar gyur to/ /dga' bar gyur nas drang srong bka' ci stsal zhes byas so/ /drang srong gis smras pa/ mi 'di thong la nga'i mdun du 'khod cig dang khyod la chos bshad do/ /de nas drang srong gis
52a4 bka' stsal pa bzhin du 'tshal lo zhes smras nas/mi rgod de dag gis mi de btang ste/ drang srong de'i rkang pa la phyag 'tshal nas chos mnyan pa'i phyir mdun du 'khod do/ /de nas drang srong des de dag la chos de lta bu bstan te des na mi de dang mi rgod lnga brgya drang srong de nyid kyi thad du rab tu byung
52a5 nas/bsam gtan bzhi dang mngon par shes pa lnga bskyed do/ /dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas par gyur pa gang yin pa de ni nga yin no/ /de'i tshe mi gang yin pa de ni 'phye bo 'di nyid yin no/ /mi rgod lnga brgyar gyur
52a6 pa gang yin pa de dag ni mi rgod lnga brgya po 'di dag nyid yin te/de'i tshe 'di rnams kyis mi de las brten nas rab tu byung ste bsam gtan bzhi dang mngon par shes pa lnga bskyed do/ /da ltar yang 'phye bo 'di nyid la brten nas rab tu byung ste nyon mongs pa thams cad spangs te/ dgra bcom pa nyid
52a7 mngon sum du byas so//las brgya pa las sdom gyi tshigs su bcad pa dang po rdzogs so// //las brgya tham pa/ bam po lnga pa/ sdom ni/ shing rta bzhi dang sgam po dang / /sa 'tsho skra ldan pad ma'i mdog /shan pa gser mdog ba
52b1 lang rdzi//mdza' sde 'jigs med dbyig mtsho dang / /dbyig dga' dang ni dom gnyis dang / /sgur chung dang ni tha ma srin/ /shing rta bzhi zhes bya ba la/ /shing rta dang po ni/ gleng gzhi mnyan du yod pa na bzhugs te/ de'i tshe bram ze zhig mchod sbyin byed par 'dod de shing rta la zhon nas
52b2 mnyan du yod par song ngo //bcom ldan 'das kyang snga dro sham thabs dang chos gos gsol te/ lhung bzed bsnams nas mnyan du yod par bsod snyoms la gshegs pa dang / de dga' ba skyes nas bcom ldan 'das la bskor ba byas te song ngo / /de'i skabs su bcom ldan 'das kyis
52b3 'dzum pa mdzad de/'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba
52b4 gang yin pa de dag ni sems can dmyal ba yang sos dang /thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams pa dang / kyi hud zer
52b5 ba dang /a chu zer ba dang / ud pal ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te
52b6 'bab bo//des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad
52b7 de/de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag
53a1 sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i
53a2 ris rnams dang /sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams
53a3 dang /'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che ba rnams dang / mi gdung
53a4 ba rnams dang /gya nom snang ba rnams dang / shin tu mthong ba rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba
53a5 brtsam par gyis//sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par
53a6 'gyur zhes rjod par byed do//de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar
53a7 'gyur ro//ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /
53b1 su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /
53b2 'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu
53b3 lung ston par bzhed na ni smin mtshams kyi mdzod spur mi snang bar 'gyur ro//bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan
53b4 'das kyi smin mtshams kyi mdzod spur mi snang bar gyur to//de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun du snang bar bgyis/ /
53b5 nyi ma shar bas ji ltar bgyis pa bzhin/ /yang tshigs su bcad de gsol pa/ /rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum
53b6 mi ston//brtan po nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /
53b7 mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod la skye bo phal chen nyan par 'tshal/ /'brug sgra lta bu'i gsung ldan pa/ /khyu mchog lta bu'i lta stangs can/ /mi mchog mchod pa bgyid pa yi/ /'bras bu
54a1 cir 'gyur lung bstan gsol//btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa ston par mi mdzad na/ 'dzum pa mdzad pa'i rgyu gang lags rkyen gang lags/ bcom ldan 'das kyis
54a2 bka' stsal pa/kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu dang rkyen med par 'dzum pa mi mdzad do/ /kun dga' bo khyod kyis bram ze gang gis de bzhin gshegs pa la bskor ba
54a3 byas te song ba mthong ngam/btsun pa mthong lags so/ /kun dga' bo bram ze 'di ni dge ba'i rtsa ba 'dis bskal pa bcu gsum gyi bar du log par ltung bar mi 'gyur te/ bskal pa bcu gsum gyi bar du lha rnams dang / mi rnams kyi nang du nying mtshams sbyar zhing / 'khor bar
54a4 gyur nas srid pa tha ma dang gnas tha ma la mir skye ba thob ste rab tu 'byung bar 'gyur la/des slob dpon med pa dang man ngag med par byang chub kyi phyogs dang 'thun pa'i chos sum cu rtsa bdun mngon du byas nas rang sangs rgyas kyi byang chub mngon sum du byed par 'gyur te/ rang sangs rgyas skor
54a5 byed ces bya bar 'gyur ro//de'i sbyin par bya ba'i chos ni de yin no// //shing rta gnyis pa ni/ gleng gzhi mnyan du yod pa na bzhugs te/ de'i tshe bram ze'i khye'u zhig gis mchod sbyin byas nas shing rta la zhon te 'khor gyi tshogs kyis g.yog byas nas mnyan du yod pa'i nang du
54a6 chas so//bcom ldan 'das kyang mnyan du yod par bsod snyoms mdzad nas/ mnyan du yod pa nas slar gshegs pa dang de dga' ba skyes nas bcom ldan 'das la bltas so/ /de'i skabs su bcom ldan 'das kyis 'dzum pa mdzad de/ 'di ni sangs rgyas bcom ldan 'das rnams
54a7 gang gi tshe 'dzum pa mdzad pa'i chos nyid de/de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag
54b1 dang /bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / sa thams thams dang / kyi hud zer ba dang / a chu zer ba dang / ud pal ltar gas pa dang / pad ma
54b2 ltar gas pa dang /pad ma ltar gas pa chen por song nas/ tsha ba'i sems can dmyal ba gang yin pa de dag tu bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par
54b3 rnams rtse zhil bar gyur to//de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/
54b4 kye ma ci bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems
54b5 can dmyal ba myong bar 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro//steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral
54b6 rnams dang /dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams
54b7 dang /dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che ba rnams dang / mi gdung ba rnams dang / gya nom snang rnams dang / shin tu mthong rnams dang /
55a1 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i
55a2 khyim la glang chen bzhin//'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi
55a3 stong chen po'i 'jig rten gyi khams bskor nas bcom ldan 'das kyi phyi bzhin 'brang ste/gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su
55a4 mi snang bar 'gyur ro//sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /su skye bar lung ston par bzhed na ni zhabs kyi mthe bor mi snang bar 'gyur
55a5 ro//mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi
55a6 snang bar 'gyur ro//lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med
55a7 pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro//de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga'
55b1 bos thal mo sbyar te bcom ldan 'das la zhus pa/tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing
55b2 rgyags dang mi dgyes spangs pa yis//sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan po nyid kyi blo yis dus bab mkhyen lags na/ /dge sbyong rgyal dbang nyan pa
55b3 som nyi 'tshal ba rnams//thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa
55b4 ston mdzad pa//de ni khyod la skye bo phal chen nyan par 'tshal/ /'brug sgra lta bu'i gsung ldan pa/ /khyu mchog lta bu'i lta stangs can/ /mi mchog mchod pa bgyid pa yi/ /'bras bu cir 'gyur lung bstan gsol/ /btsun pa de bzhin gshegs pa dgra bcom pa yang dag par
55b5 rdzogs pa'i sangs rgyas rnams ni rgyu ma mchis rkyen ma mchis par 'dzum pa ston par mi mdzad na/btsun pa 'dzum pa mdzad pa'i rgyu gang lags rkyen gang lags/ bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin
55b6 gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do//kun dga' bo khyod kyis bram ze gang gis de bzhin gshegs pa la dga' ba skyes nas bltas pa mthong ngam btsun pa mthong lags so/ /kun dga' bo bram ze 'di ni dge ba'i
55b7 rtsa ba 'dis bskal pa bcu gsum gyi bar du log par ltung bar mi 'gyur te/bskal pa bcu gsum gyi bar du lha rnams dang mi rnams kyi nang du nying mtshams sbyar zhing / 'khor bar gyur nas srid pa tha ma dang gnas tha ma la mir skye ba thob ste/ rab tu 'byung bar 'gyur la des slob dpon
56a1 med pa dang man ngag med par byang chub kyi phyogs dang 'thun pa'i chos sum cu rtsa bdun mngon du byas nas rang sangs rgyas kyi byang chub mngon sum du byed par 'gyur te/rang sangs rgyas dga' ba zhes bya bar 'gyur ro/ /de'i sbyin par bya ba'i chos ni de yin no// //shing rta gsum pa ni/
56a2 gleng gzhi mnyan du yod pa na bzhugs te/ bcom ldan 'das snga dro sham thabs dang chos gos gsol te/ lhung bzed bsnams nas mnyan du yod par bsod snyoms la gshegs so/ /bram ze zhig kyang shing rta la zhon te yul rgyu zhing chas pa las/ bcom ldan 'das mthong nas/ bkra
56a3 mi shis so snyam ste phan tshun du bros so//bcom ldan 'das kyis kyang / de la thugs brtse ba'i phyir de dang de kho na na bzhugs par gyur to/ /de nas re zhig na grong khyer gyi sgo bzhi char du yang de'i mdun na bcom ldan 'das bzhugs par gyur nas des bsams pa dge sbyong gau ta ma 'di ni rdzu
56a4 'phrul che zhing mthu che ba yin no snyam nas/de bcom ldan 'das la dga' ba skyes so/ /de dga' ba skyes nas/ bcom ldan 'das kyi steng du me tog spar gang gtor to/ /de'i skabs su bcom ldan 'das kyis 'dzum pa mdzad de/ 'di ni sangs rgyas bcom ldan 'das rnams gang gi tshe
56a5 'dzum pa mdzad pa'i chos nyid de/de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang /
56a6 bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol ba dang / so thams thams dang / kyi hud zer dang / a chu zer ba dang / ud pal ltar gas pa dang / pad ma ltar
56a7 gas pa dang /pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams
56b1 rtse zhil bar gyur to//de nas de dag 'di snyam du sems te/ kye ci bdag cag 'di nas 'chi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag
56b2 cag ni 'di nas kyang shi 'phos par ma gyur la gzhan du yang ma skyes mod kyi/'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal
56b3 ba myong bar 'gyur ba'i las de zad de/lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang /
56b4 dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang /
56b5 dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi
56b6 lha rnams kyi bar du song nas/mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang
56b7 chen bzhin//'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig
57a1 rten gyi khams bskor nas/bcom ldan 'das kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs
57a2 su mi snang bar 'gyur ro//sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /su skye bar lung ston par bzhed na ni zhabs kyi mthe bor mi snang bar 'gyur ro/ /
57a3 mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi
57a4 snang bar 'gyur ro//lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na
57a5 med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro//de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ /de nas tshe dang
57a6 ldan pa kun dga' bos thal mo sbyar te bcom ldan 'das la zhus pa/tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun du snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol
57a7 pa/rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan po nyid kyi blo yis dus bab mkhyen lags
57b1 na//dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang
57b2 gi don du dpa' bo 'dzum pa ston mdzad pa//de ni khyod la skye bo phal chen mnyan par 'tshal/ /'brug sgra lta bu'i gsung ldan pa/ /khyu mchog lta bu'i lta stangs can/ /mi mchog mchod pa bgyid pa yi/ /'bras bu cir 'gyur lung bstan gsol/ /btsun pa de bzhin
57b3 gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa ston par mi mdzad na/btsun pa 'dzum pa mdzad pa'i rgyu gang lags rkyen gang lags bcom ldan 'das kyis bka' stsal pa/ kun dga' bo de ni de bzhin no/ /de ni
57b4 de bzhin te/kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo khyod kyis bram ze gang gis de bzhin gshegs pa la me tog gis gtor ba mthong ngam/ btsun pa mthong lags so/ /
57b5 kun dga' bo bram ze 'di ni dge ba'i rtsa ba 'dis bskal pa bcu gsum gyi bar du log par ltung bar mi 'gyur te/ bskal pa bcu gsum gyi bar du lha rnams dang mi rnams kyi nang du nying mtshams sbyar zhing 'khor bar gyur nas/ srid pa tha ma dang gnas tha ma la mir skye ba thob ste rab tu
57b6 'byung bar 'gyur la des slob dpon med pa dang man ngag med par byang chub kyi phyogs dang 'thun pa'i chos sum cu rtsa bdun mngon du byas nas/rang sangs rgyas kyi byang chub mngon sum du byed par 'gyur te rang sangs rgyas me tog bla ma zhes bya bar 'gyur ro/ /de'i sbyin par bya ba'i chos ni
57b7 de yin no// //shing rta bzhi pa ni/ gleng gzhi mnyan du yod pa na bzhugs te/ de'i tshe bcom ldan 'das mnyan du yod pa nas rgyal po'i khab tu gshegs so/ /bram ze zhig kyang shing rta la zhon te lam du snol mar 'gro ba las/ bram ze des bcom ldan
58a1 'das mthong nas shing rta las babs te bcom ldan 'das la shing rta bstabs so//bcom ldan 'das kyis kyang de nyid la thugs brtse ba'i phyir/ shing rta'i steng gi nam mkha' la bzhugs so/ /de nas bram ze de rgyu de las dga' ba chen po skyes so/ /dga' ba
58a2 chen po skyes nas bcom ldan 'das kyi thad nas song ngo //de'i skabs su bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe/ 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar
58a3 po dang /dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni/ sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang /
58a4 rab tu tsha ba dang / mnar med pa dang / chu bur can dang / chu bur rdol ba dang / so thams thams dang / kyi hud zer ba dang / a chu zer ba dang / ud pal ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal
58a5 ba gang yin pa de dag tu ni bsil bar gyur te 'bab bo//grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di
58a6 nas shi 'phos sam 'on te gzhan du skyes sam snyam mo//de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma
58a7 skyes mod kyi/'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/ lha dang mi rnams
58b1 kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro//steng du 'gro ba gang yin pa de dag ni rgyal chen bzhi'i ris rnams dang sum cu rtsa gsum rnams dang 'thab bral rnams dang dga' ldan rnams dang / 'phrul dga' rnams dang / gzhan
58b2 'phrul dbang byed rnams dang /tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas
58b3 rnams dang /sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug
58b4 bsngal ba dang /stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par
58b5 gyis//gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor
58b6 nas/bcom ldan 'das kyi phyi bzhin 'brang ste gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal
58b7 bar skye bar lung ston par bzhed na ni zhabs kyi mthil du mi snang bar 'gyur ro//dud 'gror skye bar lung ston par bzhed na ni zhabs kyi rting par mi snang bar 'gyur ro/ /su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed
59a1 na ni pus mo gnyis su mi snang bar 'gyur ro//stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /
59a2 lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par
59a3 rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro//de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos
59a4 thal mo sbyar te bcom ldan 'das la zhus pa/tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun du snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral
59a5 zhing rgyags dang mi dgyes spangs pa yi//sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan po nyid kyi blo yis dus bab mkhyen lags na/ /dge sbyong rgyal dbang nyan pa
59a6 som nyi 'tshal ba rnams//thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa
59a7 ston mdzad pa//de ni khyod la skye bo phal chen nyan par 'tshal/ /'brug sgra lta bu'i gsung ldan pa/ /khyu mchog lta bu'i lta stangs can/ /mi mchog mchod pa bgyid pa yi/ /'bras bu cir 'gyur lung bstan gsol/ /btsun pa de bzhin gshegs pa dgra bcom pa yang
59b1 dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa ston par mi mdzad na/btsun pa 'dzum pa mdzad pa'i rgyu gang lags rkyen gang lags/ bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs
59b2 pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do//kun dga' bo khyod kyis bram ze gang gis de bzhin gshegs pa la shing rta bstabs pa mthong ngam/ btsun pa mthong lags so/ /kun dga' bo bram ze 'di ni/ dge ba'i rtsa ba 'dis
59b3 bskal pa bcu gsum gyi bar du log par ltung bar mi 'gyur te/bskal pa bcu gsum gyi bar du lha rnams dang mi rnams kyi nang du nying mtshams sbyar zhing 'khor bar gyur nas srid pa tha ma dang gnas tha ma la mir skye ba thob ste rab tu 'byung bar 'gyur la/ des slob dpon med pa dang man ngag med par byang
59b4 chub kyi phyogs dang 'thun pa'i chos sum cu rtsa bdun mngon du byas nas/rang sangs rgyas kyi byang chub mngon sum du byed par 'gyur te/ rang sangs rgyas shing rta sbyin zhes bya bar 'gyur ro/ /de'i sbyin par bya ba'i chos ni 'di yin no// //sgam po zhes bya ba ni/ gleng gzhi mnyan du yod
59b5 pa na bzhugs te/de'i tshe sems can zhig sems can dmyal bar skyes te lus che zhing dmus long du 'dug la de'i lus ril gyis rmas zhu lub tu yog ste/ de'i spyi bo man chad rkang mthil yan chad srin zhugs pas de nad ma bzod nas phan tshun rgyug par byed la/ de gal te thang la 'gro na ni/
59b6 de la de nyid nas seng ge dang / stag dang / gzig dang / dred la sogs pa lcags kyi mche ba can dag 'byung bar 'gyur te/ de dag gis de'i sha rnams bcad cing bcad cing za'o/ /de ste chu la 'bog na ni de la de nyid nas chu srin ma ka ra lcags kyi mche ba can dag 'byung bar 'gyur te/
59b7 de dag gis kyang de'i sha rnams bcad cing bcad cing za'o/ /de ste steng gi nam mkha' la 'gro na ni de la de nyid nas/ bya rog dang bya rgod dang chun lag lcags kyi mchu can dag 'byung bar 'gyur te/ de dag gis kyang de'i sha rnams bcad cing bcad cing za'o/ /de ste nags stug po'i nang du
60a1 'gro na ni de la de nyid nas shing shal ma li'i tshal 'byung bar 'gyur te/de la der ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams rlung gis spags te de'i steng du 'bab bo/ /de ste rtsig pa'i gseb bam ri'i
60a2 sul lam bya skyibs dag tu 'gro bar 'dod na yang de la de nyid nas las las skyes pa'i mi dag 'byung bar 'gyur te/ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams thogs nas de'i lus la 'debs te/ de dag gis de'i
60a3 lus thams cad bcad cing gtub par byed de/rgyu des na des sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ste/ nyam thag pa'i skad 'byin cing ngu'o/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye
60a4 shes la mnga' brnyes pa/ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa
60a5 brgyad la bsam gtan pa/mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan
60a6 dus drug tu sangs rgyas kyi spyan gyis 'jig rten la gzigs te/su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan su ni ngan song du gzhol su ni ngan song du 'bab su ni
60a7 ngan song du bab su ni ngas ngan song nas phyung ste mtho ris dang thar pa dang 'bras bu la gzhag par bya/su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par
60b1 bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig
60b2 rten 'bras bu dang bcas par bya snyam du ye shes gzigs pa 'jug go//rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs
60b3 nas/mnyan du yod pa'i skye bo phal po che 'dul ba'i dus la bab nas/ bcom ldan 'das kyis dgongs pa ci tshar gcad pas 'dul bar 'gyur ram 'on te bstod pas 'dul bar 'gyur ram/ 'on te skyo ba bskyed pas 'dul bar 'gyur snyam du dgongs nas/ skyo ba bskyed pas
60b4 'dul bar 'gyur bar bcom ldan 'das kyis gzigs nas/de dag skyo ba bskyed pa'i phyir bcom ldan 'das kyis sems can de rdzu 'phrul gyis bkug ste/ chu klung khang ldan gyi 'gram du bzhag na/ der yang de nad mi bzod nas phan tshun rgyug par byed la der yang de gal te thang
60b5 la 'gro na ni de la de nyid nas seng ge dang stag dang /gzig dang dred la sogs pa lcags kyi mche ba can dag 'byung bar 'gyur te/ de dag gis de'i sha rnams bcad cing bcad cing za'o/ /de ste chur 'bog na ni de la de nyid nas chu srin ma ka ra lcags kyi mche ba can dag
60b6 'byung bar 'gyur te/de dag gis kyang de'i sha rnams bcad cing bcad cing za'o/ /de ste steng gi nam mkha' la 'gro na ni de la de nyid nas bya rog dang bya rgod dang chun lag lcags kyi mchu can dag 'byung bar 'gyur te/ de dag gis kyang de'i sha rnams bcad cing bcad cing za'o/ /
60b7 de ste nags stug po'i nang du 'gro na ni de la de nyid nas shing shal ma li'i tshal 'byung bar 'gyur te/ de la de nyid du ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams rlung gis spags te de'i steng du 'bab bo/ /de ste rtsig pa'i gseb
61a1 bam ri'i sul lam bya skyibs dag tu 'gro bar 'dod na yang de la de nyid nas las las skyes pa'i mi dag 'byung bar 'gyur te/ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams thogs nas de'i lus la 'debs te/ de
61a2 dag gis de'i lus thams cad bcad cing gtub par byed de/rgyu des na sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ste nyam thag pa'i skad 'byin cing ngu'o/ /de nas de'i ku co'i sgras mnyan du yod pa thams cad gang bar gyur to/ /
61a3 mnyan du yod pa'i skye bo phal po ches 'jigs su rung ba'i sgra de lta bu thos so/ /thos nas kyang sems can stong phrag du ma mnyan du yod pa nas byung ste/ sgra grag pa'i logs su chu klung khang ldan ga la ba der dong nas skye bo phal po che de dag gis/ thag ring po zhig nas sems can de
61a4 de lta bu'i gnod pa'i sdug bsngal nyams su myong ba mthong ngo //mthong nas kyang de dag gis bsams pa/ sems can 'di lta bu gnod pa'i sdug bsngal 'di 'dra ba nyams su myong ba 'di su zhig snyam mo/ /sangs rgyas bcom ldan 'das bzhugs shing gzhes la 'tsho ba
61a5 rnams ni chos nyid kyis dus dus su/gtsug lag khang dang / dur khrod dang / ri dang chu klung dag tu rgyu zhing gshegs te don 'di'i phyir/ bcom ldan 'das chu klung du rgyu zhing gshegs par bzhed nas/ tshe dang ldan pa kun dga' bo la bka' stsal pa/ kun
61a6 dga' bo song la dge slong rnams la de bzhin gshegs pa ni chu klung du rgyu zhing gshegs kyis su de bzhin gshegs pa dang thabs cig tu rgyu zhing 'gro 'dod pa de dag chos gos dag chos shig ces bsgo shig /de skad ces bka' stsal te bsgo nas bcom ldan 'das dge slong gi tshogs
61a7 kyis zhabs 'bring byas te dge slong gi dge 'dun gyis mdun du bdar nas chu klung khang ldan ga la ba der gshegs so//de nas skye bo'i tshogs kyis thag ring po nas bcom ldan 'das mthong ngo / /mthong nas kyang ma dad pa gang yin pa de dag na re dge sbyong gau ta ma ltad mo la dga'
61b1 ba med do zhes grag na de yang ltad mo'i dbang du gyur te 'ongs so zhes zer ro//dad pa dang ldan pa gang yin pa de dag na re bcom ldan 'das sems can 'di las brten te ngo mtshar rmad du byung ba'i chos cig lung ston par bzhed gor ma chag ces zer nas/ bcom ldan 'das kyi
61b2 gdan bshams te smras pa/bcom ldan 'das tshur gshegs/ bcom ldan 'das gshegs pa legs so legs so/ /bcom ldan 'das gdan bshams pa la bzhugs su gsol zhes zer ro/ /de nas bcom ldan 'das gdan bshams pa la bzhugs
61b3 nas bcom ldan 'das kyis dgongs pa/ma la bdag sems can 'di ci nas sngon gyi tshe rabs rjes su dran la mi'i skad du smra zhing bdag dang gtam zer bar 'gyur ba de lta bu'i ting nge 'dzin la snyoms par 'jug par bya'o snyam du dgongs so/ /de nas bcom ldan 'das ci nas sems can des
61b4 sngon gyi tshe rabs dran la mi'i skad du smra zhing /bcom ldan 'das dang gtam zer bar 'gyur ba de lta bu'i ting nge 'dzin la snyoms par zhugs nas/ der bcom ldan 'das kyis sems can de la bka' stsal pa/ bzhin khyod sgam po yin nam/ bcom ldan 'das bdag sgam
61b5 po lags so//bzhin khyod sgam po yin nam/ bde bar gshegs pa bdag sgam po lags so/ /lus dang ngag dang yid kyi nyes par spyod pa'i las rnams kyi 'bras bu myong ba yod dam/ bcom ldan 'das myong ba mchis lags so/ /lus dang ngag dang yid kyi
61b6 nyes par spyod pa'i las rnams kyi 'bras bu mi sdug pa yin nam/bde bar gshegs pa mi sdug pa lags so/ /khyod kyi mi dge ba'i bshes gnyen su yin/ des gsol pa/ rang gi sems lags so/ /de nas skye bo phal po che de dag 'di snyam du sems te/ 'di lta bu'i
61b7 sems can sngon gyi tshe rabs dran la mi'i skad du smra zhing bcom ldan 'das dang gtam zer ba 'di su zhig snyam mo//sangs rgyas bcom ldan 'das rnams ni snyan slebs par dka' ste/ de dag gis bcom ldan 'das kyi snyan du zhu ma nus nas de dag gis tshe dang ldan pa kun dga' bo la dris pa/ btsun
62a1 pa kun dga' bo 'di lta bu'i sems can sngon gyi tshe rabs dran la mi'i skad du smra zhing /bcom ldan 'das dang gtam zer ba 'di su zhig /tshe dang ldan pa kun dga' bos smras pa/ bcom ldan 'das la zhus shig /de dag gis smras pa/ sangs rgyas bcom ldan 'das
62a2 rnams ni snyan slebs par dka' zhing gzi byin bzod par dka' bas bdag cag gis sangs rgyas bcom ldan 'das kyi snyan du zhu mi nus so//tshe dang ldan pa kun dga' bos smras pa/ sangs rgyas bcom ldan 'das rnams ni bdag gis kyang snyan slebs par dka' mod kyi/ 'on kyang khyed
62a3 la snying brtse ba'i phyir zhu bar bgyi'o zhes smras nas/tshe dang ldan pa kun dga' bos bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa 'di lta bu'i sems can sngon gyi tshe rabs
62a4 dran la mi'i skad du smra zhing /bcom ldan 'das la bka' mchid gsol pa 'di su zhig lags/ der bcom ldan 'das kyis tshe dang ldan pa kun dga' bo la bka' stsal pa/ kun dga' bo sems can 'di ni sdig pa'i las byed byed pa yin te/ 'dis sdig pa'i las mang du
62a5 byas so//kun dga' bo sngon byung ba 'das pa'i dus na/ nyan thos dang rang sangs rgyas kyi sa las 'das pa/ yang dag par rdzogs pa'i sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/
62a6 bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od zer can/ zhes bya ba 'jig rten du byung ste/ de'i tshe dgra bcom pa zhig dgra bcom pa lnga
62a7 brgya dang thabs cig tu ljongs rgyu zhing song ba las rgyal po'i pho brang zhig tu phyin nas/de dag rgyal po de'i skyed mos tshal du song ste/ rgan rims bzhin du shing drung re rer rtswa bting nas skyil mo krung bcas te bsam gtan dang / rnam par thar pa dang / ting nge 'dzin dang / snyoms par
62b1 'jug pa'i bde ba nyams su myong bar byed do//de nas de'i tshe rgyal po'i pho brang de nyid na rgyal po sgam po zhes bya ba rgyal po byed de/ rgyal po de nang par sngar langs nas bud med kyi 'khor gyis zhabs 'bring byas te skyed mos tshal der song ngo / /de der song nas phyogs gcig tu
62b2 'dug pa dang /bud med de dag me tog dang 'bras bu la sred pas phan tshun du 'khyam zhing dong ba las bud med de dag gis dge slong lnga brgya po de dag shing drung dag na klu'i rgyal po ltar lus bskyil te gnyid log pa bzhin du skyil mo krung bcas te 'khod pa mthong ngo / /mthong nas
62b3 kyang mchog tu dga' ba skyes so//de dag dga' ba skyes nas de dag gis zhabs la phyag 'tshal te/ de dag gi nang na ches rgan pa gang yin pa de'i mdun du chos mnyan pa'i phyir 'khod do/ /de nas rgyal po des skyed mos tshal de'i nang nas skyes pa'i sgra thos so/ /thos nas kyang ral
62b4 gri rnon po mgul du thogs te/dge slong de dag ga la ba der song nas rgyal po des dge slong lnga brgya de dag thag ring po nas mthong ngo / /mthong nas kyang dge slong rnams kyis nga'i btsun mo'i 'khor mthong gis med do snyam ste/ khro ba'i kun nas dkris pa chen po skyes nas mthong ma thag
62b5 tu rgyal po des rgyal po'i zho shas 'tsho ba rnams la bos te/de dag la bsgo ba/ dge slong 'di rnams lcag gis gzhus shig ces byas so/ /de nas re zhig na de dag lcag gis bzhus nas dge slong de dag gi lus ril gyis zhu lub tu sha snag bu bzhin du gyur to/ /de nas des
62b6 dge slong de rnams snying tshim par bzhus nas gshed ma rnams la gtad de/khyed deng la rab tu byung ba 'di rnams las kha cig ni gson por gsal shing la tshugs la ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams kyis bsnun cig /
62b7 kha cig ni gson por khyi rnams la byin cig /kha cig ni lus dum bu drug tu chod la phyogs kun du bor zhig ces byas so/ /de nas rgyal po'i mi de dag gis de bzhin du 'tshal lo zhes byas nas/ dge slong lnga brgya po de dag kha cig ni gson por gsal shing la btsugs
63a1 nas ral gri dang /mdung thung dang / mda' bo che dang / rdo rje rtse gcig pa dang / mdung kha leb rnams kyis bsnun to/ /kha cig ni gson por khyi rnams la byin no/ /kha cig ni lus dum bu drug tu bcad de phyogs kun du bor ro/ /dge slong dag ji snyam du sems/
63a2 de'i tshe rgyal por gyur pa gang yin pa de ni sems can 'di nyid yin te/ des der dgra bcom pa lnga brgya po de dag bsad pa'i las de'i rnam par smin pas sems can dmyal ba chen po mnar med par skyes so/ /des dge slong de dag la sdang ba'i sems kyis bltas pa'i las de'i rnam par smin pas
63a3 ni dmus long du gyur to//des dge slong de dag lcag gis gzhus pa'i las de'i rnam par smin pas ni lus ril gyis rmas zhu lub tu yog par gyur to/ /spyi bo man chad rkang mthil yan chad du srin zhugs so/ /des de dag gshed ma la gtad de kha cig ni gson por gsal shing la
63a4 btsugs nas ral gri dang /mdung thung dang / mda' bo che dang / rdo rje rtse gcig pa dang / mdung kha leb rnams kyis bsnun pa dang / kha cig ni gson por khyi rnams la byin pa dang / kha cig ni gson por lus dum bu drug tu bcad de phyogs kun du gtor ba'i las de'i rnam par smin
63a5 pas ni/gal te thang la 'gro na ni de la de nyid nas seng ge dang / stag dang / gzig dang / dred la sogs pa lcags kyi mche ba can dag 'byung bar 'gyur te/ de dag gis de'i sha rnams bcad cing bcad cing za'o/ /de ste chu 'bog na ni de la de nyid las chu srin ma ka ra lcags
63a6 kyi mche ba can dag 'byung bar 'gyur te/de dag gis kyang de'i sha rnams bcad cing bcad cing za'o/ /de steng gi nam mkha' la 'gro na ni de la de nyid nas bya rog dang / bya rgod dang / chun lag lcags kyi mchu can dag 'byung bar 'gyur te/ de dag gis kyang de'i sha rnams
63a7 bcad cing bcad cing za'o//de ste nags stug po'i nang du 'gro na ni/ de la de nyid nas shing shal ma li'i tshal 'byung bar 'gyur te/ de la de nyid du ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams rlung gis spags te de'i steng du
63b1 'bab bo//de ste rtsig pa'i gseb bam ri'i sul lam bya skyibs dag tu 'gro bar 'dod na yang de la de nyid nas las las skyes pa'i mi dag 'byung bar 'gyur te ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams thogs nas de'i lus la 'debs te/
63b2 de dag gis de'i lus thams cad bcad cing gtub par byed de rgyu des na des sdug bsngal drag pa dang mi bzad pa dang / tsha ba dang yid du mi 'ong ba'i tshor ba myong ste nyam thag pa'i skad 'byin cing ngu'o/ /dge slong dag yang dag par rdzogs pa'i sangs rgyas 'od zer can gyi ring tshun chad nas/
63b3 da ltar nga'i ring gi bar du sems can 'di sems can dmyal ba rnams nas shi 'phos shing sems can dmyal ba rnams 'ba' zhig tu skyes te 'dis 'di lta bu'i sdug bsngal rnyed par gyur to/ /btsun pa sems can 'di sdug bsngal 'di las nam thar bar 'gyur lags/ bskal pa
63b4 bzang po 'di nyid la sangs rgyas lnga brgya 'byung bar 'gyur te/de'i bar du yang sems can 'di sems can dmyal ba rnams nas shi 'phos shing sems can dmyal ba rnams 'ba' zhig tu skye bar 'gyur te/ 'di lta bu'i sdug bsngal sha stag rnyed nas/ de'i 'og tu sems can
63b5 dmyal ba'i sdug bsngal zad nas mir skye ba thob par 'gyur te/des rigs ngan gyi khyim du nying mtshams sbyor bar 'gyur ro/ /de gang gi tshe cher skyes pa de'i tshe shor du 'gro bar 'gyur te/ de der song ba na nags khrod me tog phun sum tshogs pa 'bras bu phun sum tshogs
63b6 pa bsil grib phun sum tshogs pa zhig tu phyin nas/des bsams pa gnas 'di lta bur ni rnams 'du bar 'gyur ro snyam nas/ des der 'khrul 'khor dang rnyi dang gtor ba dang rnyong rnams btsugs nas 'gro bar byed do/ /de nas de'i tshe 'jig rten du rang sangs rgyas
63b7 shig byung ste/de nags khrod der mtshan mo gnas 'cha' bar byed de/ de'i dris de dag de'i nyin par nags khrod der mi 'ong ngo / /rngon pa de yang der song nas nags khrod der rang sangs rgyas de 'ba' zhig mthong ba las gzhan ci yang ma rnyed nas des 'di snyam du sems
64a1 te/rab tu byung ba 'di dag ni gnas 'di lta bu la dga' bar skyed par byed de/ 'di 'di na 'dug par gyur na bdag la gnod par 'gyur gyis/ ma la bdag gis 'di bsad gor ma chag snyam nas des rang sangs rgyas de bsad de/ des de bsad nas rngon pa de shi ba'i
64a2 'og tu yang sems can dmyal ba chen po mnar med par skye bar 'gyur te/de der lo brgya phrag du ma dang lo stong phrag du ma'i bar du sems can dmyal ba'i sdug bsngal myong bar 'gyur ro/ /de nas de las zad nas yang mir skye ba thob par yang 'gyur te/ de'i tshe yang dag par rdzogs pa'i sangs rgyas
64a3 bla ma zhes bya ba 'jig rten du 'byung bar 'gyur te/de'i gsung rab la 'di rab tu byung nas nyon mongs pa thams cad spangs te dgra bcom pa nyid mngon sum du byed par 'gyur ro/ /des dgra bcom pa nyid thob nas rgyal po'i pho brang zhig tu 'gro bar 'gyur te/ de rgyal po'i
64a4 skyed mos tshal du gnas 'cha' bar 'gyur ro//rgyal po de yang bud med kyi 'khor dag gis zhabs 'bring byas te/ skyed mos tshal der 'gro bar 'gyur la/ bud med de dag kyang skyed mos tshal der me tog dang 'bras bu la sred pas phan tshun 'khyam zhing 'gro ba las/ de'i
64a5 thad du phyin te chos mnyan pa'i phyir mdun du 'khod do//rgyal po de yang skyes pa'i sgra thos nas de'i thad du 'gro bar 'gyur la/ de mthong nas khros te lcag gis bzhus nas de'i lus dum bu drug tu bcad de/ gson por gsal shing la btsugs nas/ ral gri dang / mdung
64a6 thung dang /mda' bo che dang / rdo rje rtse gcig pa dang mdung kha leb rnams kyis lus la bsnun nas khyi rnams la byin par gyur te/ de'i sdug bsngal gyi mtha' der thug par 'gyur ro/ /de nas de thos ma thag tu skye bo phal po che de dag shas cher skyo ba skyes te/ de dag gis
64a7 bsams pa/'khor ba na 'khor na bdag cag gis kyang sdug bsngal mi bzad pa de lta bu rnyed par 'gyur ro snyam mo/ /de nas bcom ldan 'das kyis de dag gi yid skyo bar gyur par thugs su chud nas de dang 'thun pa'i chos bstan te/ stan de nyid la 'khod bzhin du kha
64b1 cig gis ni dro bar gyur pa bskyed do//kha cig gis ni rtse mo dang / bden pa dang / 'thun pa'i bzod pa dang / 'jig rten gyi chos kyi mchog dang mthong ba'i snyoms par 'jug pa bskyed do/ /kha cig gis ni rgyun du zhugs pa'i 'bras bu mngon sum du byas so/ /kha cig gis
64b2 ni lan cig phyir 'ong ba'i 'bras bu mngon sum du byas so//kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu byung nas dgra bcom pa nyid mngon sum du byas so/ /kha cig gis ni 'khor los sgyur ba'i rgyal por 'gyur ba'i sa bon bskyed do/ /
64b3 kha cig gis ni stobs kyis 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag
64b4 par rdzogs pa'i byang chub kyi sa bon bskyed do//'khor de dag gi nang nas phal cher ni sangs rgyas la gzhol/ chos la 'bab dge 'dun la bab par mdzad de/ bkod nas gtsug lag khang du gshegs so// //las brgya tham pa bam po drug pa/ sa 'tsho ma
64b5 zhes bya ba ni/gleng gzhi ser skya'i gnas na bzhugs te/ gang gi tshe lha sbyin gyis ud pa la'i kha dog ma bsad nas de rgyal po gsal rgyal gyis yul nas bskrad pa de'i tshe/ de yul ser skya'i gnas su song nas bsams pa bdag gis dge sbyong gau ta ma gsod kyang ma nus
64b6 la/sangs rgyas kyi thabs kyang ma thob kyis bdag song la don grub kyi btsun mo 'khor rnams kha drangs te/ de dag dang bsdongs la rgyal sa thob nas rgyal po bya'o snyam du bsams te/ des grags 'dzin ma la phrin pa zhig btang ste/ grags 'dzin ma da ni sdig pa la dga' ba des
64b7 ci byas pa la ltos/bud med drug khri chung mar blangs nas sdug par byas pa 'dis/ gal te des 'dod pa rnams yongs su spyad par mi 'dod na ni btsun mo blangs te gzhag kyang ci dgos/ da yang gal te khyod dga' na ni bdag cag gis kyang rgyal po thob par 'gyur la
65a1 khyod kyang sngon bzhin du dpal dang skal ba dang ldan par 'gyur ro zhes spring ngo //de nas de thos ma thag tu grags 'dzin mas sa 'tsho ma la bsnyad de/ sa 'tsho ma lha sbyin gyis ni bdag la 'di skad ces spring ngo zhes byas so/ /de nas sa 'tsho ma na re 'u bu cag gis thabs
65a2 shig gis de nang du bkug la dma' phab ste btang na/de tha mal par 'dug par 'gyur ro zhes zer ro/ /de nas de rnams kyis lha sbyin la spring ba/ lha sbyin rgyal po'i pho brang gi nang du spyon cig dang 'dir gshegs nas thabs ji lta bu zhig gis bdag cag gis khyod rgyal sar bzhugs pa
65a3 bka' gros mdzad do zhes spring ngo //de nas lha sbyin gyis de thos ma thag tu dga' ches nas da ni de dag dga' bar gyur pas rgyal srid ni bdag gi chang pa khon na 'dug go snyam du bsams nas/ rgyal po'i pho brang du song ste byang chub sems dpa'i gdan la 'dug par chas pa dang lha rnams
65a4 kyis gdan de mi mthong bar byas so//de nas sa 'tsho ma btsun mo'i 'khor gyi sgo logs kyi them skas kyi mgo la 'dug nas smras pa/ lha sbyin khyod re zhig gdan la bzhugs ci 'tshal/ btsun mo'i 'khor nang du je gshegs dang bka' gros mdzad do/ /de nas lha sbyin gyis kyang sa 'tsho
65a5 ma'i tshig mnyan nas sor mo bcu'i thal mo sbyar te de'i mdun du 'dug go//de nas sa 'tsho mas/ de'i thal mo sbyar ba bzung ste/ drag tu btsir nas de'i sor mo thams cad las khrag phyung ste/ lha sbyin de'i nad kyis nyam thag pas khus btab bo/ /de nas sa 'tsho mas skas
65a6 de nyid la mgo thur kar bstan te/mgo bor rdog pas bsnun nas/ skas mgo nas bor ro/ /bud med gzhan rnams kyis kyang kha cig gis ni de'i lus ba lang gi lci bas gtor to/ /kha cig gis ni 'bru mar tshan mos gtor to/ /de nas de'i lus snad cing rmas bzhin
65a7 du de'i nang nas byung ste song nas/de ko ka li ka dang khan da drab bya dang ka ta mo ra ka ti sh+ya dang rgya mtshos byin rnams kyi thad du song ste/ de dag gis de mthong nas smras pa/ lha sbyin 'di ci zhig btsun mo'i 'khor gyi gnang chen khyod kyis btsun mo'i 'khor gyi bde ba dag legs
65b1 par myong mod/de nas skabs de dge slong rnams kyis thos nas bcom ldan 'das la gsol to/ /dge slong rnams kyis sangs rgyas bcom ldan 'das la zhus pa/ btsun pa sa 'tsho mas lha sbyin mi mang sar ji ltar dma' phab pa la gzigs/ bcom ldan 'das kyis bka' stsal
65b2 pa/da ltar 'ba' zhig tu ma zad kyi 'das pa'i dus na yang sa 'tsho mas lha sbyin ji ltar dma' phab pa de nyon cig /dge slong dag sngon byung ba 'das pa'i dus na/ grong khyer bA rA Na sI na/ rgyal po tshangs pas byin zhes bya ba rgyal po byed do/ /yul pi de ha na ni rgyal po dbang
65b3 chen sde zhes bya ba rgyal po byed de/de gnyis phan tshun mi 'thun pas dus dus su skye bo mang po kha 'dog par byed do/ /de nas phyi zhig na kA shi'i rgyal po tshangs pas byin blon po'i tshogs kyis zhabs 'bring byas te 'khod pa'i nang du bud med kyi gtam gyi gleng bslangs nas/ khyed kyi
65b4 nang na su dag gis bud med gzugs bzang zhing blta na sdug la mdzes pa dag gang du mthong zhes dris nas/der sus bud med ji lta bu mthong ba des/ rgyal po de la de kho na bzhin du gsol to/ /der gcig cig gis smras pa/ lha de dag thams cad lta zhog gi pi de ha'i rgyal po'i
65b5 btsun mo dam pa de dang byad gzugs 'dra ba ni/bud med su yang ma mchis so zhes byas nas/ de thos ma thag tu rgyal po de 'dod chags kyi mdas phog nas des bsams pa/ bdag gis rgyal po dbang chen sde dang mi 'thun bzhin du ni de dang phrad par bya mi nus kyis/ bdag
65b6 gis sngar de dang mjal dum byas nas/de'i 'og tu sla bar 'gyur ro snyam du bsams nas rgyal po tshangs pas byin gyis pi de ha'i rgyal po dang mjal dum byas pa'i 'og tu rgyal po dbang chen sde'i btsun mo la bud med pho nyar btang ste/ bdag gis dbang chen sde dang mjal dum byas pa
65b7 ci yang rung ba de dag thams cad ni khyod kyi phyir yin gyis de shes par gyis la ci nas bdag khyod dang phrad par 'gyur ba de ltar gyis shig ces spring ngo //de nas dbang chen sde'i btsun mos rgyal po la sbran te/ lha rgyal po tshangs pas byin de ni bdag 'tshal zhes don du sgrub
66a1 cing mchis kyis gal te lhas bdag la bka' stsal na ni bdag gis de dma' dbab par 'tshal lo zhes byas so//de nas des smras pa/ khyod ji ltar dga' ba de bzhin du gyis la/ ci nas de nga'i lag tu 'ong bar 'gyur ba de ltar dgyis shig /des smras
66a2 pa/lha ji ltar dgyes pa bzhin du mdzad du mchis par bdag gis bgyi bar 'tshal gyis/ thugs mi chung bar gsol zhes byas nas des de la pho nya'i lan spring ste/ rgyal po 'di gson por 'dug bzhin du ni/ bdag gis khyod dang mjal bar bgyi ba'i rngo mi thogs kyis
66a3 'di sod cig dang /de'i 'og tu bdag dang mjal bar 'gyur ro zhes spring ngo / /de nas tshangs pas byin gyis bsams pa mi 'thun par ma byas kyi bar du ni/ bdag gis de bsad du mi rung gis phyir yang bdag gis de dang mi 'thun par bya'o snyam du bsams nas/ rgyal po
66a4 tshangs pas byin gyis rgyal po dbang chen sde dang phyir yang mi 'thun par byas nas/dpung gi tshogs yan lag bzhi go bskon te/ yul pi de har song nas/ grong khyer dpung gi tshogs yan lag bzhis bskor te 'dug go/ /de de na 'dug pas skye bo phal po che kha 'dog par byed do/ /
66a5 de nas dbang chen sde'i btsun mos phrin spring ste/ khyod 'dir gshegs pa ci yang rung ba de dag thams cad ni bdag gi phyir du bas na skye bo mang po dgum ci 'tshal gyis/ da yang mi phal pa'i cha lugs su zhugs la grong khyer gyi nang du gshegs te/ bdag dang mjal bar
66a6 mdzad du gsol zhes spring ngo //de nas de thos ma thag tu kA shi'i rgyal po tshangs pas byin thabs ji ltar bstan pa bzhin du rgyal po'i pho brang gi nang du 'ongs so/ /de 'ongs ma thag tu dbang chen sde'i btsun mo des bzung nas/ rgyal po la sbran te/ lha tshangs pas byin ni
66a7 lhas ci dgyes par mdzad du mchis par gyur lags so zhes byas so//de nas rgyal po dbang chen sdes rgyal po'i sras dang / blon po dang / tshong dpon dang / phyug po dang / ded dpon thams cad bsags nas/ kA shi'i rgyal po tshangs pas byin gyi mgo bor
66b1 rdog pas bsnun te smras pa/'di ci nas phyin chad gzhan gyi chung ma la byi pho byed par mi 'gyur bar sod cig ces byas so/ /de nas rgyal po dbang chen sde la btsun mos gsol pa/ lha 'di sma phab pa 'di nyid gum pa bas ches thub ma lags sam/ da 'di lhag par dgum
66b2 du ci mchis kyis thong lags zhes gsol nas gson por gtang ngo //dge slong dag ji snyam du sems de'i tshe de'i dus na yul pi de ha'i rgyal po dbang chen sder gyur pa/ byang chub kyi spyod pa la gnas pa gang yin pa de ni nga nyid yin no/ /de'i tshe de'i dus na btsun mor gyur pa gang yin
66b3 pa de ni sa 'tsho ma 'di nyid yin no//de'i tshe kA shi'i rgyal po tshangs pas byin zhes bya bar gyur pa gang yin pa de ni/ lha sbyin 'di nyid yin te/ de'i tshe yang des 'di mi mang sar rdog pas bsnun te shin tu sma phab bo/ /skra ldan ma zhes bya ba ni/ byang chub sems dpa' dga' ldan gyi
66b4 gnas na bzhugs tsam na yul ser skya'i gnas na rgyal po seng ge'i 'gram rgyal po byed de/de btsun mo dang lhan cig tu rtse zhing dga' la dga' mgur spyod pa las snga phyir bu pho bzhi dang bu mo bzhi btsas te zas gtsang dang zas dkar dang bre bo zas dang bdud rtsi zas dang gtsang ma dang
66b5 dkar mo dang bre bo ma dang bdud rtsi ma rnams so//de'i tshe yul spong byed na rgyal po shAkya rab sad gnas te/ de'i btsun mo dang lhan cig tu rtse zhing dga' la dga' mgur spyod pa la bu mo gnyis btsas te/ gcig gi ming ni sgyu 'phrul zhes btags so/ /gcig gi ming ni sgyu
66b6 'phrul chen mo zhes btags so//de nas de gnyis 'o ma dang / zho dang / mar dang / zhun mar dang / mar gyi snying gus bskyed bsrings te/ mtsho'i nang gi pad ma bzhin du skye drag par gyur to/ /de nas de gnyis la mtshan mkhan rnams kyis bltas nas/ bu
66b7 mo sgyu 'phrul las ni bu mtshan phun sum tshogs pa zhig btsa' bar 'gyur la/sgyu 'phrul chen mo las ni 'khor los sgyur ba'i rgyal po btsa' bar 'gyur ro zhes lung bstan te/ de gnyis kyi skra til mar gyi thigs pa chur blugs pa bzhin du rgyas par gyur to/ /de nas
67a1 rgyal po seng ge 'gram gyis thos nas/rgyal po rab sad la pho nya btang ste/ khyod kyi bu mo de gnyis bdag gi bu'i chung mar byin cig /'di na shAkya rnams kyis ni sus kyang thabs zlar bab pa'i chung ma gnyis mi blang ba'i nang khrims de lta bu bcas mod
67a2 kyi/gal te bdag gis shAkya rnams kyis dad pa gnang bar byed nus na phyis gnyi ga blang ngo zhes spring nas/ seng ge 'gram gyis shAkya rnams la gsol ba btab nas/ de'i bu mo gnyi ga khyim na gnas pa rnams kyi khyim pa'i chos bzhin du byas te zas gtsang gi btsun
67a3 mor blangs so//der rgyal po rab sad kyis de gnyis la bu mo skra ldan ma zhes bya ba skra mkhan du byin no/ /de nas gang gi tshe byang chub sems dpa' btsas pa na/ de btsas nas zhag bdun lon pa'i 'og tu sgyu 'phrul chen mo shi nas de shi ba'i 'og tu sum cu rtsa gsum pa'i lha
67a4 yul du skyes so//bu mo skra ldan ma ni de dang bral bas sgyu 'phrul chen mo'i skra la 'jus nas/ shin tu mya ngan byed cing 'bub 'dril la smre sngags 'don cing brang rdung ste/ sus kyang de'i mya ngan bsang ma nus so/ /de nas gang gi tshe byang chub sems dpa' sku cher 'khrungs pa de'i
67a5 tshe/des rgan po dang nad pa dang shi ba gzigs nas nags kyi nang du rten bcas te/ lo drug gi bar du dka' ba spyad nas bla na med pa'i ye shes brnyes te/ mthar gyis 'dul ba'i don mdzad cing yul ser skya'i gnas su gshegs so/ /de der gshegs nas shAkya rnams
67a6 rab tu phyung ngo //skye dgu'i bdag mo chen mo gau ta mI yang rab tu phyung ngo / skra ldan ma yang rab tu phyung ste/ des kyang nyon mongs pa thams cad spangs nas dgra bcom pa nyid mngon sum du byas te/ de bcom ldan 'das kyis brtson 'grus brtsams pa rnams kyi mchog tu
67a7 bstan to//de nas dge slong rnams kyis bcom ldan 'das la zhus pa/ btsun pa skra ldan mas las ci bgyis na/ las de'i rnam par smin pas phyug cing nor mang la longs spyod che ba'i shAkya'i rigs su skyes lags/ las ci bgyis na des bran mo gzhan gyi
67b1 mngag gzhug bgyid par gyur lags/bcom ldan 'das kyis bka' stsal pa/ smon lam gyi dbang las gyur to/ /'dis gang du smon lam btab lags/ dge slong dag sngon byung ba 'das pa'i dus na/ bskal pa dgu bcu rtsa gcig pa la/ de bzhin gshegs pa dgra bcom
67b2 pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/
67b3 de bla na med pa yang dag par rdzogs pa'i byang chub mngon par rdzogs par sangs rgyas nas grong khyer gnyen ldan du gshegs te/ de lcam gnyis kyis bshos gsol ba na/ der gcig gis smon lam btab pa/ bdag las 'di lta bu'i skyes bu rin po che btsas te/ de mnyes par
67b4 byed par gyur cig /mi mnyes par byed par ma gyur cig ces byas so/ /bu mo cig shos kyis smon lam btab pa/ bdag kyang gang dang gang du skye ba de dang der khyod dang spun du gyur cig /bdag 'di lta bu'i skyes bu rin po che de 'tsho bar gyur cig ces byas so/ /de spun gnyis kyi
67b5 skra mkhan byed pa'i bu mo de yang de na 'dug par gyur te/bu mo des kyang de gnyis kyi smon lam de lta bu de btab pa thos nas/ thos ma thag tu des kyang yang dag par rdzogs pa'i sangs rgyas rnam par gzigs la bkur sti byas te/ smon lam btab pa kye ma bdag kyang dge ba'i rtsa
67b6 ba 'dis/'di gnyis gang dang gang du skyes pa de dang der bdag 'di gnyis kyi skra mkhan ma bsnyen bkur byed par gyur nas/ 'di gnyis kyi bu rin po che de mnyes par byed par gyur cig mi mnyes par byed par ma gyur cig ces byas te der 'dis smon lam 'di lta bu btab bo/ /btsun
67b7 pa las ci bgyis na/'dis bcom ldan 'das kyang mnyes par bgyis te mi mnyes par ma bgyis te/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis nas/ bcom ldan 'das kyis brtson 'grus
68a1 brtsams pa rnams kyi mchog tu yang bstan lags/bcom ldan 'das kyis bka' stsal pa/ 'di yang dag par rdzogs pa'i sangs rgyas 'od srung gi gsung rab la rab tu byung ste/ gang las rab tu byung ba'i mkhan mo de ni yang dag par rdzogs pa'i sangs rgyas
68a2 'od srung gis brtson 'grus brtsams pa rnams kyi mchog tu bstan to//de nas des tshe gcig tu tshangs par spyod pa spyad nas/ 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srung gi gsung rab la tshangs par spyod pa spyad kyang / yon
68a3 tan gyi tshogs ci yang ma thob kyis yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon
68a4 mongs pa thams cad spangs te/dgra bcom pa nyid mngon sum du byed par gyur cig /ji ltar bdag gis mkhan mo yang dag par rdzogs pa'i sangs rgyas 'od srung gis brtson 'grus brtsams pa rnams kyi mchog tu bstan pa de bzhin du bdag kyang shAkya thub pa/ shAkya'i rgyal po
68a5 des brtson 'grus brtsams pa rnams kyi mchog tu bstan par gyur cig ces byas so//dge slong dag ji snyam du sems/ de'i tshe yang dag par rdzogs pa'i sangs rgyas 'od srung gi bstan pa la rab tu byung ba'i dge slong ma gang yin pa de ni skra ldan ma 'di nyid yin te/ des der tshe
68a6 gcig tu tshangs par spyod pa spyad nas 'chi kar smon lam btab ste/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /
68a7 de'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig /ji ltar bdag gi mkhan mo yang dag par rdzogs pa'i sangs rgyas 'od srung gis brtson 'grus brtsams pa rnams kyi mchog tu bstan pa de bzhin du bdag kyang shAkya thub pa
68b1 shAkya'i rgyal po des brtson 'grus brtsams pa rnams kyi mchog tu lung bstan par gyur cig ces byas so//dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/ 'dis nga
68b2 mnyes par byas te mi mnyes par ma byas la/nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas nas/ da ltar ngas brtson 'grus brtsams pa rnams kyi mchog tu bstan to// //pad ma'i mdog ces bya ba ni/ gleng gzhi
68b3 mnyan du yod pa na bzhugs te/de'i tshe tshe dang ldan pa nye sde yul srung byed du ljongs rgyu zhing song ba las ri khrod cig tu phyin te de'i tshe ri khrod de na/ khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos bu'i nor dang ldan pa/ rnam
68b4 thos kyi bu'i nor dang 'gran pa zhig gnas pa des thabs zlar bab pa las chung ma blangs nas/de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod kyang khyim bdag de bu med nas de lag pa la rkom tshugs bcas te bsams pa/ bdag gi
68b5 khyim nor du ma dang ldan du zin kyang bdag la bu yang med bu mo yang med pas/bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam ste sems khong du chud cing 'dug go/ /de nas dge sbyong dang / bram ze dang / ltas mkhan dang /
68b6 mdza' bo dang / gnyen dang / rtsa lag gzhan dag gis lha la gsol ba thob shig ces de la bsgo'o/ /de nas de bu med de bu 'dod pa'i phyir lha gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la yang gsol
68b7 ba 'debs te/'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa dang / chos 'thun pa dang / rtag tu phyi bzhin 'brang ba'i lha rnams la
69a1 yang gsol ba 'debs te/'jig rten na yang gsol ba btab pa'i rgyus bu dang bu mo skye bar 'gyur ro zhes bgyi ba'i gtam de yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po
69a2 bzhin du re re la yang bu stong stong yod par 'gyur ba'i rigs so//ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang dri za 'ongs pa ste/ gnas 'di
69a3 gsum tshogs pa las bu dang bu mo skye bar 'gyur ro//de nas de yang gsol ba 'debs pa lhur byed cing 'dug la/ sems can zhig kyang sems can gyi ris shig nas shi 'phos te/ de'i chung ma'i ltor zhugs so/ /bud med mkhas pa'i rang bzhin can kha cig la ni thun mong
69a4 ma yin pa'i chos lnga yod de/lnga gang zhe na/ skyes pa chags pa yang shes la ma chags pa yang shes pa dang / dus kyang shes la zla mtshan yang shes pa dang bu chags pa shes pa dang / gang las bu chags par shes pa dang khye'u yang shes la bu mo yang shes pa ste/ gal te khye'u
69a5 yin na ni/lto g.yas logs su rten cing gnas so/ /gal te bu mo yin na ni lto g.yon logs su rten cing gnas so/ /de nas de dga' ches nas khyim thab la sbran pa/ jo bo bdag la sras chags te/ bdag gi rum g.yas logs su rten cing gnas pa las na khye'ur 'gyur bar
69a6 nges kyis dgyes pa bskyed du gsol zhes byas nas/de yang dga' ches te ro stod ni bteg lag pa g.yas pa ni brkyang nas bdag gis yun ring po nas smon smon pa'i bu'i ngo mthong bar 'ong ngo / /bdag gi bu rung bar gyur cig /mi rung bar ma gyur cig /bdag gi bya ba dag byed par
69a7 shog cig /gsos pa'i lan phyir gso bar shog cig /nor skal la spyod par shog cig /bdag gi rigs rgyud ring du gnas par shog cig /bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod nams dag
69b1 byas nas/de gnyis gang dang gang du skyes shing 'gro ba der 'di song cig ces yon sngo bar shog cig ces dga' ba'i tshig brjod do/ /de nas des bu chags par rig nas bu'i rim gro bya ba'i phyir khang steng du nyam rangs su bzhag ste grang ba'i tshe grang ba'i yo byad rnams dang tsha ba'i tshe tsha ba'i yo
69b2 byad rnams dang /sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma yin pa rnams dang / ha cang lan tshwa che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang bska
69b3 ba ma yin pa rnams te/kha ba dang / skyur ba dang / lan tshwa dang / mngar ba dang / tsha ba dang / bska ba med pa'i zas rnams kyis bsten cing do shal dang / se mo dos lus rnam par bklubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang /
69b4 khri'u'i steng nas khri'u'i steng du rgyu zhing 'og gi sa gzhi la mi 'bab pa dang des yid du mi 'ong ba'i sgra skad ci yang mi thos par byas so/ /de nas de zla ba dgu'am bcu lon pa dang bu byung ste/ khye'u gzugs bzang zhing blta na sdug la mdzes pa mdog bzang ba pad ma'i snying po'i mdog
69b5 'dra ba/mgo bo gdugs ltar 'dug pa/ lag pa ring ba dang dpral ba'i dbyes che ba/ sna mtho ba/ sna legs pa/ smin ma stug pa zhig btsas nas/ de'i tshe btsas ston rgyas par byas te/ khye'u 'di'i ming ji skad gdags zhes ming 'dogs par byed de/ khye'u 'di
69b6 pad ma'i snying po'i mdog 'dra bas na de'i phyir khye'u 'di'i ming pad ma'i mdog can zhes gdags so zhes zer ro//de nas khye'u pad ma'i mdog 'o ma dang / zho dang / mar dang / zhun mar dang / mar gyi nying gus bskyed bsrings te/ mtsho'i nang gi pad ma bzhin du skye drag par
69b7 gyur to//de nas de gang gi tshe cher skyes pa de'i tshe yi ge dang khong rtsis dang / shod dgod dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag
70a1 pa dang /glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to/ /
70a2 khyim bdag de'i gnyen ni tshe dang ldan pa nye sde yin te/ khye'u pad ma'i mdog gis de la brten nas bcom ldan 'das kyi bstan pa la dad pa rnyed de/ des pha ma la gsol nas tshe dang ldan pa nye sde nyid kyi thad du rab tu byung ste bsnyen par rdzogs so/ /de nas de phyi zhig na de mkhan po la
70a3 ma zhus par don zhig la ri khrod de nas song nas/de mthar gyis ljongs rgyu zhing song song ba las yul bcom brlag ces bya bar phyin te/ bcom brlag na bong bu'i kun dga' ra ba na gnas so/ /de nas tshe dang ldan pa pad ma'i mdog snga dro sham thabs dang chos gos bgos te lhung
70a4 bzed thogs nas/yul bcom brlag tu bsod snyoms la song ba dang / tshe dang ldan pa de spyod yul gyi rgyus mi shes bzhin du mthar gyis bsod snyoms byed pa las smad 'tshong ma'i khyim du song ngo / /smad 'tshong ma de yang gzugs bzang zhing blta na sdug pa mdzes pa ro rtsa la g.yem pa
70a5 zhig go//de nas bud med des tshe dang ldan pa pad ma'i mdog rgyang nas mthong ngo / /mthong nas kyang 'dod chags kyi mda' drag pos phog ste/ de 'dod chags kyi dbang du gyur nas tsham tshom med par langs te tshe dang ldan pa pad ma'i mdog ga la ba der song ste/ phyin nas smras pa/
70a6 'phags pa gdan bshams pa 'di la bzhugs su gsol/ de nas tshe dang ldan pa pad ma'i mdog gis bsams pa/ ci 'di dge bsnyen ma cig yin nam snyam nas stan bshams pa de la 'dug pa dang / bud med des 'dod chags kyi shugs kyis mi bzod ches nas pad ma'i
70a7 mdog la smras pa/btsun pa khyod kyang gzugs dang lang tsho phun sum tshogs pa lags la/ bdag kyang yan lag thams cad sdug pa lags kyis bdag dang gzims par gsol zhes byas so/ /de nas de thos ma thag tu tshe dang ldan pa pad ma'i mdog gis rna ba gnyis bkag
70b1 ste 'dug nas/bdag ni sdig pa 'di lta bu mi byed de bcom ldan 'das kyi bstan pa nyams par byed mi phod do zhes byas so/ /bud med des smras pa/ gnod cang 'di lta bu ci 'tshal gal te khyod 'dod pa rnams mi bzhed na smad 'tshong ma'i khyim du byon te ci bgyi/ pad ma'i mdog gis smras
70b2 pa/bdag gsar du 'ongs pas spyod yul gyi rgyus mi shes te de'i phyir 'dir 'ongs par zad kyi bdag ni 'dod pa rnams don du gnyer ba ma yin te bdag gis bya ba ma yin pa 'di ltar byar mi rung ngo / /mos smras pa/ khyod mi bzhed na yang bdag gis khyod mthu kar bor te nyal du
70b3 gzhug go//de nas de thos ma thag tu tshe dang ldan pa pad ma'i mdog dngangs nas stan las langs te/ phyir byung nas bsod snyoms ma byas par gtsug lag khang du song ngo / /de'i phyir byung ste song nas smad 'tshong ma de 'dod chags kyi mes yongs su gdungs te/ rigs ngan
70b4 mo sngags kyi mthu yod pa zhig bkug nas de la gtam de rgyas par bsnyad de smras pa/bdag dge slong de dang phrad par gyis shig dang bdag gis khyod la gser mang du sbyin no zhes byas so/ /de nas des de ltar bgyi'o zhes smras nas/ rigs ngan mo des bud med de rgyan thams
70b5 cad kyis bklubs te khyim de lha khang bzhin du byas te bzhag nas/dkyil 'khor ba lang gi lci bas byugs te bdug spos dang me tog dang lha bshos kyi cho ga rnams bshams nas me sbar te yungs kar la sngags kyis btab cing me'i nang du 'debs so/ /tshe dang ldan pa de yang sngags kyi
70b6 mthus drangs nas phyir smad 'tshong ma'i khyim de nyid du 'ongs so//de nas rigs ngan mo des tshe dang ldan pa pad ma'i mdog khyim der 'ongs par mthong ngo / /mthong nas smras pa/ btsun pa khyod khyim 'dir 'ongs pa la bya ba gnyis yod de yang na ni smad 'tshong ma 'di dang lhan cig tu
70b7 nyol cig /yang na ni me 'di'i nang du mchongs shig ces byas so/ /de nas de thos ma thag tu tshe dang ldan pa pad ma'i mdog gis bsams pa/ de bzhin gshegs pa ni 'jig rten du brgya lam brgya lam na 'byung bar zad de dper na u dum bA ra'i me tog dang 'dra la/ mir skye ba
71a1 'thob pa dang yul dbus su skye ba yang rnyed par dka' bas na/me'i nang du mchong ba ni legs pa yin gyis 'di dang phrad par bya ba ni de lta ma yin no snyam du bsams nas/ gos rnams phud de rigs ngan mo la gtad nas smras pa/ che zhe gos 'di rnams gtsug lag khang
71a2 du khyer la bdag gi tshangs pa mtshungs par spyod pa rnams la phul cig /rigs ngan mos smras pa/ btsun pa khyod ci byed/ pad ma'i mdog gis smras pa/ me'i nang du mchong bar chad do/ /des de'i tshig de thos nas rigs ngan mo mi dga' bar gyur te bsams pa/ kye ma bdag
71a3 dbul bas bdag gis 'di lta bu'i yon gnas dag la nyes pa byed cing 'dug ste bdag gis 'di lta bu'i sems can dag pa mi dga' bar bya ba ni bdag gi cha ma yin no snyam nas/des cho ga thams cad btang ste gus par bsgrim pas rkang pa la phyag 'tshal nas sems can dag pa bzod par
71a4 gsol/bdag nyes par spyod pa'i 'dam du bying ba las lag nas drang bar gsol/ pad ma'i mdog gis smras pa ngas ni bzod na khyod bdag gi las rnams kyis mi bzod do/ /de nas smad 'tshong ma de yang mthong ma thag tu 'dod pa'i 'dod chags dang bral bar gyur nas de la dga' ba skyes so/ /
71a5 dga' ba skyes nas rkang pa la phyag 'tshal te smras pa/ skal ba chen po dang ldan pa bdag 'dod pa'i 'dod chags kyi dbang du gyur pas khyod mi dgyes par bgyis pa bzod par gsol zhes smras nas/ bu mo smad 'tshong ma de dang rigs ngan mo de gnyis chos mnyan pa'i phyir tshe dang ldan pa pad
71a6 ma'i mdog gi mdun du 'dug go//de nas tshe dang ldan pa pad ma'i mdog gis de gnyis la de dang 'thun pa'i chos bstan nas/ de gnyis kyis stan de la 'dug bzhin du rgyun du zhugs pa'i 'bras bu mngon sum du byas te/ de gnyis kyis bden pa mthong nas smras pa/ btsun pa
71a7 bdag cag gnyis legs par gsungs pa'i chos 'dul ba la rab tu 'byung ba dang bsnyen par rdzogs shing dge slong ma'i dngos po 'thob tu rung na/bdag cag gnyis kyang bcom ldan 'das kyi thad du tshangs par spyod pa spyad par 'tshal lo/ /de nas tshe dang ldan pa pad ma'i mdog gis de
71b1 gnyis dge slong ma'i gtsug lag khang du khrid de/dge slong ma rnams la gtad nas dge slong ma rnams kyis de gnyis rab tu phyung ste/ bsnyen par rdzogs par byas nas/ de gnyis la lung yang phog go/ /de gnyis kyis kyang brtson pa dang bsgrub pa dang 'bad pas nyon mongs pa thams
71b2 cad spangs nas/dgra bcom pa nyid mngon sum du byas te/ de gnyis dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur
71b3 pa/rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la rgyab kyis phyogs pa dbang po dang nye dbang dang bcas pa'i lha rnams kyis mchod cing / rjed pa dang gus par smra
71b4 ba'i gnas su gyur to//de nas tshe dang ldan pa pad ma'i mdog gis bsams pa/ 'di ltar bdag gis gzhan gyi rgyud ni dag par byed nus na bdag gi rgyud dag par byed ma nus so/ /bcom ldan 'das kyis kyang mang du thos pa la phan yon rnam pa lnga yod de/ phung po
71b5 la mkhas pa dang khams la mkhas pa dang skye mched la mkhas pa dang rten cing 'brel par 'byung ba la mkhas pa dang /gnas dang gnas ma yin pa la mkhas par 'gyur ro zhes gsungs kyis/ bdag gis kyang nyon mongs pa zad par bya ba'i phyir brtsam par bya'o snyam nas/
71b6 des brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems
71b7 dang ldan pa/tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la rgyab kyis phyogs pa/ dbang po dang nye dbang dang
72a1 bcas pa'i lha rnams kyis mchod cing rjed pa dang gus par smra ba'i gnas su gyur to//des dgra bcom pa nyid thob nas yul bcom brlag tu ji srid dga' ba'i bar du 'dug 'dug nas mnyan du yod par song ngo / /de der song nas gtam de rgyas par dge slong rnams
72a2 la bsnyad do//de nas dge slong rnams kyis bcom ldan 'das la zhus pa/ btsun pa bu mo smad 'tshong ma 'dod pa'i 'dod chags kyi dbang du gyur pas/ tshe dang ldan pa pad ma'i mdog ji ltar mi dga' bar bgyis pa dang slar de nyid la brten nas rab tu byung ste/ nyon mongs
72a3 pa thams cad spangs nas dgra bcom pa nyid mngon sum du bgyis pa la gzigs/bcom ldan 'das kyis bka' stsal pa/ 'di ni tshe rabs lnga brgya'i bar du 'di'i chung mar gyur te/ de'i sngon gyi bag chags kyi gzhi yod pas na mthong ma thag tu kun tu chags par gyur
72a4 to//btsun pa tshe dang ldan pa pad ma'i mdog gis las ci bgyis na/ las de'i rnam par smin pas phyug cing nor mang la longs spyod che ba'i rigs su skyes la/ bcom ldan 'das kyang 'dis mnyes par bgyis nas/ bcom ldan 'das kyi bstan pa la rab tu byung ste/
72a5 nyon mongs pa thams cad spangs nas dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to/ /btsun pa 'dis gang du smon lam btab lags/ dge slong dag sngon byung ba 'das pa'i dus na bskal pa bzang po 'di
72a6 nyid la skye dgu'i tshe lo nyi khri thub pa na/de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi
72a7 ston pa/sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na khyim bdag cig gnas pa las chung ma gnyis yod do/ /de nas phyi zhig na khyim bdag des yang dag par rdzogs pa'i sangs rgyas 'od srung gi bstan pa la dad pa rnyed nas
72b1 des chung ma gnyis la smras pa/bzang mo gnyis nga ni/ bcom ldan 'das 'od srung gi bstan pa la rab tu 'byung du 'gro/ bag dang ldan par khyim na gnas par gyis shig /de gnyis kyis smras pa/ jo bo gal te de lta na bdag cag gnyis kyang jo bo rab tu 'byung ba'i slad bzhin
72b2 du rab tu 'byung bar 'tshal lo//khyim bdag des smras pa/ gal te khyed gnyis kyang rab tu 'byung bar 'dod na khyed gnyis je rab tu 'byung bar gyis shig dang de'i 'og tu nga rab tu 'byung bar bya'o zhes de skad smras nas/ khyim bdag des chung ma de gnyis dge slong ma'i gtsug
72b3 lag khang du khrid de dge slong ma rnams la gtad do//dge slong ma rnams kyis kyang de gnyis rab tu phyung ste bsnyen par rdzogs par byas so/ /de gnyis rab tu byung nas khyim bdag de yang sbyin pa dag sbyin zhing bsod nams dag byas nas/ bcom ldan 'das 'od srung gi bstan
72b4 pa la rab tu byung ngo //de rab tu byung nas sde snod gsum bslabs te/ rig pa dang grol ba'i spobs pa dang ldan pa'i chos smra ba/ gos dang zas dang mal cha dang stan dang nad gsos dang sman zong rnams rnyed par gyur to/ /dge slong ma de gnyis ni rab tu byung nas/ 'thab
72b5 krol can kha tshas ngan par gyur te/de gnyis las gcig gis ni dge slong ma rnams la rigs ngan mo zhes bya ba'i tshig smras so/ /gcig gis ni smad 'tshong ma zhes bya ba'i tshig smras so/ /de nas dge slong des de gnyis 'thab krol can du gyur pa de las bkag nas/
72b6 sbyin pa dang sbyin pa'i bgo bsha' byed pa la btsud do/ /de nas phyis dge slong des sangs rgyas la sogs pa dge slong gi dge 'dun bshos gsol te/ dbu skra dang sen mo'i mchod rten dag la yang bkur sti byas nas smon lam btab pa/ kye ma dge ba'i rtsa ba 'dis bdag
72b7 gang dang gang du skye ba de dang der phyug cing nor mang la longs spyod che ba'i rigs su skye bar shog cig /gzugs bzang zhing blta na sdug la mdzes par yang gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs
73a1 rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /de nas
73a2 dge slong ma de gnyis kyis de mthong nas 'phags pa khyod kyis smon lam ji lta bu cig btab ces dris so//des kyang de gnyis la rgyas par bsnyad nas/ de gnyis kyis kyang de thos nas smon lam btab pa/ bdag cag gnyis kyis kyang 'phags pa khyod nyid las brten te sangs
73a3 rgyas bcom ldan 'das de mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig /bdag cag gnyis kyis dge slong ma mang po zhig la tshig rtsub
73a4 po smras pa'i las de'i rnam par smin pa'i skal ba can du bdag cag gnyis ma gyur cig ces byas so//dge slong dag ji snyam du sems/ de'i tshe dge slong du gyur pa gang yin pa de ni pad ma'i mdog 'di nyid yin no/ /de'i tshe dge slong ma gnyis su gyur pa gang yin pa de gnyis ni
73a5 dge slong ma 'di gnyis kho na yin no//dge slong des der sangs rgyas la sogs pa dge slong gi dge bdun bshos gsol te/ dbu skra dang sen mo'i mchod rten rnams la bkur sti byas nas/ smon lam btab pa'i las de'i rnam par smin pas phyug cing nor mang la longs spyod che
73a6 ba'i rigs su skyes te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/ 'dis nga mnyes par byas te mi mnyes par ma byas la/ nga nyid kyi bstan pa la
73a7 rab tu byung nas nyon mongs pa thams cad spangs te dgra bcom pa nyid mngon sum du byas so//dge slong ma de gnyis kyis der smon lam btab ste/ bdag cag gnyis kyis 'di nyid la brten te sangs rgyas bcom ldan 'das de mnyes par byed par gyur cig /mi mnyes par byed par
73b1 ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas pas ni/ 'di gnyis kyis 'di las brten nas da ltar nga mnyes par byas te mi mnyes par ma byas la/ nga nyid kyi bstan pa la rab tu byung
73b2 nas nyon mongs pa thams cad spangs te dgra bcom pa nyid mngon sum du byas so//de gnyis kyis der dge slong ma mang po zhig la gcig gis ni rigs ngan mo zhes bya ba'i tshig brjod la/ gcig gis ni smad 'tshong ma zhes bya ba'i tshig brjod pa'i las de'i rnam par smin pas ni/
73b3 gcig rigs ngan mo'i rigs su skyes la gcig ni smad 'tshong mar gyur to/ /btsun pa pad ma'i mdog gis las ci zhig bgyis na las de'i rnam par smin pas phyug cing nor mang la longs spyod che ba'i rigs su skyes la/ gzugs bzang zhing blta na sdug la mdzes par gyur te
73b4 pad ma'i snying po'i mdog 'dra bar gyur lags/bcom ldan 'das kyis bka' stsal pa/ smon lam gyi dbang las gyur to/ /btsun pa 'dis gang du smon lam btab lags/ dge slong dag sngon byung ba 'das pa'i dus na ri khrod cig na kun dga' ra ba'i srungs ma zhig
73b5 gnas pa de'i kun dga' ra ba me tog phun sum tshogs pa dang /'bras bu phun sum tshogs pa dang / bsil grib phun sum tshogs pa dang / rdzing bu phun sum tshogs pa dang ldan te/ rdzing de dag kyang me tog ud pa la dang pad ma dang ku mu da dang / pad ma dkar pos
73b6 gang ba dang ngang pa dang ngur pa dang zal mo rnams skad 'byin pa dang ldan par 'dug go//sangs rgyas bcom ldan 'das mi bzhugs pa'i tshe/ rang sangs rgyas sdug cing phongs pa rnams la snying brtse ba/ bas mtha'i gnas mal gyis 'tsho ba/ bse ru lta bu'i 'jig rten
73b7 gyi yon gnas gcig pu rnams 'jig rten du 'byung ste/rang sangs rgyas gcig gis kun dga' ra ba der gnas bcas so/ /de nas kun dga' ra ba'i srungs ma de nang par sngar langs te kun dga' ra ba der song ba las/ kun dga' ra ba'i srungs ma des rang sangs rgyas de
74a1 klu'i rgyal po lus bskyil te de gnyid kyis log pa bzhin du skyil mo krung bcas te 'dug pa mthong ngo //mthong nas kyang mchog tu dga' ba skyes so/ /dga' ba skyes nas rang sangs rgyas de kun dga' ra ba de nyid du bshos gsol nas na bza' yang phul te/ me tog
74a2 ud pa la dang pad ma dang ku mu da dang pad ma dkar po rnams kyis gtor nas smon lam btab pa/kye ma dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i rigs su skye bar shog cig /gzugs bzang zhing blta na sdug la mdzes par
74a3 yang gyur cig /bdag gi lus mdog pad ma'i snying po'i kha dog lta bur gyur cig /'di bas kyang khyad par du 'phags pa'i ston pa mnyes par byed par gyur cig /mi mnyes par byed par ma gyur cig /yon tan gyi tshogs 'di lta bu dag kyang thob par gyur cig ces byas so/ /
74a4 dge slong dag ji snyam du sems/ de'i tshe kun dga' ra ba'i srungs mar gyur pa de ni pad ma'i mdog 'di nyid yin te/ des rang sangs rgyas de la bkur sti byas nas smon lam btab pa'i las de'i rnam par smin pas phyug cing nor mang la longs spyod che ba'i rigs su skyes nas gzugs
74a5 bzang zhing blta na sdug la mdzes par gyur te lus kyi mdog pad ma'i snying po'i kha dog lta bur gyur te/dge slong dag rang sangs rgyas bye ba phrag 'bum bas kyang ches lhag par khyad par du 'phags pa nga lta bu 'dis mnyes par byas te mi mnyes par ma byas la/ nga nyid kyi bstan
74a6 pa la rab tu byung nas nyon mongs pa thams cad spangs te/dgra bcom pa nyid mngon sum du byas so// //shan pa zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na shan pa zhig gnas pa des thabs zlar bab pa las chung mar blangs
74a7 pa las/phyi zhig na de'i chung ma la bu chags nas de zla ba dgu'am bcu lon pa dang bu byung ste/ khye'u gzugs bzang zhing blta na sdug la mdzes pa zhig btsas nas de pha ma'i snying du shas cher sdug cing phangs la yid du 'ong bar gyur to/ /de nas de'i btsas ston rgyas par byas
74b1 te rigs dang 'thun pa'i ming btags nas/'o ma dang zho dang mar dang zhun mar dang mar gyi nying gus bskyed bsrings te/ de gang gi tshe cher skyes pa de'i tshe pha ma de gnyis kyis bza' ba dang bca' ba bzang po byin la las ci yang byed du mi 'jug go/ /de nas phyis de'i phas de rang gi las
74b2 byed du bcug pa dang de na re yab bdag ni bdag nyid 'gum pa'i rngo ni thogs kyi/srog chags 'gum pa'i rngo ni mi thogs so zhes zer ro/ /shan pa'i chung mas smras pa/ jo bo khye'u 'di la gnod par ma mdzad cig dang / bdag cag gis las 'di gla mi bgyid du stsal to/ /de
74b3 nas de skad ces thos pa'i mod la/shan pa des khye'u de dal bar bzhag go/ /de nas phyi zhig na khye'u des bcom ldan 'das kyi bstan pa la dad pa rnyed nas/ de dus dus su rgyal bu rgyal byed kyi tshal du 'gro zhing bcom ldan 'das la chos mnyan par byed do/ /de nas phyi zhig na de
74b4 rab tu 'byung ba'i sems skyes nas/des bsams pa/ bdag gis khyim na gnas pa btang la/ bcom ldan 'das kyi bstan pa la rab tu 'byung ngo snyam nas/ pha ma gnyis la gsol te/ bcom ldan 'das kyi bstan pa la rab tu byung nas bsnyen par rdzogs par byas so/ /de
74b5 nas des brtson pa dang /bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas nas/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa nam mkha' dang lag mthil
74b6 du 'dra ba'i sems dang ldan pa tsan dan sbangs pa lta bur bsil bar gyur pa/rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa srid pa'i rnyed pa dang / chags pa dang bkur sti la rgyab kyis phyogs pa dbang po dang nye dbang dang
74b7 bcas pa'i lha rnams kyis mchod cing rjed pa dang gus par smra ba'i gnas su gyur to//de nas des dgra bcom pa nyid thob nas bsams pa/ bdag gis 'dul bar 'gyur ba 'ga' lta yod dam snyam pa dang / des thog ma kho nar pha ma gnyis 'dul bar 'gyur ba mthong ngo / /
75a1 mthong nas kyang de gnyis kyi thad du song ste chos bstan nas/ sdig pa'i las de las bzlog ste/ bden pa rnams dang skyabs su 'gro ba dang bslab pa'i gnas rnams la yang bkod do/ /sbyin pa dang sbyin pa'i bgo bsha' bya ba la yang btsud de des khyim de slong ba'i skye bo
75a2 rnams kyi chu dong lta bur gyur par byas so//dge slong dgra bcom pa nyid thob pa de la yang bza' ba dang bca' ba gtsang ma bzang po sbyar to/ /des kyang bdag nyid kyang longs spyod par byed la tshangs par spyod pa gzhan dag la yang sbyin par byed do/ /de nas dge slong rnams
75a3 kyis bcom ldan 'das la zhus pa/btsun pa dge slong 'dis las ci bgyis na/ las de'i rnam par smin pas phyug cing nor mang la longs spyod che ba'i shan pa'i rigs su yang skyes la/ sdig pa'i las la yang sems ma zhugs/ bcom ldan 'das kyang 'dis mnyes par
75a4 bgyis te/mi mnyes par ma bgyis bcom ldan 'das kyi bstan pa la yang rab tu byung nas nyon mongs pa thams cad spangs te/ dgra bcom pa nyid mngon sum du bgyis khyim pa'i tshe dang rab tu byung ba'i tshe na yang bza' ba dang bca' ba bzang po dang ldan par gyur lags/ bcom
75a5 ldan 'das kyis bka' stsal pa/smon lam gyi dbang las gyur to/ /btsun pa 'dis gang du smon lam btab lags/ dge slong dag sngon byung ba 'das pa'i dus na/ ri khrod cig na shan pa mang po dag cig /skyed mos tshal gyi nang du dong ste bza' ba dang bca' ba bzang
75a6 po mang po bshams pa las/rang sangs rgyas zhig skyed mos tshal der bsod snyoms la 'ongs nas/ de shan pa'i mi zhig gis mthong ste/ mthong ma thag tu shan pa'i mi de rang sangs rgyas de la shin tu dga' ba skyes te/ dga' ba skyes nas rang sangs rgyas de la bza'
75a7 ba dang bca' ba gtsang ma bzang po mang po phul lo//bdag nyid chen po de dag ni lus kyis chos ston par byed kyi tshig gis chos ston par mi byed de/ des der bsod snyoms blangs nas/ de nyid du steng gi nam mkha' la song ngo / /de nas mi des mthong nas lhag par yang
75b1 dga' ba skyes so//de dga' ba skyes nas smon lam btab pa/ kye ma dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i shan pa'i rigs su skyes la/ bza' ba dang bca' ba bzang po dang yang ldan pa dang bdag sdig pa'i las de
75b2 yang mi byed pa dang /'di bas kyang ches khyad par du 'phags pa'i ston pa mnyes par byed par gyur cig mi mnyes par byed par ma gyur cig /yon tan gyi tshogs 'di lta bu dag kyang thob par gyur cig /de kho na'i bstan pa la rab tu byung nas/ nyon mongs pa thams cad spangs te
75b3 dgra bcom pa nyid mngon sum du byed par gyur cig ces byas so//dge slong dag ji snyam du sems/ de'i tshe shan par gyur pa gang yin pa de ni dge slong 'di nyid yin te/ des rang sangs rgyas de la bshos phul nas/ smon lam btab pa'i las de'i rnam par smin pas
75b4 gang dang gang du skyes pa de dang der phyug cing nor mang la longs spyod che ba'i shan pa'i rigs su skyes nas gzugs bzang zhing blta na sdug la mdzes par gyur te/bza' ba dang bca' ba bzang po dang yang ldan par gyur la/ des sdig pa'i las kyang ma byas te/ dge slong dag nga
75b5 rang sangs rgyas bye ba phrag 'bum bas kyang ches lhag par khyad par du 'phags pa/nga lta bu 'dis mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te dgra bcom pa nyid mngon sum du byas so/ /gzhan
75b6 yang yang dag par rdzogs pa'i sangs rgyas 'od srung gi bstan pa la 'di rab tu byung nas der 'dis tshe gcig tu tshangs par spyod pa spyad de 'chi kar smon lam btab pa/yang dag par rdzogs pa'i sangs rgyas 'od srung gis/ bram ze'i khye'u bla ma lung bstan pa gang yin pa'i sangs
75b7 rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ /dge slong
76a1 dag ji snyam du sems/de'i tshe yang dag par rdzogs pa'i sangs rgyas 'od srung gi bstan pa la rab tu byung ba'i dge slong du gyur pa gang yin pa de ni/ dge slong 'di nyid yin te/ des der tshe gcig tu tshangs par spyod pa spyad nas/ 'chi kar smon lam btab ste/ yang dag
76a2 par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra
76a3 bcom pa nyid mngon sum du byed par gyur cig ces byas pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas 'dis nga mnyes par byas te/ mi mnyes par
76a4 ma byas la/nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas so// // las brgya tham pa/ bam po bdun pa/ gser mdog ces bya ba ni/ gleng gzhi mnyan du yod pa na bzhugs te/
76a5 de'i tshe mnyan du yod pa na/ rigs ngan zhig gnas pa des thabs zlar bab pa la chung ma blangs pa las phyi zhig na de'i chung ma la bu chags nas de zla ba dgu'am bcu lon pa dang bu mo mi sdug pa mchog tu mi sdug la mi sdug pa'i sna grangs brgyad dang ldan pa zhig btsas nas de
76a6 mthong ma thag tu pha ma gnyis shin tu mi dga' bar gyur te/bdag cag gnyis la bu mo 'di 'dra ba mi dgos kyis nam sros pa dang phyir phyung la khyi rnams la sbyin no zhes zer ro/ /de nas chung ma na re jo bo de skad ma gsung zhig /'jig rten na mi gsod pa ni rnam par smad pa
76a7 lags kyis/'di 'di kho na ltar mi sdug pa'i rnam grangs brgyad dang ldan du lags kyis kyang / 'di bdag cag gnyis kyi bu mo lags pas na/ 'di btsas ma thag tu bdag cag gis dor mi nus kyis nam cher skyes pa na bskrad par bgyi'o/ /'on kyang 'di de'i tshe cis kyang
76b1 'tsho ba tshol nus par 'gyur ro zhes byas so//de nas 'o na de ltar bya'o zhes smras nas/ de pha ma gnyis kyis lkog tu gsos te/ ci nas sus kyang mi shes par byas so/ /de nas de gang gi tshe 'gro nus par gyur pa de'i tshe de mi sdug ches nas/ pha ma gnyis kyis khyim nas bskrad
76b2 de btang ngo //de nas de slongs mo byed cing srang de yan man na gnas pa las/ des sa sgren po la gnas pa dang kha zas ngan pa za za bas lus la mdze nad dang rma byung bar gyur te/ de phyi zhig na nad bu can du gyur nas/ srang de na 'gyel zhing 'dug ste/ shi la thug pa dang tshe dang
76b3 ldan pa kun dga' bos mthong ste/mthong ma thag tu tshe dang ldan pa kun dga' bo snying rje skyes nas de de'i thad du song ste smras pa/ che ge ci nyes des smras pa/ btsun pa kun dga' bo bdag gis sngon bsod nams dag ma bgyis pas na/ des bdag 'di kho na lta bur gyur pa lags
76b4 kyis/btsun pa kun dga' bo ci nas bdag gi mi dge ba'i las 'di yongs su zad par 'gyur bar mdzad du gsol/ tshe dang ldan pa kun dga' bos smras pa/ che ge snying ma chung bar spro ba skyed cig dang / bdag gis khyod kyi mi dge ba'i las 'di bsal bar bya'o/ /de
76b5 skad ces smras nas tshe dang ldan pa kun dga' bos de'i don du til mar dang spos btsal nas bu mo de ga la bar song ste phyin nas smras pa/che ge longs la bcom ldan 'das kyi dbu skra dang sen mo'i mchod rten la spos kyis byugs shig /de nas de thos ma thag tu bu mo de dga' ba skyes
76b6 nas langs te tshe dang ldan pa kun dga' bo'i phyi bzhin song nas/kun dga' bos/ de bzhin gshegs pa'i mchod rten la til mar gyi byug pa dang / sbyar ba'i spos kyi byug pa dang / gur gum gyi byug pa 'bul du bcug go/ /khyim bdag mgon med zas sbyin yang sa
76b7 phyogs der 'ongs te/des tshe dang ldan pa kun dga' bo mthong nas btsun pa kun dga' bo ci mdzad ces dris so/ /tshe dang ldan pa kun dga' bos smras pa/ bu mo 'di'i dbul ba yongs su gcad par bya'o/ /de nas khyim bdag mgon med zas sbyin gyis kyang bu mo de sgren
77a1 mor 'dug pa mthong nas gos byin no//bcom ldan 'das kyang bu mo de kho na la thugs brtse ba'i phyir sa phyogs der gshegs nas bu mo des sangs rgyas bcom ldan 'das mdzes shing yid du 'thad la/ dbang po zhi ba/ thugs zhi ba/ thugs mchog
77a2 tu dul ba dang rnam par zhi ba dang ldan pa gser gyi mchod sdong ltar dpal 'bar ba mthong ngo //mthong nas kyang bu mo de yang mchog tu dga' ba skyes so/ /dga' ba skyes nas bsams pa/ 'di'i dbu skra dang sen mo'i mchod rten dag la bkur sti byas na yang 'bras bu chen
77a3 por 'gyur na/'di nyid la byas pa lta ci smos te/ 'bras bu chen por ji ste mi 'gyur snyam nas/ dga' ba skyes te/ gos de khyer nas/ bcom ldan 'das ga la der song ste phyin nas/ bcom ldan 'das la gos de phul te/ thal mo sbyar nas/ bcom ldan 'das
77a4 la rtog cing 'dug go//de nas de bcom ldan 'das la sems dga' bar gyur bzhin du shi 'phos te dus las 'das nas mnyan du yod pa de nyid du tshong dpon zhig gi khyim du chung ma chen ma'i ltor nying mtshams sbyar nas/ de zla ba dgu'am bcu lon pa dang bu mo gser
77a5 gyi mdog can zhig btsas te/de'i btsas ston rgyas par byas nas/ bu mo 'di'i ming ji skad gdags zhes ming 'dogs par byed de/ bu mo 'di gzugs bzang zhing blta na sdug la mdzes te/ gser gyi mdog can yin pas na/ de'i phyir bu mo 'di'i ming gser
77a6 gyi mdog ces gdags so zhes zer ro//de nas bu mo gser gyi mdog can 'o ma dang zho dang mar dang zhun mar dang mar gyi nying gus bskyed bsrings te/ de gang gi tshe btsas nas/ lo bdun lon pa de'i tshe/ des bcom ldan 'das kyi bstan pa la dad pa rnyed nas des pha
77a7 ma la gsol te/bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas nas/ rdzu 'phrul che zhing mthu che bar gyur to/ /de nas de dgra bcom pa nyid thob nas bsams pa bdag gang nas shi 'phos te/
77b1 'dir skyes snyam pa dang des mnyan du yod pa de nyid du rigs ngan gyi bu mo mi sdug pa'i sna grangs brgyad dang ldan par gyur pa las/ der bdag gis 'phags pa kun dga' bo la brten nas rigs ngan gyi skye gnas spangs te/ der skyes pa mthong nas de'i blo skyes pa 'phags pa
77b2 kun dga' bo ni bdag la dka' ba byed byed pa yin no snyam du rig nas/der rtag tu 'gro zhing bkur sti byed do/ /de nas dge slong dag gis sangs rgyas bcom ldan 'das la zhus pa/ btsun pa gser mdog gis las ci bgyis na/ las de'i rnam par smin pas phyug
77b3 cing nor mang la longs spyod che ba'i rigs su skyes te/gser gyi mdog can du gyur la/ bcom ldan 'das kyang 'dis mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom
77b4 pa nyid mngon sum du bgyis lags/bcom ldan 'das kyis bka' stsal pa/ dge slong dag mnyan du yod pa 'di nyid nas sa phyogs ga ge mo zhig na/ rigs ngan gyi bu mo mi sdug pa'i sna grangs brgyad dang ldan pa zhig 'dug pa khyod kyis mthong ngam/ bcom ldan 'das
77b5 mthong lags so//de de nas shi 'phos nas 'dir skyes te/ des dbu skra dang sen mo'i mchod rten la til mar gyi byug pa dang / sbyar ba'i spos kyi byug pa dang / gur gum gyi byug pa dang / spos kyi byug pa phul nas nga la gos phul te nga la sems dga' ba bskyed nas
77b6 shi ba'i 'og tu las de'i rnam par smin pas/'di da ltar phyug cing nor mang la longs spyod che ba'i rigs su skyes te/ gzugs bzang zhing blta na sdug la mdzes pa gser gyi mdog can du gyur to/ /btsun pa bu mo 'dis las ci bgyis na las de'i rnam par smin
77b7 pas/rigs ngan gyi rigs su skyes te/ mi sdug pa'i sna grangs brgyad dang ldan par gyur lags/ bcom ldan 'das kyis bka' stsal pa/ dge slong dag 'di nyid kyis las rnams byas shing bsags te dge slong dag sngon byung ba 'das pa'i dus na/ bskal
78a1 pa bzang po 'di nyid la skye dgu'i tshe lo nyi khri thub pa na/yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa/ sangs rgyas
78a2 bcom ldan 'das 'od srung zhes bya ba 'jig rten du byung ste/de'i tshe bA rA Na sI na khyim bdag cig gnas pa des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod pa las phyi zhig na/ de'i chung ma la bu chags nas/ de zla ba dgu
78a3 'am bcu lon pa dang bu mo gzugs bzang zhing blta na sdug la mdzes pa zhig btsas nas de'i btsas ston rgyas par byas te/rigs dang 'thun pa'i ming btags nas 'o ma dang zho dang mar dang zhun mar dang mar gyi nying gus bskyed bsrings te/ de gang gi tshe chen mor gyur pa de'i tshe/
78a4 des yang dag par rdzogs pa'i sangs rgyas 'od srung gi bstan pa la dad pa rnyed nas/ des pha ma la gsol te yang dag par rdzogs pa'i sangs rgyas 'od srung gi bstan pa la rab tu byung nas/ de 'thab krol can kha tshas ngan par gyur to/ /des byad gzugs dang lang tsho dang dbang
78a5 phyug dang cho rigs kyi rgyags pas dregs nas slob pa dang mi slob pa'i dge slong ma mang po zhig la byad gzugs mi sdug pa'i lus dang ngag gi las rnams kyis dpyas te/rigs ngan zhes bya ba'i tshig kyang smras pa las/ phyis de 'gyod pa skyes so/ /de nas des tshe gcig
78a6 tu tshangs par spyod pa spyad nas/smon lam btab pa/ 'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa dag spyad kyang / yon tan gyi tshogs ci yang ma thob kyis/ yang dag par rdzogs pa'i sangs rgyas
78a7 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid
78b1 mngon sum du byed par gyur cig /bdag gis tshangs pa mtshungs par spyod pa de dag la tshig rtsub po smras pa'i sdig pa'i las de'i 'bras bu bdag la smin par ma gyur cig ces byas so/ /dge slong dag ji snyam du sems/ de'i tshe yang dag par rdzogs pa'i sangs rgyas 'od
78b2 srung gi bstan pa la rab tu byung ba'i dge slong mar gyur pa gang yin pa de ni/mi sdug pa 'di nyid yin te/ des der byad gzugs dang lang tsho dang dbang phyug dang cho rigs kyi rgyags pas dregs nas dge slong ma mang po zhig la mi sdug pa'i tshul gyis/ lus kyi las kyis
78b3 'phyas pa dang /rigs ngan zhes bya ba'i tshig brjod pa'i las de'i rnam par smin pas gang dang gang du skyes pa de dang der rigs ngan gyi rigs su skyes te/ mi sdug pa'i sna grangs brgyad dang yang ldan par gyur to/ /de nas tshe gcig tu tshangs par spyod pa spyad
78b4 nas 'chi kar smon lam btab ste/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i
78b5 bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs
78b6 mnyam pa brnyes par gyur nas 'dis nga mnyes par byas te mi mnyes par ma byas la/nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //ba lang rdzi zhes bya ba ni/ gleng gzhi mnyan du yod pa na bzhugs te/
78b7 de'i tshe rgyal po gsal rgyal gyis sangs rgyas la sogs pa dge slong gi dge 'dun zla ba gsum du spyan drangs te rgyal bu rgyal byed kyi tshal du yo byad thams cad sbyar nas rgyal bu rgyal byed kyi tshal gyi 'dab tu ba lang dang ma he'i lhas bcas te/ dge slong rnams pa'i
79a1 dar ba dang ma he'i dar bas longs spyod par byed do//des zla ba gsum gyi bar du sangs rgyas la sogs pa dge slong gi dge 'dun la yo byad thams cad kyis bsnyen bkur byas nas/ mjug tu sangs rgyas la sogs pa'i dge slong gi dge 'dun la zhal zas
79a2 ro brgya dang ldan pa gsol te/bcom ldan 'das la 'bum ri ba'i na bza' phul lo/ /dge slong gzhan dag la yang re re la yo byad thams cad phul te/ ba lang rdzi dang ma he rdzi thams cad rang rang gi gnas su so sor bkye nas rgyal po song ngo / /de nas ba lang rdzi rnams
79a3 kyis bsams pa/rgyal po 'di sa'i mnga' bdag dbang phyug gi mthar phyin pa yin mod kyi 'di yang da dung sbyin pa dag sbyin zhing bsod nams dag byed la/ bdag cag ni gzhan gyi khol po gzhan gyi ngor blta ba gzhan gyi tshal za byed cing 'tsho ba yin te/ 'dis 'di lta
79a4 bu'i gnas thob pa ci yang rung ba de dag thams cad ni sbyin pa dang dul ba dang yang dag par sdom pa'i las rnam pa gsum gyi 'bras bu yin gyis/ma la bdag cag gis kyang dge ba'i chos cung zad tsam yang dag par blangs te gnas par bya gor ma chag snyam du bsams nas/ ba lang rdzi
79a5 lnga brgyas sangs rgyas la sogs pa dge slong gi dge 'dun spyan drangs te/bza' ba dang bca' ba gtsang ma bzang po mang po bshams nas nang par sngar langs te chu ra bkang nas bcom ldan 'das la phrin gyis gdugs tshod bskul ba btsun pa gdugs tshod la bab ste bshos gsol
79a6 lags na/bcom ldan 'das kyis da de'i dus la bab par dgongs te gshegs su gsol zhes bskul to/ /de nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis zhabs 'bring byas te/ dge
79a7 slong gi dge 'dun gyis mdun du bdar nas/ba lang rdzi de dag gi ba lang gi lhas dang skos sa'i 'dab tu gshegs te byon nas gdan bshams pa la bzhugs so/ /de nas ba lang rdzi de dag gis sangs rgyas la sogs pa dge slong gi dge 'dun rnams bde bar bzhugs par
79b1 rig nas/ring gi lag nas bza' ba dang bca' ba gtsang ma bzang po mang po dang / ba'i dar ba dang ma he'i dar bas tshim par byas te ci bzhed pa bstabs nas bshos gsol zin te gsang sder ni gyu/ phyag ni bcabs par rig nas stan ches dma' ba dag khyer te chos mnyan
79b2 pa'i phyir bcom ldan 'das kyi spyan sngar 'khod do//de nas bcom ldan 'das kyis ba lang rdzi lnga brgya po de dag gi bsam pa dang bag la nyal dang khams dang rang bzhin dang shes pa thugs su chud nas/ de dang mthun pa'i chos bstan te/ des ba lang rdzi lnga brgya po de
79b3 dag 'khor dang bcas pas stan de kho na la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas te/ de dag gis kyang bden pa mthong nas gsol pa/ bcom ldan 'das bdag cag
79b4 khyim na gnas pa las bcom ldan 'das kyi bstan pa la rab tu byung la/chu bo rnams las brgal bar bgyi ba dang / sbyor ba rnams las yang dag par 'da' bar bgyi ba'i slad du brtson par bgyi bsgrub par bgyi 'bad par bgyi bar 'tshal lo zhes gsol nas/ rgyal po gsal rgyal
79b5 la gsol te/ba lang gi khyu de rnams ba lang rdzi gzhan dag la gtad nas khyim gyi 'khor btang ste/ bcom ldan 'das kyi thad du dong nas bcom ldan 'das kyi zhabs la mgo bos phyag 'tshal te bcom ldan 'das la 'di skad ces gsol to/ /btsun pa bdag cag legs
79b6 par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas de dag la bcom ldan 'das kyis dge slong tshur shog
79b7 ces bka' stsal te/dge slong dag tshur shog tshangs par spyod cig ces bka' stsal nas/ de thos ma thag tu skra ni byi bar gyur lus la ni snam sbyar gyon par gyur te/ skra dang kha spu ni bregs nas zhag bdun lon pa tsam du gyur spyod lam ni bsnyen par rdzogs nas lo brgya
80a1 lon pa lta bur 'dug par gyur/lag na ni lhung bzed dang chu snod thogs par gyur to/ /'dir smras pa/ de bzhin gshegs pas tshur zhes bka' stsal pa/ de dag mgo bregs lus la snam sbyar gyon/ /sangs rgyas kyis ni dgongs pas gos
80a2 bgos nas//mod la dbang po rab tu zhi bar gnas/ /de nas bcom ldan 'das kyis de dag la lung phog nas/ de dag gis kyang brtson pa dang bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas nas/ de dag dgra
80a3 bcom pa khams gsum pa'i 'dod chags dang bral bar gyur te/gser dang bong bar mnyam pa nam mkha' dang lag mthil du 'dra ba'i sems dang ldan pa tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par
80a4 shes pa dang so so yang dag par rig pa thob pa/srid pa'i rnyed pa dang chags pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de dag gis dgra bcom pa nyid thob
80a5 nas bsams pa/bdag cag gis 'dul bar 'gyur ba 'ga' lta yod dam snyam pa dang de dag gis nye du de dag nyid 'dul bar 'gyur bar mthong ngo / /mthong nas kyang de dag gi thad du dong ste chos bstan nas dad pa phun sum tshogs pa la ni bkod/ skyabs su
80a6 'gro ba dang bslab pa'i gzhi rnams la ni btsud sbyin pa dang sbyin pa'i bgo bsha' bya ba la ni yang dag par 'dzin du bcug go//de dag gi nang nas ba lang rdzi mo gcig ni ma dad de/ bcom ldan 'das la blta ba'i phyir 'gror mi btub nas ba lang rdzi de dag gis de nan gyis
80a7 bzung ste/bcom ldan 'das kyi thad du khrid nas/ ba lang rdzi mo des thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu me lce mar gyis
80b1 btab pa lta bu/mar me gser gyi snod du bzhag pa lta bu mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu dga' ba skyes te/ dge ba'i rtsa ba
80b2 bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro//de ltar mthong nas kyang dga' ba skyes te phan tshun du
80b3 bltas nas bcom ldan 'das la mchod pa bya na/bdag gis me tog ga las blang ba snyam pa dang des thag mi ring ba zhig na ko sha ta ka'i me tog dag cig mthong nas des de dag blangs te/ bcom ldan 'das kyi thad du song nas bcom ldan 'das la ko sha ta ka'i me tog gis gtor te/
80b4 bcom ldan 'das kyi zhabs la mgo bos phyag 'tshal nas chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis dgongs na/ bu mo 'di ni tshe thung ste ring po mi thogs par 'chi bar 'gyur ro snyam du thugs su chud nas bcom ldan 'das kyis de
80b5 dang 'tsham pa'i chos bstan to//de nas des kyang bcom ldan 'das kyi bka' mchid kyi mjug rdzogs par rig nas bcom ldan 'das kyi thad nas song ngo / /de song nas ring por ma lon par 'byung ba chen po ma snyoms par gyur nas de bcom ldan 'das la sems dga' bzhin du shi 'phos
80b6 te dus las 'das nas lha yul du skyes so//lha'i bu'am lha'i bu mo skyes ma thag pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam mo/ /de nas bcom 'das la ko sha ta ka'i me tog gis gtor te de la
80b7 sems dga' bar gyur par des mthong nas bsams pa/bdag zhag lon nas gzod bcom ldan 'das la blta ba dang bsnyen bkur bya ba'i phyir 'gro ba ni bdag gi cha ma yin gyis bdag zhag ma lon par bcom ldan 'das la blta ba dang bsnyen bkur bya ba'i phyir 'gro'o snyam mo/ /
81a1 de nas rna cha gdub kor dag cing 'gul ba thogs pa lus do shal dang se mo dos brgyan pa/ nor bu rin po che sna tshogs kyis spras pa'i cod pan can lus gur gum dang ta ma la'i lo ma dang / spr-i ka la sogs pas byugs pa/ kha dog 'phags pa des
81a2 de nyid kyi mtshan mo lha'i me tog ud pa la dang /pad ma dang ku mu da dang / pad ma dkar po dang / man dA ra ba rnams kyis thu ba bkang nas/ bcom ldan 'das ga la ba der song ste phyin nas/ bcom ldan 'das la lha'i me tog ud pa la dang pad ma dang ku mu da dang
81a3 pad ma dkar po dang man dA ra ba rnams kyis gtor te/bcom ldan 'das kyi zhabs la mgo bos phyag 'tshal nas/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang khams dang /
81a4 rang bzhin dang shes pa thugs su chud nas/ de dang 'thun pa'i chos bstan te/ des na lha mo des stan de kho na la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des
81a5 bden pa mthong nas stan las langs te/bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te/ de nyid du mi snang bar gyur to/ /de nas dge slong srod dang tho rangs mi nyal bar brtson pa lhur byed pa
81a6 la gnas pa rnams kyis rgyal bu rgyal byed kyi tshal thams cad snang ba chen pos khyab par mthong nas bsams pa/ci mdang sum mi mjed kyi bdag po tshangs pa'am lha'i dbang po brgya byin nam/ rgyal po chen po bzhi bcom ldan 'das la blta ba'i phyir 'ongs sam snyam
81a7 nas/bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /btsun pa 'di na bdag cag dge slong mang po srod dang tho rangs mi nyal bar brtson pa lhur bgyid pa la
81b1 gnas pa rnams kyis rgyal bu rgyal byed kyi tshal thams cad snang ba chen pos khyab par mthong lags na btsun pa ci lags/mdang sum mi mjed kyi bdag po tshangs pa'am lha'i dbang po brgya byin nam rgyal po chen po bzhi bcom ldan 'das la blta ba'i slad du mchis lags sam/
81b2 dge slong dag mdang sum mi mjed kyi bdag po tshangs pa'am lha'i dbang po brgya byin nam rgyal po chen po bzhi nga la blta ba'i phyir 'ongs pa ma yin te/ ba lang rdzi mo gang gis ko sha ta ka'i me tog gis nga la mchod de nga'i zhabs la mgo bos phyag 'tshal nas/ nga las chos thos te song
81b3 ba gang yin pa de khyod kyis mthong ngam/bcom ldan 'das mthong lags so/ /de ni song nas ring por ma lon par nga la sems dga' bzhin du shi 'phos te/ dus las 'das nas lha yul du skyes te lha mor gyur nas nga'i thad du 'ongs pa de la ngas chos bstan te/ des nga las
81b4 chos thos nas bden pa mthong ste bden pa mthong nas rang gi gnas su song ngo //btsun pa ba lang rdzi mo des las ci bgyis na las des ba lang rdzi dbul po'i rigs su skyes lags/ las ci bgyis na 'di nas shi 'phos te lha'i yul du skyes lags/ las gang gis ni
81b5 bcom ldan 'das mnyes par bgyis te/mi mnyes par ma bgyis lags/ bcom ldan 'das kyis bka' stsal pa/ dge slong dag 'das pa'i las kyi shas kyang yod do/ /da ltar byung ba'i las kyi shas kyang yod do/ /'das pa'i las ci bgyis lags/
81b6 bcom ldan 'das kyis bka' stsal pa/ yar dag par rdzogs pa'i sangs rgyas 'od srung gi gsung rab la rab tu byung ste/ dge slong mar gyur pa na 'thab krol can kha tshas ngan par gyur te khros nas/ dge slong ma mang po zhig la ba lang rdzi mo zhes bya ba'i tshig smras nas/ de
81b7 der tshe gcig tu tshangs par spyod pa spyad nas 'chi kar 'gyod pa skyes te smon lam btab pa/'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i
82a1 sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /bdag gis dge slong ma rnams la tshig rtsub po smras pa'i las de'i 'bras bu
82a2 bdag la rnam par smin par ma gyur cig ces byas so//dge slong dag ji snyam du sems de'i tshe dge slong mar gyur pa gang yin pa de ni ba lang rdzi mo de nyid yin te/ des der tshe gcig tu tshangs par spyod pa spyad nas 'chi kar smon lam btab ste/ yang dag par rdzogs pa'i sangs rgyas
82a3 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig ces byas pa des na/ dge slong dag nga yang dag par rdzogs pa'i sangs rgyas 'od srung dang shin tu
82a4 mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas 'dis nga mnyes par byas te/mi mnyes par ma byas pa 'di ni 'das pa'i las yin no/ /da ltar byung ba'i las gang zhe na/ ba lang rdzi mor gyur pa des ko sha ta ka'i me tog gis nga
82a5 la mchod pa byas pa dang nga la sems dga' bar gyur pa des ni lha yul du skyes te/dge slong dag 'di ni da ltar byung ba'i las yin no/ /btsun pa ba lang rdzi 'di rnams kyis las ci bgyis na las de'i rnam par smin pas ba lang rdzi dbul po'i rigs su skyes lags/ las ci
82a6 bgyis na las des 'di rnams kyis bcom ldan 'das mnyes par bgyis te mi mnyes par ma bgyis la/bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis lags/ bcom ldan 'das kyis bka' stsal
82a7 pa/yang dag par rdzogs pa'i sangs rgyas 'od srung gi gsung rab la 'di dag thams cad rab tu byung ste/ dge slong 'thab krol can kha tshas ngan par gyur nas/ der de dag khros nas dge slong mang po zhig la ba lang rdzi zhes bya ba'i tshig smras la/ der de dag gis tshe gcig
82b1 tu tshangs par spyod pa spyad nas 'chi kar smon lam btab pa/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig /mi mnyes par byed par ma gyur
82b2 cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig /bdag cag gis dge slong mang po la ba lang rdzi zhes bya ba'i tshig smras pa'i las de'i 'bras bu bdag cag la smin par ma gyur cig ces byas so/ /
82b3 dge slong dag ji snyam du sems/ de'i tshe yang dag par rdzogs pa'i sangs rgyas 'od srung gi gsung rab la rab tu byung ba'i dge slong lnga brgyar gyur pa gang yin pa de dag ni ba lang rdzi las rab tu byung ba'i dge slong lnga brgya po 'di rnams yin te/ de dag gis der rab tu byung nas 'chi
82b4 kar smon lam btab ste/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig /mi mnyes par byed par ma gyur cig /de kho na'i bstan pa
82b5 la rab tu byung nas nyon mongs pa thams cad spangs te/dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam
82b6 pa brnyes par gyur nas/'di rnams kyis nga mnyes par byas te/ mi mnyes par ma byas la nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas so/ /der de dag khros pas dge slong mang po la ba lang rdzi zhes
82b7 bya ba'i tshig smras pa dang sbyin pa yang ma byin pa des ni ba lang rdzi dbul po gzhan gyi tshal za bar byed pas 'tsho bar gyur to// //mdza' sde rnams zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na mdza' sde bo lnga brgya tsam 'khod
83a1 pa rnams/dus dus su me tog gang rgyas par de dag longs spyad pa'i phyir skyed mos tshal gyi nang du song nas rol mo byed de/ rtse zhing dga' la dga' mgur spyod do/ /de nas phyi zhig na me tog ud pa la dang / pad ma dang / ku mu da dang /
83a2 pad ma dkar po rnams rgyas par gyur nas/ de dag longs spyad par bya ba'i phyir de dag rgyan thams cad kyis brgyan te/ me tog ud pa la dang / pad ma dang / ku mu da dang / pad ma dkar po rnams kyis phreng ba dang / thod dang / rna rgyan dang / chun po
83a3 rnams rgyan du thogs shing ud pa la chang pa re re thogs nas/sil snyan sna tshogs dang / pheg rdob cing mnyan du yod pa nas byung ste/ skyed mos tshal gyi nang du chas so/ /bcom ldan 'das kyang de dag la thugs brtse ba'i phyir snga dro sham thabs dang chos gos gsol
83a4 te/lhung bzed bsnams nas mnyan du yod par bsod snyoms la gshegs pa dang / mdza' sde bo de dag gis thag ring po zhig nas/ sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi
83a5 dbyibs su 'dug pa lta bu/me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas
83a6 kyang de dag bcom ldan 'das la shin tu dga' ba skyes so//dga' ba skyes nas bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la ud pa la dang pad ma dang ku mu da dang pad ma dkar po rnams kyis gtor nas/
83a7 sil snyan dang / pheg rdob bzhin du bcom ldan 'das la lan gsum bskor ba byas nas dong ngo / /de'i skabs su bcom ldan 'das 'dzum pa mdzad de/ 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon
83b1 po dang /ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod
83b2 chen po dang /tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer ba dang / a chu zer ba dang / ud pa la ltar gas pa dang / pad ma ltar gas pa dang / pad ma ltar gas pa chen por song nas/
83b3 tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di
83b4 snyam du sems te/kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa skyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang
83b5 shi 'phos par ma gyur la/gzhan du yang ma skyes mod kyi 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa de la sems mngon par dga' bar gyur nas/ sems
83b6 can dmyal ba myong bar 'gyur ba'i las de zad de lha dang /mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris kyi lha rnams dang / sum cu rtsa gsum pa
83b7 rnams dang /'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams
84a1 dang tshad med 'od rnams dang /'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung
84a2 rnams dang /gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par
84a3 'byung ba brtsam par gyis//sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /
84a4 sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das kyi phyi bzhin 'brang ste/ gal te bcom ldan 'das kyis 'das pa'i las lung ston par
84a5 bzhed na ni bcom ldan 'das kyi snam logs su mi snang bar 'gyur ro//ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar
84a6 lung ston par bzhed na ni zhabs kyi rting par mi snang bar 'gyur ro//su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur
84a7 ba'i rgyal por lung ston par bzhed na ni phyag g.yon pa'i mthil du mi snang bar 'gyur ro//'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /
84b1 nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i
84b2 gtsug tor du mi snang bar 'gyur ro//de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te/ bcom
84b3 ldan 'das la zhus pa/tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun du snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang
84b4 bral zhing rgyags dang mi dgyes spangs pa yi//sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan po nyid kyi blo yis dus bab mkhyen lags na/ /dge
84b5 sbyong rgyal dbang nyan pa som nyi 'tshal ba rnams//thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi
84b6 ston//gang gi don du dpa' bo 'dzum pa ston mdzad pa/ /de ni khyod la skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom
84b7 pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do//kun dga' bo khyod kyis mdza' sde bo 'di dag gis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo mdza' sde bo 'di dag dge
85a1 ba'i rtsa ba dang sems bskyed pa dang sbyin par bya ba'i chos yongs su gtong ba 'dis/bskal pa bcu gsum gyi bar du log par ltung bar mi 'gyur te/ bskal pa bcu gsum gyi bar du lha dang mi rnams kyi nang du nying mtshams sbyor zhing 'khor bar gyur nas/ srid
85a2 pa tha ma dang /gnas tha ma la mir skye ba thob nas/ rab tu byung ste slob dpon med pa dang / lung med par byang chub kyi phyogs dang 'thun pa'i chos sum cu rtsa bdun mngon du byas nas/ rang sangs rgyas kyi byang chub mngon sum du byed par 'gyur te/ thams
85a3 cad kyang rang sangs rgyas smon pa med pa zhes bya ba sha stag tu 'gyur te/'di ni de dag gi sbyin par bya ba'i chos yin no/ /de nas dge slong dag gis sangs rgyas bcom ldan 'das la zhus pa/ btsun pa bcom ldan 'das kyis phrin las ci mdzad na/ las de'i
85a4 rnam par smin pas mdza' sde bo lnga brgyas ud pa la dang /pad ma dang / ku mu da dang / pad ma dkar po dag gis 'di ltar bkur sti bgyis lags/ bcom ldan 'das kyis bka' stsal pa/ dge slong dag de bzhin gshegs pa nyid kyis las
85a5 de lta bu byas shing bsags te/dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge
85a6 ba byas shing bsags pa rnams ni zin pa'i phung po dang /khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras
85a7 bu nyid du smin par 'gyur//dge slong dag sngon byung ba 'das pa'i dus na/ bskal pa grangs med pa gnyis la bab pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes
85b1 bu gdul bya'i kha lo sgyur ba/bla na med pa/ lha dang mi rnams kyi ston pa/ sangs rgyas bcom ldan 'das mar me mdzad ces bya ba 'jig rten du byung ngo / /de nas yang dag par rdzogs pa'i sangs rgyas mar me mdzad ljongs rgyu zhing gshegs pa las/ rgyal
85b2 po'i pho brang mar me ldan zhes bya bar byon to//de'i tshe rgyal po'i pho brang mar me ldan na rgyal po mar me zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang
85b3 ba dang /rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa
85b4 med cing tsher ma dkrugs la bu gcig pa sdug pa la bya ba bzhin du rgyal srid byed do//de nas rgyal po mar mes yang dag par rdzogs pa'i sangs rgyas mar me mdzad grong khyer gyi nang du zhabs sa la reg par bya ba'i phyir spyan drangs nas/ rgyal po mar me'i 'dab
85b5 na rgyal po nor can gyi bu zhes bya ba 'dug pa de la des pho nya btang ste/ngas yang dag par rdzogs pa'i sangs rgyas mar me mdzad grong khyer gyi nang du zhabs sa la reg par bya ba'i phyir spyan drangs te/ de la mchod pa bya dgos kyis shog cig ces spring ngo / /de'i tshe
85b6 rgyal po nor can gyi bus kyang lo bcu gnyis kyi bar du mchod sbyin byas nas/mchod sbyin gyi mjug tu 'di lta ste/ gser gyi 'khar ba dang / gser gyi ril ba dang / gser gyi gzhong pa dang / rin po che sna bzhis spras pa'i mal khri dang / kAr+Sha pa Na lnga
85b7 brgya dang /bu mo rgyan thams cad kyis bklubs pa ste rab tu sbyin pa chen po lnga dngar to/ /de'i tshe ljongs gzhan zhig na bram ze'i khye'u gnyis shig gnas pa de gnyis kyis mkhan po las rig byed 'don pa bslabs te/ chos lugs kyi mkhan po la yang mkhan
86a1 po'i yon dbul ba dang /slob dpon la yang slob dpon gyi yon dbul dgos par shes nas sems shing 'dug go/ /de nas de gnyis kyis rgyal po nor can gyi bus mchod sbyin gyi mjug tu rab tu sbyin pa chen po lnga bshams te/ bram ze gang kha ton rdzogs
86a2 par lobs pa de dbang ngo zhes zer ba thos nas de gnyis kyis bsams pa/blang bar bya ba de len du der 'dong na bdag cag gnyis kyi nang na mang du thos pa'i rab dang kha ton lobs pa'i rab gang yin pa nges par bya'o snyam nas/ rgyal po nor can gyi bu'i grong khyer chen po ga la
86a3 ba der chas so//rgyal po de yang lhas sbran te/ bram ze'i khye'u blo gros bzang po dang blo gros zhes bya ba gnyis 'dir 'ong gis/ de gnyis kyi nang na blo gros bzang po zhes bya ba de la rab tu sbyin pa chen po 'di dag phul cig dang / rgyal po chen po khyod kyis lo
86a4 bcu gnyis kyi bar du mchod sbyin byas pa de'i 'bras bu bas bram ze'i khye'u blo gros bzang po de la rab tu sbyin pa chen po byin pa de'i 'bras bu ches che'o zhes byas so//de nas rgyal po des bsams pa/ de gnyis kyi phyir lhas kyang sbran pa las na de gnyis ni bdag nyid che ba
86a5 yin gor ma chag snyam mo//de nas rgyal po des thag ring po zhig nas bram ze'i khye'u byad bzhin bzang zhing mdzes pa de gnyis 'ong ba mthong ngo / /de gnyis kyang mchod sbyin byed pa'i gnas der 'ongs nas bram ze'i gral du skabs bye ba'i sar stan la 'dug go/ /de
86a6 nas rgyal po nor can gyi bus de gnyis mthong nas bsams pa/bdag la lhas sbran pa'i blo gros bzang po zhes bya ba de ni 'di yin gor ma chag snyam nas/ rgyal po de gral dpon gyi mdun du song ste/ bram ze'i khye'u blo gros bzang po la dris pa/ khyod blo
86a7 gros bzang po yin nam des smras pa nga yin no//de nas rgyal po nor can gyi bus bram ze'i khye'u blo gros bzang po gral dpon du bzhag ste zan byin nas/ rab tu sbyin par bya ba chen po rnam pa lnga po de dag byin pa las/ bram ze'i khye'u blo gros bzang pos rab tu sbyin
86b1 pa chen pos gser gyi 'khar ba dang ril ba la sogs pa bzhi ni blangs rab tu sbyin pa'i nang nas bu mo gcig pu ni ma blangs te/bdag ni tshangs par spyod pa yin no zhes zer ro/ /de nas bu mo des bram ze'i khye'u blo gros bzang po byad bzhin bzang zhing mdzes pa mthong nas/
86b2 chags shing snying du sdug par gyur te/ khye'u blo gros bzang po de la smras pa/ bram ze'i khye'u bdag bzhes shig /des smras pa/ bdag gis blang du mi rung ngo / /de nas bu mo de rgyal pos kyang rab tu sbyin pa'i bsam pas yongs su btang ste/ phyir ma khyer la bram
86b3 ze'i khye'u blo gros bzang pos kyang ma blangs nas/rgyal po mar me'i grong khyer mar me ldan du song ngo / /de der song nas rang gi rgyan rnams lus las bkrol te/ me tog phreng ba rgyud pa la byin nas/ rgyan 'di rin che ba yin gyis nga la nyin gcig bzhin du lha'i mchod
86b4 par ud pa la sngon po byin cig ces byas so//de nas des de'i lung bzhin du gser gyi rgyan de byin te lha'i rim gro byed par gyur to/ /bram ze'i khye'u blo gros bzang po de yang rab tu sbyin pa chen po bzhi po de dag khyer te mkhan po'i thad du song ngo / /song nas kyang rab tu
86b5 sbyin pa chen po rnam pa bzhi po de dag mkhan po la phul lo//mkhan pos kyang de rnams kyi nang nas rnam pa gsum ni blangs kAr ShA pa Na lnga brgya ni blo gros bzang po de nyid la byin no/ /blo gros bzang pos kyang de kho na'i nub mo rmi lam rnam pa bcu rmis te/ rgya mtsho chen po btung ngo
86b6 snyam pa dang /nam mkha' la 'gro'o snyam pa dang / nyi ma dang zla ba mthu che ba 'di gnyis lag pas reg cing gzung bar bya'o snyam pa dang / rgyal po rnams shing khyer du gzhug go snyam pa dang / drang srong rnams dang / glang po che dkar po rnams dang / ngang pa rnams
86b7 dang /seng ge rnams dang / brag chen po la bzhon par bya'o snyam ste/ des rmi lam de rnams rmis nas sad do/ /sad nas des bsams pa/ bdag gi rmi lam 'di rnams lung ston nus pa su yod snyam mo/ /de nas thag mi ring ba zhig na drang srong mngon par shes pa lnga dang
87a1 ldan pa zhig gnas so//de nas bram ze'i khye'u blo gros bzang po the tshom gcad pa'i phyir/ drang srong de'i thad du song nas blo gros bzang pos drang srong de la kun du dga' ba'i gtam byas nas rmi lam de rnams bsnyad de/ khyod kyis rmi lam rnam pa bcu
87a2 po 'di rnams kyi don nges par gyis shig ces byas so//de nas drang srong des smras pa/ bdag gis rmi lam 'di rnams lung ston mi nus kyis rgyal po'i pho brang mar me ldan du song shig dang / de na rgyal po mar mes yang dag par rdzogs pa'i sangs rgyas mar me mdzad
87a3 zhabs sa la reg par bya ba'i phyir/grong khyer gyi nang du spyan drangs te/ des rmi lam 'di rnams lung ston par 'gyur ro zhes byas so/ /de nas rgyal po nor can gyi bu des rgyal po mar mes spring ba bzhin du mnyan te/ blon po brgyad khris zhabs 'bring byas nas rgyal po'i
87a4 pho brang mar me ldan du phyin to//rgyal po mar mes kyang zhag bdun lon nas yang dag par rdzogs pa'i sangs rgyas mar me mdzad zhabs sa la reg par bya ba'i phyir/ grong khyer gyi nang du spyan drang bar bya'o snyam ste/ yul dang grong khyer thams cad nas me tog thams cad bsdus
87a5 so//der gang gi nyin par rgyal po mar mes yang dag par rdzogs pa'i sangs rgyas mar me mdzad zhabs sa la reg par bya ba'i phyir/ grong khyer gyi nang du spyan 'dren pa de'i nyin par blo gros bzang po yang der 'ongs nas/ der rgyal po des me tog thams cad bsdus par gyur to/ /
87a6 bu mo lha'i rim gro byed pa de yang me tog phreng ba rgyud pa'i thad du song nas lha'i mchod pa bya dgos kyis bdag la ud pa la sngon po byin cig ces byas so/ /me tog phreng ba rgyud pas smras pa/ deng rgyal pos sangs rgyas spyan drang ba'i phyir me tog thams cad bsdus so/ /
87a7 des smras pa/ me tog gi rdzing der song la yang ltos shig dang gal te bdag gi bsod nams kyis ud pa la sngon po ma btogs pa rnyed kyang srid do/ /de nas me tog gi rdzing der blo gros bzang po'i bsod nams kyi mthus ud pa la sngon po bdun byung ngo / /
87b1 de nas me tog gi phreng ba rgyud pa de song nas des mthong ngo / /mthong nas kyang bu mo des me tog phreng ba rgyud pa la smras pa/ ud pa la 'di rnams thogs shig /me tog phreng ba rgyud pas smras pa/ bla nas bdag la gyod rmas su 'ong gis bdag gis btog tu mi rung ngo / /
87b2 de nas des smras pa/ khyod kyis sngar me tog thams cad btogs te/ rgyal po la ma phul lam/ me tog phreng ba rgyud pas smras pa phul lo/ /de nas bu mo des smras pa/ 'di dag ni bdag gi bsod nams las skyes pa yin gyis/ 'di rnams thogs la
87b3 bdag la byin cig /me tog phreng ba rgyud pas smras pa/ bla nas ma tshor bar 'di dag ji ltar khyer bar bya/ bu mos smras pa/ bdag gi bsod nams kyi mthu las byung ba yin gyis thogs shig dang / bdag gis chu'i bum pa'i nang du bcug ste nang du bskur bar
87b4 bya'o//de nas me tog phreng ba rgyud pas de skad ces thos nas/ de dag btogs te bu mo de la byin no/ /des kyang blangs nas chu'i bum pa'i nang du bcug ste/ bum pa de chus bkang nas grong khyer gyi nang du chas so/ /blo gros bzang po yang grong khyer gyi
87b5 nang der phyin nas des bsams pa/bdag gis sangs rgyas bcom ldan 'das la mchod pa mi byar ga la rung snyam ste/ des me tog phreng ba rgyud pa'i khyim rnams bskor te/ me tog go cog btsal na me tog gcig kyang ma rnyed do/ /de nas grong khyer gyi nub
87b6 sgo nas byung ste/kun dga' ra ba nas kun dga' ra bar bskor te/ me tog rnams btsal kyang me tog gcig kyang ma rnyed do/ /de nas 'khor 'khor te skyed mos tshal der phyin nas/ bu mo de yang skyed mos tshal de nas byung ste/ bram ze'i khye'u blo gros bzang
87b7 po dang thad kar phrad do//de nas blo gros bzang po'i bsod nams kyi mthus me tog ud pa la de dag chu'i bum pa de'i nang nas gyen du 'thon to/ /de nas blo gros bzang pos me tog de dag mthong nas/ bu mo de la smras pa/ nga las rin kAr ShA pa Na
88a1 lnga brgya long la ud pa la 'o ni rnams nga la byin cig /bu mo des smras pa/ de'i tshe khyod kyis bdag bzhes su ma gnang na/ da ud pa la rnams bzhed dam/ bdag mi dbul lo zhes de skad smras nas/ yang bram ze'i khye'u blo gros
88a2 bzang po la smras pa/'di rnams kyis ci zhig bgyi/ blo gros bzang pos smras pa/ sangs rgyas bcom ldan 'das la mchod par bya'o/ /de'i 'og tu bu mo des smras pa/ bdag la kAr ShA pa Na cang mi 'tshal gyis gal te khyod la ud pa la 'di dag phul
88a3 ba'i 'bras bus/tshe rabs thams cad du bdag khyod kyi btsun mor 'gyur bar bzhed de/ gal te sbyin pa 'di sbyin pa na tshe rabs thams cad du khyod bdag gi chung mar gyur cig ces de skad du smon lam 'debs na ni/ bdag gis ye dbul bar 'tshal lo/ /
88a4 blo gros bzang pos smras pa/ nga ni sbyin pa la dga' ba yin te/ bdag gi chung ma dang bu yang yongs su gtong la/ bdag gi sha yang yongs su gtong bar byed do/ /bu mo des smras pa/ ji smon lam de ltar thob la slad kyis su ci 'dod pa
88a5 de la bdag stsol cig /de skad ces smras nas/ bu mo des blo gros bzang po la ud pa la lnga byin no/ /gnyis ni bdag nyid kyis khyer nas tshigs su bcad de smras pa/ khyod kyis gang du smon pa yi/ /'dren pa sangs rgyas brnyes pa der/
88a6 rtag tu 'thun par chos spyod pa'i/ /khyod kyi btsun mor bdag gyur cig /de nas rgyal po des grong khyer de dag thams cad rdo dang / gseg ma dang / gyo mo med par byas nas/ rgyal mtshan dang / ba dan dang / rta babs rnams ni
88a7 btsugs/dar gyi lda ldi rnams ni bres/ spos chab dang / phye ma rnams kyis ni gtor to/ /grong khyer gyi sgo nas gtsug lag khang gi bar du yang rdo dang / gseg ma dang / gyo mo rnams med par byas nas/ rgyal mtshan dang / ba dan dang /
88b1 rta babs ni btsugs/ dar gyi lda ldi ni bres/ spos chab dang / phye mas ni gtor to/ /rgyal po de nyid kyis kyang gdugs rtsibs brgya pa thogs nas yang dag par rdzogs pa'i sangs rgyas mar me mdzad bsu'o/ /de bzhin du blon po rnams kyis kyang bsu'o/ /de
88b2 bzhin du rgyal po nor can gyi bu blon po dang bcas pa rnams kyis kyang bsu'o//de nas rgyal pos sangs rgyas bcom ldan 'das kyi zhabs la mgo bos phyag 'tshal te/ bcom ldan 'das grong khyer du gshegs su gsol zhes gsol ba btab nas/ bcom ldan
88b3 'das de dge slong gi dge 'dun gyis mdun du bdar te/grong khyer logs su chas te gshegs so/ /rgyal po mar me yang yang dag par rdzogs pa'i sangs rgyas mar me mdzad kyi steng du gdugs rtsibs brgya pa thogs so/ /de bzhin du blon po rnams dang / rgyal po
88b4 nor can gyi bu blon po dang bcas pa rnams kyang gdugs thogs so//de nas bcom ldan 'das kyis ci nas re re nas da bdag ni bcom ldan 'das kyi gdugs thogs so/ /snyam du sems par 'gyur ba de lta bur rdzu 'phrul gyi byin gyis brlabs so/ /de nas
88b5 bcom ldan 'das de lta bu'i mdzes pa dang ldan pas grong khyer gyi sgor gshegs nas/der bcom ldan 'das kyis ched du mdzad de/ sgo'i them pa la zhabs bzhag nas/ gang gi tshe bcom ldan 'das kyis sgo'i them pa la zhabs bzhag pa de kho na'i mod la
88b6 sa rnam pa drug tu g.yos te/'gul rab tu 'gul/ kun du rab tu 'gul/ ldeg rab tu ldeg /kun du rab tu ldeg par gyur to/ /chos nyid kyis na sangs rgyas bcom ldan 'das rnams kyis gang gi tshe ched du mdzad de/ sgo'i them pa la zhabs
88b7 'jog pa na ngo mtshar rmad du byung ba'i chos rnam pa sna tshogs 'byung bar 'gyur te/smyon pa rnams kyis ni rang bzhin gyis sems thob par 'gyur ro/ /long ba rnams ni mig gis mthong bar 'gyur ro/ /'on pa rnams ni rna bas thos par 'gyur ro/ /lkugs
89a1 pa rnams ni smra nus par 'gyur ro//'phye bo rnams ni 'gro nus par 'gyur ro/ /bud med bu 'byung du mi btub pa rnams ni bde bar btsas par 'gyur ro/ /shing mig gi gdos dang rkang sgril dang / an pan btags pa'i sems can rnams
89a2 ni bcings pa las grol bar 'gyur ro//chung ngu nas 'khon byung ba rnams ni de ma thag tu byams pa'i sems thob par 'gyur ro/ /be'u rnams ni be'u gdang bcad de ma'i thad du 'dong bar byed do/ /glang po che rnams kyang skad 'byin to/ /rta rnams kyang skad
89a3 'byin to /khyu mchog rnams kyang skad 'byin to/ /ne tso dang / ri skegs dang / khu byug dang / shang shang te'u rnams kyang skad snyan pa 'byin to/ /rol mo'i cha byad rnams kyang ma brdungs par sgra snyan pa 'byin to/ /rgyan snod du bcug
89a4 pa rnams kyang sgra snyan pa 'byin to//sa phyogs mtho ba rnams ni dma' bar 'gyur/ dma' ba rnams ni mtho bar 'gyur ro/ /rdo dang / gseg ma dang / gyo mo rnams kyang med par 'gyur ro/ /lha rnams kyang bar snang las lha'i me tog ud pa la dang /
89a5 pad ma dang / ku mu da dang / pad ma dkar po rnams 'thor bar byed do/ /a ga ru'i phye ma dang / rgya spos kyi phye ma dang / tsan dan gyi phye ma dang / ta ma la'i phye ma rnams dang / lha'i me tog man dA ra ba rnams kyang 'thor bar byed do/ /shar phyogs dma' na nub
89a6 phyogs mtho/nub phyogs dma' na shar phyogs mtho/ lho phyogs dma' na byang phyogs mtho/ byang phyogs dma' na lho phyogs mtho/ dbus dma' na mtha' mtho/ mtha' dma' na dbus mtho bar 'gyur ro/ /rgyal po'i pho brang mar me ldan de na srog chags
89a7 'bum phrag du ma me tog dang /bdug pa dang / spos rnams kyis bkur sti byed do/ /blo gros bzang po dang / blo gros dang / bu mo de yang pad ma khyer te yang dag par rdzogs pa'i sangs rgyas mar me mdzad ga la ba der dong ba las/ de dag skye bo phal po che
89b1 mchod pa byed pas gtams nas bcom ldan 'das kyi spyan sngar ma chud do//de nas bcom ldan 'das kyis dgongs pa/ skye bo phal po che 'di rnams pas bram ze'i khye'u blo gros bzang po bsod nams ches 'phel bar 'gyur ro snyam du dgongs nas rdzi char drag po chen po zhig
89b2 sprul to//de nas skye bo phal po che de dag gis go skabs phye nas/ bram ze'i khye'u blo gros bzang pos skabs thod de bcom ldan 'das la blta bas chog mi shes pa mthong nas shin tu dga' ba skyes so/ /dga' ba skyes nas ud pa la lnga po de dag bcom ldan
89b3 'das la gtor to//de nas yang dag par rdzogs pa'i sangs rgyas mar me mdzad kyis/ de dag shing rta'i 'phang lo tsam sha stag tu bla rer chags shing 'dug la/ bcom ldan 'das gshegs na ni 'gro gzhes na ni sdod par byin gyis brlabs so/ /de nas
89b4 bu mo des de lta bur gyur pa mthong nas dga' ba skyes te/ud pa la gnyis bcom ldan 'das la gtor nas de gnyis kyang bcom ldan 'das kyi snyan gyi gong du shing rta'i 'phang lo tsam gyis bla rer chags shing 'dug par byin gyis brlabs so/ /sa phyogs de dag
89b5 kyang rdzi char drag po chen pos 'dam rdzab tu gyur nas/de'i 'og tu sa phyogs 'dam rdzab can der bcom ldan 'das gshegs pa na/ bram ze'i khye'u blo gros bzang pos sa phyogs 'dam rdzab can der bcom ldan 'das kyi spyan sngar skra bting nas tshigs su bcad
89b6 de smras pa/blo ldan sad mdzad gal te bdag /byang chub tu ni 'tshang rgya na/ /skye rga med mdzad zhabs gnyis kyis/ /myur du bdag skra brdzi bar gsol/ /de nas yang dag par rdzogs pa'i sangs rgyas mar me mdzad des/ bram ze'i khye'u blo gros bzang po'i
89b7 skra'i steng du zhabs gnyis bzhag go//de nas bram ze'i khye'u blo gros bzang po'i phyi bzhin 'brang zhing 'dug pa de khros nas/ kye ltos dang yang dag par rdzogs pa'i sangs rgyas mar me mdzad 'dis/ bram ze'i khye'u blo gros bzang po'i skra phyugs la bya ba bzhin du brdzis sa zhes zer ro/ /
90a1 de nas de'i 'og tu yang dag par rdzogs pa'i sangs rgyas mar me mdzad kyis bram ze'i khye'u blo gros bzang po lung bstan te/ khyod ni sa 'dir 'jig rten rnams la phan pa'i phyir/ /ston pa mnga' bdag 'jig rten gsum las rnam grol ba/ /shAkya'i sras po shAkya thub pa zhes bya ba/ /
90a2 'jig rten gsum gyi snying po 'gro ba'i sgron du 'gyur/ /zhes gsungs so/ /de nas yang dag par rdzogs pa'i sangs rgyas mar me mdzad kyis bram ze'i khye'u blo gros bzang po lung bstan ma thag pa de'i mod kho na la nam mkha' la ta la bdun srid tsam du 'phags so/ /de nas de'i skra byi nas skra sar
90a3 khyad par du 'phags pa byung ngo //de nas de nam mkha' la 'dug pa skye bo phal po ches mthong ngo / /mthong nas kyang smon lam btab pa/ gang gi tshe 'dis bla na med pa'i ye shes brnyes par 'gyur ba de'i tshe bdag cag 'di'i nyan thos su gyur cig ces byas so/ /bu mo des kyang smon lam btab ste/
90a4 khyod kyis gang du smon pa yi/ /'dren pa sangs rgyas brnyes pa der/ /rtag tu 'thun par chos spyod pa'i/ /khyod kyi btsun mor bdag gyur cig/ /gang tshe khyod ni rdzogs sangs rgyas/ /'jig rten gtso bo rnam 'dren 'gyur/ /de yi dus bab khyod kyi ni/ /nyan thos mar yang bdag gyur cig /
90a5 mkha' gnas bram ze'i khye'u mthong nas/ /brgya phrag dang ni stong phrag rnams/ /thams cad ma 'ongs dus dag tu/ /nyan thos nyid du smon par byed/ /gang tshe khyod ni rdzogs sangs rgyas/ /'jig rten gtso bo rnam 'dren 'gyur/ /de yi dus bab khyod kyi ni/ /nyan thos bdag cag 'gyur bar shog /
90a6 ces byas so/ /de nas gang gi tshe yang dag par rdzogs pa'i sangs rgyas mar me mdzad kyis bram ze'i khye'u blo gros bzang po lung bstan pa de'i tshe/ rgyal po mar mes de'i skra blangs nas rgyal po nor can gyi bus smras pa/ skra 'di dag bdag la byin cig /de nas rgyal po mar mes skra de dag de la byin nas
90a7 des blangs te/bgrangs na skra nyag ma brgyad khri byung ngo / /de nas rgyal po de'i blon po rnams kyis gsol pa/ lha bdag cag la skra nyag ma re re stsal bar gsol/ 'on kyang bdag cag gis de rnams mchod rten du bgyi bar 'tshal lo/ /de nas rgyal po des blon po de dag la skra nyag ma re re byin nas blon po
90b1 de dag rang rang gi yul du song ste mchod rten brtsigs so//gang gi tshe bram ze'i khye'u blo gros bzang po bla na med pa yang dag par rdzogs pa'i byang chub tu lung bstan pa de'i tshe/ rgyal po mar me dang rgyal po nor can gyi bu dang grong khyer gyi mi dang yul gyi mi du mas ma 'ongs pa'i dus kyi yon tan la bltas te yo
90b2 byad thams cad bstabs so//de nas blo gros bzang pos bram ze'i khye'u blo gros la smras pa/ nga ni bla na med pa'i byang chub tu lung bstan na khyod kyis gang du sems bskyed/ des smras pa/ bdag ni ma rung ngo / /bram ze'i khye'u blo gros bzang pos smras pa/ khyod kyis ci zhig byas na/ ma
90b3 rung bar 'gyur/des smras pa/ gang gi tshe yang dag par rdzogs pa'i sangs rgyas mar me mdzad kyi zhabs kyis khyod kyi skra brdzis pa de'i tshe/ bdag khros te smras pa/ yang dag par rdzogs pa'i sangs rgyas mar me mdzad kyis/ bram ze'i skra phyugs la bya ba bzhin du rkang pas
90b4 brdzis so zhes byas so//de nas blo gros bzang pos de la smras pa/ tshur shog sangs rgyas bcom ldan 'das kyi thad du rab tu 'byung bar bya'o/ /de nas blo gros bzang po dang blo gros gnyis yang dag par rdzogs pa'i sangs rgyas mar me mdzad kyi gsung rab la rab tu byung ste/ blo gros bzang
90b5 po ni rab tu byung nas sde snod gsum bslabs te chos bzhin du 'khor bsdus so//de nas bram ze'i khye'u blo gros bzang po shi 'phos te dus las 'das nas dga' ldan gyi lha'i ris su skyes so/ /bram ze'i khye'u blo gros ni shi 'phos te dus las 'das nas sems can dmyal bar skyes so/ /dge slong
90b6 dag ji snyam du sems/de'i tshe de'i dus na bram ze'i khye'u blo gros bzang por gyur pa byang chub sems dpa'i spyod pa la gnas pa gang yin pa de ni nga nyid yin te/ ngas der sangs rgyas mar me mdzad la ud pa la sngon po dag gis mchod pa byas pa'i las de'i rnam par smin pas/ 'khor ba na bde ba chen
90b7 po myong bar gyur te/dge ba'i rtsa ba des na nga'i bla na med pa yang dag par rdzogs pa'i byang chub kyi rgyu tsam dang rkyen tsam dang tshogs tsam du gyur la da lta'i bar du yang las de'i rnam par smin pas mdza' sde bo lnga brgya po rnams kyis 'di lta bu'i mchod pa byas pa yin no// //
91a1 las brgya tham pa/ bam po brgyad pa/ 'jigs med ces bya ba ni/ bcom ldan 'das mnyan du yod pa nas rgyal po'i khab tu gshegs pa las/ ri khrod cig tu byon nas de der gshegs pa na/ shing gi grib ma la skad cig mnyel bso nas chas te
91a2 gshegs so//lam de yang seng ge'i 'jigs pa chen po dang ldan pa zhig ste/ tshe dang ldan pa kun dga' bos lam kha gnyis su gyes pa mthong nas/ bcom ldan 'das la 'di skad gsol to/ /btsun pa shul 'di ni kha gnyis su gyes te/ de la shul gcig ni
91a3 drang la 'jigs pa dang bcas pa lags/shul gcig ni 'khyog la 'jigs pa ma mchis pa lags na/ btsun pa shul gang du gshegs par mdzad/ bcom ldan 'das kyis bka' stsal pa/ kun dga' bo gang na de bzhin gshegs pa dgra bcom pa yang dag par rdzogs
91a4 pa'i sangs rgyas rnams bzhugs pa de na ni/'jigs pa'am skrag pa'am bag tsha ba ci yang med kyis lam drang po logs su drongs shig ces bka' stsal to/ /grong mi'i byis pa gnyis kyang bcom ldan 'das kyi thad nas thag mi ring ba zhig na rtse zhing 'dug ste/ de gnyis la
91a5 gcig ni rnge'u chung thogs so//gcig ni mda' gzhu thogs so/ /de nas khye'u de gnyis kyis sangs rgyas bcom ldan 'das sku skyes bu chen po'i mtshan sum cu rtsa gnyis kyis brgyan cing spa bar byas pa rgyang nas mthong ngo / /mthong nas kyang dga' ba skyes so/ /dga' ba skyes
91a6 nas/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /btsun pa shul 'di na seng ge'i 'jigs pa ni mchis mod kyi/ 'on kyang bcom ldan 'das gshegs pa dang /
91a7 bdag cag gnyis kyis bcom ldan 'das kyi bsel bgyi bar 'tshal lo/ /bcom ldan 'das kyis bka' stsal pa/ khye'u khyod gnyis kyis seng ge'i 'jigs pa byung na ji ltar bya/ der gcig gis gsol pa/ btsun pa bdag gis rol mo'i sgras skrag par bgyi'o/ /gcig
91b1 gis gsol pa/bdag gis ni mda' gzhu'i sgras skrag par bgyi'o/ /de skad ces gsol nas/ khye'u de gnyis kyis bcom ldan 'das kyi mdun logs su chas so/ /de nas bcom ldan 'das kyis dgongs pa/ 'di gnyis kyis ni dge ba'i rtsa ba rnams
91b2 bskyed zin to snyam du dgongs nas bka' stsal pa/khye'u khyed gnyis kyis sems dga' ba bskyed pa de tsam gyis bsel byas zin te chog gis phyir dengs shig /de nas khye'u de gnyis phyir log nas/ bcom ldan 'das 'dzum pa mdzad de 'di ni sangs rgyas bcom ldan 'das
91b3 rnams gang gi tshe 'dzum pa mdzad pa'i chos nyid de/de'i tshe zhal nas 'od zer sngon po dang ser po dang dmar po dang dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang
91b4 'dus 'joms dang ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song nas/tsha ba'i sems can
91b5 dmyal ba gang yin pa de dag tu ni bsil bar gyur te 'bab bo//grang ba'i sems can dmyal ba gang yin pa de dag tu ni dro bar gyur te 'bab bo/ /des nas sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag
91b6 cag 'di nas shi 'phos sam 'on te gzhan du skyes sam snyam mo//de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ /
91b7 gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar
92a1 'gyur ba'i las de zad de/lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par gyur to/ /steng du 'gro ba gang yin pa de dag ni rgyal chen bzhi'i ris rnams dang sum cu rtsa gsum pa rnams dang 'thab
92a2 bral rnams dang dga' ldan rnams dang 'phrul dga' rnams dang gzhan 'phrul dbang byed rnams dang tshangs ris rnams dang tshangs pa'i mdun na 'don pa rnams dang tshangs pa chen po rnams dang 'od chung rnams dang tshad med 'od rnams dang 'od gsal rnams dang dge chung rnams dang /tshad med dge rnams dang dge rgyas rnams dang sprin med rnams dang bsod nams skyes rnams dang 'bras bu che rnams dang mi che rnams dang mi gdung rnams dang gya nom snang rnams dang shin tu mthong rnams dang 'og min gyi lha rnams kyi bar du song nas/
92a3 mi rtag pa dang sdug bsngal ba
92a4 dang stong pa dang bdag med pa'i sgra sgrogs so//tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang
92a5 zhig chos 'dul 'di nyid la//bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom
92a6 ldan 'das kyi phyi bzhin 'brang ste/gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems
92a7 can dmyal bar skye bar lung ston par bzhed na ni zhabs kyi mthil du mi snang bar 'gyur ro//dud 'gror skye bar lung ston par bzhed na ni zhabs kyi rting par mi snang bar 'gyur ro/ /su skye bar lung ston par bzhed na ni zhabs kyi mthe bor mi snang bar 'gyur ro/ /
92b1 mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas
92b2 pa'i mthil du mi snang bar 'gyur ro//lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur
92b3 mi snang bar 'gyur ro//bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod
92b4 spur mi snang bar gyur to//de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji
92b5 ltar bgyis pa bzhin//yang tshigs su bcad de gsol ba/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum
92b6 mi ston//brtan po nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog bstan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur
92b7 brtan pa yi//mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod la skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de
93a1 ni de bzhin te/kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad de/ kun dga' bo khyod kyis khye'u 'di gnyis kyis nga la 'di lta bu'i bkur sti byas
93a2 pa mthong ngam/btsun pa mthong lags so/ /kun dga' bo khye'u 'di gnyis dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bskal pa bcu gsum gyi bar du log par ltung bar mi 'gyur te/ bskal pa bcu gsum gyi
93a3 bar du lha rnams dang mi rnams kyi nang du nying mtshams sbyar zhing /'khor bar gyur nas srid pa tha ma dang gnas tha ma la mir skye ba thob ste rab tu 'byung bar 'gyur la/ des slob dpon med pa dang man ngag med par byang chub kyi phyogs dang 'thun pa'i chos sum cu rtsa bdun
93a4 mngon du byas nas rang sangs rgyas kyi byang chub mngon sum du byed par 'gyur te/de la gcig ni rang sangs rgyas rnga sgra zhes bya bar 'gyur ro/ /gcig ni 'jigs med ces bya bar 'gyur te de gnyis kyi sbyin par bya ba'i chos ni 'di yin no// //dbyig mtsho zhes bya ba
93a5 ni/gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des thabs
93a6 zlar bab pa las chung ma blangs nas/de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas/ de gang gi tshe bu chags par gyur pa de'i tshe de rgyan thams cad kyis brgyan par gyur la/ khang thams cad du
93a7 gdugs dang rgyal mtshan dang ba dan bsgreng ste/me tog sna tshogs ni bkram spos chus ni chag chag btab pa'i nang na/ mal khri la 'dug ste bud med kyi 'khor gyis bskor cing 'dug go/ /de nas khyim bdag des bsams pa/ ma la bdag gi chung ma 'di 'byung po
93b1 'ga' zhig gis thebs par ma gyur grang snyam nas ltas mkhan rnams la bstan na/ltas mkhan rnams na re 'di ni 'byung pos thebs pa ma yin gyi/ sems can lto na 'dug pa de'i mthu yin no zhes zer ro/ /de nas zla ba dgu'am bcu lon pa dang khye'u gzugs
93b2 bzang zhing blta na sdug la mdzes pa rgyan thams cad kyis brgyan pa/mngal gyi dri ma dang sha ma'i dri ma dang khrag gi dri mas ma gos pa zhig btsas nas/ de bud med de dag gis bkru bar 'dod de rgyan bkrol na de'i rgyan gzhan byung ste/ bkrol te bor yang gzhan byung
93b3 bar gyur nas mas smras pa/rgyan 'di ni 'di yi bsod nams las skyes pa yin gyis/ ma bkrol bar rgyan dang bcas par khrus shig ces byas so/ /de nas bud med de dag gis rgyan dang bcas te bkrus nas mal khri'i steng du bzhag pa dang / de'i mi'i mal khri mi
93b4 snang bar gyur nas lha'i mal khri byung bar gyur to//khang de nyid du yang de'i lha'i khang pa brtsegs pa gdugs dang rgyal mtshan dang ba dan bsgreng ba/ me tog sna tshogs bkram pa spos chus chag chag btab pa byung bar gyur to/ /khang pa brtsegs pa de'i
93b5 nang gi mal khri'i sngas su yang lha'i mchod sdong ril gyis gser las byas pa rin po che sna tshogs kyis spras pa byung ngo //mchod sdong de'i drung nas kyang gter chen po rin po che sna tshogs kyis gang ba kha bye ba bzhi byung ste/ gal te de dag las brgya 'am stong byung du zin kyang /
93b6 de dag 'grib pa'am gang bar yang mi mngon no/ /de nas pha ma gnyis kyis mthong ma thag tu shin tu dga' bar gyur to/ /de nas de'i btsas ston rgyas par byas nas khye'u 'di'i ming ji skad gdags zhes ming 'dogs par byed de/ khye'u 'di btsas pa na khyim 'di rin po
93b7 che sna tshogs kyis mtsho bzhin du gang bar gyur pas na/de'i phyir khye'u 'di'i ming dbyig mtsho zhes gdags so zhes zer ro/ /de nas khye'u dbyig mtsho pang na 'tsho ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma
94a1 ma brgyad la gtad nas de ma ma brgyad kyis 'o ma dang zho dang mar dang zhun mar dang mar gyi nying gu dang bud med rma bya'i mdongs chang pa na thogs pa dang bsrung ba'i srad bu rnams kyis bskyed bsrings te mtsho'i nang gi pad ma bzhin du skye drag par gyur to//de
94a2 gang du 'gro ba der mi ma yin pa rnams kyis de la ras sar pa ma spyad pa tshar tshar ring ba rnams sa la bting bar byed do//me tog sna tshogs kyang sa la 'grems par byed do/ /de nas gang gi tshe de cher skyes pa de'i tshe yi ge dang khong rtsis dang shod dgod pa dang lag rtsis dang dbyung
94a3 ba dang /sba ba dang dgram pa dang gos brtag pa dang nor bu brtag pa dang rin po che brtag pa dang spos brtag pa dang sman brtag pa dang glang po che brtag pa dang rta brtag pa dang go mtshon brtag pa bslabs te/ yi ge mkhas pa dang klog mkhas pa dang mdzangs pa dang bya ba la gsal ba dang
94a4 yid gzhungs pa dang brtag pa rnam pa brgyad la byang bar gyur to//de nas de'i phas dgun dang sos ka dang dbyar gnas pa'i khang pa rnams dang skyed mos tshal rnams byas nas de dag kyang lha rdzas su gyur te/ gdugs dang rgyal mtshan dang / ba dan ni bsgreng / me tog sna
94a5 tshogs ni bkram spos chu'i chag chag ni btab par gyur to//de nas de gang gi tshe 'dod pa la longs spyod par nus par gyur pa de'i tshe/ lha'i bu mo dag byung bar gyur te/ de khang steng du 'dug nas/ bud med 'ba' zhig dang rol mo byed de/ rtse zhing dga' la
94a6 dga' mgur spyod de rang gi bsod nams kyi 'bras bu nyams su myong ngo //de nas de phyi zhig na sangs rgyas la mngon par dga' ba dang chos la mngon par dga' ba dang dge 'dun la mngon par dga' bar gyur nas des bsams pa/ bdag gis lha dang mi'i longs spyod ni yongs
94a7 su longs spyad zin gyis ma la nga ni bdag legs par gsungs pa'i chos 'dul ba la rab tu byung ste/chu bo rnams las yang dag par brgal bar bya ba dang sbyor ba rnams las yang dag par 'da' bar bya ba'i phyir brtson pa dang bsgrub pa dang 'bad par bya gor ma chag snyam du
94b1 bsams nas/sbyin pa dag kyang byin bsod nams dag kyang byas te/ dbul po du ma phyug par byas nas bcom ldan 'das kyi bstan pa la rab tu byung ngo / /de rab tu byung nas de phyogs gang du gnas par dam bcas pa'i phyogs der lha'i mal khri 'byung bar
94b2 'gyur la/de gang dang gang du 'gro ba de dang der mi ma yin pa rnams kyis ras sar pa ma spyad pa tshar tshar ring ba rnams sa la 'ding bar byed do/ /me tog sna tshogs kyang sa la 'grems par byed de/ de de lta bus ngo tsha bar gyur to/ /bcom ldan 'das kyis bka'
94b3 stsal pa/snying thag pa nas de la mi lta ba'i sems skyed cig dang thams cad med par 'gyur ro/ /de nas des thos ma thag tu thams cad la mi lta ba'i sems bskyed nas thams cad med par gyur to/ /de nas des brtson pa dang bsgrub pa dang 'bad pas nyon mongs
94b4 pa thams cad spangs te dgra bcom pa nyid mngon sum du byas te/de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur
94b5 bsil bar gyur pa/rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la rgyab kyis phyogs pa dbang po dang nye dbang dang bcas pa'i lha rnams kyis mchod cing rjed
94b6 pa dang gus par smra ba'i gnas su gyur to//de nas dge slong dag gis sangs rgyas bcom ldan 'das la zhus pa/ btsun pa dbyig mtshos las ci bgyis na las de'i rnam par smin pas phyug cing nor mang la longs spyod che ba'i rigs su skyes te/ gzugs bzang zhing
94b7 blta na sdug la mdzes pa dang rgyan thams cad kyis brgyan te mngal gyi dri ma dang sha ma'i dri ma dang khrag gi dri mas ma gos par btsas la/skyes ma thag tu yang lha'i khang pa brtsegs pa dang lha'i mal khri dang lha'i mchod sdong byung bar gyur la/ de gang dang gang du 'gro ba de
95a1 dang der mi ma lags pa rnams kyis ras sar pa ma spyad pa tshar tshar ring ba dag 'ding bar bgyis pa dang /me tog sna tshogs kyang sa la 'grems par bgyid pa dang / cher skyes pa na yang lha dang mi'i dpal byung bar gyur la/ 'dis bcom ldan
95a2 'das kyang mnyes par bgyis te mi mnyes par ma bgyis nas/bcom ldan 'das kyi bstan pa la rab tu byung ste nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las
95a3 gyur to//btsun pa 'dis smon lam gang du btab lags/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig
95a4 rten mkhyen pa/skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na khyim bdag phyug cing nor mang la longs spyod che ba yongs su 'dzin pa yangs
95a5 shing rgya che ba/rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa de phyi zhig na sangs rgyas la mngon par dga' ba dang chos la mngon par dga' ba dang / dge 'dun la mngon par dga' bar gyur nas/ des phyi zhig na rnam pa thams
95a6 cad yongs su rdzogs pa'i gtsug lag khang brtsigs nas/gtsug lag khang de nyid du bcom ldan 'das 'od srung la sogs pa dge slong gi dge 'dun rnams cho ga dang ldan pa'i khrus dang bshos la spyan drangs nas/ de'i mtshan mo cho ga dang ldan pa'i khrus dang zhal zas
95a7 ro brgya dang ldan pa bshams te/bcom ldan 'das 'od srung la sogs pa dge slong gi dge 'dun la cho ga dang ldan pa'i khrus gsol nas/ bcom ldan 'das 'od srung la sogs pa dge slong gi dge 'dun zhal zas ro brgya dang ldan pas tshim par byas te/ bcom ldan
95b1 'das kyi dbu skra dang sen mo bdag nyid kyis khyer nas gtsug lag khang de nyid du yang dag par rdzogs pa'i sangs rgyas 'od srung gi dbu skra dang sen mo'i mchod rten brtsigs te/las byed pa rnams bsags nas des ring po ma thogs par mchod rten de rnam pa thams
95b2 cad yongs su rdzogs par byas so//de nas des bltas nas mchod rten de bya rnams kyis mi gtsang bar byas pa mthong nas/ des yang mchod rten de nyid dgab pa'i phyir gtsang khang phyur po lan kan dang rta babs dang skar khung khol ma can dang skar khung dra ba can dang / char
95b3 gab kyis brgyan pa gdugs dang rgyal mtshan dang ba dan rnams bsgreng ba zhig byas nas/mchod rten de'i nang gi sa gzhi la yang gzhi bting ste bdug pa dang phye ma dang spos dang me tog dang rol mo'i sgras bkur sti byas nas smon lam btab pa/ kye ma dge ba'i rtsa ba 'dis
95b4 bdag gang dang gang du skye ba de dang der phyug cing nor mang la longs spyod che ba'i rigs su skye bar shog cig /gzugs bzang zhing blta na sdug la mdzes pa dang rgyan thams cad kyis brgyan bzhin du skye bar shog cig /mngal gyi dri ma dang sha ma'i dri ma dang khrag gi dri mas ma gos
95b5 par skye bar shog cig /bdag skyes ma thag tu lha'i mal khri dang lha'i khang pa brtsegs pa dang lha'i mchod sdong ril gyis gser las byas pa rin po che sna tshogs kyis spras pa 'byung bar shog cig /de'i drung nas kyang gter chen po kha phye ba mchod sdong de dang 'brel pa zhig byung
95b6 la/de las gal te brgya 'am stong blangs su zin kyang de dag 'gribs pa'am gang bar yang mi mngon par shog cig /cher skyes pa na yang lha dang mi'i dpal 'byung bar shog cig /yang dag par rdzogs pa'i sangs rgyas 'od srung gis/ bram ze'i khye'u bla ma lung
95b7 bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas
96a1 so//dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni dbyig mtsho 'di nyid yin te/ des yang dag par rdzogs pa'i sangs rgyas 'od srung nyan thos kyi dge 'dun dang bcas pa la bkur sti byas nas/
96a2 dbu skra dang sen mo'i mchod rten brtsigs te/ rnam pa thams cad yongs su rdzogs par byas nas/ smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/ gzugs bzang zhing blta na sdug
96a3 la mdzes pa dang /rgyan thams cad kyis brgyan pa dang / mngal gyi dri ma dang sha ma'i dri ma dang / khrag gi dri mas ma gos par gyur la/ btsas ma thag tu yang lha'i mal khri dang lha'i khang pa brtsegs pa dang lha'i mchod sdong byung bar gyur to/ /cher skyes pa na yang lha
96a4 dang mi'i dpal byung bar gyur te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te mi mnyes par ma byas
96a5 la/nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //dbyig dga' zhes bya ba ni/ bcom ldan 'das yul kA shi'i phyogs su ljongs rgyu zhing gshegs pa las ba rA Na sIr byon te/ de'i tshe bA rA Na sI na
96a6 drang srong smra ba kyi nags na dge slong lnga sde rnams gnas so//de nas dge slong lnga sde rnams kyis thag ring po zhig nas bcom ldan 'das mthong ngo / /mthong nas kyang phan tshun nas 'dus te nang khrims bcas nas 'di skad du/ kye dge sbyong gau ta ma de ni g.yel ba mang du
96a7 sogs pa mang du sogs shing 'tsho ba spong ba las nyams pa ste/de ni da kha zas mang du za zhing 'bras can dang tsang phye za la zhun mar dang til mar gyis lus rnams skud par byed cing chu dron pos lus 'khru bar byed de/ de 'u bu cag gi thad du 'ong gis/ kye gau ta ma stan dag yod kyis
96b1 gal te 'dod pa lta na 'dug cig ces de skad tsam dag smra bar bya'i gus par smra bar mi bya'o//phyag mi bya'o/ /ldang bar mi bya'o/ /langs te stan bstab par mi bya'o zhes zer ro/ /de nas bcom ldan 'das dge slong lnga sde rnams dang ji tsam du nye bar byon pa/ de tsam du
96b2 dge slong lnga sde rnams bcom ldan 'das kyi dpal dang gzi brjid ma bzod nas zhe sa mi bya ba'i thugs ma thub ste/kha cig ni stan las langs nas bcom ldan 'das kyi gdan shom mo/ /kha cig ni zhabs bsil ba'i chu dang zhabs rten phyogs gcig tu 'jog par byed
96b3 do//kha cig ni langs nas chos gos rnams 'dzin par byed de/ 'di skad du kye gau ta ma tshur spyon/ kye gau ta ma khyod gshegs pa legs so/ /kye gau ta ma khyod gdan bshams pa la bzhugs zhes zer ro/ /de nas bcom ldan 'das 'di snyam du dgongs te/ kye ma
96b4 mi blun po 'di rnams ni rang gi nang khrims las nyams so snyam du dgongs nas gdan bshams pa de nyid la bzhugs so//de tsam na dge slong lnga sde rnams bcom ldan 'das la ming gi tshig dang rus kyi tshig dang tshe dang ldan pa zhes bya ba'i tshig 'ba' zhig rjod par byed do/ /de
96b5 nas der bcom ldan 'das kyis dge slong lnga sde rnams la bka' stsal pa/dge slong dag khyed de bzhin gshegs pa la ming gi tshig dang rus kyi tshig dang tshe dang ldan pa zhes bya ba'i tshig 'ba' zhig ma brjod cig /khyed yun ring po nas gnod pa dang mi phan pa dang sdug bsngal bar
96b6 gyur ta re/de ci'i phyir zhe na/ dge slong dag gang la la de bzhin gshegs pa dgra bcom pa yang dag par rdzogs pa'i sangs rgyas la/ ming gi tshig dang rus kyi tshig dang tshe dang ldan pa zhes bya ba'i tshig 'ba' zhig rjod par byed na/ de ni yun ring por de la gnod pa dang mi phan pa
96b7 dang sdug bsngal bar 'gyur ba'i phyir ro//de dag gis smras pa/ gau ta ma khyod kyi spyod lam dang spyod pa dang dka' ba spyod pa snga ma des mi'i chos las lhag pa/ mthar thug pa 'phags pa'i khyad par ye shes sam gzigs pa'am bde bar reg pa la gnas pa yang
97a1 rung ste ci yang ma thob na/da khyed g.yel ba mang du sogs pa mang du sogs shing 'tsho ba spong ba las nyams pa dang / da khyod kha zas mang du za zhing 'bras can dang tsang phye za la zhun mar dang til mar gyis lus rnams skud par byed cing chu dron pos lus 'khru
97a2 bar byed pas lta ga la thob/de nas bcom ldan 'das kyis dge slong lnga sde rnams la bka' stsal pa/ dge slong khyod kyis de bzhin gshegs pa sngon dang da ltar gyi bzhin mdog 'gyur ba dang dbang po rnams mi 'dra bar gyur pa mthong ngam/ de dag gis gsol pa/
97a3 kye gau ta ma mthong lags so/ /bcom ldan 'das kyis bka' stsal pa/ dge slong dag mtha' 'di gnyis ni rab tu byung bas bsten par mi bya bsnyen par mi bya yongs su bsten par mi bya ste/ gnyis gang zhe na 'dod pa rnams kyi 'dod pa'i bsod nyams la sten pa/ ngan pa
97a4 grong mi'i chos phal pa so so'i skye bo'i chos gang yin pa dang /bdag nyid nyon mongs pa la sten pa/ sdug bsngal ba 'phags pa'i chos ma yin pa gnod pa dang ldan pa gang yin pa ste/ mtha' 'di gnyis la mi bsten par mngon par shes par 'gyur ba dang mngon par byang chub par
97a5 'gyur ba dang mya ngan las 'da' bar 'gyur ba'i mig skyed pa dang ye shes skyed pa dang nye bar zhi bar byed pa'i dbu ma'i lam yod de/dbu ma'i lam gang zhe na 'phags pa'i lam yan lag brgyad pa ste 'di lta ste yang dag pa'i lta ba dang yang dag pa'i rtog pa dang yang dag pa'i ngag dang
97a6 yang dag pa'i las kyi mtha' dang yang dag pa'i 'tsho ba dang yang dag pa'i rtsol ba dang yang dag pa'i dran pa dang yang dag pa'i ting nge 'dzin to//de nas bcom ldan 'das kyis dge slong lnga sde rnams brda sprad pa 'dis brda sprod par spyod par gyur te/ snga dro bcom ldan 'das dge slong lnga sde
97a7 gnyis la gdams ngag ston na dge slong gsum grong du bsod snyoms la 'gro ste/gsum gyis khyer te 'ongs pa gang yin pa des drug car 'tsho bar byed do/ /phyi dro bcom ldan 'das dge slong lnga sde gsum la gdams ngag ston na dge slong gnyis grong du bsod snyoms la
97b1 'gro ste/gnyis kyis khyer te 'ongs pa gang yin pa des lnga sde rnams 'tsho bar byed do/ /bcom ldan 'das ni snga nas kyang bshos dus su gsol lo/ /de nas bcom ldan 'das kyis dge slong lnga sde rnams la bka' stsal pa/ dge slong dag sngon ma thos pa'i chos rnams
97b2 la nga tshul bzhin yid la byed pa las/'di ni sdug bsngal 'phags pa'i bden pa'o/ /snyam du mig skyes so/ /ye shes dang rig pa dang blo skyes so/ /dge slong dag sngon ma thos pa'i chos rnams la nga tshul bzhin yid la byed pa las/ 'di ni sdug bsngal kun 'byung
97b3 ba'o//'di ni sdug bsngal 'gog pa'o/ /'di ni sdug bsngal 'gog par 'gyur ba'i lam 'phags pa'i bden pa'o snyam du mig skyes so/ /ye shes dang rig pa dang blo skyes so/ /dge slong dag sngon ma thos pa'i chos rnams la nga tshul bzhin yid la byed pa las/ sdug
97b4 bsngal 'phags pa'i bden pa de ni/mngon par shes pas yongs su shes par bya ba yin no snyam du mig skyes so/ /ye shes dang rig pa dang blo skyes so/ /dge slong dag sngon ma thos pa'i chos rnams la nga tshul bzhin yid la byed pa las/ sdug bsngal kun 'byung ba
97b5 'phags pa'i bden pa de ni mngon par shes pas spang bar bya ba yin no snyam du mig skyes so//ye shes dang rig pa dang blo skyes so/ /dge slong dag sngon ma thos pa'i chos rnams la nga tshul bzhin yid la byed pa las/ sdug bsngal 'gog pa 'phags pa'i bden pa de ni mngon
97b6 par shes pas mngon sum du bya ba yin no//snyam du mig skyes so/ /ye shes dang rig pa dang blo skyes so/ /dge slong dag sngon ma thos pa'i chos rnams la nga tshul bzhin yid la byed pa las/ sdug bsngal 'gog par 'gyur ba'i lam 'phags pa'i bden pa de ni mngon par
97b7 shes pas bsgom par bya ba yin no snyam du mig skyes so//ye shes dang rig pa dang blo skyes so/ /dge slong dag sngon ma thos pa'i chos rnams la nga tshul bzhin yid la byed pa las/ sdug bsngal 'phags pa'i bden pa de ni mngon par shes pas yongs su shes so snyam du mig skyes so/ /
98a1 ye shes dang rig pa dang blo skyes so/ /dge slong dag sngon ma thos pa'i chos rnams la nga tshul bzhin yid la byed pa las/ sdug bsngal kun 'byung ba 'phags pa'i bden pa de ni mngon par shes pas spangs so snyam du mig skyes so/ /ye shes dang rig pa
98a2 dang blo skyes so//dge slong dag sngon ma thos pa'i chos rnams la nga tshul bzhin yid la byed pa las/ sdug bsngal 'gog pa 'phags pa'i bden pa de ni mngon par shes pas mngon sum du byas so snyam du mig skyes so/ /ye shes dang rig pa dang blo skyes so/ /dge slong
98a3 dag sngon ma thos pa'i chos rnams la nga tshul bzhin yid la byed pa las/sdug bsngal 'gog par 'gyur ba'i lam 'phags pa'i bden pa de ni mngon par shes pas bsgoms so snyam du mig skyes so/ /ye shes dang rig pa dang blo skyes so/ /dge slong dag 'phags pa'i bden pa
98a4 bzhi la/de ltar nga'i rabs gsum rnam pa bcu gnyis pa'i mig ma skyes/ ye shes ma skyes/ rig pa ma skyes/ blo ma skyes kyi bar du/ dge slong dag nga lha dang bcas pa dang bdud dang bcas pa dang tshangs pa dang bcas pa'i 'jig rten dang / dge sbyong dang bram ze dang bcas
98a5 pa'i skye dgu dang lha dang mi dang bcas pa'i skye dgu 'di las grol ba dang nges par byung ba dang /mi ldan pa dang rnam par grol ba dang phyin ci log dang bral ba'i sems kyis shas cher gnas par yang ma gyur la/ dge slong dag bdag ni bla na med pa yang dag par rdzogs pa'i byang chub
98a6 mngon par rdzogs par sangs rgyas so snyam du yang ngas ma rtogs so//dge slong dag 'phags pa'i bden pa bzhi la de ltar nga'i rabs gsum rnam pa bcu gnyis pa'i mig skyes/ ye shes dang rig pa dang blo skyes nas/ gdod dge slong dag nga lha dang bcas pa dang bdud dang
98a7 bcas pa dang tshangs pa dang bcas pa'i 'jig rten dang dge sbyong dang bram ze dang bcas pa'i skye dgu dang /lha dang mir bcas pa'i skye dgu 'di las grol ba dang nges par byung ba dang mi ldan pa dang rnam par grol ba dang phyin ci log dang bral ba'i sems kyis shas cher gnas par yang gyur la/
98b1 dge slong dag bdag ni bla na med pa yang dag par rdzogs pa'i byang chub mngon par rdzogs par sangs rgyas so snyam du yang ngas rtogs so/ /chos kyi rnam grangs 'di bshad pa na tshe dang ldan pa kauN+Di n+ya chos rnams la chos kyi mig rdul med cing dri ma dang bral ba skyes so/ /de nas der
98b2 bcom ldan 'das kyis tshe dang ldan pa kauN+Di n+ya la bka' stsal pa/kauN+Di n+ya khyod kyis chos kun shes sam/ bcom ldan 'das kun 'tshal lags so/ /kauN+Di n+ya khyod kyis chos kun shes sam/ kun shes sam/ bde bar gshegs pa kun 'tshal lags so/ /kun 'tshal lags
98b3 so//de nas tshe dang ldan pa kauN+Di n+ya chos kun shes par gyur pas na/ de'i phyir tshe dang ldan pa kauN+Di n+ya'i ming kun shes kauN+Di n+ya zhes bya bar gyur to/ /chos kyi rnam grangs 'di bshad pa na sa la gnas pa'i gnod sbyin rnams sgra rjod cing skad 'byin par byed de/ grogs po dag
98b4 bcom ldan 'das kyis ni ba rA Na sIr drang srong smra ba kyi nags su skye bo mang po la phan pa dang skye bo mang po la bde ba dang 'jig rten la thugs brtse ba dang lha dang mi rnams kyi don dang phan pa dang bde ba'i phyir chos dang 'thun pa/rabs gsum rnam pa bcu gnyis pa'i chos kyi 'khor
98b5 lo 'jig rten du dge sbyong ngam bram ze'am lha'am bdud dam tshangs pa'am gzhan gang su yang rung bas/chos dang ldan par ma bskor ba de bskor gyis lha'i gnas rnams ni mngon par 'phel bar 'gyur ro/ /lha ma yin gyi gnas rnams ni yongs su 'grib par 'gyur ro zhes zer to/ /
98b6 sa la gnas pa'i gnod sbyin rnams kyi sgra thos nas/ bar snang la gnas pa'i gnod sbyin rnams dang rgyal chen bzhi'i ris kyi lha rnams dang sum cu rtsa gsum pa rnams dang 'thab bral ba rnams dang dga' ldan pa rnams dang 'phrul dga' ba rnams dang gzhan 'phrul dbang byed pa rnams kyang sgra
98b7 rjod cing skad 'byin par byed de/skad cig de dang thang cig de dang yud tsam de dang skad cig thang cig yud tsam de la tshangs pa'i 'jig rten du sgra grag go/ /tshangs ris kyi lha rnams kyang sgra rjod cing skad 'byin par byed de/ grogs po dag bcom ldan 'das kyis ni ba rA Na sIr drang srong smra ba
99a1 kyi nags su skye bo mang po la phan pa dang skye bo mang po la bde ba dang 'jig rten la thugs brtse ba dang lha dang mi rnams kyi don dang phan pa dang bde ba'i phyir chos dang 'thun pa/rabs gsum rnam pa bcu gnyis pa'i chos kyi 'khor lo 'jig rten du dge sbyong
99a2 ngam bram ze'am lha'am bdud dam tshangs pa'am gzhan su yang rung bas chos dang ldan par ma bskor ba de bskor gyis/lha'i gnas rnams ni mngon par 'phel bar 'gyur ro/ /lha ma yin gyi gnas rnams ni yongs su 'grib par 'gyur ro zhes zer to/ /bcom ldan 'das kyis ba
99a3 rA Na sIr drang srong smra ba kyi nags su chos dang 'thun pa/rabs gsum rnam pa bcu gnyis pa'i chos kyi 'khor lo bskor bas na/ de'i phyir chos kyi rnam grangs 'di'i ming chos kyi 'khor lo bskor ba zhes bya bar gyur to/ /de nas der yang lan gnyis su bcom ldan 'das
99a4 kyis dge slong lnga sde rnams la bka' stsal pa/dge slong dag bzhi po 'di dag ni 'phags pa'i bden pa yin te/ sdug bsngal 'phags pa'i bden pa dang sdug bsngal kun 'byung ba dang sdug bsngal 'gog pa dang sdug bsngal 'gog par 'gyur ba'i lam 'phags pa'i bden pa'o/ /
99a5 sdug bsngal 'phags pa'i bden pa gang zhe na/ skye ba'i sdug bsngal dang rga ba'i sdug bsngal dang na ba'i sdug bsngal dang 'chi ba'i sdug bsngal dang sdug pa dang bral ba'i sdug bsngal dang mi sdug pa dang phrad pa'i sdug bsngal dang gang 'dod pa btsal te mi rnyed pa de yang sdug bsngal ba
99a6 dang mdor na nye bar len pa'i phung po lnga ni sdug bsngal ba ste/'di ni sdug bsngal 'phags pa'i bden pa zhes bya'o/ /de yongs su shes par bya ba'i phyir 'phags pa'i lam yan lag brgyad pa yang dag pa'i lta ba dang yang dag pa'i rtog pa dang yang dag pa'i ngag dang yang dag
99a7 pa'i las kyi mtha' dang yang dag pa'i 'tsho ba dang yang dag pa'i rtsol ba dang yang dag pa'i dran pa dang brgyad pa ste yang dag pa'i ting nge 'dzin bsgom par bya'o//sdug bsngal kun 'byung ba 'phags pa'i bden pa gang zhe na/ yang srid par skye bar byed pa dang dga' ba dang 'dod chags
99b1 spel mar 'byung ba dang de dang der mngon par dga' ba'i sred pa ste/'di ni sdug bsngal kun 'byung ba 'phags pa'i bden pa zhes bya'o/ /de spang ba'i phyir 'phags pa'i lam yan lag brgyad pa yang dag pa'i lta ba dang yang dag pa'i rtog pa dang yang dag pa'i ngag dang yang dag
99b2 pa'i las kyi mtha' dang yang dag pa'i 'tsho ba dang yang dag pa'i rtsol ba dang yang dag pa'i dran pa dang brgyad pa ste yang dag pa'i ting nge 'dzin bsgom par bya'o//sdug bsngal 'gog pa 'phags pa'i bden pa gang zhe na/ yang srid par skye bar byed pa dang dga' ba dang 'dod chags
99b3 spel mar 'byung ba dang de dang der mngon par dga' ba'i sred pa gang yin pa de nyid ma lus par spangs pa dang bor ba dang bsal ba dang zad pa dang bral ba dang 'gog pa dang nye bar zhi ba dang nub pa ste/'di ni sdug bsngal 'gog pa 'phags pa'i bden pa zhes bya'o/ /de mngon sum du
99b4 bya ba'i phyir 'phags pa'i lam yan lag brgyad pa yang dag pa'i lta ba dang yang dag pa'i rtog pa dang yang dag pa'i ngag dang yang dag pa'i las kyi mtha' dang yang dag pa'i 'tsho ba dang yang dag pa'i rtsol ba dang yang dag pa'i dran pa dang brgyad pa ste yang dag pa'i ting nge 'dzin bsgom par bya'o//
99b5 sdug bsngal 'gog par 'gyur ba'i lam 'phags pa'i bden pa gang zhe na/ 'phags pa'i lam yan lag brgyad pa ste/ 'di lta ste yang dag pa'i lta ba dang yang dag pa'i rtog pa dang yang dag pa'i ngag dang yang dag pa'i las kyi mtha' dang yang dag pa'i 'tsho ba dang yang dag pa'i rtsol
99b6 ba dang yang dag pa'i dran pa dang brgyad pa ste yang dag pa'i ting nge 'dzin te de yang bsgom par bya'o//chos kyi rnam grangs 'di bshad pa na tshe dang ldan pa kun shes kauN+Di n+ya ni/ len pa med par zag pa rnams las sems rnam par grol lo/ /dge slong lnga sde gzhan rnams ni chos rnams
99b7 la chos kyi mig rdul med cing dri ma dang bral ba skyes so//de'i tshe 'jig rten du dgra bcom pa gcig byung ste/ bcom ldan 'das dang gnyis so/ /der bcom ldan 'das kyis dge slong lnga sde gzhan rnams la bka' stsal pa/ dge slong dag gzugs ni bdag ma yin no/ /dge
100a1 slong dag gal te gzugs bdag yin du zin na gzugs gnod pa dang sdug bsngal bar 'gyur bar mi rigs la/gzugs la bdag gi gzugs 'di lta bur gyur cig /'di lta bur ma gyur cig ces bya ba'i dbang yang yod par 'gyur bar rigs na/
100a2 dge slong dag gang gi phyir gzugs bdag ma yin pa de'i phyir/ gzugs gnod pa dang gzugs sdug bsngal bar yang 'gyur la/ gzugs la bdag gi gzugs 'di lta bur gyur cig /'di lta bur ma gyur cig ces bya ba'i dbang yang med do/ /dge slong dag tshor ba dang 'du
100a3 shes dang 'du byed rnams dang rnam par shes pa ni bdag ma yin no//dge slong dag gal te rnam par shes pa bdag yin du zin na/ rnam par shes pa gnod pa dang sdug bsngal bar 'gyur bar mi rigs la/ rnam par shes pa la bdag gi rnam par shes pa 'di lta bur
100a4 gyur cig /'di lta bur ma gyur cig ces bya ba'i dbang yang yod par 'gyur bar rigs na/ dge slong dag gang gi phyir rnam par shes pa bdag ma yin pa de'i phyir/ rnam par shes pa gnod pa dang sdug bsngal bar yang 'gyur la/ rnam par shes pa la bdag gi
100a5 gzugs 'di lta bur gyur cig /'di lta bur ma gyur cig ces bya ba'i dbang yang med do/ /dge slong dag ji snyam du sems gzugs rtag pa yin nam 'on te mi rtag pa yin/ btsun pa de ni mi rtag pa lags so/ /mi rtag pa gang yin pa de sdug bsngal ba yin nam 'on te
100a6 sdug bsngal ba ma yin/btsun pa de ni sdug bsngal ba lags so/ /ci mi rtag pa dang sdug bsngal ba dang 'gyur ba'i chos can gang yin pa de la/ thos pa dang ldan pa'i 'phags pa nyan thos rnams 'di ni bdag gi'o/ /'di ni bdag go/ /'di ni bdag gi bdag go snyam du
100a7 bdag tu 'dzin par byed dam/btsun pa 'dzin par mi bgyid lags so/ /dge slong dag ji snyam du sems/ tshor ba dang 'du shes dang 'du byed rnams dang rnam par shes pa rtag pa yin nam 'on te mi rtag pa yin/ btsun pa de ni mi rtag pa lags so/ /mi rtag pa gang yin
100b1 pa de sdug bsngal ba yin nam 'on te sdug bsngal ba ma yin/btsun pa de ni sdug bsngal ba lags so/ /ci mi rtag pa dang sdug bsngal ba dang rnam par 'gyur ba'i chos can gang yin pa de la thos pa dang ldan pa'i 'phags pa nyan thos rnams 'di ni bdag gi'o/ /'di
100b2 ni bdag go//'di ni bdag gi bdag go snyam du bdag tu 'dzin par byed dam/ btsun pa 'dzin par mi bgyid lags so/ /dge slong dag de bas na gzugs ci yang rung ste/ 'das pa dang ma 'ongs pa dang da ltar byung ba dang nang gi'am phyi rol gyi'am rags pa'am cha phra ba
100b3 'am ngan pa'am bzang po'am thag ring ba'am nye ba de dag thams cad la 'di ni bdag gi ma yin no//'di ni bdag ma yin no/ /'di ni bdag gi bdag ma yin no snyam du de de ltar yang dag pa'i shes rab kyis ji lta ba bzhin du blta bar bya'o/ /dge slong dag tshor ba ci
100b4 yang rung ba dang 'du shes dang 'du byed rnams dang rnam par shes pa ci yang rung ste/'das pa dang ma 'ongs pa dang da ltar byung ba dang nang gi'am phyi rol gyi'am rags pa'am cha phra ba'am ngan pa'am bzang po'am thag ring ba'am nye ba de dag thams cad la 'di ni bdag gi ma yin no/ /
100b5 'di ni bdag ma yin no/ /'di ni bdag gi bdag ma yin no snyam du de de ltar yang dag pa'i shes rab kyis ji lta ba bzhin du blta bar bya'o/ /dge slong dag de bas na thos pa dang ldan pa'i 'phags pa nyan thos kyis ni nye bar len pa'i phung po lnga po 'di dag bdag kyang ma yin/ bdag
100b6 gi yang ma yin par yang dag par mthong ngo //des de ltar yang dag par mthong bas na 'jig rten ci yang mi len to/ /mi len pas na yongs su yi 'chad pa med do/ /yongs su yi 'chad pa med pas na bdag gi skye ba zad do/ /tshangs par spyad pa spyad zin to/ /bya ba byas so/ /
100b7 srid pa 'di las gzhan med do snyam du rang nyid yongs su mya ngan las 'da'o/ /chos kyi rnam grangs 'di bshad pa na dge slong lnga sde po gzhan rnams kyang len pa med par zag pa rnams las sems rnam par grol lo/ /de'i tshe 'jig rten du dgra bcom pa lnga byung ste/ bcom ldan
101a1 'das dang drug go//de nas dge slong dag gis bcom ldan 'das la zhus pa/ btsun pa bcom ldan 'das kyis dge slong lnga sde rnams 'khor ba'i rgya mtsho las bsgral te dbang po dang stobs dang byang chub kyi yan lag rin po che rnams kyi skal shas stsal nas/
101a2 g.yung drung gi mthar thug pa'i grub pa dang bde ba mya ngan las 'das pa la bkod pa la gzigs/ bcom ldan 'das kyis bka' stsal pa/ dge slong dag da ltar 'ba' zhig ma yin te 'das pa'i dus na yang ngas dge slong lnga sde po 'di rnams la bdag gi srog dang bsdos te/
101a3 chu'i rgya mtsho chen po las bsgral nas/ rin thang che ba'i rin po che rnams kyi skal shas ji ltar byin pa de nyon cig /dge slong dag sngon byung ba 'das pa'i dus na ba rA Na sI'i grong khyer na rgyal po tshangs pas byin zhes bya ba rgyal po byed de/ de'i ring la 'byor pa dang rgyas pa dang /
101a4 bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang nad dang mu ge med pa dang 'bras sA lu dang bu ram shing dang ba lang dang ma he dang ldan par 'dug ste/ gnod pa med cing tsher ma dkrugs la bu gcig pa
101a5 sdug pa la bya ba bzhin du chos bzhin du rgyal srid byed do//de'i tshe bA rA Na sI na ded dpon dbyig ces bya ba phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/
101a6 thabs zlar bab pa las chung ma blangs nas/ de de dang lhan cig tu rtse dga' zhing dga' la dga' mgur spyod do/ /de nas phyi zhig na de'i chung ma la bu chags nas de zla ba dgu'am bcu lon pa dang khye'u gzugs bzang zhing blta na sdug la mdzes pa mdog bzang ba/ gser gyi kha dog
101a7 can mgo bo gdugs ltar 'dug pa lag pa ring ba dpral ba'i dbyes che ba sna mtho ba sna legs pa smin ma stug pa zhig btsas te/de'i btsas ston rgyas par byas nas khye'u 'di'i ming ji skad gdags zhes ming 'dogs par byed de/ khye'u 'di dbyig gi bu yin gyis khye'u 'di'i ming dbyig
101b1 dga' zhes gdags so zer ro//de nas khye'u dbyig dga' 'o ma dang zho dang mar dang zhun mar dang mar gyi nying gus bskyed bsrings te mtsho'i nang gi pad ma bzhin du skye drag par gyur to/ /de nas de gang gi tshe cher skyes pa de'i tshe yi ge dang khong rtsis dang shod dgod pa dang /
101b2 lag rtsis dang dbyung ba dang sba ba dang dgram pa dang gos brtag pa dang nor bu brtag pa dang rin po che brtag pa dang spos brtag pa dang sman brtag pa dang glang po che brtag pa dang rta brtag pa dang go mtshon brtag pa bslabs te/ yi ge mkhas pa dang klog mkhas pa dang mdzangs
101b3 pa dang bya ba la gsal ba dang yid gzhungs pa dang brtag pa rnam pa brgyad la byang bar gyur to//khye'u de yang byams pa'i rang bzhin can snying rje dang ldan pa sems can la byams pa sbyin pa la dga' ba zhig ste/ des pha ma la gsol nas dge sbyong dang bram ze dang spyod pa
101b4 pa dang kun tu rgyu dang dman pa dang sdug cing phongs pa rnams la/sbyin pa dag sbyin zhing bsod nams dag bya ba la zhugs so/ /de nas phyi zhig na ded dpon dbyig dga'i pha nad kyis thebs nas/ de rtsa ba dang sdong bu dang lo ma dang me tog dang 'bras bu'i sman rnams kyis rim
101b5 gro byas kyang sos par ma nus te shi nas/de ras sngon po dang ser po dang dmar po dang dkar po rnams kyis brgyan pa'i khyogs la khyer te/ rus bu la rus bu'i mchod pa byas nas yun mi ring ba zhig tu mdun byas pa las mdun bor te 'dug go/ /de nas de'i bu dbyig dga' de
101b6 rgyal po tshangs pas byin gyi ded dpon chen por dbang bskur te de'i nor gyis tshong pa mang po nyo tshong byed do//de yang pha shi nas sbyin pa rgya chen po byed pa la zhugs so/ /de nas phyi zhig na des bsams pa/ nor 'di ni bdag gi phas bsags pa yin te/ bdag gis 'di las sbyin pa
101b7 dag byin zhing bsod nams dag byas na 'di'i phyir bdag la gzhan dag 'phya bar 'gyur te/'di ni gzhan gyis bsags pa'i rdzas rnams kyis sbyin pa dag sbyin zhing bsod nams dag byed de/ 'di la ngo mtshar che ba ci yod ces zer bar 'ong gis ma la bdag nyid kyis nor bsgrubs te/
102a1 rang gi zho shas bsgrubs nas sbyin pa dag sbyin zhing bsod nams dag bya gor ma chag snyam nas des dril bsgrags te/ su ded dpon dbyig dga' dang lhan cig tu sho gam med pa dang / la gcan gyi btsas med pa dang gru btsas med pa dang bsel rngan med
102a2 par rgya mtsho chen por 'gro 'dod pa de dag zong sta gon gyis shig ces byas so//de nas de thos ma thag tu tshong pa lnga brgya 'dus nas de dag gis rnga mo dang ba lang dang bong bu dag gis zong bskyas te/ grong dang grong rdal dang grong khyer dang nags khrod kyi grong dang yul po che rnams
102a3 su rgyus nas rgya mtsho chen po'i 'gram du phyin te/kAr ShA pa Na lnga brgyas gru'i gla byas nas zho shas 'tsho ba rnam pa lnga ste/ 'tsho ba sbyor ba dang nan thur byed pa dang zhal ta byed pa dang 'phyag pa dang drod pa rnams kyang khrid do/ /de la 'tsho ba sbyor ba gang zhe na/ de'i nang du zas
102a4 dang skom sbyor ba gang yin pa'o//nan tur byed pa gang zhe na/ de'i nang du rtsod pa byung ngo cog zhi bar byed pa gang yin pa'o/ /zhal ta byed pa gang zhe na/ de'i nang du nor rdzas kyi zhal ta byed pa gang yin pa'o/ /'phyag pa gang zhe na/ de'i nang du chu 'phyag pa gang yin pa'o/ /
102a5 drod pa gang zhe na/ de'i nang du rgyu skar rnams la lta ba gang yin pa'o/ /de nas tshong pa de dag gis rgya mtsho chen po mthong nas 'jigs te gru'i nang du 'jug mi 'dod par gyur to/ /de nas ded dpon gyis drod pa la smras pa/ kye mi khyod kyis rgya mtsho chen po'i bsngags pa ji lta ba
102a6 bzhin du sgrogs shig /de nas drod pas bsgrags te/ kye 'dzam bu'i gling pa'i tshong pa dag nyon cig /rgya mtsho chen po 'di'i nang na nor bu rin po che rin thang che ba 'di lta ste/ nor bu dang mu tig dang bai dUr+ya dang dung dang nor rdo dang byi ru dang dngul dang gser dang rdo'i snying po dang spug dang /
102a7 pad ma rA ga dang / dung g.yas su 'khyil ba de lta bu dag yod na/ khyed kyi nang nas su rin po che de lta bu dag gis bdag nyid dang pha ma dang bu dang chung ma dang bran pho dang bran mo dang las byed pa dang / zho shas 'tsho ba dang mdza' bo dang blon po dang nye du dang rgan rabs rnams yang dag pa'i
102b1 bde bas tshim par bya ba dang /dus dus su dge sbyong dang bram ze rnams la gyen du 'gro bar 'gyur ba dang / skal ba dang ldan par 'gyur ba dang / rnam par smin pa bde bar 'gyur ba dang / phyi ma la yang mtho ris su skye bar 'gyur ba'i yon dbul bar 'dod pa de ni rgya mtsho
102b2 chen po'i nang du 'gro bar gyis shig ces byas pa dang 'jig rten pa dag ni 'byor pa 'dod pa ste/skye bo phal po che gru'i nang du zhugs nas gru des mi theg par gyur te/ ded dpon des bsams pa da ni phyir phyung shig ces kyang ji skad bya snyam nas des drod pa la smras pa/ kye mi khyod
102b3 kyis rgya mtsho chen po'i bsngags pa ma yin pa ji lta ba bzhin du sgrogs shig /de nas drod pas bsgrags te/ kye 'dzam bu'i gling pa'i tshong pa dag nyon cig /rgya mtsho chen po 'di'i nang na shin tu 'jigs pa chen po 'di lta bu dag yod de/ 'di lta ste/ nya'i 'jigs pa dang / nya mid
102b4 kyi 'jigs pa dang /nya mid mid kyi 'jigs pa dang / rlabs kyi 'jigs pa dang / klong gi 'jigs pa dang / chu srin kum b+hi ra'i 'jigs pa dang / chu srin shi shu mA ra'i 'jigs pa dang / chu'i nang gi ri rnams la thug pa'i 'jigs pa dang / rlung nag po'i 'jigs pa dang /
102b5 der chom rkun gos sngon po dang / nag po gyon la nor phrog cing 'ong ste/ de dag gis khyed gtan du srog dang bral bar byed pa dag kyang yod na/ khyed kyi nang na su bdag nyid phangs pa dang / pha ma gnyis dang / bu dang / chung ma dang / bran pho dang / bran mo dang / las byed pa dang /
102b6 zho shas 'tsho ba dang / mdza' bo dang / blon po dang / nye du dang / rgan rabs rnams 'dor phod pa de ni/ rgya mtsho chen po'i nang du 'gro bar gyis shig /ces byas pa dang dpa' bo ni nyung sdar ma ni mang ste/ skye bo phal po che phyir 'thon nas gru des theg par gyur to/ /de nas drod pas
102b7 lan gsum gyi bar du sgra bsgrags te/de'i 'og tu nyag thag gcig bkrol lo/ /de nas nyag thag gnyis dang gsum yang bkrol lo/ /de nas gru de drod pa chen pos ni bsdams rlung mthu chen pos ni khyer nas sprin chen po bzhin du chas te/ rlung drang por 'gro bas rin po che'i gling du
103a1 phyin par byas so//de nas drod pas sgra bsgrags pa/ kye 'dzam bu'i gling pa'i tshong pa rnams rin po che'i gling 'di na mching bu nor bu rin po che 'dra ba dag yod de/ de dag khyed kyis brtag cing brtag cing blang bar gyis shig /khyed 'dzam bu'i gling du son
103a2 pa'i 'og tu 'gyod par gyur ta re/rin po che'i gling 'di nyid na srin mo khrung khrung gzhon nu ma zhes bya ba dag kyang gnas te/ thabs ji lta bus kyang skyes pa brid nas 'di nyid du ma rungs par byed cing sdug bsngal bar byed do/ /rin po che'i gling 'di nyid na myos par byed pa'i shing tog
103a3 dag yod de/de dag sus zos pa de zhag bdun gyi bar du brgyal te 'dug par 'gyur gyis de dag khyed ma za zhig /rin po che'i gling 'di nyid na mi ma yin pa dag kyang gnas te/ de dag ni gzhan zhag bdun gyi bar du 'dug par ni bzod kyi/ zhag bdun las 'das nas don gang
103a4 bsgrubs pa de dag ma zin par rlung gang gis gru khyer bar byed pa de lta bu'i rlung gtong bar byed do zhes bsgo nas/de thos pas tshong pa rnams kyis bsgrims te bag yod par 'dug nas/ de dag gis rin po che rnams brtag cing brtag cing gru de bkang ste/ dper na/ til dang / 'bras
103a5 dang /ba da ra'i 'bras bu dang rgya sran gyis gang ba bzhin du byas te/ de dag rlung drang pos 'dzam bu'i gling du phyin par byas so/ /des thabs de lta bur rgya mtsho'i gru'i don lan drug gi bar du bsgrubs te/ ba rA Na sIr 'ongs nas sbyin pa dag sbyin pa dang bsod nams dag byed pa la
103a6 zhugs so//de'i tshe de ma yin pa'i grong khyer lnga na ded dpon lnga gnas te/ de dag ni song ste bor yang gru rnams ma rungs par gyur nas de dag gis bsams pa/ sems can bsod nams kyis che bar grags pa gcig gi mthus sems can mang po bde bar 'gyur la/ ded
103a7 dpon chen po dbyig dga' de ni/bsod nams kyis che bar grags pa yin te/ des rgya mtsho'i gru'i don lan drug gi bar du bsgrubs kyis/ gal te bdag cag gis de spro ba bskyed par nus na ni/ de'i mthus bdag cag gis nor bsgrub par nus par 'gyur ro snyam ste/
103b1 lhan cig tu 'dus nas bA rA Na sIr song ste ded dpon dbyig dga'i thad du song nas smras pa/ ded dpon bdag cag song ste bor yang nor gyi gru rnams ma rungs par gyur te/ khyod ni bsod nams kyis che bar grags pa lags kyis/ bdag cag la thugs brtse ba'i slad
103b2 du/rgya mtsho chen po'i nang du bzhud dang khyod kyi mthus bdag cag gis nor bsgrub nus par 'gyur ro/ /des smras pa/ kye rgya mtsho chen po'i chos kyis ni/ gru bdun pa ma rungs par 'gyur te/ sngan chad gang gis kyang rgya mtsho'i gru'i don lan bdun grub pa su yang med do/ /
103b3 'on kyang khyed kyis bsams pa yongs su bskang bar bya ste/ khyed kho na la snying brtse ba'i phyir/ lan bdun du rgya mtsho'i nang du 'gro bar bya'o zhes smras nas/ ded dpon chen po dbyig dgas ded dpon lnga po de dag khrid de rgya mtsho chen po'i nang du song ba las de rin po che'i
103b4 gling du phyin nas rin po che bsdus te yang 'dzam bu'i gling logs su gru btang ngo //de nas ded dpon chen po dbyig dga' rgya mtsho chen po'i nang na 'dug bzhin du 'di snyam du sems te/ bdag cag rgya mtsho chen po'i nang na 'khod pa rnams nye zho med pa dang bde blag tu pha rol tu
103b5 son par 'gyur du mngon pa med kyis/ma la bdag gis rin po che rin thang chen po rnams kyis sgye'u bkang ste/ rked pa la bcing bar bya'o snyam nas/ des rin po che rin thang chen po rnams kyis sgye'u bkang ste/ rked pa la bcings nas tshong pa de dag la smras pa/ kye gal te
103b6 brgya la gru ma rungs par gyur na/khyed nga'i lus la 'jus shig /de nas phyi zhig na chu'i nang na 'dug pa'i ris de dag gi gru bshig nas/ ded dpon lnga po de dag ded dpon dbyig dga'i lus la 'jus so/ /de nas ded dpon dbyig dgas bsams pa/ bdag gson por
103b7 'dug bzhin du ni 'di rnams rgya mtsho chen po las bsgral bar mi nus la/rgya mtsho chen po ni shi ba'i ro dang lhan cig gnas pa mi srid cing skabs med de/ de ni gnas ma yin pas na/ bdag shi ba dang / rgya mtsho chen po las myur du rgal bar 'gyur ro snyam nas/ ded dpon
104a1 rnams la smras pa/kye khyed rnams brtan zhing spro ba cher skyed cig dang / ngas khyed ci nas kyang nye zho med par bde blag tu rgya mtsho chen po las brgal bar bya'o/ /brgal zin nas kyang nga'i lus ma dor bar ngas rin po che rin thang chen po rnams kyis
104a2 sgye'u bkang ste/rked pa la bcings pa de khyed kyis bgo bsha' gyis la khyer cig dang / des khyed kyi gnyi ga'i phyogs kyi bdun rgyud 'tsho bar 'gyur ro zhes smras pa dang / des bla na med pa yang dag par rdzogs pa'i byang chub tu smon lam btab pa/ kye ma dge ba'i rtsa ba 'dis na
104a3 bdag 'jig rten long ba 'dren pa med cing yongs su 'dren pa med pa dang ston pa med par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur
104a4 ba/bla na med pa/ lha dang mi rnams kyi ston pa/ sangs rgyas bcom ldan 'das su gyur cig ces byas so/ /bla na med pa yang dag par rdzogs pa'i byang chub tu smon lam btab nas/ mtshon rnon po blangs te mgul pa bcad do/ /rgya mtsho chen po ni shi ba'i ro dang lhan
104a5 cig gnas mi srid cing skabs med de/'di ni gnas ma yin pas na/ de klu gtsang sbra la dga' ba rnams kyis 'gram du phul nas thang la bor ro/ /de nas de dag gis de'i ro las rin po che de dag bkrol te bgo bsha' byas nas/ de'i rus bu la mchod pa byas te dong ngo / /
104a6 dge slong dag ji snyam du sems/ de'i tshe ded dpon dbyig dga' zhes bya ba/ byang chub sems dpa'i spyod pa la gnas par gyur pa gang yin pa de ni nga yin no/ /de'i tshe ded dpon lnga por gyur pa gang yin pa de dag ni dge slong lnga sde po 'di rnams yin te/ de'i tshe na yang 'di
104a7 rnams ngas rang gi srog dang bsdos te/chu'i rgya mtsho las bsgral nas/ rin po che rin thang chen po dag gi skal shas byin te/ nye zho med cing bde ba'i gnas su bkod la/ da ltar yang ngas 'di rnams 'khor ba'i rgya mtsho las bsgral te/ dbang po dang stobs dang byang chub kyi
104b1 yan lag rin po che'i skal shas byin nas/g.yung drung gi mthar thug pa'i grub pa dang / bde ba mya ngan las 'das pa la bkod do// //las brgya tham pa/ bam po dgu pa/ dom gnyis zhes bya ba de la dom dang po ni/ gleng gzhi rgyal po'i khab na
104b2 bzhugs te/bcom ldan 'das yul ga yAr gshegs pa na/ cham pas btab nas sman pa'i rgyal po 'tsho byed kyis lcags mda' zhes bya ba'i sman mar phan zhes gsol nas/ de nyid kyis sman mar bskol te/ bcom ldan 'das la sman mar gsol to/ /de nas de las
104b3 lhag par gyur nas 'tsho byed kyis gsol pa/btsun pa chab mar gyi lhag ma bdag gis su la stsal bar 'tshal/ de nas der bcom ldan 'das kyis 'tsho byed la bka' stsal pa/ 'tsho byed dge 'dun la brims la su 'dod pa la byin cig /de nas bcom ldan 'das kyis bka'
104b4 stsal pa bzhin 'tshal lo zhes gsol nas/'tsho byed kyis mar gyi lhag ma de dge 'dun la brims nas/ der dge slong rnams kyis gcig gis kyang ma blangs te/ lhas byin gyis mthong nas smras pa 'tsho byed de ci/ 'tsho byed kyis smras pa/ bcom ldan 'das kyis
104b5 lcags mda' zhes bya ba'i sman mar gsol ba de'i lhag ma 'di/dge slong rnams la brims na sus kyang ma blangs so/ /lhas byin gyis smras pa/ ngas blang gis dge sbyong gau ta mas ji tsam 'thungs pa de tsam byin cig /'tsho byed kyis smras pa/ lhas byin bcom ldan
104b6 'das ni sku yang che la nyam stobs kyang che'o//khyod kyis ni de snyed 'ju bar mi nus so/ /des smras pa/ dge sbyong gau ta mas zhu na ngas ci'i phyir mi zhu zhes smras nas/ lhas byin gyis 'tsho byed kyi tshig de ma mnyan nas/ bcom ldan 'das kyis ji tsam gsol ba de tsam
104b7 zhig des kyang 'thungs so//de nas der bcom ldan 'das kyis phyi de nyin 'bras thug sla ba'i cho ga mdzad de bshos gsol to/ /de nas lhas byin gyis 'bras thug sla ba'i cho ga mdzad de/ bshos gsol to zhes thos nas 'tsho byed la smras pa/ 'tsho byed bdag gis kyang
105a1 'bras thug sla ba'i cho ga bya'o//de nas 'tsho byed kyis de'i bzhin mdog bltas nas smras pa/ lhas byin khyod kyis mar nyid kyang ma zhu na 'bras thug sla ba'i cho ga ji ltar bya/ des smras pa/ dge sbyong gau ta mas zhu na ngas ci'i phyir mi zhu zhes de skad
105a2 smras te/des kyang 'bras thug sla ba'i cho ga byas nas/ des 'thungs ma thag tu lto nad kyis btab ste/ de nad mi bzod nas sa la 'gre ldog par byed do/ /'jig rten na ni mdza' bo dang dgra bo dang bar ma yod de/ kha cig ni dong nas tshe dang ldan pa kun dga' bo la sbran pa/
105a3 btsun pa kun dga' bo lhas byin ni lto nad kyis shi la thug go zhes byas so/ /de nas tshe dang ldan pa kun dga' bos de thos nas spun la gdung bas mi dga' bar gyur te/ bcom ldan 'das kyi thad du song nas gsol pa/ btsun pa lhas byin ni lto nad kyis gum la thug na/ bcom
105a4 ldan 'das kyis de'i skyabs mdzad par gsol/de nas bcom ldan 'das kyis de gsan ma thag tu snying rje chen pos zin nas/ lhas byin ga la ba der gshegs te/ byon nas lhas byin gyi mgo bo la phyag bzhag ste bka' stsal pa/ lhas byin bden pa dang bden pa'i tshig gang
105a5 gis gshed ma'i mi khyod dang /sgra gcan zin thal mo sbyor ba gnyis la nga'i sems snyoms na/ bden pa dang bden pa'i tshig des khyod nad med par gyur cig /de nas de skad ces bka' stsal pa'i mod la lhas byin bde bar gyur to/ /de nas dge slong rnams kyis de la smras
105a6 pa/lhas byin bcom ldan 'das ni khyod la dka' ba mdzad pa dang srog phangs pa sbyin pa yin no/ /des smras pa de la ngo mtshar che ba ci yod de/ gal te 'dis sman dpyad ma bslabs su zin na/ 'di ji ltar tshogs 'di snyed 'chos nus zhes de skad ces smras nas/ de bcom ldan
105a7 'das dgrongs pa'i thabs 'ba' zhig shom mo//de nas dge slong rnams kyis tshor nas/ bcom ldan 'das la gsol pa/ btsun pa bcom ldan 'das kyis lhas byin gyi skyabs mdzad na/ kho ni bcom ldan 'das dgrongs pa 'ba' zhig gi slad du 'bad cing / dgrongs pa
105b1 'ba' zhig gi thabs shom pa la gzigs/btsun pa lhas byin ni byas pa mi shes pa dang byas pa mi gzo ba dang / byas pa chud gzon pa lags so/ /bcom ldan 'das kyis bka' stsal pa/ da ltar 'ba' zhig ma yin te 'das pa'i dus na yang 'dis ji ltar byas pa mi
105b2 shes pa dang /byas pa mi gzo ba dang / byas pa chud gzon par gyur pa de nyon cig /dge slong dag sngon byung ba 'das pa'i dus na ri khrod kyi grong zhig na/ mi dbul po zhig gnas pa de rtswa dang shing dag 'tshong zhing 'tsho bar byed pa las/ de phyi zhig na de ri la shing brngar song ba dang /
105b3 de ri la song ba'i bar du kha ba bab nas/ de lhags pas nyen cing yul ngan gyis sbrebs pas brag phug chen po zhig gi nang du song ba dang / de'i tshe byang chub sems dpa' dom du skyes par gyur te/ byang chub sems dpa' rnams ni lus kyis log par ltung bar 'gyur du zin kyang
105b4 sems kyis log par ltung bar mi 'gyur te/de yang bdag nyid che ba byams pa'i rang bzhin can snying rje dang ldan pa/ sems can la mnyes gshin pa mi 'tshe ba'i bsam pa dang ldan pa zhig go/ /de su la yang 'tshe bar mi 'dod pas rtsa ba dang 'bras bus 'tsho bar byed de/ des
105b5 phug der rtsa ba dang 'bras bu bsags nas lhags pas nyen pa'i tshe/de'i nang du zhugs te gnas pa de mi phug tu song ba des mthong nas/ mthong ma thag tu 'jigs pa chen po skyes te/ bdag ni 'di'i lag tu shi zin to/ /bdag ni 'di'i lag nas 'bros mi nus so snyam mo/ /de nas de
105b6 byang chub sems dpas mthong nas/mi 'di ni lhags pas kyang nyen la skrag cing yang 'dug go snyam du rig nas/ des de la snying brtse ba'i phyir mi skad du smras te/ grogs po ma 'jigs shig /khyod nga la 'jigs mi dgos so zhes smras nas/ byang chub sems dpas mi de rang gi
105b7 lus kyis bskyabs te/rtsa ba dang 'bras bu dag bstabs so/ /de ltar zhag bdun gyi bar du mi de de bzhin du rang gi lus kyis bskyabs te/ rtsa ba dang 'bras bu dag gis yongs su bskyangs nas/ zhag bdun lon te yul ngan med par gyur pa'i 'og tu/ byang chub sems
106a1 dpas bsgo ba/kye mi khyod khyim du song la nga la dgra mang du yod pas sha'i phyir bsad du 'ong gis nga 'di na 'dug ces su la yang ma zer cig ces byas nas/ byang chub sems dpas mi de phyir btang ngo / /de nas mi de shing khur khyer te ri khrod kyi grong logs su chas
106a2 so//ri khrod kyi grong de nas kyang rngon pa gnyis shor du 'gro bar chas nas/ de gnyis kyis shing khur khyer te 'ong ba'i mi de mthong nas/ de gnyis kyis bsam pa mi 'di ri khrod 'di nas zhag bdun lon pa'i 'og tu phyir 'ongs nas/ 'di zhag bdun gyi bar du gang na ci za
106a3 za zhig gu snyam nas de gnyis kyis mi de la dris so//des kyang de gnyis la gtam de rgyas par bsnyad do/ /de nas de thos ma thag tu de gnyis kyis mi de la smras pa/ kye mi khyod tshur la shog la dom ga la 'dug pa bdag cag gnyis la ston cig dang bdag cag gnyis kyis
106a4 dom de bsad la khyod la yang dom sha'i skal shas sbyin no//de nas mi des bsams pa ma la dom des zhag bdun gyi bar du bdag yongs su bskyangs mod kyi/ des nga la ci byar yang med la bdag gi khyim na yang bza' ba med kyis/ bdag gis bstan pa dang / des bdag gi
106a5 khyim mi rnams kyis zhag mang du bzar yod par 'gyur ro snyam nas/des mi de gnyis la smras pa/ kye mi khyed gnyis la ngas dom ga la 'dug pa de bstan to zhes byas nas/ de phug na 'dug pa kho na rngon pa de gnyis la bstan nas/ de gnyis kyis dom de dug mdas bsnun te/
106a6 byang chub sems dpa' 'chi ka'i na tshas thebs nas/ de shi la thug pa na tshigs su bcad pa smras pa/ ri sul stug por gnas pa na/ /bdag gis su yi ci zhig phrogs/ /rtswa dang rtsa ba 'bras bu za/ /su la'ang 'tshe bar mi byed na/ /'chi ba'i dus la bab zin gyis/ /da ni
106a7 bdag gis ci byar med//lus can rnams kyi skyid sdug ni/ /las rnams la ni brten par bya/ /de nas de mi de gnyis kyis bsad nas pags pa bshus te/ sha de dag cha gsum du bgos nas mi de la smras pa/ kye mi khyod rang gi skal ba khyer cig /de nas de thos ma thag tu mi des
106b1 lag pa gnyis brkyang ste blang zhes byas pa dang /de'i lag pa gnyis sa la lhung ngo / /de nas de mthong ma thag tu rngon pa de gnyis kyis mi de la smras pa/ kye de ci des smras pa/ 'dis nga zhag bdun gyi bar du rlung dang yul ngan byung ba'i tshe rang gi lus kyis bskyabs te/ rtsa ba dang 'bras bu dag gis
106b2 yongs su bskyangs pa las de la bdag gis byas pa mi gzo ba byas pa des na bdag la 'bras bu 'di 'ongs so zhes byas so//de nas de thos ma thag tu rngon pa de gnyis mi dga' ba chen po skyes te/ de gnyis mi dga' bar gyur nas bsams pa/ 'di ni sems can ngan ngon ma yin te/
106b3 bdag cag gnyis kyis de lta bu'i sha byams pas yongs su bsgos pa dag bza' bar mi nus te/ 'di dag ni mchod pa'i 'os yin no snyam mo/ /de'i tshe 'jig rten du sangs rgyas byung bas brgyan te/ de gnyis kyis sha de dag khyer te gtsug lag khang du song ngo / /gtsug lag
106b4 khang du song nas kyang dge 'dun la phul lo//de nas sha de dag dgra bcom pa zhig gis mthong nas des bsams pa/ sha 'di dag ni bskal pa bzang po'i byang chub sems dpa' byams pas yongs su bsgos pa yin no snyam nas dge slong rnams la smras pa/ tshe dang ldan pa
106b5 dag sha 'di dag ni bskal pa bzang po'i byang chub sems dpa' byams pas yongs su bsgos pa yin te/mchod pa'i 'os yin gyis 'di dag la bdag cag gis mchod par bya'o zhes byas nas/ tshigs su bcad de smras pa/ skal ba chen po 'di/ /byang chub sems dpa'
106b6 gnya' shing 'dzin//snying rje che dang ldan pa ste/ /'jig rten gsum na mchod gnas yin/ /de skad ces smras nas/ dgra bcom pa de dang / dge slong de rnams dang rngon pa'i mi de gnyis kyis sha de dag bsregs nas/ sku gdung gi mchod rten byas te mchod pa chen po byas nas
106b7 dong ngo //dge slong dag ji snyam du sems/ de'i tshe dom du gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe mir gyur pa gang yin pa de ni lhas byin 'di nyid yin te/ 'di ni de'i tshe yang byas pa mi shes pa dang byas pa mi gzo ba dang byas pa chud
107a1 gzon par gyur to// //dom gcig ni/ gleng gzhi de nyid dang 'dra ba las/ bcom ldan 'das la dge slong dag gis gsol pa/ btsun pa lhas byin ni byas pa mi shes pa dang byas pa mi gzo ba dang / byas pa chud gzon pa lags so/ /
107a2 bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ji ltar byas pa mi shes pa dang / byas pa mi gzo ba dang / byas pa chud gzon par gyur pa de nyon cig /dge slong dag sngon byung ba 'das pa'i dus na/ ri khrod kyi grong zhig
107a3 na mi dbul po zhig gnas pa de/rtswa dang shing dag 'tshong zhing 'tsho bar byed pa las/ de phyi zhig na nags kyi nang du shing brngar song ba dang seng ges gtses nas/ de 'jigs shing skrag ste shing la 'dzegs pa dang / dom zhig kyang seng ge des 'jigs nas sngar shing de la
107a4 'dzegs te 'dug go//de nas mi des de mthong nas 'jigs pa chen po skyes te/ bdag ni seng ge'i 'jigs pa las thar kyang 'dis bdag sdug bsngal bar byed par 'gyur ro snyam mo/ /dom de yang bskal pa bzang po'i byang chub sems dpa' yin te/ byang chub sems
107a5 dpa' rnams ni lus kyis log par ltung du zin kyang sems kyis log par ltung bar mi 'gyur te/byang chub sems dpas de mthong nas mi 'di ni 'jigs shing skrag par gyur to snyam du rig nas de nyid la snying brtse ba'i phyir mi skad du smras te bsgo ba/ grogs po ma 'jigs shig /
107a6 khyod nga la 'jigs mi dgos so zhes smras nas/ byang chub sems dpas lag pa brkyang ste mi de yang drangs nas rang gi lus kyis bskyabs te bzhag nas/ byang chub sems dpa' des de la smras pa/ khyod shes par gyis shig /seng ge 'di ni bdag cag la gsod pa dang
107a7 rgol ba dang dgra yin gyis/khyod kyis kyang nga nyal ba'i tshe srungs shig /ngas kyang khyod nyal ba'i tshe bsrung bar bya'o/ /de ltar bdag cag gnyis gcig gis gcig srungs dang / bde ba la reg par gnas par 'gyur ro/ /de nas mi des kyang de ltar bya'o zhes smras nas/
107b1 mi de byang chub sems dpa'i pang du sngas bcas te nyal lo/ /de nas de nyal ba na kyi rgyal po seng ges byang chub sems dpa' la smras pa/ mi rnams ni byas pa mi gzo ba yin gyis mi 'o ni 'or cig dang / ngas 'o ni zos nas 'gro'o/ /nga song nas khyod kyang
107b2 gar dga' bar 'gror yod do//byang chub sems dpas smras pa/ bdag ni skyabs su 'ongs pa gtong mi phod de/ bdag ni rang gi srog 'dor nus kyi skyabs su 'ongs pa ni 'dor mi nus so/ /de nas de'i skabs su mi de sad nas/ byang chub sems dpas smras pa/
107b3 kye mi khyod nyal ba na ngas bsrungs kyis khyod kyis kyang nga nyal ba na srungs shig ces byas nas/ byang chub sems dpas mi de'i pang du sngas bcas te nyal lo/ /byang chub sems dpa' nyal ba na/ mi de la seng ges smras pa/ kye mi khyod kyis dom 'o ni 'or cig dang ngas 'o
107b4 ni zos nas 'gro'o//nga song nas khyod kyang gar dga' bar 'gror yod do/ /de ltar ma byas na nga song ba'i 'og tu 'o nis khyod gsod par 'ong ngo / /de nas mi des bsams pa seng ge 'di zer ba ni bden no snyam nas/ 'jig rten pha rol btang ba/ snying la snying rje med pa
107b5 des/dom de shing de las phul nas de shing de las lhung bzhin du tshigs su bcad de smras pa/ kyi hud 'jig rten 'di dag na/ /chos min 'dis ni shin tu 'jigs/ /sdig to'i mi rnams nang dag na/ /bsen la gnod pa byed pa'ang yod/ /de nas de lhung ma thag tu
107b6 kyi rgyal po seng ges bsad de/des de zos nas phyogs de nas song ngo / /de nas mi des tshigs su bcad pa de thos nas/ 'gyod pa chen po skyes te bdag ci dang ci byed byed bdag nyal ba'i tshe des legs par rim gro byas te/ srog bskyabs na bdag gis de la chu gang bor
107b7 gyis med do zhes zer te/smyo bla zhing phan tshun 'khyams te/ kyi hud 'jig rten 'di dag na/ /chos min 'dis ni shin tu 'jigs/ /sdig to'i mi rnams nang dag na/ /bsen la gnod pa byed pa'ang yod/ /ces zer ro/ /de nas mi de'i phu nu rnams kyis sman pa la
108a1 bstan te/'di ji ltar gyur ces byas nas/ sman pa na re 'di ni 'byung pos sems 'khrugs par byas pa ma yin te/ 'di ni bdag gis gso mi nus so zhes zer ro/ /de nas ri khrod kyi grong de dang / thag mi ring ba dben sa zhig na drang srong mngon par
108a2 shes pa dang ldan pa rdzu 'phrul che zhing mthu che ba zhig gnas te/mi de'i phu nu bo rnams kyis drang srong de'i thad du khrid de/ bstan nas 'di ci zhig gi mthus smyos par gyur ces byas pa dang / drang srong des de'i phu nu bo rnams la gtam de rgyas par bsnyad de/ chu gang bor ba
108a3 des na 'di smyos par gyur to zhes byas nas/drang srong des ci nas mi des sems kyi rang bzhin tha mal par 'gyur ba de lta bu'i chos mi de la bstan te/ de'i tshe drang srong des mi de la smras pa/ kye mi khyod kyis chu gang bor te/ sems can de lta bu la de lta bus byas
108a4 pa ni ma legs pa byas so zhes smras nas/drang srong des mi de la rgya gang tshigs su bcad de smras pa/ 'dug pa dang ni nyal ba dang / /'greng ba dang ni 'gro yang rung / /gnas skabs gang du bab pa na/ /bsen 'khus bde ba thob mi 'gyur/ /de ni rbab tu lhung bzhin du/ /
108a5 snying rje ba yi tshig smras pa/ /des na blo ngan khyod bsregs te/ /khan da ba yi tshal bzhin 'bar/ /bde min sdug bsngal reg pa yi/ /rab 'jigs las ni byas pas na/ /de phyir 'jig rten pha rol tu/ /na tsha khyod kyis myong bar 'gyur/ /khyod ni ngu 'bod rab 'jigs
108a6 par//kyi hud zer zhing cho nges 'debs/ /de tshe sdug bsngal chen po ni/ /ngan pa thams cad myong bar 'gyur/ /sdig pa'i las ni mi bzad pa/ /khyod la de yis ci zhig byas/ /sdig to'i mi rnams nang dag na/ /bsen la gnod pa byed pa'ang yod/ /chos dang
108a7 mi 'thun 'jigs pa yi//sdig la khyod kyis sems gnas te/ /khyod kyis sdig pa ci byas pa/ /dom dang seng ge dran par gyis/ /blo ngan khyod ni bsen rnams la/ /ji ltar bya ba mi shes te/ /gsod pa gsod dang phrad par 'gyur/ /'khon pa 'khon dang phrad par
108b1 'gyur//'jigs chen seng ge phrad pa na/ /ring du khyod kyi rim gro byas/ /khyod ni rbab tu lhung las bsrungs/ /de ni khyod kyis yod ma bsrungs/ /bsen 'khu 'ching ba'i mchog yin zhes/ /chos smra rnams ni de skad ston/ /blo rul khyod ni shi ba na/ /dmyal ba
108b2 rnams su skye bar 'gyur//tshigs su bcad pa 'di rnams kyi sdom ni/ kyi 'dug de bde khyod sdig chos blo 'jigs bsen/ de nas mi des drang srong gi rgya gang des thos nas skyo ba skyes te/ de drang srong de nyid kyi thad du rab tu byung ngo / /dge slong dag ji snyam du sems/
108b3 de'i tshe dom du gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe mir gyur pa gang yin pa de ni lhas byin 'di nyid yin te/ de'i tshe yang 'di byas pa mi shes pa dang byas pa mi gzo ba dang byas pa chud gzon par 'gyur ro// //sgur chung
108b4 zhes bya ba ni/gleng gzhi mnyan du yod pa na bzhugs te/ de'i tshe mnyan du yod pa na bram ze dbul po 'tsho ba phongs pa slongs mo'i zas kyis 'tsho ba zhig gnas pa las phyi zhig na de'i chung ma la bu chags nas/ de ma'i ltor zhugs phyin cad bram ze de lhag par yang slongs mo
108b5 yang cher yang mi rnyed par gyur to//de nas de zla ba dgu'am bcu lon pa dang khye'u mdog ngan pa dang byad ngan po rid cing sbeg la sgur ba zhig btsas te/ de'i btsas ston ci 'byor tsam zhig byas nas/ khye'u 'di'i ming ji skad gdags zhes ming 'dogs par byed de/ khye'u 'di chung
108b6 la sgur bas na de'i phyir 'di'i ming sgur chung zhes gdags so zer ro//de nas 'o ma dang zho dang mar dang zhun mar dang mar gyi nying gus bskyed bsrings te/ de nas phyi zhig na sems can de'i sngon gyi las kyi rnam par smin pas ma'i nu zho skams so/ /de nas de'i mas de ba dang ma
108b7 he'i 'o mas gsos pa dang de yang legs par mi 'byor to//srid pa tha ma pa'i sems can bar ma dor 'chi ba ni gnas med cing skabs med de/ de'i ba dang ma he'i 'o ma res 'ga' ni 'byor res 'ga' ni mi 'byor nas de ngan ngon zhig gsos te/ cher skyes pa dang phas de la smras pa/
109a1 bu bdag cag ni slongs mos 'tsho ba kho nar zad de/ zhing rmo ba yang med tshong bya ba yang med kyis slongs mo la song la slongs mo'i zas kyis 'tsho bar gyis shig ces byas so/ /de nas bka' bzhin 'tshal zhes byas nas khye'u de slongs mo la zhugs nas/ des
109a2 yun ring du bskor kyang srog gzungs cung zad tsam las mi rnyed do//de nas phyi zhig na khye'u de bcom ldan 'das kyi bstan pa la dad pa rnyed de dge slong zhig gi thad du song nas smras pa/ btsun pa bdag bcom ldan 'das kyi bstan pa la rab tu 'byung ba dang bsnyen par rdzogs shing
109a3 dge slong gi dngos po 'thob tu rung na/bdag kyang bcom ldan 'das kyi thad du tshangs par spyod pa spyad par 'tshal lo/ /dge slong gis smras pa/ khyod kyi pha ma gson nam des smras pa gson no/ /dge slong gis smras pa/ khyod kyis pha ma la bzlugs sam btsun pa ma
109a4 bzlugs so//dge slong gis smras pa/ bu sangs rgyas rnams dang sangs rgyas kyi nyan thos rnams ni pha mas ma gnang bar rab tu 'byin pa mi mdzad kyis/ song la pha ma gnyis la bzlugs la phyir shog cig dang de'i 'og tu khyod kyi sla bar 'gyur ro/ /de nas khye'u sgur chung
109a5 gis/dge slong de'i tshig mnyan nas pha ma'i thad du song ste smras pa/ yab yum bdag bcom ldan 'das kyi bstan pa la rab tu 'byung bar gnang bar mdzad du gsol/ de nas pha ma gnyis kyis bsams pa/ da lta 'di yang mchog tu sdug bsngal la/ bdag cag gnyis kyang
109a6 sdug bsngal te/'di tsam zhig kyang bde bar gyur na legs kyis rab tu byung yang sla'am/ 'on kyang tshe 'di dang tshe phyi ma la yang bde ba 'thob par 'gyur ro snyam nas smras pa/ bu gnang gis gal te khyod kyis khyad par 'ga' zhig thob par gyur na nged gnyis la yang ston cig /de nas
109a7 bka' bzhin 'tshal zhes byas te/khye'u sgur chung pha mas gnang nas rgyal bu rgyal byed kyis tshal du song ste/ dge slong de'i thad du phyin nas smras pa/ btsun pa bdag gis pha ma gnyis la bzlugs nas bdag pha ma gnyis kyis gnang lags na/ btsun pa bdag legs par
109b1 gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/bdag kyang bcom ldan 'das kyi thad du tshangs par spyod par 'tshal lo zhes byas so/ /bdag nyid chen po de dag ni gzhan la phan 'dogs pa la zhugs pa yin te/
109b2 dge slong des de rab tu phyung nas bsnyen par rdzogs par byas so/ /de nas des zhag gnyis sam gsum gyi bar du kha zas kyis bshugs nas smras pa/ bu kyis mi sos kyis khyod kyis phas phog pa'i yul rang gi spyod yul bsod snyoms la song shig ces
109b3 bsgo'o//de nas des mkhan po'i tshig mnyan te res 'ga' ni bsod snyoms la 'gro'o/ /res 'ga' ni dge 'dun gyi gral du zan za bar byed de/ gal te dge 'dun gyi gral du zan za na ni de la 'drim pa'i tshe/ de'i sngon gyi las kyi rnam par smin pas zas gang 'drim
109b4 pa de de'i thad du phyin pa dang zas dang skom zad par 'gyur ro//yang na de dag la glo bur gyi rkyen 'byung bar 'gyur ro/ /de nas de dag phyir 'ongs na yang de las thal nas 'og ma la byin te 'drim par byed pas/ de de na 'dug kyang kha cig ni 'thob kha cig ni mi 'thob bo/ /
109b5 de nas dge slong rnams kyis tshor nas bcom ldan 'das la gsol to/ /bcom ldan 'das kyis bka' stsal pa/ dge slong dag dge slong 'og na 'dug pa'i nan tan du bya ba'i chos bca' bar byas te/ 'og na 'dug pa'i dge slong gis ji srid du gong na 'dug pas ma blangs
109b6 kyi bar du bza' ba dang bca' ba blang bar mi bya'o//yang na thabs ci zhig ltar thal te blangs par gyur na yang des ma thob kyi bar du bsgrub pa mi gtong bar bya'o/ /de ste sbyin du gzhug ma nus na bdag gi zas las de la phyed sbyin par bya'o/ /phyed ni bdag gis bza' bar bya ste/ de
109b7 ltar byin na ni legs ma byin na nyes pa dang bcas par 'gyur ro//gal te bsod snyoms la 'gro na ni des bsod snyoms bka' 'khor du rnyed par 'gyur ro/ /de nas phyi zhig na tshe dang ldan pa sgur chung gis/ bcom ldan 'das kyi dri gtsang khang phyag dar byas nas des de'i nyin
110a1 par bza' ba dang bca' ba bzang po rnyed do//de bzhin du zhag gnyis dang zhag gsum gyi bar du yang bcom ldan 'das kyi dri gtsang khang phyag dar byas na yang / de'i nyin par bza' ba dang bca' ba bzang po rnyed nas/ de'i lus mthu dang ldan pa dang
110a2 las su rung ba dang spong nus par gyur te/des brtson pa dang bsgrub pa dang 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar
110a3 mnyam pa/nam mkha' dang lag mthil du 'dra ba'i sems dang ldan pa/ tsan dan sbangs pa lta bu bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang / so so yang dag par rig pa thob pa/ srid pa'i rnyed pa dang /
110a4 chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /des dgra bcom pa nyid thob kyang de'i sngon gyi las mngon du smin nas/ de'i nyin par dge slong gzhan zhig
110a5 gis/bcom ldan 'das kyi dri gtsang khang phyag dar byas so/ /de nas de phyags ma thogs te song nas bcom ldan 'das kyi dri gtsang khang phyag dar bya'o snyam pa dang / des dge slong gzhan zhig gis phyag dar byas par mthong nas de'i blo skyes pa/ gal te na deng bdag
110a6 smyung bar 'ong srid do snyam nas snga dro sham thabs dang chos gos gyon te lhung bzed thogs nas mnyan du yod par bsod snyoms la song ngo //de der song ba las ci yang ma rnyed de/ de de'i nyin par smyung bar 'dug go/ /de nas phyi de nyin par yang dge slong gzhan zhig gis bcom
110a7 ldan 'das kyi dri gtsang khang phyag dar byas so//de nas tshe dang ldan pa sgur chung phyags ma thogs te song nas/ bcom ldan 'das kyi dri gtsang khang phyag dar bya'o snyam pa dang / dge slong gzhan zhig gis phyag dar byas par des mthong nas/ de'i blo skyes pa bdag deng du
110b1 lan gnyis smyung bar 'ong srid do snyam nas rang gi gnas khang du song ngo //de nas de de na 'dug pa las khyim bdag cig gis bcom ldan 'das la sogs pa dge slong gi dge 'dun khyim du bshos la spyan drangs so zhes thos nas/ de'i blo skyes pa bdag da yang bsod snyoms
110b2 la 'gro ci dgos kyis khyim gang du sangs rgyas la sogs pa dge slong gi dge 'dun bshos gsol ba de kho nar song la zan bza'o snyam nas gnas khang du zhugs te skyil mo krung bcas nas bsam gtan lhur byed cing 'dug go//de nas khyim bdag de la don ched chen po zhig byung
110b3 nas des snga rab tu sangs rgyas la sogs pa dge slong gi dge 'dun gdugs tshod la bskul nas/des bza' ba dang bca' ba gtsang ma bzang po mang pos tshim par byas nas song ngo / /bcom ldan 'das ni khyim de'i mi rnams la chos kyi gtam mdzad nas gtsug lag khang
110b4 du chas te gshegs so//de nas tshe dang ldan pa sgur chung gis dro la bab par shes nas langs te chos gos bgos nas lhung bzed thogs te song ba las/ bcom ldan 'das ni lam logs shig nas rgyal bu rgyal byed kyi tshal du gshegs so/ /de ni lam logs shig nas
110b5 khyim bdag gi khyim der song ngo //de nas de der song nas sangs rgyas la sogs pa dge slong gi dge 'dun bshos gsol te gshegs par shes so/ /de nas de de'i nyin bar du lan gnyis su smyung bar gyur to/ /de'i phyi de nyin par yang dge slong gzhan zhig gis bcom
110b6 ldan 'das kyi dri gtsang khang phyag dar byas so//de nas tshe dang ldan pa sgur chung phyags ma thogs te song nas/ bcom ldan 'das kyi dri gtsang khang phyag dar bya'o snyam pa dang / des dge slong gzhan zhig gis phyags par mthong ngo / /mthong nas kyang de 'di snyam du sems
110b7 te/bdag deng du lan gsum smyung bar 'ong srid do snyam nas gnas khang du song ngo / /de der song nas tshe dang ldan pa kun dga' bos tshe dang ldan pa sgur chung lan gnyis smyung bar gyur to zhes thos so/ /thos nas kyang des de'i don du sbyin bdag cig la bskul nas tshe dang ldan pa
111a1 sgur chung gi thad du song ste smras pa/tshe dang ldan pa sgur chung khyod deng khyim bdag che ge mo zhig gi khyim du song la zan zo shig ces byas nas/ tshe dang ldan pa kun dga' bo nyid ni chos gos bgos te lhung bzed thogs nas mnyan du yod par bsod snyoms la
111a2 song ngo //tshe dang ldan pa sgur chung yang thag gi zad tsam gyi bar du sdod sdod nas snga dro chos gos bgos te lhung bzed thogs nas khyim bdag de'i khyim du song na/ de'i sngon gyi las kyi rnam par smin pas khyim bdag de la don ched chen po zhig byung nas des brjed de khyim mi su la yang ma byas
111a3 par grong gzhan zhig tu song ngo //de nas tshe dang ldan pa sgur chung gis der song yang ma rnyed nas de'i nyin bar du lan gsum smyung bar gyur to/ /de nas tshe dang ldan pa kun dga' bos de'i nyin bar du tshe dang ldan pa sgur chung lan gsum du smyung bar gyur to zhes thos nas des bsams
111a4 pa/bdag nyid kyis bsod snyoms blangs la 'di la bstabs par bya'o snyam nas/ tshe dang ldan pa sgur chung ga la ba der song ste phyin nas tshe dang ldan pa sgur chung la 'di skad ces smras so/ /tshe dang ldan pa sgur chung khyod snying ma chung shig dang / bdag gis sang khyod la kha zas
111a5 bstabs so zhes smras nas/de gnas khang du song ngo / /de nas de phyi de nyin par lhung bzed gnyis thogs te mnyan du yod par song nas/ des bsod snyoms lhung bzed do bslangs te gcig ni bdag nyid kyis zos so/ /gcig ni de'i don du khyer nas rgyal bu rgyal byed kyi tshal
111a6 du chas te song ba las de'i sngon gyi las kyi rnam par smin pas lam du las las skyes pa'i khyi dag byung ste/de dag gis kha zas de phrogs nas zos so/ /de nas des bsams pa da bdag phyir mnyan du yod par song na ni dro yol bar 'gyur ro snyam ste gtsug lag khang du song nas/
111a7 tshe dang ldan pa sgur chung de'i nyin bar du lan bzhi smyung bar gyur to/ /de nas tshe dang ldan pa maud gal gyi bus tshe dang ldan pa sgur chung lan bzhi smyung bar gyur to zhes thos nas des bsams pa/ bdag gis sang nang par de la kha zas bstabs par bya'o snyam nas gnas khang du song ngo / /
111b1 de nas de phyi de nyin par lhung bzed gnyis thogs te/ mnyan du yod par bsod snyoms la song nas des bsod snyoms lhung bzed do bslangs te gcig ni bdag nyid kyis zos so/ /gcig ni de'i don du khyer nas rgyal bu rgyal byed kyi tshal du chas te song ba las/ de'i
111b2 sngon gyi las kyi rnam par smin pas lam du las las skyes pa'i bya rog dag byung nas/de dag gis kha zas de phrogs nas zos so/ /de nas tshe dang ldan pa maud gal gyi bus bsams pa/ da bdag mnyan du yod par song na ni dro yol bar 'gyur ro snyam ste gtsug lag khang du
111b3 song nas/tshe dang ldan pa sgur chung de'i nyin bar du lan lnga smyung bar gyur to/ /de nas tshe dang ldan pa shA ri'i bus tshe dang ldan pa sgur chung lan lnga smyung bar gyur to zhes thos nas des bsams pa/ bdag gis sang nang par de la kha zas bstabs par bya'o snyam nas tshe dang ldan pa
111b4 sgur chung gi thad du song ste smras pa/tshe dang ldan pa sgur chung khyod snying ma chung cig dang bdag gis sang nang par khyod la kha zas bstabs so zhes smras nas de gnas khang du song ngo / /de nas de phyi de nyin par lhung bzed gnyis thogs te mnyan du yod par song nas des bsod snyoms
111b5 lhung bzed do bslangs te gcig ni bdag nyid kyis zos so//gcig ni de'i don du khyer nas rgyal bu rgyal byed kyi tshal du chas te song ba las/ de'i sngon gyi las kyi rnam par smin pas de 'gro ba na mi ma yin pa rnams kyis kha zas de mi snang bar byas so/ /de nas des bsams pa
111b6 da bdag phyir mnyan du yod par song na ni dro yol bar 'gyur ro snyam ste/cang mi zer bar 'dug nas/ tshe dang ldan pa sgur chung de'i nyin par du lan drug smyung bar gyur to/ /de nas tshe dang ldan pa shA ri'i bus bsams pa/ bdag gis sang nang par de la kha zas bstabs par bya'o
111b7 snyam nas/tshe dang ldan pa sgur chung gi thad du song ste smras pa/ tshe dang ldan pa sgur chung khyod snying ma chung shig dang bdag gis sang khyod la kha zas bstabs so zhes smras nas de gnas khang du song ngo / /de nas de'i phyi de nyin par lhung bzed gnyis thogs te mnyan du yod par song
112a1 nas/des bsod snyoms lhung bzed do bslangs te gcig ni bdag nyid kyis zos so/ /gcig ni khyer te tshe dang ldan pa sgur chung gi gnas khang du song ba las/ tshe dang ldan pa sgur chung gi sngon gyi las kyi rnam par smin pas gnas khang gi sgo yang med skar
112a2 khung yang med par gyur to//de nas tshe dang ldan pa shA ri'i bus rdzu 'phrul gyis sgo sprul te nang du song nas de la smras pa/ tshe dang ldan pa sgur chung longs la kha gdong khrus shig /des smras pa bdag gis kha gdong bkrus zin no/ /de nas de thos ma thag tu tshe dang ldan pa shA
112a3 ri'i bus lhung bzed dang chu tshags phyogs gcig tu bzhag nas/tshe dang ldan pa sgur chung gi lag tu chu btang ste/ de'i mdun du lhung bzed kyi zhabs rten bzhag nas lhung bzed blang zhes byas pa dang / lhung bzed de thur du gser gyi sa gzhi'i steng du song nas/ tshe dang ldan
112a4 pa shA ri'i bus lag pa glang po che'i sna lta bu brkyang ste lhung bzed de phyung nas lag pa g.yon pa'i steng du bzhag ste/lag pa g.yas pas legs par byin gyis brlabs nas smras pa/ tshe dang ldan pa sgur chung da zo shig /de nas des lhung bzed de'i nang nas kham gcig blangs te
112a5 bza' zhes byas na/de'i kham gcig po de yang mi snang bar gyur to/ /de bzhin du kham blangs so cog mi snang bar gyur to/ /de nas tshe dang ldan pa shA ri'i bus bdag nyid kyi lag pa g.yas pas kham gcig blangs te khar gzhug ces byas na/ de'i kha med par byil por
112a6 gyur to//de nas tshe dang ldan pa shA ri'i bu'i rdzu 'phrul gyi stobs ci yod pa byas kyang de'i kha gdod ma nus te/ de'i skabs su dro yol bar gyur to/ /dro yol ba'i 'og tu ni de'i kha dod par gyur te/ snga mkho bzhin du gyur to/ /de nas tshe dang ldan pa shA ri'i bus dris pa tshe dang
112a7 ldan pa sgur chung khyod la nang na ci mi bzod par gnod/des smras pa/ btsun pa shA ri'i bu bdag skom gyis gdungs kyis chu byin cig dang btung ngo / /de nas tshe dang ldan pa shA ri'i bus lhung bzed chus bkang ste byin nas/ tshe dang ldan pa sgur chung gis blangs te khar
112b1 gtugs nas btung zhes byas nas/de'i las las skyes pa'i mi dag byung nas lhung bzed de'i nang du thal ba blugs so/ /de nas des mthong nas bdag gis myong bar 'gyur bar nges pa'i las 'di dag byas shing bsags te/ de dag ni gdon mi za bar 'ong ba dang rkyen grub
112b2 pa dang ldan pa dang tshogs bsags pa yin pas las de dag ni gzhan dag gi phung po dang khams dang skye mched rnams la rnam par smin cing myong bar mi 'gyur ro snyam nas thal skyo de nyid 'thungs te/gzhi de nyid kyis 'bar ba dang lam mer 'dug pa dang char 'bab pa dang glog 'gyu
112b3 ba'i cho 'phrul rnams bstan nas yongs su mya ngan las 'das so//de nas tshangs pa mtshungs par spyod pa rnams kyis de'i sku gdung la mchod pa byas te/ sku gdung gi mchod rten brtsigs nas bdug pa dang phye ma dang spos dang me tog gis mchod pa byas so/ /de nas dge slong
112b4 rnams kyis bcom ldan 'das la zhus pa/btsun pa tshe dang ldan pa sgur chung gis las ci bgyis na las de'i rnam par smin pas ltogs te shin tu phongs nas dgung bdun gyi bar du smyung bar gyur la thal skyo 'tshal nas yongs su mya ngan las 'das lags/ bcom ldan 'das
112b5 kyis bka' stsal pa/dge slong dag 'di nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na de nyid kyis las byas shing bsags pa de dag gzhan su zhig gis
112b6 nyams su myong bar 'gyur te/dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa
112b7 rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro//lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das
113a1 pa'i dus na ri khrod kyi grong zhig na khyim bdag phyug cing nor mang la longs spyod che ba yongs su 'dzin pa yangs shing rgya che ba/rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des thabs zlar bab pa las chung ma blangs
113a2 nas/de de dang lhan cig tu rtse zhing dga' la dga' mgur spyod pa las phyi zhig na de'i chung ma la bu chags nas/ de zla ba dgu'am bcu lon pa dang khye'u zhig btsas te/ de'i btsas ston rgyas par byas nas rigs dang 'thun par ming btags te/ 'o ma dang zho dang mar
113a3 dang zhun mar dang mar gyi nying gus bskyed bsrings so//de nas de gang gi tshe cher skyes pa de'i tshe yi ge dang khong rtsis dang shod dgod dang lag rtsis dang dbyung ba dang sba ba dang dgram pa dang gos brtag pa dang nor bu brtag pa dang rin po che brtag pa dang spos brtag pa dang sman
113a4 brtag pa dang glang po che brtag pa dang rta brtag pa dang go mtshon brtag pa bslabs te/yi ge mkhas pa dang klog mkhas pa dang mdzangs pa dang bya ba la gsal ba dang yid gzhungs pa dang brtag pa rnam pa brgyad la byang bar gyur to/ /khyim bdag de ni sbyin pa la dga' ba
113a5 zhig ste/khyim de na dge sbyong dang bram ze dang spyod pa pa dang kun du rgyu dang sdug cing phongs pa dang bkren pa rnams la sbyin pa dag sbyin zhing bsod nams dag byed do/ /de nas phyi zhig na khyim bdag de shi nas de shi ba'i 'og tu yang bud med de khyim thab la gdung bas snga ma'i
113a6 lugs bzhin du sbyin pa byed pa'i rgyun ma bcad do//de nas bu des smras pa/ yum khyim 'di ma gzhig cig /khyim 'di ji ltar bdag gi phas btsugs pa bzhin du bdag gis gzugs mi nus so zhes byas te de ltar de lan mang du bkag kyang ma phan to/ /de nas khye'us
113a7 bsams pa/'di ni bdag gis ji ltar byas kyang mi phan gyis bdag gis 'di gsad do snyam nas/ de nas ma de khang phugs su bcug ste sgo bcad nas zan dang skom bcad do/ /de nas des smras pa/ bu bdag thong shig dang phyin cad su la yang sbyin par mi byed la
113b1 phyin cad khyim 'dir yang mi 'dug go//khye'us smras pa/ bdag gis khyod gson bzhin du gtong mi nus so zhes smras nas/ des ma de khang phugs de nyid du zhag bdun gyi bar du zan bcad de bsrungs so/ /de nas de'i khyim mis nye du gzhan dag la bsnyad nas
113b2 nye du rnams lhags te de btang ngo //de khang phugs de nas srog rgyu tsam ste byung nas des bu la chu bslangs na khye'u des de la thal skyo byin te/ thabs 'dis na 'di 'chi bar 'gyur grang snyam mo/ /de nas de lus nyam chung bas thal skyo de 'thungs pa dang gzhi de nyid kyis shi'o/ /
113b3 dge slong dag ji snyam du sems/ de'i tshe khye'ur gyur pa gang yin pa de ni sgur chung 'di nyid yin te/ des ma ltogs su bor nas thal skyos bsad pa'i las de'i rnam par smin pas/ lo stong phrag du ma'i bar du sems can dmyal ba rnams su btsos so/ /de de nas thar
113b4 nas kyang gang dang gang du skyes pa de dang der ltogs nas thal skyo 'thungs te shi'o//da lta srid pa tha ma dang lus tha ma dang gnas tha mar gyur te/ dgra bcom pa nyid thob pa'i bar du yang ltogs nas thal skyo 'thungs te de kho na'i rkyen gyis yongs su mya ngan las 'das so/ /'di nyid
113b5 kyis las gzhan yang byas pa yod de/las de'i rnam par smin pas ltogs nas sdug bsngal chen po rnyed de/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs
113b6 su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na khyim bdag cig gnas pa las
113b7 phyi zhig na de'i chung ma la bu chags nas/de zla ba dgu'am bcu lon pa dang bu gnyis mtshe mar byung ste/ de gnyis kyi btsas ston rgyas par byas nas rigs dang 'thun par ming btags te/ 'o ma dang zho dang mar dang zhun mar dang mar gyi nying gus bskyed bsrings nas gang gi tshe de
114a1 gnyis cher skyes pa de'i tshe yang dag par rdzogs pa'i sangs rgyas 'od srung gi bstan pa la dad pa rnyed nas de gnyis kyi pha ma la gsol te/rab tu byung nas de gnyis kyis sde snod gsum bslabs te rig pa dang grol ba'i spobs pa dang ldan pa'i chos smra bar
114a2 gyur te/de gnyis gang dang gang du gnas pa de dang der lhan cig na gnas so/ /de gnyis las gcig ni gos dang zas dang mal cha dang stan dang nad gsos dang sman zong rnams rnyed pa dang ldan par gyur te/ des bsams pa ma la bdag ni tshegs chung ngus yo byad thams cad
114a3 'byor la tshangs pa mtshungs par spyod pa rnams ni yo byad med pas phongs kyis/bdag gis chos bzhin du dge 'dun gyi zhal ta bya gor ma chag snyam nas chos bzhin du dge 'dun gyi zhal ta byed pa la zhugs te/ gos dang zas dang mal cha dang stan dang nad gsos dang
114a4 sman zong rnams dang yo byad thams cad sbyor bar byed do//de nas de'i phu nu zla bo des bsams pa/ bdag gi phu nu 'di ni bdag gi grogs yin te 'di ni bdag dang dge ba'i phyogs kyis 'brel pa yin na/ 'di ni dge 'dun gyi zhal ta'i las byed 'dod pas 'di ni bdag gi
114a5 dge ba'i phyogs kyi bar chad byed do snyam nas de la smras pa/phu nu khyod dge ba'i phyogs spangs te/ dge 'dun gyi zhal ta'i las 'dod par ma byed cig /de nas des phu nu zla bo de la smras pa/ bdag ni tshegs chung ngus yo byad thams cad 'byor pa dang ldan la tshangs pa mtshungs
114a6 par spyod pa rnams ni yo byad med pas phongs nas/ngas 'di dag gi don bya bar ci ste mi 'dod ces zer nas de des lan du ma bkag kyang ma phan nas/ de'i blo skyes pa 'di ni ji srid du 'dug pa'i bar du bdag gis mi zlogs kyis/ ma la bdag gis thabs dang sbyar la
114a7 yul gzhan du khrid de dgag par bya'o snyam du bsams nas/phu nu zla bo des thabs dang sbyar te yul gzhan du khrid nas de nyid na 'khod do/ /de nas de de na 'dug pas dge slong rnams kyi rnyed pa'i bar chad du gyur to/ /des kyang de na 'dug bzhin du dge slong rnams ji
114b1 ltar yo byad kyis phongs par gyur pa thos nas thos ma thag tu phu nu zla bo la bzlugs te bdag der song la dge slong rnams yo byad kyis mi phongs par bya'o zhes byas so//de nas de'i phu nu zla bos smras pa/ phu nu dge slong de dag ni rtag par bzhin du gzhan 'ba' zhig la
114b2 re zhing 'khod na khyod dge ba'i phyogs spangs te/yang der 'gro'am phu nu zla bos smras pa/ khyod kyis ngag rtsub po smras kyis nyes pa la nyes so zhes bshags par gyis shig /las 'di'i 'bras bu mi sdug pa rnyed par gyur ta re zhes byas nas de yang 'gyod pa chen po skyes te/
114b3 des tshe gcig tu tshangs par spyod pa spyad nas 'chi kar smon lam btab pa de ltar bdag gis tshangs pa mtshungs par spyod pa rnams la tshig rtsub po yang smras/ rnyed pa'i bar chad kyang byas pa'i las de'i 'bras bu bdag gis myong bar ma gyur cig /'di ltar bdag gis yang
114b4 dag par rdzogs pa'i sangs rgyas 'od srung gi bstan pa la tshangs par spyod pa spyad kyang yon tan ci yang ma thob kyis yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par
114b5 gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong dag ji snyam du sems/ de'i tshe dge slong du gyur pa gang yin pa de ni
114b6 sgur chung 'di nyid yin te/des der tshangs pa mtshungs par spyod pa rnams la tshig rtsub po smras pa dang rnyed pa'i bar chad byas pa'i las de'i rnam par smin pas tshe rabs lnga brgyar su skyes so/ /de nas shi 'phos nas kyang las de kho na'i rnam par smin pas gang dang
114b7 gang du skyes pa de dang der ltogs te shi'o//da ltar dgra bcom pa nyid thob pa'i bar du yang las de kho na'i rnam par smin pas ltogs te yongs su mya ngan las 'das so/ /des der smon lam btab ste/ yang dag par rdzogs pa'i sangs rgyas 'od srung gis bram ze'i khye'u
115a1 bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig//de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du
115a2 byed par gyur cig ces byas pa des ni/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes nas 'dis nga mnyes par byas te/ mi mnyes par ma byas la
115a3 nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //srin zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na phyi sa'i 'dam zhig tu srin mgo bo dge slong gi
115a4 mgo bo 'dra ba zhig byung ste/de'i lus thams cad srin bu khab kyi rtse mo 'dra ba sha stag gis gang ste/ de la ba'i spu bzhin du de'i lus las srin bu de dag byung ngo / /de dag de la za bas na tsha mi bzod nas phyi sa'i 'dam de'i nang na phan tshun rgyug la mi bzod par bkres te
115a5 phyi sa za'o//de na tsha mi bzod de phan tshun 'khor bas phyi sa'i 'dam de'i nang thams cad dkrugs slongs so/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa ma 'dres pa'i dran pa nye bar gzhag pa
115a6 gsum la mkhas pa/mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par
115a7 'jug pa dgu la snyoms par 'jug pa/stobs bcu'i stobs dang ldan pa/ yang dag pa'i seng ge'i sgra sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud
115b1 su ni dar su ni phongs shing 'dug su ni nyam nga bar gyur su ni gnod pa dang ldan su ni phongs pa dang nyam nga ba dang gnod pa dang ldan su ni ngan song du gzhol su ni ngan song du 'bab su ni ngan song du bab su ni ngas ngan song nas phyung ste mtho ris dang thar pa dang 'bras bu la gzhag par
115b2 bya/su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa
115b3 ba rnams bskyed zin pa las yongs su smin par bya/su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /
115b4 rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs pa/ srin lung bstan pa'i dus la bab ste/ de la brten nas bdag gis
115b5 gdul bya phal po che drang dgos so snyam du dgongs nas bcom ldan 'das kyis skye bo phal po che de dag drang ba'i phyir ci nas phyi sa'i 'dam de'i dri mnam bas mnyan du yod pa thams cad gang bar 'gyur ba de lta bur byin gyis brlabs so//de nas der skye bo phal po che sngon gyi dge
115b6 ba'i rtsa bas bskul ba de dag ngo mtshar du gyur te dri mnam pa 'di dag gang nas byung snyam nas skye bo stong phrag du ma ltad mo lta 'dod par gyur te/dri mnam pa'i phyogs su phyi sa'i 'dam ga la ba der dong ba dang skye bo phal po de dag gis phyi sa'i 'dam de na srin de 'dra ba phan tshun 'khor
115b7 zhing 'dug pa de mthong ngo //mthong nas de dag gis bsams pa/ sems can 'di lta bu sdug bsngal 'di 'dra ba myong ba ci yin zhig gu snyam mo/ /de nas bcom ldan 'das kyis dgongs pa/ bdag gi gdul bya mnyan du yod pa na ji snyed yod pa de dag thams cad da
116a1 ltar tshogs so snyam du dgongs nas/snga dro sham thabs dang chos gos gsol te lhung bzed bsnams nas dge slong gi tshogs kyis zhabs 'bring byas te/ mnyan du yod par gshegs nas phyi sa'i 'dam de ga la ba der byon pa dang / skye bo phal
116a2 po che de dag gis sangs rgyas bcom ldan 'das thag ring po zhig nas mthong ngo //mthong nas kyang gang ma dad pa de dag na re/ dge sbyong gau ta ma ltad mo 'dod pa dang bral lo zhes grag na de yang ltad mo la gnan par gyur te 'dir 'ongs so zhes zer to/ /gang dad pa
116a3 dang ldan pa dag na re bcom ldan 'das ni srin 'di las brten te ngo mtshar rmad du byung ba'i chos 'ga' zhig lung ston par bzhed pa'i phyir 'dir gshegs gor ma chag snyam nas/bcom ldan 'das kyi gdan bshams te bcom ldan 'das la 'di skad ces gsol to/ /bcom
116a4 ldan 'das gshegs pa legs so//bcom ldan 'das gdan bshams pa la bzhugs su gsol zhes byas nas/ bcom ldan 'das gdan bshams pa la bzhugs so/ /de nas bcom ldan 'das 'di snyam du dgongs te/ ma la bdag ci nas srin 'dis sngon gyi tshe rabs
116a5 dran par 'gyur la mi'i skad du smra zhing bcom ldan 'das dang gtam zer shes par 'gyur ba de lta bu'i ting nge 'dzin la snyoms par 'jug par bya'o snyam du dgongs so//de nas bcom ldan 'das ci nas srin des sngon gyi tshe rabs dran par 'gyur la mi skad du smra zhing bcom ldan
116a6 'das dang gtam zer shes par 'gyur ba de lta bu'i ting nge 'dzin la snyoms par zhugs nas/der bcom ldan 'das kyis srin de la bka' stsal pa/ bzhin khyod sde snod gsum pa yin nam/ gsol pa/ bcom ldan 'das bdag sde snod gsum pa lags
116a7 so//bzhin khyod sde snod gsum pa yin nam/ bde bar gshegs pa bdag sde snod gsum pa lags so/ /bka' stsal pa/ lus dang ngag dang yid kyi nyes par spyod pa rnams kyi las kyi 'bras bu rnam par smin pa myong bar 'gyur ba yod dam/ bcom ldan
116b1 'das lus dang ngag dang yid kyi nyes par spyod pa'i las rnams kyi 'bras bu rnam par smin pa mi sdug pa myong ba mchis lags so//bde bar gshegs pa mi sdug pa myong ba mchis lags so/ /bka' stsal pa/ khyod kyi mi dge ba'i bshes gnyen su yin/ gsol
116b2 pa/bdag gi sems lags so/ /de nas de thos ma thag tu skye bo phal po che de dag ngo mtshar du gyur te/ sems can 'di lta bu sngon gyi tshe rabs dran la mi skad du yang smra zhing bcom ldan 'das dang gtam zer yang shes pa de su zhig gu snyam mo/ /sangs rgyas bcom
116b3 ldan 'das rnams ni snyan slebs par dka' ste/de dag gis bcom ldan 'das la zhu ba'i thugs ma thub nas de dag tshe dang ldan pa kun dga' bo'i thad du song ste dris pa/ btsun pa sems can 'di lta bu sngon gyi tshe rabs dran la mi skad du smra zhing bcom ldan 'das dang
116b4 gtam zer shes pa de su zhig lags/tshe dang ldan pa kun dga' bos smras pa/ bcom ldan 'das la zhus shig /de dag gis smras pa sangs rgyas bcom ldan 'das rnams ni snyan slebs par dka' ste/ bdag cag gis zhu ba'i thugs mi thub bo/ /tshe dang
116b5 ldan pa kun dga' bos smras pa/sangs rgyas bcom ldan 'das rnams ni bdag gis kyang snyan slebs par dka' mod kyi/ 'on kyang khyed la snying brtse ba'i phyir zhu bar bya'o/ /de nas tshe dang ldan pa kun dga' bos bla gos phrag pa gcig tu gzar te bcom ldan 'das ga
116b6 la ba de logs su thal mo sbyar ba btud nas/bcom ldan 'das la gsol pa/ btsun pa sems can 'di lta bu sngon gyi tshe rabs dran la mi skad du yang smra zhing / bcom ldan 'das la bka' mchid gsol 'tshal ba dang 'di lta bu'i gnod pa'i sdug bsngal dag kyang myong
116b7 zhing mchis pa 'di su zhig lags/de nas der bcom ldan 'das kyis tshe dang ldan pa kun dga' bo la bka' stsal pa/ kun dga' bo sems can 'di ni sdig pa'i las byed byed pa yin te/ 'di sdig pa'i las mang du byas so/ /kun dga' bo sngon byung ba 'das pa'i
117a1 dus na/nyan thos dang rang sangs rgyas kyi sa las 'das pa/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang
117a2 mi rnams kyi ston pa sangs rgyas bcom ldan 'das thams cad mchog ces bya ba 'jig rten du byung ste/de'i tshe khyim bdag cig gis yang dag par rdzogs pa'i sangs rgyas thams cad mchog gi bstan pa la dad pa rnyed de skyabs su 'gro ba dang bslab pa'i gzhi rnams blangs
117a3 nas des bsams pa bdag gis khyim na gnas pa btang la/yang dag par rdzogs pa'i sangs rgyas thams cad mchog gi bstan pa la rab tu 'byung ngo snyam du bsams nas khyim gyi 'khor btang ste/ yang dag par rdzogs pa'i sangs rgyas thams cad mchog gi bstan pa
117a4 la rab tu byung ngo //de der rab tu byung nas sde snod gsum bslabs te rig pa dang grol ba'i spobs pa dang ldan pa chos smra ba/ zas dang skom dang mal cha dang stan dang nad gsos dang sman zong rnams rnyed par gyur nas des bsams pa/ ma la bdag gis rnyed pa dang bkur sti'i sgo
117a5 nas rnyed par bya ba rnyed pa des bdag gis tshangs pa mtshungs par spyod pa rnams la phan gdags gor ma chag snyam nas/sbyin bdag dang sbyin pa po rnams la bskul te/ sangs rgyas dang chos dang dge 'dun la bsnyen bkur byed pa la zhugs so/ /de'i tshe nog ri zhes bya ba'i
117a6 steng du slob pa dang mi slob pa'i dge 'dun bdun khri bdun stong dbyar gnas par dam bca' bar 'dod de/de dag gis bsams pa/ bdag cag gis zhal ta byed pa bskos te gdod dbyar gnas par dam bca'o snyam ste/ bdag cag dge 'dun gyi bsnyen bkur byed nus pa su
117a7 yod snyam nas/de dag gis bsams pa/ sde snod gsum pa 'di ni kun la grags pa bsod nams chen po dang ldan pa/ zas dang skom dang mal cha dang stan dang nad gsos dang sman zong rnams rnyed pa yin gyis/ bdag cag gis 'di spro ba bskyed la 'di kho nas bdag cag
117b1 gi zhal ta byas te dbyar gnas par dam bca'o snyam nas de'i thad du song ste smras pa/btsun pa bdag cag dge slong bdun khri bdun stong nog ri'i steng du dbyar gnas par dam bca' bar 'dod la/ khyod kyis ni chos bzhin du dge 'dun gyi zhal ta byed nus na khyod spro bar
117b2 gyis shig dang /khyod la brten te bdag cag dbyar gnas par dam bca'o/ /sde snod gsum pas smras pa/ khyed thugs ma bser cig dang bdag gis khyed kyi yo byad thams cad sbyar ro/ /de nas de thos ma thag tu dge slong de dag ri de'i steng du song nas sde snod gsum pa de
117b3 kho na la brten te dbyar gnas par dam bcas so//de nas sde snod gsum pas bsams pa/ bdag gis dge slong 'di snyed la thugs ma bser cig ces byas nas gyin da 'dug pas mi nus kyi bdag song la sbyin bdag dang sbyin pa po rnams la bskul te/ dge 'dun gyi
117b4 yo byad thams cad sbyar ro snyam du bsams nas snga dro sham thabs dang chos gos bgos te lhung bzed thogs nas spyod yul gyi grong du chas so//de'i tshe rgya mtsho chen po'i nang nas tshong pa lnga brgya tsam gru'i don grub ste lhags nas ri de dang thag mi ring ba zhig tu rdzas phog ste
117b5 gnas bcas nas tshong pa rnams kyis ri de'i steng na dge slong phal po che 'khod pa mthong ngo //mthong nas kyang de dag la mchog tu dga' bar gyur to/ /dge slong zhal ta byed pa de yang de dag gi thad du song ste/ de de dag gis mthong nas smras pa/ btsun pa gar
117b6 gshegs sde snod gsum pas smras pa/ri 'di'i steng na dge slong bdun khri bdun stong 'khod pa rnams bdag la brten te dbyar gnas par dam bcas pas na/ de dag gi phyir sbyin bdag dang sbyin pa po rnams la bskul du 'gro'o/ /tshong pa rnams kyis smras pa/ btsun
117b7 pa thugs ma bser bar ci yang bgyi mi 'tshal gyis bdag cag gis de dag gi yo byad thams cad sbyor bar 'tshal lo zhes byas nas/de dag gis de la gser dngul mang du phul nas smras pa/ btsun pa khyod kyis deng slan cad dge slong de dag la yo byad thams cad sbyor
118a1 la/gal te gser dngul 'di dag gis 'tshal na ni legs/ gal te ma 'tshal na ni yang gser dngul gzhan yang ji tsam 'tshal ba de tsam bdag cag dbul lo/ /dbyar gnas pa lags pa'i mjug tu yang na bza' dag dbul bar 'tshal
118a2 lo zhes byas so//des zhal ta byed pa des de ltar bgyi'o zhes byas nas/ gser dngul rnams khyer te gtsug lag khang du song nas/ des gser dngul rnams bltas pa dang chags pa skyes nas des gser dngul rnams bskungs te/ dge slong rnams la ni zas
118a3 dang skom ngan pa stobs par byed do//de nas phyis dge slong de dag gis zhal ta byed pa de la bshad de/ btsun pa bdag cag zas dang skom ngan pa 'di lta bus 'tsho mi nus so/ /des smras pa/ bdag gi mthu ni de kho nar zad de/ de las mi nus kyis gal te khyed des
118a4 'tsho mi nus na khyed bdag cag gis sbyin bdag dag la bskul la 'tsho bar gyis shig ces byas so//de nas de thos ma thag tu dge slong de dag gis tshong pa de dag la khyed kyis dge slong bdun khri bdun stong gi zas dang skom sbyar bar nus sam zhes smras pa dang / tshong pa
118a5 rnams kyis smras pa/btsun pa dag bdag cag gis 'phags pa zhal ta bgyid pa la gser dngul mang po phul te/ gal te 'di tsam gyis 'tshal na yang legs/ gal te ma 'tshal na yang gser dngul gzhan dbul bar 'tshal lo zhes bgyis nas/ ci'i slad du
118a6 des khyed la zas dang skom ngan pa gsol ces byas nas/tshong pa de dag sde snod gsum pa'i thad du dong nas smras pa/ btsun pa bdag cag gis gal te gser dngul 'di rnams kyis 'tshal na ni legs/ gal te ma 'tshal na yang gser dngul gzhan dbul lo zhes ma
118a7 bgyis sam/de ci'i slad du khyod kyis dge slong rnams la zas dang skom ngan pa gsol zhes byas so/ /de nas de thos ma thag tu zhal ta byed pa de skyengs nas khros te phyin cad dge slong de dag gi zhal ta byed du ma btub bo/ /de nas dge slong rnams kyis de la smras pa/
118b1 btsun pa bdag cag khyod la brten te dbyar gnas par dam bcas na ci'i phyir khyod cang mi byed par 'dug /phyin cad dge slong rnams kyi yo byad sbyar bar ma dad dam zhes byas pa dang de khros nas smras pa/ khyed kyis nga kho na'i dad pas byin pa longs spyod la nga nyid dma'
118b2 'bebs par byed pas ni khyed phyi sa'i 'dam du bying ste bshang gci za bar gyur kyang sla'o zhes byas so//de nas dge slong rnams kyis bsams pa/ nyon mongs pa 'di dmas shing nyams par gyur te/ 'di ltar slob pa dang mi slob pa bdun khri bdun stong la tshig rtsub
118b3 pos smras kyis med na da yang de bas ches dmas shing nyams par 'gyur na ma legs kyis da ni bdag cag gis 'di la ci yang smra bar mi bya'o snyam nas cang mi zer bar 'dug go//de nas phyi zhig sde snod gsum pa de 'gyod pa skyes te des dge slong de dag la bzod pa
118b4 gsol nas/de dag gis smras pa/ bdag cag gis ni bzod na khyod kyi las rnams kyis mi bzod par 'gyur ro zhes byas so/ /dge slong dag ji snyam du sems/ de'i tshe yang dag par rdzogs pa'i sangs rgyas thams cad mchog gi bstan pa la rab tu byung
118b5 ba'i sde snod gsum par gyur pa gang yin pa de ni srin 'di nyid yin te/des de ltar slob pa dang mi slob pa bdun khri bdun stong la tshig rtsub po smras pa'i las de'i rnam par smin pa des ni 'di dud 'gror skyes te/ dge slong dag yang dag par rdzogs pa'i sangs
118b6 rgyas thams cad mchog gi ring phan cad da ltar nga'i ring tshun cad kyi bar du 'di dud 'gro las shi 'phos shing dud 'gro 'ba' zhig tu skyes te/thams cad du yang 'dis lus 'di lta bu thob par gyur la thams cad du yang phyi sa'i 'dam du bying nas bshang gci za bar gyur to/ /
118b7 dge slong dag gis zhus pa/ btsun pa sems can 'di sdug bsngal 'di las nam thar par 'gyur lags/ bka' stsal pa/ dge slong dag bskal pa bzang po 'di la sangs rgyas lnga brgya 'byung bar 'gyur te/ de rnams kyi 'og tu yang dag par rdzogs pa'i
119a1 sangs rgyas snang mdzad ces bya ba 'jig rten du byung ste/de'i gsung rab la 'di dud 'gro las thar te mi lus thob nas de'i bstan pa la rab tu byung nas mtshams med pa'i las byed par 'gyur ro/ /de de nas shi 'phos te dus las 'das nas
119a2 sems can dmyal ba rnams su skye bar 'gyur te/des sems can dmyal ba de dag tu lo 'bum phrag du mar sdug bsngal myong bar 'gyur ro/ /des de'i las mi bzad pa zad nas yang mi lus thob par 'gyur te/ de'i tshe yang dag par rdzogs pa'i sangs rgyas snang
119a3 mdzad ces bya ba zhig 'jig rten du 'byung ste/de'i gsung rab la 'di rab tu byung nas nyon mongs pa thams cad spangs te dgra bcom pa nyid mngon sum du byed par 'gyur la de kun la grags shing bsod nams chen po dang ldan te/ gos dang zas dang mal cha dang stan dang nad
119a4 gsos dang sman zong rnams rnyed par 'gyur la de der lung 'bogs pa rnams kyi mchog tu 'gyur te/des der skye bo mang po la phan btags nas phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur te/ der 'di yi sdug
119a5 bsngal gyi mtha' zad par 'gyur ro//de nas de thos ma thag tu skye bo phal po che de dag skyo ba chen po skyes so/ /de nas bcom ldan 'das kyis de dag gi yid skyo bar gyur par thugs su chud nas de dang 'thun pa'i chos bstan te/ de nas skye bo mang po de dag gis stan de la
119a6 'khod bzhin du kha cig gis ni dro bar gyur pa bskyed do//kha cig gis ni rtse mo dang bden pa dang 'thun pa'i bzod pa dang 'jig rten gyi chos kyi mchog dang mthong ba'i snyoms par 'jug pa bskyed do/ /kha cig gis ni rgyun du zhugs pa'i 'bras bu mngon sum du byas so/ /kha cig
119a7 gis ni lan cig phyir 'ong ba'i 'bras bu mngon sum du byas so//kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu byung nas dgra bcom pa nyid mngon sum du byas so/ /kha cig gis ni 'khor los sgyur ba'i rgyal por 'gyur ba'i sa
119b1 bon bskyed do//kha cig gis ni stobs kyis 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang
119b2 kha cig gis ni bla na med pa yang dag par rdzogs pa'i byang chub kyi sa bon bskyed do//'khor de dag gi nang nas phal cher ni sangs rgyas la gzhol chos la 'bab dge 'dun la bab par byas te bkod nas/ bcom ldan 'das gtsug lag khang du gshegs so/ /las
119b3 brgya tham pa las sdom gyi tshigs su bcad pa gnyis pa rdzogs // //las brgya tham pa/ bam po bcu pa/ sdom ni/ ka tsang ka la kai ne ya/ bag ma gtong gnyis gcod pa gnyis/ /za ba dga' byed snag bu dang / /bur 'du shes
119b4 dang zhing pa dang //shi dang ko ka li ka dang / /thang bcad tha ma kham zhes bya/ /ka tsang ka la zhes bya ba ni/ bcom ldan 'das yul o ta la na o ta la'i nags khrod na bzhugs so/ /de nas bcom ldan 'das snga dro sham thabs dang chos gos gsol te/ lhung
119b5 bzed bsnams nas yul o ta lar bsod snyoms la gshegs so//de'i tshe bud med cig bum pa khyer te chu chur song ba las bud med des thag ring po zhig nas/ bcom ldan 'das mdzes pa/ dad pa skye bar 'gyur ba dbang po zhi ba thugs zhi ba/ thugs
119b6 mchog tu zhi ba dang ldan pa gser gyi mchod sdong bzhin du dpal dang gzi byin 'bar ba mthong ngo //mthong nas kyang de bcom ldan 'das la bu'i 'du shes skyes nas des bum pa de phyogs gcig tu bzhag ste/ lag pa gnyis brkyang nas bcom ldan 'das ga la ba der
119b7 song ste smras pa bu dang phrad do//bu dang phrad do zhes zer zhing / bcom ldan 'das kyi mgul nas 'khyud par 'dod pa las dge slong rnams kyis mthong nas bkag go/ /de nas der bcom ldan 'das kyis dge slong rnams la bka' stsal pa/ dge slong dag bud med 'di
120a1 ma dgag cig /gal te bud med 'di de bzhin gshegs pa'i mgul nas 'khyud du ma bcug na/ kha nas khrag dron mo skyugs te 'chi bar 'gyur ro/ /de nas dge slong rnams kyis de thos nas ma bkag par bzhag go/ /de nas des bcom ldan
120a2 'das kyi mgul nas 'khyud nas chos mnyan pa'i phyir spyan sngar 'dug go//de nas bcom ldan 'das kyis de'i bsam pa dang / bag la nyal dang khams dang rang bzhin thugs su chud nas de dang 'thun pa'i chos bstan te/ de nas bud med des stan de kho na la 'dug
120a3 bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de
120a4 logs su thal mo sbyar te bcom ldan 'das la 'di skad ces gsol to//btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong ma'i dngos po 'thob tu rung na/ bdag kyang bcom ldan 'das kyi thad du tshangs par spyod pa
120a5 spyad par 'tshal lo//de nas bcom ldan 'das kyis skye dgu'i bdag mo chen mo gau ta mI la gtad nas/ des de rab tu phyung ste bsnyen par rdzogs par byas nas de la lung yang phog go/ /des kyang brtson pa dang bsgrub pa dang 'bad pas nyon mongs pa thams cad spangs nas dgra
120a6 bcom pa nyid mngon sum du byas te/des dgra bcom ma khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas
120a7 sgo nga'i sbubs bcom pa/rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de
120b1 nas de bcom ldan 'das kyis mchog tu lung bstan te/dge slong dag nga'i nyan thos kyi dge slong ma mdo rnam par 'byed pa rnams kyi mchog ni 'di lta ste/ dge slong ma ka tsang ka la 'di yin no zhes lung bstan to/ /de nas dge slong dag gis sangs rgyas bcom
120b2 ldan 'das la gsol pa/btsun pa gzigs lags sam bud med stong phrag du mas bcom ldan 'das mthong na sus kyang bcom ldan 'das mthong ba na 'di ltar ma brgyugs lags so/ /bcom ldan 'das kyis bka' stsal pa/ dge slong dag ka tsang ka la 'di ni nga'i
120b3 'das ma thag pa'i tshe rabs lnga brgyar mar gyur pas na/'di ni sngon gyi bag chags kyi gzhi yod pa'i phyir nga mthong na rgyug go/ /dge slong dag gis gsol pa/ btsun pa gal te 'di bcom ldan 'das kyi 'das ma thag pa'i tshe rabs lnga brgyar yum du gyur pa lags
120b4 na/ci'i slad du da ltar gyi yum du ma gyur lags/ bcom ldan 'das kyis bka' stsal pa/ dge slong dag rgyu gnyis dang rkyen gnyis kyis na 'di nga'i da ltar gyi mar ma gyur te/ lha mo sgyu 'phrul chen mos smon lam btab ste/ kye ma bdag sangs rgyas kyi yum du gyur
120b5 cig ces byas pa de dang /nga yang 'dis yid byung bar byas nas ngas kyang smon lam btab ste/ phyin cad 'di bdag gi mar ma gyur cig ces byas pa'i phyir ro/ /gsol pa/ 'dis ci ltar bcom ldan 'das thugs byung bar bgyis lags/ bka' stsal pa/ dge slong
120b6 dag byang chub sems dpa' rnams ni nges par 'byung ba la dga' ba dang sbyin pa la dga' ba yin na/'dis thams cad du nga'i nges par 'byung ba dang sbyin pa'i bar chad byas te gzhi des na 'dis nga yid byung bar byas so/ /de nas dge slong dag gis bcom ldan 'das la
120b7 zhus pa/btsun pa dge slong ma ka tsang ka las/ las ci bgyis na las de'i rnam par smin pas/ dbul mor gyur la rgas nas gdod rab tu byung lags/ bcom ldan 'das kyis bka' stsal pa/ dge slong dag byang chub sems dpa' rnams ni nges par 'byung ba
121a1 la dga' ba dang sbyin pa la dga' ba yin na/'dis nga'i tshe rabs bgrangs par nges par 'byung ba dang sbyin pa'i bar chad byas pas na/ las de'i rnam par smin pas da ltar dbul mor gyur la rgas nas gdod rab tu byung ngo / /btsun pa dge slong ma ka
121a2 tsang ka las/las ci bgyis na las de'i rnam par smin pas da ltar bcom ldan 'das kyis mdo rnam par 'byed pa rnams kyi mchog tu bstan la/ 'dis bcom ldan 'das mnyes par bgyis te/ mi mnyes par ma bgyis la bcom ldan 'das kyi bstan pa la yang rab
121a3 tu byung nas nyon mongs pa thams cad spangs te dgra bcom pa nyid mngon sum du bgyis lags/bcom ldan 'das kyis bka' stsal pa/ smon lam gyi dbang las gyur to/ /btsun pa 'dis gang du smon lam btab lags/ dge slong dag sngon byung ba 'das pa'i dus
121a4 na/bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs
121a5 rgyas bcom ldan 'das 'od srung zhes bya ba 'jig rten du byung ste/de'i gsung rab la 'di rab tu byung nas/ gang las rab tu byung ba'i mkhan mo de yang dag par rdzogs pa'i sangs rgyas 'od srung gis mdo rnam par 'byed pa rnams kyi mchog tu bstan te/ des der 'dis tshe
121a6 gcig tu tshangs par spyod pa spyad nas 'chi kar smon lam btab pa/'di ltar bdag gis yang dag par rdzogs pa'i sangs rgyas 'od srung gi bstan pa la/ tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs
121a7 rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa
121b1 nyid mngon sum du byed par gyur cig /yang dag par rdzogs pa'i sangs rgyas 'od srung gis bdag gi mkhan mo ji ltar mdo rnam par 'byed pa rnams kyi mchog tu bstan pa de bzhin du/ bdag kyang shAkya thub pa shAkya'i rgyal po'i mchog des mdo rnam par 'byed pa rnams
121b2 kyi mchog tu bstan par shog cig ces byas so//dge slong dag ji snyam du sems/ de'i tshe dge slong mar gyur pa gang yin pa de ni ka tsang ka la 'di nyid yin te/ der 'dis tshe gcig tu tshangs par spyod pa spyad nas 'chi kar smon lam btab ste/ yang dag par rdzogs
121b3 pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/
121b4 dgra bcom pa nyid mngon sum du byed par gyur cig /yang dag par rdzogs pa'i sangs rgyas 'od srung gis bdag gi mkhan mo ji ltar mdo rnam par 'byed pa rnams kyi mchog tu bstan pa de bzhin du/ bdag kyang shAkya thub pa shAkya'i rgyal po'i mchog des mdo rnam par 'byed pa
121b5 rnams kyi mchog tu bstan par shog cig ces byas pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes nas/ 'dis nga mnyes par byas te
121b6 mi mnyes par ma byas la/nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas nas ngas 'di mdo rnam par 'byed pa rnams kyi mchog tu yang bstan to// //kai ne ya zhes bya ba ni/ bcom ldan 'das yul
121b7 a du ma na 'byung po'i khyim zhes bya ba'i gnas na bzhugs so//de nas bcom ldan 'das snga dro sham thabs dang chos gos gsol te lhung bzed bsnams nas/ yul a du ma'i grong du bsod snyoms la gshegs so/ /a du ma'i grong du bsod snyoms mdzad nas/ bshos
122a1 gsol te/zas phyis len pa spangs nas 'byung po'i khyim gyi gnas kyi phyi rol du zhabs bkrus te nang du yang dag 'jog gi phyir 'byung po'i khyim gyi gnas kyi nang du gshegs so/ /de'i tshe yul a du mar 'brug sgra yang byung thog kyang bab ste/ glang
122a2 bzhi dang khyim bdag zhing pa spun gnyis bsad nas/der skye bo phal po ches sgra bo che dang ca co chen po'i skad phyung ngo / /de nas bcom ldan 'das phye ma red kyi dus su nang du yang dag 'jog las bzhengs nas 'byung po'i khyim gyi gnas nas byung ste/ 'byung po'i khyim gyi gnas
122a3 kyi grib ma'i thang gi 'chag sa na 'chag cing bzhugs so//de nas der mi zhig kyang skye bo phal po che de dag gi nang nas byung nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das 'chag pa'i slad
122a4 bzhin du 'brang zhing 'chag go//de nas der bcom ldan 'das kyis mi de la bka' stsal pa/ kwa'i mi 'di a du ma'i grong khyer du skye bo phal po che'i sgra bo che dang ca co chen po'i skad grags pa de ci zhig /mi des gsol pa/ btsun pa da gdod a du ma'i grong du 'brug sgra yang
122a5 byung thog kyang bab ste/glang bzhi dang khyim bdag zhing pa spun gnyis bkum nas der skye bo phal po ches sgra bo che dang ca co chen po'i skad phyung na/ ci bcom ldan 'das kyis 'brug sgra dang thog bab pa'i sgra ma gsan tam/ bka' stsal pa/ ngas ma thos so/ /gsol pa/ ci
122a6 bcom ldan 'das gzims gzims sam/bka' stsal pa/ nga cang ma nyal lo/ /gsol pa/ ci bcom ldan 'das 'du shes dang ldan bzhin la ma gzims bzhin du 'brug sgra dang thog bab pa'i sgra ma gsan tam/ bka' stsal pa/ 'du shes dang ldan bzhin la ma nyal
122a7 bzhin du ngas 'brug sgra dang thog bab pa'i sgra ma thos so//de nas mi des 'di snyam du sems te/ kye ma 'di ltar 'du shes dang yang ldan pa zhig la gzims kyang ma gzims par 'brug sgra dang thog bab pa'i sgra yang ma gsan pa las na/ bcom ldan 'das gnas pa'i bsam
122b1 gtan de de tsam du zhi ba ni ngo mtshar to snyam nas mi de dga' bar gyur te/dga' bar gyur pa'i yon yang phul lo/ /de'i tshe yul a du ma'i nags khrod cig na drang srong kai ne ya zhes bya ba 'khor lnga brgya yod pa mngon par shes pa lnga dang ldan pa zhig gnas so/ /de
122b2 dang thag mi ring ba gud kyi nags khrod cig na ni de nyid kyi sring mo'i bu drang srong ri bo zhes bya ba 'khor lnga brgya yod pa zhig gnas so//drang srong de gnyi ga yang mtsho dal gyis 'bab kyi 'gram na gnas te/ de gnyis der dus dus su 'gro zhing nyin par gnas par byed do/ /sangs
122b3 rgyas bcom ldan 'das bgrod pa gcig pu'i lam ston pa/rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/
122b4 skye mched drug la mkhas pa/ byang chub kyi yan lag bdun la spyod yul pa/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag par seng ge'i sgra chen po
122b5 sgrogs pa rnams ni/chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug su ni nyam nga bar gyur/ su ni gnod pa dang ldan su ni phongs pa dang nyam
122b6 nga ba dang gnod pa dang ldan/su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags
122b7 pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su
123a1 smin zin pa las ye shes kyi mtshon gyis brtol bar bya/su ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /
123a2 gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs pa ngas rgyal po chen po bzhi la gang du chos bshad na/ der drang srong ka ne ya dang ri bo yang zhar la bdag gis thul bar 'gyur zhig gu/ ma la bdag gis mtsho dal
123a3 gyis 'bab kyi 'gram du rgyal po chen po bzhi la chos bshad dang /der drang srong ka ne ya dang / ri bo yang tshegs chung ngus zhar la bdag gis thul bar 'gyur ro snyam du dgongs nas/ bcom ldan 'das kyis 'jig rten pa'i thugs bskyed de/ kye ma rgyal po chen po bzhis bdag gi
123a4 sems shes te/bcom ldan 'das ni bdag cag la mtsho dal gyis 'bab kyi 'gram du chos bshad par bzhed do snyam du rtogs na legs so snyam du dgongs so/ /de nas rgyal po chen po bzhis bcom ldan 'das kyi dgongs pa khong du chud nas g.yog rnams btang ste/
123a5 khyed deng la mtsho dal gyis 'bab kyi 'gram du song ste gdan dag shoms shig /sa gzhi yang me tog sna tshogs kyis gtor cig /spos chu'i chag chag kyang thob cig /drang srong kai ne ya dang ri bo la yang mi'am mi ma yin pa'am srin po la la dag gnod pa byed na mi rung gis
123a6 bsrung bar gyis shig ces bsgo'o//de nas rgyal po chen po bzhi'i g.yog rnams kyis bka' bzhin 'tshal zhes byas te/ mtsho dal gyis 'bab kyi 'gram du song nas gdan yang bshams/ sa gzhi yang me tog sna tshogs kyis gtor te spos chu'i chag chag btab bo/ /de nas
123a7 drang srong ka ne yas rgyal po chen po bzhi'i g.yog rnams kyis mtsho dal gyis 'bab kyi 'gram du gdan bshams nas/sa gzhi yang me tog sna tshogs kyis gtor te spos chu'i chag chag btab pa mthong ngo / /mthong nas kyang drang srong kai ne yas khyed ci shom zhing 'dug ces dris
123b1 so//de dag gis smras pa/ rgyal po chen po bzhi la bcom ldan 'das chos ston par bzhed de de'i phyir gdan shom mo/ /drang srong ka ne yas smras pa/ ci ngas de dag la chos bshad dam rgyal po chen po bzhi'i g.yog rnams kyis smras pa/ dge sbyong gau ta ma de dag la
123b2 chos ston par mdzad kyi khyod ma yin no//des smras pa/ 'o na khyed nga'i phyi bzhin du ci'i phyir 'brang / de dag gis smras pa/ de dag gi phyi bzhin du g.yog 'khor mang po 'ong bar 'gyur te/ de dag gis khyod la gnod pa byed du dogs pa'i phyir bdag cag khyod la srung bar byed
123b3 do//drang srong kai ne yas smras pa/ ci khyed nga 'ba' zhig la srung bar byed dam/ 'on te dge sbyong gau ta ma la yang srung bar byed/ rgyal po chen po bzhi'i g.yog rnams kyis smras pa/ bdag cag ni dge sbyong gau ta ma la srung bar mi byed de/ de nyid lha dang bcas pa'i 'jig rten
123b4 la srung bar mdzad do//de nas kai ne yas bsams pa/ 'di ltar lha rnams kyang de la mchod pa'i phyir las bya ba la brtson par byed pa las na/ dge sbyong gau ta ma ni rdzu 'phrul che zhing mthu che ba zhig go snyam mo/ /de nas bcom ldan 'das yul a du ma nas mi snang bar gyur te/
123b5 mtsho dal gyis 'bab kyi 'gram du gshegs nas gdan bshams pa la bzhugs so/ /de nas rgyal po chen po yul 'khor srung dri za stong phrag du mas g.yog byas pa/ lha'i me tog ud pa la dang pad ma dang ku mu da dang pad ma dkar po rnams kyis thu ba bkang nas bcom
123b6 ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/bcom ldan 'das la lha'i me tog ud pa la dang pad ma dang ku mu da dang pad ma dkar po rnams kyis gtor nas shar phyogs logs su brten te/ bcom ldan 'das la mdun
123b7 gyis phyogs shing nub phyogs su kha bltas te 'dug go//de nas rgyal po chen po 'phags skyes po grul bum stong phrag du mas g.yog byas pa rin po ches thu ba bkang nas bcom ldan 'das ga la ba der song ste phyin nas bcom ldan 'das la rin po ches gtor te/ bcom ldan
124a1 'das kyi zhabs la mgo bos phyag 'tshal nas lho phyogs logs su brten te/bcom ldan 'das la mdun gyis phyogs shing byang phyogs su kha bltas te 'dug go/ /de nas rgyal po chen po mig mi bzang klu stong phrag du mas g.yog byas pa mu tig
124a2 gis thu ba bkang nas bcom ldan 'das ga la ba der song ste phyin nas bcom ldan 'das la mu tig gis gtor te/bcom ldan 'das kyi zhabs la mgo bos phyag 'tshal nas nub phyogs logs su brten te/ bcom ldan 'das la mdun gyis phyogs shing shar phyogs
124a3 su kha bltas te 'dug go//de nas rgyal po chen po rnam thos kyi bu gnod sbyin stong phrag du mas g.yog byas pa gser dngul gyis thu ba bkang nas bcom ldan 'das ga la ba der song ste phyin nas bcom ldan 'das la gser dngul gyis gtor te/ bcom ldan 'das
124a4 kyi zhabs la mgo bos phyag 'tshal nas byang phyogs su brten te/bcom ldan 'das la mdun gyis phyogs shing lho phyogs su kha bltas te 'dug go/ /de dag gi nang na gnyis ni yul mtha' 'khob pa yin la/ gnyis ni yul dbus pa yin no/ /de nas bcom
124a5 ldan 'das kyis dgongs pa/gal te bdag gis yul dbus kyi skad kyis chos bshad na ni/ gnyis kyis ni brda phrad la gnyis kyis phrad par mi 'gyur/ de ste yul mtha' 'khob kyi skad kyis chos bshad na yang gnyis kyis ni brda phrad la gnyis kyis ni brda phrad par
124a6 mi 'gyur gyis/ma la bdag gis 'di dag la so sor chos bshad par bya'o snyam du dgongs nas der bcom ldan 'das kyis rgyal po chen po yul 'khor srung la bka' stsal pa/ rgyal po chen po 'di ltar lus dang bral ba dang tshor ba bsil bar gyur pa dang 'du shes
124a7 'gags pa dang 'du byed nye bar zhi ba dang rnam par shes pa nub par gyur pa 'di nyid sdug bsngal gyi mthar thug pa yin no//chos kyi rnam grangs 'di bshad pa na/ rgyal po chen po yul 'khor srung dang de dang skal ba mnyam pa'i lha stong phrag du ma chos rnams la chos kyi mig
124b1 rdul med cing dri ma dang bral ba skyes so//de nas der bcom ldan 'das kyis rgyal po chen po 'phags skyes po la bka' stsal pa/ rgyal po chen po 'di la khyod kyis mthong ba la ni mthong ba tsam gyi blo dang ldan par gyis shig /thos pa la ni thos pa tsam gyi blo dang
124b2 ldan par gyis shig /bye brag phyed pa la ni bye brag phyed pa tsam gyi blo dang ldan par gyis shig /rnam par shes pa la ni rnam par shes pa tsam gyi blo dang ldan par gyis shig dang 'di nyid sdug bsngal gyi mthar thug pa yin no/ /chos kyi rnam grangs 'di bshad pa na/
124b3 rgyal po chen po 'phags skyes po dang de dang skal ba mnyam pa'i lha stong phrag du mas chos rnams la chos kyi mig rdul med cing dri ma dang bral ba skyes so/ /de nas der bcom ldan 'das kyis rgyal po chen po mig mi bzang la bka' stsal pa/ e ne me ne/ dab phu/ da dab
124b4 phu/zhes bya ba 'di nyid sdug bsngal gyi mthar thug pa yin no/ /chos kyi rnam grangs 'di bshad pa na/ rgyal po chen po mig mi bzang dang de dang skal ba mnyam pa'i lha stong phrag du ma chos rnams la chos kyi mig rdul med cing dri ma dang bral ba skyes so/ /de nas der
124b5 bcom ldan 'das kyis rgyal po chen po rnam thos kyi bu la bka' stsal pa/ma shA tu shA/ sang shwa mA/ sarba da tra bi ra trI/ zhes bya ba 'di nyid sdug bsngal gyi mthar thug pa yin no/ /chos kyi rnam grangs 'di bshad pa na/ rgyal po chen po rnam thos kyi bu dang de dang skal
124b6 ba mnyam pa'i lha stong phrag du ma chos rnams la chos kyi mig rdul med cing dri ma dang bral ba skyes so//de nas rgyal po chen po bzhis chos mthong chos rnyed chos rtogs chos kyi gting slebs som nyi las rgal the tsom las brgal te/ gzhan gyi dring mi 'jog cing gzhan
124b7 gyis bkri ba med la/ston pas bstan pa'i chos rnams la mi 'jigs pa thob nas stan las langs te/ bla gos phrag pa gcig tu gzar nas bcom ldan 'das ga la ba de logs su thal mo sbyar te bcom ldan 'das la 'di skad ces gsol to/ /btsun pa bdag
125a1 cag ni zhugs pa lags so//zhugs pa lags so/ /sangs rgyas dang chos dang dge 'dun la skyabs su mchi'o/ /skyabs su mchi ba dang bslab pa'i gzhi gzung bar 'tshal lo/ /de nas bcom ldan 'das kyis de dag la grogs po dag khyed zer ba ni
125a2 legs pa yin no//zhes bka' stsal to/ /de nas rgyal po chen po bzhis bcom ldan 'das kyis gsungs pa la mngon par bstod cing rjes su yi rangs nas/ bcom ldan 'das kyi zhabs la mgo bos phyag 'tshal te bcom ldan 'das kyi thad nas dong ngo / /de
125a3 rnams dong ba'i 'og tu dge slong dag gis sangs rgyas bcom ldan 'das la zhus pa/btsun pa rgyal po chen po bzhis las ci bgyis na las de'i rnam par smin pas gtso bor smos par gyur la gnyis ni yul dbus par gyur/ gnyis ni yul mtha' 'khob par gyur te/
125a4 'di rnams kyis bcom ldan 'das kyang mnyes par bgyis te mi mnyes par ma bgyis lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la yang dag par rdzogs pa'i sangs rgyas rig pa
125a5 dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i tshe ri rab kyi bang rim la klu'i rgyal po
125a6 dbugs dang dbugs chen po zhes bya ba gnyis kyang gnas la/bya'i rgyal po nam mkha' lding sgra snyan dang sgra chung zhes bya ba gnyis kyang de na gnas pa las/ klu de gnyis nam mkha' lding de gnyis kyis 'jigs nas thur du gser gyi sa gzhi'i steng du song ste gnas so/ /
125a7 de nas phyi zhig na klu'i rgyal po dbugs dang dbugs chen spun gnyis yang dag par rdzogs pa'i sangs rgyas 'od srung gi bstan pa la dga' bar gyur te/ de gnyis kyis skyabs su 'gro ba dang bslab pa'i gzhi rnams blangs so/ /der gang gi tshe de gnyis kyis skyabs su
125b1 'gro ba dang bslab pa'i gzhi rnams blangs pa de'i tshe/klu'i rgyal po de gnyis la nam mkha' lding gis mi tshugs par gyur nas de gnyis rgya mtsho chen po'i nang nas byung ste bag yangs su 'khod do/ /de nas nam mkha' lding sgra snyan dang sgra chung gnyis kyis klu'i rgyal po
125b2 de gnyis rgya mtsho chen po'i nang nas byung nas bag yangs su 'khod pa mthong ngo //mthong nas kyang brtul te shugs kyis bcum pa las de gnyis la gnod pa byed ma nus te/ ri rab la bab pa bzhin du rdugs nas/ de gnyis kyis de gnyis la dris pa/ sngon khyed gnyis
125b3 nged gnyis kyis 'jigs nas thur du gser gyi sa gzhi la song ste gnas na/da ci'i phyir khyed gnyis bag yangs su 'khod la nged gnyis kyis khyed gnyis la gnod pa byed kyang mi nus par gyur/ klu gnyis kyis smras pa/ yang dag par rdzogs pa'i sangs rgyas 'od
125b4 srung las/bdag cag gnyis kyang skyabs su 'gro ba dang bslab pa'i gzhi rnams blangs pas na/ de'i phyir da ni bdag cag gnyis la khyed gnyis kyis mi tshugs par gyur to/ /nam mkha' lding gnyis kyis smras pa/ sangs rgyas zhes bya ba de su zhig /de nas klu
125b5 gnyis kyis de gnyis la sangs rgyas kyi bsngags pa rgyas par bshad do//de nas de thos ma thag tu de gnyis kyang yang dag par rdzogs pa'i sangs rgyas 'od srung la shas cher dga' ba skyes so/ /dga' ba skyes nas de gnyis kyang yang dag par rdzogs pa'i sangs rgyas 'od srung
125b6 gi thad du song ste/skyabs su 'gro ba dang bslab pa'i gzhi rnams blangs nas de rnams 'thun par gyur te lhan cig 'grogs shing 'khod nas/ de rnams kyis tshe gcig tu skyabs su 'gro ba dang bslab pa'i gzhi rnams bsrungs te/ 'chi kar smon lam btab pa/ 'di ltar
125b7 bdag cag gis yang dag par rdzogs pa'i sangs rgyas 'od srung gi bstan pa la tshe gcig tu skyabs su 'gro ba dang bslab pa'i gzhi rnams bsrungs pa'i dge ba'i rtsa ba 'dis na bdag cag gang dang gang du skye ba de dang der gtso bor smos par gyur cig /yang dag par rdzogs pa'i
126a1 sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i tshe
126a2 klu'i rgyal po dbugs dang dbugs chen zhes bya bar gyur pa gang yin pa de gnyis ni rgyal po chen po yul 'khor srung dang 'phags skyes po yul dbus par gyur pa 'di gnyis kho na yin no//de'i tshe nam mkha' lding gi rgyal po sgra snyan dang sgra chung zhes bya bar gyur pa gang yin pa de
126a3 gnyis ni/rgyal po chen po mig mi bzang dang rnam thos kyi bu zhes bya ba yul mtha' 'khob par gyur pa 'di gnyis kho na yin no/ /de rnams kyis der tshe gcig tu skyabs su 'gro ba dang bslab pa'i gzhi rnams bsrungs nas 'chi kar smon lam btab ste/ kye ma dge ba'i rtsa ba 'dis
126a4 bdag cag gang dang gang du skye ba de dang der gtso bor smos par gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig /mi mnyes par byed par
126a5 ma gyur cig ces byas pa'i las de'i rnam par smin pas da ltar rgyal chen bzhi'i ris kyi lha rnams kyi nang na gtso bor smos par gyur te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang /
126a6 thabs mnyam pa brnyes par gyur nas/ 'di rnams kyis nga mnyes par byas te mi mnyes par ma byas so/ /der gang gi tshe bcom ldan 'das kyis rgyal po chen po bzhi la chos bstan te de dag gi las kyi rnam pa yang lung bstan pa de'i tshe/ drang srong kai ne ya yang thag mi ring ba
126a7 zhig na 'dug ste des kyang thams cad thos te/thos ma thag tu de bcom ldan 'das la dga' bar gyur nas de bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te chos mnyan pa'i phyir spyan sngar 'dug go/ /de nas bcom
126b1 ldan 'das kyis de'i bsam pa dang bag la nyal dang khams dang shes pa dang rang bzhin thugs su chud nas de dang 'thun pa'i chos bstan te/des na drang srong kai ne yas bden pa mngon par rtogs pa'i mod la phyir 'ong ba'i 'bras bu mngon sum du byas so/ /des bden pa
126b2 mthong nas stan las langs te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to//bcom ldan 'das dge slong gi dge 'dun dang thabs cig tu deng gi gdugs la/
126b3 phyogs 'di nyid du bzhugs te dus ma lags par gsol du rung ba'i gung skyems bdag gis sbyar ba gsol du ci gnang zhes byas nas bcom ldan 'das kyis drang srong kai ne ya la cang mi gsung bas gnang ngo / /de nas drang srong kai ne yas/ bcom ldan 'das kyis cang mi
126b4 gsung bas gnang bar rig nas btung ba'i rnam grangs brgyad sbyar te/ku shu dang chu shing gi 'bras bu dang rgya shug gi 'bras bu dang a shwad tha'i 'bras bu dang u dum bA ra'i 'bras bu dang pa ru sha ka'i 'bras bu dang 'bra go dang rgun 'brum rnams kyi khu ba'i btung ba khyer nas/
126b5 bcom ldan 'das ga la ba der song ste phyin nas bcom ldan 'das la 'di skad ces gsol to/ /btsun pa btung ba'i rnam grangs brgyad po 'di dag ni sngon gyi drang srong rnams kyis bstod pa dang legs par brjod pa dang bsngags pa dang snyan par brjod pa lags kyis thugs
126b6 brtse ba'i slad du bcom ldan 'das kyis bzhes par gsol zhes byas so//de nas bcom ldan 'das kyis thugs brtse ba'i phyir drang srong kai ne ya'i btung ba'i rnam grangs brgyad po rnams bzhes so/ /de nas der bcom ldan 'das kyis dge slong rnams la bka' stsal pa/
126b7 dge slong dag btung ba'i rnam grangs brgyad po 'di dag las ras kyis btsags kyang rung ma btsags kyang rung dang ba yang rung dang ba ma yin pa yang rung rnyog pa yang rung rnyog pa ma yin pa yang rung mdog bzang ba yang rung mdog mi bzang ba yang rung ba rnams ni/ dge slong
127a1 dang dge slong ma dang dge tshul pha dang dge tshul ma rnams la dus su btung bar ngas gnang gi dus ma yin par mi gnang ngo //dge slong dag btung ba'i rnam grangs brgyad po 'di dag nyid las ras kyis btsags pa dang dang ba dang mdangs bzang ba dang rnyog
127a2 pa ma yin pa dang snyigs ma med pa rnams ni dus ma yin par btung bar bya ba yin no//de nas drang srong ka ne yas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa sang dge slong gi dge 'dun dang
127a3 thabs cig tu bdag gi der bshos gsol bar ci gnang zhes gsol nas/bcom ldan 'das kyis drang srong kai ne ya la cang mi gsung bas gnang ngo / /de nas drang srong kai ne yas bcom ldan 'das kyis cang mi gsung bas gnang bar rig nas bcom ldan 'das la 'di skad
127a4 ces gsol to//btsun pa 'o na bdag cag mchis pa'i gnas nags khrod 'di nyid du do nub bzhugs par gsol/ de nas drang srong khyod ji ltar dga' ba de bzhin du bya'o zhes bka' stsal nas/ bcom ldan 'das mtsho dal gyis 'bab kyi 'gram nas mi snang bar gyur
127a5 te drang srong kai ne ya 'dug pa'i gnas nas thag mi ring ba'i nags khrod de nyid du dge slong gi dge 'dun dang thabs cig tu bzhugs so//de nas drang srong kai ne ya nam ma langs par langs nas bram ze'i khye'u rnams la bos te/ 'phags pa dag longs/ bzhin dag
127a6 longs/shing dag gshogs/ me dag bus/ 'bras chan tshos/ skyu rum sgrol/ khur ba dag gyis/ bkad sa'i zhal ta gyis zhes zer ro/ /de'i nub mo drang srong ri bo yang drang srong kai ne ya 'dug pa'i gnas na 'dug par gyur te/ drang srong ri bos drang srong kai ne
127a7 ya nam ma langs par langs nas bram ze'i khye'u rnams la bos te 'phags pa dag longs/bzhin dag longs/ shing dag gshogs/ me dag bus/ 'bras chan tshos/ skyu rum dag sgrol/ khur ba dag gyis/ bkad sa'i zhal ta gyis zhes zer ba thos so/ /
127b1 thos nas kyang de 'di snyam du sems te/ ci drang srong 'di bag ma gtong ngam bag ma len tam 'on te 'dis yul 'khor gyi mi'am lag bzo'am pha tshan nam 'khor ram rgyal po spyan 'dren nam snyam nas drang srong ri bos drang srong kai ne ya la 'di skad ces smras so/ /
127b2 ci drang srong khyod bag ma gtong ngam bag ma len tam/ 'on te khyod yul 'khor gyi mi'am lag bzo'am pha tshan nam 'khor ram rgyal po bshos la spyan 'dren nam/ drang srong kai ne yas smras pa/ bdag ni bag ma gtong ba'am bag ma len pa yang mi byed la/ yul
127b3 'khor gyi mi'am lag bzo'am pha tshan nam 'khor ram rgyal po yang spyan mi 'dren gyi/sangs rgyas la sogs pa dge slong gi dge 'dun sang bshos la spyan 'dren no/ /de nas drang srong ri bos sangs rgyas zhes bya ba'i sgra sngon ma thos pa thos nas spu thams
127b4 cad zing zhes byed de dga' ba skyes so//de nas drang srong ri bos drang srong kai ne ya la smras pa/ drang srong sangs rgyas zhes bya ba de su zhig /drang srong kai ne yas smras pa/ drang srong gangs ri'i 'dab na chu klung gang gA'i 'gram na drang srong ser skya 'dug pa'i gnas nas
127b5 thag mi ring ba zhig na/shAkya rnams kyi nang du bu zhig skyes pa yod do/ /de bram ze mtshan mkhan bye brag phyed pa rnams kyis lung bstan te gal te khyim gyi nang na gnas na ni 'khor los sgyur ba'i rgyal por 'gyur ro/ /de ste skra dang kha spu dag bregs nas chos gos tshon can
127b6 dag bgos te/yang dag pa'i dad pa kho nas khyim nas khyim med par rab tu byung na ni de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung bstan pa las/ de skra dang kha spu bregs nas chos gos tshon can dag bgos te/
127b7 yang dag pa'i dad pa kho nas khyim nas khyim med par rab tu byung ste/ de bla na med pa yang dag par rdzogs pa'i byang chub mngon par rdzogs par sangs rgyas te/ drang srong sangs rgyas zhes bya ba ni de yin no/ /drang srong dge 'dun zhes bya ba su zhig /drang srong rgyal rigs
128a1 mkhas pa dag kyang yod bram ze mkhas pa dang khyim bdag mkhas pa dang dge slong mkhas pa dag kyang yod de/de dag las de bzhin gshegs pa dgra bcom pa yang dag par rdzogs pa'i sangs rgyas rab tu byung ba de'i rjes su rab tu byung ba de dag ni drang
128a2 srong dge 'dun zhes bya ba yin te/sangs rgyas la sogs pa dge slong gi dge 'dun de dag bdag gis sang bshos la spyan 'dren no/ /de nas drang srong ri bos drang srong kai ne ya la smras pa/ drang srong bcom ldan 'das de da ltar gang na bzhugs/ drang srong ka ne yas
128a3 smras pa/drang srong yul a du ma 'di nyid na nags khrod 'di kho na na bzhugs kyis/ gal te blta bar 'dod pa lta na/ bram ze nags khrod nyams dga' ba/ /ga la 'dug pa der song dang / /dri za'i rgyal po 'dra ba yi/ /'dren pa sangs rgyas mthong bar 'gyur/ /de
128a4 nas drang srong ri bos drang srong kai ne ya'i tshig mnyan te nags khrod de ga la 'dug pa der song nas/drang srong ri bos thag ring po zhig nas/ sangs rgyas bcom ldan 'das sku skyes bu chen po'i mtshan sum cu rtsa gnyis kyis brgyan cing sba bar byas pa me lus kyi dbyibs su
128a5 'dug pa lta bu me lce mar gyis btab pa lta bu mar me gser gyi snod du bzhag pa lta bu/mchod sdong rin po che sna tshogs kyis spras pa lta bu blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu
128a6 dga' ba skyes te dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro//de
128a7 ltar mthong nas kyang bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te chos mnyan pa'i phyir bcom ldan 'das kyi spyan sngar 'dug go//de nas bcom ldan 'das kyis de'i bsam pa dang bag la nyal dang
128b1 khams dang shes pa dang rang bzhin thugs su chud nas de dang 'thun pa'i chos bstan te/des na drang srong ri bos stan de kho na la 'dug bzhin du bden pa mngon par rtogs pa'i mod la phyir mi 'ong ba'i 'bras bu mngon sum du byas so/ /des bden pa mthong nas stan las
128b2 langs te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to//btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos
128b3 po 'thob tu rung na/bdag kyang bcom ldan 'das kyi thad du tshangs par spyod pa spyad par 'tshal lo/ /bcom ldan 'das kyis bka' stsal pa/ drang srong khyod kyis 'khor rnams la bzlugs sam/ drang srong ri bos gsol ba/ btsun pa ma bzlugs lags so/ /bcom ldan
128b4 'das kyis bka' stsal pa/drang srong 'o na 'khor rnams la je zlugs shig dang / 'khor la bzlugs pa ni 'di lta ste/ khyed lta bu grags pa dang ldan pa kun gyis shes pa bsod nams chen po dang ldan pa dag la legs pa kho na yin no/ /de nas drang srong ri bo bram ze'i khye'u
128b5 rnams ga la 'khod pa der song ste phyin nas/bram ze'i khye'u rnams la smras pa/ bram ze'i khye'u dag shes par gyis shig /bdag ni bcom ldan 'das kyi thad du tshangs par spyod pa spyad par 'dod na khyed ji ltar byed/ de dag gis smras pa/ bdag cag ci 'tshal ba de dag
128b6 thams cad kyang mkhan po las brten par bas kyis gal te mkhan po dge sbyong gau ta ma'i thad du rab tu 'byung ba lta na/bdag cag kyang mkhan po rab tu byung ba'i rjes su rab tu 'byung bar 'tshal lo/ /drang srong ri bos smras pa/ bram ze'i khye'u dag da de'i dus la bab par shes na
128b7 de ltar gyis shig /de nas drang srong ri bo g.yog 'khor lnga brgya dang bcom ldan 'das ga la ba der song ste lhags nas/ bcom ldan 'das kyi zhabs la mgo bos phyag 'tshal te bcom ldan 'das la 'di skad ces gsol to/ /btsun pa bdag gis 'khor rnams la bzlugs lags
129a1 na/btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das
129a2 kyis de dag la dge slong tshur shog ces bya ba bka' stsal te dge slong dag tshur shog tshangs par spyod cig ces bka' stsal nas/tshig de skad ces bka' stsal pa'i mod la skra dang kha spu bregs nas zhag bdun lon pa tsam du gyur/ spyod lam ni bsnyen par rdzogs nas lo brgya
129a3 lon pa lta bur gyur/lag na ni lhung bzed dang chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ /de dag mgo bregs lus la snam sbyar gyon/ /sangs rgyas kyi ni dgongs pas gos bgos nas/ mod la dbang po rab
129a4 tu zhi bar gnas//de nas drang srong kai ne yas de'i nub mo nyid du bza' ba dang bca' ba gtsang ma bzang po mang po sta gon byas nas/ nang par sngar langs nas gdan bshams nas phyag chab kyi chu ra bkang ste/ bcom ldan 'das la phrin gyis gdugs tshod bskul ba/ btsun pa gdugs
129a5 tshod la bab ste/bshos gsol lags na/ bcom ldan 'das kyis da de'i dus la bab par dgongs te gshegs su gsol zhes bskul to/ /de nas bcom ldan 'das kyis snga dro sham thabs dang chos gos gsol te lhung bzed bsnams nas dge slong gi tshogs kyis zhabs
129a6 'bring byas te dge slong gi dge 'dun gyis mdun du bdar nas/drang srong kai ne ya'i bkad sa ga la ba der gshegs te byon nas gdan bshams pa la bzhugs so/ /de nas drang srong kai ne yas sangs rgyas la sogs pa dge slong gi dge 'dun rnams rang gi lag nas bza' ba
129a7 dang bca' ba gtsang ma bzang po mang pos tshim par byas te ci bzhed pa bstabs so//de nas drang srong kai ne yas drang srong ri bo g.yog 'khor lnga brgya dang rab tu byung ste gral de nyid na 'khod pa mthong ngo / /mthong nas kyang drang srong ri bo la smras pa/ drang srong khyod rab tu byung ngam/
129b1 drang srong ri bos smras pa/ grogs po bdag rab tu byung ngo / /drang srong kai ne yas smras pa legs so/ /shin tu legs so/ /bdag kyang sangs rgyas la sogs pa dge slong gi dge 'dun bshos gsol zin nas rab tu 'byung ngo zhes smras nas/ drang srong kai ne yas sangs
129b2 rgyas la sogs pa dge slong gi dge 'dun rnams rang gi lag nas bza' ba dang bca' ba gtsang ma bzang po mang po rnam grangs du mas tshim par byas te ci bzhed pa bstabs nas bcom ldan 'das bshos gsol zin te/gsang sder ni gyu phyag ni bcabs par rig nas bla gos
129b3 phrag pa gcig tu gzar te/bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po
129b4 'thob tu rung na/bdag kyang bcom ldan 'das kyi thad du tshangs par spyod pa spyad par 'tshal lo/ /bcom ldan 'das kyis bka' stsal pa/ drang srong khyod kyis 'khor rnams la bzlugs sam/ drang srong kai ne yas gsol pa/ btsun pa ma bzlugs lags so/ /
129b5 bcom ldan 'das kyis bka' stsal pa/ drang srong 'o na 'khor rnams la je zlugs shig dang / 'khor la bzlugs pa ni 'di lta ste/ khyod lta bu grags pa dang ldan pa kun gyis shes pa bsod nams chen po dang ldan pa dag la legs pa kho na yin no/ /de nas drang srong kai ne ya bram ze'i
129b6 khye'u rnams ga la 'khod pa der song ste phyin nas bram ze'i khye'u rnams la smras pa/bram ze'i khye'u dag shes par gyis shig /bdag ni bcom ldan 'das kyi thad du tshangs par spyod pa spyad par 'dod na khyed ji ltar byed/ de dag gis smras pa/ bdag cag ci 'tshal ba de dag
129b7 thams cad kyang mkhan po las brten par bas kyis gal te mkhan po dge sbyong gau ta ma'i thad du rab tu 'byung ba lta na/bdag cag kyang mkhan po rab tu byung ba'i rjes su rab tu 'byung bar 'tshal lo/ /drang srong kai ne yas smras pa/ bram ze'i khye'u dag da de'i dus la bab par
130a1 shes na de ltar gyis shig /de nas drang srong kai ne ya g.yog 'khor lnga brgya dang / bcom ldan 'das ga la ba der song ste lhags nas bcom ldan 'das kyi zhabs la mgo bos phyag 'tshal te bcom ldan 'das la 'di skad ces gsol to/ /btsun pa bdag gis
130a2 'khor rnams la bzlugs lags na/btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom
130a3 ldan 'das kyis de dag la dge slong tshur shog ces bya ba bka' stsal te dge slong dag tshur shog /tshangs par spyod cig ces bka' stsal nas/ tshig 'di skad ces bka' stsal pa'i mod la skra dang kha spu ni bregs nas zhag bdun lon pa tsam du gyur/ spyod lam ni bsnyen par
130a4 rdzogs nas lo brgya lon pa lta bur gyur/lag na ni lhung bzed dang chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ /de dag mgo bregs lus la snam sbyar gyon/ /sangs rgyas kyi ni dgongs pas gos bgos nas/ /
130a5 mod la dbang po rab tu zhi bar gnas/ /de nas bcom ldan 'das kyis drang srong ri bo dang kai ne ya la gdams ngag byin nas/ de gnyis kyis kyang brtson pa dang bsgrub pa dang 'bad pas nyon mongs pa thams cad spangs te dgra bcom pa nyid mngon sum du byas so/ /dge slong lhag ma
130a6 de dag las kyang dge slong lnga brgya ni tshe dang ldan pa bram ze ka pi na chen po la gtad do//nyis brgya lnga bcu ni tshe dang ldan pa shA ri'i bu la gtad do/ /nyis brgya lnga bcu ni tshe dang ldan pa maud gal gyi bu la gtad de/ khyed kyis 'di rnams la gdams ngag ston cig /'di rnams
130a7 la yid la byed pa'i lung yang phog shig /de nas bcom ldan 'das kyis bka' ji skad stsal pa de bzhin du 'tshal lo zhes gsol nas/ tshe dang ldan pa shA ri'i bu dang tshe dang ldan pa maud gal gyi bu dang tshe dang ldan pa bram ze ka pi na chen po rnams kyis dge slong de dag khrid de chu
130b1 klung gser ldan gyi 'gram du dbyar gnas par dam bcas so//de rnams kyis dbyar gnas par dam bcas nas de dag la yid la byed pa'i lung phog ste/ der tshe dang ldan pa bram ze ka pi nas dge slong lnga brgya po de dag dgra bcom pa nyid la bkod do/ /tshe dang ldan
130b2 pa maud gal gyi bus ni nyis brgya lnga bcu po de dag phyir mi 'ong ba'i 'bras bu la bkod do//tshe dang ldan pa shA ri'i bus ni nyis brgya lnga bcu po de dag rgyun du zhugs pa'i 'bras bu la bkod do/ /sangs rgyas bcom ldan 'das rnams kyi nyan thos rnams ni chos nyid kyis dus
130b3 gnyis su phal po che 'du bar 'gyur te/dbyar zla 'bring po la dbyar gnas pa'i dus la bab pa dang / ston zla tha nya la 'du bar 'gyur te/ dbyar zla 'bring po la dbyar gnas pa'i dus la bab pa de'i tshe ni/ dge slong dag gis yid la byed pa'i lung mnos nas/ ri'i
130b4 sul dang ri'i phug dang sog ma'i phug dang thang dang dur khrod dang nags khrod kyi gnas de dag tu dbyar gnas par dam 'cha' bar byed do//ston zla tha nya la ni de nas dong ste/ rtogs pa ni rjod par byed la ma rtogs pa ni gong du 'dri bar byed do/ /de nas tshe dang ldan pa shA ri'i bu
130b5 dang tshe dang ldan pa maud gal gyi bu gnyis kyi 'khor lnga brgya dang tshe dang ldan pa bram ze ka pi na chen po'i 'khor lnga brgya po de dag dbyar gnas par byas te/dbyar gnas zin nas dbyar zla gsum 'das pa'i 'og tu chos gos byas te chos gos zin nas/ chos gos gyon te lhung bzed
130b6 thogs nas bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te phyogs gcig tu 'khod do//phyogs gcig tu 'khod nas dge slong de dag bcom ldan 'das kyi spyan sngar rtogs pa ni rjod par byed ma rtogs pa yan cad ni zhu bar byed
130b7 do//de nas bcom ldan 'das kyis de dag la gong ma'i yid la byed pa'i lung phog nas/ de dag gis kyang brtson pa dang bsgrub pa dang 'bad pas nyon mongs pa thams cad spangs te dgra bcom pa nyid mngon sum du byas so/ /de nas dge slong de dag gis sangs rgyas bcom ldan
131a1 'das la gsol pa/btsun pa tshe dang ldan pa bram ze ka pi na chen pos ni dge slong lnga brgya po 'di rnams dgra bcom pa nyid la bkod la/ tshe dang ldan pa maud gal gyi bus ni phyir mi 'ong ba'i 'bras bu la bkod do/ /tshe dang ldan pa shA ri'i bu sde tshan dang ldan
131a2 pa gnyis par gyur pas ni rgyun du zhugs pa'i 'bras bu la bkod pa la gzigs/bcom ldan 'das kyis bka' stsal pa/ da ltar 'ba' zhig ma yin te 'das pa'i dus na yang dge slong ka pi nas dge slong lnga brgya po 'di dag nyid bsam gtan bzhi dang mngon par shes pa lnga la ji
131a3 ltar bkod pa dang /maud gal gyi bus gzugs med pa'i khams su ji ltar bkod pa dang / shA ri'i bus gzugs kyi khams su ji ltar bkod pa de nyon cig /dge slong dag sngon byung ba 'das pa'i dus na ri zhig la drang srong g.yog 'khor lnga brgya lnga brgya dang ldan pa gnyis brten
131a4 cing 'dug ste/ri ngos gcig na ni drang srong g.yog 'khor lnga brgya dang ldan pa gcig 'dug go/ /pha rol gyi ngos na ni drang srong g.yog 'khor lnga brgya dang ldan pa gcig 'dug go/ /de nas phyi zhig na de gnyis las drang srong gcig shi nas/ bram ze'i khye'u de dag gis de'i rus bu
131a5 la rus bu'i mchod pa byas nas drang srong cig shos kyi thad du dong ngo //drang srong des kyang de dag 'khor du byas nas drang srong des bsams pa/ ma la bdag kyang shi na ni bram ze'i khye'u 'di rnams mgon med par 'gyur gyis/ bdag gson pa'i tshe na 'di rnams bskyang bar bya dgos
131a6 so snyam nas drang srong de la slob ma'i mchog gsum yod pa de las gcig la ni drang srong des bram ze'i khye'u lnga brgya gtad do//gnyis la ni nyis brgya lnga bcu nyis brgya lnga bcu gtad do/ /'di skad ces kyang bsgo ste/ bdag gson pa'i tshe yang rung shi ba'i 'og tu yang rung ste khyed
131a7 kyis 'di rnams slobs shig /yid la byed pa la yang yang dag par bzung bar gyis shig ces byas so/ /de nas de dag gi nang nas gcig gis ni bram ze'i khye'u lnga brgya bsam gtan bzhi dang mngon par shes pa lnga la yang dag par bkod do/ /gcig gis ni gzugs med nga
131b1 pa'i khams su bkod do//gcig gis ni gzugs kyi khams su bkod do/ /dge slong dag ji snyam du sems/ de'i tshe gang gis bram ze'i khye'u de dag bsam gtan bzhi dang mngon par shes pa lnga la bkod pa de ni bram ze ka pi na 'di nyid yin no/ /gang gis de dag
131b2 gzugs med pa'i khams su bkod pa de ni maud gal gyi bu 'di nyid yin no//de'i tshe gang gis de dag gzugs kyi khams su bkod pa de ni shA ri'i bu 'di nyid yin te/ de'i tshe yang de rnams las 'di dag nyid las gcig gis ni bsam gtan bzhi dang mngon par shes
131b3 pa lnga la bkod do//gcig gis ni gzugs med pa'i khams su bkod do/ /gcig gis ni gzugs kyi khams su bkod do/ /da ltar yang 'di rnams las gcig gis ni dgra bcom pa nyid la bkod do/ /gcig gis ni phyir mi 'ong ba'i 'bras bu la bkod do/ /
131b4 gcig gis ni rgyun du zhugs pa'i 'bras bu la bkod do/ /gzhan yang dge slong dag bram ze ka pi na'i slob ma gang yin pa de dag ni dbang po rnon po yin no/ /maud gal gyi bu'i slob ma gang yin pa de dag ni dbang po 'bring ngo / /shA ri'i bu'i slob ma gang yin pa de dag ni
131b5 dbang po rtul po yin te/dge slong dag gal te shA ri'i bu'i slob ma gang yin pa de dag bram ze ka pi na la gtad du zin na/ dro bar gyur pa yang de dag gis bskyed mi nus na/ gong ma'i khyad par rtogs pa lta ga la 'gyur/ de nas dge slong de dag gis sangs rgyas bcom
131b6 ldan 'das la zhus pa/btsun pa drang srong ka ne ya dang ri bo g.yog 'khor dang bcas pa gnyis kyis las ci bgyis na/ las de'i rnam par smin pas 'di gnyis kyis bcom ldan 'das mnyes par bgyis te mi mnyes par ma bgyis la/ bcom ldan 'das kyi bstan pa la rab
131b7 tu byung nas nyon mongs pa thams cad spangs te dgra bcom pa nyid mngon sum bgyis lags/bcom ldan 'das kyis bka' stsal pa/ smon lam gyi dbang las gyur to/ /'di gnyis kyis smon lam gang du btab lags/ bcom ldan 'das kyis bka' stsal pa/ dge
132a1 slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur
132a2 ba/bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na khyim bdag mdza' zhing bshes la gcugs pa gnyis shig 'khod pa las/ phyi zhig na de gnyis kyis yang dag par rdzogs pa'i sangs
132a3 rgyas 'od srung gi bstan pa la dad pa rnyed nas/de gnyis kyis khyim gyi 'khor btang ste gnyi ga rab tu byung ngo / /rab tu byung nas de gnyis kyis sde snod gsum bslabs te/ de gnyi ga rig pa dang grol ba'i spobs pa dang ldan pa'i chos smra bar gyur te/ de gnyi ga gos dang zas dang mal
132a4 cha dang stan dang snyun gsos dang sman zong rnams rnyed par gyur to//de gnyi gas kyang slob ma lnga brgya lnga brgya bsdus nas gnyi ga yang 'khor gyi slob dpon du gyur to/ /der de gnyis kyis tshe gcig tu tshangs par spyod pa spyad nas 'chi kar smon lam btab pa/ yang dag par rdzogs pa'i sangs rgyas
132a5 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gnyis kyis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom
132a6 pa nyid mngon sum du byed par gyur cig ces byas so//de nas de gnyis la slob ma rnams kyis dris pa/ khyed gnyis kyis smon lam ci lta bu zhig btab ces byas nas/ de gnyis kyis de dag la rgyas par bsnyad do/ /de nas de dag gis smras pa/ bdag cag gis kyang khyed
132a7 gnyis las brten te sangs rgyas bcom ldan 'das de mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong
132b1 dag ji snyam du sems/de'i tshe 'khor gyi slob dpon du gyur pa gang yin pa de gnyis ni/ kai ne ya dang ri bo 'di gnyis kho na yin no/ /de'i tshe slob mar gyur pa gang yin pa de dag ni dge slong stong po 'di dag nyid yin te/ de dag gis der smon lam btab ste yang dag
132b2 par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams
132b3 cad spangs te/dgra bcom pa nyid mngon sum du byed par gyur cig ces byas pa des na dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur
132b4 nas/'di rnams kyis nga mnyes par byas te/ mi mnyes par ma byas la nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// // las brgya tham pa/ bam po bcu gcig pa/ bag ma
132b5 gtong ba zhes bya ba gnyis la/bag ma gtong ba dang po ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag mdza' zhing bshes la gcugs pa gnyis shig 'dug go/ /de nas phyi zhig na de gnyis gcig la gcig smras te/ grogs po bdag
132b6 cag gnyis kyis ci nas mdza' ba las cung zad kyang 'bye bar mi 'gyur bar bya'o//khyim bdag cig shos kyis smras pa/ 'o na bdag cag gnyis kyis ji ltar bya/ khyim bdag gcig gis smras pa gnyen du bya'o/ /khyim bdag gcig gis smras pa/ khyod la bu khye'u'am
132b7 bu mo lta yod dam/khyim bdag gcig gis smras pa med do/ /khyim bdag gcig gis smras pa/ 'o na bdag la yang bu khye'u yang med bu mo yang med la/ khyod la yang bu khye'u yang med bu mo yang med na bdag cag gnyis kyis gnyen du ji ltar bya/ khyim bdag gcig
133a1 gis smras pa/gnyen bya ba la rnam pa 'di gnyis yin te/ skyes zin pa'i gnyen dang da dung ma skyes pa'i gnyen no/ /bdag cag gnyis la bu khye'u yang med bu mo yang med mod kyi/ da dung ma skyes pa'i gnyen byar rung ste gal te bdag gi bu khye'u btsas la
133a2 khyod kyi bu mo btsas na ni de bdag gi bu la byin cig /de ste khyod kyi bu khye'u btsas la bdag gi bu mo btsas na ni bdag gis de khyod kyi bu la sbyin par bya'o zhes byas nas de gnyis kyis da dung ma skyes pa'i gnyen byas te song ngo / /de nas phyi zhig na gcig gi chung ma la bu chags par
133a3 gyur nas/de zla ba dgu'am bcu lon pa dang bu byung ste/ khye'u gzugs bzang zhing blta na sdug la mdzes pa zhig btsas nas/ de'i btsas ston rgyas par byas te rigs dang 'thun par ming btags nas/ 'o ma dang zho dang mar dang zhun mar dang mar gyi nying gus bskyed
133a4 bsrings so//de nas phyi zhig na khyim bdag cig shos kyang chung ma dang rtse zhing dga' la dga' mgur spyod pa las chung ma la bu chags nas/ de zla ba dgu'am bcu lon pa dang / bu mo gzugs bzang zhing blta na sdug la mdzes pa zhig btsas te/ de'i btsas ston rgyas par byas
133a5 nas rigs dang 'thun par ming btags te/'o ma dang zho dang mar dang zhun mar dang mar gyi nying gus bskyed bsrings nas/ de gang gi tshe chen mor gyur pa dang des bcom ldan 'das kyi bstan pa la dad pa rnyed nas skyabs su 'gro ba dang bslab pa'i gzhi rnams kyang blangs so/ /de nas phyi
133a6 zhig na des pha ma gnyis la smras pa/yab yum bdag ni 'dod pa rnams la longs spyod pa'i rngo mi thogs kyis/ bcom ldan 'das kyi bstan pa la rab tu 'byung bar gnang bar mdzad du gsol/ pha ma gnyis kyis smras pa/ bu mo khyod ma skyes pa'i snga rol nas bdag cag gnyis
133a7 kyis khyim thab la byin zin gyis bdag cag gnyis kyis gnang bar byar mi rung ngo zhes byas pa dang /bu mo des pha ma gnyis la yang dang yang du dus kyis gsol nas/ de'i pha ma gnyis kyis bsams pa/ ma la bu mo 'di nyid kyis bdag cag gi tshig ma mnyan te rab tu 'byung srid kyis
133b1 bdag cag gis gyos sgyug la sbran to snyam nas/de gnyis kyis de'i pha ma gnyis la smras pa/ bu mo 'di ni rab tu 'byung bar 'dod de bdag cag gnyis kyis ma mthong bar rab tu 'byung srid kyi/ ma thogs pa kho nar bag ma long la khyed cag gi khyim du khrid cig ces byas so/ /
133b2 de nas de thos ma thag tu khyim bdag des bu chas su bcug ste/ khye'u de rgyan thams cad kyis brgyan nas 'byor pa chen po dang ldan pas gyos po'i khyim du btang ngo / /de nas khyim bdag des kyang khyim na gnas pa rnams kyi khyim pa'i chos bzhin du byas nas bu mo khyim thab la
133b3 btang ngo //de nas bag ma blangs zin pa'i 'og tu bu mo de bros te/ dge slong ma'i gtsug lag khang du song nas rab tu byung ste bsnyen par rdzogs so/ /mkhan mos kyang de la lung phog nas des brtson pa dang bsgrub pa dang 'bad pas nyon mongs pa thams cad spangs te/ dgra bcom
133b4 pa nyid mngon sum du byas nas rdzu 'phrul yang bsgrubs te/dbang po dang nye dbang dang bcas pa'i 'jig rten gyis mchod cing rjed pa dang gus par smra ba'i gnas su gyur to/ /khye'u des kyang chung ma bros pa thos nas thos ma thag tu g.yog 'khor mang po dag dang chas te/ tshol zhing dge slong
133b5 ma'i gtsug lag khang du song ba las khye'u des bdag gi chung ma skra bregs te chos gos tshon can bgos te/skyil mo krung bcas nas bsam gtan byed pa mthong ste/ mthong ma thag tu de'i thad du song nas des lag pa nas bzung bar byas pa dang de steng gi nam mkha' la 'phags nas
133b6 'bar ba dang lam mer 'dug pa dang char 'bab pa dang glog 'gyu ba'i cho 'phrul rnams bstan nas/de mthong ma thag tu khye'u de dang skye bo mang po de dag shas cher dga' bar gyur to/ /dga' bar gyur nas rkang pa la phyag 'tshal te smras pa/ skal ba chen mo mar spyon mar spyon/ bdag
133b7 cag nyes par spyad pa'i 'dam du bying ba las lag nas drang du gsol zhes byas so//de nas de sa la babs nas khye'u des rkang pa la phyag 'tshal te bzod pa gsol nas yo byad thams cad kyang bstabs te chos mnyan pa'i phyir de'i mdun du 'dug go/ /des kyang de rnams kyi bsam pa dang
134a1 bag la nyal dang khams dang shes pa dang rang bzhin rtogs nas de dang 'thun pa'i chos bstan te/de nas khye'u de dang skye bo mang po de dag gis stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i
134a2 'bras bu mngon sum du byas te/bden pa mthong nas khye'u des bsams pa/ bud med kyis kyang bcom ldan 'das kyi bstan pa la rab tu byung nas/ yon tan gyi tshogs 'di lta bu dag thob par gyur gyis bdag gis kyang khyim na gnas pa btang la bcom ldan 'das kyi bstan pa la rab tu byung
134a3 nas/chu bo rnams las brgal bar bya ba dang sbyor ba rnams las 'da' bar bya ba'i phyir brtson pa dang bsgrub pa dang 'bad par bya'o snyam nas pha ma la gsol te/ bcom ldan 'das kyi bstan pa la rab tu byung nas/ des kyang brtson pa dang bsgrub pa dang 'bad pas nyon mongs pa thams cad
134a4 spangs te dgra bcom pa nyid mngon sum du byas nas rdzu 'phrul yang bsgrubs te/dbang po dang nye dbang dang bcas pa'i 'jig rten gyis mchod cing rjed pa dang gus par smra ba'i gnas su gyur to/ /de nas dge slong dag gis sangs rgyas bcom ldan 'das la zhus pa/ btsun pa dge slong ma
134a5 'dis las gang dag bgyis na/bag mar mchis pa'i 'og tu nyon mongs pa thams cad spangs te dgra bcom pa nyid mngon sum du bgyis la dge slong 'dis kyang 'di kho na la brten nas nyon mongs pa thams cad spangs te dgra bcom pa nyid mngon sum du bgyis lags/ bcom ldan 'das kyis
134a6 bka' stsal pa/smon lam gyi dbang las gyur to/ /btsun pa 'di gnyis kyis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i
134a7 sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na khyim bdag cig gi bu mo
134b1 thabs snga ma kho na ltar rab tu byung nas de'i khyim thab kyis kyang de kho na las brten te/yang dag par rdzogs pa'i sangs rgyas 'od srung gi bstan pa la rab tu byung nas/ dge slong ma des tshe gcig tu tshangs par spyad de 'chi kar smon lam btab pa/ 'di ltar bdag gis yang dag
134b2 par rdzogs pa'i sangs rgyas 'od srung gi bstan pa la tshe gcig tu tshangs par spyad kyang yon tan gyi tshogs ci yang ma thob kyis/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de'i bstan pa la thabs 'di
134b3 kho na bzhin du bag mar song ba'i 'og tu rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so//de nas de sngon gyi khyim thab kyis mthong nas dris pa bzang mo khyod kyis smon lam ji lta bu zhig btab/ de nas des de la thams
134b4 cad rgyas par bsnyad do//de nas dge slong des kyang smon lam btab ste/ bzang mo ji ltar khyod las brten nas bdag gis yang dag par rdzogs pa'i sangs rgyas 'od srung gi bstan pa la dad pa rnyed pa de bzhin du de kho na'i tshe yang nga nyid khyod kyi khyim thab tu gyur te khyod kho na las brten nas
134b5 bdag gis bcom ldan 'das de mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong dag de ji snyam du sems/ de'i
134b6 tshe dge slong mar gyur pa gang yin pa de ni dge slong ma 'di nyid yin te/des der tshe gcig tu tshangs par spyad nas 'chi kar smon lam btab ste/ 'di ltar bdag bag mar song ba'i 'og tu yang dag par rdzogs pa'i sangs rgyas 'od srung gi bstan pa la rab tu byung nas tshe gcig tu tshangs
134b7 par spyad kyang yon tan gyi tshogs ci yang ma thob kyis/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de'i bstan pa la bdag da lta bzhin du bag mar song ba'i 'og tu rab tu byung nas nyon mongs pa
135a1 thams cad spangs te dgra bcom pa nyid mngon sum du byed par gyur cig ces byas pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur
135a2 nas/da ltar 'di bag mar song ba'i 'og tu rab tu byung nas 'dis nga mnyes par byas te mi mnyes par ma byas la/ nyon mongs pa thams cad spangs te dgra bcom pa nyid mngon sum du byas so/ /de'i tshe khyim thab tu gyur pa gang yin pa de ni dge slong 'di nyid yin te/ des der smon
135a3 lam btab ste/de'i tshe nga nyid khyod kyi khyim thab tu gyur nas khyod kho na las brten te sangs rgyas bcom ldan 'das de mnyes par byed par gyur cig mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid
135a4 mngon sum du byed par gyur cig ces byas pa des na/da ltar 'dis 'di kho na la brten nas nga mnyes par byas te mi mnyes par ma byas la/ nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //bag ma gtong ba
135a5 phyi ma ni/gleng gzhi mnyan du yod pa na bzhugs te/ de'i tshe rgyal po gsal rgyal gyi blon po'i gtso bo gnyis yod pa la gcig gi ming ni 'dzin ces bya/ gcig gi ming ni byin pa zhes bya'o/ /de gnyis mdza' zhing bshes la gcugs par gyur te/ de gnyis
135a6 kyis thabs zlar bab pa las chung ma blangs nas de gnyis chung ma dang rtse zhing dga' la dga' mgur spyod do//de nas phyi zhig na de gnyis lhan cig tu tshogs te smras pa/ grogs po bdag cag gnyis kyis ci nas mdza' ba 'di las ji srid 'tsho'i bar du cung zad kyang 'bye bar mi bya'o
135a7 zhes smras so//de nas 'dzin gyis smras pa/ 'o na bdag cag gnyis kyis ji ltar bya/ byin pas smras pa/ gnyen du bya'o/ /'dzin gyis smras pa/ khyod la bu khye'u'am bu mo lta yod dam/ byin pas smras pa med do/ /'dzin gyis smras pa/ 'o na
135b1 bdag la bu khye'u yang med bu mo yang med la/khyod la yang bu khye'u yang med bu mo yang med na bdag cag gnyis gnyen du ji ltar bya/ byin pas smras pa gnyen du bya ba la rnam pa gnyis yod de/ skyes zin pa'i gnyen dang da dung ma skyes pa'i gnyen no/ /bdag cag gnyis la bu khye'u
135b2 yang med bu mo yang med mod kyi da dung ma skyes pa'i gnyen byar rung ste/gal te bdag gi bu khye'u btsas la/ khyod kyi bu mo btsas na ni de bdag gi bu la byin cig /de ste khyod kyi bu khye'u btsas la bdag gi bu mo btsas na ni bdag gis de khyod kyi bu la sbyin par bya'o zhes byas so/ /de nas
135b3 de ltar bya'o zhes smras nas de gnyis song ngo //de nas phyi zhig na 'dzin gyi chung ma la bu chags par gyur nas/ de zla ba dgu'am bcu lon pa dang bu khye'u zhig btsas te/ de'i ming sa ga zhes btags so/ /'dod pa rnams ni tsha chu dang 'dra ste ji tsam du bsten pa de tsam du phyir zhing skye
135b4 bar 'gyur te/snga phyir de'i bu bdun byung nas de rnams kyi btsas ston rgyas par byas te rigs dang 'thun par ming btags nas bskyed bsrings so/ /de nas phyi zhig na byin pa'i chung ma la yang bu chags par gyur nas de zla ba dgu'am bcu lon pa dang bu mo gzugs bzang zhing blta na sdug la
135b5 mdzes pa zhig btsas na/bu mo de rang bzhin gyis ngu bar gyur nas pha ma gnyis kyis de thabs cis kyang dgag par ma nus so/ /de nas phyi zhig na skye dgu'i bdag mo chen mo gau ta mI khyim der song nas khyim bdag de la chos bshad pa dang bu mo de yang chos thos nas kha rog ste 'dug go/ /de
135b6 nas gang gi tshe skye dgu'i bdag mo chen mo gau ta mIs khyim bdag de la chos bshad nas phyir song ba de'i tshe yang bu mo de ngu ba la zhugs pa dang /khyim bdag des 'phrigs te bsams pa/ bu mo 'di ni chos nyan pa 'dod pa zhig yin gor ma chag snyam mo/ /de nas de'i btsas ston byas nas bu
135b7 mo 'di'i ming ji skad gdags zhes ming 'dogs par byed de bu mo 'di chos 'dod la byin pa'i bu mo yin pas na/bu mo 'di'i ming chos byin ma zhes bya bar gdags so zhes zer ro/ /de nas bu mo chos byin ma 'o ma dang zho dang mar dang zhun mar dang mar gyi nying gus bskyed bsrings nas/
136a1 de gang gi tshe chen mor gyur pa de'i tshe des bcom ldan 'das kyi bstan pa la dad pa rnyed nas des pha ma gnyis la gsol te/ dus dus su dge slong rnams dang dge slong ma rnams bshos gsol nas de rnams kyi mdun du 'dug ste chos nyan par byed do/ /de nas
136a2 des chos thos nas skyabs su 'gro ba dang bslab pa'i gzhi rnams blangs nas/de khyim na gnas bzhin du phyir mi 'ong ba'i 'bras bu mngon sum du byas te rdzu 'phrul yang bsgrubs so/ /des bden pa mthong nas pha ma gnyis la smras pa/ yab yum bdag bcom ldan 'das kyi bstan
136a3 pa la rab tu 'byung bar gnang bar mdzad du gsol/pha ma gnyis kyis smras pa/ bu mo khyod ma skyes pa'i snga rol nas/ bdag cag gnyis kyis khyim thab la byin zin gyis bdag cag gnyis kyis gnang bar byar mi rung ngo / /bu mo des smras pa/ bdag ni 'dod pa rnams
136a4 don du gnyer ba ma lags na/bdag la khyim thab ci 'tshal/ pha ma gnyis kyis smras pa/ bdag cag gnyis kyis khyod la gnang bar byar mi rung gis 'on kyang khyod nyid las brten te/ bdag cag gnyis kyis sangs rgyas la sogs pa dge slong gi dge 'dun spyan drang
136a5 bar bya'o//'dzin la yang bzlugs la khyod bdag nyid kyis khyim thab la gsol te rab tu 'byung bar gyis shig ces byas nas/ khyim bdag byin pas sangs rgyas la sogs pa dge slong gi dge 'dun spyan drangs nas/ de nyid kyi mtshan mo bza' ba dang bca' ba gtsang ma
136a6 bzang po mang po bshams te nang par sngar langs nas gdan bshams te chu ra bkang ste bzhag nas/bcom ldan 'das la phrin gyis gdugs tshod bskul ba/ btsun pa gdugs tshod la bab ste bshos gsol lags na/ bcom ldan 'das kyis da de'i dus la bab par dgongs te
136a7 gshegs su gsol zhes bskul to//de nas bcom ldan 'das snga dro sham thabs dang chos gos gsol te lhung bzed bsnams nas dge slong gi tshogs kyis zhabs 'bring byas te dge slong gi dge 'dun gyis mdun du bdar nas/ khyim bdag byin pa'i bkad sa ga la ba der
136b1 gshegs te byon nas gdan bshams pa la bzhugs so//de nas khyim bdag byin pas sangs rgyas la sogs pa dge slong gi dge 'dun bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te ci bzhed pa
136b2 bstabs so//de nas bcom ldan 'das bshos gsol zin te gsang sder ni gyu phyag ni bcabs par rig nas chos mnyan pa'i phyir spyan sngar 'dug go/ /de nas des bu mo chos byin ma rab tu 'byung bar 'dod pa las bzlog ma nus nas khyim bdag 'dzin la sbran te
136b3 khyod nyid 'dir shog la zlog shig ces byas so//de nas de thos ma thag tu 'dzin g.yog 'khor dang bcas pa lhags nas khyim bdag byin pa'i khyim phyi bskor te 'khod do/ /de nas bcom ldan 'das kyis khyim bdag byin pa g.yog 'khor dang bcas pa chos kyi
136b4 gtam gyis yang dag par bstan/yang dag par 'dzin du bcug /yang dag par gzengs bstod/ yang dag par dga' bar mdzad nas/ gdan las bzhengs te gshegs so/ /sangs rgyas la sogs pa dge slong gi dge 'dun gshegs nas dge slong ma'i dge 'dun
136b5 yang dong ngo //bu mo chos byin ma yang de dag dang thabs cig tu song ngo / /khye'u sa ga dang 'dzin g.yog 'khor dang bcas pas kyang bu mo chos byin ma khyim de nas byung ba mthong ngo / /mthong nas kyang khye'u sa gas bu mo chos byin ma bzung zhes byas na/ de steng gi nam
136b6 mkha' la 'phags nas 'bar ba dang lam mer 'dug pa dang char 'bab pa dang glog 'gyu ba'i cho 'phrul rnams bstan te/de mthong nas khye'u sa gas bsams pa/ 'dis chos 'di lta bu thob pa las na 'di bdag dang lhan cig tu 'dod pa rnams longs spyod par ga la 'gyur snyam mo/ /
136b7 so so'i skye bo ni rdzu 'phrul gyis myur du dad par 'gyur te/ de mthong ma thag tu rkang pa la phyag 'tshal nas smras pa/ skal ba chen mo mar spyon mar spyon/ bdag cag nyes par spyod pa'i 'dam du bying ba las lag nas drang bar gsol zhes byas so/ /de nas de nam mkha' las
137a1 babs nas/khye'u sa gas kyang rkang pa la phyag 'tshal te bzod pa gsol nas smras pa/ bdag gis khyod de bzhin du gnang ngo / /yo byad thams cad kyang sbyar bar bya ste khyod la ci dgos pa de dag thams cad bdag gis sbyin no zhes byas nas/ chos mnyan
137a2 pa'i phyir mdun du 'dug go//de nas chos byin mas de dag la chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar byas nas song ngo / /de nas dge slong ma'i gtsug lag khang du song ste/ rab
137a3 tu byung nas dge slong ma rnams kyis de la dge tshul ma'i bslab pa'i gzhi rnams kyang phog /chos drug gi bslab pa'i sdom pa yang phog nas de gang gi tshe lo gnyis kyi bar du chos drug la bslabs nas bsnyen par rdzogs par 'dod pa de'i tshe/ dge slong ma rnams kyis de la tshangs par
137a4 spyod pa'i gnas kyi sdom pa phog ste/bsnyen par rdzogs par bya ba'i phyir rgyal bu rgyal byed kyi tshal du khrid do/ /de yang gzugs bzang zhing blta na sdug la mdzes pa kha dog rgyas pa mchog dang ldan pa yul na bzang ba byad gzugs dpe med pa zhig ste/ btsas ma thag tu skye bo
137a5 mang pos bslangs na yang khyim bdag byin pas sngon gzhan la byin zin pa'i phyir su la yang ma byin no//de gang gi tshe rab tu byung ba de'i tshe gzhan dag gi sems skyes pa/ 'di khyim na gnas pa'i tshe ni bdag cag gis ma thob na da ni 'di rab tu byung zin gyis/ bdag cag gis ci
137a6 dga' mgur byar yod do snyam nas bskor bar chad de/thabs ji ltar byas na 'di bdag cag gis dbrog nus par gyur snyam pa dang / kha cig song ste dge slong ma rnams la sbran nas dge slong ma rnams kyis bsams pa/ da ni 'di bdag cag gis rgyal bu rgyal byed kyi tshal du khrid de
137a7 bsnyen par rdzogs par byed kyang mi nus la/dge slong ma'i gtsug lag khang 'dir bzhag par mi nus so snyam ste pha'i khyim du khrid nas der bzhag go /de nas dge slong ma rnams kyis de'i gtam rgyas par bcom ldan 'das la gsol te/ btsun pa bdag cag gis dge slong
137b1 ma chos byin ma ji ltar bsnyen par rdzogs par bgyi/bcom ldan 'das kyis bka' stsal pa/ 'o na dge slong ma chos byin ma phrin gyis bsnyen par rdzogs par gnang gis/ phyin cad gzhan zhig phyi rol du 'byung ba la/ 'di kho na dang 'dra ba'i nyes dmigs 'byung bar
137b2 'gyur na/de yang phrin gyis bsnyen par rdzogs par gyis shig ces bka' stsal nas/ de thos ma thag tu dge slong ma rnams kyis de phrin gyis bsnyen par rdzogs par byas te/ gzhung las ji skad 'byung ba bzhin du rgyas par brjod par bya'o/ /de nas phrin gyis bzlugs
137b3 pa'i dge slong ma chos byin ma'i thad du song nas bsgo ba/chos byin ma khyod bsnyen par rdzogs zin gyis bag yod par nan tan gyis shig ces byas so/ /de nas de thos ma thag tu chos byin mas nyon mongs pa thams cad spangs nas dgra bcom pa nyid mngon sum du byas te/ de
137b4 dgra bcom pa khams gsum pa'i 'dod chags dang bral bar gyur nas/gser dang bong bar mnyam pa nam mkha' dang lag mthil du 'dra ba'i sems dang ldan pa tsan dan sbangs pa lta bur bsil bar gyur pa rig pas sgo nga'i sbubs bcom pa rig pa dang mngon par shes pa dang /
137b5 so so yang dag par rig pa thob pa srid pa'i rnyed pa dang chags pa dang bkur sti la rgyab kyis phyogs pa dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag gis sangs rgyas bcom ldan 'das la
137b6 zhus pa/btsun pa chos byin mas las ci zhig bgyis na las de'i rnam par smin pas phyug cing nor mang la longs spyod che ba'i rigs su skyes la/ bcom ldan 'das kyang 'dis mnyes par bgyis te mi mnyes par ma bgyis/ bcom ldan 'das kyi bstan pa la rab tu byung
137b7 nas nyon mongs pa thams cad spangs te dgra bcom pa nyid mngon sum du bgyis nas 'di kho na las brten te/bcom ldan 'das kyis dge slong ma rnams la phrin gyis bsnyen par rdzogs par gnang bar mdzad lags/ bcom ldan 'das kyis bka' stsal pa/ smon lam gyi dbang
138a1 las gyur to//btsun pa 'dis smon lam gang du btab lags/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs
138a2 pa/'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na khyim bdag cig gnas pa las phyi zhig na de'i bu mo gzugs bzang zhing
138a3 blta na sdug la mdzes pa yul na bzang ba byad gzugs dpe med pa zhig btsas nas/de gang gi tshe chen mor gyur pa de'i tshe des yang dag par rdzogs pa'i sangs rgyas 'od srung gi bstan pa la dad pa rnyed nas des pha ma la gsol te/ rab tu byung nas de bsnyen par rdzogs
138a4 par bya ba'i phyir phyi rol du byung ba las nyes dmigs su gyur nas/bcom ldan 'das 'od srung gis de phrin gyis bsnyen par rdzogs par gnang ste/ gang gi tshe phrin gyis bsnyen par rdzogs par gyur pa de'i tshe phrin gyis bzlugs pa'i dge slong ma de'i thad du song nas bsgo ba ming
138a5 'di zhes bya ba khyod bsnyen par rdzogs zin gyis bag yod par nan tan gyis shig ces byas so//de nas de'i tshe des nyon mongs pa thams cad spangs nas dgra bcom pa nyid mngon sum du byas te/ dgra bcom pa nyid thob nas 'bar ba dang lam mer 'dug pa dang char 'bab pa
138a6 dang glog 'gyu ba'i cho 'phrul bstan te/phung po lhag ma med pa'i mya ngan las 'das pa'i dbyings su yongs su mya ngan las 'das pa nas/ mkhan mos de'i sku gdung la sku gdung gi mchod pa byas te/ sku gdung gi mchod rten brtsigs nas bdug pa dang phye ma dang spos dang me tog
138a7 gis bkur sti byas te/tshe gcig tu tshangs par spyod pa spyad nas 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad kyang yon tan ci yang ma thob kyis/ yang dag par rdzogs
138b1 pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /ji ltar bdag gi slob ma las brten nas yang dag par rdzogs pa'i sangs
138b2 rgyas 'od srung gis phrin gyis bsnyen par rdzogs par gnang ba de bzhin du/bdag kyang shAkya thub pa shAkya'i rgyal po'i mchog des phrin gyis bsnyen par rdzogs pa gnang nas/ de'i bstan pa la rab tu byung ste nyon mongs pa thams cad spangs nas dgra bcom pa nyid mngon
138b3 sum du byed par gyur cig ces byas so//dge slong dag ji snyam du sems/ de'i tshe dge slong mar gyur pa gang yin pa de ni dge slong ma chos byin ma 'di nyid yin te/ des der tshe gcig tu tshangs par spyod pa spyad nas 'chi kar smon lam btab ste/ yang dag par rdzogs pa'i
138b4 sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom
138b5 pa nyid mngon sum du byed par gyur cig /ji ltar bdag gi slob ma las brten nas yang dag par rdzogs pa'i sangs rgyas 'od srung gis phrin gyis bsnyen par rdzogs par gnang ba de bzhin du shAkya thub pa shAkya'i rgyal po'i mchog des kyang / bdag las brten te phrin gyis bsnyen
138b6 par rdzogs par gnang bar gyur cig ces byas pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/ 'dis nga mnyes par byas te mi mnyes par
138b7 ma byas la nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas nas 'di nyid las brten te/ngas dge slong ma rnams la phrin gyis bsnyen par rdzogs par gnang ba yin no/ /de nas yang dge slong dag gis sangs rgyas bcom
139a1 ldan 'das la gsol pa/btsun pa dge slong ma chos byin ma 'di skye bo mang pos bstod nas tshegs chen pos tshangs par spyod pa'i gnas ji ltar bsrungs pa la gzigs/ bcom ldan 'das kyis bka' stsal pa/ da ltar 'ba' zhig ma yin te 'das pa'i
139a2 dus na yang 'di skye bo mang pos bstod nas tshegs chen pos tshangs par spyod pa'i gnas ji ltar bsrungs pa de nyon cig /dge slong dag sngon byung ba 'das pa'i dus na/ grong khyer bA rA Na sI na rgyal po tshangs pas byin zhes bya ba rgyal po byed de/ de'i tshe bA rA Na sI na khyim bdag
139a3 cig gnas pa des thabs zlar bab pa las chung ma blangs pa las de phyi zhig na/de'i chung ma la bu chags nas de zla ba dgu'am bcu lon pa dang bu byung ste/ khye'u gzugs bzang zhing blta na sdug la mdzes pa zhig btsas nas de'i btsas ston rgyas par byas te/ rigs dang
139a4 'thun par ming btags nas/'o ma dang zho dang mar dang zhun mar dang mar gyi nying gus bskyed bsrings te/ de gang gi tshe cher skyes pa de'i tshe yi ge dang khong rtsis dang shod dgod dang lag rtsis dang dbyung ba dang sba ba dang dgram pa dang gos brtag pa dang nor bu brtag pa dang rin po che
139a5 brtag pa dang spos brtag pa dang sman brtag pa dang glang po che brtag pa dang rta brtag pa dang go mtshon brtag pa bslabs te/yi ge mkhas pa dang klog mkhas pa dang mdzangs pa dang bya ba la gsal ba dang yid gzhungs pa dang brtag pa rnam pa brgyad la byang bar gyur to/ /de nas de'i
139a6 pha mas thabs zlar bab pa las de'i chung ma blangs nas de yang de dang lhan cig tu rtse zhing dga' la dga' mgur spyod de/khye'u de bu mo de la shas cher chags nas de med kyi bar du 'dug mi 'dod de/ des zong bzhag pa dang tshong khang bor nas de 'ba' zhig dang lhan cig 'dug go/ /de
139a7 nas khyim bdag des bsams pa/'di 'di la chags na nor zas thams cad zad par 'ong gis 'di ro 'di dang dbral dgos so snyam nas smras pa/ bu cig ro 'di ci dgos gal te khyod 'di bzhin du 'dug ste las mi byed na rgas pa'i tshe phongs par 'gyur gyis/ bu ji srid kyi bar du
139b1 khyod kyi 'byung ba chen po rnams la mthu yod kyi bar du nor bsgrub par gyis shig /phyis chung ma dang sdug par gyur ta re zhes smras nas/ khyim bdag des le'u glon pa'i zong sta gon byas nas khye'u de yul gzhan du btang ngo / /khye'u des kyang rnga mo dang bong bu la sogs pa la zong bkal
139b2 nas grong dang grong khyer dang nags khrod kyi grong dang yul chen po rnams bgrod de rgyangs chad pa zhig tu phyin nas de chung ma'i phyir rtsa sngon po brngas pa skams pa bzhin du 'dug ste des bsams pa/bdag de dang myur du phrad par 'gyur ba'i thabs ji yod snyam ste de'i thabs sems
139b3 shing 'dug go//de nas de'i tshe ri khrod kyi grong de na shing mkhan bzo thabs mkhan shing gi bzo thabs kyi nam mkha' lding nam mkha' la 'gro bar byed shes pa zhig 'dug go/ /de nas khye'u des kyang thos nas thos ma thag tu bsams pa/ der 'gro ba'i thabs bdag gis rnyed
139b4 do snyam ste bzo thabs mkhan gyi thad du song nas smras pa/kye mi khyod kyis bzo thabs kyi nam mkha' lding 'di bdag la byin cig dang bdag gis khyod la kAr ShA pa Na lnga brgya sbyin no zhes byas pa dang / de na re bdag gis khyod la gtan sbyin du ni mi rung gis nyi ma re re bdag gi thad
139b5 nas long la don gnyer du song nas phyir khyer te 'ongs nas bdag la phul cig ces zer ro//de nas khye'us smras pa/ khyod ji ltar dga' ba bzhin du bgyi'o zhes byas nas mi des nam mkha' lding de bcos te 'gro ba dang phyir ldog pa yang bslabs nas byin no/ /de nas de
139b6 de la zhon nas rang gi khyim du song ste chung ma dang lhan cig tu dga' ba nyams su myong nas phyir yang ri khrod kyi grong de nyid du 'gro'o//de nas phyi zhig na de'i chung ma de la bu chags nas de zla ba dgu'am bcu lon te bu btsas la thug pa dang bzo thabs kyi slob dpon de don zhig la yul
139b7 gzhan du song nas phyin cad khye'u de rang gi khyim du 'gro mi nus par gyur to//bu mo de yang gyos sgyug gnyis kyis smras te nyes dmigs 'di lta bu khyod kyis ji ltar byas zhes byas pa dang de na re jo bo nyid kyis byas so zhes zer ro/ /khyim bdag gis smras pa/ nga'i bu song nas lo du ma lon na
140a1 des 'di ji ltar byas/de nas bu mo des de gnyis la gtam de rgyas par bsnyad pa dang de gnyis na re khyod ji skad zer ba de lta ni ma yin no/ /de nas 'khang bzhin du nyes pa byas so snyam ste khyim nas bskrad do/ /de nas de bA rA Na sI nas byung ste pha'i khyim logs
140a2 su chas te de song song ba las ri khrod kyi grong zhig tu phyin nas/de der song ste lam po cher bzhag pa dang / de'i nub mo bu byung nas de na tsha mi bzod de myos shing 'dug pa las thag nye ba zhig na khyim bdag cig gnas te/ de'i khyim na khyi'i ming 'byung po zhes bya ba zhig yod
140a3 de/khyi de lam po cher song nas khye'u de mthong ste des bud med de myos shing 'dug pa'i bar du khye'u de sos bzung nas rang gi khyim du song ba dang / khyim bdag des kyang khye'u gzugs bzang zhing blta na sdug la mdzes pa de mthong nas mthong ma thag tu bsams pa/ bu ma rungs
140a4 pa bas ni gzhan gyi bu yang bur byar rung la/bdag la bu yang med bu mo yang med pas na khye'u 'di kho na blangs te/ gsos dang 'di bdag gi bur 'gyur ro snyam du bsams nas chung ma la smras pa/ bzang mo shes par gyis shig /bu ma rungs pa bas ni gzhan gyi bu yang
140a5 bur byar rung la/bdag cag gnyis la bu yang med bu mo yang med pas khye'u 'di bdag cag gis gsos dang 'di bdag cag gi bur 'gyur gyis khyod ni pang du zhugs shig /ngas ni btsas ston bya'o zhes byas nas bud med de'i pang du zhugs te 'dug go/ /khyim bdag des ni rnga
140a6 brdungs nas khye'u de'i btsas ston byed pa la zhugs so//de nas bud med snga ma de gang gi tshe na tsha zhi bar gyur pa de'i tshe langs te/ bu blang zhes byas na bu mi snang nas des nang par skye bo mang po nye 'khor na gnas pa rnams la khyed kyis byis pa lta ci mthong zhes dris pa dang / der
140a7 sus mthong ba de dag gis de la smras pa/khyim bdag che ge mo zhig gi khyi 'byung po zhes bya ba des khye'u zhig khyer te khyim der song ngo zhes byas so/ /de nas bud med des bud med gzhan zhig la brtsad de khyim der btang nas khyod song la khye'u de shi'am ma shi ltos shig ces byas
140b1 so//de nas bud med de der song ste bltas nas/ khye'u khyim bdag des blangs te bur byas pa mthong nas bud med de phyir log ste bsnyad do/ /de nas mas bsams pa khye'u de dang bdag cag gnyis ka sdug par 'gyur na mi rung gis re zhig khye'u de 'di nyid na 'dug kyang rung ngo
140b2 snyam du bsams nas/song ba dang de 'gron po dag cig dang phrad nas de 'gron po rnams kyi nang du zhugs pa las 'gron po de dag mi rgod kyis bcom nas bud med de mi rgod kyi sde dpon gyis rang gi khyim du khrid de chung mar bya bar byas nas/ de nyid kyi mtshan mo de dang lhan cig tu nyal
140b3 bar byas pa las/bud med des bsams pa/ ji ltar byas na 'dis bdag gi lag nas gzung bar mi nus pa'i thabs shig bdag gis bya'o snyam nas/ skra ni bshig gos sngon po ni bgos kha dang so ni rgya skyegs kyis bskus ral gri ni thogs nas khang phugs su zhugs
140b4 te 'dug pa dang mi de yang khang phugs der song ste/bud med de dang lhan cig tu dga' ba nyams su myong bar bya'o snyam pa dang / bud med des ral gri thogs bzhin du de'i steng du brgyugs nas khyod da gar yang thar du ma re zhig ces byas pa dang mi de 'jigs shing skrag nas rkang
140b5 pa la phyag 'tshal te/bzang mo bdag la srog gi sbyin pa mdzad du gsol zhes gsol ba btab bo/ /de nas bud med de na re/ khyod gson por 'dug tu rung ba'i thabs gcig cig yod de/ gal te khyod kyis deng phyin cad nga la 'dod pa dang ldan pas bsgrub par mi byed
140b6 la nga su la yang bsgrags par mi byed na/khyod gson por 'dug tu rung ngo zhes zer ro/ /mi rgod kyi sde dpon gyis smras pa/ khyod ji ltar dga' ba de bzhin du bya'o zhes byas nas yid ches pa'i mnas bsgags te bud med de khyim de nyid du 'dug go/ /de nas mi rgod kyi sde
140b7 dpon gyis bsams pa/bdag gis 'di nam du gso zhing 'dug bdag gis 'di thabs kyis btsong bar bya'o snyam nas/ de des smad 'tshong ma zhig la btsongs pa dang smad 'tshong mas de la bsgo ba bzang mo deng phyin cad 'dir 'dug la smad 'tshong ma gyis shig ces byas
141a1 so//de nas bud med de na re bdag la smad 'tshong ma ci dgos bdag ni skyes pa gzhan la reg mi phod do/ /smad 'tshong mas smras pa/ bdag gis de'i phyir nor yongs su btang ste khyod nyos pa yin no/ /de ma yin na khyod nga la ci dgos/ de nas bud
141a2 med des bsams pa/'dir yang thabs de nyid bya dgos so snyam nas de kho na bzhin du srin mo'i cha lugs su zhugs nas smad 'tshong ma'i thog tu brgyugs te nags khung gi srin mo ming 'di zhes bya ba khyod kyi khyim du zhugs na/ khyod da dung gson zhing 'dug
141a3 gam zhes byas pa dang /bud med de 'jigs shing skrag nas rkang pa la phyag 'tshal te bdag la srog gi sbyin pa mdzad du gsol zhes byas so/ /de nas bud med de na re khyod gson por 'dug tu rung ba'i thabs gcig cig yod de/ gal te khyod kyis nga 'di nyid na 'dug
141a4 na las 'di lta bu byed du ma bcug la nga su la yang bsgrags par mi byed na khyod gson por 'dug tu rung ngo zhes zer ro//smad 'tshong mas smras pa/ khyod ci ltar dga' ba de bzhin du bya'o zhes byas nas yid ches pa'i mnas bsgags te btang ngo / /de nas smad 'tshong ma
141a5 che ge mo'i khyim na nags khung gi srin mo gnas so zhes kun du gtam grags te/des 'jigs nas phyin cad su yang khyim der mi 'gro'o/ /de nas smad 'tshong mas bsams pa/ bdag gis 'di khyim nas bskrad pa'i thabs lta ci yod snyam mo/ /de nas de'i bu de yang cher
141a6 skyes nas/de'i ming yang khyim bdag des 'byung po zhes btags te/ de gang gi tshe cher skyes pa de'i tshe yi ge dang khong rtsis dang shod dgod pa dang lag rtsis dang dbyung ba dang sba ba dang dgram pa dang gos brtag pa dang nor bu brtag pa dang rin po che brtag pa dang spos brtag pa
141a7 dang sman brtag pa dang glang po che brtag pa dang rta brtag pa dang go mtshon brtag pa bslabs te/yi ge mkhas pa dang klog mkhas pa dang mdzangs pa dang bya ba la gsal ba dang yid gzhungs pa dang brtag pa rnam pa brgyad la byang bar gyur to/ /de nas phyi zhig na khye'u de
141b1 gsos pa'i pha de shi nas/khye'u des bsams pa da ni pha shi bas na khyim 'di'i 'tsho tshis bdag gis bya dgos so snyam nas zong khyer te yul gzhan du song ba las de mthar gyis gang na de'i ma de 'dug pa'i gnas der phyin nas/ de grong khyer der song ba las smad
141b2 'tshong ma de'i khyim dang thag nye ba zhig tu zong bzhag pa'i sar zong rnams bzhag nas 'dug go//bud med de yang gar song bar tshong pa rnams la 'dri bar byed de khyed kyis gnas ga ge mo zhig na tshong dpon che ge mo zhig 'dug pa'i bu shes sam zhes dri bar byed do/ /de nas de dag na re
141b3 ded dpon 'byung po zhes bya ba yod de/de'i pha ni shi'o zhes zer ro/ /de nas phyi zhig na khye'u de nyid kyi g.yog 'khor rnams la dris na/ de dag na re ded dpon 'byung po zhes bya ba de ni 'di yin no zhes zer ro/ /de nas bud med des smras pa/ ci'i phyir phas 'di'i ming 'byung po
141b4 zhes btags/byis pa rnams kyis smras pa/ khyim bdag de la khyi 'byung po zhes bya ba zhig yod de/ des 'di lam po che nas khyer te 'ongs nas de la byin pas na 'di'i ming yang 'byung po zhes btags so/ /de nas bud med des bsams pa/ bdag gi bu ni 'di kho na
141b5 yin no snyam ste/de khye'u de'i thad du song nas khye'u de la gtam de dag thams cad bsnyad de/ de lta bas na bu khyod ni nga'i bu yin no nga ni khyod kyi ma yin no zhes byas so/ /de nas de thos ma thag tu khye'u des ma de smad 'tshong ma las nor gyis blus nas bdag gi khyim du khrid de khyim du bzhag go/ /
141b6 khye'u de'i pha yang rgya mtsho'i gru'i don grub nas rang gi khyim du 'ongs te pha ma gnyis kyi mgul nas 'jus nas rdzas rnams nang du bzhag pa'i 'og tu/ rang gi gnas su song na chung ma de mi snang nas des pha ma gnyis la dris so bu mo de'i pha'i ming ni rlangs pa zhes bya ste des de'i ming
141b7 las chung ma smos te/yab yum rlangs pa'i bu mo de mi gda' na gar mchis zhes byas pa dang / de gnyis na re bu mo des ni khyod la chu gang ma byas te des nyes pa byas pas nged kyis khyim nas bskrad de btang ngo zhes zer ro/ /de nas khye'us smras pa/ de'i lto na bu 'dug pa de ni
142a1 bdag gi bu kho na lags na khyod kyis de bskrad pa nongs so zhes byas nas de de dang bral bas smyos te/rlangs pa'i bu mo gar song zhig gu zhes bla zhing song ste su la yang 'dri zhing khyed kyis rlangs pa'i bu mo lta mthong ngam zhes zer nas/ de pha ma gnyis kyis
142a2 thabs ci ltar byas kyang zhi bar byed ma nus te/de sgren mor byung nas bla zhing gang na de'i chung ma dang bu de 'dug pa'i gnas der phyin to/ /de nas de sgren mor byung la bla zhing phan tshun 'khyam pa las khye'u de'i khyim gyi sgor phyin te/ khye'us mthong nas ma la bsnyad pa/ yum mi
142a3 zhig smyos te rlangs pa'i bu mo gar song zhes bla zhing 'khyam mo zhes byas nas/de thos ma thag tu bud med de dogs pa skyes te ma la de nyid jo bo ma yin nam snyam nas/ bdag nyid de'i thad du song ba dang mthong ma thag tu des mi de ngo shes nas des de rang gi khyim du khrid de smras
142a4 pa/jo bo bdag ni rlangs pa'i bu mo de lags so zhes byas nas/ de thos ma thag tu mi des dran pa rnyed do/ /de nas bud med des mi de la smras pa/ jo bo bdag ni khyod kyi btsun mo lags/ 'di ni khyod kyi sras lags kyis tshur spyon/ bdag cag gi khyim du bzhud do zhes
142a5 byas nas/bud med des mi de khrus byed du bcug nas kha spu dag bcos te/ gos bskon nas mthar gyis rang gi khyim du dong ngo / /dge slong dag ji snyam du sems/ de'i tshe bud med du gyur pa gang yin pa de ni chos byin ma 'di nyid yin te/ de'i tshe yang 'di skye bo mang pos bstod
142a6 nas tshegs chen pos tshangs par spyod pa'i gnas bsrungs la/da ltar yang 'di skye bo mang pos bstod nas tshegs chen pos tshangs par spyod pa'i gnas bsrungs so// //las brgya tham pa/ bam po bcu gnyis pa/ gcod pa rnam pa gnyis la/ gcod pa dang
142a7 po ni/gleng gzhi mnyan du yod pa na bzhugs te/ tshe dang ldan pa maud gal gyi bu ni lugs kyis dus dus su sems can dmyal bar rgyu bar byed/ kyi nang du rgyu bar byed/ dud 'gro'i nang du rgyu bar byed/ mi'i nang du rgyu bar byed/ lha'i nang du rgyu bar byed de phyir 'ongs
142b1 nas sems can dmyal ba rnams kyi gcad pa dang /gtub pa dang brdeg pa dang btso ba la sogs pa'i sdug bsngal gang yin pa de dag mi rnams la rjod par byed do/ /phyir 'ongs nas rnams kyi bkres pa dang / skom pa dang 'bar ba dang bsreg pa dang btso ba la
142b2 sogs pa'i sdug bsngal rnams dang /dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang ltung ba dang rnam par 'thor ba dang rnam par 'jig pa'i
142b3 sdug bsngal gang yin pa de dag mi rnams la rjod par byed de/de dag gis de thos nas skyo bar 'gyur la/ skyo bar gyur nas kyang gong du khyad par 'thob par 'gyur ro/ /de nas phyi zhig na tshe dang ldan pa maud gal gyi bu chen po dud 'gro'i nang du rgyu bar chas nas mnyan du yod pa
142b4 nas mi snang bar gyur te/de rgya mtsho'i 'gram du 'greng ba dang / de na rgya mtsho chen po la byings rim pa gsum yod de/ chu'i byings dang po la ni dpag tshad nyi khri brgyad stong yod de/ de'i nang na ni chu srin nya zhes bya ba rnams gnas te/ de dag gi lus la ni dpag tshad bdun
142b5 brgya yod de/gang gi tshe de dag bkres pa na de dag chu'i byings dang po nas gyen du 'thon cing kha gdangs te 'khod nas/ de'i nang na de dag pas ches chung ba'i srog chags gang yin pa de dag chu dang bcas par de rnams kyi kha'i nang du 'bab bo/ /de nas gang gi tshe de rnams kyi lto gang
142b6 bar gyur pa de'i tshe chu de dag sos btsags nas phyir pho'o//lto na srog chags 'khod pa de dag gis ni zas kyi bya ba byed do/ /chu'i byings gnyis pa la ni dpag tshad nyi khri lnga stong yod de/ de'i nang na ni chu srin nya mid ces bya ba rnams gnas te/ de dag gi lus la ni dpag tshad
142b7 stong bzhi brgya yod de/de rnams gang gi tshe bkres pa na de dag chu'i byings dang po dang gnyis pa'i nang nas gyen du 'thon te zas kyi bya ba byed do/ /chu'i byings gsum pa la ni dpag tshad nyi khri lnga stong yod do/ /de'i nang na ni chu srin nya mid mid ces bya ba rnams gnas te/ de dag gi lus
143a1 la ni dpag tshad nyis stong chig brgya yod de/gang gi tshe de rnams bkres pa na chu'i byings dang po dang gnyis pa dang gsum pa'i bar nas 'thon te kha zas kyi bya ba byed do/ /de'i tshe rgya mtsho chen por chu srin nya mid ces bya ba zhig skyes nas/ de bas ches chung ba'i
143a2 chu srin gzhan rnams de'i drung du lhags te/de'i lus las dum bu dum bu rgyang grags gcig tsam dang / rgyang grags gnyis tsam dang / rgyang grags gsum tsam dang / dpag tshad brgya tsam gyi bar du bcad cing bcad cing za bar byed do/ /rgyu des na des sdug
143a3 bsngal drag pa dang mi bzad pa dang tsha ba dang yid du mi 'ong ba'i tshor ba myong bar 'gyur ro//de sdug bsngal gyis nyam thag nas skyabs 'dod pa'i phyir thang la byung ste/ de thang la byung ba dang de'i las las skyes pa'i gnod sbyin lnga brgya byung nas/ de dag gis zhag lnga brgya'i
143a4 bar du sta re lnga brgyas rtsib ma zhe gcig gcod par byed do//de nas gang gi tshe de dag gis thabs de lta bus de'i rtsib ma thams cad bcad pa dang / de na tsha mi bzod pas skad po che phyung ste/ phyir yang rgya mtsho chen po'i nang du 'gres nas/ 'gres pa'i khrag gis rgya mtsho
143a5 chen po 'khrugs shing 'dres la khrag gi mtsho bzhin du snang ngo //de de'i nang du song nas yang srog chags de dag gis bza' bar byed de/ de thang la byung yang rung chu'i nang na 'dug kyang rung ste/ sdug bsngal chen po nyams su myong ngo / /de nas tshe dang ldan pa maud gal gyi bu
143a6 chen pos sems can 'di las ci zhig byas na/las de'i rnam par smin pas sdug bsngal 'di lta bu nyams su myong zhig gu snyam ste/ sems pa la zhugs nas de rab kyi mtha' las byung ba'i bsam gtan gyi bar du snyoms par zhugs kyang de'i tshe rabs kyi mtha' ma rtogs
143a7 te/dud 'gro'i nang nas shi 'phos nas/ dud 'gro 'ba' zhig tu skyes shing de lta bu'i sdug bsngal rnams rnyed pa tsam zhig shes par zad nas/ des bsams pa bcom ldan 'das ma gtogs par 'di'i las bdag la lung ston par nus pa gzhan su zhig yod de/ de ni
143b1 ye shes gzigs pa thogs pa med pa dang ye shes gzigs pa mtha' yas pa dang ldan pa yin no snyam nas/rgya mtsho'i 'gram nas mi snang bar gyur te mnyan du yod par song ba dang / de'i tshe bcom ldan 'das 'khor brgya phrag du ma'i gung la bzhugs te chos ston to/ /de
143b2 nas tshe dang ldan pa maud gal gyi bus bsams pa/'di ni bdag gis skye bo mang po skyo ba bskyed pa'i phyir bcom ldan 'das la zhu ba'i dus yin no snyam nas/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs
143b3 gcig tu 'dug go /phyogs gcig tu 'dug nas tshe dang ldan pa maud gal gyi bu chen pos/ bcom ldan 'das la 'di skad ces gsol to/ /btsun pa 'di na bdag gi lugs kyis dus dus su sems can dmyal bar rgyu bar bgyid/ kyi nang du rgyu bar
143b4 bgyid/dud 'gro'i nang du rgyu bar bgyid/ mi'i nang du rgyu bar bgyid/ lha'i nang du rgyu bar bgyid de/ slar mchis nas sems can dmyal ba rnams kyi gcad pa dang gtub pa dang brdeg pa dang btso ba la sogs pa'i sdug bsngal gang lags pa de dag mi rnams la
143b5 rjod par bgyid lags so//slar mchis nas rnams kyi bkres pa dang skom pa dang 'bar ba dang bsreg pa dang btso ba la sogs pa'i sdug bsngal rnams dang / dud 'gro rnams gcig la gcig za ba las gyur pa'i sdug bsngal rnams dang / mi rnams kyi tshol khros
143b6 sha thang ba'i sdug bsngal rnams dang /lha rnams kyi 'chi 'pho dang ltung ba dang rnam par 'thor ba dang rnam par 'jig pa'i sdug bsngal gang lags pa de dag mi rnams la rjod par bgyid de/ rgyu des na de dag skyo bar 'gyur la de ltar skyo bar gyur nas kyang gong du khyad par 'thob
143b7 par 'gyur lags so//btsun pa bdag dud 'gro'i nang du rgyu bar chas nas mnyan du yod pa nas mi snang bar gyur te/ rgya mtsho'i 'gram du mchis pa las/ btsun pa bdag de na mchis pa na sems can lus dpag tshad nyis stong chig brgya mchis pa de lta bu zhig mthong ste/ de bas
144a1 ches chung ba'i chu srin gzhan rnams de'i drung du lhags nas/de'i lus dum bu rgyang grags gcig tsam dang rgyang grags gnyis tsam dang rgyang grags gsum tsam dang dpag tshad brgya tsam gyi bar du bcad cing bcad cing za bar bgyid de/ rgyu des na des sdug
144a2 bsngal drag pa dang mi bzad pa dang tsha ba dang yid du mi 'ong ba'i tshor ba myong bar 'gyur lags so//de na tshas nyam thag nas skyabs 'tshal ba'i slad du thang la byung ste/ de thang la byung ba dang de'i las las skyes pa'i gnod sbyin lnga brgya byung nas/ de dag gis zhag lnga brgya'i
144a3 bar du sta re lnga brgyas rtsib ma zhe gcig gcod par bgyid do//de nas gang gi tshe de dag gis thabs de lta bus de'i rtsib ma thams cad bcad pa dang de na tsha mi bzod pas skad po che phyung ste phyir yang rgya mtsho chen po'i nang du 'gres nas/ de 'gres pa'i khrag gis rgya mtsho
144a4 chen po 'khrugs shing 'dres la khrag gi mtsho bzhin du gda'o//de de'i nang du mchis nas yang srog chags de dag gis za bar bgyid de/ de skam la mchis kyang rung chab kyi nang na mchis kyang rung ste/ sdug bsngal chen po nyams su myong lags na btsun pa sems can des
144a5 las ci zhig bgyis na/las de'i rnam par smin pas dud 'gro'i nang du skyes la/ de lta bu'i sdug bsngal rnyed par gyur lags/ de nas bcom ldan 'das kyis tshe dang ldan pa maud gal gyi bu la bka' stsal pa/ maud gal gyi bu sems can de ni sdig pa'i las byed byed pa yin
144a6 te/des sdig pa'i las mang du byas so/ /maud gal gyi bu sngon byung ba 'das pa'i dus na/ nyan thos dang rang sangs rgyas kyis las 'das pa/ yang dag par rdzogs pa'i sangs rgyas ri bo zhes bya ba 'jig rten du byung ste/ de'i tshe khyim bdag cig gis yang dag par
144a7 rdzogs pa'i sangs rgyas ri bo'i bstan pa la dad pa rnyed nas/des de nyid las chos thos te phyir mi 'ong ba'i 'bras bu mngon sum du byas so/ /de'i chung ma ni gzugs bzang zhing blta na sdug la mdzes pa zhig ste/ khyim thab kyis de la smras pa/ bzang mo bdag gis ni
144b1 bcom ldan 'das las tshangs par spyod pa'i gzhi lnga mnos zin gyis gal te khyod 'di nyid na 'dug na yang /ngas khyod la zas dang gos sbyin par bya'o/ /'on te skyes pa gzhan 'dod na yang bdag gis khyod de la sbyin par bya'o/ /des smras pa/ jo bo bdag la skyes pa
144b2 gzhan cang mi 'tshal gyis/bdag ni jo bo nyid kyi bsnyen bkur bgyid do zhes byas so/ /bud med de ni byad gzugs bzang ba'i phyir skye bo mang pos yid smon du bya ba zhig ste/ gnas de nyid na sna la gtogs pa zhig 'dug pa des bsams pa/ ma la bdag bud
144b3 med de dang phrad par bya ba'i thabs lta ji yod snyam nas/phyi zhig na des gser dngul mang po khyer te dbang po dag dang chas te dge bsnyen de'i thad du song nas smras pa/ khyim bdag kho bo rgyal po'i sku don zhig la ga zhig tu 'gro dgos te rdzas 'di dag bdag gis der bskur
144b4 mi nus kyi/bdag de nas phyir ma log gi bar du re zhig khyod la gdams so zhes byas so/ /khyim bdag de ni rang bzhin gyis drang po zhig ste/ des rdzas de dag dbang po'i mdun du blangs so/ /de nas sna la gtogs pa des de'i lag tu rdzas de dag gtad de/ rang gi khyim
144b5 du song nas thang cig tsam lon pa dang dge bsnyen de'i thad du song ste smras pa/khyim bdag ngas khyod la rdzas gtams pa de dag phyir byin cig ces byas pa dang / dge bsnyen des de'i rdzas dpang po med bzhin du phyir byin no/ /de nas des rdzas de dag rang gi khyim du bzhag nas
144b6 phyir yang dbang po rnams khrid de dge bsnyen de'i thad du song nas smras pa/khyim bdag kho bos rgyal po'i dkor khyod la gtams pa de dag phyir byin cig ces byas pa dang des smras pa/ de ni bdag gis khyod la phyir byin zin no/ /sna la gtogs pa des smras pa/ ngas khyod las
144b7 cung zad kyang blangs pa med do zhes byas nas/sna la gtogs pa des dpang po de rnams la smras pa/ khyed dge bsnyen 'di'i byed stangs la ltos shig /bdag gis dpang po rnams kyi mdun du 'di la rdzas gtad nas 'dis bdag gcig pu'i lag tu ga la byin zhes smras nas/
145a1 des de rgyal po'i pho brang du khrid de shags kyis pham par byas nas rang gi khyim du khrid de 'breng rlon gyis gzhus nas dam rab tu byas nas de'i rtsib ma thams cad bcom nas de de kho na'i rkyen gyis shi'o/ /de nas sna la gtogs pa des mi de bu yang med pas khyim rdzas
145a2 thams cad kyang bsdus/chung ma de yang rang gi khyim du khrid nas smras pa/ bzang mo khyod kyi phyir bdag gis bya ba ma yin pa 'di lta bu byas pa yin gyis/ da ni khyim 'dir da ni khyod kyi khyim thab yin no/ /khyod ni nga'i chung ma yin no zhes byas so/ /de nas dge bsnyen gyi chung
145a3 mas smras pa/bdag gis 'di'i rus bu'i mchod pa yang ma bgyis par khyod dang lhan cig tu ji ltar 'du bar bgyis/ re zhig bdag gis sngar 'di'i rus bu la mchod pa bgyis la de'i 'og tu gdod jo bo ji ltar dgyes pa bzhin du bgyi'o zhes byas nas/ de thos ma thag tu
145a4 sna la gtogs pa des dge bsnyen de'i rus bu dur khrod du khyer te/rus bu bsregs nas phyogs gcig tu 'dug pa dang bud med des me 'bar ba de'i nang du mchongs nas de yang de nyid du shi'o/ /de nas sna la gtogs pa de rgyu des sems khongs su chud de bdag gis bya ba ma yin
145a5 pa 'di lta bu ci dang ci bya bya/bdag bud med dang phrad pa la yang ma phan la 'di la yang bdag gis mi rigs pa 'di lta bu byas kyis med do snyam mo/ /dge slong dag ji snyam du sems/ de'i tshe sna la gtogs par gyur pa gang yin pa de ni chu srin de nyid yin te/ des dge bsnyen de
145a6 'breng rlon gyis gzhus te rtsib ma rnams bcom nas/de yang de'i rkyen gyis shi bar gyur pa'i las de'i rnam par smin pas sna la gtogs pa de sems can dmyal ba'i nang du skyes te/ de der lo mang po lo stong phrag mang por sems can dmyal ba'i sdug bsngal myong nas shi 'phos
145a7 te dus las 'das nas dud 'gro'i nang du skyes te/dud 'gro'i nang nas shi 'phos shing dud 'gro'i nang 'ba' zhig tu skyes nas sdug bsngal de lta bu sha stag rnyed do/ /de nas bcom ldan 'das la tshe dang ldan pa maud gal gyi bus 'di skad ces gsol to/ /btsun pa sems can de
145b1 sdug bsngal de las nam thar bar 'gyur lags/bcom ldan 'das kyis bka' stsal pa/ maud gal gyi bu ma 'ongs pa'i dus na nyan thos dang rang sangs rgyas kyi sa las 'das pa yang dag par rdzogs pa'i sangs rgyas yid zhes bya ba 'jig rten du 'byung bar
145b2 'gyur te/de'i ring la sems can 'di'i las de zad de/ mir skyes nas de'i bstan pa la rab tu byung ste nyon mongs pa thams cad spangs nas dgra bcom pa nyid mngon sum du byed par 'gyur te der 'di'i sdug bsngal mthar thug par 'gyur ro/ /de nas de thos ma thag tu skye bo
145b3 mang po de dag skyo ba chen po skyes te/bcom ldan 'das kyis de dag gi yid skyo bar gyur par thugs su chud nas de dang 'thun pa'i chos bstan te/ des na stan de nyid la 'khod bzhin du kha cig gis ni dro bar gyur pa bskyed do/ /kha cig gis ni rtse mo dang bden pa dang 'thun pa'i
145b4 bzod pa dang 'jig rten gyi chos kyi mchog dang mthong ba'i snyoms par 'jug pa bskyed do//kha cig gis ni rgyun du zhugs pa'i 'bras bu mngon sum du byas so/ /kha cig gis ni lan cig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i
145b5 'bras bu mngon sum du byas so//kha cig gis ni rab tu byung nas dgra bcom pa nyid mngon sum du byas so/ /kha cig gis ni 'khor los sgyur ba'i rgyal por 'gyur ba'i sa bon bskyed do/ /kha cig gis ni stobs kyi 'khor los sgyur bar 'gyur ba dang / kha cig gis ni brgya
145b6 byin du 'gyur ba dang /kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do/ /'khor de dag gi nang nas
145b7 phal cher ni sangs rgyas la gzhol chos la 'bab dge 'dun la bab par byas te bkod do// //gcod pa phyi ma ni/ gleng gzhi mnyan du yod pa na bzhugs te/ tshe dang ldan pa maud gal gyi bu ni lugs kyis dus dus su sems can dmyal bar rgyu bar byed/ yi
146a1 dgas kyi nang du rgyu bar byed/dud 'gro'i nang du rgyu bar byed/ mi'i nang du rgyu bar byed/ lha'i nang du rgyu bar byed de/ phyir 'ongs nas sems can dmyal ba rnams kyi gcad pa dang gtub pa dang brdeg pa dang btso ba la sogs pa'i sdug bsngal gang yin pa de
146a2 dag mi rnams la rjod par byed do//phyir 'ongs nas rnams kyi bkres pa dang skom pa dang 'bar ba dang bsreg pa dang btso ba la sogs pa'i sdug bsngal rnams dang / dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi
146a3 tshol khros sha thang ba'i sdug bsngal rnams dang /lha rnams kyi 'chi 'pho dang ltung ba dang rnam par 'thor ba dang rnam par 'jig pa'i sdug bsngal gang yin pa de dag mi rnams la rjod par byed de/ de dag gis de thos nas skyo bar 'gyur la/ skyo bar gyur nas kyang gong du khyad
146a4 par thob par 'gyur ro//de nas phyi zhig na tshe dang ldan pa maud gal gyi bu chen po kyi nang du rgyu bar chas nas mnyan du yod pa nas mi snang bar gyur te/ de rgya mtsho'i 'gram du 'greng ba dang des der lus che la ro smad ni tha mal par 'dug /rked pa yan
146a5 chad ni lus gnyis su 'dug ste/de yang 'bar zhing rab tu 'bar la kun du rab tu 'bar te/ phan tshun du rgyu ba de la de'i las las skyes pa'i lcags kyi mche ba can gyi seng ge dang stag dang gzig dang dred la sogs pa de'i drung du lhags nas/ de'i sha rnams bcad cing
146a6 bcad cing za bar byed pa dang /las las skyes pa'i mi dag kyang lhags nas ral gri rnon po dag gis ro stod gcod par byed de/ de'i ro stod gcig bcad na cig shos 'byung bar 'gyur la cig shos bcad na yang gcig 'byung bar 'gyur te/ rgyu des na des sdug bsngal drag
146a7 pa dang mi bzad pa dang tsha ba dang yid du mi 'ong ba'i tshor ba myong la skad po che 'thon cing /phan tshun du 'bros te las las skyes pa'i mi de dag kyang de'i phyi bzhin 'brang ba zhig mthong nas/ tshe dang ldan pa maud gal gyi bu chen pos bsams pa/ sems can 'dis las ci
146b1 zhig byas na las de'i rnam par smin pas sdug bsngal 'di lta bu myong zhig gu snyam nas/des bltas na yang dag par rdzogs pa'i sangs rgyas 'od srung gi gsung rab la rab tu byung ste/ dge slong zhal ta byed par gyur nas/ des dge slong dbyar gnas bcas pa rnams kyi gos
146b2 dang rnyed pa rnams bcad de dgun gnas bcas pa rnams la phul/dgun gnas bcas pa rnams kyi gos dang rnyed pa rnams bcad de dbyar gnas bcas pa rnams la phul/ gnyi ga las bcad de kha cig ni bdag nyid kyis spyad/ kha cig ni gzhan dag la phul ba mthong
146b3 ngo //de nas tshe dang ldan pa maud gal gyi bu chen pos bsams pa/ 'di'i las ni bdag gis kyang yang dag par mngon sum du mthong mod kyi 'on kyang skye bo phal po che skyo ba bskyed pa'i phyir bdag gis bcom ldan 'das la zhu'o snyam nas rgya mtsho'i 'gram nas mi snang bar gyur te mnyan du
146b4 yod par song ba dang /de'i tshe bcom ldan 'das 'khor brgya phrag du ma'i gung la bzhugs te chos ston to/ /de nas tshe dang ldan pa maud gal gyi bu chen pos/ bcom ldan 'das 'khor brgya phrag du ma la chos ston pa mthong ngo / /mthong nas kyang des bsams pa 'di ni
146b5 bdag gis bcom ldan 'das la kyi lung bstan pa zhu ba'i dus yin no snyam nas/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa
146b6 maud gal gyi bu chen pos/bcom ldan 'das la 'di skad ces gsol to/ /btsun pa 'di na bdag gi lugs kyis dus dus su sems can dmyal bar rgyu bar bgyid/ kyi nang du rgyu bar bgyid/ dud 'gro'i nang du rgyu bar bgyid/ mi'i nang du rgyu bar bgyid/ lha'i
146b7 nang du rgyu bar bgyid de/slar mchis nas sems can dmyal ba rnams kyi gcad pa dang gtub pa dang brdeg pa dang btso ba la sogs pa'i sdug bsngal gang lags pa de dag mi rnams la rjod par bgyid pa lags so/ /slar mchis nas rnams kyi bkres pa dang skom
147a1 pa dang 'bar ba dang bsreg pa dang btso ba la sogs pa'i sdug bsngal rnams dang /dud 'gro rnams kyi gcig la gcig za ba las gyur pa'i sdug bsngal rnams dang mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang
147a2 ltung ba dang rnam par 'thor ba dang /rnam par 'jig pa'i sdug bsngal gang lags pa de dag mi rnams la rjod par bgyid de/ rgyu des na de dag skyo bar 'gyur la skyo bar gyur nas kyang gong du khyad par 'thob par 'gyur lags so/ /btsun pa bdag kyi nang du
147a3 rgyu zhing mchi mchi ba las/lus che ba la ro smad ni tha mal par mchis rked pa yan chad ni lus gnyis su mchis te/ de yang 'bar zhing rab tu 'bar la kun du 'bar te/ phan tshun du rgyu la de'i las las skyes pa'i lcags kyi mche ba can gyi seng ge dang stag dang
147a4 gzig dang dred la sogs pa de'i drung du lhags nas de'i sha rnams bcad cing bcad cing za bar bgyid pa dang las las skyes pa'i mi dag kyang lhags nas/ral gri rnon po dag gis ro stod gcod par bgyid de/ de'i ro stod gcig bcad na cig shos 'byung bar 'gyur la/
147a5 cig shos bcad na yang gcig 'byung bar 'gyur te/ rgyu des na des sdug bsngal drag pa dang mi bzad pa dang / tsha ba dang / yid du mi 'ong ba'i tshor ba myong la skad po che 'thon cing phan tshun 'bros te/ las las skyes pa'i mi de dag kyang de'i phyi bzhin 'brang ba zhig
147a6 mthong lags na/btsun pa des las ci bgyis na las de'i rnam par smin pas sdug bsngal de lta bu rnyed par gyur lags/ de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu sems can de ni sdig pa byed byed pa
147a7 yin te/des sdig pa mang du byas so/ /maud gal gyi bu sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen
147b1 pa/skyes bu gdul bya'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i bstan pa la sems can 'di rab tu byung nas zhal ta byed par gyur te/ des der dge slong dbyar gnas
147b2 bcas pa rnams kyi gos dang rnyed pa rnams bcad de dgun gnas pa rnams la phul/dgun gnas bcas pa rnams kyi gos dang rnyed pa rnams bcad de dbyar gnas bcas pa rnams la phul gnyi ga las bcad de kha cig ni bdag nyid kyis spyad/ kha cig ni gzhan dag la phul
147b3 lo//maud gal gyi bu ji snyam du sems de'i tshe zhal ta byed par gyur pa gang yin pa de ni 'di kho na yin te/ des der dbyar gnas bcas pa rnams kyi gos dang rnyed pa rnams bcad de dgun gnas bcas pa rnams la phul/ dgun gnas bcas pa rnams kyi gos dang
147b4 rnyed pa rnams bcad de dbyar gnas bcas pa rnams la phul ba'i las de'i rnam par smin pas ni rked pa yan chad lus gnyis su 'dug par gyur te/las las skyes pa'i mi rnams de'i drung du lhags nas/ de dag gis ral gri rnon pos de'i ro stod gcod par byed de/ de'i
147b5 ro stod gcig bcad na cig shos 'byung bar 'gyur la/cig shos bcad na yang gcig 'byung bar 'gyur ro/ /des gnyi ga las bcad de kha cig ni bdag nyid kyis spyad/ kha cig ni gzhan dag la phul ba'i las de'i rnam par smin pas ni lcags kyi mche ba can gyi seng ge dang
147b6 stag dang gzig dang dred la sogs pa byung nas/de dag gis de'i sha rnams bcad cing bcad cing za bar gyur to/ /de nas bcom ldan 'das la tshe dang ldan pa maud gal gyi bu chen pos 'di skad ces gsol to/ /btsun pa sems can de sdug bsngal de las nam thar bar 'gyur
147b7 lags/bcom ldan 'das kyis bka' stsal pa/ maud gal gyi bu ma 'ongs pa'i dus na nyan thos dang rang sangs rgyas kyi sa las 'das pa/ yang dag par rdzogs pa'i sangs rgyas gzhan gyis mi thub pa zhes bya ba 'jig rten du 'byung bar 'gyur te/ de'i ring la sems can de'i
148a1 las zad nas mir skye bar 'gyur la/de nyid kyi bstan pa la rab tu byung ste nyon mongs pa thams cad spangs nas dgra bcom pa nyid mngon sum du byed par 'gyur te/ der de'i sdug bsngal mthar thug par 'gyur ro/ /de nas de thos ma thag tu skye bo de dag skyo ba
148a2 chen po skyes te/bcom ldan 'das kyis de dag yid skyo bar gyur pa thugs su chud nas de dang 'thun pa'i chos bstan te/ de nas 'khor de dag gi nang nas kha cig gis ni dro bar gyur pa bskyed do/ /kha cig gis ni rtse mo dang bden pa dang 'thun pa'i bzod pa dang 'jig rten
148a3 gyi chos kyi mchog dang mthong ba'i snyoms par 'jug pa bskyed do//kha cig gis ni rgyun du zhugs pa'i 'bras bu mngon sum du byas so/ /kha cig gis ni lan cig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu mngon sum du
148a4 byas so//kha cig gis ni rab tu byung nas dgra bcom pa nyid mngon sum du byas so/ /kha cig gis ni 'khor los sgyur ba'i rgyal por 'gyur ba'i sa bon bskyed do/ /kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha
148a5 cig gis ni tshangs par 'gyur ba dang /kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do/ /'khor de dag gi nang nas phal cher ni sangs rgyas la gzhol
148a6 chos la 'bab dge 'dun la bab par byas te bkod do// //za ba zhes bya ba ni/ gleng gzhi mnyan du yod pa na bzhugs te/ tshe dang ldan pa maud gal gyi bu ni lugs kyis dus dus su sems can dmyal ba rnams su rgyu bar byed/ kyi nang du rgyu bar byed/ dud 'gro'i
148a7 nang du rgyu bar byed/mi'i nang du rgyu bar byed/ lha'i nang du rgyu bar byed de/ phyir 'ongs nas sems can dmyal ba rnams kyi gcad pa dang gtub pa dang brdeg pa dang btso ba la sogs pa'i sdug bsngal gang yin pa de dag mi rnams la rjod par byed do/ /phyir 'ongs nas
148b1 rnams kyi bkres pa dang skom pa dang 'bar ba dang bsreg pa dang btso ba la sogs pa'i sdug bsngal rnams dang /dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams
148b2 kyi 'chi 'pho dang ltung ba dang rnam par 'thor ba dang rnam par 'jig pa'i sdug bsngal gang yin pa de dag mi rnams la rjod par byed de/de dag gis de thos nas skyo bar 'gyur la de ltar skyo bar gyur nas kyang gong du khyad par thob par 'gyur ro/ /de nas phyi zhig na tshe dang ldan
148b3 pa maud gal gyi bu chen po kyi nang du rgyu bar chas nas/mnyan du yod pa nas mi snang bar gyur te/ ri byin t+ya'i nags khung du phyin pa dang / des der 'bar zhing rab tu 'bar la kun du rab tu 'bar te me lce gcig tu 'bar la de gal te thang la 'gro na ni de'i las
148b4 las skyes pa'i lcags kyi mche ba can gyi seng ge dang stag dang gzig dang dred la sogs pa 'byung bar 'gyur te/de dag gis de'i sha rnams bcad cing bcad cing za bar byed de/ rgyu des na des sdug bsngal drag pa dang mi bzad pa dang tsha ba dang yid du mi 'ong ba'i tshor ba myong la phan tshun du
148b5 rgyug pa zhig mthong ngo //mthong nas kyang sems pa la zhugs te/ sems can 'dis las ci zhig byas na las de'i rnam par smin pas sdug bsngal 'di lta bu nyams su myong bar 'gyur zhig gu snyam nas/ des bltas na yang dag par rdzogs pa'i sangs rgyas 'od srung gi
148b6 gsung rab la rab tu byung ste/dge slong zhal ta byed par gyur nas des dge 'dun gyi zhal ta byed pa na/ dge 'dun gyi dkor dang mchod rten gyi dkor dang 'tsho ba nar ma dang phyogs bzhi'i dge 'dun gyi dkor la ci dga' mgur spyad la gzhan dag la yang byin pa mthong ngo / /de
148b7 nas tshe dang ldan pa maud gal gyi bu chen pos bsams pa 'di'i las ni bdag gis kyang yang dag par mngon sum du mthong mod kyi/'on kyang skye bo phal po che skyo ba bskyed pa'i phyir bdag gis bcom ldan 'das la zhu'o snyam mo/ /ri byin t+ya'i nags khung nas mi snang bar gyur te/
149a1 mnyan du yod par song ba dang / de'i tshe bcom ldan 'das 'khor brgya phrag du ma'i gung la bzhugs te chos ston to/ /de nas tshe dang ldan pa maud gal gyi bu chen pos/ bcom ldan 'das 'khor brgya phrag du ma la chos ston pa mthong ngo / /mthong
149a2 nas kyang des bsams pa/'di ni bdag gis bcom ldan 'das la kyi lung bstan pa zhu ba'i dus yin no snyam nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig
149a3 tu 'dug nas tshe dang ldan pa maud gal gyi bu chen pos bcom ldan 'das la 'di skad ces gsol to//btsun pa 'di na bdag gi lugs kyis dus dus su sems can dmyal bar rgyu bar bgyid kyi nang du rgyu bar bgyid dud 'gro'i nang du rgyu bar bgyid mi'i nang du rgyu bar bgyid lha'i
149a4 nang du rgyu bar bgyid de/slar mchis nas sems can dmyal ba rnams kyi gcad pa dang gtub pa dang brdeg pa dang btso ba la sogs pa'i sdug bsngal gang lags pa de dag mi rnams la rjod par bgyid lags so/ /slar mchis nas rnams kyi bkres pa dang skom pa dang 'bar ba
149a5 dang bsreg pa dang btso ba la sogs pa'i sdug bsngal rnams dang /dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang ltung ba dang rnam par 'thor ba dang rnam par
149a6 'jig pa'i sdug bsngal gang lags pa de dag mi rnams la rjod par bgyid de rgyu des na de dag skyo bar 'gyur la/de ltar skyo bar gyur nas kyang gong du khyad par thob par 'gyur lags so/ /btsun pa bdag kyi nang du rgyu bar chas nas mnyan du yod pa nas mi snang bar gyur te/
149a7 ri byin t+ya'i nags khung du mchis pa las/ btsun pa bdag gis der lus che la 'bar zhing kun du 'bar te/ kun du rab tu 'bar la me lce gcig tu 'bar zhing tshig pa dang de thang la mchis na/ de'i las las skyes pa'i lcags kyi mche ba can gyi seng ge dang stag dang gzig
149b1 dang dred la sogs pa 'byung bar 'gyur te/de dag gal te chab kyi nang du mchis na ni lcags kyi mche ba can gyi chu srin rnams 'byung bar 'gyur/ gal te de nam mkha' la mchis na ni lcags kyi mchu can gyi bya rog rnams dang / chun lag rnams 'byung bar 'gyur te de dag gis
149b2 de'i sha rnams bcad cing bcad cing za bar bgyid de/rgyu des na des sdug bsngal drag pa dang mi bzad pa dang tsha ba dang yid du mi 'ong ba'i tshor ba nyams su myong nas phan tshun rgyug pa zhig mthong lags na/ btsun pa sems can des las ci zhig bgyis na las de'i rnam par
149b3 smin pas sdug bsngal de lta bu rnyed par gyur lags/bcom ldan 'das kyis bka' stsal pa/ maud gal gyi bu sems can de ni sdig pa byed byed pa yin te des sdig pa'i las mang du byas so/ /maud gal gyi bu sngon byung ba 'das pa'i dus na/ bskal pa bzang po 'di nyid la
149b4 skye dgu'i tshe lo nyi khri thub pa na/yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'od srung
149b5 zhes bya ba 'jig rten du byung ste/de'i gsung rab la sems dad de rab tu byung nas/ dge slong zhal ta byed par gyur te des der sbyin bdag dang sbyin pa po mang po dag la bskul nas dge 'dun dang mchod rten gyi phyir bslangs te/ des dge 'dun gyi dkor dang mchod rten gyi dkor
149b6 dang 'tsho ba nar ma dang phyogs bzhi'i dge 'dun gyi dkor ma thub nas thams cad ci dga' mgur spyad la gzhan dag la yang byin te/des der dge 'dun las bcad nas bdag nyid kyis kyang ci dga' mgur spyad la gzhan dag la yang byin pa'i las de'i rnam par smin pas
149b7 kyi nang du skyes nas/der nam mkha' la gnas pa dang chu la gnas pa dang thang la gnas pa'i srog chags rnams kyis bza' bar gyur to/ /de nas de thos ma thag tu skye bo mang po de dag skyo ba chen po skyes te/ bcom ldan 'das kyis de dag gi yid skyo bar gyur pa thugs su chud
150a1 nas de dang 'thun pa'i chos bstan te/des na der kha cig gis ni dro bar gyur pa bskyed do/ /kha cig gis ni rtse mo dang bden pa dang 'thun pa'i bzod pa dang 'jig rten gyi chos kyi mchog dang mthong ba'i snyoms par 'jug pa bskyed do/ /kha cig gis ni rgyun du
150a2 zhugs pa'i 'bras bu mngon sum du byas so//kha cig gis ni lan cig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu byung nas dgra bcom pa nyid mngon sum du byas so/ /kha cig
150a3 gis ni 'khor los sgyur ba'i rgyal por 'gyur ba'i sa bon bskyed do//kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang kha cig gis ni
150a4 rang sangs rgyas kyi byang chub dang /kha cig gis ni bla na med pa yang dag par rdzogs pa'i byang chub kyi sa bon bskyed do/ /'khor de dag gi nang nas phal cher ni sangs rgyas la gzhol chos la 'bab dge 'dun la bab par byas te bkod do// //dga' byed ces bya
150a5 ba ni/gleng gzhi mnyan du yod pa na bzhugs te/ tshe dang ldan pa dga' byed ni lugs kyis dus dus su sems can dmyal bar rgyu bar byed/ kyi nang du rgyu bar byed/ dud 'gro'i nang du rgyu bar byed/ mi'i nang du rgyu bar byed/ lha'i nang du rgyu bar byed de/ phyir 'ongs
150a6 nas sems can dmyal ba rnams kyi gcad pa dang gtub pa dang brdeg pa dang btso ba la sogs pa'i sdug bsngal gang yin pa de dag mi rnams la rjod par byed do//phyir 'ongs nas rnams kyi bkres pa dang skom pa dang 'bar ba dang bsreg pa dang btso ba la sogs pa'i sdug
150a7 bsngal rnams dang /dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang ltung ba dang rnam par 'thor ba dang rnam par 'jig pa'i sdug bsngal gang yin pa
150b1 de dag mi rnams la rjod par byed de/de dag gis de thos nas skyo bar 'gyur la skyo bar gyur nas kyang gong du khyad par thob par 'gyur ro/ /de nas phyi zhig na tshe dang ldan pa dga' byed kyi nang du rgyu bar chas nas mnyan du yod pa nas mi snang bar gyur te rgya mtsho'i
150b2 'gram du phyin pa dang /des der mo sgren mor 'dug la rang gi skras yog pa sdong po me reg ma 'dra la dmus long du 'dug pa de'i kha sna nas srin bu mang po byung ba dang des dpag tshad du mar dri mnam pas gang bar byed de/ phan tshun rgyug la de gang dang gang du 'gro ba
150b3 de dang der khyi sngo bkra can dag gis gtses nas rgyu des na des sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ste/skad po che 'thon pa phan tshun rgyug pa zhig mthong ngo / /mthong nas kyang tshe dang ldan pa dga' byed kyis bsams pa/ sems can
150b4 'dis las ci zhig byas zhig gu snyam ste/des bltas na yang dag par rdzogs pa'i sangs rgyas 'od srung gi bstan pa la rab tu byung ste/ dge slong ma 'thab krol can kha tshas ngan pa zhig tu gyur nas/ des der dge slong ma mang mo zhig la yang dag pa ma yin pa'i skur pa btab
150b5 ste/de dag gi rnyed pa'i bar chad byas pa mthong ngo / /de nas tshe dang ldan pa dga' byed kyis bsams pa 'di'i las kyi 'bras bu ni bdag gis kyang mngon sum du mthong mod kyi 'on kyang skye bo mang po skyo ba bskyed pa'i phyir bdag gis bcom ldan 'das la zhu'o snyam nas/ de rgya mtsho'i
150b6 'gram nas mi snang bar gyur te mnyan du yod par song ba dang /de'i tshe bcom ldan 'das 'khor brgya phrag du ma'i gung la bzhugs te chos ston to/ /de nas tshe dang ldan pa dga' byed kyis/ bcom ldan 'das 'khor brgya phrag du ma la chos ston pa mthong ngo / /mthong nas
150b7 kyang des bsams pa 'di ni bdag gis bcom ldan 'das la kyi lung bstan pa zhu ba'i dus yin no snyam nas/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig
151a1 tu 'dug nas tshe dang ldan pa dga' byed kyis bcom ldan 'das la 'di skad ces gsol to//btsun pa 'di na bdag gi lugs kyis rtag tu dus dus su sems can dmyal bar rgyu bar bgyid kyi nang du rgyu bar bgyid dud 'gro'i nang du rgyu bar
151a2 bgyid mi'i nang du rgyu bar bgyid lha'i nang du rgyu bar bgyid de/slar mchis nas sems can dmyal ba rnams kyi gcad pa dang gtub pa dang brdeg pa dang btso ba la sogs pa'i sdug bsngal gang lags pa de dag mi rnams la rjod par bgyid lags so/ /slar mchis nas
151a3 rnams kyi bkres pa dang skom pa dang 'bar ba dang bsreg pa dang btso ba la sogs pa'i sdug bsngal rnams dang /dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang /
151a4 lha rnams kyi 'chi 'pho dang ltung ba dang rnam par 'thor ba dang rnam par 'jig pa'i sdug bsngal gang lags pa de dag mi rnams la rjod par bgyid de/ rgyu des na de dag skyo bar 'gyur la de ltar skyo bar gyur nas kyang gong du khyad par thob par 'gyur lags so/ /btsun pa
151a5 bdag kyi nang du rgyu bar chas nas mnyan du yod pa nas mi snang bar gyur te/rgya mtsho'i 'gram du mchis na/ btsun pa bdag gis der mo sgren mor mchis la rang gi skras yog pa sdong po me reg ma 'dra la dmus long du mchis pa de'i kha sna nas srin
151a6 bu mang po byung ba dang des dpag tshad du mar dri mnam pas gang bar bgyid de phan tshun rgyug la de gang dang gang du mchis pa de dang der khyi sngo bkra dag gis gtses nas/rgyu des na des sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ste skad po che
151a7 'thon la phan tshun rgyug pa zhig mthong lags na/btsun pa mo des las ci bgyis na las de'i rnam par smin pas sdug bsngal de lta bu rnyed par gyur lags/ bcom ldan 'das kyis bka' stsal pa/ dga' byed mo de ni sdig pa'i las byed byed pa
151b1 yin te des sdig pa'i las mang du byas so//dga' byed sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen
151b2 pa/skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sIr khyim bdag phyug cing nor mang la longs spyod che ba yongs su 'dzin pa yangs shing rgya che
151b3 ba rnam thos kyi bu'i nor dang ldan pa/rnam thos kyi bu'i nor dang 'gran pa zhig gnas pa des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas/ de zla ba dgu'am bcu
151b4 lon pa dang /bu mo gzugs bzang zhing blta na sdug la mdzes pa zhig btsas te/ de'i btsas ston rgyas par byas nas rigs dang 'thun pa'i ming btags te 'o ma dang zho dang mar dang zhun mar dang mar gyi nying gus bskyed bsrings nas/ de gang gi tshe cher skyes pa de'i tshe/
151b5 des yang dag par rdzogs pa'i sangs rgyas 'od srung gi bstan pa la dad pa rnyed nas/ des pha ma la gsol te/ rab tu byung nas des sde snod gsum bslabs te rig pa dang grol ba'i spobs pa dang ldan pa'i chos smra ba/ gos dang zas dang mal cha dang stan dang nad gsos
151b6 dang sman zong rnams rnyed par gyur nas/des sbyin bdag dang sbyin pa po rnams la bskul te/ gtsug lag khang mchod rten dang bcas pa rnam pa thams cad yongs su rdzogs par byed du bcug nas/ sangs rgyas la sogs pa dge slong ma'i dge 'dun la phul te/ dge slong
151b7 ma rnams la yo byad thams cad kyis bsnyen bkur byas pa las/de byad gzugs dang lang tsho dang cho rigs kyi rgyags pas dregs nas tshul khrims srung ma nus te/ des dge 'dun gyi dkor dang mchod rten gyi dkor dang 'tsho ba nar ma dang phyogs bzhi'i dge 'dun gyi
152a1 dkor ci dga' mgur spyad nas dge slong ma rnams kyis tshor te/de dge slong ma'i gtsug lag khang nas bskrad nas de khro ba'i kun nas dkris pa chen po skyes te/ khro ba'i dbang du gyur nas slob pa dang mi slob pa'i dge slong ma mang mo zhig la tshig
152a2 rtsub cing brlang ba'i zug rngu dag gis spyos te/khyim khyim du yang 'di dag ni tshul khrims 'chal pa dang sdig pa'i chos can yin no zhes de dag gi bsngags pa ma yin pa brjod la/ de dag gi rnyed pa dang bkur sti yod pa'i bar chad kyang byas sdang mig gis kyang bltas
152a3 so//dga' byed de ji snyam du sems/ de'i tshe dge slong mar gyur pa gang yin pa de ni da ltar mo de yin te/ des der slob pa dang mi slob pa'i dge slong ma rnams kyi rnyed pa dang bkur sti'i bar chad byas pa'i las de'i rnam par smin pas su skyes so/ /
152a4 des dge slong ma de rnams la tshig rtsub cing brlang ba'i zug rngus spyos pa'i las de'i rnam par smin pas ni kha sna nas srin bu mang po byung bar gyur to/ /des khyim khyim du de dag gi bsngags pa ma yin pa brjod pa'i las de'i rnam par smin pas ni dpag tshad du mar dri mnam
152a5 pas gang bar gyur to//des dge slong ma rnams la sdang mig gis bltas pa'i las de'i rnam par smin pas ni dmus long du gyur to/ /des dge 'dun gyi dkor dang mchod rten gyi dkor dang 'tsho ba nar ma dang phyogs bzhi'i dge 'dun gyi dkor ci dga' mgur spyad pa'i las
152a6 de'i rnam par smin pas ni khyi sngo bkra dag gis bza' bar gyur te des ni las de lta bu byas so//de nas de thos ma thag tu skye bo mang po de dag skyo ba chen po skyes te bcom ldan 'das kyis de dag gi yid skyo bar gyur par thugs su chud nas de dang 'thun pa'i chos bstan te/ des na der kha
152a7 cig gis ni dro bar gyur pa bskyed do//kha cig gis ni rtse mo dang bden pa dang 'thun pa'i bzod pa dang 'jig rten gyi chos kyi mchog dang mthong ba'i snyoms par 'jug pa bskyed do/ /kha cig gis ni rgyun du zhugs pa'i 'bras bu mngon sum du byas so/ /kha cig gis ni lan cig
152b1 phyir 'ong ba'i 'bras bu mngon sum du byas so//kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu byung nas dgra bcom pa nyid mngon sum du byas so/ /kha cig gis ni 'khor los sgyur ba'i rgyal por 'gyur ba'i sa bon bskyed do/ /
152b2 kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med
152b3 pa yang dag par rdzogs pa'i byang chub kyi sa bon bskyed do//'khor de dag gi nang nas phal cher ni sangs rgyas la gzhol chos la 'bab dge 'dun la bab par byas te bkod do// //las brgya tham pa/ bam po bcu gsum pa/ snag bu zhes bya ba ni/
152b4 gleng gzhi mnyan du yod pa na bzhugs te/ tshe dang ldan pa maud gal gyi bu ni lugs kyis dus dus su sems can dmyal bar rgyu bar byed kyi nang du rgyu bar byed dud 'gro'i nang du rgyu bar byed mi'i nang du rgyu bar byed lha'i nang du rgyu bar byed de/ phyir 'ongs nas sems can dmyal
152b5 ba rnams kyi gcad pa dang gtub pa dang brdeg pa dang btso ba la sogs pa'i sdug bsngal gang yin pa de dag mi rnams la rjod par byed do//phyir 'ongs nas rnams kyi bkres pa dang skom pa dang 'bar ba dang bsreg pa dang btso ba la sogs pa'i sdug bsngal rnams dang
152b6 dud 'gro rnams kyi gcig la gcig za ba las gyur pa'i sdug bsngal rnams dang /mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang ltung ba dang rnam par 'thor ba dang rnam par 'jig pa'i sdug bsngal gang yin pa de dag mi rnams la rjod
152b7 par byed de/de dag gis de thos nas skyo bar 'gyur la skyo bar gyur nas kyang gong du khyad par thob par 'gyur ro/ /de nas phyi zhig na tshe dang ldan pa maud gal gyi bu chen po kyi nang du rgyu bar chas nas mnyan du yod pa nas mi snang bar gyur te/ rgya mtsho'i 'gram du phyin
153a1 pa dang des der sha'i snag bu 'dra ba la gtsang khang phyur po tsam zhig 'dug ste/de sa la 'dug na ni de la thog thag nas srog chags khab kyi mchu can sha stag za zhing 'dug la srog chags de dag za ches pas de gal te nam mkha' la 'phags na yang de'i lus
153a2 thams cad mer 'bar te/rgyu des na des sdug bsngal drag pa dang mi bzad pa dang tsha ba dang yid du mi 'ong ba myong zhing 'dug pa zhig mthong nas/ tshe dang ldan pa maud gal gyi bu chen pos bsams pa/ sems can 'dis las ci zhig byas na/ las de'i rnam par smin pas
153a3 sdug bsngal 'di lta bu myong bar gyur zhig gu snyam ste/des bltas na yang dag par rdzogs pa'i sangs rgyas 'od srung gi bstan pa la rab tu byung nas dge slong zhal ta byed par gyur te/ des der dge 'dun gyi dkor dang mchod rten gyi dkor dang 'tsho ba nar ma dang phyogs
153a4 bzhi'i dge 'dun gyi dkor gang zag gcig pus spyad pa dang /kha cig ni nye du rnams la yang byin/ kha cig ni khros nas mes bsregs pa'i las de'i rnam par smin pa des na sdug bsngal de lta bu dag rnyed par gyur par mthong ngo / /de nas tshe dang ldan pa maud gal gyi bu
153a5 chen pos bsams pa 'di'i las ni bdag gis kyang yang dag par mngon sum du mthong mod kyi 'on kyang skye bo phal po che skyo ba bskyed pa'i phyir bdag gis bcom ldan 'das la zhu'o snyam nas/rgya mtsho'i 'gram nas mi snang bar gyur te mnyan du yod par song ba dang de'i tshe
153a6 bcom ldan 'das 'khor brgya phrag du ma'i gung la bzhugs te chos ston to//de nas tshe dang ldan pa maud gal gyi bu chen pos bsams pa/ 'di ni bdag gis skye bo mang po skyo ba bskyed pa'i phyir bcom ldan 'das la zhu ba'i dus yin no snyam nas/ bcom ldan 'das ga la ba
153a7 der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go//phyogs gcig tu 'dug nas tshe dang ldan pa maud gal gyi bu chen pos bcom ldan 'das la 'di skad ces gsol to/ /btsun pa 'di na bdag gi lugs kyis dus dus
153b1 su sems can dmyal bar rgyu bar bgyid/kyi nang du rgyu bar bgyid/ dud 'gro'i nang du rgyu bar bgyid/ mi'i nang du rgyu bar bgyid/ lha'i nang du rgyu bar bgyid de/ slar mchis nas sems can dmyal ba rnams kyi gcad pa dang gtub pa dang brdeg pa dang btso ba la
153b2 sogs pa'i sdug bsngal gang lags pa de dag mi rnams la rjod par bgyid lags so//slar mchis nas rnams kyi bkres pa dang skom pa dang 'bar ba dang bsreg pa dang btso ba la sogs pa'i sdug bsngal rnams dang / dud 'gro rnams kyi gcig la gcig za ba
153b3 las gyur pa'i sdug bsngal rnams dang /mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang ltung ba dang rnam par 'thor ba dang rnam par 'jig pa'i sdug bsngal gang lags pa de dag mi rnams la rjod par bgyid de rgyu des na de dag skyo bar
153b4 'gyur la/de ltar skyo bar gyur nas kyang gong du khyad par thob par 'gyur lags so/ /btsun pa bdag kyi nang du rgyu bar chas nas mnyan du yod pa nas mi snang bar gyur te/ rgya mtsho'i 'gram du mchis na/ btsun pa bdag gis der sems can sha'i snag bu
153b5 'dra ba la gtsang khang phyur po tsam zhig mchis te de sa la mchis na ni/de la thog thag nas srog chags khab kyi mchu can sha stag 'tshal zhing mchis la/ srog chags de dag 'tshal ches pas de gal te nam mkha' la 'phags na yang / de'i lus thams cad
153b6 zhugs su 'bar te/rgyu des na des sdug bsngal drag pa dang mi bzad pa dang tsha ba dang yid du mi 'ong ba myong zhing mchis pa zhig mthong lags na/ btsun pa sems can des las ci zhig bgyis na las de'i rnam par smin pas sdug bsngal de lta bu rnyed par gyur lags/
153b7 bcom ldan 'das kyis bka' stsal pa/ maud gal gyi bu sems can de ni sdig pa'i las byed byed pa yin te des sdig pa'i las mang du byas so/ /maud gal gyi bu sngon byung ba 'das pa'i dus na sems can de yang dag par rdzogs pa'i sangs rgyas 'od srung gi bstan pa la
154a1 rab tu byung ste dge slong zhal ta byed par gyur nas/des der dge 'dun gyi dkor dang mchod rten gyi dkor dang 'tsho ba nar ma dang phyogs bzhi'i dge 'dun gyi dkor gang zag gcig pus spyad la/ kha cig ni bsags te bzhag pa las de phyi zhig
154a2 na nad kyis thebs nas des nor de dag nye du rnams la sbyin par byas pa dang /de dge slong dag gis mthong nas bkag pa las de 'di snyam du sems te/ gal te 'di dag gis bkag pa lta na/ bdag gis ci nas de dag la yang mi phan la bdag la yang mi phan par bya'o snyam
154a3 mo//de nas de khros pas nor de dag thams cad mes bsregs so/ /de'i 'og tu de de nas shi 'phos te shi nas su skyes te/ des der dge 'dun gyi dkor dang mchod rten gyi dkor dang 'tsho ba nar ma dang phyogs bzhi'i dge 'dun gyi dkor gang zag gcig pus
154a4 spyad pa'i las de'i rnam par smin pas ni/lus sha'i snag bu 'dra la gtsang khang phyur po tsam du gyur nas srog chags khab kyi mchu can dag gis bza' bar gyur to/ /des der dge 'dun gyi dkor dang mchod rten gyi dkor dang 'tsho ba nar ma dang phyogs bzhi'i dge 'dun gyi
154a5 dkor mes bsregs pa'i las de'i rnam par smin pas ni gal te steng gi nam mkha' la 'phags na yang lus mer 'bar bar 'gyur te/sems can des las de lta bu byas pas na las de'i rnam par smin pas sdug bsngal de lta bu nyams su myong ngo / /de nas de thos ma thag
154a6 tu skye bo phal po che de dag skyo ba chen po skyes te/bcom ldan 'das kyis de dag gi yid skyo bar gyur pa thugs su chud nas/ de dang 'thun pa'i chos bstan te des na der kha cig gis ni dro bar gyur pa bskyed do/ /kha cig gis ni rtse mo dang bden pa dang 'thun pa'i bzod pa dang
154a7 'jig rten gyi chos kyi mchog dang mthong ba la snyoms par 'jug pa bskyed do//kha cig gis ni rgyun du zhugs pa'i 'bras bu mngon sum du byas so/ /kha cig gis ni lan cig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu
154b1 mngon sum du byas so//kha cig gis ni rab tu byung nas dgra bcom pa nyid mngon sum du byas so/ /kha cig gis ni 'khor los sgyur ba'i rgyal por 'gyur ba'i sa bon bskyed do/ /kha cig gis ni stobs kyi 'khor los sgyur bar 'gyur ba dang / kha cig gis ni
154b2 brgya byin du 'gyur ba dang /kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do/ /'khor de dag
154b3 gi nang nas phal cher ni sangs rgyas la gzhol chos la 'bab dge 'dun la bab par byas te bkod do// //bur 'du shes zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na bram ze rgas shing 'khogs la gtugs pa zhig
154b4 'dug pa las/de don zhig la rgyal bu rgyal byed kyi tshal du song ba dang bram ze des bcom ldan 'das 'khor brgya phrag du ma'i gung la bzhugs te chos ston pa mthong ngo / /mthong nas kyang bram ze de bcom ldan 'das la bu'i 'du shes skyes te/ de bu'i 'du shes kyis
154b5 bcom ldan 'das kyi thad du song nas bcom ldan 'das kyi mgul nas 'jus so//de nas dge slong dag gis bram ze des bcom ldan 'das kyi mgul nas 'jus pa mthong nas bkag go/ /de nas der bcom ldan 'das kyis dge slong rnams la bka' stsal pa/ dge
154b6 slong dag bram ze 'di ni bu la byams pa'i phyir/nga'i mgul nas 'jus pa yin gyis ma dgag shig /gal te bram ze 'di nga'i mgul nas 'jur ma bcug na kha nas khrag dron po byung ste 'chi bar 'gyur ro/ /de nas bram ze des bcom ldan 'das kyi mgul nas 'khyud
154b7 zin nas chos mnyan pa'i phyir/bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin dang shes pa thugs su chud nas de dang 'thun pa'i chos bstan te/ des na bram ze des stan de nyid la 'dug
155a1 bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/des bden pa mthong nas stan las langs te bla gos phrag pa gcig tu gzar nas bcom ldan 'das ga la ba de
155a2 logs su thal mo sbyar ba btud de bcom ldan 'das la 'di skad ces gsol to//btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs
155a3 par spyod pa spyad par 'tshal lo//de nas de la bcom ldan 'das kyis dge slong tshur shog ces bya ba'i tshig gis/ dge slong tshur shog tshangs par spyod cig ces bka' stsal nas/ tshig de skad ces bka' stsal pa'i mod la/ skra dang kha spu bregs nas zhag bdun lon
155a4 la tsam du gyur/spyod lam ni bsnyen par rdzogs nas lo brgya lon pa lta bur 'dug par gyur/ lag na ni lhung bzed dang chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ /de ni skra bregs lus la snam sbyar gyon/ /
155a5 sangs rgyas kyi ni dgongs pas gos bgos nas/ /mod la dbang po rab tu zhi bar gnas/ /de nas bcom ldan 'das kyis de la lung phog nas/ des brtson pa dang bsgrub pa dang 'bad pas nyon mongs pa thams cad spangs nas/ dgra bcom pa nyid mngon sum du byas te/ de
155a6 dgra bcom pa khams gsum pa'i 'dod chags dang bral bar gyur nas/gser dang bong bar mnyam pa nam mkha' dang lag mthil du 'dra ba'i sems dang ldan pa tsan dan sbangs pa lta bur bsil bar gyur pa rig pas sgo nga'i sbubs bcom pa rig pa dang mngon par shes pa dang
155a7 so so yang dag par rig pa thob pa/srid pa'i rnyed pa dang chags pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag gis sangs rgyas bcom ldan 'das
155b1 la gsol pa/btsun pa gzigs lags/ mi stong phrag du mas bcom ldan 'das mthong yang sus kyang bu la byams pa'i tshul gyis bcom ldan 'das la bu dang phrad do zhes mchi zhing brgyugs te mgul nas 'ju ba ma bgyis lags so/ /bcom ldan 'das
155b2 kyis bka' stsal pa/bram ze 'di ni nga 'das ma thag pa'i tshe rabs lnga brgyar phar gyur pas na/ sngon gyi bag chags de kho nas 'di nga la bu la byams pa'i tshul gyis bu dang phrad do zhes zer zhing nga'i mgul nas 'jus pa yin no/ /dge slong dag gis gsol pa/
155b3 btsun pa gal te bram ze 'di bcom ldan 'das kyi 'das ma thag pa'i tshe rabs lnga brgyar yab tu gyur pa lags na/ ci'i slad du da ltar yang yab tu ma gyur lags/ bcom ldan 'das kyis bka' stsal pa/ byang chub sems dpa' rnams ni sbyin pa la sred pa
155b4 dang nges par 'byung ba la sred pa yin na/tshe rabs thams cad du 'dis nga'i sbyin pa'i bar chad byas nas der ngas smon lam btab pa/ phyin cad 'di nga'i phar ma gyur cig ces byas pa dang / gzhan yang zas gtsang gis kyang kye ma bdag sangs rgyas kyi yab tu gyur
155b5 cig ces smon lam btab pa'i phyir ro//dge slong dag gis gsol pa/ btsun pa zas gtsang gis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na bskal pa dgu bcu rtsa gcig pa la/ yang
155b6 dag par rdzogs pa'i sangs rgyas rnam par gzigs zhes bya ba 'jig rten du byung ste/de tshong dpon zhig gis bshos gsol nas smon lam btab pa/ dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i rigs su skye bar
155b7 shog cig /skyes bu rin po che 'di lta bu yang bdag gi bur gyur nas bdag gis de kho na mnyes par byas te mi mnyes par byed par ma gyur cig ces/ des der smon lam btab bo zhes bka' stsal nas/ dge slong dag gis sangs rgyas bcom ldan 'das la zhus pa/
156a1 btsun pa bram ze 'dis las ci zhig bgyis na/ las de'i rnam par smin pas dbul por yang gyur la rgas nas gdong rab tu byung lags/ bcom ldan 'das kyis bka' stsal pa/ byang chub sems dpa' rnams ni sbyin pa la sred pa dang nges
156a2 par 'byung ba la sred pa yin na/'dis dus thams cad du nga'i sbyin pa'i bar chad dang rab tu 'byung ba'i bar chad byas te/ 'dis dus thams cad du nga'i sbyin pa'i bar chad dang rab tu 'byung ba'i bar chad byas pa'i las de'i rnam par smin pas 'di dbul por gyur la rgas
156a3 nas gdod rab tu byung ngo //gsol pa/ btsun pa bram ze 'dis las ci zhig bgyis na las de'i rnam par smin pas/ bcom ldan 'das mnyes par bgyis te bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon
156a4 sum du bgyis lags/bcom ldan 'das kyis bka' stsal pa/ yang dag par rdzogs pa'i sangs rgyas 'od srung gi bstan pa la rab tu byung ste/ der 'dis tshe gcig tu tshangs par spyod pa spyad nas 'chi kar smon lam btab pa yang dag par rdzogs pa'i sangs rgyas
156a5 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom
156a6 pa nyid mngon sum du byed par gyur cig ces byas so//dge slong dag ji snyam du sems/ de'i tshe de'i dus na/ yang dag par rdzogs pa'i sangs rgyas 'od srung gi bstan pa la rab tu byung bar gyur pa gang yin pa de ni bram ze 'di nyid yin te/ des der tshe gcig tu tshangs
156a7 par spyod pa spyad nas 'chi kar smon lam btab ste/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /
156b1 de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa
156b2 mnyam pa dang thabs mnyam pa brnyes par gyur nas/'dis nga mnyes par byas te mi mnyes par ma byas la nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //zhing pa zhes bya ba ni/ gleng gzhi
156b3 mnyan du yod pa na bzhugs te/de'i tshe mnyan du yod pa na bram ze dbul po zhing las kyis 'tsho ba zhig gnas te/ bram ze de'i zhing rgyal bu rgyal byed kyi tshal nas thag mi ring ba zhig na 'dug la/ bram ze de yang sgrub phod pa zhig ste de nang par sngar thong gshol thogs nas
156b4 zhing gi steng du song ngo //de'i chung ma bram ze mo de yang bram ze de'i bza' ba dang bca' ba rnams khyer te/ zhing gi steng du song nas de gnyi ga zan zos te bram ze mo ni khyim du song ngo / /bram ze de ni zhing de nyid na zhing las byed cing 'dug pa las/ de phyem red khyim du 'gro ba
156b5 na bram ze dang bram ze mo de gnyis kyis/bcom ldan 'das dang nyan thos chen po rnams mnyan du yod pa nas yang dang yang du phyi nang du gshegs pa mthong ngo / /mthong nas kyang de gnyis bcom ldan 'das dang nyan thos chen po rnams la shin tu dga' ba skyes te/ de gnyis
156b6 dga' bar gyur nas phan tshun gcig la gcig smras pa bdag cag gnyis da ltar sdug bsngal bar gyur pa ci yang rung ba de dag thams cad ni sngon bsod nams ma byas pa'i phyir te/gal te da ltar yang bdag cag gnyis kyis dge ba'i las ci yang ma byas na ni/ bdag cag gnyis
156b7 'di nas shi 'phos nas kyang /dbul po 'ba' zhig tu 'gyur ro zhes zer ro/ /de nas bram zes smras pa/ bzang mo bdag cag gnyis nor gang gis sbyin pa dag sbyin zhing bsod nams dag byed par 'gyur ba'i nor de lta bu bdag cag gnyis la ci yang yod dam/ chung mas smras pa/
157a1 jo bo de skad ma gsung shig dge sbyong gau ta ma 'di ni rkang gnyis kyi nang na bsod nams kyi zhing yin te/ 'di la ni bkur sti chung ngu byas pa tsam gyis kyang 'bras bu shin tu che bar 'gyur gyis dge sbyong gau ta ma 'di la bdag cag gnyis kyis bshos dbul
157a2 bar bya'o//'di la phul na bdag cag gnyis dbul ba'i rgyun chad par 'gyur ro/ /bram zes smras pa khyod ci dga' ba bzhin du byas/ song la bza' ba dang bca' ba gtsang ma bzang po mang po dag bshams te/ nang par phyir byung nas gang gi tshe dge sbyong gau ta ma
157a3 mnyan du yod par bsod snyoms la gshegs pa de'i tshe/bdag cag gnyis kyis zhing gi steng na 'dug bzhin du bshos dbul lo/ /bram ze mos smras pa/ jo bo ji ltar dgyes pa bzhin du bgyi'o zhes byas nas/ bram ze mo de rang gi khyim du song ste bza' ba dang
157a4 bca' ba gtsang ma bzang po mang po bshams te/nang par sngar langs nas zhing gi steng du song ste/ rgyal bu rgyal byed kyi tshal logs su kha bltas nas/ bcom ldan 'das gshegs pa la sdod cing 'dug go/ /sangs rgyas bcom ldan 'das bgrod pa gcig pu'i
157a5 lam ston pa/rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub
157a6 kyi yan lag bdun la spyod yul ba/rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin
157a7 dus gsum mtshan dus gsum ste/nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug su ni nyam nga bar gyur su ni gnod pa dang ldan su ni phongs pa dang nyam nga ba dang gnod pa dang ldan su ni ngan song du gzhol/
157b1 su ni ngan song du 'bab su ni ngan song du bab su ni ngas ngan song nas phyung ste mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor
157b2 bdun gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis
157b3 brtol bar bya/su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas
157b4 dus las yol ba med//de nas bcom ldan 'das kyis dgongs pa/ bram ze de dang bram ze'i chung ma gnyis gdul ba'i dus la bab bo snyam dgongs nas/ snga dro sham thabs dang chos gos gsol te lhung bzed bsnams nas mnyan du yod pa logs su chas te
157b5 gshegs pa dang /bram ze dang bram ze mo de gnyis kyis bcom ldan 'das thag ring po zhig nas mthong ngo / /mthong nas kyang bcom ldan 'das ga la ba de logs su song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la
157b6 'di skad ces gsol to//bcom ldan 'das zhing 'di nyid du bdag cag gnyis kyis phul ba'i bshos zhal cig gsol du ci gnang zhes byas nas/ bcom ldan 'das kyis de bza' bran gnyis la cang mi gsung bas gnang ngo / /de nas bram ze des bcom ldan 'das
157b7 cang mi gsung bas gnang bar rig nas/bcom ldan 'das kyi gdan bshams te bcom ldan 'das gdan bshams pa la bzhugs su gsol zhes byas so/ /de nas bcom ldan 'das gdan bshams pa la bzhugs te/ bram ze de dang bram ze mo de gnyis kyis
158a1 sangs rgyas bcom ldan 'das bde bar bzhugs par rig nas/rang gi lag nas bza' ba dang bca' ba gtsang ma bzang po mang pos tshim par byas nas ci bzhed pa bstabs so/ /rang gi lag nas bza' ba dang bca' ba gtsang ma bzang po mang po rnam
158a2 grangs du mas tshim par byas te ci bzhed pa bstabs nas/bcom ldan 'das bshos gsol zin te/ gsang sder ni gyu phyag ni bcabs par rig nas chos mnyan pa'i phyir spyan sngar 'dug go/ /de nas bcom ldan 'das kyis de gnyis kyi rkyen du 'tsham pa'i chos bstan
158a3 nas gshegs so//bcom ldan 'das gshegs nas ring po ma lon par bram ze de dang bram ze mo de gnyis kyis smon lam btab pa/ kye ma dge ba'i rtsa ba 'dis bdag cag gnyis kyi dbul ba'i rgyun chad par gyur cig /bdag cag gnyis kyi zhing 'di las nas kyi
158a4 myu gu skyes pa thams cad kyang gser gyi myu gur snang bar gyur la/de dag kyang de kho na bzhin du gyur cig /gzhan du ma gyur cig ces byas nas/ bram ze dang bram ze mo de gnyis kyis/ de skad ces brjod pa'i mod la zhing de las skyes pa'i nas kyi myu gu thams cad
158a5 gser du mthong ngo //mthong nas kyang bram ze mo des smras pa/ jo bo bdag cag gnyis kyi smon lam ni grub na/ rgyal po la ma gsol bar bdag cag gnyis kyis longs spyad par mi nus so zhes byas so/ /de nas bram ze des de thos ma thag tu rgyal po gsal rgyal
158a6 ga la ba der song ste phyin nas rgyal po la gsol pa/lha bdag cag gi nas zhing las gser gyi myu gu skyes kyis lhas sku skal bzhes pa'i rigs so zhes byas nas/ rgyal po gsal rgyal gyis bsams pa/ ma la bram ze 'di ma smyos sam snyam pa dang / rgyal pos
158a7 bltas na blo gsal zhing dbang po zhi bar 'dug par mthong ngo //mthong nas kyang yang bsams pa/ ma la de ltar gyur kyang srid dam snyam nas des rgyal po'i zhabs 'bring ba rnams btang ste/ de dag der dong na gser gyi myu gu ma mthong nas/ de dag phyir log ste rgyal
158b1 po la gsol pa/lha bram ze de ni sems la dbang ma mchis te de na gser gyi myu gu ga la mchis zhes byas so/ /de nas bram ze des yang lan cig song nas/ rgyal po gsal rgyal la gsol pa/ lha bdag gis ni gser gyi myu gu de dag nges par mthong gis lha'i
158b2 sku skal bzhes par gsol zhes byas so//de nas rgyal pos bsams pa/ yang na ni bram ze 'di sngon bsod nams byas pa zhig yin no/ /yang na ni 'dis da ltar zhing bzang po zhig la sa bon btab bo snyam nas/ rgyal po de nyid bram ze de'i zhing gi steng du song nas
158b3 des kyang de na yod pa'i gser gyi myu gu ma mthong nas/de nas bram ze de la smras pa/ bram ze gal te khyod kyis gser gyi myu gu rnams mthong na/ khyod kyis ji tsam yongs su btang ba nga la byin cig ces byas so/ /de nas de thos ma thag tu bram ze des zhing thog gi
158b4 skal ba bcad de 'di ni lha'i bgyi'o//'di ni bdag gi bgyi'o zhes byas pa dang de skad brjod pa'i mod la rgyal po des kyang gser gyi myu gu mthong nas/ mthong ma thag tu rgyal po de ya mtshan du gyur te/ de ya mtshan du gyur nas bram ze de la smras pa/ bram ze khyod kyis
158b5 las ci zhig byas na des khyod kyi dpal 'di lta bu thob par gyur/bram zes gsol pa/ lha bdag gis dge sbyong gau ta ma la bshos gsol to/ /rgyal pos smras pa/ bram ze khyod kyis ni zhing bzang po la sa bon btab kyis song la 'jigs shing bag tsha ba med par
158b6 spyod cig /sbyin pa dag kyang byin cig bsod nams dag kyang gyis shig ces smras nas rgyal po song ngo / /de nas bram ze des bsams pa/ bdag gis dpal 'di lta bu thob pa ci yang rung ba de dag thams cad ni bcom ldan 'das las brten te thob pa yin gyis/ bdag
158b7 gis de kho na'i bka' drin bsab dgos so snyam nas/des khyim gyi 'byor pa rgya chen po bshams nas/ sangs rgyas la sogs pa dge slong gi dge 'dun zla ba gsum gyi bar du spyan drangs te/ yo byad thams cad sbyar nas mjug tu sangs rgyas la sogs pa dge slong gi dge
159a1 'dun bshos gsol te/re re la ras zung re phul nas chos mnyan pa'i phyir spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang shes pa dang rang bzhin thugs su chud nas/ de dang 'thun pa'i chos
159a2 bstan te/des na bram ze 'khor dang bcas pas stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te bden pa mthong nas bram ze des bsams pa bdag khyim na 'dug
159a3 pa btang la/bcom ldan 'das kyi bstan pa la rab tu byung ste chu bo rnams las brgal bar bya ba dang sbyor ba rnams las yang dag par 'da' bar bya ba'i phyir brtson pa dang bsgrub pa dang 'bad par bya'o snyam nas/ sbyin pa dag byin zhing bsod nams dag byas te bcom ldan 'das
159a4 kyi bstan pa la rab tu byung ngo //de nas des brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/
159a5 nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la rgyab
159a6 kyis phyogs pa/dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag gis bcom ldan 'das la zhus pa/ btsun pa bram ze 'dis las ci zhig bgyis na/ las de'i rnam par smin
159a7 pas zhing las skyes pa'i nas kyi myu gu rnams gser gyi myu gur mthong la/'dis bcom ldan 'das kyang mnyes par bgyis te mi mnyes par ma bgyis la/ bcom ldan 'das kyi bstan pa la yang rab tu byung nas nyon mongs pa thams cad spangs te dgra bcom pa nyid mngon sum
159b1 du bgyis lags/bcom ldan 'das kyis bka' stsal pa/ dge slong dag 'das pa'i las kyi shas kyang yod la/ da ltar gyi las kyi shas kyang yod de/ 'das pa'i las gang zhe na/ dge slong dag sngon byung ba 'das pa'i dus na bskal pa bzang po 'di nyid la skye
159b2 dgu'i tshe lo nyi khri thub pa na/yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu gdul bya'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig
159b3 rten du byung ste/de'i gsung rab la bram ze 'di rab tu byung nas/ des der tshe gcig tu tshangs par spyod pa spyad de 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad kyang
159b4 yon tan gyi tshogs ci yang ma thob kyis/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i
159b5 bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so//dge slong dag ji snyam du sems/ de'i tshe de'i dus na dge slong du gyur pa gang yin pa de ni bram ze 'di kho na yin te/ des der tshe gcig tu
159b6 tshangs par spyod pa spyad nas 'chi kar smon lam btab ste/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /
159b7 de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs
160a1 mnyam pa brnyes par gyur nas 'dis nga mnyes par byas te/mi mnyes par ma byas la nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas pa 'di ni sngon gyi las yin no/ /da ltar gyi las gang zhe na/ 'dis
160a2 nga la zhal zas phul nas smon lam btab ste/'phral kho nar bdag gi dbul ba'i rgyun chad par gyur cig /bdag gi nas kyi myu gu 'di rnams kyang gser gyi myu gur snang bar gyur la de dag kyang de kho na bzhin du gyur cig /gzhan du ma gyur cig ces byas pa 'di ni da ltar gyi
160a3 las yin no// //shi ba zhes bya ba ni/ gleng gzhi rgyal po'i khab na bzhugs te/ de'i tshe rgyal po'i khab na bram ze zhig gnas pa des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod do/ /de nas phyi zhig
160a4 na de'i chung ma la bu chags nas de zla ba dgu'am bcu lon pa dang khye'u gzugs bzang zhing blta na sdug la mdzes pa zhig btsas nas de'i btsas ston rgyas par byas te/rigs dang 'thun par ming btags nas/ 'o ma dang zho dang mar dang zhun mar dang mar gyi nying gus bskyed bsrings
160a5 so//de nas de gang gi tshe cher skyes pa de'i tshe yi ge dang bram ze'i spyod lam dang spyod pa dang oM zhes bya ba dang b+ho zhes bya ba dang gtsang sbra dang cho ga dang thal ba blang ba dang ril ba thogs pa dang nges brjod kyi rig byed dang mchod sbyin gyi rig byed dang snyan tshig gi rig byed dang srid srung gi rig byed
160a6 dang mchod sbyin bya ba dang mchod sbyin byed du gzhug pa dang sbyin pa dang blang ba dang kha ton bya ba dang kha ton slob tu gzhug pa'i thabs bslabs nas las rnam pa drug la mkhas pa'i bram zer gyur te/de mthar gyis rig pa'i gnas brgyad la byang bar gyur to/ /bram ze de yang phyi zhig na sangs rgyas la dad pa
160a7 dang chos dang dge 'dun la dad par gyur te/skyabs su 'gro ba dang bslab pa'i gzhi rnams blangs so/ /de nas phyi zhig na des sangs rgyas la sogs pa dge slong gi dge 'dun bza' ba dang bca' ba gtsang ma bzang po mang pos tshim par byas nas/ chos mnyan pa'i phyir spyan sngar 'dug
160b1 go//bcom ldan 'das kyis kyang de dang 'tsham pa'i chos bstan nas gshegs so/ /de nas phyi zhig na bram ze de nad kyis thebs nas/ de rtsa ba dang sdong bu dang lo ma dang me tog dang 'bras bu'i sman dag gis rim gror byas kyang sos par byed ma nus nas shi'o/ /de shi
160b2 'phos te dus las 'das nas sum cu rtsa gsum pa'i lha'i nang du skyes so//de nas bu des kyang pha'i rus bu de bya rgod kyi phung po'i ri las thag mi ring ba zhig tu phyung ste/ bsregs nas de dur khrod de nyid na 'dug cing mya ngan byed la sdug bsngal zhing smre sngags 'don te brang rdung zhing
160b3 pha cig pha cig ces cho nges 'debs te phan tshun 'khyam zhing 'dug go//lha'i bu'am lha'i bu mo skyes ma thag pa na chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gi skyes snyam mo/ /de nas mi las shi 'phos pa dang sum cu rtsa
160b4 gsum pa'i lhar skyes pa dang bcom ldan 'das la sogs pa dge slong gi dge 'dun la bkur sti byas te skyabs su song ba dang bslab pa'i gzhi rnams bsrungs par des mthong ngo //de nas sngon bram zer gyur pa'i lha'i bu de 'di snyam du sems te/ bdag zhag lon nas gzod
160b5 bcom ldan 'das la blta ba dang bsnyen bkur byed du 'gro ba ni bdag gi cha ma yin gyis/bdag zhag ma lon par bcom ldan 'das la blta ba dang bsnyen bkur bya ba'i phyir 'gro'o snyam mo/ /de nas sngon bram zer gyur pa'i lha'i bu rna cha gdub kor dag cing 'gul ba thogs pa
160b6 lus do shal dang se mo dos brgyan pa nor bu rin po che sna tshogs kyis spras pa'i cod pan can lus gur gum dang ta ma'i lo ma dang spr-i ka la sogs pas byugs pa des/de nyid kyi mtshan mo lha'i me tog ud pa la dang pad ma dang ku mu da dang pad ma dkar po dang man dA ra ba rnams
160b7 kyis thu ba bkang ste/sum cu rtsa gsum pa'i lha'i nang nas mi snang bar gyur te/ bcom ldan 'das kyi spyan sngar phyin nas/ bcom ldan 'das la lha'i me tog ud pa la dang pad ma dang ku mu da dang pad ma dkar po dang man dA ra ba rnams kyis gtor te/ bcom ldan 'das kyi zhabs
161a1 la mgo bos phyag 'tshal nas/chos mnyan pa'i phyir spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang shes pa dang rang bzhin thugs su chud nas de dang 'thun pa'i chos bstan te/ des na sngon bram zer gyur pa'i lha'i
161a2 bu des 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/des bden pa mthong nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/
161a3 bcom ldan 'das kyi thad nas mi snang bar gyur te/ des bltas na bu de dur khrod na 'dug cing shin tu mya ngan byed la sdug bsngal zhing smre sngags 'don te/ brang rdung zhing pha cig pha cig ces cho nge 'don te/ phan tshun du 'khyam zhing 'dug pa mthong ngo / /mthong nas kyang bu'i thad du song ste
161a4 smras pa/bu nga ni mya ngan byar med par gyur gyis nga'i phyir ha cang mya ngan ma byed cig /bus smras pa/ khyod su zhig /lha'i bus smras pa/ nga ni khyod kyi pha yin no/ /bus smras pa/ khyod gang du skyes/ lha'i bus smras pa/ lha'i nang du skyes so/ /bus smras pa/ khyod kyis
161a5 las ci zhig byas/lha'i bus smras pa/ sangs rgyas la sogs pa dge slong gi dge 'dun la bkur sti byas te/ skyabs su 'gro ba dang bslab pa'i gzhi rnams bsrungs so/ /bu nga'i mya ngan ma byed par khyod bdag gi mya ngan byos la/ bcom ldan 'das la skyabs su song shig dang / de
161a6 las khyod kyi legs pa thams cad 'byung bar 'gyur ro zhes byas nas/lha'i bu de de nyid du mi snang bar gyur te sum cu rtsa gsum pa'i lha'i nang du song ngo / /bram ze'i khye'u des kyang pha'i ngag mnyan nas pha'i mya ngan spangs te/ bcom ldan 'das la yang dga' bar gyur nas/ bcom ldan
161a7 'das ga la ba der song ste phyin nas bcom ldan 'das kyi zhabs la mgo bos phyag 'tshal te/chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang shes pa dang rang bzhin thugs su chud nas de
161b1 dang 'thun pa'i chos bstan te/des na bram ze des 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas stan las langs te bla gos phrag pa gcig tu gzar nas/ bcom ldan 'das
161b2 ga la ba de logs su thal mo sbyar ba btud de bcom ldan 'das la 'di skad ces gsol to//btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na bdag kyang bcom ldan 'das kyi thad du
161b3 tshangs par spyod pa spyad par 'tshal lo//de nas de la bcom ldan 'das kyis dge slong tshur shog ces bya ba'i tshig gis rab tu phyung ste bsnyen par rdzogs par mdzad nas de la lung yang phog go/ /des kyang brtson pa dang bsgrub pa dang 'bad pas nyon mongs pa thams cad spangs nas
161b4 dgra bcom pa nyid mngon sum du byas te/de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs
161b5 bcom pa/rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag gis
161b6 bcom ldan 'das la gsol pa/btsun pa gzigs lags/ bram ze'i khye'u ma dad pa 'di phas dad pa phun sum tshogs pa la bzhag ste/ 'di rab tu byung nas bcom ldan 'das mnyes par bgyis te mi mnyes par ma bgyis la nyon mongs pa thams cad spangs te/ dgra bcom
161b7 pa nyid mngon sum du bgyis lags so//bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang bram ze'i khye'u 'di ma dad pa las phas ji ltar dad pa phun sum tshogs pa la bzhag pa dang 'di rab tu byung nas tshe gcig tu tshangs par spyod pa spyad pa
162a1 de nyon cig /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu gdul bya'i kha lo sgyur
162a2 ba/bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na bram ze zhig gnas pa las/ phyi zhig na de'i chung ma la bu chags nas/ de zla ba dgu'am bcu lon pa dang khye'u zhig btsas te/ gang gi tshe cher skyes
162a3 pa de'i tshe yi ge dang bram ze'i spyod lam dang spyod pa dang oM zhes bya ba dang b+ho zhes bya ba dang gtsang sbra dang cho ga dang thal ba blang ba dang ril ba thogs pa dang nges brjod kyi rig byed dang mchod sbyin gyi rig byed dang snyan tshig gi rig byed dang srid srung gi rig byed dang mchod sbyin bya ba dang mchod sbyin byed
162a4 du gzhug pa dang sbyin pa dang blang ba dang kha ton bya ba dang kha ton slob tu gzhug pa'i thabs bslabs nas/las rnam pa drug la mkhas pa'i bram zer gyur te/ de mthar gyis rig pa'i gnas brgyad la byang bar gyur to/ /de nas phyi zhig na de'i pha sangs rgyas la mngon par dga'
162a5 bar gyur/chos dang dge 'dun la mngon par dga' bar gyur nas skyabs su 'gro ba dang bslab pa'i gzhi rnams bzung ngo / /de nas phyi zhig na de shi 'phos te dus las 'das nas lha'i nang du skyes so/ /bram ze'i khye'u de ni shin tu mya ngan byed cing smre sngags 'don te/ brang rdung zhing pha
162a6 cig pha cig ces cho nge 'don te phan tshun 'khyam zhing 'dug go//de nas de'i phas de tshor nas de'i thad du song ste smras pa/ bu cig nga ni mya ngan byar med par gyur gyis mya ngan ma byed cig /bus smras pa/ khyod su zhig /des smras pa/ nga ni khyod kyi pha yin no/ /bus smras pa/ khyod
162a7 gang du skyes/des smras pa/ lha'i nang du skyes so/ /bus smras pa/ khyod kyis las ci zhig byas/ des smras pa/ yang dag par rdzogs pa'i sangs rgyas 'od srung la bsnyen bkur byas te/ skyabs su 'gro ba dang bslab pa'i gzhi rnams bsrungs so/ /da khyod kyis nga'i mya ngan ma byed
162b1 par khyod bdag gi mya ngan byos la/yang dag par rdzogs pa'i sangs rgyas 'od srung la skyabs su song shig dang / de las khyod kyi legs pa thams cad 'byung bar 'gyur ro zhes byas nas lha'i bu de mi snang bar gyur to/ /bram ze'i khye'u des kyang pha'i ngag mnyan te/ yang dag par rdzogs
162b2 pa'i sangs rgyas 'od srung gi bstan pa la rab tu byung nas/des tshe gcig tu tshangs par spyod pa spyad de 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad kyang bdag gis yon tan gyi tshogs ci
162b3 yang ma thob kyis yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig mi mnyes par byed par ma gyur cig /de kho na'i bstan pa la rab tu byung nas nyon mongs pa
162b4 thams cad spangs te dgra bcom pa nyid mngon sum du byed par gyur cig ces byas so//dge slong dag ji snyam du sems/ de'i tshe de'i dus na bram ze'i khye'u'i phar gyur pa gang yin pa de ni bram ze 'di nyid yin no/ /de'i tshe bur gyur pa gang yin pa de ni bu 'di nyid yin te/ de'i tshe yang 'dis
162b5 pha las brten te dad pa rnyed nas tshe gcig tu tshangs par spyod pa spyad do//da ltar yang 'dis pha de nyid las brten nas dad pa rnyed de/ nga'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //las brgya tham pa/ bam
162b6 po bcu bzhi pa/ko ka li ka zhes bya ba ni/ gleng gzhi rgyal po'i khab na bzhugs te/ de'i tshe tshe dang ldan pa ko ka li ka sab kang ri la 'jigs byed ma'i tshal kyi nags na gnas te/ sab kang ri la gnas pa'i bram ze dang khyim bdag rnams kyis de la bkur sti byas bla mar
162b7 byas ri mor byas mchod par byas te/gos dang zas dang mal cha dang stan dang nad gsos dang sman zong rnams rnyed par gyur nas/ des der dge slong 'ongs so cog la yo byad thams cad kyis bsnyen bkur byed do/ /de'i tshe tshe dang ldan pa shA ri'i bu dang maud gal gyi bu gnyis ljongs
163a1 rgyu zhing dong ba las sab kang ri la phyin te/'jigs byed ma'i tshal kyi nags na gnas so/ /de nas dge slong ko ka li kas/ tshe dang ldan pa shA ri'i bu dang maud gal gyi bu gnyis ljongs rgyu zhing song song ba las sab kang ri la phyin te/ 'jigs byed ma'i tshal ri
163a2 dgas kyi nags na 'dug go zhes thos so//thos nas kyang tshe dang ldan pa shA ri'i bu dang maud gal gyi bu gnyis ga la ba der song ste phyin nas/ tshe dang ldan pa shA ri'i bu dang maud gal gyi bu gnyis kyi rkang pa la mgo bos phyag 'tshal te phyogs gcig tu 'dug go/ /phyogs gcig tu 'dug
163a3 nas dge slong ko ka li kas tshe dang ldan pa shA ri'i bu dang maud gal gyi bu gnyis la 'di skad ces smras so//bdag gis btsun pa khyed gnyis la yo byad thams cad kyis bsnyen bkur bgyis/ khyed gnyis kyis thugs khral chung ngur bzhugs shig /de gnyis kyis smras pa tshe dang ldan pa
163a4 sab kang ri 'di ni shin tu 'jigs pa yin te 'dir gnas mi phod kyis/bdag cag gnyis ni dgon pa rab tu dben pa'i gnas ga ge mo zhig tu song ste gnas par bya'o/ /ko ka li kas smras pa/ der bzhud na yang bdag gis yo byad thams cad kyis bsnyen bkur bgyis/ khyed gnyis
163a5 kyis bdag la gnang bar mdzod cig /tshe dang ldan pa shA ri'i bu dang maud gal gyi bus smras pa/ gal te khyod shA ri'i bu dang maud gal gyi bu gnyis dgon pa'i gnas ga ge mo zhig na 'dug go zhes sab kang ri 'dir su la yang mi zer na ni bdag cag gnyis 'dug par bya'o/ /gal te
163a6 khyod kyis 'ga' zhig la byas na ni bdag cag gnyis kyis khyod la ma sbran par gnas de nas gud du 'gro'o//ko ka li kas smras pa/ su la yang mi mchis gnang bar mdzod cig /de nas de gnyis de la cang mi smra bas khas blangs so/ /de gnyis kyis de la khas blangs nas dgon pa'i gnas
163a7 der song ste/'khod nas ko ka li kas de gnyis la yo byad thams cad kyis bsnyen bkur byed pa la zhugs so/ /de nas de'i tshe sab kang ri de nyid na khyim bdag cig gnas te/ khyim bdag de dge slong ko ka li ka la mngon par dga' bar gyur nas/ de de la yo byad thams cad kyis bsnyen
163b1 bkur byed do//de nas phyi zhig na khyim bdag de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de gang gi tshe cher skyes pa de'i tshe/ dge slong ko ka li ka de nyid las brten nas bcom ldan
163b2 'das kyi bstan pa la dad pa rnyed de/skyabs su 'gro ba dang bslab pa'i gzhi rnams blangs so/ /de nas phyi zhig na de'i blo skyes pa/ bdag khyim na gnas pa btang la bcom ldan 'das kyi bstan pa la rab tu byung ngo snyam ste/ tshe dang ldan pa ko ka li ka ga la ba der song nas smras pa/
163b3 btsun pa ko ka li ka bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /ko ka li kas smras pa/ gzhon nu khyod
163b4 pha ma gnyis kyis gnang ngam/des smras pa ma gnang ngo / /ko ka li kas smras pa/ bu sangs rgyas rnams dang sangs rgyas kyi nyan thos rnams ni/ pha ma gnyis kyis ma gnang bar rab tu 'byin par yang mi mdzad/ bsnyen par rdzogs par yang mi mdzad kyis/ song la pha
163b5 ma gnyis la gsol cig dang de'i 'og tu khyod kyi sla bar 'gyur ro//de nas 'phags pa ji ltar dgyes pa de bzhin du 'tshal lo zhes byas nas/ de pha ma'i thad du song ste smras pa/ yab yum bdag bcom ldan 'das kyi bstan pa la rab tu 'byung bar gnang bar mdzad du gsol
163b6 pha ma gnyis kyis smras pa/bdag cag ni khyod shi ste 'bral bar 'gyur yang srid kyi/ khyod gson bzhin du gnang bar ni mi byed do/ /de nas phyi zhig na tshe dang ldan pa ko ka li ka ljongs dag tu don bsgrub pa zhig byung nas/ des lhan cig gnas pa dang nye gnas rnams tshe dang ldan pa shA
163b7 ri'i bu dang maud gal gyi bu gnyis la gtad de/btsun pa gnyis bdag ni ljongs dag tu bgyi ba cung zad cig la mchis/ dge slong 'di dag btsun pa gnyis kyis lung dbog pa dang yid la bgyid pa'i lung dang zhu ba'i gnas stsal du gsol zhes byas nas/ des de gnyis la 'khor
164a1 rnams gtad de ljongs rgyu zhing song ngo //de song nas tshe dang ldan pa shA ri'i bu dang maud gal gyi bu gnyis kyis bsams pa/ dge slong 'di dag la nges par 'byed pa'i cha bzhi'i dge ba cung zad yod dam med cig gu snyam ste/ de gnyis kyis bltas nas yod par
164a2 gyur te/bdag cag gnyis kho na la rag las par mthong nas/ dge slong de dag la tshe dang ldan pa maud gal gyi bus ni rdzu 'phrul gyi cho 'phrul gyis bskul/ tshe dang ldan pa shA ri'i bus ni rjes su bstan pa'i cho 'phrul gyis bskul nas/ de dag gis brtson pa dang bsgrub pa dang 'bad
164a3 pas nyon mongs pa thams cad spangs te dgra bcom pa nyid mngon sum du byas so//de dag gis dgra bcom pa nyid thob nas khyim bdag gi bu des kyang pha ma la gsol te/ gtsug lag khang du song nas de dge slong de dag gi thad du song ste smras pa/ btsun pa ko ka li ka gar mchis/
164a4 de dag gis smras pa/ de ci la dgos/ khye'us smras pa/ bdag de las rab tu 'byung bar 'tshal lo/ /dge slong de dag gis de la smras pa/ khyod la ko ka li ka ci dgos/ tshe dang ldan pa shA ri'i bu dang maud gal gyi bu 'di gnyis ni mchog gi zung / zung bzang po yin gyis de gnyis
164a5 las rab tu 'byung bar gyis shig ces byas so//de nas de thos ma thag tu khye'u de dga' ches nas/ tshe dang ldan pa shA ri'i bu dang maud gal gyi bu gnyis ga la ba der song ste phyin nas/ de gnyis kyi rkang pa la mgo bos phyag 'tshal te/ chos mnyan pa'i phyir tshe dang ldan pa shA ri'i bu'i
164a6 mdun du 'dug go//tshe dang ldan pa shA ri'i bus kyang de'i bsam pa dang bag la nyal dang khams dang shes pa dang rang bzhin rtogs nas de dang 'thun pa'i chos bstan te/ des na khye'u de stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes
164a7 bcom nas rgyun du zhugs pa'i 'bras bu mngon sum du byas te/des bden pa mthong nas stan las langs te/ bla gos phrag pa gcig tu gzar nas tshe dang ldan pa shA ri'i bu ga la ba de logs su thal mo sbyar ba btud de/ tshe dang ldan pa shA ri'i bu la 'di skad ces smras so/ /btsun
164b1 pa shA ri'i bu bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/bdag kyang bcom ldan 'das kyi thad du tshangs par spyod pa spyad par 'tshal lo zhes byas nas/ btsun pa shA ri'i bus smras pa/ bu khyod
164b2 la pha ma gnyis kyis gnang ngam/des smras pa/ btsun pa shA ri'i bu bdag ni gnang lags so/ /de nas tshe dang ldan pa shA ri'i bus khye'u de rab tu phyung ste bsnyen par rdzogs par byas nas de la lung yang phog go/ /des kyang brtson pa dang bsgrub pa dang 'bad pas nyon mongs pa thams
164b3 cad spangs nas dgra bcom pa nyid mngon sum du byas te/des dgra bcom pa nyid thob nas pha ma gnyis bden pa rnams la bkod do/ /sbyin pa dang sbyin pa'i bgo bsha' la yang btsud do/ /de nas phyi zhig na lha rnams kyis sab kang ri la sgra bsgrags te/ kye khyed kyi grong 'dab na dge slong
164b4 shA ri'i bu dang maud gal gyi bu gnyis 'khod bzhin du khyod bsnyen bkur bya ba'i phyir de gnyis kyi thad du ma dong na/khyed kyis ci rnyed ci zhig ni legs par rnyed ces byas so/ /de nas sab kang ri la gnas pa'i skye bo mang po rnams kyi sgra thos nas sde tshan nas sde tshan dang / pha tshan nas pha tshan
164b5 dang /dga' sde nas dga' sder 'dus shing tshogs te sab kang ri las byung nas tshe dang ldan pa shA ri'i bu dang maud gal gyi bu gnyis ga la ba der song ste lhags nas rkang pa la phyag 'tshal te bkur sti byed pa la zhugs so/ /de nas tshe dang ldan pa shA ri'i bu dang maud gal gyi bu gnyis kyis
164b6 bsams pa/bdag cag gnyis kyi rnyed pa dang bkur sti byung gis gcad dgos so/ /bdag cag gnyis kyis kyang ko ka li ka la dam bcas te/ gal te khyod kyis bdag cag gnyis dgon pa 'di na gnas so zhes su la yang ma bsnyad na ni bdag cag gnyis dgon pa'i gnas 'dir
164b7 gnas par bya'o//de ste bdag cag gnyis kyi rnyed pa dang bkur sti zhig byung bar gyur na ni/ bdag cag gnyis kyis khyod la yang ma sbran par dgon pa'i gnas 'di nas 'gro'o zhes byas zin no snyam nas dgon pa'i gnas de nas dong ngo / /ko ka li ka'i slob ma dang / nye gnas de dag
165a1 gis smras pa/bdag cag kyang slob dpon gnyis dang thabs cig tu mchi'o/ /shA ri'i bus smras pa/ khyed ni rgyal po'i khab tu deng shig kho bo cag gnyis ni logs shig nas 'dul bar bya ba'i don byed cing 'gro dgos la/ thams cad der dong na zas kyis kyang brel
165a2 bar gyur na mi rung ngo zhes byas so//de nas de thos ma thag tu dge slong de dag lam gud nas rgyal po'i khab tu dong ste 'khod do/ /tshe dang ldan pa shA ri'i bu dang maud gal gyi bu gnyis ni lam gzhan zhig tu zhugs te de gnyis chas pa na char pa khad kyis dal nas dal nas bab bo/ /
165a3 ri 'gab de na ri'i phug cig yod de/ der ma he rdzi mo zhig sngar nang du song ba las de mi gnyis kyis nyal po byas nas/ de gnyis de nas phyir song ba'i 'og tu dge slong shA ri'i bu dang maud gal gyi bu gnyis der 'ongs nas phug sgo na 'khod do/ /de nas de dag dgon pa'i gnas de nas dong
165a4 ba'i 'og tu/dge slong ko ka li ka yang rang gi gtsug lag khang der 'ongs te/ de der 'ongs na slob ma dang nye gnas rnams mi snang nas des dge slong gzhan dag la dris pa/ bdag gi slob ma dang nye gnas de dag gar dong / de dag gis smras pa/ dge slong shA ri'i bu dang maud gal gyi
165a5 bu gnyis dang lhan cig tu dong ngo //de nas de thos ma thag tu/ dge slong ko ka li ka shas cher khros te/ de gnyis kyis bdag la ma bzlugs par song ba'i steng du bdag gi 'khor rnams kyang kha drangs te song ngo zhes zer ro/ /de de na 'dug pa na khyim bdag de yang thad du 'ongs nas ko ka li kas
165a6 khyim bdag de la dris pa/khyim bdag khyod kyi bu de gar song / khyim bdag gis smras pa/ rab tu byung ngo / /su'i thad du rab tu byung / khyim bdag gis smras pa/ shA ri'i bu'i thad du rab tu byung ngo / /de nas de thos ma thag tu de lhag par yang de gnyis la rab tu khros so/ /gzhan yang sab
165a7 kang ri la gnas pa'i bram ze rnams kyis snying na ba'i tshig gis zher btab ste/btsun pa ko ka li ka dge slong shA ri'i bu dang maud gal gyi bu gnyis 'dir byon pa lta zhig na khyod kyis bdag cag la ma sbran to zhes byas so/ /de nas de yul yul por gyur nas des bsams pa/ de gnyis kyis bdag
165b1 gi 'khor khrid de song mod kyi/bdag gis kyang rang gi 'khor yal bar gtang du mi rung gis/ bdag song la rang gi 'khor rnams bkug ste phyir 'ong bar bya'o snyam nas/ sham thabs bgos te lhung bzed thogs nas/ dge slong shA ri'i bu dang maud gal gyi bu gnyis gar dong ba'i lam de
165b2 nyid du chas nas de mthar gyis phug de kho na'i sgor phyin te/dge slong ko ka li kas dge slong shA ri'i bu dang maud gal gyi bu gnyis phug sgo de nyid na 'khod pa mthong nas de de gnyis kyi thad du song ste/ rkang pa la phyag 'tshal nas kun dga' ba'i gtam byas te phyogs gcig tu 'dug go/ /de nas de
165b3 rnams kyi skad ma he rdzi mo des thos nas phug de nas phyir byung ste song ngo //de nas de la ko ka li ka khu phrig zos nas/ tshe dang ldan pa de yang mtshan brtags la mkhas pa zhig ste/ des bltas na ma he rdzi mo de la mi gnyis kyis nyal po byas par rig go/ /de nas de mthong ma thag tu de la 'di
165b4 lta bu'i sdig pa'i lta ba'i rnam pa skyes te/'di gnyis ni sdig pa la dga' ba sdig pa'i chos dang ldan pa yin no zhes tshig rtsub cing brlang bas zhe bcad nas/ rgyal po'i khab tu song ste 'od ma'i tshal du zhugs nas lhung bzed dang chos gos bzhag ste/ dge slong mthong ngo cog la yang dag pa ma
165b5 yin pa'i phyar ka btang ste/de gnyis ni sdig pa la dga' ba sdig pa'i chos dang ldan pa yin no zhes zer ro/ /de nas skabs de dge slong dag gis thos nas bcom ldan 'das la gsol to/ /de nas der bcom ldan 'das kyis dge slong ko ka li ka la bka' stsal pa/ ko ka li ka ko ka
165b6 li ka khyod dge slong shA ri'i bu dang maud gal gyi bu gnyis shin tu des pa bye brag phyed pa tshangs pa mtshungs par spyod pa la sems dga' bar gyis shig /khyod yun ring por gnod pa dang mi phan pa dang sdug bsngal bar gyur ta re/ des gsol pa/ bdag ni bcom ldan 'das la dad cing glo ba ches
165b7 kyis kyang dge slong shA ri'i bu dang maud gal gyi bu gnyis ni sdig pa la dga' ba sdig pa'i sems dang ldan pa lags so//de bzhin du lan gnyis lan gsum gyi bar du bcom ldan 'das kyis dge slong ko ka li ka la bka' stsal pa/ ko ka li ka /ko ka li ka khyod dge slong shA ri'i bu dang
166a1 maud gal gyi bu gnyis shin tu des pa bye brag phyed pa tshangs pa mtshungs par spyod pa la sems dga' bar gyis shig /khyod yun ring por gnod pa dang mi phan pa dang sdug bsngal bar gyur ta re/ des gsol pa/ bdag ni bcom ldan 'das la dad cing glo ba ches
166a2 kyis kyang dge slong shA ri'i bu dang maud gal gyi bu gnyis ni sdig pa la dga' ba sdig pa'i dbang du gyur pa lags so//de nas dge slong ko ka li kas lan gnyis lan gsum gyi bar du bcom ldan 'das kyis bka' stsal pa ltar ma byas nas stan las langs te song ngo / /de nas song
166a3 ma thag tu dge slong ko ka li ka de'i lus thams cad 'bras yungs 'bru tsam sha stag gis gang bar gyur to//de nas de'i 'og tu 'bras rgya sran tsam dang rgya shug gi 'bru tsam dang skyu ru ra tsam dang bil ba'i 'bras bu tsam dang ka pid ta'i 'bras bu tsam sha stag gis gang bar gyur to/ /de nas
166a4 dge slong ko ka li ka'i kha nas khrag dron po skyug cing bdag ni tshig go bdag ni tshig go zhes zer te lus thams cad nas rnag khrag 'dzag cing 'bab bzhin du lus dang bral te/shi ba'i 'og tu ngan song ngan 'gro log par ltung ba sems can dmyal ba chen po pad ma ltar gas pa chen por
166a5 skyes so//de der skyes nas cher gyur te lus dpag tshad mang po dang ldan pas khyab par 'dug go/ /de nas de'i las las skyes pa'i mi dag gis kha nas lce phyung ste/ lcags kyis gzhi 'bar zhing rab tu 'bar la kun tu rab tu 'bar ba'i steng du lcags kyi phur pa 'bar zhing rab
166a6 tu 'bar la kun tu rab tu 'bar te me lce gcig tu 'bar ba sha stag gis brgyangs nas de'i lce de la rmon pa dor lnga brgya byung ste/thams cad kyang 'bar zhing rab tu 'bar la kun tu rab tu 'bar te me lce gcig tu 'bar ba sha stag go/ /las las skyes pa'i rmon glang de dag gi rmig pa yang spu
166a7 gri'i so 'dra ste/'bar zhing rab tu 'bar la kun tu rab tu 'bar te/ me lce gcig tu 'bar ba sha stag ste/ de dag gis phyogs gang dang gang du gom pa bor ba'i phyogs de dang der kun tu gcod cing kun tu gtub la kun du dmyal bar byed do/ /de'i kho ra khor yug nas kyang lcags
166b1 kyi mche ba can gyi khyi dang seng ge dang stag dang gzig dang dom dang dred la sogs pa dag lhags nas/lus las sha rnams bcad cing bcad cing za bar byed do/ /steng gi nam mkha' las kyang lcags kyi mchu can gyi bya rgod dang bya rog dang chun lag rnams lhags nas sha
166b2 rnams bcad cing bcad cing za bar byed de/gzhi des na des sdug bsngal drag pa dang mi bzad pa dang tsha ba'i tshor ba nyams su myong ste skad ngan chen po 'don to/ /de nas lha kha dog 'phags pa gsum nam sros pa na/ bcom ldan 'das ga la ba der dong ste lhags nas bcom
166b3 ldan 'das kyi zhabs la mgo bos phyag 'tshal te phyogs gcig tu 'khod do//phyogs gcig tu 'khod nas lha gcig gis bcom ldan 'das la 'di skad ces gsol to/ /btsun pa lha sbyin gyi phyogs su gtogs pa'i dge slong ko ka li ka ni gum lags so/ /lha gcig
166b4 gis gsol pa/btsun pa dge slong des ni shA ri'i bu dang maud gal gyi bu gnyis la sdang ba'i sems bskyed pas sems can dmyal ba chen po pad ma ltar gas pa chen por skyes lags so/ /lha gcig gis ni de'i tshe tshigs su bcad de smras pa/ skyes bu gcig cig skyes pa na/ /
166b5 kha nas sta re byung bar gyur/ /nyes par smra ba'i tshig brjod pa/ /des ni bdag nyid gcod par byed/ /gang zhig dmad 'os skye bo bsngags pa dang / /bsngags par 'os pa'i skye bo dmod byed pa/ /des ni kha nas rtsod pa de bsags te/ /rtsod pa des na bde ba myong mi 'gyur/ /'di
166b6 na cho los bdag skugs pham pa'i tshe//rtsod pa gang yin de ni chung ba yin/ /bde bar gshegs pa la sems sdang ba yi/ /rtsod pa gang yin de ni shin tu che/ /ngag dang yid kyis sdig byas 'phags la dmad/ /des na lo grangs dung phyur phrag 'bum dang / /bye ba phrag ni
166b7 sum cu rtsa lnga'i bar//sems can dmyal ba nyams su myong bar 'gyur/ /lha gsum gyis de skad ces smras nas de nyid du mi snang bar gyur to/ /de nas bcom ldan 'das mtshan mo de 'das nas/ dge slong gi dge 'dun gyi gung la gdan bshams pa la bzhugs so/ /bzhugs nas
167a1 kyang dge slong rnams la bka' stsal pa/dge slong dag mdang sum nam sros na lha kha dog 'phags pa gsum nga ga la ba der 'ongs te lhags nas/ nga'i rkang pa la mgo bos phyag 'tshal te phyogs gcig tu 'khod do/ /phyogs gcig tu 'khod nas lha gcig
167a2 gis nga la gsol pa/btsun pa lha sbyin gyi phyogs su gtogs pa'i dge slong ko ka li ka ni gum lags so/ /lha gcig gis gsol pa/ btsun pa dge slong des ni shA ri'i bu dang maud gal gyi bu gnyis la sdang ba'i sems bskyed pas sems can dmyal ba chen po pad ma ltar
167a3 gas pa chen por skyes lags so//lha gcig gis ni de'i tshe tshigs su bcad de smras pa/ skyes bu gcig cig skyes pa na/ /kha nas sta re byung bar gyur/ /nyes par smra ba'i tshig brjod pa/ /des ni bdag nyid gcod par byed/ /gang zhig dmad 'os skye bo bsngags pa dang / /
167a4 bsngags par 'os pa'i skye bo dmod byed pa/ /des ni kha nas rtsod pa de bsags te/ /rtsod pa des na bde ba myong mi 'gyur/ /'di na cho los bdag skugs pham pa'i tshe/ /rtsod pa gang yin de ni chung ba yin/ /bde bar gshegs pa la sems sdang ba yi/ /rtsod pa gang yin de ni
167a5 shin tu che//ngag dang yid kyis sdig byas 'phags la dmad/ /des na lo grangs dung phyur phrag 'bum dang / /bye ba phrag ni sum cu rtsa lnga'i bar/ /sems can dmyal ba nyams su myong bar 'gyur/ /zhes smras so/ /dge slong dag gzhan yang khyed kyis sems can dmyal ba
167a6 chu bur can du skyes pa'i sems can rnams kyi tshe'i tshad nyan par 'dod dam/dge slong rnams kyis gsol pa/ bcom ldan 'das kyis sems can dmyal ba chu bur can du skyes pa'i sems can rnams kyi tshe'i tshad bstan pa'i dus ni bcom ldan 'das 'di lags so/ /bde
167a7 bar gshegs pa dus ni 'di lags so zhes gsol to//bcom ldan 'das kyis bka' stsal pa bzhin du/ dge slong rnams kyis mnyan nas/ dge slong dag 'o na legs par nyon la shin tu yid la zung shig dang ngas bshad do/ /dge slong dag dper na/ yul ko
167b1 sa la'i til gyi bang ba/til khal bcu tshad nyi shu shong ba til gyis bkang ste/ byur bur sbyur ba de las mi la la zhig gis lo brgya brgya lon zhing til 'bru gcig gud du bor na/ dge slong dag yul ko sa la'i til gyi bang ba til khal bcu tshad nyi shu pa de ni/ thabs
167b2 de lta bus ches myur du yongs su zad cing mthar thug par 'gyur gyi/sems can dmyal ba chu bur can du skyes pa'i sems can rnams kyi tshe'i tshad ni zad par 'gyur ro zhes nga mi zer ro/ /chu bur can nyi shu'i tshad ji tsam pa ni chu bur rdol gcig gi tshad do/ /chu bur rdol
167b3 nyi shu'i tshad ji tsam pa ni so thams thams gcig gi tshad do//so thams thams nyi shu'i tshad ji tsam pa ni kyi hud zer gcig gi tshad do/ /kyi hud zer nyi shu'i tshad ji tsam pa ni a chu zer gcig gi tshad do/ /a chu zer nyi shu'i tshad ji tsam pa de ni ud pa la ltar gas pa gcig
167b4 gi tshad do//ud pa la ltar gas pa nyi shu'i tshad ji tsam pa ni pad ma ltar gas pa gcig gi tshad do/ /pad ma ltar gas pa nyi shu'i tshad ji tsam pa ni pad ma ltar gas pa chen po gcig gi tshad yin te/ lha sbyin gyi phyogs su gtogs pa'i dge slong ko ka li kas/ dge slong shA
167b5 ri'i bu dang maud gal gyi bu gnyis la/sems sdang bar byas pas der skyes so/ /dge slong dag de bas na tha na sdong dum me reg ma la yang snying na ba med par bya na rnam par shes pa dang ldan pa la lta ci smos zhes dge slong khyod kyis de ltar bslab par bya'o/ /dge slong dag gzhan
167b6 yang gang zag gis gang zag gi tshod ma bzung shig /dge slong dag gang zag gis gang zag gi tshod bzung na nyams par 'gyur ro/ /dge slong dag nga'am nga dang 'dra bas ni gang zag gi tshod gzung du rung ngo / /dge slong dag de bas na/ gang zag gis gang zag gi tshod
167b7 gzung bar bya na/gang zag des ni gang zag de la rgyu rnam pa brgyad kyis brtag par bya ste/ spyod pa dang spyod yul dang mdza' bo dang grogs po dang 'tsho ba dang thos pa dang lus kyi las dang ngag gi las las brtag par bya'o/ /de ltar brtags na de la snying na bar gyur pa gang yin
168a1 pa de phyir ldog par 'gyur ro//dge slong dag de bas na 'di ltar bslab par bya ste/ tha na sdong dum me reg ma la yang bdag cag gis sems sdang bar mi bya na/ rnam par shes pa dang ldan pa la lta ci smos zhes dge slong dag khyed kyis de ltar bslab par bya'o/ /de
168a2 skad ces bka' stsal nas/de'i skabs su dge slong shA ri'i bu dang maud gal gyi bu gnyis kyis bsams pa/ bdag cag gnyis kyis dge slong ko ka li ka brtag par bya'o snyam ste 'od ma'i tshal nas mi snang bar gyur nas/ sems can dmyal ba pad ma ltar gas pa chen por song
168a3 ste de gnyis der phyin nas bltas na dge slong ko ka li ka de lta bur 'dug pa mthong ngo //mthong nas kyang de kho na la snying brtse ba'i sems nye bar bzhag ste ko ka li ka ga la ba der dong ngo / /de nas ko ka li kas dge slong shA ri'i bu dang maud gal gyi bu gnyis thag ring po zhig nas mthong
168a4 ngo //mthong nas kyang de de gnyis la lhag par snying na bar gyur te/ bdag 'dir skyes na yang sdig pa la dga' ba sdig pa'i chos dang ldan pa 'di gnyis kyis ma btang ngo snyam mo/ /de nas de sems 'khrugs ma thag tu de'i lce la rmon pa dor stong byung ngo / /de nas de gnyis kyis
168a5 bsams pa/kyi hud mi blun po 'di ni gsor med do snyam nas/ sems can dmyal ba chen po pad ma ltar gas pa chen po nas mi snang bar gyur te 'od ma'i tshal du song ngo / /de gnyis der phyin nas tshangs pa mtshungs par spyod pa rnams skyo ba bskyed pa'i phyir de na de'i gnod pa ci 'dra ba
168a6 de dag de kho na bzhin du bsnyad do//de nas de thos ma thag tu skye bo phal po che rnams shas cher skyo ba skyes so/ /de nas de gnyis kyis de dag skyo bar gyur pa sems kyis rig nas de dang 'thun pa'i chos bstan te/ des na 'khor de dag las kha cig gis ni dro bar gyur pa bskyed do/ /kha cig
168a7 gis ni rtse mo dang bden pa dang 'thun pa'i bzod pa dang 'jig rten gyi chos kyi mchog dang mthong ba'i snyoms par 'jug pa bskyed do//kha cig gis ni rgyun du zhugs pa'i 'bras bu mngon sum du byas so/ /kha cig gis ni lan cig phyir 'ong ba'i 'bras bu mngon sum du byas so/ /kha cig
168b1 gis ni phyir mi 'ong ba'i 'bras bu mngon sum du byas so//kha cig gis ni rab tu byung nas dgra bcom pa nyid mngon sum du byas so/ /kha cig gis ni 'khor los sgyur ba'i rgyal por 'gyur ba'i sa bon bskyed do/ /kha cig gis ni stobs kyi 'khor los sgyur bar 'gyur ba dang /
168b2 kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do/ /'khor
168b3 de dag gi nang nas phal cher ni sangs rgyas la gzhol/chos la 'bab/ dge 'dun la bab par byas te bkod do/ /de nas dge slong rnams kyis bcom ldan 'das la gsol pa/ btsun pa gzigs lags/ dge slong ko ka li kas dge slong shA ri'i bu dang maud gal gyi bu
168b4 gnyis la sems sdang bar bgyis nas/sems can dmyal bar gzhol bar gyur lags so/ /bcom ldan 'das kyis bka' stsal pa/ da ltar 'ba' zhig ma yin te 'das pa'i dus na yang 'dis 'di gnyis kho na la sems sdang bar byas pas ji ltar sems can dmyal bar gzhol
168b5 bar gyur pa de nyon cig /dge slong dag sngon byung ba 'das pa'i dus na grong khyer 'thab med ces bya ba na/ rgyal po sde chen po zhes bya ba rgyal po byed de/ rgyal po sde chen po de'i mdun na 'don bram ze mkhas shing gsal la yid gzhungs pa dang bstan bcos thams cad kyi pha rol tu phyin
168b6 pa zhig 'dug pa de yul thams cad du bkur sti bya ba dang bla mar bya ba dang ri mor bya ba dang mchod par bya ba dang dgra bcom par bkur bar gyur te/rnyed pa'i mchog dang grags pa'i mchog dang ldan par gyur to/ /de'i tshe nags khrod zhig na drang srong g.yog 'khor lnga brgya dang ldan pa zhig
168b7 gnas te/de la bram ze'i khye'u mkhas shing gsal la yid gzhungs pa dang bstan bcos thams cad kyi pha rol tu phyin pa gnyis shig 'khod do/ /de nas phyi zhig na drang srong des bsams pa bdag gis dka' thub kyi tshal 'di na 'dug bzhin du skye bo mang po la phan par byed mi nus
169a1 kyis ma la bdag gis grong 'dab tu gnas bca' bar bya'o snyam nas/gnas de nyid nas thag mi ring ba zhig tu yal ga dang lo ma'i spyil po phub nas 'dug ste/ de de na bkur sti bya ba dang bla mar bya ba dang ri mor bya ba dang mchod pa bya ba'i gnas su gyur to/ /de nas
169a2 drang srong de yang rgas nas gnas de dag tu 'gro mi nus so//de'i tshe bram ze'i khye'u de gnyis ni der 'gro zhing rgyal po rnams dang / blon po chen po rnams dang phyug po rnams dang khyim bdag rnams dang pho brang 'khor gyi mi rnams dang tshong dpon rnams dang ded dpon rnams kyi thad
169a3 du 'gro ste/de gnyis der bkur sti bya ba dang bla mar bya ba dang ri mor bya ba dang mchod par bya ba dang dgra bcom par bkur bar gyur to/ /de nas phyi zhig na mdun na 'don de'i sems skyes pa/ sngon bdag yul 'di thams cad du bkur sti bya ba dang bla mar bya ba dang ri mor bya ba dang
169a4 mchod pa bya ba'i gnas yin na/da ni bdag gi rnyed pa dang bkur sti gang yin pa de bram ze'i khye'u 'di gnyis la 'phos na/ da yang 'di gnyis med na ni phyir yang bdag gi rnyed pa dang bkur sti snga mkho bzhin du 'ong bar 'gyur gyis bdag gis 'di gnyis la yang dag pa ma yin pa'i
169a5 kha phyar btang ba dang /de gnyis bsnyen bkur med par 'gyur du dogs pas gud du 'gro bar 'gyur ro snyam nas/ mdun na 'don des thog thag tu yang dag pa ma yin pa'i phyar ka btang ste/ 'di gnyis ni 'dod pa la spyod pa yin gyi/ 'di gnyis ni tshangs par spyod pa ma yin no zhes
169a6 zer ro//de nas de gnyis kyi yang dag pa ma yin pa'i skur pa de drang srong des mthong nas mdun na 'don de bkag ste/ bram ze khyod kyis bram ze'i khye'u 'di gnyis la sems sdang bar ma byed cig /khyod yun ring por gnod pa dang mi phan pa dang / sdug bsngal bar gyur ta re zhes byas
169a7 so//de ltar drang srong des de yang dang yang du bkag kyang bzlog par ma nus nas des de gnyis la sems sdang bar byas pas sems can dmyal bar gzhol bar gyur to/ /dge slong dag ji snyam du sems/ de'i tshe de'i dus na drang srong rgan por gyur pa/ byang chub sems dpa'i spyod
169b1 pa la gnas pa gang yin pa de ni nga nyid yin no//de'i tshe bram ze'i khye'ur gyur pa gang yin pa de gnyis ni shA ri'i bu dang maud gal gyi bu 'di gnyis kho na yin no/ /de'i tshe mdun na 'don du gyur pa gang yin pa de ni ko ka li ka 'di nyid yin te/ de'i tshe yang 'di ngas bkag bzhin du 'di
169b2 gnyis la sems sdang bar byas pas sems can dmyal bar gzhol bar gyur to//da ltar yang ngas bkag bzhin du shA ri'i bu dang maud gal gyi bu gnyis la sems sdang bar byas pas sems can dmyal bar gzhol bar gyur to/ /de nas dge slong rnams kyis bcom ldan 'das la zhus pa/
169b3 btsun pa shA ri'i bu dang maud gal gyi bu gnyis kyis las ci bgyis na las de'i rnam par smin pas dge slong des mang po'i nang du bden pa ma lags pa dang yang dag pa ma lags pa dang gsog dang rdzun gyi tshig dang gzhi ma mchis par pham pa'i chos kyis skur pa btab lags/ bcom ldan
169b4 'das kyis bka' stsal pa/dge slong dag 'di gnyis kyis sngon gyi las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing
169b5 bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro//lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung
169b6 ba 'das pa'i dus na grong khyer rdul ldan zhes bya ba'i gnas gcig cig na/dka' thub can g.yog 'khor lnga brgya dang ldan pa gnyis shig 'khod de/ grong khyer de na skye bo'i tshogs thams cad kyis bsnyen bkur bya ba dang bla mar bya ba dang ri mor bya ba dang mchod par bya ba dang dgra bcom
169b7 par bkur bar gyur te/rnyed pa'i mchog dang grags pa'i mchog dang ldan par gyur to/ /de'i tshe ri'i sul zhig na drang srong mngon par shes pa lnga dang ldan pa rdzu 'phrul che ba mthu che ba g.yog 'khor lnga brgya dang ldan pa zhig gnas te/ de yang bdag nyid che ba byams pa'i bdag nyid can
170a1 snying rje dang ldan pa/sems can la mnyes gshin pa sems can la phan pa la zhugs pa zhig ste/ des bsams pa/ dgon pa'i gnas na 'dug bzhin du ni bdag gis sems can la phan par byed mi nus kyis/ ma la bdag grong khyer rdul ldan du rten bcas te 'dug
170a2 par bya gor ma chag bdag der 'dug pa dang skye bo phal po che la phan par byed nus par 'gyur ro snyam nas dgon pa'i gnas der ji srid du dga' ba de srid du gnas nas/g.yog 'khor lnga brgya dang chas te/ kyi pags pa dang shing shun gyi gos dang 'khar ba dang ril ba dang
170a3 dgang gzar dang blugs gzar rnams khyer te grong khyer rdul ldan du phyin nas/de nags khrod cig tu gnas bcas te yal ga dang lo ma'i spyil po phub nas 'dug go/ /de nas grong khyer rdul ldan na gnas pa'i skye bo mang pos de lus mdzes pa dang sems mdzes pa dang g.yog
170a4 'khor mdzes par mthong ngo //mthong nas kyang skye bo phal che ba de dag drang srong de la shas cher dga' ba skyes so/ /de dag dga' ba skyes nas drang srong de la bkur sti byed bla mar byed ri mor byed mchod par byed de yo byad thams cad kyis kyang bsnyen bkur byed do/ /drang srong des kyang
170a5 der 'ong ba de dag la dus dus su chos ston to//de dag gis kyang de las chos thos nas kha cig ni drang srong de nyid kyi thad du rab tu byung ste/ bsam gtan bzhi dang mngon par shes pa lnga bskyed do/ /kha cig ni khyim na gnas bzhin du dge ba bcu'i las kyi lam yang dag par
170a6 blangs te gnas la drang srong de'i thad du yang dus dus su blta ba'i phyir 'ongs te/de phyin cad dka' thub can de dag gi thad du ni mi 'ong ngo / /de nas phyi zhig na dka' thub can de dag gis bsams pa/ sngan cad ni grong khyer rdul ldan du gnas pa'i skye bo mang po rnams bdag cag la bkur sti byed
170a7 bla mar byed ri mor byed mchod par byed de rnyed pa'i mchog dang grags pa'i mchog dang shin tu ldan na/drang srong 'di 'ongs nas bdag cag gi rnyed pa dang bkur sti chad par gyur gyis bdag cag gis ci nas kyang drang srong 'di g.yog 'khor dang bcas pa yul 'dir mi 'dug par bya'o/ /'di
170b1 med na bdag cag gi rnyed pa dang bkur sti phyir yang snga mkho bzhin du 'gyur ro snyam nas/bram ze'i khye'u rnams la smras pa/ bram ze'i khye'u dag shes par gyis shig /drang srong 'di 'ongs nas bdag cag gi rnyed pa dang bkur sti chad par gyur gyis/ bdag cag gis grong khyer thog
170b2 thag tu 'di'i yang dag pa ma yin pa'i phyar ka btang ste/drang srong 'di ni 'dod pa spyod pa yin gyi 'di ni tshangs par spyod pa ma yin gyis/ khyed 'di la bkur sti byed par ma sems shig ces byas pa dang / de skur pa btab pas 'jigs shing skrag nas yang na ni yul gzhan du 'gro bar 'gyur
170b3 yang na ni bdag cag 'chi bar byed par 'gyur ro//'di med na bdag cag gi rnyed pa dang bkur sti phyir yang snga mkho bzhin du 'ong bar 'gyur ro zhes byas nas de gnyis g.yog 'khor dang bcas pa grong khyer rdul ldan du dong nas lam po che dang srang dang bzhi mdo dang sum mdo dag tu 'khod nas
170b4 drang srong de'i yang dag pa ma yin pa'i phyar ka gtong bar byed de/drang srong 'di ni tshul khrims 'chal pa sdig pa'i chos dang ldan par 'dod pa la spyod pa yin gyi 'di ni tshangs par spyod pa ma yin te/ 'di ni khyed la sgyus 'drid pa yin gyis khyed 'di la ha cang bkur sti byed par ma sems shig
170b5 ces byas so//de nas de thos ma thag tu skye bo phal po che de dag drang srong de la mi dga' bar gyur te/ 'di ni 'dod pa spyod pa yin gyi 'di ni tshangs par spyod pa ma yin no zhes mi dga' bar gyur nas/ de phyin cad de la bkur sti mi byed bla mar mi byed ri mor mi byed mchod par mi byed la blta ba'i
170b6 phyir yang 'gro bar mi byed do//de nas drang srong gis bsams pa/ sngan cad ni skye bo mang po 'di dag bdag la bkur sti byed bla mar byed ri mor byed mchod par byed na/ da ni 'di dag bdag la bkur sti mi byed/ bla mar mi byed ri mor mi byed mchod par mi byed na 'di ni ci las gyur snyam pa dang / des
170b7 bltas na dka' thub can de gnyis g.yog 'khor dang bcas pas grong khyer rdul ldan thog thag tu yang dag pa ma yin pa'i phyar ka btang bar mthong ngo //mthong nas kyang yang bsams pa grong khyer rdul ldan 'dir bdag yang dag pa ma yin pa'i phyar kas phog pa ci yang rung ba de dag thams cad
171a1 ni rnyed pa dang /bkur sti'i gcugs las byung ba yin gyis/ ma la bdag gis 'di na ci yod pa thams cad spangs te/ sngon gyi dgon pa'i gnas de nyid du gnas bca' bar bya'o snyam nas/ bram ze'i khye'u lnga brgya po de dag khrid de/ sngon gyi dgon pa'i gnas
171a2 de nyid du song ste 'dug go//de nas drang srong de song nas dka' thub can de dag gi rnyed pa dang bkur sti snga mkho bzhin du gyur te gzhi des na de dag shin tu dga' bar gyur to/ /dge slong dag ji snyam du sems/ de'i tshe dka' thub can g.yog 'khor dang bcas pa gang yin pa de gnyis
171a3 ni dge slong shA ri'i bu dang maud gal gyi bu 'di gnyis kho na yin te/der de gnyis rnyed pa dang bkur sti'i dbang du gyur nas drang srong de la yang dag pa ma yin pa'i skur pa btab pa gang yin pa'i las de'i rnam par smin pas/ lo du ma lo 'bum phrag du mar sems can dmyal ba
171a4 rnams su btsos so//de nas shi 'phos nas kyang gang dang gang du skyes pa de dang der yang dag pa ma yin pa'i skur pa btab pas na/ da ltar srid pa tha ma dang gnas tha mar gyur te dgra bcom pa nyid thob pa'i bar du yang dge slong ko ka li kas mang po'i nang du mi bden pa dang yang dag
171a5 pa ma yin pa dang gsog dang gyi tshig gis skur pa btab bo//dge slong rnams kyis gsol pa/ btsun pa dge slong ko ka li kas las ci bgyis na/ las de'i rnam par smin pas sems can dmyal ba pad ma ltar gas pa chen por skyes la der skyes nas kyang de'i lce la rmon pa
171a6 dor lnga brgya byung bar gyur lags/de bzhin du de'i glo g.yas g.yon nas lcags kyi mche ba can gyi khyi dang seng ge dang stag dang gzig dang dred la sogs pas sha rnams bcad cing bcad cing za bar bgyid lags/ de bzhin du steng nas kyang lcags kyi mchu can gyi bya rgod dang bya rog dang
171a7 chun lag rnams kyis sha rnams bcad cing bcad cing za bar bgyid lags/de bzhin du glo g.yas g.yon nas lcags kyi shing shal ma li'i tshal grub par gyur la/ gal te de na tsha mi bzod de glo bsgyur na yang steng nas lcags kyi mdung thung dang mda' bo che dang rdo rje rtse gcig pa dang
171b1 mdung rtse gcig pa rnams 'bab lags/bka' stsal pa/ des shA ri'i bu dang maud gal gyi bu gnyis la sems sdang bar byas pa'i phyir ro// //thang bcad ces bya ba ni/ gleng gzhi mnyan du yod pa na bzhugs te/ tshe dang ldan pa maud gal gyi bu ni lugs kyis
171b2 dus dus su sems can dmyal bar rgyu bar byed/kyi nang du rgyu bar byed/ dud 'gro'i nang du rgyu bar byed/ mi'i nang du rgyu bar byed/ lha'i nang du rgyu bar byed de/ phyir 'ongs nas sems can dmyal ba rnams kyi gcad pa dang gtub pa dang brdeg pa dang btso ba la sogs pa'i sdug
171b3 bsngal gang yin pa de dag mi rnams la rjod par byed do//phyir 'ongs nas rnams kyi bkres pa dang skom pa dang 'bar ba dang bsreg pa dang btso ba la sogs pa'i sdug bsngal rnams dang / dud 'gro rnams kyi gcig la gcig za ba las gyur pa'i sdug bsngal rnams dang / mi
171b4 rnams kyi tshol khros sha thang ba'i sdug bsngal rnams dang /lha rnams kyi 'chi 'pho dang ltung ba dang rnam par 'thor ba dang rnam par 'jig pa'i sdug bsngal gang yin pa de dag mi rnams la rjod par byed de/ de dag gis de thos nas skyo bar 'gyur la skyo bar gyur nas kyang gong du khyad par thob
171b5 par 'gyur ro//de nas phyi zhig na tshe dang ldan pa maud gal gyi bu chen po sems can dmyal ba'i nang du rgyu bar chas nas mnyan du yod pa nas mi snang bar gyur te/ sems can dmyal ba mnar med par phyin pa dang / de der sems can lus che la lus kyis dpag tshad mang po khyab par 'dug la/
171b6 de'i las las skyes pa'i mi rnams kyis de'i kha nas lce phyung ste/ lcags kyi sa gzhi 'bar zhing rab tu 'bar la kun tu rab tu 'bar te me lce gcig tu 'bar ba'i steng du brgyangs nas lcags kyi phur pa 'bar zhing rab tu 'bar la kun tu rab tu 'bar te/ me lce gcig tu 'bar ba dag gis thang
171b7 bcad nas/de'i lce de la rmon pa dor stong byung ste rmon pa de dag thams cad kyang 'bar zhing rab tu 'bar la kun tu rab tu 'bar te/ me lce gcig tu 'bar ba sha stag la rmon glang de dag kyang las las skyes pa sha stag ste/ de rnams kyi rmig pa de dag thams cad kyang spu gri'i so 'dra la 'bar
172a1 zhing rab tu 'bar la kun du rab tu 'bar te/me lce gcig tu 'bar ba sha stag ste/ de dag gis phyogs gang dang gang du gom pa bor ba'i phyogs de dang der kun du gcod cing kun du gtub la kun du dmyal bar byed de/ gzhi des na des sdug bsngal drag pa dang mi
172a2 bzad pa dang tsha ba'i tshor ba nyams su myong ba zhig mthong ngo //mthong nas kyang tshe dang ldan pa maud gal gyi bu chen pos bsams pa sems can 'dis las ci byas na las de'i rnam par smin pas sdug bsngal 'di lta bu rnyed par gyur zhig gu snyam ste/ des rab kyi mtha' las byung ba'i
172a3 bsam gtan gyi bar du snyoms par zhugs kyang /sems can de'i sdug bsngal gyi mtha'i rtsad ma chod de/ sems can dmyal ba rnams nas shi 'phos shing sems can dmyal ba rnams 'ba' zhig tu skyes pa nyi tshe zhig mthong bar zad do/ /mthong nas kyang bsams pa 'di'i las lung
172a4 bstan pa ni bcom ldan 'das ye shes gzigs pa thogs pa med pa dang /ye shes gzigs pa mtha' yas pa mnga' ba ma gtogs pa gzhan su zhig yod snyam nas mnar med pa nas mi snang bar gyur te mnyan du yod par phyin to/ /de'i tshe bcom ldan 'das 'khor brgya phrag du ma'i nang
172a5 na bzhugs te chos ston to//de nas tshe dang ldan pa maud gal gyi bu chen pos/ bcom ldan 'das 'khor brgya phrag du ma'i nang na chos ston cing bzhugs pa mthong ngo / /mthong nas kyang 'di snyam du sems te/ bdag gis bcom ldan 'das la sems can de'i lung bstan pa zhu ba'i dus ni
172a6 'di yin no snyam nas/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa maud gal gyi bu chen pos bcom ldan 'das la 'di skad ces gsol to/ /btsun
172a7 pa 'di na bdag gi lugs kyis dus dus su sems can dmyal bar rgyu bar bgyid/kyi nang du rgyu bar bgyid/ dud 'gro'i nang du rgyu bar bgyid/ mi'i nang du rgyu bar bgyid/ lha'i nang du rgyu bar bgyid de/ slar mchis nas sems can dmyal ba rnams kyi gcad pa dang gtub pa dang
172b1 brdeg pa dang btso ba la sogs pa'i sdug bsngal gang lags pa de dag mi rnams la rjod par bgyid lags so//slar mchis nas rnams kyi bkres pa dang skom pa dang 'bar ba dang bsreg pa dang btso ba la sogs pa'i sdug bsngal rnams dang / dud 'gro rnams kyi gcig la
172b2 gcig za ba las gyur pa'i sdug bsngal rnams dang /mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang ltung ba dang rnam par 'thor ba dang rnam par 'jig pa'i sdug bsngal gang lags pa de dag mi rnams la rjod par bgyid de/ de dag gis de thos nas
172b3 skyo bar 'gyur la skyo bar gyur nas kyang gang du khyad par thob par 'gyur lags so//btsun pa bdag sems can dmyal bar rgyu bar 'tshal te/ mnyan du yod pa nas mi snang bar gyur nas/ sems can dmyal ba chen po mnar ma mchis par mchis na/ btsun pa bdag gis der sems can
172b4 lus che ba lus kyis dpag tshad mang po khyab par mchis la/de'i las las skyes pa'i mi rnams kyis/ de'i kha nas lce phyung ste lcags kyi sa gzhi 'bar zhing rab tu 'bar la kun du rab tu 'bar te/ me lce gcig tu 'bar bar gyur pa'i steng du brgyangs nas lcags kyi phur pa 'bar zhing
172b5 rab tu 'bar la kun du rab tu 'bar te/me lce gcig tu 'bar ba dag gis thang bcad nas/ de'i lce de la rmon pa dor stong byung ste/ rmon pa de dag thams cad kyang 'bar zhing rab tu 'bar la kun du rab tu 'bar te/ me lce gcig tu 'bar ba sha stag la rmon glang de dag thams cad kyang
172b6 las las skyes pa sha stag ste/de rnams kyi rmig pa de dag thams cad kyang spu gri'i so 'dra la/ 'bar zhing rab tu 'bar la kun du rab tu 'bar te/ me lce gcig tu 'bar ba sha stag ste/ de dag gis phyogs gang dang gang du gom pa bor ba'i phyogs de dang der kun tu gcod cing kun du gtub
172b7 la kun du dmyal bar bgyid de/gzhi des na des sdug bsngal drag pa dang mi bzad pa dang tsha ba'i tshor ba nyams su myong ba zhig mthong lags na/ btsun pa sems can des las ci bgyis na/ las de'i rnam par smin pas sdug bsngal de lta bu rnyed par gyur lags/ bcom ldan
173a1 'das kyis tshe dang ldan pa maud gal gyi bu la bka' stsal pa/maud gal gyi bu sems can de ni sdig pa'i las byed byed pa yin te/ maud gal gyi bu sngon byung ba 'das pa'i dus na/ nyan thos dang rang sangs rgyas kyi sa las 'das pa/ yang dag par rdzogs pa'i
173a2 sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das bgrod pa ma nyams pa zhes bya ba 'jig rten du byung ste/ de'i tshe dge slong sde
173a3 snod gsum pa rig pa dang grol ba'i spobs pa dang ldan pa/chos smra ba 'khor dang ldan pa zhig rgyal po'i pho brang zhig na rten cing gnas te/ de de na bkur sti bya ba dang bla mar bya ba dang ri mor bya ba dang mchod par bya ba'i gnas su gyur te/ gos dang zas dang mal cha dang stan dang nad gsos
173a4 dang sman zong rnams rnyed par gyur to//de'i tshe dge slong dgra bcom pa sde snod gsum pa rig pa dang grol ba'i spobs pa dang ldan pa chos smra ba zhig kyang yod de/ de yang g.yog 'khor lnga brgya dang ljongs rgyu zhing song ste/ rgyal po'i pho brang de nyid du phyin nas/ skye bo mang pos de lus
173a5 mdzes pa dang sems mdzes pa dang g.yog 'khor mdzes par mthong ste/mthong ma thag tu de la dga' bar gyur nas de yang der gos dang zas dang mal cha dang stan dang nad gsos dang sman zong rnams rnyed par gyur te/ skye bo mang po de dag de 'ba' zhig la bkur sti bya bar sems kyis/ snga
173a6 nas 'dug pa'i sde snod gsum pa de la ni bkur sti mi byed do//de nas de'i blo skyes pa gang gi tshe dge slong 'di grong 'dab 'dir ma 'ongs pa de'i tshe na bdag rnyed pa'i mchog dang grags pa'i mchog dang ldan par gyur la 'di 'ongs nas bdag gi rnyed pa dang bkur sti chad par gyur te/ 'di
173a7 med na ni bdag gi rnyed pa dang bkur sti phyir yang snga mkho bzhin du 'ong bar 'gyur gyis/bdag gis ci nas kyang 'di g.yog 'khor dang bcas pa grong 'dab 'dir mi 'dug par bya'o snyam nas/ sde snod gsum pa des grong khyer de thog thag tu yang dag pa ma yin pa'i phyar ka btang ste/
173b1 dge slong 'di dag ni tshul khrims 'chal pa sdig pa'i chos dang ldan pa yin gyis/ 'di la khyed bkur sti byed par ma sems shig /bdag nyid tshul khrims 'chal pa dang g.yog 'khor tshul khrims 'chal pa 'di na 'dug pa ci dgos zhes byas so/ /de nas de thos ma thag tu
173b2 skye bo mang po de dag dgra bcom pa de la mi lta bar gyur te/phyin cad sbyin par bya ba dang bkur sti bya bar mi sems so/ /de nas dgra bcom pa des bsams pa/ skye bo mang po 'di dag ci'i phyir bdag la mi lta bar gyur snyam nas des bltas na/ sde snod gsum pas thog thag tu phyar ka btang
173b3 bar gyur nas/des bsams pa skye bo mang po 'di dag dang sde snod gsum pa'i 'di shas cher bsod nams ma yin pa 'phel bar gyur na mi rung ngo snyam nas g.yog 'khor dang bcas te grong 'dab de nas song ngo / /de song nas sde snod gsum pa de dga' bar gyur te/ da ni bdag gi rnyed pa dang
173b4 bkur sti snga mkho bzhin du 'ong bar 'gyur ro snyam mo//de nas phyi zhig na de nad kyis thebs nas de rtsa ba dang sdong bu dang lo ma dang me tog dang 'bras bu'i sman dag gis rim gro byas kyang sos par byed ma nus nas shi'o/ /de shi 'phos te dus las 'das nas sems can dmyal ba chen po
173b5 mnar med par skyes te/der de'i lce la rmon pa dor stong byung bar gyur to/ /dge slong dag ji snyam du sems/ de'i tshe sde snod gsum par gyur pa gang yin pa de ni sems can 'di nyid yin te/ des der rnyed pa dang bkur sti'i dbang du gyur cing shas cher mngon par zhen nas dgra bcom
173b6 pa de la yang dag pa ma yin pa'i skur pa btab pa'i las de'i rnam par smin pas/sems can dmyal ba chen po mnar med par skyes nas/ de'i lce la rmon pa dor stong byung ste/ dge slong dag yang dag par rdzogs pa'i sangs rgyas bgrod pa mi nyams pa'i ring nas da ltar nga'i ring gi bar du
173b7 sems can de sems can dmyal ba rnams nas shi 'phos shing sems can dmyal ba rnams 'ba' zhig tu skyes te/sdug bsngal 'di lta bu sha stag rnyed par gyur to/ /gsol pa/ btsun pa sems can de sdug bsngal de las nam thar bar 'gyur lags/ bcom ldan 'das kyis
174a1 bka' stsal pa/dge slong dag ma 'ongs pa'i dus na nyan thos dang rang sangs rgyas kyi sa las 'das pa/ yang dag par rdzogs pa'i sangs rgyas bla ma zhes bya ba 'jig rten du 'byung ste/ de'i gsung rab la sems can 'di sems can dmyal ba nas shi 'phos te/ mi'i
174a2 lus thob nas de'i bstan pa la rab tu byung ste/nyon mongs pa thams cad spangs nas dgra bcom pa nyid mngon sum du byed par 'gyur ro/ /skur pa mang bar yang 'gyur te/ de gang dang gang du 'gro ba de dang der skur pa dang phrad par 'gyur te/ de de kho nas skyo bar gyur nas phung po lhag ma
174a3 med pa'i mya ngan las 'das pa'i dbyings su yongs su mya ngan las 'da' bar 'gyur te/der de'i sdug bsngal mthar thug par 'gyur ro/ /de nas de thos ma thag tu skye bo phal po che de dag skyo ba chen po skyes so/ /bcom ldan 'das kyis kyang de dag gi yid skyo bar gyur par thugs su
174a4 chud nas de dang 'thun pa'i chos bstan te/des na 'khor de dag gi nang nas kha cig gis ni dro bar gyur pa bskyed do/ /kha cig gis ni rtse mo dang bden pa dang 'thun pa'i bzod pa dang 'jig rten gyi chos kyi mchog dang mthong ba'i snyoms par 'jug pa bskyed do/ /kha cig gis ni rgyun du
174a5 zhugs pa'i 'bras bu mngon sum du byas so//kha cig gis ni lan cig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu byung nas dgra bcom pa nyid mngon sum du byas so/ /kha cig gis ni 'khor
174a6 los sgyur ba'i rgyal por 'gyur ba'i sa bon bskyed do//kha cig gis ni stobs kyi 'khor los sgyur bar 'gyur ba dang / /kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas
174a7 kyi byang chub dang /kha cig gis ni bla na med pa yang dag par rdzogs pa'i byang chub kyi sa bon bskyed do/ /'khor de dag gi nang nas phal cher ni sangs rgyas la gzhol/ chos la 'bab dge 'dun la bab par byas te bkod do// //las brgya tham pa/ bam po bco lnga pa/
174b1 kham zhes bya ba ni/ gleng gzhi mnyan du yod pa na bzhugs te/ der bcom ldan 'das kyis dge slong rnams la bka' stsal pa/ dge slong dag gal te ji ltar ngas sbyin pa'i 'bras bu yang shes la/ sbyin pa'i bgo bsha'i 'bras bu rnam par smin pa yang shes pa bzhin du/
174b2 sems can rnams kyis kyang sbyin pa'i 'bras bu yang shes la/ sbyin pa'i bgo bsha'i 'bras bu rnam par smin pa yang shes su zin na ni/ de lta na kham gyi tha ma dang kham gyi mjug lus pa gang yin pa de las kyang / gal te yon gnas len pa po rnyed na de la ma byin nam bgo bsha'
174b3 ma byas kyi bar du za bar mi byed la/de dag gi sems kyang ser sna skyes pas kun nas dkris shing 'dug par mi 'gyur ba zhig na/ ji ltar ngas sbyin pa'i 'bras bu yang shes la/ sbyin pa'i bgo bsha'i 'bras bu rnam par smin pa yang shes pa bzhin du sems can rnams kyis sbyin
174b4 pa'i 'bras bu yang mi shes la/sbyin pa'i bgo bsha'i 'bras bu rnam par smin pa yang mi shes pas na/ de'i phyir de dag ni kun tu 'dzin pa'i sems kyis ma byin pa'am/ bgo bsha' ma byas par za bar byed la de dag gi sems kyang ser sna skyes pas kun nas dkris shing 'dug go /
174b5 bcom ldan 'das kyis de skad ces bka' stsal te/ bde bar gshegs pas de skad gsungs nas/ gzhan yang ston pas 'di skad ces bka' stsal to/ /bgo bsha' dag gi rnam par smin/ /ji ltar don chen 'gyur ba de/ /drang srong che rnams gsungs pa bzhin/ /sems can
174b6 rnams kyis shes na ni//ma byin bar du mi za zhing / /ser sna can du mi 'gyur la/ /de dag kun tu 'dzin pa'i sems/ /nam yang skye bar mi 'gyur na/ /gang phyir byis pa gti mug gis/ /bsgribs pa kun gyis ma shes pas/ /de phyir kun du 'dzin sems kyis/ /rtag tu ma
174b7 byin za bar byed//de dag ser sna skyes nas kyang / /sems ni kun nas dkris shing 'dug /de nas dge slong rnams kyis bcom ldan 'das la gsol pa/ btsun pa gzigs lags/ bcom ldan 'das ni sbyin pa dang sbyin pa'i bgo bsha'i bsngags pa gsung ba lags so/ /
175a1 bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang nga ji ltar sbyin pa dang / sbyin pa'i bgo bsha'i bsngags pa brjod par gyur pa de nyon cig /dge slong dag sngon byung ba 'das pa'i dus na grong khyer bA rA Na sI na rgyal po zla
175a2 'od ces bya ba rgyal po byed de/de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang nad dang mu ge med pa dang 'bras sA lu dang bu ram shing dang ba lang dang ma he dang
175a3 ldan par 'dug ste/gnod pa med cing tsher ma dkrugs la/ bu gcig pa sdug pa la bya ba bzhin du chos bzhin du rgyal srid byed do/ /rgyal po de yang byams pa'i bdag nyid can snying rje dang ldan pa/ sems can la byams pa sbyin pa la dga' ba zhig go/ /de sbyin pa dag sbyin
175a4 zhing bsod nams dag byed de/de zas 'dod pa rnams la ni zas sbyin par byed/ skom 'dod pa rnams la ni skom sbyin par byed/ gos 'dod pa rnams la ni gos sbyin par byed/ spos dang me tog phreng dang byug pa 'dod pa rnams la ni spos dang me tog phreng dang byug pa rnams sbyin
175a5 par byed do//nad pa la mkho ba'i nad brang bcas nas yo byad thams cad sbyar te/ skye bo dman pa dang bkren pa dang sdug pa dang mgon med pa rnams la rim gro byed do/ /bza' ba dang bca' ba mang po sta gon byas nas/ nam mkha' la rgyu ba rnams dang chu na gnas pa rnams dang
175a6 thang la gnas pa rnams la sbyin par byed do//de nas phyi zhig na kA shi'i yul du than pa byung ste/ der ltas mkhan bram ze bye brag phyed pa rnams kyis bsgo ba/ lo bcu gnyis kyi bar du char 'bab par mi 'gyur ro zhes zer ro/ /de nas char ma bab pas mu ge byung ste/ skye bo mang
175a7 po de dag ci bya gtol med par gyur to//de nas rgyal po zla 'od kyis dril bsgrags te/ khyed kyi nang na lo bcu gnyis kyi zan 'byor pa gang yin pa de dag ni 'di nyid du 'khod cig /mi 'byor pa de dag ni yul gzhan du deng la/ nam lo legs par gyur pa de'i tshe phyir
175b1 shog cig /yul ni phyis kyang yod la/ srog ni phyis med do zhes bsgo'o/ /de nas de thos ma thag tu skye bo mang po de dag las kha cig ni yul gzhan du dong ste 'khod do/ /kha cig ni yul la chags nas de nyid na 'khod de/ de dag de na su la zan ji tsam yod pa de dag
175b2 zos pa'i 'og tu bkres pas nyam thag nas rgyal po'i thad du song ste smras pa/lha bdag cag ni bkres lags kyis bdag cag la 'tshal ma stsal du gsol/ de nas de thos ma thag tu rgyal po des bsams pa/ 'dir skye bo phal po che la yun ring po zhig tu bgo bsha' bya dgos snyam nas
175b3 smras pa/khyed re zhig sdod cig dang ngas mngan rnams la smras te bya'o zhes byas nas/ rgyal po des mngan rnams la smras pa/ nga dang yul na gnas pa'i skye bo mang po 'di dag gis lo bcu gnyis kyi bar du bzar yod dam/ mngan rnams kyis smras pa/ lha stsang bang rnams
175b4 g.yar sngar brims te gdod gsol bar 'tshal lo zhes smras nas/mngan rnams kyis stsang bang rnams g.yar sngar brims nas/ yul na 'khod pa'i skye bo mang po rnams bgrang ba la zhugs so/ /de nas lo bcu gnyis kyi bar du mi re re'i skal bar ci thob pa rtsis na/ thams cad
175b5 kyis nyin gcig bzhin du kham re re thob par 'gyur la/rgyal pos ni kham gnyis gnyis gsol du yod par rig nas/ de dag gis rgyal po la gsol pa/ lha dgung lo bcu gnyis kyi bar du yul na gnas pa'i skye bo thams cad kyis ni gdugs gcig bzhin du kham re re
175b6 'tshal du mchis so//lhas ni zhal kham gnyis gnyis gsol du mchis so zhes gsol to/ /de nas de thos ma thag tu rgyal po des yul na gnas pa'i skye bo mang po thams cad nyin gcig cing kham re re sbyin no zhes bka' stsal to/ /skye bo mang po de dag kyang dge ba bcu'i
175b7 las kyi lam la yang dag par 'dzud do//de nas der su yang rung 'chi bar 'gyur ba de dag kyang lha'i nang du skye bar 'gyur te/ de dag der skyes pas lha'i gnas rnams kun tu gang bar gyur to/ /de nas lha'i dbang po brgya byin gyis bsams pa/ lha'i gnas rnams ni rgyu gnyis
176a1 kyis kun du gang bar 'gyur te/de bzhin gshegs pa 'byung ba dang 'khor los sgyur ba 'byung ba yin na/ ci da ltar 'jig rten du 'khor los sgyur ba byung ngam/ 'on te de bzhin gshegs pa byung zhig gu snyam du bsams nas/ des bltas na de lta ma yin te/ yang des
176a2 bsams pa 'o na su'i mthus lha'i gnas rnams kun tu gang bar gyur zhig gu snyam ste/des bltas nas rgyal po zla 'od kyi mthus de ltar gyur par rig nas/ des bsams pa/ ci 'di brgya byin du 'gyur ba'am tshangs par 'gyur ba zhig bsgrub snyam du bsams te/
176a3 des bltas na bla na med pa yang dag par rdzogs pa'i byang chub bsgrub par mthong ngo / /de nas lha'i dbang po brgya byin gyis ci sems can 'di brtan po yin nam/ 'on te sems can brtan po ma yin pa re zhig bdag song la 'di brtag par bya'o/ /gal te sems can brtan po
176a4 yin na ni de la mchod pa bya'o//de ste sems can brtan po ma yin na ni de brtan por bya'o/ /snyam nas bram ze'i cha lugs su bsgyur te/ lha bdag ni bkres kyis 'tshal ma stsal du gsol ces smras so/ /rgyal pos bsams pa/ gal te gzhan gyi bcad de 'di la byin na ni gcig gi
176a5 srog srungs la gcig gi srog ma rungs par byas par 'gyur gyis/ma la bdag gi zan las kham gcig ni bdag gis zos la/ kham gcig ni 'di la sbyin no snyam nas rgyal po des bram ze de la kham gcig byin te/ gcig bdag gis bza'o snyam pa dang / bram ze des smras
176a6 pa/lha bdag ni kham gcig gis 'tsho ba'i rngo mi thogs so/ /de nas de thos ma thag tu rgyal po des bsams pa gal te bdag gis 'di la kham phyi ma ma byin na bram ze 'di ltogs te/ 'chi yang srid la bdag kyang sems can gyi don la zhugs pa yin pas bdag gis rang gi srog
176a7 bor te/gzhan gyi srog bsrung bar nus so snyam nas bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis bdag 'jig rten long ba 'dren pa med cing yongs su 'dren pa med pa ston pa med pa'i nang du de bzhin gshegs pa dgra bcom
176b1 pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas nas tshigs su bcad de
176b2 smras pa/sbyin pa rgya cher gyur pa 'di yis ni/ /srid gsum sangs rgyas rang byung gyur par shog /brgal nas sngon gyi rgyal ba'i dbang rnams kyis/ /skye bo phal chen ma bsgral rnams kyang bsgral/ /zhes smras nas/ kham de lha'i dbang po brgya byin bram ze'i cha lugs
176b3 can la byin no//de nas lha'i dbang po brgya byin gyis bsams pa/ byang chub sems dpas ni mchog tu dka' ba byas so snyam du bsams te/ bram ze'i cha lugs mi snang bar byas nas rang bzhin gyi lus su bsgyur te smras pa/ khyod 'bad pa 'dis ci zhig sgrub/ des smras
176b4 pa/bla na med pa yang dag par rdzogs pa'i byang chub sgrub bo/ /brgya byin gyis smras pa/ khyod kyi sems dang sems las byung ba rnams de 'dra ba las na/ khyod ni nges par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur gyis
176b5 de'i tshe bdag dran par mdzod cig ces smras nas/lha'i dbang po brgya byin gyis dbang chen gyi char phab ste/ de'i tshe 'bru thams cad rgyal nas lo legs par gyur te kA shi'i yul snga mkho bzhin du gyur to/ /dge slong dag ji snyam du sems/ de'i tshe rgyal po zla 'od ces bya
176b6 bar gyur pa byang chub sems dpa'i spyod pa la gnas pa gang yin pa de ni nga nyid yin te/de'i tshe yang nga sbyin pa dang sbyin pa'i bgo bsha'i bsngags pa brjod par gyur na/ nga da ltar sbyin pa dang sbyin pa'i 'bras bu mngon sum du mthong bar gyur pa'i tshe lta ci smos te/ de bzhin
176b7 gshegs pa da ltar sbyin pa dang sbyin pa'i bgo bsha'i bsngags pa brjod par ci ste mi mdzad/las brgya tham pa las sdom gyi tshigs su bcad pa gsum pa rdzogs // //sdom ni/ byams pa'i stobs dang rlung nag dang / /grog ma gnyis dang spyod
177a1 yul dang //dgon pa glang klu seng ge dang / /dbyen dang nags khung thos pa rnams/ /byams pa'i stobs zhes bya ba ni/ gleng gzhi mnyan du yod pa na bzhugs te/ chos kyi 'khor lo bskor ba'i mdo dbyig dga'i rtogs pa brjod pa las/
177a2 gtan tshigs ji skad 'byung ba bzhin du rgyas par sbyar te/ dge slong rnams kyis sangs rgyas bcom ldan 'das la gsol pa/ btsun pa bcom ldan 'das kyis dge slong lnga sde rnams dam pa'i chos kyi bcud kyis tshim par mdzad nas g.yung drung gi mthar thug pa/ grub
177a3 pa dang bde ba'i mya ngan las 'das pa la bkod pa la gzigs lags/bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas 'di rnams rang gi sha dang khrag gis tshim par byas nas dge ba bcu'i las kyi lam la ji ltar
177a4 bkod pa de nyon cig /dge slong dag sngon byung ba 'das pa'i dus na/ grong khyer bA rA Na sI na rgyal po byams pa'i stobs zhes bya ba rgyal po byed de/ de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba
177a5 dang 'khrug pa dang nang 'khrug pa dang chom rkun dang nad dang mu ge med pa dang 'bras sA lu dang bu ram shing dang ba lang dang ma he dang ldan par 'dug ste/gnod pa med cing tsher ma dkrugs la bu gcig pa sdug pa la bya ba bzhin du chos bzhin du rgyal srid byed do/ /rgyal po de
177a6 yang byams pa'i bdag nyid can/snying rje che ba/ sems can la byams pa/ sbyin pa la dga' ba zhig ste/ de sbyin pa dag sbyin zhing bsod nams dag byed de/ dge sbyong dang bram ze dang bkren pa dang sdug cing phongs pa dang slong ba rnams tshim par byed la/ bza' ba dang
177a7 bca' ba mang po bshams nas/srog chags nam mkha' la gnas pa dang chu na gnas pa dang skam na gnas pa rnams la sbyin par byed do/ /yul na gnas pa'i skye bo mang po rnams la byams pa sgom par byed do/ /des de'i yul na gnas pa'i skye bo mang po ji snyed yod pa de
177b1 snyed la byams pa'i sems kyis khyab par byas te 'dug nas/de'i mthus sems can de dag la su yang gnod pa cung zad kyang byed mi nus so/ /de nas phyi zhig na rgyal po rnam thos kyi bu'i btson ra nas/ gzi byin 'phrog pa'i gnod sbyin lnga bros te/ skye bo mang po'i
177b2 gzi byin 'phrog par byed cing bA rA Na sIr 'ongs te der phyin nas/yams kyi nad btang ba las de dag gis tha na dud 'gro'i skye gnas su gyur pa yan chad su'i gzi byin yang dbrog par ma nus nas/ de dag gis bsams pa/ gang gis yul 'dir bdag cag gis tha na dud 'gro'i
177b3 skye gnas su gyur pa yan chad su'i gzi byin yang dbrog par ma nus pa 'di su'i mthu yin pa je dri bar bya'o snyam nas ba lang rdzi dang phyugs rdzi rnams la dris pa/kye gang gi yul 'dir su la yang gnod pa cung zad kyang byed mi nus pa 'di su'i mthu yin/ de dag gis smras pa/ rgyal
177b4 po 'di byams pa'i bdag nyid can yin te/des yul na gnas pa'i skye bo mang po ji snyed yod pa de snyed la byams pa'i sems kyis khyab par byas te 'dug pa de'i mthus na/ yul 'dir sus kyang gnod pa cung zad kyang byed mi nus so/ /gnod sbyin rnams kyis bsams pa/ rgyal
177b5 po de ni bsod nams can che bar grags pa/byams pa'i bdag nyid can/ snying rje che ba/ sems can la byams pa zhig ste/ des ni bdag cag 'grangs par byed nus gor ma chag snyam nas/ bram ze'i cha lugs su bsgyur te byams pa'i stobs kyi thad du song nas smras pa/ snying rje
177b6 chen po dang ldan pa/bdag cag ni bkres kyis 'grangs par mdzod cig /rgyal pos smras pa/ ngas khyed kha zas ji lta bu zhig gis 'grangs par bya/ de dag gis smras pa/ khrag 'phral du phyung bas 'grangs par mdzod cig /de nas rgyal pos bsams pa/ ma la cha lugs 'di
177b7 'dra ba la kha zas de 'dra ba las na/'di dag ni mi yin pa mi 'dra ste/ 'di dag ni mi ma yin pa dag cig yin gor ma chag gis 'di dag la ji ltar dam bcas pa bzhin du bya dgos so/ /gzhan dag gi lus la gnod pa ma byas kyi bar du ni ngas 'di rnams kyi kha zas kyi don bsgrub par mi
178a1 nus la/gzhan la gnod pa ma byas kyi bar du yang khrag 'phral du phyung ba rnyed par mi nus te/ gal te 'di dag bdag gi khrag gis kha zas kyi don byed nus na ni bdag gis 'di rnams la bdag gi sha dang khrag sbyin no snyam nas/ gnod sbyin de dag la smras pa/ grogs po
178a2 dag nga'i khrag gis kha zas kyi don byed nus sam/gnod sbyin rnams kyis smras pa/ lha rngo thogs lags so/ /de nas de thos ma thag tu rgyal po byams pa'i stobs kyis/ gnod sbyin de dag mdun du bkad du bcug nas sman pa rnams bos te bka' stsal pa/ kwa'i nga'i lus la
178a3 gtar ka lnga thob shig dang sems can 'di dag la khrag gis 'grangs par bya'o//sman pa rnams kyis gsol pa/ bdag cag gis lha'i sku la mtshon gyis gdab pa'i rngo mi thogs lags so/ /de nas byang chub sems dpas bsams pa/ 'di dag ni bdag dang 'bral ba
178a4 mthong mi 'dod kyis ma la bdag gis bdag gi khrag dbyung ngo snyam ste/byang chub sems dpa' rnams ni bzo'i gnas dang las kyi gnas ci la yang byang ba yin te/ des bdag nyid kyis me long blangs nas/ rang gi lus la gtar kha lnga btab ste/ gnod sbyin re re la bstabs
178a5 nas ngas 'di dag 'grangs par ma gyur gyi bar du gtar ka 'di dag gcad par mi bya'o zhes dam bcas so//de nas lha'i dbang po brgya byin gyis bsams pa/ byang chub sems dpa' rnams ni dam bcas pa la brtan pa yin la/ byang chub sems dpa' 'dis kyang mchog tu dka'
178a6 ba zhig brtsams kyis/byang chub sems dpa' ha cang yun ring du 'o brgyal na mi rung ngo snyam nas/ ma la bdag gis 'di'i lus thams cad du gzi byin bsnan par bya'o snyam ste/ lha'i dbang po brgya byin gyis/ byang chub sems dpa'i lus thams cad du lha'i gzi byin bsnan nas/ gtar
178a7 ka de dag kyang che rab tu sprul to//byang chub sems dpas kyang gzi byin 'phrog pa'i gnod sbyin lnga po de dag dka' ba med par tshim par byas nas/ bla na med pa yang dag par rdzogs pa'i byang chub tu smon lam btab pa/ kye ma dge ba'i rtsa ba 'dis na bdag 'jig rten long ba 'dren pa med cing
178b1 yongs su 'dren pa med par sems can ma rgal ba rnams sgrol ba dang /ma grol ba rnams dgrol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces smon lam btab ste/ sbyin pa chen por gyur pa
178b2 'di yis ni//'gro bar rang byung sangs rgyas gyur par shog /sngon gyi rgyal dbang rnams kyis ma bsgral gang / /skye bo srid pa'i chu las sgrol bar shog /ces byas so/ /de nas gnod sbyin de dag gang gi tshe 'grangs shing ngoms par gyur te/ dbang po rnams tshim par gyur pa de'i tshe/ byang chub sems dpa' la
178b3 smras pa/snying rje chen po khyod rtsol ba 'dis ci zhig sgrub/ byang chub sems dpas smras pa/ bla na med pa yang dag par rdzogs pa'i byang chub sgrub bo/ /de dag gis smras pa/ 'o na gang gi tshe khyod bla na med pa yang dag par rdzogs pa'i byang chub mngon par rdzogs par sangs rgyas te/ 'gro ba rnams bdud rtsis tshim
178b4 par mdzad pa de'i tshe/bdag cag khyod kyi nyan thos kyi dang por gyur cig /byang chub sems dpas smras pa/ khyed rnams ni srog gcod pa pha rol gyi srog 'phrog pa yin na/ ji ltar ngas de 'dra ba dag nyan thos kyi dang por bya/ de dag gis smras pa/ snying rje chen po bdag cag la bka' ci stsal/ byang chub sems dpas smras
178b5 pa/dge ba bcu'i las kyi lam yang dag par blangs te gnas par gyis shig /de nas de thos ma thag tu gnod sbyin de rnams kyis dge ba bcu'i las kyi lam yang dag par blangs nas smon lam btab pa/ kye ma dge ba'i rtsa ba 'dis na gang gi tshe 'di bla na med pa yang dag par rdzogs pa'i byang chub mngon par rdzogs par
178b6 'tshang rgya ba de'i tshe/bdag cag 'di'i nyan thos kyi dang por gyur cig ces byas so/ /dge slong dag ji snyam du sems/ de'i tshe rgyal po byams pa'i stobs su gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe gzi byin 'phrog pa'i gnod sbyin lnga po gang yin pa de dag ni dge slong
178b7 lnga sde 'di dag nyid yin te/de'i tshe yang 'di dag ngas rang gi sha dang khrag gis tshim par byas te dge ba bcu'i las kyi lam la bkod do/ /da ltar yang ngas 'di rnams dam pa'i chos kyi bcud kyis tshim par byas nas/ g.yung drung gi mthar thug pa grub pa dang bde ba'i mya ngan las 'das pa la bkod do// //
179a1 rlung nag po zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na tshong pa lnga brgya tsam gyis zong khyer te/ yul gzhan du chas nas de dag mthar gyis song song ba las nags khung chen po dgon pa zhig tu phyin to/ /nags khung
179a2 de na gzi byin 'phrog pa'i gnod sbyin drag po 'jigs pa/gzhan gyi srog 'phrog pa zhig kyang gnas te/ des rlung nag po chen po btang nas tshong pa de dag gi steng du brgyugs te/ de nas tshong pa de dag ci bya gtol med par gyur nas/ de dag 'jigs shing skrag
179a3 ste lha'o cog la gsol ba 'debs pa la zhugs so//dge bsnyen zhig kyang 'dron po de dag gi nang na 'dug ste/ des tshong pa de dag ci bya gtol med par 'dug pa mthong nas smras pa/ kye skyabs ma yin pa 'di rnams la skyabs btsal te ci rung / bcom ldan 'das la
179a4 skyabs su deng shig dang des khyed dkos thag cing nyam nga la phongs par gyur pa las yongs su bskyab par 'gyur ro//de nas de thos ma thag tu tshong pa de dag bcom ldan 'das la skyabs su dong ste/ bcom ldan 'das de bzhin gshegs pa dgra bcom pa yang dag par rdzogs pa'i
179a5 sangs rgyas de la phyag 'tshal lo//btsun pa bcom ldan 'das kyis ni 'di lta ste/ 'das pa dang / ma 'ongs pa dang / da ltar byung ba ci yang mi gzigs pa dang mi mkhyen pa dang thugs su mi chud pa mi mnga' na/ kye ma bcom ldan 'das bdag cag dkos
179a6 thag cing nyam nga la phongs par gyur pa las/yongs su bskyab pa dang srog phangs pa stsal du gsol zhes byas so/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran
179a7 pa nye bar gzhag pa gsum la mkhas pa/mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar
179b1 gyis gnas pa'i snyoms par 'jug pa dgu la snyoms par 'jug pa/stobs bcu'i stobs dang ldan pa yang dag pa'i seng ge'i sgra chen po sgrogs pa rnams ni/ chos nyid kyis/ nyin dus gsum mtshan dus gsum ste/ nyin mtshan dus drug tu sangs rgyas kyi
179b2 spyan gyis 'jig rten la gzigs te/su ni rgud su ni dar su ni phongs shing 'dug su ni nyam nga bar gyur/ su ni gnod pa dang ldan su ni phongs pa dang nyam nga ba dang gnod pa dang ldan su ni ngan song du gzhol su ni ngan song du 'bab su ni ngan song du bab su ni ngan song nas phyung ste/
179b3 mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma
179b4 bskyed pa las bskyed par bya/su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu
179b5 dang bcas par bya snyam du ye shes gzigs pa 'jug go//rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs
179b6 nas/tshong pa lnga brgya po rnams 'dul ba'i dus la bab par thugs su chud nas/ phyag glang po che'i sna lta bu brkyang ste/ tshong pa lnga brgya po de dag nags khung dgon pa de nas brungs rdzas dang bcas te blangs nas/ mnyan du yod pa nas ha cang mi ring ba zhig tu bton te
179b7 bkod do//de nas tshong pa lnga brgya po de dag gis mnyan du yod par phyin pa'i rtags rnams mthong ngo / /mthong nas kyang de dag gis bsams pa/ bdag cag ni bcom ldan 'das kyis skyabs mdzad do snyam nas tshong pa de dag shin tu dga' bar gyur te/ de dga'
180a1 bar gyur nas bsams pa/bdag cag khyim na gnas pa btang la/ bcom ldan 'das kyi bstan pa la rab tu byung ste chu bo rnams las brgal bar bya ba dang sbyor ba rnams las yang dag par 'da' bar bya ba'i phyir brtson pa dang bsgrub pa dang 'bad par bya'o snyam nas mnyan
180a2 du yod par dong ste/rang rang gi khyim gyi 'khor btang nas sbyin pa dag sbyin zhing bsod nams dag byas te/ rgyal bu rgyal byed kyi tshal du dong nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ zhabs la mchus
180a3 gtugs nas 'di skad ces gsol to//bcom ldan 'das ni bdag cag la dka' ba mdzad pa dang / srog phangs pa stsol ba lags so zhes gsol nas/ chos mnyan pa'i phyir bcom ldan 'das kyi spyan sngar 'khod do/ /bcom ldan 'das kyis kyang de dag gi bsam
180a4 pa dang bag la nyal dang khams dang shes pa dang rang bzhin thugs su chud nas/de dang 'thun pa'i chos bstan te/ des na tshong pa lnga brgya po de dag gis stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i
180a5 'bras bu mngon du byas te de dag gis bden pa mthong nas stan las langs te/bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag cag legs
180a6 par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis de dag la dge slong tshur shog ces bya ba'i
180a7 tshig gis rab tu byung ste/bsnyen par rdzogs par mdzad nas de dag la lung yang phog go/ /de dag gis kyang brtson pa dang bsgrub pa dang 'bad pas nyon mongs pa thams cad spangs nas/ dgra bcom pa nyid mngon sum du byas te/ de dag dgra bcom pa khams gsum
180b1 pa'i 'dod chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so
180b2 yang dag par rig pa thob pa/srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams kyis sangs
180b3 rgyas bcom ldan 'das la gsol pa/btsun pa bcom ldan 'das kyis tshong pa lnga brgya po 'di rnams 'jigs pa chen po las yongs su bskyabs te/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs lags/ bcom ldan 'das
180b4 kyis bka' stsal pa/da ltar 'ba' zhig ma yin te/ 'das pa'i dus na yang tshong pa lnga brgya po 'di dag nyid ngas ji ltar 'jigs pa chen po las yongs su bskyabs nas/ bsam gtan bzhi dang mngon par shes pa lnga la bkod pa de nyon cig /dge slong dag sngon
180b5 byung ba 'das pa'i dus na tshong pa lnga brgya tsam zhig gis zong khyer te/yul gzhan du chas nas de dag mthar gyis song song ba las nags khung chen po dgon pa zhig tu phyin to/ /nags khung de na gzi byin 'phrog pa'i gnod sbyin drag po 'jigs pa gzhan gyi srog 'phrog pa zhig
180b6 kyang gnas te/des rlung nag po chen po btang nas tshong pa de dag gi steng du brgyugs te/ des na tshong pa de dag ci bya gtol med par gyur nas de dag 'jigs shing skrag par gyur to/ /de'i tshe drang srong gi gnas shig na drang srong mngon par shes pa lnga dang ldan pa/
180b7 rdzu 'phrul che zhing mthu che ba zhig gnas pa des/ tshong pa lnga brgya sdug bsngal bar gyur pa mthong ngo / /mthong nas kyang tshong pa lnga brgya po de dag brungs rdzas dang bcas te/ nags khung dgon pa de nas blangs nas bdag nyid kyi gnas su bkod do/ /de nas tshong
181a1 pa rnams kyis bsams pa/ci yang rung ste bdag cag 'tsho bar gyur pa 'di dag thams cad ni drang srong 'di'i mthu yin gyis/ bdag cag gis khyim na gnas pa btang la 'di nyid kyi thad du rab tu byung ste tshangs par spyod pa spyad do snyam nas/ tshong pa lnga brgya
181a2 po de dag drang srong de nyid kyi thad du rab tu byung nas/bsam gtan bzhi dang mngon par shes pa lnga bskyed do/ /dge slong dag ji snyam du sems/ de'i tshe drang srong du gyur pa gang yin pa de ni nga nyid yin no/ /de'i tshe tshong pa lnga brgyar gyur pa gang yin pa de dag ni tshong pa lnga
181a3 brgya po 'di dag yin te/de'i tshe yang ngas 'di rnams 'jigs pa chen po las bskyabs nas/ bsam gtan bzhi dang mngon par shes pa lnga la bkod do/ /da ltar yang ngas 'di rnams 'jigs pa chen po las bskyabs nas/ g.yung drung gi mthar thug pa grub pa dang
181a4 bde ba'i mya ngan las 'das pa la bkod do//gzhan yang yang dag par rdzogs pa'i sangs rgyas 'od srung gi gsung rab la 'di rnams rab tu byung ste/ rab tu byung nas kyang tshe gcig tu tshangs par spyod pa spyad nas/ 'chi kar smon lam btab pa/ dge ba'i rtsa ba 'dis na
181a5 bdag cag yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams
181a6 cad spangs te/dgra bcom pa nyid mngon sum du byed par shog cig ces byas so/ /dge slong dag ji snyam du sems/ de'i tshe yang dag par rdzogs pa'i sangs rgyas 'od srung gi gsung rab la rab tu byung ba'i dge slong lnga brgya por gyur pa gang yin pa de dag ni/
181a7 tshong pa lnga brgya po 'di dag nyid yin te/ 'di dag der rab tu byung nas/ tshe gcig tu tshangs par spyod pa spyad de/ 'chi kar smon lam btab pa/ dge ba'i rtsa ba 'dis bdag cag yang dag par rdzogs pa'i sangs rgyas bcom ldan 'das 'od srung gis
181b1 bram ze'i khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed
181b2 par gyur cig ces byas pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/ 'di rnams kyis nga mnyes par byas te mi mnyes
181b3 par ma byas la/nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //grog ma gnyis zhes bya ba la/ grog ma dang po ni/ gleng gzhi mnyan du yod pa na bzhugs te/ der gang gi tshe
181b4 tshe dang ldan pa kun shes kauN+Di n+yas bden pa rnams mthong ba de'i tshe/lha brgyad khris kyang bden pa mthong bar gyur to/ /de nas dge slong rnams kyis bcom ldan 'das la gsol pa/ btsun pa bcom ldan 'das kyis kauN+Di n+ya la sogs pa lha brgyad khri dam pa'i chos kyi
181b5 bcud kyis tshim par mdzad nas/g.yung drung gi mthar thug pa grub pa dang bde ba'i mya ngan las 'das pa la bkod pa la gzigs lags/ bcom ldan 'das kyis bka' stsal pa/ da ltar 'ba' zhig ma yin 'das pa'i dus na yang kauN+Di n+ya la sogs pa lha brgyad khri po 'di dag
181b6 nyid ngas ji ltar rang gi sha dang khrag gis tshim par byas nas srog phangs pa byin pa de nyon cig /dge slong dag sngon byung ba 'das pa'i dus na chu klung zhig gi 'gram na/ ru sbal snying rje che ba byams pa'i bdag nyid can/ sems can la byams pa zhig gnas pa de res 'ga'
181b7 ni skam la rgyu/res 'ga' ni chu'i nang du rgyu'o/ /de nas phyi zhig na chu'i nang nas byung ste/ skam la rgyu zhing song song ba las skam sa de nyid du nyal lo/ /de nas grog tshang zhig nas grog ma zhig byung ste/ ru sbal de'i thad du son pa dang / des ru sbal skam la nyal ba de
182a1 mthong nas de tshang gi nang du song ste/grog ma gzhan dag la sbran to/ /grog tshang de na yang grog ma brgyad khri gnas te/ de dag gis grog ma de las thos nas grog tshang de'i nang nas 'thon te/ ru sbal de'i lus la zhugs so/ /de nas de dag za bas sad de
182a2 des bltas na lus thog thag grog mas gang bar mthong ngo //byang chub sems dpa' rnams ni lus kyis log par ltung du zin kyang sems kyis log par ltung bar mi 'gyur te/ byang chub sems dpa' des bsams pa/ ngas chu'i nang du 'gro ni nus mod kyi/ sems can
182a3 'di snyed kyi srog ma rung bar 'gyur la/bdag kyang sems can la phan pa'i phyir brtson pa yin gyis bdag rang gi srog yongs su btang yang sla'i/ sems can 'di snyed kyi srog ma rung bar byar ni mi rung ngo snyam nas bdag nyid kyis mnags te cang mi zer bar 'dug nas/
182a4 de grog ma brgyad khri po de dag gis bza' ba na smon lam btab pa/ kye ma dge ba'i rtsa ba 'dis bdag 'jig rten long ba ston pa med par sems can ma rgal ba rnams sgrol ba dang / ma grol ba rnams dgrol ba dang / dbugs ma phyin pa rnams dbugs 'byin pa dang / yongs
182a5 su mya ngan las ma 'das pa rnams yongs su mya ngan las zlo ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na
182a6 med pa/lha dang mi rnams kyi ston pa sangs rgyas bcom ldan 'das su gyur cig /ji ltar ngas 'di rnams da ltar rang gi sha dang khrag gis tshim par byas nas srog phangs pa byin pa de bzhin du/ nga bla na med pa yang dag par rdzogs pa'i byang chub mngon par rdzogs par
182a7 sangs rgyas pa na yang 'di rnams dam pa'i chos kyi bcud kyis tshim par byas nas/g.yung drung gi mthar thug pa grub pa dang bde ba'i mya ngan las 'das pa la bkod par gyur cig ces byas so/ /dge slong dag ji snyam du sems/ de'i tshe ru sbal du gyur pa byang
182b1 chub sems dpa'i spyod pa la gnas pa gang yin pa de ni nga nyid yin no//de'i tshe grog ma brgyad khrir gyur pa gang yin pa de dag ni lha brgyad khri po 'di dag nyid yin te/ de'i tshe yang ngas 'di rnams rang gi sha dang khrag gis tshim par byas nas srog phangs pa byin no/ /da
182b2 ltar yang ngas 'di rnams dam pa'i chos kyi bcud kyis tshim par byas nas/g.yung drung gi mthar thug pa grub pa dang bde ba'i mya ngan las 'das pa la bkod do// //grog ma gnyis pa ni/ gleng gzhi mnyan du yod pa na bzhugs te/ gtan
182b3 tshigs rgyas par ni dbyig dga'i rtogs pa brjod pa las 'byung ba bzhin te/gang gi tshe tshe dang ldan pa kun shes kauN+Di n+yas bden pa rnams mthong bar gyur pa de'i tshe/ lha brgyad khris kyang bden pa mthong bar gyur to/ /de nas dge slong rnams kyis sangs rgyas
182b4 bcom ldan 'das la gsol pa/btsun pa bcom ldan 'das kyis kauN+Di n+ya la sogs pa lha brgyad khri dam pa'i chos kyi bcud kyis tshim par mdzad nas/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom
182b5 ldan 'das kyis bka' stsal pa/da ltar 'ba' zhig ma yin te/ 'das pa'i dus su yang kauN+Di n+ya la sogs pa/ lha brgyad khri po 'di dag nyid ngas ji ltar rang gi sha dang khrag gis tshim par byas nas/ srog phangs pa byin pa de nyon cig /dge slong dag sngon byung
182b6 ba 'das pa'i dus na/ri khrod cig nas thag mi ring ba zhig na/ khung zhig gi nang na srog chags skyin gor snying rje che ba byams pa'i bdag nyid can sems can la byams pa zhig gnas pa de/ rtsa ba dang 'bras bus 'tsho zhing su la yang 'tshe mi 'dod pa zhig 'dug pa de phyi zhig
182b7 na gzas la song song ba las/rngon pa zhig gis mthong nas de des gson por bzung ste/ pags pa bshus nas btang ste rngon pa des pags pa de khyer te song ngo / /de nas skyin gor de na tsha mi bzod de chu 'gram zhig tu song nas sa gzhi bsil ba'i phyogs su nyal lo/ /de nas ha
183a1 cang yang mi ring ba zhig na grog tshang zhig yod de/grog tshang de na grog ma brgyad khri gnas te/ grog tshang de'i nang nas grog ma zhig byung ste/ grog ma de skyin gor de'i thad du song ste bltas na skyin gor pags pa med pa de mthong nas rang gi tshang du song ste/ grog ma
183a2 gzhan dag la sbran nas/grog ma brgyad khri po de dag tshang nas 'thon te skyin gor de'i lus la zhugs so/ /de nas de dag za bas sad de des bltas na lus thog thag grog mas gang bar mthong ngo / /byang chub sems dpa' rnams ni lus kyis log par ltung du zin kyang / sems
183a3 kyis log par ltung bar mi 'gyur te/byang chub sems dpa' des bsams pa/ ngas bdag nyid thar bar ni nus mod kyi sems can 'di snyed kyi srog ma rung bar 'gyur la/ bdag kyang sems can la phan pa'i phyir brtson pa yin gyis bdag rang gi srog yongs su btang yang
183a4 sla'i/sems can 'di snyed kyi srog ma rung bar byar ni mi rung ngo / /gcig tu na bdag ni gnod pa 'di kho nas nges par 'chi bar 'gyur la/ bdag gi bya ba gang yin zhe na/ sems can la phan pa'i phyir lus yongs su gtong ba ste/ de ni bdag la 'di rnams kyis
183a5 bskul to snyam nas/bdag nyid kyis mnags te cang mi zer bar 'dug nas bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis bdag 'jig rten long ba ston pa med pa yongs su 'dren pa med par/ sems can ma rgal ba
183a6 rnams sgrol ba dang ma grol ba rnams dgrol ba dang dbugs ma phyin pa rnams dbugs 'byin pa dang /yongs su mya ngan las ma 'das pa rnams yongs su mya ngan las zlo ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su
183a7 ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig /ci ltar ngas 'di rnams da ltar rang gi sha dang khrag gis tshim par byas
183b1 nas/srog phangs pa byin pa de bzhin du/ nga bla na med pa yang dag par rdzogs pa'i byang chub mngon par rdzogs par sangs rgyas pa na yang 'di rnams dam pa'i chos kyi bcud kyis tshim par byas nas/ g.yung drung gi mthar thug pa grub pa dang bde ba'i mya ngan las 'das pa la 'god
183b2 par gyur cig ces byas so//dge slong dag ji snyam du sems/ de'i tshe skyin gor du gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe grog ma brgyad khrir gyur pa gang yin pa de dag ni lha brgyad khri 'di dag nyid yin te/ de'i
183b3 tshe yang ngas 'di rnams rang gi sha dang khrag gis tshim par byas nas srog phangs pa byin no//da ltar yang ngas 'di rnams dam pa'i chos kyi bcud kyis tshim par byas nas/ g.yung drung gi mthar thug pa grub pa dang bde ba'i mya ngan las 'das pa la bkod do// //
183b4 spyod yul zhes bya ba ni/ gleng gzhi mnyan du yod pa na bzhugs te/ sangs rgyas bcom ldan 'das rnams kyi nyan thos rnams ni chos nyid kyis 'du ba chen po'i dus gnyis yod de/ dbyar zla 'bring po la dbyar gnas 'cha' ba'i dus la bab pa dang / ston zla tha
183b5 nya'o//de la dbyar zla 'bring po la dbyar gnas 'char nye ba'i tshe ni/ dge slong rnams yid la byed pa'i khyad par dag mnos nas ri'i sul dang / ri'i phug dang sog ma'i spyil po dang thang dang dur khrod dang nags khrod dang bas mtha'i gnas mal dag tu dong ste dbyar gnas 'cha'
183b6 bar byed do//ston zla tha nya la ni phyir 'ongs nas rtogs zin pa ni rjod par byed/ da dung ma rtogs pa yan chad ni zhu bar byed do/ /de nas dge slong zhig ljongs su skabs dbye ba byas nas ljongs rgyu zhing song song ba las mnyan du yod par phyin nas/ des lhung bzed dang
183b7 chos gos bzhag go//de nas snga dro sham thabs dang chos gos bgos te lhung bzed thogs nas mnyan du yod par bsod snyoms la song ngo / /de yang gsar du 'ongs la sngan cad ma phyin te/ shes pa chung zhing spyod yul la mi mkhas pa zhig ste/ de shin tu 'phyi ba zhig na
184a1 mnyan du yod par song nas des bltas na/dge slong gzhan dag lag pa gang ba dang lhung bzed bkang ste/ phyir 'ong bar mthong nas des bsams pa/ dge slong 'di dag la 'di na spyod yul gyi sa gang na yod pa dang gang du bsod snyoms skyen par rnyed par 'gyur ba
184a2 de dri bar bya'o snyam nas/nye dga' bo'i thad du dong ste dris pa/ btsun pa nye dga' bo bdag ni mnyan du yod pa'i spyod yul gyi rgyus ma 'tshal na bdag gis gang nas bsod snyoms skyen par rnyed par 'gyur ba de lta bu'i spyod yul bdag la ston cig ces byas pa dang / nye dga' bos mtho
184a3 btsam par bsams te/bram ze dge mtshan dang bkra shis dang sbyor ba mi srun cing ma dad pa zhig gi khyim bstan te/ khyim 'dir song shig dang 'di nas khyod kyi bsod snyoms 'byung bar 'gyur ro zhes byas nas nye dga' bo song ngo / /de nas dge slong de khyim de'i nang du song
184a4 ba dang bram ze de yang don zhig la grong gzhan zhig tu 'gro bar chas pa las des bsams pa/mgo reg gos tshon can gyon pa bdag gi mdun du 'ongs pa 'di ni bkra mi shis so snyam nas/ de des bzung nas khu tshur dang / rdog pas zhen par brdegs te/ bskyur te
184a5 bor nas de klad pa ni rdol/chos gos snam sbyar ni ral/ lhung bzed ni zhom/ gseg shang ni chag ste/ khyim de'i nang nas phyir byung nas des bsams pa/ bdag zan med kyang sla'o snyam nas de smyung bar 'dug bzhin du rgyal bu rgyal byed kyi tshal du song ba dang /
184a6 dge slong rnams kyis de mthong nas dris pa btsun pa 'di lta bu ci khyod mi rgod kyis ma bcom mam/ des smras pa/ bdag mi rgod kyis ni ma bcom gyi nye dga' bos mtho btsams so zhes byas so/ /de nas skabs kyi gtam de dge slong rnams kyis thos te bcom ldan 'das la
184a7 gsol nas/bcom ldan 'das kyis bka' stsal pa/ dge slong gis dge slong la spyod yul ma yin pa bstan par mi bya'o/ /gal te mi shes bzhin du 'gro 'dod pa zhig dge slong dag gis mthong na yang dgag par bya ste/ de ltar bkag na ni legs/ ma bkag na nyes
184b1 pa dang ldan par 'gyur ro//de nas dge slong rnams kyis bcom ldan 'das la gsol pa/ btsun pa nye dga' bos dge slong 'di spyod yul ma lags par btang nas/ dge slong 'di yang der mchis te/ gnod pa chen po dang mjal ba la gzigs lags/ bcom ldan 'das
184b2 kyis bka' stsal pa/da ltar 'ba' zhig ma yin te/ sngon 'das pa'i dus na yang dge slong 'di nye dga' bo 'di kho nas spyod yul ma yin pa la ji ltar btang ba dang 'di yang der song ste/ gnod pa chen po dang ji ltar phrad pa de nyon cig /dge slong dag sngon byung ba 'das pa'i dus na
184b3 pad ma'i mtsho zhig gi nang na/srog chags ru sbal zhig gnas la wa zhig kyang skom gyis gdungs nas chu btung ngo snyam ste pad ma'i mtsho de'i nang du zhugs pa dang / des srog chags ru sbal de mthong nas bza' bar chas te/ sos bzung nas ru sbal des de la smras pa/
184b4 grogs po bdag ma gsod cig bdag ni khyod kyi kham cig tu yang med kyis gal te khyod kyis bdag gson por btang na bdag gis khyod la kha zas mang po bstan to zhes byas so/ /de nas de thos ma thag tu wa des ru sbal de btang ste smras pa/ bdag gis ga las bza' ba rnyed
184b5 par 'gyur ba'i phyogs de ston cig /ru sbal gyis smras pa/ grogs po phyogs ga ge mo zhig na phug cig gi nang na skyin gor ma smad brgyad gnas kyis/ de rnams khyod kyis sod la zo shig ces byas so/ /phug de'i nang na seng ge mo zhig kyang gnas te/ de yang gsar
184b6 du bu byung nas de la seng ge'i phrug gu gnyis yod de/des de gnyis bsrung ba'i phyir phug de'i nang nas phyir 'byung du mi btub bo/ /de nas de thos ma thag tu wa de yang phug sgo logs su chas pa las/ de wa gzhan zhig gis mthong nas smras pa/ grogs po gar 'gro /des
184b7 smras pa/phug 'di'i nang na skyin gor ma smad brgyad gnas te/ de dag bdag gis bsad la bza' bar bya'o/ /wa des smras pa/ grogs po ltos dang khyod 'dir song na sdug bsngal dang phrad ta re zhes byas pa dang / des de la tshigs su bcad de smras pa/ bdag
185a1 ni 'di na stobs ldan brtson 'grus ldan//bdag dang mtshungs pa ga la'ang yong med de/ /glang chen rgyal po rdzing la bab pa bzhin/ /de ring skyin gor smad brgyad gzhom par bya/ /zhes smras nas/ des de'i tshig ma mnyan te phug de'i nang du song ba las/ de seng ge'i
185a2 phru gu gcig gis ni rna ba nas bzung /gcig gis ni mjug ma nas bzung ste mas smras pa/ bu gnyis the rel za ba 'di ma gsad 'di bsad de ci rung zhes byas nas/ de gnyis kyis ma'i tshig ma nyan te gcig gis ni rna ba bcad gcig gis ni mjug ma bcad de bor ro/ /de
185a3 nas wa cig shos kyis de phug sgo nas byung ba mthong nas tshigs su bcad de smras pa/khyod ni 'di na stobs ldan brtson 'grus ldan/ /khyod dang mtshungs pa ga la'ang med ce na/ /dpa' bo lus mdzes ma rung gyur pa las/ /kha tsho bskyed pa de dang 'thun ma gyur/ /de nas des de la smras
185a4 pa 'di ni des kyang mnyes kyis bdag gis de'i tshig mnyan te yid ches par byas pa 'di ni bdag nyid kyis nyes so zhes byas nas/tshigs su bcad de smras pa/ skyin gor smad brgyad phug na skyes so zhes/ bdag ni ru sbal tshig la yid ches pa/ /de ni bdag 'dir blun zhing
185a5 dgongs kyang chung //mi shes byur ngan dam pas dmad par 'os/ /dge slong dag ji snyam du sems/ de'i tshe srog chags ru sbal du gyur pa gang yin pa de ni nye dga' bo 'di kho na yin no/ /de'i tshe war gyur pa gang yin pa de ni dge slong 'di nyid yin te/ de'i tshe yang de 'dis
185a6 spyod yul ma yin par btang ste/'di yang der song ba las sdug bsngal chen po rnyed la da ltar yang des 'di spyod yul ma yin par btang ste/ dge slong 'di der song nas sdug bsngal chen po rnyed par gyur to// //dgon pa pa zhes bya ba ni/ gleng gzhi mnyan du yod pa na
185a7 bzhugs te/de'i tshe mnyan du yod pa na khyim bdag phyug cing nor mang la/ longs spyod che ba yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs te/ de dang lhan
185b1 cig tu rtse zhing dga' la dga' mgur spyod pa las/phyi zhig na de'i chung ma la bu chags te/ sems can de yang srid pa tha ma pa zhig yin la/ khyim de'i bsen ni tshe dang ldan pa ma 'gags pa yin te/ des bltas na srid pa tha ma pa'i sems can gyis khyim der nying mtshams sbyar bar
185b2 mthong ngo //de nas des phyi zhig na khyim bdag de brtan por bya ba'i phyir/ gcig pu zla med cing g.yog med par khyim der song ba dang / khyim bdag des tshe dang ldan pa ma 'gags pa mthong nas smras pa/ 'phags pa khyod zham ring ma mchis sam ci na/ zla ma mchis pa dang
185b3 zhabs 'bring ma mchis par gcig pu gshegs/tshe dang ldan pa ma 'gags pas smras pa/ bdag cag gi g.yog ni khyed cag lta bu 'ba' zhig gis byin pa de dag bdag cag gi g.yog tu 'gyur bar zad pas na/ bdag cag gi g.yog ni rnyed rnyed tsam du zad do/ /
185b4 khyim bdag gis smras pa/ 'phags pa bdag gi mchis brang la bu chags pa mchis kyis de las gal te khye'u zhig btsas par gyur na/ de bdag gis 'phags pa'i zhabs 'bring du dbul lo/ /ma 'gags pas smras pa/ khong dge ba rnams ni dam bcas pa la brtan pa yin no
185b5 zhes smras nas song ngo //khyim bdag gi chung ma de yang gang gi tshe bu chags par gyur nas/ gcig pu shin tu dben pa'i phyogs su song nas gnas par byed de/ phyin cad skye bo mang po'i nang du 'dug par mi dga'o/ /de nas khyim bdag gis bsams pa/ ma la bdag
185b6 gi chung ma 'di 'byung po 'ga' zhig gis ma brlams grang snyam nas ltas mkhan rnams la bstan nas ltas mkhan rnams kyis smras pa/'di 'byung pos brlams pa ni ma yin gyi 'di ni sems can lto na 'dug pa de'i mthu yin te/ sems can de ni gcig pu gar bar dga' ba zhig
185b7 go zhes byas so//de nas khyim bdag gi chung ma de zla ba dgu'am bcu lon pa dang khye'u gzugs bzang zhing blta na sdug la mdzes pa mdog bzang ba gser gyi kha dog can mgo bo gdugs ltar 'dug pa/ lag pa ring ba dpral ba'i dbyes che ba sna mtho ba sna legs pa zhig
186a1 btsas te/de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di ma btsas pa'i snga rol nas gcig pu gar bar dga' bar 'gyur ro zhes lung bstan pas na/ de'i phyir khye'u 'di'i ming dgon pa pa
186a2 zhes gdags so zhes zer ro//de nas khye'u dgon pa pa de 'o ma dang zho dang mar dang zhun mar dang mar gyi nying gus bskyed bsrings nas 'gro bar nus par gyur pa dang / khye'u de rang bzhin gyis tshe rabs dran te/ des bltas na 'khor bar 'khor ba na bdag gis 'du 'dzi'i nyes pas
186a3 sdug bsngal chen po myong bar mthong ngo //mthong nas kyang gcig pu shin tu dben pa'i phyogs su dga' bar byed cing de 'du 'dzi'i nyes pa spang ba'i phyir gnas so/ /de nas phyi zhig na tshe dang ldan pa ma 'gags pas de rab tu byung ba'i dus la bab par shes nas khyim bdag de la smras
186a4 pa/khyim bdag khye'u 'di ni ma btsas pa'i snga rol nas/ khyod kyis bdag la g.yog tu byin te/ khong dge ba rnams ni dam bcas pa la brtan pa yin na de kho na ltar dam ma bcas sam/ khyim bdag gis smras pa/ 'phags pa de kho na ltar dam bcas lags so zhes
186a5 byas nas/khye'u de lag pa gnyis kyis bzung ste tshe dang ldan pa ma 'gags pa la phul nas smras pa/ bu khyod ma btsas pa'i snga rol nas 'phags pa'i zhabs 'bring du phul gyis song la 'phags pa'i zhabs 'bring gyis shig /khye'us smras pa/ de ni bdag la phan gdags pa
186a6 lags so zhes byas nas/khye'u de tshe dang ldan pa ma 'gags pa'i phyi bzhin song ngo / /tshe dang ldan pa ma 'gags pas kyang / khyim bdag de la chos bshad nas khye'u de khrid de gtsug lag khang du song ngo / /der khrid nas kyang de rab tu phyung ste bsnyen par rdzogs par byas nas de la
186a7 lung yang phog go//des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang
186b1 lag mthil du 'dra ba'i sems dang ldan pa/tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang chags pa dang bkur sti la mi lta ba dbang po dang nye
186b2 dbang dang bcas pa'i lha rnams kyis mchod cing rjed pa dang gus par smra ba'i gnas su gyur to//de dgon pa dang nags khrod dang bas mtha'i gnas mal la rten cing / bdag su dang yang mi phrad par bya'o snyam mo/ /dge slong rnams kyis sangs rgyas bcom ldan 'das la zhus pa/
186b3 btsun pa dgon pa bas las ci zhig bgyis na las de'i rnam par smin pas phyug cing nor mang la longs spyod che ba'i rigs su skyes nas/ 'dis bcom ldan 'das kyang mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas nyon
186b4 mongs pa thams cad spangs te dgra bcom pa nyid mngon sum du bgyis lags/nongs dmigs ci zhig mthong na byis pa nas 'du 'dzi spangs te gcig pu mchis par dga' bar gyur lags/ bcom ldan 'das kyis bka' stsal pa/ dge slong dag 'di ni rang bzhin gyis tshe
186b5 rabs dran la/'khor bar 'khor ba na 'dis 'du 'dzi'i nyes pas sdug bsngal chen po yang myong bar gyur te/ 'dis sdug bsngal de rjes su dran pas na gcig pu gnas par dga' bar gyur to/ /btsun pa 'dis gang du 'du 'dzi'i nyes pa bskyed lags/ bcom ldan
186b6 'das kyis bka' stsal pa/dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/
186b7 skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i gsung rab la rab tu byung ste/ dge slong zhal ta byed pa 'du 'dzi mang bar gyur nas/ 'du 'dzi'i nyes pa des tshul khrims
187a1 'chal par gyur te/tshul khrims 'chal pa dang / des dge 'dun gyi dkor dang mchod rten gyi dkor dang / 'tsho ba nar ma dang phyogs bzhi'i dge 'dun gyi dkor ma thub nas/ ci 'dod par spyad de gzhan dag la yang byin no/ /dge slong dag ji snyam du sems/ de'i tshe zhal
187a2 ta byed par gyur pa gang yin pa de ni/dge slong 'di kho na yin te/ de der rab tu byung nas dge 'dun gyi dkor dang mchod rten gyi dkor dang 'tsho ba nar ma dang phyogs bzhi'i dge 'dun gyi dkor ma thub nas/ ci 'dod par spyad de/ gzhan dag la yang byin nas/ khong dge ba rnams la ngor
187a3 byas pa'i las de'i rnam par smin pas/'di tshe rabs lnga brgyar su skyes te sdug bsngal chen po nyams su myong ngo / /des sdug bsngal de rjes su dran pas na gcig pu gnas par dga' bar gyur to/ /des der tshe gcig gi bar du tshangs par spyod pa la gnas pa bsrungs pa dang /
187a4 dbang po yongs su smin par byas pa des ni da ltar 'dis nga mnyes par byas te mi mnyes par ma byas la nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so/ /des cung zad chos bzhin du zhal ta byas pa'i las de'i rnam par smin
187a5 pas ni/phyug cing nor mang la longs spyod che ba'i rigs su skyes so// //las brgya tham pa/ bam po bcu drug pa/ glang po che zhes bya ba ni/ gleng gzhi mnyan du yod pa na bzhugs te/ de nas bcom ldan 'das mnyan du yod pa na dbyar gnas bcas
187a6 te/dbyar zla ba gsum 'das nas chos gos mdzad de/ chos gos zin nas chos gos gsol te/ lhung bzed bsnams nas/ mnyan du yod pa nas rgyal po'i khab tu chas te gshegs nas/ mthar gyis gshegs gshegs pa las ri drung shod cig tu byon pa dang / de'i
187a7 tshe dgon pa'i glang po che zhig seng ges 'jigs nas rang gi khyu ded de/ri de la 'dzegs nas rang gi khyu skyong zhing 'dug pa las/ glang po che'i gtso bo ri la song ba des bcom ldan 'das thag ring po zhig nas gshegs pa mthong nas/ bcom ldan 'das mthong ma thag tu glang po che'i
187b1 gtso bo de bcom ldan 'das la shin tu dga' ba skyes nas/de ri de las babs te shing n+ya gro d+ha'i yal ga dag khyer nas/ bcom ldan 'das ga la ba der song ste phyin nas/ bcom ldan 'das la phyag 'tshal te bskor ba byas nas/ bcom ldan 'das kyi sku la nyi ma'i 'od kyis gdung bar mi 'gyur
187b2 bar bya ba'i phyir/bcom ldan 'das kyi steng du n+ya gro d+ha'i yal ga 'dzin cing phyi bzhin 'brang ngo / /de nas grong gzhan du gshegs kyi bar du bskyal te/ phyir log nas de phyir ldog cing 'ong ba na/ kyi rgyal po seng ges bsad de de shi 'phos nas dus las 'das pa'i 'og tu
187b3 lha'i nang du skyes te/lha'i bu'am lha'i bu mo skyes ma thag pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam mo/ /de nas dud 'gro las shi 'phos pa dang sum cu rtsa gsum pa'i lha yul bzang por skyes pa dang /
187b4 bcom ldan 'das la sems dga' bar gyur par des mthong ngo / /de nas sngon glang po cher gyur pa'i lha'i bu de 'di snyam du sems te/ bdag zhag lon nas gzod bcom ldan 'das blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das blta ba'i phyir
187b5 'gro snyam mo//de nas sngon glang po cher gyur pa'i lha'i bu rna cha gdub kor dag cing 'gul pa thogs pa lus do shal dang se mo dos brgyan pa nor bu rin po che sna tshogs kyis spras pa'i cod pan can/ lus gur gum dang ta ma la'i lo ma dang spri ka la sogs pas byugs pa des/ de nyid kyi
187b6 mtshan mo lha'i me tog ud pa la dang pad ma dang ku mu da dang pad ma dkar po dang man dA ra ba rnams kyis thu ba bkang ste/rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te chos mnyan pa'i phyir bcom ldan 'das kyi spyan sngar
187b7 'dug go//de nas bcom ldan 'das kyis sngon glang po cher gyur pa'i lha'i bu'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon glang po cher gyur pa'i lha'i
188a1 bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste/des bden pa mthong nas dga' ba'i tshig lan gsum brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang /
188a2 rus pa'i la brgal ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis mas kyang ma bgyis rgyal pos kyang ma bgyis lha rnams kyis kyang ma bgyis nang mi dang gnyen gyi tshogs
188a3 rnams kyis kyang ma bgyis/sngon gyi mtshun rnams kyis kyang ma bgyis dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /
188a4 mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod la brten nas thob/ /bdag ni sdug bsngal rgya mtsho pha rol rgal/ /'phags pa dgyes pa'i zhi ba'i go 'phang 'thob/ /mi mchog dbang po mi dang lhas mchod pa/ /
188a5 skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do shal 'phyang ba dgar gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig
188a6 rten kha bltas lha yul song //de nas sngon glang po cher gyur pa'i lha'i bu de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar ba bzhin du 'byor pa gang gis bcom ldan 'das kyi thad du
188a7 'ongs pa'i 'byor pa de nyid kyis rang gi gnas su song ngo //de'i tshe dge slong srod dang tho rangs mi nyal bar brtson pa lhur byed pa la gnas pa de dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te sangs rgyas bcom ldan
188b1 'das la zhus pa/bcom ldan 'das ci lags/ mdang sum mi mjed kyi bdag po tshangs pa'am lha'i dbang po brgya byin nam 'jig rten skyong ba bzhi bcom ldan 'das blta ba'i phyir mchis lags sam/ bcom ldan 'das kyis bka' stsal pa/ dge slong dag mi mjed
188b2 kyi bdag po tshangs pa'am lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin te/khyod kyis glang po che'i gtso bo gang gis de bzhin gshegs pa lam du 'gro ba'i steng du n+ya gro d+ha'i yal ga bzung ba mthong ngam/ btsun pa mthong lags so/ /dge
188b3 slong dag de ni nga'i thad nas phyir log pa'i 'og tu seng ges bsad de/de nga la sems dga' ba bskyed pas lha'i nang du skyes te lhar gyur nas nga'i thad du 'ongs te/ de la ngas chos bstan nas des bden pa mthong ste rang gi gnas su song ngo / /de nas dge slong rnams kyis/
188b4 sangs rgyas bcom ldan 'das la zhus pa btsun pa glang po che'i gtso bo des las ci zhig bgyis na/ las de'i rnam par smin pas glang po cher skyes lags/ las ci bgyis na las de'i rnam par smin pas lha'i nang du skyes la/ des bcom ldan 'das kyang mnyes par bgyis la
188b5 mi mnyes par ma bgyis lags/bcom ldan 'das kyis bka' stsal pa/ dge slong dag 'das pa'i las kyi shas kyang yod la/ da ltar byung ba'i las kyi shas kyang yod de/ 'das pa'i las gang zhe na/ dge slong dag sngon byung ba 'das pa'i dus na/ bskal pa bzang po 'di
188b6 nyid la/skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom
188b7 ldan 'das 'od srung zhes bya ba 'jig rten du byung ste/de'i gsung rab la 'di rab tu byung nas dge slong bslab pa la ma gus shing g.yel bar gyur te/ des der bslab pa'i gzhi che phra las 'gal ba mang du byas so/ /des bslab pa'i gzhi kha cig ni bsrungs nas 'chi
189a1 kar smon lam btab pa/dge ba'i rtsa ba 'dis na yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig ces byas so/ /
189a2 dge slong dag ji snyam du sems/ de'i tshe dge slong du gyur pa gang yin pa de ni glang po che 'di kho na yin te/ des der bslab pa'i gzhi che phra mang du ma bsrungs pa'i las de'i rnam par smin pas ni dud 'gro'i nang du skyes so/ /des der bslab pa'i gzhi kha cig bsrungs nas/
189a3 'chi kar smon lam btab ste dge ba'i rtsa ba 'dis yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig ces byas pa
189a4 des ni dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas 'dis da ltar nga mnyes par byas te/mi mnyes par ma byas pa ni 'das pa'i las yin no/ /da ltar byung
189a5 ba'i las gang zhe na/de glang po cher gyur nas nga la bsnyen bkur byas te/ sems dga' bar byas pa des na lha'i nang du skyes te 'di ni da ltar byung ba'i las yin no// //klu zhes bya ba ni/ gleng gzhi mnyan du yod pa na bzhugs te/ de'i tshe rgya mtsho chen po'i nang na
189a6 klu'i rgyal po dbyig ces bya ba zhig gnas te/des klu'i thabs zlar bab pa las chung ma blangs nas/ de de dang lhan cig rtse zhing dga' la dga' mgur spyod do/ /de nas phyi zhig na bu khye'u zhig btsas te de'i btsas ston rgyas par byas nas/ bu 'di'i ming ji skad gdags
189a7 zhes ming 'dogs par byed de/bu 'di dbyig gi bu yin pas na/ 'di'i ming dbyig zhes gdags so zhes zer ro/ /de nas bu dbyig 'o ma dang zho dang mar dang zhun mar dang mar gyi nying gu rnams kyis bskyed bsrings nas/ de cher skyes te 'gro nus par gyur
189b1 to//klu rnams kyi chos kyis ni nyin dus gsum mtshan dus gsum du lus la klu'i bye ma 'bab ste/ gzhi des na de dag gis sdug bsngal drag pa dang mi bzad pa dang tsha ba dang yid du mi 'ong ba'i tshor ba myong bar 'gyur te/ bu de byis pa shed ma bye ba'i bar du ni de'i lus la klu'i
189b2 bye ma de mi 'bab bo//gang gi tshe cher skyes shing shed bye bar gyur pa de'i tshe ni de'i lus la yang klu'i bye ma 'bab par 'gyur te/ gzhi des na des sdug bsngal drag pa dang mi bzad pa dang tsha ba dang yid du mi 'ong ba'i tshor ba myong nas/ pha ma la dris pa/ yab yum bdag gis yun
189b3 ji srid cig gi bar du sdug bsngal 'di lta bu myong bar 'gyur/pha mas smras pa/ bu ji srid du skal ba mnyam pa 'di yod pa de srid du khyod kyis sdug bsngal 'di lta bu myong bar 'gyur ro zhes byas so/ /de nas bu des bltas na/ klu chen po gzhan dag gi lus la klu'i bye ma mi 'bab pa
189b4 mthong ngo //mthong nas kyang pha ma la dris pa/ yab yum log par ltung bar gyur pa 'dra na/ ci'i phyir klu chen po 'di dag gi lus la ni klu'i bye ma mi 'bab la/ bdag cag gi lus la ni 'bab/ pha mas de la smras pa/ klu chen po 'di dag ni che bar grags pa yin te/ che
189b5 bar grags pa yin pas na de dag la ni mi 'bab bo//de nas des bltas na rgya mtsho chen po de'i nang na klu bdag cag pas ches ngan pa de dag gi lus la yang klu'i bye ma mi 'bab par mthong ngo / /mthong nas kyang pha ma la smras pa/ yab yum khyed gnyis na re klu chen po 'di dag ni
189b6 che bar grags pa yin te/che bar grags pa yin pas na 'di dag gi lus la klu'i bye ma mi 'bab bo zhe na/ 'di na bdag cag pas ches ngan pa gzhan dag kyang yod na/ ci'i phyir de dag la ni klu'i bye ma mi 'bab la bdag cag la ni 'bab/ pha ma gnyis kyis smras pa/ de dag
189b7 ni bdag cag bas ches ngan mod kyi/'on kyang de dag gis ni skyabs su 'gro ba dang bslab pa'i gzhi blangs pas na/ de'i phyir de dag gi lus la klu'i bye ma mi 'bab bo/ /de nas de thos ma thag tu bu de shin tu dga' bar gyur te/ smras pa yab yum de dag gi skyabs su 'gro ba dang bslab
190a1 pa'i gzhi rnams ga las byung /de gnyis kyis smras pa/ yul dbus 'dir sangs rgyas byung ste/ de ni bdud rtsi'i char 'bebs pas/ de las de dag gi skyabs su 'gro ba dang bslab pa'i gzhi rnams byung ngo / /klu'i bu des smras pa/ yab yum bdag mchi bar gnang bar
190a2 mdzod cig dang /gang dag gi mthus bdag gi lus la klu'i bye ma 'bab par mi 'gyur ba'i skyabs su 'gro ba dang bslab pa'i gzhi de dag bdag gis blang bar bgyi'o/ /pha mas smras pa/ bu ma len cig /lhan cig skyes pa'i bye ma'i sdug bsngal 'di ni chung gi /skyabs su
190a3 'gro ba dang bslab pa'i gzhi de dag blangs pa las ma bsrungs na/gzhi de las sems can dmyal ba dang dud 'gro dang su skyes nas sdug bsngal chen po rnams myong bar 'gyur te/ sdug bsngal 'di ni sdug bsngal 'di'i brgya'i char yang mi phod stong gi char yang mi phod 'bum
190a4 gyi char yang mi phod do//klu'i bus smras pa/ yab yum bdag gi lhan cig skyes pa'i bye ma'i sdug bsngal 'di zhi bar 'gyur ba 'ba' zhig gi phyir yang ci nus kyis bsrung bar bgyi'o zhes smras nas/ klu'i bu des lha'i me tog ud pa la dang pad ma dang ku mu da dang pad ma dkar po rnams
190a5 kyis thu ba bkang ste/rgya mtsho chen po'i nang nas mi snang bar gyur nas rgyal bu rgyal byed kyi tshal du phyin pa dang / de'i tshe bcom ldan 'das 'khor brgya phrag du ma'i nang na chos ston cing bzhugs so/ /de nas klu'i bu des thag ring po zhig nas sangs rgyas bcom ldan 'das
190a6 mdzes shing yid du 'thad pa dbang po dul ba thugs zhi ba thugs dul zhing rnam par zhi ba'i mchog dang ldan pa/gser gyi mchod sdong ltar dpal dang gzi brjid 'bar ba mthong ngo / /mthong nas kyang mchog tu dga' ba skyes te/ dga' ba skyes nas bcom ldan 'das ga la ba der song
190a7 ste phyin nas bcom ldan 'das la lha'i me tog ud pa la dang pad ma dang ku mu da dang /pad ma dkar po rnams kyis gtor te/ bcom ldan 'das kyi zhabs la mgo bos phyag 'tshal nas/ bcom ldan 'das la skyabs su 'gro ba dang bslab pa'i gzhi rnams mnos te/ chos
190b1 mnyan pa'i phyir bcom ldan 'das kyi spyan sngar 'dug go//de nas de'i klu'i bye ma med par gyur nas/ des bsams pa bcom ldan 'das ni bdag gi sdug bsngal dang yid mi bde ba mang po sel ba dang bde ba dang yid bde ba rnam pa du ma thob par mdzad pa yin na bdag gis bcom
190b2 ldan 'das kyi bka' drin ji ltar bsab par bya/gal te bcom ldan 'das kyis bdag la gnang bar mdzad na/ bdag gis ji srid 'tsho'i bar du/ sangs rgyas la sogs pa dge slong gi dge 'dun la yo byad thams cad kyis bsnyen bkur bya'o snyam nas/ stan las langs
190b3 te bla gos phrag pa gcig tu gzar nas/bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /ji srid 'tsho'i bar du dge slong gi dge 'dun dang thabs cig tu na bza' dang zhal zas dang gzims cha dang gdan dang snyun
190b4 gsos dang sman zong rnams sbyar bar 'tshal na/bcom ldan 'das kyis bdag la gnang bar mdzad du gsol/ bcom ldan 'das kyis bka' stsal pa/ gzhon nu gzhan dag la yang phan gdags dgos kyis thong shig de nas bcom ldan 'das mnyan du yod par dbyar
190b5 bzhugs nas/tshe dang ldan pa kun dga' bo la bka' stsal pa/ kun dga' bo song la dge slong rnams la de bzhin gshegs pa yul ma ga d+hAr ljongs su rgyu zhing gshegs kyis/ su ni de bzhin gshegs pa dang thabs cig tu ljongs rgyu zhing 'gro 'dod pa de chos gos dag dang
190b6 chos shig ces sbron cig /de nas bcom ldan 'das ji srid dgyes pa'i bar du mnyan du yod pa na bzhugs bzhugs nas rgyal po'i khab ga la ba der rgyu zhing gshegs so/ /de nas klu'i bu des bsams pa ji srid 'tsho'i bar du yo byad thams cad kyis bsnyen bkur bya bar
190b7 bcom ldan 'das kyis ma gnang mod kyi/bdag gis lam 'dir sangs rgyas la sogs pa dge slong gi dge 'dun la yo byad thams cad kyis bsnyen bkur bya'o snyam nas/ bla gos phrag pa gcig tu gzar te/ bcom ldan 'das ga la ba de logs su thal mo sbyar ba
191a1 btud nas/bcom ldan 'das la 'di skad ces gsol to/ /mnyan du yod pa nas rgyal po'i khab kyi bar du/ bcom ldan 'das dge slong gi dge 'dun dang bcas pa la na bza' dang zhal zas dang gzims cha dang gdan dang snyun gsos dang sman zong rnams
191a2 sbyar bar 'tshal na/bcom ldan 'das kyis bdag la gnang bar mdzad du gsol/ de nas bcom ldan 'das kyis klu'i bu de la cang mi gsung bas gnang nas klu'i bu des kyang bcom ldan 'das kyis cang mi gsung bas gnang bar ri ga nas/ mnyan du yod pa nas rgyal po'i khab kyi bar
191a3 gyi lam thog thag tu rdo dang gseg ma dang gyo mo rnams bsal te/stor khung dang phyi sa'i 'dam dang phyag dar nyal nyil dang shing dang bong ba rnams med par byas nas/ sa gzhi gsing ma sngon pos khyab par byas nas/ spos chab kyis chag chag btab pa/ ngos g.yas
191a4 g.yon nas me tog gi shing dang 'bras bu'i shing dag gis 'khyams 'dra bar dkrigs te/ne tso dang ri skegs dang rma bya dang / shang shang te'u rnams skad 'byin pa bkod ma dang / mtshe'u dang lteng ka dang rdzing rnams me tog dang / pad ma dang / ud pa la dang / ku mu da
191a5 dang /pad ma dkar po rnams kyis gang bar 'dug la/ ngang pa dang ngur pa dang zal mo rnams skad 'byin pa dag sprul te/ lam thog thag tu bum pa gang ba dang chu shing gi sdong bu dang phreng ba'i mchog rnams ni tshar du sbrengs/ gdugs dang rgyal mtshan dang ba dan rnams ni bsgreng
191a6 ras sna tshogs ni sbyangs rnga yab sna tshogs ni btsugs glo g.yas g.yon du ni gzims khri kha dog sngon po dang /ser po dang / dmar po dang / dkar po rnams bshams dar gyi bla re rnams ni bres/ zla ba dang zla ba tshes pa dang me long rnams kyis ni brgyan/ mgul
191a7 gdub dang gdub bu rgyan can dang dpung rgyan dang rgyan phreng dang se mo do rnams kyis ni mdzes par byas/me tog sna tshogs kyi chun po rnams kyis ni khebs par byas te sprul to/ /der mi mang po dag kyang sprul te/ la la ni sangs rgyas la sogs pa dge slong gi dge 'dun
191b1 rnams la gdugs rtsibs brgya pa dag 'dzin par byed/la la ni bla re 'dzin par byed/ la la ni rnga yab gser gyi yu ba can dang / nor bu'i yu ba can dag gis g.yob par byed/ la la ni ud pa la dang / pad ma dang / ku mu da dang / pad ma dkar rnams 'thor bar
191b2 byed do//klu'i bu de nyid ni bcom ldan 'das la bdug pa dang phye ma dang spos dang me tog rnams kyis mchod pa byed cing phyi bzhin 'brang ste/ des phyogs gang dang gang du bcom ldan 'das mnyel bso ba'i phyogs de dang der gdan rnams sprul par byed do/ /sangs rgyas la
191b3 sogs pa dge slong gi dge 'dun rnams la sbyar ba'i btung ba dang /hwags dang / 'dam bu kha ra dang / kha ra rnams kyis kyang tshim par byed do/ /phyogs gang dang gang du bcom ldan 'das gshegs dgongs mdzad pa'i phyogs de dang der ni rnam pa thams cad rdzogs pa'i gtsug lag
191b4 khang sprul par byed do//dge slong rnams la yang rkang pa bkru ba'i spos chu dang rkang pa bsku ba'i til mar spos can 'bul bar byed do/ /de nas phyi de nyin sangs rgyas la sogs pa dge slong gi dge 'dun rnams la bza' ba dang bca' ba gtsang ma bzang po mang pos tshim par byas nas
191b5 yang bcom ldan 'das la bkur sti byed bla mar byed rim gro byed mchod pa byed cing phyi bzhin 'brang ngo //de nas bcom ldan 'das mthar gyis gshegs gshegs pa las rgyal po'i khab tu byon te/ rgyal po'i khab na 'od ma'i tshal bya ka lan da ka gnas par bzhugs so/ /de
191b6 nas klu'i bu des yang bla gos phrag pa gcig tu gzar te/bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /'od ma'i tshal 'di nyid du dge slong gi dge 'dun dang thabs cig tu zla ba gsum gyi bar du na bza' dang
191b7 zhal zas dang gzims cha dang gdan dang snyun gsos dang sman zong rnams sbyar bar 'tshal na/bcom ldan 'das kyis bdag la gnang bar mdzad du gsol/ de nas bcom ldan 'das kyis klu'i bu de la cang mi gsung bas gnang ste/ klu'i bu des bcom ldan 'das kyis
192a1 cang mi gsung bas gnang bar rig nas/'od ma'i tshal de nyid du zla ba gsum gyi yo byad thams cad sbyar te/ sangs rgyas la sogs pa dge slong gi dge 'dun la yo byad thams cad kyis bsnyen bkur byas nas/ tha ma'i nyin par sangs rgyas la sogs pa dge slong
192a2 gi dge 'dun zhal zas ro brgya dang ldan pas tshim par byas te/bcom ldan 'das la 'bum ri ba'i na bza' phul lo/ /dge slong gzhan rnams la yang so sor yo byad thams cad phul nas sems dad par byas te/ gral dpon gyi spyan sngar 'dug go/ /de'i skabs su
192a3 bcom ldan 'das 'dzum pa mdzad de/'di ni sangs rgyas bcom ldan 'das rnams gang gi tshe 'dzum pa mdzad pa de'i chos nyid de de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig
192a4 ni steng du 'gro'o//'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang mnar med pa dang / chu bur can dang / chu bur rdol
192a5 dang /so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang
192a6 ba'i sems can dmyal ba gang yin pa de dag tu ni dro bar gyur te 'bab bo//de nas sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam
192a7 snyam mo//de nas de dag dad pa skyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi 'on kyang sngon ma byung ba'i
192b1 sems can snang ba 'di'i mthus/bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar gyur pa'i las de zad de/ lha dang mi rnams kyi nang du gang du bden
192b2 pa rnams kyi snod du rung bar 'gyur ba der nying mtshams 'dzin par 'gyur ro//steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang /
192b3 gzhan 'phrul dbang byed rnams dang / tshangs ris rnams dang tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams
192b4 dang /dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams
192b5 kyi bar du song nas/mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ 'dam bu'i khyim la
192b6 glang chen bzhin//'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes brjod par bya'o/ /de nas 'od zer de dag gis stong gsum
192b7 gyi stong chen po'i 'jig rten gyi khams bskor nas/bcom ldan 'das kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed
193a1 na ni mdun logs su mi snang bar 'gyur ro//sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /su skye bar lung
193a2 ston par bzhed na ni zhabs kyi mthe bor mi snang bar 'gyur ro//mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los
193a3 sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro//lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang
193a4 chub tu lung ston par bzhed na ni smin mtshams kyi mdzod spur mi snang bar 'gyur ro//bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum
193a5 bskor ba byas te/bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de
193a6 yis phyogs rnams kun tu snang bar bgyis//nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gis dam pa'i rgyur gyur pa/ /rgyal ba dgra
193a7 thub rnams ni rgyu rkyen ma mchis par//pad ma'i rtsa dang dung mdog lta bu'i 'dzum mi ston/ /brtan po nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /
193b1 bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ gang gi don du dpa' bo 'dzum pa ston mdzad pa/ /de ni khyod la skye bo phal cher nyan
193b2 par 'tshal//bcom ldan 'das kyis bka' stsal pa/ /kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /
193b3 kun dga' bo khyod kyis klu'i bu 'dis sangs rgyas la sogs pa dge slong gi dge 'dun la lam dang rgyal po'i khab 'dir bkur sti 'di lta bu byas pa mthong ngam/ btsun pa mthong lags so/ /kun dga' bo klu'i bu 'di dge ba'i rtsa ba 'dis bskal pa brgya'i
193b4 bar du log par ltung bar mi 'gyur te/bskal pa brgya'i bar du lha dang mi'i nang du nying mtshams sbyor zhing 'khor bar gyur nas srid pa tha ma dang gnas tha ma la mir skye ba thob ste/ rab tu byung nas slob dpon med pa dang / man ngag med par byang chub kyi phyogs
193b5 dang 'thun pa'i chos mngon sum du gyur te/rang sangs rgyas kyi byang chub mngon sum du byas nas/ rang sangs rgyas smon lam legs par btab pa zhes bya bar 'gyur te/ 'di ni de'i sbyin par bya ba'i chos yin no// //seng ge zhes bya ba ni/
193b6 gleng gzhi yangs pa can na bzhugs te/ de'i tshe sde dpon seng ge zhes bya ba chung ma dang rtse zhing dga' la dga' mgur spyod pa las chung ma la bu chags nas/ bud med de'i lus thog thag nas phyi sa'i dri 'byung la/ phyi sa za ba'i sems kyang skyes nas chung
193b7 mas sde dpon seng ge la bsnyad do//de nas sde dpon seng ges bsams pa/ ma la bdag gi chung ma 'di lus srul po 'ga' zhig gis ma brlams grang snyam ste/ des ltas mkhan rnams la bstan na ltas mkhan rnams na re/ 'di lus srul pos
194a1 brlams pa ni ma yin gyi 'di ni sems can lto na 'dug pa de'i mthu yin te/sems can de nam btsas pa de'i tshe 'di'i skyon de med par 'gyur ro zhes zer ro/ /de nas zla ba dgu'am bcu lon pa dang / de'i bu mi sdug pa'i sna grangs
194a2 brgyad dang ldan pa zhig btsas nas/de btsas ma thag tu khyim de thog thag tu phyi sa'i dris gang bar gyur to/ /de nas bud med de dag gis spos sna tshogs kyis byugs te/ mal du bzhag kyang de'i lus las phyi sa'i dri med par ma gyur nas/ chung mas
194a3 sde dpon seng ge la bu de bstan par mi 'dod pa las bud med gzhan dag gis de la bsnyad de/jo bo khyod kyi sras ni bltam mod kyi mi sdug pa'i sna grang brgyad dang ldan pa/ lus thog thag nas phyi sa'i dri 'byung ste/ des na khyim thog thag phyi sa'i dris gang
194a4 bar gyur to zhes byas so//de nas de thos ma thag tu sde dpon seng ge shin tu sdug bsngal bar gyur te/ des bsams pa/ 'di ltar bdag gi bu btsas su zin kyang 'di kho na ltar skyon can du gyur na/ bu 'di lta bu bdag la ci dgos kyis mun sros pa'i
194a5 'og tu khyim nas byung ste/khyi rnams la sbyin no snyam mo/ /de nas de'i bar skabs su sde dpon seng ge dge ba'i bshes gnyen bcom ldan 'das dang phrad nas bden pa rnams mthong ste/ des bden pa rnams mthong nas/ bsams pa/ sems can 'di ni las
194a6 las skyes te/sngon mi dge ba'i las rnams kyis lus 'di lta bur skyes par gyur nas ngan ngon zhig gsos la cher skyes pa dang / sangs rgyas dang / chos dang / dge 'dun la bsnyen bkur byed du gzhug go/ /'on kyang tshe rabs gzhan
194a7 du lus 'di lta bur skye bar mi 'gyur ro snyam nas/'o ma dang / zho dang / mar dang / zhun mar dang / mar gyi nying gus gsos nas de cher skyes pa dang / phas de la smras pa/ bu khyod sngon gyi las mi dge ba rnams kyis lus 'di lta
194b1 bur skyes la/da ltar bcom ldan 'das 'di ni bsod nams kyi zhing rkang gnyis pa yin te/ 'di la ni bkur sti cung zad cig byas kyang 'bras bu che zhing phan yon che bar 'gyur gyis/ de la bkur sti byos la smon lam legs par thob shig dang / khyod kyi las de
194b2 yang bar 'gyur yang srid do zhes byas nas des kyang pha'i ngag mnyan te/sangs rgyas dang / chos dang / dge 'dun la bkur sti byed pa la zhugs so/ /de nas phyi zhig na khye'u des pha ma la gsol te/ sangs rgyas la sogs pa dge slong gi dge 'dun khyim du spyan
194b3 drangs nas/bza' ba dang bca' ba gtsang ma bzang po mang pos tshim par byas te/ ci bzhed pa bstabs nas bshos gsol zin te/ gsang sder ni gyu phyag ni bcabs par rig nas stan ches dma' ba zhig khyer te/ chos mnyan pa'i phyir bcom ldan 'das
194b4 kyi spyan sngar 'dug go//de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas de dang 'thun pa'i chos bstan te/ des na khye'u des stan de nyid la 'dug bzhin du 'jig
194b5 tshogs la lta ba'i ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas te/ des bden pa mthong nas bsams pa/ gal te bdag lus 'di lta bur ma gyur na ni bdag kyang bcom ldan 'das kyi
194b6 bstan pa la rab tu byung nas/chu bo rnams las rgal bar bya ba dang / sbyor ba rnams las 'da' bar bya ba'i phyir brtson pa dang / bsgrub pa dang / 'bad par bya ba zhig na snyam du sems pa dang / sems bskyed ma thag tu khye'u de'i byad bzhin mi sdug
194b7 pa de dang dri mi zhim pa de med par gyur to//de nas de lhag par yang bcom ldan 'das la dga' ba skyes te/ de dga' ba skyes nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /
195a1 btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das
195a2 kyis de la dge slong tshur shog ces bya bas rab tu phyung ste/bsnyen par rdzogs par mdzad nas de la lung yang phog go/ /des kyang brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom
195a3 pa khams gsum pa'i 'dod chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon
195a4 par shes pa dang /so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge
195a5 slong rnams kyis bcom ldan 'das la zhus pa/btsun pa dge slong 'dis las ci bgyis na/ las de'i rnam par smin pas mi sdug pa'i sna grangs brgyad dang ldan par skyes la lus thog thag nas phyi sa'i dri 'byung bar gyur lags/ las ci bgyis na rab tu 'byung ba'i
195a6 sems bskyed ma thag tu mi sdug pa ma mchis par gyur te/bzang por gyur la/ bcom ldan 'das kyang 'dis mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas
195a7 dgra bcom pa nyid mngon sum du bgyis lags/bcom ldan 'das kyis bka' stsal pa/ dge slong dag 'di nyid kyis las 'di lta bu byas shing bsags te/ dge slong dag sngon byung ba 'das pa'i dus na/ ri khrod kyi grong zhig na bram ze gzugs bzang
195b1 zhing blta na sdug la mdzes pa zhig gnas pa de/byad gzugs dang lang tsho'i rgyags pas dregs nas dge sbyong dang bram ze du ma la brnyas par byed do/ /de nas phyi zhig na de khang thog tu song ste/ bram ze'i khye'u dag gis bskor zhing 'dug go/ /sangs rgyas
195b2 rnams 'jig rten du mi 'byung ba'i tshe/rang sangs rgyas sdug cing phongs pa rnams la snying brtse ba/ bas mtha'i gnas mal gyis 'tsho ba'i bse ru lta bu 'jig rten gyi yon gnas gcig pu rnams 'jig rten du 'byung ste/ rang sangs rgyas shig ri khrod kyi grong khyer
195b3 der bsod snyoms la song nas/des bza' ba dang bca' ba bzang po dag rnyed de/ de khyer zhing bram ze de'i khyim gyi sgo drung nas lam po che'i logs su chas pa dang / de bram ze des mthong nas/ bram ze de'i mdun na yang gyo mo phyi sas gang ba zhig 'dug ste/
195b4 des tho btsam pa'i bsam pas rang sangs rgyas de'i steng du gyo mo de rkang pas phul nas de'i gos rnams dang de'i lus dang lhung bzed rnams la gos par gyur te/ rang sangs rgyas des yar bltas pa dang bram ze de dga' ches nas bzhin mi sdug par bsgyur te/ lus kyi las
195b5 kyis tho btsams so//de nas rang sangs rgyas des bsams pa/ nyon mongs pa 'di ni dmas shing nyams par 'gyur gyis 'di'i ra mda' bya dgos so snyam nas steng gi nam mkha' la mngon par 'phags te/ 'bar ba dang lam mer 'dug pa dang / char 'bab
195b6 pa dang /glog 'gyu ba'i cho 'phrul rnams bstan to/ /so so'i skye bo ni rdzu 'phrul gyis myur du dad pa skye bar 'gyur bas na/ de shing sog les bcad pa bzhin du zhabs la phyag 'tshal te smras pa/ skal ba chen po mar spyon/ bdag nyes par spyod
195b7 pa'i 'dam du bying ba'i ra mda' mdzod ces byas so//de nas rang sangs rgyas des kyang de la snying brtse ba'i phyir sa la babs nas/ /de bram ze des khyim gyi nang du spyan drangs nas/ gos de rnams ni phud de btang lus ni spos kyis byugs te spos chus khrus byed du bcug
196a1 nas chos gos gzhan dag phul te/rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas zhabs la phyag 'tshal te bzod pa gsol nas smon lam btab pa/ bdag gis yon gnas kyi
196a2 mchog 'di lta bu la gnod pa byas pa'i las 'di'i skal ba can du bdag ci nas kyang ma gyur cig /'di la bkur sti byas pa'i dge ba'i rtsa ba 'dis ni ci nas bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig /
196a3 'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig /yon tan 'di lta bu dag kyang thob par gyur cig /brgya la las mi dge ba 'di gdon mi za ba kho nar 'bras bu smin par gyur na/ yang
196a4 rab tu 'byung ba'i sems bskyed ma thag tu bdag gi mi sdug pa med par gyur te/bzang por gyur cig ces byas so/ /dge slong dag ji snyam du sems/ de'i tshe bram zer gyur pa gang yin pa de ni seng ge'i bu 'di kho na yin te/ des rang sangs rgyas de la gnod pa byas
196a5 pa'i las de'i rnam par smin pas ni gang dang gang du skyes pa de dang der mi sdug pa'i sna grangs brgyad dang ldan par skyes la/lus thog thag nas phyi sa'i dri 'byung bar gyur to/ /des der slar bkur sti byas nas smon lam btab ste/ dge ba'i rtsa ba 'dis na bdag gang
196a6 dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig /'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig /yon tan 'di lta bu dag kyang thob par gyur cig /
196a7 brgya la las mi dge ba 'di gdon mi za ba kho nar 'bras bu smin par gyur na yang / rab tu 'byung ba'i sems bskyed ma thag tu bdag gi mi sdug pa med par gyur te bzang por gyur cig ces byas pas ni/ dge slong dag 'dis rang sangs rgyas bye ba phrag 'bum bas kyang lhag par ches khyad par du
196b1 'phags pa mnyes par byas te/mi mnyes par ma byas nas nga nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas la rab tu 'byung ba'i sems bskyed ma thag tu yang mi sdug pa med par gyur te bzang por gyur to/ /de nas
196b2 dge slong rnams kyis sangs rgyas bcom ldan 'das la zhus pa/btsun pa sde dpon seng ges las ci zhig bgyis na/ las de'i rnam par smin pas phyug cing nor mang la longs spyod che ba'i rigs su skyes la/ 'dis bcom ldan 'das kyang mnyes par bgyis te/ mi
196b3 mnyes par ma bgyis lags/bcom ldan 'das kyis bka' stsal pa/ yang dag par rdzogs pa'i sangs rgyas 'od srung gi gsung rab la 'di dge bsnyen du gyur te/ der 'dis sbyin pa dag byin zhing bsod nams dag byas nas/ tshe gcig tu skyabs su 'gro ba dang bslab
196b4 pa'i gzhi rnams bsrungs te/'chi kar smon lam btab pa/ kye ma dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig /yang dag par rdzogs pa'i sangs rgyas 'od srung gis bram
196b5 ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i tshe yang dag par rdzogs pa'i sangs rgyas 'od srung gi
196b6 dge bsnyen du gyur pa gang yin pa de ni sde dpon seng ge 'di kho na yin te/des der sbyin pa bdag byin zhing bsod nams dag byas nas tshe gcig tu skyabs su 'gro ba dang bslab pa'i gzhi rnams bsrungs te/ 'chi kar smon lam btab pa'i las de'i rnam par smin pas
196b7 gang dang gang du skye ba de dang der phyug cing nor mang la longs spyod che ba'i rigs su skyes te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas
197a1 'dis nga mnyes par byas te mi mnyes par ma byas so// //dge 'dun gyi dbyen zhes bya ba ni/ gleng gzhi rgyal po'i khab na bzhugs te/ de'i tshe mu ge byung nas phongs shing gnas par gyur te slong mo bas kyang kha zas mi rnyed do/ /
197a2 gzhan yang pha mas kyang rang gi bu smad la yang kha zas legs par sbyin pa dang legs par bya bar mi sems na slong ba rnams la lta ci smos/ de nas der bcom ldan 'das kyis dge slong rnams la bka' stsal pa/ dge slong dag nga ni zla ba gsum gyi bar
197a3 du nang du yang dag 'jog par 'dod kyis bco lnga'i gso sbyong gi dus de nyi tshe dang zhal zas skyel ba ma gtogs par dge slong su yang phrad du ma 'ong cig ces bka' stsal nas/bcom ldan 'das zla ba gsum gyi bar du nang du yang dag 'jog la bzhugs so/ /de nas dge
197a4 slong rnams kyis nang khrims bcas te/bco lnga'i gso sbyong gi dus de nyi tshe dang zhal zas skyel ba ma gtogs par dge slong su yang bcom ldan 'das kyi thad du ma 'gro cig ces byas so/ /de nas lha sbyin gyis bsams pa/ da ni bdag gis dge sbyong gau ta ma'i nyan
197a5 thos kyi dge 'dun 'thun pa'i dbyen bya ba dang /'khor lo'i dbyen bya ba de'i dus la bab bo snyam nas/ dge slong rnams la smras pa/ btsun pa rnams dge sbyong gau ta ma nyan thos rnams la ji ltar byas pa la gzigs/ gang gi tshe dge slong rnams la yo byad thams cad kyis bstang
197a6 dgos par gyur pa de'i tshe/nang du yang dag 'jog la gnas shing 'dug gis dge slong dag tshur sheg bdag gi thad du 'khod cig dang bdag gis khyed rnams yo byad thams cad kyis bstang ngo / /de nas dge slong lnga brgya tsam gyis de'i tshig mnyan nas/ bcom ldan 'das
197a7 la mi lta ba'i sems bskyed de lha sbyin gyi thad du song nas 'khod do//de nas lha sbyin gyis dge slong de rnams bsdus nas smras pa/ dge sbyong gau ta ma dgon par gnas na ni bdag cag grong 'dab tu gnas par bya'o/ /de ci'i phyir zhe na/ dge slong dag dgon par gnas pa la ni nyes dmigs
197b1 mang ba'i phyir ro//dge sbyong gau ta mas sha za bar gnang na ni bdag cag gis bza' bar mi bya'o/ /de ci'i phyir zhe na/ gzhi de las sems can rnams gsod par 'gyur ba'i phyir ro/ /dge sbyong gau ta ma lan tshwa za na ni bdag cag gis bza' bar mi bya'o/ /de ci'i phyir zhe na/ khu chu las byung
197b2 ba'i phyir ro//dge sbyong gau ta ma 'o ma 'thung na ni bdag cag gis btung bar mi bya'o/ /de ci'i phyir zhe na/ gzhi de las be'u rnams nyon mongs par 'gyur ba'i phyir ro/ /dge sbyong gau ta ma chos gos dras pa gyon na ni bdag cag gis bgo bar mi bya'o/ /de ci'i phyir zhe na/ mi rnams kyi zho shas
197b3 bsgrubs pa chud zos par 'gyur ba'i phyir ro//gang dag brtul zhugs kyi gzhi 'di lnga thob nas 'dod cing bzod la 'thad pa sems pa dang / dge sbyong gau ta ma'i thad nas 'bye ba dang gzhan du 'gro ba dang / dge sbyong gau ta ma dang 'bral bar 'dod pa de dag gis ni shing bu long shig ces
197b4 smras nas/de nas dge 'dun gyi nang du shing bu brims te/ dge slong lnga brgyas shing bu blangs nas shing bu brims pa'i 'og tu gsol ba byed pa la zhugs te/ btsun pa dge 'dun rnams gsan du gsol/ dge slong gau ta ma dgon par gnas na ni bdag cag grong 'dab tu gnas par
197b5 bya'o//de ci'i phyir zhe na/ dge slong dag dgon par gnas pa la ni nyes dmigs mang ba'i phyir ro/ /dge sbyong gau ta mas sha za bar gnang na ni bdag cag gis bza' bar mi bya'o/ /de ci'i phyir zhe na/ gzhi de las sems can rnams gsod par 'gyur ba'i phyir ro/ /dge sbyong gau
197b6 ta ma lan tshwa za na ni bdag cag gis bza' bar mi bya'o//de ci'i phyir zhe na/ khu chu las byung ba'i phyir ro/ /dge sbyong gau ta ma 'o ma 'thung na ni bdag cag gis btung bar mi bya'o/ /de ci'i phyir zhe na/ gzhi de las be'u rnams nyon mongs par 'gyur ba'i phyir ro/ /dge sbyong gau ta
197b7 mas chos gos dras pa gyon na ni bdag cag gis bgo bar mi bya'o//de ci'i phyir zhe na/ mi rnams kyi zho shas bsgrubs pa chud zos par 'gyur ba'i phyir ro/ /gal te dge 'dun gyi dus la bab cing bzod na/ dge 'dun gyis gnang bar mdzod cig dang / des na dge 'dun rnams brtul zhugs
198a1 kyi gzhi 'di lnga yang dag par blangs te gnas par bgyi'o 'di ni gsol ba'o zhes smras nas/lhas byin gyis dge slong lnga brgya khrid de khyim bya ba'i kun dga' ra ba zhes bya bar song nas slob ma'i mchog ko ka li ka dang khan da drab bya dang ka ta mo ra ka dang rgyal dang rgya mtshos byin rnams g.yas
198a2 gral dang g.yon gral du bzhag ste/sde tshan gyi gung la 'dug cing ston pa'i btsun chos nyams su myong bar byed do/ /de nas de'i blo skyes pa/ da ni bdag gis dge sbyong gau ta ma'i dge slong gi dge 'dun 'thun pa'i dbyen yang byas zin la/ 'khor lo'i dbyen yang byas zin no snyam nas/ sde tshan gyi gung la 'dug
198a3 cing ston pa'i btsun chos nyams su myong bar byed do//dge 'dun 'byed pa de'i tshe/ dge slong rnams kyi rnal 'byor yang med yid la byed pa yang med lung nod pa yang med kha ton byed pa yang med la/ mdo sde sems pa dang 'dul ba sems pa dang chos mngon pa sems pa yang mi dran te/ dge ba'i phyogs thams cad kyi
198a4 bar chad du gyur to//de nas dge slong rnams kyis sangs rgyas bcom ldan 'das la zhus pa/ btsun pa bcom ldan 'das kyis phrin las ci zhig mdzad mdzad na/ phrin las de'i rnam par smin pas dge 'dun bye bar gyur lags/ bcom ldan 'das kyis bka' stsal pa/ dge slong dag nga nyid kyis sngon gyi tshe rabs
198a5 gzhan dag tu tshogs rnyed cing rkyen grub pa dang ldan te/dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi
198a6 sa'i khams la rnam par smin par mi 'gyur/chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag
198a7 gi las rnams ni//bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA Na sI na rgyal po tshangs pas byin zhes bya ba rgyal po byed de/ de'i tshe bA rA Na sI na drang srong gi gnas shig na drang srong mngon par
198b1 shes pa lnga dang ldan pa/g.yog 'khor lnga brgya yod pa zhig rten cing gnas so/ /de nas phyi zhig na lho phyogs nas bram ze g.yog 'khor lnga brgya yod pa zhig 'ongs nas drang srong de'i gnas dang nye ba zhig tu btab ste/ bram ze'i khye'u lnga brgya tsam bram ze dag gi gsang sngags slob par byed do/ /
198b2 bram ze de yang rig pa'i gnas brgyad kyi pha rol tu phyin pa zhig ste/ snga nas 'dug pa'i drang srong gi bram ze'i khye'u rnams kyis bram ze de'i rgyus ri gnas de dag de'i thad du song ste smras pa/ mkhan po bdag cag la yang phan gdags par gsol/ bram zes smras pa/ khyed la
198b3 ci zhig gis phan gdags par bya/bram ze'i khye'u rnams kyis smras pa/ kha ton bslabs pas phan gdags par gsol/ bram zes smras pa/ nga ni gzhan gyi slob ma la slob par mi byed do/ /de nas bram ze'i khye'u rnams kyis bsams pa/ bdag cag gi mkhan pos kyang gos dang zas
198b4 kyis ni sdud par byed mod kyi/kha ton bslabs pas ni mi nus kyis bdag cag gis 'di bor la bram ze 'di kho na la brten te/ kha ton bslab pa'i phyir 'du bar bya'o snyam nas/ bram ze de la smras pa/ bdag cag gi mkhan po bor te khyod kho na la bdag cag brten par bgyi'o zhes byas so/ /bram ze des
198b5 smras pa/gal te de lta na bdag gis khyed gos zas dang kha ton bslabs pas bstang bar bya'o/ /de nas de thos ma thag tu bram ze'i khye'u de dag gis drang srong de gcig pu grogs med par bor nas bram ze de la brten to/ /des kyang de dag gos dang zas dang kha ton bslabs pas bsdus so/ /
198b6 dge slong dag ji snyam du sems/ de'i tshe bram zer gyur pa byang chub sems dpa'i spyod pa la gnas pa gang yin pa de ni nga nyid yin te/ der ngas drang srong de'i 'khor gyi dbyen byas pa'i las de'i rnam par smin pas nga lo grangs mang po dang / lo brgya phrag mang po
198b7 dang lo 'bum phrag mang por sems can dmyal ba rnams su btsos par gyur to//de nas nga shi 'phos nas kyang gang dang gang du skyes pa de dang der ngas 'khor dang phye ba myong la/ da ltar gyi bar du yang las de'i rnam par smin pas lhas byin gyis nga 'khor dang phye ba yin no// //
199a1 las brgya tham pa/ bam po bcu bdun pa/ nags khung zhes bya ba ni/ gleng gzhi mnyan du yod pa na bzhugs te/ de'i tshe dgon pa nags khung zhig yod de/ nags khrod de na bkod ma'i chu 'khyil ba'i mtshe'u zhig kyang yod la/ mtshe'u de na drang srong lnga brgya tsam rten cing
199a2 dka' thub spyod de/de dag thams cad kyang srid pa tha ma pa 'bras bu smin pa mtshon gyis brtol la rag pa dang 'dra ba sha stag go/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag
199a3 pa gsum la mkhas pa/mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms
199a4 par 'jug pa/stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug su ni
199a5 nyam nga bar gyur su ni gnod pa dang ldan su ni phongs pa dang nyam nga ba dang gnod pa dang ldan su ni ngan song du gzhol su ni ngan song du 'bab/su ni ngan song du bab su ni ngan song nas phyung ste mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las
199a6 lag nas drang bar bya su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa
199a7 ba rnams yongs su smin zin pa las ye shes kyi mtshon gyis brtol bar bya/su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i
199b1 sras rnams la//sangs rgyas dus las yol ba med/ /de nas bcom ldan 'das kyis drang srong lnga brgya po de dag gdul ba'i dus la bab bo snyam du dgongs nas mnyan du yod pa nas mi snang bar gyur te/ nags khrod der gshegs pa dang / drang srong lnga brgya po de dag gis thag ring
199b2 po zhig nas sangs rgyas bcom ldan 'das mthong ngo //mthong nas kyang gcig la gcig smras pa/ kye dge sbyong gau ta ma g.yel ba mang du len cing 'tsho ba spong ba btang ba de 'dir 'ongs kyis/ de 'ongs kyang bdag cag gis lag brdas spyil po bstan pa ma gtogs par de la smra bar
199b3 mi bya kun du smra bar mi bya'o zhes smras nas/drang srong lnga brgya po rnams kyang cang mi zer bar 'khod do/ /de nas bcom ldan 'das gdul bar bya ba'i dbang gis de dag gi thad du gshegs te/ thams cad la bka' stsal na/ de dag gis lag brdas spyil po bstan pa ma gtogs par bcom
199b4 ldan 'das kyi lan ma gsol to//de nas bcom ldan 'das kyi spyil po de'i nang du gshegs te/ rtswa stan bshams pa la bzhugs nas/ bcom ldan 'das kyis drang srong lnga brgya po de dag drang ba'i phyir bkod ma'i chu 'khyil ba'i mtshe'u de skams par byin gyis brlabs so/ /de nas drang
199b5 srong lnga brgya po de dag gis mtshe'u de na chu med par mthong ngo //mthong nas kyang de dag sdug bsngal chen po skyes te lha la gsol ba 'debs shing 'dug go/ /'on kyang de dag gi mtshe'u der chu ma byung ngo / /de nas de dag dad pa bskyed pa'i phyir lhas drang srong lnga brgya po de dag la rang gi lus
199b6 bstan nas smras pa/grogs po dag khyed bdag cag bkres pa dang skom pas gdungs te ci bya/ bcom ldan 'das ni rdzu 'phrul che zhing mthu che ba yin gyis/ bcom ldan 'das nyid la skyabs su deng shig dang bcom ldan 'das kyi mthus chu'i mtshe'u 'di snga mkho bzhin du 'ong ngo zhes
199b7 byas so//de nas drang srong lnga brgya po de rnams kyis lhas bsgo ba thos nas/ bcom ldan 'das la shin tu dga' ba skyes so/ /dga' ba skyes nas kyang bcom ldan 'das ga la ba der dong ste lhags nas/ bcom ldan 'das la bzod par gsol te/ chos mnyan pa'i phyir spyan sngar
200a1 'khod do//de nas bcom ldan 'das kyis de rnams kyi bsam pa dang bag la nyal dang khams dang shes pa dang rang bzhin thugs su chud nas de dang 'thun pa'i chos bstan te/ de nas drang srong lnga brgya po de dag gis stan de nyid la 'dug cing 'khod bzhin du bden pa rtogs
200a2 pa'i mod la phyir mi 'ong ba'i 'bras bu mngon sum du byas te/de dag gis bden pa mthong nas stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag
200a3 cag legs par gsungs pa'i chos 'dul ba la rab tu byung ba dang bsnyen par rdzogs pa dang dge slong gi dngos po 'thob tu rung na/bdag cag bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis drang srong lnga brgya po rnams dge slong
200a4 tshur shog ces bya ba'i tshig gis rab tu phyung ste/bsnyen par rdzogs par mdzad nas de dag la lung yang phog go/ /de rnams kyis kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum
200a5 pa'i 'dod chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig
200a6 pa thob pa/srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /bcom ldan 'das ni de dag rab tu phyung bsnyen par rdzogs par mdzad nas nags khrod de nas mi snang
200a7 bar gyur te/rgyal bu rgyal byed kyi tshal du gshegs so/ /de nas dge slong lnga brgya po de rnams nags khrod de nyid na 'khod do zhes bram ze dang khyim bdag dad pa dang ldan pa rnams kyis thos so/ /thos nas kyang nags khrod der rnam pa thams cad yongs su rdzogs pa'i gtsug
200b1 lag khang zhig brtsigs te/sangs rgyas la sogs pa dge slong gi dge 'dun rnams la phul lo/ /de nas dge slong rnams kyis sangs rgyas bcom ldan 'das la zhus pa/ btsun pa dge slong lnga brgya po 'di rnams kyis las ci zhig bgyis na/ las de'i rnam par smin
200b2 pas 'di rnams kyis bcom ldan 'das mnyes par bgyis te mi mnyes par ma bgyis la/bcom ldan 'das kyi bstan pa la rab tu byung nas/ nyon mongs pa thams cad spangs te dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam
200b3 gyi dbang las gyur to//btsun pa 'di rnams kyis smon lam gang du btab lags/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar
200b4 gshegs pa/'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i gsung rab la 'di dag thams cad rab tu byung nas/ der 'di rnams kyis
200b5 tshe gcig tu tshangs par spyod pa spyad nas 'chi kar smon lam btab pa/'di ltar bdag cag yang dag par rdzogs pa'i sangs rgyas 'od srung gi gsung rab la rab tu byung nas/ tshe gcig tu tshangs par spyod pa spyad kyang yon tan gyi tshogs ci yang ma thob kyis yang dag par rdzogs
200b6 pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de/bdag cag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs
200b7 te/dgra bcom pa nyid mngon sum du byed par shog cig ces byas so/ /dge slong dag ji snyam du sems/ de'i tshe rab tu byung ba'i dge slong lnga brgya po de dag ni dge slong lnga brgya po 'di dag nyid yin te/ de rnams kyis der tshe gcig tu tshangs par spyod pa spyad nas 'chi kar smon
201a1 lam btab ste/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig mi mnyes par byed par ma gyur cig /de kho na'i bstan pa
201a2 la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas pa des na dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes
201a3 par gyur nas/'di rnams kyis nga mnyes par byas te mi mnyes par ma byas la/ nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //thos pa zhes bya ba ni/ gleng gzhi mnyan du yod pa na bzhugs
201a4 te/de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zlar bab pa las chung ma blangs nas de de dang lhan cig
201a5 tu rtse zhing dga' la dga' mgur spyod pa las phyi zhig na/de'i chung ma la bu chags nas/ de zla ba dgu'am bcu lon pa dang khye'u gzugs bzang zhing blta na sdug la mdzes pa mdog bzang ba gser gyi kha dog can/ mgo bo gdugs ltar 'dug pa lag pa ring ba/ dpral
201a6 ba'i dbyes che ba/sna mtho ba sna legs pa/ smin ma stug pa zhig btsas te/ de'i btsas ston rgyas par byas nas rigs dang 'thun par ming btags te/ 'o ma dang zho dang mar dang zhun mar dang mar gyi nying gus bskyed bsrings nas rdzing gi nang gi pad ma bzhin du skye drag par gyur
201a7 to//de nas de gang gi tshe cher skyes pa de'i tshe/ yi ge dang khong rtsis dang shod dgod pa dang lag rtsis dang dbyung ba dang sba ba dang dgram pa dang gos brtag pa dang nor bu brtag pa dang rin po che brtag pa dang spos brtag pa dang sman brtag pa dang glang po che brtag pa dang rta
201b1 brtag pa dang go mtshon brtag pa bslabs te/yi ge mkhas pa dang klog mkhas pa dang mdzangs pa dang bya ba la gsal ba dang yid bzhungs pa dang brtag pa rnam pa brgyad la byang bar gyur to/ /de nas de'i phas de'i dgun sa dang sos ka'i sa dang dbyar sa'i khyim kha gsum du
201b2 brtsigs te/skyed mos tshal yang kha gsum du bcas nas chung ma chen ma dang 'bring ma dang chun ma gsum yang blangs te/ de khang steng na 'dug cing bud med 'ba' zhig gi rol mos rtse zhing dga' la dga' mgur spyod de rang gi bsod nams kyi 'bras bu myong ngo / /de nas
201b3 phyi zhig na de dpyid kyi dus su shing ljon pa mang po me tog rgyas shing /ne tso dang ri skegs dang khu byug dang rma bya dang shang shang te'u rnams skad 'byin pa'i skyed mos tshal gyi nags khrod du g.yog 'khor dang bcas par dong nas/ pheg rdob pas rtse zhing dga' la dga' mgur spyod do/ /
201b4 bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye
201b5 mched drug la mkhas pa/byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra
201b6 chen po sgrogs pa rnams ni chos nyid kyis/nyin dus gsum mtshan dus gsum ste/ nyin mtshan dus drug la sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug su ni nyam nga bar gyur su ni gnod pa dang ldan su ni phongs pa dang nyam
201b7 nga ba dang gnod pa dang ldan su ni ngan song du gzhol su ni ngan song du 'bab su ni ngan song du bab su ni ngas ngan song nas phyung ste mtho ris dang thar pa dang 'bras bu la gzhag par bya/su ni nyes par spyod pa'i 'dam du bying ba las lag nas drang bar bya/ su ni 'phags pa'i
202a1 nor bdun med pa las 'phags pa'i nor bdun gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba
202a2 rnams yongs su smin zin pa las ye shes kyi mtshon gyis brtol bar bya/su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang
202a3 srid//gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis khyim bdag gi bu de gdul bar bya ba'i dus la bab par dgongs nas/ bcom ldan 'das kyis skyed mos tshal de dang nye ba zhig tu skyed mos tshal gcig
202a4 sprul te/skyed mos tshal der skye bo phal po che la tshangs pa'i gsung gis chos ston par brtsams so/ /de nas khyim bdag gi bu des skyed mos tshal de nas bcom ldan 'das kyi gsung gi gdangs grag pa thos so/ /thos nas kyang bdag gis sngan cad mir gyur pa'i skad
202a5 kyi gdangs 'di lta bu ma thos so snyam ste ngo mtshar du bzung nas/bdag der song la skad kyi gdangs 'di lta bu dang ldan pa su yin pa brtag go snyam mo/ /de nas sgra gar grag pa logs su skyed mos tshal cig shos kyi nang du song ba dang / khyim bdag gi bu de g.yog 'khor dang bcas pas
202a6 sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras
202a7 pa lta bu/blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba
202b1 ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro//de ltar mthong nas kyang khyim bdag gi bu de bcom ldan 'das la shin tu dga' ba skyes so/ /dga' ba skyes nas bcom ldan 'das
202b2 ga la ba der song ste phyin nas bcom ldan 'das kyi zhabs la spyi bos phyag 'tshal te phyogs gcig tu 'dug go//de nas bcom ldan 'das kyis khyim bdag gi bu de'i bsam pa dang bag la nyal ba dang khams dang shes pa dang rang bzhin thugs su chud nas de dang 'thun pa'i chos
202b3 bstan te de thos nas/khyim bdag gi bu des stan de kho na la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas stan las langs te bla gos phrag pa gcig tu
202b4 gzar nas/bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/
202b5 bdag kyang bcom ldan 'das kyi thad du tshangs par spyod pa spyad par 'tshal lo/ /bcom ldan 'das kyis bka' stsal pa/ gzhon nu khyod kyis pha ma la byas sam/ btsun pa ma bgyis lags so/ /bcom ldan 'das kyis bka' stsal pa/ gzhon nu sangs rgyas rnams dang
202b6 sangs rgyas kyi nyan thos rnams ni pha mas ma gnang bar rab tu 'byin par mi mdzad kyis pha ma la gsol te phyir shog cig dang /de'i 'og tu khyod kyi sla bar 'gyur ro/ /de nas bcom ldan 'das kyis bka' stsal pa de bzhin du 'tshal lo zhes gsol nas/ khyim bdag gi bu de pha
202b7 ma'i gan du song ste/smras pa yab yum bdag bcom ldan 'das kyi bstan pa la rab tu 'byung bar gnang bar mdzad du gsol zhes byas so/ /de nas pha ma gnyis kyis bsams pa bdag cag gis 'di bzlog mi nus so snyam nas smras pa/ bu gnang gis khyod kyis gang gi tshe cung
203a1 zad khyad par 'ga' zhig thob par gyur pa de'i tshe bdag cag la ltar shog cig ces byas so//de nas de ltar bgyi'o zhes smras nas khye'u de bcom ldan 'das ga la ba der song ste/ phyin nas bcom ldan 'das kyi zhabs la mgo bos phyag 'tshal te bla gos
203a2 phrag pa gcig tu gzar nas/bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag pha mas gnang ba lags na/ legs par gsungs pa'i chos 'dul ba la rab tu 'byung ba dang bsnyen par rdzogs
203a3 shing dge slong gi dngos po 'thob tu rung na bdag kyang bcom ldan 'das kyi thad du tshangs par spyod pa spyad par 'tshal lo//de nas bcom ldan 'das kyis khyim bdag gi bu de dge slong tshur shog ces bya ba'i tshig gis rab tu phyung ste bsnyen par rdzogs par mdzad nas de la lung yang phog
203a4 go//des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa nam mkha' dang lag mthil du 'dra ba'i
203a5 sems dang ldan pa tsan dan sbangs pa lta bur bsil bar gyur pa rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa srid pa'i rnyed pa dang chags pa dang bkur sti la mi lta ba/dbang po dang nye dbang dang bcas pa'i lha rnams kyis
203a6 mchod cing rjed pa dang gus par smra ba'i gnas su gyur to//des dgra bcom pa nyid thob nas pha ma gnyis bden pa rnams la bkod de/ sbyin pa dang sbyin pa'i bgo bsha' rnams la yang btsud nas khyim de chu dong lta bur gyur par byas so/ /de nas dge slong rnams kyis bcom
203a7 ldan 'das la zhus pa/btsun pa khyim bdag gi bu 'dis las ci zhig bgyis na/ las de'i rnam par smin pas phyug cing nor mang la longs spyod che ba'i rigs su skyes nas/ bcom ldan 'das kyang 'dis mnyes par bgyis te mi mnyes par ma bgyis la/ bcom ldan
203b1 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis nas/'di ltar 'di nyid las brten te khyim gyi nang mi thams cad kyis bcom ldan 'das mnyes par bgyis te mi mnyes par ma bgyis lags/ bcom ldan
203b2 'das kyis bka' stsal pa/smon lam gyi dbang las gyur to/ /btsun pa 'dis smon lam gang du btab lags/ dge slong dag sngon byung ba 'das pa'i dus na bskal pa dgu bcu rtsa gcig pa la skye dgu'i tshe lo brgyad khri thub pa na/ yang dag par rdzogs pa'i sangs rgyas rig pa
203b3 dang zhabs su ldan pa/bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de gang gi tshe sangs rgyas kyi phrin las thams cad
203b4 mdzad nas/shing zad pa'i me bzhin du phung po lhag ma med pa'i mya ngan las 'das pa'i dbyings su yongs su mya ngan las 'das nas grong khyer gnyen ldan gyi rgyal pos de'i sku gdung gi mchod rten brtsigs te mchod rten de la srog shing gzugs par bsams nas der skye bo phal po che 'dus
203b5 pa dang /rgyal po des skye bo mang po de dag la bsgo ba su mchod rten 'di la nor mang du skyed par byed pa des mchod rten 'di la srog shing tshugs shig ces bsgo'o/ /de nas de'i tshe khyim bdag gi bu zhig sa phyogs der phyin nas khyim bdag gi bu der rgyal po des de skad ces bsgo ba thos so/ /
203b6 thos nas kyang de'i blo skyes pa/ bdag gis mchod rten 'di la nor ches mang du bskyed de srog shing gzugs par bya na/ bdag la de tsam gyi 'byor pa dag ni med kyis/ ma la bdag gis nye du rnams kyi thad du song la btsal te nor bskyed par bya'o snyam nas/ khyim bdag gi bu des
203b7 nye du rnams la gsol ba btab pa dang /de dag gis smras pa brtan por byos la spro ba chen po skyed cig dang khyod kyis nor ji tsam du bskyed pa de snyed nged kyis khyod la sbyin par bya'o/ /de nas de thos ma thag tu khye'u de dang rgyal po des gong nas gong du bskyed de/ gser bye ba phrag drug cu'i
204a1 bar du bskyed do//de nas rgyal po de gzhi de las mi dga' bar gyur te/ bdag gis bdag la gnod pa 'di lta bu 'di ci dang ci bya snyam nas yid mi bde zhing 'dug go/ /de nas blon po rnams kyis gsol pa/ lha brtan por mdzod la spro ba chen por bskyed par gsol/
204a2 bdag cag gis lha la nor dbul bar 'tshal lo zhes byas so/ /khye'u de la yang gnyen 'dun mang po rnams kyis bkag ste/ rgyal po 'di'i thugs srung dgos kyis rgyal po dang ma 'gran cig ces byas so/ /de nas de thos ma thag tu khye'u des btang ngo / /de nas rgyal po de gzhi de las
204a3 dga' bar gyur te/khye'u de la longs spyod kyi tshogs chen po byin nas mchod rten de la srog shing btsugs te/ ring po ma thogs par rnam pa thams cad yongs su rdzogs par byas so/ /mchod rten de la bdug pa dang phye ma dang spos dang me tog rnams kyis bkur sti byas te/ mchod rten
204a4 de'i dus ston gyi lugs bcas so//de nas khyim bdag gi bu des bsams pa/ mchod rten 'di la bdag gis gser bye ba phrag drug cu bsngos pa'i rdzas 'di dag bdag nyid kyis longs spyad mi phod kyis bdag gis mchod rten 'di nyid la thams cad dbul bar bya'o snyam nas/ khye'u de
204a5 nye du dang bcas pas mchod rten de la bkur sti chen po byas nas smon lam btab pa dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig /gzugs bzang zhing blta na sdug la mdzes par shog cig /ston pa
204a6 'di lta bu mnyes par byed par gyur cig mi mnyes par byed par ma gyur cig de kho na'i bstan pa la rab tu byung nas nyon mongs pa thams cad spangs te/dgra bcom pa nyid mngon sum du byed par shog cig ces byas so/ /de nas nye du mang po rnams kyis de la smras pa/ bu khyod kyis smon lam ji
204a7 skad btab/de nas khye'u des de rnams la thams cad bsnyad nas/ thos ma thag tu de rnams kyis kyang smon lam btab ste/ bdag cag gis kyang khyod kho na las brten te/ ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /dge slong
204b1 dag ji snyam du sems/de'i tshe khyim bdag gi bur gyur pa gang yin pa de ni 'di nyid yin te/ des der mchod rten la bkur sti byas nas smon lam btab pa'i las de'i rnam par smin pas/ gang dang gang du skyes pa de dang der phyug cing nor mang la longs spyod che ba'i rigs su skyes
204b2 nas/gzugs bzang zhing blta na sdug la mdzes par gyur te/ dge slong dag nga yang dag par rdzogs pa'i sangs rgyas rnam par gzigs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas 'dis nga mnyes
204b3 par byas te mi mnyes par ma byas la/nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so/ /de'i tshe nye dur gyur pa gang yin pa de dag ni nye du 'di dag nyid yin te/ de dag gis der smon lam btab ste/ bdag cag gis kyang
204b4 khyod kho na las brten nas sangs rgyas bcom ldan 'das de mnyes par byed par gyur cig /mi mnyes par byed par ma gyur cig /ces byas pa des na dge slong dag 'di rnams kyis nga mnyes par byas te mi mnyes par ma byas so/ /las brgya tham pa las sdom gyi tshigs su bcad pa bzhi
204b5 pa rdzogs // //sdom ni/ mi sdug bde byed gdol pa dang / /rab bzang dang ni lhar bcas glang / /snying rje bzang po gel po dang / /nag po mda' thogs brdzis dang wa/ /mi sdug pa zhes bya ba ni/ bcom ldan 'das yul gar ga zhes bya bar ljongs rgyu
204b6 zhing gshegs pa las/shi shu ma ri'i ri la byon nas/ shi shu ma ri'i ri 'jigs byed kyi tshal kyi nags na bzhugs so/ /de'i tshe shi shu ma ri'i ri la khyim bdag phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/
204b7 rnam thos kyi bu'i nor dang 'gran pa zhig gnas pa des rigs mnyam pa las chung ma blangs te/ de de dang lhan cig tu rtse zhing dga' la dga' mgur spyod pa las phyi zhig na/ de'i chung ma la bu chags nas de zla ba dgu'am bcu lon pa dang khye'u mi sdug pa'i sna grangs brgyad dang ldan
205a1 pa zhig btsas nas/de mthong ma thag tu pha ma gnyis sdug bsngal chen po dang ldan par gyur te/ bdag cag gnyis kyi bu btsas nas kyang 'di kho na lta bur skyon can du gyur na/ 'di 'dra ba ci dgos kyis 'di ni shi yang slas phyem red nam sros pa dang khyi rnams la
205a2 sbyin no snyam mo//de nas khyim bdag gi chung mas smras pa/ mi gsod pa ni 'jig rten na dmad pa'i steng du/ sems can dmyal bar skye bar 'gyur ba'i las byas par 'gyur gyis de ltar mi bgyis par/ bu 'di de ltar skyon can du gyur gyis kyang 'di bdag gis dben pa'i phyogs
205a3 shig tu gsos la gang gi tshe cher skyes pa de'i tshe/khyim nas bskrad de btang ba dang 'di 'tsho ba ngan ngon tshol bar 'gyur ro zhes byas nas/ de gnyis kyis khye'u de dben pa'i phyogs shig tu gsos so/ /de nas de cher skyes pa dang de'i ming mi sdug pa zhes btags so/ /de nas
205a4 de khyim nas bskrad de btang nas/de bkres shing skom pas lus rid par gyur nas 'khar ba dang snod thogs ta slong ba la zhugs so/ /de nas de gang gi khyim sgo'am zong bzhag pa'i sa'am tshong khang du 'ongs pa der grong mi'i byis pa rnams kyis de la khu tshur dang thal lcag dang dbyig pa
205a5 dang bong ba rnams kyis brdegs te/'dre 'ongs so zhes zer zhing skrod par byed do/ /de nas de sdug bsngal chen po skyes te/ bdag gis las mi dge ba ci zhig byas na/ las de'i rnam par smin pas bdag gis sdug bsngal 'di lta bu myong bar gyur zhig gu/ bdag grong khyer na
205a6 gnas pa btang la grong khyer nas byung ste/skyed mos tshal de dang de dag tu song la slongs mo byas kyang der bdag gis lto gang tsam rnyed grang snyam nas grong khyer nas byung ste/ skyed mos tshal de dang de dag tu rgyu ba la zhugs nas/ der yang de la 'dre yin no snyam nas de dag gis khu
205a7 tshur dang thal lcag dang dbyug pa dang bong ba rnams kyis brdegs nas skrod par byed do//de nas de brdegs pas 'jigs shing skrag la mis 'jigs shing skrag nas/ tshang tshing dag gi nang du zhugs te nyin mo zad par byed la/ nyi ma nub pa'i 'og tu skyed mos tshal de dang de dag
205b1 tu song nas de dag tu kha zas brul ba gang yin pa de dag tsam gyis 'tsho bar byed do//srid pa tha ma pa'i sems can bar ma dor 'chi ba ni gnas med cing skabs med do/ /des der srog zungs cung zad tsam dag rnyed do/ /sangs rgyas bcom ldan 'das bgrod pa gcig pu'i lam ston
205b2 pa/rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun
205b3 la spyod yul ba/rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan
205b4 dus gsum ste nyin mtshan dus drug tu/sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug su ni nyam nga bar gyur su ni gnod pa dang ldan su ni phongs pa dang nyam nga ba dang gnod pa dang ldan su ni ngan song du gzhol su ni ngan song du 'bab
205b5 su ni ngan song du bab su ni ngas ngan song nas phyung ste/mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las la gnas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du
205b6 gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas
205b7 byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go//rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas
206a1 bcom ldan 'das kyis khye'u mi sdug pa gdul ba'i dus la bab par dgongs nas 'gog pa'i snyoms par zhugs te/'gog pa'i snyoms par zhugs pa las bzhengs nas/ de kho na gdul ba'i phyir sangs rgyas nyid de bas kyang ches mi sdug pa zhig tu
206a2 sprul te/bza' ba dang bca' bas gyo mo bkang nas sa phyogs gang na khye'u mi sdug pa 'dug pa'i sa phyogs der gshegs so/ /de nas khye'u mi sdug pas thag ring po zhig nas bcom ldan 'das mthong ngo / /mthong nas kyang bros te 'di yang 'ongs pa dang bdag la rdeg tu
206a3 'ong ngo snyam mo//de nas bcom ldan 'das kyis ci nas de 'bros mi nus pa de lta bur byin gyis brlabs so/ /de yang bcom ldan 'das kyi byin gyi rlabs kyis lta 'dod par gyur te/ 'di lta bu su yin pa de re zhig blta'o snyam nas phyir log ste/ khye'u mi sdug pas sprul pa
206a4 mchog tu mi sdug pa de mthong nas mthong ma thag tu de'i blo skyes pa/'di kho na 'dra ba khyod su zhig ces dri'o snyam nas sangs rgyas kyi sprul pa de ga la ba der song ba dang sangs rgyas kyi sprul pas khye'u mi sdug pa mthong nas/ 'bros pa ltar byas pa dang khye'u mi sdug pa des smras pa/
206a5 grogs po khyod kyis bdag mthong na ci phyir 'bros sangs rgyas kyi sprul pas smras pa/ grogs po bdag ni sngon gyi las kyi rnam par smin pas lus 'di lta bur gyur te/ khyod kyis bdag la 'dre yin no snyam ste brdegs su dogs nas bdag gis khyod mthong nas 'bros so/ /
206a6 khye'u mi sdug pas smras pa/ grogs po bdag kyang sngon gyi las kyi rnam par smin pas 'di ltar mi sdug par gyur te/ bdag mi sdug pa'i phyir pha mas khyim nas bskrad de/ bdag slongs mo la gang dang gang du 'gro ba de dang der khu tshur dang thal lcag dang dbyig pa dang bong
206a7 ba dag gis brdegs shing bskrad de/bdag mis brdegs pas 'jigs shing skrag nas tshang tshing 'di'i nang du zhugs te 'dug gis khyod kyang tshur shog dang lhan cig 'grogs te rgyu bar bya'o/ /de nas sprul pa des de ltar bya'o zhes smras nas/ de nyid du 'dug ste des de la
206b1 kha zas kyi bgo bsha' byas nas/de zos te 'grangs shing ngoms la dbang po brtas nas sprul pa de la sems dga' bar gyur pa dang / bcom ldan 'das kyis mi sdug pa'i gzugs mi snang bar mdzad de/ rang bzhin gyi sku bstan nas khye'u mi sdug pas bcom ldan 'das
206b2 sku skyes bu chen po'i mtshan sum cu rtsa gnyis kyis legs par brgyan cing spa bar byas pa/me lus kyi dbyibs su 'dug pa lta bu me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma
206b3 med la rnam par dag pa dang ldan pa'i sangs rgyas bcom ldan 'das mthong ngo //mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ji 'dra ba de lta bu ni/ lo bcu gnyis kyi bar du
206b4 zhi gnas kyi sems la goms par byas pa la yang nyams bde ba de lta bu skye bar mi 'gyur te/de ltar mthong nas lhag par yang bcom ldan 'das la dga' bar gyur te/ de dga' bar gyur nas zhabs la mgo bos phyag 'tshal te/ chos mnyan pa'i phyir phyogs gcig tu 'dug
206b5 go//de nas bcom ldan 'das kyis de'i bsam pa dang bag la nyal dang khams dang shes pa dang rang bzhin thugs su chud nas de dang 'thun pa'i chos bstan te/ de nas khye'u mi sdug pa stan de nyid la 'dug bzhin du rgyun du zhugs pa'i 'bras bu mngon sum du byas te des bden pa
206b6 mthong nas bsams pa/gal te bdag gis lus 'di lta bur ma gyur du zin na bdag kyang legs par gsungs pa'i chos 'dul ba la rab tu 'byung zhing chu bo rnams las brgal bar bya ba dang sbyor ba rnams las yang dag par 'da' bar bya ba'i phyir brtson pa dang bsgrub pa dang 'bad par bya
206b7 ba zhig snyam mo//de nas rab tu 'byung ba'i sems bskyed ma thag tu khye'u de'i mi sdug pa med par gyur nas byad gzugs bzang por gyur te/ kha dog rgyas pa mchog dang ldan par gyur to/ /de nas de lhag par yang bcom ldan 'das la dga' bar gyur nas stan las langs te
207a1 bla gos phrag pa gcig tu gzar te/bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing
207a2 dge slong gi dngos po 'thob tu rung na bdag kyang bcom ldan 'das kyi thad du tshangs par spyod pa spyad par 'tshal lo//de nas bcom ldan 'das kyis de dge slong tshur shog ces bya ba'i tshig gis rab tu phyung ste bsnyen par rdzogs par mdzad nas de la lung yang phog go/ /des kyang brtson
207a3 pa dang bsgrub pa dang 'bad pas nyon mongs pa thams cad spangs nas/dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang
207a4 ldan pa/tsan dan sbangs pa lta bur bsil bar gyur pa/ rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams
207a5 kyis mchod cing rjed pa dang gus par smra ba'i gnas su gyur to//de nas dge slong rnams kyis sangs rgyas bcom ldan 'das la zhus pa/ btsun pa mi sdug pas las ci bgyis na las de'i rnam par smin pas phyug cing nor mang la longs spyod che ba'i rigs su skyes la/ mi sdug
207a6 pa'i sna grangs brgyad dang ldan par gyur nas/'di mi sdug pa'i phyir pha ma gnyis kyis khyim nas bskrad la/ rab tu byung ba'i sems bskyed ma thag tu de'i mi sdug pa ma mchis par gyur te/ byad gzugs bzang por gyur nas 'dis bcom ldan 'das mnyes par bgyis shing / mi
207a7 mnyes par ma bgyis la/bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag mi sdug pa nyid kyis las de lta bu byas shing bsags
207b1 te dge slong dag sngon byung ba 'das pa'i dus na ri khrod kyi grong zhig na/khyim bdag ser sna can 'jungs pa yo byad kun du 'dzin pa zhig gnas pa las phyi zhig na de khyim na 'dug pa dang / sangs rgyas bcom ldan 'das rnams mi bzhugs pa'i tshe/ rang sangs rgyas rnams 'jig
207b2 rten du 'byung ste/rang sangs rgyas shig khyim bdag de'i khyim du bsod snyoms la 'ongs nas/ khyim bdag des de la bsod snyoms phul ba las bsod snyoms phul ba'i 'og tu 'gyod pa skyes te/ bdag gis zas 'di dge sbyong mgo reg las med pa 'di la byin pa bas ni tshal
207b3 za'am las byed pa la byin dang rung ba zhig snyam ste/de 'gyod par gyur pas kha zas de phyir phrogs nas lus dang ngag gi las tshul mi sdug pa tho btsams te khyim nas bskrad do/ /de nas rang sangs rgyas des bsams pa nyon mongs pa 'di ni dmas shing nyams par gyur te/
207b4 gtan du dmas par gyur na mi rung gis 'di'i ra mda' bya dgos so snyam nas steng gi nam mkha' la 'phags te/ 'bar ba dang lam mer 'dug pa dang char pa 'bab pa dang glog 'gyu ba'i cho 'phrul rnams bstan to/ /so so'i skye bo rnams ni rdzu 'phrul gyis myur du dad par byed
207b5 de/de shing ljon pa sog les bcad pa bzhin du zhabs la phyag 'tshal nas smras pa/ skal ba chen po dang ldan pa mar gshegs/ bdag nyes par spyod pa'i 'dam du bying ba'i lag nas drang du gsol zhes byas so/ /rang sangs rgyas de yang de kho na la snying brtse
207b6 ba'i phyir/sa la babs nas des rkang pa la phyag 'tshal te/ bzod pa gsol nas/ yang bsod snyoms phul te smon lam btab pa/ 'di ltar bdag gis yon gnas 'di lta bu la gnod pa byas pa'i las 'di'i skal ba can du bdag ma gyur cig /'di ltar bdag gis
207b7 phyir yang bkur sti byas pa'i dge ba'i rtsa ba 'dis na bdag gang dang gang du skye ba de dang der phyug cing nor mang la longs spyod che ba'i rigs su skye bar shog cig /'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma
208a1 gyur cig /yon tan 'di lta bu dag kyang thob par gyur cig /gal te sdig pa'i las 'di'i 'bras bu gdon mi za bar bdag la smin par gyur na yang rab tu 'byung ba'i sems bskyed ma thag tu bdag gi mi sdug pa med par gyur te byad gzugs bzang por gyur cig
208a2 ces byas so//dge slong dag ji snyam du sems/ de'i tshe khyim bdag tu gyur pa gang yin pa de ni mi sdug pa 'di kho na yin te/ des der rang sangs rgyas la bsod snyoms phul ba'i 'og tu phyir phrogs te lus dang ngag gi las tshul mi sdug pas tho btsams nas/ khyim nas
208a3 bskrad pa'i las de'i rnam par smin pas ni gang dang gang du skyes pa de dang der mi sdug par gyur te khyim nas bskrad do//des rang sangs rgyas la phyir yang bsod snyoms phul nas smon lam btab ste/ gang dang gang du skye bar 'gyur ba de dang der phyug cing nor mang la longs
208a4 spyod che ba'i rigs su skye bar shog cig /'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig /yon tan 'di lta bu dag kyang thob par gyur cig ces byas pa'i las de'i rnam par smin pas ni gang dang gang
208a5 du skyes pa de dang der phyug cing nor mang la longs spyod che ba'i rigs su skyes te/dge slong dag nga rang sangs rgyas bye ba phrag 'bum bas kyang ches lhag par khyad par du 'phags pa nga lta bu 'dis mnyes par byas te mi mnyes par ma byas la/ nga nyid kyi bstan pa la rab tu
208a6 byung nas nyon mongs pa thams cad spangs te dgra bcom pa nyid mngon sum du byas so//gzhan yang yang dag par rdzogs pa'i sangs rgyas 'od srung gi bstan pa la 'di rab tu byung nas/ des 'dis tshe gcig tu tshangs par spyod pa spyad nas 'chi kar smon lam btab
208a7 ste/'di ltar bdag gis yang dag par rdzogs pa'i sangs rgyas 'od srung gi bstan pa la rab tu byung nas tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srung gis bram ze'i khye'u bla ma lung bstan
208b1 pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas pa des na/
208b2 dge slong dag nga yang dag par rdzogs pa'i sangs rgyas 'od srung dang shin tu mnyam pa dang shugs mnyam pa dang mdzad pa mnyam pa dang thabs mnyam pa brnyes par gyur nas/ 'dis nga mnyes par byas te mi mnyes par ma byas la/ nga nyid kyi bstan pa la rab tu byung nas nyon mongs pa
208b3 thams cad spangs te dgra bcom pa nyid mngon sum du byas so// //las brgya tham pa/ bam po brgyad pa/ bde byed ces bya ba ni/ gleng gzhi mnyan du yod pa na bzhugs te/ de'i tshe mnyan du yod pa na rgyal po gsal rgyal rgyal po byed do/ /grong khyer bA rA Na
208b4 sI na ni rgyal po tshangs pas byin zhes bya ba rgyal po byed de de gnyis phan tshun mi 'thun par gyur nas dus dus su skye bo mang po kha 'dog par byed do//de nas phyi zhig na rgyal po tshangs pas byin gyi dpung gi tshogs yan lag bzhi ste/ glang po che'i tshogs dang rta'i tshogs dang
208b5 shing rta'i tshogs dang dpung bu chung gi tshogs rnams go bskon nas/g.yul 'gyed pa'i phyir rgyal po gsal rgyal gyi thog tu drangs te/ chu klung khang ldan gyi 'gram du phru ma btab ste 'dug go/ /de nas rgyal po gsal rgyal gyis yul kA shi'i rgyal po tshangs pas byin gyis
208b6 dpung gi tshogs yan lag bzhi go bskon nas/g.yul 'gyed pa'i phyir bdag gi thog tu drangs te/ des chu klung khang ldan gyi 'gram du phru ma btab ste 'dug go zhes thos nas/ thos ma thag tu des kyang dpung gi tshogs yan lag bzhi go bskon nas/ g.yul 'gyed
208b7 pa'i phyir rgyal po tshangs pas byin gyi steng du drangs te/des kyang chu klung khang ldan gyi 'gram du phru ma btab ste 'dug nas/ de gnyis de na 'dug cing dus dus su skye bo mang po kha 'dog par byed de/ de gnyi ga yang mthu che bas gcig gis gcig mi thub ste/ de gnyis
209a1 der yun ring mo zhig lon no//de nas phyi zhig na de na de 'khod bzhin du rgyal po tshangs pas byin gyi btsun mo la bu chags par gyur nas/ de zla ba dgu'am bcu lon pa dang bu mo gzugs bzang zhing blta na sdug la mdzes pa zhig btsas te/ de btsas ma
209a2 thag tu pho brang 'khor der kun dga' ba'i rol mo'i sgra bsgrags so//de nas rgyal po gsal rgyal gyis rgyal po tshangs pas byin gyi bu mo gzugs bzang zhing blta na sdug la mdzes pa zhig btsas so zhes thos nas/ thos ma thag tu dga' bar gyur te/ tshangs pas byin dang
209a3 gnyen du byas pa'i thabs bdag gis rnyed do//bu mo de la brten te 'di dang bdag 'khon med par bya'o snyam bsams nas/ rgyal po gsal rgyal gyis rgyal po tshangs pas byin la pho nya btang ste/ grogs po 'khon med par bya'o/ /bu mo 'di las brten te bdag cag
209a4 'khon med par bya yis/bu mo 'o ni bdag gi chung mar byin cig ces byas so/ /de nas rgyal po tshangs pas byin gyis de thos ma thag tu dga' bar gyur te bsams pa/ 'di dang bdag gis dus dus su skye bo mang po kha 'dog par byed kyis bu mo de la brten te/ 'di
209a5 dang 'khon med par bya'o snyam bsams nas/des kyang de la pho nya'i lan btang ste/ khyod ji ltar dga' ba de bzhin du bya'o zhes byas nas/ mjal dum byas te/ mgul nas 'khyud nas bu mo sbyin par byas te rang gi yul du song ngo / /de rang gi yul du song ba dang
209a6 bu mo 'di'i btsas ston byas nas/bu mo 'di'i ming ji skad gdags zhes ming 'dog par byed de/ bu mo 'di btsas pa na yul khams gnyis bde bar gyur pas na bu mo 'di'i ming bde byed ma zhes gdags so zhes zer ro/ /de nas bu mo bde byed ma 'o ma dang zho dang mar dang zhun
209a7 mar dang mar gyi nying gus bskyed bsrings so//'dod pa rnams ni tshwa chu dang mtshungs te ji tsam du brten pa de tsam du rab tu 'phel bar 'gyur ro/ /de nas phyi zhig na yang rgyal po tshangs pas byin gyi btsun mo la bu chags par gyur nas/ de zla ba dgu'am bcu lon
209b1 pa dang bu khye'u gzugs bzang zhing blta na sdug la mdzes pa zhig btsas te de'i btsas ston yang rgyas par byas nas/khye'u 'di'i ming ji skad gdags zhes ming 'dog par byed de/ khye'u 'di sring mo bde byed ma'i 'og tu btsas pas na/ khye'u 'di'i ming bde byed ces
209b2 gdags so zhes zer ro//de nas khye'u bde byed 'o ma dang zho dang mar dang zhun mar dang mar gyi nying gus bskyed bsrings nas mtsho'i nang gi pad ma ltar skye drag par gyur to/ /de nas de gnyis gang gi tshe cher skyes pa de'i tshe bu mo bde byed ma dang khye'u bde byed gnyis shin tu
209b3 mdza' bar gyur te/skad cig tsam yang gcig med par gcig 'dug mi phod do/ /de nas phyi zhig na rgyal po gsal rgyal gyis rgyal po tshangs pas byin la pho nya btang ste/ bu mo bu la blang ngo zhes spring ngo / /de nas rgyal po tshangs pas byin gyis kyang thos ma thag tu/
209b4 rgyal po gsal rgyal la pho nya'i lan btang ste/ 'di la thogs pa ci yang med kyis che ge mo zhig gi nyin par shog cig ces byas so/ /de nas rgyal po gsal rgyal gyis kyang de ltar bya'o zhes byas nas/ 'byor pa chen po dang rgyal po'i mthu chen po dang ldan pas yul
209b5 kA shir song nas/rgyal po tshangs pas byin gyis khyim pa rnams kyi khyim pa'i chos gang yin pa de bzhin du byas nas bu mo byin no/ /de nas rgyal po gsal rgyal gyis bu mo khyer te rang gi yul du chas so/ /de nas khye'u bde byed kyis pha ma la smras pa/ che zhe bde byed ma
209b6 mchis par bdag mchi mi phod kyis bdag kyang 'di dang lhan cig mchi'o zhes byas nas/rgyal po tshangs pas byin gyis 'di skad ces smras so/ /bu khyod ni nga'i bu gcig pa sdug cing phangs pa rgyal tshab yin te nga 'das pa'i 'og tu rgyal po bya dgos so/ /de bas na khyod
209b7 yul gzhan du 'gror mi rung ngo zhes byas te/de rgyal pos lan mang du bkag kyang dgag ma nus so/ /de nas rgyal po gsal rgyal gyis smras pa/ lha bdag gis 'di ming sring gnyis bskyang bar bgyis mchi yang mi dngo'o zhes byas so/ /de nas rgyal po tshangs pas byin
210a1 gyis de ltar bya'o zhes byas nas de btang ngo //de nas rgyal po gsal rgyal gyis bu mo bde byed ma dang khye'u bde byed gnyis khrid de mnyan du yod par song ngo / /de nas rgyal po gsal rgyal gyis khye'u de yi ge slob tu bcug ste/ rgyal rigs spyi bo nas
210a2 dbang bskur ba'i rgyal po rnams kyis bzo'i gnas dang las kyi gnas tha dad pa gang yin pa de dag kyang bslabs te/'di lta ste glang po che zhon pa dang rta zhon pa dang mtshon cha bcang ba dang 'phong dang mdun du bsnur ba dang phyir bsnur ba dang / g.yul las 'byung bar
210a3 bya ba dang /lcags kyu bzung ba dang / zhags pa bzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcad pa dang / gsheg pa dang / lag pas gzung ba dang / rkang pa'i stangs
210a4 dang /mgo bo bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang tshabs cher btang ba rnams kyang bslabs nas gnas lnga la byang bar gyur to/ /de nas de nan tur ma byas pas ma
210a5 grangs te 'phyon ma la yang zhugs so//des yul der tshul ma yin pa brgya tsam byas te/ rgyal po gsal rgyal dang sring mo bde byed mas lan mang du bkag kyang dgag par ma nus nas/ rgyal po gsal rgyal gyis rgyal po tshangs byin la pho nya btang ste/ khyod kyi bu 'di na
210a6 'dug pas mi rigs pa brgya tsam byas te dgag kyang ma nus so zhes spring ngo //de nas rgyal po tshangs pas byin gyis thos ma thag tu bu la spring ba/ bu khyod 'o nir ma 'dug par 'dir shog cig /nga 'das pa'i 'og tu rgyal po'i dbang phyug gi mnga' bdag bya dgos kyis/
210a7 mi rigs pa ma byed par 'dir 'dug cig ces byas so/ /'on kyang de phas spring ba ltar rang gi yul du yang ma 'ongs/ bag med pa de dag kyang ma spangs nas/ de gang gi tshe dgag par ma nus pa de'i tshe rgyal po tshangs pas byin gyis bu ma yin par bsgrags so/ /rgyal po gsal
210b1 rgyal gyis kyang spangs nas rgyal po'i pho brang du yong du ma gnang ngo //de nas phyi zhig na de rgyal po'i pho brang du 'gro 'dod pa las chab sgo bas bkag pa dang nan gyis nang du song ste/ sring mo dang phrad par bya'o zhes zer zhing btsun mo'i sgor 'dug go/ /rgyal po gsal rgyal yang
210b2 btsun mo bde byed ma dang lhan cig tu pi bang len cing 'dug go//de nas khye'u bde byed kyis tshor nas khye'u de'i lag tu mda' gzhu yang bcang ste/ de khros nas rgyal po gsal rgyal gsad pa'i phyir mda' 'phangs pa las mda' des pi bang gi rgyud bcad de sa la ltung ngo / /de
210b3 nas rgyal po gsal rgyal gyis de mthong ma thag tu 'jigs shing skrag ste bros nas shas cher khros te des bsams pa/gal te bdag gis 'di gyin das bsad na ni rgyal po tshangs pas byin gyis kyang khrel bar 'ong gis/ 'di bdag gis shags kyis pham par byas
210b4 te gsad par bya'o snyam mo//rgyal po gsal rgyal gyi lugs kyis na/ gal te don chung ngu zhig gi phyir shags 'gyed na ni dung sgril ma 'bud du 'jug go/ /de ste shags chen po zhig 'gyed na ni de'i tshe rnga bo che yang rdung la dung sgril ma yang 'bud du 'jug ste/ rgyal po
210b5 gsal rgyal gyis rnam pa gnyis ka byed du bcug nas/thos ma thag tu mnyan yod na mi'i gtso bo ji snyed yod pa de dag thams cad rgyal po'i pho brang du 'dus te/ rgyal po gsal rgyal gyis rgyal po'i bu de shags kyis pham par byas nas/ ka ra bI ra'i me tog gi phreng bas
210b6 mgul pa dkris te gshed ma la gtad nas/gshed ma'i mi gos sngon po bgos la ral gri phyung ste rnga sgra drag por sgrogs pa dag gis khrid nas/ lam po che'i mdo rnams su bsgrags te gsod pa'i sar phyin du nye ba dang / khye'u bde byed snying rje rje skad du bla zhing phan tshun du
210b7 lta ste/bdag phongs shing dkos thag pa dang sdug pa'i skyabs byed pa dang srog phangs pa sbyin pa su zhig yod cig gu snyam mo/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres
211a1 pa'i dran pa nye bar gzhag pa gsum la mkhas pa/mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/
211a2 mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig
211a3 rten la gzigs te/su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song
211a4 nas phyung ste/mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba
211a5 rnams ma bskyed pa las bskyed par bya/su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas
211a6 par bya snyam du ye shes gzigs pa 'jug go//rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis khye'u bde byed gdul ba'i dus la bab bo
211a7 snyam du dgongs te/sham thabs dang chos gos gsol nas lhung bzed bsnams te mnyan du yod par bsod snyoms la gshegs nas/ khye'u bde byed kyis thag ring po zhig nas sangs rgyas bcom ldan 'das mthong ngo / /mthong nas kyang bcom ldan 'das ga la ba de logs
211b1 su song ste/bcom ldan 'das kyi zhabs la phyag 'tshal nas/ bcom ldan 'das bcom ldan 'das ni dka' ba mdzad cing srog phangs pa stsol ba lags so/ /bcom ldan 'das kyis bka' stsal pa/ gzhon nu ma 'jigs shig da khyod kyi srog chud za bar mi 'gyur ro/ /de nas bcom
211b2 ldan 'das kyis gshed ma'i mi rnams la bka' stsal pa/bzhin dag gzhon nu 'di thong shig /gshed ma rnams kyis gsol pa/ bcom ldan 'das bdag cag la mgo gnyis mchis sam ci na bdag cag gis khye'u 'di gtang bar bgyi/ bcom ldan 'das kyis
211b3 de dag la bka' stsal pa/bzhin dag nga rgyal po dang ma phrad kyi bar du re zhig zung shig /de dag gis gsol pa/ bcom ldan 'das kyis bka' stsal pa bzhin du 'tshal lo/ /de nas bcom ldan 'das rgyal po gsal rgyal ga la ba der gshegs te byon nas/
211b4 bcom ldan 'das kyis rgyal po gsal rgyal la 'di skad ces bka' stsal to/ /rgyal po chen po khye'u de thong shig /rgyal pos gsol pa/ btsun pa gal te rab tu 'byung ba na ni gtang bar 'tshal lo zhes gsol nas/ rgyal po gsal rgyal gyis gsad pa las bzlog ste bcom ldan
211b5 'das la phul nas/bcom ldan 'das kyis khye'u de rgyal bu rgyal byed kyi tshal du khrid de rab tu phyung zhing bsnyen par rdzogs par mdzad nas/ de la lung yang phog ste des brtson pa dang bsgrub pa dang 'bad pas nyon mongs pa thams cad spangs nas/ dgra bcom pa nyid mngon
211b6 sum du byas so//de nas dge slong rnams kyis bcom ldan 'das la gsol pa/ btsun pa rgyal po'i bu bde byed ma grangs te gsod du btang ba de bcom ldan 'das kyis thar bar mdzad de/ g.yung drung gi mthar thug pa grub pa dang bde ba'i mya ngan la 'das pa la gzhag
211b7 pa la gzigs/bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ma grangs shing g.yem par gyur nas tshangs pas byin gyis gsod du btang ba las/ ngas skyabs byas te/ bsam gtan bzhi dang mngon par shes pa lnga la ji
212a1 ltar bzhag pa de nyon cig /dge slong dag sngon byung ba 'das pa'i dus na grong khyer bA rA Na sI na rgyal po tshangs pas byin rgyal po byed de/ de'i tshe bA rA Na sI de nyid na mi zhig ma grangs shing g.yem ste/ gzhi de las grong khyer pa rnams 'khrugs nas skye bo mang po rnams
212a2 kyis de bzung ste/rgyal po tshangs pas byin la phul nas rgyal po tshangs pas byin gyis gsod du btang ste/ de gshed ma rnams kyis khrid nas gsad pa'i sar phyin te/ de gsad pas 'jigs skrag nas phan tshun lta zhing 'dug ste/ bdag la dka' ba byed pa dang srog phangs pa
212a3 byin par byed pa su zhig yod zhig gu snyam mo//de nas de'i tshe bA rA Na sI'i phyogs shig na drang srong mngon par shes pa lnga dang ldan pa rdzu 'phrul che zhing mthu che ba zhig yod pa de bA rA Na sIr spyod yul la song ba las mi des mthong ste/ mthong ma thag tu rkang pa la phyag 'tshal nas
212a4 smras pa/drang srong dag bdag la dka' ba mdzad cing srog phangs pa stsal bar gsol zhes byas so/ /de nas drang srong des gshed ma rnams la smras pa/ bzhin dag mi 'di ma gsad par thong shig /gshed ma rnams kyis smras pa/ drang srong bdag cag la mgo bo gnyis
212a5 mchis sam ci na/bdag cag gis 'di btang bar bgyi/ drang srong gis smras pa/ nga rgyal po dang ma phrad kyi bar du re zhig zung shig ces byas nas/ drang srong de rgyal po tshangs pas byin ga la ba der song nas smras pa/ rgyal po chen po mi de ma gsad par thong shig /rgyal po
212a6 tshangs pas byin gyis smras pa/drang srong gal te rab tu 'byung na ni btang bar bgyi'o zhes byas nas rgyal po tshangs pas byin gyis mi de phrin gyis gsad pa las bzlog ste drang srong de la phul nas/ drang srong des dka' thub kyi gnas su khrid de rab tu byung nas lung yang phog go/ /mi des
212a7 kyang dka' thub kyi gnas de nyid na 'dug bzhin du bsam gtan dang mngon par shes pa lnga bskyed do//dge slong dag ji snyam du sems/ de'i tshe drang srong byang chub sems dpa'i spyod pa la gnas pa gang yin pa de ni nga yin no/ /de'i tshe mi gang yin pa de ni khye'u bde byed yin no/ /de'i
212b1 tshe rgyal por gyur pa gang yin pa de ni/rgyal po gsal rgyal 'di nyid yin te/ de'i tshe yang des 'di gsod du btang ba las ngas skyabs byas te/ rab tu phyung nas bsam gtan bzhi dang / mngon par shes pa lnga la bzhag go/ /da yang 'di rgyal po gsal
212b2 rgyal gyis gsod du btang ba las ngas bskyabs te/g.yung drung gi mthar thug pa'i grub pa dang / bde ba'i mya ngan las 'das pa la bzhag go/ /gsol pa/ btsun pa gzhon nu bde byed kyis las ci bgyis na/ las de'i rnam par smin pas phyug cing nor mang la longs
212b3 spyod che ba'i rigs su skyes te gzugs bzang zhing blta na sdug la mdzes par gyur la/bcom ldan 'das kyang 'dis mnyes par bgyis te mi mnyes par ma bgyis/ bcom ldan 'das kyi bstan pa la rab tu byung nas nyon mongs pa thams cad spangs nas dgra bcom pa nyid
212b4 mngon sum du bgyis lags/bcom ldan 'das kyis bka' stsal pa/ smon lam gyi dbang las gyur to/ /btsun pa 'dis gang du smon lam btab lags/ dge slong dag sngon byung ba 'das pa'i dus na skye dgu'i tshe lo nyi khri thub pa na yang dag par rdzogs pa'i sangs rgyas rig
212b5 pa dang zhabs su ldan pa bde bar gshegs pa 'jig rten mkhyen pa skyes bu gdul bya'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/de'i gsung rab la 'di rab tu byung nas dge slong zhal ta byed par gyur te/
212b6 des der chos bzhin du dge 'dun gyi zhal ta byas nas/ byams pa'i sems kyis ting nge 'dzin kyang bskyed do/ /des der tshe gcig tu tshangs par spyad nas 'chi kar smon lam btab pa/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i
212b7 sangs rgyas bcom ldan 'das de/bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong dag ji snyam
213a1 du sems/de'i tshe dge slong zhal ta bar gyur pa gang yin pa de ni rgyal po'i bu bde byed 'di nyid yin te/ des der chos bzhin du zhal ta byas pa dang byams pa'i sems kyi ting nge 'dzin bsgoms shing tshe gcig tu tshangs par spyod pa spyad nas 'chi kar smon lam btab ste/ yang
213a2 dag par rdzogs pa'i sangs rgyas 'od srung gis bram ze'i khye'u bla ma lung bstan pa/gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad
213a3 spangs te dgra bcom pa nyid mngon sum du byed par gyur cig ces byas pas na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes
213a4 par byas te mi mnyes par ma byas la/nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so/ /des der chos bzhin du zhal ta byas pa des ni/ phyug cing nor mang la longs spyod che ba'i rigs su skyes so/ /des byams
213a5 pa'i sems kyi ting nge 'dzin bsgoms pa des na/gzugs bzang zhing blta na sdug la mdzes par gyur to// //gdol pa'i khye'u zhes bya ba ni/ bcom ldan 'das grong khyer gyen du rgyal zhes bya ba na/ grong gi byang phyogs shing sha pa'i tshal na bzhugs te/ de'i tshe yul
213a6 gyen du rgyal na rgyal po rab snang zhes bya ba rgyal po byed do//yul su bi ra zhes bya ba na ni rgyal po 'char ka zhes bya ba rgyal po byed de/ de gnyis mdza' zhing bshes la gcugs te dus dus su pho nya dang skyes kyis 'drul lo/ /rgyal po rab snang gi yul na a mra rab tu dkon te/ su bi
213a7 ra'i rgyal pos rgyal po rab snang dga' bar bya ba'i phyir/a mra mang po skyes su bskur ro/ /de nas rgyal po rab snang gis kha cig ni btsun mo la byin no/ /kha cig ni bu rnams la byin no/ /kha cig ni blon po rnams la byin no/ /de nas rgyal po gtum po rab snang gis a mra
213b1 zos nas blo skyes pa/bdag gi yul 'di na a mra med kyis bdag gis a mra'i sa bon 'di rnams bdag gis skyed mos tshal du rmo'o snyam du bsams nas/ des a mra'i sa bon de dag khyer te/ rang gi skyed mos tshal du rmos nas/ de dag ring po ma thogs par skyes te/
213b2 cher gyur nas ring po ma thogs par tshal chen por gyur te yal ga rnams rgyas par gyur to/ /phyi zhig na de dag me tog rgyas shing 'bras bu chags nas/ rgyal po rab snang gis de dag gzhan dag mi za bar bya ba'i phyir/ gdol pa rnams a mra de dag gi srungs mar bskos
213b3 so//de nas phyi zhig na gdol pa de dag nyid kyis a mra de rnams zos nas rkun po byung zhes bsgrags te/ 'di 'di dag ni rkun pos zos so zhes zer to/ /de nas rgyal po gtum po rab snang gis 'phrigs te/ gdol pa 'di dag nyid kyis a mra 'di dag zos grang snyam du
213b4 bsams nas/des rgyal po'i zhabs 'bring ba rnams btang ste/ gdol pa'i khyim tshol du bcug pa las/ de dag der song ba dang a mra'i rus pa de dag mthong nas/ de nas rgyal po'i zhabs 'bring ba rnams kyis rgyal po gtum po rab snang la gsol to/ /de nas
213b5 gtum po rab snang khros pas gdol pa 'khor dang bcas pa khyim gyi nang du btsud de/khyim gyi kho ra khor yug nas rtswa spungs te me btang nas bsregs so/ /grong de'i nang nas gdol pa'i khye'u gcig gdol pa'i las kyis ngo tsha nas lho phyogs su song ngo / /der song nas bram
213b6 ze'i cha lugs su zhugs te lus mi snang bar 'gyur ba'i rig pa bslabs so//des de bslabs nas/ phyir grong khyer gyen du rgyal du phyir 'ongs nas/ rang gi khyim du song song ba las de bltas na grong thams cad mes tshig par mthong nas/ mthong ma thag tu grong 'di sus ma rung
213b7 bar byas zhes dris na/des rgyal po gtum po rab snang gis byas so zhes thos nas des smras pa/ bdag gi nye du de rnams gar song / de dag gis smras pa/ rgyal po gtum po rab snang khros pas rtswa spungs pas bskor te 'khor dang bcas pa mes bsregs so zhes byas so/ /
214a1 de nas de thos ma thag tu khye'u de sdug bsngal chen pos thebs nas des bsams pa/ skyes pa rnams kyis ni dngos su nyes par byas pas/ de dag la ni des khrims bzhin du byas na/ byis pa dang bud med rnams kyis de la nyes pa ci zhig byas na de dag kyang
214a2 mes bsregs/da ni ngas kyang dus ngan pa'i rgyal po des byas pa'i sha glan par bya'o snyam du bsams nas bdag nyid mi snang bar byas te/ rgyal po'i pho brang du song nas/ des rgyal po la mgo lcag gis gzhus te/ dus ngan pa'i rgyal po khyod la gdol pa de dag gis nyes
214a3 pa ci byas/rgyal po gtum po rab snang gis smras pa/ de dag gis nga'i a mra rnams med par byas so/ /gdol pa'i khye'us smras pa/ gal te skyes pa rnams kyis nyes su zin kyang bud med dang khye'u dang bu mo rnams kyis nyes pa ci byas/ da ni rgyal po 'chal ba khyod
214a4 bya ba ci yod pa dang don ci yod pa de byos shig /khyod gson pa'i dus zad de zhag bdun na 'chi dgos so zhes byas nas/ gdol pa'i khye'u de nyin gcig bzhin rgyal po'i pho brang du 'gro ste rgyal po la rdeg cing 'di skad du/ che ge mo'i nyin par khyod med par bya'o zhes
214a5 kyang zer ro//de nas rgyal po gtum po rab snang 'jigs shing skrag nas/ blon po rnams kyis gsol pa/ lha mi bsnyengs su gsol/ bdag cag gis 'phags pa kA t+yA ya na la gsol pa gdab bo zhes smras nas/ blon po rnams tshe dang ldan pa kA t+yA ya na'i
214a6 thad du song nas smras pa/'phags pa rgyal po la mi ma yin pa rnams kyis gnod pa bgyid na de'i skyabs mdzad par gsol zhes byas so/ /de nas de thos ma thag tu 'phags pa kA t+yA ya nas/ gdol pa'i khye'u de'i rig sngags de ci nas phyin chad mi snang bar byed mi
214a7 nus par byas so//de nas des bsams pa/ bdag gi rig sngags su zhig gis ma rung bar byas zhig gu snyam nas/ blon po de rnams la dris pa/ kye rgyal po mi ma yin pa'i 'jigs pa de las su zhig gis skyabs byas blon po rnams kyis smras pa/ 'phags
214b1 pa kA t+yA ya nas byas so//de nas thos ma thag tu gdol pa'i khye'u de/ tshe dang ldan pa kA t+yA ya na ga la ba der song nas smras pa/ btsun pa khyod kyis ci'i slad du bdag gis rig sngags rengs par mdzad/ kA t+yA ya nas smras pa/ bu 'dug shig dang khyod la rgyas par bsnyad par
214b2 bya'o//de nas gdol pa'i khye'u des/ 'phags pa kA t+yA ya na'i rkang pa la phyag 'tshal nas mdun du 'dug go/ /de nas tshe dang ldan pa kA t+yA ya nas/ de la mthar gyis de dang 'thun pa'i chos bstan te/ des na gdol pa'i khye'u des stan de kho na la 'dug bzhin du
214b3 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/des bden pa mthong nas stan las langs te bla gos phrag pa gcig tu gzar nas/ tshe dang ldan pa kA t+yA ya na ga la ba de logs su thal mo
214b4 sbyar ba btud de/tshe dang ldan pa kA t+yA ya na la 'di skad ces smras so/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod
214b5 pa spyad par 'tshal lo//de nas tshe dang ldan pa kA t+yA ya nas de rab tu byung ste bsnyen par rdzogs par byas nas de la lung yang phog go/ /des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom
214b6 pa khams gsum pa'i 'dod chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par
214b7 shes pa dang so so yang dag par rig pa thob pa/srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas blon po de dag gis thos nas rgyal po
215a1 gtum po rab snang la gsol pa/lha khyod gang gis 'jigs shing skrag par gyur pa de ni 'phags pa kA t+yA ya nas rab tu phyung lags so/ /de nas de thos ma thag tu rgyal po de yid dga' bar gyur nas/ kA t+yA ya na ga la ba der song ste phyin nas/ 'phags
215a2 pa kA t+yA ya na'i rkang pa la phyag 'tshal te smras pa/'phags pa ni bdag la dka' ba mdzad pa dang / srog phangs pa stsol ba lags kyis/ dge slong gi dge 'dun dang thabs cig tu bdag gi khyim du dgung bdun bshos gsol bar ci gnang / kA t+yA ya nas smras pa/
215a3 lha gyen du rgyal 'di nyid na bcom ldan 'das bzhugs kyis/ bcom ldan 'das spyan drongs shig ces byas so/ /de nas de thos ma thag tu rgyal po de bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te chos mnyan
215a4 pa'i phyir spyan sngar 'dug go//de nas bcom ldan 'das kyis/ de la chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas cang mi gsung bar bzhugs so/ /de nas
215a5 rgyal po gtum po rab snang gis bcom ldan 'das kyi gtam mjug rdzogs par rig nas/stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /
215a6 'phags pa kA t+yA ya na'i slad du/ dge slong gi dge 'dun dang thabs cig tu bdag gi khyim du dgung bdun bshos gsol bar ci gnang / de nas bcom ldan 'das kyis rgyal po gtum po rab snang la cang mi gsung bas gnang ngo / /de nas cang mi gsung bas
215a7 gnang bar rig nas rgyal po gtum po rab snang bcom ldan 'das kyis bka' stsal pa la mngon par bstod cing rjes su yi rangs nas/bcom ldan 'das kyi zhabs la mgo bos phyag 'tshal nas bcom ldan 'das kyi thad nas song ngo / /de nas des pho brang gi nang du
215b1 sangs rgyas la sogs pa dge slong gi dge 'dun zhag bdun gyi bar du bshos gsol nas/tha ma'i nyin par sangs rgyas la sogs pa dge slong gi dge 'dun la/ zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo/ /dge
215b2 slong gzhan rnams la ni re re la ras bcos bu zung re phul lo//de nas bcom ldan 'das kyis rgyal po gtum po rab snang la chos kyi gtam gyis yang dag par bstan yang dag par 'dzin du bcug /yang dag par gzengs bstod yang dag par dga' bar mdzad nas
215b3 gdan las bzhengs te gshegs so//de nas dge slong rnams kyis bcom ldan 'das la zhus pa/ btsun pa gdol pa'i khye'u 'dis las ci zhig bgyis na/ las de'i rnam par smin pas bcom ldan 'das mnyes par bgyis te mi mnyes par ma bgyis la/ bcom
215b4 ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis lags/bcom ldan 'das kyis bka' stsal pa/ dge slong dag 'di nyid kyis las 'di byas shing bsags te/ dge slong dag sngon byung ba 'das pa'i
215b5 dus na/'di nas bskal pa dgu bcu rtsa gcig pa na skye dgu'i tshe lo brgyad khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha
215b6 dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/de gang gi tshe sangs rgyas kyi phrin las thams cad mdzad nas/ shing zad pa'i me bzhin du phung po lhag ma med pa'i mya ngan las 'das pa'i dbyings su yongs su mya
215b7 ngan las 'das so//de nas rgyal po mnyan yod kyis sa phyogs go skabs yangs pa zhig tu 'byor pa chen po dang ldan pas/ spos kyi shing rnams spungs nas de'i ring bsrel zhugs la bzhen to/ /de nas de'i sku gdung rnams gzhan gyis mi khyer bar bya ba'i phyir/ sku
216a1 gdung bzhugs pa de nas thag mi ring ba zhig na gdol pa dag cig srungs mar bskos te/gdol pa de dag sa phyogs der nyal ba las gdol pa zhig stag gis khyer nas/ gdol pa gzhan zhig 'jigs shing skrag ste/ sangs rgyas la phyag 'tshal
216a2 lo zhes brjod nas/de sangs rgyas kyi mthus lha rnams kyis skyabs byas so/ /de nas gang gi tshe der rgyal po mnyan yod kyis yang dag par rdzogs pa'i sangs rgyas rnam par gzigs kyi sku gdung gi mchod rten brtsigs te/ rnam pa thams cad yongs su rdzogs par byas
216a3 nas/dus ston gyi lugs su gtod pa de'i tshe gdol pa de'i blo skyes pa/ bdag gson por gyur pa ni ci yang rung ste/ sangs rgyas bcom ldan 'das kyi mthu yin no snyam du rig nas/ des mchod rten de la bkur sti chen po byas te smon lam btab pa/ kye ma dge ba'i
216a4 rtsa ba 'dis na/'di kho na dang 'dra ba'i ston pa mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong
216a5 dag ji snyam du sems/de'i tshe gdol par gyur pa gang yin pa de ni gdol pa'i khye'u 'di kho na yin te/ des mchod rten de la bkur sti byas nas smon lam btab pa des na/ dge slong dag nga yang dag par rdzogs pa'i sangs rgyas rnam par gzigs dang / shin tu
216a6 mnyam pa dang /shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon
216a7 sum du byas so//gzhan yang yang dag par rdzogs pa'i sangs rgyas 'od srung gi bstan pa la rab tu byung ste/ dge slong 'thab krol can kha mi mkhas pa zhig tu gyur nas/ des der dge slong mang po dag la khros te/ gdol pa zhes bya ba'i tshig brjod nas phyi zhig na
216b1 de 'gyod pa skyes te/des dge slong de dag la bzod pa gsol nas/ tshe gcig tu tshangs par spyod pa spyad kyang yon tan gyi tshogs ci yang ma thob ste 'chi kar smon lam btab pa/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang
216b2 yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces
216b3 byas so//dge slong dag ji snyam du sems/ de'i tshe yang dag par rdzogs pa'i sangs rgyas 'od srung gi bstan pa la rab tu byung ba'i dge slong gang yin pa de ni gdol pa'i khye'u 'di kho na yin te/ des der dge slong mang po la gdol pa zhes bya ba'i tshig brjod pa'i
216b4 las de'i rnam par smin pas ni/tshe rabs lnga brgyar gdol pa'i rigs su skyes so/ /des tshe gcig tu tshangs par spyod pa spyad nas 'chi kar smon lam btab ste/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang
216b5 yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig ces byas
216b6 pa'i las de'i rnam par smin pas ni/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes
216b7 par ma byas la nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //rab bzang zhes bya ba ni/ rgyal po zas gtsang gi kha lo pa rab bzang zhes bya ba zhig yod de/ des thabs zlar bab pa las
217a1 chung ma blangs nas/de de dang lhan cig tu rtse zhing dga' la dga' mgur spyod kyang de la bu med de/ bu 'dod pa'i phyir lha gu lang dang / chu lha dang / ku be ra dang / brgya byin dang / tshangs pa la sogs pa dang / kun dga' ra ba'i lha dang / nags tshal
217a2 gyi lha dang /lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa dang / chos 'thun pa dang rtag tu phyi bzhin 'brang ba'i lha rnams la yang gsol ba 'debs te/ de de ltar gsol ba 'debs pa lhur len du zin kyang bu yang
217a3 ma byung bu mo yang ma byung ngo //der gang gi tshe byang chub sems dpa' sku bltam pa de'i tshe/ mtshan mkhan rnams kyis lung bstan pa/ gal te khyim na gnas na ni 'khor los sgyur ba'i rgyal por 'gyur ro/ /gal te skra dang kha spu bregs te/ chos gos tshon
217a4 can dag bgos nas yang dag pa'i dad pa kho nas khyim nas khyim med par rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas grags pa dang ldan par 'gyur ro zhes lung bstan nas tshig de kha lo ba rab bzang gis thos
217a5 nas/thos ma thag tu de sdug bsngal chen po skyes te/ gal te bdag gi bu zhig yod na ni de gzhon nu'i kha lo par 'gyur te/ de lta na kha lo pa rabs chad par mi 'gyur zhig gu snyam du bsams nas/ lhag par yang lha so so la gsol ba 'debs pa la
217a6 zhugs so//de'i tshe der byang chub sems dpas rgan po dang nad pa dang shi ba mthong nas nags kyi nang du gnas bcas te/ de der song nas lo drug gi bar du dka' ba spyad de/ de der lo drug gi bar du dka' ba spyad nas se ri ka'i grong mi'i bu mo dga' mo dang dga'
217a7 stobs las 'o ma lan bcu drug tu nying gur byas pa'i 'o thug sbrang rtsi dang sbyar ba bzhes so//de nas rtswa 'tshong bkra shis ldan las rtswa bzhes so/ /de nas klu'i rgyal po nag pos mngon par bstod cing byang chub kyi snying por gshegs te/ nyid kyis rtswa rnams ma 'khrugs
217b1 par bting nas/skyil mo krung bcas te bzhugs nas/ nam bla na med pa'i ye shes ma thob kyi bar du skyil mo krung mi bshig go zhes thugs dam brtan por bsams so/ /des der bdud kyi 'khor 'byung po bye ba phrag sum cu rtsa drug bcom nas/ bla na med pa yang dag
217b2 par rdzogs pa'i ye shes brnyes so//de nas tshangs pas bskul nas bA rA Na sIr lan gsum du bzlas te/ rnam pa bcu gnyis su chos kyi 'khor lo tshul bzhin bskor te lnga sde rnams rab tu phyung ngo / /de nas nye ba'i lnga sde rnams dang bzang sde'i pha tshan pa drug cu dang grong gi
217b3 byis pa gtso bo'i mchog lnga bcu dang dga' mo dang dga' stobs spun gnyis bden pa la bkod nas/lteng rgyas 'od srung dang chu klung 'od srung spun gnyis rab tu phyung ste ga yAr gshegs nas/ cho 'phrul rnam pa gsum gyis btul te smyig ma'i nags khrod du gshegs nas
217b4 rgyal po gzugs can snying po lha brgyad khri dang yul ma ga d+hA'i bram ze dang /khyim bdag stong phrag du ma dang lhan cig tu bden pa la bkod do/ /de nas rgyal po'i khab tu gshegs te/ 'od ma'i tshal bzhes nas dge slong shA ri'i bu dang maud gal gyi bu gnyis rab tu
217b5 phyung ste mnyan du yod par gshegs nas/rgyal po gsal rgyal gzhon nu lta bu'i mdo sdes btul te/ rgyal bu rgyal byed kyi tshal bzhes nas ser skya'i gnas su gshegs te/ yab sras mjal nas ser skya'i gnas su rten bcas te/ gdul bar bya ba rnams kyi don
217b6 mdzad cing bzhugs so//de nas kha lo pa rab bzang gi sems skyes pa/ bdag ni da ltar bu med de bdag shi ste dus las 'das na ni/ ci bdog pa thams cad rgyal po dbang byed par 'gyur gyis/ ma la bdag gis 'jig rten pha rol tu bskya bar bya'o snyam nas/
217b7 des phyi de nyin sangs rgyas la sogs pa dge slong gi dge 'dun bshos la spyan drangs te/ rang gi lag nas bza' ba dang bca' ba gtsang ma bzang po mang pos tshim par byas te ci bzhed pa bstabs nas/ bstsang sder ni gyu phyag ni bcabs par rig nas/ stan ches
218a1 dma' ba zhig blangs te chos mnyan pa'i phyir spyan sngar 'dug go//de nas bcom ldan 'das kyis de la chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad de/
218a2 chos kyi gtam rnam grangs du mas yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas/ cang mi gsung bar bzhugs so/ /de nas kha lo pa rab bzang gis bcom ldan 'das kyi gtam gyi
218a3 mjug rdzogs par rig nas bcom ldan 'das la 'di skad ces gsol to//btsun pa 'di ni bdag gi yun ring po'i ston pa lags te/ kye ma bdag la bu zhig skyes na ni/ ji ltar bdag rgyal po zas gtsang gi kha lo pa 'tshal ba de bzhin du/ de yang gzhon
218a4 nu'i kha lo par 'gyur ba zhig na/da ni bcom ldan 'das la rab tu phyung ste/ de ltar gyur gyis kyang gal te da dung yang bdag gi bu zhig byung na ni/ bcom ldan 'das kyi zhabs 'bring du dbul bar 'tshal lo/ /de nas bcom ldan 'das kyis ma 'ongs pa'i yon tan gzigs
218a5 nas bka' stsal pa/khong dge ba rnams ni dam bcas pa la brtan pa yin no zhes gsungs nas/ de'i khyim nas bcom ldan 'das slar gshegs so/ /de nas phyi zhig na kha lo pa rab bzang gi chung ma la bu chags nas/ de zla ba dgu'am bcu lon pa dang bu btsas te
218a6 khye'u gzugs bzang zhing blta na sdug la mdzes pa zhig btsas nas de'i btsas ston rgyas par byas te/khye'u 'di'i ming ji skad gdags zhes ming 'dogs par byed de/ khye'u 'di rab bzang gi bu yin pas na/ khye'u 'di'i ming bzang po zhes gdags so zer ro/ /de
218a7 nas khye'u bzang po 'o ma dang /zho dang / mar dang / zhun mar dang / mar gyi nying gu rnams kyis bskyed bsrings nas de mtsho'i nang gi pad ma bzhin du skye drag par gyur to/ /de nas de dag gang gi tshe cher skyes pa de'i tshe/ yi ge dang / khong rtsis dang / shod dgod pa
218b1 dang /lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge
218b2 mkhas pa dang /klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to/ /de nas phyi zhig na/ bcom ldan 'das kyis khye'u de rab tu 'byung ba'i dus la bab par gzigs nas/ kha
218b3 lo pa rab bzang la bka' stsal pa rab bzang khye'u 'di ni ma btsas pa'i snga rol nas khyod kyis nga la phul te/khong dge ba rnams ni dam bcas pa la brtan pa yin na de kho na ltar dam ma bcas sam/ rab bzang gis gsol pa/ bcom ldan 'das de kho na ltar dam bcas
218b4 lags so zhes gsol nas/rab bzang gis khye'u de lag pa gnyis kyis bzung ste/ bcom ldan 'das la phul nas/ smras pa bu khyod ma btsas pa'i snga rol nas ngas bcom ldan 'das la phul gyis/ song la bcom ldan 'das kyi zhabs 'bring gyis shig /khye'us
218b5 smras pa/de ni bdag la phan btags pa lags so zhes smras nas/ khye'u de bcom ldan 'das kyi phyi bzhin song ngo / /de nas bcom ldan 'das kyis kha lo pa rab bzang la chos kyi gtam gyis yang dag par bstan/ yang dag par 'dzin du bcug /yang dag par gzengs
218b6 bstod/yang dag par dga' bar mdzad nas/ bcom ldan 'das kyis khye'u de khrid de gtsug lag khang du gshegs so/ /de der khrid nas/ rab tu phyung ste bsnyen par rdzogs par mdzad nas de la lung yang phog go/ /des kyang brtson pa dang bsgrub pa dang 'bad pas
218b7 nyon mongs pa thams cad spangs nas dgra bcom pa nyid mngon sum du byas te/des dgra bcom pa nyid thob nas bsams pa/ bcom ldan 'das ni bdag gi sdug bsngal dang yid mi bde ba mang po sel bar mdzad pa dang bde ba dang yid bde ba rnam pa du ma sgrub par
219a1 mdzad pa dang /sdig pa mi dge ba'i chos rnam pa du ma sel bar mdzad pa dang / dge ba'i chos rnam pa du ma sgrub par mdzad pa yin na bdag gis bcom ldan 'das kyi bka' drin ji ltar bsab par bya snyam ste/ des bsams pa sangs rgyas rnams 'jig
219a2 rten du 'byung ba gang yang rung ba de dag thams cad ni/sems can la phan pa'i phyir 'byung bar zad kyi/ ma la bdag gis kyang sems can gyi don bya'o snyam ste bdag gis 'dul bar 'gyur ba lta 'ga' mchis sam zhes bsams te/ des bltas na thog ma kho nar
219a3 pha ma gnyis 'dul bar 'gyur bar rig nas de gtsug lag khang nas mi snang bar gyur te/bdag gi khyim du pha ma gnyis kyi mdun nas sa brtol te byung nas de ngang pa'i rgyal po 'dab ma brkyang ba ltar steng gi nam mkha' la 'phags nas/ pha ma gnyis kyi mdun du 'bar ba dang
219a4 lam mer 'dug pa dang char 'bab pa dang glog 'gyu ba'i cho 'phrul rnams bstan nas sa la babs te/des pha ma gnyis kyi bsam pa dang bag la nyal dang khams dang shes pa dang rang bzhin rtogs nas de dang 'thun pa'i chos bstan te/ de thos nas pha ma gnyis stan de kho na
219a5 la 'dug bzhin du/'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de gnyis kyis bden pa mthong nas smras pa/ bu bdag cag gnyis kyang khyim na gnas pa btang la/ khyod
219a6 rab tu byung ba'i rjes su rab tu 'byung bar bya'o//bzang pos smras pa/ khyed gnyis ji ltar dga' ba de bzhin du bgyi'o zhes byas nas/ tshe dang ldan pa bzang po de gnyis kyi khyim nas phyir song ngo / /de nas de'i pha ma gnyis kyis khyim gyi 'khor btang ste/ sbyin
219a7 pa dag sbyin zhing bsod nams dag byas te/bcom ldan 'das kyi bstan pa la rab tu byung nas brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas so/ /de nas dge slong rnams kyis sangs rgyas bcom ldan
219b1 'das la zhus pa/btsun pa bzang pos las ci bgyis na las de'i rnam par smin pas phyug cing nor mang la longs spyod che ba'i rigs su skyes te/ gzugs bzang zhing blta na sdug la mdzes par gyur nas/ bcom ldan 'das kyang mnyes par bgyis te/ mi
219b2 mnyes par ma bgyis/bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis lags/ de'i pha ma gnyis kyis kyang las ci bgyis na las de'i rnam par smin pas 'di kho na las brten nas/ bcom
219b3 ldan 'das mnyes par bgyis te mi mnyes par ma bgyis/bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to/ /
219b4 gsol pa/ btsun pa 'di rnams kyis smon lam gang du btab pa lags/ bka' stsal pa/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas rig pa dang zhabs su
219b5 ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ de gang gi tshe sangs rgyas kyi phrin las thams cad
219b6 mdzad nas shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so//de nas rgyal po mdzes pas bcom ldan 'das kyi sku gdung la sku gdung gi mchod pa byas nas/ rin po che sna bzhi las byas pa'i mchod
219b7 rten kho ra khor yug tu dpag tshad gcig yod la 'phang du rgyang grags gcig yod pa zhig brtsig par brtsams te/des der blon po ma dad pa zhig lag dpon du bskos nas/ blon po des bu de la smras pa bu ngas ni rgyal po'i bsgrub pa dang rgyal po'i bya ba dag bya dgos te/
220a1 ngas gnyi ga lag gis mi khyab pa'i steng du/ 'di 'ba' zhig la 'tshal na bdag gis rgyal po'i pho brang du bya ba rnams shor bar 'gyur gyis/ khyod kyis 'dir mchod rten gyi lag gi zhal ta gyis shig dang ngas rgyal po'i zhabs 'bring bya'o/ /khye'us
220a2 smras pa/yab ji ltar dgyes pa de bzhin du bgyi'o zhes byas nas de de na mchod rten gyi lag gi zhal ta byed cing 'dug ste/ de der las byed pa la zhugs so/ /de de na las byed pa na sangs rgyas 'khor ba 'jig gi bstan pa la dad pa rnyed nas skyabs su 'gro ba dang bslab pa'i
220a3 gzhi rnams blangs so//des der pha ma gnyis kyang dad pa phun sum tshogs pa la bkod de/ skyabs su 'gro ba dang bslab pa'i gzhi rnams la yang bkod do/ /der gang gi tshe rgyal po mdzes pas mchod rten de rnam pa thams cad du zin par byas nas mchod pa chen po
220a4 byas te/mchod rten gyi dus ston gyi lugs gtod pa de'i tshe/ blon po de gza' bran dang blon po'i bu des mchod rten de rnam pa thams cad du yongs su rdzogs par mthong nas mchog tu dga' bar gyur te/ mchog tu dga' bar gyur nas de dag gis mchod rten de la bkur
220a5 sti chen po byas te/blon po'i bu des mchod rten gyi zhabs la phyag 'tshal nas smon lam btab pa/ kye ma dge ba'i rtsa ba 'dis na bdag gang dang gang du skyes pa de dang der phyug cing nor mang la longs spyod che ba'i rigs su skye bar shog cig /gzugs bzang zhing blta na
220a6 sdug la mdzes par gyur cig /ston pa 'di 'dra ba mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par shog cig ces byas so/ /
220a7 de nas pha ma gnyis kyis de mthong nas/ bu khyod kyis smon lam ji skad btab ces dris pa dang / des de gnyis la thams cad rgyas par bsnyad nas/ de thos ma thag tu de gnyis kyis kyang smon lam btab ste/ kye ma dge ba'i rtsa ba 'dis na bdag cag gnyis kyang gang
220b1 dang gang du skye ba de dang der phyug cing nor mang la longs spyod che ba'i rigs su skye bar shog cig /'di nyid bdag cag gi bur gyur nas 'di kho na las brten te/ bdag cag gnyis kyis ston pa 'di 'dra ba mnyes par byed par gyur cig /mi mnyes par byed par ma gyur
220b2 cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par shog cig ces byas so/ /dge slong dag ji snyam du sems/ de'i tshe blon po'i bur gyur pa gang yin pa de ni bzang po 'di kho na yin no/ /
220b3 de'i tshe pha mar gyur pa gang yin pa de gnyis ni pha ma 'di gnyis kho na yin no/ /des mchod rten de la bkur sti byas nas smon lam btab pa'i las de'i rnam par smin pas ni/ gang dang gang du skyes pa de dang der phyug cing nor mang la longs spyod che ba'i rigs su skyes te/ dge
220b4 slong dag nga yang dag par rdzogs pa'i sangs rgyas 'khor ba 'jig dang shin tu mnyam pa dang /shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te mi mnyes par ma byas la/ nga nyid kyi bstan pa
220b5 la rab tu byung nas nyon mongs pa thams cad spangs te dgra bcom pa nyid mngon sum du byas so//der pha ma de gnyis kyis mchod rten de la bkur sti byas nas smon lam btab pa'i las de'i rnam par smin pas ni gang dang gang du skyes pa de dang der phyug cing nor mang la longs
220b6 spyod che ba'i rigs su skyes nas/bu 'di kho na las brten te 'di gnyis kyis nga mnyes par byas te/ mi mnyes par ma byas pa la nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so/ /gzhan yang yang dag
220b7 par rdzogs pa'i sangs rgyas 'od srung gi bstan pa la yang 'di gsum char rab tu byung ste/der 'di rnams kyis tshe gcig tu tshangs par spyod pa spyad nas dbang po yongs su smin par byas te des na da ltar rnam par grol bar gyur to// //las brgya tham pa/ bam po bcu dgu
221a1 pa/lhar bcas zhes bya ba ni/ yul ser skya'i gnas na rgyal po seng ge 'gram zhes bya ba ni rgyal po byed do/ /yul lha mthong zhes bya ba na ni rgyal po legs rtogs rgyal po byed de/ de gnyis mdza' zhing bshes la gcugs par gyur to/ /de nas rgyal
221a2 po seng ge 'gram yid smon byed pa/kye ma bdag gi rgyud du 'khor los sgyur ba'i rgyal po byung na ci ma rung snyam mo/ /de nas mthar gyis de'i bu bzhi byung ste/ zas gtsang dang bre bo zas dang bdud rtsi zas dang zas dkar rnams byung ngo / /bu mo yang bzhi byung ste/ dag
221a3 ma dang /bre mo ma dang / bdud rtsi ma dang / dkar mo rnams byung ngo / /de nas rgyal po legs rtogs yid smon byed pa/ kye ma bdag seng ge 'gram dang gnyen du gyur kyang ci ma rung snyam mo/ /de nas de yang btsun mo dang lhan cig tu rtse zhing dga' la dga' mgur spyod
221a4 pa las bu btsas te de'i ming lhar bcas zhes btags so//de nas de gang gi tshe cher skyes pa de'i tshe khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang las kyi gnas tha dad pa 'di lta ste/ glang po che zhon pa dang / rta zhon
221a5 pa dang /mtshon cha bcang ba dang / 'phong dang mdun du bsnur ba dang / phyir bsnur ba dang / g.yul las 'byung bar bya ba dang / lcags kyu gzung ba dang / zhags pa gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab
221a6 pa dang /'khor lo 'phang ba dang / gcad pa dang / gsheg pa dang / lag pas gzung ba dang / rkang pa'i stabs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang gdon mi za bar phog par bya ba dang
221a7 tshabs cher gtang ba rnams kyang bslabs nas gnas lnga la byang bar gyur te de 'dra ba'i zla gzhan med do//de nas phyi zhig na rgyal po legs rtogs la bu mo gnyis byung ste/ de la gcig gi ming ni sgyu 'phrul zhes btags so/ /gcig gi ming ni sgyu 'phrul chen mo zhes btags te/
221b1 de gnyis bram ze mtshan mkhan bye brag phyed pa rnams kyis lung bstan pa/ gcig la ni 'khor los sgyur ba'i rgyal po btsa' bar 'gyur ro/ /cig shos la ni gzhon nu mtshan dang ldan pa btsa' bar 'gyur ro/ /zhes lung bstan to/ /de nas rgyal po seng ge 'gram gyis thos nas
221b2 de gnyis zas gtsang gi btsun mor blangs so//de nas phyi zhig na byang chub sems dpa' lha'i ris dga' ldan gyi gnas nas shi 'phos nas yum gyi lhums su zhugs te/ de zla ba dgu'am bcu lon pa dang sras bltam ste/ de gang gi tshe cher skyes pa de'i tshe yi ge slob tu bcug
221b3 nas de yi ge mthar phyin par gyur to//bstan bcos thams cad kyang des rtogs so/ /gar dang glu dang rol mo'i sgra thams cad la yang mthar phyin to/ /de nas rgyal po zas gtsang gis bsams pa/ da ni gzhon nu la 'phong bslab dgos so snyam nas shAkya rnams la dris
221b4 pa/'di na 'phong gi slob dpon gyi mchog su yod su la bslabs na gzhon nu 'phong lobs par 'gyur zhes smras so/ /shAkya rnams kyis smras pa/ lha 'phong gi slob dpon gzhan lta zhog ste/ rgyal po legs rtogs kyi bu lhar bcas zhes bgyi ba 'phong gi slob dpon
221b5 gyi mchog cig mchis te/de 'dra ba'i zla gzhan ma mchis so/ /de nas de thos ma thag tu rgyal po zas gtsang gis lhar bcas pho nyas bkug nas smras pa/ lhar bcas khyod kyis gzhon nu 'di la 'phong slobs shig /lhar bcas kyis smras pa/ ji ltar lhas dgongs
221b6 pa bzhin du bgyi'o zhes byas nas de gzhon nu 'phong slob pa la zhugs te//des byang chub sems dpa' la ci bya'o cog bstan nas thams cad lobs so/ /byang chub sems dpas kyang gang la lhar bcas kyi yul ma yin pa'i thabs gzhan dag bstan to/ /de nas lhar bcas
221b7 kyis byang chub sems dpa'i brtson pa dang sngon ma byung ba'i thabs rnams mthong nas ngo mtshar du gyur te/des 'phong gi thabs de dag gi slob ma byas nas byang chub sems dpa' las bslabs so/ /des gang gi tshe byang chub sems dpas rgan po dang nad pa dang shi ba mthong nas/
222a1 nags kyi nang du gnas bcas pa de'i tshe/ lhar bcas ni yangs pa can du song nas de na 'dug pa dang yangs pa can gyi mi rnams kyis de la gzhon nu lnga brgya gtad de/ khyod kyis gzhon nu 'di rnams gnas lnga po rnams slobs shig ces byas nas/
222a2 des ring po ma thogs par gzhon nu lnga brgya po rnams la 'phong bslabs te/ de dag gnas lnga'i mthar phyin par gyur to/ /de nas de dag 'di lta bu'i rgyags pa skyes te/ su yang bdag cag las gzugs dang stobs dang shes pas mtshungs pa yang med na lhag pa lta ci
222a3 smos snyam mo//de nas de dag la lhar bcas kyis smras pa/ bu dag rgyags par ma byed cig /khyod ni shAkya dag gi nang du gzhon nu skyes pa de'i rkang pa'i rdul dang yang mi mtshungs na/ byad gzugs sam stobs sam shes pas mnyam pa lta ci smos zhes byas so/ /de
222a4 nas de thos ma thag tu gzhon nu de dag lta 'dod par gyur te/bdag cag dong la gzhon nu de blta bar bya'o zhes zer to/ /de nas lhar bcas kyis smras pa/ gzhon nu des ni nags kyi nang du gnas bcas te/ da khyod kyis de mthong bar mi 'gyur ro zhes byas so/ /de nas
222a5 de'i bar skabs su bcom ldan 'das gdul bar bya ba'i don mdzad cing /mthar gyis yangs pa can du gshegs so/ /de nas lhar bcas kyis de thos nas gzhon nu de dag la sbran te/ de thos ma thag tu gzhon nu lnga brgya po de dag lta 'dod ches nas/ lhar bcas dang lhan cig
222a6 tu bcom ldan 'das ga la ba der dong nas/gzhon nu lnga brgya po de dag gis bcom ldan 'das mdzes shing yid du 'thad la dbang po zhi ba thugs zhi ba thugs mchog tu dul ba dang rnam par zhi ba dang ldan pa gser gyi mchod sdong ltar dpal dang gzi brjid 'bar ba mthong ngo / /
222a7 mthong nas kyang de dag gi gzugs kyi rgyags pa gang yin pa de dag med par gyur te/ de rnams kyis bsams pa/ 'di bdag cag las byad gzugs kyis ni ches lhag mod kyi stobs kyis ni de lta ma yin no snyam du bsams nas/ bcom ldan 'das ga la ba der dong
222b1 ste lhags nas/bcom ldan 'das kyi zhabs la mgo bos phyag 'tshal te spyan sngar 'khod do/ /de nas bcom ldan 'das kyis dgongs pa/ 'di rnams kyi nga rgyal bcag dgos so snyam du dgongs nas/ de nas bcom ldan 'das kyis 'jig rten pa'i dgongs pa bskyed
222b2 de/kye ma lha'i dbang po brgya byin gyis mda' gzhu blangs te nga la ltar 'ongs na legs so snyam du dgongs nas/ bcom ldan 'das kyis dgongs pa bskyed pa'i mod la/ lha'i dbang po brgya byin gyis mda' gzhu blangs te/ bcom ldan 'das ga la ba der 'ongs so/ /
222b3 de nas bcom ldan 'das kyis gzhon nu de dag gi nga rgyal bcag pa'i phyir/ rang bzhin gyi sku mi snang bar mdzad de lha'i lus lta bur sprul nas/ gzhon nu de dag dang thag mi ring ba zhig tu lcags kyi ta la bdun dang / 'khor lo bdun dang / rnga bo che bdun dang / phag bdun
222b4 sprul nas/bcom ldan 'das kyis gzhon nu de dag la bka' stsal pa/ bu dag khyed kyis mda' gzhu 'di long la 'ben 'di la mda' 'phongs shig ces gsungs nas de thos ma thag tu gzhon nu de dag gis gzhu blangs te bdung zhes byas na/ bdung yang ma nus nas bcom
222b5 ldan 'das kyis bde blag tu bdungs te/mda' yang blangs nas mda' de 'ben de dag la 'phangs te/ des lcags kyi ta la bdun dang / 'khor lo bdun dang / rnga bo che bdun dang / phag bdun las thal nas mda' de sa'i 'og tu song ngo / /de nas de mthong ma thag tu
222b6 gzhon nu de dag gi stobs kyis rgyags par gyur pa gang yin pa de yang med par gyur to//bcom ldan 'das la yang dga' bar gyur te/ bcom ldan 'das kyis de dag yid dga' bar gyur par thugs su chud nas/ de dang 'thun pa'i chos bstan te/ de nas gzhon nu
222b7 lnga brgya po de dag gis stan de kho na la 'khod bzhin du 'jig tshogs la lta ba'i ri'i rtsa mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/de dag gis bden pa mthong nas/ stan las langs te bla gos phrag pa gcig tu gzar
223a1 nas bcom ldan 'das ga la ba de logs su thal mo sbyar ba btud de/bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu
223a2 rung na/bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas de dag la bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas de dag la lung yang phog go/ /de dag gis
223a3 kyang brtson pa dang bsgrub pa dang 'bad pas nyon mongs pa thams cad spangs nas/dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil
223a4 du 'dra ba'i sems dang ldan pa/tsan dan sbangs pa lta bur bsil bar gyur pa/ rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa srid pa'i rnyed pa dang chags pa dang bkur sti la mi lta ba dbang po dang nye dbang dang bcas
223a5 pa'i lha rnams kyis mchod cing rjed pa dang gus par smra ba'i gnas su gyur to//de nas dge slong rnams kyis bcom ldan 'das la gsol pa/ btsun pa bcom ldan 'das kyis gzhon nu lnga brgya po rnams lhar bcas las brten te/ nga rgyal bcag nas g.yung drung gi
223a6 mthar phyin pa dang /grub pa dang bde ba'i mya ngan las 'das pa la gzhag pa gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di rnams lhar bcas las brten te/ dregs pa bcom nas/ bsam gtan
223a7 bzhi dang mngon par shes pa lnga la bkod pa de nyon cig /dge slong dag sngon byung ba 'das pa'i dus na grong khyer tsam pa zhes bya ba na/ rgyal po gang chen mtsho'i lha zhes bya ba rgyal po byed de/ phyi zhig na de'i btsun mo la bu chags nas/ de zla ba dgu'am zla ba bcu lon
223b1 pa dang bu gzugs bzang zhing blta na sdug la mdzes pa tshan po che'i stobs dang ldan pa zhig btsas te/de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di gang chen mtsho'i lha'i bu yin pas na khye'u 'di'i
223b2 ming rgya mtsho'i lha zhes gdags so zhes zer to//de nas khye'u rgya mtsho'i lha 'o ma dang zho dang mar dang zhun mar dang mar gyi nying gu rnams kyis bskyed bsrings te/ de gang gi tshe cher skyes pa de'i tshe khye'u de yi ge slob tu bcug ste/ rgyal rigs spyi bo nas dbang bskur ba'i
223b3 rgyal po rnams kyis bzo'i gnas dang las kyi gnas tha dad pa 'di lta ste/glang po che zhon pa dang / rta zhon pa dang / mtshon cha bcang ba dang / 'phong ba dang / mdun du bsnur ba dang / phyir bsnur ba dang / g.yul las 'byung bar bya ba dang / lcags kyu gzung ba dang / zhags
223b4 pa gzung ba dang /mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcad pa dang / gsheg pa dang / lag pas gzung ba dang / rkang pa'i stabs dang / mgo bo bskyab pa dang / rgyang mar 'phang ba dang /
223b5 sgra grag par 'phang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas gnas lnga la byang bar gyur to/ /de nas des bltas na/ pha chos bzhin dang / chos bzhin ma yin par rgyal srid byed pa mthong nas
223b6 de'i blo skyes pa/pha 'das pa'i 'og tu bdag gis rgyal srid kyi dbang phyug la dbang bya dgos par 'gyur gyis/ bdag gis khyim na gnas pa btang la nags kyi nang du gnas bca' bar bya'o snyam du bsams nas/ yab la gsol te nags kyi nang du gnas bcas
223b7 so//des der song nas bsam gtan bzhi dang mngon par shes pa lnga bskyed do/ /de rab tu byung ba dang rgyal po'i blon po lnga brgya'i bu btsas nas/ de dag gang gi tshe cher skyes pa de'i tshe/ de dag yi ge slob tu bcug ste gnas lnga'i bar du byang bar gyur to/ /de dag blo
224a1 'di lta bu skyes te gzhan su yang byad gzugs dang stobs dang shes pas bdag cag dang mnyam pa yang med na lhag pa lta ci smos snyam mo//de nas 'phong gi slob dpon gyis de dag la smras pa/ bu dag de skad ma zer cig /khyod ni rgyal po 'di nyid kyi bu rab
224a2 nags kyi nang du gnas bcas pa de'i byad gzugs dang stobs dang shes pa'i brgya'i char yang mi phod stong gi char yang mi phod do zhes byas nas/de thos ma thag tu gzhon nu de dag drang srong de lta 'dod par gyur te/ 'phong gi slob dpon de nyid dang lhan cig tu drang srong de ga la ba der dong
224a3 nas/gzhon nu lnga brgya po de dag gis thag ring po zhig nas drang srong mdzes shing yid du 'thad la dbang po zhi zhing yid zhi ba de mthong ngo / /mthong nas kyang de dag gi gzugs kyi rgyags pa gang yin pa de med par gyur te/ de dag gis bsams pa/ bdag cag gi slob dpon gyis
224a4 'di'i byad gzugs mdzes pa dang yon tan rnams bsngags pa las/'di'i byad gzugs de kho na bzhin du gyur pa las na/ 'di'i yon tan rnams kyang de kho na bzhin du yod par nges kyis/ bdag cag khyim na gnas pa btang la 'di nyid kyi thad du tshangs par spyod par spyad
224a5 par bya'o snyam du bsams nas de nyid kyi thad du rab tu byung ste/de dag der rab tu byung nas bsam gtan bzhi dang mngon par shes pa lnga bskyed do/ /dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid
224a6 yin no//de'i tshe gzhon nu lnga brgyar gyur pa gang yin pa de dag ni 'di dag nyid yin no/ /de'i tshe 'phong gi slob dpon du gyur pa gang yin pa de ni lhar bcas 'di kho na yin te/ de'i tshe yang 'di rnams lhar bcas 'di kho na la brten te/ ngas dregs pa bcom nas bsam gtan
224a7 bzhi dang mngon par shes pa lnga la bkod do//da ltar yang 'di rnams lhar bcas kho na las brten te/ ngas g.yung drung gi mthar thug pa grub pa dang bde ba'i mya ngan las 'das pa la bkod do/ /gzhan yang yang dag par rdzogs pa'i sangs rgyas 'od srung gi gsung rab la 'di
224b1 dag thams cad rab tu byung ste/der 'di rnams kyis tshe gcig tu tshangs par spyod pa spyad nas 'chi kar smon lam btab pa/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis
224b2 mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par shog cig ces byas so/ /dge slong dag ji snyam du sems de'i tshe/ yang dag par
224b3 rdzogs pa'i sangs rgyas 'od srung gi gsung rab la rab tu byung ba'i dge slong lnga brgya po gang yin pa de dag ni/da ltar rab tu byung ba 'di dag nyid yin te/ de dag gis der rab tu byung nas tshe gcig gi bar du tshangs par spyod pa spyad nas 'chi kar smon lam btab ste/ yang dag
224b4 par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig /mi mnyes pa byed par ma gyur cig /de kho na'i bstan pa la rab tu byung nas nyon mongs pa thams
224b5 cad spangs te/dgra bcom pa nyid mngon sum du byed par shog cig ces byas pa des na/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur
224b6 nas/'di rnams kyis nga mnyes par byas te mi mnyes par ma byas la nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //glang zhes bya ba ni/ gleng gzhi mnyan du yod pa na bzhugs te/ de'i tshe
224b7 mnyan du yod pa na rgyal bu rgyal byed kyi tshal nas thag mi ring ba zhig na/ba lang gi khyu dag cig 'khod de/ der glang khyu mchog gnyis 'thabs nas gcig gis gcig brdungs nas gcig gi lto dral te/ de'i rgyu ma sa la lhung nas zla de la sdang ba'i sems skyes te sa la
225a1 sgyel to//sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba
225a2 lngar 'gro ba las rnam par grol ba/skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/
225a3 yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu/ sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod
225a4 pa dang ldan/su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag
225a5 nas drang bar bya/su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i
225a6 rtsa ba rnams yongs su smin zin pa las ye shes kyi mtshon gyis brtol bar bya/su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /
225a7 gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs pa/ gal te glang de da lta'i skabs su shi bar gyur na ni/ sems can dmyal bar 'gro bar 'gyur te/ 'di ngan song las dbyung ba'i dus la bab po snyam
225b1 du dgongs nas/bcom ldan 'das rgyal bu rgyal byed kyi tshal nas mi snang bar gyur te glang gi drung du gshegs nas/ bcom ldan 'das kyis glang de'i rgyu ma rnams phyir lto'i nang du bcug ste/ rma kha drubs nas rtswa dang chu yang byin te bka' stsal pa/ bzhin 'di
225b2 ltar 'du byed thams cad ni mi rtag go//chos thams cad ni bdag med do/ /mya ngan las 'das pa ni zhi ba'o/ /nga la sems dga' bar gyis shig dang dud 'gro'i skye gnas dang bral bar 'gyur yang srid do zhes bka' stsal to/ /de nas de bcom ldan 'das la sems
225b3 dga' bar gyur te/shi 'phos nas dus las 'das te mnyan du yod pa de nyid du tshong dpon zhig gi khyim du nying mtshams sbyar nas/ de zla ba dgu'am bcu lon pa dang khye'u gzugs bzang zhing blta na sdug la mdzes pa zhig btsas nas/ de'i btsas ston rgyas par byas
225b4 te/rigs dang 'thun par ming btags nas/ 'o ma dang zho dang mar dang zhun mar dang mar gyi nying gu rnams kyis bskyed bsrings te/ de gang gi tshe lo bdun lon par gyur pa de'i tshe/ des bcom ldan 'das kyi bstan pa la dad pa rnyed nas/ des pha ma gnyis la gsol
225b5 te rab tu byung nas/des lo bdun lon pa kho na nyid na brtson pa dang bsgrub pa dang 'bad pas nyon mongs pa thams cad spangs nas des dgra bcom pa nyid mngon sum du byas te des dgra bcom pa thob nas rdzu 'phrul gyis 'gro zhing / gnas gzhan dang gzhan dag nas lo ma'i
225b6 nang du me tog dang 'bras bu rnams bcug ste/khyer te 'ong zhing dge 'dun la 'bul bar byed do/ /de nas dge slong rnams kyis de mthong nas ya mtshan du gyur to/ /ya mtshan du gyur nas bcom ldan 'das la gsol pa/ btsun pa dge tshul pa 'dis lo bdun lon lags
225b7 na yon tan 'di lta bu rtogs pa la gzigs/de nas bcom ldan 'das kyis dge slong rnams la bka' stsal pa/ khyed kyis glang gi rgyu ma ngas ltor bcug nas chos tshig gsum bstan pa de mthong ngam/ gsol pa/ btsun pa mthong lags so/ /bka' stsal pa/
226a1 de nga la sems dga' bar byas nas shi 'phos te dus las 'das nas/ mnyan du yod pa 'di nyid du tshong dpon gyi khyim du skyes nas/ de nga'i bstan pa la rab tu byung ste/ lo bdun lon pa kho na na nyon mongs pa thams cad spangs nas dgra bcom pa nyid mngon sum
226a2 du byas so//gsol pa/ btsun pa dge tshul pha 'dis las ci zhig bgyis na las de'i rnam par smin pas glang du skyes lags las ci bgyis na las de'i rnam par smin pas/ de nas shi 'phos nas mir skyes la 'dis bcom ldan 'das mnyes par bgyis te/ mi mnyes
226a3 par ma bgyis nas skye dgu'i tshe lo brgya thub pa rnams pham par bgyis te/nyon mongs pa thams cad spangs nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di nyid kyis las de byas shing bsags te/
226a4 dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med
226a5 pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/de'i gsung rab la rab tu byung ste dge slong chu'i zhal ta byed par gyur te/ de dge 'dun la ril ba spyi blugs kyis chu 'drim pa las/ dge slong dgra bcom pa
226a6 gzhan zhig yengs par gyur te/de de dang thug nas chu'i zhal ta byed pa de'i ril ba lag nas shor te chag nas/ de khros pas/ dgra bcom pa de la smras pa/ 'di ni glang dir po bzhin du che zhing tshor phrig med pa zhig go zhes byas nas/ de'i tshig de dgra bcom pa des
226a7 thos nas des de phyogs gcig tu khrid de smras pa/btsun pa khyod bdag su yin pa dang nga su yin pa shes sam des smras pa/ ngas shes te/ khyod kyang rab tu byung ba yin la/ nga yang rab tu byung ba yin no/ /des smras pa/ 'o bu cag rab tu byung bar 'dra mod kyi/ khyod ni bcing
226b1 ba thams cad kyis bcings pa'i so so'i skye bo yin la/nga ni 'ching ba thams cad las grol ba yin na/ khyod kyis tshig rtsub po smras kyis/ nyes pa la nyes so zhes bshags par gyis shig /khyod 'khor ba na 'khor zhing mi sdug pa'i las kyi 'bras bu rnyed ta re zhes byas so/ /de nas
226b2 de thos ma thag tu dge slong de 'gyod pa chen po skyes te/des dge slong de'i rkang pa la phyag 'tshal nas bzod pa gsol te/ tshe gcig tu tshangs par spyod pa spyad nas 'chi kar smon lam btab pa bdag gis 'di 'dra ba'i yon gnas kyi mchog la tshig rtsub po smras pa'i las 'di ci nas kyang
226b3 bdag la smin par ma gyur cig /'di ltar bdag gis tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag
226b4 gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong dag ji snyam du sems/ de'i tshe chu'i zhal ta
226b5 byed par gyur pa gang yin pa de ni dge tshul pa 'di nyid yin te/des der khros nas dgra bcom pa de la tshig rtsub po smras pa'i las de'i rnam par smin pas tshe rabs lnga brgyar glang du skyes so/ /des der tshe gcig tu tshangs par spyod pa spyad nas 'chi kar smon lam btab ste/ yang dag
226b6 par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad
226b7 spangs te dgra bcom pa nyid mngon sum du byed par gyur cig ces byas pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas 'dis nga mnyes par
227a1 byas te mi mnyes par ma byas la/nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //snying rje bzang po zhes bya ba ni/ gleng gzhi yangs pa can na bzhugs te/ de'i tshe yangs pa can na sde dpon seng
227a2 ge zhes bya ba zhig 'dug ste/phyi zhig na de'i chung ma la bu chags nas de zla ba dgu'am bcu lon pa dang khye'u gzugs bzang zhing blta na sdug la mdzes pa tshan po che'i stobs dang ldan pa zhig btsas te/ de'i btsas ston rgyas par byas nas ming snying rje bzang po zhes btags so/ /de nas khye'u
227a3 snying rje bzang po 'o ma dang zho dang mar dang zhun mar dang mar gyi nying gu rnams kyis bskyed bsrings te/de gang gi tshe cher skyes pa de'i tshe khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyis bzo'i gnas dang / las kyi gnas tha dad pa 'di lta
227a4 ste glang po che zhon pa dang /rta zhon pa dang / mtshon cha bcang ba dang / 'phong dang mdun du bsnur ba dang / phyir bsnur ba dang / g.yul las 'byung bar bya ba dang / lcags kyu gzung ba dang / zhags pa gzung ba dang / mda' bo che 'phang ba dang / rdo rje rtse gcig pa 'phang
227a5 ba dang /mtshon rtse gcig pa gdab pa dang / 'khor lo 'phang ba dang / gcad pa dang / gsheg pa dang / lag pas gzung ba dang / rkang pa'i stabs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog
227a6 par bya ba dang /tshabs cher gtang ba rnams kyang bslabs nas gnas lnga la byang bar gyur to/ /de nas de ma grangs nas 'phyon ma rnams la yang zhugs so/ /phyis re zhig na de phas mdza' sde'i khrod du btang nas mdza' sde de dag dpyid kyi dus su shing grib me tog rgyas pa/ ne tso dang ri skegs
227a7 dang rma bya dang khu byug dang shang shang te'u rnams skad 'byin pa'i/skyed mos tshal gyi nags khrod du smad 'tshong ma'i gtso mo khrid de song nas de dag de na 'khod pa las smad 'tshong ma'i phyir thab mo byung ste/ khye'u snying rje bzang po khros pas mdza' sde gsum bsad nas/ mdza' sde
227b1 rnams dong ste sde dpon seng ge la smras so//de nas sde dpon seng ges de thos nas bu de bu ma yin par bsgrags te khyim nas kyang bskrad do/ /de nas yangs pa can gyi lits+tsha bI rnams kyis de gsod du btang ste/ ka ra bI ra'i me tog gi phreng bas mgul pa dkris nas/ gshed ma la
227b2 gtad de/gshed ma'i mi gos sngon po bgos la ral gri phyung ste rnga sgra drag po sgrogs pa dag gis/ khrid nas lam po che'i mdo rnams su bsgrags te/ gsad pa'i sar phyin tu nye ba dang de srog gi phyir 'jigs shing skrag nas phan tshun du lta ste/ bdag phongs shing dkos thag pa dang
227b3 sdug pa'i skyabs byed pa dang srog phangs pa sbyin pa su zhig yod zhig gu snyam mo//sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/
227b4 mi 'jigs pa bzhis mi 'jig pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par
227b5 'jug pa/stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs
227b6 shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/
227b7 su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed
228a1 zin pa las yongs su smin par bya/su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu
228a2 srin rnams kyi gnas//dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs pa/ khye'u snying rje bzang po gdul ba'i dus la bab bo snyam du dgongs nas spre'u rdzing gi
228a3 'gram nas mi snang bar gyur te/khye'u snying rje bzang po'i mdun du bzhugs so/ /de nas khye'u snying rje bzang pos thag ring po zhig nas bcom ldan 'das mthong ngo / /mthong nas kyang zhabs la phyag 'tshal te gsol pa/ bcom ldan 'das bdag la dka' ba mdzad cing srog
228a4 phangs pa'i sbyin pa mdzad du gsol/bcom ldan 'das kyis bka' stsal pa/ gzhon nu khyod da ni srog chud za bar 'gyur ba'i 'jigs pa med kyis ma skrag shig ces bka' stsal nas/ bcom ldan 'das kyis yangs pa can gyi mi rnams la bka' stsal pa/ bzhin
228a5 dag khye'u 'di bsad de ci rung gis thong shig /yangs pa can gyi mi rnams kyis gsol pa/ btsun pa gal te rab tu byung na ni btang bar 'tshal lo zhes gsol to/ /bcom ldan 'das kyis khye'u de rab tu phyung zhing bsnyen par rdzogs par mdzad nas/ de la lung yang phog ste/
228a6 des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas so/ /de nas dge slong rnams kyis bcom ldan 'das la gsol pa/ btsun pa khye'u snying rje bzang po ma grangs pa'i slad du/ yangs pa can gyi mi rnams kyis gsod
228a7 du btang ba las bcom ldan 'das kyis thar bar mdzad de/g.yung drung gi mthar thug pa/ grub pa dang bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ma grangs
228b1 shing g.yem par gyur nas skye bo phal po ches gsod du btang ba las/ngas skyabs byas te/ bsam gtan bzhi dang mngon par shes pa lnga la ji ltar bzhag pa nyon cig /dge slong dag sngon byung ba 'das pa'i dus na ri khrod kyi grong zhig na/ yul mi kha mi mkhas shing g.yem pa zhig
228b2 'dug nas/skye bo mang po glags tshol zhing 'dug pa las/ de dag gis glags rnyed nas gzhan gyi chung ma la byi po byed pa las bzung ste/ rgyal po la phul nas rgyal pos de gsod du btang ste/ de gshed ma rnams kyis khrid de gsad pa'i sar phyin du nye ba dang / ri khrod kyi grong de nas thag mi
228b3 ring ba dka' thub kyi gnas zhig na drang srong zhig gnas te/drang srong de spyod yul la chas nas mi de des mthong nas/ mthong ma thag tu rkang pa la phyag 'tshal te/ smras pa drang srong bdag la dka' ba mdzad pa dang / srog gi sbyin pa mdzad du gsol/ de nas drang srong des rgyal po la
228b4 gtod du bcug nas/dka' thub kyi gnas su khrid de rab tu phyung nas/ der bsam gtan bzhi dang mngon par shes pa lnga bskyed do/ /dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga yin no/ /de'i tshe mi de ni
228b5 khye'u snying rje bzang po 'di kho na yin te/de'i tshe yang 'di skye bo phal po ches gsod du btang ba las/ ngas skyabs byas nas bsam gtan bzhi dang mngon par shes pa lnga la bzhag go/ /da ltar yang 'di ma grangs pa'i phyir yangs pa can gyi mi rnams kyis gsod du btang ba las
228b6 ngas de las thar bar byas nas g.yung drung gi mthar phyin pa grub pa dang bde ba'i mya ngan las 'das pa la bzhag go//gzhan yang yang dag par rdzogs pa'i sangs rgyas 'od srung gi gsung rab la 'di rab tu byung nas/ der 'dis tshe gcig tu tshangs par spyod pa spyad nas 'chi
228b7 kar smon lam btab pa/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung
229a1 nas nyon mongs pa thams cad spangs te dgra bcom pa nyid mngon sum du byed par gyur cig ces byas so//dge slong dag ji snyam du sems/ de'i tshe dge slong du gyur pa gang yin pa de ni snying rje bzang po 'di kho na yin te/ des der tshe gcig tu tshangs par spyod pa spyad
229a2 nas 'chi kar smon lam btab ste/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan
229a3 pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang /
229a4 thabs mnyam pa brnyes par gyur nas/ 'dis nga mnyes par byas te mi mnyes par ma byas la nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so// //gel po zhes bya ba ni/ gleng gzhi mnyan du yod pa
229a5 na bzhugs te/de'i tshe mnyan du yod pa na bram ze zhig gnas pa de bu med de bu 'dod pa'i phyir lha'i gnas so cog tu gsol ba 'debs so/ /de nas phyi zhig na de'i chung ma la bu chags nas/ de zla ba dgu'am bcu lon pa dang khye'u gzugs bzang zhing blta na sdug la mdzes pa
229a6 tsho zhing pags pa dang sha dang khrag rgyas pa zhig btsas te/de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de khye'u 'di tsho zhing pags pa dang sha dang khrag rgyas pas na/ de'i phyir khye'u 'di gel po zhes gdags so zhes zer ro/ /
229a7 de nas khye'u gel po 'o ma dang zho dang mar dang zhun mar dang mar gyi nying gus bskyed bsrings nas/ de gang gi tshe cher skyes pa de'i tshe yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs
229b1 pa dang /nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas
229b2 las rnam pa drug la mkhas pa'i bram zer gyur te/de mthar gyis rig pa'i gnas brgyad la byang bar gyur to/ /bram ze de'i khyim yang khyim bdag mgon med zas sbyin gyi khyim nas thag mi ring ba zhig na 'dug ste/ bram ze'i khye'u de yang mgon med zas sbyin dang 'grogs
229b3 pas bcom ldan 'das kyi bstan pa la dga' bar gyur to//de nas phyi zhig na de'i pha ma gnyis shi'o de gnyis shi nas de don zhig la grong khyer shur pa ra kar chas te/ de mthar gyis rgyu zhing song song ba las mnyan du yod pa dang shur pa ra ka'i grong khyer gyi bar gyi ri'i sul zhig
229b4 na nags khung zhig yod de/nags khung de na drang srong zhig gnas pa ste/ bram ze'i khye'u des shes nas de de'i thad du song ste rkang pa la phyag 'tshal nas chos mnyan pa'i phyir mdun du 'dug go/ /de nas drang srong des kyang de la nges par 'byung ba'i bsngags pa brjod nas/
229b5 de thos ma thag tu de nges par 'byung ba dang 'thun pa'i sems skyes te/ de drang srong de nyid las rab tu byung nas nags khrod de na gnas kyang des khyad par ci yang ma thob bo/ /de nas phyi zhig na drang srong de shi nas gel po de yang dka' thub kyi gnas de nyid na gnas so/ /de nas gang
229b6 gi tshe bcom ldan 'das shur pa ra kar gshegs pa na/khye'u gel pos bcom ldan 'das rgyang nas gshegs pa mthong ngo / /mthong ma thag tu bsams pa/ 'di ni shAkya'i rigs dka' ba mdzad pa thams cad mkhyen pa thams cad gzigs pa de yin te/ lam 'di nas
229b7 tshur gshegs kyis/bdag gis bsnyen bkur mi byar mi rung ngo snyam nas/ yang des bsams pa/ gal te bdag brag 'di las rkang gis babs na ni/ bcom ldan 'das thal bar 'gyur gyis/ brag ka 'di nas bdag gis mchongs pa dang bdag gis bsnyen bkur
230a1 byed khom mo snyam du bsams nas brag ka de nyid nas mchongs so//de nas bcom ldan 'das kyis der sa gzhi stan shing bal gyi nang tshangs can 'dra bar byin gyis brlabs nas/ de lhung ma thag tu rkang pa 'greng bar gyur te/ de dga' bar gyur nas bcom ldan 'das
230a2 ga la ba der song ste phyin nas/bcom ldan 'das kyi zhabs la mgo bos phyag 'tshal te phyi bzhin du 'brang ngo / /de nas bcom ldan 'das kyis de la thugs brtse ba'i phyir lam nas bzung ste phyogs gcig tu bzhugs nas/ des kyang bcom ldan 'das kyi zhabs la mgo bos
230a3 phyag 'tshal te/chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de la de dang 'thun pa'i chos bstan te/ des na bram ze'i khye'u gel pos stan de nyid la 'dug bzhin du bden pa rtogs pa'i mod la phyir mi 'ong ba'i 'bras bu mngon sum du
230a4 byas te des bden pa mthong nas stan las langs te bla gos phrag pa gcig tu gzar nas/bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung
230a5 ba dang bsnyen par rdzogs shing dge slong gi dngos po 'thob tu rung na/bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge slong tshur shog ces bya ba'i tshig gis de rab tu phyung ste bsnyen par rdzogs par mdzad nas de la
230a6 lung yang phog go//des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag
230a7 mthil du 'dra ba'i sems dang ldan pa tsan dan sbangs pa lta bur bsil bar gyur pa/rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa srid pa'i rnyed pa dang chags pa dang bkur sti la mi lta ba dbang po dang nye dbang dang bcas
230b1 pa'i lha rnams kyis mchod cing rjed pa dang gus par smra ba'i gnas su gyur to//de nas bcom ldan 'das kyis de dad pa dang mos pa dang ldan pa rnams kyi mchog tu bstan to/ /de nas dge slong rnams kyis bcom ldan 'das la gsol pa/ btsun pa tshe dang ldan pa gel pos bcom
230b2 ldan 'das mthong nas/brag ka nas rang gis mchongs pa dang gzhan yang 'dis bcom ldan 'das mnyes par bgyis te mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du
230b3 bgyis pa la gzigs/bcom ldan 'das kyis bka' stsal pa/ da lta 'ba' zhig ma yin te/ 'das pa'i dus na yang 'dis ji ltar nga mthong nas brag ka nas rang gis mchongs te/ nga'i thad du rab tu byung nas bsam gtan bzhi dang mngon par shes pa lnga bskyed pa de nyon cig /dge
230b4 slong dag sngon byung ba 'das pa'i dus na/drang srong zhig 'khor lnga brgya dang lam du zhugs te/ de brag drung logs nas 'gro ba las phyogs gcig tu 'dug go/ /brag de'i kha na ni dka' thub can zhig 'dug pa las/ des drang srong brag drung de na 'dug pa de mthong nas/ mthong
230b5 ma thag tu de la shin tu dga' ba skyes te/des bsams pa/ bdag drang srong de la bsnyen bkur byed du 'gro'o snyam nas/ des yang bsams pa gal te bdag rkang gis babs na ni drang srong de thal du 'ong ngo snyam nas/ rang gis brag de'i kha nas mchongs pa las/ drang srong
230b6 des lha la bsgo nas lag nas bzung ste sa la bzhag go//de nas de'i thad du song ste rkang pa la phyag 'tshal nas chos mnyan pa'i phyir mdun du 'dug go/ /de nas drang srong des de la nges par 'byung ba dang 'thun pa'i gtam byas nas/ de de'i thad du rab tu byung ngo / /de rab
230b7 tu byung nas bsam gtan bzhi dang mngon par shes pa lnga bskyed do//dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga yin no/ /de'i tshe dka' thub can du gyur pa gang yin pa de ni gel po 'di kho na yin
231a1 te/de'i tshe yang 'dis nga mthong nas brag ka nas rang gis mchongs te/ nga'i thad du rab tu byung nas bsam gtan bzhi dang mngon par shes pa lnga bskyed do da ltar yang nga mthong nas brag ka nas rang gis mchongs te/ nga nyid kyi bstan pa la rab tu byung nas nyon mongs pa
231a2 thams cad spangs nas dgra bcom pa nyid mngon sum du byas so//de nas dge slong rnams kyis bcom ldan 'das la yang zhus pa/ btsun pa gel po 'dis las ci bgyis na las de'i rnam par smin pas 'dis bcom ldan 'das mnyes par bgyis te mi mnyes par ma bgyis
231a3 la/bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis nas/ bcom ldan 'das kyis dad pa dang mos pa dang ldan pa rnams kyi mchog tu bstan pa lags/ bcom ldan 'das kyis bka' stsal pa/ smon
231a4 lam gyi dbang las gyur to//gsol pa/ btsun pa 'dis gang du smon lam btab lags/ bka' stsal pa dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs
231a5 su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de zhabs 'bring 'khor nyi khri dang ljongs rgyu zhing gshegs pa las
231a6 nags khrod cig tu byon te/nags khrod de na drang srong lnga brgya 'khod de drang srong lnga brgya po de dag gis yang dag par rdzogs pa'i sangs rgyas 'od srung thag ring po zhig nas mthong ngo / /mthong nas kyang de dag shin tu dga' bar gyur to/ /de dag dga' bar gyur nas yang dag
231a7 par rdzogs pa'i sangs rgyas 'od srung 'khor dang bcas pa dka' thub kyi gnas su rtsa ba dang 'bras bu la spyan drangs te phul lo//de ltar phul nas chos mnyan pa'i phyir spyan sngar 'khod do/ /de nas yang dag par rdzogs pa'i sangs rgyas 'od srung gis/ de dag gi bsam pa dang bag
231b1 la nyal dang khams dang shes pa dang rang bzhin thugs su chud nas de dang 'thun pa'i chos bstan te/de nas drang srong lnga brgyar gcig gis ma tshang ba rnams kyis bden pa rtogs pa'i mod la/ phyir mi 'ong ba'i 'bras bu mngon sum du byas te/ de dag gis bden pa mthong nas stan
231b2 las langs te/bla gos phrag pa gcig tu gzar nas/ yang dag par rdzogs pa'i sangs rgyas 'od srung ga la ba de logs su thal mo sbyar ba btud de 'di skad ces gsol to/ /btsun pa bdag cag legs par gsungs pa'i chos 'dul ba la rab tu 'byung ba dang bsnyen par
231b3 rdzogs shing dge slong gi dngos po 'thob tu rung na/bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas yang dag par rdzogs pa'i sangs rgyas 'od srung gis drang srong lnga brgya po de dag dge slong rnams la gtad nas/ dge slong rnams
231b4 kyis drang srong lnga brgya po de dag rab tu phyung ste/bsnyen par rdzogs par byas nas de dag la lung yang phog go/ /de dag kyang brtson pa dang bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas so/ /drang srong gcig gis ni der tha na dro
231b5 ba tsam gyi yon tan yang cung zad kyang ma thob bo//de gang las rab tu byung ba'i mkhan po de ni/ yang dag par rdzogs pa'i sangs rgyas 'od srung gis/ dad pa dang mos pa dang ldan pa rnams kyi mchog tu bstan to/ /de nas des tshe gcig tu tshangs par spyod pa spyad nas 'chi
231b6 kar smon lam btab pa/'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srung gis bram ze'i khye'u bla ma lung
231b7 bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ji ltar yang
232a1 dag par rdzogs pa'i sangs rgyas 'od srung gis bdag gi mkhan po dad pa dang mos pa dang ldan pa rnams kyi mchog tu bstan pa de bzhin du/bdag kyang shAkya thub pa shAkya'i rgyal po'i mchog gis dad pa dang mos pa dang ldan pa rnams kyi mchog tu bstan par gyur cig ces
232a2 byas so//dge slong dag ji snyam du sems/ de'i tshe drang srong du gyur pa yang dag par rdzogs pa'i sangs rgyas 'od srung gi gsung rab la rab tu byung ba gang yin pa de ni gel po 'di kho na yin te/ des der tshe gcig tu tshangs par spyod pa spyad nas 'chi kar smon lam btab ste/ yang dag
232a3 par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs
232a4 te/dgra bcom pa nyid mngon sum du byed par gyur cig /sangs rgyas bcom ldan 'das des kyang bdag dad pa dang mos pa dang ldan pa rnams kyi mchog tu bstan par gyur cig ces byas pa des na/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang /
232a5 shugs mnyam pa dang / mdzad pa mnyam pa dang / thabs mnyam pa brnyes par gyur nas 'dis nga mnyes par byas te mi mnyes par ma byas la/ nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas nas/ ngas 'di dad pa dang mos pa dang ldan
232a6 pa rnams kyi mchog tu bstan to// //las brgya tham pa/ bam po nyi shu pa/ nag po zhes bya ba ni/ gleng gzhi rgyal po'i khab na bzhugs te/ de'i tshe rgyal po'i khab na bram ze 'byung po zhes bya ba zhig 'dug ste/ phyi zhig na de'i chung ma la bu chags nas de zla ba dgu'am bcu lon
232a7 pa dang khye'u gzugs bzang zhing blta na sdug la mdzes pa zhig btsas na mdog nag por 'dug go//de nas de'i btsas ston rgyas par byas nas/ khye'u 'di'i ming cir gdags zhes ming 'dogs par byed de/ khye'u 'di mdog nag pas na de'i phyir khye'u 'di nag po kho nar gdags so zhes
232b1 zer ro//de nas khye'u nag po 'o ma dang zho dang mar dang zhun mar dang mar gyi nying gus bskyed bsrings te de mtsho'i nang gi pad ma bzhin du skye drag par gyur to/ /de nas gang gi tshe cher skyes pa de'i tshe yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang /
232b2 gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba
232b3 dang /kha ton slob tu gzhug pa'i thabs bslabs nas las rnam pa drug la mkhas pa'i bram zer gyur te/ de mthar gyis rig pa'i gnas brgyad la byang bar gyur to/ /de'i pha ni bram ze'i khye'u lnga brgya tsam la bram ze'i sngags slob par byed do/ /de nas phyi zhig na de rgas par gyur
232b4 te bsams pa/da ni bdag rgas pas phyin cad bram ze'i khye'u lnga brgya po 'di rnams sngags slob mi nus kyis/ bdag gis khye'u 'di sde tshan gyi slob dpon byed du gzhug go snyam nas bu la bsgo ba/ bu nag po nga ni da rgas pas bram ze'i khye'u lnga brgya po 'di dag phyin cad sngags slob
232b5 mi nus la/khyod kyang sngags kyi mthar phyin pa yin gyis bram ze'i khye'u 'di rnams kyi sngags kyi slob dpon gyis shig /bus smras pa/ mkhan pos ji skad bka' stsal pa/ de bzhin du 'tshal lo zhes smras nas/ de nas de bram ze'i khye'u lnga brgya po de dag sngags slob pa la
232b6 zhugs so//de'i tshe rgyal po'i khab de nyid du bram ze gzhan zhig gis mchod sbyin byas te/ bram ze rnams la yon mang po phul lo/ /mchod sbyin byed pa der bram ze kha cig na re kho bo cag yon dbang gi khyed mi dbang ngo zhes zer ro/ /grong na gnas pa rnams na re/ nged ni dag pa
232b7 yin gyi khyed ni rgyal po'i zham ring ba'i g.yog byed pa yin pas na/yon 'di rnams nged dbang gi khyed mi dbang ngo zhes zer ro/ /de nas bram ze nag pos bsams pa/ bram ze 'di rnams thab mo chen po 'byung ste/ gzhan gyis ni zhi bar byed mi nus kyis ma la nga nyid kyis bsgrim dgos
233a1 so snyam du bsams nas/des bram ze de dag dgag par brtsam pa las thab mo zhi bar byed ma nus nas/ de gzhi de las shas cher skyo ba skyes te/ bdag gis 'khor rnams gtang la gcig pu nags khrod du gnas bcas te 'dug par bya'o snyam nas des 'khor de rnams
233a2 bor te nags khrod cig tu song ngo //nags khrod de na gnod sbyin nag po zhes bya ba drag cing 'jigs la mdangs 'phrog pa zhig kyang gnas te/ des sems can stong phrag du ma gyin da la sdug bsngal skyed par byed do/ /nags khrod de na drang srong zhig kyang gnas te drang srong de la gnod
233a3 sbyin de shin tu dga'o//de nas bram ze nag pos drang srong de thag ring po zhig nas mthong ngo / /mthong nas kyang de la dga' bar gyur to/ /dga' bar gyur nas de nyid kyi thad du rab tu phyung ste/ des de la yid la bya ba'i lung phog nas/ des der bsams gtan bzhi dang mngon par shes
233a4 pa lnga bskyed do//de nas phyi zhig na drang srong rgan po de shi'o/ /de shi nas drang srong nag po gnas de nyid du 'dug go/ /de nas phyi zhig na bcom ldan 'das la rgyal po'i khab kyi mi rnams kyis gsol ba btab ste/ btsun pa gnod sbyin nag po 'di ni/ bdag cag la 'khon ma mchis par
233a5 'khon du 'dzin pa lags/dgra zla ma lags par dgra zla bgyid pa lags te/ sems can stong phrag du ma la gnod pa bgyid pa lags so/ /btsun pa bcom ldan 'das kyis ni klu ma rungs pa dga' bo dang nye dga' bo la sogs pa gzhan dag kyang btul/ gnod sbyin ma rungs pa
233a6 'brog gnas la sogs pa gzhan dag kyang btul lags na/gnod sbyin nag po yang bcom ldan 'das kyis thugs brtse ba'i slad du btul na legs lags so zhes gsol to/ /de nas bcom ldan 'das kyis rgyal po'i khab kyi mi rnams la cang mi gsung bas gnang nas/
233a7 bcom ldan 'das kyis gnod sbyin de rdzu 'phrul gyis bkug nas bka' stsal pa/ kye sems can rnams la gnod pa ma byed cig /sdig pa'i las 'di thong shig ces bka' stsal to/ /des gsol pa/ bcom ldan 'das kyis bdag la ji ltar bka' stsal pa de bzhin du
233b1 'tshal lo zhes gsol nas/bcom ldan 'das las skyabs su 'gro ba dang bslab pa'i gzhi blangs nas 'di skad ces gsol to/ /btsun pa deng slan chad bdag gis rgyal po'i khab kyi mi rnams la bsrung ba dang bskyab par 'tshal lo zhes gsol nas/ bcom ldan 'das kyi zhabs
233b2 la mgo bos phyag 'tshal te/bcom ldan 'das kyi thad du song nas de rang gi gnas su song ste 'dug go/ /de de na 'dug nas bsams pa/ drang srong nag po de dka' thub don med pa/ 'dis nyon mongs pa'i steng du zhag bdun na 'chi bar mthong nas/ de de la snying brtse ba'i phyir de'i thad du
233b3 song ste smras pa/drang srong khyod kyi dka' thub drag po 'di ci dgos/ de'i steng du khyod da ste zhag bdun na 'chi bar 'gyur ro zhes byas so/ /de nas de thos ma thag tu drang srong de sdug bsngal chen po skyes nas/ de mya ngan gyi dbang gis rdzu 'phrul de las nyams te/ de gzhi de las lhag par yang mya
233b4 ngan skyes nas shin tu smre sngags 'don cing 'dug go//de nas gnod sbyin des smras pa/ drang srong ha cang mya ngan ma byed/ ha cang mya ngan ma byed/ nyon mongs par ma byed/ smre sngags 'don par ma byed/ bcom ldan 'das rgyal po'i khab na bzhugs te/ de ni 'chi bar 'gyur ba'i lam
233b5 mkhyen pa yin gyis/sangs rgyas bcom ldan 'das la skyabs su song shig dang / des na khyod la legs pa thams cad mdzad par 'gyur ro zhes byas so/ /de nas de thos ma thag tu drang srong nag pos thams cad spangs te 'od ma'i tshal du song ngo / /de'i tshe bcom ldan 'das 'khor brgya
233b6 phrag du ma'i gung la bzhugs te chos ston to//de nas drang srong nag pos thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu/ me lce mar gyis btab pa lta bu/
233b7 mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i
234a1 sems can gyis dang po sangs rgyas mthong ba'i nyams bde ba ji 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro//de ltar mthong nas kyang bcom ldan 'das la shin tu dga' bar gyur to/ /de
234a2 dga' bar gyur nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/chos mnyan pa'i phyir spyan sngar 'dug go/ /de nas bcom ldan 'das kyis de'i bsam pa dang bag la nyal dang / khams dang shes pa dang rang bzhin thugs
234a3 su chud nas de dang 'thun pa'i chos bstan te/des na des stan de kho na la 'dug bzhin du bden pa mthong ba'i mod la/ phyir mi 'ong ba'i 'bras bu mngon sum du byas te/ des bden pa mthong nas stan las langs te bla gos phrag pa gcig tu gzar nas/ bcom ldan 'das ga la ba de
234a4 logs su thal mo sbyar ba btud de bcom ldan 'das la 'di skad ces gsol to//btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par
234a5 'tshal lo//de nas de bcom ldan 'das kyis dge slong tshur shog ces bya ba'i tshig gis rab tu phyung ste bsnyen par rdzogs par mdzad nas de la lung yang phog go/ /des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de
234a6 dgra bcom pa khams gsum pa'i 'dod chags dang bral bar gyur nas gser dang bong bar mnyam pa/nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so
234a7 yang dag par rig pa thob pa/srid pa'i rnyed pa dang chags pa dang bkur sti la mi lta ba dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams kyis sangs rgyas bcom ldan 'das la gsol pa/ btsun pa drang srong 'di
234b1 'chi bas 'jigs shing skrag nas bcom ldan 'das kyi thad du mchis te/bcom ldan 'das kyis rab tu phyung nas g.yung drung gi mthar thug pa/ grub pa dang bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin
234b2 te/ji ltar 'das pa'i dus na yang 'di nyid 'chi bas 'jigs shing skrag nas ngas rab tu phyung ste/ bsam gtan bzhi dang mngon par shes pa lnga la bkod pa de nyon cig /dge slong dag sngon byung ba 'das pa'i dus na/ dka' thub kyi gnas zhig na drang srong mngon par shes pa lnga
234b3 dang ldan pa/rdzu 'phrul che zhing mthu che ba zhig gnas pa de'i slob ma bram ze'i khye'u le lo can tshe thung ngu zhig yod de/ des de la lung phog kyang de le lo che ba'i phyir sgrim du mi btub bo/ /de nas phyi zhig na drang srong des bltas nas bram ze'i khye'u de zhag bdun na 'chi bar 'gyur bar mthong
234b4 la/des ci yang ma thob par rig nas/ des de skyo ba bskyed pa'i phyir smras pa/ bram ze'i khye'u le lo ma byed cig /khyod zhag bdun na 'chi bar 'gyur ro zhes byas so/ /de nas de thos ma thag tu bram ze'i khye'u de shin tu mi dga' bar gyur te/ mi dga' bar gyur pa des na bsam gtan
234b5 bzhi dang mngon par shes pa lnga bskyed do//dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe bram ze'i khye'ur gyur pa gang yin pa de ni nag po 'di kho na yin te/ de'i tshe yang 'di 'chi bas
234b6 'jigs shing skrag nas/ngas bsam gtan bzhi dang mngon par shes pa lnga la bzhag go/ /da ltar yang 'di 'chi bas 'jigs shing skrag nas ngas rab tu phyung ste/ g.yung drung gi mthar thug pa grub pa dang bde ba'i mya ngan las 'das pa la bzhag go/ /gzhan yang yang dag par rdzogs
234b7 pa'i sangs rgyas 'od srung gi gsung rab la 'di rab tu byung bar gyur te/der 'dis tshe gcig tu tshangs par spyod pa spyad pa dang dbang po yongs su smin par byas pa des na da ltar rnam par grol bar gyur to// //mda' thogs zhes bya ba ni/ yul ser skya'i gnas na shAkya dbyug
235a1 thogs zhes bya ba phyug cing nor mang la longs spyod che ba/yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs te de de dang lhan cig tu rtse zhing dga' la dga' mgur
235a2 spyod pa las/phyi zhig na de'i chung ma la bu chags nas de zla ba dgu'am bcu lon pa dang khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas khye'u 'di ming ji skad gdags zhes ming 'dogs par byed de/ khye'u 'di dbyug thogs kyi bu
235a3 yin pas na/khye'u 'di'i ming mda' thogs zhes gdags so zhes zer ro/ /de nas khye'u mda' thogs 'o ma dang zho dang mar dang zhun mar dang mar gyi nying gu rnams kyis bskyed bsrings nas de mtsho'i nang gi pad ma bzhin du skye drag par gyur to/ /de nas de gang gi tshe cher skyes pa de'i
235a4 tshe/khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che zhon pa dang / rta zhon pa dang / mtshon cha bcang ba dang / 'phang ba dang / mdun du bsnur ba dang / phyir bsnur ba dang /
235a5 g.yul las 'byung bar bya ba dang / lcags kyu gzung ba dang / zhags pa gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcad pa dang / gsheg pa dang / lag pas gzung ba dang / rkang
235a6 pa'i stangs dang /mgo bo bskyab pa dang / rgyang mar 'phang ba dang / sgra grags par 'phang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur to/ /de nas phyi zhig na yang shAkya dbyug
235a7 thogs kyi chung ma la/bu chags nas de zla ba dgu'am bcu lon pa dang bu mo gzugs bzang zhing blta na sdug la mdzes pa zhig btsas te/ de btsas ma thag tu/ shAkya lag na dbyug thogs kyi bu mo gzugs bzang zhing blta na sdug la mdzes pa kha dog rgyas pa/ mchog dang ldan pa zhig
235b1 btsas so zhes bya ba'i sgra ser skya'i gnas thams cad du grags so//de nas de'i btsas ston rgyas par byas nas bu mo 'di'i ming ji skad gdags zhes ming 'dogs par byed de/ bu mo 'di btsas pa na ser skya'i gnas thams cad du gtam snyan pa grags pas na/ bu mo 'di'i ming grags
235b2 'dzin mar gdags so zhes zer ro//de nas bu mo grags 'dzin ma 'o ma dang zho dang mar dang zhun mar dang mar gyi nying gu rnams kyis bskyed bsrings nas de mtsho'i nang gi pad ma bzhin du skye drag par gyur to/ /de nas de gang gi tshe cher skyes pa de'i tshe/ byang chub sems dpa'i btsun mor
235b3 phul lo//de nas grags 'dzin ma'i rkyen gyis/ byang chub sems dpa' khye'u mda' thogs dang shin tu mdza' bar gyur to/ /de nas gang gi tshe byang chub sems dpas rgan po dang nad pa dang shi ba gzigs nas nags kyi nang du gnas bcas pa de'i tshe/ khye'u mda' thogs shin tu mi
235b4 dga' bar gyur te/ci zhig mthong na 'khor los sgyur ba'i rgyal srid dang bdag gi sring mo bor te rab tu byung zhig gu snyam mo/ /de nas gang gi tshe byang chub sems dpas bla na med pa'i ye shes brnyes nas/ gdul bar bya ba'i don mdzad cing ser skya'i gnas su gshegs te/ yab
235b5 sras gdan 'dzom par mdzad pa der/shAkya stong phrag du ma bcom ldan 'das la blta ba dang bsnyen bkur bya ba'i phyir dong ngo / /shAkya mda' thogs ni sngar mi dga' bar gyur pas/ bcom ldan 'das la lta zhing 'gror ma btub nas de shAkya rnams kyis bcom ldan 'das kyi thad du nan
235b6 gyis khrid nas/gzhon nu mda' thogs kyis kyang shAkya rnams kyi sems bsrung ba'i phyir/ bcom ldan 'das las bslab pa'i gzhi lnga mnos so/ /de nas phyi zhig na de sngon mi dga' ba'i phyir blo skyes pa/ bdag gis de las bslab pa'i gzhi lnga blangs mod kyi/ 'on kyang bdag gis de'i
235b7 bslab pa'i gzhi lngar mtshar cig bsrung mi dgos so snyam nas/des sngon mi dga' ba'i phyir bslab pa'i gzhi lnga nyams par byas so/ /de nas der shAkya rnams kyis tshor te bslab pa'i gzhi rnams des 'di ltar nyams par byas so snyam du rig nas/ de dag de la snying rje skyes te 'dis
236a1 bslab pa'i gzhi rnams nyams par byas pas sems can dmyal bar 'gro bar 'gyur na mi rung ngo snyam mo//de nas phyi zhig na shAkya mang po rnams bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu
236a2 'khod do//phyogs gcig tu 'khod nas shAkya rnams kyis/ bcom ldan 'das la 'di skad ces gsol to/ /btsun pa shAkya mda' thogs kyis ni bslab pa'i gzhi rnams nyams par bgyis te skyems 'tshal na/ bcom ldan 'das kyis dgongs te ngan song du mi mchi bar mdzad du gsol/
236a3 de nas bcom ldan 'das kyis shAkya mang po rnams la cang mi gsung bas gnang ngo / /de nas bcom ldan 'das kyis cang mi gsung bas gnang bar shAkya mang po rnams kyis rig nas/ bcom ldan 'das kyis gsungs pa la mngon par bstod cing rjes su yi rang nas bcom ldan 'das kyi zhabs
236a4 la mgo bos phyag 'tshal te/bcom ldan 'das kyi thad nas dong ngo / /de nas bcom ldan 'das kyis dgongs pa/ de'i dbang po yongs su smin par bya dgos so snyam du dgongs nas/ bcom ldan 'das kyis re zhig de la ci yang bka' ma stsal pa las/ tshe'i lhag ma zhag bdun lus
236a5 par gzigs nas/der bcom ldan 'das kyis dge slong rnams la bka' stsal pa/ shAkya mda' thogs ni de nas zhag bdun na 'chi bar 'gyur ro zhes bka' stsal to/ /de nas sgra de 'bru mar btsir ba bzhin du grags ma thag tu shAkya mda' thogs kyis/ bdag zhag bdun na
236a6 'chi bar lung bstan to zhes thos nas/de bcom ldan 'das la ma dad par gyur te/ khang steng na 'dug cing skyes pa dang ma 'dres pa'i rol mo'i sgras rtse zhing dga' la dga' mgur spyod do/ /de nas bcom ldan 'das kyis dgongs pa ngas de la je nyan thos chen po
236a7 dag btang la phyis nga nyid 'gro bar bya'o snyam du dgongs nas/bcom ldan 'das kyis tshe dang ldan pa ma 'gags pa la bka' stsal pa/ ma 'gags pa khyod song la shAkya mda' thogs la soms shig /de nas tshe dang ldan pa ma 'gags pas btsun pa de ltar 'tshal lo
236b1 zhes gsol nas/phyi bzhin 'brang ba'i dge slong zhig dang shAkya mda' thogs kyi khyim du song ngo / /de nas shAkya mda' thogs kyis dge slong ma 'gags pa bdag gi khyim du 'ongs so zhes thos so/ /thos nas kyang phu nu bo la dga' ba'i phyir de'i thad du song nas rkang pa la phyag 'tshal te chos
236b2 mnyan pa'i phyir mdun du 'dug go//de nas tshe dang ldan pa ma 'gags pas de yongs su smin par 'gyur ba'i gtam byas nas phyir song ngo / /de nas phyis nyin zhag gnyis pa la bcom ldan 'das kyis kun dga' bo btang ngo / /zhag gsum pa la ni tshe dang ldan pa maud gal gyi bu chen
236b3 po btang ngo //zhag bzhi pa la ni tshe dang ldan pa shA ri'i bu btang nas tshe dang ldan pa shA ri'i bus/ de la ci nas de bcom ldan 'das la dad pa skye bar 'gyur ba de lta bu'i chos bstan nas de 'chi bas 'jigs shing skrag par gyur to/ /de nas zhag lnga pa la bcom ldan 'das kyis
236b4 de'i sems thugs kyis mkhyen nas/nyid mda' thogs kyi khyim du gshegs so/ /de nas shAkya mda' thogs kyis bcom ldan 'das thag ring po zhig nas mthong ngo / /mthong nas kyang bcom ldan 'das la shin tu dga' bar gyur to/ /dga' bar gyur nas bcom ldan 'das
236b5 kyi gdan bshams te bcom ldan 'das la 'di skad ces gsol to//bcom ldan 'das tshur gshegs bcom ldan 'das gshegs pa legs so legs so/ /bcom ldan 'das gdan bshams pa la bzhugs su gsol/ /de nas bcom ldan 'das gdan bshams pa
236b6 la bzhugs nas/shAkya mda' thogs kyis bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ /der bcom ldan 'das kyis shAkya mda' thogs la bka' stsal pa/ mda' thogs 'di ltar 'chi ba'i 'jigs pa 'di ni 'jigs pa
236b7 rnams kyi nang na phran tshegs tsam du zad do//'di lta ste/ sems can dmyal ba dang dud 'gro dang / rnams kyi ngan song gi 'jigs pa 'di ni 'jigs pa rnams kyi nang na mchog yin no/ /des gsol pa/ btsun pa sems can dmyal ba de dag ji lta bu lags/
237a1 de nas bcom ldan 'das kyis de skyo ba bskyed pa'i phyir rdzu 'phrul gyis khrid de/ sems can dmyal ba chen po brgyad bstan nas/ des gsol pa/ btsun pa las gang gis 'dir skye bar 'gyur lags/ bcom ldan 'das kyis bka' stsal pa/ srog gcod pa kun tu bsten cing
237a2 bsgoms te/mang du byas pas sems can dmyal ba rnams su skye bar 'gyur ro/ /gal te de nas shi 'phos nas mi rnams dang skal ba mnyam par 'dir skyes na yang tshe thung bar 'gyur ro/ /de bzhin du bcom ldan 'das kyis/ de la mi dge ba bcu'i las kyi lam rgyas par bstan nas/ de
237a3 thos ma thag tu de lhag par yang 'jigs pa skyes te/bdag gis bcom ldan 'das las bslab pa'i gzhi blangs pa las ma bsrungs na/ bdag sems can dmyal ba dang dud 'gro dang rnams su skye bar mi 'gyur grang snyam du bsams na sa/ des bslab pa nyams pa de dag
237a4 bshags nas chos mnyan pa'i phyir spyan sngar 'dug go//de nas bcom ldan 'das kyis de la de dang 'thun pa'i chos bstan te/ des na shAkya mda' thogs kyis stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom ste rgyun du zhugs pa'i 'bras bu
237a5 mngon sum du byas so//des bden pa mthong ste shi nas lhar skyes te/ de lhar skyes ma thag tu bsams pa/ bdag gang nas shi 'phos snyam pa dang des mi las shi 'phos par mthong ngo / /gang du skyes snyam pa dang lhar skyes pa mthong ngo / /las ci zhig byas snyam pa dang 'chi kar bslab
237a6 pa'i gzhi rnams bsrungs pa dang bcom ldan 'das la yang sems dga' ba skyed par mthong nas/des bsams pa/ bdag zhag lon nas gdod bcom ldan 'das la blta ba dang bsnyen bkur bya ba'i phyir 'gro ba ni bdag gi cha ma yin no snyam nas/ rna cha gdub kor dag cing 'gul
237a7 pa thogs pa/lus do shal dang se mo dos brgyan pa/ nor bu rin po che sna tshogs kyis spras pa'i cod pan can/ lus gur gum dang ta ma la'i lo ma dang spr-i ka la sogs pas byugs pa des/ de nyid kyi mtshan mo lha'i me tog ud pa la dang pad ma dang ku mu da dang pad ma dkar po
237b1 dang man dA ra ba rnams kyis thu ba bkang nas/bcom ldan 'das ga la ba der song ste phyin nas/ lha'i me tog rnams kyis gtor te chos mnyan pa'i phyir spyan sngar 'dug go/ /de nas bcom ldan 'das kyis de dang 'thun pa'i chos bstan te cang mi gsung bar bzhugs so/ /de nas des
237b2 bcom ldan 'das kyi gtam gyi mjug rdzogs par rig nas/bcom ldan 'das kyis gsungs pa la mngon par bstod cing rjes su yi rangs te/ bcom ldan 'das la lan gsum bskor ba byas nas de nyid du mi snang bar gyur to/ /de shi ba'i tshe shAkya rnams the tshom skyes te/ shAkya
237b3 mda' thogs kyis bslab pa nyams par byas te chang 'thungs na/de'i 'gro ba ni gang yin skye gnas ni gang yin tshe phyi ma ni gang yin zhig gu ma la bdag cag gis don 'di bcom ldan 'das la zhus pa/ bcom ldan 'das kyis bdag cag la ji skad lung bstan pa de bzhin du gzung bar
237b4 bya'o zhes zer ro//de nas shAkya mang po dag bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do/ /phyogs gcig tu 'khod nas shAkya mang po rnams kyis bcom ldan 'das la 'di skad
237b5 ces gsol to//btsun pa shAkya mda' thogs kyis bslab pa nyams par bgyis te skyems 'tshal na/ btsun pa de'i 'gro ba ni gang lags skye gnas ni gang lags tshe phyi ma ni gang lags/ bcom ldan 'das kyis bka' stsal pa/ grogs po dag lhar skyes so/ /de dag gis
237b6 gsol pa/btsun pa shAkya mda' thogs kyis bslab pa nyams par bgyis te skyems 'tshal na/ de ji ltar lhar skyes lags/ bcom ldan 'das kyis bka' stsal pa/ shAkya mda' thogs kyis 'chi kar bslab pa nyams pa bshags te/ rgyun du zhugs pa'i 'bras bu thob nas
237b7 lhar skyes so//de nas de thos ma thag tu shAkya rnams ya mtshan du gyur te/ de dag rnams ya mtshan du gyur nas yang smras pa/ kye ma sangs rgyas/ kye ma chos/ kye ma dge 'dun/ kye ma chos legs par gsungs pa 'di ltar ngan song du 'gro ba'i sems can dag kyang ngan song
238a1 nas phyung ste/mtho ris su 'gro bar byed do zhes zer nas/ lhag par yang sangs rgyas dang chos dang dge 'dun la bkur sti byed pa la zhugs so/ /de nas dge slong rnams kyis sangs rgyas bcom ldan 'das la gsol pa/ btsun pa shAkya mda' thogs 'chi bas
238a2 'jigs shing skrag pa las bcom ldan 'das kyis 'chi ba'i 'jigs pa las skyabs mdzad de/g.yung drung gi mthar thug pa grub pa dang bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ ji ltar
238a3 'das pa'i dus na yang 'di 'chi bas 'jigs shing skrag nas/zhag bdun bslab pa bsrungs te/ gzhi de las mtho ris su skyes pa de nyon cig /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i
238a4 sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i tshe grong khyer bA rA Na sIr tshong pa
238a5 dbul po zhig 'dug pa des/phyi zhig na yang dag par rdzogs pa'i sangs rgyas 'od srung gi bstan pa la dad pa rnyed do/ /tshong pa de yang sbyin pa la sred pa zhig ste/ sbyin pa dag sbyin zhing bsod nams dag byed 'dod nas des bsams pa/ ci bdog pa 'di tsam gyis ni bdag
238a6 gis sbyin pa dag sbyin zhing bsod nams dag byed mi nus kyis/bdag gis rgya mtsho'i gru bo che'i don bsgrub bo/ /gal te bdag gis rgya mtsho'i gru bo che'i don lan cig tsam zhig bsgrub par nus na yang / bdag gis pha ma'i bdun rgyud kyi bar du dar bar byed nus par
238a7 'gyur ro snyam du bsams nas/zong khyer te rgya mtsho chen por zhugs nas/ des rgya mtsho'i gru bo che'i don bsgrubs te/ sbyin pa dag sbyin zhing bsod nams dag byed pa la zhugs so/ /de yang tshe thung ste/ yang dag par rdzogs pa'i sangs rgyas 'od srung gis de nyid skyo ba
238b1 bskyed pa'i phyir/zhag bdun na 'chi bar 'gyur ro zhes dge slong rnams la bka' stsal te/ dge slong dag tshong pa che ge mo ni zhag bdun na 'chi bar 'gyur ro zhes bka' stsal nas/ sgra de 'bru mar btsir ba bzhin du kun tu grags so/ /tshong pa des kyang thos nas/ yang dag par rdzogs pa'i
238b2 sangs rgyas 'od srung gis ji ltar bdag zhag bdun na 'chi bar 'gyur ro//zhes lung bstan pa de thos ma thag tu/ de 'chi ba'i 'jigs pa chen po skyes te/ de 'jigs shing skrag nas de yang dag par rdzogs pa'i sangs rgyas 'od srung ga la ba der dong ste phyin nas/ sangs rgyas 'od srung la
238b3 skyabs su 'gro ba dang bslab pa'i gzhi rnams blangs nas/de shi 'phos te dus las 'das nas lhar skyes so/ /dge slong dag ji snyam du sems/ de'i tshe tshong par gyur pa gang yin pa de ni shAkya mda' thogs 'di kho na yin te/ de'i tshe yang 'di 'chi bas 'jigs zhing skrag nas bslab pa'i
238b4 gzhi rnams bsrungs te mtho ris su skyes so//da ltar yang 'di 'chi bas 'jigs shing skrag nas/ skyabs su 'gro ba dang bslab pa'i gzhi rnams bsrungs te gzhi de las mtho ris su 'gro ba dang thar bar 'gro ba thob par gyur to// //brdzis pa zhes bya ba ni/ gleng gzhi mnyan du
238b5 yod pa na bzhugs te/de'i tshe mnyan du yod pa na bram ze zhig 'dug ste/ des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod pa las phyi zhig na/ de'i chung ma la bu chags te/ de zla ba dgu'am bcu lon pa dang khye'u gzugs bzang
238b6 zhing blta na sdug la mdzes pa zhig btsas te/de'i btsas ston rgyas par byas nas rigs dang 'thun pa'i ming btags te/ 'o ma dang zho dang mar dang zhun mar dang mar gyi nying gu rnams kyis bskyed bsrings nas/ de gang gi tshe cher skyes pa de'i tshe/ khye'u de yi ge dang / bram ze'i spyod lam
238b7 dang /spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed
239a1 du gzhug pa dang /sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas brgyad la byang bar gyur to/ /de nas de lo bcu drug lon pa dang bstan
239a2 bcos thams cad rtogs te gzhung gis rtsod pa thams cad tshar bcad do//de nas des gzhung gis rtsod pa'i dam bcas te/ nga dang mtshungs pa yang med na lhag par lta ci smos zhes zer zhing de gzhung gis rtsod pa'i rgyags pas dregs nas bram ze thams cad khyad du bsad do/ /de
239a3 nas phyi zhig na bram ze de dag gis sems skyes pa/dge sbyong gau ta ma de ni ma dul ba 'dul ba yin gyis/ khye'u 'di dge sbyong gau ta ma la bstan par bya'o/ /'on kyang des 'di rab tu phyung yang srid de/ de ltar byas na bdag cag 'di las thar bar 'gyur ro snyam du bsams nas/
239a4 khyad du bsad pa'i bram ze de dag gis/ khye'u de la sangs rgyas bcom ldan 'das kyi rgyus bstan te/ khyod ni bdag cag gi bu dang 'dra na nga dang mtshungs pa yang med na/ lhag pa lta ci smos zhes shes rab kyi rgyags pas dregs shing 'dug ste ci bya/ dge sbyong gau ta ma 'di ni lus kyang
239a5 mdzes la sems kyang mdzes te/thams cad mkhyen pa thams cad gzigs pa yin pas na/ khyod ni de yi byad gzugs dang shes pa'i brgya'i char yang mi phod/ stong gi char yang mi phod/ 'bum gyi char yang mi phod do zhes byas so/ /de nas de thos ma thag tu/ bram ze'i khye'u
239a6 de bcom ldan 'das lta 'dod par gyur to//de nas phyi zhig na/ bcom ldan 'das ga la ba der song nas/ bram ze'i khye'u des thag ring po zhig nas/ sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me
239a7 lus kyi dbyibs su 'dug pa lta bu/me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong
239b1 nas kyang mchog tu dga' ba skyes te/dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni/ lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ /de
239b2 ltar mthong nas byad gzugs kyi rgyags pa med par gyur te/des bsams pa/ 'di bdag pas ches bzang mod kyi shes rab kyis ni bdag dang mtshungs pa ma yin no/ /'on kyang re zhig 'di thams cad mkhyen pa thams cad gzigs pa yin nam ma yin pa de bgam mo snyam nas/
239b3 sems kyis dri ba bsngogs nas/ bcom ldan 'das ga la ba der song ste phyin nas/ bcom ldan 'das mngon sum du yang dag par dga' bar bya ba dang / yang dag par mgu bar bya ba'i gtam sna tshogs byas nas phyogs gcig tu 'dug go/ /de nas bcom ldan 'das kyis de'i
239b4 sems thugs kyis mkhyen nas/sems kyi dri ba bsngogs pa de lung bstan to/ /de nas bram ze'i khye'u de bcom ldan 'das la shin tu dga' bar gyur to/ /'di ni thams cad mkhyen pa/ thams cad gzigs pa yin par nges so snyam nas/ stan las langs te bla gos phrag pa
239b5 gcig tu gzar nas/bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs cig tu zhag bdun gyi bar du bdag gi khyim du bshos gsol bar ci gnang / de nas
239b6 bcom ldan 'das kyis bram ze'i khye'u de la cang mi gsung bas gnang ngo //de nas bram ze'i khye'u des bcom ldan 'das kyis cang mi gsung bas gnang bar rig nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo / /de
239b7 nas des sangs rgyas la sogs pa/dge slong gi dge 'dun zhag bdun gyi bar du khyim du bshos gsol nas tha ma'i nyin par sangs rgyas la sogs pa/ dge slong gi dge 'dun zhal zas ro brgya dang ldan pas tshim par byas nas/ bcom ldan 'das la na bza' 'bum ri ba phul
240a1 lo//dge slong gzhan rnams la ni/ re re la yang ras zung re phul nas chos mnyan pa'i phyir spyan sngar 'dug go/ /de nas bcom ldan 'das kyis bram ze'i khye'u de'i bsam pa dang bag la nyal dang khams dang shes pa dang rang bzhin thugs su chud nas de dang 'thun
240a2 pa'i chos bstan te/des na bram ze'i khye'u de 'khor dang bcas pas stan de dag la 'khod bzhin du/ 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas pha ma la gsol te/
240a3 bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob
240a4 tu rung na/bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis de la dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas de la lung yang phog go/ /des kyang brtson pa dang bsgrub pa dang 'bad
240a5 pas nyon mongs pa thams cad spangs nas dgra bcom pa nyid mngon sum du byas te/de dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bu
240a6 bsil bar gyur pa/rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis/ mchod cing rjed pa dang gus par smra ba'i
240a7 gnas su gyur to//de nas dge slong rnams kyis sangs rgyas bcom ldan 'das la zhus pa/ btsun pa bram ze'i khye'u 'dis las ci zhig bgyis na/ las de'i rnam par smin pas phyug cing nor mang la longs spyod che ba'i rigs su skyes la/ bstan bcos thams cad rtogs te/
240b1 gzhung gis rtsod pa thams cad tshar bcad nas/ 'dis bcom ldan 'das mnyes par bgyis te mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das
240b2 kyis bka' stsal pa/smon lam gyi dbang las gyur to/ /gsol pa/ btsun pa 'dis gang du smon lam btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag
240b3 par rdzogs pa'i sangs rgyas rig pa dang zhabs su ldan pa bde bar gshegs pa/'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de gang gi tshe sangs rgyas
240b4 kyi phrin las thams cad zin nas/phung po lhag ma med pa'i mya ngan las 'das pa'i dbyings su mya ngan las 'das te/ rgyal po kr-i kIs de'i sku gdung gi mchod rten kho ra khor yug tu dpag tshad gcig yod pa rin po che las brtsigs nas/ rnam pa thams cad yongs su rdzogs par
240b5 byas te/mchod pa chen po byas nas dus ston gyi lugs btod do/ /de nas rgyal po des dril bsgrags te/ bA rA Na sI 'di na skye bo'i tshogs ji snyed gnas pa de dag mchod rten gyi dus ston la bab pa na der dong la bkur sti gyis shig /su der ma song ba de ci bdog pa thams cad
240b6 slar bzhes so zhes bsgo'o//rgyal po kr-i kIs mdun na 'don ni ma dad pa zhig ste/ mdun na 'don de'i bu rgyal po'i bu dang mdza' zhing bshes la gcugs so/ /de nas bram ze mdun na 'don ma dad pa ste sdang ba'i sems kyis der ma song ste/ rgyal po kr-i kIs thos nas mdun na 'don
240b7 gyis nga'i bka' bcag go snyam nas thos ma thag tu rgyal po de khros nas/ngas de'i ci bdog pa thams cad phrogs te su mi btang ngo zhes byas so/ /de nas de'i tshig de rgyal po'i bus thos nas mdun na 'don gyi bu la sbran te/ khyod song la pha la mchod rten gyi dus ston la skyen
241a1 par song shig /rgyal pos khyod ci bdog pa thams cad phrogs sa re zhes gyis shig ces byas so/ /de nas de thos ma thag tu bram ze mdun na 'don bu dang lhan cig tu gtsug lag khang du song ngo / /de der song nas skye bo phal po che mchod rten gyi mchod pa la
241a2 brtson zhing 'dug pa mthong ngo //de nas mdun na 'don gyi bus de mthong nas mchod rten de la dad pa rnyed do/ /dad pa rnyed nas mchod rten de la bkur sti chen po byas nas smon lam btab pa/ kye ma dge ba'i rtsa ba 'dis na/ bdag gang dang gang du skye bar 'gyur ba de dang der phyug
241a3 cing nor mang la longs spyod che ba'i rigs su skye bar gyur cig /gzugs bzang zhing blta na sdug la mdzes par gyur cig /bstan bcos thams cad rtogs par gyur cig /gzhung gis rtsod pa thams cad tshar chod par gyur cig /yang dag par rdzogs pa'i sangs
241a4 rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung ste nyon mongs pa thams cad spangs nas dgra bcom pa nyid
241a5 mngon sum du byed par gyur cig ces khye'u des de skad du smon lam btab nas/khye'u de skye bo mang pos brdzis te shi nas de mchod rten de la sems dga' bzhin du shi 'phos te dus las 'das nas lhar skyes so/ /lha'i bu'am lha'i bu mo skyes ma thag pa la ni chos nyid kyis sems
241a6 rnam pa gsum skye bar 'gyur te/bdag gang nas shi 'phos gang du skyes las gang gis skyes snyam mo/ /de nas des mi las shi 'phos pa dang lhar skyes pa dang yang dag par rdzogs pa'i sangs rgyas 'od srung gi mchod rten la sems dga' ba bskyed pas der skyes par mthong ngo / /
241a7 de nas de mthong ma thag tu lha'i bu des sngon gyi drin yang dag par dran nas/ rna cha gdub kor dag cing 'gul bar thogs pa/ lus do shal dang se mo dos brgyan pa/ nor bu rin po che sna tshogs kyis spras pa'i cod pan can/ lus gur gum dang ta ma la'i lo ma dang spr-i ka la
241b1 sogs pas byugs pa des/de nyid kyi mtshan mo lha'i me tog ud pa la dang pad ma dang ku mu da dang pad ma dkar po dang man dA ra ba rnams kyis thu ba bkang ste/ yang dag par rdzogs pa'i sangs rgyas 'od srung gi mchod rten ga la ba der song ste phyin nas yang dag par rdzogs
241b2 pa'i sangs rgyas 'od srung gi mchod rten la lha'i me tog ud pa la dang pad ma dang ku mu da dang pad ma dkar po rnams kyis gtor nas/a ga ru'i phye ma dang rgya spos kyi phye ma dang lha'i me tog man dA ra ba rnams kyis gtor nas sems dga' bar gyur te 'dug go/ /de de na 'dug pa na de'i phas
241b3 bdag gi bu skye bo phal po che de dag gis ji ltar brdzis te shi ba'i gtam thos so//thos ma thag tu der song ste/ bu'i rus bu pang du 'khyud nas ngu zhing sdug bsngal la smre sngags 'don pa dang lha'i bu des mthong nas de la smras pa/ pha cig bdag ni mya ngan byar med par gyur gyis mya ngan
241b4 ma byed cig sdug bsngal zhing ma 'dug cig smre sngags ma 'don cig bram zes smras pa/khyod su zhig /des smras pa/ bdag ni khyod kyi bu de yin no/ /des smras pa/ khyod gang du skyes/ des smras pa/ lhar skyes so/ /des smras pa/ khyod kyis las ci zhig byas/ des smras pa/ mchod
241b5 rten 'di nyid la bsnyen bkur byas nas sems dga' ba bskyed do//khyod kyis kyang sngon gyi lta ba'i rnam pa bor la mchod rten 'di la bsnyen bkur byas te sems dga' bar gyis shig dang / de ltar byas na khyod legs pa thams cad kyi 'byung gnas su 'gyur ro zhes smras nas lha'i bu
241b6 de de nyid du mi snang bar gyur to//de nas tshig de thos nas bram ze de yang bu'i mya ngan med par gyur te/ mchod rten de la yang shin tu dga' bar gyur to/ /de dga' bar gyur nas mchod rten de la bkur sti chen po byas nas smon lam btab pa/ kye ma dge ba'i rtsa ba 'dis bdag gang
241b7 dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig /bu 'di nyid las brten te yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes
242a1 par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i tshe bram ze'i mdun na 'don gyi bur gyur pa gang yin pa de ni bram ze'i khye'u 'di kho na yin no/ /de'i tshe phar gyur pa gang yin pa de ni/ bram ze 'di kho na
242a2 yin te/khye'u des mchod rten de la bkur sti byas nas smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/ gzugs bzang zhing blta na sdug la mdzes par gyur nas bstan bcos thams cad
242a3 rtogs te/gzhung gis rgol ba thams cad tshar bcad nas dge slong dag nga yang dag par rdzogs pa'i sangs rgyas 'od srung dang / shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te mi mnyes
242a4 par ma byas la nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so//de'i phas mchod rten de la bsnyen bkur byas nas/ smon lam btab pa'i las de'i rnam par smin pas ni/ gang dang gang du skyes pa de dang der phyug cing
242a5 nor mang la longs spyod che ba'i rigs su skyes te/bu 'di kho na'i rkyen gyis 'dis nga mnyes par byas te mi mnyes par ma byas so// //las brgya tham pa/ bam po nyi shu gcig pa/ wa zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa
242a6 na khyim bdag phyug cing nor mang la longs spyod che ba/yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zlar bab pa las chung ma blangs nas de de dang lhan cig tu rtse zhing dga' la dga'
242a7 mgur spyod pa las phyi zhig na/de'i chung ma la bu chags nas de'i lus thog thag nas phyi sa'i dri mnam par gyur la yid la 'dod pa 'di lta bu yang byung ste/ phyi sa dang gcin bza' zhing 'thung ngo snyam mo/ /de nas des khyim thab la smras pa/ jo bo bdag gi yid la 'dod pa de lta bu byung
242b1 ngo zhes byas so//de nas de thos ma thag tu khyim bdag de sdug bsngal chen po skyes te/ bdag gi chung ma 'di lus srul po 'ga' zhig gis thebs par ma gyur grang snyam nas/ des mtshan mkhan rnams la bstan te/ mtshan mkhan rnams kyis smras pa/ khyod kyi chung ma 'di
242b2 lus srul pos thebs pa ni ma yin gyi/lto na 'dug pa'i sems can de'i dbang gis gyur pa yin te/ gang gi tshe de btsas pa de'i tshe ni bud med 'di'i lus la phyi sa'i dri dang yid la 'dod pa 'di 'dra ba de med par 'gyur ro zhes zer ro/ /de nas de thos ma thag tu khyim bdag des chung
242b3 ma'i lus spos sna tshogs kyis byugs te/de phyi sa dang gcin za zhing 'thung du dogs nas/ bud med de'i rim gro ba dang srungs ma rnams bskos so/ /de nas de zla ba dgu'am bcu lon pa dang khye'u phyi sa dang gcin gyis yog pa zhig btsas nas/ de btsas ma thag tu khyim de thog thag
242b4 tu phyi sa'i dris gang bar gyur to//de nas khye'u de bud med rnams kyis bkrus te mal du bzhag kyang / de'i lus las phyi sa'i dri de med par ma gyur te/ mas khye'u de spos sna tshogs kyis bskus te bzhag go/ /de nas btsas ma thag tu ma'i yid la 'dod pa snga ma de med par gyur to/ /
242b5 de nas de'i btsas ston rgyas par byas nas rigs dang 'thun pa'i ming btags te/ 'o ma dang zho dang mar dang zhun mar dang mar gyi nying gu rnams kyis bskyed bsrings nas/ de gang gi tshe 'gro nus par gyur pa de'i tshe bdag gi phyi sa blangs nas/ kha cig ni za bar byed kha cig ni lus la skud par
242b6 byed de bud med de dag gis bkag go//de nas de gang gi tshe cher skyes pa de'i tshe yi ge slob tu bcug ste/ de mkhan po'i thad du btang ba las/ phyi sa'i 'dam snyag snyig ga la yod par song nas/ phyi sa za bar byed de/ de pha ma gnyis kyis tshor nas des sdug bsngal chen por gyur te/
242b7 bdag cag gnyis kyi bu byung mod kyi 'on kyang skyon 'di lta bus ma rung bar gyur na/ 'jig rten gyis shin tu dmad pa 'di lta bu bdag cag la ci dgos snyam du bsams nas/ de khyim nas bskrad de btang ngo / /de nas de mi gtsang ba'i 'dam snyag snyig de dag nyid du gnas bcas te/
243a1 phyi sa dang gcin za zhing 'thung bar byed do/ /de nas de mi gtsang ba za ba skye bo mang pos mthong ngo / /mthong nas kyang de dag gcig la gcig smras pa/ khye'u 'di ni wa bzhin du phyi sa dang gcin za zhing 'thung ngo zhes zer nas/ de'i ming snga ma med par gyur te/ de wa bzhin du phyi sa
243a2 dang gcin za zhing 'thung ba'i phyir ming wa nyid du btags so//de nas phyi zhig na de 'od srung rdzogs byed kyis mthong nas des bsams pa/ bdag cag ni ba lang gi lci ba za ba'i yi dam byed par zad na/ khye'u 'di ni bdag cag pas ches dka' ba byed pa yin te/ gal te 'di bdag
243a3 gi thad du rab tu byung na ni 'dir 'di la bsod nams mang po 'phel bar 'gyur ro snyam du bsams nas/khye'u de la smras pa/ ci khye'u khyod kyis 'di yi dam du bcas pa yin nam 'on te goms pa'i tshul can du zad dam/ khye'us smras pa/ bdag ni yi dam du bcas pa ji lta bu yin pa yang mi
243a4 shes te/bdag ni phyi sa za ba la shin tu sred kyi zas skom dag la ni mi sred do/ /'od srung rdzogs byed kyis smras pa/ khye'u nga'i thad du rab tu byung la yi dam du long shig dang gzhi de las khyod kyi bsod nams mang du 'phel bar 'gyur ro/ /khye'us smras pa/ khyod ji ltar dgyes pa bzhin
243a5 du bgyi'o zhes smras nas/khye'u de de'i phyi bzhin du 'brangs te song ngo / /de nas des gnas khang du khrid nas skra btogs te/ phor pa dang rma bya'i mdongs kyi phyags ma byin nas/ phyi sa za ba'i yi dam byin te btang ngo / /de nas de phyi sa'i 'dam ga la ba der song ste 'dug go/ /de'i tshe
243a6 mnyan du yod pa na lnga brgya tsam 'khod pa rnams mtshan mo gang gi tshe/skye bo mang po nyal ba de'i tshe phyi sa'i 'dam gzhan nas gzhan dag tu dong nas/ phyi sa dang gcin za zhing 'thung bar byed do/ /khye'u des kyang de rnams kyi sgra ni thos la gzugs mi mthong ngo / /
243a7 de nas phyi zhig na 'od srung rdzogs byed kyis de la brtags te/ bu khyod kyis brtul zhugs yi dam du blangs pa 'dis khyad par cung zad lta thob bam/ des smras pa/ khyad par zhes bya ba ji lta bu yin/ rdzogs byed kyis smras pa/ khyod kyis lha'i gzugs lta bu lta mthong ngam/
243b1 lha'i sgra skad lta thos sam/ des smras pa/ bdag gis lha'i gzugs lta bu ni ma mthong gi skye bo mang po'i sgra skad dag thos na/ 'on kyang mngon sum du de ma mthong ngo / /rdzogs byed kyis smras pa/ de dag ni bdag nyid chen po brtul zhugs grub pa yin no/ /da yang yi dam bcas
243b2 pa 'di nyid yi dam du bgyis te 'dug shig dang ci ste na de dag gis lus ston kyang srid do zhes byas so//de nas phyi zhig na de rnams kyis bsams pa/ ji ltar bdag cag mi dge ba'i las kyis 'dir skyes te/ sdug bsngal 'di lta bu nyams su myong ba de bzhin du/ khye'u 'di
243b3 yang sngon gyi mi dge ba'i las kyis sdug bsngal 'di lta bu myong ba yin na/ci'i phyir bdag cag gis 'di la lus bstan par cis mi bya zhes zer nas/ de rnams kyis khye'u de la lus bstan te/ de de rnams dang lhan cig tu 'grogs so/ /de nas phyi zhig na 'od srung
243b4 rdzogs byed kyis yang de la brtags te/bu khyod la brtul zhugs grub pa de dag gis lus cung zad tsam bstan tam/ des smras pa lus ni bstan mod kyi mi sdug pa'i tshul du bstan to/ /'od srung rdzogs byed kyis smras pa/ da dung yi dam du bcas pa de nyid yi dam du gyis te 'dug shig
243b5 dang /rang bzhin gyis gzugs ston par 'gyur yang srid do/ /de nas phyi zhig na/ tshe dang ldan pa shA ri'i bus bsams pa/ 'di rnams las zad de ring po mi thogs par 'chi bar 'gyur gyis/ bdag gis 'di rnams gdul bar bya'o snyam ste/ tshe dang ldan pa shA ri'i bu yi
243b6 dgas lnga brgya po rnams kyi thad du song nas smras pa/bzhin dag 'di ltar 'du byed thams cad ni mi rtag go/ /chos thams cad ni bdag med pa'o/ /mya ngan las 'das pa ni zhi ba'o/ /nga la sems dga' bar gyis shig dang / kyi skye gnas dang bral bar 'gyur yang
243b7 srid do zhes byas nas tshe dang ldan pa shA ri'i bu song ngo //de rnams kyang tshe zad nas de dag tshe dang ldan pa shA ri'i bu la sems dga' bar gyur bzhin du shi nas lha'i yul du skyes so/ /lha'i bu'am lha'i bu mo skyes ma thag pa ni chos nyid kyis sems rnam pa gsum skye bar 'gyur te/
244a1 bdag gang nas shi 'phos gang du skyes las gang gis skyes snyam mo/ /de nas las shi 'phos pa dang lhar skyes pa dang tshe dang ldan pa shA ri'i bu la sems dga' bar gyur pa de dag gis mthong ngo / /de nas sngon su gyur pa'i lha'i bu de dag 'di snyam du sems te/
244a2 bdag cag zhag lon nas gzod bcom ldan 'das la blta ba'i phyir 'gro ba ni bdag cag gi cha ma yin gyis/ bdag cag zhag ma lon par bcom ldan 'das la blta ba'i phyir 'gro'o snyam mo/ /de nas sngon su gyur pa'i lha'i bu/ rna cha gdub kor dag cing 'gul ba thogs pa/ lus do
244a3 shal dang se mo dos brgyan pa/nor bu rin po che sna tshogs kyis spras pa'i cod pan can lus gur gum dang ta ma la'i lo ma dang sbr-i ka la sogs pas byugs pa de dag gis de nyid kyi mtshan mo lha'i me tog ud pa la dang / pad ma dang / ku mu dA dang / pad ma dkar po dang / man dA ra rnams kyis thu ba
244a4 bkang ste/bcom ldan 'das kyi thad du lhags nas bcom ldan 'das la lha'i me tog gis gtor to/ /de nas bcom ldan 'das kyis de dag la chos bstan te/ de dag thams cad kyis bden pa rnams mthong ngo / /de dag gis bden pa mthong nas bcom ldan 'das kyi thad nas song ste/
244a5 rang gi gnas su dong ba na de dag gis khye'u wa yid la dran nas de dag gis bsams pa/ bdag cag ni 'phags pa shA ri'i bu las brten te/ kyi skye gnas dang bral nas/ lhar skyes kyis bdag cag dong ste wa'i don bya'o/ /'on kyang de yang bcom ldan 'das kyi thad du song nas
244a6 bcom ldan 'das las brten te/sdug bsngal de las thar bar 'gyur yang srid do snyam nas rgyal bu rgyal byed kyi tshal nas mi snang bar gyur te/ mnyan du yod pa'i phyogs gang na wa 'dug pa'i phyogs de'i steng gi bar snang la lha'i gzhal med khang dang bcas par 'khod de/ mnyan du yod pa thog
244a7 thag snang ba chen pos khyab par byas so//de nas was lha lnga brgya po de dag mthong ngo / /mthong nas kyang khyed su dag ci byed ces byas so/ /de dag gis smras pa/ bdag cag ni sngon khyod kyi grogs po de dag yin no/ /khye'us smras pa/ sngon ni ngas khyed rnams tshul de lta ma
244b1 yin par mthong la/da ni tshul de lta ma yin par mthong ngo zhes byas so/ /de dag gis smras pa/ bdag cag ni gnas 'di nas shi 'phos te lha'i nang du skyes so/ /was smras pa/ khyed brtul zhugs yi dam du blangs pa de kho nas lha'i nang du skyes sam/ de dag gis smras pa/
244b2 brtul zhugs yi dam du blangs pa des skyes pa ma yin gyi sngon ngas mi dge ba'i las kyis su skyes pa las/ nged kyis 'phags pa shA ri'i bu las brten nas kyi skye gnas dang bral te lha'i skye gnas thob par gyur to/ /khyod kyang sangs rgyas bcom ldan 'das la skyabs
244b3 su song shig dang khyod kyang sdug bsngal 'di las thar bar 'gyur yang srid do zhes byas nas lha de dag de nyid du mi snang bar gyur to//'od srung rdzogs byed kyis kyang lha lnga brgya po de dag wa'i thad du song ba mthong nas gzhan dag la bsnyad de/ 'di ltar 'di la lha rnams kyang lus ston par byed
244b4 cing 'ong ba las na/bdag nyid chen po 'dis ni brtul zhugs grub par gyur to zhes zer ro/ /de nas de thos ma thag tu sems can mang po dag gis phyi sa bza' bar yi dam blangs so/ /khye'u was ni lha rnams kyi tshig thos nas bsams pa/ bdag song la sangs rgyas bcom
244b5 ldan 'das la bsnyen bkur bya'o//'on kyang bdag gi lus 'di kho na ltar phyi sas yog bzhin du/ bcom ldan 'das la ltar 'gro ba ni mi phod do snyam ste/ chu klung khang ldan gyi 'gram du song nas lus thams cad sas drud de khrus byas nas/ bcom ldan 'das ga la ba der song ngo / /
244b6 de nas khye'u was sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu mchod sdong rin po che sna tshogs
244b7 kyis spras pa lta bu blo gsal zhing dri ma med la/rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis/ dang po sangs rgyas mthong ba'i nyams bde ba ci
245a1 'dra ba de lta bu ni/lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ /de ltar mthong nas kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag
245a2 'tshal te/chos mnyan pa'i phyir spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin dang shes pa thugs su chud nas de dang 'thun pa'i chos bstan te/ de nas khye'u was stan de nyid la 'dug bzhin du/ 'jig tshogs
245a3 la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/des bden pa mthong nas stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de bcom ldan 'das la 'di skad
245a4 ces gsol to//btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis
245a5 dge slong tshur shog ces bya ba'i tshig gis rab tu phyung ste/bsnyen par rdzogs par mdzad nas de la lung yang phog go/ /des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i
245a6 'dod chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig
245a7 pa thob pa srid pa'i rnyed pa dang chags pa dang bkur sti la mi lta ba/dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams kyis sangs rgyas bcom ldan 'das la zhus pa/ btsun pa was las ci bgyis
245b1 shing bsags na/las de'i rnam par smin pas phyug cing nor mang la longs spyod che ba'i rigs su skyes la/ btsas ma thag tu lus thams cad nas phyi sa'i dri 'byung ba dang phyi sa 'tshal ba dang phyi sa'i 'dam du gnas par gyur lags/ las ci bgyis na las de'i rnam par smin pas/ 'dis
245b2 bcom ldan 'das mnyes par bgyis te mi mnyes par ma bgyis la/bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di nyid kyis las de lta bu
245b3 byas shing bsags te/dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/
245b4 bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i tshe grong khyer bA rA Na sI na/ khyim bdag phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi
245b5 bu'i nor dang 'gran pa zhig gnas pa las/phyi zhig na de sangs rgyas la dga' ba dang chos la dga' ba dang dge 'dun la dga' bar gyur nas/ skyabs su 'gro ba dang bslab pa'i gzhi rnams blangs te/ phyir mi 'ong ba'i 'bras bu mngon sum du byas nas des bsams pa/ bdag la
245b6 bu yang med bu mo yang med pas shi ste dus las 'das pa'i 'og tu bdag la ci bdog pa thams cad rgyal po dbang byed par gyur na/ma la bdag gis sangs rgyas dang chos dang dge 'dun la bkur sti bya'o snyam ste/ des rnam pa thams cad yongs su rdzogs pa'i gtsug lag khang
245b7 brtsigs nas yo byad thams cad sbyar te/dge slong rnams la yo byad thams cad kyis bsnyen bkur byas nas der dge slong zhal ta ba la bskos so/ /de nas phyi zhig na/ zhal ta ba de ljongs su bya ba zhig yod de/ khyim bdag de la bzlugs nas song ngo / /de der song ba'i
246a1 'og tu dgra bcom pa zhig ljongs rgyu zhing song song ba las gtsug lag khang der phyin te/khyim bdag des de mdzes shing g.yog 'khor mdzes pa mthong nas/ mthong ma thag tu khyim bdag de de la shin tu dga' bar gyur te/ dga' bar gyur nas des bsams pa/ gal te
246a2 bdag gis 'di gcig pu spyan drangs na ni gnang bar mi 'gyur na/ma la bdag gis de kho na'i phyir dge slong gi dge 'dun khyim du spyan drangs la bshos gsol lo snyam nas de'i rkang pa la phyag 'tshal te smras pa/ 'phags pa khyod dge slong gi dge 'dun dang bcas par sang bdag gi
246a3 khyim du bshos gsol bar ci gnang zhes byas so//de nas dgra bcom pa des bsams pa/ gal te bdag gis khas ma blangs na ni dge slong 'di rnams kyi rnyed pa'i bar chad du yang 'gyur la/ sbyin bdag 'di'i bsod nams kyi bar chad du yang 'gyur ro snyam nas des de la cang mi gsung
246a4 bas gnang ngo //de nas khyim bdag des phyi de nyin dge slong gi dge 'dun gyi phyir/ khyim du cho ga dang ldan pa'i khrus dang mal cha dang stan bshams te/ chu ra bcas nas dge slong rnams la spyan 'dren btang ste/ 'phags pa rnams gdugs tshod dang cho ga dang ldan pa'i khrus la bab na/
246a5 'phags pa rnams kyis da de'i dus la bab par mkhyen par mdzad du gsol zhes bskul to/ /de nas dge slong rnams de'i khyim du lhags nas/ khyim bdag des 'dreg mkhan bkug ste/ dge slong thams cad kyi skra 'dreg tu bcug nas cho ga dang ldan pa'i khrus kyis khrus byed du
246a6 bcug ste/rang gi lag nas bza' ba dang bca' ba gtsang ma bzang po mang pos tshim par byas so/ /dge slong zhal ta pa de yang ljongs su don bsgrubs nas/ gtsug lag khang der phyir 'ongs so/ /de phyir 'ongs nas/ de dge slong de dag mi snang na gar dong zhes dris pa dang de
246a7 dag gis smras pa/khyim bdag gis khyim du spyan drangs so/ /des smras pa/ su'i phyir spyan drangs/ de dag gis smras pa/ dge slong zhig gsar du 'ongs pa'i phyir spyan drangs so/ /de nas de thos ma thag tu de shas cher mi dga' bar gyur te/ de'i bya ba thams cad
246b1 byed pa ni nga yin na/dge slong gsar du 'ongs pa zhig gi phyir/ des dge slong gi dge 'dun spyan drangs so snyam du rig nas khros te/ khyim bdag de'i khyim du song ngo / /de der song nas bltas na khyim bdag de rang nyid dgra bcom pa de la gus par bsnyen bkur byed pa mthong
246b2 ngo //de nas de lhag par phrag dog gi phyir khros so/ /der dge slong rnams bshos gsol nas/ gtsug lag khang du dong ba de'i tshe dgra bcom pa de'i thad du song nas smras pa/ btsun pa khyod kyis khyim bdag 'di ltar byed pa 'di su yin shes sam/ dgra bcom pas smras pa/ ngas
246b3 shes te/phyir mi 'ong ba yin no/ /zhal ta byed pas smras pa/ gal te de ltar na khyod kyis de las skra bregs pa nyams su blangs pa bas ni/ khyod kyi skra btogs kyang sla'o/ /khyod kyis de las khrus kyi yo byad blangs pa bas ni/ khyod phyi sa'i 'dam du bying yang sla'o/ /khyod kyis de
246b4 las zas dang skom blangs pa bas ni/khyod kyis phyi sa dang gcin zos shing 'thungs kyang sla'o zhes byas so/ /de nas dgra bcom pa des bsams pa nyon mongs pa 'di ni dmas shing nyams par gyur te/ gtan tu nyams par gyur na mi rung gis 'di'i ra mda' bya dgos so snyam nas/
246b5 de la smras pa/ tshe dang ldan pa khyod kyis nga su yin pa dang khyod bdag su yin pa shes sam/ des smras pa/ bdag gis shes te khyod kyang rab tu byung ba yin nga yang rab tu byung ba yin no/ /dgra bcom pas smras pa/ 'o bu cag rab tu byung bar 'dra mod kyi/ khyod ni so so'i skye bo bcing ba
246b6 thams cad kyis bcings pa yin te/nga ni dgra bcom pa bcing ba thams cad las grol ba yin no/ /khyod kyis ngag rtsub po smras kyis/ nyes pa la nyes so zhes bshags par gyis shig /khyod 'khor ba na 'khor zhing sdug bsngal chen po rnyed ta re/ de nas de thos ma thag tu dge slong
246b7 de 'gyod pa chen po skyes so//de 'gyod pa skyes nas/ dgra bcom pa de'i rkang pa la phyag 'tshal te bzod pa gsol to/ /de nas des tshe gcig tu tshangs par spyod pa spyad nas 'chi kar smon lam btab pa/ kye ma 'di ltar bdag gis dgra bcom pa de la tshig rtsub smras pa'i las
247a1 de bdag la 'ong bar ma gyur cig /phyis bdag gis chos bzhin du dge 'dun gyi zhal ta byas pa dang tshe gcig tu tshangs par spyod pa spyad pa'i dge ba'i rtsa ba 'dis na/ bdag gang dang gang du skye ba de dang der phyug cing nor mang la longs spyod che ba'i rigs su skye bar
247a2 gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs
247a3 pa thams cad spangs te/dgra bcom pa nyid mngon sum du byed par gyur cig ces byas so/ /dge slong dag ji snyam du sems/ de'i tshe dge slong zhal ta byed par gyur pa gang yin pa de ni wa 'di kho na yin te/ des der dgra bcom pa de la tshig rtsub po smras te/ khyod kyis de las
247a4 skra bregs pa nyams su blangs pa bas ni/khyod kyi skra btogs kyang sla'o zhes byas pa'i las de'i rnam par smin pas ni/ gang dang gang du skyes pa de dang der skra btogs par gyur to/ /des der khyod kyis de la khrus kyi yo byad blangs pa bas ni khyod phyi sa'i 'dam du bying yang sla'o zhes
247a5 byas pa'i las de'i rnam par smin pas ni/gang dang gang du skyes pa de dang der phyi sa'i 'dam du gnas par gyur to/ /des der dgra bcom pa de la khyod kyis de las zas dang skom blangs pa bas ni/ khyod kyis phyi sa dang gcin zos shing 'thungs kyang sla'o zhes byas pa'i las
247a6 de'i rnam par smin pas ni/gang dang gang du skyes pa de dang der lus las phyi sa'i dri 'byung ba dang phyi sa za bar gyur to/ /des der chos bzhin du zhal ta byas pa dang tshe gcig tu tshangs par spyad nas 'chi kar smon lam btab ste/ gang dang gang du skye bar 'gyur ba de dang der phyug cing
247a7 nor mang la longs spyod che ba'i rigs su skye bar gyur cig ces byas pa'i las de'i rnam par smin pas ni/gang dang gang du skyes pa de dang der phyug cing nor mang la longs spyod che ba'i rigs su skyes te/ dge slong dag nga yang dag par rdzogs pa'i sangs rgyas 'od srung dang shin tu mnyam
247b1 pa dang /shugs mnyam pa dang / mdzad pa mnyam pa dang / thabs mnyam pa brnyes par gyur nas 'dis nga mnyes par byas te mi mnyes par ma byas la/ nga nyid kyi bstan pa la rab tu byung ste nyon mongs pa thams cad spangs nas dgra bcom pa nyid mngon sum du byas so/ /dge slong rnams
247b2 kyis gsol pa/btsun pa lnga brgya po de dag gis las ci bgyis na/ las de'i rnam par smin pas su skyes par gyur lags/ las ci bgyis na las de'i rnam par smin pas lhar skyes nas/ de rnams kyis bcom ldan 'das kyang mnyes par bgyis te mi mnyes
247b3 par ma bgyis lags/bcom ldan 'das kyis bka' stsal pa/ dge slong dag de dag nyid kyis las de lta bu byas shing bsags te/ dge slong dag sngon byung ba 'das pa'i dus na bskal pa bzang po 'di nyid la/ skye dgu'i tshe lo nyi khri thub pa na/ yang dag par rdzogs pa'i sangs rgyas
247b4 rig pa dang zhabs su ldan pa/bde bar gshegs pa/ 'jig rten mkhyen pa skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i gsung rab la 'di dag thams cad dge bsnyen du gyur
247b5 nas/de dag gi thad du dge slong rnams 'gro zhing / gos dang zas dang mal cha dang stan dang nad gsos dang sman zong yang dang yang du slong nas de dag ser sna'i dbang du gyur te/ dge slong de dag la 'od srung gi dge sbyong 'di dag ni bzhin du khor zug tu gzhan la re ba
247b6 lhur byed cing rgyu'o zhes de lta bu'i tshig rtsub po smras so//dge slong dag ji snyam du sems/ de'i tshe dge bsnyen lnga brgyar gyur pa gang yin pa de dag ni lnga brgya po de dag kho na yin te/ de dag gis der dge slong de dag la tshig rtsub po smras pa'i las de'i rnam par smin
247b7 pas ni tshe rabs lnga brgyar su skyes so//de dag gis yang dag par rdzogs pa'i sangs rgyas 'od srung gi gsung rab la skyabs su 'gro ba dang / bslab pa'i gzhi rnams bsrungs te dbang po yongs su smin par byas pa des ni de ltar rnam par grol bar gyur to/ /las
248a1 brgya tham pa las sdom gyi tshigs su bcad pa lnga pa rdzogs // //sdom ni/ bya gnyis dang ni lus 'phags dang / ston pa 'od srung kun dga' bo/ /'dzin byed bu dang rab bzang dang / yon rabs dang ni rgan zhugs gnyis/ /bya gnyis
248a2 zhes bya ba la/bya dang po ni/ gleng gzhi rgyal po'i khab na bzhugs te/ de'i tshe bcom ldan 'das rgyal po'i khab na/ bya rgod kyi phung po'i ri la bzhugs te/ de na bcom ldan 'das 'khor brgya phrag du ma'i gung la bzhugs shing chos ston pa'i skabs su ri spos kyi ngad ldang nas/
248a3 rma bya blta na sdug ces bya ba zhig 'ongs nas rgyal bu rgyal byed kyi tshal gyi steng gi bar snang la lding ba las/ bya des bcom ldan 'das 'khor brgya phrag du ma'i gung la bzhugs shing chos ston pa thos so/ /thos nas kyang sa la babs nas bcom ldan 'das kyi zhabs drung du 'dug go/ /
248a4 de nas bcom ldan 'das kyis de la chos tshig gsum bstan te/ 'du byed thams cad ni mi rtag go/ /chos thams cad ni bdag med do/ /mya ngan las 'das pa ni zhi ba'o/ /nga la sems dga' bar gyis shig dang dud 'gro'i skye gnas dang bral bar 'gyur yang srid do zhes de skad
248a5 ces bka' stsal nas/bya de dga' bar gyur te yun ring du zhal du brtags nas song ba'i 'og tu de steng gi nam mkha' la 'gro ba las khras bsad de/ de bcom ldan 'das la sems dga' bzhin du shi 'phos te/ dus las 'das nas rgyal po'i khab de nyid du tshong dpon zhig gi
248a6 khyim du nying mtshams sbyar te/de zla ba dgu'am bcu lon pa dang bu byung nas khye'u zhig btsas te/ de'i btsas ston rgyas par byas nas/ rigs dang 'thun par ming btags te/ 'o ma dang zho dang mar dang zhun mar dang mar gyi nying gus bskyed bsrings nas/ de gang gi tshe cher skyes
248a7 pa de'i tshe yi ge dang /khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag pa dang / rta brtag pa
248b1 dang /go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to/ /de nas phyi zhig na de sangs rgyas la dga' ba dang / chos la dga' ba
248b2 dang /dge 'dun la dga' bar gyur nas des pha ma la gsol te/ bcom ldan 'das kyi bstan pa la rab tu byung ngo / /de rab tu byung nas na tshod kyis lo bdun lon pa kho na na nyon mongs pa thams cad spangs te/ dgra bcom pa nyid mngon sum du byas nas rdzu 'phrul che zhing mthu che bar
248b3 gyur to//de nas de rdzu 'phrul gyis 'gro zhing gnas gzhan dang gzhan dag tu song nas lo ma'i nang du me tog dang 'bras bu rnams bcug ste khyer te 'ong zhing dge 'dun la 'bul bar byed do/ /de nas dge slong rnams kyis de mthong nas ngo mtshar du gyur te/ de dag gis bcom ldan
248b4 'das la gsol pa/btsun pa dge tshul ba 'di lo bdun nas rab tu byung ste/ nyon mongs pa thams cad spangs nas dgra bcom pa nyid mngon sum du bgyis pa la gzigs/ de nas bcom ldan 'das kyis de dag nyid skyo ba bskyed pa'i phyir bka' stsal pa/ khyed kyis che ge mo zhig gi
248b5 tshe/bya zhig nam mkha' las babs nas nga'i mdun du 'dug pa mthong ngam gsol pa/ btsun pa bcom ldan 'das mthong lags so/ /bka' stsal pa/ dge slong dag bya de nga la sems dga' bar gyur nas song ba las khras bsad de/ de nga la sems dga' bzhin du shi 'phos nas
248b6 rgyal po'i khab 'di nyid du tshong dpon gyi rigs su skyes nas/cher skyes pa dang nga nyid kyi bstan pa la rab tu byung ngo / /de rab tu byung nas na tshod kyis lo bdun pa kho na na nyon mongs pa thams cad spangs te dgra bcom pa nyid mngon sum du byas so/ /de nas dge slong rnams kyis sangs rgyas
248b7 bcom ldan 'das la zhus pa/btsun pa dge tshul ba 'dis las ci bgyis na/ las de'i rnam par smin pas byar skyes lags/ las ci bgyis na de las shi 'phos nas mir skyes la/ bcom ldan 'das kyang 'dis mnyes par bgyis te mi mnyes par ma bgyis/ bcom ldan
249a1 'das kyi bstan pa la rab tu byung nas nyon mongs pa thams cad spangs te/dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ yul kA shi'i grong khyer bA rA Na sI na ni rgyal po tshangs
249a2 pas byin rgyal po byed do//yul lus 'phags na ni lus 'phags kyi rgyal po bi de ha rgyal po byed do/ /de gnyis phan tshun mi 'thun nas skye bo phal po che kha 'dog par byed do/ /de nas phyi zhig na lus 'phags kyi rgyal pos dpung gi tshogs yan lag bzhi go bskon nas g.yul
249a3 'gyed pa'i phyir rgyal po tshangs pas byin gyi thog tu drangs so//kA shi'i rgyal po tshangs pas byin gyis kyang / bi de ha'i rgyal pos dpung gi tshogs yan lag bzhi go bskon nas g.yul 'gyed pa'i phyir/ bdag gi thog tu drangs so zhes thos so/ /thos nas des kyang dpung gi
249a4 tshogs yan lag bzhi go bskon nas/g.yul 'gyed pa'i phyir bi de ha'i rgyal po'i thog tu drangs pa las/ de bi de ha'i rgyal pos de thub cing brdungs par byas te/ pham par byas shing rgyab kyis phyogs par byas nas/ rgyal po gcig pu thar te bros nas nags khrod cig tu zhugs te/
249a5 de lus ngal ba dang lus sdug bsngal ba la lus shig shig por gyur nas rta las babs te/ dgra zhu dang 'thab ber phud de sa la bting ba'i steng du 'dug go/ /sa phyogs de nas thag mi ring ba zhig na ni/ rma bya zhig rma bya mo dag gis bskor te rtse zhing dga' la dga' mgur spyod de/ de des
249a6 mthong nas de la smon par gyur te/'di ni 'dod pa yang spyod la 'di la gnod pa byed pa yang ci yang med pas na skye gnas 'di ni bzang po zhig go snyam mo/ /sangs rgyas bcom ldan 'das rnams mi bzhugs pa'i tshe na/ rang sangs rgyas rnams 'jig rten du byung ste/ rang sangs rgyas
249a7 zhig rgyal po de'i thad nas rgyang mi ring ba zhig na/shing zhig gi drung na rten cing 'dug nas rang sangs rgyas des de drang ba'i phyir lud pa bsal ba'i sgra phyung ngo / /de nas de thos ma thag tu rgyal po de 'jigs shing skrag ste langs nas/ 'dir yang pha rol gyi dmag tshogs ma 'ongs grang snyam
249b1 pa las/rgyal po des shing zhig gi drung na rang sangs rgyas rten cing 'dug pa mthong ngo / /mthong nas kyang de la sems dga' bar gyur te/ 'di de ltar mi med pa'i nags khrod du dga' ba las na 'di ni bdag nyid chen po zhig yin gor ma chag snyam mo/ /sngon gyi rgyal rigs kyi rgyal
249b2 po rnams kyi lugs kyis na/gang gi tshe g.yul 'gyed du 'gro'am shor du 'gro ba de'i tshe rta'i 'phongs la kha zas cung zad tsam btags te 'gro'o/ /rgyal po de'i rta'i 'phongs la yang kha zas cung zad tsam btags pa yod de/ des rang sangs rgyas de la bshos gsol to/ /
249b3 rang sangs rgyas des kyang rgyal po de steng gi nam mkha' la khyer nas 'jigs pa med pa'i gnas su bzhag go/ /de nas rgyal po des smon lam btab pa dge ba'i rtsa ba 'dis na bdag gang dang gang du skye bar 'gyur ba de dang der rma byar skye bar gyur cig /'di bas kyang ches khyad par du
249b4 'phags pa'i ston pa mnyes par byed par gyur cig /mi mnyes par byed par ma gyur cig /yon tan 'di lta bu dag kyang thob par gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /
249b5 dge slong dag ji snyam du sems/ de'i tshe rgyal po tshangs pas byin du gyur pa gang yin pa de ni bya de kho na yin te/ des der rang sangs rgyas la bshos gsol nas smon lam btab pa des na/ da ltar 'dis nga mnyes par byas te mi mnyes par ma byas so// //bya gnyis
249b6 pa ni/gleng gzhi mnyan du yod pa na bzhugs te/ de'i tshe ri spos kyi ngad ldang la bya ku mu dA'i dus ston sna tshogs can zhes bya ba nad pa ring por mi thogs par 'chi bar 'gyur ba zhig 'dug go/ /sangs rgyas bcom ldan 'das bgrod pa gcig pu'i lam ston pa/ rnam pa gnyis
249b7 kyi shes bya dang ye shes la mnga' brnyes pa/ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/
250a1 rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus
250a2 gsum ste/nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan
250a3 song du 'bab/su ni ngan song du bab/ su ni ngas ngan song nas phyung ste mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed
250a4 du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan
250a5 pa'i 'jig rten 'bras bu dang bcas par bya snyam du ye shes gzigs pa 'jug go//rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs
250a6 pa/bya de lung bstan pa'i dus la bab ste/ 'di las brten nas gdul bar bya ba'i skye bo mang po drang dgos so snyam du dgongs nas/ bcom ldan 'das mnyan du yod pa nas mi snang bar gyur te/ ri spos kyi ngad ldang gis phyogs bya de 'dug pa nas thag mi ring ba zhig tu byon te/ bcom
250a7 ldan 'das kyis ci nas bya tsa sha lnga brgya lhags te/bcom ldan 'das la skor ba byed par 'gyur ba de lta bur byin gyis brlabs so/ /de nas bya des bya tsa sha lnga brgya lhags te bcom ldan 'das la skor ba byed par mthong ngo / /mthong nas kyang / kye ma bdag gis kyang bcom ldan 'das
250b1 la bskor ba bya'o snyam du de'i 'dod pa skyes so//de nas de bcom ldan 'das la sems dga' bar gyur bzhin du shi nas lhar skyes so/ /de lhar gyur nas bcom ldan 'das kyi thad du song ste/ bcom ldan 'das kyis de la chos bstan nas des bden pa mthong ste/ bden pa mthong nas
250b2 de rang gi gnas su song ngo //de nas bcom ldan 'das kyis bya de'i ro las brten te/ dge slong gi 'khor gyi nang du tshe dang ldan pa shA ri'i bu la bka' stsal pa/ shA ri'i bu bya 'dis las ci zhig byas na las de'i rnam par smin pas byar skyes par gyur ces smras pa dang / de thos ma
250b3 thag tu tshe dang ldan pa shA ri'i bu sems pa la zhugs te/de rab kyi mtha'i bsam gtan gyi bar du snyoms par zhugs kyang de'i rtsad ma chod de/ bya rnams las shi 'phos shing bya rnams su skyes pa 'ba' zhig mthong ngo / /de nas de ting nge 'dzin de las langs nas bla gos phrag
250b4 pa gcig tu gzar te/bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bcom ldan 'das bdag gis bya 'di'i rtsad ma khums te/ bya rnams las shi 'phos shing bya rnams su skyes pa 'ba'
250b5 zhig mthong lags so//btsun pa bcom ldan 'das ni ye shes gzigs pa thogs pa mi mnga' ba ye shes gzigs pa mtha' yas pa lags na/ btsun pa bcom ldan 'das nyid kyis bya 'dis las ci bgyis pa dang / las gang gi rnam par smin pas bya 'ba' zhig tu
250b6 skyes pa lung bstan du gsol/bcom ldan 'das kyis bka' stsal pa/ dge slong dag bya 'di nyid kyis las de lta bu byas shing bsags te/ dge slong dag sngon byung ba 'das pa'i dus na/ nyan thos dang rang sangs rgyas kyi sa las 'das pa/ yang dag par rdzogs pa'i
250b7 sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das don gzigs zhes bya ba 'jig rten du byung ste/ de'i gsung
251a1 rab la bya 'di rab tu byung ste/dge slong zhal ta byed par gyur nas/ des sbyin bdag dang sbyin pa po rnams las bza' ba dang btung ba bslangs te/ khyim pa la rten par byed nas dge slong mang pos bkag pa las de khros te smras pa/ khyed ni dud 'gro bzhin
251a2 du bsam mno med pa yin te/dge slong dag gis bya ba gang yin pa ltar byed pa ma yin no/ /zhes byas so/ /de nas phyis de 'gyod pa skyes te/ des las de nyes pa la nyes so zhes bshags nas/ tshe gcig tu tshangs par spyod pa spyad de 'chi kar smon lam btab pa/
251a3 'di ltar bdag gis sems can dag pa 'di lta bu dag la tshig rtsub po smras pa'i las 'di bdag la 'ong bar ma gyur cig /ston pa 'di kho na dang 'dra ba bdag gis mnyes par byed par gyur cig /mi mnyes par byed par ma gyur cig ces byas so/ /dge slong dag ji
251a4 snyam du sems/de'i tshe dge slong zhal ta byed par gyur pa gang yin pa de ni bya 'di kho na yin te/ des der dge slong de dag la tshig rtsub po smras pa'i las de'i rnam par smin pas dud 'gro rnams su skyes te/ yang dag par rdzogs pa'i sangs rgyas don gzigs kyi ring nas/
251a5 nga'i ring gi bar du dud 'gro rnams las shi 'phos shing dud 'gro 'ba' zhig tu skyes so/ /da ni nga la sems dga' ba skyes pas shi 'phos te/ dus las 'das nas lhar skyes so/ /lhar gyur nas kyang nga'i thad du 'ongs te de la ngas chos bstan to/ /des nga las chos thos
251a6 nas bden pa rnams mthong ngo //des bden pa mthong nas rang gi gnas su song ngo / /des der chos bzhin du zhal ta byas nas 'chi kar smon lam btab ste/ bdag gis ston pa 'di lta bu mnyes par byed par gyur cig /mi mnyes par byed par ma gyur cig ces
251a7 byas pa des na/dge slong dag nga yang dag par rdzogs pa'i sangs rgyas don gzigs dang / shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas
251b1 so//de nas de thos ma thag tu dge slong de dag skyo ba chen po skyes te/ bcom ldan 'das kyis de dag gi yid skyo bar gyur par thugs su chud nas/ de dang 'thun pa'i chos bstan te des na dge slong de dag gis stan de nyid la 'khod bzhin du/ nyon mongs pa thams cad
251b2 spangs te dgra bcom pa nyid mngon sum du byas so// //lus 'phags zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ bram ze'i rigs che zhing mtho ba phyug cing nor mang la longs spyod che ba/ yongs su 'dzin pa yangs shing rgya che
251b3 ba rnam thos kyi bu'i nor dang ldan pa/rnam thos kyi bu'i nor dang 'gran pa lus 'phags zhes bya ba zhig gnas te/ des thabs zlar bab pa las chung ma blangs nas de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags te/ de zla ba dgu'am
251b4 bcu lon pa dang /khye'u gzugs bzang zhing blta na sdug la mdzes pa mdog bzang la/ gser gyi kha dog can mgo bo gdugs ltar 'dug pa lag pa ring ba/ dpral pa'i dbyes che ba/ sna mtho ba sna legs pa smin ma stug pa zhig btsas te de'i btsas ston rgyas par byas nas/
251b5 khye'u 'di'i ming cir gdags zhes rigs dang 'thun par ming 'dogs par byed de/ khye'u 'di bram ze lus 'phags kyi bu yin pas na/ de'i phyir khye'u 'di'i ming lhag 'phags zhes gdags so zhes zer ro/ /de nas khye'u lhag 'phags 'o ma dang zho dang mar dang zhun mar dang mar
251b6 gyi nying gu rnams kyis bskyed bsrings nas/mtsho'i nang gi pad ma bzhin du skye drag par gyur to/ /de nas de gang gi tshe cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang /
251b7 ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs
252a1 bslabs nas las rnam pa drug la mkhas pa'i bram zer gyur te/de mthar gyis rig pa'i gnas brgyad la byang bar gyur la gzhung gis rtsod pa thams cad kyang tshar bcad do/ /de nas phyi zhig na bram ze lus 'phags kyi sems skyes pa/ mchod sbyin bya'o
252a2 snyam mo//de'i 'og tu yang sems skyes pa/ dge sbyong gau ta ma 'di ni thams cad mkhyen pa thams cad gzigs pa yin te/ 'dis ni 'di lta ste/ 'das pa dang ma 'ongs pa dang da ltar byung ba ci yang mi gzigs pa dang mi mkhyen pa dang thugs su ma chud pa ci yang med de/ bdag
252a3 gi mchod sbyin yang yan lag 'ga' tsam gyi sgo nas kyang nyams par gyur na mi rung gis/bdag je dge sbyong gau ta ma'i thad du song la dri bar bya'o snyam nas/ rgod ma dkar mo dang sbyar ba'i shing rta la zhon te/ gser gyi 'khar ba dang gser gyi ril ba thogs shing bram ze'i khye'u'i
252a4 tshogs kyis bskor nas/mnyan du yod pa nas byung ste/ rgyal bu rgyal byed kyi tshal du song ngo / /ji srid du bzhon pas 'gro bar bya ba'i sa de srid du bzhon pas song nas bzhon pa las babs te/ rkang pas kun dga' ra bar song nas/ bcom ldan 'das ga la ba der song ste
252a5 phyin nas bcom ldan 'das dang mngon sum du yang dag par dga' ba dang yang dag par mgu ba'i gtam sna tshogs byas te/mjug brtul nas phyogs gcig tu 'dug go/ /phyogs gcig tu 'dug nas bcom ldan 'das la bram ze lus 'phags kyis 'di skad ces
252a6 gsol to//kye gau ta ma 'dir bdag gis mchod sbyin chen po brtsams te/ mchod sbyin chen po bgyi ba'i slad du/ khyu mchog lnga brgya yang sdong po la btags/ ba lang dang / ma he dang / ma he mo dang / bzhon pa dang / be'u dang / be'u chung ngu dang / ra dang / lug dang / srog chags
252a7 phra mo rnams kyang sdong po la btags so//mchod sbyin bgyi ba'i slad du/ bza' ba dang bca' ba mang po dag kyang bshams so/ /nyi 'og gi dge sbyong dang bram ze rnams kyang phyogs gzhan dang gzhan dag dang ljongs gzhan dang gzhan dag nas/ bdag gi mchod sbyin
252b1 de lta bu nyams su myong bar bgyi ba'i slad du/mnyan du yod par lhags na/ bcom ldan 'das gau ta mas ci nas bdag gi mchod sbyin yan lag 'ga' tsam gyi sgo nas kyang nyams par mi 'gyur ba de lta bur bstan du gsol/ de nas bcom ldan 'das kyis de'i
252b2 mchod sbyin de kho na las brtsams nas de dang 'thun pa'i chos bstan te/des na bram ze lus 'phags dang bram ze'i khye'u lhag 'phags gnyis kyis stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras
252b3 bu mngon sum du byas so//de nas lhag 'phags kyis smras pa/ phyin cad bdag cag bram ze rnams ston mo stsal ci 'tshal/ bram ze lus 'phags kyis smras pa/ lhag 'phags de skad ma zer cig /sangs rgyas la sogs pa dge slong gi dge 'dun bshos gsol te/ yon
252b4 phul ba'i 'og tu/de'i lhag ma las bram ze rnams la yang sbyin par bya'o/ /de nas lhag 'phags kyis smras pa/ mkhan po ji ltar dgyes pa bzhin du bgyi'o/ /de nas bram ze lus 'phags stan las langs te bla gos phrag pa gcig tu gzar nas/ bcom ldan 'das ga la
252b5 ba de logs su thal mo sbyar ba btud de/bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs cig tu/ sang bdag gi mchod sbyin gyi gnas su bshos gsol bar ci gnang / de nas bcom ldan 'das kyis bram ze lus
252b6 'phags la cang mi gsung bas gnang nas/bram ze lus 'phags kyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo / /de nas de mchod sbyin gyi gnas su
252b7 phyin nas khyu mchog thams cad kyang btang /ba lang dang / ma he dang / ma he mo dang / bzhon pa dang / be'u dang / be'u chung ngu dang / ra dang / lug dang / srog chags phra mo sna tshogs kyang btang nas smras pa/ phyogs bzhi nas rlung bsil bar ldang gis khyed song la deng phan cad rtsi mchog ma
253a1 nyams pa la ni zo shig /chu ma glongs pa rnyog pa med cing dang ba la ni 'thung shig ces byas te/ des srog chags phra mo sna tshogs de dag kyang bkye nas/ bcom ldan 'das kyi phyir de nyid kyi mtshan mo bza' ba dang bca' ba gtsang ma bzang po mang po sta gon byas
253a2 nas/nang par sngar langs te gdan bshams nas chu ra bkang ste/ bcom ldan 'das la phrin gyis gdugs tshod bskul pa/ btsun pa gdugs tshod la bab ste bshos gsol lags na/ bcom ldan 'das kyis da de'i dus la bab par dgongs te gshegs su gsol zhes bskul
253a3 to//de nas bcom ldan 'das snga dro sham thabs dang chos gos gsol te/ lhung bzed bsnams nas dge slong gi tshogs kyis bskor cing / dge slong gi dge 'dun gyis/ mdun du bdar te/ bram ze lus 'phags kyi bkad sa gang na ba der gshegs te byon nas dge slong gi dge
253a4 'dun gyi gung la gdan bshams pa la bzhugs so//de nas bram ze lus 'phags dang / bram ze'i khye'u lhag 'phags kyis/ sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang
253a5 po mang pos tshim par byas te ci bzhed pa bstabs so//rang gi lag nas bza' ba dang bca' ba gtsang ma bzang po mang po rnam grangs du mas tshim par byas te ci bzhed pa bstabs nas re re la ras zung re phul lo/ /de nas bcom ldan 'das bshos gsol zin te bstsang sder
253a6 ni gyu phyag ni bcabs par rig nas chos mnyan pa'i phyir spyan sngar 'dug go//de nas bcom ldan 'das kyis/ de gnyis la chos kyi gtam gyis yang dag par bstan yang dag par 'dzin du bcug /yang dag par gzengs bstod yang dag par dga' bar mdzad nas gdan
253a7 las bzhengs te gshegs so//bcom ldan 'das gshegs nas/ mchod sbyin gyi gnas der bram ze thams cad khros te 'di skad du ltos dang bdag cag gi phyir mchod sbyin brtsams pa las dge sbyong gau ta ma la byin no zhes zer to/ /de nas bram ze lus 'phags kyis
253b1 bram ze thams cad bdag cag la ji ltar khros pa de thos nas/thos ma thag tu bram ze lus 'phags bram ze de dag gi thad du song ste smras pa/ khyed la dge sbyong gau ta ma ci gnod/ bdag gis khyed kyi yon bshams pa ni khyed la sbyin par bya'o/ /bram ze rnams kyis smras pa/ nged
253b2 la phyin cad khyod kyi yon mi dgos so zhes smras nas/de spad gnyis gsad par byas so/ /de nas de spad gnyis kyis bsams pa/ 'di rnams kyis bdag cag gsad du 'ong ngo snyam nas bros te/ rgyal bu rgyal byed kyi tshal du song nas bcom ldan 'das ga la ba der phyin nas/ bcom
253b3 ldan 'das kyi zhabs la mgo bos phyag 'tshal te/bcom ldan 'das la gtam de rgyas par bsnyad do/ /'di skad ces kyang gsol to/ /btsun pa bdag cag gnyis khyim na gnas pa btang ngo / /btsun pa bdag cag legs par gsungs pa'i chos 'dul ba la rab tu 'byung ba
253b4 dang bsnyen par rdzogs shing dge slong gi dngos po 'thob tu rung na/bdag cag gnyis kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad
253b5 nas de gnyis la lung yang phog go//de gnyis kyis kyang brtson pa dang bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas so/ /de nas dge slong rnams kyis sangs rgyas bcom ldan 'das la gsol pa/ btsun pa bram ze
253b6 lus 'phags dang bram ze'i khye'u lhag 'phags/bram ze de dag gis dgum par bgyis pa dang / de kho nas skyo bar gyur nas rab tu byung ste nyon mongs pa thams cad spangs nas dgra bcom pa nyid mngon sum du bgyis pa la gzigs/ bcom ldan 'das kyis bka'
253b7 stsal pa/da ltar 'ba' zhig ma yin te 'das pa'i dus na yang / 'di gnyis bram ze 'di rnams kyis gsad par byas te/ de dag kho nas skyo bar gyur nas/ rab tu byung ste tshe gcig tu tshangs par spyod pa spyad pa de nyon cig /dge slong dag sngon byung ba 'das pa'i dus na/
254a1 bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu gdul bya'i kha lo sgyur ba/ bla na med pa/ lha dang mi rnams kyi ston pa
254a2 sangs rgyas bcom ldan 'das 'od srung zhes bya ba 'jig rten du byung ste/de'i tshe bram ze zhig gis mchod sbyin bya bar brtsams pa las/ mchod sbyin byed pa der bram ze gzhan zhig gis 'thab mo brgal te de khros pas bram ze de la lag chas bsnun nas bram ze de yang lag chas bsnun
254a3 pa des shi'o//gzhi de las bram ze thams cad khros te/ phyin cad nged khyod kyis sbyin pa longs spyad par mi byed do zer zhing bram ze ma yin par rtsis nas dmod pa la zhugs te gsad par byas so/ /de nas bram ze de spad gnyis bram ze de dag gis 'jigs nas bros te/ de gnyis
254a4 drang srong smra ba'i gnas su song nas/yang dag par rdzogs pa'i sangs rgyas 'od srung gi thad du rab tu byung ngo / /de nas de gnyis kyis der tshe gcig du tshangs par spyod pa spyad pa las/ yon tan gyi tshogs ci yang ma thob nas de gnyis kyis 'chi kar smon lam btab pa/ 'di ltar
254a5 bdag cag gnyis kyis yang dag par rdzogs pa'i sangs rgyas 'od srung gi thad du rab tu byung ste/tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin
254a6 pa'i sangs rgyas bcom ldan 'das de mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong dag ji snyam du
254a7 sems/de'i tshe yang dag par rdzogs pa'i sangs rgyas 'od srung gi thad du bram ze spad gnyis rab tu byung ba gang yin pa de gnyis ni/ bram ze lus 'phags dang lhag 'phags 'di spad gnyis kho na yin te/ de'i tshe yang de gnyis bram ze rnams kyis gsad par byas
254b1 nas 'chi bas 'jigs shing skrag ste rab tu byung nas/tshe gcig tu tshangs par spyod pa spyad do/ /da ltar yang 'di gnyis bram ze rnams kyis gsad par byas nas 'chi bas 'jigs shing skrag ste/ rab tu byung nas nyon mongs pa thams cad spangs te/ dgra bcom pa nyid
254b2 mngon sum du byas so//de gnyis der rab tu byung ste/ tshe gcig tu tshangs par spyod pa spyad nas 'chi kar smon lam btab ste/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de/ bdag
254b3 cag gis mnyes par byed par gyur cig mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i
254b4 sangs rgyas 'od srung dang /shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di gnyis kyis nga mnyes par byas te mi mnyes par ma byas la/ nga nyid kyi bstan pa la rab tu byung nas/ nyon mongs pa
254b5 thams cad spangs te dgra bcom pa nyid mngon sum du byas so// //las brgya tham pa/ bam po nyi shu gnyis pa/ ston pa zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag cig gnas te/ des thabs
254b6 zlar bab pa las chung ma blangs nas/de de dang lhan cig tu rtse zhing dga' la dga' mgur spyod pa las phyi zhig na de'i chung ma la bu chags nas/ de zla ba dgu'am bcu lon pa dang khye'u gzugs bzang zhing blta na sdug la mdzes pa zhig btsas so/ /de nas phyi zhig na khyim
254b7 bdag de'i bu snga phyir gnyis dang gsum dang de bzhin du bu bdun btsas nas des de dag gi btsas ston rgyas par byas te/rigs dang 'thun par ming btags nas/ 'o ma dang zho dang mar dang zhun mar dang mar gyi nying gu rnams kyis bskyed bsrings nas gang gi tshe de dag
255a1 cher skyes pa de'i tshe yi ge dang /khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang /
255a2 glang po che brtag pa dang / rta brtag pa dang / go mtshon brtag pa la bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to/ /phyi zhig na phas de dag la smras pa/
255a3 nga'i tshig gis khyed khyim bdag mgon med zas sbyin la rten chos shig dang / des khyed tshe 'di dang / tshe phyi ma'i phan pa la 'dzud par byed do zhes byas pa las/ de'i bu drug gis smras pa/ bdag cag khyim bdag mgon med zas sbyin la rten bca' ci dgos zhes zer nas/ de'i tshig
255a4 ma mnyan te bu gcig ni/'od srung rdzogs byed la dga' bar gyur to/ /gnyis pa ni kun tu rgyu gnag lhas kyi bu la dga' bar gyur to/ /gsum pa ni smra 'dod kyi bu mo'i bu yang dag rgyal ba can la dga' bar gyur to/ /bzhi pa ni mi 'pham skra'i la ba can la dga' bar gyur to/ /
255a5 lnga pa ni ka t+ya'i bu nog can la dga' bar gyur to/ /drug pa ni gcer bu pa gnyen gyi bu la dga' bar gyur to/ /bdun pa ni pha'i ngag mnyan nas khyim bdag mgon med zas sbyin la rten bcas te/ des de la brten pas bcom ldan 'das kyi bstan pa la dga' bar gyur te/ skyabs
255a6 su 'gro ba dang bslab pa'i gzhi rnams blangs so//de nas phyi zhig na khyim bdag de'i bu che bas 'od srung rdzogs byed g.yar drangs te zan byin no/ /gnyis pas ni kun tu rgyu gnag lhas kyi bu g.yar drangs te zan byin no/ /gsum pas ni smra 'dod kyi bu mo'i bu yang dag rgyal ba can
255a7 g.yar drangs te zan byin no//bzhi pas ni mi 'pham skra'i la ba can g.yar drangs te zan byin no/ /lnga pas ni ka t+ya'i bu nog can g.yar drangs te zan byin no/ /drug pas gcer bu pa gnyen gyi bu g.yar drangs te zan byin no/ /de nas bu bdun pas phu bo de dag la smras pa/ khyed
255b1 kyis rang rang gi ston pa la zan byin te/bdag gis kyang sangs rgyas bcom ldan 'das bshos gsol gyis/ der khyed kun gyis kyang bdag gi grogs gyis shig ces byas nas/ khye'u des sangs rgyas la sogs pa dge slong gi dge 'dun spyan drangs so/ /spyan drangs
255b2 nas de nyid kyi nub mo bza' ba dang bca' ba gtsang ma mang po sta gon byas te/nang par sngar langs nas/ gdan bshams te chu ra bkang ste bzhag nas bcom ldan 'das la phrin gyis gdugs tshod bskul ba/ btsun pa gdugs tshod la bab ste bshos gsol lags na/
255b3 bcom ldan 'das kyis da de'i dus la bab par dgongs te gshegs su gsol zhes bskul to/ /de nas bcom ldan 'das snga dro sham thabs dang chos gos gsol te/ lhung bzed bsnams nas/ khyim bdag gi bu de'i bkad sa ga la ba der gshegs te byon nas/ dge
255b4 slong gi dge 'dun gyi gung la gdan bshams pa la bzhugs so//de nas khyim bdag de dang bu 'khor dang bcas pas sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang
255b5 pos tshim par byas te ci bzhed pa bstabs so//rang gi lag nas bza' ba dang bca' ba gtsang ma bzang po mang po rnam grangs du mas tshim par byas te ci bzhed pa bstabs nas/ bcom ldan 'das bshos gsol zin te/ gsang sder ni gyu phyag ni bcabs par rig nas/
255b6 stan ches dma' ba zhig blangs te chos mnyan pa'i phyir spyan sngar 'dug go/ /de nas bcom ldan 'das kyis khyim bdag de bu dang 'khor dang bcas pa'i bsam pa dang bag la nyal dang khams dang shes pa dang rang bzhin thugs su chud nas de dang 'thun pa'i chos bstan te/ des na
255b7 khyim bdag de bu dang 'khor dang bcas pas stan de nyid la 'dug bzhin du/'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te khyim bdag des bden pa mthong nas/ stan las langs te bla gos phrag pa
256a1 gcig tu gzar nas/bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das la brten nas bdag sems can dmyal ba dang dud 'gro dang rnams las ni phyung / lha dang mi'i
256a2 nang du ni gom pa 'dor du stsal/khrag dang mchi ma'i rgya mtsho rnams ni bskams/ rus pa'i ri rnams ni bsgral/ ngan song gi sgo rnams ni bcad mtho ris dang thar pa'i sgo rnams ni phye/ yun ring po nas goms pa'i nyon mongs pa rnams ni mthar gtugs te/ zhi ba dang
256a3 spangs pa dang bor bar gyur lags so//bcom ldan 'das kyis bdag ji srid 'tsho'i bar du dge slong gi dge 'dun dang lhan cig tu bdag las na bza' dang zhal zas dang gzims cha dang gdan dang snyun gsos dang sman zong rnams bzhes par gnang bar mdzad du gsol/
256a4 bka' stsal pa/ khyim bdag gzhan dag gi don yang bya dgos kyis thong shig ces bka' stsal pa/ bcom ldan 'das slar gshegs so/ /bcom ldan 'das slar gshegs nas khyim bdag gi bus bsams pa/ bdag gis khyim na gnas pa btang la rab tu byung
256a5 ngo snyam nas pha ma la bzlugs te/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de bcom ldan 'das la 'di skad
256a6 ces gsol to//btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge
256a7 slong tshur shog ces bya ba'i tshig gis rab tu phyung ste/bsnyen par rdzogs par mdzad nas de la lung yang phog go/ /des kyang brtson pa dang bsgrub pa dang 'bad pas nyon mongs pa thams cad spangs nas dgra bcom pa nyid mngon sum du byas te de dgra bcom pa khams
256b1 gsum pa'i 'dod chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so
256b2 yang dag par rig pa thob pa/srid pa'i rnyed pa dang chags pa dang bkur sti la mi lta ba dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams kyis sangs rgyas bcom ldan 'das la gsol
256b3 pa/btsun pa bcom ldan 'das khyim bdag 'di'i bu drug lta ba du ma 'tshal te/ phan tshun mi 'thun par smra ba las nu bo tha lta ba gcig tu 'thun pa la bkod nas/ de dag kyang bcom ldan 'das kyi bstan pa la rab tu byung nas nyon mongs pa thams cad
256b4 spangs te dgra bcom pa nyid mngon sum du bgyis pa la gzigs lags/bcom ldan 'das kyis bka' stsal pa/ da ltar 'ba' zhig ma yin te/ ji ltar 'das pa'i dus na yang spun drug po 'di rnams phan tshun mi 'thun pa las/ nu bo tha 'di kho nas gcig tu
256b5 'thun pa la bkod nas/de rnams kyang drang srong la rab tu phyung ste/ bsam gtan bzhi dang mngon par shes pa lnga bskyed pa de nyon cig /dge slong dag sngon byung ba 'das pa'i dus na yul dbus kyi rgyal po bdun rang rang gi yul na rgyal po byed pa las/ de rnams phan
256b6 tshun mi 'thun te dus dus su skye bo mang po kha 'dog par byed do//de nas phyi zhig na yul kA shi'i rgyal po tshangs pas byin gyi blo skyes pa/ bdag gis nyi 'og gi rgyal po 'di dag thams cad thabs ci zhig gis bsdum par bya snyam mo/ /de'i tshe yul kA shi'i rgyal po tshangs pas
256b7 byin gyi yul na dka' thub kyi gnas zhig na/drang srong mngon par shes pa lnga dang ldan pa rdzu 'phrul che zhing mthu che ba zhig gnas so/ /de nas rgyal po tshangs pas byin gyis bsams pa/ bdag gis drang srong de la bcol na/ des 'di rnams kyi bsdums byed nus par
257a1 'gyur ro snyam nas/drang srong de ga la 'dug pa der song ste rkang pa la phyag 'tshal nas smras pa/ nyi 'og gi rgyal po drug po 'di dag thams cad ni phan tshun mi 'thun te/ dus dus su skye bo mang po kha 'dog par byed do/ /de bas na khyod kyis thams
257a2 cad bsdum par rigs so zhes byas so//de nas drang srong des kA shi'i rgyal po tshangs pas byin la cang mi smra bas gnang ngo / /de nas kA shi'i rgyal po tshangs pas byin gyis/ drang srong des cang mi smra bas gnang bar rig nas rkang pa la phyag 'tshal te song ngo / /de nas phyi
257a3 zhig na rgyal po drug po rnams kyis dpung gi tshogs yan lag bzhi go bskon te/yul bA rA Na sIr lhags nas/ grong khyer thams cad dpung gi tshogs yan lag bzhi go bskon nas bskor te 'khod do/ /de nas kA shi'i rgyal po tshangs pas byin gyis drang srong de la sbran te/ de thos
257a4 ma thag tu drang srong de gnas de kho na nas rgyal po drug po gang na 'khod pa der nam mkha' la song ngo //de nas de mthong ma thag tu rgyal rigs kyi rgyal po drug po de rnams drang srong de la shin tu dga' bar gyur to/ /dga' bar gyur nas drang srong ga la ba der dong ste/ lhags
257a5 nas rkang pa la phyag 'tshal te chos mnyan pa'i phyir mdun du 'khod do//de nas drang srong des de dag la chos bstan nas thams cad mjal dum byed du bcug go/ /de dag gis mjal dum byas nas drang srong de nyid kyi thad du rab tu 'byung bar 'dod pa'i sems skyes so/ /de nas
257a6 de dag gis gcig la gcig bzlugs nas yul yul du dong ste/rang rang gi bu rgyal por bcug nas sbyin pa dag byin zhing bsod nams dag byas nas/ drang srong de nyid kyi thad du rab tu byung ngo / /de dag der rab tu byung nas bsam gtan bzhi dang mngon par shes pa lnga bskyed do/ /dge
257a7 slong dag ji snyam du sems/de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe rgyal po drug po phan tshun mi 'thun par gyur pa gang yin pa de dag ni spun drug po phan tshun mi 'thun par smra bar gyur pa 'di dag kho na yin no/ /
257b1 de'i tshe rgyal po tshangs pas byin zhes bya bar gyur pa gang yin pa de ni nu bo tha 'di kho na yin te/ de'i tshe yang drang srong des phan tshun mi 'thun pa de dag bsdums nas de dag kyang rab tu byung ste/ bsam gtan bzhi dang mngon par shes pa lnga bskyed do/ /da ltar yang
257b2 'dis spun drug po phan tshun lta ba mi 'thun par smra ba rnams lta ba gcig tu 'thun par byas te/de dag kyang rab tu byung nas nyon mongs pa thams cad spangs te dgra bcom pa nyid mngon sum du byas so/ /de nas dge slong rnams kyis sangs rgyas bcom ldan 'das la zhus pa/
257b3 btsun pa khyim bdag bu dang g.yog 'khor du bcas pa 'dis las ci bgyis na/ las de'i rnam par smin pas phyug cing nor mang la longs spyod che ba'i rigs su skyes la/ bcom ldan 'das kyang 'di rnams kyis mnyes par bgyis te/ mi mnyes par ma bgyis bu bdun yang
257b4 rab tu byung nas nyon mongs pa thams cad spangs te dgra bcom pa nyid mngon sum du bgyis lags/bcom ldan 'das kyis bka' stsal pa/ smon lam gyi dbang las gyur to/ /gsol pa/ bcom ldan 'das 'di rnams kyis gang du smon lam btab lags/ bka'
257b5 stsal pa/dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo
257b6 sgyur ba/bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na/ khyim bdag cig gnas pa de'i bu spun drug phan tshun lta ba mi 'thun par smra bar gyur to/ /khyim bdag de'i bu tha ni
257b7 sangs rgyas la dga' ste/des phu bo thams cad yang dag par rdzogs pa'i sangs rgyas 'od srung gi bstan pa la btsud nas/ de dag thams cad kyis pha ma la gsol te/ yang dag par rdzogs pa'i sangs rgyas 'od srung gi gsung rab la rab tu byung nas/ de dag gis der tshe gcig
258a1 tu tshangs par spyod pa spyad nas 'chi kar smon lam btab pa/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig /mi mnyes
258a2 par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /khyim bdag des kyang sbyin pa dag byin zhing bsod nams dag byas nas/ tshe gcig tu skyabs su 'gro ba
258a3 dang bslab pa'i gzhi rnams bsrungs nas 'chi kar smon lam btab pa/dge ba'i rtsa ba 'dis na bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar gyur cig /de'i tshe yang bu bdun po 'di dag nyid bdag gi bur gyur
258a4 cig /yang dag par rdzogs pa'i sangs rgyas 'od srung gis/ bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du
258a5 sems/de'i tshe khyim bdag tu gyur pa gang yin pa de ni khyim bdag 'di kho na yin te/ des der sbyin pa dag byin cing bsod nams dag byas nas/ skyabs su 'gro ba dang bslab pa'i gzhi rnams bsrungs te 'chi kar smon lam btab pa'i las de'i rnam par smin pas/ gang dang
258a6 gang du skyes pa de dang der phyug cing nor mang la longs spyod che ba'i rigs su skyes nas/'dis nga mnyes par byas te mi mnyes par ma byas la/ 'di dag kyang 'di'i bu kho nar gyur to/ /bu 'di rnams kyis kyang tshe gcig tu tshangs par spyod pa spyad nas 'chi kar smon lam btab pa
258a7 des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas 'di rnams kyis nga mnyes par byas te/ mi mnyes par ma byas la nga nyid kyi bstan
258b1 pa la rab tu byung nas nyon mongs pa thams cad spangs te dgra bcom pa nyid mngon sum du byas so// //'od srung zhes bya ba ni/ gleng gzhi rgyal po'i khab na bzhugs so/ /de nas phyi zhig na tshe dang ldan pa 'od srung chen po dgon pa'i gnas mal zhig tu yun ring du
258b2 lon te/skra dang kha spu ring zhing gos rnyings par gyur nas/ bcom ldan 'das ga la ba der song ngo / /de'i tshe bcom ldan 'das 'khor brgya phrag du ma'i gung la bzhugs te/ dge slong gi dge 'dun la chos ston to/ /de nas dge slong de dag gis tshe dang ldan pa 'od srung chen po
258b3 thag ring po zhig nas mthong nas/tshe dang ldan pa 'od srung chen po la brnyas pa'i sems skyes te/ tshe dang ldan pa dge slong skra dang kha spu ring zhing gos ngan la ma brtags pa'i cha lugs can 'di ga las 'ongs zhig gu snyam mo/ /de nas bcom ldan 'das kyis/ dge slong de
258b4 dag gi bsam pa thugs kyis mkhyen nas/dge slong 'od srung 'di ni nga yongs su mya ngan las 'das pa'i 'og tu/ nga'i bstan pa'i don byed par 'gyur te/ mdo sde dang chos mngon pa dang 'dul ba yang dag par sdud par 'gyur ba yin la/ dge slong 'di rnams kyis ni 'di
258b5 la shin tu brnyas pa'i sems bskyed kyis/ma la ngas 'di rnams la gyod gdab par bya'o/ /'on kyang 'di lha dang mi dang bcas pa'i 'jig rten gyis mchod cing rjed pa dang gus par smra ba'i gnas su 'gyur ro snyam du dgongs nas/ der bcom ldan 'das kyis dge slong rnams
258b6 la bka' stsal pa/dge slong khyed kyis dge slong 'di la shin tu brnyas pa'i sems ma skyed cig /'di ni nga yongs su mya ngan las 'das pa'i 'og tu nga'i bstan pa'i don byed par 'gyur te/ sde snod gsum yang dag par sdud par byed cing / chos kyi tshul 'phel bar byed do zhes
258b7 gsungs so//de nas bcom ldan 'das kyis/ tshe dang ldan pa 'od srung chen po la bka' stsal pa/ 'od srung tshur shog 'od srung 'ongs pa legs so/ /stan phyed 'di la 'dug shig /bdag cag gnyis las khyod sngar rab tu byung ngam/ nga sngar rab tu byung ba brtag go zhes bka'
259a1 stsal to//de nas dge slong de dag 'jigs shing skrag la 'gyod de skyi bung zhes byed nas/ tshe dang ldan pa 'od srung chen po de ltar rdzu 'phrul che zhing mthu che ste/ da ston pas nyan thos la gdan gyi phyed bstabs pa ni ngo mtshar to snyam mo/ /de nas tshe dang ldan pa 'od
259a2 srung chen pos bla gos phrag pa gcig tu gzar nas/pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das ni bdag gi ston pa lags/ bdag ni bcom
259a3 ldan 'das kyi nyan thos lags so//bde bar gshegs pa ni bdag gi ston pa lags/ bdag ni bde bar gshegs pa'i nyan thos lags so/ /bcom ldan 'das kyis bka' stsal pa/ 'od srung de ni de bzhin no/ /de ni de bzhin te/ nga ni 'od srung khyod kyi ston pa yin/ khyod
259a4 ni nga'i nyan thos yin no//'od srung khyod bdag gi stan gang yin pa la 'dug shig /de nas tshe dang ldan pa 'od srung chen pos bcom ldan 'das kyi zhabs la mgo bos phyag 'tshal nas phyogs gcig tu 'dug go/ /de nas bcom ldan 'das kyis lhag par yang skyo ba bskyed
259a5 par bzhed pa dang /tshe dang ldan pa 'od srung chen po chos kyis thob pa'i che ba dang rgya che ba la gzhag par bzhed nas/ dge slong rnams la bka' stsal pa/ dge slong dag nga ni gal te 'dod pa dag las dben pa sdig pa mi dge ba'i chos rnams las dben pa/ /rtog pa dang bcas dpyod
259a6 pa dang bcas pa/dben pa las skyes pa'i dga' ba dang bde ba can bsam gtan dang po rdzogs par byas te gnas par 'dod na yang / nga ni gnas des nyin gcig gam/ mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /
259a7 dge slong dag dge slong 'od srung yang gal te/ 'dod pa dag las dben pa sdig pa mi dge ba'i chos rnams las dben pa rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te/ gnas par 'dod na
259b1 yang /dge slong 'od srung yang gnas des nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /dge slong dag nga ni gal te rtog pa dang dpyod pa dang bral zhing nang yongs su dang ste/ sems kyi rgyud gcig
259b2 tu gyur pas/rtog pa med pa dpyod pa med pa ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te/ gnas par 'dod na yang gnas des nyin gcig gam mtshan gcig gam nyin zhag gcig gam gnyis sam gsum 'am nyin zhag
259b3 bdun gyi bar du yang gnas so//dge slong dag dge slong 'od srung yang gal te rtog pa dang dpyod pa dang bral zhing / nang yongs su dang ste sems kyi rgyud gcig tu gyur pas/ rtog pa med pa dpyod pa med pa ting nge 'dzin las skyes pa'i dga' ba dang bde ba can bsam gtan gnyis
259b4 pa rdzogs par byas te gnas par 'dod na yang /dge slong 'od srung yang gnas des/ nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /dge slong dag nga ni dga' ba'i 'dod chags dang bral
259b5 bas btang snyoms la gnas shing /dran pa dang shes bzhin can bde ba lus kyis myong la/ 'phags pa rnams kyis dran pa dang ldan pa/ bde ba la gnas pa/ btang snyoms pa'o zhes brjod pa dga' ba med pa bsam gtan gsum pa rdzogs par byas te gnas par 'dod
259b6 na yang nga ni gnas des nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so//dge slong dag dge slong 'od srung yang gal te dga' ba'i 'dod chags dang bral bas btang snyoms la gnas shing dran pa
259b7 dang shes bzhin can bde ba lus kyis myong la/'phags pa rnams kyis dran pa dang ldan pa bde ba la gnas pa btang snyoms pa'o zhes brjod pa/ dga' ba med pa/ bsam gtan gsum pa rdzogs par byas te/ gnas par 'dod na yang dge slong 'od srung yang gnas
260a1 des/nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /dge slong dag nga ni gal te bde ba yang spangs te/ snga nas sdug bsngal yang spangs shing yid bde ba dang yid mi bde ba
260a2 yang nub pas bde ba yang ma yin sdug bsngal ba yang ma yin pa/btang snyoms dang dran pa yongs su dag pa bsam gtan bzhi pa yongs su rdzogs par byas te/ gnas par 'dod na yang nga ni gnas des nyin gcig gam mtshan gcig gam nyin zhag gcig gam/ gnyis
260a3 sam gsum 'am nyin zhag bdun gyi bar du yang gnas so//dge slong 'od srung yang gal te bde ba spangs te/ snga nas sdug bsngal yang spangs shing / yid bde ba dang yid mi bde ba yang nub pas bde ba yang ma yin sdug bsngal ba yang ma yin pa btang snyoms dang dran pa
260a4 yongs su dag pa/bsam gtan bzhi pa rdzogs par byas te gnas par 'dod na yang / dge slong 'od srung yang gnas des nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /dge slong dag
260a5 nga ni gal te byams pa dang ldan pa'i sems 'khon med pa 'gran zla med pa gnod pa med pa yangs pa rgya chen por gyur pa gnyis su med pa tshad med pa shin tu bsgoms pas phyogs gcig tu mos te khyab par byas nas rdzogs par byas te gnas pa dang de bzhin du gnyis pa
260a6 dang de bzhin du gsum pa dang de bzhin du bzhi pa dang bla dang 'og dang thad kar rnam pa thams cad du 'jig rten 'di dag thams cad byams pa dang ldan pa'i sems 'khon med pa 'gran zla med pa gnod pa med pa yangs pa rgya chen por gyur pa gnyis su med pa tshad med pa shin tu
260a7 bsgoms pas phyogs gcig tu mos te/khyab par byas nas rdzogs par byas te gnas par 'dod na yang / dge slong dag nga ni gnas des nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /
260b1 dge slong dag dge slong 'od srung yang gal te/ byams pa dang ldan pa'i sems 'khon med pa 'gran zla med pa gnod pa med pa yangs pa rgya chen por gyur pa gnyis su med pa tshad med pa shin tu bsgoms pas phyogs gcig tu mos te/ khyab par byas nas rdzogs par byas te
260b2 gnas par 'dod na yang dge slong 'od srung yang gnas des nyin gcig gam mtshan gcig gam nyin zhag gcig gam/gnyis sam gsum 'am nyin zhag bdun gyi bar du yang gnas so/ /de bzhin du snying rje dang dga' ba dang btang snyoms dang ldan pa'i sems kyang de dang
260b3 'dra bar rgyas par brjod par bya'o//dge slong dag nga ni gal te rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas
260b4 so snyam nas nam mkha' mtha' yas skye mched rdzogs par byas te gnas par 'dod na yang /nga ni gnas des nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /dge slong dag dge slong 'od srung yang
260b5 gal te rnam pa thams cad du gzugs kyi 'du shes rnams las yang dag par 'das te/thogs pa'i 'du shes rnams yang dag par nub par gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas/ nam mkha' mtha' yas
260b6 skye mched rdzogs par byas te/gnas par 'dod na yang dge slong 'od srung yang gnas des nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /dge slong dag nga ni gal te rnam pa thams cad du
260b7 nam mkha' mtha' yas skye mched las yang dag par 'das te/rnam par shes pa mtha' yas so snyam nas/ rnam shes mtha' yas skye mched rdzogs par byas te gnas par 'dod na yang / nga ni gnas des nyin gcig gam/ mtshan gcig gam/ nyin zhag gcig
261a1 gam/gnyis sam/ gsum 'am/ nyin zhag bdun gyi bar du yang gnas so/ /dge slong dag dge slong 'od srung yang rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/
261a2 rnam shes mtha' yas skye mched rdzogs par byas te gnas par 'dod na yang / dge slong 'od srung yang gnas des nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /dge slong dag nga ni gal
261a3 te rnam pa thams cad du rnam shes mtha' yas skye mched las yang dag par 'das te ci yang med do snyam nas ci yang med pa'i skye mched rdzogs par byas te gnas par 'dod na yang /nga ni gnas des nyin gcig gam mtshan gcig gam nyin zhag gcig gam gnyis
261a4 sam gsum 'am nyin zhag bdun gyi bar du yang gnas so//dge slong dag dge slong 'od srung yang gal te rnam pa thams cad du/ rnam shes mtha' yas skye mched las yang dag par 'das te ci yang med do snyam nas ci yang med pa'i skye mched rdzogs par byas te gnas
261a5 par 'dod na yang /dge slong 'od srung yang gnas des nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /dge slong dag nga ni gal te rnam pa thams cad du ci yang med pa'i skye mched las yang dag
261a6 par 'das nas/'du shes med 'du shes med min skye mched rdzogs par byas te/ gnas par 'dod na yang / nga ni gnas des/ nyin gcig gam mtshan gcig gam nyin zhag gcig gam gnyis sam gsum 'am nyin zhag bdun gyi bar du yang gnas so/ /dge slong dag dge slong
261a7 'od srung yang gal te/rnam pa thams cad du ci yang med pa'i skye mched las yang dag par 'das nas/ 'du shes med 'du shes med min skye mched rdzogs par byas te gnas par 'dod na yang / dge slong 'od srung yang gnas des nyin gcig gam nyin
261b1 zhag gcig gam gnyis sam gsum 'am nyin zhag bdun gyi bar du yang gnas so//dge slong dag nga ni gal te rdzu 'phrul gyi yul rnam pa du ma myong bar byed 'dod na yang / nga ni gcig tu gyur nas mang por 'gyur ba dang / mang por gyur nas gcig tu 'gyur ba dang snang bar
261b2 gyur cing mi snang bar yang 'gyur ba'i ye shes mthong ba myong bar byed do//rtsig pa la yang thad kar 'gro'o/ /ra ba la yang thad kar 'gro'o/ /ri la yang mi thogs par lus kyis 'gro ste/ dper na nam mkha' la bya ba bzhin no/ /sa la yang steng du 'byung ba dang byi'u zul
261b3 byed de dper na chu la bya ba bzhin no//chu la yang mi nub par 'gro ste dper na sa chen po la bya ba bzhin no/ /nam mkha' la yang skyil mo krung 'cha' bar byed de dper na 'dab chags bya bzhin no/ /zla ba dang nyi ma 'di gnyis 'di ltar rdzu 'phrul che ba 'di ltar
261b4 mthu che ba 'di ltar gzi brjid che ba la yang lag pas 'dzin cing kun du nyug par byed do//tshangs pa'i 'jig rten gyi bar du yang lus kyis dbang sgyur ro/ /dge slong dag dge slong 'od srung yang gal te rdzu 'phrul gyi yul rnam pa du ma myong bar byed 'dod na yang / dge slong 'od srung yang gcig tu
261b5 gyur nas mang por 'gyur ba dang /mang por gyur nas gcig tu 'gyur ba dang / snang bar gyur cing mi snang bar 'gyur ba'i ye shes mthong ba myong bar byed do/ /rtsig pa la yang thad kar 'gro'o/ /ra ba la yang thad kar 'gro'o/ /ri la yang mi thogs par lus kyis 'gro
261b6 ste dper na nam mkha' la bya ba bzhin no//sa la yang steng du 'byung ba dang byi'u zul byed de/ dper na chu la bya ba bzhin no/ /chu la yang mi nub par 'gro ste dper na sa chen po la bya ba bzhin no/ /nam mkha' la yang skyil mo krung 'cha' bar byed de/ dper na 'dab
261b7 chags bya bzhin no//zla ba dang nyi ma 'di gnyis 'di ltar rdzu 'phrul che ba/ 'di ltar mthu che ba 'di ltar gzi brjid che ba la yang lag pas 'dzin cing kun tu nyug par byed do/ /tshangs pa'i 'jig rten gyi bar du yang lus kyis dbang sgyur ro/ /dge slong dag ngas
262a1 ni lha'i snyan rnam par dag pa/mi las 'das pas mi dang mi ma yin pa gnyi ga'i sgra yang ring ba gang yin pa dang nye ba gang yin pa yang thos so/ /dge slong dag dge slong 'od srung gis kyang lha'i snyan rnam par dag pa/ mi las 'das pas mi dang mi ma yin pa
262a2 gnyi ga'i sgra yang ring ba gang yin pa dang nye ba gang yin pa yang thos so//dge slong dag ngas ni/ sems can pha rol rnams dang gang zag pha rol rnams kyi rtog pa dang dpyod pa'i sems yang dag pa ji lta ba bzhin du sems kyis shes so/ /'dod chags dang bcas pa'i
262a3 sems dang 'dod chags dang bral ba'i sems kyang yang dag pa ji lta ba bzhin du rab tu shes so//zhe sdang dang bcas pa'i sems dang zhe sdang dang bral ba'i sems dang / gti mug dang bcas pa'i sems dang / gti mug dang bral ba'i sems dang / bsdus pa dang / 'phros pa
262a4 dang /zhum pa dang / bsdams pa dang / rgod pa dang / rgod pa ma yin pa dang / chen por gyur pa dang / rnam par zhi ba dang / rnam par ma zhi ba dang / mnyam par bzhag pa dang / mnyam par ma gzhag pa dang / bsgoms pa dang / ma bsgoms pa dang / rnam par grol ba dang / rnam par ma grol ba'i sems
262a5 kyang yang dag pa ji lta ba bzhin du rab tu shes so//shin tu rnam par grol ba'i sems la yang shin tu rnam par grol ba'i sems yin par yang dag pa ji lta ba bzhin du rab tu shes so/ /dge slong dag dge slong 'od srung gis kyang sems can pha rol rnams dang / gang zag pha
262a6 rol rnams kyi rtog pa dang dpyod pa'i sems yang dag pa ji lta ba bzhin du sems kyis shes so//'dod chags dang bcas pa'i sems dang / 'dod chags dang bral ba'i sems kyang yang dag pa ji lta ba bzhin du rab tu shes so/ /zhe sdang dang bcas pa'i sems dang /
262a7 zhe sdang dang bral ba'i sems dang / gti mug dang bcas pa'i sems dang / gti mug dang bral ba'i sems dang / bsdus pa dang / 'phros pa dang / zhum pa dang / bsdams pa dang / rgod pa dang / rgod pa ma yin pa dang / chen por gyur pa dang / rnam par zhi ba dang /
262b1 rnam par ma zhi ba dang / mnyam par gzhag pa dang / mnyam par ma gzhag pa dang / bsgoms pa dang / ma bsgoms pa dang / rnam par grol ba dang / rnam par ma grol ba'i sems kyang yang dag pa ji lta ba bzhin du rab tu shes so/ /shin tu rnam par grol ba'i sems la
262b2 yang shin tu rnam par grol ba'i sems yin par yang dag pa ji lta ba bzhin du rab tu shes so//dge slong dag ngas ni sngon gyi gnas rnam pa du ma rjes su dran te/ 'di lta ste skye ba gcig dang / gnyis dang / gsum dang / bzhi dang / lnga dang / drug dang / bdun dang /
262b3 brgyad dang / dgu dang / bcu dang / nyi shu dang / sum cu dang / bzhi bcu dang / lnga bcu dang / skye ba brgya dang / skye ba stong dang / skye ba 'bum dang / skye ba brgya phrag du ma dang / skye ba stong phrag du ma dang / skye ba 'bum phrag du ma dang / 'jig pa'i bskal pa dang /
262b4 'chags pa'i bskal pa dang / 'jig pa dang 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma dang / sems can de dag ni ming 'di zhes bya bar gyur/ ga ge mo
262b5 zhig na bdag ming 'di zhes bya bar gyur/rigs ni 'di zhes bya rus ni 'di zhes bya/ zas ni 'di lta bu zhig za za/ bde ba dang sdug bsngal ni 'di lta bu zhig myong / yun ni 'di srid cig gnas gnas/ tshe ni 'di ltar ring / tshe ni 'di tsam zhig thub/ nga de nas
262b6 shi 'phos nas ga ge mo zhig tu skyes/ga ge mo zhig nas yang shi 'phos nas yang 'di lta bu zhig tu skyes so snyam du rnam pa dang bcas pa dang / yul phyogs dang bcas pa dang / gtan tshigs dang bcas par rnam pa du mar sngon gyi gnas rjes su dran no/ /
262b7 dge slong dag dge slong 'od srung gis kyang sngon gyi gnas rnam pa du ma rjes su dran te 'di lta ste/ skye ba gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum cu dang / bzhi bcu dang / lnga
263a1 bcu dang /skye ba brgya dang / skye ba stong dang / skye ba 'bum dang / skye ba brgya phrag du ma dang / skye ba stong phrag du ma dang / skye ba 'bum phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa
263a2 dang /'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma dang / sems can de dag ni ming 'di zhes bya bar gyur/ ga ge mo zhig na bdag ming 'di zhes bya bar gyur/ rigs ni 'di zhes bya/ rus ni
263a3 'di zhes bya/zas ni 'di lta bu zhig za za/ bde ba dang sdug bsngal ni 'di lta bu zhig myong / yun ni 'di srid cig gnas gnas/ tshe ni 'di ltar ring / tshe ni 'di tsam zhig thub/ nga de nas shi 'phos nas ga ge mo zhig tu skyes ga ge mo zhig nas shi 'phos nas yang
263a4 'di lta bu zhig tu skyes so snyam du rnam pa dang bcas pa dang /yul phyogs dang bcas pa dang / gtan tshigs dang bcas par rnam pa du mar sngon gyi gnas rjes su dran no/ /dge slong dag ngas ni lha'i mig rnam par dag pa mi las 'das pas/ sems can rnams 'chi
263a5 'pho zhing 'dug pa dang /skye zhing 'dug pa dang / kha dog bzang po dang / kha dog ngan pa dang / bzang po dang ngan pa dang / bde 'gror 'gro ba dang / ngan 'gror 'gro ba yang rung ste/ sems can rnams las ji lta ba bzhin du 'gro ba/ yang dag pa ji lta ba bzhin du rab tu
263a6 shes so//sems can 'di dag ni lus kyis nyes par spyod pa dang ldan pa yin/ ngag gis nyes par spyod pa dang ldan pa yin/ yid kyis nyes par spyod pa dang ldan pa yin/ 'phags pa rnams la skur pa 'debs pa yin/ log par lta ba yin te/ log par lta
263a7 ba'i las dang chos yang dag par blangs pa'i rgyu de dang rkyen des na lus dang bral te shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro//sems can 'di dag ni lus kyis legs par spyod pa dang ldan pa yin/ ngag gis
263b1 legs par spyod pa dang ldan pa yin/yid kyis legs par spyod pa dang ldan pa yin/ 'phags pa rnams la skur pa mi 'debs pa yin/ yang dag par lta ba yin te/ yang dag par lta ba'i las dang chos yang dag par blangs pa'i rgyu de dang rkyen des lus dang bral te/
263b2 shi ba'i 'og tu bde 'gro mtho ris kyi 'jig rten lha rnams kyi nang du skye bar 'gyur bar mthong ngo / /dge slong dag dge slong 'od srung gis kyang lha'i mig rnam par dag pa mi las 'das pas sems can rnams 'chi 'phos shing 'dug pa dang / skye zhing 'dug pa dang /
263b3 kha dog bzang po dang / kha dog ngan pa dang / bzang po dang ngan pa dang / bde 'gror 'gro ba dang / ngan 'gror 'gro ba yang rung ste/ sems can rnams las ci lta ba bzhin du 'gro ba yang dag pa ji lta ba bzhin du rab tu shes so/ /sems can 'di dag ni lus kyis nyes par
263b4 spyod pa dang ldan pa yin/ngag gis nyes par spyod pa dang ldan pa yin/ yid kyis nyes par spyod pa dang ldan pa yin/ 'phags pa rnams la skur pa 'debs pa yin/ log par lta ba yin te/ log par lta ba'i las dang chos yang dag par blangs pa'i rgyu de dang rkyen
263b5 des na lus dang bral te/shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /sems can 'di dag ni lus kyis legs par spyod pa dang ldan pa yin/ ngag gis legs par spyod pa dang ldan pa yin/ yid kyis legs
263b6 par spyod pa dang ldan pa yin/'phags pa rnams la skur pa mi 'debs pa yin/ yang dag par lta ba yin te/ yang dag par lta ba'i las dang chos yang dag par blangs pa'i rgyu de dang rkyen des lus dang bral te/ shi ba'i 'og tu bde 'gro mtho ris kyi 'jig rten lha rnams
263b7 kyi nang du skye bar 'gyur ba mthong ngo //dge slong dag ngas ni tshe 'di nyid la zag pa rnams zad pas/ zag pa med pa'i sems rnam par grol ba dang shes rab rnam par grol ba/ rang gi mngon par shes pas mngon sum du byas te/ bsgrubs nas bdag gi skye ba ni zad do/ /
264a1 tshangs par spyod pa ni spyad zin to/ /bya ba ni byas so/ /'di las srid pa gzhan mi shes so snyam du nyams su myong ngo / /dge slong dag dge slong 'od srung gis kyang tshe 'di nyid la zag pa rnams zad pas/ zag pa med pa'i sems rnam par grol ba dang
264a2 shes rab rnam par grol ba/rang gi mngon par shes pas mngon sum du byas te bsgrubs nas/ bdag gi skye ba ni zad do/ /tshangs par spyod pa ni spyad zin to/ /bya ba ni byas so/ /'di las srid pa gzhan mi shes so snyam du nyams su myong ngo / /der gang gi tshe bcom
264a3 ldan 'das kyis tshe dang ldan pa 'od srung chen po 'khor brgya phrag du ma'i nang du bdag nyid dang 'dra bar che ba dang rgya che ba la bzhag pa de'i tshe/lhag par yang lha dang bcas pa'i 'jig rten gyi bla mar gyur to/ /de nas dge slong rnams kyis sangs rgyas bcom ldan 'das la
264a4 gsol pa/btsun pa bcom ldan 'das kyis gang gi tshe/ tshe dang ldan pa 'od srung chen po bdag nyid dang 'dra bar che ba dang rgya che ba la bzhag pa/ de'i tshe lhag par yang lha dang bcas pa'i 'jig rten gyi bla mar gyur pa la gzigs/ bcom ldan 'das kyis bka'
264a5 stsal pa/da ltar 'ba' zhig ma yin te/ ji ltar 'das pa'i dus na yang / gang gi tshe ngas 'di la bkur sti byas pa de'i tshe/ yul na gnas pa'i skye bo mang po thams cad kyi bla mar gyur pa de nyon cig /dge slong dag sngon byung ba 'das pa'i dus na/ grong khyer bA
264a6 rA Na sI na rgyal po tshangs pas byin rgyal po byed de/de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun pa dang nad dang mu ge med pa dang 'bras sA lu dang bu
264a7 ram shing dang ba lang dang ma he dang ldan par 'dug ste/gnod pa med cing tsher ma dkrugs la/ bu gcig pa sdug pa la bya ba bzhin du rgyal srid byas so/ /rgyal po de la btsun mo mang ste btsun mo lnga brgya yod do/ /de dag dang lhan cig tu rtse zhing dga' la dga' mgur
264b1 spyod kyang bu med nas/bu 'dod de lha 'o cog la gsol ba 'debs so/ /de gsol ba 'debs pa lhur byed kyang bu yang ma skyes/ bu mo yang ma skyes so/ /rgyal po de la/ blon po lnga brgya yod na thams cad kyang rgyags shing bag med par gnas pa sha stag go/ /de'i blon po'i
264b2 mchog mdzod ces bya ba mkhas shing gsal la yid gzhungs pa gzhung lugs can dul ba dang ldan pa bag yod pa zhig kyang yod do//de nas rgyal po tshangs pas byin/ nyi 'og gi rgyal po zhig dang mi 'thun par gyur nas/ rgyal po tshangs pas byin gyis bsams pa/
264b3 bdag gis blon po gang nyi 'og gi yul der bzhag na/ rgyal po de dang mjal dum byas nas/ yul srung nus par 'gyur zhig gu snyam mo/ /de nas des bltas na blon po'i mchog mdzod ces bya ba/ mkhas shing gsal la yid gzhungs pa/ gzhung lugs can
264b4 dul ba dang ldan pa/bag yod pa zhig 'dug pa des rgyal po de dang mjal dum byas nas/ bdag gi yul srung nus par 'gyur ro snyam nas/ rgyal po des de mtha' 'khob ri khrod kyi yul der bskos te/ khyod song la der 'dug ste nga'i yul srungs shig /
264b5 des gsol pa/ lhas ji skad bka' stsal pa bzhin du 'tshal lo zhes smras nas/ de ri khrod der song nas 'dug go/ /de der song nas kyang nyi 'og gi yul de bzung nas/ ci nas yul der gnod pa cung zad kyang byed mi nus par byas so/ /de nas phyi zhig na rgyal po tshangs
264b6 pas byin rgas pa'i 'og tu chung ma la bu chags nas/de zla ba dgu'am bcu lon pa dang khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas rigs dang mthun par ming btags te/ 'o ma dang zho dang mar dang zhun
264b7 mar dang mar gyi nying gu rnams kyis bskyed bsrings nas/de gang gi tshe 'gro nus par gyur pa de'i tshe rgyal po sems pa la zhugs te/ da ni bdag rgas pas ring po mi thogs par 'chi bar 'gyur na/ bdag 'das pa'i 'og tu byis pa gzhon nu 'dis/ rgyal srid
265a1 'dzin mi nus na 'dis na bdag shi ba'i 'og tu/bdag gi blon po'i nang na gang zhig gis bdag gi bu dang rgyal srid srung nus zhig gu snyam mo/ /de nas des bltas na blon po lnga brgya po thams cad ni rgyags shing bag med par gnas na/ gzhan su
265a2 yod snyam ste/brtags na blon po'i mchog mdzod ces bya ba mkhas shing gsal la yid gzhungs pa gzhung lugs can dul ba dang ldan pa bag yod pa des ni bdag 'das pa'i 'og tu bu dang rgyal srid srung nus so snyam mo/ /de nas des bsams pa/
265a3 bdag gis ci nas de yul na gnas pa'i skye bo mang po thams cad kyis bkur bar 'gyur ba de lta bur bkur sti bya'o snyam nas rgyal po des de la pho nya btang ste/ nga khyod dang phrad par 'dod kyis shog cig ces spring ngo / /de nas blon po'i mchog mdzod ces bya bas de thos
265a4 ma thag tu bA rA Na sIr chas so//rgyal po des kyang de la bkur sti bya ba'i phyir/ lam dang grong khyer mdzes par byed du bcug nas rgyal po des dpung gi tshogs yan lag bzhi go bskon nas/ rang nyid kyis blon po'i mchog mdzod ces bya ba bsu nas/ rgyal po
265a5 tshangs pas byin gyis bar skabs gang du de dang phrad pa'i bar skabs der/glang po che las babs nas yang dag par dga' bar byas te/ mgul nas 'jus nas bzhon pa gcig la zhon te/ 'byor pa chen po dang ldan pas grong khyer bA rA Na sIr song nas stan gcig
265a6 la 'dug tu bcug ste kha zas gcig tu g.yos pa dang sder gcig tu zan zos nas nor gyi phung po chen po byin no//byin nas kyang rgyal po des de la smras pa/ mdzod da ni nga rgas te/ ring por mi thogs par 'chi bar 'gyur la/ blon po lnga brgya po 'di rnams kyis
265a7 nga shi ba'i 'og tu rgyal po byis pa yin snyam ste/gzhon nu la brnyas par 'gyur du 'ong la/ nga shi ba'i 'og tu khyod kyis bu dang / rgyal srid srung nus pas na ngas khyod la bu dang rgyal srid gtad kyis/ nga shi ba'i 'og tu 'di gnyis bsrung bar gyis shig ces byas
265b1 so//blon po'i mchog mdzod kyis gsol pa/ lhas ji skad bka' stsal pa bzhin du 'tshal lo/ /de nas phyi zhig na rgyal po tshangs byin nad kyis thebs nas/ de rtsa ba dang sdong bu dang lo ma dang me tog dang 'bras bu'i sman rnams kyis rim gro byas kyang sos par byed ma
265b2 nus nas/des rgyal bu rgyal sar bcug ste/ blon po'i mchog mdzod la gtad nas shi ba'i 'og tu rgyal po'i bu dang yul bsrungs nas phyogs su bsgrags so/ /de nas des rgyal po bgres po shi ba'i 'og tu/ des de'i 'dab btang nas blon po lnga brgya po bsdus te bsgo ba/
265b3 khyod ji ltar yang rgyal po bgres po nongs pas gzhan su yang bdag cag sdud pa med do snyam du ma sems shig /ngas khyed kun la yul gyi bgo bsha' bya'o/ /bdag cag gis ci nas rgyal po 'di byis pa yin yang sus kyang mi tshugs par bya'o zhes byas nas/ des blon po
265b4 lnga brgya po de dag la yul gyi bgo bsha' byas so//rgyal po'i bu de yang nang mi dang bcas par de nyid kyis bsrungs so/ /de nas de gang gi tshe cher skyes pa de'i tshe/ blon po'i mchog mdzod kyis gsol pa/ lha rgyal po yab kyis lha dang rgyal srid bdag la gtad nas/
265b5 yab nongs pa'i 'og tu bdag gis lha dang rgyal srid bsrungs so zhes byas so/ /dge slong dag ji snyam du sems/ de'i tshe blon po'i mchog mdzod ces bya bar gyur pa/ byang chub sems dpa'i spyod pa dang ldan par gyur pa gang yin pa de ni 'od srung 'di kho na yin te/
265b6 der yang gang gi tshe ngas bkur sti chen pos bkur sti byas pa de'i tshe/ yul na gnas pa'i skye bo mang po thams cad kyi bla mar gyur to/ /da ltar yang gang gi tshe ngas 'di la bkur sti byas te/ bdag nyid dang 'dra bar che ba dang rgya che ba la bzhag pa de'i tshe 'di ni 'jig rten
265b7 thams cad kyi bla mar gyur to// //las brgya tham pa/ bam po nyi shu gsum pa/ kun dga' bo zhes bya ba ni/ gang gi tshe tshe dang ldan pa kun dga' bo rab tu phyung ste/ chos kyi phung po brgyad khri bzhi stong lobs nas/ bcom ldan 'das kyis kyang /
266a1 thos pa 'dzin pa rnams dang thos pa bsags pa rnams kyi mchog tu bstan pa dang / tshe dang ldan pa 'od srung chen po yang / bcom ldan 'das kyis bdag nyid dang 'dra bar che ba dang rgya che bar ston pa de'i tshe/ de gnyi ga lha dang bcas pa'i 'jig
266a2 rten gyi bla mar gyur to//de nas bcom ldan 'das kyis dgongs pa/ dge slong 'di nyid kyis ni nga yongs su mya ngan las 'das nas bstan pa'i don byed nus par 'gyur te/ gcig gis ni thos pa'i mdzod srung bar nus so/ /gcig gis ni bstan pa'i don
266a3 byed nus par 'gyur ro snyam du dgongs nas/bcom ldan 'das ku sha'i grong khyer du chas te gshegs so/ /de nas bcom ldan 'das yongs su mya ngan las 'da' ba'i tshe/ 'di snyam du dgongs te gal te mi rnams 'ba' zhig la bstan pa gtad de/ mi ma yin pa
266a4 rnams la ma gtad na yang yun ring du gnas par mi 'gyur la/gal te mi ma yin pa rnams 'ba' zhig la gtad de mi rnams la ma gtad na yang yun ring du gnas par mi 'gyur gyis/ ma la ngas lha dang mi rnams dang dge slong de gnyis la bstan pa gtad na/
266a5 lha dang mi rnams kyis kyang yongs su gzung la dge slong gnyis kyis kyang yongs su bzung bas bstan pa yun ring du gnas par 'gyur ro snyam du dgongs nas bcom ldan 'das kyis tshe dang ldan pa 'od srung chen po la bka' stsal pa/ 'od srung khyod nga yongs su mya ngan
266a6 las 'das pa'i 'og tu bstan pa'i don byas te/sde snod gsum yang dag par bsdus nas dge slong kun dga' bos nyon mongs pa thams cad spangs te/ dgra bcom pa nyid mngon sum du ma byas kyi bar du yongs su mya ngan las 'da' bar ma byed cig /der
266a7 bcom ldan 'das kyis tshe dang ldan pa kun dga' bo la bka' stsal pa/kun dga' bo khyod kyang drang srong nyi ma'i gung rab tu ma byung gi bar du mya ngan las 'da' bar ma byed cig /de la yang khyod kyis 'di skad ces gyis shig /klu'i rgyal po/ hu lu ru btul te/
266b1 kha che'i yul btsugs nas der bstan pa gnas par byas te/ rgyas par byas nas de bzhin du khyim bdag gso ma can rab tu phyung ste/ des kyang nyon mongs pa thams cad spangs nas dgra bcom pa nyid mngon sum du byas te/ de la khyod kyis thos pa rnams ma gtad kyi
266b2 bar du mya ngan las 'da' bar ma byed cig /gso ma can la yang 'di skad ces gyis shig /khyod kyis kyang klu'i rgyal po gar mkhan dang dpa' bo gnyis btul te/ gar mkhan dang dpa' bo'i dgon pa'i gnas btsugs nas/ de bzhin du yul bcom brlag tu
266b3 spos 'tshong srung ba zhes bya ba zhig yod de/de'i bu nye srung zhes bya ba zhig 'byung bar 'gyur ba de rab tu phyung nas/ des kyang dgra bcom pa nyid mngon sum du byas nas/ de la yang thos pa rnams ma gtad kyi bar du yongs su mya ngan las 'da' bar ma byed cig /
266b4 nye srung la yang 'di skad ces gyis shig /khyod kyis kyang rigs kyi bu blo ldan rab tu phyung ste des kyang dgra bcom pa nyid mngon sum du byas te/ de la yang thos pa rnams ma gtad kyi bar du yongs su mya ngan las 'da' bar ma byed cig /de la yang 'di skad ces
266b5 gyis shig /khyod kyis kyang yul dmar can gyi bu zhes bya bar zas dug can gyi bsam pa ma byas kyi bar du/ yongs su mya ngan las 'da' bar ma byed cig ces gyis shig ces gsungs so/ /de nas tshe dang ldan pa 'od srung chen po dang tshe dang ldan pa kun
266b6 dga' bo stan las langs nas bla gos phrag pa gcig tu gzar te/bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das kyis ji skad bka' stsal pa bzhin du 'tshal lo/ /der
266b7 bcom ldan 'das kyis tshe dang ldan pa 'od srung chen po la bka' stsal pa/'od srung khyod song la so so skye bo'i dge 'dun dag khrid de ljongs rgyu zhing song shig nga yongs su mya ngan las 'das pa dang de'i snga rol tu 'khrug long byed par mi 'gyur bar gyis shig /
267a1 gsol pa/ btsun pa de bzhin du 'tshal lo zhes byas nas/ tshe dang ldan pa 'od srung chen pos so so skye bo'i dge 'dun dag khrid de ljongs rgyu zhing song ngo / /de nas tshe dang ldan pa 'od srung chen po song nas ring po ma lon par/ bcom ldan 'das kyis 'jig
267a2 rten pa'i dgongs pa bskyed de/kye ma lha'i dbang po brgya byin dang rgyal po chen po bzhi po yul 'khor srung dang 'phags skyes po dang mig mi bzang dang rnam thos kyi bu rnams nga la ltar 'ongs na legs so snyam du dgongs nas/ bcom ldan 'das kyis ci nas lha'i dbang
267a3 po brgya byin dang /rgyal po chen po bzhi'i lha'i nang nas mi snang bar gyur te/ bcom ldan 'das kyi spyan sngar 'dug par 'gyur ba de ltar byin gyis brlabs so/ /de nas de dag gis bcom ldan 'das la lha'i me tog ud pa la dang ku mu da dang pad ma dkar po rnams kyis
267a4 gtor nas bcom ldan 'das kyi spyan sngar 'khod de/der bcom ldan 'das kyis lha'i dbang po brgya byin dang rgyal po chen po bzhi la bka' stsal pa/ dbang po dag de bzhin gshegs pa ni ring po mi thogs par/ phung po lhag ma med pa'i mya ngan las 'das pa'i
267a5 dbyings su yongs su mya ngan las 'da' bar 'gyur gyis/nga yongs su mya ngan 'das pa'i 'og tu/ khyed kyis bstan pa bsrung bar gyis shig /dbang po dag lo stong 'das pa'i 'og tu bstan pa nub tu cha ba'i tshe/ 'jig rten na chos ma yin pa'i shas che zhing
267a6 dge ba bcu'i las kyi lam las yongs su nyams par gyur pa na/'dzam bu'i gling du mi bde ba'i rlung ldang bar 'gyur te/ mi bde ba'i rlung langs pas char 'bab par mi 'gyur ro/ /char ma bab pas chu klung dang khron pa rnams chu nyung bar 'gyur zhing shing ljon pa
267a7 rnams kyang me tog dang 'bras bu med par 'gyur ro//lo tog rnams kyang 'bras bu med pa dang mthu med par 'gyur la/ de dag kyang ser bas med par byed do/ /'bru rnams kyang ma rung bar gyur pas mu ge 'byung bar 'gyur ro/ /mu ge byung nas mi rnams
267b1 zas su khre rgod za bar 'gyur te/nyam stobs chung zhing gzi byin chung bar 'gyur ro/ /sha ka'i mi dang ya ba na dang ba lhi ka dang rgyal po dang chom rkun gyis 'jig rten rnams la gnod pa byed par 'gyur ro/ /sha ka'i mi dang ya ba na dang ba lhi ka dang rgyal po dang chom
267b2 rkun gyis gnod pa byas nas de bzhin gshegs pa'i gtsug tor dang mche ba dang lhung bzed mchod rten dang 'dra ba rnams shar phyogs kyi yul du khyer ba'i 'og tu lho phyogs nas mtha' 'khob kyi rgyal po sha ka zhes bya ba g.yog 'khor 'bum dang ldan pa 'ong bar 'gyur te/dge 'dun gyi gtsug lag khang rnams 'jig par byed cing /
267b3 mchod rten rnams 'dral bar byed la dge slong rnams kyang gsod par byed do/ /nub phyogs nas ni mtha' 'khob kyi rgyal po ba lhi ka zhes bya ba g.yog 'khor 'bum dang ldan pa 'ong bar 'gyur te/ dge
267b4 'dun gyi gtsug lag khang rnams 'jig par byed cing /mchod rten rnams 'dral bar byed la dge slong rnams kyang gsod par byed do/ /byang phyogs nas ni mtha' 'khob kyi rgyal po ya ba na zhes bya ba g.yog 'khor 'bum dang ldan pa 'ong bar 'gyur te/ dge 'dun gyi gtsug
267b5 lag khang rnams 'jig par byed cing mchod rten rnams 'dral bar byed la/dge slong rnams kyang gsod par byed do/ /des na mi dang chom rkun dang rgyal po'i nan gyis dpyas gnod par gyur nas/ dge slong rnams shar phyogs kyi yul du 'dong bar 'gyur ro/ /dbang po dag
267b6 de'i tshe yul kau shAM bI zhes bya bar rgyal po dbang chen sde zhes bya ba/g.yog 'khor 'bum dang ldan pa zhig 'byung bar 'gyur te/ de'i bu lus go cha gyon pa lag pa khrag can tshan po che'i stobs dang ldan pa zhig btsa' bar 'gyur la/ de kho na'i nyin par rgyal po de'i blon po
267b7 lnga brgya'i bu yang /lus go cha gyon pa lag pa khrag can tshan po che'i stobs dang ldan pa sha stag btsa' bar 'gyur te/ de kho na'i nyin par yul kau shAM bIr khrag gi char 'bab par 'gyur ro/ /de nas rgyal pos mtshan mkhan rnams la smras na/ de dag na re lha 'di
268a1 ni sa steng thams cad du rgyal po gcig pur 'gyur te/de lta lags kyis kyang sems can mang po kha 'dog par 'gyur lags so zhes lung bstan to//de nas btsas ston byas nas bu de che bar grags pa dang bzod par dka' ba zhig ste/ de'i ming
268a2 bzod par dka' ba zhes bya bar 'dogs par 'gyur ro//de gang gi tshe cher skyes pa de'i tshe mtha' 'khob kyi rgyal po de dag gis lo bcu gnyis kyi bar du skye bo phal po che kha 'dog par byed cing shar phyogs kyi yul du 'gro bar 'gyur ro/ /de nas rgyal po dbang
268a3 chen sdes de thos te/'jigs shing mi dga' ba skyes nas/ de la lha rnams kyis bstan pa/ gzhon nu bzod par dka' ba rgyal sar chug shig dang / des mtha' 'khob kyi rgyal po de dag tshar chod par 'gyur ro zhes ston par 'gyur ro/ /de nas rgyal po dbang chen
268a4 sdes mgo bo las cod pan dang dbu rgyan phud de/gzhon nu bzod par dka' ba rgyal sar bcug par 'gyur ro/ /de nas rgyal po bzod par dka' bas blon po lnga brgya'i bu de dag blon po'i mchog tu bcug nas/ blon po lnga brgya po/ de dag dang lhan cig tu go
268a5 bgos te/mtha' 'khob kyi rgyal po de dag dang g.yul 'gyed pa'i phyir 'dren par 'gyur te/ des mtha' 'khob kyi rgyal po gsum po g.yog 'khor 'bum 'bum dang ldan pa de dag kha btags nas/ sa'i steng thams cad du rgyal po gcig pur 'gyur te/
268a6 bka' 'og tu bcug nas phyir kau shAM bIr 'ong bar 'gyur ro/ /dbang po dag de'i tshe yul dmar can gyi bu zhes bya bar bram ze mes sbyin zhes bya ba/ rig byed dang rig byed kyi yan lag mthar phyin pa zhig 'byung bar 'gyur te/ des thabs zlar bab pa las chung
268a7 ma blangs nas rtse zhing dga' la dga' mgur spyod par 'gyur la/sems can gzhan zhig kyang de'i chung ma'i ltor 'jug par 'gyur ro/ /de nas bram ze mo de yid la 'dod pa skyes te/ gzhung gis rtsod pa rnams dang lhan cig tu smra yang ci ma rung snyam mo/ /de
268b1 nas bram ze des mtshan mkhan rnams la bstan nas/mtshan mkhan rnams na re lto na 'dug pa'i sems can de bstan bcos thams cad rtogs par 'gyur zhing / gzhung gis rtsod pa thams cad tshar chod par 'gyur te/ de'i mthus na bram ze mo'i yid la 'dod pa/
268b2 gzhung gis rtsod pa rnams dang lhan cig tu smra yang ci ma rung snyam pa de lta bu skyes pa yin no zhes zer ro/ /de nas de zla ba dgu'am bcu lon pa dang bu gzugs bzang zhing blta na sdug la mdzes pa zhig btsas par gyur te/ de gang gi tshe cher skyes pa de'i tshe/ bstan bcos
268b3 thams cad mthar phyin par 'gyur zhing /gzhung gis rtsod pa thams cad tshar chod par 'gyur la/ bram ze lnga brgya bram ze'i sngags slob pa'i slob dpon byed de/ de la slob ma mang po yod pas na/ de'i ming slob ma can zhes btags so/ /de nas des pha ma la
268b4 gsol nas/nga nyid kyi bstan pa la rab tu byung zhing sde snod gsum lobs par 'gyur te/ rig pa dang grol ba'i spobs pa dang ldan pa'i chos smra bar 'gyur la 'khor mang po 'du bar 'gyur ro/ /dbang po dag de kho na'i tshe yul dmar can gyi bu zhes bya bar tshong dpon
268b5 nor zhes bya ba zhig 'byung bar 'gyur te/des thabs zlar bab pa las chung ma blangs nas/ rtse zhing dga' la dga' mgur spyod par 'gyur la/ srid pa tha ma'i sems can zhig kyang de'i chung ma'i ltor zhugs nas/ bud med de bzod pa dang ldan zhing des la
268b6 kha mchu nyung zhing zhi bar 'gyur ro//de nas tshong dpon nor mtshan mkhan rnams la bstan na/ de dag na re sems can ltor zhugs pa de des par 'gyur te/ de'i mthus na chung ma 'di bzod pa dang ldan zhing des la kha mchu nyung zhing zhi bar gyur to zhes
268b7 zer ro//de nas de zla ba dgu'am bcu lon pa dang bu gzugs bzang zhing blta na sdug la mdzes pa zhig btsa' bar 'gyur te/ de'i ming des pa zhes 'dogs par 'gyur ro/ /de gang gi tshe cher skyes pa de'i tshe pha ma la gsol nas/ nga'i bstan pa la rab tu 'byung bar
269a1 'gyur te/des nyon mongs pa thams cad spangs nas dgra bcom pa nyid mngon sum du byed par 'gyur la/ thos pa nyung zhing 'dod pa chung la kun gyis shes pa dang bas mtha'i gnas mal du gnas par 'gyur ro/ /de nas re zhig na rgyal po bzod par
269a2 dka' ba'i yab dbang chen sde shi nas/rgyal po bzod par dka' bas pha'i rus bu lag pa gnyis kyis pang du blangs te mya ngan byed cing sdug bsngal la/ smre sngags 'don par byed de su yang de'i mya ngan sel nus pa med do/ /de nas re zhig na gnas brtan
269a3 slob ma can 'khor brgya phrag du ma dang yul kau shAM bIr 'gro bar 'gyur te/de rgyal po bzod par dka' ba'i thad du song nas chos ston par 'gyur ro/ /de nas de thos nas rgyal po de pha'i mya ngan yang sangs par 'gyur la/ bstan pa la yang dad pa rnyed par 'gyur ro/ /
269a4 de dad par gyur nas dge slong rnams la mi 'jigs pa sbyin par 'gyur ro/ /de nas des dge slong rnams la smras pa/ bcom ldan 'das kyi bstan pa mtha' 'khob kyi rgyal po rnams kyis bshig nas ji srid lon/ de dag na re lo bcu gnyis lon no zhes zer ro/ /
269a5 de nas rgyal po des seng ge'i sgra bsgrags te/ ngas lo bcu gnyis kyi bar du kau shAM bIr bcom ldan 'das kyi bstan pa lo lnga pa'i dus ston bya'o zhes smras nas/ rgyal po des kau shAM bIr lo lnga pa'i dus ston gyi lugs gtod de/ gang gi nyin par lo lnga pa'i dus ston
269a6 brtsams pa de kho na'i nyin par char 'bab par 'gyur te/sa'i steng rgya mtsho'i mthas gtugs pa chus ngoms par 'gyur ro/ /de nas 'dzam bu'i gling na gnas pa'i skye bo mang po rnams lhag par yang kau shAM bIr lo lnga pa'i dus ston byed du 'gro zhing / dge slong
269a7 rnams kyi mchod pa'i las la brtson par 'gyur ro//de nas dge slong rnams rnyed pa dang bkur sti chen po la zhen nas de dag gis dad pas byin pa longs spyod par byed do/ /lung mnod par mi byed klog par mi byed/ kha ton mi byed/ nyin mo ni bre mo gtam gyis
269b1 dus 'da' bar byed/mtshan mo ni rmugs pa dang gnyid kyis dus 'da' bar byed cing khe dang bkur sti 'dod la/ lus kyi byi dor gyis g.yen spyo zhing gos kyis brgyan pa la brtson te/ nges par 'byung ba dang nye bar zhi ba dang dben pa dang rdzogs par byang chub pa dang
269b2 bral zhing /cha byad 'ba' zhig gces par byed par 'gyur te/ dge sbyong gi yon tan dang bral ba/ dam pa'i chos kyi dgrar gyur pa/ rtsod pa'i dus kyi grogs su gyur pa de dag gis chos kyi rgyal mtshan bsnyal bar 'gyur/ bdud kyi rgyal mtshan bsgreng bar
269b3 'gyur/chos kyi me lce gsod par 'gyur nyon mongs pa'i me sbar bar 'gyur/ chos kyi rnga 'dral bar 'gyur/ dam pa'i chos kyi 'khor lo phye mar rlog par 'gyur/ dam pa'i chos kyi rgya mtsho skems par 'gyur/ dam pa'i chos kyi ri bo rnam par 'thor bar
269b4 'gyur/chos kyi grong khyer 'jigs par byed par 'gyur/ chos kyi shing ljon pa drung nas 'byin par 'gyur/ zhi gnas dang lhag mthong gnyis spong bar byed/ tshul khrims kyi rgyan rnams gcod par byed/ lam sun 'byin par byed do/ de nas de dag la lha
269b5 rnams dang klu rnams dang gnod sbyin rnams dmod par 'gyur spang bar 'gyur brgyal bar 'gyur te/kye sems can tha chad 'di lta bu dag gis bcom ldan 'das kyi gsung rab mi mdzes par byas so zhes zer to/ /'di skad ces kyang zer te/ da ni ma
269b6 bsdams ngan spyod dang //log par lta bas nyams pa'i bdag /rmongs pa bdag gis bcom ldan gyi/ /bstan pa'i ljon shing bcad kyis med/ /da ni snying rje med pa dang / /chos lugs bor zhing bden chos spangs/ /brkam chags rnams kyis bcom ldan gyi/ /
269b7 bstan pa'i rgyal mtshan bsnyal gyis med/ /da ni gdul dka' ma grangs pa/ /sdig pa'i las la dga' ba'i mi/ /sdig can rnams kyis thub pa yi/ /bstan pa'i zam pa bcad kyis med/ /da ni mgo reg ngan pa po/ /spyod 'chal smad pa tshul 'chos gnas/ /
270a1 ngan g.yo can gyis thub pa yi/ /bstan pa'i tshong 'dus bcom gyis med/ /da ni khro dang nga rgyal dang / /rgyags pas brlams shing rnyed la zhen/ /snying rje med pa de dag gis/ /sdig pa mi byed ci yang med/ /da ni dam chos 'jig pa'i tshe/ /rtags mtshan
270a2 shin tu mi bzad pa//dge ba rnams ni skyo 'gyur ba/ /ston pa de nyid gzigs pa po/ /drang srong dam pas gang gsungs pa/ /de dag kyang ni snang bar 'gyur/ /da ni thub pa'i bstan pa yang / /cung zad tsam zhig lus par zad/ /thub pa'i bstan pa gang chen mtsho/ /ring
270a3 por mi thogs skams par 'gyur//ma rabs shes rab 'chal pa dang / /las med gnas pas gnod par byas/ /tshul can dag dang sten mi shes/ /nyes pa 'dzin cing tshul khrims spangs/ /byis pa dben pas 'jigs pa dang / /mi dben pa dang mi
270a4 mkhas dang //bslab nyes slob dpon ngan pa dang / /rjes su ston pa rmongs pa dang / /ngan pa dag la yid rton pas/ /dam chos 'di ni ma rung byas/ /de skad ces zer zhing mi mgu la ma rangs nas/ phyin cad dge slong rnams la bsrung ba dang sbed par mi byed do/ /
270a5 de nas zhag bdun na dam pa'i chos nub par 'gyur ba na/ lha rnams yid mi dga' nas nam mkha' la 'khod de skad 'byin cing sgra bsgrags te/ grogs po dag da ste zhag bdun na gso sbyong gi dus la bab pa'i tshe/ de bzhin gshegs pa'i dam pa'i chos thab
270a6 mos nub par 'gyur ro zhes zer to//de nas de thos nas kau shAM bI na gnas pa'i dge bsnyen lnga brgya gtsug lag khang du dong nas dge slong rnams 'thab pa dang mtshang 'dru ba dang 'gyed pa dang rtsod pa byung ngo cog zhi bar byed de/ 'di skad du kyi hud sangs rgyas kyi bstan pa
270a7 ring por mi thogs par thab mos nub par 'gyur ro zhes zer ro//'di skad ces kyang zer te/ sems can kun la bde byed pa/ /shAkya seng ge'i bstan pa ni/ /dus kyi 'khor los rab bcom nas/ /myur ba nyid du 'jig par 'gyur/ /gang dag 'di 'dra'i dus bab
270b1 tshe//snying ni stong du ma gas pa/ /bdag nyid chen po de dag gi/ /snying gi lcags kyi snying po zad/ /zhi ba'i dus ni 'das par gyur/ /mi bzad dus ni byung gis med/ /shes rab can gyi mi rnams ni/ /'jig rten dag na zad par 'gyur/ /sa steng rtags rnams ci
270b2 'dra bar//rnam pa du ma snang ba las/ /nges par thub pa'i bstan pa ni/ /ring po mi thogs 'jig par 'gyur/ /bde 'dod rnams kyis phan pa'i don/ /da ni legs par brtag par rigs/ /da ni dam pa'i chos nub pas/ /mchod pa dpag tu med pa las/ /tshad
270b3 yod pa can du 'gyur ro//de bas na bdag cag gis longs spyod snying po med pa las snying po blang bar bya'o snyam nas dge bsnyen lnga brgya po de dag gis/ gang gi nyin par dam pa'i chos nub par 'gyur ba de kho na'i nyin par gtsug lag khang lnga brgya zhal sro bar 'gyur ro/ /
270b4 de nas gso sbyong gi dus la bab pa na dge bsnyen lnga brgya po rnams brel te/ gtsug lag khang du 'gro mi nus par 'gyur ro/ /de nas re zhig na dge slong des pa ri spos kyi ngad ldang na gnas pa las gang du gso sbyong bya snyam ste/ 'dzam bu'i gling du bltas na/ bcom ldan
270b5 'das kyi nyan thos thams cad kau shAM bIr 'dus par mthong ngo //de nas de gso sbyong bya ba'i phyir kau shAM bIr 'gro bar 'gyur ro/ /der dge slong 'bum gso sbyong la 'du bar 'gyur te/ de'i nang na dgra bcom pa ni des pa zhes bya ba gcig pu yod do/ /sde snod gsum pa
270b6 ni slob ma can zhes bya ba gcig pu yod do//dbang po dag de ni de bzhin gshegs pa'i 'dus pa tha ma yin te/ 'di lta ste/ dge slong 'bum yod do/ /de nas dge slong gi dge 'dun 'dus pa'i nang na/ dge slong mdzes chos 'dug pas tshul shing brims nas/
270b7 gnas brtan slob ma can rnams la smras pa/ gnas brtan dge slong gi dge 'dun 'dus pa lags kyis so sor thar pa gdon du gsol/ slob ma can gyis smras pa 'dzam bu'i gling na bcom ldan 'das kyi nyan thos ji snyed yod pa de dag thams cad 'dir 'ongs te/
271a1 'di lta ste dge slong 'bum yod na/ de ltar dge 'dun mang po'i nang na/ bdag dge 'dun gyi gnas brtan yin la/ thos pas kyang mthar phyin pa yin na/ bdag kyang bslab pa 'di dag la slob par mi chud na gzhan lta lags kyang bslab pa rnams la slob
271a2 par mi chud/de lta na su'i don du bdag gis so sor thar pa gdon par bya snyam mo/ /'di skad ces kyang zer te/ do nub rgyu skar tshogs pa yi/ /bco lnga'i mtshan mo dga' ba la/ /gso sbyong 'dod pa'i dge slong dag /shin tu bsgrims te nges par 'khod/ /'dzam
271a3 gling 'di na shAkya yi//sras kyi dge sbyong ji snyed pa/ /de dag thams cad 'dir lhags te/ /'di ni 'dus pa tha ma yin/ /dge slong dge 'dun de dag las/ /bdag ni thos pa'i mthar phyin kyang / /bdag kyang bslab la slob mi nus/ /skye bo gzhan lta ci
271a4 zhig smos//'on te 'di na thub dbang po/ /shAkya seng ge blo ldan gyi/ /bslab la legs bslabs 'ga' yod na/ /rang gi yon tan brjod par rigs/ /de nas dgra bcom pa des ba stan las langs te/ gral dpon gyi mdun du 'dug nas/ dge 'dun la
271a5 thal mo sbyar ba btud de/gnas brtan slob ma can la smras pa/ gnas brtan so sor thar pa gdon par gyis shig /ji ltar bcom ldan 'das bzhugs pa'i tshe/ shA ri'i bu dang maud gal gyi bu la sogs pa nyan thos chen po rnams kyis bslab pa yang dag par
271a6 bsrungs pa de bzhin du/bdag gis kyang sangs rgyas bcom ldan 'das yongs su mya ngan las 'das nas/ lo stong lhag tsam lon gyi 'og tu bstan pa yang dag par bsrungs so zhes zer ro/ /yang bka' stsal pa/ slob ma can gyis smras pa yi/ /tshig 'di thos par
271a7 gyur nas ni//nges pa bde bar gshegs pa'i sras/ /seng ge'i sgra ni sgrogs par byed/ /bdag ni thub pa'i bslab pa rnams/ /ma 'khrugs par ni 'dzin par byed/ /bdag ni ston pa'i 'dul ba yi/ /bslab pa rnams la ji bzhin bslabs/ /de nas
271b1 slob ma can gyi slob ma dpung rgyan zhes bya ba 'jigs su rung ba de langs te smras pa/khyod ni gsar bu thos pa nyung ngu yin na/ mkhan po la phyir 'khyal lam zhes byas nas/ des mtshon rnon po blangs te dgra bcom pa des pa de gsod par 'gyur ro/ /yang bka' stsal pa/
271b2 slob ma can gyi slob ma ni/ /dpung rgyan zhes bya 'jigs su rung / /de yis bde bar gshegs pa'i sras/ /dgra bcom des pa gsod par 'gyur/ /de nas der gnod sbyin zho gdong zhes bya ba zhig 'byung bar 'gyur te des bsams pa/ dgra bcom pa gcig pu yong
271b3 pa de yang ngan pa po 'dis bsad do snyam nas/des rdo rje 'bar zhing rab tu 'bar la kun tu rab tu 'bar te/ 'bar ba gcig tu gyur pa thogs nas dge slong dpung rgyan gyi mgo bo tshal pa bdun du gshag par 'gyur ro/ /yang bka' stsal pa/ de nas gnod sbyin zho
271b4 gdong gis//rdo rje 'bar ba thogs nas ni/ /dge slong dpung rgyan ngan pa yi/ /mgo bdun tshal par gshag par 'gyur/ /de nas dgra bcom pa des pa'i slob ma rnams stan las langs nas sde snod gsum pa slob ma can gsod par 'gyur ro/ /de ltar dgra bcom
271b5 pa des pa dang sde snod gsum pa slob ma can bsad nas/de bzhin gshegs pa'i dam pa'i chos nub par 'gyur ro/ /dam pa'i chos nub nas sa chen po g.yo bar 'gyur zhing / skar mda' dag lhung la lci ba 'byung zhing / bar snang las lha'i rnga sgra dag sgrogs te/
271b6 phyogs bzhi nas gza' mjug 'byung bar 'gyur la/ lha 'bum snyed snying rje rje skad du smre sngags 'don cing / kyi hud de bzhin gshegs pas bskal pa grangs med pa gsum gyi bar du bsgrubs pa'i dam pa'i chos nub kyis med do zhes zer to/ /yang bka'
271b7 stsal pa/de nas yud tsam de nyid la/ /dge slong des pa bsad pa'i tshe/ /sa steng 'di dag ma lus par/ /rnam pa drug tu g.yo bar 'gyur/ /bdag nyid chen po thub pa yi/ /dam chos de ni nub pa'i tshe/ /der ni srog chags mang po rnams/ /sdug bsngal ldan zhing
272a1 rlag par 'gyur//gnod sbyin sangs rgyas mthong ba dang / /rgyal ba'i bstan la dga' ba rnams/ /kha sbub tu ni sgyel nas kyang / /smre sngags 'don cing sdug bsngal 'gyur/ /de ring phyin cad 'jig rten du/ /dam pa'i chos kyang med par 'gyur/ /'dul
272a2 ba so sor thar pa'ang rung //phyin cad spyod par mi 'gyur ro/ /chos kyi chu lon ral gyis med/ /chos kyi rgyun yang bzlog gis med/ /chos kyi rgya mtsho 'di yang skams/ /chos kyi ri bo bsnyil gyis med/ /chos kyi mchod sbyin 'di yang zad/ /chos kyi mchod sdong bsnyal
272a3 gyis med//chos kyi rkang pa bcag gis med/ /sdom pa dag kyang zad kyis med/ /deng du chos kyi sgron ma bsad/ /chos kyi 'khor lo bzlog gis med/ /bdud rtsi'i sgo yang bcad kyis med/ /chos smra rnams kyang zad kyis med/ /lam bzang ston par byed pa yi/ /
272a4 skyes mchog rnams kyang brlag gis med/ /mi rnams ring po mi thogs par/ /kyi ni 'du shes 'gyur/ /zhes zer to/ /de nas lha mo sgyu 'phrul chen mo sum cu rtsa gsum pa'i gnas nas babs nas/ snying rje rje skad du smre sngags 'don te/ kyi hud da ni nga'i bus
272a5 bskal pa grangs med gsum gyi bar du bsgrubs pa'i dam pa'i chos da ni thab mos nub par byas kyis med do zhes zer ro//'di skad ces kyang zer te/ kye ma des pa yon tan can/ /sangs rgyas sras kyi tha / /dpung rgyan phrag dog zhe sdang gi/ /dbang du gyur pas
272a6 bsad pa na//sangs rgyas yum ni brtul zhugs bzang / /lha mo chen mo sgyu 'phrul ma/ /dam pa'i chos ni nub pa'i phyir/ /mi dga' snying rje bla bar 'gyur/ /kyi hud mi yi lha mchog gi/ /bstan pa nyams par 'gyur gyis med/ /sde snod gsum pa slob ma can/ /
272a7 dge slong des pa gnyis bsad pas/ /deng du zla ba gnam las lhung / /nyi ma yang ni 'phos kyis med/ /bstan pa'i nyi ma med gyur pas/ /da ni 'jig rten snang ba med/ /zla ba'i dkyil 'khor dag pa ni/ /sgra gcan gyis ni zin pa ltar/ /deng du 'jigs pa chen po yi/ /
272b1 mun pa 'jig rten byung gis med/ /mya ngan 'das pa'i gnas 'gro ba'i/ /chos kyi gru ni de ring du/ /dpung rgyan la sogs byis pa rnams/ /snying med pas ni bsad kyis med/ /rtags tsam lhag ma lus par zad/ /chos ma yin pa snang bar 'gyur/ /bdud rnams
272b2 rgyal ba'i sgra skad ni//bdud kyi 'khor rnams sgrogs par byed/ /seng ge'i sgra ni bsgrags pa yi/ /lus 'phags ri bo de nyid du/ /da ni brgya byin 'khor dang bcas/ /mya ngan zug rngus phog par gyur/ /tshangs bcas 'jig rten de ring du/ /mgon med yi yang chad par
272b3 gyur//'khor bcas bdud ni dgra zla med/ /rgyags pas ldan zhing bdo bar gyur/ /thar pa'i lam ni mtshon pa dang / /mthar ston mya ngan 'das pa na/ /thub pa yi ni byang chub phyogs/ /thar pa'i lam rnams bcad kyis med/ /kauN+Di n+ya sogs gang dag tu/ /khrus byas
272b4 mthar phyin rims nad med//byang chub yan lag me tog rgyas/ /chos kyi mtsho ni deng du skams/ /bstan pa'i tshogs de gang du song / /bstan 'dzin 'di dag gang du dong / /'dzam gling spro ba med gyur pa/ /mthong bas deng du yi chad do/ /sangs rgyas sras po brtul
272b5 zhugs bzang //chos kyi rgyal po'i gsung las skyes/ /ru skya 'dzin pa nyon mongs spangs/ /smra ba'i stag rnams gang du dong / /'jig rten dag na mgon po'i sras/ /sangs rgyas srog shing 'dzin pa rnams/ /phyag dar khrod dang ri sul dang / /nags tshal bor te gang du dong / /
272b6 de ni de yis spangs pas na/ /zla ba sgra gcan zin pa bzhin/ /dgon pa rnams kyang mi mdzes te/ /kun nas mdzes pa med par gyur/ /shes dang tshul khrims dul bar ldan/ /dad pa'i rin chen rnams kyis brgyan/ /bzod dang des pa ldan pa dang / /dge dang mi dge rtog byed
272b7 pa'i//dam pa'i blo can gang dag gis/ /gtsug lag khang dang skyed mos tshal/ /mchod rten sogs pas sa steng 'di/ /brgyan pa'i skyes bu de dag med/ /'jig rten 'dren pa med mthong nas/ /shin tu sdug bsngal snying rje bas/ /lha rnams de la sogs pa yi/ /smre sngags
273a1 'don te dong bar 'gyur//de nas kau shAM bI na gnas pa'i dge bsnyen lnga brgyas de thos nas/ gtsug lag khang nas byung ste lag pa bsgreng nas cho nge rdung zhing / kyi hud bcom ldan 'das des bskal pa grangs med pa gsum gyi bar du bsgrubs pa'i bstan
273a2 pa deng du thab mos nub par gyur to zhes zer ro//yang smras pa/ 'jigs su rung ba'i 'jig rten na/ /legs gsungs bral ba'i mi rnams la/ /su zhig dam chos smra bar 'gyur/ /su zhig mya ngan 'da' bar 'gyur/ /snang ba nub ste mun pas bsgribs/ /rnam
273a3 par rmongs shing rgyu bar byed//thub pa'i gsung rab med pas na/ /dge ba'i las ni rnam spangs shing / /bzhin du skyo ba med/ /rtag tu sdig pa'i chos dang ldan/ /de nas kau shAM bI'i rgyal pos dgra bcom pa des pa dang sde snod gsum pa slob ma can bsad do zhes
273a4 thos nas/khros shing rngam la 'khrugs par 'gyur te ma rangs nas des bstan pa la gnod pa byed cing / dge 'dun gyi gtsug lag khang rnams 'jig par byed la/ mchod rten rnams 'dral bar byed cing dge slong rnams gsod par 'gyur ro/ /dbang po dag phyi ma'i
273a5 dus na gang du bstan pa la gnod pa chen po 'byung bar 'gyur ba der/khyed gcig tu bsdoms la bstan pa bsrung bar gyis shig /de nas de ltar 'tshal lo zhes gsol nas/ rgyal po chen po yul 'khor srung gis gsol pa/ btsun pa bdag gis ni shar phyogs nas
273a6 bstan pa bsrung bar 'tshal lo//'phags skyes pos gsol pa/ btsun pa bdag gis ni lho phyogs nas bsrung bar 'tshal lo/ /mig mi bzang gis gsol pa/ btsun pa bdag gis ni nub phyogs nas bsrung bar 'tshal lo/ /rnam thos kyi bus gsol pa/
273a7 btsun pa bdag gis ni/ byang phyogs nas bsrung bar 'tshal lo/ /lha'i dbang po brgya byin gyis gsol pa/ btsun pa bdag gis ni/ thams cad nas bsrung bar 'tshal lo/ /de skad ces gsol nas/ lha'i dbang po brgya byin dang rgyal po chen po bzhi bcom ldan 'das
273b1 kyis gsungs pa la mngon par bstod cing rjes su yi rangs nas/bcom ldan 'das kyi zhabs la mgo bos phyag 'tshal te de nyid du mi snang bar gyur to/ /der gang gi tshe bcom ldan 'das kyis tshe dang ldan pa 'od srung chen po dang kun dga' bo la bstan pa gtad pa de'i tshe/
273b2 dge slong rnams kyis sangs rgyas bcom ldan 'das la gsol pa/ btsun pa bcom ldan 'das kyis/ dge slong 'od srung la bstan pa gtad de/ kun dga' bo la thos pa'i mdzod gtad nas/ bcom ldan 'das yongs su mya ngan las 'das pa'i 'og tu 'di gnyis kyis
273b3 bstan pa rgyas par bgyid par 'gyur ba la gzigs/bcom ldan 'das kyis bka' stsal pa/ da ltar 'ba' zhig ma yin te/ ji ltar 'das pa'i dus na yang ngas dge slong 'od srung la/ dpung gi tshogs yan lag bzhi dang yul gtad de/ kun dga' bo la nor gyi
273b4 mdzod gtad nas/'di gnyis kyis nga shi ba'i 'og tu bsrungs te rgyal po'i pho brang rgyas par byas pa de nyon cig /dge slong dag sngon byung ba 'das pa'i dus na grong khyer mi thi la na/ rgyal po lha chen po zhes bya ba rgyal po byed pa las/ phyi zhig na de'i btsun mo la bu
273b5 chags nas de zla ba dgu'am bcu lon pa dang khye'u gzugs bzang zhing blta na sdug la mdzes pa zhig btsas nas/de'i btsas ston rgyas par byas te/ rigs dang 'thun pa'i ming btags nas/ 'o ma dang zho dang mar dang zhun mar dang mar gyi nying gus bskyed bsrings so/ /
273b6 de nas phyi zhig na rgyal po de nad kyis btab nas de rtsa ba dang sdong bu dang lo ma dang me tog dang 'bras bu'i sman rnams kyis rim gro byas kyang sos par byed ma nus nas/ rgyal po des bsams pa/ bdag ni nad 'dis 'chi bar 'gyur la/ bu 'di yang shin tu chung bas/ bdag shi
273b7 ba'i 'og tu rgyal po byis pa yin no snyam nas/thams cad kyis brnyas par 'gyur ro snyam mo/ /de nas bdag shi ste dus las 'das pa'i 'og tu 'di na rgyal po'i pho brang gi gzhi 'dzin nus shing mthu dang ldan pa su yod snyam pa las/ rgyal po de la blon po'i mchog mkhas shing
274a1 gsal la yid gzhungs pa gzhung lugs can dul ba dang ldan pa bag yod pa/dga' bo zhes bya ba dang nye dga' bo zhes bya ba gnyis yod do/ /de nas rgyal po lha chen pos bsams pa dga' bo dang nye dga' bo gnyis kyis bdag shi ste dus la 'das pa'i 'og tu/
274a2 rgyal po'i pho brang bsrung nus so/ /snyam nas rgyal po des blon po de gnyis pho nyas bkug ste/ bsgo ba khyed gnyis shes par gyis shig / nga ni ring po mi thogs par med par 'gyur gyis/ nga shi ste dus las 'das pa'i 'og tu/ khyed gnyis kyis rgyal po'i pho brang srungs
274a3 shig ces bsgo nas/rgyal po des de gnyis las gcig la ni rgyal po'i bu dang rgyal po'i dkor mdzod gtad do/ /gcig la ni dpung gi tshogs yan lag bzhi dang yul gtad de/ nga 'das pa'i 'og tu khyed gnyis kyis rgyal po'i pho brang srungs la/ rgyas par gyis shig
274a4 ces bsgo nas/rgyal po des bu rgyal sar bcug ste dus las 'das so/ /de nas de dus las 'das pa'i 'og tu blon po de gnyis kyis 'dab btang nas/ gcig gis ni rgyal po'i bu dang rgyal po'i dkor mdzod bsrungs so/ /gcig gis ni dpung gi tshogs yan
274a5 lag bzhi dang rgyal srid bsrungs so//de nas gang gi tshe rgyal po'i bu de shed bye zhing mthur son par gyur pa de'i tshe de la de gnyis kyis/ gcig gis ni dkor dang dkor mdzod phul lo/ /gcig gis ni dpung gi tshogs yan lag bzhi dang yul phul te/ lha 'di ni khyed
274a6 kyi yab kyi nor lags kyis chos bzhin du rgyal po mdzod cig ces byas so//dge slong dag ji snyam du sems/ de'i tshe rgyal po bgres por gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe gang gis dpung gi tshogs yan lag
274a7 bzhi dang yul bsrungs pa de ni dge slong 'od srung 'di kho na yin no//de'i tshe gang gis rgyal po'i bu dang rgyal po'i dkor mdzod bsrungs pa de ni kun dga' bo 'di kho na yin no/ /de'i tshe rgyal po'i bur gyur pa gang yin pa de ni gso ma can yin te/ de'i tshe yang ngas
274b1 rgas kar gcig la ni rgyal po'i bu dang dkor mdzod gtad do//gcig la ni dpung gi tshogs yan lag bzhi dang yul gtad do/ /de gnyis kyis kyang nga shi ste/ dus las 'das pa'i 'og tu/ rgyal po'i pho brang bsrungs te rgyas par byas so/ /da ltar yang ngas dus kyi tha ma la thug
274b2 pa na gcig la ni thos pa'i mdzod gtad do//gcig la ni bstan pa gtad de/ 'di gnyis kyis nga yongs su mya ngan las 'das pa'i 'og tu bstan pa rgyas par byed do/ /gzhan yang dge slong kun dga' bo dang 'od srung gis smon lam btab ste/ gcig gis ni bdag de'i
274b3 thos pa rnams kyi mchog tu gyur cig /de yongs su mya ngan las 'das pa'i 'og tu yang thos pa'i mdzod rgyas par byed par gyur cig ces byas so/ /gcig gis kyang kye ma/ shAkya thub pa shAkya'i rgyal po'i mchog de yongs su mya ngan las 'das pa'i 'og tu bdag gis
274b4 de'i bstan pa'i don byed par shog ces byas so//gsol pa/ btsun pa 'di gnyis kyis gang du smon lam btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par
274b5 rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de'i gsung rab
274b6 la dge slong kun dga' bo rab tu byung nas/de su las rab tu byung ba de yang dag par rdzogs pa'i sangs rgyas 'od srung gis thos pa 'dzin pa rnams kyi mchog tu bstan to/ /des der tshe gcig tu tshangs par spyod pa spyad nas 'chi kar smon lam btab pa/ yang dag par
274b7 rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i/sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams
275a1 cad spangs te dgra bcom pa nyid mngon sum du byed par gyur cig /ji ltar bdag gi mkhan po yang dag par rdzogs pa'i sangs rgyas 'od srung gis thos pa 'dzin pa rnams kyi mchog tu bstan pa de bzhin du bdag kyang / shAkya thub pa shAkya'i rgyal po'i mchog des thos pa
275a2 'dzin pa rnams kyi mchog tu bstan par gyur cig /de yongs su mya ngan las 'das pa'i 'og tu yang bdag gis thos pa'i mdzod rgyas par byed par gyur cig ces byas so/ /dge slong dag ji snyam du sems/ de'i tshe dge slong du gyur pa gang yin pa de ni kun dga' bo 'di kho na yin te/ des
275a3 der smon lam btab pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te mi mnyes par ma byas la/ nga nyid
275a4 kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par 'gyur la/'di yang ngas thos pa 'dzin pa rnams kyi mchog tu bstan te/ nga yongs su mya ngan las 'das pa'i 'og tu yang thos pa rgyas par byed par 'gyur ro/ /dge slong dag
275a5 dge slong 'od srung yang yang dag par rdzogs pa'i sangs rgyas 'od srung de nyid kyi gsung rab la rab tu byung nas/de gang las rab tu byung ba de yang dag par rdzogs pa'i sangs rgyas 'od srung gis sbyangs pa'i yon tan dang ldan pa rnams kyi mchog tu bstan to/ /des der tshe gcig tu tshangs
275a6 par spyod pa spyad nas 'chi kar smon lam btab pa/'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srung gis bram
275a7 ze'i khye'u bla ma lung bstan pa gang yin pa'i sangs rgyas bcom ldan 'das de/bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur
275b1 cig /'di ltar bdag gi mkhan po yang dag par rdzogs pa'i sangs rgyas 'od srung gis/ sbyangs pa'i yon tan dang ldan pa rnams kyi mchog tu bstan pa de bzhin du/ bdag kyang shAkya thub pa shAkya'i rgyal po'i mchog des/ sbyangs pa'i yon tan dang ldan pa rnams kyi mchog tu
275b2 bstan par gyur cig ces byas nas/de de nas shi 'phos te/ dus las 'das nas/ grong khyer bA rA Na sI de nyid du/ blon po'i mchog gi khyim du nying mtshams blangs nas/ de gang gi tshe btsas nas cher skyes pa de'i tshe/ rgyal po kr-i kIs blon por bcug go/ /de nas gang gi tshe yang
275b3 dag par rdzogs pa'i sangs rgyas 'od srung /sangs rgyas kyi phrin las thams cad zin nas/ lhag ma med pa'i mya ngan las 'das pa'i dbyings su yongs su mya ngan las 'das pa'i tshe/ rgyal po kr-i kIs de'i sku gdung la mchod pa byas nas/ rin po che'i mchod rten kho ra khor
275b4 yug tu dpag tshad gcig yod pa zhig byed du bcug ste/rgyal po des blon po'i bu de mchod rten de'i lag dpon du bskos so/ /de nas phyi zhig na rgyal po kr-i kIs mchod rten de rnam pa thams cad yongs su rdzogs par byas nas/ der mchod rten gyi dus ston bya bar 'dod de/
275b5 des bza' ba dang bca' ba dang gos mang po sbyar nas/ dge slong rnams la 'bod du bcug go g.yar 'dren btang ngo / /der yang dag par rdzogs pa'i sangs rgyas 'od srung yongs su mya ngan las 'das nas zhag bdun lon nas bstan pa nub ste/ de yongs su mya ngan
275b6 las 'das nas/dge slong dbang thob pa gang yin pa de dag ni yongs su mya ngan las 'das so/ /so so'i skye bo gang yin pa de dag ni khyim par gyur to/ /de nas der g.yar 'dren pa de dag gis dge slong gcig kyang ma rnyed nas/ rgyal po kr-i kIs dge slong de dag gar dong zhes
275b7 smras pa dang /blon po rnams kyis yang dag par rdzogs pa'i sangs rgyas yongs su mya ngan las 'das te zhag bdun lon nas bstan pa nub lags so zhes gsol to/ /rgyal pos bka' stsal pa/ de'i dge slong gang gis/ de'i bstan pa 'dzin par 'gyur ba de lta bu gcig
276a1 kyang med dam zhes byas nas/rgyal po kr-i kIs mchod rten de la bkur sti byas te song ngo / /blon po'i bu des kyang mchod rten de la bkur sti byas nas smon lam btab pa/ dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la
276a2 longs spyod che ba'i rigs su skye bar gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig /mi mnyes par byed par ma gyur cig /de kho na'i bstan pa
276a3 la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig /gzhan yang bdag gis de yongs su mya ngan las 'das nas/ bstan pa 'dzin par gyur cig ces byas so/ /dge slong dag ji snyam du sems/ de'i tshe blon po'i bu gang yin
276a4 pa de ni dge slong 'od srung 'di kho na yin te/'dis der smon lam btab bo// //las brgya tham pa/ bam po nyi shu bzhi pa/ 'dzin byed kyi bu zhes bya ba ni/ gleng gzhi rgyal po'i khab na bzhugs te/ de'i tshe rgyal po'i khab na bram ze che zhing mtho ba 'dzin byed ces
276a5 bya ba zhig gnas so//'dam bu sbyin zhes bya ba'i grong na ni bram ze rgyal zhes bya ba zhig gnas te/ de gnyis mdza' zhing bshes la gcugs par gyur to/ /de nas bram ze rgyal chung ma dang lhan cig tu rtse zhing dga' la dga' mgur spyod pa las/ chung ma la bu chags nas de zla
276a6 ba dgu'am bcu lon pa dang khye'u gzugs bzang zhing blta na sdug la mdzes pa zhig btsas te/de'i btsas ston rgyas par byas nas/ ming shA ri'i bu zhes bya ba dang nye rgyal zhes bya bar btags so/ /de nas phyi zhig na bram ze 'dzin byed kyi chung ma la yang bu chags nas/
276a7 de zla ba dgu'am bcu lon pa dang khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di bram ze che zhing mtho ba 'dzin byed kyi bu yin pas na/ khye'u
276b1 'di'i ming 'dzin byed kyi bu zhes gdags so zhes zer ro//de nas khye'u 'dzin byed kyi bu 'o ma dang mar dang zho dang zhun mar dang mar gyi nying gus bskyed bsrings nas/ gang gi tshe de gnyis cher skyes pa de'i tshe de gnyi ga byis pa slob pa'i grwar gtad nas/ de gnyi ga yang yi ge mthar phyin par
276b2 lobs te/de gnyi gas bstan bcos thams cad lobs so/ /nye rgyal gyis ni lo bcu drug lon nas dbang po'i brda sprod pa yang lobs te gzhung gis rgol ba thams cad tshar gcad do/ /de nas phyi zhig na dka' thub kyi nags tshal du rten bcas nas/ de kun du rgyu
276b3 dag gi nang du rab tu byung ngo //der gang gi tshe sangs rgyas 'jig rten du byung ba de'i tshe bram ze'i bu shA ri'i bu dang maud gal gyi bu gnyis bcom ldan 'das kyi bstan pa la rab tu byung nas/ der de gnyis kyis nyon mongs pa thams cad spangs te dgra bcom pa nyid mngon sum du
276b4 byas nas/bcom ldan 'das kyis de gnyis las gcig ni shes rab che ba rnams kyi mchog tu bstan to/ /gcig ni rdzu 'phrul can rnams kyi mchog tu bstan to/ /bram ze'i khye'u 'dzin byed kyi bu ni rgyal po'i zham ring ba dpa' bor gyur te/ rgyal po'i pho brang der rtag tu 'gro ba
276b5 las de shes rab dang ldan pa'i phyir/rgyal po gzugs can snying pos blon po'i mchog tu bskos nas/ longs spyod kyi gzhi chen po yang byin te/ 'jig rten dag ni 'byor pa 'dod pa yin no/ /de nas phyi zhig na/ des kyang thabs zlar bab pa las chung ma blangs nas de de dang
276b6 lhan cig tu rtse zhing dga' la dga' mgur spyod la/des khyim gyi 'byor pa rgyas par byas te bzhag go/ /de nas des rgyal po'i khab der rgyal po la brten cing bram ze dang khyim bdag rnams kyi nor len par byed do/ /bram ze dang khyim bdag rnams la brten cing rgyal po'i nor
276b7 len par byed do//de nas phyi zhig na/ tshe dang ldan pa shA ri'i bus/ 'dzin byed kyi bu gdul ba'i dus la bab par mthong nas/ snga dro sham thabs dang chos gos bgos te lhung bzed thogs nas bram ze 'dzin byed kyi bu'i khyim ga la ba der song ngo / /de'i tshe bram ze 'dzin
277a1 byed kyi bu shing ma la li ka'i 'dab na ba 'jo ba'i zhal ta byed cing 'dug pa las/bram ze 'dzin byed kyi bus thag ring po zhig nas tshe dang ldan pa shA ri'i bu mthong ngo / /mthong nas kyang tshe dang ldan pa shA ri'i bu ga la ba der song ste phyin nas/ tshe dang ldan pa shA ri'i bu la yan
277a2 lag thams cad kyis 'khyud nas khyim gyi nang du khrid de/stan bshams pa la 'dug tu bcug ste/ kye shA ri'i bu bshos gsol la 'o ma yang gsol cig ces byas so/ /shA ri'i bu na re 'dzin byed kyi bu nga la sems dga' bar byas zin gyis des chog go/ /'dzin byed kyi
277a3 bus smras pa/kye shA ri'i bu khyod yun ring mo zhig na gdod bdag gi khyim du phyin na/ ci'i phyir zan gcig tsam yang zar mi btub/ shA ri'i bus smras pa/ 'dzin byed kyi bu 'di ltar khyod ni ngang tshul 'chal cing ngang tshul nyams pa yin te/ rgyal po la brten cing bram ze dang khyim
277a4 bdag rnams kyi nor len par byed la/bram ze dang khyim bdag rnams la brten cing rgyal po'i nor len par byed pa'i phyir ro/ /'dzin byed kyi bus smras pa/ kye shA ri'i bu bdag ni khyim pa ste/ khyim na gnas pa lags pas na/ bdag gis ni bdag nyid dang pha ma dang bu
277a5 dang chung ma dang bran dang bran mo dang las byed pa dang zho shas 'tsho ba dang mdza' bo dang snying nye ba dang nye du dang rgan rabs kyang yang dag par bde bas tshim par bya dgos so//rgyal po la yang sa gzhi'i rag lus la/ lha yang rjed dgos/ sngon gyi mtshun dag kyang gtor dgos/ dge
277a6 sbyong dang bram ze rnams kyang zan sbyin dgos te/bdag gis ni chos bzhin du byed pa 'ba' zhig gis bde blag tu 'byor par mi nus so/ /shA ri'i bus smras pa/ 'dzin byed kyi bu 'o na khyod nyid la dri bar byas/ khyod kyis ji ltar bzod pa de bzhin du de'i lan thob shig /dper na mi
277a7 zhig gis pha ma gnyis kyi phyir chos ma yin pa spyod cing log par spyod de/de chos ma yin pa spyod cing log par spyod pa des lus dang bral te/ shi ba'i 'og tu ngan song ngan 'gro log par ltung ba sems can dmyal ba rnams su skyes nas/ de sems can dmyal ba'i srungs ma rnams kyis
277b1 bzung ste/sdug bsngal drag pa dang mi bzad pa dang tsha ba dang yid du mi 'ong ba'i tshor ba myong du bcug nas/ de na re sems can dmyal ba'i srungs ma dag bdag la gnod pa 'di dang 'di lta bu dag ma byed cig /de ci'i phyir zhe na/ bdag gis pha ma'i phyir chos ma yin pa spyad cing log par
277b2 spyad pas/bdag chos ma yin pa spyad cing log par spyad pa des/ lus dang bral te shi ba'i 'og tu ngan song ngan 'gro log par ltung ba sems can dmyal ba rnams su skyes par zad do zhes zer na/ 'dzin byed kyi bu de ji snyam du sems/ mi de sems can dmyal ba'i srungs ma rnams
277b3 las don de 'grub par 'gyur ram/'dzin byed kyi bus smras pa/ shA ri'i bu de ni mi 'grub bo/ /shA ri'i bus smras pa/ 'dzin byed kyi bu dad pa dang ldan pa'i rigs kyi bus chos dang ldan pa dang las kyi yon tan dag gis longs spyod rnams bsgrubs te/ pha ma gnyis la dus
277b4 dus su yang dag par ri mo byed pa dang /yang dag par bsnyen bkur byed pa dang / yang dag pa'i bde bas sten par byed de/ sdig pa'i las kyang cung zad kyang mi byed la/ bsod nams kyi lam yang dag par blangs te/ 'dug na de la pha ma yang 'di snyam du sems te/ rigs
277b5 kyi bu 'di ni dad pa dang ldan zhing sgrub phod la rigs pas 'tsho ba yin te/rigs kyi bu 'dis ni chos dang ldan pa dang / las kyi yon tan dag gis longs spyod rnams bsgrubs nas/ dus dus su bdag cag la yang yang dag par ri mo byed/ yang dag par bsnyen bkur byed/ yang dag
277b6 par bde bas sten par byed de/sdig pa'i las kyang cung zad kyang mi byed la/ bsod nams kyi lam yang yang dag par blangs te 'dug go snyam mo/ /rigs kyi bu pha ma la slar snying brtse bar byed pa de ni/ dge ba'i chos rnams 'phel ba 'ba' zhig tu 'gyur bar re bar bya ste/ yongs
277b7 su 'grib par mi 'gyur ro//'dzin byed kyi bu/ dper na mi zhig gis bu dang chung ma dang bran dang bran mo dang las byed pa dang zho shas 'tsho ba rnams dang mdza' bo dang snying nye ba dang nye du dang rgan rabs rnams dang rgyal po dang lha rnams dang dge sbyong dang bram ze rnams kyi phyir chos ma yin pa
278a1 spyod cing log par spyod de/de chos ma yin pa spyod cing log par spyod pa des/ lus dang bral te shi ba'i 'og tu ngan song ngan 'gro log par ltung ba sems can dmyal ba rnams su skyes nas/ de sems can dmyal ba'i srungs ma rnams kyis bzung ste/ sdug bsngal drag pa dang mi
278a2 bzad pa dang tsha ba dang yid du mi 'ong ba'i tshor ba myong du bcug nas/de na re sems can dmyal ba'i srungs ma dag bdag la gnod pa 'di dang 'di lta bu dag ma byed cig /de ci'i phyir zhe na/ bdag gis dge sbyong dang bram ze rnams kyi phyir chos ma yin pa spyad cing log par spyad par zad do zhes
278a3 zer na/'dzin byed kyi bu ji snyam du sems/ mi de sems can dmyal ba'i srungs ma rnams las don de 'grub par 'gyur ram/ 'dzin byed kyi bus smras pa/ shA ri'i bu de ni mi 'grub bo/ /shA ri'i bus smras pa/ 'dzin byed kyi bu dad pa dang ldan pa'i rigs kyi bus chos dang ldan pa dang / las kyi
278a4 yon tan dag gis longs spyod rnams bsgrubs te/dge sbyong dang bram ze rnams la zas sbyin par byed de/ sdig pa'i las kyang cung zad kyang mi byed la/ bsod nams kyi lam yang yang dag par blangs te/ 'dug na de la dge sbyong dang bram ze rnams kyis dge ba'i sems kyis slar snying brtse bar
278a5 byed do//'dzin byed kyi bu de ltar dge sbyong dang bram ze rnams kyis dge ba'i sems kyis slar snying brtse bar byas pa'i skyes bu gang zag de'i ni/ dge ba'i chos rnams 'phel ba 'ba' zhig tu 'gyur bar re bar byas te yongs su 'grib par mi 'gyur ro/ /de skad ces smras nas bram ze 'dzin
278a6 byed kyi bu ngus te mchi ma blags so//de nas bram ze 'dzin byed kyi bus gos kyi mtha' mas mchi ma phyis nas tshe dang ldan pa shA ri'i bu la 'di skad ces smras so/ /kye shA ri'i bu 'di ni bdag gi mchis brang bag sar blangs nas ring po ma lags pa zhig mchis te/ de'i slad du bdag gis
278a7 bag ma mchis par sdig pa kha na ma tho ba mang po bgyis kyis/btsun pa shA ri'i bu bag sar 'di bdag gis gtan du slar btang la/ deng slan chad btsun pa shA ri'i bu las tshangs par spyod pa lnga pa'i bslab pa'i gzhi rnams yang dag par nod par 'tshal lo/ /de nas tshe dang
278b1 ldan pa shA ri'i bus bram ze 'dzin byed kyi bu tshangs par spyod pa lnga pa'i bslab pa'i gzhi rnams la gnas par byas nas stan las langs te song ngo //de nas tshe dang ldan pa shA ri'i bu lho phyogs kyi ri'i nags khrod ga la ba der song ba las/ dge slong gzhan zhig 'od ma'i tshal bya ka lan da ka
278b2 gnas pa nas/lho phyogs kyi ri'i nags khrod ga la ba der song nas dge slong des thag ring po zhig nas tshe dang ldan pa shA ri'i bu mthong ngo / /mthong nas kyang tshe dang ldan pa shA ri'i bu ga la ba der song ste phyin nas/ tshe dang ldan pa shA ri'i bu'i rkang pa la mgo bos phyag 'tshal te phyogs gcig tu 'dug
278b3 go//phyogs gcig tu 'dug nas tshe dang ldan pa shA ri'i bus dge slong de la 'di skad ces smras so/ /dge slong khyod da gdod ga las 'ongs/ dge slong des smras pa/ btsun pa shA ri'i bu bdag da gzod 'od ma'i tshal bya ka lan da ka gnas pa nas mchis so/ /shA ri'i bus smras pa/
278b4 bram ze 'dzin byed kyi bu shes sam/ tshe dang ldan pa shA ri'i bu bdag 'tshal te/ tshe dang ldan pa shA ri'i bu'i sngon gyi khyim na gnas pa'i tshe'i grogs po lags so/ /shA ri'i bus smras pa/ tshe dang ldan pa bram ze 'dzin byed kyi bu gnod pa chung ngam/ nyam nga ba nyung ngam/ bde ba dang ldan nam/ nad
278b5 med dam/stobs dang ldan par rgyal po'i khab na gnas sam/ ston pa mthong bar dga' 'am/ chos mnyan par dga' 'am/ dge slong des smras pa/ tshe dang ldan pa shA ri'i bu bram ze 'dzin byed kyi bu ni ston pa blta bar yang dga'/ chos mnyan par yang dga' mod kyi/ gnod pa dang
278b6 ldan zhing sdug bsngal dang ldan te nad par gyur pas gal te na nad de kho nas 'chi bar 'gyur yang srid do//de nas tshe dang ldan pa shA ri'i bus chos gos snam sbyar bgos te/ bram ze 'dzin byed kyi bu'i khyim ga la ba der song ba las bram ze 'dzin byed kyi bus thag ring po zhig nas tshe dang ldan pa
278b7 shA ri'i bu mthong ngo //mthong nas kyang khri las ldang du stsol lo/ /de nas tshe dang ldan pa shA ri'i bus/ bram ze 'dzin byed kyi bu khri las ldang bar stsol ba mthong nas bram ze 'dzin byed kyi bu la smras pa/ 'dzin byed kyi bu nga 'dug pa'i stan gzhan dag kyang yod kyis/ khyod khri las ma ldang
279a1 cig ces byas nas tshe dang ldan pa shA ri'i bu stan bshams pa la 'dug go//'dug nas kyang tshe dang ldan pa shA ri'i bus bram ze 'dzin byed kyi bu la 'di skad ces smras so/ /'dzin byed kyi bu ci khyod bzod pa dang ldan nam/ 'tsho 'am/ ci khyod kyi sdug bsngal drag pa dang /
279a2 mi bzad pa dang / tsha ba dang / yid du mi 'ong ba'i tshor ba drag po rnams med par gyur tam/ phyir thu bar ma gyur tam/ med par gyur par mngon nam/ phyis thu bar gyur par mi mngon grang / 'dzin byed kyi bus smras pa/ btsun pa shA ri'i bu bdag ni bzod pa dang ldan pa ma yin/ 'tsho ba
279a3 dang ldan pa ma yin te/bdag gi lus la sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba tshabs chen po dag gis thebs te/ bdag gi tshor ba de dag phyis thu zhing phyis na bar mngon gyi med par ma gyur to/ /btsun pa shA ri'i bu dper na mi stobs
279a4 che rab cig gis mi nyam chung rab cig gi mgo bo 'breng ba bzang po ring pos dam du bcings na de'i mgo bo mi bzad par na bar 'gyur ba de bzhin du btsun pa shA ri'i bu bdag gi mgo bo la tshor ba mi bzad cing 'dug ste/bdag gi tshor ba de dag phyis thu zhing phyis la na bar mngon gyi med
279a5 par ma gyur to//btsun pa shA ri'i bu dper na ba lang gsod pa'am/ ba lang gsod pa'i slob mas ba lang bsha' ba'i gri rnon pos ba lang gi lto dral na de'i lto ba'i tshor ba mi bzad par 'gyur ba de bzhin du btsun pa shA ri'i bu bdag gi lto ba'i nad mi bzad par 'dug ste bdag gi tshor
279a6 ba de dag phyis thu zhing phyis la na bar mngon gyi med par ma gyur to//btsun pa shA ri'i bu dper na mi stobs che rab gnyis kyis mi stobs chung rab cig dpung pa g.yas g.yon nas bzung ste/ me mdag gi nang du sreg par byed na de'i lus mi bzad par tsha bar 'gyur ba de bzhin du btsun
279a7 pa shA ri'i bu bdag gi lus shin tu tsha zhing 'dug ste/bdag gi tshor ba de dag phyis thu zhing phyis la na bar mngon gyi med par ma gyur to/ /btsun pa shA ri'i bu des na bdag ni bzod pa dang ldan pa ma yin/ 'tsho ba dang ldan pa ma yin te/ bdag gi lus la sdug bsngal drag pa dang / mi bzad pa
279b1 dang /tsha ba dang / yid du mi 'ong ba'i tshor ba tshabs chen po dag gis thebs te/ bdag gi tshor ba de dag phyis thu zhing phyis la na bar mngon gyi med par ma gyur to/ /shA ri'i bus smras pa/ 'dzin byed kyi bu 'o na khyod nyid la dri bar byas khyod kyis ji ltar bzod pa de bzhin du lan thob shig /'dzin
279b2 byed kyi bu ji snyam du sems/sems can dmyal ba dang dud 'gro gang bdam/ btsun pa shA ri'i bu sems can dmyal ba pas ni dud 'gro bdam mo/ /dud 'gro dang gang bdam/ btsun pa shA ri'i bu dud 'gro bas ni bdam mo/ /dang mi gang bdam/ btsun pa shA ri'i
279b3 bu pas ni mi bdam mo//mi dang rgyal chen bzhi'i ris kyi lha gang bdam/ btsun pa shA ri'i bu mi bas rgyal chen bzhi'i ris kyi lha bdam mo/ /rgyal chen bzhi'i ris kyi lha dang sum cu rtsa gsum pa'i lha gang bdam/ btsun pa shA ri'i bu rgyal chen bzhi'i ris kyi lha bas ni
279b4 sum cu rtsa gsum pa'i lha bdam mo//sum cu rtsa gsum pa'i lha dang 'thab bral gyi lha gang bdam/ btsun pa shA ri'i bu sum cu rtsa gsum pa'i lha bas ni 'thab bral gyi lha bdam mo/ /'thab bral gyi lha dang dga' ldan pa'i lha gang bdam/ btsun pa shA ri'i bu 'thab bral ba'i lha bas
279b5 ni dga' ldan pa'i lha bdam mo//dga' ldan pa'i lha dang 'phrul dga'i lha gang bdam/ btsun pa shA ri'i bu dga' ldan pa'i lha bas ni 'phrul dga' ba'i lha bdam mo/ /'phrul dga' ba'i lha dang gzhan 'phrul dbang byed pa'i lha gang bdam/ btsun pa shA ri'i bu 'phrul dga'i lha bas
279b6 ni gzhan 'phrul dbang byed pa'i lha bdam mo//gzhan 'phrul dbang byed pa'i lha dang tshangs pa'i 'jig rten la gang bdam/ btsun pa shA ri'i bu gzhan 'phrul dbang byed pa'i lha bas ni tshangs pa'i 'jig rten bdam mo/ /'dzin byed kyi bu tshangs pa'i 'jig rten bdam zhes zer ram/
279b7 btsun pa shA ri'i bu tshangs pa'i 'jig rten bdam zhes mchi'o/ /de nas bram ze 'dzin byed kyi bu yud tsam zhig cang mi zer bar 'dug nas tshe dang ldan pa shA ri'i bu la 'di skad ces smras so/ /btsun pa shA ri'i bu de ltar gzhan 'phrul dbang byed kyi lha bas tshangs pa'i 'jig rten bdam
280a1 par gyur na tshangs pa'i 'jig rten du skye bar 'gyur ba'i lam mchis sam/'dzin byed kyi bu lam yang yod/ srang yang yod de/ rigs kyi bu'am rigs kyi bu mo dad pa dang ldan pas de bsgoms na 'dod pa'i 'dun pa spangs nas de la shas cher gnas pas tshangs
280a2 pa'i 'jig rten du skal ba mnyam par skye bar 'gyur ba de ngas bshad na de khyod kyis shes par nus sam/btsun pa shA ri'i bu khyod kyis shod cig dang bdag gis mnyan to/ /shA ri'i bus/ smras pa/ 'dzin byed kyi bu 'di na 'phags pa nyan thos ni 'dod pa'i yon tan lnga sems kyi nye ba'i nyon
280a3 mongs pa skyed pa/shes rab kyi gnas ngan len skyed pa/ phongs par 'gyur ba'i phyogs mya ngan las 'da' bar mi 'gyur ba spangs nas byams pa dang ldan pa'i sems 'khon med pa/ dgra zla med pa/ gnod pa med pa/ yangs pa chen por gyur pa/ gnyis su med pa/ tshad med pa/ shin
280a4 tu bsgoms pas phyogs gcig tu mos te khyab par byas nas rdzogs par byas te gnas so//de bzhin du phyogs gnyis pa dang / de bzhin du gsum pa dang / de bzhin du bzhi pa dang / bla dang / 'og dang / thad kar rnam pa thams cad du 'jig rten 'di dag thams cad byams pa dang ldan
280a5 pa'i sems 'khon med pa/dgra zla med pa/ gnod pa med pa/ yangs pa/ chen por gyur pa/ gnyis su med pa/ tshad med pa shin tu bsgoms pas mos te khyab par byas nas rdzogs par byas te gnas so/ /de bzhin du snying rje dang / dga' ba dang / btang snyoms chen por
280a6 gyur pa'i bar du rgyas par brjod par byas te/'dzin byed kyi bu 'di ni lam yin/ 'di ni srang yin te/ rigs kyi bu'am rigs kyi bu mo dad pa dang ldan pas de bsgoms na 'dod pa'i 'dun pa spangs nas de la shas cher gnas pas tshangs pa'i 'jig rten du skal ba mnyam par skye bar
280a7 'gyur ro zhes byas so//de ltar tshe dang ldan pa shA ri'i bus bram ze 'dzin byed kyi bu tshad med pa bzhi la gnas par byas nas song ngo / /de nas tshe dang ldan pa shA ri'i bu song nas ring po ma lon par bcom ldan 'das kyis dgongs pa/ dge slong shA ri'i bus bram ze 'dzin byed kyi bu
280b1 la de'i steng du bden pa rnams ma bshad pa ni tshar phyin pa ma yin no snyam du dgongs nas 'od ma'i tshal nas mi snang bar gyur te/bram ze 'dzin byed kyi khyim du bzhugs par gyur to/ /de nas bram ze 'dzin byed kyi bus bcom ldan 'das gdan la bzhugs par mthong ngo / /mthong
280b2 nas kyang bcom ldan 'das la shin tu dga' bar gyur to//dga' bar gyur nas kyang khri las langs te 'dug go/ /de nas bcom ldan 'das kyis de la de dang 'thun pa'i chos bstan te/ de nas bram ze 'dzin byed kyi bus stan de nyid la 'dug bzhin du phyir mi 'ong ba'i 'bras
280b3 bu mngon sum du byas so//de ltar bcom ldan 'das kyis bram ze 'dzin byed kyi bu phyir mi 'ong ba'i 'bras bu la gnas par mdzad nas 'dzin byed kyi bu'i khyim nas mi snang bar gyur te/ tshe dang ldan pa shA ri'i bu 'od ma'i tshal du ma phyin par bcom ldan 'das ches sngar 'od ma'i tshal
280b4 du gshegs nas nyid kyi gdan la bzhugs so//de nas bcom ldan 'das gshegs nas ring po ma lon par bram ze 'dzin byed kyi bu shi ste dus las 'das nas tshangs pa'i 'jig rten du skyes so/ /de nas tshe dang ldan pa shA ri'i bu bcom ldan 'das ga la ba der song ste phyin nas
280b5 bcom ldan 'das kyi zhabs la mgo bos phyag 'tshal te phyogs gcig tu 'dug nas/der bcom ldan 'das kyis tshe dang ldan pa shA ri'i bu la bka' stsal pa/ shA ri'i bu khyod da gzod ga las 'ongs/ shA ri'i bus gsol pa/ btsun pa bdag gis bram ze 'dzin byed kyi bu tshangs
280b6 pa'i gnas bzhi la gnas par bgyis na da gzod de nas mchis lags so//bka' stsal pa/ shA ri'i bu ci'i phyir khyod kyis bram ze 'dzin byed kyi bu la de'i steng du bden pa rnams ma bstan/ ji ste bstan du zin na chos 'dul ba 'di rtogs pa zhig /shA ri'i bu de lta mod kyi khyod
280b7 song ba'i 'og tu nga 'od ma'i tshal 'di nas mi snang bar gyur te/bram ze 'dzin byed kyi bu'i khyim du 'dug nas ngas de la de'i steng du bden pa rnams bstan te/ des phyir mi 'ong ba'i 'bras bu mngon sum du byas nas de shi ste dus las 'das nas tshangs pa'i 'jig rten du skyes
281a1 so//de ltar ngas 'dzin byed kyi bu bden pa rnams la gnas par byas nas khyod 'od ma'i tshal du ma phyin par nga thog mar phyin to/ /de nas bcom ldan 'das la tshe dang ldan pa shA ri'i bus 'di skad ces gsol to/ /btsun pa sangs rgyas bcom ldan 'das rnams de ltar ngo mtshar
281a2 kyi chos dang ldan pa ni ngo mtshar lags so//de nas dge slong rnams kyis sangs rgyas bcom ldan 'das la zhus pa/ btsun pa bram ze 'dzin byed kyi bus las ci zhig bgyis na las de'i rnam par smin pas phyug cing nor mang la longs spyod che ba'i rigs su skyes la/ bcom ldan
281a3 'das kyang des mnyes par bgyis te mi mnyes par ma bgyis lags/bcom ldan 'das kyis bka' stsal pa/ smon lam gyi dbang las gyur to/ /btsun pa des smon lam gang du btab lags/ bka' stsal pa/ dge slong dag sngon byung ba 'das pa'i dus na grong khyer
281a4 'thab med ces bya ba na rgyal po klu lha zhes bya ba rgyal po byed de/de'i ring la 'byor pa dang / rgyas pa dang / bde ba dang / lo legs pa dang / skya bo dang mi mang pos gang ba dang / rtsod pa dang 'thab pa zhi ba dang 'khrug pa dang nang 'khrug dang / chom rkun dang / nad dang mu ge
281a5 med pa dang /'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa sdug pa la bya ba bzhin du chos bzhin du rgyal srid byed do/ /de'i tshe grong khyer 'thab med na rgyal po klu lha'i mdun na 'don phyug cing
281a6 nor mang la longs spyod che ba/nor dang gser du ma dang ldan pa/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig 'dug pa des rgyal po la brten cing bram ze dang / khyim bdag rnams kyi nor len par byed/ bram
281a7 ze dang khyim bdag rnams la brten cing rgyal po'i nor len par byed do//de nas de'i tshe bram ze dbul po gzhan zhig bram ze mdun na 'don de'i thad nas thag mi ring ba zhig na 'dug pa des/ bram ze mdun na 'don des rgyal po la brten cing bram ze dang khyim bdag rnams kyi nor
281b1 len par byed bram ze dang khyim bdag rnams la brten cing rgyal po'i nor len par byed de/gzhi des na khang steng na 'dug cing skyes pa med par bud med 'ba' zhig dang sil snyan rnams kyis rtse zhing dga' la dga' mgur spyod par rig go/ /de nas bram ze dbul po des bsams pa/ 'di dpal
281b2 'di lta bu dag nyams su myong ba ci yang rung ba de dag thams cad ni sbyin pa dang /dul ba dang / yang dag par sdom pa'i las rnam pa gsum gyi 'bras bu yin gyis/ ma la bdag gis kyang dge ba'i rtsa ba'i chos cung zad tsam yang dag par blangs te gnas par bya gor ma chag /'on kyang des
281b3 dbul ba chad par 'gyur ro snyam du de lta bu'i sems skyes so//sangs rgyas bcom ldan 'das rnams 'jig rten du mi 'byung ba'i tshe rang sangs rgyas rnams 'jig rten du 'byung ste/ rang sangs rgyas zhig de'i khyim sgor 'ongs so/ /de nas bram ze dbul po des thag ring po zhig
281b4 nas rang sangs rgyas de mthong ngo //mthong nas kyang de la shin tu dga' ba skyes so/ /dga' ba skyes nas bram ze des rang sangs rgyas de la bsod snyoms phul lo/ /bdag nyid chen po de dag ni lus kyis chos ston par byed kyi ngag gis ma yin te/ des bsod snyoms de blangs nas
281b5 de kho na nas nam mkha' la song ngo //de nas bram ze de lhag par yang dga' ba skyes nas rkang pa la dmigs te phyag 'tshal nas smon lam btab pa/ kye ma dge ba'i rtsa ba 'dis na bdag gang dang gang du skye ba de dang der phyug cing nor mang la longs spyod che ba'i rigs su skye
281b6 bar gyur cig /bdag gis kyang rgyal po la brten cing bram ze dang khyim bdag rnams kyi nor len pa dang / bram ze dang khyim bdag rnams la brten cing rgyal po'i nor len pa dang 'di bas kyang ches khyad par du 'phags pa'i ston pa mnyes par byed par gyur cig /mi mnyes
281b7 par byed par ma gyur cig ces byas so//dge slong dag ji snyam du sems/ de'i tshe bram ze dbul por gyur pa gang yin pa de ni 'dzin byed kyi bu 'di kho na yin te/ des rang sangs rgyas de la bsod snyoms phul nas smon lam btab pa'i las de'i rnam par smin pa des na gang dang
282a1 gang du skyes pa de dang der phyug cing nor mang la longs spyod che ba'i rigs su skyes te/des der bram ze dang khyim bdag rnams la brten cing rgyal po'i nor len par byed/ rgyal po la brten cing bram ze dang khyim bdag rnams kyi nor len par byed la/ dge slong dag
282a2 nga rang sangs rgyas bye ba phrag 'bum bas kyang ches lhag par khyad par du 'phags pa nga lta bu 'dis mnyes par byas te mi mnyes par ma byas so//gzhan yang yang dag par rdzogs pa'i sangs rgyas 'od srung gi bstan pa la dge bsnyen du gyur te/ des der tshe gcig tu skyabs
282a3 su 'gro ba dang bslab pa'i gzhi rnams bsrungs nas 'chi kar smon lam btab pa/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par
282a4 ma gyur cig ces byas so//dge slong dag ji snyam du sems/ de'i tshe dge bsnyen du gyur pa gang yin pa de ni 'dzin byed kyi bu 'di kho na yin te/ des tshe gcig tu skyabs su 'gro ba dang bslab pa'i gzhi rnams bsrungs nas 'chi kar smon lam btab ste/ yang dag par rdzogs pa'i
282a5 sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das gang yin pa de bdag gis mnyes par byed par gyur cig /mi mnyes par byed par ma gyur cig ces byas pa des na/ dge slong dag nga yang dag par rdzogs pa'i sangs rgyas
282a6 'od srung dang shin tu mnyam pa dang /shugs mnyam pa dang / mdzad pa mnyam pa dang / thabs mnyam pa brnyes par gyur nas 'dis nga mnyes par byas te mi mnyes par ma byas so// //rab bzang zhes bya ba ni sum cu rtsa gsum pa'i lha'i nang nas lha'i dbang po brgya byin la dri za'i
282a7 rgyal po rab dga' zhes bya ba zhig yod de/des lha'i dbang po brgya byin dga' bar bya ba'i phyir de dang 'brel ba'i glu dbyangs sbyor ba la zhugs so/ /de nas gang gi tshe byang chub sems dpa' dga' ldan gyi gnas na bzhugs pa las rnam pa bzhi'i gzigs pas 'jig rten la gzigs
282b1 nas yum gyi lhums su gshegs pa de'i tshe lha'i dbang po brgya byin gyis dri za'i rgyal po rab dga' la smras pa/rab dga' byang chub sems dpa' lha'i ris dga' ldan nas shi 'phos te/ yum gyi lhums su nying mtshams sbyar nas gang gi tshe de bltams te/ cher skyes pa de'i tshe bdud rtsi
282b2 brnyes nas des 'gro ba rnams tshim par mdzad par 'gyur gyis/khyod kyis kyang 'dzam bu'i gling du nying mtshams sbyor cig dang / khyod la yang des bdud rtsi'i skal ba sbyin par 'gyur ro/ /rab dgas smras pa/ kau shi ka bdag gis glu dbyangs sbyar ba brtsams lags te/ re zhig de
282b3 lags par bgyis na slad kyis slebs so zhes zer ro//de nas de'i tshe grong khyer ku shi na kun tu rgyu rab bzang zhes bya ba rdzu 'phrul can grong khyer ku shi na gnas pa'i gyad kyi bu thams cad kyis bkur sti byed/ bla mar byed/ ri mor byed/ mchod par byed cing dgra bcom par bkur ba
282b4 zhig yod de/de mtsho ma dros pa'i 'gram na nyin par gnas so/ /der yang de la lha dang klu rnams kyis bkur sti byed/ bla mar byed/ ri mor byed mchod par byed do/ /de res 'ga' ni mtsho ma dros pa'i 'gram de nyid na nyin par gnas shing 'dug go/ /res 'ga' ni mtsho ma dros
282b5 pa de nyid nas thag mi ring ba zhig na shing u dum bA ra'i tshal zhig yod pa der song nas 'dug go//de nas gang gi tshe byang chub sems dpa' bltam pa de'i tshe lha'i dbang po brgya byin gyis dri za'i rgyal po rab dga' la smras pa/ rab dga' byang chub sems dpa' bltam gyis tshur dang
282b6 bdag cag gis de'i mchod pa'i las la brtson par bya'o//rab dgas smras pa/ kau shi ka bdag gis glu dbyangs sbyar ba brtsams lags te/ de re zhig de lags par bgyis nas slad kyis slebs so zhes zer ro/ /de nas byang chub sems dpa'i che ba nyid kyis u dum bA ra'i
282b7 tshal der u dum bA ra'i me tog rnams kha 'bus par gyur to//de nas kun tu rgyu rab bzang gis shing u dum bA ra'i me tog kha 'bus pa mthong nas/ mthong ma thag tu yid dga' bar gyur te des bsams pa/ ga na'i kun tu rgyu rgas shing 'khogs la gtugs pa/ sde tshan gyi
283a1 slob dpon chen po dag las bdag gis thos na/de bzhin gshegs pa dgra bcom pa yang dag par rdzogs pa'i sangs rgyas rnams dang / 'khor los sgyur ba'i rgyal po dang / u dum bA ra'i me tog ni brgya lam na 'byung bar zad do zhes zer ba las na/ u dum bA
283a2 ra'i tshal 'dir yang bdag gi bsod nams kyis u dum bA ra rnams kyi me tog kha 'bus par gyur to snyam mo//der gang gi tshe byang chub sems dpa' rgan po dang / nad pa dang / shi ba gzigs nas nags khrod du gnas bcas pa de'i tshe lha'i dbang po brgya byin gyis dri za'i rgyal po rab
283a3 dga' la smras pa/rab dga' byang chub sems dpa' de ni rgan po dang / nad pa dang / shi ba gzigs nas nags khrod du gnas bcas kyis/ bdag cag dong la de'i mchod pa'i las la brtson par bya'o/ /rab dgas smras pa/ kau shi ka bdag gis glu dbyangs sbyar ba brtsams lags
283a4 te/de re zhig lags par bgyis nas slad kyis slebs so zhes zer ro/ /der gang gi tshe byang chub sems dpas bla na med pa'i ye shes brnyes nas lan gsum du bzlas te chos kyi 'khor lo rnam pa bcu gnyis chos bzhin du bskor ba de'i tshe brgya byin gyis yang dri za'i rgyal po rab dga'
283a5 la smras pa/rab dga' bcom ldan 'das kyis bla na med pa'i ye shes brnyes nas lan gsum du bzlas te chos kyi 'khor lo rnam pa bcu gnyis bskor bar bzhed kyis tshur bdag cag song la chos mnyan par bya'o/ /rab dgas smras pa/ kau shi ka bdag gis glu dbyangs sngar brtsams
283a6 lags te/re zhig de lags par bgyis nas slad kyis slebs so zhes zer ro/ /der gang gi tshe bcom ldan 'das kyis lan gsum du bzlas te chos kyi 'khor lo rnam pa bcu gnyis bskor ba de'i tshe u dum bA ra'i tshal de dag rnam pa thams cad du me tog rgyas par gyur te/ des na dpag
283a7 tshad mang por dri bsung gis rgyas par gyur te/rgyu des na kun du rgyu rab bzang lhag par yang yid dga' bar gyur nas 'di dag ni bdag gi bsod nams las gyur pa yin no snyam mo/ /der gang gi tshe bcom ldan 'das kyis lan gsum du bzlas te chos kyi 'khor lo rnam pa bcu gnyis
283b1 chos bzhin du bskor ba de'i tshe lnga sde dang /nye ba'i lnga sde rnams dang / grong gi byis pa mgo mtho mtho lnga bcu btul to/ /shing bal gyi shing gi nags khrod du gshegs nas bzang sde drug cu'i pha tshan bden pa rnams la bkod do/ /sde pa'i grong du gshegs nas grong na gnas pa'i bu
283b2 mo dga' ma dang /dga' stobs ma gnyis bden pa rnams la bkod do/ /lteng rgyas su gshegs nas ral pa can stong rab tu phyung ste bsnyen par rdzogs par mdzad do/ /ga yA'i rtse mo'i mchod rten gyi drung du gshegs nas dge slong stong po de dag cho 'phrul rnam pa gsum gyis yid ches
283b3 par mdzad de g.yung drung gi mthar thug pa/bla na med pa'i grub pa dang bde ba'i mya ngan las 'das pa la bkod do/ /smyig ma'i nags khrod du gshegs nas yul ma ga d+hA'i rgyal po bzo sbyangs gzugs can snying po lha brgyad khri dang / yul ma ga d+hA'i bram ze dang / khyim bdag 'bum phrag
283b4 du ma dang thabs cig tu bden pa rnams la gnas par mdzad do//rgyal po'i khab tu gshegs nas 'od ma'i tshal bzhes te/ shA ri'i bu dang / maud gal gyi bu g.yog 'khor nyis brgya lnga bcu dang ldan pa gnyis rab tu phyung nas bsnyen par rdzogs par mdzad do/ /mnyan du yod par gshegs
283b5 nas rgyal bu rgyal byed kyi tshal bzhes te cho 'phrul chen po bstan nas dge tshul skul byed rab tu phyung ste des kyang nyon mongs pa thams cad spangs nas dgra bcom pa nyid mngon sum du byas te/de rdzu 'phrul gyis 'gro zhing gnas gzhan dang gzhan dag nas dus ma yin pa'i me tog dang 'bras
283b6 bu rnams blangs shing mkhan po dang dge 'dun la 'bul bar byed do//de nas phyi zhig na de mtsho ma dros pa'i 'gram du song nas de der dga' bar gyur te/ des der nyin bar gyi gnas btab pa las kun tu rgyu rab bzang gis smras pa/ grogs po 'di ni nga'i nyin bar gyi gnas yin gyis
283b7 'dir ma 'dug shig /dge tshul skul byed kyis smras pa/ 'di ni thams cad kyi thun mong yin no/ /kun tu rgyu rab bzang gis smras pa/ nga dang rdzu 'phrul gyis 'gran par gyis shig dang / de nas 'di 'o bu cag gnyis gang rgyal ba de'i nyin bar gyi gnas su bya'o zhes byas nas de gnyis rdzu 'phrul
284a1 ston pa la zhugs pa las der dge tshul skul byed kyis kun tu rgyu rab bzang pham par byas nas de yul yul por gyur te/u dum bA ra'i tshal de nyid du song nas 'dug go/ /der gang gi tshe bcom ldan 'das kyis sangs rgyas kyi phrin las thams cad mdzad nas ku sha'i grong
284a2 khyer du gshegs te/gzims mal gyi tha mar zhugs nas bzhugs so/ /de nas der bcom ldan 'das kyis dgongs pa/ da ni de bzhin gshegs pas gdul bar bya ba kun tu rgyu rab bzang dang / dri za'i rgyal po rab dga' gnyis lus so snyam du dgongs so/ /de nas yang
284a3 bcom ldan 'das kyis dgongs pa/kun tu rgyu rab bzang ngas gdul bar sla na dri za'i rgyal po rab dga' ni rgyags shing bag med par gnas te de nga'i thad du mi 'ong gis/ nga nyid de'i thad du 'gro'o snyam du dgongs te/ bcom ldan 'das kyis der sprul pa zhig bzhag nas shing sa la zung gi
284a4 tshal nas mi snang bar gyur te/sum cu rtsa gsum pa'i lha'i nang du gshegs nas dri za'i rgyal po rab dga'i pho brang gi sgor byon te/ der bcom ldan 'das kyis dgongs pa/ 'di'i nga rgyal bcag nas gdod de'i 'og tu bden pa rnams kyi snod du rung ngo snyam du dgongs te/ bcom ldan
284a5 'das kyis de gdul ba'i phyir dri za'i rgyal po zhig tu sprul nas bai dUr+ya'i pi bang rgyud stong pa zhig bsnams te/dri za'i rgyal po rab dga'i sgo drung du gzhes nas phrin gyis bzlugs te dri za'i rgyal po zhig sgo na sdod de/ de khyod dang lhan cig tu pi bang len par 'dod do zhes byas so/ /de nas de
284a6 thos ma thag tu dri za'i rgyal po rab dgas bsams pa/ma la dri za'i rgyal po gzhan 'ga' zhig ma byung grang / de ni bdag gis tshar gcad par bya'o snyam du bsams nas smras pa/ nang du bos shig dang bdag gis ci nus pa bstan to zhes byas te des de nang du bos nas pi bang len pa la
284a7 zhugs so//de nas bcom ldan 'das kyis de gdul ba'i phyir pi bang gi rgyud gcig bcad pa dang / dri za'i rgyal po rab dgas kyang de mthong nas kyang rgyud gcig bcad do/ /de nas bcom ldan 'das kyis mthar gyis rgyud thams cad bcad de rgyud gcig pu lus par gyur nas de las
284b1 kyang sgra thams cad 'byung bar mdzad do//de nas rab dgas kyang rgyud thams cad bcad de des kyang rgyud gcig pu de las sgra thams cad 'byung bar byas so/ /de nas bcom ldan 'das kyis rgyud gcig pu de yang bcad de sgra thams cad kyang 'byung bar mdzad do/ /de nas dri za'i rgyal po rab
284b2 dgas bsams pa/bdag gis ni de las lhag par kyang bstan par mi nus pas na/ 'di ni bdag pas ches khyad par du 'phags pa zhig go snyam mo/ /de nas de'i skabs su bcom ldan 'das kyis dgongs pa/ 'di nga rgyal nga dang mtshungs pa su yang med do snyam du de
284b3 ltar 'dzin pa de med par gyur to snyam du thugs su chud de/bcom ldan 'das kyis de nga rgyal bcag nas rang bzhin gyi skur bsgyur to/ /de nas des bcom ldan 'das mthong nas de shin tu dga' ba skyes te dga' bar gyur nas/ bcom ldan 'das kyi zhabs la phyag 'tshal te/
284b4 chos mnyan pa'i phyir spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas de dang 'thun pa'i chos bstan te/ des na dri za'i rgyal po rab dga' stan de nyid la 'dug bzhin du 'jig tshogs
284b5 la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas so//de nas bcom ldan 'das sum cu rtsa gsum pa'i lha'i nang nas mi snang bar gyur to/ /de'i tshe u dum bA ra'i tshal de'i me tog rnams rnyis par gyur te/ kun tu rgyu rab bzang gis
284b6 u dum bA ra'i tshal de'i me tog rnams rnyis par gyur pa mthong ngo //mthong nas kyang de mya ngan chen po skyes te des bsams pa/ bdag gi bsod nams kyis u dum bA ra'i tshal 'di rnam pa thams cad du me tog rgyas par gyur pa las/ da ni bdag rgas shing 'khogs la gtugs
284b7 par gyur te/na tshod lo brgya nyi shu lon na u dum bA ra'i tshal gyi me tog 'di dag rnyis par gyur pa las na/ bdag ring po mi thogs par 'chi bar 'gyur ro snyam nas rgyu des na shin tu mya ngan byed cing sdug bsngal la smre sngags 'don par byed do/ /de nas de la dga' ba'i lha zhig gis rab
285a1 bzang la smras pa/u dum bA ra'i tshal 'di ni khyod kyi bsod nams kyis rnam pa thams cad du me tog rgyas par gyur pa ma yin gyi/ sa phyogs 'di ni 'khor los sgyur ba'i rgyal po'i skyed mos tshal gyis yin te/ gang gi tshe 'khor los sgyur ba'i rgyal po 'byung ngam/ byang chub sems dpa' 'byung bar 'gyur
285a2 ba de'i tshe ni u dum bA ra'i tshal 'dir me tog rnams kha 'bu bar 'gyur ro//gang gi tshe 'khor los sgyur ba'i rgyal po rgyal sar zhugs pa'am/ byang chub sems dpas bla na med pa'i ye shes brnyes par gyur pa de'i tshe ni u dum bA ra'i tshal 'di rnam pa thams cad du me tog rgyas par 'gyur ro/ /gang gi tshe 'khor
285a3 los sgyur ba'i rgyal po grongs su nye ba'am/de bzhin gshegs pa yongs su mya ngan las 'dar nye bar gyur pa de'i tshe ni u dum bA ra'i tshal gyi me tog 'di rnams rnyis par 'gyur ro/ /gang gi tshe 'khor los sgyur ba'i rgyal po grongs sam/ de bzhin gshegs pa yongs su mya ngan las 'das par gyur pa de'i tshe ni
285a4 u dum bA ra'i tshal 'di'i me tog rnams skam par 'gyur te/da ltar yang de bzhin gshegs pa 'jig rten du byung nas de gzims mal gyi tha mar zhugs te/ do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'das par 'gyur te/ de'i dbang gis u dum bA ra'i tshal de rnyis
285a5 par gyur gyis khyod de'i rgyus ha cang mya ngan ma byed cig /sdug bsngal bar ma byed cig /smre sngags ma 'don cig ces byas so/ /de nas kun tu rgyu rab bzang 'di snyam du sems te/ bdag chos rnams la yang the tsom yod/ bdag la re ba yang yod la/ bcom ldan 'das gau ta ma des kyang bdag gi the tsom de sel bar nus kyis/
285a6 ma la bdag bcom ldan 'das gau ta ma de ga la ba der song la der phyin nas zhu ba lung bstan par gnang na phyogs 'ga' zhig zhu'o snyam nas u dum bA ra'i tshal nas mi snang bar gyur te grong khyer ku shi na gyad kyi nye 'khor shing sa la zung gi tshal du phyin par gyur to/ /de'i tshe tshe dang ldan pa kun dga' bo ni kun dga' ra
285a7 ba'i sgo'i thad kyi 'chag sa na 'chag cing 'dug go//de nas kun tu rgyu rab bzang gis tshe dang ldan pa kun dga' bo thag ring po zhig nas mthong ngo / /mthong nas kyang tshe dang ldan pa kun dga' bo ga la ba der song ste phyin nas tshe dang ldan pa kun dga' bo la 'di skad ces smras so/ /btsun pa kun dga' bo bdag gis
285b1 thos na bcom ldan 'das gau ta ma do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes grag na/bdag chos rnams la yang the tsom mchis/ bdag la re ba yang mchis la/ bcom ldan 'das gau ta ma des kyang
285b2 bdag gi the tsom de sel bar nus na/gal te btsun pa kun dga' bo 'o mi brgyal na bcom ldan 'das gau ta ma de ga la bzhugs pa der bzhud la/ der phyin nas gal te zhu ba'i bka' lan stsal bar gnang na phyogs 'ga' zhig zhu'o zhes byas so/ /tshe dang ldan pa kun dga' bo yang
285b3 ltas la mkhas te/des bsams na bcom ldan 'das kyi sprul pa zhig bzhag ste 'dul ba'i dbang gis ga zhig tu gshegs par rig nas kun tu rgyu rab bzang la smras pa/ rab bzang thong / bcom ldan 'das ni sku mnyel/ bde bar gshegs pa ni sku mnyel gyis/ de bzhin gshegs
285b4 pa la gnod pa ma byed cig ces byas so//de nas kun du rgyu rab bzang gis tshe dang ldan pa kun dga' bo la 'di skad ces smras so/ /btsun pa kun dga' bo sngon gyi kun du rgyu rgas shing 'khogs la gtugs pa rnams las bdag gis thos na/ de bzhin gshegs pa dgra bcom pa
285b5 yang dag par rdzogs pa'i sangs rgyas rnams ni brgya lam brgya lam na 'jig rten du 'byung bar zad de/dper na u dum bA ra'i me tog bzhin no zhes mchi la/ bcom ldan 'das gau ta ma de yang do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan
285b6 las 'da' bar 'gyur na/bdag chos rnams la yang the tsom mchis/ bdag la re ba yang mchis la/ bcom ldan 'das gau ta ma des kyang bdag gi the tsom sel bar nus na/ gal te btsun pa kun dga' bo 'o mi brgyal na/ bcom ldan 'das gau ta ma de ga la bzhugs pa der bzhud
285b7 la/der phyin nas gal te zhu ba'i bka' lan stsal bar gnang na phyogs 'ga' zhig zhu'o zhes byas so/ /de nas lan gsum gyi bar du tshe dang ldan pa kun dga' bos kun tu rgyu rab bzang la smras pa/ rab bzang thong / bcom ldan 'das ni sku mnyel/ bde bar gshegs pa ni sku mnyel gyis/
286a1 de bzhin gshegs pa la gnod pa ma byed cig ces byas so/ /de nas de'i skabs su bcom ldan 'das sum cu rtsa gsum pa'i lha'i nang nas mi snang bar gyur te/ gzims mal du zhugs nas/ bcom ldan 'das kyis lha'i snyan rnam par dag pa mi las 'das pa mnga'
286a2 bas tshe dang ldan pa kun dga' bo kun tu rgyu rab bzang dang de lta bu'i tshig brjod pa gsan to//gsan nas kyang tshe dang ldan pa kun dga' bo la bka' stsal pa/ kun dga' bo thong / kun tu rgyu rab bzang ma dgag par nang du thong la ci dang ci 'dod pa 'drir chug shig /de ci'i phyir
286a3 zhe na/'di ni nga gzhan mu stegs can kun tu rgyu dag dang bar skabs kyi gtam brjod pa'i tha ma yin no/ /'di lta ste/ kun tu rgyu rab bzang 'di ni ngas dge slong tshur shog ces bya bas rab tu phyung ba rnams kyi tha ma yin no/ /de nas bcom ldan 'das kyis skabs phye nas kun tu rgyu
286a4 rab bzang dga' zhing mgu la yi rangs shing mgu la rab tu dga' ste/yi rangs shing dga' ba dang bde ba skyes nas/ bcom ldan 'das ga la bzhugs pa der song ste phyin nas/ bcom ldan 'das dang lhan cig tu mngon sum du yang dag par dga' ba dang / yang dag par mgu bar
286a5 'gyur ba'i gtam sna tshogs byas te phyogs gcig tu 'dug go//phyogs gcig tu 'dug nas bcom ldan 'das la kun tu rgyu rab bzang gis 'di skad ces gsol to/ /kye gau ta ma 'jig rten na mu stegs kyi gnas tha dad pa 'di dag ni 'di lta ste/ 'od srung rdzogs byed dang / kun tu rgyu gnag
286a6 lhas kyi bu dang /smra 'dod kyi bu mo'i bu yang dag rgyal ba can dang / mi pham skra'i la ba can dang / ka t+ya'i bu nog can dang / gcer bu pa gnyen gyi bu de rnams kyis rang rang gis dam bcas pa lags so/ /de nas bcom ldan 'das kyis de'i tshe tshigs su bcad pa bka' stsal pa/ rab bzang nga ni na
286a7 tshod nyi shu dgu lon na//legs pa gang yin tshol phyir rab tu byung bar gyur/ /rab bzang nga ni rab tu byung ba'i phyin cad nas/ /lo grangs lnga bcu'i bar du ting 'dzin bsgom pa byas/ /nga ni tshul khrims rnams dang zhabs dang rig pa dang / /sems kyi rtse gcig btud pa dag kyang bsgom
286b1 pa byas//rigs par ldan pa'i chos kyi phyogs tsam brjod pa yang / /'di las phyi rol pa yi dge sbyong gzhan la med/ /rab bzang chos 'dul ba gang la 'phags pa'i lam yan lag brgyad pa med pa de la ni dge sbyong dang po yang med do/ /de la ni dge sbyong gnyis pa dang / gsum pa dang /
286b2 bzhi pa yang med do/ /rab bzang chos 'dul ba gang la 'phags pa'i lam yan lag brgyad pa yod pa de la ni dge sbyong dang po dang / gnyis pa dang / gsum pa dang / bzhi pa yang yod de/ de bas na 'di las phyi rol pa'i dge sbyong rnams sam bram ze rnams ni med de/ pha rol rgol ba'i
286b3 dge sbyong rnams sam bram ze rnams kyis stong ngo zhes nga ni de skad du 'khor 'dir seng ge'i sgra yang dag par sgrogs so zhes gsungs so//chos kyi rnam grangs 'di bshad pa na kun tu rgyu rab bzang chos rnams la chos kyi mig rdul med cing dri ma dang bral la rnam par dag ste/ kun tu rgyu chos mthong
286b4 la chos rnyed pa/chos rtogs pa/ chos kyi gting slebs pa/ som nyi las rgal ba/ the tsom las rgal ba/ gzhan gyi dring mi 'jog pa/ gzhan gyis bkrir med pa/ ston pa'i bstan pa'i chos rnams la mi 'jigs pa thob par gyur nas stan las langs te bla gos phrag pa gcig tu gzar
286b5 nas/bcom ldan 'das ga la ba de logs su thal mo sbyar ba btud de/ tshe dang ldan pa kun dga' bo la smras pa/ btsun pa kun dga' bos ni rnyed pa legs par rnyed do/ /btsun pa kun dga' bo slob dpon chen pos slob dpon chen po'i nye gnas su dbang bskur ba lags so/ /bdag kyang
286b6 rnyed pa legs par rnyed pa lags te/bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyad pa spyod par 'tshal lo zhes byas so/ /de nas tshe dang ldan pa kun dga'
286b7 bo stan las langs te bla gos phrag pa gcig tu gzar nas/bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa kun tu rgyu 'di ni legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong
287a1 gi dngos por 'gyur bar 'tshal na/bcom ldan 'das kyis thugs brtse ba'i slad du rab tu 'byung bar mdzad par gsol/ de nas bcom ldan 'das kyis kun tu rgyu rab bzang la dge slong tshur shog tshangs par spyod cig ces bka' stsal nas/ tshig de thos ma thag tu skra dang kha spu
287a2 ni bregs nas zhag bdun lon pa tsam du gyur/chos gos snam sbyar ni gyon/ spyod lam ni bsnyen par rdzogs nas lo brgya lon pa lta bur 'dug par gyur/ lag na ni lhung bzed dang chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ /de ni skra bregs
287a3 lus la snam sbyar gyon//sangs rgyas kyis ni dgongs pas gos bgos nas/ /mod la dbang po rab tu zhi bar gnas/ /de nas bcom ldan 'das kyis de la lung phog ste/ des kyang brtson pa dang bsgrub pa dang / 'bad pas nyon mongs pa thams cad spangs nas dgra bcom pa nyid mngon sum
287a4 du byas te/de dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang /
287a5 so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas tshe dang ldan pa rab bzang 'di snyam du sems te/ bdag gis ston pa yongs su mya
287a6 ngan las 'da' ba mthong bar bya ba ni bdag gi cha ma yin gyis/ma la bdag gis byin gyi rlabs rnam pa lnga byin gyis brlabs la/ de bas sngar yongs su mya ngan las 'das par bya'o snyam nas tshangs pa mtshungs par spyod pa rnams kyis ni bdag dge slong gi cha lugs su mthong bar gyur cig /mu stegs pa
287a7 gzhan rnams kyis ni mu stegs pa'i cha lugs su mthong bar gyur cig /tshangs pa mtshungs par spyod pa rnams kyis ni bde blag tu bdag gi thad du 'ong nus par gyur cig /mu stegs pa gzhan dag zhig gis ni chu chen pos bskor bar mthong bar gyur cig /tshangs pa mtshungs par spyod pa rnams kyis ni bdag
287b1 gi rus bu khyogs su khyer nus par gyur cig /'di las phyi rol pa rnams kyis ni brgya'am stong gis kyang khyer mi nus par gyur cig /tshangs pa mtshungs par spyod pa rnams kyis ni bdag gi rus bu bsreg pa'i me sbar nus par gyur cig /'di las phyi rol pa rnams kyis ni brgya'am stong gis kyang sbar mi nus
287b2 par gyur cig /tshangs pa mtshungs par spyod pa rnams kyis ni bdag gi rus bu mthong bar gyur la/ mthong nas kyang rus bu la mchod pa byed par gyur cig /mu stegs pa gzhan rnams kyis ni mthong bar ma gyur cig ces byas nas der tshe dang ldan pa rab bzang gis byin gyi rlabs rnam pa lnga byin gyis brlabs
287b3 te yongs su mya ngan las 'das so//de nas ku shi'i grong khyer du lha rnams kyis rab bzang yongs su mya ngan las 'das so zhes sgra bsgrags so/ /de nas de thos ma thag tu mu stegs pa gzhan kun tu rgyu rnams kyis ras kyi ba dan dag bsgreng ste/ lam po che dang / srang dang / bzhi mdo dang / sum mdo
287b4 rnams su sgra bsgrags pa/dge sbyong gau ta ma na re phyi rol pa'i dge sbyong dang bram ze med de/ pha rol smra ba rnams ni dge sbyong ngam bram zes stong ngo zhes de skad du 'khor 'dir nga yang dag pa'i seng ge'i sgra sgrogs so zhes zer la/ da ni bdag cag gi tshangs pa mtshungs par spyod pa 'di yang yongs su
287b5 mya ngan las 'das so zhes ku shi'i grong khyer thog thag tu bsgrags nas shing sa la zung gi tshal du dong ste rab bzang ga la 'dug pa der chas pa las de'i thad du 'gro ma nus so//de nas dge slong rnams kyis de dag mthong nas/ kye khyed rnams 'dir ci la 'ongs/ de dag gis smras pa/ bdag cag
287b6 gi tshangs pa mtshungs par spyod pa yongs su mya ngan las 'das te/bdag cag gis de'i rus bu la mchod pa bya'o/ /dge slong rnams kyis smras pa/ 'di ni nged kyi tshangs pa mtshungs par spyod pa yin gyis khyed kyi ma yin no/ /ci khyed kyis skra bregs la chos gos snam sbyar gyon pa ma mthong ngam/ de dag
287b7 gis smras pa/bdag cag gis ni dbyug gu gsum dang / ril ba spyi blugs thogs pa de lta bur mthong ngo / /dge slong rnams kyis smras pa/ gal te 'di khyed kyi tshangs pa mtshungs par spyod pa yin zhe na/ 'di'i thad du sheg la mchod pa gyis shig /de nas de thos ma thag tu mu stegs
288a1 pa gzhan dag rab bzang gi thad du 'gro 'dod pa las chu chen pos bskor bar mthong nas 'gro ma nus so//de nas dge slong rnams kyis smras pa/ 'di ni nged kyi tshangs pa mtshungs par spyod pa yin gyis khyed kyi ma yin no/ /'di ltar nged ni 'di'i thad du bde blag tu 'gro nus pa yin
288a2 te/khyed kyang nged kyi mthus 'di'i thad du sheg cig ces byas nas de dag thams cad rab bzang gi rus bu'i thad du dong ngo / /de nas dge slong rnams kyis smras pa/ gal te khyed kyi tshangs pa mtshungs par spyod pa yin zhe na/ 'di'i khyogs khyer cig /de nas de thos ma thag tu mu stegs pa gzhan
288a3 kun tu rgyu de dag gis khyogs bskur zhes byas na/gdeg par ma nus so/ /de nas dge slong rnams kyis smras pa/ 'di ni nged kyi tshangs pa mtshungs par spyod pa yin te/ nged kyis 'di'i khyogs khyer te bkur sti bgyis ltos shig ces byas nas dge slong rnams kyis khyogs khyer te gang du bsreg
288a4 pa'i gnas su bzhag nas dge slong rnams kyis smras pa/gal te 'di khyed kyi tshangs pa mtshungs par spyod pa yin zhe na/ rus bu bsreg pa'i me bus shig /de nas mu stegs pa gzhan dag gis rus bu bsreg pa'i me sbar zhes byas na sbar ma nus so/ /de nas dge slong rnams kyis smras pa/
288a5 'di ni nged kyi tshangs pa mtshungs par spyod pa yin te/ 'di'i rus bu bsreg pa'i me bdag cag gis sbar ro zhes byas nas dge slong rnams kyis de'i rus bu bsreg pa'i me sbar ro/ /rus bu bsreg pa'i me sbar nas yang smras pa/ gal te 'di khyod kyi tshangs pa mtshungs par spyod pa yin zhe na/
288a6 khyod kyis 'di'i rus bu bsregs pa'i me 'o mas sod cig ces byas nas/ mu stegs pa gzhan dag gis de'i rus bu bsregs pa'i me bsad ces byas na gsod ma nus so/ /de nas dge slong rnams kyis smras pa/ 'di ni nged kyi tshangs pa mtshungs par spyod pa yin te/ nged kyis 'di'i rus
288a7 bu bsregs pa'i me bsad do zhes byas nas dge slong rnams kyis de'i rus bu bsregs pa'i me bsad do//me bsad nas yang smras pa/ gal te 'di khyed kyi tshangs pa mtshungs par spyod pa yin zhe na/ 'di'i rus bu 'di rnams long la mchod pa gyis shig /de nas mu stegs pa gzhan kun tu
288b1 rgyu rnams kyis rus bu blang zhes byas nas rus bu ma mthong ngo //de nas dge slong rnams kyis rus bu de dag blangs te/ rus bu mchod rten gyi nang du bzhag nas bdug pa dang / phye ma dang / me tog rnams kyis bkur sti byas te dong ngo // //las brgya tham pa/ bam po nyi shu lnga pa/ de nas
288b2 dge slong rnams kyis sangs rgyas bcom ldan 'das la gsol pa/btsun pa tshe dang ldan pa rab bzang 'di kun gyi 'og tu rab tu byung la thog ma kho nar yongs su mya ngan las 'das te/ de'i 'og tu gdod bcom ldan 'das yongs su mya ngan las 'da' bar 'gyur ba la gzigs/ bcom ldan 'das
288b3 kyis bka' stsal pa/smon lam gyi dbang las gyur to/ /gsol pa/ btsun pa 'dis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na grong khyer bA rA Na sI na
288b4 rgyal po kr-i kI zhes bya ba rgyal po byed de/de'i tshe rgyal po kr-i kI'i mdun na 'don gyi bu gzugs bzang zhing blta na sdug la mdzes pa/ mdog bzang ba gser gyi mdog can/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa/
288b5 lus skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa zhig btsas te/ de'i btsas ston rgyas par byas nas khye'u 'di'i ming ji skad gdags zhes ming 'dogs par byed de/ khye'u 'di'i rus 'od srung yin pas na khye'u 'di'i ming
288b6 'od srung nyid du gdags so zhes zer ro//de nas khye'u 'od srung 'o ma dang / zho dang mar dang zhun mar dang mar gyi nying gus bskyed bsrings nas/ de gang gi tshe cher skyes pa de'i tshe mtshan mkhan bye brag phyed pa dag gis lung bstan pa/ khye'u 'od srung 'di gal te rab tu ma byung na ni 'khor los sgyur ba'i
288b7 rgyal por 'gyur ro//gal te skra dang kha spu bregs nas chos gos tshon can gyon te yang dag pa'i dad pas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas su 'gyur te/ 'jig rten du grags pa chen po dang ldan par 'gyur ro zhes
289a1 zer ro//de nas byang chub sems dpa' 'od srung gi mdza' bo bshes pa bram ze'i khye'u mya ngan med ces bya ba zhig yod pa des de'i lung bstan pa de thos nas de thos ma thag tu smras pa/ grogs po shes par gyis la nga dang ma 'grogs par khyed dka' thub kyi tshal du ma 'gro shig ces byas so/ /
289a2 de nas byang chub sems dpa' mya ngan las 'da' ba la dgongs nas nga khyod dang ma 'grogs kyi bar du mi 'gro'o zhes byas so/ /de nas der gang gi tshe byang chub sems dpa' 'od srung gis rgan po dang / nad pa dang shi ba gzigs nas nags tshal gyi nang du gshegs pa de'i tshe mya ngan med mi dga' bar gyur te/
289a3 des ji ltar dam bcas pa bzhin du ma byas so snyam mo/ /de nas gang gi tshe byang chub sems dpa' 'od srung bla na med pa yang dag par rdzogs pa'i byang chub mngon par rdzogs par sangs rgyas nas bA rA Na sIr gshegs pa de'i tshe/ des der lan gsum du bzlas te chos kyi 'khor lo rnam pa bcu gnyis
289a4 chos bzhin du bskor nas de rgyal po kr-i kIs bshos la spyan drangs te/rgyal pos de kho na'i mtshan mo lam yang mdzes par byed du bcug /de kho na'i mtshan mo bza' ba dang bca' ba gtsang ma bzang po rnams kyang sbyar te gdan bshams nas chu ra bkang ste/ bcom ldan 'das la phrin gyis gdugs
289a5 tshod bskul nas rgyal po de nyid kyis bdug pa dang /phye ma dang spos dang me tog dang / gdugs dang / rgyal mtshan dang / ba dan rnams khyer te/ sil snyan gyi sgra chen po sgrogs shing drang srong smra ba nas yang dag par rdzogs pa'i sangs rgyas 'od srung bsu nas 'byor pa chen pos bA rA Na sIr spyan drangs
289a6 so//de nas bram ze'i khye'u mya ngan med kyis kyang byang chub sems dpa' 'od srung bla na med pa yang dag par rdzogs pa'i byang chub mngon par rdzogs par sangs rgyas nas bA rA Na sIr gshegs te/ de rgyal po kr-i kIs bshos la spyan drangs nas rgyal po des de kho na'i mtshan mo lam yang mdzes par
289a7 byed du bcug /de kho na'i mtshan mo bza' ba dang bca' ba gtsang ma bzang po mang po rnams kyang sbyar te gdan bshams nas chu ra bkang ste/ bcom ldan 'das la phrin gyis gdugs tshod bskul nas rgyal po de nyid kyis bdug pa dang / phye ma dang / spos dang / me tog dang / gdugs dang /
289b1 rgyal mtshan dang / ba dan rnams khyer te/ sil snyan gyi sgra chen po sgrogs shing drang srong smra ba nas yang dag par rdzogs pa'i sangs rgyas 'od srung bsu nas 'byor pa chen pos bA rA Na sIr spyan drangs so zhes thos so/ /thos nas kyang sngon gyi mi dga' bar gyur pas thag mi ring ba zhig tu 'dug ste lta bar
289b2 byed la drung du ltar 'gror mi 'dod do//de nas yang dag par rdzogs pa'i sangs rgyas kyis dgongs nas/ phyag glang po che'i sna lta bu brkyang ste phyag gis bzung nas drangs te bka' stsal pa/ mya ngan med khyod ci'i phyir nga dang phrad du 'ong bar mi 'dod/ des gsol pa/ sngon bdag la dam bzhes pa ni
289b3 nga gang du 'gro ba der khyod khrid de 'gro'o zhes khyod kyis dam bcas pa las gcig pu dka' thub kyi nags tshal du bzhud de/sngon bdag mi dga' ba'i gzhi mchis pa'i slad du mchi mi 'tshal lo/ /yang dag par rdzogs pa'i sangs rgyas 'od srung gis bka' stsal pa/ ngas ni mya ngan las 'da' ba
289b4 las bsams te smras pa yin na/yong yang khyod der phyin du zin na ci la phan te da ni dam bcas pa de'i dus la bab bo/ /mya ngan med kyis gsol pa/ btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/
289b5 bdag kyang bcom ldan 'das kyi thad du tshangs par spyod pa spyad par 'tshal lo/ /de nas yang dag par rdzogs pa'i sangs rgyas 'od srung gis dge slong tshur shog ces bya ba'i tshig gis rab tu phyung ste bsnyen par rdzogs par mdzad nas de la lung yang phog ste/ des lung de mnos pa'i 'og tu le lo byed
289b6 cing 'dug pa las der gang gi tshe yang dag par rdzogs pa'i sangs rgyas kyis dgon pa'i bsngags pa bstan pa de'i tshe/des yid la bya ba mnos nas dgon pa'i gnas shig tu song ste/ 'dug pa las gang gi tshe yang dag par rdzogs pa'i sangs rgyas 'od srung gis sangs rgyas kyi phrin las thams
289b7 cad mdzad nas gzims mal gyi tha mar zhugs pa de'i tshe lha rnams kyis kun tu sgra bsgrags te/yang dag par rdzogs pa'i sangs rgyas 'od srung do nub nam phyed nas phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes sgra bsgrags so/ /de nas
290a1 dge slong mya ngan med kyis lha nam mkha' la 'gro ba de dag gi sgra thos so//thos nas kyang de sdug bsngal chen po skyes te/ bcom ldan 'das ni mya ngan las 'da' bar 'gyur la/ bdag gis ni khyad par ci yang ma thob bo snyam nas de gzhi de las shin tu mya ngan byed cing sdug bsngal la smre sngags
290a2 'don par byed do//de nas de la dga' ba'i lhas de mthong nas smras pa/ mya ngan med ci'i phyir khyod shin tu mya ngan byed cing sdug bsngal la smre sngags 'don par byed/ gal te khyod yang dag par rdzogs pa'i sangs rgyas 'od srung mthong na de la bya ba ci zhig yod/ mya ngan med kyis smras pa/ yang dag par
290a3 rdzogs pa'i sangs rgyas 'od srung gi bstan pa la bya ba gang yin pa de dag thams cad bya'o//de nas de thos ma thag tu lha des khyer te yang dag par rdzogs pa'i sangs rgyas 'od srung gi spyan sngar bab par bzhag nas/ des yang dag par rdzogs pa'i sangs rgyas 'od srung ga la ba der song ste phyin nas/
290a4 zhabs la mgo bos phyag 'tshal te phyogs gcig tu 'dug go/ /de nas yang dag par rdzogs pa'i sangs rgyas 'od srung gis de dang 'thun pa'i chos bstan te/ des na mya ngan med kyis stan de la 'dug bzhin du nyon mongs pa thams cad spangs te dgra bcom pa nyid mngon sum du byas so/ /de nas
290a5 mya ngan med kyis dgra bcom pa nyid thob nas 'di snyam du ma la bdag gis ston pa yongs su mya ngan las 'da' ba mthong bar bya ba ni bdag gi cha ma yin gyis/bdag sngar yongs su mya ngan las 'da' bar bya'o snyam mo/ /de nas mya ngan med yongs su mya ngan las 'das nas de'i 'og tu yang dag par
290a6 rdzogs pa'i sangs rgyas 'od srung yongs su mya ngan las 'das so//de nas lha des bsams pa 'dis khyad par 'di lta bu thob pa ci yang rung ba de dag thams cad ni bdag gi mthu yin no snyam nas/ kye ma dge ba'i rtsa ba 'dis na yang dag par rdzogs pa'i sangs rgyas 'od srung gis bram ze'i khye'u
290a7 bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas bdag de bas sngar yongs su mya ngan las 'da' bar gyur la/ de'i 'og tu ston pa yongs su mya ngan las
290b1 'da' bar gyur cig ces smon lam btab bo//dge slong dag ji snyam du sems/ de'i tshe lhar gyur pa gang yin pa de ni rab bzang 'di kho na yin te/ des der smon lam btab ste/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas
290b2 bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur la/ bdag sngar yongs su mya ngan las 'das nas de'i 'og tu ston pa
290b3 yongs su mya ngan las 'da' bar gyur cig ces byas pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te mi mnyes par ma
290b4 byas la/nga nyid kyi bstan pa la rab tu byung ste/ nyon mongs pa thams cad spangs nas dgra bcom pa nyid mngon sum du byas so/ /bdag sngar yongs su mya ngan las 'das nas de'i 'og tu ston pa yongs su mya ngan las 'da' bar gyur cig ces des der smon lam de ltar btab pa des ni 'di sngar yongs su
290b5 mya ngan las 'das nas de'i 'og tu nga yongs su mya ngan las 'da' bar 'gyur ro//dge slong dag gzhan yang 'das pa'i dus na nags khrod cig na drang srong lnga brgya tsam gnas so/ /nags khrod de na lha zhig kyang gnas te/ de drang srong de dag la shin tu dga' bar gyur to/ /de'i tshe yang dag par
290b6 rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'khor ba 'jig ces bya ba 'jig rten du byung ste/ der gang gi tshe yang
290b7 dag par rdzogs pa'i sangs rgyas 'khor ba 'jig gis 'du ba chen po bstan pa de'i tshe/lha de yang 'du ba chen po der 'dus te/ des yang dag par rdzogs pa'i sangs rgyas 'khor ba 'jig las chos thos nas nags khrod du song ste/ des drang srong de dag gi mdun du yang dag par
291a1 rdzogs pa'i sangs rgyas 'khor ba 'jig gi bsngags pa brjod do//de nas de thos ma thag tu drang srong de dag yang dag par rdzogs pa'i sangs rgyas 'khor ba 'jig mthong 'dod ches pa'i sems skyes nas de dag gis lha de nyid kyi mdun du bdar te/ yang dag par rdzogs pa'i
291a2 sangs rgyas 'khor ba 'jig ga la ba der dong ste/drang srong lnga brgya po de dag gis thag ring po zhig nas yang dag par rdzogs pa'i sangs rgyas sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu/ me lce mar gyis btab
291a3 pa lta bu/mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu dga' ba skyes te/ dge ba'i rtsa ba bsags pa'i rgyu las
291a4 byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro//de ltar dga' ba skyes nas kyang yang dag par rdzogs pa'i sangs rgyas 'khor ba 'jig
291a5 ga la ba der dong ste lhags nas yang dag par rdzogs pa'i sangs rgyas 'khor ba 'jig gi zhabs la mgo bos phyag 'tshal te chos mnyan pa'i phyir spyan sngar 'dug go//de nas yang dag par rdzogs pa'i sangs rgyas 'khor ba 'jig gis de rnams kyi bsam pa dang / bag la nyal dang /
291a6 khams dang shes pa dang / rang bzhin thugs su chud nas de dang 'thun pa'i chos bstan te/ des na drang srong lnga brgya po de dag gis stan de dag nyid la 'khod bzhin du bden pa rtogs ma thag tu phyir mi 'ong ba'i 'bras bu mngon sum du byas so/ /de dag gis bden pa mthong nas gsol pa/
291a7 btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas yang dag par rdzogs pa'i sangs rgyas 'khor ba
291b1 'jig gis drang srong lnga brgya po de dag la dge slong tshur shog ces bya ba'i tshig gis rab tu phyung ste bsnyen par rdzogs par mdzad nas de dag la lung yang phog ste/de dag gis kyang brtson pa dang bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/
291b2 de dag dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sga nga'i sbubs bcom pa/ rig pa dang mngon par shes pa dang / so
291b3 so yang dag par rig pa thob pa/srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas gang gi tshe yang dag par rdzogs pa'i sangs rgyas 'khor ba 'jig gis sangs
291b4 rgyas kyi phrin las thams cad mdzad nas phung po'i lhag ma med pa'i mya ngan las 'das pa'i dbyings su yongs su mya ngan las 'da' bar bzhed de/gzims mal gyi tha mar bzhugs pa de'i tshe dge slong lnga brgya po de dag gis bsams pa/ bdag cag gi ston pa yongs su mya ngan las 'da' ba
291b5 lta ba ni bdag cag gi cha ma yin gyis ma la bdag cag sngar yongs su mya ngan las 'da' bar bya'o snyam nas dge slong lnga brgya po de dag sngar yongs su mya ngan las 'das te/de'i 'og tu yang dag par rdzogs pa'i sangs rgyas 'khor ba 'jig yongs su mya ngan las 'das so/ /de nas lha des
291b6 smon lam btab pa/'di rnams kyi yon tan gyi tshogs 'di lta bu thob pa ci yang rung ba de dag thams cad ni bdag gi mthu yin gyis/ kye ma dge ba'i rtsa ba 'dis na bdag gis kyang ston pa 'di lta bu mnyes par byed par gyur cig mi mnyes par byed par ma gyur cig /de kho na'i bstan pa la rab
291b7 tu byung nas nyon mongs pa thams cad spangs te dgra bcom pa nyid mngon sum du byed par gyur la/bdag kyang ston pa de gzims mal gyi tha mar bzhugs pa'i snga rol du yongs su mya ngan las 'da' bar gyur cig ces byas so/ /dge slong dag ji snyam du sems/ de'i tshe lhar gyur pa gang yin
292a1 pa de ni rab bzang 'di kho na yin te/des der smon lam btab pa des na dge slong dag nga yang dag par rdzogs pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas 'dis
292a2 nga mnyes par byas te mi mnyes par ma byas la/nga nyid kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du byas nas nga gzims mal gyi tha mar zhugs pa na/ 'di sngar yongs su mya ngan las 'das te de'i 'og tu nga yongs su mya ngan las 'da'o/ /
292a3 de nas dge slong rnams kyis sangs rgyas bcom ldan 'das la gsol pa/ btsun pa bcom ldan 'das kyis 'chi ka'i na tsha nyams su myong ba na tshe dang ldan pa rab bzang gi skyabs mdzad de/ g.yung drung gi mthar thug pa/ grub pa dang bde ba'i mya ngan las 'das pa la gnas par mdzad pa la
292a4 gzigs/bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'chi ka'i na tsha nyams su myong ba na 'di 'jigs pa yod pa'i sa phyogs nas phyung ste/ 'jigs pa med pa'i gnas su ji ltar bzhag pa de nyon cig /dge slong dag sngon byung
292a5 ba 'das pa'i dus na grong khyer bA rA Na sI na rgyal po tshangs pas byin zhes bya ba rgyal po byed do//rgyal po tshangs pas byin gyi rta cang shes mchog tu bzang ba cig yod de/ de'i mthus na rgyal po tshangs pas byin gyis nyi 'og gi rgyal po thams cad la dpya phab bo/ /de nas phyi zhig na rta cang shes
292a6 de shi nas de'i gtam kun tu grags par gyur te rgyal po tshangs pas byin gyi rta cang shes de shi'o zhes 'dzer to//de nas de thos ma thag tu nyi 'og gi rgyal po thams cad kyis bsams pa/ des bdag cag la dpya phab pa ci yang rung ba de dag thams cad ni rta cang shes de'i drin kho nar zad de/
292a7 da ni de shi zin pas da ni gal te bdag cag gis de phyi rol tu byung ba mthong ba na ni bdag cag gis de der ci dga' mgur byar yod do snyam nas de dag de la glags lta zhing 'khod do/ /rgyal po tshangs pas byin gyis kyang ji ltar nyi 'og gi rgyal po de dag glags lta zhing 'khod pa'i gtam thos
292b1 nas/thos ma thag tu de dag gis 'jigs nas grong khyer gyi nang nas phyi rol tu 'byung ba'i thugs mi thub bo/ /de nas phyi zhig na byang phyogs nas tshong pa dag gis zong du rta ded de bA rA Na sIr lhags so/ /de nas rgyal po tshangs pas byin gyis byang phyogs nas tshong pa dag gis zong du rta ded
292b2 de 'ongs so zhes thos nas thos ma thag tu rgyal po des rta brtag pa la mkhas pa'i mi dag btang ste khyed deng la zong du rta ded de 'ongs pa thams cad nyos shig /lhag par yang de dag gi nang na rta cang shes 'ga' yod kyang srid kyis ltos shig ces bsgo'o/ /de nas rgyal po tshangs pas
292b3 byin gyi zhabs 'bring ba rnams kyis lha bka' stsal pa bzhin 'tshal lo zhes gsol nas/rta de dag thams cad nyos te de dag gis bltas na/ de'i nang na rta'i mchog gang yin pa de rta cang shes yin par gyur nas de dag gis rgyal po de la gsol to/ /de nas de thos ma thag tu
292b4 rgyal po de shin tu mgu bar gyur nas de rta'i tshong pa de dag la gser dang dngul mang po byin no//de nas phyi zhig na rta cang shes de la zhon nas skyed mos tshal gyi sar byung ba dang / nyi 'og gi rgyal po rnams kyis rgyal po tshangs pas byin skyed mos tshal du byung ngo zhes thos so/ /thos nas kyang dpung
292b5 gi tshogs yan lag bzhi go bskon nas bA rA Na sIr lhags te skyed mos tshal bskor te 'khod do//de nas rgyal po tshangs pas byin ci bya gtol med par gyur te/ da gar 'gro bar bya snyam nas des thams cad bor te rta cang shes la zhon nas skyed mos tshal gyi sa nas phyir 'byung ngo snyam pa las
292b6 bltas nas skyed mos tshal thams cad pha rol gyi dmag tshogs kyis 'khor cing 'dug go//rta cang shes kyis ni chos nyid kyis rgyal po'i srog 'dzin par 'gyur ro/ skyed mos tshal de yang grong khyer gyi 'obs kyis chod de/ grong khyer gyi 'obs de yang zab la me tog pad mas gang
292b7 bar 'dug go//de nas rta cang shes kyis bsams pa/ bdag gis gud du ni 'bros mi nus so snyam nas des pad ma'i 'dab ma de dag la gom pa bor te grong khyer logs su chas te song ngo / /de nas nyi 'og gi rgyal po rnams kyis mthong nas mda' ste'u kha nya rngas rta cang shes de'i
293a1 lto dral to//de nas rgyal po des kyang de mthong nas 'jigs shing skrag ste/ rta 'di chu 'di'i nang du shi nas bdag 'di kho nar bar ma dor ma rung bar mi 'gyur grang snyam mo/ /de nas rta cang shes kyis rgyal po 'jigs skrag par shes nas rgyal po'i yid gso ba'i phyir tshigs su bcad de
293a2 smras pa/'di ltar g.yul du bdag gi lus/ /mdas bsnun pa ni gzigs mod kyi/ /thar bar bgyis nas gdod 'gum gyis/ /rgyal po khyod ni ma bsnyengs shig /ces smras nas rta cang shes des rgyal po de grong khyer gyi nang du bskyal te 'jigs pa med pa'i gnas su bzhag nas shi'o/ /dge
293a3 slong dag ji snyam du sems/de'i tshe rta cang shes su gyur pa byang chub sems dpa'i spyod pa la gnas pa de ni nga nyid yin no/ /de'i tshe rgyal por gyur pa gang yin pa de ni rab bzang 'di kho na yin te/ de'i tshe yang nga 'chi ka'i na tshas thebs pa na/ 'di 'jigs pa'i gnas dang ldan pa las bsgral
293a4 te 'jigs pa med pa'i gnas su bzhag go//da ltar yang nga 'chi ka'i na tshas thebs pa na 'di 'jigs pa dang ldan pa'i 'khor ba las bsgral te/ g.yung drung gi mthar thug pa grub pa dang bde ba'i mya ngan las 'das pa'i sa la bzhag go/ /gzhan yang nga 'chi ka'i na tshas thebs pa na 'di
293a5 'jigs pa'i gnas dang ldan pa las bsgral nas 'jigs pa med pa'i gnas su bzhag ste/dge slong dag sngon byung ba 'das pa'i dus na grong khyer kan n+ya ku ba tsa zhes bya ba na rgyal po rna ba zhes bya ba rgyal po byed de/ rgyal po de yang shor ba la shin tu sred nas/ de phyi zhig na dpung gi
293a6 tshogs yan lag bzhi go bskon nas shor du song ba las/chu klung zhig gi 'gram na lnga brgya khyu gcig tu 'khod pa rgyal po des dpung gi tshogs yan lag bzhis bskor du bcug nas ci nas kyang gcig kyang mi 'chor ba de lta bu byas so/ /de nas khyu mchog gis
293a7 bsams pa/bdag ni kyi khyu 'di'i gtso bo yin pas na bdag gis 'di rnams kyi grub pa dang / bde ba bsam dgos so snyam nas kho ra khor yug tu bltas te/ rnams phyogs gang logs su phyung nas thar bar 'gyur zhig gu snyam pa las/ des bltas na chu klung
293b1 drag po de'i 'gram ma gtogs par dpung gi tshogs yan lag bzhis mtshams med par bskor te chu klung gi 'gram de na ni su yang mi 'dug par mthong ngo //de nas byang chub sems dpa' des bsams pa/ 'di rnams kyis ni chu klung 'di 'bog pa'am mchong ba'am 'bros pa yang
293b2 mi nus kyis de lta ma yin par nga nyid chu klung 'di'i dbus su rkang lag btsugs te 'dug par bya'o snyam nas/de rnams la khyed kyis mchongs la nga'i rgyab tu rkang lag gis brten te pha rol gyi 'gram du deng shig ces byas nas/ byang chub sems dpa' des chu klung gi dbus su rkang lag
293b3 btsugs te 'dug go//byang chub sems dpa' rnams ni stobs kyi shugs dang ldan pa yin pas na/ de chu klung des bskyod par mi nus par 'dug nas de de na 'dug pa'i rgyab tu rnams kyis mchong zhing rkang lag btsugs te pha rol gyi 'gram du dong ngo / /de dag dong ba'i rmig pas
293b4 byang chub sems dpa' de'i rgyab chod par gyur to//de nas tha mar lus pa des mthong nas de dogs pa skyes te bdag ni bsgral mi nus gor ma chag snyam mo/ /de nas byang chub sems dpas de dogs pa skyes par mthong nas yid gsos te/ grogs po ma 'jigs shig khyod 'chi bar dogs
293b5 pa med do zhes byas nas byang chub sems dpa' des de bsgral te pha rol du son nas byang chub sems dpa' de dus las 'das so//dge slong dag de ji snyam du sems/ de'i tshe kyi khyu mchog tu gyur pa byang chub sems dpa'i spyod pa la gnas pa gang yin pa de ni nga nyid yin no/ /
293b6 lnga brgya por gyur pa gang yin pa de dag ni grong khyer ku shi na gnas pa'i gyad lnga brgya po 'di dag kho na yin no/ /de'i tshe tha mar lus pa gang yin pa de ni rab bzang 'di kho na yin te/ de'i tshe yang nga 'chi ka'i na tsha dang ldan par gyur pa na 'di 'jigs pa dang ldan pa'i gnas nas
293b7 bsgral te 'jigs pa med pa'i gnas su bzhag go//da ltar yang nga 'chi ka'i na tshas thebs pa na rab bzang la sogs pa gyad lnga brgya po 'di dag 'jigs pa dang bcas pa'i 'khor ba las bsgral nas/ g.yung drung gi mthar thug pa grub pa dang bde ba'i mya ngan las 'das pa la bkod do/ /de
294a1 nas der bcom ldan 'das kyis tshe dang ldan pa kun dga' bo la bka' stsal pa/kun dga' bo khyod kyis cung zad ci mthong gsol pa/ btsun pa mthong lags so/ /bka' stsal pa/ khyod kyis ci mthong / gsol pa/ btsun pa bcom ldan 'das kyis gdul ba'i dbang gis sprul
294a2 pa zhig bzhag ste/ga zhig tu gshegs pa mthong lags so/ /bka' stsal pa/ kun dga' bo de ni de bzhin no/ /de ni de bzhin te/ kun dga' bo da ltar de bzhin gshegs pa'i gdul bar bya ba gnyis shig lus te/ dri za'i rgyal po rab dga' dang / kun du rgyu rab bzang gnyis so/ /
294a3 de la nga 'di snyam du sems te/ kun tu rgyu rab bzang ni ngas gdul bar sla na/ dri za'i rgyal po rab dga' ni rgyags shing bag med par gnas pa yin pas ngas sprul pa bzhag ste/ sum cu rtsa gsum pa'i lha'i nang du song nas dri za'i rgyal po rab dga' bden pa rnams la gnas par
294a4 byas te 'dir 'ongs so//de nas dge slong rnams kyis sangs rgyas bcom ldan 'das la zhus pa/ btsun pa rab dgas las ci bgyis shing bsags na las de'i rnam par smin pas lha rnams kyi nang du skyes te dri za'i rgyal por gyur la/ 'dis bcom ldan 'das mnyes par bgyis te mi
294a5 mnyes par ma bgyis lags/bcom ldan 'das kyis bka' stsal pa/ smon lam gyi dbang las gyur to/ /gsol pa/ btsun pa 'dis smon lam gang du btab lags/ bka' stsal pa/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo
294a6 nyi khri thub pa na/yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i
294a7 tshe lho phyogs nas rol mo mkhan gyi slob dpon mchog cig 'ongs te bA rA Na sIr phyin to//de nas de slob dpon chen po yin pa'i phyir rgyal po gr-i kIs bzhes nas longs spyod kyi gzhi tshogs chen po byin no/ /'jig rten dag ni 'byor pa 'dod pa yin te/ des khyim gyi 'khor rgyas
294b1 par byas te bzhag go//de'i tshe bA rA Na sI de nyid na dge bsnyen dbul po zhig gnas te/ des rol mo mkhan bde ba chen po nyams su myong ba de mthong nas de'i las de la chags pa skyes te las de'i mthus 'di bde ba de lta bu nyams su myong bar gyur pa las na/ las 'di ni bzang po zhig yin no snyam nas
294b2 des tshe gcig gi bar du skyabs su 'gro ba dang /bslab pa'i gzhi rnams bsrungs te 'chi kar smon lam btab pa/ kye ma dge ba'i rtsa ba 'dis na bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar gyur cig /rol mo mkhan thams cad kyi rgyal por
294b3 yang gyur cig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i tshe dge bsnyen du
294b4 gyur pa gang yin pa de ni dri za'i rgyal po rab dga' 'di kho na yin te/des der tshe gcig tu skyabs su 'gro ba dang / bslab pa'i gzhi rnams bsrungs nas 'chi kar smon lam btab pa'i las de'i rnam par smin pas 'di gang dang gang du skyes pa de dang der phyug cing nor mang la longs spyod che ba'i rigs
294b5 su skyes te/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te mi mnyes par ma byas so/ /de nas dge slong rnams kyis bcom
294b6 ldan 'das la gsol pa/btsun pa bcom ldan 'das kyis 'chi ka'i na tsha dang ldan pa na gdul ba'i dbang gis 'di lta bur 'o brgyal bar gyur pa la gzigs/ bcom ldan 'das kyis bka' stsal pa/ da ltar 'ba' zhig ma yin te 'das pa'i dus na yang nga 'chi ka'i na tsha dang ldan pa na
294b7 gdul bar bya ba'i phyir ji ltar sdug bsngal chen po dang ldan par gyur pa de nyon cig /dge slong dag sngon byung ba 'das pa'i dus na grong khyer thub med rgyal zhes bya ba na rgyal po rgyal ba po zhes bya ba rgyal po byed de/ phyi zhig na de'i btsun mo la bu chags nas de zla ba dgu'am bcu lon pa dang /
295a1 bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas khye'u 'di'i ming ji skad gdags zhes ming 'dogs par byed de/ khye'u 'di rgyal po'i sras yin pas na khye'u 'di'i ming rnam par rgyal ba zhes gdags so zhes zer ro/ /
295a2 de nas khye'u rnam par rgyal ba 'o ma dang / zho dang mar dang zhun mar dang / mar gyi nying gus bskyed bsrings te/ de gang gi tshe cher skyes pa de'i tshe khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/
295a3 glang po che zhon pa dang / rta zhon pa dang / mtshon cha bcang ba dang 'phong dang mdun du bsnur ba dang / phyir bsnur ba dang / g.yul las thar bar bya ba dang / lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig
295a4 pa gdab pa dang /'khor lo 'phang ba dang / gcad pa dang / gsheg pa dang / lag pas gzung ba dang / rkang pa'i stangs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang / tshabs cher btang ba rnams
295a5 kyang bslabs nas gnas lnga la byang bar gyur to//de nas de phyi zhig na phas de la bsgo ba/ khyod kyi pha'i yul 'byor pa dang rgyas par 'dug gis/ yul phyogs de dag ltar song shig ces byas nas ji ltar yab kyis bka' stsal pa de bzhin du 'tshal lo zhes byas nas/ de skye bo phal po ches zhabs
295a6 'bring byas te yul phyogs dag ltar song ngo //de song ba'i 'og tu rgyal po rgyal ba po dus las 'das nas blon po rnams kyis rgyal po'i bu de la pho nya btang nas/ khyod kyi yab nongs kyis slar gshegs te yab kyi rgyal srid bskyang du gsol zhes spring ngo / /rgyal po'i bu de yang byams pa'i rang
295a7 bzhin can snying rje dang ldan pa/sems can la byams pa zhig ste/ de thos ma thag tu des kyang blon po rnams la pho nya btang nas sna gcig cig rung ste/ gal te nga'i yab kyi yul khams na sems can ji snyed gnas pa de dag khyod kyis dge ba bcu'i las kyi lam la bkod na ni ngas yab kyi
295b1 rgyal srid bskyang bar bya'o zhes spring ngo //de nas blon po rnams kyis yang pho nyas bzlugs te/ jo bo ji ltar bzhed pa bzhin du bdag cag gis bgyi bar 'tshal lo zhes spring nas/ de dag gis spyan drangs te rgyal sar bcug nas de sbyin pa dag sbyin zhing bsod nams dag byed pa la zhugs
295b2 te/zas 'dod pa la ni zas sbyin par byed/ skom 'dod pa la ni skom sbyin par byed/ gos 'dod pa la ni gos sbyin par byed/ rgyan 'dod pa la ni rgyan sbyin par byed/ bzhon pa 'dod pa la ni bzhon pa sbyin par byed/ yo byad gzhan 'dod pa la ni yo byad gzhan sbyin par byed cing nad pa
295b3 gso ba'i nad brang bcas te yo byad thams cad sbyar nas/sman pa rnams dang / nad g.yog rnams bskos te/ nad pa rnams dang / mgon med pa rnams kyi rim gro byed do/ /bza' ba dang bca' ba mang po dag kyang sta gon byas te/ nam mkha' la gnas pa dang / chu na
295b4 gnas pa dang /thang la gnas pa'i srog chags rnams la sbyin par byed do/ /'jig rten dag kyang dge ba bcu'i las kyi lam la 'god par byed de/ der dge ba bcu'i las kyi lam yang dag par blangs pa'i rgyus sems can phal cher lha'i nang du skyes so/ /de dag der skyes pas lha'i
295b5 gnas rnams gang bar gyur to//de nas lha'i dbang po brgya byin gyis bsams pa/ rgyu gnyis kyis na lha'i gnas rnams gang bar 'gyur te/ de bzhin gshegs pa 'byung ba dang / 'khor los sgyur ba 'byung ba 'di gnyis yin na/ ci da ltar de bzhin gshegs pa 'jig rten du byung ngam/
295b6 'on te 'khor los sgyur ba 'jig rten du byung zhig gu snyam mo/ /de nas des bltas na de bzhin gshegs pa yang 'jig rten du ma byung / 'khor los sgyur ba'i rgyal po yang 'jig rten du ma byung ngo / /'o na su'i mthus lha'i gnas gang bar gyur snyam ste/ des bltas na rgyal po rnam par rgyal
295b7 ba'i mthus de ltar gyur par mthong nas lha'i dbang po brgya byin gyis bsams pa/'di ci zhig sgrub cing 'dug snyam ste/ des bltas na bla na med pa yang dag par rdzogs pa'i byang chub sgrub par mthong ngo / /de nas lha'i dbang po brgya byin gyis bsams pa/ re zhig 'di
296a1 sems can brtan po yin nam/'on te sems can mi brtan pa yin pa de brtags la gal te sems can brtan po zhig yin na ni 'di la mchod pa bya'o/ /de ste sems can mi brtan pa zhig yin na ni 'di brtan por 'gyur bar bya'o snyam du bsams nas
296a2 lha'i dbang po brgya byin gyis yul der sems can mang po sprul nas sprul pa de dag gis blon po de dag la smras pa/gal te rgyal po 'dis bdag cag zas dang skom gyis tshim par byed na ni de'i 'og tu bdag cag gis kyang dge ba bcu'i las kyi lam yang dag par blangs te
296a3 gnas par bya'o//de nas blon po rnams kyis rgyal po rnam par rgyal ba la gsol to/ /de nas rgyal po rnam par rgyal bas sprul pa de dag bkug ste bsgo ba ngas khyed zas dang skom gyis tshim par bya'o/ /sprul pa rnams kyis smras pa/ lha khyod kyis bdag cag zas dang
296a4 skom gyis tshim par byed mi nus te/bdag cag ni gsar du bsad pa'i mi sha ni za/ mi khrag ni 'thung ngo / /de nas rgyal pos bsams pa/ 'di dag ni mi ma yin te/ 'di dag ni mi ma yin pa yin la/ sha dang khrag 'di lta bu ni ma bsad kyi bar du mi rnyed do/ /'on kyang
296a5 gal te 'di rnams dge ba bcu'i las kyi lam yang dag par blangs te gnas par gyur na/bdag gi sha dang khrag gis tshim par bya'o snyam du bsams nas byang chub sems dpa' des sprul pa rnams la smras pa/ gal te khyed dge ba bcu'i las kyi lam yang dag par blangs te
296a6 gnas par byed na ngas nga rang gi sha dang khrag gis tshim par bya'o//sprul pa rnams kyis smras pa/ khyod ji ltar bzhed pa bzhin du bgyi'o/ /de nas de thos ma thag tu byang chub sems dpas lus thog thag nas sha rnams bcad de de dag la byin nas bla na med pa yang dag par
296a7 rdzogs pa'i byang chub tu smon lam btab pa/kye ma dge ba'i rtsa ba 'dis bdag 'jig rten long ba/ 'dren pa med pa/ ston pa med par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/
296b1 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das su gyur cig ces bla na med pa yang dag par rdzogs pa'i byang chub tu smon lam btab nas sprul pa de dag thams cad dge ba bcu'i las kyi lam
296b2 la bkod do//de nas lha'i dbang po brgya byin gyis bsams pa/ byang chub sems dpa' 'dis ni mchog tu dka' ba byas mod kyi/ 'on kyang bdag gis 'di'i lus snga mkho bzhin du 'gyur bar byed ma nus so/ /gzhan yang 'di'i spro ba bskyed dgos so snyam nas byang
296b3 chub sems dpa' de la smras pa/grogs po dag khyod sha rnams gcod pa dang / chu ba dang rtsa brang breng rnams gcod pa dang / cung zad tsam yang sems mi dga' ba lta yod dam/ byang chub sems dpas smras pa/ kye nga ni sha rnams gcod pa dang / chu ba dang rtsa brang
296b4 breng rnams gcod pa na cung zad kyang sems mi dga' ba med de bdag nyid phongs pa mthong na lhag par yang sems can dmyal ba dang /dud 'gro dang / su skye ba'i sems can rnams la snying rje skyes so/ /brgya byin gyis smras pa/ grogs po khyod ji ltar yid
296b5 ches par rung /byang chub sems dpas smras pa/ ngas grogs po khyed bden pa bskul bas rangs par bya'o zhes byas nas byang chub sems dpas bden pa bskul ba byas te/ bden pa dang bden pa'i tshig gang gis ji ltar bdag gi sha rnams gcod pa dang / chu ba dang /
296b6 rtsa brang breng rnams gcod pa na cung zad kyang sems mi dga' ba med na/ bden pa dang bden pa'i tshig des bdag gi lus 'di snga mkho bzhin du gyur cig ces byas nas/ de skad brjod ma thag tu byang chub sems dpa'i lus de snga mkho bzhin du gyur to/ /de nas lha'i dbang po
296b7 brgya byin gyis rang bzhin gyi gzugs su bsgyur te rkang pa la phyag 'tshal nas bzod par gsol te/grogs po khyod la ngas gtse ba'i bsam pas gnod pa byas pa bzod par mdzod cig /de lta mod kyi khyod nyid spro ba bskyed pa'i phyir khyod la gnod pa byas par zad do zhes smras nas lha'i dbang
297a1 po brgya byin de nyid du mi snang bar gyur to//dge slong dag ji snyam du sems/ de'i tshe byang chub sems dpar gyur pa byang chub sems dpa'i spyod pa la gnas pa gang yin pa de ni nga nyid yin te/ de'i tshe na yang nga 'dul ba'i dbang gis sdug bsngal bar gyur to/ /da ltar
297a2 yang nga 'dul ba'i dbang gis sdug bsngal bar gyur to// //yon rabs zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag cig gnas pa des thabs zlar bab pa las chung ma blangs te/ de de dang lhan cig tu rtse zhing
297a3 dga' la dga' mgur spyod do//phyi zhig na des sangs rgyas la dad pa dang / chos la dad pa dang / dge 'dun la dad par gyur nas skyabs su 'gro ba dang / bslab pa'i gzhi rnams blangs te sbyin pa dag byin zhing bsod nams dag byed pa la zhugs so/ /de'i khyim
297a4 de khron pa dang 'dra bar gyur te/nyin gcig bzhin du de'i khyim du dge 'dun gyi phyir bskos pa'i dge slong rnams zan za'o/ /de nas phyi zhig na khyim bdag des sangs rgyas la sogs pa dge slong gi dge 'dun spyan drangs te/ des de dag la bza' ba dang bca' ba
297a5 gtsang ma bzang po mang pos tshim par byas te ci bzhed pa bstabs nas/bcom ldan 'das bshos gsol zin te/ bstsang sder ni gyu/ phyag ni bcabs par rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go/ /de
297a6 nas bcom ldan 'das kyis de'i bsam pa dang /bag la nyal dang / khams dang / shes pa dang / rang bzhin thugs su chud nas de dang 'thun pa'i chos bstan te/ des na khyim bdag des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu
297a7 ye shes rdo rjes bcom nas rgyun du zhugs pa'i 'bras bu mngon sum du byas te/bcom ldan 'das kyis de la chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas gdan las bzhengs
297b1 te gshegs so//de nas phyi zhig na dge slong gsar du dgra bcom pa zhig khyim der dge 'dun gyi phyir bskos pa'i mchod ston gyi res la bab ste 'ongs so/ /de phyi bzhin du gtsug lag khang gi sna la gtogs pa'i phyir mi 'ong ba zhig kyang 'ongs so/ /de nas khyim bdag des de gnyis
297b2 la zan sbyin par byas nas tshe dang ldan pa shA ri'i bus bsams pa/dge slong des ni khyim bdag de la yon gyi rabs gdon par mi nus so snyam nas khyim de'i nang du song ste stan bshams pa la 'dug nas/ dge slong des tshe dang ldan pa shA ri'i bu la gsol ba btab ste/ gnas brtan
297b3 yon gyi rabs gdon par gsol zhes byas so//de nas tshe dang ldan pa shA ri'i bus khyim der yon gnas tshogs pa mthong nas/ de kho na dang 'thun pa'i yon gyi rabs bton nas bdag gis ni sbyin pa'i 'bras bu'i tshad rgyas par brjod par mi nus so/ /bcom ldan 'das ni thams
297b4 cad gzigs pa yin pas 'bras bu dang rnam par smin pa mkhyen to zhes smras te/des yon gyi rabs bton nas khyim bdag de'i chung ma la yang de dang 'thun pa'i chos bstan te/ des na khyim bdag de dang chung mas phyir mi 'ong ba'i 'bras bu mngon sum du byas nas tshe dang ldan pa
297b5 shA ri'i bus chos kyi gtam gyis yang dag par bstan/yang dag par 'dzin du bcug /yang dag par gzengs bstod/ yang dag par dga' bar byas nas stan las langs te song ngo / /de nas phyi zhig na khyim bdag de'i blo skyes pa bdag khyim na gnas pas chog gis/
297b6 bcom ldan 'das kyi bstan pa la rab tu 'byung ngo snyam nas bza' bran gnyi gas sbyin pa dag byin zhing bsod nams dag byas nas bcom ldan 'das kyi bstan pa la rab tu byung ngo / /rab tu byung nas nyon mongs pa thams cad spangs te dgra bcom pa nyid mngon sum du byas nas de dgra
297b7 bcom pa khams gsum pa'i 'dod chags dang bral bar gyur te/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa
298a1 dang /so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams kyis sangs rgyas bcom
298a2 ldan 'das la zhus pa/btsun pa 'di bza' bran gnyis kyis sngon las ci bgyis na las de'i rnam par smin pas phyug cing nor mang la longs spyod che ba'i rigs su skyes te/ 'di gnyis kyis bcom ldan 'das kyang mnyes par bgyis te mi mnyes par ma bgyis la bcom ldan 'das
298a3 kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis lags/bcom ldan 'das kyis bka' stsal pa/ smon lam gyi dbang las gyur to/ /gsol pa/ btsun pa 'di gnyis kyis smon lam gang du btab lags/ bka'
298a4 stsal pa/dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med
298a5 pa/lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i gsung rab la 'di gnyis rab tu byung nas der 'di gnyis kyis sbyin pa dag sbyin zhing bsod nams dag byas te/ tshe gcig tu tshangs par spyod pa spyad nas 'chi kar smon
298a6 lam btab pa/kye ma dge ba'i rtsa ba 'dis bdag cag gnyis gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog shig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i
298a7 sangs rgyas bcom ldan 'das de bdag cag gnyis kyis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong dag
298b1 ji snyam du sems/de'i tshe yang dag par rdzogs pa'i sangs rgyas 'od srung gi gsung rab la rab tu byung ba'i bza' bran de gnyis ni rab tu byung ba 'di gnyis kho na yin te/ de gnyis kyis der rab tu byung nas sbyin pa dag sbyin zhing bsod nams dag byas te/ tshe gcig tu tshangs par spyod
298b2 pa bsrungs nas 'chi kar smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/'di gnyis kyis nga mnyes par byas te mi mnyes par ma byas la/ nga nyid kyi bstan pa la rab tu byung nas nyon
298b3 mongs pa thams cad spangs te dgra bcom pa nyid mngon sum du byas so// //las brgya tham pa/ bam po nyi shu drug pa/ rgan zhugs gnyis zhes bya ba de la/ rgan zhugs dang po ni/ gleng gzhi mnyan du yod pa na bzhugs te/ de na gang gi tshe khyim bdag mgon med
298b4 zas sbyin gyis rgyal bu rgyal byed kyi tshal du gtsug lag khang rnam pa thams cad yongs su rdzogs par byed du bcug nas sangs rgyas la sogs pa dge slong gi dge 'dun la phul te/sbyin pa dag sbyin zhing bsod nams dag byed pa la zhugs pa de'i tshe mnyan du yod pa de nyid na
298b5 khyim bdag gzhan zhig gnas pa des bsams pa/bdag gis khyim bdag mgon med zas sbyin 'di sbyin pa gtong bas zil gyis non par 'gyur ba'i thabs lta ci yod snyam mo/ /de nas des bsams pa/ ma la bdag gis rgya mtsho'i nang du 'gro ba'i don bsgrubs la/
298b6 gal te bdag gis der rgya mtsho'i gru bo che'i don grub par gyur te phyir 'ongs na ni de lta na bdag gis khyim bdag mgon med zas sbyin sbyin pa gtong bas zil gyis gnon par nus so snyam mo/ /de nas de rgya mtsho chen po'i nang du zhugs nas rin po che'i gling du 'gro ba
298b7 bsgrubs te rgya mtsho'i gru bo che'i don grub nas mnyan du yod par phyin to//de der 'ongs nas sbyin pa dag sbyin zhing bsod nams dag byed pa la zhugs nas/ 'on kyang khyim bdag mgon med zas sbyin zil gyis mnan par ma nus so/ /de nas phyi zhig na khyim bdag
299a1 des tshe dang ldan pa shA ri'i bu la dris pa/btsun pa shA ri'i bu thabs ci zhig gis khyim bdag mgon med zas sbyin dge ba bgyis pas zil gyis gnon par nus/ tshe dang ldan pa shA ri'i bus smras pa/ khyim bdag mgon med zas sbyin ni bsod nams
299a2 can che bar grags pa yin te/des ni gter bdag po yod pa dang / bdag po med pa dang / chu na yod pa dang / skam la yod pa dang / ring ba dang / nye ba rnams kyang mthong bas na de ni khyod kyis sbyin pa btang bas zil gyis gnon par mi nus te/ bcom ldan 'das
299a3 kyi bstan pa la rab tu byung na de 'ba' zhig gis khyod kyis zil gyis mnan par nus so//de nas de thos ma thag tu khyim bdag des sbyin pa dag sbyin zhing bsod nams dag byas nas bcom ldan 'das kyi bstan pa la rab tu byung ngo / /de rab tu byung ste/ brtson pa dang / bsgrub
299a4 pa dang /'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/
299a5 tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang chags pa dang / bkur sti la mi lta ba/ dbang po dang nye dbang dang bcas
299a6 pa'i lha rnams kyis mchod cing rjed pa dang gus par smra ba'i gnas su gyur to//de nas khyim bdag mgon med zas sbyin gyis khyim bdag che ge mo zhig gis khyod zil gyis mnan par bya ba'i phyir sangs rgyas kyi bstan pa la rab tu byung ngo / /de ltar rab tu byung nas nyon mongs
299a7 pa thams cad spangs te dgra bcom pa nyid mngon sum du byas so zhes thos so//de thos ma thag tu khyim bdag mgon med zas sbyin dga' bar gyur te/ dge slong de ga la 'dug pa der song ste phyin nas rkang pa la phyag 'tshal te smras pa/ khyod rab tu byung bas bdag zil gyis
299b1 non par gyur to//da bdag gis khyod ji srid 'tsho'i bar du gos dang / zas dang mal cha dang stan dang nad gsos dang / sman zong rnams ci bzhed pa bstab par bgyi'o zhes byas so/ /de nas dge slong rnams kyis sangs rgyas bcom ldan 'das la gsol pa/ btsun
299b2 pa khyim bdag 'dis khyim bdag mgon med zas sbyin sbyin pa gtong bas zil gyis mnan par 'tshal ba las zil gyis gnon par ma nus te rab tu byung bas zil gyis non par gyur pa dang /bcom ldan 'das kyang 'dis mnyes par bgyis te/ mi mnyes par ma
299b3 bgyis la/bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang khyim bdag
299b4 'dis khyim bdag chu stod zil gyis gnon par bya'o snyam pa las zil gyis mnan par ma nus te/rab tu byung bas zil gyis mnan nas de der rab tu byung ste/ tshe gcig tu tshangs par spyad nas 'chi kar smon lam btab pa/ kye 'di ltar bdag gis yang dag par
299b5 rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad nas/sbyin pa dag sbyin zhing bsod nams dag byas pa'i dge ba'i rtsa ba 'dis na bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye
299b6 bar shog shig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de/ bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu
299b7 byung nas/nyon mongs pa thams cad spangs te dgra bcom pa nyid mngon sum du byed par gyur cig ces byas so/ /dge slong dag ji snyam du sems/ de'i tshe khyim bdag tu gyur pa gang yin pa de ni dge slong 'di kho na yin te/ de'i tshe yang 'dis khyim bdag chu
300a1 stod sbyin pa gtong ba zil gyis mnan par bya'o snyam pa las zil gyis gnon par ma nus nas rab tu byung bas zil gyis non par gyur la/da ltar yang 'dis khyim bdag mgon med zas sbyin sbyin pa gtong bas zil gyis mnan par bya'o snyam pa las
300a2 zil gyis gnon par ma nus nas rab tu byung bas zil gyis non par gyur to//des der tshe gcig tu tshangs par spyod pa spyad nas 'chi kar smon lam btab pa/ 'di ltar yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad
300a3 kyang yon tan gyi tshogs ci yang ma thob kyis/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de/ bdag gis mnyes par byed par gyur cig /mi mnyes par byed par ma gyur cig /de
300a4 kho na'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so//de nas dge slong rnams kyis sangs rgyas bcom ldan 'das la gsol pa/ btsun pa dge slong 'di ni rgya chen po la mos te/
300a5 gzhan rnams zil gyis gnon par 'tshal la bdag ni gzhan gyis zil gyis gnon par mi 'tshal ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ji ltar rgya chen po la mos te/ gzhan rnams
300a6 zil gyis gnon par 'dod la/bdag ni gzhan gyis zil gyis mnan par mi 'dod pa de nyon cig /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo sum khri thub pa na yang dag par rdzogs pa'i sangs
300a7 rgyas/rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das gser thub ces bya ba 'jig rten du byung ste/
300b1 de gang gi tshe bla na med pa yang dag par rdzogs pa'i byang chub tu mngon par rdzogs par sangs rgyas nas rgyal po'i pho brang bde ldan du byon te/ de'i phyir rgyal po bde bas rang gi skyed mos tshal du gtsug lag khang brtsig par brtsams te/ des der gzhon nu rnams dang /
300b2 blon po rnams dang / dpa' bo'i sde tshan rnams dang / grong rdal gyi mi rnams dang / yul gyi mi rnams dang / skye bo mang po thams cad bsags nas bsgo ba/ khyed las su 'dir nor shin tu mang por bskyed nus pa des gtsug lag khang 'di rtsigs shig ces
300b3 byas so//de'i tshe khyim bdag cig gis rgyal po de dag dang gong nas gong du nor bskyed pa la zhugs te/ gser bye ba phrag dgu la thug par bskyed do/ /de nas des de yan chad du bskyed pa'i thugs ma thub ste/ 'di ni rgyal rigs spyi bo nas dbang bskur ba yin te/
300b4 'di 'dis skyengs par 'gyur du 'ong ngo snyam nas bskyed pa de btang ngo / /de nas rgyal po bde bas gtsug lag khang de rnam pa thams cad du yongs su rdzogs par byas nas sangs rgyas gser thub nyan thos kyi dge 'dun dang bcas pa la phul te/ smon lam btab pa/
300b5 kye ma dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog shig /ston pa 'di kho na dang 'dra ba mnyes par byed par gyur cig /mi mnyes par byed par ma gyur cig /de kho na'i bstan pa la
300b6 rab tu byung nas nyon mongs pa thams cad spangs te dgra bcom pa nyid mngon sum du byed par gyur cig ces byas so//dge slong dag ji snyam du sems/ de'i tshe khyim bdag tu gyur pa gang yin pa de ni khyim bdag 'di kho na yin te/ de'i tshe yang 'di rgya chen po la mos te/
300b7 gzhan rnams zil gyis gnon par 'dod la/ bdag ni gzhan gyis zil gyis gnon par mi 'dod par gyur to/ /da ltar yang 'di ni rgya chen po la mos te gzhan rnams ni zil gyis gnon par 'dod la/ bdag ni gzhan gyis zil gyis gnon par mi 'dod par gyur to// //
301a1 rgan zhugs gnyis pa ni/ gleng gzhi mnyan du yod pa na bzhugs te/ der gang gi tshe mi blun po 'phags skyes pos/ shAkya rnams kha btag pa de'i tshe yul ser skya'i gnas na tshe dang ldan pa kun dga' bo'i sring mo'i bu pha ma gnyis dang bral te ser skya'i gnas na mgon med par 'khyam
301a2 zhing 'dug go//de'i tshe mnyan du yod pa na gnas pa'i khyim bdag cig de gnyis kyi pha'i grogs por gyur pa de bya ba zhig la yul ser skya'i gnas su phyin te des khye'u de gnyis mthong ma thag tu ngo shes nas dris te/ bu khyed gnyis kyi pha ma ga la 'khod ces byas so/ /khye'u de gnyis kyis smras pa/ 'phags
301a3 skyes pos bsad de/de gnyis dang bral bas bdag cag gnyis mgon med de phan tshun 'khyam zhing 'dug go/ /khyim bdag des smras pa/ gal te khyed gnyen 'dun rnams kyis bskyang ba med na mnyan du yod par deng shig dang / btsun pa kun dga' bo de khyed gnyis kyi zhang po yin te/ de yang gnyen la
301a4 mnyes gshin pas des khyed gnyis bskyang bar 'gyur ro//khye'u gnyis kyis smras pa/ bdag cag gnyis kyis rgyal bu rgyal byed kyi tshal du 'gro ba'i lam mi shes na der 'gro ba'i lam gang yin/ khyim bdag des smras pa/ bu gnyis tshur shog dang re zhig nga yul ser skya'i gnas su don cig bsgrubs la
301a5 de nas ngas khyed gnyis rgyal bu rgyal byed kyi tshal du bkri'o zhes byas nas khyim bdag der song ngo //des bsgrub par bya ba gang yin pa de dag thams cad bsgrubs nas khye'u de gnyis khrid de mnyan du yod par 'ongs nas de gnyis rgyal bu rgyal byed kyi tshal gyi sgor bzhag ste bsgo ba/ khyed gnyis kyi zhang po
301a6 dka' thub kyi gnas 'di na 'dug ste des khyed gnyis bskyang bar 'gyur ro zhes byas nas khyim bdag de song ngo //de song nas khye'u de gnyis kyis sgo gang gi nang du zhugs te 'khod pa las kun dga' bos ngo ma shes te dris pa/ bu khyed gnyis su yin ga las 'ongs/ de gnyis kyis smras pa/ yul ser
301a7 skya'i gnas kyi shAkya che ge mo zhig gi bu lags so//kun dga' bos smras pa/ khyed gnyis kyi pha ma gar song / khye'u gnyis kyis smras pa/ 'phags skyes pos bsad de bdag cag gnyis dwar lus nas mgon ma mchis par gyur pas de'i slad du bdag cag gnyis phan tshun 'khyam zhing mchis so/ /
301b1 bdag cag gnyis kyis thos na rgyal bu rgyal byed kyi tshal 'di na bdag cag gnyis kyi zhang po 'dug go zhes grag nas bdag cag gnyis de'i thad du mchis so/ /de nas de thos ma thag tu tshe dang ldan pa kun dga' bo yi mug nas da ji ltar bya snyam mo/ /de nas dge slong rnams kyis de mthong nas dris pa/
301b2 btsun pa kun dga' bo khyod ci'i phyir yi mug par gyur/ kun dga' bos smras pa/ khye'u 'di gnyis bdag gi sring mo'i bu yin te/ 'di gnyis pha ma med par gyur pas 'dir 'ongs te bdag gis 'di gnyis mthong nas yi mug par gyur te bdag gis 'di gnyis ji ltar bskyang bar bya/ bcom
301b3 ldan 'das kyis kyang dad pas byin pa chud gsan par mi bya'o zhes gsungs so snyam mo//dge slong rnams kyis smras pa/ phan 'dogs pa la sbyin par bya'o zhes bcom ldan 'das kyis ma gsungs sam/ 'di gnyis kyis kyang bdag cag la lhung bzed kyi bya bta' dang / me tog
301b4 dang /'bras bu rnams kyis phan thogs par 'gyur ro zhes byas so/ /de nas tshe dang ldan pa kun dga' bos de gnyis blangs te bskyang bar byas so/ /dge slong rnams kyis kyang kha zas cung zad tsam dag khyer te 'ong zhing de gnyis la sbyin par byed do/ /tshe dang ldan pa kun dga' bos ni bsod snyoms
301b5 gang blangs shing de gnyis la phyed sbyin par byed do//phyed ni bdag nyid za bar byed de/ de'i rgyus kun dga' bo nyam chung zhing rid la sbeg cing lus kyi mthu med par gyur to/ /de nas bcom ldan 'das kyis dge slong kun dga' bo nyam chung zhing rid la sbeg cing lus kyi mthu med par gyur
301b6 pa gzigs so//gzigs nas dge slong rnams la bka' stsal pa/ dge slong dag ci'i phyir dge slong kun dga' bo nyam chung zhing rid la sbeg cing lus kyi mthu med par gyur/ dge slong rnams kyis gsol pa/ btsun pa tshe dang ldan pa kun dga' bos sring mo'i bu gnyis blangs nas
301b7 des bsod snyoms gang ba blangs shing phyed ni bdag nyid 'tshal/phyed ni de gnyis la stsol bar bgyid de/ btsun pa rgyu ni de lags/ rkyen ni de lags te/ des na tshe dang ldan pa kun dga' bo nyam chung zhing rid la sbeg cing lus kyi mthu ma mchis par gyur lags so/ /de nas bcom ldan
302a1 'das kyis tshe dang ldan pa kun dga' bo la bka' stsal pa/kun dga' bo khye'u 'di gnyis rab tu 'byung ngam/ gsol pa/ rab tu 'byung lags so/ /de nas bcom ldan 'das kyis dge slong rnams la bka' stsal pa/ dge slong dag de'i phyir dge 'dun gyi zas ni rab tu
302a2 'byung ba la ltos par ngas gnang ngo //ci rigs pa'i las lhung bzed kyi bya bta' dang / me tog dang / 'bras bu dang / so shing rnams kyang 'bul du chug shig ces bka' stsal to/ /de nas gang gi tshe bcom ldan 'das kyis dge 'dun gyi zas zar gnang ste/ de gnyis de za zhing 'dug pa dang
302a3 rtsed mo la zhugs shing 'khod do//de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod na re khye'u 'di gnyis rab tu 'byung ngo zhe na/ ci'i phyir rab tu mi 'byung / gsol pa/ bcom ldan 'das rab tu 'byung lags so/ /bka' stsal pa/ 'o na rab tu dbyung na
302a4 ci nyes/gsol pa/ bcom ldan 'das kyis gang zag lo bco lnga ma lon pa rab tu dbyung bar mi bya/ bsnyen par rdzogs par mi bya'o zhes bka' stsal te/ 'di gnyis lo bdun las ma lags na bdag gis 'di gnyis ji ltar rab tu dbyung lags/ bka' stsal pa/ kun dga' bo khye'u 'di gnyis
302a5 dge 'dun gyi kha zas bshams pa las bya rog skrod nus sam/bcom ldan 'das rngo thogs lags so/ /bka' stsal pa/ de bas na lo bdun lon pa bya rog skrod nus pa rab tu 'byung bar ngas gnang gis rab tu phyung shig /de nas de ltar bcom ldan 'das kyis lo bdun lon pa bya rog skrod nus pa rab tu
302a6 'byung bar gnang gis rab tu phyung shig ces bka' stsal nas/tshe dang ldan pa kun dga' bos khye'u de gnyis rab tu phyung ste kha ton slob tu bcug go/ /de nas bdag gi gnyen yin snyam ste byams pa snyems pas slob tu mi btub nas nyin par ni bre mo gtam gyis dus 'das par byed do/ /mtshan mo ni rmugs
302a7 pa dang gnyid kyis dus 'das par byed do//de nas tshe dang ldan pa maud gal gyi bu chen pos de gnyis mthong nas des tshe dang ldan pa kun dga' bo la smras pa/ kun dga' bo khye'u 'di gnyis ci'i phyir mi slob/ kun dga' bos smras pa/ btsun pa maud gal gyi bu chen po 'di gnyis bdag la nyam bu shed
302b1 bgyid de bdag kyang byams pa'i dbang du gyur nas tshar gcad mi phod do//maud gal gyi bus smras pa/ kun dga' bo khyod byams pa'i dbang du gyur te slob mi phod na dge slong gzhan dag la gtod cig /tshe dang ldan pa kun dga' bos smras pa/ btsun pa maud gal gyi bu chen po su zhig rang gi dge ba'i phyogs
302b2 bor te 'di gnyis slob tu btub/des smras pa/ khyod kyi bshes gang yin pa de la tshol cig /kun dga' bos smras pa/ btsun pa khyod nyid bdag gi bshes lags so zhes byas nas/ tshe dang ldan pa kun dga' bos khye'u de gnyis lag pa nas bzung ste/ tshe dang ldan pa maud gal gyi bu chen po la phul
302b3 nas smras pa/bu khyed gnyis nga la slob tu mi btub na btsun pa 'di la slobs shig ces byas so/ /de nas khye'u de gnyis kyis bsams pa/ dge slong 'di ni mi srun pa zhig yin gor ma chag /de bas deng bdag cag gnyis 'di la gtad do snyam nas brtson 'grus su slob par gyur to/ /tshe dang ldan pa maud gal
302b4 gyi bu chen po yang des shing 'grogs na bde bar khye'u de gnyis kyis shes nas nyam bu shed byed de de'i thad du slob tu mi btub bo//de nas tshe dang ldan pa kun dga' bos smras pa/ btsun pa maud gal gyi bu chen po khye'u 'di gnyis ci'i slad du mi slob/ des smras pa/ tshe dang ldan pa kun dga' bo bdag la yang 'di
302b5 gnyis kyis nyam bu shed byed de bdag la slob tu mi btub bo//kun dga' bos smras pa/ 'di gnyis skyo ba bskyed 'tshal lo/ /de ltar ma bgyis na 'di gnyis slob tu mi btub bo/ /des smras pa/ tshe dang ldan pa kun dga' bo ji ltar 'dod pa de bzhin du bya'o zhes byas nas/ maud gal gyi bu chen pos khye'u de gnyis
302b6 khrid de 'chag tu song nas des de gnyis skyo ba bskyed pa'i phyir sems can dmyal ba zhig sprul to//de nas khye'u de gnyis 'chag pa'i sa nas thag mi ring ba zhig nas 'jigs pa chen po'i sgra grag ste/ de thos nas tshe dang ldan pa maud gal gyi bu chen po'i thad du song ngo / /de nas tshe dang ldan pa maud gal gyi bu chen
302b7 pos de gnyis la dris pa/bu gnyis sgra 'di ci zhig gi sgra/ de gnyis kyis smras pa/ slob dpon sgra chen po 'di ci zhig gi sgra lags pa bdag cag gnyis kyis kyang glo bar ma chud do/ /maud gal gyi bu chen pos de gnyis la smras pa/ khyed gnyis deng la sgra chen po 'di ga las byung ba ltos shig /
303a1 de nas de gnyis kyis tshe dang ldan pa maud gal gyi bu chen pos bsgo ba bzhin du mnyan te phyogs der song ngo / /de gnyis kyis der song ste bltas na sems can dmyal ba mang po dag gcad pa dang / gtub pa dang / brdeg pa dang / 'tshed pa la sogs pa'i sdug bsngal rnams nyams
303a2 su myong ba mthong nas dris pa/khyed su dag cig /sprul pa rnams kyis smras pa/ sems can dmyal ba pa yin no/ /de gnyis kyis de nyid na lcags kyi rdza bum chen po zhig khol zhing 'dug pa mthong la/ de'i nang du 'tshed pa ni 'ga' tsam yang mi snang ngo / /de ltar mthong nas dris pa/ ci'i phyir
303a3 lcags kyi rdza bum 'di don med par khol zhing 'dug /sprul pa rnams kyis smras pa/ 'di ni don med pa ma yin gyi kun dga' bo'i sring mo'i bu gnyis rab tu byung nas dad pas byin pa spyod la le lo byed cing 'dug pa de gnyis shi ba'i 'og tu 'dir skye bar 'gyur te/ de gnyis kyi phyir lcags kyi rdza bum 'di
303a4 khol zhing 'dug go//de nas de thos ma thag tu khye'u de gnyis 'jigs pa chen po skyes te/ de gnyis 'jigs shing skrag nas tshe dang ldan pa maud gal gyi bu chen po'i thad du song ngo / /de nas maud gal gyi bu chen pos de gnyis mthong nas dris pa/ bu gnyis sgra chen po 'di ga las byung / de nas
303a5 khye'u de gnyis kyis tshe dang ldan pa maud gal gyi bu chen po la thams cad rgyas par bsnyad do//de nas maud gal gyi bu chen pos de gnyis la smras pa/ bu gnyis de ni ngas khyed gnyis la byas na khyed gnyis nga la yid mi ches te/ da ni don de khyed cag gnyis kyis mngon sum du mthong ba yin gyis
303a6 de'i phyir khyed gnyis sems can dmyal bar skye bar mi 'gyur ba de ltar gyis shig /de nas de thos ma thag tu khye'u de gnyis brtson 'grus su slob pa la zhugs so/ /de nas de gnyis kyis sems can dmyal ba'i sdug bsngal de gal te de snga dro dran par gyur na ni de gnyis zan stor bar 'gyur ro/ /de
303a7 ste phyem red dran par gyur na ni ci zos pa yang skyug par 'gyur ro//rgyu des na de gnyis nyam chung zhing rid la sbeg cing lus kyi mthu med par gyur to/ /de nas tshe dang ldan pa kun dga' bos de gnyis mthong nas tshe dang ldan pa maud gal gyi bu chen po la dris pa/ btsun pa maud gal gyi bu chen po
303b1 ci'i slad du khye'u 'di gnyis nyam chung zhing rid la sbeg cing lus kyi mthu med par gyur/de nas tshe dang ldan pa maud gal gyi bu chen pos de la thams cad rgyas par bsnyad do/ /de nas tshe dang ldan pa kun dga' bos de la smras pa/ 'di gnyis ha cang mi dga' ches te bru bas gzir bar gyur na
303b2 na bar 'gyur du 'ong gis spro ba bskyed dgos so//maud gal gyi bus smras pa/ khyod ji ltar 'dod pa de bzhin du bya'o zhes byas nas tshe dang ldan pa maud gal gyi bu chen pos khye'u de gnyis la smras pa/ stan khyer la 'chag tu 'dong ngo / /de gnyis kyis smras pa/ 'phags pa bdag cag
303b3 gnyi ga 'chag pas chog lags so//bdag cag gnyis ni 'di nyid na mchis shing slob par 'tshal lo/ /maud gal gyi bu chen pos smras pa/ bu gnyis bdag cag 'chag sa de logs su mi 'dong bar 'chag sa gzhan du 'dong ngo zhes byas nas khye'u de gnyis khrid de 'chag sa gzhan du dong
303b4 nas/tshe dang ldan pa maud gal gyi bu chen pos de gnyis spro ba bskyed pa'i phyir thag mi ring ba zhig tu mtho ris zhig sprul te/ de na lha'i bu rna cha gdub kor dag cing 'gul ba thogs pa lus do shal dang se mo dos brgyan pa/ lha'i bu mo dag gis bskor ba dag pheg rdob par byed de rtse zhing dga'
303b5 la dga' mgur spyod do//de nas khye'u de gnyis 'chag pa'i sa nas thag mi ring ba zhig nas pheg rdob pa'i sgra grag ste/ de thos nas tshe dang ldan pa maud gal gyi bu chen po'i thad du song ngo / /de nas tshe dang ldan pa maud gal gyi bu chen pos de gnyis mthong nas dris pa/ bu gnyis sgra 'di ci zhig gi sgra/
303b6 de gnyis kyis smras pa/ slob dpon sgra 'di ci zhig gi sgra lags pa bdag cag gnyis kyis glo bar ma chud do/ /maud gal gyi bu chen pos de gnyis la smras pa/ khyed gnyis deng la sgra 'di ga las byung ba ltos shig /de nas de gnyis kyis tshe dang ldan pa maud gal gyi bu chen pos bsgo ba bzhin du
303b7 mnyan te phyogs der song ngo //de gnyis der song ste bltas na lha'i bu rna cha gdub kor dag cing 'gul ba thogs pa/ lus do shal dang se mo dos brgyan pa/ lha'i bu mo dag gis bskor ba dag pheg rdob par byed de rtse zhing dga' la dga' mgur spyod pa mthong nas dris pa/ khyed su dag cig /sprul
304a1 pa rnams kyis smras pa/lha'i bu yin no/ /de gnyis kyis de nyid na seng ge'i khri gnyis lha'i bu mo mang po dag gis bskor cing 'dug pa mthong la/ de'i steng na lha'i bu su yang mi 'dug go/ /de ltar mthong nas de gnyis ngo mtshar du gyur to/ /ngo mtshar du gyur nas dris pa/ ci'i
304a2 phyir seng ge'i khri 'di gnyis stong par 'dug ste 'di gnyis lha'i bu su yang mi 'dug /sprul pa rnams kyis smras pa/ kun dga' bo'i sring mo'i bu gnyis rab tu byung nas brtson 'grus brtsams shing 'dug ste de gnyis nam shi 'phos te dus las 'das pa de'i tshe 'dir skye bar 'gyur te/ de gnyis
304a3 dang bdag cag lhan cig tu rtse zhing dga' la dga' mgur spyod par 'gyur ba'i seng ge'i khri yin no//de nas de mthong ma thag tu khye'u de gnyis dga' bar gyur nas bdag cag gnyis kyi brtson 'grus kyis ni 'bras bu chen po thob par gyur te/ sems can dmyal bar skye ba las kyang thar la lhar skye ba
304a4 yang thob par gyur to snyam du rig nas sems dga' bzhin du maud gal gyi bu chen po'i thad du song ngo //de nas maud gal gyi bu chen pos de gnyis mthong nas dris pa/ bu gnyis sgra 'di ga las byung / de nas khye'u de gnyis kyis tshe dang ldan pa maud gal gyi bu chen po la thams cad rgyas par
304a5 bsnyad do//de nas maud gal gyi bu chen pos de gnyis la smras pa/ bu gnyis de ni ngas khyed gnyis la byas na khyed gnyis nga la yid mi ches te/ da ni don de khyed cag gnyis kyis mngon sum du mthong ba yin gyis/ de'i phyir lhag par yang brtson 'grus brtsam par gyis shig /de nas de
304a6 thos ma thag tu khye'u de gnyis lhag par yang brtson 'grus su slob pa la zhugs so//de nas phyi zhig na de gnyis kyis 'khor lo ltar bsdus pa'i mdo brtsams te de gnyis kyis de thos nas 'di snyam sems te/ 'khor ba na 'khor phan chad zo chun rgyud mo'i 'khrul 'khor bzhin du yang dang
304a7 yang du sems can dmyal ba dang /dud 'gro dang / dang / lha dang mir 'khor dgos pas na bdag cag gnyis la lhar skye ba yang mi dgos/ mir skye ba yang mi dgos kyis bdag cag gnyis kyis dngos po med pa nyid du brtson 'grus brtsam par bya'o snyam mo/ /de nas tshe dang
304b1 ldan pa maud gal gyi bu chen pos de gnyis yid skyo bar gyur par rig nas yid la bya ba'i lung phog ste/de gnyis kyis kyang brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i
304b2 'dod chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag
304b3 par rig pa thob pa/srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de gnyis kyis dgra bcom pa nyid thob nas rdzu 'phrul gyis gnas tha dad pa
304b4 gzhan dang gzhan du 'gro zhing dus ma yin pa'i me tog rnams dang 'bras bu rnams blangs te dge 'dun la 'bul bar byed do//de nas tshangs pa mtshungs par spyod pa gzhan dag gis tshor te/ 'di gnyis ni mthu che ba yin no snyam mo/ /de ltar mthong nas de rnams bdag cag gnyis la skyo ba
304b5 skyes te/lo bdun lon pa 'di gnyis kyis kyang yon tan 'di lta bu thob na/ bdag cag skra'i mdog lan gsum gyur gyi bar du bdag cag gis ci yang ma thob bo snyam ste skyo bar gyur nas nyon mongs pa thams cad spangs te/ dgra bcom pa nyid mngon sum du byas so/ /de nas dge slong rnams
304b6 kyis sangs rgyas bcom ldan 'das la zhus pa/btsun pa dge tshul 'di gnyis kyis las ci bgyis na las de'i rnam par smin pas lo bdun lon pa na rab tu byung nas nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal
304b7 pa/smon lam gyi dbang las gyur to/ /gsol pa/ btsun pa 'di gnyis kyis smon lam gang du btab lags/ bka' stsal pa/ sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas/ rig pa dang
305a1 zhabs su ldan pa/bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i phyi zhig na dge slong gi dge 'dun mang pos
305a2 zhabs 'bring byas te/yul kA shi'i phyogs su ljongs rgyu zhing gshegs pa las bA rA Na sIr byon te/ de'i tshe mdza' sde lnga brgya tsam skyed mos tshal gyi sar byung nas pheg rdob par byed de rtse zhing dga' la dga' mgur spyod pa las/ mdza' sde de rnams kyis thag ring po zhig nas
305a3 yang dag par rdzogs pa'i sangs rgyas 'od srung mthong ngo //mthong nas kyang de dag gis blo skyes pa/ da ltar sangs rgyas byung bas 'jig rten brgyan te 'dzam bu'i gling dgra bcom pas gang zhing 'dug na/ bdag cag khyim na 'dug pas chog gis bcom ldan 'das kyi bstan pa
305a4 la rab tu 'byung ngo snyam mo//der kha cig na re ji srid du bdag cag gi 'byung ba chen po gzhon pas de srid du 'dod pa rnams longs spyad la/ phyis rgas pa'i tshe rab tu byung bas slebs so zhes zer nas de dag rab tu ma byung ste/ der de dag kha cig la ni bu yang byung / bu mo yang byung ngo / /
305a5 kha cig ni shi'o/ /de nas phyi zhig na kha cig gis blo skyes pa/ da ni bdag cag gi khyim so 'dzin pa dag byung zin gyis/ bdag cag dong la bcom ldan 'das yang dag par rdzogs pa'i sangs rgyas 'od srung gi bstan pa la rab tu 'byung ngo zhes zer ro/ /der kha cig na re da ni bdag cag
305a6 gis bu rnams kyi khyim yang dbub par bya/bu mo rnams kyang bag mar gtang bar bya'o snyam nas de'i skabs su yang rab tu ma byung ngo / /de nas phyi zhig na de dag thams cad shi nas de dag gi nang nas gnyis shig lus par gyur te/ de gnyis phyis skyo ba skyes nas bdag cag sngon lo
305a7 nyi shu rtsa lnga lon pa na bdag cag gzhon nu'i gnas skabs su bab pa'i tshe rab tu 'byung bar dad pa skyes pa las bdag cag de'i tshe rab tu ma byung nas thams cad shi ste bdag cag gnyis pu lus par gyur la/bdag cag kyang da ni rgas shing 'khogs la gtugs par gyur te/ bdag cag
305b1 gnyis kyang ring po mi thogs par 'chi bar 'gyur bas na/bdag cag gnyis khyim na gnas pas chog gis 'dong la bdag cag gnyis yang dag par rdzogs pa'i sangs rgyas 'od srung gi bstan pa la rab tu 'byung ngo snyam nas sbyin pa dag byin zhing bsod nams dag byas te/ yang dag par
305b2 rdzogs pa'i sangs rgyas 'od srung gi bstan pa la rab tu byung ngo //bcom ldan 'das kyis dge slong gsar bus dge 'dun gyi bsnyen bkur gyis shig ces bka' stsal bas/ de gnyis dge 'dun gyi g.yog byed cing 'dug la gzhan dag gis kyang rgan zhugs zhes bya ba'i tshig rjod par
305b3 byed do//de nas de gnyis la gcig shin tu mi dga' bar gyur to/ /cig shos ni bzod pa dang ldan te des de la bshad de/ btsun pa dge slong 'di dag la sems sdang bar ma byed cig /'di ni 'di rnams kyis nyes pa ma yin gyi 'di ni bdag cag gnyis kyis nyes pa yin no/ /gal
305b4 te bdag cag gnyis gzhon nu'i tshe nas rab tu byung na ni 'di rnams kyis bdag cag gnyis la rgan zhugs zhes bya ba'i tshig rjod par byed par mi 'gyur ba zhig na/da ni rgas pa'i tshe rab tu byung bar gyur te de bas tang bdag cag gnyis la rgan zhugs zhes bya ba'i tshig rjod par zad do zhes dge
305b5 slong des de la shad kyis byang bar byas nas cang mi zer bar 'dug go//de nas de gnyis kyis ji srid 'tsho'i bar du tshangs par spyod pa spyad nas 'chi kar smon lam btab pa/ 'di ltar bdag cag gnyis yang dag par rdzogs pa'i sangs rgyas 'od srung gi bstan pa la ji srid 'tsho'i bar du tshangs
305b6 par spyod pa spyad kyang yon tan gyi tshogs ci yang ma thob kyis/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gnyis kyis mnyes par byed par gyur cig /mi mnyes par byed par ma gyur cig /
305b7 de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig /gal te des byis pa chung ches pa rab tu dbyung bar mi bya'o zhes bslab pa'i gzhi rnams bcas par gyur na yang de'i tshe bdag cag gnyis las brten nas
306a1 gnang bar gyur cig ces byas so//dge slong dag ji snyam du sems/ de'i tshe yang dag par rdzogs pa'i sangs rgyas 'od srung gi bstan pa la rab tu byung ba'i rgan zhugs su gyur pa gang yin pa de gnyis ni dge tshul rab tu byung ba 'di gnyis kho na yin te/ de gnyis
306a2 kyis der ji srid 'tsho'i bar du tshangs par spyod pa spyad nas 'chi kar smon lam btab pa des na/dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur
306a3 nas/'di gnyis kyis nga mnyes par byas te mi mnyes par ma byas la/ 'di gnyis lo bdun lon pa na nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas nas 'di gnyis kho na las brten te/ lo bdun lon pa bya rog
306a4 skrod nus pa rab tu dbyung bar ngas gnang ngo //las brgya tham pa las sdom gyi tshigs su bcad pa drug pa rdzogs so// //sdom ni/ 'phye bo grum stod long ba dang / /gcer bu 'od srung gtso bo dang / /glang chen gnas dang sa ra na/ /kyi ni brtul zhugs
306a5 can//zla ba mi 'am ci gnyis po/ /'phye bo zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag cig gnas pa des thabs zlar bab pa las chung ma blangs nas de de dang lhan cig tu rtse zhing dga' la dga' mgur spyod pa las/ phyis de'i chung ma
306a6 la bu chags nas de zla ba dgu'am bcu lon pa dang /bu btsas na de ro stod ni gzugs bzang zhing blta na sdug pa mdzes la/ ro smad ni yan lag ma tshang ba zhig byung ngo / /de btsas pa'i tshe khyim der don thams cad 'byor grub par gyur te/ thang la 'gro ba'i tshong pa dang / chu la
306a7 'gro ba'i tshong pa dang /rgya mtsho'i gru bo che'i don yang grub nas phyir 'ongs/ ba lang dang ma he'i khyu yang 'phel bar gyur/ las kyi sgo thams cad kyang 'byor grub par gyur nas khyim bdag des bsams pa/ 'di ni khye'u 'di'i mthu yin te des na bdag cag gi don thams cad
306b1 'byor grub par gyur pas na bdag gi bu 'phye bo btsas pa 'di ni dpal yon can zhig yin no snyam mo//de nas de'i btsas ston rgyas par byas nas khye'u 'di'i ming ji skad gdags zhes ming 'dogs par byed de/ khye'u 'di 'phye bo yin pas ming yang 'phye bo kho nar gdags so
306b2 zhes zer ro//de nas khye'u 'phye bo 'o ma dang / zho dang / mar dang / zhun mar dang / mar gyi nying gus bskyed bsrings so/ /de nas de ji tsam du cher skyes pa de tsam du khyim bdag de'i khyim 'byor cing rgyas par gyur to/ /de nas de kun du grags par gyur te/ 'di'i mthus
306b3 las ci'i sgo ci brtsams pa de dag thams cad 'byor grub pa las na khye'u 'di ni dpal yon can zhig yin no zhes grags so//de nas de thos ma thag tu mnyan du yod pa na gnas pa'i skye bo mang po dag dus dus su de la ltar 'gro zhing don ci rtsom pa de dag thams cad de'i ming gis rtsom par
306b4 byed de/de dag gi mthus 'byor grub par 'gyur ro/ /de nas de lhag par yang mnyan du yod pa thog thag tu grags par gyur to/ /de nas de gang gi tshe cher skyes pa de'i tshe phas de'i khyogs rin po che las byas te de de la zhon zhing 'gro'o/ /de nas de khyim de nyid du yi ge slob tu bcug
306b5 ste/yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag pa dang / rta
306b6 brtag pa dang /go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to/ /de nas phyi zhig na khyogs la zhon te skye bo phal po ches
306b7 g.yog byas nas/skyed mos tshal gyi sar song ba las des bltas na/ skye bo phal po che sde tshan nas sde tshan dang / pha tshan nas pha tshan du rgyal bu rgyal byed kyi tshal du 'dong ba mthong nas ya mtshan du gyur te dris pa/ skye bo phal po che 'di dag gang du 'dong / de dag gis
307a1 smras pa/bcom ldan 'das la ltar 'gro'o/ /grum pos smras pa/ bcom ldan 'das zhes bya ba de ci lta bu zhig /de dag gis smras pa/ gangs kyi ngos dang nye ba dang / drang srong ser skya'i dka' thub kyi gnas nas thag mi ring ba zhig tu shAkya'i bu zhig skyes
307a2 nas/de bram ze mtshan mkhan bye brag phyed pa dag gis lung bstan pa/ gal te 'di khyim na gnas na ni 'khor los sgyur ba'i rgyal por 'gyur ro/ /gal te skra dang kha spu bregs nas chos gos tshon can gyon te yang dag pa'i dad pas khyim nas khyim med par rab tu byung na ni de
307a3 bzhin gshegs pa dgra bcom pa yang dag par rdzogs pa'i sangs rgyas su 'gyur te/grags pa chen po dang ldan par 'gyur ro zhes byas nas/ de thos ma thag tu de bcom ldan 'das la lta 'dod par gyur te/ de skye bo phal po che de dag gis g.yog byas nas rgyal bu rgyal byed
307a4 kyi tshal du dong ngo //de'i tshe bcom ldan 'das 'khor brgya phrag du ma'i gung la bzhugs te chos ston to/ /de nas khye'u 'phye bo des thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me
307a5 lus kyi dbyibs su 'dug pa lta bu/me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong
307a6 ngo //mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye
307a7 bar mi 'gyur ro//de ltar mthong nas kyang sangs rgyas la gus pa'i phyir khyogs las babs te/ gzugs bzhis 'phye zhing bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug
307b1 go//de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas de dang 'thun pa'i chos bstan te/ de nas 'phye bo des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu
307b2 ye shes rdo rjes bcom nas rgyun du zhugs pa'i 'bras bu mngon sum du byas te/des bden pa mthong nas bsams pa/ gal te bdag gi lus 'di 'dra bar ma gyur du zin na bdag kyang legs par gsungs pa'i chos 'dul ba la rab tu byung ste/ chu bo rnams las brgal
307b3 bar bya ba dang /sbyor ba rnams las 'da' bar bya ba'i phyir brtson pa dang / bsgrub pa dang / 'bad par bya ba zhig gu snyam mo/ /de nas sems bskyed ma thag tu de'i lus kyi yan lag rangs par gyur to/ /de nas de lhag par yang bcom ldan 'das la shin tu dga' bar
307b4 gyur to//dga' bar gyur nas stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba
307b5 la rab tu 'byung ba dang /bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge slong tshur shog ces bya ba'i tshig gis rab tu phyung nas bsnyen par
307b6 rdzogs par mdzad de/des kyang brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas gser dang bong bar
307b7 mnyam pa/nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/
308a1 srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams kyis sangs rgyas bcom ldan
308a2 'das la zhus pa/btsun pa 'phye bos las ci bgyis na las de'i rnam par smin pas phyug cing nor mang la longs spyod che ba'i rigs su skyes lags/ las ci bgyis na las de'i rnam par smin pas 'phye bor gyur la/ 'dis bcom ldan 'das mnyes par bgyis
308a3 te/mi mnyes par ma bgyis la/ rab tu 'byung ba'i sems bskyed ma thag tu 'di'i bkra mi shis pa ma mchis par gyur nas bkra shis par gyur te/ bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum
308a4 du bgyis lags/bcom ldan 'das kyis bka' stsal pa/ dge slong dag 'di nyid kyis las byas shing bsags te/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig
308a5 pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na
308a6 dge bsnyen mang du thos pa/rig pa dang grol ba'i spobs pa dang ldan pa'i chos smra ba/ dge bsnyen gyi skye bo thams cad kyis bkur stir byed/ bla mar byed/ ri mor byed/ mchod pa byed pa zhig gnas so/ /de nas gang gi tshe yang dag par rdzogs pa'i
308a7 sangs rgyas 'od srung bA rA Na sI na gnas bcas te bzhugs pa de'i tshe dge bsnyen gyi skye bo rnams yang dag par rdzogs pa'i sangs rgyas 'od srung gi thad du dong ste chos mnyan to//de nas yang dag par rdzogs pa'i sangs rgyas 'od srung ljongs de nas gud du gshegs pa
308b1 de'i tshe dge bsnyen de dag dge bsnyen de la chos nyan to//dge bsnyen gyi skye bo de dag gis kyang dge bsnyen de la yon du kAR+ShA pa Na lnga brgya sbyin par byed do/ /dge bsnyen des kyang kAR+ShA pa Na lnga brgya po de dag dge 'dun la 'bul bar byed do/ /de nas phyi zhig na dge bsnyen
308b2 de dge bsnyen gyi sde tshan de dag dang lhan cig tu gtsug lag khang du dong ngo //de'i tshe dge slong gi dge 'dun rnams 'dul ba'i cho ga'i las bya ba zhig byung nas gtsug lag khang skyong gis dge bsnyen thams cad gtsug lag khang gi phyi rol du bskrad de/ 'di khyed kyis mnyan
308b3 par ma byed cig ces byas so//de nas dge bsnyen gyi sde tshan de dag gis dge bsnyen de la smras pa/ de ltar bdag cag ni dge slong rnams kyis bskrad du rung na khyod lta bu mang du thos pa/ rig pa dang grol ba'i spobs pa dang ldan pa'i chos smra ba yin na ci ste bskrad ces zer
308b4 nas/de dag de la mkhas par 'dzin pa gang yin pa de med par gyur to/ /de nas dge bsnyen de gzhi des khros nas/ des dge slong rnams la smras pa/ ngas ni 'phye bo khri la 'dug pa khyed rnams la ci rnyed pa bsgrubs te byin na khyed kyis ni bdag gcig pu la mi zer
308b5 bar mang po'i nang du dma' phab bo zhes byas so//de nas dge slong rnams kyis bsams pa/ nyon mongs 'di ni dmas shing nyams par gyur to snyam nas dge bsnyen de la smras pa/ dge bsnyen khyod kyis tshig rtsub po smras kyis/ nyes pa la nyes so zhes bshags
308b6 par gyis shig /las de'i 'bras bu mi sdug pa myong bar gyur ta re zhes byas so/ /de nas dge bsnyen de yang 'gyod pa chen po skyes te/ yon gnas 'di lta bu dag la tshig rtsub po smras pa ni bdag gis ma legs par byas so snyam ste/ nyes pa la nyes so
308b7 zhes bshags nas sbyin pa dag sbyin zhing bsod nams dag byas te/tshe gcig tu skyabs su 'gro ba dang / bslab pa'i gzhi rnams kyang bsrungs nas 'chi kar smon lam btab pa/ kye ma 'di ltar bdag gis sems can dag pa 'di lta bu dag la tshig rtsub po
309a1 smras pa'i las 'di bdag la 'ong bar ma gyur cig /de ste yang las 'di'i 'bras bu gdon mi za bar bdag la smin par gyur na yang rab tu 'byung ba'i sems bskyed ma thag tu bdag gi bkra mi shis pa med par gyur te/ bkra shis par gyur cig /bdag
309a2 gis sangs rgyas dang /chos dang / dge 'dun la bkur sti byas pa dang / sbyin pa dag sbyin zhing bsod nams dag byas pa dang / tshe gcig tu skyabs su 'gro ba dang / bslab pa'i gzhi rnams bsrungs pa'i dge ba'i rtsa ba 'dis na bdag gang dang gang du skye bar
309a3 'gyur ba de dang der phyug cing nor mang la longs spyod chen po'i rigs su skye bar shog shig /'jig rten na bdag gi ming 'jig rten thams cad kyi bkra shis su gyur cig /bdag gis ci bsams pa dang / ci 'dod pa de dag thams cad 'byor grub par gyur cig
309a4 ces byas so//dge slong dag ji snyam du sems/ de'i tshe dge bsnyen du gyur pa gang yin pa de ni 'phye bo 'di kho na yin te/ des dge slong de dag la tshig rtsub po smras pas/ las de'i rnam par smin pas ni tshe rabs lnga brgyar 'phye bor gyur to/ /des
309a5 sbyin pa dag sbyin zhing bsod nams dag byas te/tshe gcig tu skyabs su 'gro ba dang / bslab pa'i gzhi rnams bsrungs nas 'chi kar smon lam btab pa'i las de'i rnam par smin pas ni gang dang gang du skyes pa de dang der phyug cing nor mang la longs
309a6 spyod che ba'i rigs su skyes te/'jig rten thams cad kyi bkra shis su gyur nas 'dis nga mnyes par byas te/ mi mnyes par ma byas la/ rab tu 'byung ba'i sems bskyed ma thag tu bkra mi shis pa med par gyur te/ bkra shis pa byung bar
309a7 gyur nas nga'i bstan pa la rab tu byung ste/nyon mongs pa thams cad spangs nas dgra bcom pa nyid mngon sum du byas so// //
1a1 @#/
1a1 /mdo sde a bzhugs so/ /
1b1 ##/ /las brgya tham pa/ bam po nyi shu bdun pa/ grum stod ces bya ba ni/ gleng gzhi mnyan du yod pa na bzhugs te/ de'i tshe nags khrod cig na drang srong lnga brgya
1b2 tsam gnas te/de dag de na 'khod cing me'i sbyin sreg byed do/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga'
1b3 brnyes pa/ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug
1b4 la mkhas pa/byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par
1b5 'jug pa/stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu
2a1 sangs rgyas kyi spyan gyis 'jig rten la gzigs te/su ni dar/ su ni rgud/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du
2a2 gzhol/su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las/
2a3 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las/ yongs su smin par bya/ su ni dge ba'i rtsa ba rnams yongs su smin zin pa las ye
2a4 shes kyi mtshon gyis brtol bar bya/su ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras
2a5 rnams la//sangs rgyas dul las yol ba med/ /de nas bcom ldan 'das kyis dgongs pa/ drang srong lnga brgya po rnams gdul ba'i dus la bab bo snyam du dgongs nas/ bcom ldan 'das kyis ci nas drang srong lnga brgya po de dag gis me'i sbyin sreg gi thab
2a6 de dag thams cad kyi nang du sangs rgyas kyi zhabs kyi rjes mthong la/de phyin cad me sbar bar mi nus pa de lta bur byin gyis brlabs so/ /de nas de dag 'di snyam du sems te/ rjes 'di'i mthus bdag cag gi me'i thab rnams kyi nang du me sbar mi nus par gyur pa las na/ rjes
2b1 'di ni dge ba zhig yin pa 'dra ste/rjes 'di lha chen po'i rjes ma yin grang snyam nas/ drang srong lnga brgya po de dag gis sangs rgyas kyi rjes de dag la bsreg bya phul nas/ sangs rgyas kyi mthus sbyin sreg de dag rang sbar bar gyur te/ me lce tshangs pa'i 'jig rten du thug par song ngo / /
2b2 de nas drang srong rnams kyis de mthong nas ya mtshan du gyur te/ lha chen pos bdag cag la dgongs so snyam mo/ /de nas bcom ldan 'das kyis de rnams drang ba'i phyir/ rgyal bu rgyal byed kyi tshal la thug pa'i bar du zhabs kyi rjes gcig nas gcig tu byin gyis brlabs so/ /de nas drang
2b3 srong de dag gis/me'i sbyin sreg gi drung nas rjes gcig nas gcig tu sprul pa mthong nas de dag 'di snyam du sems te/ lha chen po ni lam 'dir gshegs so snyam nas zhabs kyi rjes gcig nas gcig tu rjes de dag la mchod pa byed cing dong nas/ de dag mthar gyis rgyal bu rgyal
2b4 byed kyi tshal du zhugs so//de'i tshe bcom ldan 'das 'khor brgya phrag du ma'i gung la bzhugs te chos ston to/ /de nas drang srong lnga brgya po de dag gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi
2b5 dbyibs su 'dug pa lta bu/me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med pa rnam par dag pa dang ldan pa'i sangs rgyas bcom ldan 'das mthong ngo / /mthong nas kyang
2b6 mchog tu dga' ba skyes te/dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni/ lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ /de ltar
2b7 mthong nas kyang bcom ldan 'das ga la ba der dong ste phyin nas/bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do/ /de nas bcom ldan 'das kyis de rnams kyi bsam pa dang / bag la nyal dang / khams dang / shes pa dang /
3a1 rang bzhin thugs su chud nas/ de dang 'thun pa'i chos bstan te/ de nas drang srong de dag gis stan de nyid la 'khod bzhin du bden pa rtogs pa'i mod la phyir mi 'ong ba'i 'bras bu mngon sum du byas so/ /de dag gis bden pa mthong nas/ stan las langs te bla
3a2 gos phrag pa gcig tu gzar nas/bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi
3a3 dngos po 'thob tu rung na/bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de rnams la lung yang phog ste/ de rnams
3a4 kyis kyang brtson pa dang bsgrub pa dang /'bad pas nyon mongs pa thams cad spangs nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil
3a5 du 'dra ba'i sems dang ldan pa/tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye
3a6 dbang dang bcas pa'i lha rnams kyis mchod cing rjed pa dang gus par smra ba'i gnas su gyur to//de nas dge slong rnams kyis sangs rgyas bcom ldan 'das la zhus pa/ btsun pa bcom ldan 'das kyis drang srong 'di rnams la zhabs kyi rjes bstan pas drangs te rab tu phyung nas/ g.yung
3a7 drung gi mthar thug pa grub pa dang /bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang drang srong lnga brgya po 'di rnams ji ltar zhabs kyi rjes bstan pas drangs te rab tu phyung nas/ tshe
3b1 gcig tu tshangs par spyod pa spyad du bcug pa de nyon cig dge slong dag sngon byung ba 'das pa'i dus na/bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig
3b2 rten mkhyen pa/skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ der gang gi tshe yang dag par rdzogs pa'i sangs rgyas 'od srung gis cho 'phrul chen po bstan pa de'i tshe des skye
3b3 bo phyi ma rnams la thugs brtse ba dang /drang srong lnga brgya po de dag drang ba'i phyir/ rtags su rung ba'i sangs rgyas kyi zhabs kyi rjes byin gyis brlabs so/ /de'i tshe na lho phyogs na dka' thub kyi nags shig na drang srong lnga brgya tsam gnas pa de dag steng gi bar snang las ri spos kyi ngad
3b4 ldang ba la chas te/dong ba las de dag ri rab la rdugs pa bzhin du sangs rgyas kyi zhabs kyi rjes rnams kyi steng du rdugs nas de rnams ya mtshan du gyur te/ bdag cag rdzu 'phrul yang ma nyams la/ nam mkha' la yang thogs par gyur to snyam mo/ /de nas de dag la dga'
3b5 ba'i lhas/de dag la smras pa/ khyed ni rdzu 'phrul ma nyams mod kyi/ khyed kyi 'og na sangs rgyas kyi zhabs kyi rjes yod la de'i steng du ni brgya byin dang tshangs pa la sogs pas kyang 'gro mi nus so/ /de nas drang srong de rnams zhabs kyi rjes de la shin tu dga' bar gyur te/ dga' bar
3b6 gyur nas sa la babs te/zhabs kyi rjes de dag la bkur sti byed pa la zhugs so/ /yang dag par rdzogs pa'i sangs rgyas 'od srung gis de rnams drang ba'i phyir/ drang srong gnas pa la thug pa'i bar du zhabs kyi rjes gcig nas gcig tu byin gyis brlabs nas/ drang srong
3b7 rnams kyis bsams pa/rjes 'di dag ni lha chen po'i yin te/ 'di ni lam 'dir gshegs so snyam nas/ rjes de thog thag tu drang srong gnas par dong nas/ drang srong lnga brgya po de dag gis thag ring po zhig nas yang dag par rdzogs pa'i sangs rgyas 'od srung mthong ngo / /
4a1 mthong nas kyang de dag de bzhin gshegs pa dgra bcom pa yang dag par rdzogs pa'i sangs rgyas 'od srung la shin tu dga' bar gyur to/ /dga' bar gyur nas kyang yang dag par rdzogs pa'i sangs rgyas 'od srung ga la ba der dong ste lhags nas zhabs la mgo
4a2 bos phyag 'tshal te/bla gos phrag pa gcig tu gzar nas/ yang dag par rdzogs pa'i sangs rgyas 'od srung ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab
4a3 tu 'byung ba dang /bsnyen par rdzogs shing dge slong gi dngos po 'thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas yang dag par rdzogs pa'i sangs rgyas 'od srung gis de dag rab tu phyung ste/ bsnyen par rdzogs par
4a4 mdzad nas/de rnams la lung yang phog ste/ de dag gis der tshe gcig tu tshangs par spyod pa spyad kyang / gang gis kyang yon tan gyi tshogs ma thob nas/ 'chi kar de dag gis smon lam btab pa/ 'di ltar bdag cag gis yang dag par rdzogs pa'i sangs rgyas 'od srung gi
4a5 bstan pa la/tshe gcig tu tshangs par spyod pa spyad kyang / gang gis kyang yon tan gyi tshogs ma thob kyi/ yang dag par rdzogs pa'i sangs rgyas 'od srung gis/ bram ze'i khye'u bla ma lung bstan pa gang yin pa'i sangs rgyas bcom ldan 'das de/ bdag cag gis mnyes
4a6 par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig /ces byas so/ /dge slong dag ji snyam du sems/ de'i tshe drang srong lnga brgya por
4a7 gyur pa gang yin pa de dag ni/drang srong lnga brgya po 'di dag kho na yin te/ de dag gis der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas
4b1 bcom ldan 'das de bdag cag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te dgra bcom pa nyid mngon sum du byed par gyur cig ces byas pa des na/ dge slong dag nga yang dag
4b2 par rdzogs pa'i sangs rgyas 'od srung dang shin tu mnyam pa dang shugs mnyam pa dang /mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas nas/ mi mnyes par ma byas la/ nga nyid kyi bstan pa la rab tu byung nas nyon mongs pa thams
4b3 cad spangs te/dgra bcom pa nyid mngon sum du byas so// //long ba zhes bya ba ni/ sangs rgyas bcom ldan 'das yul mi thi la na/ lha chen po'i a mra'i tshal na bzhugs te/ de'i tshe yul mi thi la na/ khyim bdag tshogs can zhes bya ba phyug cing nor mang la longs
4b4 spyod che ba/rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa des thabs zlar bab pa las chung ma blangs te/ de de dang lhan cig tu rtse zhing dga' la dga' mgur spyod par byed do/ /phyi zhig na de'i chung ma la bu chags nas/ de zla ba dgu'am bcu lon
4b5 pa dang /bu byad ngan po long ba zhig btsas so/ /de nas khyim bdag des bu de mthong ngo / /de mthong ma thag tu pha ma gnyis sdug bsngal chen po skyes te/ bdag cag gnyis brgya lam lan cig na bu btsas kyang de 'di 'dra bar gyur na bdag cag gnyis la bu byad ngan po long ba 'di lta bu mi
4b6 dgos kyis/phye ma red nam sros na phyir phyung la khyi rnams la sbyin no zhes byas nas/ pha ma gnyis kyis de phyir phyung ste/ lam po cher bor nas/ khyi rnams la byin no/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang / ye
4b7 shes la mnga' brnyes pa ma 'dres pa'i dran pa nye bar gzhag pa gsum la mkhas pa/mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam
5a1 gtan pa/mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin
5a2 mtshan dus drug tu sangs rgyas kyi spyan gyis 'jig rten la gzigs te/su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang / gnod pa dang ldan/ su ni ngan song du gzhol/ su ni ngan song du 'bab/
5a3 su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las/ 'phags pa'i nor bdun gyi dbang phyug la dbang byed du
5a4 gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las/ ye shes kyi mtshon gyis brtol bar bya/ su la ni sangs rgyas byung bas
5a5 brgyan pa'i 'jig rten 'bras bu dang bcas par bya snyam du ye shes gzigs pa 'jug go//rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs
5a6 pa/khye'u 'di lung bstan pa'i dus la bab ste/ khye'u 'di las brten nas/ gdul bar bya ba'i skye bo mang po drang bar bya dgos so snyam du dgongs nas/ bcom ldan 'das kyis ci nas khye'u de khyis za bar mi 'gyur bar byin gyis brlabs so/ /de nas bcom ldan 'das nang par sngar
5a7 bzhengs nas/sham thabs dang chos gos gsol te/ lhung bzed bsnams nas/ dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ yul mi thi lar gshegs te/ bcom ldan 'das khye'u de dang 'dab nye ba zhig tu bzhugs so/ /
5b1 de nas yul mi thi la na gnas pa'i skye bo mang pos/ sangs rgyas bcom ldan 'das mthong ngo / /mthong nas kyang ya mtshan du gyur te/ sngon gyi dge ba'i rtsa bas bskul nas bcom ldan 'das ga la ba der dong ste lhags so/ /de nas bcom ldan 'das 'di snyam du dgongs te/ ma
5b2 la bdag gis ci nas khye'u 'dis tshe rabs snga ma dran par 'gyur zhing tshig kyang smra la/nga dang lhan cig tu gtam zer bar 'gyur ba de lta bu'i ting nge 'dzin la snyoms par 'jug par bya'o snyam du dgongs nas/ bcom ldan 'das kyis de ltar byin gyis brlabs te/ khye'u des sngon gyi tshe rabs dran
5b3 nas tshig smra zhing bcom ldan 'das dang lhan cig tu gtam zer bar gyur te/der bcom ldan 'das kyis khye'u de la bka' stsal pa/ khye'u khyod mi sdug pa yin nam/ bcom ldan 'das mi sdug pa lags so/ /khye'u khyod mi sdug pa yin nam/ bde bar gshegs pa mi sdug pa
5b4 lags so//bka' stsal pa/ lus dang ngag dang yid kyis nyes par spyod pa'i las kyi 'bras bu rnam par smin pa mi sdug pa nyams su myong ba yod dam/ gsol pa/ bcom ldan 'das lus dang ngag dang yid kyis nyes par spyod pa'i las kyi 'bras bu rnam par smin pa mi sdug pa nyams su
5b5 myong ba mchis lags so//bka' stsal pa/ khyod kyi mi dge ba'i bshes gnyen su yin/ gsol pa/ rang gi sems lags so/ /de nas de thos ma thag tu skye bo phal po che rnams ya mtshan du gyur te/ sems can 'di lta bu sngon gyi tshe rabs dran la tshig kyang smra zhing / bcom
5b6 ldan 'das dang gtam zer ba su zhig gu snyam mo//sangs rgyas bcom ldan 'das rnams ni snyan slebs par dka' ba yin te/ de dag gis sangs rgyas bcom ldan 'das la zhu ba'i thugs ma thub nas/ tshe dang ldan pa kun dga' bo la dris pa btsun pa kun dga' bo sems can 'di lta bu
5b7 sngon gyi tshe rabs kun kyang dran la tshig smra zhing /bcom ldan 'das dang lhan cig tu gtam zer ba 'di su zhig /tshe dang ldan pa kun dga' bos smras pa/ sangs rgyas bcom ldan 'das la zhus shig /de dag gis smras pa/ sangs rgyas bcom ldan 'das rnams ni snyan slebs par
6a1 dka' bas na/bdag cag gis sangs rgyas bcom ldan 'das la zhu ba'i thugs mi thub bo/ /kun dga' bos smras pa/ sangs rgyas bcom ldan 'das rnams ni bdag gis kyang snyan slebs par dka' mod kyi khyed la snying brtse ba'i phyir zhu bar bya'o zhes byas nas/
6a2 tshe dang ldan pa kun dga' bos bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa sems can 'di lta bu sngon gyi tshe rabs dran la tshig smra zhing / bcom ldan 'das dang
6a3 bka' mchid bgyid pa su lags/bcom ldan 'das kyis bka' stsal pa/ kun dga' bo sems can 'di sdig pa byed byed pa yin te/ 'dis sdig pa'i las mang po byas so/ /kun dga' bo sngon byung ba 'das pa'i dus na yul mi thi la 'di nyid na/ rgyal po mi sdug pa zhes bya
6a4 ba rgyal po byed de/rgyal po de phrag dog can zhig tu gyur nas/ de gang gi tshe btsun mo'i 'khor gyis zhabs 'bring byas nas/ skyed mos tshal gyi sa'am gzhan gang du 'gro bar 'dod pa na/ de'i lam thams cad du mi med par byed de/ skar khung rnams dang sgo rnams kyang yol ba stug
6a5 pos gcod par byed do//brgya la 'ga' zhig gis glo bur du btsun mo'i 'khor mthong na/ des de'i mig 'byin par byed de/ de lta bu'i tshul gyis des sems can mang po'i mig med par byas so/ /de nas phyi zhig na de'i btsun mo'i 'khor gyis zhabs 'bring byas te/ skyed mos tshal gyi
6a6 nang du song ngo //sangs rgyas bcom ldan 'das rnams 'jig rten na mi bzhugs pa de'i tshe/ rang sangs rgyas sdug cing phongs pa rnams la snying brtse ba/ bas mtha'i gnas mal na gnas pa/ 'jig rten gyi yon gnas gcig pu bse ru lta bu dag 'jig rten du byung ste/ rang sangs
6a7 rgyas zhig lam de nas 'ongs pa de/rgyal po'i zhabs 'bring ba rnams kyis ma tshor nas/ de de'i btsun mo'i 'khor gyi mdun du bab ste/ bud med de dag gis de'i lus mdzes pa dang sems mdzes pa mthong nas de dag dga' bar gyur to/ /dga' bar gyur nas kyang gdong g.yogs phye ste/
6b1 btud cing phyag byas so/ /de nas rgyal pos kyang de thos te/ thos ma thag tu de phrag dog gi gzhi las khro ba'i kun nas dkris pa chen po skyes te/ de khros nas rgyal po'i zhabs 'bring ba rnams la bka' stsal te/ khyed deng la rab tu byung ba de'i mig gnyis phyung zhig ces bsgo'o/ /de
6b2 nas de thos ma thag tu/rgyal po'i zhabs 'bring ba rnams kyis rang sangs rgyas de bzung nas mig gnyis phyung ste/ rang sangs rgyas de yang sngon gyi las myong bar 'gyur ba de mngon sum du gyur pas rdzu ba yang ma dran na/ 'phrul pa lta ci smos/ de nas rang sangs rgyas des bsams pa/
6b3 nyon mongs pa 'di ni mngon par smas shing nyams par gyur te/ 'khor ba na 'khor zhing yun ring por sdug bsngal chen po rnyed na mi rung gis/ 'di'i ra mda' bya dgos so snyam ste/ steng gi nam mkha' la mngon par 'phags nas 'bar ba dang / lam mer 'dug pa dang / char
6b4 'bebs pa dang /glog 'gyu ba'i cho 'phrul rnams bstan to/ /so so'i skye bo rnams ni rdzu 'phrul gyis myur du dad par byed de/ rgyal po des sdong po sog les bcad pa bzhin du zhabs la phyag 'tshal te smras pa/ skal pa chen po dang ldan pa mar spyon/ bdag nyes par
6b5 spyad pa'i 'dam du bying ba'i lag nas drang du gsol zhes byas so//bdag nyid chen po de yang gzhi des yongs su mya ngan las 'das nas rgyal po des de'i sku gdung la mchod pa byas te/ smon lam btab pa/ 'di ltar bdag gis sems can dag pa 'di lta bu la gnod pa byed du bcug pa'i
6b6 las 'di'i 'bras bu bdag gis nyams su myong bar ma gyur cig /'di ltar phyir yang bkur sti byas pa rnams kyi dge ba'i rtsa ba 'dis na/ bdag gang dang gang du skye bar 'gyur ba de dang der/ phyug cing nor mang la longs spyod che ba'i rigs su skye bar shog shig /'di bas kyang ches khyad par du 'phags
6b7 pa'i ston pa mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ /dge slong dag ci snyam du sems/ de'i tshe rgyal po mi sdug
7a1 par gyur pa gang yin pa de ni/long ba 'di kho na yin te/ des rang sangs rgyas de'i mig gnyis phyung ba dang / sems can stong phrag du ma'i mig med par byas pa'i las de'i rnam par smin pas lo brgya phrag du ma dang / lo stong phrag du mar dmus long 'ba' zhig tu
7a2 gyur te/sems can dmyal bar yang 'tshed par gyur to/ /de nas shi 'phos nas kyang tshe rabs lnga brgyar su skyes te/ der yang 'dis dmus long du gyur pa 'ba' zhig gi sdug bsngal chen po myong bar gyur to/ /las shi 'phos nas tshe rabs lnga brgyar dud
7a3 'gror skyes te/der yang dmus long 'ba' zhig tu gyur to/ /dud 'gro las shi 'phos nas tshe rabs lnga brgyar mir skyes te/ thams cad du dmus long du gyur to/ /de nas dge slong rnams kyis gsol pa/ btsun pa sems can 'di sdug bsngal 'di las nam thar bar 'gyur/
7a4 bka' stsal pa/ dge slong dag nyan thos dang rang sangs rgyas las 'das pa'i yang dag par rdzogs pa'i sangs rgyas yid bzang zhes bya ba 'jig rten du 'byung bar 'gyur te/ de'i gsung rab la sems can 'di mir skye bar 'gyur te/ dbang po tshang bar 'gyur ro/ /de nas de'i gsung
7a5 rab la rab tu byung nas nyon mongs pa thams cad spangs te/dgra bcom pa nyid mngon sum du byed par 'gyur ro/ /de nas dgra bcom pa nyid thob kyang nyal ba'i tshe/ las las skyes pa'i bya rog dag lhags nas mig gnyis 'byin par 'gyur la/ de gzhi des yongs su mya ngan las
7a6 'da' bar 'gyur te/der las 'di las thar bar 'gyur ro/ /de nas de thos ma thag tu skye bo phal po che de dag skyo ba chen po skyes te/ nyon mongs pa'i dbang gis 'khor ba na/ sdug bsngal 'di lta bu dag rnyed par 'gyur ro snyam mo/ /de nas bcom ldan 'das kyis de dag yid skyo bar
7a7 gyur par thugs su chud nas/de dag dang 'thun pa'i chos bstan te/ des na skye bo mang po de dag gis stan de dag nyid la 'khod bzhin du/ kha cig gis ni dro bar gyur pa bskyed do/ /kha cig gis ni spyi bo dang / bden pa dang 'thun pa'i bzod pa dang / 'jig rten gyi chos
7b1 kyi mchog dang /mthong ba'i snyoms par 'jug pa bskyed do/ /kha cig gis ni rgyun du zhugs pa'i 'bras bu mngon sum du byas so/ /kha cig gis ni lan cig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu mngon sum du byas so/ /kha cig
7b2 gis ni rab tu byung nas dgra bcom pa nyid mngon sum du byas so//kha cig gis ni 'khor los sgyur ba'i rgyal por 'gyur ba'i sa bon bskyed do/ /kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par
7b3 'gyur ba dang /kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do/ /'khor de dag gi nang nas phal cher ni sangs rgyas la gzhol/ chos la 'bab/ dge
7b4 'dun la bab par gyur to//gcer bu pa 'od srung zhes bya ba ni/ gleng gzhi rgyal po'i khab na bzhugs te/ de'i tshe ri khrod cig na bram ze dbul po cig gnas pa de zhing las kyis 'tsho bar byed do/ /de nas phyi zhig na de'i chung ma la bu chags nas/ de zla ba dgu'am/
7b5 bcu lon pa dang / bu btsas te de'i btsas ston rgyas par byas nas/ khye'u 'di'i ming ci skad gdags zhes ming 'dogs par byed do/ /khye'u 'di 'od srung gi rigs yin pas na/ khye'u 'di'i ming 'od srung du gdags so zhes zer ro/ /de nas khye'u 'od srung 'o ma dang / zho dang /
7b6 mar dang / zhun mar dang / mar gyi nying gu rnams kyis bskyed bsrings nas/ de gang gi tshe cher skyes pa de'i tshe/ de pha ma dang lhan cig tu zhing las la 'gro'o/ /de nas des bltas na pha des srog chags stong phrag du ma kha 'dog par byed pa mthong nas/ pha la smras pa/ yab cig
7b7 khyod kyis srog chags stong phrag du ma gyin da la sdug bsngal bar byed pa 'di lta bu'i 'tsho ba khyod la ci dgos/phas smras pa/ bu bdag cag gi 'tsho ba ni 'di yin te gzhan med do/ /de nas khye'u des bsams pa/ bdag 'tsho ba 'di lta bu btang la nags khrod du gnas bca'o snyam nas/
8a1 nges par 'byung bar chas so/ /de nas de gang gi tshe bcom ldan 'das kyis bla na med pa'i ye shes brnyes nas/ mthar gyis gdul bar bya ba rnams kyi don mdzad cing rgyal po'i khab tu gshegs nas/ bcom ldan 'das kyi grags pa kun tu rgyas par gyur to/ /
8a2 de nas bcom ldan 'das bdud rtsi'i char 'bebs shing bdud rtsis 'gro ba rnams tshim par mdzad do/ /khye'u 'od srung gis kyang dge sbyong gau ta ma rgyal po'i khab na bzhugs te/ des ni bdud rtsi'i char 'bebs shing / bdud rtsis 'gro ba rnams tshim par mdzad do zhes thos nas thos
8a3 ma thag tu pha ma la gsol te/yab yum bdag dge sbyong gau ta ma'i thad du tshangs par spyod pa spyad du mchi'o zhes byas nas song ngo / /de nas rgyal po'i khab tu 'gro zhes byas nas des der gcer bu pa gnyen gyi bu mthong nas des bsam pa/ dge sbyong gau ta ma ni 'di yin no snyam nas/
8a4 de de'i thad du rab tu byung ngo / /rab tu byung nas kyang des ltas kyi dpyad lobs nas/ de de la slob dpon gyi mchog tu gyur to/ /de nas de'i ming 'od srung zhes bya ba gang yin pa de med par gyur te/ ming gcer bu pa 'od srung dang rus gcig pa gcer bu pa 'od srung dang rus gcig pa zhes
8a5 bya bar gyur to//phyi zhig na des bdag nyid tshe zad pa'i rtags mthong nas bsams pa/ bdag ni zhag bdun na med par 'gyur ro snyam mo/ /de nas bcom ldan 'das kyi bstan pa la dga' ba'i lhas de la sbran te/ gcer bu pa 'od srung dang rus gcig pa/ mi dgar ma byed
8a6 cig /bcom ldan 'das de ni 'chi ba las nges par 'byung bar 'gyur ba'i lam ston pa yin te/ de ni rgyal po'i khab 'di nyid na bzhugs kyis/ de la bsnyen bkur gyis shig /de ltar byas dang khyod la legs par 'gyur ro zhes byas so/ /de nas de thos ma thag tu gcer
8a7 bu pa 'od srung dang rus gcig pa rgyal po'i khab nas byung ste/'od ma'i tshal logs su chas pa las/ lam phyed du de'i blo skyes pa/ dge slong rnams ni ngo tsha shes shing khrel yod pa yin la/ bdag ni gcer bur 'dug pas na/ de dag dang mngon sum du phrad du 'gro mi
8b1 phod kyis/bdag re zhig 'od ma'i tshal du mi 'gro bar/ lam phyed 'di nyid du 'dug par bya'o/ /lam phyed 'di nyid du 'dug bzhin du bdag gis dge sbyong gau ta ma la bsnyen bkur bya'o snyam mo/ /sangs rgyas bcom ldan 'das bgrod pa gcig pu'i lam ston pa/ rnam
8b2 pa gnyis kyi shes bya dang ye shes la mnga' brnyes pa/ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun
8b3 la spyod yul ba/rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum
8b4 mtshan dus gsum ste/nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/
8b5 su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor
8b6 bdun med pa las/'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las/
8b7 ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /
9a1 sangs rgyas dus las yol ba med/ /de nas bcom ldan 'das kyis dgongs pa/ gcer bu pa 'od srung dang rus gcig pa gdul ba'i dus la bab bo snyam du dgongs nas/ 'od ma'i tshal nas byung ste/ sa phyogs gang na gcer bu pa 'od srung dang rus gcig
9a2 pa 'dug pa'i sa phyogs der gshegs nas/gcer bu pa 'od srung dang rus gcig pas thag ring po zhig nas/ sangs rgyas bcom ldan 'das mthong ngo / /mthong nas kyang bcom ldan 'das ga la ba der song ste phyin nas/ bcom ldan 'das dang lhan cig tu mngon sum du yang
9a3 dag par mgu ba dang /yang dag par dga' bar 'gyur ba'i gtam sna tshogs byas nas/ phyogs gcig tu 'dug go/ /de nas gcer bu pa 'od srung dang rus gcig pas/ bcom ldan 'das la 'di skad ces gsol to/ /kye gau ta ma gal te zhus nas/ zhu ba lung bstan
9a4 pa'i slad du skabs phye na/gau ta ma khyod la 'di nyid du/ phyogs 'ga' zhig zhu'o/ /bcom ldan 'das kyis bka' stsal pa/ 'od srung re zhig nga rgyal po'i khab tu bsod snyoms la 'gro dgos pas/ khyod kyis zhu ba lung bstan pa'i skabs su ma bab kyis/ kun dga'
9a5 ra ba'i phyir rol du shog shig dang der khyod kyi zhu ba lung bstan pa'i skabs su bab bo//gsol pa/ kye ma gau ta ma gal te bdag kyang gzhan du 'gyur srid la/ yang na gau ta ma gzhan du 'gyur yang srid do/ /de bzhin du lan gnyis lan gsum du/ gcer bu pa 'od srung dang
9a6 rus gcig pas gsol pa/gal te zhus nas zhu ba lung bstan pa'i slad du skabs phye na/ gau ta ma khyod la 'di nyid du phyogs 'ga' zhig zhu'o/ /de nas lan gnyis lan gsum gyi bar du/ bcom ldan 'das kyis gcer bu pa 'od srung dang rus gcig pa la 'di skad ces bka'
9a7 stsal to//'od srung re zhig nga rgyal po'i khab tu bsod snyoms la 'gro dgos pas/ khyod kyis zhu ba lung bstan pa'i skabs su ma bab kyis/ kun dga' ra ba'i phyi rol du shog shig dang / der khyod kyi zhu ba lung bstan pa'i skabs su bab bo/ /gsol pa/ kye gau ta ma gal te
9b1 zhus nas/zhu ba lung bstan pa'i slad du skabs phye na/ gau ta ma khyod la 'di nyid du phyogs 'ga' zhig zhu'o/ /bcom ldan 'das kyis bka' stsal pa/ 'od srung khyod don 'di nyid lan gnyis lan gsum gyi bar du nges par gleng bar byed na ni/ 'od srung khyod ci dang ci
9b2 'dod pa zhus shig /gsol pa/ gau ta ma ci lags/ sdug bsngal rang gis bgyis sam/ bka' stsal pa/ 'od srung sdug bsngal rang gis byas so zhes ngas ma bshad do/ /kye gau ta ma ci lags/ sdug bsngal gzhan gyis bgyis sam/ 'od srung sdug bsngal
9b3 gzhan gyis byas zhes bya ba de ni ngas lung ma bstan to//kye gau ta ma ci lags/ sdug bsngal rang gis kyang bgyis la gzhan gyis kyang bgyis pa lags sam/ 'od srung sdug bsngal rang gis kyang byas pa dang gzhan gyis kyang byas zhes bya ba de yang ngas lung ma bstan
9b4 to//kye gau ta ma ci lags/ sdug bsngal rang gis ma bgyis pa dang / gzhan gyis ma bgyis pa dang / rgyu las byung ba yang ma lags sam/ 'od srung 'di yang ngas lung ma bstan to/ /gau ta ma ci lags/ sdug bsngal bdag gis bgyis pa dang gzhan gyis
9b5 bgyis pa dang /rgyu las byung ba yang ma lags/ zhes bgyis pa yang lung ma bstan to zhes gsung ngam/ 'od srung sdug bsngal rang gis byas pa dang / gzhan gyis byas pa dang / rgyu las byung ba yang ma yin nam/ zhes 'dri na/ lung ma bstan to zhes nga zer ro/ /kye gau
9b6 ta ma ci lags/sdug bsngal ma mchis pa kho na lags sam/ 'od srung sdug bsngal ni ye med pa ma yin te/ yod pa kho na yin no/ /kye gau ta ma sdug bsngal rang gis bgyis pa lags na/ ci nas bdag gis sdug bsngal shes par 'gyur ba dang mthong bar 'gyur ba de lta
9b7 bu'i chos bcom ldan 'das kyis bdag la bstan par smon to//'od srung gang gi tshe/ tshor ba yang de nyid yin la/ myong ba yang de nyid yin na ni/ de lta na sdug bsngal rang gis byas pa yin par 'gyur na/ 'od srung nga ni de skad mi zer ro/ /'od srung gang gi tshor ba yang
10a1 gzhan yin la myong ba yang gzhan yin na ni/de lta na sdug bsngal gzhan gyis byas pa yin par 'gyur na/ 'od srung nga ni de skad mi zer ro/ /'od srung gang gi tshe tshor ba yang de nyid yin la/ myong ba yang de nyid yin pa dang / gang gi tshe tshor ba yang
10a2 gzhan yin la/myong ba yang gzhan yin na ni/ de lta na sdug bsngal rang gis byas pa yang yin la/ gzhan gyis byas pa yang yin par 'gyur na/ 'od srung nga ni de skad mi zer ro/ /'od srung gang gi tshe sdug bsngal rkyen rnams med par 'gyur na ni/ de lta na sdug
10a3 bsngal rang gis byas pa dang /gzhan gyis byas pa dang / rgyu las byung ba yang ma yin par 'gyur na/ 'od srung nga ni de skad mi zer ro/ /de bzhin gshegs pa ni mtha' de gnyis la mi brten par/ dbu ma'i lam gyi chos ston cing 'di lta ste/ 'di yod na 'di
10a4 'byung la/'di skyes pas 'di skye bar 'gyur te/ 'di lta ste/ ma rig pa'i rkyen gyis 'du byed rnams 'byung / 'du byed kyi rkyen gyis rnam par shes pa 'byung / rnam par shes pa'i rkyen gyis ming dang gzugs 'byung / ming dang gzugs kyi rkyen gyis skye mched drug
10a5 'byung /skye mched drug gi rkyen gyis reg pa 'byung / reg pa'i rkyen gyis tshor ba 'byung / tshor ba'i rkyen gyis sred pa 'byung / sred pa'i rkyen gyis len pa 'byung / len pa'i rkyen gyis srid pa 'byung / srid pa'i rkyen gyis skye ba 'byung / skye ba'i rkyen gyis rga shi dang / mya ngan
10a6 dang smre sngags 'don pa dang /sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ /'di lta ste/ 'di med na 'di mi 'byung la/ 'di 'gags pas 'di
10a7 'gag par 'gyur te/'di lta ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug
10b1 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang /
10b2 mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur ro/ /de ltar na sdug bsngal gyi phung po chen po 'ba' zhig po 'di 'gag par 'gyur ro/ /chos kyi rnam grangs 'di bshad pa na/ gcer bu pa 'od
10b3 srung dang rus gcig pa/chos rnams la chos kyi mig rdul med cing / dri ma dang bral ba skyes so/ /de nas gcer bu pa 'od srung dang rus gcig pas chos mthong / chos rnyed chos rtogs/ chos kyi gting slebs/ som nyi las brgal the tsom las brgal te/ gzhan
10b4 gyi dring mi 'jog cing gzhan gyis bkri ba med la/ston pas bstan pa'i chos rnams la/ mi 'jigs pa thob nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag ni mngon par 'phags
10b5 lags so//mngon par zhugs pa lags so/ btsun pa bdag bcom ldan 'das la skyabs su mchis pa dang / chos la skyabs su mchis pa dang / dge 'dun la skyabs su mchis pa lags te/ bdag dge bsnyen lags par gzung du gsol/ bdag
10b6 mngon par dad par gyur te/deng slan cad snying thag pa nas skyabs su mchis pa lags so zhes gsol nas/ de ltar gcer bu pa 'od srung dang rus gcig pa/ bcom ldan 'das kyis gsungs pa la mngon par bstod cing / rjes su yi rangs nas/ bcom ldan
10b7 'das kyi zhabs la mgo bos phyag 'tshal te/bcom ldan 'das kyi thad nas song ngo / /de nas gcer bu pa 'od srung dang rus gcig pa/ bcom ldan 'das kyi thad nas song nas/ ring por ma lon par ba drus ma zhig gis brdungs te bsad nas/ de 'chi kar dbang
11a1 po rnams dang zhing bzhin gyi mdog yongs su dag la/pags pa'i mdog dkar por 'dug go/ /de nas dge slong mang po dag snga dro sham thabs dang / chos gos gyon nas/ lhung bzed thogs te/ rgyal po'i khab tu bsod snyoms la dong nas/
11a2 dge slong mang po rgyal po'i khab tu bsod snyoms la rgyu ba na/ gcer bu pa 'od srung dang rus gcig pas/ lam phyed de nyid du bcom ldan 'das la zhu ba zhus te/ de bcom ldan 'das kyi thad nas song nas ring po ma lon par ba drus mas brdungs te bsad nas/ de 'chi kar
11a3 dbang po rnams dang zhing bzhin gyi mdog kyang yongs su dag la/pags pa'i mdog dkar por 'dug go zhes thos so/ /thos nas kyang rgyal po'i khab nas bsod snyoms blangs nas/ zas zos te phyis bsod snyoms blang ba spangs nas/ lhung bzed dang chos gos
11a4 bzhag ste/rkang pa bkrus nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /phyogs gcig tu 'khod nas/ dge slong mang pos bcom ldan 'das la 'di skad
11a5 ces gsol to//btsun pa 'di na bdag cag dge slong mang po snga dro sham thabs dang / chos gos gyon te/ lhung bzed thogs nas/ rgyal po'i khab tu bsod snyoms la mchis pa na/ btsun pa bdag cag dge slong mang po rgyal po'i khab tu bsod snyoms la rgyu ba rnams
11a6 kyis gcer bu pa 'od srung dang rus gcig pas shul phyed de nyid du/bcom ldan 'das la zhu ba zhus nas/ bcom ldan 'das kyi thad nas song nas ring po ma lon par ba drus mas brdungs te bkum nas de 'gum kar dbang po rnams dang zhing bzhin gyi mdog yongs su dag la/
11a7 pags pa'i mdog dkar por mchis so zhes thos lags na/ btsun pa de'i 'gro ba ni gang lags/ skye ba'i gnas ni gang lags/ 'chi ba'i gnas ni gang lags/ bka' stsal pa/ dge slong dag rigs kyi bu de ni nor du gyur pa yin te/ des nga'i chos kyi
11b1 rjes su 'thun pa'i chos mngon par rtogs pas na/des ni nga la gnod pa ma byas kyis/ dge slong dag rigs kyi bu des ni 'di lta ste/ chos la lhag par bya ba byas nas/ mya ngan las 'das kyis/ de'i rus bu la rus bu'i mchod pa gyis shig ces bka' stsal te/ der
11b2 bcom ldan 'das kyis gcer bu pa 'od srung dang rus gcig pa mchog tu gyur par lung bstan nas/rgyal po'i khab der lha rnams kyis gcer bu pa 'od srung dang rus gcig pa yongs su mya ngan las 'das so zhes bsgrags so/ /de nas de thos ma thag tu gzhan mu stegs pa
11b3 rnams kyis/ras kyi ba dan bsgrengs te/ lam po che dang srang dang / bzhi mdo dang / sum mdo rnams su bsgrags te/ dge sbyong gau ta ma na re nga'i chos 'dul ba 'ba' zhig la mthar thug pa yod kyis/ gzhan la med do zhe na/ nged kyi tshangs pa mtshungs par spyod
11b4 pa 'di yang yongs su mya ngan las 'das so zhes smras nas//de dag de'i thad du dong ste/ 'di'i rus bu la mchod pa bya'o snyam mo/ /dge slong dag kyang de'i thad du dong ste/ 'di'i rus bu la mchod pa bya'o snyam mo/ /de nas der mu stegs pa kun tu rgyu ba rnams na re 'di ni
11b5 bdag cag gi tshangs pa mtshungs par spyod pa yin gyis/bdag cag gis 'di'i rus bu la mchod pa bya'o zhes zer ro/ /dge slong dag na re yang 'di ni bdag cag gi tshangs pa mtshungs par spyod pa yin gyis/ bdag cag gis 'di'i rus bu la mchod pa bya'o zhes zer ro/ /
11b6 de nas gzhan mu stegs pa kun tu rgyu ba dag na re/ bdag cag gis dbang po ni lha gang dag gis rgyal po'i khab 'dir bsgrags pa yin no zhes zer ro/ /dge slong dag na re yang 'di su'i tshangs pa mtshungs par spyod pa yin pa/ lha de dag nyid la dri bar bya'o zhes zer ro/ /
11b7 de nas de thos ma thag tu gzhan mu stegs pa kun tu rgyu ba de dag gis/ lha de dag nyid la gsol ba btab ste/ 'di su'i tshangs pa mtshungs par spyod pa yin pa dang / su'i ma yin pa de lha rnams gsungs shig ces byas so/ /de nas chos rtogs pa'i lha rnams na re/ 'di
12a1 ni dge slong rnams kyi tshangs pa mtshungs par spyod pa yin te/'dis bcom ldan 'das las chos rtogs nas/ des na 'di bar ma dor yongs su mya ngan las 'das par gyur to/ /zhes zer ro/ /de nas de thos ma thag tu gzhan mu stegs pa kun tu rgyu rnams
12a2 skyengs nas sa phyogs de nas dong ngo //de nas dge slong rnams kyis de'i rus bu rnams la rus bu'i mchod pa byas te/ 'od ma'i tshal du dong nas bcom ldan 'das la zhus pa/ btsun pa gcer bu pa 'od srung dang rus gcig pa 'di las ci bgyis na/ las de'i rnam par smin pas/
12a3 ba drus mas brdungs te bkum lags/ bcom ldan 'das kyis bka' stsal pa/ dge slong dag 'di nyid kyis las de lta bu byas shing bstsags te/ 'di sngon gyi gtam rgyud ni pus ka ra sa ra'i gtam rgyud las 'byung ba bzhin du/ ming po bzhis sring mo bzhi bsad pa'i bar du
12a4 rgyas par brjod par bya'o//gsol pa/ btsun pa gcer bu pa 'od srung dang rus gcig pas las ci bgyis na/ las de'i rnam par smin pas 'dis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon
12a5 lam gyi dbang las gyur to//gsol pa btsun pa/ 'dis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs
12a6 pa'i sangs rgyas rig pa dang zhabs su ldan pa/bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i grags pa kun tu
12a7 rgyas par gyur to//de nas yang dag par rdzogs pa'i sangs rgyas 'od srung gis bA rA Na sIr gnas bcas te/ bdud rtsi'i char 'bebs shing bdud rtsis 'gro ba rnams tshim par mdzad do/ /de'i tshe yul de na bram ze'i khye'u zhig gnas pa des kyang / bA rA Na sI na/ yang dag
12b1 par rdzogs pa'i sangs rgyas 'od srung zhes bya ba bdud rtsi'i char 'bebs te/bdud rtsis 'gro ba rnams tshim par mdzad do zhes thos so/ /thos nas kyang yul drang srong smra bar song nas/ yang dag par rdzogs pa'i sangs rgyas 'od srung de ga la bzhugs pa der song ste phyin
12b2 nas/yang dag par rdzogs pa'i sangs rgyas 'od srung gi zhabs la mgo bos phyag 'tshal nas/ chos mnyan pa'i phyir spyan sngar 'dug go/ /de nas yang dag par rdzogs pa'i sangs rgyas 'od srung gis de dang 'thun pa'i chos bstan te/ des yang dag par rdzogs pa'i sangs rgyas
12b3 'od srung las chos thos nas skyabs su 'gro ba dang /bslab pa'i gzhi rnams blangs nas song ngo / /de nas des tshe gcig tu sbyin pa dag byin zhing / bsod nams dag byas te/ skyabs su 'gro ba dang / bslab pa'i gzhi rnams bsrung nas/ 'chi kar smon lam btab
12b4 pa/'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu skyabs su 'gro ba dang / bslab pa'i gzhi rnams bsrungs kyang / yon tan gyi tshogs ci yang ma thob kyis yang dag par rdzogs pa'i sangs rgyas 'od srung gis bram ze'i khye'u
12b5 bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i tshe bram zer gyur pa gang yin pa de ni gcer bu pa 'od srung dang rus gcig pa 'di kho na
12b6 yin te/des der sbyin pa dag byin zhing / bsod nams dag byas nas tshe gcig tu skyabs su 'gro ba dang / bslab pa'i gzhi rnams bsrung nas/ 'chi kar smon lam btab ste/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang
12b7 yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig ces byas pa des na/ dge slong dag nga yang dag par rdzogs pa'i sangs rgyas 'od srung dang shin tu mnyam pa dang / shugs mnyam pa dang / mdzad pa
13a1 mnyam pa dang /thabs mnyam pa brnyes par gyur nas/ 'dis nga mnyes par byas te/ mi mnyes par ma byas so// //las brgya tham pa/ bam po nyi shu brgyad pa/ 'od srung gtso bo zhes bya ba ni/ gleng gzhi mnyan du yod pa na
13a2 bzhugs te/de'i tshe ri sul zhig na drang srong 'khor khri nyis stong yod pa zhig gnas te/ drang srong de yang bstan bcos thams cad kyi mthar phyin pa/ rdzu 'phrul che zhing mthu che ba zhig ste/ des bram ze khri nyis stong po de dag bsam gtan bzhi dang / mngon par shes pa lnga la
13a3 bkod do//de nas gang gi tshe bcom ldan 'das kyis/ mtsho chen po ma dros pa'i nang du las kyi rnam par smin pa lung bstan nas/ mtsho de nyid kyi nang nas 'khor lnga brgya dang / nam mkha' las rgyal bu rgyal byed kyi tshal du gshegs so/ /drang srong de 'khor dang bcas pas
13a4 kyang bcom ldan 'das mtsho de nyid kyi nang nas nam mkha' la gshegs pa mthong ngo //mthong ma thag tu bcom ldan 'das la dga' bar gyur nas/ thams cad bor te/ bcom ldan 'das kyi phyi bzhin 'brang zhing / de dag rgyal bu rgyal byed kyi tshal du zhugs nas/ bcom ldan
13a5 'das ga la bzhugs pa der dong ste lhags nas/bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do/ /de nas bcom ldan 'das kyis drang srong khri nyis stong po de rnams kyi bsam pa dang / bag la nyal dang / khams dang
13a6 shes pa dang /rang bzhin thugs su chud nas/ de dang 'thun pa'i chos bstan te/ des na drang srong khri nyis stong po de rnams kyis stan de dag nyid la 'khod bzhin du bden pa rtogs pa'i mod la phyir mi 'ong ba'i 'bras bu mngon sum du byas so/ /drang srong gtso bo des ni thos
13a7 pas rgyags shing dregs pas ci yang ma thob bo//de nas drang srong khri nyis stong po de rnams stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /
13b1 btsun pa bdag cag legs pa gsungs pa'i chos 'dul ba la rab tu byung ba dang / bsnyen par rdzogs shing dge slong gi dngos po 'thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis drang srong
13b2 khri nyis stong po de dag la dge slong tshur shog ces bya ba'i tshig gis rab tu phyung ste/bsnyen par rdzogs par mdzad nas/ de rnams la lung yang phog ste/ de rnams kyis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa
13b3 nyid mngon sum du byas so//drang srong gtso bo de ni rab tu byung yang ci yang ma thob bo/ /de nas des de thos nas 'bad pa la zhugs te/ des ring po ma lon par sde snod gsum lobs nas/ rig pa dang grol ba'i spobs pa dang ldan pa'i chos smra bar gyur to/ /de nas phyi zhig na de'i blo skyes pa/
13b4 bdag gis sems can stong phrag du ma dag la chos ston la bdag nyid ni chos ston par mi 'dod de/ bdag gi grogs po 'di dag thams cad kyis dgra bcom pa nyid thob la bdag gis ni de thos nas ci bya gtol med par gyur te/ khyad par ci yang ma thob kyis/ bdag gis mnyan pa
13b5 dang /bsam gtan btang la re zhig bsgrim par bya'o snyam nas/ des thos pa de nyid sems pa dang / 'jal ba dang nye bar brtags pas/ nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod
13b6 chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang / so so yang dag
13b7 par rig pa thob pa srid pa'i rnyed pa dang /chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong rnams kyis sangs rgyas bcom ldan 'das la gsol
14a1 pa/btsun pa drang srong de thos pa'i rgyags pas dregs nas ci yang ma thob la/ slad kyis thos pa de nyid sems pa dang / 'jal ba dang / nye bar brtags pas/ nyon mongs pa thams cad spangs nas/ dgra bcom pa nyid mngon sum du bgyis pa la
14a2 gzigs/bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'dis sems pa dang 'jal ba dang / brtags pas bsam gtan bzhi dang mngon par shes pa lnga ci ltar bskyed pa de nyon cig /dge slong dag sngon byung ba
14a3 'das pa'i dus na/ri khrod cig na bram ze 'od srung gtso bo zhes bya ba zhig gnas te/ phyi zhig na de rtsa ba dang / 'bras bu dag gi don la ri'i sul zhig tu song ba las/ des der drang srong khri nyis stong mthong nas/ mthong ma thag tu de dag la shin tu dga' bar
14a4 gyur nas/des bsams pa/ bdag ni khyim gyi chos la gnas la/ 'di rnams ni khyim gyi gnas nas nges par byung ba las na/ 'di rnams ni 'khor ba las grol ba yin gor ma chag gis ma la bdag kyang 'di kho na'i thad du rab tu 'byung bar bya'o snyam nas/
14a5 des thams cad bor te/ drang srong de dag gi thad du rab tu byung ste/ de der song nas bstan bcos thams cad khong du chud par gyur to/ /de nas phyi zhig na drang srong gtso bo de shi nas/ bram ze'i khye'u khri nyis stong po de rnams drang srong de shi ba'i phyir/ shin tu mya ngan byed
14a6 cing sdug bsngal la smre sngags 'don par byed do//de nas 'od srung gtso bo des de dag la smras pa/ bram ze'i khye'u dag ha cang mya ngan ma byed cig /sdug bsngal bar ma byed cig /smre sngags 'don par ma byed cig dang / ngas khyod kyi dgos pa thams cad sbyar bar
14a7 bya'o zhes byas nas/des bram ze'i khye'u khri nyis stong po de dag thams cad bsdus te/ de dag la yid la byed pa'i lung yang phog nas/ de dag thams cad kyis kyang bsam gtan bzhi dang / mngon par shes pa lnga bskyed do/ /de nas phyi zhig na 'od srung gtso bos
14b1 bsams pa bdag gi slob ma 'di rnams kyis ni bdag gi yid la byed pas chos 'di lta bu rtogs par gyur la/bdag ni thos pa'i rgyags pas dregs pas ci yang ma thob na/ bdag la thos pa 'di ci dgos snyam nas/ des kyang sems pa dang / 'jal ba dang /
14b2 nye bar brtags pas/ bsam gtan bzhi dang / mngon par shes pa lnga bskyed do/ /dge slong dag ji snyam du sems/ de'i tshe 'od srung gtso bor gyur pa gang yin pa de ni/ drang srong 'di kho na yin te/ de'i tshe yang 'di thos pa'i rgyags pas dregs pas ci yang
14b3 ma thob la/phyis thos pa de nyid sems pa dang 'jal bas nye bar brtags pas/ bsam gtan bzhi dang / mngon par shes pa lnga bskyed do/ /da ltar yang 'di thos pa'i rgyags pas dregs pas sngar ci yang ma thob pa las/ phyis thos pa de nyid sems pa dang /
14b4 'jal ba dang / nye bar brtags pas/ nyon mongs pa thams cad spangs te/ dgra bcom pa nyid mngon sum du byas so/ /de nas dge slong rnams kyis sangs rgyas bcom ldan 'das la zhus pa/ btsun pa drang srong 'khor dang bcas pa 'di rnams kyis las ci
14b5 bgyis na/las de'i rnam par smin pas/ 'di rnams kyis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon du bgyis
14b6 lags/bcom ldan 'das kyis bka' stsal pa/ smon lam gyi dbang las gyur to/ /gsol pa/ btsun pa 'di rnams kyis smon lam gang du btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye
14b7 dgu'i tshe lo bzhi khri thub pa na/yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan
15a1 'das 'khor ba 'jig ces bya ba 'jig rten du byung ste/gang gi tshe de sangs rgyas kyi phrin las thams cad mdzad nas/ phung po lhag ma med pa'i mya ngan las 'das pa'i dbyings su yongs su mya ngan las 'das nas/ rgyal po mdzes ldan gyis
15a2 de'i sku gdung la mchod pa byas te/sku gdung gi mchod rten brtsigs nas/ mchod rten de la mchod pa chen po byas te/ mchod rten gyi dus ston gyi lugs btod do/ /de nas phyi zhig na mchod rten de'i mchod rten gyi dus ston la bab pa na/ rgyal po mdzes ldan gyi khams su
15a3 gtogs pa/ri khrod kyi rgyal po 'khor khri nyis stong dang ldan pa zhig gis kyang / mchod pa'i las la brtson par byas nas/ smon lam btab pa/ dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su
15a4 skye bar shog shig /ston pa 'di dang 'dra ba'i bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du byed par gyur cig ces byas so/ /de nas zhabs 'bring ba rnams kyis de mthong nas dris pa/ lha gcig gis smon
15a5 lam ci btab lags/de nas rgyal pos kyang de dag la rgyas par bsnyad do/ /de nas zhabs 'bring ba rnams kyis smras pa/ bdag cag gis kyang lha gcig las brten te/ ston pa 'di 'dra ba mnyes par byed par gyur cig /mi mnyes par byed par ma gyur
15a6 cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ /dge slong dag ji snyam du sems/ de'i tshe ri khrod kyi rgyal por gyur pa gang yin pa de ni drang srong 'di kho na yin no/ /de'i
15a7 tshe 'khor khri nyis stong por gyur pa gang yin pa de dag ni/bram ze khri nyis stong po 'di dag kho na yin te/ der mchod rten de la bkur sti byas nas/ smon lam btab pa'i las de'i rnam par smin pas/ gang dang gang du skyes pa de dang der phyug cing nor mang la longs spyod
15b1 che ba'i rigs su skyes nas/'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ /drang srong khri nyis stong po 'di rnams kyis kyang /
15b2 de nyid la brten nas/ 'di rnams kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas so/ /gzhan yang yang dag par rdzogs pa'i sangs rgyas
15b3 'od srung gi gsung rab la 'di dag thams cad rab tu byung ste/der 'di dag thams cad kyis tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to// //glang chen gnas zhes bya ba ni
15b4 gleng gzhi rgyal po'i khab na bzhugs te/de'i tshe rgyal po'i khab kyi rgyal po gzugs can snying po'i glang po che'i bla/ glang chen snying po zhes bya ba/ phyug cing nor mang la longs spyod che ba/ yongs su 'dzin pa mang ba/ rnam thos kyi bu'i nor dang mnyam pa/ rnam thos
15b5 kyi bu'i nor dang 'gran pa zhig gnas pa des/thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod do/ /de nas phyi zhig na de'i chung ma la bu chags nas/ de zla ba dgu'am bcu lon pa dang / bu gzugs bzang zhing
15b6 blta na sdug la mdzes pa zhig btsas te/de'i btsas ston rgyas par byas nas/ khye'u 'di'i ming ci skad gdags zhes ming 'dogs par byed de/ khye'u 'di rgyu skar nag pa las skyes la/ gcig tu na glang po che'i bla glang chen snying po'i bu yin pas na/ khye'u 'di'i ming
15b7 nag pa glang chen gnas zhes gdags so zhes zer ro//de nas khye'u nag pa glang chen gnas/ 'o ma dang / zho dang / mar dang / zhun mar dang / mar gyi nying gus bskyed bsrings nas/ de gang gi tshe cher skyes pa de'i tshe/ khye'u de yi ge slob tu bcug ste/ rgyal rigs
16a1 spyi bo nas dbang bskur ba'i rgyal po rnams kyi bzo'i gnas dang /las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'phong dang / mdun du bsnur ba dang / phyir bsnur ba dang /
16a2 g.yul las thar bar bya ba dang / lcags kyus gzung ba dang / zhags pas gzung ba dang / mda' bo che 'phangs pa dang / rdo rje rtse gcig pa 'phangs pa dang / mtshon rtse gcig pa gdab pa dang / 'khor lo 'phang ba dang / gcad pa dang / gsheg pa dang lag
16a3 pas gzung ba dang /rkang pa'i stabs dang / mgo bo bskyab pa dang / rgyang mar 'phog pa dang / sgra grags par 'phog pa dang / gnad du 'phog pa dang / gdon mi za bar 'phog par bya ba dang / tshabs cher gtang ba rnams kyang bslabs nas/ gnas lnga la byang bar
16a4 gyur to//de nas phyi zhig na de'i pha ma gnyis shi nas/ de rgyal po gzugs can snying pos glang po che'i blar bskos te/ pha'i las thabs de nyid byin to/ /de nas des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod do/ /
16a5 de nas phyi zhig na des bcom ldan 'das kyi bstan pa la dad pa rnyed nas/ skyabs su 'gro ba dang / bslab pa'i gzhi rnams blangs te/ des sbyin pa dag byin zhing bsod nams dag byas nas/ bcom ldan 'das kyi bstan pa la rab tu byung ngo / /de rab tu byung nas sde snod
16a6 gsum bslabs te/rig pa dang grol ba'i spobs pa dang ldan pa'i chos smra bar gyur to/ /de nas phyi zhig na des bsams pa/ bdag gis thos pa'i sgo nas bya ba gang yin pa de dag ni byas zin gyis/ da phyin cad ni bdag gis yid la byed pa la 'bad par bya'o snyam du
16a7 bsams te//des yid la byed pa bzung nas/ srod dang tho rangs mi nyal ba nyams su blangs te gnas pas/ 'du shes med 'du shes med min gyi bsam gtan gyi bar du bskyed nas/ des slob ma lnga brgya bsdus te/ 'khor dang ldan par gyur to/ /de nas
16b1 phyi zhig na de 'khor dang bcas pa ljongs rgyu zhing dong ste/de mthar gyis spyod yul du rgyu ba las slar log nas/ blon po rnams kyis rgyal po gzugs can snying po la de rab tu byung ngo zhes gsol te/ lha gcig nag pa glang chen gnas ni rab tu byung la/ de yang bu ma mchis
16b2 te/bu ma mchis pas na de ci bdog pa thams cad lha gcig mnga' lags so zhes byas so/ /de nas rgyal pos smras pa/ nga ni shi ba'i nor dbang du zad kyis/ gson po'i ni mi dbang ste/ rigs kyi bu de yang da dung gson por 'dug la drang srong rnams ni phyir yang 'bab
16b3 cing /khyim na gnas par 'gyur yang srid do zhes byas nas/ rgyal pos de'i khyim nas ci yang ma bzhes so/ /de nas phyi zhig na de'i chung mas nag pa glang chen gnas 'khor lnga brgya dang bcas pa/ rgyal po'i khab tu lhags so zhes thos so/ /thos nas kyang de 'khor
16b4 dang bcas pa spyan drangs te khyim du zan byin no//de nas de'i chung mas bsams pa/ ci 'di bya ba byas pa yin nam/ 'on te so so'i skye bo yin zhig gu /gal te so so'i skye bo yin ni 'di drang ba'i thabs shig bya'o snyam nas/ des de zan za ba'i tshe khang thog nas zangs
16b5 gzhong gcig de'i mdun du bor nas/de de'i sgras skrag par gyur la/ gcig tu na zan za ba'i tshe/ des zangs gzhong de la gris brud pa ltar yang byed de/ des de mthong nas bsams pa/ 'di ni dgra bcom pa ma yin te/ 'di ni so so'i skye bo yin pas bdag
16b6 gis 'di drang nus so snyam nas/rkang pa la phyag 'tshal te smras pa/ jo bo mi bzhugs pas bdag cag gi longs spyod 'di dag dmas par gyur te/ de bas na jo bos nga yang 'khor brgya lnga bcu dang khyim 'dir bshos gsol bar ci gnang zhes byas so/ /de nas nag
16b7 pa glang chen gnas kyis chung ma la cang mi zer bar khas blangs nas/des phyi de nyin de'i 'khor brgya lnga bcu dang / zan byin nas yang phyi de nyin par 'khor brgya dang zan la bos so/ /de bzhin du mthar gyis bud med des 'khor je nyung je nyung du phris nas/ tha ma'i nyin par
17a1 gcig pu zan la bos te/des zan byin nas de drang ba'i phyir phongs pa'i tshig smra zhing / jo bo mi bzhugs pas 'di ltar bran rnams kyis kyang brnyas so zhes zer ro/ /des snga nas khol po khye'u zhig la bsgo ste/ gang gi tshe nga chos nyan cing 'dug pa
17a2 de'i tshe/khyod kyis nga lan gsum gyi bar du dgug pa thong la/ nga'i gan du shog cig ces spring shig de nas khyod kyi thad du 'ongs pa dang / de'i 'og tu khyod kyis nga'i co to nas zung la/ jo bo'i mdun du rdegs shig ces byas te bzhag go/ /de nas khol po'i khye'u des kyang
17a3 de kho na bzhin du byas nas/bud med des smras pa/ jo bo da gzigs/ khyod nyid kyi mdun du yang bdag 'di kho na lta zhing mchis so zhes byas so/ /de nas de thos ma thag tu nag pa glang chen gnas khro ba'i kun tu dkris pa chen po skyes nas/ de khros pas chung mas snga nas
17a4 mal du ral gri bzhag pa de blangs nas/shubs nas phyung ste khye'u de'i steng du brgyugs nas/ chung mas rkang pa la phyag byas te smras pa/ jo bo re zhig gzu lums ma mdzad par bslab pa'i gzhi rnams phul la de'i 'og tu 'di bcos pas slebs so/ /de nas nag pa glang chen
17a5 gnas kyis chung ma de nyid kyi mdun du bslab pa'i gzhi rnams phul te/chos gos tshon can rnams bor nas/ khyim pa'i gos rnams bgos te 'dug go/ /de nas chung ma na re/ 'di ni bdag gis jo bo drang ba'i thabs bgyi ba'i slad du de ltar bgyis par bas kyi
17a6 jo bos 'di la kho na du mi bzung bar gsol/jo bo'i khyim gyi 'byor pa ni rgya che ba lags kyis/ da slan cad jo bo 'dod pa rnams kyang spyod cing bzhugs shig /sbyin pa dag kyang sbyin par mdzod cig /bsod nams dag kyang mdzod cig ces zer ro/ /de nas rgyal po
17a7 gzugs can snying pos/nag pa glang chen gnas kyis bslab pa rnams phul te/ nyams par byas so zhes thos nas rgyal pos de dgug pa btang nas de la sngon gyi las thabs byin no/ /de nas dge slong mang po de dag snga dro sham thabs dang chos gos bgos te/ lhung
17b1 bzed bsnams nas/rgyal po'i khab tu bsod snyoms la dong ste/ dge slong mang po de dag rgyal po'i khab tu bsod snyoms la rgyu ba dang / nag pa glang chen gnas kyis bslab pa rnams phul te/ nyams par byas so zhes thos so/ /thos nas kyang rgyal po'i khab
17b2 nas bsod snyoms blangs nas/zan zos te/ zas phyis len pa spangs nas lhung bzed dang chos gos bzhag ste/ rkang pa bkrus nas/ bcom ldan 'das ga la bzhugs pa der dong ste lhags nas/ bcom ldan 'das kyi zhabs la mgo bos phyag 'tshal te/ phyogs
17b3 gcig tu 'khod do//phyogs gcig tu 'khod nas/ dge slong mang po rnams kyis bcom ldan 'das la 'di skad ces gsol to/ /btsun pa 'di na bdag cag dge slong mang po snga dro sham thabs dang chos gos 'tshal te/ lhung bzed thogs nas/ rgyal po'i khab tu
17b4 bsod snyoms la mchis pa na/btsun pa bdag cag dge slong mang po rgyal po'i khab tu bsod snyoms la rgyu ba rnams kyis/ nag pa glang chen gnas kyis bslab pa rnams phul te/ nyams par bgyis so zhes thos lags so/ /bcom ldan 'das kyis dge slong rnams
17b5 la bka' stsal pa/dge slong dag rigs kyi bu de ni yun ring du khyim du mi gnas te/ de ni yang nga'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur ro zhes bka' stsal to/ /de nas phyi zhig na bcom ldan
17b6 'das kyis nag pa glang chen gnas 'dul ba'i dus la bab par gzigs nas/snga dro sham thabs dang chos gos gsol te/ lhung bzed bsnams nas/ rgyal po'i khab tu bsod snyoms la gshegs te/ mthar gyis rgyal po'i khab tu bsod snyoms bzhes nas/
17b7 nag pa glang chen gnas kyi khyim gang na 'dug pa der gshegs te byon nas/ khyim gyi sgo na gzhes te/ de drang ba'i phyir 'od zer bkye nas des de'i khyim thams cad gser zhun ma'i kha dog lta bur snang bar gyur to/ /de nas nag pa glang chen gnas kyis bsams pa/ 'od 'di
18a1 su'i yin zhig gu bcom ldan 'das kho na'i yin gor ma chag na/bcom ldan 'das ga la ba der bzhugs te/ bdag la dgongs zhig gu snyam pa dang de'i skabs su phrin pa 'ong nas/ nag pa glang chen gnas la sbran te/ bcom ldan 'das sgo na bzhugs
18a2 so zhes byas so//de nas gus par bsgrim pas bcom ldan 'das ga la bzhugs pa der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das ga la ba de logs su thal mo sbyar ba btud nas/ bcom ldan 'das la gsol pa/ bcom ldan
18a3 'das kyis bka' ci stsal pa lags/bcom ldan 'das kyis bka' stsal pa/ khyod khyim na gnas pa thong la tshur shog /yang nga'i thad du rab tu byung shig ces bka' stsal to/ /'di ltar bcom ldan 'das kyis ni/ tshe rabs gzhan dang gzhan dag tu bla ma dang bla ma'i gnas lta bur gyur pa su'i
18a4 ngag kyang ma bcag pas na/bcom ldan 'das kyi bka' yang sus kyang gcog nus pa med do/ /de nas des gsol pa/ bcom ldan 'das kyis bka' ci ltar stsal pa bzhin du 'tshal lo zhes gsol nas/ bcom ldan 'das kyi phyi bzhin du 'brang ste/ bcom ldan
18a5 'das kyis 'od ma'i tshal du khrid nas rab tu phyung ste/bsnyen par rdzogs par mdzad nas de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so/ /de nas dge slong
18a6 rnams kyis sangs rgyas bcom ldan 'das la zhus pa/btsun pa nag pa glang chen gnas kyis las ci bgyis na/ las de'i rnam par smin pas/ bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung
18a7 nas nyon mongs pa thams cad spangs te/dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to/ /gsol pa/ btsun pa 'dis smon lam gang du btab lags/ bcom ldan 'das kyis bka'
18b1 stsal pa/dge slong dag sngon byung ba 'das pa'i dus na/ ri khrod kyi grong zhig na/ khyim bdag nag pa zhes bya ba/ phyug cing nor mang la longs spyod che ba/ yongs su 'dzin pa/ yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang
18b2 'gran pa zhig gnas pa las/phyi zhig na de dpyid kyi dus na/ shing yal ga 'khrigs shing me tog rgyas pa'i skyed mos tshal gyi sar byung ngo / /sangs rgyas 'jig rten du mi 'byung ba'i tshe/ rang sangs rgyas sdug cing phongs pa rnams la snying brtse ba bas mtha'i gnas mal
18b3 na gnas pa/'jig rten gyi yon gnas gcig pu rnams 'jig rten du 'byung ste/ rang sangs rgyas zhig ri khrod der bsod snyoms la 'gro 'dod nas/ des skyed mos tshal de na rol mo'i sgra grags pa thos nas/ des bsams pa/ bdag dgang dka' ba'i lto
18b4 'di'i phyir ri khrod du 'gro ci dgos kyis/skyed mos tshal 'di'i nang du song dang / 'di nas bdag gi bsod snyoms 'byung bar 'gyur ro snyam ste/ rang sangs rgyas de skyed mos tshal der song nas/ khyim bdag des de lus mdzes pa dang / sems mdzes pa de mthong ngo / /
18b5 mthong nas kyang khyim bdag de rang sangs rgyas de la shin tu dga' bar gyur to/ /de dga' bar gyur nas bshos gsol te/ smras pa/ 'phags pa khyod ga la bzhugs/ bdag gis khyod kyi bsnyen bkur bgyi'o/ /rang sangs rgyas kyis smras pa/ nags khrod
18b6 ga ge mo zhig na 'dug go zhes smras nas/rang sangs rgyas de song ngo / /de nas khyim bdag des dus dus su nags khrod der bshos 'bul zhing bsnyen bkur yang byed do/ /de nas yang phyi zhig na khyim bdag de de blta ba'i phyir song ba las/ rang sangs rgyas de shing zhig gi
18b7 drung du gnas bcas te/klu'i rgyal po lus bskyil te gnyid log pa bzhin skyil mo krung bcas te 'dug go/ /de nas khyim bdag des rang sangs rgyas de rab tu dben par gnas pa de mthong nas/ de yang rab tu dbyung bar 'dod pa'i sems skyes so/ /de nas de
19a1 rang sangs rgyas de'i thad du song nas rkang pa la mgo bos phyag 'tshal te smras pa/'phags pa bdag rab tu phyung zhig dang / bdag kyang khyod kyi thad du tshangs par spyod pa spyad par 'tshal lo/ /rang sangs rgyas kyis smras pa/ nga ni rab tu 'byin
19a2 par mi byed do//drang srong rnams rab tu 'byin par byed kyis drang srong rnams kyi nang du song la rab tu 'byung bar gyis shig /de nas de thos ma thag tu khyim bdag des khyim gyi 'khor btang nas/ sbyin pa byin cing bsod nams dag byas te/ drang srong rnams kyi nang du
19a3 rab tu byung nas/de der rab tu byung ste/ bsam gtan bzhi dang / mngon par shes pa lnga bskyed do/ /de rab tu byung nas/ rang sangs rgyas de yongs su mya ngan las 'das so/ /de nas drang srong de'i blo skyes pa bdag song la yon gnas kyi mchog dge ba'i bshes gnyen de
19a4 la bsnyen bkur bya'o//'on kyang de las bdag gis gong ma'i khyad par rtogs par 'gyur ro snyam ste/ de nags khrod der song ba las/ des der rang sangs rgyas de ni ma mthong gis/ rang sangs rgyas gzhan zhig nags khrod der mthong nas/ des de la dris pa 'phags
19a5 pa/dge slong sha tshugs dang / kha dog 'di lta bu zhig nags khrod 'di na 'dug 'dug pa gar song / rang sangs rgyas kyis smas pa/ yongs su mya ngan las 'das so/ /des smras pa/ de gang du mya ngan las 'das/ de nas rang sangs rgyas des de'i sku gdung
19a6 de dag bstan to//de nas de'i sku gdung gi mchod rten brtsigs nas bdug pa dang / phye ma dang / spos dang / me tog rnams kyis bkur sti byas te/ smon lam btab pa/ kye ma dge ba'i rtsa ba 'dis na bdag gang dang gang du skye bar 'gyur ba de dang der/ phyug
19a7 cing nor mang la longs spyod che ba'i rigs su skye bar shog shig /'di bas kyang ches khyad par du 'phags pa'i ston pa bdag gis mnyes par byed par gyur cig /mi mnyes par byed par ma gyur cig /yon tan 'di lta bu dag kyang bdag gis thob par shog shig /
19b1 ces des smon lam btab nas/ sa phyogs de nas song ngo / /de nas phyi zhig na/ de shi 'phos te/ dus las 'das nas tshangs pa'i 'jig rten du skyes so/ /dge slong dag ji snyam du sems/ de'i tshe khyim bdag nag par gyur pa gang yin pa de ni nag pa glang
19b2 chen gnas 'di kho na yin te/des rang sangs rgyas de la bkur sti byas nas/ smon lam btab pa'i las de'i rnam par smin pas/ gang dang gang du skyes pa de dang der phyug cing nor mang la longs spyod che ba'i rigs su skyes te/ rang sangs rgyas bye ba 'bum phrag pas
19b3 kyang ches khyad par du 'phags pa/nga lta bu 'dis mnyes par byas te/ mi mnyes par ma byas la/ nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas so/ /de nas dge slong rnams kyis sangs rgyas
19b4 bcom ldan 'das la gsol pa/btsun pa nag pa glang chen gnas mchis brang gis thabs bgyis te/ 'dod pa spyad du stsal ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di chung ma des
19b5 thabs byas nas/ji ltar 'dod pa spyod du bcug pa de nyon cig /dge slong dag sngon byung ba 'das pa'i dus na/ grong khyer bA rA Na sI na/ rgyal po tshangs pas byin zhes bya ba rgyal po byed de/ de'i tshe rgyal po tshangs pas byin gyi mdun na 'don/ bram ze mes sbyin zhes bya ba
19b6 zhig yod de/phyi zhig na de'i chung ma la bu chags nas/ bu mtshe ma gnyis byung ste/ de gnyis kyi btsas ston rgyas par byas nas/ khye'u 'di gnyis kyi ming ci skad gdags zhes ming 'dogs par byed de/ khye'u 'di gnyis mes sbyin gyi bu yin pas na/ khye'u gcig gi ming
19b7 ni me'i bu zhes gdags so//gcig gi ming ni me lce zhes gdags so zhes zer ro/ /de nas khye'u me'i bu dang / me lce gnyis 'o ma dang / zho dang / mar dang / zhun mar dang / mar gyi snying gus bskyed bsrings nas/ gang gi tshe de gnyis cher skyes pa de'i tshe/ yi ge dang /
20a1 bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid 'gal ba yod ni ma red/
20a2 srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram zer gyur to/ /de gnyis mthar gyis rig pa'i
20a3 gnas brgyad la byang bar gyur to//phyi zhig na de gnyis kyis phas chos dang chos ma yin pas rgyal srid 'dzin pa mthong ngo / /de phyi zhig na de gnyis kyis blo skyes pa/ pha med pa'i 'og tu ni bdag cag gnyis pha'i las thabs su bsko bar 'gyur gyi/ bdag cag
20a4 gnyis khyim na gnas pa btang ngo zhes zer ro//'di skad ces kyang zer te/ 'jig rten pha rol gyis 'jigs pa'i mis ni rgyal srid kyi phyir bsad pa dang / bcing ba dang / brdeg pa'i las byed pa bas/ nags khung du shing shun gyi gos gyon zhing shing tog za la/
20a5 gcan gzan dag dang lhan cig gnas kyang bla'i zhes zer nas/ pha ma la gsol te/ yab yum bdag cag gnyis dka' thub kyi nags tshal du mchi'o zhes byas so/ /pha ma gnyis kyis smras pa/ bu gnyis gang gi phyir/ drang srong rnams dka' thub spyod pa de ni
20a6 khyod gnyis kyi lag na 'dug ste/nged shi ba'i 'og tu khyed gnyis cod pan med pa'i rgyal srid 'dzin par 'ong ngo / /khye'u de gnyis kyis smras pa/ bdag cag gnyis 'jigs pa yang 'di kho na yin te/ de'i phyir na nags khung du gnas bca' bar 'dod pas na/ bdag
20a7 cag gnyis ni 'dod pa la longs spyod pa'i rngo mi thogs so//de ltar pha ma gnyis kyis de gnyis la lan mang du bkag kyang dgag ma nus nas/ de gnyis la pha mas smras pa/ rab tu byung bar gyis la/ gal te khyad par cung zad thob par gyur na/ nged gnyis la
20b1 bltar shog shig ces byas so//de nas de gnyis kyis smras pa/ khyed gnyis ci ltar dgyes pa bzhin du 'tshal lo zhes byas nas/ khye'u de gnyis kyis pha ma la 'phyi phyag 'tshal te/ nags khung du gnas bcas so/ /de gnyis der rab tu byung nas/ bsam
20b2 gtan bzhi dang /mngon par shes pa lnga bskyed do/ /de nas phyi zhig na de gnyis kyi blo skyes pa/ bdag cag gnyis kyis pha ma la dam bcas pa/ gal te khyad par cung zad thob par gyur na/ khyed gnyis la bltar 'ong ngo zhes byas so/ /'dong ngo zhes zer nas steng
20b3 gi nam mkha' la dong ste/pha ma gnyis kyi thad du phyin to/ /de nas de mthong ma thag tu pha ma gnyis de gnyis la shin tu dga' bar gyur to/ /de dga' bar gyur nas smras pa/ khyed gnyis kyang bsod snyoms 'dod la/ nged gnyis kyang bsod nams 'dod kyis/
20b4 'dir bdag cag gi skyed mos tshal du gnas par gyis shig dang / bdag cag gnyis kyis khyed gnyis kyi zan sbyar ro zhes byas so/ /de gnyis kyis smras pa/ khyed gnyis ji ltar dgyes pa bzhin du bgyi'o zhes byas nas/ skyed mos tshal de nyid du yal ga dang / lo
20b5 ma'i spyil po bcas nas 'khod do//de nas de gnyis bA rA Na sI'i phyogs kun tu bkur sti bya ba dang / bla mar bya ba dang / ri mor bya ba dang / mchod pa bya ba'i gnas su gyur to/ /de nas rgyal po tshangs pas byin gyis mdun na 'don mes sbyin gyi bu gnyis de ltar rdzu 'phrul che
20b6 zhing mthu che bar gyur to zhes thos nas thos ma thag tu ngo mtshar du gyur to//g.yar drangs nas zan byin no/ /zan byin nas rkang pa la phyag 'tshal te/ smras pa/ dus dus su khyed gnyis nga la bltar shog shig ces byas so/ /de nas de gnyis kyis smras pa/ lha ji ltar dgyes
20b7 pa bzhin du bgyi'o zhes byas nas de gnyis song ngo //de nas dus dus su de gnyis steng gi nam mkha' las 'gro zhing / rgyal po'i pho brang du 'dong bar byed de/ rgyal po tshangs pas byin la bltar 'gro'o/ /rgyal po tshangs pas byin gyis kyang de gnyis 'ong nas nam
21a1 mkha' de nyid las pang du blangs te/stan la bzhag nas/ bza' ba dang bca' ba gtsang ma bzang po mang pos tshim par byas te/ chos mnyan pa'i phyir de mdun du 'dug go/ /de nas phyi zhig na rgyal po tshangs pas byin gyis 'bangs ri khrod pa rnams log
21a2 nas dpung gi tshogs go bskon te chas nas/des bu mo la bsgo ba/ bu drang srong de gnyis nam 'ongs pa dang / ngas ci ltar bkur sti byed pa de kho na bzhin du khyod kyis kun gyis shig ces byas nas/ rgyal po de song ngo / /de nas phyi zhig na rgyal po'i pho brang du drang srong me'i
21a3 bu don ci zhig yod pa'i phyir/des drang srong me lce btang ste/ de steng gi nam mkha' las rgyal po'i pho brang du 'ongs nas/ bu mo des drang srong nam mkha' la 'dug pa pang du blangs te 'khyud nas stan la bzhag go/ /bud med rnams ni reg na gdug pa yin te/ bu mo des reg
21a4 ma thag tu drang srong me lce rdzu 'phrul de las nyams so//bu mo de yang drang srong de gzugs bzang zhing blta na sdug la mdzes pa mthong nas chags par gyur te/ de de dang gnas dben pa zhig tu zhugs nas de dang lhan cig nyal po byas so/ /de nas de'i btsun mo'i 'khor
21a5 gyis tshor te/de dag gis bsams pa/ gal te bdag cag gis drang srong 'di la tshig 'ga' zhig byas na ni/ drang srong 'di rdzu 'phrul che bas dmod pa 'dor srid do snyam ste/ de dag 'jigs skrag nas/ cung zad kyang ma smras so/ /drang srong de yang rgyal po'i pho
21a6 brang de nyid du 'dug cing rkang pas 'gror ngo tsha ste ma phod do//de nas phyi zhig na rgyal po tshangs pas byin gyis ri khrod pa phab nas phyir log ste/ rgyal po'i pho brang du 'ongs pa dang / des drang srong me lce 'dir 'ongs so zhes thos nas/ thos ma thag tu rgyal po de de la bltar song ste/
21a7 des bza' ba dang / bca' ba gtsang ma bzang po mang po dag phul lo/ /bu mos kyang drang srong de'i skom khyer te 'ongs so/ /de nas de mthong ma thag tu drang srong de shin tu chags par gyur to/ /drang srong de myos pa tsam du chags par gyur nas/ rgyal po de'i spyan sngar
21b1 lag pa brkyang nas/lag pa nas bzung zhes byas pa dang / rgyal po des mthong nas mthong ma thag tu ral gri rnon po thogs te/ drang srong de gsad par byas pa dang / bu mos mthong nas drang srong de la smras pa/ mkhan po ci lags/ khyod gsang nan dgos pa'i phyir
21b2 'khrul te khyod kyis 'dir phyag brkyang lags sam zhes byas so//de nas rgyal po tshangs pas byin de de bzhin du yid ches par gyur te/ drang srong 'di 'khrul to snyam du bsams nas/ skyen par skom phul lo/ /de nas de la zan byin nas chos nyan pa'i phyir mdun du 'dug
21b3 go//de nas drang srong me'i bu dka' thub kyi nags tshal na 'dug pas bsams pa/ ji drang srong de da tsam gyi bar du ma 'ong na ci snyam ste/ des bltas na 'dod pa spyod par gyur la/ skabs su chud cing 'dug pa mthong nas/ 'di deng du srog yal bar gyur srid do snyam nas/ steng
21b4 gi bar snang las rgyal po'i pho brang du 'ong ngo //rgyal po tshangs pas byin gyis kyang / drang srong de nam mkha' de nyid las pang du blangs nas/ stan la bzhag ste/ chos mnyan pa'i phyir mdun du 'dug go/ /de nas des rgyal po de la chos tha gi tsam bshad nas/ nu bo
21b5 khrid de steng gi nam mkha' las dka' thub kyi nags tshal du song ngo //de nas des de la yid la byed pa'i man ngag phog nas/ des phyir yang bsam gtan bzhi dang / mngon par shes pa lnga bskyed do/ /de nas phyi zhig na rgyal po tshangs pas byin gyi btsun mo'i 'khor rnams
21b6 kyis bsams pa/bu mo 'dis ma legs pa 'di lta bu byas pa de/ gal te bdag cag gis ma gsol na/ bdag cag la yang 'di'i phyir gyod 'byung bar 'gyur ro snyam nas/ de rnams kyis rgyal po la gsol to/ /de nas de thos ma thag tu rgyal po tshangs pas byin
21b7 zhe sdang chen po'i dbang du gyur nas/des dpung gi tshogs yan lag bzhi go bskon nas/ drang srong de'i gnas su song nas/ drang srong me lces rgyal po tshangs pas byin dpung gi tshogs yan lag bzhi dang chas te 'ongs pa mthong ngo / /mthong nas kyang sems pa la
22a1 zhugs te/'di bsam pa ci lta bu zhig gis 'dir 'ongs snyam ste/ des bltas na bdag gsad par 'dod do snyam du rig nas/ de nyid dad pa bskyed pa'i phyir/ steng gi bar snang la mngon par 'phags te 'dug go/ /de nas rgyal po tshangs pas byin
22a2 gyis drang srong me lce steng gi bar snang la mngon par 'phags te 'dug pa mthong nas/mthong ma thag tu de'i khro ba'i kun nas dkris pa de med par gyur te/ the tsom skyes pa/ ji 'di ngas ji skad thos pa de bzhin du gyur tam/ 'on te ma gyur zhig gu snyam nas/ tshigs su
22a3 bcad de smras pa/bram ze me lce bdag gis ni/ /'dod pa spyod ces sngar thos na/ /tshig de bden pa yin nam ci/ /'on te ci lags mi spyod dam/ /rgyal po chen po de bden te/ /khyod kyis gzhan la thos pa bzhin/ /bdag ni lam ngan zhugs gyur te/ /chags
22a4 pa'i gnas su myos par gyur//de nas rgyal po tshangs pas byin the tsom skyes te/ drang srong me'i bu'i thad du song nas/ des drang srong de la dris pa/ drang srong ci lags/ de'i slad du bdag gis ji skad thos pa de kho na bzhin lags sam/ drang srong gis smras pa/ rgyal po
22a5 chen po de kho na bzhin du bden mod kyis/nyon mongs pa rnams ni de ltar mthu che'o/ /rgyal pos smras pa/ 'o na 'di ltar 'dod pa yang longs spyod par byed la/ rdzu 'phrul 'di lta bu dag dang yang ldan/ drang srong gis smras pa/ rgyal po chen po drang srong 'di gang gi tshe/
22a6 'dod pa la spyod par gyur pa de'i tshe ni rdzu 'phrul las nyams so/ /'di gnas de nas bdag gis khrid de de la lung yang phog /yid la byed pa'i thabs kyang bstan nas/ 'dis kyang phyir yang rdzu 'phrul bskyed do/ /de nas de thos ma thag tu rgyal po de de la dga' bar gyur nas
22a7 des drang srong de'i rkang pa la phyag 'tshal te bzod pa gsol nas song ngo //dge slong dag ji snyam du sems/ de'i tshe drang srong me'i bur gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe de'i nu bor gyur pa gang yin pa de ni/ nag
22b1 pa glang chen gnas 'di kho na yin no//de'i tshe rgyal po'i bu mor gyur pa gang yin pa de ni/ chung ma 'di kho na yin te/ de'i tshe yang des tshangs par spyod pa'i gnas las nyams par byas te/ 'dod pa spyod pa la gnas par byas pa las/ de ngas de nas drangs te phyir yang bsam
22b2 gtan bzhi dang /mngon par shes pa lnga la gnas par byas la/ da ltar yang 'dis 'di tshangs par spyod pa'i gnas las nyams par byas nas/ 'dod pa la spyod pa la gnas par byas pa las de ngas de nas drangs te/ g.yung drung gi mthar thug pa grub pa dang / bde
22b3 ba'i mya ngan las 'das pa la bzhag go//gzhan yang yang dag par rdzogs pa'i sangs rgyas 'od srung gi gsung rab la 'di rab tu byung nas/ des der tshe gcig tu tshangs par spyod pa spyad nas/ dbang po rnams yongs su smin par byas pa des nad ltar rnam par grol
22b4 bar gyur to// //las brgya tham pa/ bam po nyi shu dgu pa/ sa ra na zhes bya ba ni/ gleng gzhi rgyal po'i khab na bzhugs te/ de'i tshe yul gyen du rgyal zhes bya ba na ni/ rgyal po rab snang zhes bya ba rgyal po byed do/ /yul dpa' rab ces bya ba na ni/
22b5 rgyal po 'char ka zhes bya ba rgyal po byed de/ de gnyis phan tshun mi 'thun par gyur pas/ dus dus su skye bo phal po che kha 'dog par byed do/ /de nas gang gi tshe tshe dang ldan pa kA t+yA ya na'i bus nyon mongs pa thams cad spangs te/ dgra bcom pa nyid mngon sum du byas pa
22b6 de'i tshe/des bsams pa bcom ldan 'das ni bdag gi sdug bsngal dang / yid mi bde ba mang po sel ba yin/ bde ba dang yid bde ba rnam pa du ma bsgrub pa yin/ sdig pa mi dge ba'i chos rnam pa du ma sel ba yin/ dge ba'i chos rnam pa du ma bsgrub pa yin la/ dge
22b7 ba'i bshes gnyen sangs rgyas bcom ldan 'das la brten te/rus pa'i ri las ni brgal/ khrag dang / mchi ma'i rgya mtsho ni bskams na/ bcom ldan 'das de'i bka' drin bdag gis ci ltar bsab par bya snyam mo/ /de nas yang bsams pa sangs rgyas bcom ldan 'das
23a1 'jig rten du 'byung ba gang yang rung ba de dag thams cad ni/sems can la phan pa'i phyir 'byung ba kho nar zad kyis/ ma la bdag gis kyang sems can la phan par bya'o snyam mo/ /de nas de sems pa la zhugs te/ bdag gis 'dul bar bya ba 'ga'
23a2 lta ci yod snyam pa dang /des bltas na yul dpa' rab ces bya ba na gnas pa'i skye bo mang po rnams lhag par bdag gis gdul bar bya ba yin par mthong nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/
23a3 bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /btsun pa bdag ljongs rgyu zhing mchi bar 'tshal lo/ /bcom ldan 'das kyis bka' stsal pa/ kA t+yA ya na'i bu khyod
23a4 song la bdag brgal nas gzhan sgrol shig /bdag grol nas gzhan grol bar gyis shig /bdag dbugs phyung nas gzhan dbugs phyung shig /bdag yongs su mya ngan las 'das nas/ gzhan yongs su mya ngan las zlos shig /de nas tshe dang ldan pa kA t+yA ya
23a5 na'i bus/bcom ldan 'das kyi zhabs la mgo bos phyag 'tshal te/ 'khor lnga brgya dang ljongs rgyu zhing song ngo / /de nas de mthar gyis rgyu zhing song song ba las/ yul gyen du rgyal du phyin te/ de der phyin nas rgyal po gtum po rab snang sangs rgyas kyi bstan pa la zhugs par
23a6 byas so//yul dpa' rab tu song nas/ rgyal po 'char ka dad pa phun sum tshogs pa la gnas par byas so/ /skye bo phal po che yang bcom ldan 'das kyi bstan pa la dad par byas so/ /de nas phyi zhig na yul dpa' rab kyi rgyal po 'char ka'i btsun mo la bu chags nas/ de zla ba dgu'am
23a7 bcu lon pa dang /bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ ming sa ra na zhes btags so/ /de nas khye'u sa ra na 'o ma dang / zho dang / mar dang / zhun mar dang mar gyi nying gus bskyed bsrings te/ mtsho'i
23b1 nang gi pad ma bzhin du sku drag par gyur to//de nas de gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che zhon pa dang / rta
23b2 zhon pa dang /mtshon cha bcang ba dang / 'phong dang / mdun du bsnur ba dang / phyir bsnur ba dang / g.yul las thar bar bya ba dang / lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse
23b3 gcig pa gdab pa dang /'khor lo 'phang ba dang / gcad pa dang / gsheg pa dang / lag pas gzung ba dang / rkang pa'i stabs dang / mgo bo bskyab pa dang / rgyang mar 'phog pa dang / sgra grag par 'phog pa dang / gnad du 'phog pa dang / gdon mi za bar 'phog par bya
23b4 ba dang /tshabs cher gtang ba rnams kyang bslabs nas gnas lnga la byang bar gyur to/ /de nas phyi zhig na gzhon nu sa ra na tshe dang ldan pa kA t+yA ya na'i bu las brten nas/ bcom ldan 'das kyi bstan pa la dad pa rnyed de/ skyabs su 'gro ba dang bslab pa'i gzhi rnams blangs so/ /
23b5 de nas des bltas na pha chos dang chos ma yin pas rgyal po byed pa mthong ngo / /de nas des bsams pa/ yab nongs pa'i 'og tu ni bdag rgyal sar 'jug par 'ongs te/ bdag la rgyal srid mi dgos kyis/ bcom ldan 'das kyi bstan pa la rab tu byung la chu bo rnams las
23b6 brgal bar bya ba dang /sbyor ba rnams las 'da' bar bya ba'i phyir/ brtson pa dang / bsgrub pa dang / 'bad par bya'o snyam nas yab yum la gsol te/ tshe dang ldan pa kA t+yA ya na'i bu'i thad du rab tu byung ste/ bsnyen par rdzogs so/ /de nas tshe dang ldan pa kA t+yA ya na'i bus
23b7 bsams pa/yul 'di nas bkar dgos so snyam nas/ de khrid de yul gyen du rgyal du song nas de na 'khod do/ /de nas phyi zhig na tshe dang ldan pa sa ra na snga dro chos gos dang / sham thabs gyon te/ lhung bzed thogs nas grong khyer gyen du rgyal du bsod snyoms la
24a1 song ngo //de yang spyod yul rgyus mi shes la lam po che dang srang gi rgyus la mi mkhas pa zhig ste/ de mthar gyis bsod snyoms rgyu zhing song song ba las/ rgyal po gtum po rab snang gi pho brang gi chab sgor phyin nas chab sgo ba rnams med pa'i skabs su de rgyal po'i
24a2 pho brang gi nang du song nas/de rgyal po'i btsun mo rnams kyis mthong na/ gzugs bzang zhing blta na sdug la mdzes te/ lus kyi sha rgyas par 'dug go/ /de nas de mthong ma thag tu de dag de la shin tu dga' bar gyur te/ de dag gis bsams pa/ dge slong 'di 'di ltar
24a3 gzugs bzang zhing mdzes la na gzhon la/tshangs par spyod pa la yang gnas so snyam mo/ /de nas de dag dga' bar gyur pas de'i stan bshams te 'dug tu bcug nas/ bza' ba dang bca' ba gtsang ma bzang po mang pos tshim par byas nas/ tshe dang ldan pa sa ra na bskor te chos
24a4 mnyan pa'i phyir gung la bzhag go//de nas de de na 'dug pa'i skabs su rgyal po gtum po rab snang btsun mo'i 'khor du 'ongs so/ /btsun mo rnams kyi lugs kyis na gang gi tshe/ rgyal po btsun mo'i 'khor du 'ong ba de'i tshe/ langs te bsur 'gro ba yin na de rnams chos nyan pa
24a5 las 'dun ches nas ldang ba dang bsu ba yang ma byas so//de nas rgyal po gtum po rab snang gis bsams pa/ ma la bdag btsun mo rnams kyis ma bsu ba 'di ci las gyur snyam nas/ rgyal pos de 'phrigs te/ khros bzhin du btsun mo'i 'khor du song ngo / /de der song ste
24a6 bltas na tshe dang ldan pa sa ra na btsun mo rnams kyis bskor ba mthong nas/rgyal po de lhag par yang khro ba'i kun nas dkris pa skyes te/ de khros nas bsams pa/ dge slong gis nga'i chung ma mthong gis med do snyam mo/ /de nas des bsam pa/ re zhig 'di 'dod chags
24a7 dang bral ba yin nam/'on te 'dod chags dang ma bral ba yin brtag par bya'o snyam ste/ de nas tshe dang ldan pa sa ra na la smras pa/ ci khyod dgra bcom pa yin nam/ des smras pa/ rgyal po chen po ma yin no/ /rgyal pos smras pa/ ci khyod phyir mi 'ong ba dang / lan cig phyir 'ong ba dang
24b1 rgyun du zhugs pa thob pa yin nam/'du shes med 'du shes med min skye mched dang / ci yang med pa'i skye mched dang / rnam shes mtha' yas skye mched dang / nam mkha' mtha' yas skye mched thob pa yin nam/ bsam gtan bzhi pa dang / gsum pa dang / gnyis pa dang / bsam gtan
24b2 dang po thob pa yin nam/des smras pa rgyal po chen po ma yin no/ /de nas rgyal pos bsams pa/ dge slong 'di 'dod chags dang bral ba ma yin la/ 'di mkhan po dang slob dpon gyis ma bslabs kyis ngas 'di bslab par bya'o snyam nas/ zham ring ba rnams bos te
24b3 de lcag gis zhen par bzhus te btang ngo //de nas de lcag gis bzhus pas pags pa ral nas khros te bsams pa bdag ma nyes par dus ngan pa'i rgyal po gtum po 'dis brdegs kyis/ bdag pha'i yul du song la pha'i yul du 'dug ste/ dpung gi tshogs yan lag bzhi go
24b4 bskon te song la/dus ngan pa'i rgyal po gtum po 'di/ rdul bton te btang ngo snyam nas/ tshe dang ldan pa kA t+yA ya na'i bu ga la 'dug pa der song ste phyin nas/ tshe dang ldan pa kA t+yA ya na'i bu'i rkang pa la phyag 'tshal te/ smras pa/ mkhan po bdag ma nongs par dus
24b5 ngan pa'i rgyal po gtum po des/bdag ma nyes par brdegs pas na bdag pha ma'i yul du mchis te/ der mchis nas dpung gi tshogs yan lag bzhi go bskon te mchis la/ dus ngan pa'i rgyal po gtum po de rdul bton te btang gis/ bslab pa'i gzhi rnams
24b6 bzhes su gsol/gnas brtan gyis smras pa/ bu khro ba'i dbang du ma 'gro shig /bcom ldan 'das kyis rab tu byung bas ni/ 'jig rten gyi chos brgyad de/ rnyed pa dang / ma rnyed pa dang / grags pa dang / grags pa ma yin pa dang / bstod pa dang / smad pa dang /
24b7 bde ba dang / sdug bsngal ba thams cad bzod par bya'o zhes ma gsungs sam zhes byas te/ gnas brtan des de la lan mang du bkag kyang dgag ma nus nas/ tshe dang ldan pa kA t+yA ya na'i bus de la smras pa/ bu de ltar khyod 'gro 'dod na da ltar ni nam sros su nye ste/
25a1 lam na seng ge dang / stag dang / gzig dang / dred mo rnams kyi 'jigs pa yod kyis do nub kyi tshe la 'dir 'dug la nang par song shig ces byas so/ /de nas des smras pa/ mkhan pos ci skad bka' stsal pa bzhin 'tshal lo zhes byas nas/ gnas
25a2 brtan de de dang gnas khang gcig tu nyal te/tshe dang ldan pa kA t+yA ya na'i bus de bzlog pa'i phyir des byin gyis brlabs te/ ci nas de nyal ba'i rmi lam du des bslab pa phul te/ pha'i yul du song nas phas de'i rgyal srid la dbang byed du bcug ste/ dpung gi tshogs yan lag
25a3 bzhi byin nas 'di skad ces bsgo ste/khyod kyis thog ma kho nar las su bya ba ni dgra tshar gcod par gyis shig /ces byas nas/ de thos ma thag tu des dpung gi tshogs yan lag bzhi go bskon nas/ rgyal po gtum po rab snang gi yul du dmag drangs pa las/ rgyal po
25a4 gtum po rab snang gis de'i g.yul pham par byas te/thub par byas nas/ rgyab kyis phyogs par byas te/ gson por bzung nas gsod du btang ste/ de nas gshed ma'i mi rnams kyis khrid de gsod pa'i sar phyin du nye ba dang / des bltas na rmi lam nyid na tshe dang ldan pa
25a5 kA t+yA ya na'i bu grong khyer gyen du rgyal na bsod snyoms byed cing 'dug pa mthong nas des kus btab ste/mkhan po bdag gi skyabs mdzad du gsol/ bdag la dka' ba mdzad pa dang / srog phangs pa sbyin par mdzad du gsol/ zhes zer zhing 'dug pa rmi lam mthong bar
25a6 byin gyis brlabs so//de nas de des skrag nas sad kyang rmi lam la yang dag pa tsam du 'dzin cing de bzhin du rdol nas/ tshe dang ldan pa kA t+yA ya na'i bus de la smras pa/ bu khyod kyis rmi lam mthong bar zad kyis ma 'jigs shig /de nas de thos ma thag tu sa ra na dga'
25a7 bar gyur nas sems pa la zhugs te/sa ra na zhes bya ba de ni nga nyid yin zhing 'dug la/ bdag gis ni sems can gcig la yang 'tshe ba ma byas na/ da bdag khro ba'i dbang du song ste/ rmi lam du yang skye bo mang po de snyed bsad kyis/ don du gnyer ba 'di lta bu bdag gis
25b1 btang ngo snyam mo//de nas gnas brtan gyis de'i yid skyo bar gyur par rig nas/ de dang 'thun pa'i chos bstan te/ des na sa ra nas stan de nyid la 'dug bzhin du nyon mongs pa thams cad spangs te/ dgra bcom pa nyid mngon sum du byas so/ /de nas rgyal po gtum po rab
25b2 snang gis bdag gis dge slong lcag gis bzhus pa gang yin pa de/rgyal po 'char ka'i bu yin no zhes thos nas/ de'i thad du song ste rkang pa la phyag 'tshal nas bzod pa gsol te/ de nyid las brten nas tshe dang ldan pa kA t+yA ya na'i bu zhag bdun gyi bar du bshos la spyan drangs
25b3 so//de nas phyi zhig na tshe dang ldan pa kA t+yA ya na'i bus bsams pa/ rnyed pa dang bkur sti skyes kyis bcad dgos so snyam nas/ tshe dang ldan pa sa ra na dang lhan cig tu rgyal po'i khab tu song ngo / /de nas tshe dang ldan pa sa ra na ji ltar gyur pa'i skabs de dge slong rnams kyis thos so/ /
25b4 thos nas kyang bcom ldan 'das la zhus pa/ btsun pa sa ra nas las ci bgyis na las de'i rnam par smin pas phyug cing nor mang la longs spyod che ba'i rigs su skyes lags/ las ci bgyis na las de'i rnam par smin pas/ rgyal po gtum po rab snang gis lcag gis bzhus la/
25b5 'dis bcom ldan 'das kyang mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/
25b6 dge slong dag 'di nyid kyis las byas shing bsags te/ dge slong dag sngon byung ba 'das pa'i dus na/ grong khyer bA rA Na sI na rgyal po tshangs pas byin rgyal po byed do/ /phyi zhig na de'i btsun mo'i 'khor gyis zham ring byas te/ skyed mos tshal gyi sar song ba las rgyal po gnyid kyis
25b7 log go//bud med rnams ni me tog dang / 'bras bu la sred de/ de'i btsun mo rnams skyed mos tshal der phan tshun du rgyu ba la zhugs so/ /sangs rgyas bcom ldan 'das rnams 'jig rten du mi 'byung ba de'i tshe/ rang sangs rgyas rnams 'jig rten du 'byung ste/ rang sangs
26a1 rgyas zhig skyed mos tshal der mtshan mo dgongs mal btab nas/lus mdzes pa dang / sems mdzes pa de lta bu bud med de dag gis mthong nas/ mthong ma thag tu de la sems dga' ba skyes so/ /dga' ba skyes nas rkang pa la phyag 'tshal te/ chos mnyan pa'i
26a2 phyir mdun du 'khod do//de nas rgyal po de sad nas/ btsun mo'i 'khor mi snang na/ khros te ral gri rnon po thogs nas/ rjes gar byung ba thog thag tu song ba las/ rgyal po des rang sangs rgyas de btsun mo'i 'khor la chos 'chad cing 'dug pa mthong ngo / /mthong nas kyang dge slong
26a3 gis nga'i chung ma mthong ngo snyam ste/de lhag par yang khro ba'i kun tu dkris pa skyes nas/ des zham ring 'khor rnams la bsgo ste/ rang sangs rgyas de lcag gis zhen par bzhus te btang ngo / /de nas rang sangs rgyas des bsams pa/ nyon mongs pa 'di ni smas zhing nyams par
26a4 gyur te/'di gtan du 'khyams na mi rung gis ra mda' bya dgos so snyam du bsams nas/ nam mkha' la 'phags te 'bar ba dang / lam mer 'dug pa dang / char 'bab pa dang / glog 'gyu ba la sogs pa'i cho 'phrul bstan no/ /so so'i skye bo rnams ni rdzu 'phrul gyis
26a5 myur du dad par gyur te/de mthong ma thag tu de la shin tu dga' bar gyur te/ dga' bar gyur nas sdong po sog les bcad pa bzhin du de'i rkang pa la phyag 'tshal te smras pa/ skal ba chen po dang ldan pa mar spyon/ bdag nyes par spyod pa'i 'dam du bying ba'i lag nas drongs shig
26a6 ces byas so//de nas rang sangs rgyas de de nyid la snying brtse ba'i phyir sa la babs nas des de'i rkang pa la phyag 'tshal te/ bzod par gsol nas/ ci srid 'tsho'i bar du yo byad thams cad bstabs te/ skyed mos tshal de nyid du yal ga dang lo ma rnams kyi spyil po phub nas/ yo byad
26a7 thams cad kyis bsnyen bkur byas so//de nas phyi zhig na rang sangs rgyas des bsams pa/ bdag la lus khol ba 'dis ci dgos kyis bdag zhi ba mya ngan las 'das pa'i khams su 'gro bar bya'o snyam nas 'bar ba dang / lam mer 'dug pa dang / char 'bab pa dang / glog
26b1 'gyu ba'i cho 'phrul bstan te/yongs su mya ngan las 'das so/ /de nas rgyal po des de'i sku gdung la mchod pa byas nas/ sku gdung gi mchod rten brtsigs te/ mchod rten de la bsnyen bkur chen po byas nas smon lam btab pa/ kye ma 'di ltar bdag gis sems can dag
26b2 pa 'di lta bu la gnod pa byas pa'i las 'di bdag gis myong bar ma gyur cig /bdag gis phyir yang bkur sti byas pa'i dge ba'i rtsa ba 'dis na/ bdag gang dang gang du skye bar 'gyur ba/ de dang der phyug cing nor mang la longs spyod che ba'i rigs su skye bar shog shig /'di bas
26b3 kyang ches khyad par du 'phags pa'i ston pa bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du byed par gyur cig ces byas so/ /dge slong
26b4 dag ji snyam du sems/de'i tshe rgyal po tshangs pas byin zhes bya bar gyur pa gang yin pa de ni sa ra na 'di kho na yin te/ des der rang sangs rgyas la gnod pa byas pa'i las de'i rnam par smin pas gang dang gang du skyes pa de dang der lus la lcag gis bzhus pas lcag 'og tu shi nas/
26b5 'dis rang sangs rgyas bye ba khrag khrig 'bum phrag bas kyang ches khyad par du 'phags pa nga lta bu mnyes par byas te/ mi mnyes par ma byas la nga nyid kyi bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du byas so/ /gzhan
26b6 yang yang dag par rdzogs pa'i sangs rgyas 'od srung gi gsung rab la 'di rab tu byung nas/'dis der tshe gcig tu tshangs par spyad de dbang po rnams yongs su smin par byas pa des na/ da ltar rnam par grol bar gyur to// //kyi brtul zhugs can zhes bya ba ni/ gleng
26b7 gzhi rgyal po'i khab na bzhugs te/de'i tshe yul bi de ha'i ljongs kyi kyi brtul zhugs can kyi pags pa gyon zhing rwa thogs pa/ rnams dang lhan cig tu rtswa za zhing chu 'thung ba lnga brgya tsam zhig 'khod do/ /sangs rgyas bcom ldan 'das bgrod pa gcig pu'i
27a1 lam ston pa/rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa 'gro ba lngar 'gro ba las rnam par grol ba/ skye mched drug la mkhas pa/ byang
27a2 chub kyi yan lag bdun la spyod yul ba/rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin
27a3 dus gsum mtshan dus gsum ste/nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni
27a4 ngan song du gzhol/su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las
27a5 'phags pa'i nor bdun gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis
27a6 brtol bar bya/su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus
27a7 las yol ba med//de nas bcom ldan 'das kyis dgongs pa/ kyi brtul zhugs can lnga brgya po rnams gdul ba'i dus la bab bo snyam du dgongs nas/ bcom ldan 'das kyis ci nas kyi brtul zhugs can de rnams kyis de dag rgyal po'i khab tu 'gro
27b1 bar mthong la/mthong nas de rnams kyang de dag dang lhan cig tu rgyal po'i khab tu 'gro bar 'gyur ba de lta bur byin gyis brlabs so/ /de nas de dag der song nas bcom ldan 'das kyis sprul pa'i de dag mi snang bar byas so/ /de nas skye bo phal po che de dag gis de
27b2 rnams mthong nas rnam par smod par byed do//de ltar smad nas de rnams rgyal po'i khab nas byung ste/ 'od ma'i tshal logs su chas so/ /de nas bcom ldan 'das kyis de rnams la thugs brtse ba'i phyir mdun du bzhugs so/ /de nas kyi brtul zhugs can lnga brgya po de
27b3 dag gis thag ring po zhig nas bcom ldan 'das mthong ngo //mthong nas kyang de dag bcom ldan 'das la dga' bar gyur to/ /dga' bar gyur nas bcom ldan 'das ga la bzhugs pa der dong ste lhags nas/ bcom ldan 'das kyi zhabs la mgo bos phyag 'tshal te/ chos
27b4 mnyan pa'i phyir spyan sngar 'khod do//de nas bcom ldan 'das kyis de rnams kyi bsam pa dang / bag la nyal dang / khams dang shes pa dang / rang bzhin thugs su chud nas de dang 'thun pa'i chos bstan te/ des na kyi brtul zhugs can lnga brgya po de dag gis stan de
27b5 nyid la 'khod bzhin du/bden pa mngon par rtogs pa'i mod la phyir mi 'ong ba'i 'bras bu mngon sum byas te/ de dag gis bden pa mthong nas/ bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu 'byung
27b6 ba dang /bsnyen par rdzogs shing dge slong gi dngos po 'thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis de dag la dge slong tshur shog ces bya ba'i tshig gis rab tu phyung ste/ bsnyen par rdzogs
27b7 par mdzad nas de dag la lung yang phog go//de dag gis kyang brtson pa dang / bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas so/ /de nas dge slong rnams kyis sangs rgyas bcom ldan 'das la zhus pa/ btsun pa bcom
28a1 ldan 'das dge slong 'di rnams kyis las ci bgyis na/las de'i rnam par smin pas kyi cha lugs su mchis la rnams dang lhan cig tu rtswa za zhing chu 'thung bar gyur nas/ 'di rnams kyis bcom ldan 'das mnyes par bgyis te/ mi mnyes par
28a2 ma bgyis la/bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di rnams nyid kyis las byas shing bsags te/ dge slong
28a3 dag sngon byung ba 'das pa'i dus na/bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i/ kha lo sgyur ba/ bla na med pa/ lha
28a4 dang mi rnams kyi ston pa/sangs rgyas bcom ldan 'das 'od srung zhes bya ba 'jig rten du byung ste/ de dge slong gi dge 'dun mang po dang thabs cig tu ljongs rgyu shing gshegs pa las/ rgyal po'i khab tu gshegs so/ /de'i tshe rgyal po'i khab na dka' thub kyi gnas zhig na bram
28a5 ze 'khor lnga brgya dang ldan pa zhig gnas pa des/bcom ldan 'das 'od srung 'khor dang bcas pa mthong ngo / /mthong nas kyang bram ze'i khye'u rnams la smras pa/ khye'u 'od srung gi dge slong bzhin du rgyu ba 'di dag la ltos/ 'di rnams ni gnas med de/ gang dga' bar rgyu bar
28a6 byed do zhes byas so//de nas phyi zhig na bram ze des/ bcom ldan 'das kyi bstan pa la dad pa rnyed nas/ de bram ze'i khye'u de dag dang lhan cig tu yang dag par rdzogs pa'i sangs rgyas 'od srung gi thad du rab tu byung ngo / /de dag der rab tu byung nas tshe gcig tu tshangs par spyod pa
28a7 spyad na yang /yon tan gyi tshogs ci yang ma thob nas/ de dag gis 'chi kar smon lam btab pa/ 'di ltar bdag cag gis yang dag par rdzogs pa'i sangs rgyas 'od srung gi bstan pa la rab tu byung nas/ tshe gcig tu tshangs par spyod pa spyad kyang yon tan gyi tshogs ci yang
28b1 ma thob kyis/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon
28b2 mongs pa thams cad spangs te/dgra bcom pa nyid mngon sum du byed par gyur cig ces byas so/ /dge slong dag ji snyam du sems/ de'i tshe dge slong lnga brgyar gyur pa gang yin pa de dag ni kyi brtul zhugs can 'di dag kho na yin te/ de rnams kyis der dge slong rnams
28b3 la tshig rtsub po smras te/'di dag ni bzhin du rgyu'o zhes byas pa'i las de'i rnam par smin pas/ tshe rabs lnga brgyar su skyes nas/ da ltar srid pa tha ma dang / gnas tha mar gyur pa'i bar du yang kyi cha lugs 'dzin par gyur to/ /de rnams kyis
28b4 der tshe gcig tu tshangs par spyod pa spyad nas/'chi kar smon lam btab ste/ yang dag par rdzogs pa'i sangs rgyas 'od srung gis/ bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig /mi mnyes
28b5 par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srung dang / shin tu mnyam pa dang /
28b6 shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon
28b7 sum du byas so// //zla ba zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na bram ze che zhing mtho ba zla ba bde ba zhes bya ba zhig gnas te/ des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod pa las/ phyi
29a1 zhig na de'i chung ma la bu mo chags nas/de la yid la 'dod pa 'di lta bu zhig skyes te/ gzhung gi rtsod pa rnams dang / lhan cig tu gtam zer yang ci ma rung snyam mo/ /de nas des khyim thab la bsnyad de/ jo bo bdag la yid la 'dod pa 'di lta bu zhig skyes
29a2 te/bdag gzhung gi rtsod pa rnams dang lhan cig tu gtam zer yang ci ma rung snyam bgyid do zhes byas so/ /bram ze de yang ltas la mkhas pa zhig ste/ de'i blo skyes pa 'di ni lto na 'dug pa'i sems can de'i mthu yin te/ des na de'i yid la 'dod pa de lta bu skyes so snyam mo/ /
29a3 de nas zla ba dgu'am bcu lon pa dang / bu mo gzugs bzang ba/ blta na sdug la mdzes pa zhig btsas te/ de'i btsas ston rgyas par byas nas/ bu mo 'di'i ming ci skad gdags zhes ming 'dogs par byed de/ de nas bu mo 'di zla ba bde ba'i bu mo yin pas na/ bu mo 'di'i ming zla ba
29a4 zhes gdags so zhes zer ro//de nas bu mo zla ba 'o ma dang / zho dang / mar dang / zhun mar dang / mar gyi nying gus bskyed bsrings te/ mtsho'i nang gi pad ma bzhin du skye drag par gyur nas/ gang gi tshe de chen mor gyur pa de'i tshe/ khyim de nyid du yi ge bslabs te/ de ring po ma lon par yi
29a5 ge mthar phyin nas/des khyim de nyid du pha las bstan bcos thams cad lobs te/ gzhung gi rtsod pa thams cad tshar bcad nas des tshig tu bya ba thos so cog lobs so/ /de nas phyi zhig na des mnyan du yod pa 'di nyid na dge sbyong gau ta ma thams cad mkhyen pa thams cad gzigs pa
29a6 yin par bdag nyid khas 'che ba zhig yod do zhes thos nas/thos ma thag tu bu mo de yang ya mtshan du gyur te/ bdag song la dge sbyong gau ta ma de ji 'dra ba blta bar bya'o snyam ste/ pha ma gnyis la gsol nas/ rgyal bu rgyal byed kyi tshal du song ste/ bu mo des thag ring po zhig nas
29a7 sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras
29b1 pa lta bu/blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta
29b2 bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro//de de ltar dga' ba skyes nas/ bcom ldan 'das ga la bzhugs pa der song ste phyin nas/ bcom ldan 'das kyi zhabs la mgo bos phyag 'tshal te/ chos
29b3 mnyan pa'i phyir spyan sngar 'khod do//de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na bu mo zla bas stan de nyid la 'dug bzhin du 'jig tshogs la lta
29b4 ba'i ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom
29b5 ldan 'das la 'di skad ces gsol to//btsun pa bcom ldan 'das bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong ma'i dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /
29b6 de nas bcom ldan 'das kyis de skye dgu'i bdag mo chen mo gau ta mI la gtad nas/ skye dgu'i bdag mo chen mo gau ta mIs de rab tu phyung nas/ bsnyen par rdzogs par byas nas de la lung yang phog go/ /des kyang brtson pa dang / bsgrub pa dang / 'bad pas nyon mongs pa thams cad spangs te/
29b7 dgra bcom pa nyid mngon sum du byas so/ /der gang gi tshe bcom ldan 'das kyis dge slong rnams la bka' stsal pa/ dge slong ma rnams kyis las la 'du ba logs zhig tu gyis shig ces gsungs pa las/ skye dgu'i bdag mo chen mo gau ta mIs so sor thar pa'i mdo 'don mi nus nas/ de bcom
30a1 ldan 'das ga la ba der song ste phyin nas/bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas/ bcom ldan 'das la skye dgu'i bdag mo chen mo gau ta mIs 'di skad ces gsol to/ /bcom ldan 'das kyis dge slong
30a2 rnams kyis kyang las kyi 'du ba logs shig tu gyis shig /dge slong ma rnams kyis kyang las kyi 'du ba logs shig tu gyis shig /ces bka' stsal la/ bcom ldan 'das kyis dge slong rnams la ni so sor thar pa bstan/ dge slong ma rnams la ni ma bstan lags na/
30a3 bcom ldan 'das kyis so sor thar pa bstan du gsol/ bcom ldan 'das bdag gis gzung bar 'tshal lags so/ /sangs rgyas bcom ldan 'das rnams ni tshig re re nas zlos shing chos gsungs mi srid de/ de'i skabs med do/ /de nas der bcom ldan 'das kyis skye dgu'i
30a4 bdag mo chen mo gau ta mI la bka' stsal pa/kye gau ta mI gal te lan cig smras pas 'dzin nus na ni bstan par bya'o zhes gsungs so/ /de nas de'i tshe dge slong ma zla ba 'khor de nyid du 'dus te/ dge slong ma zla bas bla gos phrag pa gcig tu gzar nas/ bcom ldan 'das ga la ba
30a5 de logs su thal mo sbyar ba btud nas/bcom ldan 'das la 'di skad ces gsol to/ /bcom ldan 'das kyis so sor thar pa bstan du gsol/ lan cig bka' stsal pas/ bdag gis gzung bar 'tshal lo/ /de nas bcom ldan 'das kyis dge slong ma rnams la so sor thar
30a6 pa'i mdo bstan te/lan cig bka' stsal pas/ dge slong ma zla bas lobs nas/ des sde snod gsum yang lobs so/ /tshig tu bya ba ci yang rung ba de dag thams cad kyang thos ma thag tu lobs nas/ bcom ldan 'das kyis de thos pa 'dzin pa rnams kyi mchog tu bstan to/ /
30a7 de nas dge slong rnams kyis sangs rgyas bcom ldan 'das la zhus pa/ btsun pa dge slong ma zla bas las ci bgyis na/ las de'i rnam par smin pas phyug cing nor mang la longs spyod che ba'i rigs su skyes la/ 'dis bstan bcos thams cad kyang lobs te/ gzhung gi rtsod
30b1 pa thams cad tshar bcad nas/'dis bcom ldan 'das kyang mnyes par bgyis te/ mi mnyes par ma bgyis la bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis la/ 'dis thos pa thams cad kyang
30b2 'dzin nus te/bcom ldan 'das kyis kyang thos pa 'dzin pa rnams kyi mchog tu bstan lags/ bcom ldan 'das kyis bka' stsal pa/ smon lam gyi dbang las gyur to/ /gsol pa/ btsun pa 'dis smon lam gang du btab lags/ bcom ldan 'das kyis bka' stsal
30b3 pa/dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i/ kha lo sgyur ba/ bla
30b4 na med pa/lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i gsung rab la 'di rab tu byung ngo / /de gang las rab tu byung bar gyur pa'i mkhan mo de/ yang dag par rdzogs pa'i sangs rgyas 'od srung gis thos pa 'dzin pa
30b5 rnams kyi mchog tu bstan to//de nas des der tshe gcig tu tshangs par spyod pa spyad nas/ 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad kyang yon tan gyi tshogs ci yang
30b6 ma thob kyis/yang dag par rdzogs pa'i sangs rgyas 'od srung gis/ bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/
30b7 nyon mongs pa thams cad spangs te/ dgra bcom pa nyid mngon sum du byed par gyur cig /ji ltar bdag gi mkhan mo yang dag par rdzogs pa'i sangs rgyas 'od srung gis thos pa 'dzin pa rnams kyi mchog tu bstan pa de bzhin du bdag kyang shAkya thub pa/ shAkya'i rgyal po des
31a1 thos pa 'dzin pa rnams kyi mchog tu bstan par shog cig ces byas so//dge slong dag ji snyam du sems/ de'i tshe yang dag par rdzogs pa'i sangs rgyas 'od srung gi gsung rab la rab tu byung ba'i dge slong mar gyur pa gang yin pa de ni/ dge slong ma zla ba 'di kho na
31a2 yin te/des der rab tu byung nas tshe gcig tu tshangs par spyod pa spyad de/ 'chi kar smon lam btab pa des na dge slong dag nga yang dag par rdzogs pa'i sangs rgyas 'od srung dang / shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes
31a3 par gyur nas/'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ ngas 'di thos pa 'dzin pa rnams kyi mchog tu bstan to// //mi'am ci
31a4 gnyis zhes bya ba de la/mi'am ci dang po ni gleng gzhi mnyan du yod pa na bzhugs te/ de'i tshe mnyan du yod pa na/ khyim bdag phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa
31a5 zhig gnas pa des thabs zlar bab pa las chung ma blangs nas/de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas/ de zla ba dgu'am/ bcu lon pa dang / khye'u gzugs bzang zhing blta na sdug la mdzes pa mdog
31a6 bzang ba/gser gyi mdog can mgo bo gdugs ltar 'dug pa/ lag pa ring ba dpral ba'i dbyes che ba sna mtho ba/ sna legs pa/ smin ma stug pa zhig btsas te/ de'i btsas ston rgyas par byas te/ khye'u 'di'i ming ci skad gdags zhes ming 'dogs par byed de/
31a7 khye'u 'di mchog tu byad gzugs mdzes te/ byad gzugs mi'am ci dang 'dra bas na/ khye'u 'di'i ming mi 'am ci zhes gdags so zhes zer ro/ /de nas khye'u mi 'am ci 'o ma dang / zho dang / mar dang / zhun mar dang / mar gyi nying gus bskyed bsrings te/ mtsho'i nang
31b1 gi pad ma bzhin du skye drag par gyur to//de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang /
31b2 spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar
31b3 gyur to//de nas grong khyer chen po drug po thams cad du de'i grags pa rgyas par gyur te/ mnyan du yod pa na/ khyim bdag che ge mo'i bu byad gzugs mi 'am ci dang 'dra ba zhig skyes so zhes grags so/ /de nas de thos ma thag tu skye bo phal po che ya mtshan du gyur te/ de blta
31b4 ba'i phyir dong ngo //de nas de byad gzugs kyis rgyags pas dregs nas su la yang phyag mi 'tshal/ su la yang mi ldang ste/ byad gzugs nga dang mtshungs pa med do snyam mo/ /de nas de'i pha ma gnyis kyis bsams pa/ 'di'i nga rgyal bsal dgos te/ 'di la bcom ldan
31b5 'das bstan par bya'o snyam nas smras pa/bu su yang nga dang mtshungs pa med do snyam du byad gzugs kyis rgyags pas dregs par ma byed cig /bu khyod kyis bcom ldan 'das ma mthong ste/ khyod ni de'i brgya'i char yang nye bar mi phod/ stong gi char yang nye bar mi phod/ 'bum gyi
31b6 char yang nye bar mi phod do zhes byas so//de nas de thos ma thag tu de ya mtshan du gyur to/ /bdag pas dge sbyong gau ta ma ches gzugs bzang zhing blta na sdug la mdzes pa blta snyam nas/ skye bo mang pos g.yog byas te/ bcom ldan 'das ga la ba der song ngo / /khye'u des thag ring po
31b7 zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu mchod sdong rin po che sna tshogs kyis spras pa lta bu/
32a1 blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang de'i byad gzugs kyis rgyags pas dregs pa de med par gyur to/ /de nas de bcom ldan 'das la shin tu dga' bar gyur to/ /dga' bar gyur
32a2 nas/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs
32a3 su chud nas/de dang 'thun pa'i chos bstan te/ des na khye'u mi 'am cis stan de nyid la 'dug bzhin du/ 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas pha ma
32a4 gnyis la gsol te/bcom ldan 'das kyi bstan pa la rab tu byung nas/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so/ /de nas dge slong rnams kyis sangs rgyas bcom ldan 'das la gsol pa/
32a5 btsun pa bcom ldan 'das kyis khye'u de'i byad gzugs kyis rgyags pa bsal nas/ g.yung drung gi mthar thug pa grub pa dang / bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i
32a6 dus na yang ngas 'di'i byad gzugs kyis rgyags pa bsal nas/ji ltar bsam gtan bzhi dang / mngon par shes pa lnga la gnas par byas pa de nyon cig /dge slong dag sngon byung ba 'das pa'i dus na/ grong khyer bA rA Na sI na bram ze zhig gnas pa des/ thabs zlar bab
32a7 pa las chung ma blangs nas/de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / bu gzugs bzang zhing blta na sdug la mdzes pa zhig btsas nas/ de 'o ma dang / zho dang mar
32b1 dang /zhun mar dang / mar gyi nying gus bskyed bsrings te/ de gang gi tshe cher skyes pa de'i tshe/ byad gzugs kyis rgyags pas dregs nas/ su la yang gsong por smra ba dang / phyag 'tshal ba dang / ldang ba mi byed do/ /de nas de'i tshe pha ma gnyis kyis bsams pa/
32b2 'di'i byad gzugs kyis rgyags pa bsal dgos so/ /de ltar ma byas na 'di zhi bar mi 'gyur ro snyam mo/ /de'i tshe bA rA Na sI'i sa phyogs zhig na/ drang srong mngon par shes pa lnga dang ldan pa/ rdzu 'phrul che zhing mthu che ba zhig gnas te/ de nas bram ze des drang srong de la gsol
32b3 pa/khye'u 'di byad gzugs kyis rgyags pas dregs nas/ su la yang gsong por smra ba dang / phyag 'tshal ba dang ldang ba yang mi bgyid kyis/ khyod kyis de'i byad gzugs kyis rgyags pa bsal du gsol zhes byas so/ /de nas drang srong des bram ze de la cang mi smra
32b4 bas khas blangs so//de nas bram ze de drang srong de'i thad nas song nas/ bu la smras pa bu khyod byad gzugs bdag dang mtshungs pa med do snyam du byad gzugs kyis rgyags par ma byed cig /dka' thub kyi gnas che ge mo zhig na drang srong zhig gnas te/ de la ni khyod kyi byad
32b5 gzugs kyis brgya'i char yang nye bar mi phod/stong gi char yang nye bar mi phod/ 'bum gyi char yang nye bar mi phod do zhes byas so/ /de nas de ya mtshan du gyur to/ /de ya mtshan du gyur nas/ drang srong de ga la 'dug pa der song ste/ drang srong des khye'u de mthong nas des khye'u
32b6 de bas ches byad gzugs bzang bar bdag nyid sprul to//de nas khye'u des thag ring po zhig nas drang srong de ches gzugs bzang ba dang / ches blta na sdug pa dang ches mdzes pa mthong ngo / /mthong nas kyang de'i byad gzugs kyis rgyags pa med par gyur te/ drang srong de la yang dga'
32b7 bar gyur to//dga' bar gyur nas/ drang srong de ga la ba der song ste phyin nas/ de'i rkang pa la mgo bos phyag 'tshal te/ chos mnyan pa'i phyir mdun du 'dug go/ /de nas des de dang 'thun pa'i chos bstan te/ de nas khye'u de drang srong de nyid las rab tu byung ngo / /de rab tu byung nas bsam
33a1 gtan bzhi dang /mngon par shes pa lnga bskyed do/ /dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe khye'u de nyid du gyur pa gang yin pa de ni khye'u mi 'am ci 'di kho na yin
33a2 te/de'i tshe yang ngas 'di'i byad gzugs kyis rgyags pa bsal nas/ bsam gtan bzhi dang / mngon par shes pa lnga la gnas par byas so/ /da ltar yang ngas 'di'i byad gzugs kyis rgyags pa bsal nas/ g.yung drung gi mthar thug pa grub pa dang / bde ba'i
33a3 mya ngan las 'das pa la bzhag go//gzhan yang yang dag par rdzogs pa'i sangs rgyas 'od srung gi gsung rab la 'di rab tu byung ste/ der 'dis tshe gcig tu tshangs par spyod pa spyad nas/ dbang po rnams yongs su smin par byas pas na/ de'i phyir da ltar rnam par
33a4 grol bar gyur to// //mi 'am ci gnyis pa ni/ gleng gzhi yul ser skya'i gnas na bzhugs te/ der gang gi tshe bcom ldan 'das kyis yab dang / sras mjal bar mdzad pa de'i tshe/ bcom ldan 'das kyis/ nyi ma gcig ni rgyal po zas gtsang gi der
33a5 bshos gsol to//phyi nyin ni btsun mo'i 'khor du bshos gsol to/ /der gang gi tshe bcom ldan 'das btsun mo'i 'khor du bshos gsol nas/ slar gshegs pa de'i tshe/ grags 'dzin ma khang thog tu song nas/ bcom ldan 'das la blta zhing 'dug go/ /de nas gang
33a6 gis skabs su mi mthong bar gyur pa de'i skabs su/khang thog nas mchongs nas sangs rgyas kyi mthus sa gzhi stan shing bal gyi nang tshang can 'dra bar bsgyur te/ ci nas de la cung zad kyang mi gnod par mdzad do/ /de nas skabs de rnams dge slong rnams kyis thos nas/
33a7 dge slong rnams kyis sangs rgyas bcom ldan 'das la gsol pa/ btsun pa grags 'dzin mas bcom ldan 'das kyi slad du/ rang gi srog btang ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang nga'i
33b1 phyir 'dis ci ltar rang gi srog btang ba de nyon cig /dge slong dag sngon byung ba 'das pa'i dus na/ grong khyer bA rA Na sI na/ rgyal po tshangs pas byin rgyal po byed do/ /de nas phyi zhig na rgyal po tshangs pas byin gyis dpung gi tshogs yan lag bzhi go bskon nas/
33b2 bshor du song ba las/ de rta kha ma thub nas/ dpung gi tshogs kyang logs shig tu lus/ rgyal po yang logs shig tu song ste/ de dpung dang bral nas lus ngal ba dang / lus sdug bsngal ba dang / lus zhig par gyur te nags khrod cig tu zhugs te 'dug go/ /
33b3 nags khrod de na mi'am ci zhig mi 'am ci mo dang lhan cig tu pi wang thogs te rtse zhing dga' la dga' mgur spyod do/ /de nas rgyal po des de mthong nas/ mthong ma thag tu rgyal po de mi 'am ci mo de la shin tu chags par gyur to/ /de 'dod chags kyi dbang du gyur nas/ mi 'am
33b4 ci de dug mdas gnad du bsnun te/de sa phyogs de nyid du shi'o/ /de nas rgyal po des mi 'am ci de bsad pa'i 'og tu mi'am ci mo'i thad du song ste/ smras pa/ bzang mo tshur shog bdag cag gnyis dga' mgur spyad par bya'o/ /mi'am ci mos smras pa/ khyim thab shi
33b5 ba'i ro mdun na 'dug bzhin du bdag ci ltar khyod dang dga' mgur spyod par bya/re zhig 'di'i rus bu la mchod pa byas nas/ de'i 'og tu khyod ci ltar 'dod pa bzhin du bya'o zhes smras nas/ des shing rnams bsdus te/ spungs pa'i steng du mi 'am ci'i rus bu de bzhag nas me
33b6 btang ste/phyogs gcig tu 'dug go/ /de nas gang gi tshe rus bu de bsregs pa'i shing de dag la me 'bar bar gyur pa de'i tshe/ mi 'am ci mo de nyid me'i nang du mchongs nas/ de der shi'o/ /de nas rgyal po chen po de re thag chad nas/ de'i tshe tshigs su bcad de smras pa/
33b7 bdag gis don gzhan bsam bsam nas/ /log par gzhan du gyur gyis med/ /mi 'am ci mo spyad snyam nas/ /bdag gis srog chags gnyis bsad do/ /dge slong dag ji snyam du sems/ de'i tshe mi'am cir gyur pa/ byang chub sems dpa'i spyod pa la gnas pa gang
34a1 yin pa de ni nga nyid yin no//de'i tshe mi 'am ci mor gyur pa gang yin pa de ni grags 'dzin ma 'di kho na yin te/ de'i tshe yang 'dis nga'i phyir bdag nyid yongs su btang la/ da ltar yang 'dis nga'i phyir bdag nyid yongs su btang ngo / /las brgya tham pa las
34a2 sdom gyi tshigs su bcad pa bdun pa rdzogs so// //las brgya tham pa/ bam po sum cu pa/ sdom ni/ gang po mchod sbyin le lo can/ /mgon med dang ni nyam chung ba/ /pad ma gnyis dang lta ba dang / /rin chen nor dang stobs phrog pa/ /gang po dang ni don
34a3 gzigs dang //stobs brtson rtsal dang mya ngan med/ /'thun mdzad dang ni pad ma yi/ /bla ma gnyis dang legs mthong dang / /rin chen gtsug tor chu rlabs dang / /rnam par rgyal ba tha ma'o/ /zhes bya ba ni sdom gyi tshigs su bcad pa'o/ /gang po zhes bya ba ni/ gleng
34a4 gzhi rgyal po'i khab na bzhugs te/de'i tshe lho phyogs kyi ri bo'i ljongs na/ ri brags kyi grong zhig na bram ze che zhing mtho ba phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang mnyam pa/ rnam thos kyi bu'i nor dang 'gran pa/
34a5 byams pa'i rang bzhin can/ snying rje dang ldan pa/ sems can la mnyes gshin pa sems can thams cad la snying brtse ba/ gang po zhes bya ba zhig gnas te/ de ni khyim na gnas pa dang / rab tu byung ba rnams dang / slong ba thams cad la gtong zhing sdud par byed do/ /dus dus
34a6 su mchod sbyin gyi gnas bcas nas mchod sbyin yang byed do//de nas mchod sbyin gyi dus zhig la bab pa'i tshe/ bstan bcos thams cad kyi gzhung rnams la rtog cing / gang dang gang gi lta ba ci 'dra ba zhig snyam ste/ des gzhung de dag yid la bzhag nas/ sems pa dang
34a7 'jal ba dang yongs su rtog par byed do//de nas phyi zhig na bram ze des mchod sbyin bya bar brtsams nas/ mchod sbyin byed pa der ston pa thams cad 'dus par gyur to/ /bram ze des kyang ston pa thams cad kyi gzhung yid la bzhag nas sems pa la zhugs pa las/ lta
34b1 ba'i rnam pa de dag la de'i sems mgu bar ma gyur to//de nas phyi zhig na rgyal po'i khab na gnas pa'i dge bsnyen rnams kyis bram ze de'i mdun du sangs rgyas kyi bsngags pa brjod do/ /de nas de thos ma thag tu bram ze des bcom ldan 'das la blta 'dod par gyur to/ /de nas phyi
34b2 zhig na de'i blo skyes pa/dge sbyong dang bram ze stong phrag du ma dag gis mchod sbyin la 'ongs nas longs spyod par byed la/ bcom ldan 'das gau ta ma de ni mi 'ong ba na/ kye ma de yang bdag gi mchod sbyin la 'ong ste/ longs spyod par byed kyang ci ma rung snyam mo/ /de nas bcom ldan
34b3 'das kyis bram ze de'i sems thugs kyis mkhyen nas dgongs pa/bram ze de ni bla na med pa yang dag par rdzogs pa'i byang chub las phyir mi ldog par sems bskyed par 'gyur la de kho na la brten te/ bdag gis skye bo mang po la phan gdags so snyam du dgongs nas/ dge slong
34b4 mang pos zhabs 'bring byas te/dge slong gi dge 'dun gyis mdun du bdar nas/ bram ze de la thugs brtse ba'i phyir/ ri brags kyi grong khyer der gshegs so/ /bcom ldan 'das der gshegs nas 'di snyam du dgongs te/ ma la bdag gis ci nas mchod sbyin gyi gnas der mchod
34b5 sbyin gyi bdag po dang /skye bo mang po gzhan rnams kyis bdag gcig pu mthong la/ dge slong gi dge 'dun rnams sus kyang mi mthong ba de lta bur byin gyis brlab bo snyam du dgongs te/ de ltar byin gyis brlabs nas/ mchod sbyin gyi gnas su gshegs so/ /de nas bram
34b6 ze des thag ring po zhig nas bcom ldan 'das mthong ngo //mthong nas kyang bcom ldan 'das la 'di skad ces gsol to/ /bcom ldan 'das gshegs pa legs so/ /bcom ldan 'das tshur gshegs/ bcom ldan 'das kyis bdag gi mchod sbyin gyi gnas su mchod pa rnams
34b7 la longs spyod par mdzad du gsol/bcom ldan 'das kyis bka' stsal pa/ gang po khyod kyis nga'i lhung bzed 'di bza' ba dang / bca' ba dag gis ma bkang gi bar du longs spyod par mi bya'o/ /bram ze des smras pa/ bcom ldan 'das gau ta ma ji ltar dgongs pa de bzhin
35a1 du bgyi'o zhes gsol nas/bram ze des mchod sbyin byed pa der bza' ba dang / bca' ba gtsang ma bzang po mang po bshams pa de dag blangs nas/ bcom ldan 'das kyi lhung bzed dgang bar byas na/ dgang ma nus nas des nga rgyal bskyed de/ bdag gis
35a2 lhung bzed 'di ma bkang bar mi gtang ngo snyam nas/g.yog 'khor dang bcas pas bcom ldan 'das kyi lhung bzed bza' ba dang bca' bas dgang ba la brtson par byed do/ /de nas bcom ldan 'das kyis dgongs pa/ da ni kha zas 'dis dge slong stong gi zan chog go snyam du
35a3 dgongs nas/lhung bzed de gang bar bstan to/ /de nas bram ze des bcom ldan 'das kyi lhung bzed gang bar mthong nas dga' bar gyur to/ /gsol pa bcom ldan 'das kyi lhung bzed gtams lags kyis/ bcom ldan 'das gau ta mas ci bder gsol shig ces byas so/ /
35a4 de nas bram ze de la thugs brtse ba'i phyir/ mchod sbyin gyi gnas de nyid du dge slong stong gi stan sprul te/ chu ra rnams bkang nas/ bcom ldan 'das gral gyi gtso bo la bzhugs so/ /dge slong gzhan rnams kyang rgan rim bzhin bkod do/ /de nas dge slong gi dge 'dun rnams bde bar
35a5 bzhugs nas/'dri ma mkhan rnams kyis brims so/ /de nas bram ze des kyang de dag thams cad mthong nas/ mthong ma thag tu bcom ldan 'das la shin tu dga' bar gyur to/ /dge sbyong gau ta ma 'di ni rdzu 'phrul che zhing mthu che ba yin no snyam ste/ de dga' bar gyur nas/ bcom
35a6 ldan 'das kyi zhabs la mgo bos phyag 'tshal te/gsol pa/ zla ba gsum gyi bar du bcom ldan 'das gau ta ma dge slong gi dge 'dun dang bcas pa'i na bza' dang / zhal zas dang / gzims cha dang / gdan dang / snyun gyi gsos sman dang / sman zong rnams sbyar bar
35a7 'tshal na/bcom ldan 'das kyis bdag la gnang bar mdzad du gsol/ de nas bcom ldan 'das kyis bram ze de la cang mi gsung bas gnang ngo / /de nas bram ze des bcom ldan 'das kyis cang mi gsung bas gnang bar rig nas/ rgyal bu rgyal byed kyi tshal du yo byad thams
35b1 cad sbyar te/sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol te/ bcom ldan 'das la
35b2 na bza' 'bum ri ba phul lo//dge slong gzhan dag la yang ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par de bzhin gshegs pa dgra bcom
35b3 pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i/ kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das su gyur cig ces byas so/ /de nas bcom
35b4 ldan 'das kyis bram ze de la bka' stsal pa/bram ze legs so legs so/ /bram ze khyod ma 'ongs pa'i dus na/ 'jig rten long ba 'dren pa med pa ston pa med par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar
35b5 gshegs pa/'jig rten mkhyen pa/ skyes bu 'dul ba'i/ kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das gang po zhes bya bar 'gyur ro zhes gsungs so/ /de nas bcom ldan 'das kyis bram ze de bla na med pa yang dag par rdzogs pa'i
35b6 byang chub tu lung bstan nas/mchod sbyin gyi gnas de nyid du mi snang bar gyur te/ 'od ma'i tshal du zhugs par gyur to// //mchod sbyin zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig gnas te/ des thabs
35b7 zlar bab pa las chung ma blangs nas/de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par
36a1 byas nas/rigs dang 'thun par ming btags te/ 'o ma dang / zho dang / mar dang / zhun mar dang / mar gyi nying gus bskyed bsrings te/ gang gi tshe cher skyes pa de'i tshe/ yi ge dang bram ze'i spyod lam dang / spyod pa dang / oM zhes bya ba dang / b+ho zhes bya ba
36a2 dang /gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang
36a3 blang ba dang /kha ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram zer gyur te/ des mthar gyis rig pa'i gnas brgyad la byang bar gyur to/ /de nas bstan bcos thams cad khong du chud nas/ gzhung gi rtsod pa thams cad
36a4 tshar bcad do//de nas phyi zhig na de'i pha ma gnyis shi nas des bsams pa/ byad gzugs dang thos pas bdag dang mtshungs pa yang med na/ lhag pa lta ga la yod snyam mo/ /de'i pha ma yang sngon dus dus su mchod sbyin byed de/ bram ze rnams kyis de la smras pa/ khye'u khyod
36a5 kyi pha ma yang dus dus su mchod sbyin byed kyis/khyod kyis kyang pha'i lugs dang 'thun par gyis shig /khye'u de na re byad gzugs dang thos pas bdag dang mtshungs pa med na/ ci'i phyir bdag gis 'di dag la sbyin pa sbyin zhes zer ro/ /de nas thos ma thag tu bram ze de dag de la mi
36a6 dga' bar gyur te/de dag gis phyin cad de dang mi 'drul bar nang khrims bcas so/ /de yang de dag la mi dga' bar gyur te/ bdag la yon gnas 'di lta bu dag ci dgos snyam mo/ /de nas phyi zhig na bcom ldan 'das kyis dgongs pa bram ze'i khye'u 'dis bla na med pa yang dag par
36a7 rdzogs pa'i byang chub las phyir mi ldog par sems bskyed par 'gyur ro snyam du dgongs nas/bcom ldan 'das rgyal bu rgyal byed kyi tshal nas mi snang bar gyur te/ bram ze'i khye'u de'i khyim du sa brtol te gyen du 'phags nas/ bcom ldan 'das kyis 'od btang ste/ de'i khyim
36b1 de mthong ma thag tu gser zhun ma'i kha dog lta bur snang bar byas so//de nas de mthong ma thag tu bram ze'i khye'u de bcom ldan 'das la shin tu dga' bar gyur to/ /dga' bar gyur nas/ bcom ldan 'das kyi gdan bshams te 'di skad ces gsol to/ /bcom ldan 'das gdan
36b2 bshams pa la bzhugs su gsol/de nas bcom ldan 'das gdan bshams pa la bzhugs so/ /bzhugs nas kyang bcom ldan 'das kyis bram ze'i khye'u de la sbyin pa dang ldan pa'i chos de lta bu bstan te/ de nas bram ze'i khye'u des sbyin pa btang ba'i 'dod pa skyes nas/ des
36b3 sbyin pa byed 'dod nas/bcom ldan 'das la 'di skad ces gsol to/ /btsun pa bdag gis sbyin pa dag sbyin zhing bsod nams dag bgyid pa rngo thogs par bgyid pa de lta bur bdag la mi bdog lags so/ /de nas bcom ldan 'das kyis de la gter bstan te/ de mthong ma thag tu
36b4 khye'u de bcom ldan 'das la lhag par yang dga' bar gyur to//dga' bar gyur nas zhabs la phyag 'tshal te/ gsol pa/ zla ba gsum gyi bar du bcom ldan 'das dge slong gi dge 'dun dang bcas pa'i na bza' dang / zhal zas dang gzims cha dang / gdan dang snyun gsos dang /
36b5 sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis bram ze'i khye'u de la cang mi gsung bas gnang ngo / /de nas bram ze'i khye'u des bcom ldan 'das kyis cang mi gsung bas gnang bar rig nas/ mnyan
36b6 du yod pa dang /rgyal bu rgyal byed kyi tshal gyi bar du mchod sbyin gyi gnas bcas nas dril bsgrags te/ bdag ya mtshan can thams cad la mchod sbyin bgyis kyi su mchod ston dang yon 'dod pa de dag bdag gi mchod sbyin gyi gnas su shog la longs spyad par gyis shig /de nas bram ze
36b7 rnams na re bram ze la sdang ba la/bdag cag longs spyod par mi bya'o zhes zer ro/ /de nas bram ze'i khye'us smras pa/ gal te longs spyod par mi byed na/ bdag gis khyod kyi phyir yon dpag pa gang yin pa de dag thams cad bdag gis dge sbyong gau ta ma 'khor dang bcas pa
37a1 rnams la phul la/de kho na'i bstan pa la tshangs par spyod pa spyad par bya'o/ /de nas bram ze rnams kyis bsams pa/ bram ze'i khye'u 'di ni ji skad smras pa bzhin du byed pa yin pas na/ des de kho na ltar byed srid de/ de ltar na bdag cag yon gyis pham par 'gyur
37a2 ro snyam nas/de dag gis de'i nang khrims bshig nas/ mchod sbyin gyi gnas su song ste longs spyad do/ /de nas bram ze'i khye'u des zla ba gsum gyi bar du ya mtshan can rnams kyi bza' ba dang / bca' ba gtsang ba bzang po sbyar te/ thams cad la yon mang po phul te/ tha ma'i
37a3 nyin par sangs rgyas la sogs pa dge slong gi dge 'dun rnams zhal zas ro brgya dang ldan pas tshim par byas nas/bcom ldan 'das la na bza' 'bum ri ba phul lo/ /dge slong gzhan rnams la yang re re la ras zung re phul lo/ /de nas bcom ldan 'das kyi sku gser gyi mdog
37a4 lta bu'i mtshan gyis brgyan pa mthong nas/bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par de bzhin gshegs pa dgra bcom pa yang dag par rdzogs pa'i sangs rgyas rig pa
37a5 dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i/ kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das su gyur cig ces byas so/ /de nas bcom ldan 'das kyis bram ze'i khye'u de la bka' stsal
37a6 pa/bram ze'i khye'u legs so legs so/ /bram ze'i khye'u khyod ma 'ongs pa'i dus na 'jig rten long ba 'dren pa med pa/ ston pa med par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig
37a7 rten mkhyen pa/skyes bu 'dul ba'i/ kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das don gzigs zhes bya bar 'gyur ro zhes gsungs nas/ bcom ldan 'das gtsug lag khang du gshegs so// //le lo can zhes bya ba ni/
37b1 gleng gzhi mnyan du yod pa na bzhugs te/ de'i tshe mnyan du yod pa na/ khyim bdag phyug cing nor mang la longs spyod che ba/ yongs su 'dzin pa/ yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa des thabs zlar bab pa las
37b2 chung ma blangs nas/de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs
37b3 dang 'thun par ming btags te/'o ma dang / zho dang / mar dang / zhun mar dang / mar gyi nying gus bskyed bsrings te/ mtsho'i nang gi pad ma bzhin du skye drag par gyur to/ /khye'u de le lo can mchog tu le lo che ba zhig ste/ khri la nyal zhing khri las ldang du mi btub nas/
37b4 pha ma gnyis kyis de la dris pa/ bu khyod la lus kyi nad dam/ sems kyi gdung ba 'ga' lta yod dam zhes byas nas/ de le lo'i dbang gis de dag la cung zad kyang smrar mi btub nas/ pha ma gnyis kyis de sman pa la bstan nas/ sman pa na re/ 'di la lus kyi nad kyang ci yang
37b5 med la/sems kyi gdung ba ci yang med kyis/ le lo kho nas khri las ldang du mi btub par zad do zhes zer ro/ /de nas de la pha ma gnyis kyis lan mang du bsgo ste/ bu de ltar ma byed cig /khyod 'di ltar 'dug pas bde ba thob par mi nus so/ /mi rnams nye bar 'tsho ba ni bsgrub
37b6 phod pa'i 'bras bu yin no zhes lan mang du brtun kyang de bslang ma nus so//de nas phyi zhig na pha ma gnyis kyi sems skyes pa/ yon gnas dag spyan drangs la bshos gsol na/ de dag mthong na zhes bskyed de/ ldang yang srid do snyam nas/ de dag gis ston pa drug g.yar
37b7 drangs te zan byin nas khye'u des de dag mthong yang ma langs so//de nas khyim bdag gis bsams pa/ dge sbyong gau ta ma ni bsod nams can che bar grags pa/ tshig btsan pa yin pas na/ khye'u 'dis de mthong na zhes bskyed de ldang bar 'gyur yang srid do snyam nas/ de'i
38a1 phyi nyin sangs rgyas la sogs pa dge slong gi dge 'dun khyim du spyan drangs te/de nyid kyi nub mo bza' ba dang / bca' ba gtsang ma bzang po mang po sbyar nas nang par sngar langs te/ gdan bshams la chu ra bkang ste bzhag nas/ bcom ldan 'das la phrin gyis
38a2 gdugs tshod bskul ba/btsun pa gdugs tshod la bab ste bshos gsol lags na/ bcom ldan 'das kyis da de'i dus la bab par dgongs te/ gshegs su gsol zhes bskul to/ /de nas bcom ldan 'das snga dro'i dus kyi tshe/ chos gos dang sham thabs
38a3 gsol te/lhung bzed bsnams nas/ dge slong mang pos zham ring byas nas/ dge slong gi dge 'dun gyis mdun du bdar nas/ khyim bdag de'i bkad sa ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so/ /de nas
38a4 khye'u des thag ring po zhig nas/sangs rgyas bcom ldan 'das mdzes shing yid du 'thad la/ dbang po zhi ba/ thugs mchog tu dul ba/ rnam par zhi ba dang ldan pa/ gser gyi mchod sdong ltar dpal 'bar ba mthong ngo / /mthong nas kyang de gus par sgrims pa'i shugs kyis
38a5 langs nas/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ pha ma gnyis dang lhan cig tu sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang
38a6 bca' ba gtsang ma bzang po mang pos tshim par byas nas/ci bzhed pa bstabs so/ /de nas bcom ldan 'das bshos gsol zin te/ bstsang sder ni gyu/ phyag ni bcabs par rig nas/ stan ches dma' ba dag blangs te/ chos nyan pa'i phyir bcom ldan 'das kyi spyan
38a7 sngar 'khod do//de nas bcom ldan 'das kyis khye'u de la brtson 'grus kyi bsngags pa brjod de/ bu brtson 'grus kyis ni bla na med pa yang dag par rdzogs pa'i byang chub thob par 'gyur ro zhes bka' stsal to/ /de nas khye'u des bsams pa/ bcom ldan 'das kyis bka' stsal pa 'di
38b1 ni bzang ste/bdag gis brtson 'grus zhan pas bla ma'i khyad par thob par mi nus kyis/ ma la bdag gis rgya mtsho'i nang du 'gro ba bsgrubs la/ sangs rgyas dang / chos dang / dge 'dun la bkur sti bya'o snyam nas/ rgya mtsho'i nang du 'gro ba'i zong khyer te rgya mtsho chen po'i nang du
38b2 zhugs nas/des rin po che'i gling du 'gro ba'i don du bsgrubs te/ rgya mtsho'i gru bo che'i don grub nas/ mnyan du yod par 'ong ste/ des sangs rgyas la sogs pa dge slong gi dge 'dun zla ba gsum du spyan drangs nas yo byad thams cad sbyar te/ sangs rgyas la sogs pa dge
38b3 slong gi dge 'dun la zla ba gsum gyi bar du yo byad thams cad kyis bsnyen bkur byas nas/tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo/ /dge slong gzhan dag
38b4 la yang re re la ras zung re phul nas/bla na med pa yang dag par rdzogs pa'i byang chub tu smon lam btab ste/ dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang /
38b5 zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i/ kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das su gyur cig ces byas so/ /de nas bcom ldan 'das kyis khye'u de la bka' stsal pa/ khye'u legs
38b6 so legs so//khye'u khyod ma 'ongs pa'i dus na 'jig rten long ba 'dren pa med pa ston pa med par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i/ kha lo
38b7 sgyur ba/bla na med pa/ lha dang mi rnams kyi ston pa/ sangs rgyas bcom ldan 'das stobs dang brtson 'grus kyi rtsal dang ldan pa zhes bya bar 'gyur ro zhes gsungs so// //mgon med zas sbyin zhes bya ba ni/ gleng gzhi mnyan du yod pa na bzhugs te/ de'i tshe mnyan du yod
39a1 pa na/bram ze dbul po 'tsho bas phongs pa zhig gnas te/ de yang gso ba mang zhing g.yog 'khor mang ba zhig ste/ des bsams pa bdag gis phyug po gang zhig la brten te/ 'tsho ba btsal bar bya snyam mo/ /de nas des bsams pa khyim bdag mgon
39a2 med zas sbyin ni snying rje can sbyin pa la sred pa yin te/des ni bdag la dgos pa thams cad kyis sdud par nus so snyam mo/ /de nas de'i grib ma dang mi 'bral ba bzhin du de'i phyir 'brang ngo / /de nas khyim bdag mgon med zas sbyin gyis 'phrigs nas dris pa/ bram ze khyod nga la rag
39a3 las pa ci yod/bram zes smras pa/ khyim bdag rag ci yang las te/ khyod la brten nas 'tsho ba btsal bar 'dod do/ /de nas de thos ma thag tu khyim bdag mgon med zas sbyin gyis de'i 'tshog chas thams cad sbyor ba la zhugs so/ /de nas phyi zhig na de khyim bdag
39a4 mgon med zas sbyin dang lhan cig tu rgyal bu rgyal byed kyi tshal du song ngo //khyim bdag mgon med zas sbyin gyi lugs kyis na/ nyin gcig bzhin du g.yog 'khor lnga brgya dang / rgyal bu rgyal byed kyi tshal du 'gro zhing phyag dar byed do/ /de nas phyi zhig na de'i bya ba zhig byung
39a5 nas des bram ze de mngags te/deng khyod kyis rgyal bu rgyal bu byed kyi tshal du phyag dar gyis shig ces byas nas/ khyim bdag de song ngo / /bram ze de yang rgyal bu rgyal byed kyi tshal gyi byi dor byed pa la zhugs so/ /de nas bcom ldan 'das kyis dgongs pa bram ze 'di bla na med
39a6 pa yang dag par rdzogs pa'i byang chub las phyir mi ldog par sems bskyed par 'gyur ro snyam du dgongs nas/bcom ldan 'das kyis ci nas cung zad tsam zhig byi dor byas pa de tsam yang byi dor byas par mi mngon pa de ltar byin gyis brlabs nas/ de des g.yengs te nyi ma
39a7 rangs pa thal bar gyur to//de nas des bsams pa da ni bdag gis mnyan du yod par mi phyin to snyam nas/ rgyal bu rgyal byed kyi tshal de nyid du dgongs mal btab bo/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la
39b1 rgyal bu rgyal byed kyi tshal gyi nang du bram ze de'i mal chos te/khyod kyang de'i 'dab tu 'dug la/ des khyod la ci dris pa de'i lan khyod kyis thob shig /gzhan yang dge slong rnams la bsgo ba/ dge slong dag gis dge ba bcab pa dang / sdig pa bshags pa'i tshul gyis gnas
39b2 par gyis shig ces ngas bstan mod kyis/'on kyang bram ze 'di la snying brtse ba'i phyir/ sus rdzu 'phrul ci lta bu thob kyang rung ste/ des rdzu 'phrul de lta bu ston cig ces gyis shig /tshe dang ldan pa kun dga' bos gsol pa/ btsun pa de ltar 'tshal lo/ /de nas tshe dang ldan pa kun
39b3 dga' bos dge slong rnams la bsgo ba/rgyal bu rgyal byed kyi tshal 'di'i nang na bram ze 'dug pa de'i mal chos la/ de'i 'dab tu 'khod cig ces bsgo'o/ /de nas de de na 'dug pa la dge slong rnams rdzu 'phrul gyi cho 'phrul gzhan dang / gzhan dag ston pa la zhugs so/ /de nas bram
39b4 ze des mthong nas/tshe dang ldan pa kun dga' bo la dris pa/ btsun pa kun dga' bo 'di ltar rdzu 'phrul che zhing 'di ltar mthu che ba 'di dag su dag cig /ci 'dra ba zhig gu snyam mo/ /tshe dang ldan pa kun dga' bos smras pa/ bcom ldan 'das kyi nyan thos rnams yin no/ /de nas
39b5 bram ze des bsams pa/slob ma rnams kyang 'di kho na ltar phun sum tshogs pa dang ldan na/ dge sbyong gau ta ma lta ci smos te/ de ci 'dra ba zhig gu snyam mo/ /de nas bcom ldan 'das kyis 'jig rten pa'i sems bskyed de/ kye ma srod la ni rgyal po chen po bzhi nga la blta ba'i phyir
39b6 'ong na legs so//nam phyed na lha'i dbang po brgya byin nga la blta ba'i phyir 'ong na legs so/ /tho rangs na ni mi mjed kyi bdag po tshangs pa nga la blta ba'i phyir 'ong na legs so snyam du dgongs so/ /de ltar bcom ldan 'das kyis thugs bskyed pa'i 'phral 'phral du rgyal po chen po
39b7 bzhi dang /lha'i dbang po brgya byin dang / mi mjed kyi bdag po tshangs pa bcom ldan 'das la blta ba'i phyir 'ongs so/ /de nas bram ze des mthong nas/ tshe dang ldan pa kun dga' bo la dris pa/ btsun pa kun dga' bo 'di 'dra ba 'di dag su dag cig /tshe dang ldan pa kun
40a1 dga' bos smras pa/'di dag ni rgyal po chen po bzhi dang / lha'i dbang po brgya byin dang / mi mjed kyi bdag po tshangs pa bcom ldan 'das la blta ba'i phyir 'ongs pa yin no/ /de nas de thos ma thag tu bram ze de bcom ldan 'das la shin tu dga' bar gyur te/ mir
40a2 gyur pa la yang 'di lta bu'i gnas thob pa yod pa lta/kye ma bdag kyang sangs rgyas su gyur te/ 'jig rten du 'byung bar gyur cig ces byas so/ /de nas des bsams pa gnas 'di lta bu ni yid smon du byas pa tsam gyis 'grub par mi 'gyur gyis/ ma la bdag gis sbyin pa dag byin
40a3 zhing bsod nams dag byas la/bla na med pa yang dag par rdzogs pa'i byang chub tu smon lam btab bo snyam mo/ /nam nangs pa dang / bcom ldan 'das kyi zhabs la mgo bos phyag 'tshal te/ mnyan du yod par chas so/ /khyim bdag mgon med zas sbyin yang g.yog 'khor lnga
40a4 brgya dang rgyal bu rgyal byed kyi tshal du dong ste/khyim bdag mgon med zas sbyin gyis thag ring po zhig nas bram ze de mthong ngo / /mthong nas kyang bram de la smras pa/ bram ze khyod kyis rgyal bu rgyal byed kyi tshal du de'i bar ngo mtshar rmad du byung ba'i chos cung zad cig mthong ngam/ de nas
40a5 bram ze des khyim bdag mgon med zas sbyin la thams cad bsnyad do//de nas khyim bdag mgon med zas sbyin gyis bram ze de la smras pa/ bram ze khyod kyis ngo mtshar rmad du byung ba de lta bu dag mthong na/ khyod ci 'dod par gyur/ bram ze des smras pa/ bla na med pa yang dag par rdzogs pa'i
40a6 byang chub 'dod mod kyis/khyim bdag 'on kyang gnas de lta bu ni yid smon tsam gyis 'grub par mi 'gyur bas na/ bdag gis slong mo byas la sbyin pa dag sbyin zhing bsod nams dag bya bar 'dod do/ /de nas de thos ma thag tu khyim bdag mgon med zas sbyin gyis/ bram ze de la
40a7 nor gyi phung po chen po byin no//bram ze des kyang sangs rgyas la sogs pa dge slong gi dge 'dun zla ba gsum du spyan drangs nas/ rgyal bu rgyal byed kyi tshal du yo byad thams cad sbyar nas/ sangs rgyas la sogs pa dge slong gi dge 'dun la zla ba gsum gyi bar du yo byad thams
40b1 cad kyis bsnyen bkur byas nas/tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pas tshim par byas nas/ bcom ldan 'das la na bza' 'bum ri ba phul lo/ /dge slong gzhan dag la yang re re la ras zung re phul nas/ bla na med pa yang
40b2 dag par rdzogs pa'i byang chub tu smon lam btab ste/kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig
40b3 rten mkhyen pa/skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das su gyur cig ces byas so/ /de nas bcom ldan 'das kyis bram ze de la bka' stsal pa/ bram ze legs so legs so/ /bram ze khyod ma 'ongs pa'i dus na/
40b4 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs
40b5 rgyas bcom ldan 'das mya ngan med ces bya bar 'gyur ro zhes gsungs so// //nyam chung ba zhes bya ba ni/ gleng gzhi mnyan du yod pa na bzhugs te/ khyim bdag mgon med zas sbyin la mthar gyi bu bdun byung nas/ de dag rigs dang 'thun par ming btags te/ 'o ma dang /
40b6 zho dang / mar dang / zhun mar dang / mar gyi nying gus bskyed bsrings te/ mtsho'i nang gi pad ma bzhin du skye drag par gyur to/ /de nas phyi zhig na khyim bdag mgon med zas sbyin gyis bsams pa/ bdag gi byis pa 'di dag mdza' sde dag gi nang du gzud par bya'o/ /de yang dad pa dang ldan
40b7 pa rnams kyi nang du gzud par bya'i/ma dad pa rnams kyi nang du ni gzud par mi bya'o/ /gal te ma dad pa rnams kyi nang du btsud par gyur na ni/ 'di dag kyang de dag gi bstan pas sangs rgyas kyi bstan pa la mi lta bar 'gyur srid do snyam nas/ sangs rgyas pa'i mdza' sde'i nang du btsud do/ /de
41a1 la ma dad pa'i mdza' sde gang yin pa de dag ni gar thabs dang grong rgyu ba dang /smad 'tshong ma rnams la chags shing 'khod do/ /khyim bdag mgon med zas sbyin gyi bu rnams ni/ dge bsnyen gyi mdza' sde rnams dang / sangs rgyas dang / chos dang / dge 'dun la
41a2 lhag par bya ba byed pa dang /bsnyen gnas dang / chos mnyan pa la chags shing 'khod do/ /mnyan du yod pa de na bram ze'i khye'u dbul zhing 'tsho bas phongs pa zhig 'dug pa des bsams pa bdag mdza' sde dag gi nang du zhugs la/ bdag gis de dag la brten nas 'tsho ba btsal bar
41a3 bya'o snyam nas/dge bsnyen gyi mdza' sde'i nang du 'jug par 'dod de dris pa/ nor gyi bungs ci tsam gyis na khyod kyi nang du 'jug tu dbang / de dag gis smras pa/ kAr ShA pa Na lnga brgyas nged kyi nang du 'jug tu dbang ngo / /bram ze'i khye'u des smras pa/ bdag la kAr ShA pa Na lnga brgya lta
41a4 ga la yod/de'i steng du khyed ni dbang phyug gis chog par 'dug la sbyin pa la sred pa yin na/ bdag ni dbul po 'tsho bas phongs pa zhig yin pas na/ bdag gis khyod la nor de snyed dbul mi nus so/ /de nas khyim bdag mgon med zas sbyin gyi bu rnams kyis smras pa/ gal te khyod
41a5 bcom ldan 'das kyi bstan pa la dad par byed na ni/nged kyis khyod la kAr ShA pa Na lnga brgya sbyin no/ /bram ze'i khye'us smras pa/ dge sbyong gau ta ma de'i yon tan rnams bdag gis mi shes na/ dge sbyong gau ta ma de'i yon tan rnams ci lta bu yin/ de nas khyim bdag mgon med zas sbyin gyi
41a6 bu rnams kyis bram ze'i khye'u de la sangs rgyas kyi bsngags pa brjod do//de nas de thos ma thag tu bram ze'i khye'u de/ sangs rgyas la shin tu dga' bar gyur to/ /dga' bar gyur nas smras pa/ bdag kyang khyed kyi nang du 'jug par bgyi'o/ /bdag kyang sangs rgyas bcom ldan 'das dang /
41a7 chos dang / dge 'dun la skyabs su mchi bar bgyi'o/ /de nas khyim bdag mgon med zas sbyin gyi bu de rnams kyis bram ze'i khye'u des tshig de lta bu brjod pa thos so/ /thos nas kyang de rnams kyis de la kAr ShA pa Na brgya phrag du ma byin no/ /bram ze'i khye'u de yang de rnams kyi nang du zhugs
41b1 so//de nas phyi zhig na mdza' sde bo de rnams kyi blo skyes pa/ sangs rgyas la sogs pa dge slong gi dge 'dun zla ba gsum gyi bar du spyan drangs la yo byad thams cad kyis bsnyen bkur bya'o zhes zer ro/ /de'i nang na kha cig na re bdag cag kun gyis zla ba gsum thog thag tu de 'ba' zhig byed cing
41b2 'dug mi nus kyi/nyin res kyis bshos gsol bar bya'o zhes zer ro/ /bram ze'i khye'us smras pa/ bdag ni dbul la 'tsho bas phongs te/ nyin res gzung ba de lta bu bdag gis mi nus so zhes zer ro/ /der kha cig na re su sangs rgyas la sogs pa dge slong gi dge 'dun la bshos gsol
41b3 mi nus pa de ni/bdag cag gi nang nas gud du byung cig ces zer ro/ /de nas bram ze'i khye'us bsams pa/ bdag gi 'di rnams kyi nang du de'u ma chud de chud na/ bdag 'di rnams kyi nang nas 'byung ba ni cha ma yin no snyam nas smras pa/ bdag gis nyin res mjug tu gyis la/ khyod kyi
41b4 lhag rol ci yod pa de dag thams cad kyang bdag la byin cig /mdza' sde bo rnams kyis smras pa/ khyod ci ltar dga' ba de bzhin du bya'o zhes byas nas/ de rnams kyis sangs rgyas la sogs pa dge slong gi dge 'dun zla ba gsum gyi bar du spyan drangs nas/ nyin res kyis sangs rgyas la sogs pa dge
41b5 slong gi dge 'dun la yo byad thams cad kyis zla ba gsum gyi bar du bsnyen bkur byas so//der de dag gi lhag rol ci yod pa de dag thams cad bram ze'i khye'u de la byin nas/ bram ze'i khye'us de dag thams cad bsdus te/ gzhan dag kyang kAr ShA pa Na gzhan dag 'bul du bcug nas/ tha ma'i
41b6 nyin par des sangs rgyas la sogs pa dge slong gi dge 'dun khyim du spyan drangs te/rgyal po gsal rgyal dang / khyim bdag mgon med zas sbyin la yang bskul nas/ des de nyid kyi mtshan mo lam yang mdzes par byas/ grong khyer yang mdzes par byas nas/ de nyid kyi mtshan mo
41b7 bza' ba dang bca' ba gtsang ma bzang po mang po sbyar ro//nang par sngar langs nas gdan bshams te/ chu ra bkang nas bcom ldan 'das la phrin gyis gdugs tshod bskul ba/ btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs
42a1 te/gshegs su gsol zhes bskul to/ /de nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong mang pos zhabs 'bring byas te/ dge slong gi dge 'dun gyis mdun du bdar nas/ bram ze'i khye'u de'i bkad sa
42a2 ga la ba der gshegs te phyin nas/dge slong gi dge 'dun gyi gung la gdan bshams pa la bzhugs so/ /de nas bram ze'i khye'u des sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang
42a3 pos tshim par byas te/ci bzhed pa bstabs nas/ bcom ldan 'das la che ba la 'os pa'i na bza' phul lo/ /dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab pa/ kye ma dge ba'i rtsa ba 'dis na/ bdag
42a4 'jig rten long ba 'dren pa med pa ston pa med par/de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/
42a5 sangs rgyas bcom ldan 'das su gyur cig ces byas so/ /de nas bcom ldan 'das kyis bram ze'i khye'u de la bka' stsal pa/ bram ze'i khye'u legs so/ /legs so/ /ma 'ongs pa'i dus na bram ze'i khye'u khyod/ 'jig rten long ba 'dren pa med pa ston pa med par/ de bzhin gshegs
42a6 pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'thun mdzad ces bya bar 'gyur ro/ /zhes gsungs
42a7 so// //pad ma gnyis zhes bya ba de la/ pad ma gnyis zhes bya ba de la/ pad ma dang po ni/ gleng gzhi mnyan du yod pa na bzhugs te/ rgyal po gsal rgyal gyi lugs kyis na/ nyin gcig bzhin du dus gsum du bcom ldan 'das la blta ba'i phyir 'gro zhing / bcom ldan 'das la bdug pa dang /
42b1 phye ma dang / spos dang me tog rnams kyis mchod pa byas nas/ chos nyan pa'i phyir spyan sngar 'dug go/ /de'i tshe kun dga' ra ba'i srungs ma'i gnas dga' ldan gyi pad ma'i mtsho'i nang na/ dus ma yin par pad ma zhig skyes nas/ de'i blo skyes pa/ rgyal po gsal rgyal nyin
42b2 gcig bzhin du dus gsum du dge sbyong gau ta ma la bdug pa dang /phye ma dang spos dang me tog rnams kyis bkur stir byed kyi pad ma 'di bdag gis de la 'bul bar bya'o snyam nas/ de khyer te mnyan du yod par song ngo / /de'i tshe sred med kyi bu la dad pa zhig ya mtshan can thams cad la
42b3 mchod sbyin byed pa la zhugs so//de nas des mi des dus ma yin pa'i pad ma de lta bu khyer te/ 'ong ba yang mthong nas/ des de la smras pa/ kye mi khyod kyi pad ma 'o ni bdag la byin cig dang / 'di bdag gis legs ldan sred med kyi bu la mchod par bya'o/ /khyod la yang bdag gis kAr
42b4 ShA pa Na lnga brgya sbyin no zhes byas so//de'i tshe khyim bdag mgon med zas sbyin g.yog 'khor lnga brgya dang / bcom ldan 'das la blta ba'i phyir chas pa las/ khyim bdag mgon med zas sbyin gyis mi de tshig de skad zer ba thos so/ /thos nas kyang des bsams pa/ 'di ni nyes par
42b5 bshad pa'i chos can yin na/nor gyi bungs 'di snyed cig nyos te sred med kyi bu la 'bul bar 'dod na/ ci'i phyir ngas nor ches mang du bskyed de nyos la/ bcom ldan 'das la dbul bar mi bya snyam nas/ des kun dga' ra ba'i srungs ma la smras pa/ ngas khyod la kAr ShA pa Na stong sbyin
42b6 gyi/pad ma 'o ni nga la byin cig /de nas sred med kyi bu la dad pa des thos nas nga rgyal skyes te/ des kAr ShA pa Na nyis stong sbyin par byas so/ /de bzhin du de gnyis kyis kAr ShA pa Na 'bum gyi bar du gong nas gong du bskyed do/ /de nas kun dga' ra ba'i srungs ma de'i blo skyes pa/ 'di ltar
42b7 khyim bdag mgon med zas sbyin lta bus mi zhig gi phyir 'bum gtong bar byed pa dang sbyar na/dge slong gau ta ma de ni che ba zhig yin gor ma chag na/ ci'i phyir bdag nyid song la/ bcom ldan 'das de la mchod par mi bya snyam du bsams nas/ kun dga' ra ba'i srungs ma des khyim bdag
43a1 mgon med zas sbyin la smras pa/khyim bdag bdag la nor mi dgos kyi/ bdag nyid kyis bcom ldan 'das de la mchod par bya'o zhes byas nas/ pad ma de khyer te rgyal bu rgyal byed kyi tshal du song nas/ kun dga' ra ba'i srungs ma des/ thag ring po zhig nas sangs
43a2 rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/
43a3 blo gsal zhing dri ma med la/ rnam par dag pa dang ldan pa'i sangs rgyas bcom ldan 'das mthong ngo / /mthong nas kyang mchog tu dga' ba skyes so/ /dga' ba skyes nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom
43a4 ldan 'das la mchod pa'i phyir steng du bor na/bcom ldan 'das kyi mthus pad ma de shing rta'i 'phang lo tsam du gyur te/ bcom ldan 'das gshegs na ni 'gro'o/ /gzhes na ni sdod do/ /de nas kun dga' ra ba'i srungs ma des/ cho 'phrul de lta bu mthong nas/ lhag par yang bcom
43a5 ldan 'das la shin tu dga' bar gyur te/bla na med pa yang dag par rdzogs pa'i byang chub tu smon lam btab pa/ kye ma dge ba'i rtsa ba 'dis bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa
43a6 dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das su gyur cig ces byas so/ /de nas bcom ldan 'das kyis kun dga' ra ba'i srungs ma de la bka' stsal
43a7 pa/bzhin legs so legs so/ /ma 'ongs pa'i dus na khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/
43b1 skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das pad ma'i bla ma zhes bya bar 'gyur ro zhes gsungs so// //pad ma gnyis pa ni/ gleng gzhi mnyan du yod pa na bzhugs te/ de'i tshe mnyan du yod pa de nyid
43b2 na/kun dga' ra ba srung ba zhig 'dug pa/ de'i mtsho'i nang nas dus ma yin par pad ma zhig skyes te/ de'i blo skyes pa/ pad ma 'di bdag gis rgyal po gsal rgyal la dbul bar bya'o/ /'on tang bdag gi longs spyod chen po dag gi 'byung khungs su 'gyur ro snyam nas/ de khyer
43b3 te rgyal po'i pho brang du chas te song ngo //sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang / ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro
43b4 ba lngar 'gro ba las rnam par grol ba/skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i
43b5 seng ge'i sgra chen po sgrogs pa rnams ni/chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su
43b6 ni phongs pa dang nyam nga ba dang gnod pa dang ldan/su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags
43b7 pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes
44a1 kyi mtshon gyis brtol bar bya/su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /'dul bar bya ba'i sras rnams la/ /sangs
44a2 rgyas dus las yol ba med//de nas bcom ldan 'das kyis dgongs pa/ kun dga' ra ba'i srungs ma de/ bla na med pa yang dag par rdzogs pa'i byang chub las phyir mi ldog par sems bskyed par 'gyur ro snyam du dgongs nas/ snga dro sham thabs dang chos gos gsol te lhung bzed
44a3 bsnams nas/mnyan du yod par bsod snyoms la gshegs so/ /de nas kun dga' ra ba'i srungs ma des/ thag ring po zhig nas sangs rgyas bcom ldan 'das mthong ngo / /mthong nas kyang bcom ldan 'das la shin tu dga' bar gyur to/ /dga' bar gyur nas bsams pa/
44a4 bdag gis rgyal po gsal rgyal btang la/ bcom ldan 'das la bdag nyid kyis mchod pa bya'o snyam nas/ des pad ma de bcom ldan 'das kyi steng gi nam mkha' la bor ba las/ bcom ldan 'das kyi mthus pad ma de shing rta'i 'phang lo tsam du gyur te/ bcom ldan 'das gshegs
44a5 na ni 'gro'o//gzhes na ni sdod do/ /de nas kun dga' ra ba'i srungs ma des cho 'phrul de lta bu mthong nas/ lhag par yang bcom ldan 'das la shin tu dga' bar gyur te/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag
44a6 'jig rten long ba 'dren pa med pa ston pa med par/de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/
44a7 sangs rgyas bcom ldan 'das su gyur cig ces byas so/ /de nas bcom ldan 'das kyis kun dga' ra ba'i srungs ma de la bka' stsal pa/ bzhin legs so legs so/ /ma 'ongs pa'i dus na khyod 'jig rten long ba 'dren pa med pa ston pa med par/ de bzhin gshegs
44b1 pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das bla ma zhes bya bar 'gyur ro zhes gsungs so// //
44b2 lta ba zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas te/ khyim bdag de yang
44b3 byams pa'i rang bzhin can/snying rje dang ldan pa/ sems can thams cad la mnyes gshin pa/ sbyin pa la sred pa/ ya mtshan can thams cad dang lta ba mtshungs pa/ sbyin pa la blo snyoms pa zhig ste/ des dus dus su mchod sbyin chen po byed la/ bstan bcos spyod pa rnams kyi gzhung
44b4 spyod par byed do//des bltas na thams cad kyang bdag la ni stod/ gzhan la ni smod par byed pas/ de dag gis khyim bdag de'i sems ma mgu'o/ /de nas phyi zhig na khyim bdag des/ bcom ldan 'das kyi bsngags pa thos nas de 'di snyam du sems te/ des chos thams
44b5 cad rtogs pa las na/bcom ldan 'das de ni thams cad mkhyen pa yin par nges so snyam nas/ bsngags pa thos ma thag tu sems skyes pa/ kye ma bcom ldan 'das de bdag gi mchod sbyin gyi gnas 'dir gshegs kyang ci ma rung snyam mo/ /de nas bcom ldan 'das kyis dgongs
44b6 pa/bdag gis khyim bdag de'i dge ba'i rtsa ba rnams bskyed par bya dgos la/ 'di la brten nas 'dul bar bya ba phal po che drang du yod do snyam nas/ rgyal bu rgyal byed kyi tshal nas mi snang bar gyur te/ khyim bdag de'i mchod sbyin gyi gnas su zhugs par gyur to/ /de nas khyim bdag
44b7 des thag ring po zhig nas sangs rgyas bcom ldan 'das mthong ngo //mthong nas kyang dga' ba skyes so/ /dga' ba skyes nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /kye ma
45a1 bcom ldan 'das bdag gi mchod sbyin gyi gnas su gshegs te/longs spyod par mdzad du gsol/ de nas bcom ldan 'das kyis khyim bdag de la cang mi gsung bas gnang ngo / /de nas khyim bdag des sangs rgyas la sogs pa dge slong gi dge 'dun bde
45a2 bar bzhugs par rig nas/rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas chos nyan pa'i phyir spyan sngar 'dug go/ /de nas bcom ldan 'das kyis bla na med pa yang dag par rdzogs pa'i byang chub tu spro ba bskyed nas/ khyim
45a3 bdag de bla na med pa yang dag par rdzogs pa'i byang chub la 'dod pa skyes nas/des sangs rgyas la sogs pa dge slong gi dge 'dun dang bcas pa zla ba gsum spyan drangs te/ rgyal bu rgyal byed kyi tshal du yo byad thams cad sbyar nas/ sangs rgyas la sogs pa dge slong gi dge 'dun la yo
45a4 byad thams cad kyis bsnyen bkur byas te/tha ma'i nyin par sangs rgyas la sogs pa dge slong gi dge 'dun rnams la zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo/ /dge slong gzhan dag la yang re re la ras zung re phul nas/ bla na med pa yang
45a5 dag par rdzogs pa'i byang chub tu smon lam btab ste/kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten
45a6 mkhyen pa/skyes bu 'dul ba'i/ kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das su gyur cig ces byas so/ /de nas bcom ldan 'das kyis khyim bdag de la bka' stsal pa/ khyim bdag legs so legs so/ /ma 'ongs pa'i dus na khyod 'jig
45a7 rten long ba 'dren pa med pa/ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs
45b1 rgyas bcom ldan 'das legs mthong zhes bya bar 'gyur ro zhes gsungs so// //las brgya tham pa/ bam po sum cu gcig pa/ rin po che zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa nas ded dpon zhig gis zong khyer te/ rgya mtsho chen po'i
45b2 nang du chas so//ded dpon de yang mo ltas gtso bor 'dzin pa zhig ste/ de zong rnams rnga mo dang bong bu la sogs pa la bkal nas/ mnyan du yod pa'i phyi sgo chen mo las byung ste/ lam po cher zhugs nas des sems 'di lta bu bskyed de/ gal te bdag rgya mtsho chen po'i nang nas/
45b3 nye zho med par bde bar 'ongs te/ rgya mtsho'i gru bo che'i don grub nas/ phyir 'khor bar gyur na sgo 'dir bdag gi sgo'i dus ston bya'o/ /lam po che 'dir yang lam gyi dus ston bya'o zhes byas nas rgya mtsho chen por song ngo / /de nas de rin po che'i gling bgrod par bsgrubs te/ rgya mtsho
45b4 chen po'i nang nas 'gram du byung nas/des bsams pa/ bdag gru bo ches rgya mtsho chen po'i nang du zhugs te/ des na bdag gis nor chen po bsgrubs kyis/ bdag gis rgya mtsho'i 'gram 'di nyid du rgya mtsho'i lha rnams dang / gru bo che la gnas pa'i lha rnams la bkur
45b5 sti bya'o snyam nas/des rgya mtsho'i 'gram de nyid du lha rnams la bkur sti chen po byas te/ mnyan du yod par chas so/ /de nas de mthar gyis rgyu zhing song song ba las/ mnyan du yod par phyin nas/ mnyan du yod par zong rnams bzhag ste/ des grong khyer gyi phyi sgo chen po dang /
45b6 lam po che de'i lha rnams la mchod pa chen po byas nas/ sbyin pa dag sbyin zhing bsod nams dag byed pa la zhugs te/ des rin po che'i phung po chen po spungs nas/ dge sbyong dang bram ze dang / spyod pa pa dang kun tu rgyu dang / sdug cing phongs pa dang / bkres pa rnams la sbyin pa byed pa la
45b7 zhugs so//sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang / ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par
46a1 grol ba/skye mched drug la mkhas pa/ byang chub kyi yan lag bdun la spyod yul ba/ rnam par thar par brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag
46a2 pa'i seng ge'i sgra chen po sgrogs pa rnams ni/chos nyid kyis nyin dus gsum/ mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar 'gyur/ su ni gnod
46a3 pa dang ldan/su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang / 'bras bu la gzhag par bya/ su ni nyes par spyod pa'i 'dam du bying ba las
46a4 lag nas drang bar bya/su ni 'phags pa'i nor bdun med pa las/ 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i
46a5 rtsa ba rnams yongs su smin zin pa las ye shes kyi mtshon gyis brtol bar bya/su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar
46a6 bya ba'i sras rnams la//sangs rgyas dus las yol ba med/ /de nas bcom ldan 'das kyis dgongs pa ded dpon 'di ni/ bla na med pa yang dag par rdzogs pa'i byang chub las phyir mi ldog par sems bskyed par 'gyur ro snyam du dgongs nas snga dro sham thabs dang chos gos gsol te/
46a7 lhung bzed bsnams nas dge slong mang pos zham ring byas te/ dge slong gi dge 'dun gyis mdun du bdar nas/ sgo de nyid nas mnyan du yod pa'i nang du gshegs pa dang / ded dpon des thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis
46b1 legs par brgyan cing spa bar byas pa mthong ngo //mthong nas kyang de bcom ldan 'das la shin tu dga' ba skyes so/ /dga' ba skyes nas des rin po che spar gyis btab ste/ bcom ldan 'das la gtor nas de dag sangs rgyas kyi mthus/ bcom ldan 'das kyi stong du lding khang lta bur
46b2 chags te 'dug nas bcom ldan 'das gshegs na ni 'gro'o//gzhes na ni sdod do/ /de nas ded dpon des cho 'phrul de lta bu mthong nas/ lhag par yang dga' ba skyes so/ /dga' ba skyes nas bcom ldan 'das kyi zhabs la phyag 'tshal te/ gsol pa/ zla ba gsum gyi bar du
46b3 bcom ldan 'das dge slong gi dge 'dun dang bcas pa'i na bza' dang /zhal zas dang / gzims cha dang / gdan dang snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis cang mi gsung
46b4 bas ded dpon de la gnang ngo //de nas ded dpon des bcom ldan 'das kyis cang mi gsung bas gnang bar rig nas/ rgyal bu rgyal byed kyi tshal du yo byad thams cad sbyar te/ des sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen
46b5 bkur byas nas/tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo/ /dge slong gzhan dag la yang re re la ras zung re phul nas/ bla na med pa yang dag par rdzogs
46b6 pa'i byang chub tu smon lam btab ste/kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen
46b7 pa/skyes bu 'dul ba'i/ kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das su gyur cig ces byas so/ /de nas bcom ldan 'das kyis bka' stsal pa/ ded dpon legs so legs so/ /ma 'ongs pa'i dus na khyod 'jig rten long ba
47a1 'dren pa med pa ston pa med par/de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams
47a2 kyi ston pa/sangs rgyas bcom ldan 'das rin chen gtsug tor can zhes bya bar 'gyur ro zhes gsungs so// //nor zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag cig gnas pa des thabs zlar bab pa las chung ma
47a3 blangs nas/de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun par ming
47a4 btags te/de 'o ma dang zho dang mar dang zhun mar dang mar gyi nying gus bskyed bsrings nas/ de gang gi tshe cher skyes pa de'i tshe yi ge dang khong rtsis dang / shod dgod pa dang / lag rtsis dang dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che
47a5 brtag pa dang /spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa la bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang
47a6 bar gyur to//de nas phyi zhig na des zong khyer te/ rgya mtsho'i nang du song ba las/ rgya mtsho'i gru bo che'i don grub nas phyir 'ongs so/ /khyim bdag des kyang khyim bdag mgon med zas sbyin la brten nas/ bcom ldan 'das kyi bstan pa la dad pa rnyed de/ skyabs su 'gro ba dang / bslab
47a7 pa'i gzhi rnams blangs so//de nas phyi zhig na khyim bdag des sangs rgyas la sogs pa dge slong gi dge 'dun khyim du spyan drangs te/ rang gi lag nas bza' ba dang bca' ba gtsang ma bzang po mang pos tshim par byas nas/ ci bzhed pa bstabs te/ chos nyan pa'i phyir spyan sngar 'dug go/ /
47b1 de nas bcom ldan 'das kyis khyim bdag de'i bsam pa dang / bag la nyal dang / khams dang shes pa dang / rang bzhin thugs su chud nas/ de dang 'thun pa'i chos bstan te/ de nas khyim bdag de 'khor dang bcas pas/ stan de nyid la 'khod bzhin du 'jig tshogs la lta ba'i
47b2 ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas te/ des bden pa mthong nas yang dang yang du rgyal bu rgyal byed kyi tshal du 'gro zhing / bcom ldan 'das la chos nyan par byed do/ /bdag gi bu yang dang yang du dran par byed de/
47b3 kye ma de yang 'dir 'ongs te/ bcom ldan 'das kyi bstan pa la dad pa rnyed par gyur la/ chos 'di lta bu dag kyang thob na ci ma rung snyam mo/ /de nas phyi zhig na khyim bdag gi bu de rgya mtsho'i gru bo che'i don grub ste/ phyir 'ongs nas des skyed mos tshal du rdzas rnams bzhag nas/ pha ma
47b4 gnyis blta ba'i phyir shin tu rings par bdag gi khyim du song ba las/de'i pha ma gnyis chos nyan pa'i phyir rgyal bu rgyal byed kyi tshal du song nas/ khyim bdag gi bu des pha ma gnyis chos nyan pa'i phyir/ rgyal bu rgyal byed kyi tshal du song ngo zhes thos so/ /thos nas kyang de yang rgyal
47b5 bu rgyal byed kyi tshal de nyid du song ste/de der phyin nas bdag gi pha ma gnyis blta bar bya'o snyam pa las/ khyim bdag gi bu des pha ma gnyis chos nyan pa'i phyir bcom ldan 'das kyi spyan sngar 'dug pa mthong ngo / /mthong nas kyang bcom ldan 'das ga la ba der song ste phyin nas/ bcom
47b6 ldan 'das kyi zhabs la mgo bos phyag 'tshal te/pha ma gnyis kyi mgul nas 'jus nas chos nyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis khye'u de'i mdun du bla na med pa yang dag par rdzogs pa'i byang chub tu spro ba skye bar 'gyur ba'i gtam bka'
47b7 stsal to//de nas de thos ma thag tu khye'u de bla na med pa yang dag par rdzogs pa'i byang chub la 'dod pa skyes so/ /de nas khyim bdag de bcom ldan 'das las chos thos nas/ bu dang lhan cig tu bdag gi khyim du song ngo / /der song nas de gnyis kyis bu de la smras pa/ bu khyod
48a1 kyis rgya mtsho chen po'i nang nas bdag cag gnyis la ci zhig khyer te 'ongs/khye'us smras pa/ rin po che rin thang che ba dag btsal te mchis so/ /pha ma gnyis kyis de la smras pa/ bu khyod kyis ni rgya mtsho'i nang du song nas sdug bsngal stong phrag grangs med pa myong
48a2 ste/rin po che tha mal pa dag khyer te 'ongs so/ /bdag cag gis ni 'di nyid na 'dug bzhin du/ tshegs chung ngus rin po che rin thang chen po dag rnyed do/ /khye'us smras pa/ 'o na tshegs chung ngus rnyed pa'i rin po che dag ci 'dra ba blta bar 'tshal lo/ /de nas pha ma gnyis kyis de la bdag cag
48a3 nyid kyi yon tan rgyas par brjod do//de nas de thos ma thag tu khye'u de lhag par yang bcom ldan 'das la dga' bar gyur to/ /dga' bar gyur nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos nyan pa'i phyir spyan sngar
48a4 'dug go//de nas bcom ldan 'das kyis de'i rkyen du 'tsham pa'i chos bstan to/ /de nas khyim bdag gi bu des/ bcom ldan 'das kyi gtam gyi mjug rdzogs par rig nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su
48a5 thal mo sbyar ba btud de/bcom ldan 'das la 'di skad ces gsol to/ /zla ba gsum gyi bar du bcom ldan 'das dge slong gi dge 'dun dang bcas pa'i na bza' dang / zhal zas dang / gzims cha dang / gdan dang / snyun gsos dang / sman zong rnams sbyar bar 'tshal
48a6 na/bcom ldan 'das kyis bdag la gnang bar mdzad du gsol/ de nas bcom ldan 'das kyis khyim bdag gi bu de la cang mi gsung bas gnang ngo / /de nas khyim bdag gi bu des bcom ldan 'das kyis cang mi gsung bas gnang bar rig nas/ rgyal bu rgyal byed kyi tshal du yo
48a7 byad thams cad sbyar te/sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la na bza'
48b1 'bum ri ba phul lo//dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa
48b2 dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das su gyur cig ces byas so/ /de nas
48b3 bcom ldan 'das kyis khye'u de la bka' stsal pa/khyim bdag gi bu legs so legs so/ /ma 'ongs pa'i dus na khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/
48b4 bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das chu rlabs zhes bya bar 'gyur ro zhes gsungs so// //stobs phrog ces bya ba ni/ gleng gzhi mnyan du yod pa
48b5 na bzhugs te/de'i tshe byang phyogs kyi pan tsa la'i rgyal po dang / lho phyogs kyi pan tsa la'i rgyal po gnyis phan tshun mi 'thun par gyur te/ dus dus su skye bo phal po che kha 'dog par byed do/ /de gnyis kyi mdza' bo bshes shing gcugs pa ni/ rgyal po gsal rgyal yin te/
48b6 rgyal po gsal rgyal gyis bsams pa/ bdag gis thabs ci lta bu zhig gis de gnyis bsdum par bya snyam nas/ de'i blo skyes pa/ bcom ldan 'das ni ma dul ba dul ba yin na/ ma la bdag gis bcom ldan 'das la gsol ba gdab bo snyam nas/ bcom ldan 'das
48b7 ga la ba der song ste phyin nas/bcom ldan 'das kyi zhabs la phyag 'tshal te/ phyogs gcig tu 'dug nas/ bcom ldan 'das la rgyal po gsal rgyal gyis 'di skad ces gsol to/ /btsun pa byang phyogs kyi pan tsa la'i rgyal po dang / lho phyogs kyi pan tsa la'i rgyal po
49a1 gnyis phan tshun mi 'thun par gyur te/de gnyis kyis dus dus su skye bo phal po che kha 'dog par bgyid do/ /bcom ldan 'das ni ma dul ba dul ba lags na thugs brtse ba'i slad du/ de gnyis kyi khon sbyang ba'i slad du nan tan mdzad du gsol/ de nas
49a2 bcom ldan 'das kyis rgyal po gsal rgyal la cang mi gsung bas gnang ngo //de nas rgyal po gsal rgyal bcom ldan 'das kyis gsungs pa la mngon par bstod de/ rjes su yi rangs nas/ bcom ldan 'das kyi zhabs la mgo bos phyag 'tshal te bcom ldan 'das kyi thad nas
49a3 song ngo //de nas bcom ldan 'das rgyal bu rgyal byed kyi tshal nas mi snang bar gyur te/ byang phyogs kyi yul pan tsa la dang / lho phyogs kyi yul pan tsa la gnyis kyi bar mtshams su gshegs te bzhugs nas/ bcom ldan 'das kyis ci nas de dag 'thab par sems pa de lta bur byin
49a4 gyis brlabs so//de nas byang phyogs kyi pan tsa la'i rgyal po dang / lho phyogs kyi pan tsa la'i rgyal po gnyis kyis dpung gi tshogs yan lag bzhi go bskon nas g.yul 'gyed pa'i phyir/ so so nas drangs so/ /de dag g.yul 'gyed par brtsams pa las/ sangs rgyas kyi
49a5 mthus de gnyi gas rang rang pham ste ma nus nas/gzhan gyis thub par mthong ste/ de gnyis so so nas shing rta re re la zhon te/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /bcom ldan 'das kyis
49a6 kyang ci nas de gnyis gcig gis gcig mi mthong bar byin gyis brlabs te/bcom ldan 'das kyis dgongs pa 'di gnyis las gcig ni nga'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur ro/ /gcig gis
49a7 ni bla na med pa yang dag par rdzogs pa'i byang chub las phyir mi ldog par sems bskyed par 'gyur ro snyam du dgongs nas/gcig la ni 'phags pa'i bden pa bzhi'i gtam gsungs so/ /gcig la ni bla na med pa yang dag par rdzogs pa'i byang chub la spro bar 'gyur ba'i
49b1 gtam gsungs so//de nas lho phyogs kyi pan tsa la'i rgyal po stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag legs par
49b2 gsungs pa'i chos 'dul ba la rab tu 'byung ba dang /bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge slong tshur shog ces bya ba'i tshig gis rab tu phyung ste/
49b3 bsnyen par rdzogs par mdzad nas/ de la lung yang phog ste/ des kyang brtson pa dang bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas so/ /byang phyogs kyi pan tsa la'i rgyal po yang stan las langs te/ bla gos phrag pa gcig
49b4 tu gzar nas/bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /zla ba gsum gyi bar du bcom ldan 'das dge slong gi dge 'dun dang bcas pa'i na bza' dang / zhal zas dang gzims cha dang / gdan dang /
49b5 snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis byang phyogs kyi pan tsa la'i rgyal po la yang cang mi gsung bas gnang ngo / /de nas byang phyogs kyi pan tsa la'i rgyal pos/ bcom
49b6 ldan 'das kyis cang mi gsung bas gnang bar rig nas/sangs rgyas la sogs pa dge slong gi dge 'dun rang gi yul du spyan drangs te/ sangs rgyas la sogs pa dge slong gi dge 'dun la zla ba gsum gyi bar du yo byad thams cad sbyar nas/ yo byad thams cad kyis bsnyen
49b7 bkur byas te/tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo/ /dge slong gzhan dag la yang re re la ras zung re phul nas/ bla na med pa yang dag par
50a1 rdzogs pa'i byang chub tu smon lam btab ste/kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde
50a2 bar gshegs pa/'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das su gyur cig ces byas so/ /de nas bcom ldan 'das kyis pan tsa la'i rgyal po de la bka' stsal pa/ rgyal po chen po legs so legs so/ /
50a3 ma 'ongs pa'i dus na rgyal po chen po khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla
50a4 na med pa lha dang mi rnams kyi ston pa/sangs rgyas bcom ldan 'das rnam par rgyal ba zhes bya bar 'gyur ro zhes gsungs so/ /las brgya tham pa las/ sdom gyi tshigs su bcad pa brgyad pa rdzogs so// //sdom ni/ bu dang ri yi gcong rong glud/ /'thab dang rnyis bzung gong ma sreg /
50a5 phag dang mi rgod sha za dang / /dbang po'i mgo ni tha ma yin/ /bu zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ bram ze zhig gnas te/ des thabs zlar bab pa las chung ma blangs te/ de de dang lhan cig tu rtse zhing dga' la dga' mgur spyod pa las/ phyi zhig na de'i chung ma
50a6 la bu chags nas/de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun par ming btags te/ 'o ma dang zho dang mar dang / zhun mar dang / mar gyi nying gus bskyed bsrings
50a7 so//'dod pa rnams ni tshwa chu dang 'dra ste/ ci tsam du bsten pa de tsam du skye bar 'gyur ro/ /de nas phyis kyang mthar gyis bram ze'i bu gcig nas gnyis nas bdun gyi bar du byung nas/ de rnams rigs dang 'thun par ming btags te/ 'o ma dang zho dang / mar dang zhun mar dang /
50b1 mar gyi nying gus bskyed bsrings te/ de dag gang gi tshe cher skyes pa de'i tshe yi ge dang bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod
50b2 sbyin gyi rig byed dang /snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram
50b3 zer gyur to//de nas phyi zhig na bram ze des bu de dag thams cad khyim phub ste/ bram ze de'i khyim na nor ci yod pa de dag thams cad so sor bgos nas bu de dag la byin no/ /de nas phyi zhig na bram ze de'i chung ma yang shi /bram ze de yang rgas te mig gis mi mthong bar gyur nas/ des
50b4 de rnams kyis khyim nas bskrad de/de gzhan dag gi khyim du slong zhing 'tsho bar byed do/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang / ye shes la mnga' brnyes pa/ ma 'dres pa'i dran par nye bar gzhag pa gsum la mkhas
50b5 pa/mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par
50b6 'jug pa/stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs
50b7 shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang / 'bras bu la gzhag
51a1 par bya/su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las/ 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/
51a2 su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ /
51a3 rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis rigs kyi bu de gdul ba'i dus la bab par dgongs nas/ sngo dro chos gos dang sham
51a4 thabs gsol te/lhung bzed bsnams nas/ mnyan du yod par bsod snyoms la gshegs te/ bcom ldan 'das mnyan du yod par gshegs pa na/ bram ze rgas shing 'khogs la gtugs pa/ khar ba dang snod thogs shing gzhan dag gi khyim du slong ba de gzigs
51a5 so//gzigs nas bram ze de la bka' stsal pa/ bram ze rgas shing 'khogs la gtugs pa/ khyod ci'i phyir khar ba dang snod thogs shing / gzhan gyi khyim du slong zhing 'dug /bram zes gsol pa/ kye ma gau tam bdag gi bu bdun mchis te/ de rnams bdag gis gsos nas
51a6 bskyed bsrings nas/thos pas kyang mthar phyin par bgyis te bzhag nas/ mchis brang dang bcas te btsems te bdag gi khyim na ci bdog pa de dag thams cad kyang bdag gis so sor bgos te stsal na/ de rnams kyis bdag khyim nas bskrad pas na/ khar ba dang snod thogs shing
51a7 gzhan dag gi khyim du slong zhing rgyu bar bgyid do//de nas bcom ldan 'das kyis bram ze de la bka' stsal pa/ bram ze khyod kyis nga las tshigs su bcad pa bslabs te/ kun chub par byas la/ bu de rnams 'khor gyi nang na 'khod pa las bsgrags par nus sam/ bram zes gsol
51b1 pa/kye ma gau ta ma bdag gis rngo thogs zhes so/ /de nas bcom ldan 'das kyis de'i tshe tshigs su bcad de bka' stsal pa/ gang dag btsas nas dgar 'gyur ba/ /gang phyir nor ni kun bsags pa/ /de dag bdag gis tshems dang sbyar/ /bdag ni khyim nas bskrad par
51b2 gyur//nor zad pas ni gang dag gis/ /bdag spangs de dag de na min/ /srin po bu yi cha lugs can/ /pha pha zhes brjod de mi brjid/ /rta rgan zho sha zad pa bzhin/ /na tshod yal bar gyur pa na/ gzhon nu rnams kyis pha rgan zhig /gzhan gyi khyim du slong bar gyur/ /rten
51b3 la ma phan bu rnams pas/bdag gi khar ba 'di bdam ste/ /khar ba 'di yi yon tan mthus/ /ba lang rdung zhing 'ong ba dang / /sbrul dang khyi za zlog par byed/ /mun pa'i nang na mdun du 'gro/ /ya nga'i gnas su tshod kyang rig /rdeg 'chos na yang bdag la rton/ /de nas bram ze
51b4 des bcom ldan 'das kyi tshigs su bcad de bka' stsal pa 'di dag thos nas/bu rnams kyi 'khor du song ste brjod nas/ bu rnams kyis de thos ma thag tu pha la bzod par gsol te/ snga mkho bzhin du khyim gyi bdag por bzhag go/ /de nas phyi zhig na/ bram ze des bsams pa/
51b5 bdag gi dpal dang skal ba dang ldan pa gang ci yang rung ba de dag thams cad ni/ bcom ldan 'das gau ta ma de'i bka' drin yin na/ ma la bdag gis bcom ldan 'das gau ta ma de bshos gsol la/ rin thang che ba'i na bza' dbul bar bya gor ma chag snyam nas/ bram ze des bcom
51b6 ldan 'das spyan drangs te/bza' ba dang bca' ba gtsang ma bzang po mang po dag gsol nas/ rin thang che ba'i na bza' phul lo/ /de nas bcom ldan 'das kyis bram ze de dang bu de rnams la de dag dang 'thun pa'i chos bstan te/ de nas bram ze de 'khor dang bcas pas/ stan de
51b7 dag nyid la 'khod bzhin du/'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga
52a1 la ba de logs su thal mo sbyar ba btud de/bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom
52a2 ldan 'das kyi thad du tshangs par spyad pa spyod par 'tshal lo//de nas bcom ldan 'das kyis bram ze de la dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog ste/ des kyang brtson pa dang bsgrub pa dang / 'bad pas nyon
52a3 mongs pa thams cad spangs te/dgra bcom pa nyid mngon sum du byas so/ /de nas dge slong rnams kyis sangs rgyas bcom ldan 'das la gsol pa/ btsun pa bram ze rgas shing 'khogs la gtugs pa 'di bu rnams kyis khyim nas bskrad nas/ 'di bcom ldan 'das kyis thabs
52a4 dang ldan pas/snga mkho'i gnas su slar sor chud par mdzad nas/ g.yung drung gi mthar thug pa grub pa dang / bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang
52a5 bram ze 'di bu rnams kyis rang gi khyim nas bskrad pa na/'di ngas snga mkho'i gnas su bzhag nas/ bsam gtan bzhi dang / mngon par shes pa lnga la ji ltar gnas par byas pa de nyon cig /dge slong dag sngon byung ba 'das pa'i dus na/ grong khyer tsam pa zhes bya ba na/ khyim
52a6 bdag cig gnas pa de la snga phyir bu bdun byung nas de dag gang gi tshe cher skyes pa de'i tshe/brtag pa rnam pa brgyad la byang bar gyur nas/ khyim bdag des bu de dag thams cad khyim phub ste/ de'i ci bdog pa de dag thams cad kyang so sor bgos nas/ de rnams la byin no/ /khyim
52a7 bdag de yang rgas shing 'khogs la gtugs par gyur nas/de bu de rnams kyis khyim nas bskrad de/ de rgas bzhin zong khyer te yul gzhan du chas so/ /de'i tshe dka' thub kyi gnas zhig na/ drang srong rdzu 'phrul che zhing mthu che ba zhig gnas te/ dka' thub kyi gnas de'i 'dab cig
52b1 tu de 'ongs nas/drang srong des khyim bdag de mthong nas smras pa/ khyim bdag rgas shing 'khogs la gtugs pa khyod ci'i phyir yul gzhan du chas te 'gro/ de nas khyim bdag des gtam de drang srong de la rgyas par bsnyad do/ /de nas drang srong gis smras pa/ khyim bdag
52b2 khyod ngas ci nas bu de rnams kyis mchod pa dang rim gro byed par 'gyur ba de ltar bya'o zhes smras nas/drang srong des khyim bdag de phyir zlog ste rang gi gnas su khrid nas/ drang srong des de'i bu rnams la de dang 'thun pa'i chos bstan te/ des na bu de rnams kyis pha de khyim du bos nas/ snga
52b3 mkho bzhin du bzhag go//de nas khyim bdag des snga ma'i drin lan bsab pa'i phyir drang srong de khyim du zas byin nas/ de'i thad du rab tu byung ste/ de rab tu phyung nas bsam gtan bzhi dang / mngon par shes pa lnga bskyed do/ /dge slong dag ji snyam du sems/ de'i tshe drang srong du gyur
52b4 pa/byang chub sems dpa'i spyod pa la gnas pa gang yin pa de ni nga nyid yin no/ /de'i tshe khyim bdag tu gyur pa gang yin pa de ni bram ze 'di kho na yin no/ /de'i bur gyur pa gang yin pa de dag ni bu 'di dag kho na yin te/ de'i tshe yang 'di rgas shing 'khogs la gtugs par gyur nas/
52b5 khyim nas bskrad pa las ngas thabs dang ldan pas snga mkho'i gnas su bcug ste bzhag nas/ bsam gtan bzhi dang / mngon par shes pa lnga la gnas par byas so/ da ltar yang 'di rgas shing 'khogs la gtugs par gyur nas/ khyim nas bskrad pa las ngas thabs dang ldan
52b6 pas snga mkho'i gnas su bcug ste bzhag nas/g.yung drung gi mthar thug pa grub pa dang / bde ba'i mya ngan las 'das pa la bzhag go/ /gzhan yang yang dag par rdzogs pa'i sangs rgyas 'od srung gi gsung rab la 'di rab tu byung ste/ der tshe gcig tu tshangs par spyod pa spyad nas/
52b7 dbang po rnams yongs su smin par byas pa des na/ da ltar rnam par grol bar gyur to// //ri zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag cig gnas pa des/ thabs zlar bab pa las chung ma blangs nas/ de de dang
53a1 lhan cig tu rtse zhing dga' la dga' mgur spyod pa las/phyi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ rigs dang 'thun par ming btags nas/ de 'o ma
53a2 dang /zho dang / mar dang / zhun mar dang / mar gyi nying gus bskyed bsrings te/ de gang gi tshe cher skyes pa de'i tshe yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po
53a3 che brtag pa dang /spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa la bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa
53a4 brgyad la byang bar gyur to//de nas phyi zhig na de phas mdza' sde rnams kyi nang du btang ngo / /mdza' sde bo de rnams ni lta ba dang / 'dod pa tha dad pa phan tshun mi 'thun par smra ba sha stag ste/ gang dag gang la dga' ba de dag de'i bsngags pa rjod par byed do/ /khyim bdag gi bu
53a5 de ni rang bzhin gyis mdzangs pa zhig ste/thams cad kyi gzhung lugs 'dri bar byed na/ la la ci zer/ la la ci zer bar gyur nas/ lta ba'i rnam pa de dag mi 'dod cing / mi bzod la rung bar mi 'dzin to/ /de nas phyi zhig na dge bsnyen zhig gis sangs rgyas kyi bsngags pa
53a6 yang dag pa ci lta ba bzhin du brjod nas/de thos ma thag tu khyim bdag gi bu des dris pa/ sangs rgyas zhes bya ba'i sgra byung ba 'di dag ni sngon ma byung na sangs rgyas zhes bya ba de su zhig /de nas dge bsnyen des de dang 'thun pa'i sangs rgyas kyi bsngags pa brjod do/ /de nas khyim bdag
53a7 gi bu de bcom ldan 'das blta bar 'dod par gyur to//de nas des thams cad bor te/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos nyan pa'i phyir spyan sngar 'dug go/ /de nas bcom ldan 'das kyis de la
53b1 de dang 'thun pa'i chos bstan te/de thos nas khyim bdag gi bu de bcom ldan 'das la sems dga' bar gyur to/ /de nas khyim bdag gi bu des bcom ldan 'das kyi gtam mjug rdzogs par rig nas/ bcom ldan 'das kyis gsungs pa la mngon par bstod cing rjes su yi
53b2 rangs te/bcom ldan 'das kyi zhabs la mgo bos phyag 'tshal nas/ bcom ldan 'das kyi thad nas song ngo / /de nas phyi zhig na de sbyin pa gtong ba'i sems skyes la/ khyim na ni ci yang mi bdog par mthong nas/ de'i blo skyes pa/ bdag rgya mtsho chen po'i nang du song la/ gal
53b3 te bdag gi lan cig tsam rin po che'i gling bgrod pa bsgrub nus par gyur na yang /de ltar na bde blag tu sbyin pa dag sbyin zhing bsod nams dag kyang byed nus so snyam nas/ tshong pa lnga brgya tsam dang lhan cig tu zong khyer te/ rgya mtsho chen po'i nang du song nas/ des rin po che'i gling bgrod pa
53b4 bsgrubs te/phyir 'dzam bu'i gling logs su chas pa las/ de dag rlung mi bzod pa byung nas/ des gru bo che de ri'i gcong rong zhig tu btsangs so/ /de nas rgya mtsho'i dus rlabs phyir log pa dang / tshong pa de dag 'jigs shing skrag ste/ bdag cag ni shi zin no/ /bdag cag
53b5 gi srog ni med zin no//da bdag cag la dga' ba byed pa dang / srog phangs pa sbyin pa su yod ces 'dzer to/ /de nas ded dpon gyis smras pa/ ma 'jigs shig ma 'jigs shig /sangs rgyas bcom ldan 'das la skyabs su deng shig dang / des bdag cag phongs
53b6 pa dang /dkos thag pa dang gnod pa dang phrad pa las skyabs mdzad par 'gyur ro zhes byas so/ /de nas de thos ma thag tu tshong pa de rnams sangs rgyas la skyabs su song ste/ btsun pa bcom ldan 'das kyis ni 'di lta ste/ 'das pa dang / ma 'ongs pa dang da ltar byung ba ci yang
53b7 mi gzigs pa dang /mi mkhyen pa dang / thugs su ma chud pa ma mchis na/ kye ma btsun pa bdag cag phongs shing dkos thag la gnod pa dang phrad pa rnams la skyabs mdzad du gsol/ srog phangs pa stsal du gsol zhes byas so/ /de nas bcom ldan 'das kyis ci nas
54a1 gru de rang nyid ri'i gcong rong de nas phyir log ste/rgya mtsho'i 'gram du 'byung bar 'gyur ba de lta bur byin gyis brlabs so/ /de nas de dag rgya mtsho chen po'i 'gram du byung nas/ mthar gyis mnyan du yod par song ste/ mnyan du yod par rdzas rnams bzhag nas/
54a2 bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das kyi zhabs la 'o byas nas/ 'di skad ces gsol to/ /bcom ldan 'das ni bdag cag la dka' ba mdzad mdzad pa lags/ srog phangs pa stsol ba
54a3 lags so zhes gsol nas/chos mnyan pa'i phyir spyan sngar 'khod do/ /de nas bcom ldan 'das kyis de rnams kyi bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ de nas ded dpon la
54a4 sogs pa tshong pa lnga brgya po rnams kyis stan de nyid la 'khod bzhin du/'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de rnams kyis bden pa mthong nas/ gsol pa/ btsun pa bdag
54a5 cag legs par gsungs pa'i chos 'dul ba la rab tu 'byung ba dang /bsnyen par rdzogs shing dge slong gi dngos po 'thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis de dag la dge slong tshur
54a6 shog ces bya ba'i tshig gis rab tu phyung ste/bsnyen par rdzogs par mdzad nas/ de dag la lung yang phog nas/ de dag gis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dag
54a7 dgra bcom pa khams gsum pa'i 'dod chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang
54b1 mngon par shes pa dang /so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong rnams kyis sangs
54b2 rgyas bcom ldan 'das la gsol pa/btsun pa tshong pa lnga brgya po 'di rnams ded dpon 'di la brten te/ bcom ldan 'das kyis 'jigs pa chen po las bskyabs nas/ g.yung drung gi mthar thug pa grub pa dang / bde ba'i mya ngan las 'das pa la bkod pa la gzigs/
54b3 bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang tshong pa lnga brgya po 'di rnams kyis/ ded dpon 'di la brten te/ ngas 'jigs pa chen po las bskyabs nas/ bsam gtan bzhi dang / mngon par shes pa lnga la ci ltar bkod
54b4 pa de nyon cig /dge slong dag sngon byung ba 'das pa'i dus na/ grong khyer bA rA Na sI na dka' thub kyi gnas zhig na/ drang srong mngon par shes pa lnga dang ldan pa/ rdzu 'phrul che zhing mthu che ba zhig gnas te/ de yang bA rA Na sI na gnas pa'i skye bo mang pos bkur stir bya ba dang / bla
54b5 mar bya ba dang /ri mor bya ba dang / mchod par bya ba zhig go/ /de nas phyi zhig na bA rA Na sI na tshong pa lnga brgya tsam gyis/ drang srong de la bsnyen bkur byas nas/ rgya mtsho chen po'i nang du song ste/ de dag gi rin po che'i gling bgrod pa bsgrubs nas/ phyir 'dzam bu'i gling logs su chas
54b6 pa las/de dag gi gru bo che rgya mtsho'i dus rlabs kyis thang la 'phangs nas/ de dag der 'jigs shing skrag par gyur te/ bdag cag 'tsho ba'i dus skabs med do snyam nas/ de dag lha rnams la gsol ba 'debs par byed do/ /de nas ded dpon gyis smras pa/ bdag cag gis
54b7 lha gzhan dag la gsol ba gdab ci dgos/bdag cag drang srong de nyid la skyabs su 'gro bar bya'o/ /'on kyang des bdag cag phongs shing dkos thag pa dang / gnod pa dang phrad pa la skyabs byed par 'gyur zhing / srog phangs pa sbyin par byed do/ de nas de thos ma thag /
55a1 tu tshong pa lnga brgya po de dag drang srong de kho na la skyabs su dong ngo / /de nas drang srong de la dga' ba'i lhas drang srong de la sbran nas/ drang srong des tshong pa lnga brgya po de dag rdzu 'phrul gyis rgya mtsho chen po'i nang nas phyung ste/ rang gi dka' thub kyi tshal du bkod do/ /de
55a2 nas tshong pa rnams kyis bsams pa/bdag cag gson por gyur pa ci yang rung ba de dag thams cad ni drang srong 'di'i mthu yin no snyam nas/ sbyin pa dag byin zhing bsod nams dag byas nas/ thams cad drang srong de'i thad du rab tu byung ste/ de dag der rab tu byung nas/ bsam
55a3 gtan bzhi dang /mngon par shes pa lnga bskyed do/ /dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe ded dpon du gyur pa gang yin pa dang / tshong par gyur pa gang yin pa de dag
55a4 ni/tshong ba 'di rnams kho na yin te/ de'i tshe yang 'di rnams kyis ded dpon 'di kho na la brten nas/ ngas 'jigs pa chen po las bskyabs te/ bsam gtan bzhi dang / mngon par shes pa lnga la bkod do/ /da ltar yang 'di rnams kyis ded dpon 'di la brten
55a5 nas/ngas 'jigs pa chen po las bskyabs te/ g.yung drung gi mthar thug pa grub pa dang / bde ba'i mya ngan las 'das pa la bkod do/ /gzhan yang yang dag par rdzogs pa'i sangs rgyas 'od srung gi gsung rab la 'di dag thams cad rab tu byung ste/ der 'di
55a6 rnams kyis tshe gcig tu tshangs par spyod pa spyad nas/dbang po rnams yongs su smin par byas pa des na/ da ltar rnam par grol bar gyur to// //glud ces bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag
55a7 phyug cing nor mang la/longs spyod che ba yongs su 'dzin pa/ yangs shing rgya che ba rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur
55b1 spyod do//khyim bdag de yang bu mi gshin pa zhig ste/ bu dang bu mo btsas so cog 'chi bar 'gyur ro/ /khyim bdag de'i bsen ni/ tshe dang ldan pa ma 'gags pa yin te/ des khyim bdag de skyabs su 'gro ba dang / bslab pa'i gzhi rnams la gnas par byas nas/ sbyin
55b2 pa dag sbyin pa'i bgo bsha' byed du bcug go//de nas phyi zhig na khyim bdag de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas nas/ khyim bdag des bsams pa/ thabs ci ltar byas na/
55b3 khye'u 'di tshe ring bar 'gyur zhig gu snyam nas/ de'i blo skyes pa/ 'phags pa ma 'gags pa 'di ni rdzu 'phrul che zhing bsod nams dang ldan pa/ che bar grags pa yin pas na/ 'di la bdag gi bu 'di g.yog tu phul na/ 'di'i mthus tshe ring bar 'gyur yang srid do snyam nas/
55b4 pha ma gnyis kyis khye'u de tshe dang ldan pa ma 'gags pa la phul nas/ de nyin gcig bzhin du rgyal bu rgyal byed kyi tshal du khrid cing gso bar byed la/ dge slong gi cha lugs su bcug nas/ dge slong dag dang lhan cig tu bsod snyoms la rgyu bar byed do/ /de nas de gang gi tshe shed bye
55b5 bar gyur pa de'i tshe/khyim bdag des sangs rgyas la sogs pa dge slong gi dge 'dun khyim du spyan drangs nas/ rang gi lag nas bza' ba dang / bca' ba gtsang ma bzang po mang pos tshim par byas te/ ci bzhed pa bstabs nas/ khye'u de'i glud du gser dngul mang po phul
55b6 lo//bcom ldan 'das kyis kyang khyim bdag de la chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas/ gdan las bzhengs te gshegs so/ /bcom ldan 'das gshegs nas/
55b7 khyim bdag des khye'u de'i chos gos tshon can rnams phud de/ khyim pa'i gos dang rgyan rnams bskon no/ /de nas de'i khyim pa'i gos dang rgyan bskon no cog mi snang bar gyur te/ /chos gos tshon can de dag 'ba' zhig byung bar gyur to/ /de nas gang gi tshe cha lugs de bsgyur
56a1 ma nus pa de'i tshe/dge slong gi cha lugs su 'dug bzhin du gso bar byed de/ khyim de nyid du ne'u ldangs kyi grogs po lnga brgya dang lhan cig tu yi ge slob tu bcug go/ /de nas de rang gi khyim der yang dga' ba med na/ gzhan du lta ci smos te/ gtsug
56a2 lag khang 'ba' zhig tu 'gro 'dod par gyur to//de nas khyim bdag des bu de gtsug lag khang du khrid nas de nyid du gsos so/ /de nas des gtsug lag khang de nyid du bstan bcos thams cad rtogs par gyur nas/ de phyir khyim du 'gro mi 'dod do/ /gtsug lag khang du 'dug
56a3 bzhin du des rgyun du zhugs pa'i 'bras bu mngon sum du byas te/des bden pa mthong nas pha ma la gsol te/ tshe dang ldan pa ma 'gags pa'i thad du rab tu byung nas/ bsnyen par rdzogs te/ tshe dang ldan pa ma 'gags pas de la lung yang phog nas/ des kyang brtson pa
56a4 dang bsgrub pa dang /'bad pas nyon mongs pa thams cad spangs nas/ dgra bcom pa nyid mngon sum du byas so/ /dgra bcom par gyur nas bsams pa/ bdag gis 'dul bar 'gyur ba 'ga' lta ci yod snyam ste/ des bltas na bdag gi pha ma la sogs pa ne'u ldangs
56a5 kyi grogs po lnga brgya 'dul bar gyur pa mthong nas/rgyal bu rgyal byed kyi tshal nas mi snang bar gyur te/ rang gi khyim du pha ma gnyis kyi mdun nas sa brtol te byung ngo / /de nas de mthong ma thag tu pha ma gnyis kyis de la shin tu dga' bar gyur to/ /dga' bar gyur nas chos nyan pa'i
56a6 phyir mdun du 'dug go//de nas des pha ma de gnyis kyi bsam pa dang / bag la nyal dang / khams dang shes pa dang / rang bzhin rtogs nas de dang 'thun pa'i chos bstan te/ des na pha ma de gnyis 'khor dang bcas pa stan de dag nyid la 'khod bzhin du 'jig tshogs la lta ba'i
56a7 ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas te/ bden pa mthong nas skyabs su 'gro ba dang / bslab pa'i gzhi rnams la bkod de/ sbyin pa dang sbyin pa'i bgo bsha' yang byed du bcug nas/ khyim de khron pa dang 'dra
56b1 bar byas te bzhag go//des ne'u ldangs kyi grogs po lnga brgya po de dag skyabs su 'gro ba dang / bslab pa'i gzhi rnams la bkod do/ /de nas dge slong rnams kyis sangs rgyas bcom ldan 'das la gsol pa/ btsun pa khyim bdag gi bu 'dis las ci bgyis na/ las de'i
56b2 rnam par smin pas phyug cing nor mang la longs spyod che ba'i rigs su skyes la/bcom ldan 'das kyang 'dis mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid
56b3 mngon sum du bgyis te/'di nyid la brten nas pha ma la sogs pa dang / ne'u ldangs kyi grogs po lnga brgyas bden pa mthong bar gyur te/ bcom ldan 'das kyang 'dis mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon
56b4 lam gyi dbang las gyur to//gsol pa/ btsun pa 'di rnams kyis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgus tshe lo nyi khri thub pa na/ yang dag par rdzogs
56b5 pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i tshe grong khyer bA rA Na sI na
56b6 khyim bdag cig gnas pa las/phyi zhig na de'i bu gzugs bzang zhing blta na sdug la mdzes pa zhig btsas te/ de gang gi tshe cher skyes pa de'i tshe/ des yang dag par rdzogs pa'i sangs rgyas 'od srung gi bstan pa la dad pa rnyed nas/ skyabs su 'gro ba dang / bslab pa'i gzhi
56b7 rnams blangs so//de gang gi nyin par btsas pa de kho na'i nyin par khyim bdag gzhan gyi bu lnga brgya yang btsas te/ gang gi tshe de dag cher skyes pa de'i tshe brtag pa rnam pa brgyad la byang bar gyur te/ de nas de dag so so'i pha ma rnams kyis mdza' sde'i nang du btang ngo / /de nas phyi zhig na dpyid kyi
57a1 dus su mdza' sde bo de rnams skyed mos tshal shing ljon pa yal ga 'khrigs shing /me tog rgyas pa'i nang du 'gro 'dod par gyur nas/ ne'u zla rnams kyis khye'u de sngon du btang bar 'dod de/ khyod sngar song la bza' ba dang bca' ba dag sta gon gyis shig dang / bdag
57a2 cag kyang don grub nas 'ong ngo zhes byas so//de nas de der song nas bza' ba dang bca' ba gtsang ma bzang po mang po dag sta gon byas so/ /yang dag par rdzogs pa'i sangs rgyas 'od srung 'khor dang bcas pa yang sa phyogs de logs nas/ bA rA Na sIr bsod snyoms la chas te
57a3 gshegs so//de nas khye'u des thag ring po zhig nas/ yang dag par rdzogs pa'i sangs rgyas 'od srung 'khor dang bcas pa mthong ngo / /mthong nas kyang des bsams pa/ yon gnas kyi mchog 'di lta bu bsod snyoms la chas te gshegs la/ bdag gis kyang
57a4 tshegs chung ngus bza' ba dang bca' ba dag sbyar ba yod na/bdag gis je yang dag par rdzogs pa'i sangs rgyas 'od srung 'khor dang bcas pa la bshos gsol la/ de'i 'og tu bdag gis grogs po rnams kyi bza' ba dang bca' ba gzhan dag sbyar bar bya'o snyam nas/ des
57a5 yang dag par rdzogs pa'i sangs rgyas 'od srung 'khor dang bcas pa skyed mos tshal de nyid kyi nang du spyan drangs te/bza' ba dang bca' ba gtsang ma bzang po mang pos tshim par byas te/ ci bzhed pa bstabs nas chos nyan pa'i phyir spyan sngar 'dug go/ /de nas yang dag par rdzogs
57a6 pa'i sangs rgyas 'od srung gis de la chos kyi gtam gyis yang dag par bstan/yang dag par 'dzin du bcug /yang dag par gzengs bstod/ yang dag par dga' bar mdzad nas/ gdan las bzhengs te gshegs so/ /de nas khye'u des mdza' sde bo rnams kyi phyir bza'
57a7 ba dang bca' ba gzhan dag sta gon byed pa la zhugs so//de nas mdza' sde bo de rnams skyed mos tshal der lhags nas/ bdag cag gi bza' ba dang bca' ba sta gon byas pa de dag thams cad yang dag par rdzogs pa'i sangs rgyas 'od srung 'khor dang bcas pa la phul lo zhes thos
57b1 so//de thos ma thag tu de dag shas cher khros te/ de dag khros nas khye'u de bsad par byas so/ /de nas khye'u de 'jigs shing skrag par gyur nas/ drang srong smra bar song ste/ des gnas de nas pha ma gnyis la bzlugs te/ pha ma gnyis kyis 'thab mo zhi bar bya bar
57b2 brtsams pa las/zhi bar byed ma nus nas/ khye'u des pha ma gnyis la gsol te/ yang dag par rdzogs pa'i sangs rgyas 'od srung gi gsung rab la rab tu byung ngo / /de rab tu byung nas sde snod gsum lobs te rig pa dang grol ba'i spobs pa dang ldan pa'i chos smra bar gyur
57b3 nas/des pha ma gnyis skyabs su 'gro ba dang / bslab pa'i gzhi rnams la bkod nas/ sbyin pa dag dang / sbyin pa'i bgo bsha' byed du bcug go/ /de nas mdza' sde bo de rnams kyis de rab tu byung ba mthong nas/ 'gyod pa skyes te/ bdag cag gis ma legs pa byas so/ /snyam
57b4 nas/de dag gis de'i rkang pa la phyag 'tshal te/ bzod pa gsol to/ /de las skyabs su 'gro ba dang / bslab pa'i gzhi rnams kyang blangs so/ /de nas phyi zhig na dge slong de nad kyis thebs nas/ de rtsa ba dang sdong bu dang / lo ma dang me tog dang / 'bras bu'i sman rnams
57b5 kyis rim gro byas kyang /sos par byed ma nus te/ des 'chi kar smon lam btab pa/ kye ma 'di ltar bdag gis yang dag par rdzogs pa'i sangs rgyas 'od srung gi bstan pa la tshe gcig tu tshangs par spyod pa spyad kyang yon tan gyi tshogs ci yang ma thob na/ dge ba'i rtsa ba 'dis
57b6 bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog shig /yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed
57b7 par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ /de'i pha ma gnyis dang mdza' sde bo de rnams kyang de'i mdun du 'dug par gyur te/ de rnams
58a1 kyis kyang thos nas smon lam btab pa/bdag cag kyang khyod kho na la brten te/ sangs rgyas bcom ldan 'das de bdag cag rnams kyis mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i
58a2 tshe sde snod gsum par gyur pa gang yin pa de ni/khyim bdag gi bu 'di kho na yin no/ /de'i tshe pha ma gnyis su gyur pa gang yin pa de gnyis ni da ltar gyi pha ma 'di gnyis kho na yin no/ /de'i tshe mdza' sde bor gyur pa gang yin pa de dag ni/ da ltar gyi ne'u ldangs lnga brgya po 'di
58a3 dag kho na yin no//des der tshe gcig tu tshangs par spyod pa spyad nas/ 'chi kar smon lam btab pa'i las de'i rnam par smin pas/ gang dang gang du skyes pa de dang der phyug cing nor mang la longs spyod che ba'i rigs su skyes te/ dge slong dag nga yang dag par rdzogs pa'i
58a4 sangs rgyas 'od srung dang /shin tu mnyam pa dang shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung ste/ nyon mongs pa thams cad spangs
58a5 nas/dgra bcom pa nyid mngon sum du byas so/ /der de'i pha ma gnyis dang mdza' sde bo de rnams kyis kyang smon lam btab pa des na/ da ltar yang 'di kho na la brten nas/ 'di rnams kyis nga mnyes par byas te/ mi mnyes par ma byas so// //las brgya tham
58a6 pa/bam po sum cu gnyis pa/ 'thab pa zhes bya ba ni/ gleng gzhi mnyan du yod pa na bzhugs te/ de'i tshe yul ko sa la dang / yul ma ga d+hA'i bar mtshams na/ seng ge mthu rtsal bdo ba gnyis 'dug ste/ de gnyis de na 'dug pas/ skye bo mang po kha 'dog par byed
58a7 de/'drul bcad do/ /de gnyis kyis lam chod pas/ su yang lam der 'gro mi nus par gyur to/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang / ye shes la mnga' brnyes pa/ ma 'dres pa'i dran pa nye bar gzhag pa
58b1 gsum la mkhas pa/mi 'jigs pa bzhis mi 'jigs pa/ 'gro ba lnga las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms
58b2 par 'jug pa/stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni
58b3 phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang 'bras bu la
58b4 gzhag par bya/su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las/ 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i
58b5 rtsa ba rnams bskyed zin pa las yongs su smin par bya/su ni dge ba'i rtsa ba rnams smin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ /rgya mtsho chu srin rnams kyi gnas/
58b6 dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis seng ge de gnyis 'dul ba'i dus la bab par dgongs nas/ tshe dang ldan pa kun dga' bo la bka' stsal pa/ kun dga' bo
58b7 khyod song la dge slong rnams la/bcom ldan 'das yul ma ga d+hA phyogs su ljongs rgyu zhing gshegs kyis/ su bcom ldan 'das dang lhan cig tu ljongs rgyu zhing 'gro 'dod pa de dag chos gos long shig ces bsgo shig ces bka' stsal nas/ bcom ldan 'das dbyar
59a1 gnas shing /dbyar bzhugs nas/ dge slong mang pos zham ring byas te/ dge slong gi dge 'dun gyis mdun du bdar nas/ rgyal po'i khab tu chas te/ mthar gyis rgyu zhing gshegs gshegs nas/ seng ge'i nags khung du byon nas/ seng ge
59a2 de gnyis zas tshol du song song ba las/de gnyis phrad nas 'thab par chas so/ /bcom ldan 'das kyang de gnyis la thugs brtse ba'i phyir mdun logs su gzhes so/ /de nas thag ring po zhig nas/ seng ge de gnyis kyis bcom ldan 'das mthong ngo / /mthong nas
59a3 kyang seng ge gnyis khro ba'i kun nas dkris pa med par gyur te/bcom ldan 'das la shin tu dga' bar gyur nas/ de gnyis bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das kyi zhal du blta
59a4 zhing 'dug go//de nas bcom ldan 'das kyis de gnyis la bka' stsal pa/ bzhin khyed gnyis sngon gyi nyes par spyod pa'i las kyis dud 'gro'i nang du skyes na/ khyed gnyis da ltar yang de 'ba' zhig gi rgyu byed cing 'dug go/ /bzhin gnyis 'di ltar
59a5 'du byed thams cad ni mi rtag go//chos thams cad ni bdag med do/ /mya ngan las 'das pa ni zhi ba'o/ /nga la sems dga' bar gyis shig dang / dud 'gro'i skye gnas dang bral bar 'gyur yang srid do zhes bka' stsal nas/ bcom ldan 'das gshegs so/ /
59a6 de gnyis bcom ldan 'das las chos thos nas kha 'tshos so/ /dud 'gro'i skye gnas su skyes pa rnams ni me'i drod che ste/ bcom ldan 'das la sems dga' ba bskyed bzhin du shi nas lha'i nang du skyes so/ /lha'i bu'am lha'i bu mo skyes ma thag pa ni/ chos nyid kyis sems
59a7 rnam pa gsum skye bar 'gyur te/bdag gang nas shi 'phos gang du skye/ las gang gis skyes snyam mo/ /de nas dud 'gro las shi 'phos pa dang / lha'i nang du skyes pa dang / bcom ldan 'das la sems dga' bar gyur pa de gnyis kyis mthong ngo / /de nas de gnyis kyis
59b1 bsam pa/bdag cag gnyis zhag lon nas/ gzod bcom ldan 'das la blta ba'i phyir 'gro ba ni/ bdag cag gnyis kyi cha ma yin gyi/ bdag cag gnyis zhag ma lon par bcom ldan 'das la blta ba'i phyir 'gro'o snyam mo/ /de nas sngon seng ger gyur pa'i lha'i bu
59b2 rna cha gdub kor dag cing mgul rgyan thogs pa/lus do shal dang / se mo dos brgyan pa/ nor bu rin po che sna tshogs kyis spras pa'i cod pan can lus gur gum dang / ta ma la'i lo ma dang / spr-i ka la sogs pas byugs pa de gnyis kyis de nyid kyi mtshan mo lha'i me tog ud pa
59b3 la dang /pad ma dang / ku mu da dang / pad ma dkar po dang / man dA ra ba dag gis thu ba bkang ste/ rgyal bu rgyal byed kyi tshal thams cad 'od chen pos snang bar byas nas bcom ldan 'das la me tog gis gtor te/ bcom ldan 'das kyi zhabs la mgo bos phyag 'tshal
59b4 nas/chos nyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de gnyis la de dang 'thun pa'i chos bstan te/ de gnyis kyis chos thos nas bden pa mthong bar gyur te/ de gnyis kyis bden pa mthong nas rang gi gnas su song ngo / /
59b5 de nas dge slong rnams kyis rgyal bu rgyal byed kyi tshal thams cad snang ba chen pos khyab par gyur pa mthong nas/ bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten
59b6 skyong ba bzhi'am/lha'i bu rdzu 'phrul che zhing mthu che ba gzhan 'ga' zhig /bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mdang sum mi mjed kyi bdag po tshangs pa'am/ lha'i dbang po brgya byin nam/
59b7 'jig rten skyong ba bzhi'am/ lha'i bu rdzu 'phrul che zhing mthu che ba gzhan 'ga' zhig nga blta ba'i phyir 'ongs pa ma yin gyis/ dge slong dag khyed kyis nags khung dgon pa na/ seng ge gnyis phan tshun 'thab cing 'dug pa mthong ngam/ gsol pa/ btsun pa mthong lags so/ /
60a1 bka' stsal pa/ ngas de gnyis la chos bstan te/ de gnyis kyis nga las chos thos nas kha 'tshos te/ de gnyis shi 'phos te dus las 'das pa las lha'i nang du skyes te lhar gyur nas/ nga'i thad du 'ongs te/ de gnyis la ngas chos bstan nas/ nga las
60a2 chos thos pa des na/de dag gis bden pa rnams mthong ste/ de gnyis kyis bden pa mthong nas/ rang gi gnas su song ngo / /de nas dge slong rnams kyis sangs rgyas bcom ldan 'das la gsol pa/ btsun pa bcom ldan 'das kyis seng ge de gnyis kyi khon byang bar
60a3 mdzad de/mtho ris dang thar pa thob par mdzad la/ yul 'khor gnyis kyi 'jigs pa bsal ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas 'di gnyis kyi khon byang bar byas nas/ bsam gtan bzhi
60a4 dang /mngon par shes pa lnga la bkod de/ yul 'khor gnyis kyi 'jigs pa yang ci ltar bsal ba de nyon cig /dge slong dag sngon byung ba 'das pa'i dus na/ yul kA shi'i rgyal po tshangs pas byin dang / bi de ha'i rgyal po dbang chen sde gnyis phan tshun mi 'thun par
60a5 gyur nas/de gnyis kyis dus dus su skye bo phal po che kha 'dog par byed do/ /de nas phyi zhig na de gnyis kyis dpung gi tshogs yan lag bzhi go bskon nas/ g.yul 'gyed par 'dod pa'i phyir/ sa mtshams na 'khod do/ /de gnyis 'khod pa'i 'dab na dka'
60a6 thub kyi gnas zhig na/drang srong mngon par shes pa lnga dang ldan pa/ rdzu 'phrul che zhing mthu che ba zhig gnas pa des/ de gnyis la snying brtse ba'i phyir/ steng gi nam mkha' la 'ongs nas/ de gnyis kyi bar mtshams su 'dug go/ /de nas drang srong de mthong nas de
60a7 gnyis kyi khro ba'i kun nas dkris pa med par gyur nas/drang srong de la shas cher dga' bar gyur to/ /de gnyis dga' bar gyur nas/ drang srong de la smras pa/ bka' stsal pa ci mchis/ drang srong des smras pa/ khon byang bar gyis shig /rgyal po de gnyis kyis smras
60b1 pa/drang srong gis ci skad bka' stsal pa de bzhin du 'tshal lo zhes smras nas/ mjal dum byas te/ drang srong gi rkang pa la phyag 'tshal nas/ chos nyan pa'i phyir/ drang srong gi mdun du 'dug go/ /drang srong des kyang de gnyis la de dang 'thun pa'i chos bstan to/ /de nas rgyal po
60b2 de gnyis kyis so so'i bu rab rgyal sar bcug nas/drang srong de nyid kyi thad du rab tu byung ste/ bsam gtan bzhi dang / mngon par shes pa lnga bskyed do/ /dge slong dag ji snyam du sems/ de'i tshe drang srong du gyur pa/ byang chub sems dpa'i spyod pa la gnas pa gang yin
60b3 pa de ni nga nyid yin no//de'i tshe kA shi'i rgyal po tshangs pas byin dang / bi de ha'i rgyal po dbang chen sder gyur pa gang yin pa de gnyis ni/ seng ge 'di gnyis kho na yin te/ de'i tshe yang ngas 'di gnyis kyi khon byang bar byas nas rab tu byung ste/ bsam gtan bzhi dang / mngon
60b4 par shes pa lnga bskyed do//da ltar yang ngas 'di gnyis kyi khon byang bar byas nas/ mtho ris dang thar pa thob par byas so/ /gsol pa/ btsun pa 'di gnyis kyis las ci bgyis na/ las de'i rnam par smin pas seng ger skyes lags/ las ci bgyis na/ de nas shi
60b5 'phos nas lha'i nang du skyes la 'di gnyis kyis bcom ldan 'das mnyes par bgyis te/mi mnyes par ma bgyis lags/ bcom ldan 'das kyis bka' stsal pa/ 'das pa'i las kyang yod/ da ltar gyi las kyang yod de/ 'das pa'i las gang zhe na/ yang dag par rdzogs
60b6 pa'i sangs rgyas 'od srung gi gsung rab la 'di gnyis dge bsnyen du gyur te/kha mi mkhas pa des/ 'di gnyis khros pas/ skye bo mang po la dud 'gro zhes bya ba'i tshig smras la/ der 'di gnyis kyis tshe gcig tu skyabs su 'gro ba dang / bslab pa'i gzhi rnams bsrungs
60b7 nas/'chi kar smon lam btab pa/ yang dag par rdzogs pa'i sangs rgyas 'od srung gis/ bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig ces byas so/ /dge
61a1 slong dag ji snyam du sems/de'i tshe dge bsnyen du gyur pa gang yin pa de gnyis ni/ seng ge 'di gnyis kho na yin te/ de gnyis kyis der skye bo mang po la dud 'gro zhes bya ba'i tshig brjod pa'i las de'i rnam par smin pas ni dud 'gror skyes so/ /de gnyis kyis
61a2 der tshe gcig tu skyabs su 'gro ba dang /bslab pa'i gzhi rnams bsrungs nas/ 'chi kar smon lam btab pa des ni/ dge slong dag nga yang dag par rdzogs pa'i sangs rgyas 'od srung dang / shin tu mnyam pa dang / shugs mnyam pa dang / mdzad pa mnyam pa dang / thabs
61a3 mnyam pa brnyes par gyur nas/'di gnyis kyis nga mnyes par byas te/ mi mnyes par ma byas pa 'di ni 'das pa'i dus kyi las yin no/ /da ltar byung ba'i las gang zhe na/ 'di gnyis seng ger gyur nas/ nga la sems dga' bar byas pa des na lha'i nang du skyes te/ 'di
61a4 ni da ltar byung ba'i las yin no// //rnyis bzung ba zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ nags khrod cig na/ kyi rngon pa dag cig gis bshor pa'i phyir rgya dang rnyi dang / 'jol rlubs dang /
61a5 rnyi mang po dag btsugs nas/ der mang po zhig bzung ngo / /rngon pa de dag kyang nang par sngar langs te/ nags khrod der song nas/ de dag gis der ci zin pa rnams mda' 'phangs te bsad nas/ de dag las nyung shas cig lus so/ /de'i tshe sa phyogs der
61a6 bcom ldan 'das kyang gshegs so//de nas de rnams dang / rngon pa de rnams kyis thag ring po zhig nas bcom ldan 'das mthong ngo / /mthong nas kyang bcom ldan 'das la shin tu dga' bar gyur to/ /dga' bar gyur nas/ rngon pa de dag bcom ldan 'das ga la
61a7 ba der song ste phyin nas/bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ /de nas bcom ldan 'das kyis de rnams kyi bsam pa dang / bag la nyal dang / khams dang / shes pa dang / rang bzhin thugs su chud nas/ de
61b1 dang 'thun pa'i chos bstan te/des na rngon pa de rnams kyis stan de nyid la 'khod bzhin du rgyun du zhugs pa'i 'bras bu mngon sum du byas te/ de dag gis bden pa mthong nas/ gsol pa/ btsun pa bdag cag legs par gsungs pa'i chos 'dul ba la rab tu 'byung zhing /
61b2 dge slong gi dngos po 'thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis de dag la dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de dag la
61b3 lung yang phog ste/de dag gis kyang brtson pa dang bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so/ /de rnams kyang bcom ldan 'das la sems dga' bzhin du shi 'phos te/ dus las 'das nas lha'i nang du skyes
61b4 so//lha'i bu'am lha'i bu mo skyes ma thag pa ni chos nyid kyis sems rnam pa gsum skye bar 'gyur te/ bdag gang nas shi 'phos/ gang du skyes/ las gang gis skyes snyam mo/ /de nas dud 'gro las shi 'phos pa dang lha'i nang du skyes pa dang / bcom ldan 'das la sems
61b5 dga' bar gyur pa de dag gis mthong ngo //de nas de dag gis bsams pa/ bdag cag zhag lon nas gzod bcom ldan 'das la blta ba'i phyir 'gro ba ni bdag cag gi cha ma yin gyis/ bdag cag zhag ma lon par bcom ldan 'das la blta ba'i phyir 'gro'o snyam mo/ /
61b6 de nas sngon su gyur pa'i lha'i bu rna cha gdub kor dag cing mgul rgyan thogs pa/ lus do shal dang se mo dos brgyan pa/ nor bu rin po che sna tshogs kyis spras pa'i cod pan can lus gur gum dang / ta ma la'i lo ma dang spr-i ka la sogs pas byug pa dag gis
61b7 de nyid kyi mtshan mo lha'i me tog ud pa la dang /pad ma dang / ku mu da dang / pad ma dkar po dang / man dA ra ba rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ bcom
62a1 ldan 'das kyi zhabs la mgo bos phyag 'tshal te/chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis de dag la de dang 'thun pa'i chos bstan to/ /de dag gis chos thos nas bden pa mthong bar gyur te/ de dag
62a2 gis bden pa mthong nas rang gi gnas su dong ngo //de nas dge slong rnams kyis rgyal bu rgyal byed kyi tshal thams cad snang ba chen pos khyab par gyur pa mthong nas/ bcom ldan 'das la zhus pa bcom ldan 'das ci lags/ mdang sum mi mjed kyi bdag po tshangs pa'am/
62a3 lha'i dbang po brgya byin nam/ 'jig rten skyong ba bzhi'am/ lha'i bu rdzu 'phrul che zhing mthu che ba gzhan 'ga' zhig bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag ma dang sum mi mjed kyi bdag po tshangs
62a4 pa'am/lha'i dbang po brgya byin nam/ 'jig rten skyong ba bzhi'am lha'i bu rdzu 'phrul che zhing mthu che ba gzhan 'ga' zhig nga la blta ba'i phyir 'ongs pa ma yin gyis/ dge slong dag khyod kyis nags khung dgon pa na/ lnga brgya rngon pa rnams kyis mda'
62a5 'phangs te bsad pa mthong ngam/gsol pa/ btsun pa mthong lags so/ /bka' stsal pa/ de dag nga la sems dga' bar gyur bzhin du shi 'phos nas dus las 'das pa las lha'i nang du skyes te/ lhar gyur nas nga'i thad du 'ongs te/ de dag la ngas chos bstan
62a6 nas/nga las chos thos pa des na de dag gis bden pa rnams mthong ste/ de dag gis bden pa mthong nas/ rang gi gnas su song ngo / /de nas dge slong rnams kyis bcom ldan 'das la zhus pa/ btsun pa rngon pa de dag gis las ci bgyis na/ las de'i rnam par
62a7 smin pas gdol pa'i rigs su skyes lags/de dag gis las ci bgyis na/ las de'i rnam par smin pas su skyes nas/ 'di rnams kyis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis
62b1 bka' stsal pa/yang dag par rdzogs pa'i sangs rgyas 'od srung gi gsung rab la 'di dag thams cad rab tu byung ste/ dge slong 'thab krol can kha mi mkhas pa sha stag tu gyur te/ dge slong dag la der de rnams kyis gdol pa zhes bya ba'i tshig brjod do/ /kha cig
62b2 gis dud 'gro zhes bya ba'i tshig brjod de/gang dag gis dud 'gro zhes bya ba'i tshig brjod pa de dag ni dud 'gror skyes so/ /gang dag gis gdol pa zhes bya ba'i tshig brjod pa de dag ni gdol par skyes so/ /de dag gis der tshe gcig tu tshangs par spyod pa spyad nas/
62b3 dbang po rnams yongs su smin par byas pa des ni da ltar rnam par grol bar gyur to// //gong ma sreg ces bya ba ni/ bcom ldan 'das dge slong stong nyis brgya lnga bcu'i dge slong gi dge 'dun chen po dang / tshong pa lnga brgya dang / sprang po lnga brgya dang / thabs
62b4 cig tu ljongs rgyu zhing gshegs pa las/nags khrod cig tu lam phyung ste/ bcom ldan 'das gshegs pa'i tshe/ nags khrod de'i nang gi gnas su me chen po 'bar nas/ des skye bo phal po che dag 'jigs shing skrag par gyur te/ bdag cag ni tshig zin no/ /
62b5 bdag cag ni 'tsho bar 'gyur ba'i skabs med do snyam mo/ /de nas bcom ldan 'das kyis skye bo phal po che dag 'jigs shing skrag par gzigs so/ /gzigs nas kyang 'gron po de rnams kyi mdun logs su gshegs nas/ tshigs su bcad de bka' stsal pa/ sangs
62b6 rgyas kun gyi stobs gang dang //dgra bcom rnams kyi stobs gang dang / /sangs rgyas dkon mchog gzi brjid kyis/ /me khyod lam ni dbye bar gyis/ /sangs rgyas kun gyi stobs gang dang / /dgra bcom rnams kyi stobs gang dang / /dam chos dkon mchog gzi brjid
62b7 kyis//me khyod lam ni dbye bar gyis/ /sangs rgyas kun gyi stobs gang dang / /dgra bcom rnams kyi stobs gang dang / /dge 'dun dkon mchog gzi brjid kyis/ /me khyod lam ni dbye bar gyis/ /bcom ldan 'das kyis de skad ces gsungs ma thag tu me zhi bar gyur
63a1 nas/tshong pa de dag bcom ldan 'das la shin tu dga' bar gyur to/ /dga' bar gyur nas/ chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis de dag la de dang 'thun pa'i chos bstan to/ /de nas de dag gi nang
63a2 nas kha cig gis ni dro bar gyur pa bskyed do//kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do/ /kha cig gis ni rgyun du zhugs pa'i 'bras bu mngon sum du byas so/ /kha cig gis
63a3 ni lan cig phyir 'ong ba'i 'bras bu mngon sum du byas so//kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu byung nas dgra bcom pa nyid mngon sum du byas so/ /kha cig gis ni 'khor los sgyur ba'i rgyal por 'gyur ba'i sa bon bskyed do/ /
63a4 kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par
63a5 rdzogs pa'i byang chub kyi sa bon bskyed do//'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par byas te bkod do/ /de nas dge slong rnams kyis bcom ldan 'das la gsol pa/ btsun pa bcom ldan 'das kyis skye bo phal po che zhugs
63a6 kyis tshig par gyur pa las thar bar mdzad nas/g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas dud 'gro phal cher me'i 'jigs
63a7 pa las bskyabs nas ji ltar 'jigs pa med pa'i gnas su bkod pa de nyon cig /dge slong dag sngon byung ba 'das pa'i dus na/ nags khrod cig na bya phal cher gnas so/ /de nas nags khrod der shing skam po gcig la gcig drud pa las me byung nas/ bya de dag gi
63b1 nang nas 'gro nus pa de dag ni dong ngo //'gro mi nus pa dang / sgo nga rnams ni de nyid du bor ro/ /de'i tshe byang chub sems dpa' gong ma sreg tu skye ba zhig yod de/ byang chub sems dpa' des thag ring po zhig nas me 'bar zhing 'ong ba mthong ngo / /mthong nas kyang de sems can
63b2 de dag la snying rje skyes te/bdag gis sems can sdug bsngal dang phrad pa 'di rnams kyi phyir yang brtson 'grus ma bskyed na bdag gis sems can rnams 'khor ba las ji ltar bsgral bar bya snyam du bsams nas/ byang chub sems dpa' des 'dab ma chur spangs nas/ me
63b3 chen po'i steng gi nam mkha' la 'dug ste/'dab ma sprugs nas tshigs su bcad de smras pa/ 'di dag 'dab ma yod mod kyis/ /'di dag da dung 'phur mi nus/ /'di dag rkang pa yod mod kyis/ /'di dag da dung 'gro mi nus/ /'di rnams pha ma 'phur te song / /me khyod
63b4 sdod la ma 'gul zhig /bden dang bden tshig gang yin pa/ /bdag gis byams sems rab bsgoms pa'i/ /bden pa'i tshig ni 'di yis na/ /me khyod sdod la ma 'gul zhig /de nas lha'i dbang po brgya byin gyis/ byang chub sems dpa' sems can gyi don
63b5 gyi phyir mi dga' zhing 'dug pa mthong ngo //mthong nas kyang des bsams pa/ 'di ni bskal pa bzang po'i byang chub sems dpa' yin te/ sems can la phan pa'i phyir mi dga' zhing 'dug gis/ ma la bdag gis grogs bya'o snyam nas/ lha'i dbang po brgya byin
63b6 gyis char mo che phab ste/me de zhi bar gyur nas sems can de dag thams cad me'i 'jigs pa las thar bar gyur to/ /dge slong dag ji snyam du sems/ de'i tshe bya gong ma sreg tu gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe nags
63b7 khrod de na gnas pa'i sems can du gyur pa gang yin pa de dag ni skye bo phal po che 'di dag kho na yin te/de'i tshe yang ngas de dag me'i 'jigs pa las thar bar byas te/ 'jigs pa med pa'i gnas su bkod do/ /da ltar yang ngas me'i 'jigs pa las thar bar byas nas/
64a1 g.yung drung gi mthar thug pa grub pa dang / bde ba'i mya ngan las 'das pa la bkod do/ /gzhan yang yang dag par rdzogs pa'i sangs rgyas 'od srung gi gsung rab la/ 'di dag thams cad kha cig ni rab tu byung ngo / /kha cig ni dge bsnyen du gyur
64a2 te/der 'di rnams kyis tshe gcig tu tshangs par spyod pa'i gnas bsrungs nas/ dbang po rnams yongs su smin par byas pa des ni da ltar rnam par grol bar gyur to// //pha zhes bya ba ni/ gleng gzhi rgyal po'i khab na bzhugs te/ de'i tshe rgyal po'i
64a3 khab na khyim bdag nor can zhes bya ba phyug cing nor mang la longs spyod che ba/yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa des thabs zlar bab pa las chung ma blangs nas/ de de dang
64a4 lhan cig tu rtse zhing dga' la dga' mgur spyod pa las/phyi zhig na de'i chung ma la bu chags nas de zla ba dgu'am bcu lon pa dang / khye'u gzugs bzang zhing blta na sdug la mdzes pa mdog bzang ba/ gser gyi kha dog can mgo bo gdugs ltar 'dug pa lag pa
64a5 ring ba/dpral ba'i dbyes che ba/ sna mtho ba/ sna legs pa/ smin ma stug pa zhig btsas te/ khye'u de btsas ma thag tu skye bo phal po ches blta na sdug par gyur to/ /de nas de'i tshe btsas ston rgyas par byas nas/ khye'u 'di'i ming ji skad gdags zhes ming 'dogs par
64a6 byed de/khye'u 'di btsas ma thag tu skye bo phal po ches bltas na sdug par gyur pas na/ de'i phyir khye'u 'di'i ming blta na sdug ces gdags so zhes zer ro/ /de nas khye'u blta na sdug /'o ma dang / zho dang / mar dang / zhun mar dang / mar gyi nying gus bskyed bsrings nas/
64a7 rgyal po'i khab thams cad du de'i grags pa rgyas par gyur to/ /de nas gang gi tshe bcom ldan 'das kyis bla na med pa'i ye shes brnyes nas mthar gyis gdul bar bya ba'i don mdzad cing / rgyal po'i khab tu byon pa de'i tshe/ der bcom ldan 'das kyis 'od ma'i tshal gzhes nas/
64b1 sems can stong phrag du ma skyabs su 'gro ba dang / bslab pa'i gzhi rnams la bkod do/ /skye bo mang po de dag kyang sde tshan nas sde tshan dang / pha tshan nas pha tshan dang / dga' sde nas dga' sder dus dus su bcom ldan 'das la blta ba'i phyir 'dong bar byed do/ /phyin cad khye'u
64b2 de blta ba'i phyir 'dong bar mi byed do//de nas phyi zhig na khye'u blta na sdug gis dris pa/ sngon cad ni skye bo mang po 'di dag nga blta ba'i phyir 'ong na/ da ni nga blta ba'i phyir mi 'ong ba ci las gyur/ de dag gis smras pa/ de dag ni da ltar bcom ldan 'das blta ba'i phyir 'dong bar
64b3 byed do//khye'us smras pa/ bcom ldan 'das zhes bya ba de lta bu su zhig /de nas pha ma gnyis kyis de la bcom ldan 'das kyi bsngags pa rgyas par brjod do/ /de nas de thos ma thag tu khye'u de ngo mtshar du gyur te/ bdag bas ches blta na sdug pa de ji lta bu zhig snyam nas/
64b4 pha ma gnyis la smras pa/ yab yum bdag bcom ldan 'das de blta ba'i slad du mchi bar 'tshal lo/ /pha ma gnyis kyis smras pa/ bu thabs cig tu 'dong ngo zhes smras nas/ pha ma gnyis kyis khye'u de khrid de/ 'od ma'i tshal du song nas/ khye'u des thag ring po zhig nas
64b5 sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs
64b6 kyis spras pa lta bu/blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / /mthong nas kyang bcom ldan 'das la mchog tu dga' ba skyes nas de la pha'i 'du shes kyang byung ste/ des pha pha zhes sgra phyung ste/ bcom ldan 'das ga la
64b7 ba der song ste phyin nas bcom ldan 'das kyi zhabs la mgo bos phyag 'tshal te/pha tsam du 'dzin cing bcom ldan 'das kyi zhabs drung du 'dug go/ /de'i pha ma gnyis kyang bcom ldan 'das kyi zhabs la mgo bos phyag 'tshal nas/ chos mnyan pa'i phyir spyan sngar 'dug go/ /
65a1 de nas bcom ldan 'das kyis de dag gi rkyen du 'tsham pa'i chos bstan nas cang mi gsung bar bzhugs so/ /de nas khyim bdag nor can dang / de'i chung mas bcom ldan 'das kyi gtam mjug rdzogs par rig nas/ khye'u'i lag pa nas bzung ste 'gro'o
65a2 zhes byas na/khye'u de bcom ldan 'das kyi thad nas dbral bar ma nus so/ /de nas pha ma gnyis kyis bsams pa/ bcom ldan 'das bdag cag gi khyim du spyan drangs dang / thabs des na 'di bdag gis khyim du dkrid nus par 'gyur ro snyam nas/ bcom ldan
65a3 'das ga la ba de logs su thal mo sbyar ba btud de/bcom ldan 'das la 'di skad ces gsol to/ /dgung bdun gyi bar du bcom ldan 'das bdag cag gi khyim du bshos gsol bar ci gnang zhes byas so/ /de nas bcom ldan 'das kyis khyim bdag de la cang mi gsung
65a4 bas gnang ngo //de nas khyim bdag des bcom ldan 'das kyis cang mi gsung bas gnang bar rig nas/ chung ma la smras pa/ bzang mo song la bcom ldan 'das kyi zhal zas sta gon gyis shig /bdag ni khye'u dang lhan cig tu 'dug go zhes byas nas/ khyim bdag
65a5 ni khye'u de dang lhan cig tu rgyal bu rgyal byed kyi tshal du mtshan mo dgongs mal btab bo//chung mas kyang de nyid kyi mtshan mo bza' ba dang / bca' ba gtsang ma bzang po mang po sbyar nas/ nang par sngar langs te gdan bshams nas/ chu ra bkang ste bzhag nas/ bcom
65a6 ldan 'das la phrin gyis gdugs tshod bskul ba/btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul te/ de nas bcom ldan 'das snga dro sham thabs dang chos gos gsol te/
65a7 lhung bzed bsnams nas/ dge slong mang pos zham ring byas te/ dge slong gi dge 'dun gyis mdun du bdar nas/ khyim bdag de'i bkad sa ga la ba der gshegs te byon nas/ bcom ldan 'das dge slong gi dge 'dun gyi gung la gdan bshams pa la bzhugs
65b1 so//de nas khyim bdag des sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas/ bcom ldan 'das bshos gsol
65b2 zin te/bstsang sder ni gyu phyag ni bcabs par rig nas/ stan ches dma' ba zhig blangs te/ chos mnyan pa'i phyir 'khor dang bcas te/ bcom ldan 'das kyi spyan sngar 'khod do/ /de nas bcom ldan 'das kyis de dag gi bsam pa dang / bag la nyal dang / khams dang /
65b3 shes pa dang / rang bzhin thugs su chud nas/ de dag dang 'thun pa'i chos bstan te/ des na khyim bdag de 'khor dang bcas pas/ stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras
65b4 bu mngon sum du byas so//de ltar bden pa mthong nas/ khye'u des pha ma gnyis la gsol te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu
65b5 'byung ba dang /bsnyen par rdzogs shing / dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad
65b6 nas/de la lung yang phog ste/ des kyang brtson pa dang bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/
65b7 nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa ma rig pa'i sgo nga'i sbubs bcom pa rig pa dang mngon par shes pa dang so so yang dag par rig pa thob pa srid pa'i rnyed pa dang chags pa dang bkur sti la mi lta ba dbang po dang / nye
66a1 dbang dang bcas pa'i lha rnams kyis mchod cing rjed pa dang gus par smra ba'i gnas su gyur to//de nas dge slong rnams kyis sangs rgyas bcom ldan 'das la gsol pa/ btsun pa bcom ldan 'das byis pa stong phrag du mas mthong yang su yang 'di kho na ltar bcom
66a2 ldan 'das la mjal bar mi bgyid lags so//bcom ldan 'das kyis bka' stsal pa/ khye'u 'di ni nga'i 'das ma thag pa'i tshe rabs lnga brgyar bur gyur pas na/ sngon gyi bag chags de kho nas 'dis nga la mjal bar byed do/ /gsol pa/ khye'u 'dis las ci bgyis na
66a3 las de'i rnam par smin pas phyug cing nor mang la longs spyod che ba'i rigs su skyes te/'di gzugs bzang zhing blta na sdug la mdzes par gyur la/ 'dis bcom ldan 'das kyang mnyes par bgyis nas/ mi mnyes par mi bgyis te/ bcom ldan 'das kyi bstan pa la rab
66a4 tu byung nas nyon mongs pa thams cad spangs te/dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to/ /gsol pa btsun pa 'dis smon lam gang du btab lags/ bcom ldan 'das kyis
66a5 bka' stsal pa/dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i
66a6 kha lo sgyur ba/bla na med pa lha dang mi rnams kyi ston pa/ sangs rgyas bcom ldan 'das 'khor ba 'jig ces bya ba 'jig rten du byung ste/ der gang gi tshe yang dag par rdzogs pa'i sangs rgyas 'khor ba 'jig gis/ bla na med pa'i ye shes brnyes nas/ rgyal po'i pho
66a7 brang mdzes ldan du gshegs pa de'i tshe/rgyal po mdzes pas yang dag par rdzogs pa'i sangs rgyas 'khor ba 'jig gi phyir/ gtsug lag khang rnam pa thams cad yongs su rdzogs pa zhig byas nas/ yang dag par rdzogs pa'i sangs rgyas 'khor ba 'jig la
66b1 phul lo//rgyal po mdzes pa de'i lugs kyis na/ nyin gcig bzhin du 'khor dang bcas te/ gtsug lag khang du 'gro zhing gtsug lag khang gi byi dor byed do/ /de nas phyi zhig na rgyal po mdzes pa de gtsug lag khang du song ba las bya ba zhig byung nas des bu thu bo bskos
66b2 te/deng khyod kyis gtsug khang gi byi dor gyis shig ces bsgo nas rgyal po song ngo / /de nas rgyal po'i bu 'khor dang bcas pa gtsug lag khang gi byi dor byed pa la zhugs pa las/ yang dag par rdzogs pa'i sangs rgyas 'khor ba 'jig gis ci nas rgyal po'i bu de nyi
66b3 ma nub kyi bar du yang /gtsug lag khang gi byi dor byed mi nus pa de lta bur byin gyis brlabs nas/ de gtsug lag khang de nyid du dgongs mal btab bo/ /des der dgongs mal btab nas/ dge slong rnams cho 'phrul dag byed pa yang mthong / brgya byin dang /
66b4 tshangs pa la sogs pa 'ong ba yang mthong ngo / /de nas de mthong ma thag tu de bcom ldan 'das la shin tu dga' bar gyur nas/ gtsug khang de nyid na dge slong dag gi rim gro byed pa la brtson par gyur te/ phyir grong khyer du 'gro mi 'dod par gyur to/ /de der lo lnga stong gi
66b5 bar du dge slong rnams la rim gro byed cing 'dug ste/byams pa'i ting nge 'dzin kyang bskyed nas/ des tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa/ dge ba'i rtsa ba 'dis na bdag gang dang gang du skye bar
66b6 'gyur ba de dang der gzugs bzang zhing blta na sdug la mdzes par gyur cig /bdag gis ston pa 'di lta bu mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid
66b7 mngon sum du byed par gyur cig ces byas so//dge slong dag ji snyam du sems/ de'i tshe rgyal po'i bur gyur pa gang yin pa de ni khye'u 'di kho na yin te/ des der yang dag par rdzogs pa'i sangs rgyas 'khor ba 'jig gi nyan thos kyi dge 'dun rnams la bkur sti byas nas/
67a1 smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/ dge slong dag nga yang dag par rdzogs pa'i sangs rgyas 'khor ba 'jig dang shin tu mnyam pa dang / shugs mnyam pa
67a2 dang /mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ /des der byams pa bsgoms
67a3 pa'i las de'i rnam par smin pa des ni gang dang gang du skyes pa de dang der gzugs bzang zhing blta na sdug la mdzes par gyur to//gzhan yang yang dag par rdzogs pa'i sangs rgyas 'od srung gi gsung rab la 'di rab tu byung ste/ der 'dis tshe gcig tu tshangs par spyod pa spyad de/ dbang
67a4 po rnams yongs su smin par byas pa des na da ltar rnam par grol bar gyur to// //mi rgod ces bya ba ni/ gleng gzhi mnyan du yod pa na bzhugs te/ de'i tshe mnyan du yod pa nas/ rgyal po'i khab kyi bar mtshams na/ shing sA la'i nags khung na/ mi rgod lnga brgya tsam
67a5 zhig khro zhing gnas te/de dag de na 'khod pas skye bo mang po kha 'dog par byed do/ /de nas phyi zhig na der 'gron po mang po dag cig bcom nas/ tshong pa rnams rgyal po gsal rgyal gyi thad du dong ste/ rgyal po la gsol nas/ rgyal po gsal rgyal gyis bu 'phags skyes po
67a6 dpung gi tshogs yan lag bzhi dang ldan pa bsgrogs te/der btang nas des mi rgod lnga brgya po de dag gson por bzung ste 'ong nas/ rgyal po gsal rgyal la phul lo/ /de nas rgyal po gsal rgyal gyis mi rgod lnga brgya gsod du btang ste/ gshed ma rnams kyis mi rgod lnga
67a7 brgya po de dag bsad pa'i sar khrid pa na/sangs rgyas bcom ldan 'das bgrod pa gcig pu'i lam ston pa rnam pa gnyis kyi shes bya dang / ye shes la mnga' brnyes pa/ ma 'dres pa'i dran par nye bar bzhag pa gsum la mkhas pa/ mi 'jigs pa bzhis mi 'jigs pa/
67b1 'gro ba lngar 'gro ba las rnam par grol ba skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang
67b2 ldan pa//yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su
67b3 ni gnod pa dang ldan/su ni phongs shing nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du
67b4 bying ba las lag nas drang bar bya/su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su
67b5 smin par bya/su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs
67b6 yol bar 'gyur yang srid//gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis mi rgod lnga brgya 'dul ba'i dus la bab par dgongs nas/ rgyal bu rgyal byed kyi tshal nas mi snang bar gyur te/ rgyal po'i khab
67b7 tu gshegs so//de nas rgyal po gsal rgyal gyis thag ring po zhig nas bcom ldan 'das mthong ngo / /mthong nas kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad
68a1 ces gsol to//bcom ldan 'das ci la gshegs lags/ bcom ldan 'das kyis bka' stsal pa/ rgyal po chen po rigs kyi bu lnga brgya po de rnams ma bsad par thong shig /rgyal pos gsol pa/ gal te rab tu byung na btang bar 'tshal lo zhes
68a2 gsol nas/de nas rgyal po gsal rgyal gyis mi rgod lnga brgya po de dag phyir zlog ste/ bcom ldan 'das la phul lo/ /de nas bcom ldan 'das kyis de rnams rgyal bu rgyal byed kyi tshal du khrid nas rab tu phyung ste/ bsnyen par rdzogs par mdzad nas/ de dag la
68a3 lung yang phog ste/de dag gis kyang brtson pa dang / bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas so/ /de nas dge slong rnams kyis bcom ldan 'das la gsol pa/ btsun pa bcom ldan 'das kyis mi rgod lnga brgya
68a4 srog phangs pa stsal te/g.yung drung gi mthar thug pa grub pa dang / bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas rigs kyi bu lnga brgya po 'di rnams
68a5 srog phangs pa byin te/ci ltar bsam gtan bzhi dang mngon par shes pa lnga la bkod pa de nyon cig /dge slong dag sngon byung ba 'das pa'i dus na/ yul bi de ha zhes bya ba na/ rgyal po dbang chen sde zhes bya ba rgyal po byed de/ de nas phyi zhig na rgyal po des dpung gi tshogs
68a6 yan lag bzhi go bskon nas bshor du song ba las/rgyal po de la blon po lnga brgyas glags btsal te/ de dag gis bsams pa/ da ni rgyal po 'di bdag gi lag na 'dug gis/ 'di 'dug pa kho na'i tshe/ bdag cag gis 'di bsad do snyam mo/ /'jig rten
68a7 pa dag ni dgra dang zin gyi nang du 'dug ste/der gzhan dag gis rgyal po la sbran nas de thos ma thag tu rgyal po dbang chen sdes blon po lnga brgya po de dag gsod du btang ste/ de dag gshed ma rnams kyis khrid nas/ nags khrod cig tu zhugs te bsad ces byas pa las/ nags
68b1 khrod de na drang srong zhig gnas te/drang srong des blon po lnga brgya po de dag rgyal po dbang chen sde la gtong du bcug nas/ dka' thub kyi gnas su khrid de rab tu byung ngo / /rab tu phyung nas de dag gis kyang bsam gtan bzhi dang / mngon par shes pa lnga bskyed do/ /dge
68b2 slong dag ji snyam du sems/de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe blon po lnga brgya por gyur pa gang yin pa de dag ni rigs kyi bu lnga brgya po 'di dag kho na yin te/ de'i tshe yang de dag gsod du btang ba
68b3 las ngas srog phangs pa byin te/bsam gtan bzhi dang / mngon par shes pa lnga la bkod do/ /da ltar yang 'di rnams ngas srog phangs pa byin nas/ g.yung drung gi mthar thug pa grub pa dang / bde ba'i mya ngan las 'das pa la bkod do/ /gzhan yang yang dag par
68b4 rdzogs pa'i sangs rgyas 'od srung gi bstan pa la 'di rnams rab tu byung nas/'di rnams kyis der tshe gcig tu tshangs par spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// //sha za zhes bya ba ni/ gleng
68b5 gzhi rgyal po'i khab na bzhugs te/de'i tshe mnyan du yod pa dang / rgyal po'i khab kyi bar mtshams na sha za stong gnas te/ de dag gis de phyogs su 'drul bcad de/ yul ma ga d+hA dang yul ko sa la'i skye bo mang po kha 'dog par byed do/ /de nas rgyal po gsal
68b6 rgyal gyis rgyal po gzugs can snying po la pho nyas bzlugs te/mnyan du yod pa dang rgyal po'i khab kyi bar mtshams na/ sha za stong gnas te/ de dag de na 'khod pas/ yul gnyis la gnod pa chen po byed pa khyod kyis shes sam/ bcom ldan 'das kyang khyod kyi
68b7 khams na bzhugs na/sha za de rnams kyi phyir khyod kyis bcom ldan 'das la gsol ba'i rigs so zhes spring ngo / /de nas de thos ma thag tu rgyal po gzugs can snying po bcom ldan 'das ga la ba der song ste phyin nas/ bcom ldan 'das kyi zhabs la mgo bos
69a1 phyag 'tshal te/phyogs gcig tu 'dug go/ /phyogs gcig tu 'dug nas/ bcom ldan 'das kyis rgyal po gzugs can snying po la chos kyi gtam gyis yang dag par bstan/ yang dag par 'dzin du bcug /yang dag par gzengs bstod/
69a2 yang dag par dga' bar mdzad de/ chos kyi gtam rnam grangs du mas yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas/ cang mi gsung bar bzhugs so/ /de nas rgyal po gzugs can
69a3 snying pos/bcom ldan 'das kyi gtam gyi mjug rdzogs par rig nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /btsun
69a4 pa bcom ldan 'das kyis klu ma rungs pa dag dga' bo dang nye dga' la sogs pa yang btul/gnod sbyin ma rungs pa 'brog gnas la sogs pa yang btul na/ yul ma ga d+hA dang / ko sa la gnyis kyi bar mtshams na/ sha za'i tshogs chen po gnas te/ de dag
69a5 de na 'khod pas skye bo mang po la gnod pa bgyid na/bcom ldan 'das kyis sha za'i tshogs de dag la thugs brtse ba'i slad du 'dul bar gsol/ de nas bcom ldan 'das kyis rgyal po gzugs can snying po la cang mi gsung bas gnang ngo / /de nas rgyal po gzugs
69a6 can snying pos bcom ldan 'das kyis cang mi gsung bas gnang bar rig nas/bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo / /de nas bcom ldan 'das kyis sha za de rnams 'dul ba'i dus la bab par gzigs nas/
69a7 rgyal po'i khab nas mi snang bar gyur te/ sA la'i nags khung sha za rnams kyi 'dab tu gshegs so/ /de nas sha za de rnams kyis thag ring po zhig nas/ sangs rgyas bcom ldan 'das mthong ngo / /mthong nas kyang gzugs mi sdug par bsgyur te/ shugs chen pos bcom ldan
69b1 'das kyi thog tu brgyugs so//de nas bcom ldan 'das kyis 'jig rten pa'i thugs bskyed de/ kye ma rgyal po chen po rnam thos kyi bu gnod sbyin che bar grags so cog dang lhan cig tu nga la blta ba'i phyir 'ongs na legs so snyam du dgongs nas/ bcom ldan 'das kyis thugs bskyed
69b2 ma thag tu rgyal po chen po rnam thos kyi bu/gnod sbyin che bar grags so cog dang lhan cig tu bcom ldan 'das ga la ba der song ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /de nas rgyal po chen po rnam thos kyi
69b3 bu dang /gnod sbyin che bar grags so cog gzhan dag gis sha za'i tshogs rnams gtses nas de dag 'jigs shing skrag ste/ phan tshun du 'byer bar brtsams pa las/ bcom ldan 'das kyis de dag 'dul ba'i phyir/ kho ra khor yug nas me lce chen po sprul nas/ de
69b4 dag gis bdag cag nyid me lce chen pos 'khor ba mthong ste/'bros kyang ma nus nas/ bcom ldan 'das kyi zhabs drung 'ba' zhig zhi bar mthong ste/ skyabs 'tshol zhing bcom ldan 'das ga la ba der dong ste lhags nas/ bcom ldan 'das la bskor nas 'khod do/ /de
69b5 nas bcom ldan 'das kyis sha za de rnams la bka' stsal pa/khyod sngon gyi sdig pa mi dge ba'i las kyis sha za'i skye gnas dma' bar skyes la da ltar yang khyed skye bo mang po la gnod par byed na/ 'di nas shi 'phos na khyed kyi 'gro ba ni cir 'gyur/ skye gnas ni ci yin/ 'gro ba'i
69b6 sa ni gang yin/de dag gis smras pa/ bcom ldan 'das kyis bdag cag la bka' ci stsal/ bcom ldan 'das kyis bka' stsal pa/ da phyin chad sdig pa las bzlog la/ skyabs su 'gro ba dang bslab pa'i gzhi rnams zung shig /sha za rnams kyis gsol pa/ bcom ldan
69b7 'das kyis bdag cag la bka' ci skad stsal ba de bzhin du 'tshal lo zhes gsol nas/sha za de rnams kyis skyabs su 'gro ba dang / bslab pa'i gzhi rnams blangs te/ de phyin cad sdig pa'i las spangs so/ /de nas bcom ldan 'das kyis de dag la de dag dang 'tsham pa'i
70a1 chos bstan nas/shing sA la'i nags khung nas mi snang bar gyur te/ 'od ma'i tshal du gshegs so/ /sha za de rnams kyang bla na med pa'i lam la gnas par gyur nas/ phan tshun 'drul ba rnams la chu sbyin par byed do/ /kha zas kyang sbyin par byed do/ /
70a2 lam stor ba rnams la yang lam ston par byed do/ /de nas yul kA shi dang / yul ko sa la'i mi rnams ngo mtshar du gyur to/ /bcom ldan 'das kyis 'di ltar 'dul bar dka' ba 'di dag btul lo/ /zhes 'dzer to/ /de nas dge slong rnams kyis sangs rgyas bcom ldan
70a3 'das la gsol pa/btsun pa bcom ldan 'das kyis sha za 'di dag kyang btul te/ skyabs su 'gro ba dang / bslab pa'i gzhi rnams kyang 'dzin du stsal la/ skye bo phal po che la yang sman btags pa la gzigs/ bcom ldan 'das kyis bka' stsal pa/ da ltar
70a4 'ba' zhig ma yin te/'das pa'i dus na yang ngas 'di rnams sdig pa'i las las bzlog ste/ ci ltar dge ba bcu'i las kyi lam la bkod pa de nyon cig /dge slong dag sngon byung ba 'das pa'i dus na/ sa phyogs 'di nyid na sha za'i tshogs chen po gnas gnas te/ de dag
70a5 'di na gnas pas yul kA shi dang /ko sa la'i mi rnams ma rungs par byed pa las/ rgyal po'i khab kyi grong khyer na dka' thub kyi gnas zhig na drang srong zhig gnas te/ skye bo mang po de dag gis sha za de dag gdul ba'i phyir drang srong de la gsol ba btab nas/ drang srong des
70a6 sha za de dag btul te/dge ba bcu'i las kyi lam la bkod do/ /dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe sha zar gyur pa gang yin pa de dag ni/ sha za 'di dag kho na
70a7 yin te/de'i tshe yang ngas 'di dag btul te/ dge ba bcu'i las kyi lam la bkod do/ /da ltar yang ngas 'di dag sdig pa'i las las bzlog ste/ dge ba bcu'i las kyi lam la bkod do// //las brgya tham pa/ bam po sum cu gsum pa/ dbang
70b1 po'i mgo zhes bya ba ni/gleng gzhi rgyal po'i khab na bzhugs te/ de'i tshe yul yangs pa can na/ 'phong gi slob dpon dbang po'i mgo zhes bya ba 'phong gi rig pa thams cad kyi mthar phyin pa zhig gnas pa des/ lits+tsha bI lnga brgya la 'phong gi rig pa bslabs nas/ de
70b2 dag kyang de la mthar phyin par gyur te/stobs po cher yang gyur to/ /de nas phyi zhig na rgyal po'i khab na gnas pa rnams dang / yangs pa can na gnas pa rnams 'gras par gyur te/ rgyal po'i khab na gnas pa rnams kyis dpung gi tshogs yan lag bzhi go bskon nas/ g.yul
70b3 'gyed pa'i phyir yangs pa can na gnas pa rnams kyi steng du drangs so//de nas 'phong gi slob dpon dbang po'i mgos/ rgyal po'i khab na gnas pa rnams kyis g.yul 'gyed pa'i phyir/ bdag cag gi steng du drangs so zhes thos so/ /thos nas kyang g.yul 'gyed pa'i phyir
70b4 'khor lnga brgya dang chas te/rgyal po'i khab kyi dmag gi steng du drangs so/ /de dag gis drangs nas skye bo mang po kha btag ste/ de nas rgyal po'i khab kyi dmag mi rnams 'bros so/ /de bzhin du lan gnyis lan gsum nas lan lnga'i bar du rgyal po'i khab kyi skye bo mang po rnams
70b5 kha btag go//de nas 'phong gi slob dpon dbang po'i mgos mi lnga stong mda' 'phangs te bsad do zhes thog thag tu grags so/ /de nas phyi zhig na rgyal po'i khab na gnas pa'i mi rnams kyis bcom ldan 'das la gsol te/ btsun pa dbang po'i mgo de ni bdag cag gi dgra ma
70b6 lags pa'i dgra/'gran zla ma lags pa'i 'gran zla lags te/ btsun pa des ni mi lnga stong tsam kha btag lags na/ bcom ldan 'das kyis thugs brtse ba'i slad du/ dbang po'i mgo 'dul bar gsol zhes byas so/ /de nas bcom ldan 'das kyis rgyal po'i khab kyi
70b7 mi rnams la cang mi gsung bas gnang ngo //de nas rgyal po'i khab kyi mi rnams kyis bcom ldan 'das kyis cang mi gsung bas gnang bar rig nas bcom ldan 'das kyi thad nas dong ngo / /de nas bcom ldan 'das rgyal po'i khab nas mi snang bar gyur te/ yangs pa can du gshegs
71a1 nas/bcom ldan 'das kyis ci nas phyin cad dbang po'i mgo 'phong mi shes pa de lta bur byin gyis brlabs nas/ de rmongs par gyur te/ ci'i phyir bdag 'di kho na ltar ma rung bar gyur snyam mo/ /de nas des ci ltar bcom ldan 'das rgyal po'i khab na bzhugs
71a2 bzhugs pa las/dgyes bzhin du yangs pa can du gshegs pa thos nas/ des bsams pa bcom ldan 'das ni thams cad mkhyen pa thams cad gzigs pa yin pas na/ ci'i phyir bdag 'phong gi rig pa mi shes par gyur pa thugs su chud do snyam nas/ bcom ldan 'das
71a3 ga la ba der song ste phyin nas/bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang
71a4 'thun pa'i chos bstan te/des na dbang po'i mgos stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas/ stan las langs te bla gos phrag pa gcig tu
71a5 gzar nas/bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/
71a6 bdag kyang bcom ldan 'das kyi thad du tshangs par spyod pa spyad par 'tshal lo/ /bcom ldan 'das kyis bka' stsal pa/ dbang po'i mgo re zhig slob ma rnams la sbron cig dang / de'i 'og tu khyod rab tu byung ba dang / bsnyen par rdzogs shing dge slong gi dngos por bya ba ni
71a7 sla'o//des gsol pa/ bcom ldan 'das kyis bka' stsal pa de bzhin du 'tshal lo zhes gsol nas/ bcom ldan 'das kyi thad nas song ste/ de yangs pa can du song nas/ lits+tsha bI lnga brgya po rnams ci nas de dag thams cad rab tu 'byung bar 'dod par 'gyur ba
71b1 de lta bu'i chos bstan to//de nas de rnams kyis pha ma la gsol te/ dbang po'i mgo dang lhan cig tu bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do/ /de nas bcom ldan
71b2 'das kyis de dag gi bsam pa dang /bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na lits+tsha bI lnga brgya po de rnams kyis stan de nyid la 'khod bzhin du 'jig tshogs la lta ba'i ri'i rtse mo mthon po nyi
71b3 shu ye shes rdo rjes bcom nas/rgyun du zhugs pa'i 'bras bu mngon sum du byas te/ de rnams kyis bden pa mthong nas/ stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la
71b4 'di skad ces gsol to//btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ /de nas bcom
71b5 ldan 'das kyis de rnams la dge slong tshur shog ces bya ba'i tshig gis rab tu phyung ste/bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon
71b6 sum du byas so//de nas dge slong rnams kyis sangs rgyas bcom ldan 'das la gsol pa/ btsun pa bcom ldan 'das kyis dbang po'i mgo la brten nas/ lits+tsha bI lnga brgya bcom ldan 'das kyi bstan pa la rab tu byung nas/ nyon mongs pa thams cad spangs te/ dgra
71b7 bcom pa nyid mngon sum du bgyis pa la gzigs/bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang dbang po'i mgo la sogs pa lits+tsha bI lnga brgya po 'di rnams ngas sdig pa las bzlog ste/ ci ltar dge ba bcu'i las kyi lam
72a1 la bkod pa de nyon cig /dge slong dag sngon byung ba 'das pa'i dus na/ grong khyer gru 'dzin ces bya ba na/ rgyal po dbang chen zhes bya ba rgyal po byed do/ /de nas phyi zhig na rgyal po de'i btsun mo la bu chags nas/ de zla ba dgu'am bcu lon pa dang / khye'u gzugs
72a2 bzang zhing blta na sdug la mdzes pa/mdog bzang ba gser gyi mdog can/ mgo bo gdugs ltar 'dug pa lag pa ring ba/ dpral ba'i dbyes che ba/ sna mtho ba sna legs pa/ smin ma stug pa zhig btsas so/ /de nas de'i btsas ston rgyas par byas nas/ khye'u 'di'i ming
72a3 ji skad gdags zhes ming 'dogs par byed de/khye'u 'di dbang chen gyi bu yin pas na/ khye'u 'di'i ming dbang chen sde zhes gdags so zhes zer ro/ /de nas khye'u dbang chen sde 'o ma dang / zho dang / mar dang / zhun mar dang / mar gyi nying gus bskyed bsrings te/ de gang gi tshe cher skyes
72a4 pa de'i tshe/khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che zhon pa dang / rta zhon pa dang / mtshon cha bcang ba dang / 'phong dang / mdun du bsnur ba dang / phyir
72a5 bsnur ba dang /g.yul las thar bar bya ba dang / lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pas gdab pa dang / 'khor lo 'phang ba dang / gcad pa dang / gsheg pa dang / lag
72a6 pas gzung ba dang /rkang pa'i stabs dang / mgo bo bskyab pa dang / rgyang mar 'phang ba dang / sgra grag par phog pa dang / gnad du phog pa dang / ma tshor bar phog pa dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur
72a7 to//de nas des bltas na/ pha dang blon po lnga brgya po de rnams chos ma yin pas rgyal po byas nas/ des bsams pa bdag gis rgyal srid btang la dka' thub kyi nags tshal du 'gro bar bya'o snyam ste/ pha ma la gsol nas nags 'dab tu gnas bcas so/ /de nas phyi zhig na de'i
72b1 pha shi'o//de shi nas nyi 'og gi rgyal po dag gis yul du gnod pa byed pa la zhugs nas/ blon po rnams kyis bsams pa/ bdag cag jo bo med pa'i phyir nyi 'og gi rgyal po dag gis gnod pa byed kyis/ rgyal po'i sras spyan drangs te/ rgyal sar gzhug go snyam nas rgyal po'i bu
72b2 de'i thad du blon po chen po song ste/des rgyal po'i bu la smras pa/ jo bo khyod kyi yab nongs kyis tshur gshegs/ yab kyi rgyal srid bzhes su gsol/ des smras pa gal te khyod dge ba bcu'i las kyi lam la gnas par gyur na de'i 'og tu byas pa sleb bo zhes byas nas/ des
72b3 blon po chen po de dge ba bcu'i las kyi lam la gnas par byas so//blon po chen po des kyang blon po lnga brgya po de dag dge ba bcu'i las kyi lam la bkod do/ /de nas des rgyal po'i bu de spyan drangs te/ rgyal sar bcug go/ /de nas de der 'ongs pas yul khams na gnas pa'i skye
72b4 bo mang po thams cad dge ba bcu'i las kyi lam la bkod do//dge slong dag ji snyam du sems/ de'i tshe rgyal por gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe blon po chen por gyur pa gang yin pa de ni dbang po'i mgo 'di kho na yin no/ /
72b5 de'i tshe blon po lnga brgya por gyur pa gang yin pa de ni lits+tsha bI lnga brgya po 'di dag kho na yin te/ de'i tshe yang ngas dbang po'i mgo 'di kho na la brten nas/ blon po lnga brgya po rnams sdig pa las bzlog ste/ dge ba bcu'i las kyi lam la bkod do/ /da ltar yang ngas lits+tsha bI lnga brgya
72b6 po 'di rnams dbang po'i mgo 'di la brten nas/sdig pa las bzlog ste/ g.yung drung gi mthar thug pa grub pa dang / bde ba'i mya ngan las 'das pa la bkod do/ /gzhan yang yang dag par rdzogs pa'i sangs rgyas 'od srung gi bstan pa la 'di dag thams cad rab tu byung nas/
72b7 der 'di rnams kyis tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to/ /las brgya tham pa las sdom gyi tshigs su bcad pa dgu pa rdzogs so// //sdom ni/ brgya byin rgyal po rngon pa
73a1 dang //rmongs pa dang ni bram ze gsum/ /khyab 'jug dang ni 'thab mo klu/ /shi bi gnyis dang kau shAm+bI/ /brgya byin zhes bya ba ni/ sum cu rtsa gsum pa'i lha rnams kyi nang na/ lha'i dbang po brgya byin sum cu rtsa gsum pa'i rgyal srid kyi mnga' bdag byed do/ /
73a2 chos nyid kyis na lha'i bu 'chi 'pho ba'i tshe/ nye ba'i snga ltas lnga 'byung bar 'gyur te/ lha ni rang gi 'od dang ldan pa yin na de'i tshe 'od chung bar 'gyur ro/ /sum cu rtsa gsum pa'i lha rnams kyi gos dang / rgyan rnams dang / gos dang rgyan gyi shing rnams dang / me tog dang 'bras bu'i shing rnams
73a3 rlung gis bskyod na/yid du 'ong ba'i sgra 'byung ba yin na/ de'i tshe de dag gi sgra yid du mi 'ong ba 'byung bar 'gyur ro/ /lha rnams kyi gos reg na 'jam pa yin na/ de'i tshe de dag gi gos reg na rtsub par 'gyur ro/ /lha rnams kyi lus la dri ma mi chags pa yin na/ de'i tshe de dag
73a4 gi lus la dri ma chags par 'gyur ro//lha rnams kyi mig mi 'dzums pa yin na/ de'i tshe de dag gi mig 'dzums par 'gyur ro/ /nye ba'i ltas lnga la ma gtogs pa 'chi 'pho ba'i ltas lnga 'byung bar 'gyur te/ gos rnams la dri ma mi chags pa las dri ma chags par 'gyur ro/ /me
73a5 tog phreng ba rnams mi rnying pa las rnying par 'gyur ro//lus las dri nga ba 'byung bar 'gyur ro/ /mchan khung gnyis nas rngul 'byung bar 'gyur ro/ /lha'i bu 'chi 'pho ba na rang gi stan la 'dug mi 'dod par 'gyur ro/ /de nas phyi zhig na lha'i dbang po brgya byin la nye ba'i ltas lnga po rnams
73a6 byung ste/des nye ba'i ltas de dag byung bar tshor nas/ tshor ma thag tu de shas cher 'jigs pa skyes te/ da su la skyabs su 'gro ba dang / su zhig gis bdag gnas 'di nas shi 'pho bar mi 'gyur bar nus zhig gu snyam mo/ /de nas lha ma yin gyi bu mo bde sogs kyis smras pa/ kau
73a7 shi ka 'dzam bu'i gling du bzhud la/dge sbyong dang bram ze khong dge ba'i rang bzhin can bkur ba rnams la/ thabs ci zhig gis na bdag gnas 'di nas 'pho bar mi 'gyur zhes rmed cig /de dag nyid la skyabs su bzhud cig /de nas de thos ma thag tu lha'i dbang po brgya byin
73b1 lha ma yin gyi bu mo bde sogs dang lhan cig tu/sum cu rtsa gsum pa'i lha'i nang nas mi snang bar gyur nas/ 'dzam bu'i gling du 'ongs te/ de dge sbyong dang / bram ze gzhan dang / gzhan dag gi thad du song nas/ thabs ci zhig gis na/ lha'i bu 'chi 'pho bar gyur pa las/ 'chi 'pho bar mi
73b2 'gyur zhes dris na/de dag gis de nyid la khyod su yin zhes phyir dris so/ /des smras pa/ lha'i dbang po brgya byin yin no/ /de nas de dag gzhi de las dga' ba dang / mchog tu dga' ba skyes te/ bdag cag la lha'i dbang po brgya byin bltar 'ongs pa 'di ni bdag cag gis
73b3 rnyed pa legs par rnyed do zhes zer nas/de dag de la skyabs su 'gro bar byed do/ /de nas lha'i dbang po brgya byin 'di snyam du sems te/ 'di ltar bdag ni 'di rnams la 'dri bar 'dod cing / skyabs su 'gro bar 'dod pa las/ 'di dag bdag la skyabs su 'gro bar byed na/
73b4 bdag dge sbyong dang bram ze 'di dag lta bu la dri ci dgos snyam nas re thag chad de/ de dag la re ba med par gyur to/ /de nas de'i skabs su byang chub sems dpa' dga' ldan gyi gnas na bzhugs pas/ gzigs pa rnam pa bzhis 'jig rten la gzigs nas 'dod pa la spyod pa'i
73b5 rigs drug tu tshig tu brjod cing kun tu sgra bsgrags te/grogs po dag nga ni 'dzam bu'i gling du nying mtshams sbyor ba len cing / 'gro ba rnams kyang bdud rtsis tshim par byed kyis/ khyod las su bdud rtsi 'dod pa de dag 'dzam bu'i gling du nying mtshams sbyor ba long shig dang / der
73b6 ngas khyod la bdud rtsi'i bgo bsha' bya'o zhes byas nas/byang chub sems dpa' yum gyi lhums su nying mtshams sbyor ba blangs so/ /de nas lha'i dbang po brgya byin gyis bsams pa/ bdag cag gis dge sbyong dang bram ze rnams la bsnyen bkur bya ci dgos/ byang chub sems
73b7 dpa' 'di yum gyi lhums su nying mtshams sbyor ba blangs pas na/de gang gi tshe bltams pa de'i tshe/ bdud rtsi rtogs par 'gyur bas/ de'i 'og tu bdag gis bsnyen bkur bya'o snyam nas/ de'i tshe lha'i bu bzhi de'i srungs mar btang ngo / /bdag nyid kyang dus dus su byang
74a1 chub sems dpa'i thad du srung ba'i phyir 'gro bar byed do//bltams pa'i mod la yang bdag nyid kyis blangs so/ /sku cher skyes pa'i tshe yang des skyo ba bskyed do/ /nges par 'byung bar bya ba'i phyir brtson par byas so/ /byang chub kyi snying por yang bsrung ba'i phyir song
74a2 ngo //de nas gang gi tshe byang chub sems dpas bla na med pa'i ye shes brnyes nas/ lnga sde dang nye ba'i lnga sde dang / grong gi byis pa stod rim lnga bcu dang / bzang sde'i sde tshan rnams btul ba dang / dga' mo dang dga' stobs ma bden pa rnams la bkod pa dang / lteng rgyas 'od srung
74a3 dang /chu klung 'od srung spun rab tu byung ba dang / ga yAr gshegs nas cho 'phrul rnam pa gsum bstan pa dang / 'od ma'i tshal nags khrod du rgyal po gzugs can snying po dang lha brgyad khri dang yul ma ga d+hA'i bram ze dang / khyim bdag stong phrag du ma bden pa rnams la bkod pa
74a4 de'i tshe/lha'i dbang po brgya byin gyis bsams pa/ da dung 'di ni bdag gis bcom ldan 'das la zhu ba lung bstan pa zhu ba'i dus ma yin no snyam mo/ /de nas gang gi tshe bcom ldan 'das kyis rgyal po gzugs can snying po bden pa rnams la gnas par byas nas/ rgyal po'i
74a5 khab tu gshegs te/'od ma'i tshal gzhes nas/ dge slong shA ri'i bu dang / maud gal gyi bu gnyis rab tu phyung ste/ bstan pa rgyas par mdzad nas de'i tshe sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang / ye shes la mnga'
74a6 brnyes pa/ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul pa/ rnam par thar pa brgyad la bsam
74a7 gtan pa/mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs
74b1 rgyas kyi spyan gyis 'jig rten la gzigs te/su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song
74b2 du bab/su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug
74b3 par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod
74b4 par bya snyam du ye shes gzigs pa 'jug go//rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs pa/ bdag gis lha'i dbang po brgya byin
74b5 'khor brgyad khri dang bcas pa bden pa rnams la dgod par bya dgos so snyam du dgongs nas/rgyal po'i khab nas mi snang bar gyur te/ rgyal po'i khab kyi lho phyogs na/ bram ze'i grong a mra'i nags khrod ces bya ba de'i byang phyogs na/ ri bi de ha'i dbang po'i brag phug tu gshegs nas
74b6 me'i khams la snyoms par zhugs so//de'i tshe lha'i dbang po brgya byin gyis bsams pa/ da ni bdag gis bcom ldan 'das la zhu ba lung bstan pa zhu ba'i dus la bab po snyam nas/ lha'i 'khor brgyad khri dang / lha ma yin gyi bu mo bde sogs dang / dri za'i bu zur phud lnga pa dang thabs
74b7 cig tu sum cu rtsa gsum pa'i lha'i nang nas mi snang bar gyur te/ri bi de ha lar 'khod nas/ der lha'i dbang po brgya byin dang / de ma yin pa'i lha stong phrag du ma'i kha dog gi mthus ri bi de ha thams cad snang ba chen pos khyab par gyur to/ /de nas lha'i dbang po brgya byin dbang po'i brag phug tu
75a1 zhugs nas/bcom ldan 'das me'i khams la snyoms par zhugs pa mthong ngo / /mthong nas kyang des bsams pa/ sangs rgyas bcom ldan 'das me'i khams la snyoms par zhugs pa las na/ yang bdag bcom ldan 'das la blta ba'i phyir 'gro ba dang blta ba dang
75a2 bsnyen bkur bya ba'i dus la ma bab po snyam nas/thang cig cang mi zer bar 'dug nas dri za'i bu gtsug phud lnga pa la smras pa/ bu gtsug phud lnga pa khyod kyis bcom ldan 'das sngar bzhengs par byed nus sam/ de ltar byas pa dang / de'i 'og tu bdag cag blta ba'i phyir 'gro ba dang /
75a3 bsnyen bkur bya ba sla bar 'gyur ro/ /gtsug phud lnga pas smras pa/ kau shi ka bdag gis nus ches so zhes smras nas/ g.yog 'khor lnga brgya dang / bai DUr+ya'i pi bang blangs nas/ bcom ldan 'das ga la ba der song ste phyin nas/ gtso bo la 'os pa dang / dgra bcom pa la 'os
75a4 pa'i tshigs su bcad pa de dag gis/bcom ldan 'das bzhengs su gsol nas/ lha'i dbang po brgya byin ga la ba der song ste phyin nas/ lha'i dbang po brgya byin la 'di skad ces smras so/ /kau shi ka bcom ldan 'das bzhengs lags te/ khyod kyis bcom ldan 'das la blta
75a5 bar 'gro ba dang /bsnyen bkur bya ba'i dus la bab bo/ /de nas bcom ldan 'das kyis dgongs pa/ kye ma dbang po'i brag phug 'di ni dog ches la lha'i 'khor ni mang ches kyis/ ma la bdag gis phug 'di ci nas lha'i dbang po brgya byin 'khor dang bcas pa/ bde blag tu chos
75a6 nyan cing 'khod du yod pa de lta bur byin gyis brlab par bya'o snyam du dgongs nas/bcom ldan 'das kyis dbang po'i brag phug yangs par byin gyis brlabs so/ /de nas lha'i dbang po brgya byin lha ma yin gyi bu mo bde sogs dang lha brgyad khri dang thabs cig tu bcom ldan 'das ga la ba
75a7 der song ste phyin nas/bcom ldan 'das kyi zhabs la mgo bos phyag 'tshal te/ chos nyan pa'i phyir spyan sngar 'dug nas/ lha'i dbang po brgya byin gyis gtam rgyud snga ma'i don/ bcom ldan 'das la gsol nas/ brgya byin gyis zhu ba zhus pa btsun pa lha rnams dang / mi rnams
75b1 dang lha ma yin rnams dang /klu rnams dang / nam mkha' lding rnams dang / dri za rnams dang / lus tha dad pa gzhan dag kyang rung ste/ de dag gi sbyor ba ci lags/ bcom ldan 'das kyis bka' stsal pa/ kau shi ka lha rnams dang / mi rnams dang / lha ma yin rnams
75b2 dang /klu rnams dang / nam mkha' lding rnams dang / dri za rnams dang / lus tha dad pa gzhan dag kyang rung ste/ de dag gi sbyor ba ni phrag dog dang ser sna yin te/ de dag 'di snyam du kye ma bdag kho na med pa dang / 'gran zla med pa dang / gnod pa med pa dang / 'thab
75b3 mo med pa dang /mtshang 'dru ba med pa dang 'gyed pa med pa dang / rtsod pa med pas gnas par bya'o snyam du mi sems mod kyi/ 'on kyang de dag ni khon dang bcas pa dang / 'gran zla dang bcas pa dang / gnod pa dang bcas pa dang / 'thab mo dang bcas pa dang / mtshang 'dru ba dang bcas
75b4 pa dang /'gyed pa dang bcas pa dang / rtsod pa dang bcas pa la gnas so/ /brgya byin gyis gsol pa/ btsun pa de ni de lags so/ /de ni de lags te/ lha rnams dang / mi rnams dang / lha ma yin rnams dang / klu rnams dang / nam mkha' lding rnams dang / dri za rnams
75b5 dang /lus tha dad pa gzhan dag kyang rung ste/ de dag gi sbyor ba ni phrag dog dang ser sna lags te/ de dag ni 'di snyam du kye ma bdag kho na med pa dang / 'gran zla med pa dang gnod pa med pa dang / 'thab mo med pa dang / mtshang 'dru ba med pa dang / 'gyed pa med pa dang / rtsod
75b6 pa med par gnas par bya'o//snyam du mi sems mod kyi/ 'on kyang de dag ni khon dang bcas pa dang / 'gran zla dang bcas pa dang / gnod pa dang bcas pa dang / 'thab mo dang bcas pa dang / mtshang 'dru ba dang bcas pa dang / 'gyed pa dang bcas pa dang / rtsod pa dang bcas pas
75b7 gnas lags so//bcom ldan 'das kyis bka' stsal pa'i don 'di bdag gis rtogs nas/ som nyi las brgal te/ the tsom dang bral lags so/ /de nas lha'i dbang po brgya byin gyis/ bcom ldan 'das las zhu ba lung bstan pa thos nas/ bcom ldan 'das kyis bka' stsal
76a1 pa la mngon par bstod cing /rjes su yi rangs nas bcom ldan 'das la zhu ba phyi ma zhus pa/ btsun pa phrag dog dang / ser sna'i gzhi ni ci lags/ kun 'byung ba ni ci lags/ rnam pa ni ci lags/ ci las ni skyes lags/ gang mchis na phrag
76a2 dog dang ser sna 'byung bar 'gyur lags/gang ma mchis na phrag dog dang ser sna 'byung bar mi 'gyur lags/ bcom ldan 'das kyis bka' stsal pa/ kau shi ka phrag dog dang / ser sna'i gzhi ni dga' ba dang / mi dga' ba'o/ /kun 'byung ba ni dga' ba dang mi dga' ba'o/ /
76a3 rnam pa ni dga' ba dang mi dga' ba'o/ /skye ba ni dga' ba dang mi dga' ba ste/ dga' ba dang mi dga' ba yod na/ phrag dog dang ser sna 'byung bar 'gyur la/ dga' ba dang mi dga' ba med na phrag dog dang ser sna 'byung bar mi 'gyur ro/ /brgya byin gyis gsol pa/ btsun pa de
76a4 ni de lags so//de ni de lags te/ phrag dog dang ser sna'i gzhi ni dga' ba dang mi dga' ba lags so/ /kun 'byung ba ni dga' ba dang mi dga' ba lags so/ /rnam pa ni dga' ba dang mi dga' ba lags so/ /skye ba ni dga' ba dang mi dga' ba lags te/ dga' ba dang mi khyed la rang lta mchog 'dzin gyi lta ba de ha cang ldan gi/
76a5 dga' ba mchis na/ phrag dog dang ser sna 'byung bar 'gyur la/ dga' ba dang mi dga' ba ma mchis na/ phrag dog dang ser sna 'byung bar mi 'gyur te/ bcom ldan 'das kyis bka' stsal pa'i don 'di bdag gis rtogs nas/ som nyi las brgal te/ the tsom dang bral lags
76a6 so//de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rangs nas bcom ldan 'das la zhu ba phyi ma zhus pa/ btsun pa dga' ba dang mi dga' ba'i gzhi ni ci lags/
76a7 kun 'byung ba ni ci lags/ rnam pa ni ci lags/ ci las ni skyes lags/ gang mchis na dga' ba dang mi dga' ba 'byung bar 'gyur la/ gang ma mchis na dga' ba dang mi dga' ba 'byung bar mi 'gyur ba lags/ bcom ldan 'das kyis bka' stsal pa/ kau shi ka
76b1 dga' ba dang /mi dga' ba'i gzhi ni 'dun pa'o/ /kun 'byung ba ni 'dun pa'o/ /rnam pa ni 'dun pa'o/ /skye ba ni 'dun pa'o/ /'dun pa yod na dga' ba dang mi dga' ba 'byung bar 'gyur la 'dun pa med na dga' ba dang / mi dga' ba 'byung bar mi 'gyur ro/ /brgya byin gyis
76b2 gsol pa/btsun pa de ni de lags so/ /de ni de lags te/ dga' ba dang mi dga' ba'i gzhi ni 'dun pa lags so/ /kun 'byung ba ni 'dun pa lags so/ /rnam pa ni 'dun pa lags so/ /skye ba ni 'dun pa lags te/ 'dun pa mchis na dga' ba dang mi dga' ba 'byung
76b3 bar 'gyur la/'dun pa ma mchis na dga' ba dang mi dga' ba 'byung bar mi 'gyur te/ bcom ldan 'das kyis bka' stsal pa'i don 'di bdag gis rtogs nas/ som nyi las brgal te the tsom dang bral lags so/ /de nas lha'i dbang po brgya byin gyis/ bcom ldan 'das las
76b4 zhu ba lung bstan pa thos nas/bcom ldan 'das kyis bka' stsal pa la mngon par bstod cing rjes su yi rangs nas/ bcom ldan 'das la zhu ba phyi ma zhus pa/ btsun pa 'dun pa'i gzhi ni ci lags/ kun 'byung ba ni ci lags/ rnam pa ni ci lags/ ci las ni skyes lags/
76b5 gang mchis na 'dun pa 'byung bar 'gyur la/ gang ma mchis na 'dun pa 'byung bar mi 'gyur lags/ bcom ldan 'das kyis bka' stsal pa/ kau shi ka 'dun pa'i gzhi ni rtog pa'o/ /kun 'byung ba ni rtog pa'o/ /rnam pa ni rtog pa'o/ /skye ba ni rtog pa ste/ rtog pa yod na
76b6 'dun pa 'byung bar 'gyur la/rtog pa med na 'dun pa 'byung bar mi 'gyur ro/ /lha'i dbang po brgya byin gyis gsol pa/ btsun pa de ni de lags so/ /de ni de lags te/ 'dun pa'i gzhi ni rtog pa lags so/ /kun 'byung ba ni rtog pa lags so/ /rnam pa ni rtog pa
76b7 lags so//skye ba ni rtog pa lags te/ rtog pa yod na 'dun pa 'byung bar 'gyur la/ rtog pa med na 'dun pa 'byung bar mi 'gyur te/ bcom ldan 'das kyis bka' stsal pa'i don 'di bdag gis rtogs nas som nyi las brgal te/ the tsom dang bral lags so/ /de nas
77a1 lha'i dbang po brgya byin gyis bcom ldan 'das las zhu ba lung bstan pa thos nas/bcom ldan 'das kyis bka' stsal pa la mngon par bstod cing rjes su yi rangs nas/ bcom ldan 'das la zhu ba phyi ma zhus pa/ btsun pa rtog pa'i gzhi ni ci lags/ kun
77a2 'byung ba ni ci lags/rnam pa ni ci lags/ ci las ni skyes lags/ gang mchis na rtog pa 'byung bar 'gyur la/ gang ma mchis na rtog pa 'byung bar mi 'gyur lags/ bcom ldan 'das kyis bka' stsal pa/ kau shi ka rtog pa'i gzhi ni spros pa'o/ /kun 'byung
77a3 ba ni spros pa'o//rnam pa ni spros pa'o/ /skye ba ni spros pa ste/ spros pa yod na rtog pa 'byung bar 'gyur la/ spros pa med na rtog pa 'byung bar mi 'gyur ro/ /kau shi ka de ltar na spros pa yod na rtog pa 'byung bar 'gyur ro/ /rtog pa yod na 'dun pa 'byung bar 'gyur ro/ /'dun pa yod na
77a4 dga' ba dang mi dga' ba 'byung bar 'gyur ro//dga' ba dang mi dga' ba yod na phrag dog dang ser sna 'byung bar 'gyur ro/ /phrag dog dang ser sna yod na dbyug pa thogs pa dang / mtshon cha thogs pa dang / 'thab pa dang / mtshang 'dru ba dang / 'gyed pa dang rtsod pa dang g.yo byed pa dang
77a5 'drid pa dang chad pas gcod pa dang /zer ba dang / sdig pa mi dge ba'i chos rnam pa du ma 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ /de ltar na spros pa med na rtog pa 'byung bar mi 'gyur ro/ /rtog pa med na 'dun pa 'byung
77a6 bar mi 'gyur ro//'dun pa med na dga' ba dang mi dga' ba 'byung bar mi 'gyur ro/ /dga' ba dang mi dga' ba med na phrag dog dang ser sna 'byung bar mi 'gyur ro/ /phrag dog dang ser sna med na dbyug pa thogs pa dang / mtshon cha thogs pa dang / 'thab pa dang / mtshang 'dru ba dang /
77a7 'gyed pa dang / rtsod pa dang / g.yo byed pa dang / 'drid pa dang / chad pas gcod pa dang / zer ba dang / sdig pa mi dge ba'i chos rnam pa du ma 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro/ /lha'i dbang po brgya byin gyis
77b1 gsol pa/btsun pa de ni de lags so/ /de ni de lags te/ rtog pa'i gzhi ni spros pa lags so/ /kun 'byung ba ni spros pa lags so/ /rnam pa ni spros pa lags so/ /skye ba ni spros pa lags so/ /spros pa mchis na rtog pa 'byung bar 'gyur la/ spros pa ma mchis na rtog pa
77b2 'byung bar mi 'gyur lags so//bcom ldan 'das kyis bka' stsal pa'i don 'di bdag gis rtogs nas som nyi las brgal te/ the tsom dang bral lags so/ /de nas lha'i dbang po brgya byin gyis/ bcom ldan 'das las zhu ba lung bstan pa thos nas/ bcom ldan 'das
77b3 kyis bka' stsal pa la mngon par bstod cing rjes su yi rangs nas/bcom ldan 'das la zhu ba phyi ma zhus pa/ btsun pa spros pa 'gag par 'gyur ba'i lam zhes gsung na/ btsun pa spros pa 'gag par 'gyur ba'i lam gang lags/ dge slong lam gang la zhugs na spros pa
77b4 'gag par 'gyur ba'i lam la zhugs pa lags/bcom ldan 'das kyis bka' stsal pa/ kau shi ka spros pa 'gag par 'gyur ba'i lam ni 'phags pa'i lam yan lag brgyad pa yin te/ 'di lta ste/ yang dag pa'i lta ba dang / yang dag pa'i rtog pa dang / yang dag
77b5 pa'i ngag dang /yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /'di ni spros pa 'gog par 'gyur ba'i lam zhes bya ste/ de lta bu la zhugs pa'i dge slong ni spros pa 'gog
77b6 par 'gyur ba'i lam la zhugs pa zhes bya'o//lha'i dbang po brgya byin gyis gsol pa/ btsun pa de ni de lags so/ /de ni de lags te/ spros pa 'gog par 'gyur ba'i lam la zhugs pa de ni de lags te/ bcom ldan 'das kyis bka' stsal pa'i don 'di bdag gis rtogs
77b7 nas/som nyi las brgal te the tsom dang bral lags so/ /de nas lha'i dbang po brgya byin gyis/ bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rangs nas/ bcom ldan 'das la zhu ba
78a1 phyi ma zhus pa/btsun pa spros pa 'gog par 'gyur ba'i lam la zhugs pa'i dge slong gis so sor thar pa'i sdom pa'i rgyu chos du zhig mchis lags/ bcom ldan 'das kyis bka' stsal pa/ kau shi ka spros pa 'gog par 'gyur ba'i lam la zhugs pa'i dge slong
78a2 gi so sor thar pa'i sdom pa'i rgyu ni chos drug yod de/drug gang zhe na/ mig gis shes par bya ba'i gzugs rnams dang / rna bas shes par bya ba'i sgra rnams dang / snas shes par bya ba'i dri rnams dang / lces shes par bya ba'i ro rnams dang / lus kyis shes par bya ba'i reg bya
78a3 rnams dang /yid kyis shes par bya ba'i chos rnams so/ /kau shi ka mig gis shes par bya ba'i gzugs rnams la yang bsten par bya ba dang / bsten par bya ba ma yin pa rnam pa gnyis yod de/ de la mig gis shes par bya ba'i gzugs gang yin pa rnams bsgrubs te/
78a4 gnas par bya ba'i 'os ma yin par ngas shes nas/ de dag nges par spang bar bya'o zhes nga zer ro/ /mig gis shes par bya ba'i gzugs gang yin pa rnams bsgrubs te/ gnas par 'os pa ni bsten par bya'o zhes nga zer ro/ /de la de bzhin gshegs pa ni de'i lung ston pa la dus
78a5 mkhyen par bstan to//de bzhin du rna bas shes par bya ba'i sgra rnams dang / snas shes par bya ba'i dri rnams dang / lces shes par bya ba'i ro rnams dang / lus kyis shes par bya ba'i reg bya rnams dang / yid kyis shes par bya ba'i chos rnams la yang bsten par bya ba dang / bsten
78a6 par bya ba ma yin pa rnam pa gnyis yod do zhes nga zer ro//de la yid kyis shes par bya ba'i chos bsgrubs te/ gnas par bya ba'i 'os ma yin par shes pa gang yin pa de dag ni mngon du nges par spang ba yin no zhes nga zer ro/ /de la yid kyis shes par bya ba'i chos bsgrubs te/
78a7 gnas par bya ba'i 'os yin par shes pa gang yin pa de dag ni/ de'i skabs su de bzhin gshegs pas de bsgrub par bya ba'i lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes nga zer ro/ /lha'i dbang po brgya byin gyis gsol pa/
78b1 btsun pa de ni de lags so/ /de ni de lags te/ spros pa 'gog par 'gyur ba'i lam la zhugs pa'i dge slong gi so sor thar pa'i sdom pa'i rgyu chos drug mchis te/ mig gis shes par bgyi ba'i gzugs rnams dang / rna bas shes par bgyi ba'i sgra rnams dang / snas shes par
78b2 bgyi ba'i dri rnams dang /lces shes par bgyi ba'i ro rnams dang / lus kyis shes par bgyi ba'i reg bya rnams dang / yid kyis shes par bgyi ba'i chos rnams lags te/ de la btsun pa mig gis shes par bya ba'i gzugs rnams la yang bsten par bgyi ba dang / bsten
78b3 par bgyi ba ma lags pa rnam pa gnyis mchis zhes khyod gsung ste/de mig gis shes par bgyi ba'i gzugs rnams bsgrubs te/ gnas par bgyi ba'i 'os ma lags par shes pa gang lags pa de dag ni/ mngon du nges par spang ba lags so zhes khyod gsung / de la mig
78b4 gis shes par bgyi ba'i gzugs rnams bsgrubs te/gnas par bgyi ba'i 'os lags par shes pa gang lags pa de dag ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes khyod
78b5 gsung /yid kyis shes par bgyi ba'i chos rnams kyi bar du yang de bzhin du sbyar te/ bcom ldan 'das kyis bka' stsal pa'i don 'di de bzhin du bdag gis rtogs lags te/ mig gis shes par bgyi ba'i gzugs ci lta bu dag bsten na/ mi dge ba'i chos rnams mngon
78b6 par 'phel bar 'gyur la/dge ba'i chos rnams yongs su 'grib par 'gyur ba de lta bu'i mig gis shes par bgyi ba'i gzugs rnams ni bsten par mi bya'o zhes khyod gsung / mig gis shes par bgyi ba'i gzugs ci lta bu dag bsten na/ mi dge ba'i chos rnams yongs su
78b7 'grib par 'gyur la/dge ba'i chos rnams mngon par 'phel bar 'gyur ba de lta bu'i mig gis shes par bgyi ba'i gzugs rnams ni bsten par bya'o zhes khyod gsung / de bzhin du rna bas shes par bgyi ba'i sgra rnams dang / snas shes par bgyi ba'i dri rnams dang / lces
79a1 shes par bgyi ba'i ro rnams dang /lus kyis shes par bgyi ba'i reg bya rnams dang / yid kyis shes par bgyi ba'i chos rnams ci lta bu dag bsten na/ mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur
79a2 ba de lta bu yid kyis shes par bgyi ba'i chos rnams ni bsten par mi bya'o zhes khyod gsung /yid kyis shes par bgyi ba'i chos ci lta bu dag bsten na/ mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu yid kyis
79a3 shes par bgyi ba'i chos rnams ni bsten par bya'o zhes khyod gsung ste/bcom ldan 'das kyis bka' stsal pa'i don 'di bdag gis rtogs nas/ som nyi las brgal te the tsom dang bral lags so/ /de nas lha'i dbang po brgya byin gyis bcom ldan 'das las zhu ba lung bstan pa
79a4 thos nas/bcom ldan 'das kyis bka' stsal pa la mngon par bstod cing rjes su yi rangs nas/ bcom ldan 'das la zhu ba phyi ma zhus pa/ btsun pa spros pa 'gog par 'gyur ba'i lam la zhugs pa'i dge slong gis chos du zhig ni spang bar bgyi/ chos du la ni brtson
79a5 par bgyi/bcom ldan 'das kyis bka' stsal pa/ kau shi ka spros pa 'gog par 'gyur ba'i lam la zhugs pa'i dge slong gis chos gsum ni spang bar bya'o/ /chos gsum la ni brtson par bya'o/ /'di lta ste gang gis rtog par dpyod pa'o/ /kau shi ka tshig la yang
79a6 bsten par bya ba dang /bsten par bya ba ma yin pa rnam pa gnyis yod do zhes nga zer ro/ /de la tshig bsgrubs te/ gnas par bya ba'i 'os ma yin par shes pa gang yin pa de dag ni/ mngon du nges par spang bar bya'o zhes nga zer ro/ /de la tshig bsgrubs te gnas par bya
79a7 ba'i 'os yin par shes pa gang yin pa de dag ni/de'i skabs su de bzhin gshegs pas de bsgrub par lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes nga zer ro/ /kau shi ka rtog pa la yang bsten par bya ba dang / bsten par bya ba
79b1 ma yin pa rnam pa gnyis yod do zhes nga zer ro//de la dpyod pa bsgrubs te gnas par bya ba'i 'os ma yin par shes pa gang yin pa de dag ni/ mngon du nges par spang bar bya'o zhes nga zer ro/ /de la dpyod pa bsgrubs te gnas par bya ba'i 'os yin par shes pa gang yin pa de dag ni/
79b2 de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes nga zer ro/ /lha'i dbang po brgya byin gyis gsol pa/ btsun pa de ni de lags so/ /de ni de lags te/ spros pa 'gog par 'gyur ba'i lam la
79b3 zhugs pa'i dge slong gis/chos gsum ni spang bar bgyi/ chos gsum la ni brtson par bgyi ste/ 'di lta ste gang gis tshig dang rtog pa dang dpyod pa'o/ /btsun pa tshig kyang bsten par bgyi ba dang / bsten par bgyi ba ma lags pa rnam pa gnyis yod do zhes khyod gsung ste/
79b4 de la tshig bsgrubs te gnas par bgyi ba'i 'os ma lags par shes pa gang lags pa de ni/ mngon du nges par spang bar bya'o zhes khyod gsung / de la tshig bsgrubs te/ gnas par bgyi ba'i 'os lags par shes pa gang lags pa de ni/ de'i skabs su de bzhin gshegs
79b5 pas de bsgrub par lung bstan pa'i dus mkhyen nas/dran pa dang shes bzhin dang ldan pas bsgrub par bya'o zhes khyod gsung ngo / /btsun pa rtog pa dpyod pa yang bsten par bgyi ba dang / bsten par bgyi ba ma lags pa rnam pa gnyis yod do zhes khyod gsung ste/ de la dpyod
79b6 pa bsgrubs te/gnas par bgyi ba'i 'os ma lags par shes pa gang lags pa de dag ni/ mngon du nges par spang ba lags so zhes khyod gsung / de la dpyod pa bsgrubs te gnas par bgyi ba'i 'os lags par shes pa gang lags pa de dag ni/ de'i skabs su
79b7 de bzhin gshegs pas de lung bstan pa'i dus mkhyen nas/dran pa dang shes bzhin dang ldan pas bsgrub par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs te/ tshig ci lta bu dag bsten na/ mi dge ba'i chos rnams mngon
80a1 par 'phel bar 'gyur la/dge ba'i chos rnams yongs su 'grib par 'gyur ba de lta bu'i tshig ni bsten par mi bya'o zhes khyod gsung / tshig ci lta bu de dag bsten na mi dge ba'i chos rnams yongs su 'grib par 'gyur la/ dge ba'i chos rnams mngon par
80a2 'phel bar 'gyur ba de lta bu'i tshig rnams bsten par bya'o zhes khyod gsung /rtog pa dang dpyod pa ci lta bu dag bsten na/ de'i mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i rtog pa dang dpyod pa ni
80a3 bsten par mi bya'o zhes khyod gsung /dpyod pa ci lta bu dag bsten na de'i mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i rtog pa dang dpyod pa rnams ni bsten par bya'o zhes khyod gsung ste/ bcom ldan
80a4 ldan 'das kyis bka' stsal pa'i don 'di bdag gis rtogs nas/som nyi las brgal te/ the tsom dang bral lags so/ /de nas lha'i dbang po brgya byin gyis/ bcom ldan 'das las zhu ba lung bstan pa thos nas/ bcom ldan 'das kyis bka' stsal pa la
80a5 mngon par bstod cing rjes su yi rangs nas/bcom ldan 'das la zhu ba phyi ma zhus pa/ btsun pa spros pa 'gog par 'gyur ba'i lam la zhugs pa'i dge slong gis lus rnam pa du zhig na/ rnam pa gnyis mchis zhes gsung / bcom ldan 'das kyis bka' stsal pa/ kau shi
80a6 ka spros pa 'gog par 'gyur ba'i lam la zhugs pa'i dge slong gis lus rnam pa gsum la/rnam pa gnyis yod do zhes nga zer te/ yid bde ba'i lus dang yid mi bde ba'i lus dang btang snyoms kyi lus so/ /kau shi ka de'i yid bde ba'i lus kyang bsten par bya ba dang / bsten par
80a7 bya ba ma yin pa rnam pa gnyis yod do zhes nga zer ro//de la yid bde ba'i lus bsgrubs te/ gnas par bya ba'i 'os ma yin pa shes pa gang yin pa de ni mngon du nges par spang bar bya ba yin no zhes nga zer ro/ /de la yid bde ba'i lus bsgrubs te/ gnas par bya ba'i
80b1 'os yin par shes par bya ba gang yin pa de ni/de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes nga zer ro/ /kau shi ka yid mi bde ba'i lus dang / btang snyoms kyi lus kyang bsten par bya ba
80b2 dang /bsten par bya ba ma yin pa/ rnam pa gnyis yod do zhes nga zer ro/ /yid mi bde ba'i lus dang / btang snyoms kyi lus bsgrubs te gnas par bya ba'i 'os ma yin par shes pa gang yin pa de ni mngon du nges par spang bar bya ba yin no zhes nga zer ro/ /de la yid mi bde
80b3 ba'i lus dang /btang snyoms kyi lus bsgrubs te gnas par bya ba'i 'os yin par shes pa gang yin pa de ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes nga zer ro/ /lha'i dbang po
80b4 brgya byin gyis gsol pa/btsun pa de ni de lags so/ /de ni de lags te/ spros pa 'gog par 'gyur ba'i lam la zhugs pa'i dge slong gis lus rnam pa gsum la/ rnam pa gnyis mchis so zhes khyod gsung ste/ yid bde ba'i lus dang / yid mi bde ba'i lus dang /
80b5 btang snyoms kyi lus so/ /btsun pa yid bde ba'i lus kyang bsten par bgyi ba dang / bsten par bgyi ba ma lags pa rnam pa gnyis mchis so zhes khyod gsung ste/ de la yid bde ba'i lus bsgrubs te/ gnas par bgyi ba'i 'os ma lags par shes pa gang lags pa de
80b6 ni/mngon du nges par spang ba lags so zhes khyod gsung / de la yid bde ba'i lus bsgrubs te/ gnas par bgyi ba'i 'os lags par shes pa gang lags pa de ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang
80b7 ldan pas bsgrub par bya'o zhes khyod gsung //yid mi bde ba'i lus dang / btang snyoms kyi lus kyang bsten par bgyi ba dang / bsten par bgyi ba ma lags pa rnam pa gnyis mchis so zhes khyod gsung ste/ de la yid mi bde ba'i lus dang / btang snyoms kyi lus bsgrubs
81a1 te/gnas par bgyi ba'i 'os ma lags par shes pa gang lags pa de ni/ mngon du nges par spang bar bgyi ba lags so zhes khyod gsung / de la yid mi bde ba'i lus dang / btang snyoms kyi lus bsgrubs te/ gnas par bgyi ba'i 'os lags par
81a2 shes pa gang lags pa de ni/de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs te/ yid bde ba'i
81a3 lus ci lta bu dag bsten na/de mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i yid bde ba'i lus ni bsten par mi bya'o zhes khyod gsung / yid bde ba'i lus ci lta bu dag bsten na/ de mi dge ba'i chos
81a4 rnams yongs su 'grib par 'gyur la/dge ba'i chos rnams mngon par 'phel bar 'gyur ba de lta bu'i yid bde ba'i las ni bsten par bya'o zhes khyod gsung / yid mi bde ba'i lus dang / btang snyoms kyi lus ci lta bu dag bsten na/ de'i mi dge ba'i chos rnams mngon par
81a5 'phel bar 'gyur la/dge ba'i chos rnams yongs su 'grib par 'gyur ba/ de lta bu'i yid mi bde ba'i lus dang / btang snyoms kyi lus ni bsten par mi bya'o zhes khyod gsung / yid mi bde ba'i lus dang / btang snyoms kyi lus ci lta bu dag bsten na/ des mi dge ba'i
81a6 chos rnams yongs su 'grib par 'gyur la/dge ba'i chos rnams mngon par 'phel bar 'gyur ba de lta bu'i yid mi bde ba'i lus dang / btang snyoms kyi lus ni bsten par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs
81a7 nas/som nyi las brgal te/ the tsom dang bral lags so// //las brgya tham pa/ bam po sum cu bzhi pa/ de nas lha'i dbang po brgya byin gyis/ bcom ldan 'das las zhu ba lung bstan pa thos nas/ bcom ldan 'das kyis bka' stsal
81b1 pa la mngon par bstod cing rjes su yi rangs nas/bcom ldan 'das la zhu ba phyi ma zhus pa/ btsun pa sems can thams cad 'dod pa gcig pa dang / 'dun pa gcig pa dang / dad pa gcig pa dang / bsam pa gcig pa lags sam/ bcom ldan 'das kyis bka' stsal pa/ kau
81b2 shi ka sems can thams cad ni 'dod pa gcig pa dang /'dun pa gcig pa dang / dad pa gcig pa dang / bsam pa gcig pa ma yin no/ /kau shi ka 'jig rten 'di dag ni khams tha dad pa yin gyi/ khams gcig pa ma yin te/ de dag ni khams gang dang gang 'dzin pa de dang de nan
81b3 gyis mchog tu 'dzin cing /mngon par zhen nas rjes su spyod par byed de/ 'di ni bden gyi gzhan ni gti mug pa'o snyam du sems so/ /kau shi ka gal te 'jig rten 'di dag khams tha dad pa dang / khams du ma pa yin du zin na ni/ sems can 'di dag khams gang dang gang
81b4 'dzin pa de dang de nan gyis mchog tu 'dzin cing /mngon par zhen nas/ rjes su spyod par byed de/ 'di ni bden gyi gzhan ni gti mug pa'o snyam du mi sems pa zhig na gang gi phyir 'jig rten 'di dag khams tha dad pa dang / khams du ma pa yin te/ de'i phyir sems can 'di dag khams gang
81b5 dang gang 'dzin pa de dang de nan gyis mchog tu 'dzin cing mngon par zhen nas/rjes su spyod par byed do/ /'di ni bden gyi gzhan ni gti mug pa'o snyam du sems so/ /lha'i dbang po brgya byin gyis gsol pa/ btsun pa de ni de lags so/ /de ni de lags te/ sems can thams cad
81b6 ni 'dod pa gcig pa dang /'dun pa gcig pa dang / dad pa gcig pa dang / bsam pa gcig pa ma lags te/ btsun pa 'jig rten 'di dag ni khams tha dad pa dang / khams du ma pa lags te/ de dag khams gang dang gang 'dzin pa de dang de nan gyis mchog tu 'dzin cing mngon
81b7 par zhen nas/rjes su spyod par bgyid do/ /'di ni bden gyi gzhan ni gti mug pa'o snyam du sems lags so/ /bcom ldan 'das kyis bka' stsal pa'i don 'di bdag gis rtogs nas/ som nyi las brgal te/ the tsom dang bral lags so/ /de nas lha'i dbang po brgya byin
82a1 gyis/bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rangs nas/ bcom ldan 'das la zhu ba phyi ma zhus pa/ btsun pa ci lags/ dge sbyong dang bram ze thams cad g.yung
82a2 drung gi mthar thug pa grub pa dang /gtan du dri ma dang bral ba dang / gtan du tshangs par spyod pa'i mthar phyin pa lags sam/ bcom ldan 'das kyis bka' stsal pa/ kau shi ka dge sbyong dang bram ze thams cad g.yung drung gi mthar thug pa dang / gtan du dri ma dang bral ba dang /
82a3 gtan du tshangs par spyod pa'i mthar phyin pa ma yin gyis/ dge sbyong ngam/ bram ze su yang rung ste/ bla na med pa'i rnam par grol ba la srid pa yang dag par zad cing / yang dag par sems shin tu rnam par grol bar gyur pa de dag ni g.yung drung gi mthar thug pa dang / gtan du
82a4 dri ma dang bral ba dang /gtan du tshangs par spyod pa'i mthar phyin pa yin no/ /lha'i dbang po brgya byin gyis gsol pa/ btsun pa de ni de lags so/ /de ni de lags te/ dge sbyong dang / bram ze thams cad g.yung drung gi mthar thug pa grub pa dang / gtan du dri ma dang bral
82a5 ba dang /gtan du tshangs par spyod pa'i mthar thug pa ma lags te/ dge sbyong ngam/ bram ze gang yang rung ste/ bla na med pa'i rnam par grol bar gyur pa las/ srid pa yang dag par zad cing / yang dag par sems shin tu rnam par grol ba de dag ni/ g.yung drung gi mthar
82a6 thug pa dang /gtan du dri ma dang bral ba dang / gtan du tshangs par spyod pa'i mthar phyin pa lags so/ /bcom ldan 'das kyis bka' stsal pa'i don 'di bdag gis rtogs shing / chos bdag gis rtogs nas/ som nyi las brgal te/ the tsom dang bral zhing zug rngu phyung
82a7 nas/yongs su yi chad pa ma mchis pa'i slad du/ bdag gis bdag gang lags snyam du bdag gi yid la phyir skye bar mi 'gyur lags so/ /btsun pa zhu ba lung bstan pa khyad par rtogs pa gang dag bdag gis ma thob pa las/ da ni bdag gis yun ring po zhig
82b1 lags na/bcom ldan 'das la brten te/ 'di ltar de bzhin gshegs pa dgra bcom pa yang dag par rdzogs pa'i sangs rgyas kyis bka' stsal nas/ som nyi dang yid gnyis kyi zug rngu rtsa ba nas bton lags so/ /bcom ldan 'das kyis bka' stsal pa/ kau shi ka
82b2 sngon cad dge sbyong dang /bram ze gzhan dag la yang dri ba 'di lta bu dris pa dran nam/ lha'i dbang po brgya byin gyis gsol pa/ btsun pa glo ba la dran pa lags te/ dus gcig cig na sum cu rtsa gsum pa'i lha'i 'dun sa chos bzang du lha rnams 'dus shing 'khod par gyur te/ 'di
82b3 ltar de bzhin gshegs pa dgra bcom pa yang dag par rdzogs pa'i sangs rgyas tshol zhing mchis pa las/de dag gis de bzhin gshegs pa dgra bcom pa yang dag par rdzogs pa'i sangs rgyas ma rnyed nas/ stan las langs te/ so sor gyes pa de dag gi nang nas/ lha
82b4 che bar grags so 'tshal gnas nas shi 'phos shing mi snang bar gyur nas/btsun pa lha che bar grags so 'tshal gnas nas shi 'phos pas bdag kyang skrag cing bag tsha bar gyur te/ bdag kyang gnas 'di nas shi 'phos par mi 'gyur grang snyam nas/ bdag dge sbyong dang / bram ze
82b5 gcig pu dben par gnas pas gnas shing mchis pa/gang dang gang mthong ba de dang de dag de bzhin gshegs pa dgra bcom pa yang dag par rdzogs pa'i sangs rgyas lags snyam nas/ de dag gi thad du mchis na/ de dag gis bdag la khyod su yin zhes 'dri bar bgyid de/
82b6 bdag gis de dag la bdag ni lha'i dbang po brgya byin yin no zhes bgyis nas/ de dag dga' zhing mgu ste/ kye ma bdag gis brgya byin mthong ngo zhes ched du brjod pa ched du rjod par bgyid de/ de dag bdag la 'dri bar bgyid kyis/ de dag la bdag 'dri bar mi bgyid lags
82b7 so//de dag bdag la skyabs su mchi bar bgyid kyis/ bdag de dag la skyabs su mchi bar mi bgyid lags so/ /da slan cad bdag ni bcom ldan 'das kyi nyan thos lags te/ bcom ldan 'das la skyabs su mchis lags so/ /rtogs pa la ni mtha' ma mchis/ /bdag
83a1 la the tsom nem nur mchis//de bzhin gshegs pa tshol ba'i phyir/ /ring po zhig tu 'khyam 'khyam ste/ /long ba bdag ni rdzogs sangs rgyas/ /bsnyen bkur bgyid du mchis mchi na/ /bdag gis ji ltar mnyes pa'i thabs/ /de dag la ni dris pa las/ /lam
83a2 dang de bzhin bsgrub pa yang //de dag yang gi gtam ma 'tshal/ /bdag ni cung zad ci 'dod pa/ /rtog par gyur dang dpyad pa dang / /yid kyi 'gro dang 'ong ba yis/ /sems ni thugs kyis thugs su chud/ /yid kyang yid kyis rig gyur nas/ /de dag thams cad de ring du/ /
83a3 bcom ldan 'das ni dgra bcom gyis/ /bsgrags shing lung yang bstan par gyur/ /khyod ni sangs rgyas ston pa khyod/ /rgyal ba khyod kyis bdud kyang btul/ /khyod kyis bag nyal bcad nas kyang / /rgal nas skye dgu sgrol bar mdzad/ /'jig rten du ni khyod sangs rgyas/ /khyod
83a4 las lhag pa yang ma mchis//lha dang bcas pa'i 'jig rten na/ /gang zag khyod kyi zla ma mchis/ /dpa' bo chen po khyod la 'dud/ /skyes mchog khyod la phyag 'tshal lo/ /srid pa'i zug rngu 'byin pa ste/ /nyi ma'i rigs skyes khyod la 'dud/ /bcom ldan 'das kyis bka'
83a5 stsal pa/kau shi ka khyod kyis sngon chad bden pa thob pa dang / yid bde ba thob pa 'di lta bu nyams su myong bar dran nam/ brgya byin gyis gsol pa/ yid bde ba thob pa ni bdag gis myong bar dran lags so/ /bden pa thob pa ni nyams su myong ba mi dran lags so/ /btsun pa lan
83a6 gcig cig na/lha dang lha ma yin g.yul 'gyed pa na/ lha rnams ni rgyal/ lha ma yin rnams ni pham nas/ bdag gis 'di snyam du sems te/ da ni bdag lha'i grong khyer du mchis la/ lha'i longs spyod gang lags pa dang / lha ma yin gyi longs spyod gang lags pa de dag
83a7 lhan cig tu tshogs pa dga' bzhin du longs spyod par bgyi'o//snyam pa de ni yid bde ba thob pa lags te/ de ni yun ring por 'thab mo'i mtha' can lags/ mtshang 'dru ba'i mtha' can lags/ 'gyed pa'i mtha' can lags/ rtsod pa'i mtha' can lags so/ /btsun
83b1 pa bdag gis yid bde ba thob pa dang /bden pa mthong ba 'di ni yun ring por 'thab mo ma mchis pa'i mtha' can lags/ mtshang 'dru ba ma mchis pa'i mtha' can lags/ 'gyed pa ma mchis pa'i mtha' can lags/ rtsod pa ma mchis pa'i mtha' can lags so/ /btsun
83b2 pa bcom ldan 'das kyis bdag chos kyi rjes su 'gro ba'i bka' drin stsal ba gang lags pa de la bdag 'di snyam bgyid de/bdag gnas 'di nas shi 'phos nas mi rnams dang skal ba mnyam par phyug cing nor mang la longs spyod che ba dang / rdzas dang yo byad mang ba dang / bdog
83b3 pa mang ba dang /nor dang / 'bru dang / gser dang / dngul dang / mdzod dang / bang ba'i tshogs mang ba'i rigs gang lags pa dang / mdza' bo dang / grogs po dang / phu nu dang / nye du mang ba dang / bran pho dang / bran mo dang / las byed pa dang / zho shas 'tsho ba mang ba de lta bu'i khyim du
83b4 skal ba mnyam par skye bar gyur cig /de nas bdag mthar gyis skyes te/ dbang po rnams smin nas/ sbyin bdag byin zhing bsod nams dag bgyid nas/ skra dang kha spu bregs te/ chos gos tshon can bgos nas yang dag pa'i dad pas khyim nas khyim med par rab tu byung ste/
83b5 btsun pa bdag 'os par gnas shing / gal te bka' lung thob na bka' lung bzhin bgyid par gyur cig /de ltar bdag 'os par gnas na/ sdug bsngal gyi mthar thug pa ni de lags so snyam bgyid do/ /gal te bka' lung ma thob na ni de ltar na bdag gzugs mchis pa'i
83b6 lha'i lus skyes pa/dbang po ma nyams shing dbang po tshang ba yan lag dang nying lag thams cad dang ldan pa/ mdog bzang ba/ rang la 'od mchis pa/ nam mkha' la 'gro ba/ dga' ba'i zas za ba/ dga' ba'i zas dang ldan pa/ tshe ring ba yun ring du gnas pa der/ bdag
83b7 'gran zla ma mchis par skye bar shog shig snyam bgyid do//lha lus 'di las shi 'phos shing / /mi ma yin pa'i tshe spangs nas/ /rmongs pa med par mngal du 'jug /bdag gi yid ni sdom la dga'/ /man ngag gis ni phongs mi 'gyur/ /bstan pa'i lam la rten
84a1 bcas shing //tshangs par spyod la gzhol bgyis nas/ /bsod snyoms rgyu ba spyad par bgyi/ /bdag ni 'os par gnas nas kyang / /gal te bka' lung thob gyur na/ /bka' lung stsal ba bzhin du bgyi/ /de nyid bdag gi sdug bsngal mtha'/ /gal te
84a2 de ltar ma gyur nas//tshe yi mtha' ni zad pa'i tshe/ /'og min lha ni gang yin pa/ /de dag tu ni skye bar shog /bcom ldan 'das bdag ni rgyun du zhugs pa lags so/ /bde bar gshegs pa bdag ni rgyun du zhugs pa lags so/ /lan cig phyir 'ong bar 'gyur ba'i re ba
84a3 yang bdag la mchis lags so//bcom ldan 'das kyis bka' stsal pa/ kau shi ka legs so legs so/ /de'i skal ba khyod la yod de/ de yang bag yod pas 'thob bo/ /brgya byin gyis gsol pa/ gang gis bdag ni zhi 'gyur la/ /rgyun du zhugs par nges
84a4 'byung ba//bcom ldan khyod las gzhan la med/ /khyod kyi bstan las gzhan la med/ /khyad par rgya chen dang po'i gzhi/ /gzhan dag lta la ga la mchis/ /khyad par thob pa ci 'dra ba/ /sngon chad gzhan las yong ma thob/ /btsun pa bdag ni 'di nyid na/ /mchis
84a5 shing lha lus bgyid bzhin du//bdag gis tshe ring thob lags kyis/ /blo ldan de ltar gzung du gsol/ /chos kyi rnam grangs 'di bshad pa na/ lha'i dbang po brgya byin dang / lha brgyad khri chos rnams la chos kyi mig rdul med cing dri ma dang bral ba skyes te/ des bden
84a6 pa mthong nas/stan de kho na las shi 'phos nas/ stan de kho na nyid la phyir skyes so/ /de ltar de shi 'phos pa dang / skyes pa ni mig mi 'dzums pa dang / mi snang bar gyur pa dang / lus kyi reg pa'i sgo nas bcom ldan 'das kyis mkhyen to/ /lha'i dbang po brgya byin dang / lha ma
84a7 yin gyi bu mo bde sogs kyis kyang rtogs so//de nas lha ma yin gyi bu mo bde sogs kyis/ lha'i dbang po brgya byin la smras pa/ kau shi ka khyod shi 'phos nas/ skyes lags sam/ brgya byin gyis smras pa/ bde sogs nga shi 'phos nas phyir skyes te/ 'di na 'dug bzhin du
84b1 phyir bdag gi tshe thob par gyur to//de nas lha'i dbang po brgya byin gyis bden pa mthong nas dga' zhing mgu la rab tu dga' zhing yi rangs te/ dga' ba dang / yid bde ba skyes nas stan las langs te/ bla gos phrag pa gcig tu gzar nas/ bcom ldan 'das ga la ba de logs su
84b2 thal mo sbyar ba btud de/bcom ldan 'das la 'di skad ces gsol to/ /btsun pa bdag ni 'phags lags so/ /'phags lags so/ /deng slan cad ji srid 'tsho'i bar du dge bsnyen lags pa dang / khong nas dga' ste skyabs su mchis lags par gzung du gsol/ de nas
84b3 lha'i dbang po brgya byin gyis dri za'i bu gtsug phud lnga pa la smras pa/bu khyod ni bdag la phan pa dang bde ba yin te/ bcom ldan 'das kyi thad du 'gro bar thog ma khyod kyis bskul to/ /bu zur phud lnga pa bdag cag 'di nas sum cu rtsa gsum pa'i lha'i yul du dong nas/ khyod kyis sngon yun
84b4 ring po nas 'dod cing smon pa gang yin pa'i dri za'i rgyal po dum bu ru'i bu mo bzang mo zhes bya ba 'od de/khyod kyi chung mar sbyin no/ /dri za rnams kyi dbang po khyod kyi pha'i rgyal sar yang gzhug go/ /de nas lha'i dbang po brgya byin gyis/ sum cu rtsa gsum pa'i lha rnams la smras pa/ grogs
84b5 po dag bdag gis sngon cad mi mjed kyi bdag po tshangs pa la/dus gsum du tshangs pa la 'os pa'i 'dud pa byed pa gang yin pa de ni/ bdag gis da phyin cad bcom ldan 'das 'di nyid la tshangs pa la 'os pa'i 'dud pas 'dud par bya'o/ /de ci'i phyir zhe na/ 'di ltar bcom ldan 'das 'di
84b6 nyid tshangs pa yin/tshangs par gyur pa yin/ zhi ba yin/ zhi bar gyur pa yin pa'i phyir ro/ /de nas lha'i dbang po brgya byin dang / lha gzhan rnams bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te/ mdun gyis phyogs shing
84b7 phyir nur nas/bcom ldan 'das la 'dud bzhin du/ lha'i dbang po brgya byin gyis mig lam du mi snang bar gyur pa'i sa nas/ bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas/ pus mo g.yas pa'i lha nga sa la btsugs te/
85a1 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la phyag 'tshal lo phyag 'tshal lo zhes smras nas/ lha'i dbang po brgya byin de nyid du mi snang bar gyur to/ /de nas dge slong rnams kyis sangs rgyas bcom ldan 'das la zhus
85a2 pa/btsun pa lha'i dbang po brgya byin gyis las ci bgyis na/ las de'i rnam par smin pas/ rdzu 'phrul che zhing mthu che bar gyur la/ 'dis bcom ldan 'das mnyes par bgyis te/ mi mnyes par ma bgyis lags/ bcom ldan 'das lha brgyad khri bo 'di rnams kyis kyang las
85a3 ci bgyis na/las de'i rnam par smin pas brgya byin 'di kho na las brten nas/ 'di rnams kyis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to/ /gsol pa 'di rnams kyis
85a4 smon lam gang du btab lags/bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen
85a5 pa/skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'khor ba 'jig ces bya ba 'jig rten du byung ste/ des gang gi tshe bla na med pa'i ye shes brnyes nas/ rgyal po'i pho brang mdzes ldan du gshegs pa de'i
85a6 tshe/yang dag par rdzogs pa'i sangs rgyas 'khor ba 'jig gi phyir rgyal po mdzes pas/ gtsug lag khang lnga brgya brtsigs te/ gnas khang drug stong byas nas yang dag par rdzogs pa'i sangs rgyas 'khor ba 'jig nyan thos kyi dge 'dun dang bcas pa la phul te/ gtsug
85a7 lag khang de dag tu yo byad thams cad sbyar nas/'khor brgyad khri dang bcas pas/ yang dag par rdzogs pa'i sangs rgyas 'khor ba 'jig nyan thos kyi dge 'dun dang bcas pa la/ mchod pa'i las la brtson par gyur to/ /de nas gang gi tshe yang dag par rdzogs pa'i sangs rgyas
85b1 'khor ba 'jig sangs rgyas kyi 'phrin las thams cad mdzad nas/phung po lhag ma med pa'i mya ngan las 'das pa'i dbyings su mya ngan las 'das pa de'i tshe/ rgyal po mdzes pas de'i sku gdung la mchod pa byas nas/ sku gdung gi mchod rten brtsigs te/ rnam pa thams cad
85b2 yongs su rdzogs par byas nas/mchod rten de la mchod pa chen po byas te/ smon lam btab pa/ kye ma dge ba'i rtsa ba 'dis/ bdag gang dang gang du skye bar 'gyur ba de dang der gal te/ lhar skye bar gyur na ni/ lha che bar grags pa/ lha rnams kyi mnga' bdag tu gyur
85b3 cig /gal te mir skye bar gyur na ni mi che bar grags pa mi rnams kyi nang nas rgyal srid kyi mnga' bdag tu gyur cig ces byas so/ /de nas rgyal pos smon lam 'debs pa zham ring ba rnams kyis mthong nas dris pa/ lhas smon lam ci zhig btab lags/ de nas des de dag la
85b4 rgyas par bsnyad nas/de thos ma thag tu de dag gis kyang mchod rten de la bkur sti byas nas/ smon lam btab pa/ kye ma dge ba'i rtsa ba 'dis na/ bdag cag gang dang gang du skye bar 'gyur ba de dang der phyug cing / nor mang la longs spyod che ba'i rigs su skye bar shog
85b5 shig /rgyal po 'di kho na la brten nas/ bdag cag gis ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i tshe rgyal po mdzes par gyur pa gang yin pa de ni/ lha'i dbang po brgya byin 'di kho na
85b6 yin te/des der yang dag par rdzogs pa'i sangs rgyas 'khor ba 'jig nyan thos kyi dge 'dun dang bcas pa la bsnyen bkur byas nas/ smon lam btab pa'i las de'i rnam par smin pas/ ched 'ga' mir skyes pa'i tshe ni lha che bar grags par gyur te/ lha rnams kyi mnga' bdag byas so/ /
85b7 ched 'ga' mir skyes pa'i tshe ni/ mi che bar grags par gyur nas/ mi rnams kyi rgyal srid kyi mnga' bdag byas te/ dge slong dag nga yang dag par rdzogs pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam
86a1 pa brnyes par gyur nas/'dis nga mnyes par byas te/ mi mnyes par ma byas so/ /de'i tshe zham ring ba brgyad khrir gyur pa gang yin pa de dag ni/ lha brgyad khri po 'di dag kho na yin te/ de dag gis yang dag par rdzogs pa'i sangs rgyas 'khor ba 'jig nyan thos
86a2 kyi dge 'dun dang bcas pa la bsnyen bkur byas nas/smon lam btab pa'i las de'i rnam par smin pas gang dang gang du skyes pa de dang der/ phyug cing nor mang la longs spyod che ba'i rigs su skyes te/ brgya byin 'di kho na la brten nas 'di rnams kyis nga mnyes par byas te/ mi mnyes
86a3 par ma byas so// //rgyal po zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ bram ze zhig gnas pa des/ thabs zlar bab pa las/ chung ma blangs nas de de dang lhan cig tu rtse zhing dga' la dga' mgur spyod pa las/ phyi zhig
86a4 na de'i chung ma la bu chags nas/de zla ba dgu'am bcu lon pa na bu btsas nas de gang gi tshe cher skyes pa de'i tshe/ yi ge dang bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang thal ba blang ba dang / ril pa thogs pa dang / nges
86a5 brjod kyi rig byed dang /mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas/ las
86a6 rnam pa drug la mkhas pa'i bram zer gyur te/de mthar gyis rig pa'i gnas brgyad la byang bar gyur to/ /de nas phyi zhig na de'i pha ma gnyis shi'o/ /de gnyis shi nas khye'u des bsams pa/ bram ze rnams kyi lugs kyis na/ lo bzhi bcu rtsa brgyad kyi bar du tshangs par spyod pa spyad
86a7 nas/de'i 'og tu chung ma len par byed kyis/ bdag gis kyang lo bzhi bcu rtsa brgyad tshangs par spyod pa spyad par bya'o snyam nas/ des lo bzhi bcu rtsa brgyad kyi bar du tshangs par spyod pa spyad nas chung ma blangs te/ de'i chung ma gzugs bzang zhing blta na sdug la mdzes pa dang / g.yem
86b1 zhing skyes pa 'dod pa zhig ste/de khyim thab rgan po dang lhan cig 'dug pas snying mi tshim nas/ des skyes pa gzhan btsal to/ /de nas phyi zhig na de'i blo skyes pa/ bdag gis khyim thab 'di ji srid 'di na 'dug pa'i bar du ni/ bdag skyes pa gzhan dang lhan cig nyal ba'i
86b2 skabs med kyis/bdag gis 'di yul gzhan du gtang bar bya'o snyam nas/ bram ze de la smras pa/ ji ltar jo bo'i khyim na ji yang mi bdog na/ khyod kyis bdag blangs te ci bgyi/ bdag pha ma'i khyim du slar mchi'o/ /'on kyang bdag gis 'tshal ma bde blag tu 'tshal du mchis
86b3 so//bram zes smras pa/ bzang mo mi dga' bar ma byed cig /bdag cag bram ze rnams la slong mos 'tsho ba yang yod kyis/ bdag yul gzhan du song la nor btsal te/ phyir 'ong ngo zhes byas nas/ chung ma la brgyags phogs te song ngo / /de song nas kAr ShA pa Na
86b4 mang po zhig rnyed nas de dag khyer te/mnyan du yod par chas pa las/ de lam du mi rgod kyis bcom nas de shin tu sdug bsngal bar gyur te/ gal te bdag khyim du song na ni bram ze mo dang 'thab mo chen po 'byung bar 'gyur gyis/ bdag gis 'tsho ba 'di lta bu btang la/
86b5 nags khung thibs por song ste/ bdag 'chi bar bya'o snyam nas/ de nags khung thibs por song ste/ shing ka nas thag pas btags nas/ 'gag par byas pa las/ de'i skabs su bcom ldan 'das kyis dgongs pa/ bram ze 'di nga'i bstan pa la rab tu byung nas/
86b6 nyon mongs pa thams cad spangs te/ dgra bcom pa nyid mngon sum du byed par 'gyur ba zhig na/ 'di lta bu'i gzu lums byed cing 'dug go snyam du dgongs nas/ bcom ldan 'das mnyan du yod pa nas mi snang bar gyur te/ nags khung thibs po der gshegs nas/ bcom
86b7 ldan 'das kyis bram ze de la bka' stsal pa/bram ze gzu lums ma byed cig /ngas khyod la nor sbyin no zhes bka' stsal nas/ bcom ldan 'das kyis de la gter bstan te/ bram ze khyod kyi nor 'di yin gyi srog phangs pa ma dor cig ces bka' stsal nas/ bcom ldan 'das slar
87a1 gtsug lag khang du gshegs so//de nas bram ze des nor de dag khyer te rang gi khyim du song nas/ de khyim gyi 'byor pa rgyas par byas te bzhag nas sbyin pa dag sbyin zhing bsod nams dag byed pa la zhugs so/ /de nas phyi zhig na de'i blo skyes pa/ dge sbyong gau tam ni
87a2 bdag la phan pa dang dben pa yin gyis/bdag khyim na gnas pa btang la/ de'i thad du rab tu 'byung bar bya'o snyam ste/ khyim gyi 'khor btang nas bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir
87a3 spyan sngar 'dug go//bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas de dang 'thun pa'i chos bstan te/ des na bram ze des stan de nyid la 'dug bzhin du/ 'jig tshogs la lta ba'i ri'i rtse mo mthon po nyi shu ye
87a4 shes rdo rjes bcom nas/rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol
87a5 to//btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge slong tshur shog
87a6 ces bya ba'i tshig gis rab tu phyung ste/bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas so/ /de nas dge slong rnams kyis sangs rgyas bcom ldan
87a7 'das la gsol pa/btsun pa bram ze 'di dbul bas 'jigs nas/ bdag nyid 'gum par bgyid pa las bcom ldan 'das kyis nor gyi phung po chen po dang sprad de/ g.yung drung gi mthar thug pa grub pa dang / bde ba'i mya ngan las 'das pa la bkod pa la gzigs/ bcom ldan 'das kyis
87b1 bka' stsal pa/da ltar 'ba' zhig ma yin te/ 'das pa'i dus na yang bram ze 'di dbul bas 'jigs nas/ bdag nyid 'chi bar byas pa las/ ngas nor gyi phung po chen po byin nas/ dge ba bcu'i las kyi lam la ci ltar gnas par byas pa de nyon cig /dge slong dag sngon byung
87b2 ba 'das pa'i dus na/grong khyer bA rA Na sI na rgyal po dbang chen sde zhes bya ba rgyal po byed de de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom
87b3 rkun dang /nad dang / mu ge med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la/ bu gcig pa sdug pa la bya ba bzhin du chos bzhin du rgyal srid byed do/ /rgyal po de yang byams pa'i bdag nyid can
87b4 snying rje dang ldan pa/sems can la byams pa/ sbyin pa la dga' ba zhig ste/ de sbyin pa dag sbyin zhing bsod nams dag byed de/ dge sbyong dang / bram ze dang / sdug cing phongs pa dang bkren pa rnams la ci dang ci 'dod pa sbyin par byed do/ /bza' ba dang bca' ba mang po dag sta
87b5 gon byas te/srog chags nam mkha' la gnas pa dang / chu na gnas pa dang / thang la gnas pa rnams la sbyin par byed do/ /'jig rten dag kyang dge ba bcu'i las kyi lam la bkod par byed do/ /de nas phyin cad bdag gis sems can rnams la thams cad sbyin no zhes dam
87b6 bcas so//de nas chos bzhin du rgyal po byed pas/ mi dang mi ma yin pa rnams kyis kyang de la bsrung ba dang / bskyab pa dang / sba ba'i phyir brtson par byed de/ de dag gis dus dus su char gyi rgyun legs par 'bebs shing 'bru rnams rgyas par byed do/ /rgyal po de'i 'dab
87b7 kyi nyi 'og gi rgyal po ni/chos ma yin pas rgyal po byed de/ shing sgrog dang / rkang sgril dang / lag sgril dang / an pan gdags pa rnams kyis/ yul na gnas pa'i skye bo mang po la gnod pa byed de/ de'i mi rnams nan gyis dpya bla skyes rgyud mas 'jigs te/ rgyal po
88a1 dbang chen sde'i yul du dong ste 'khod do//de nas phyi zhig na nyi 'og gi rgyal po de blon po mang pos zhabs 'bring byas nas/ yul bltar song song ba las/ des bltas na grong dang / grong rdal dang / grong khyer dang / nags khrod kyi grong dang / tshong dus
88a2 rnams stongs par mthong nas/blon po rnams la kwa'i ci'i phyir yul stongs pa la thug par gyur ces dris nas blon po rnams na re/ lha rgyal po dbang chen sde'i yul 'byor pa dang / rgyas pa dang / bde ba dang / lo legs pa dang ldan la/ skye bo mang po de dag kyang dpya khral ma mchis
88a3 pa dang 'dra bar 'khod pas na/skye bo phal po che rnams der dong ste 'khod do zhes zer ro/ /de nas de thos ma thag tu nyi 'og gi rgyal po de khros nas/ dpung gi tshogs yan lag bzhi go bskon te/ rgyal po dbang chen sde dang g.yul 'gyed pa'i phyir drangs so/ /de nas rgyal po dbang chen sde
88a4 nyi 'og gi rgyal po de khros nas dpung gi tshogs yan lag bzhi go bskon te/bdag dang g.yul 'gyed pa'i phyir drangs so zhes thos so/ /thos nas kyang blon po rnams bsogs te bsgo ba/ kye ngas ni tshe gcig gi 'tsho ba tsam gyi phyir sdig pa byed mi phod kyis/ gal te khyod yul phung
88a5 bar 'gyur mi 'dod na ni/nyi 'og gi rgyal po de la phyag 'tshol cig /nga ni de la gnod pa byed mi phod do zhes byas nas/ tshigs su bcad de smras pa/ nags kyi nang na shing shun shar bu'i gos gyon cing / /'bras bu za la gcan gzan dag dang 'grogs kyang bla'i/ /'jig rten pha rol
88a6 dag gis 'dzem pa'i mi rnams kyis//rgyal srid dag gi phyir ni gsod dang bcing mi bya/ /de nas blon po rnams kyis bsams pa/ rgyal po 'di ni su la yang gsod mi phod de/ bdag cag kun med par gyur na mi rung gis/ bdag cag thams cad gyi na la sdug bsngal bar gyur pa
88a7 bas ni/bdag cag gis 'di gcig pu bor yang bla'o snyam nas de dag gis rgyal po bor te/ nyi 'og gi rgyal po de la babs so/ /de nas rgyal po dbang chen sdes kyang tshor te/ blon po 'di rnams kyis bdag bor ro snyam nas/ nags kyi nang du gnas bcas te/ de der song nas
88b1 rtsa ba dang 'bras bu za zhing 'dug go//de song ba'i 'og tu nyi 'og gi rgyal po de 'ongs nas yul mi rnams phab ste/ rgyal po de gar song zhes dris na/ blon po rnams na re lha bros lags so zhes zer ro/ /de nas nyi 'og gi rgyal pos yul de cham du phab ste/ dpa' bo thams cad
88b2 kyi bya dgar bgo bsha' byas nas/yul de nyid du btab ste 'dug go/ /de nas de'i tshe ri khrod kyi grong zhig na/ bram ze dbul po 'tsho bas phongs pa zhig gnas te/ mthar gyis de'i bu dang bu mo mang po btsas nas/ de gso ba mang la yul der mu ge yang byung nas/ de khyim gyi
88b3 bza' mi rnams bskyang ma nus so//de nas bram ze des bA rA Na sI na rgyal po dbang chen sde zhes bya ba bzhugs te/ rgyal po de yang byams pa'i bdag nyid can/ snying rje dang ldan pa sems can la byams pa/ sbyin pa la dga' ba/ thams cad sbyin par byed pa zhig go zhes thos
88b4 nas/bdag de'i thad du 'gro bar bya'o/ /de'i thad du song ba dang bdag ni nor de las 'ong ngo snyam nas bA rA Na sIr song ngo / /de der song nas rgyal po dbang chen sdes nags su gnas bcas so zhes thos so/ /de thos ma thag tu bram ze de shin tu sdug bsngal bar gyur nas bsams
88b5 pa/bdag de'i thad du dka' thub kyi nags tshal du song ba dang / de de na 'dug kyang bdag la nor sbyin par 'gyur yang srid do snyam nas/ sa phyogs gang na byang chub sems dpa' gnas pa der song ste/ de'i thad du song nas byang chub sems dpa' des de la tshig 'jam pos
88b6 mgu bar byas te/rtsa ba dang 'bras bu dag byin nas dris pa/ khyod 'dir ci la 'ong / bram zes smras pa/ da ltar mu ge byung ste/ phongs shing gnod par gyur la/ bdag la gso ba yang mang na/ bdag gis de dag gso yang ma nus nas/ bdag gis thos na rgyal
88b7 po dbang chen sde ni thams cad sbyin par byed do zhes thos nas/de bdag gi nor gyi 'byung khung du 'gyur ro snyam ste/ khyod kyi thad du mchis so/ /byang chub sems dpa'as smras pa/ des nags kyi nang du gnas bcas so zhes khyod kyis ma thos sam/ da de la nor ga la yod/
89a1 de nas de thos ma thag tu bram ze de re thag chad nas brgyal te sa la 'gyel to/ /de nas byang chub sems dpa'as de'i gdong du chu gtor te de bslang ngo / /de nas des bsams pa bdag la 'tsho ba 'di lta bu ci dgos kyis bdag song la nags stug po'i nang du
89a2 zhugs te/'chi bar bya'o snyam nas thag pa khyer te nags stug po'i nang du zhugs nas shing ka nas thag pas btags te 'gag par byas pa las/ byang chub sems dpa'as mthong nas/ mthong ma thag tu snying rje skyes nas/ des bsams pa gal te bram ze 'dis bdag
89a3 khrid de dgra'i thad du song na ni des 'di la nor gyi phung po sbyin par 'gyur ro snyam nas/bram ze de la smras pa/ bram ze gzu lums ma byed cig dang / ngas khyod kyi dbul ba gcad par bya'o/ /bram ze khyod tshur shog /nga phyin ka log tu dam por bcings la/ rgyal po che ge mo zhig gi
89a4 thad du khrid de song shig dang /des khyod la nor gyi phung po chen po sbyin par 'gyur ro/ /bram zes smras pa/ bdag ni khyod lta bu 'chings mi phod do/ /byang chub sems dpa'as smras pa/ the tsom med par gyis la nga chings la khrid de song shig /de las thabs gud na ma mthong ngo /
89a5 de nas bram ze na re khyod ci ltar 'dod pa bzhin du bgyi'o zhes bgyis nas/ bram ze des byang chub sems dpa' phyin ka log tu bcings nas khrid de bA rA Na sIr chas so/ /de nas de skye bo mang po de dag gis mthong nas ngo shes te/ de dag rgyal po'i thad du song ste gsol na/ de dag la rgyal
89a6 po yid ma ches nas/de gtad bzhin du rgyal po'i pho brang nas phyung ste/ byang chub sems dpa'i thad du song nas/ bram ze des/ byang chub sems dpa' dam du bcings te khrid de 'ongs pa mthong ngo / /mthong nas kyang dris pa 'di khyod kyis ga las khrid de 'ongs/ des smras pa/
89a7 'di ni lha'i dgra lags te/ 'di ni bdag gis dka' thub kyi nags tshal na gnas pa las mthus bzung nas khrid de mchis so/ /de nas rgyal pos bsams pa/ rgyal po 'di ni lus che zhing stobs che la/ bram ze 'di ni lus nyam chung bas na/ 'dis 'di gzung bar ga la
89b1 nus te/'di ni snying rje che la sems can la byams pas na/ 'dis bdag gis bdag bcings nas/ 'di la byin gor ma chag snyam ste/ bram ze de la smras pa/ bram ze 'di khyod kyis ji ltar bzung ba drang por smros shig /de nas bram ze des rgyal po de la ji ltar gyur pa bzhin du bsnyad do/ /
89b2 de nas de thos ma thag tu rgyal po de dad par gyur nas sems can dag pa 'di lta bu la bdag gis gnod pa byas so snyam nas bdag nyid kyis bkrol te/ rgyal po'i pho brang du spyan drangs nas yan lag thams cad kyis 'khyud de/ seng ge'i khri'i steng du bzhag nas/ cod pan gyi thabs bud
89b3 de/byang chub sems dpa'i dbu la btags nas smras pa/ khyod ni rgyal po'i 'os lags kyi/ bdag ni 'os ma lags so zhes byas nas/ des de la dpung gi tshogs dang / dkor mdzod rnams phul nas bzod pa gsol te rang gi yul du song ngo / /de nas rgyal po dbang
89b4 chen sdes/bram ze de la nor gyi phung po chen po byin nas/ dge ba bcu'i las kyi lam la gnas par byas so/ /dge slong dag de'i tshe rgyal po dbang chen sder gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe bram zer gyur pa gang yin pa de ni/ bram ze
89b5 'di kho na yin te/de'i tshe yang 'di dbul bas 'jigs pas/ bdag nyid 'chi bar byas pa las/ ngas nor gyi phung po chen po byin nas/ dge ba bcu'i las kyi lam la gnas par byas so/ /da ltar yang 'di dbul bas 'jigs pas/ bdag nyid 'chi bar byas pa las/
89b6 ngas nor gyi phung po chen po byin nas/ g.yung drung gi mthar thug pa grub pa dang / bde ba'i mya ngan las 'das pa la bkod do// //rngon pa zhes bya ba ni/ bcom ldan 'das yul ma ga d+hAr ljongs rgyu zhing gshegs pa las/ rgyal po'i khab tu byon nas rgyal po'i khab kyi
89b7 'od ma'i tshal bya ka lan da ka gnas pa na bzhugs so//de'i tshe lhas byin ni rgyal po'i khab na gnas pa'i skye bo mang po la rtag tu nyes pa byed de gang dang gang la nyes pa byed pa de dang de/ bcom ldan 'das la nyes pas sting bar byed do/ /de nas bcom ldan 'das kyis tshe dang ldan pa kun dga'
90a1 bo la bka' stsal pa/kun dga' bo song la chos gos snam sbyar gyon te/ dge slong su yang rung ba zhig grogs su khrid la/ rgyal po'i khab tu lam po che dang srang dang / bzhi mdo dang sum mdo dag tu bram ze dang / khyim bdag rnams la lhas byin nam/
90a2 lhas byin gyi phyogs kyis su la nyes pa byas pa des sangs rgyas sam chos sam dge 'dun la 'dog par ma byed cig ces sgos shig /gal te lhas byin ni rdzu 'phrul che zhing mthu che ba yin no zhes zer na/ sngon ni rdzu 'phrul che na da ni de'i rdzu 'phrul nyams so/ /zhes gyis shig ces bka'
90a3 stsal to//de nas kun dga' bo song ste/ rgyal po'i khab tu lam po che dang / srang dang / bzhi mdo dang / sum mdo dag tu bram ze dang / khyim bdag rnams la bsgo nas/ phyin cad bcom ldan 'das la nyes pas sting bar mi byed do/ /de nas phyi zhig na bcom ldan 'das
90a4 bsnyung bar gyur nas/sman pa 'tsho byed kyis bcom ldan 'das la sman mar lcags mda' zhes bya ba phul lo/ /de nas bcom ldan 'das kyis sman pa'i rgyal po 'tsho byed la bka' stsal pa/ 'tsho byed ngo mtshar che'am/ gsol pa bcom ldan 'das ngo mtshar che lags so/ /
90a5 bka' stsal pa/ 'tsho byed rmad du byung ngam/ gsol pa/ bcom ldan 'das rmad du byung lags so/ /bka' stsal pa/ 'tsho byed khyod shes sam/ gsol pa/ bcom ldan 'das bdag 'tshal lags so/ bka' stsal pa/ 'tsho byed khyod mi shes sam/ gsol pa bcom
90a6 ldan 'das bdag ma 'tshal lags so//bka' stsal pa/ 'tsho byed ci zhig ngo mtshar che/ gsol pa/ bcom ldan 'das pa rnams rtswa za zhing chu 'thung la/ de dag las bdud rtsi 'di grub cing / des sman mar lcags mda' zhes bgyi ba bsgral lags so/ /bka' stsal pa/
90a7 'tsho byed ci zhig rmad du byung / gsol pa bcom ldan 'das sangs rgyas 'jig rten du byung ba las/ dam pa'i chos bstan pa dang / dge 'dun gyi bsgrub pa bzang po 'byung lags so/ /bka' stsal pa/ 'tsho byed khyod ci zhig shes/ gsol pa/ bcom ldan 'das skyes slan
90b1 cad gdon mi 'tshal bar 'gum par 'tshal lags so//bka' stsal pa/ 'tsho byed khyod ci zhig mi shes/ gsol pa bcom ldan 'das su gang du mchi ba de ma 'tshal lags so/ /de nas dge slong rnams the tsom skyes nas/ the tsom thams cad gcod pa/ sangs
90b2 rgyas bcom ldan 'das la gsol pa/btsun pa 'tsho byed kyis bcom ldan 'das kyis dgongs te gsungs pa rtogs pa la gzigs/ bcom ldan 'das kyis bka' stsal pa/ dge slong dag da ltar 'ba' zhig ma yin te/ 'das pa'i dus na yang 'dis nga'i dgongs te gsungs pa/
90b3 ci ltar rtogs pa de nyon cig /dge slong dag sngon byung ba 'das pa'i dus na/ ri khrod kyi grong zhig na khyim bdag phyug cing / nor mang la longs spyod che ba zhig gnas pa des thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod do/ /
90b4 de rtse zhing dga' la dga' mgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang khye'u zhig btsas te/ de'i btsas ston zhag bdun gsum nyi shu rtsa gcig gi bar du rgyas par sbyar nas/ rigs dang 'thun par ming btags so/ /
90b5 de'i 'og tu yang de rtse zhing dga' la dga' mgur spyod pa las bu zhig btsas te/ de'i yang btsas ston rgyas par byas nas/ rigs dang 'thun pa'i ming btags so/ /de nas des bsams pa bdag gi bu lon 'tshob pa dang / nor spyod pa skyes zin gyi zong khyer la bdag yul
90b6 gzhan du 'gro bar bya'o snyam mo//de nas yang bsams pa bdag gi chung ma 'di byad gzugs bzang bas/ bdag gis 'di la kAr ShA pa Na mang po byin te song na ni/ skyes pa gzhan dang lhan cig tu dga' mgur spyod par 'gyur yang srid kyis/ ma la bdag gis 'di la kAr ShA pa
90b7 Na nyung zhig byin te 'gro bar bya'o snyam nas/des de la kAr ShA pa Na nyung ngu zhig byin nas/ de ma yin pa gser rnams ni bum pa'i nang du bcug ste/ bum pa'i mgrin pa mu tig gi phreng bas bcings nas/ dur khrod du shing rta rna zhes bya ba'i drung du sbas te bzhag nas zong khyer te yul
91a1 gzhan du song nas/des der rnyed pa mang po grub nas des der yang chung ma blangs te 'dug nas de'i bu mang po btsas so/ /de nas chung ma snga ma gdu bu zhes bya bas lag 'ongs dang / des nye dus bshugs pa tsam gyis bu gnyis gsos mnags nas/ bu gnyis
91a2 kyis smras pa/bdag cag gnyis kyi pha gar song / mas smras pa/ bu yul ga ge mo zhig na gnas che ge mo zhig na 'dug ste/ de nor phun sum tshogs pa chen po dang ldan zhes kyang grag gis/ der song shig dang gal te na khyed kyi 'tsho ba'i thangs cung zad sbyin yang srid do zhes byas
91a3 so//de nas phu bo shos pha tshol du song ba las de lam nas lam du 'khor 'khor te/ mthar gyis pha'i drung du phyin nas/ phas bzhin gyi gzugs las ngo shes nas skad phyung ste smras pa/ khyod ga las 'ongs/ da gar 'gro zhes byas nas des rgyas par bsnyad do/ /de nas phas
91a4 bsams pa/'di ni bdag gi bu de kho na yin no snyam nas/ des de bdag gi thad du bzhag nas bsgo ba/ bu khyod kyis su la yang bdag gi pha yin zhes ma zer cig ces byas nas/ des de la byams par gyur to/ /de nas bu gzhan rnams kyis yab khye'u 'di su'i lags/ phas smras pa/
91a5 nga'i mdza' bo'i bu yin no/ /de nas de dag gis bsams pa/ 'di ltar 'di las shin tu byams pa las na/ 'di nyid kyi bu yin gor ma chag snyam mo/ /de nas de dag gcig la gcig smras te/ 'di ni bdag cag gi phu bo yin no zhes zer ro/ /de nas phas bsams pa/
91a6 dgra'i nang na ni 'di lta ste/ mas dbyen 'di ma rung ba yin te/ 'di bsad du 'ong gis phyir btang ngo / /de lta mod kyis gal te bdag gis cung zad cig 'di la byin na yang ltod pa can yin pa'i phyir lam du bsad du 'ong na/ ma la bdag gis 'di phyir btang ngo snyam nas/ yi ge zhig bris
91a7 te byin pa/gnas nas shar phyogs logs su dpag tshad gcig tsam na/ /grong nas grong du mgyogs kyi rna ba'i shing drung na/ /thabs la mkhas pa bag dang ldan pas brkos nas kyang / /bdag dang nor skal gcig pa khyod kyis gsol bar gyis/ /mgul na 'dug pa gang yin
91b1 de ni gdu bur byin zhes zer ba zhig yi ger bris nas byin te/des yi ge de khyer nas chas te song ba las/ nu bo rnams kyis lam du bzung ste/ pha las khyod kyis ci thob ces smras so/ /des smras pa/ ci yang ma thob ste/ yi ge 'di byin par zad do zhes byas so/ /de nas de
91b2 dag na re 'di ni phas brid pa lta ste song shig ces byas nas de btang ste/mthar gyis rang gi khyim du phyin nas/ re zhig ngal so shing / 'dug 'dug nas mas smras pa/ khyod kyis pha las ci thob/ bus smras pa/ ci yang ma thob mod kyi/ yi ge 'di lta bu zhig thob bo/ /mas
91b3 smras pa/bu khyod phas brid de/ lam gyi tshegs byung ba kho nar zad de ci yang ma grub bo/ /bus smras pa/ yul de ni che ba yin te/ bdag 'drid par mi byed do zhes byas nas/ de yi ge de dpyod pa la zhugs te/ grong nas zhes bya ba ni gang du skyes pa de yin te/ de ni 'dir
91b4 grong zhes bstan to//grong du zhes bya ba ni gang du phyung ste/ bsreg pa'i sa yin no/ /mgyogs kyi rna ba'i shing gi drung zhes bya ba la mgyogs zhes bya ba ni rta yin te/ de ni rna ba'i shing zhes bya ba ni rta rna zhes bya ste/ shing rta rna'i drung la bya'o/ /gnas nas shar phyogs logs
91b5 su zhes bya ba ni shar phyogs yin no//dpag tshad gcig tsam na zhes bya ba de ni dpag tshad gcig kho na la bya'o/ /des tshigs su bcad pa de lta bur dpyad nas/ mtshan mo mi mi rgyu ba'i tshe dur khrod du song nas/ de'i 'dab na rta rna zhes bya ba'i shing zhig 'dug ste/ des de'i
91b6 shar phyogs logs su bcal te gnya' shing gang tsam tshun cad brkos pa dang /re zhig na gser gyi bum pa mgrin pa mu tig gi phreng bas bcings pa zhig mthong nas/ de dga' ches te de blangs nas khyim du song ste/ mu tig gi phreng ba bkrol nas ma gdu bu la byin no/ dge
91b7 slong dag ji snyam du sems/de'i tshe khyim bdag tu gyur pa gang yin pa de ni nga nyid yin no/ /de'i tshe de'i bur gyur pa gang yin pa de ni 'tsho byed 'di kho na yin te/ de'i tshe yang 'dis nga'i dgongs te gsungs pa rtogs so/ /da ltar yang 'dis nga'i dgongs te gsungs pa rtogs
92a1 so//de nas 'tsho byed kyis bsams pa/ bcom ldan 'das ni rdo rje lta bu'i sku mnga' la sku che bas na/ sman mar nyung ngus 'di gso bar mi nus so snyam ste/ des brtags nas sman mar srang sum cu rtsa gnyis srang la bcal te/ bcom ldan 'das kyi skur
92a2 gsol te/lhung bzed kyi lhag ma ni dge slong rnams la bstabs pa las/ bcom ldan 'das kyi lhung bzed kyi lhag ma'o snyam nas/ dge slong rnams kyis btud cing btung ngo / /de nas lhas byin gyis bsams pa/ bdag gis kyang sman mar btung ngo snyam nas/ des 'tsho
92a3 byed la dris pa/'tsho byed dge sbyong gau ta mas sman mar ci zhig 'thungs/ 'tsho byed kyis smras pa/ srang sum cu rtsa gnyis gsol to/ /lhas byin gyis smras pa/ ngas kyang srang sum cu rtsa gnyis btung ngo / /'tsho byed kyis smras pa/ bcom ldan 'das ni rdo rje lta bu'i sku mnga'
92a4 la sku che bas na/sman mar de snyed gsol ba dang / 'ju bar spyod kyis khyod kyis ni 'ju bar mi nus so/ /lhas byin gyis smras pa/ nga yang rdo rje lta bu'i lus can yin na/ ci'i phyir 'ju bar mi nus zhes byas nas/ des kyang srang sum cu rtsa gnyis 'thungs so/ /de nas bcom ldan 'das
92a5 kyis ni zhu bar gyur/lhas byin gyis ni zhu bar ma gyur to/ /de nas phyi nyin yang 'tsho byed kyis bcom ldan 'das la sman mar 'bras chan gyi khu ba dang sbyar ba gsol to/ /lhas byin gyis kyang bcom ldan 'das kyis gsol pas/ nga rgyal gyi dbang gis ma zhu bzhin du sman mar 'bras
92a6 chan gyi khu bar sbyar te 'thungs pas/zug gzer gyis btab ste/ gnad la bab pa'i na tshas thebs nas/ gzhi des sdug bsngal drag pa dang mi bzad pa dang / tsha ba dang / yid du mi 'ong ba'i tshor ba myong nas/ nyin mtshan du gnyid kyang mi log par gyur to/ /tshe dang ldan pa
92a7 kun dga' bo ni/phu nu bo la byams te des gtam de/ bcom ldan 'das la gsol to/ /de nas bcom ldan 'das kyis phyag glang po che'i sna lta bu 'khor lo dang / bkra shis dang / g.yung drung ris dang ldan pa/ bsod nams brgya phrag du ma las byung ba 'jigs pa thams cad
92b1 dbugs 'byin par byed pa'i phyag brkyang ste/bya rgod kyi phung po'i ri las thal nas lhas byin gyi mgo la bzhag ste/ bden pa bskul ba mdzad pa/ bden pa gang gis nga'i bu gcig pa sgra gcan zin bzang po sdug gu la ci lta ba bzhin du sems lhag chad med par lhas byin la yang de
92b2 kho na bzhin du sems na/bden pa des 'di'i nad zhi bar gyur cig ces gsungs nas/ bden pa bskul ba de kho na'i mod la lhas byin gyi nad zhi bar gyur te/ srog yal ba las phyir thob par gyur to/ /de nas des bcom ldan 'das kyi phyag mthong nas ngo shes te/ des bsams pa
92b3 'di ni dge sbyong gau ta ma'i lag pa yin no snyam nas/de yun ring po nas sems kyi rgyud g.yo sgyus bsgrubs pa'i rgyags pas gos shing dbang du byas pas na/ de ltar sangs rgyas kyi che ba nyid kyis nad zhi bar byas kyang / 'di skad du don grub khyod kyis sman dpyad legs par lobs te/
92b4 'dis ni khyod 'tsho ba rnyed par nus so zhes zer ro/ /de nas 'khor na 'khod pa rnams kyis sgra bsgrags pa/ lhas byin nad tshabs chen pos gzir te srog yal ba la/ bcom ldan 'das kyis bden pa bskul bas sos par mdzad do zhes 'dzer to/ /lhas byin gyi phyogs su shin tu
92b5 zhen zhen pa rnams kyis kyang de thos nas/bcom ldan 'das kyi ngo mtshar che bar brjod do/ /kye ma 'di'i byams pa ni yang dag par phun sum tshogs par gyur to/ /kye ma sems can rnams la snying rje bsgoms so zhes 'dzer to/ /de nas dge slong rnams kyis lhas byin la smras pa/ lhas
92b6 byin khyod ni bcom ldan 'das kyis sos par mdzad do//gyin da srog dang bral zin to/ /lhas byin gyis smras pa/ 'di ni yid sgyur bar byed pa'i sgyu shes te/ des na 'jig rten thams cad zhi bar byed do/ /de nas de dag 'di ni drin du mi gzo ba dang / byas pa mi tshor ba zhig go
92b7 snyam ste/dong nas bcom ldan 'das ga la ba der dong ste lhags nas/ the tsom skyes te/ the tsom thams cad gcod pa/ sangs rgyas bcom ldan 'das la gsol pa/ btsun pa lhas byin drin du mi gzo ba dang / byas pa mi tshor ba dang / byas pa chud gson pa la gzigs/
93a1 bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ji ltar drin du mi gzo ba dang / byas pa mi tshor ba dang / byas pa chud gson par byed pa de nyon cig dge slong dag sngon byung ba 'das pa'i dus na/ yul bi
93a2 de ha zhes bya ba na/rgyal po dbang chen sde rgyal po byed de/ de'i tshe na gas khung dgon pa zhig na khron pa zhig yod de/ khron pa de'i nang du srog chags lnga lhung ste/ mi dang / seng ge dang / sbrul dang / byi ba dang / bya khra rnams so/ /rngon pa zhig kyang nags khung dgon pa de na
93a3 bshor zhing 'dug pa las/skom zhing gdungs nas khron pa de'i drung du song ste/ des khron pa de'i nang du bltas na mi des mthong ma thag tu kus btab ste/ kye grogs po bdag cag gi skyabs gyis shig ces byas so/ /de nas de thos ma thag tu rngon pa de yang de dag la
93a4 snying rje skyes nas/gal te bdag gis 'di rnams ma phyung na ni/ 'di dag thams cad gyin da la 'chi bar 'gyur ro snyam nas/ des thag pa khyer te 'ongs nas de dag thams cad khron pa de'i nang nas bton to/ /de nas phyi zhig na rngon pa de shor zhing nags khung du song
93a5 ba las/kyi rgyal po seng ge des mthong nas/ seng ges rngon pa la smras pa/ grogs po khyod ci'i phyir nags khung 'di na rgyu zhing 'dug /rngon pas smras pa/ bshor ba'i phyir bdag 'di na rgyu zhing 'dug ste/ bdag gi 'tsho ba 'di yin no/ /seng ges smras
93a6 pa/grogs po khyod nyon mongs par ma byed cig /ngas khyod la drin lan glan par bya ste/ khyod 'di na 'dug na ngas nyin gcig bzhin du bzang ngo cog bsad de/ sha ji snyed dgos pa de snyed sbyin no zhes smras nas/ kyi rgyal po seng ge song ste/ des nyin
93a7 gcig bzhin du bzang ngo cog bsad nas/mi de la sha mang po sbyin no/ /de nas phyi zhig na rngon pa des sha khur gyis bskyal te/ rang gi khyim du 'gro ba na/ de bya khra des mthong nas ngo shes te/ khra des rngon pa de la smras pa/ grogs po khyod dka' bas 'tsho ba 'di
93b1 lta bu zhig gis 'tsho zhing 'dug gam/rngon pas smras pa/ bdag cag gi 'tsho ba ni 'di yin te/ thabs 'dis bdag 'tsho ba tshol lo/ /de nas khra des bsams pa/ mi 'dis sngon bdag gi srog phyung bas na/ 'di la bdag gis drin lan bsab dgos so snyam nas/
93b2 des smras pa/ grogs po khyod 'dir 'dug shig dang bdag gis khyod kyi dbul ba gcad par bya'o zhes byas nas song ngo / /de nas khra des rgyal po'i pho brang 'khor du song nas/ bdag gi 'dir ci zhig rnyed par gyur cig gu bdag gis de khyer nas mi de la sbyin par bya'o snyam ste/ steng
93b3 gi nam mkha' la lding bzhin du bltas na/de'i tshe rgyal po'i pho brang de na rgyal po dbang chen sde'i btsun mo dam pas rgyan thams cad bkrol nas gab tse'i nang du bzhag ste/ skra bkrus pa las khras rgyan rnams khyer nas mi de la byin te/ des khyer te rang gi khyim du chas pa las/ mi
93b4 des mthong nas ngo shes te dris pa grogs po khyod kyis 'di ga las rnyed/rngon pas de la smras pa/ khras bdag la byin no zhes smras nas/ rngon pa de bdag gi khyim du song ngo / /de nas rgyal po dbang chen sdes/ bya ba thams cad la bsgo ba/ khyod deng la bya tshang thams cad du song
93b5 ste/rgyan de dag khyer te shog shig ces byas so/ /mi snga ma des kyang tshor nas bsams pa/ 'dis bdag la lan gnyis khron par lhung ba las phyung na mi rung gis/ bdag rgyal po'i thad du song la gsol bar bya'o/ /'on kyang des bdag la bya dga' sbyin par 'gyur ro snyam
93b6 nas/mi de song ste rgyal po la gsol pa/ rngon pa che ge mo zhig gis lha'i rgyan rnams khyer ro zhes byas so/ /de nas de thos ma thag tu de la bya dga' chen po byin no/ /de nas rngon pa de bkug ste/ rgyan rnams kyang phrogs nas khri mon du bcug go/ /de khri mon na 'dug pa na byi ba des
93b7 mthong nas ngo shes te des bsams pa/mi gang gis bdag gi srog phyung ba de ni 'di yin gyis/ 'di la bdag gis drin lan bsab par bya'o snyam nas/ des smras pa/ grogs po khyod ci nyes te khri mon 'dir bcug /de nas des de la rgyas par thams cad bsnyad do/ /de nas
94a1 byi ba des smras pa/grogs po khyod brtan por mdzod la/ spro ba chen po bskyed cig dang / ngas khyod 'di na 'dug pa'i tshe/ zas dang skom gyis mdo mi gzung bar bya'o zhes byas nas/ byi ba des mi de khri mon na 'dug pa de la zas dang / skom gyis mdo mi
94a2 gzung bar byas so//de nas phyi zhig na mi de khri mon na 'dug bzhin du/ sbrul gdug pa des srog gcig tu byas te/ 'di la ngas drin lan glan par bya'o snyam du bsams nas/ mi de la smras pa/ kye mi khyod ngas khri mon 'di nas thar bar byas te/ dbang phyug gi bdag po chen
94a3 po la gzhag par bya'o zhes byas nas/ngas rgyal po 'di dug gis zin par byas la/ de bdag gi dug gis ci bya gtol med par gyur pa dang / de'i tshe khyod khri mon na 'dug pas/ rgyal po 'di gzhan sus kyang sos par byed mi nus te/ nga 'ba' zhig gis gso nus so zhes
94a4 gyis shig /de nas rgyal po des khyod dgug pa dang / khyod der song la ba lang gi lci bas dkyil 'khor gyis la/ me sbar te sngags 'di bzlas brjod gyis shig dang / khyod kyi sgra thos pas nga 'ong gis khyod kyis nga 'ongs pa dang / 'di skad du/ yang na mer mchongs shig /
94a5 yang na rgyal po'i dug med par gyis shig ces byos shig dang / ngas khyod la 'di skad du bdag ni me'i nang du mchongs par bya'i/ rgyal po'i dug ni med par mi bya'o zhes bya'o/ /de nas khyod kyis nga la 'di skad du khyod kyis srog bor du zin kyang / ngas kyang rgyal po'i srog mi gtong gi /
94a6 khyod kyis rgyal po 'di'i dug med par mi byar mi rung ngo gyis shig dang / ngas khyod kyi tshig gis rgyal po'i dug med par bya'o/ /'on tang de'i tshe rgyal po khyod la mnyes par gyur nas/ khri mon nas btang ste/ nor gyi phung po chen po sbyin par 'gyur ro zhes byas nas/ sbrul gdug pa de
94a7 song ste rgyal po de dug gis zin nas/rgyal po de ci bya gtol med par gyur nas/ rngon pa des btson srungs rnams la smras pa/ rgyal po 'di sus kyang dug med par mi nus te/ ngas 'di'i dug med par bya'o zhes byas so/ /de nas btson srungs rnams kyis rgyal po la gsol
94b1 to//de nas rgyal pos mi de bkug ste smras pa/ kye gal te mi khyod kyis nga'i srog gi skyabs byed nus par gyur na/ ngas khyod la nor gyi phung po chen po sbyin no zhes byas so/ /de nas mi des smras pa/ lha brtan por mdzod la spro ba chen po bskyed cig dang / bdag mchis bzhin
94b2 du khyod grongs par mi 'gyur ro zhes byas nas/mi des ba lang gi lci bas dkyil 'khor byas nas/ me sbar te sngags brjod do/ /de nas de thos nas sbrul gdug pa de dkyil 'khor gyi drung du 'ongs te 'dug go/ /de nas mi des smras pa/ khyod ni 'di na 'dug pa don gnyis shig bya
94b3 dgos te/yang na ni rgyal po'i dug med par gyis shig /yang na ni me'i nang du mchongs shig ces byas so/ /de nas sbrul gdug pas smras pa/ bdag ni 'di na 'dug pa don gnyis bya dgos pa las/ yang na bdag nyid gtang bar bya dgos so/ /yang na rgyal po bsad
94b4 dgos so zhes byas nas/sbrul gdug pa de mngon du phyogs shing 'dug pa las/ mi des bzlog ste smras pa/ khyod kyis srog bor du zin kyang ngas rgyal po'i srog mi gtang gis/ khyod kyis rgyal po 'di'i dug med par mi byar mi rung ngo zhes byas so/ /de nas de thos ma thag
94b5 tu sbrul gdug pa des rgyal po'i dug med par byas so//de nas rgyal po mnyes par gyur nas/ rngon pa de nor gyi phung po byin te btang ngo / /dge slong dag ji snyam du sems/ de'i tshe rngon par gyur pa byang chub sems dpa'i spyod pa la gnas pa gang yin pa de ni nga nyid yin no/ /de'i tshe
94b6 mi'i rgyal po la gsol pa gang yin pa de ni lha sbyin 'di kho na yin te/de'i tshe yang 'di drin du mi gzo ba dang / byas pa mi tshor ba dang / byas pa chud gson par gyur to// //las brgya tham pa/ bam po sum cu lnga pa/ rmongs pa zhes bya ba ni/ gleng gzhi mnyan du yod
94b7 pa na bzhugs te/de'i tshe yul shur par ka na khyim bdag cig gnas pa des/ thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / khye'u
95a1 gzugs bzang zhing blta na sdug la mdzes pa zhig btsas te/de'i btsas ston rgyas par byas nas/ ming rmongs pa zhes btags so/ /de nas khye'u rmongs pa 'o ma dang / zho dang / mar dang / zhun mar dang / mar gyi nying gus bskyed bsrings te/ de gang
95a2 gi tshe cher skyes pa de'i tshe/yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag
95a3 pa dang /rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to/ /de nas phyi zhig na de'i lus shur bu yungs 'bru
95a4 tsam sha stag gis khyab par gyur te/shur bu de dag kyang smin te rdol nas/ de'i lus rmas zhu lub tu g.yogs par gyur to/ /de nas de'i phas sman pa thams cad las yo byad sbyar te gsos kyang / de sos par byed ma nus nas/ de ci tsam du tshab che bar gyur pa de tsam du/
95a5 lus las rnag khrag 'dzag ste/ dri nga ba byung ngo / /de nas de'i lus thams cad spos chu sna tshogs kyis byugs te gos kyis g.yogs nas gso bar byed do/ /de nas de'i phu nu rnams kyis mthong nas ming spos te/ khye'u 'di'i lus gos dang / rgyan rnams kyis g.yogs
95a6 te gsos pas na/'di'i ming sbas pa zhes bya'o zhes zer ro/ /de nas de la la las ni rmongs pa zhes bya bar shes so/ /la las ni sbas pa zhes bya bar shes so/ /de nas phyi zhig na de'i pha ma gnyis shi'o/ /pha ma gnyis shi nas las su bya ba thams cad khye'u des tshis
95a7 byed de/de las gang byed kyang rung / zhing blas byed kyang rung / tshong byed kyang rung / gru'i las byed kyang rung / de las byas so cog 'jig cing 'grub par mi 'gyur ro/ /de nas khyim bdag rmongs pa de 'di snyam du sems te/ bdag gis 'dir las gang byed kyang rung ste/
95b1 zhing blas byed kyang rung / tshong byed kyang rung / gru'i las byed kyang rung / bdag gi las byas so cog 'jig cing 'grub par mi 'gyur na/ 'jig rten na mi 'jig pa'i chos gang 'jig par mi 'gyur ba 'ga' lta yod dam zhig gu snyam mo/ /de nas khyim bdag rmongs pa de'i mdza' bo dang /
95b2 grogs po dang phu nu dang / rgan rabs rnying gi sngon gyi lha zhig khyim bdag rmongs pa'i khyim gyi sgo ga la ba der song ste phyin nas/ khyim de thams cad snang ba chen pos khyab par byas te/ khyim bdag rmongs pa la 'di skad ces smras so/ /khyim bdag khyod kyis 'jig rten na 'jig
95b3 pa'i chos can gang yin pa dang /'jig pa'i chos can ma yin pa gang yin pa mi shes sam/ khyim bdag gis smras pa/ lha bdag gis ni 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa mi shes na/ lha khyod kyis 'jig
95b4 rten na 'jig pa'i chos gang yin pa dang /'jig pa'i chos can ma yin pa gang yin pa shes sam/ lhas smras pa/ khyim bdag ngas kyang 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa mi shes so/ /khyim bdag gis smras pa/
95b5 lha 'o na 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa sus shes/ lhas smras pa/ khyim bdag shes pa yod de/ dge sbyong gau ta ma shAkya'i bu/ shAkya'i rigs las skra dang kha spu bregs te/ chos gos tshon can rnams
95b6 bgos nas/yang dag pa'i dad pas khyim nas khyim med par rab tu byung nas/ des bla na med pa yang dag par rdzogs pa'i byang chub tu mngon par rdzogs par sangs rgyas te/ bcom ldan 'das des ni 'jig rten na 'jig pa'i chos can gang yin pa dang / 'jig pa'i chos
95b7 can ma yin pa gang yin pa mkhyen to//khyim bdag gis smras pa/ lha bcom ldan 'das de da ltar ga la bzhugs/ lhas smras pa/ khyim bdag shar phyogs kyi ljongs na/ yul mnyan du yod pa zhes bya ba zhig yod de/ de'i nang na rgyal bu rgyal byed kyi tshal mgon med
96a1 zas sbyin gyi kun dga' ra ba na/da ltar bcom ldan 'das de bzhugs kyis/ khyim bdag khyod 'dod na/ bcom ldan 'das ga la ba der song la der phyin nas/ bcom ldan 'das la don 'di dris la/ bcom ldan 'das des khyod la ji skad du lung bstan
96a2 pa de bzhin du zung shig ces smras nas/lha de de nyid du mi snang bar gyur to/ /de nas de thos ma thag tu khyim bdag rmongs pa bcom ldan 'das la blta 'dod par gyur to/ /de nas phyi zhig na yul shur par ka'i tshong pa mang po de dag zong khyer te/ mnyan du yod par dong nas/ de
96a3 dag der dong bas/bcom ldan 'das kyi bstan pa la dad pa rnyed par gyur te/ skyabs su 'gro ba dang bslab pa'i gzhi rnams blangs nas/ de dag phyi zhig na zong dang rin rnams khyer te yul shur pa ra kar 'ongs nas/ de dag gis khyim bdag rmongs pa'i mdun du/ sangs
96a4 rgyas dang chos kyi bsngags pa brjod do//'di skad ces kyang smras te/ bcom ldan 'das de ni thams cad mkhyen pa thams cad gzigs pa yin gyi/ de blta ba'i phyir khyod song shig dang / des khyod kyi lus dang sems kyi nad gso bar 'gyur ro/ /de nas des tshig de thos nas lhag
96a5 par yang bcom ldan 'das kyi thad du bltar 'gro ba'i spro ba skyes so//de nas phyi zhig na khyim bdag rmongs pas rgyags mang po khyer te/ bzhon pa bzang po la zhon nas yul shur pa ra ka'i sa nas bar zhag gis mnyan du yod par phyin te/ de ji srid du bzhon du rung ba'i sa de srid du
96a6 bzhon pas song nas/bzhon pa las babs te/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas/ khyim bdag rmongs pas bcom ldan 'das la 'di
96a7 skad ces gsol to//btsun pa bdag ni rnag can gyi lus 'di dman par gyur pa/ ngo tsha bar gyur pas na spang bar 'tshal lo/ /smad par 'tshal lo/ /bcom ldan 'das kyis bka' stsal pa/ khyim bdag lus 'di ni nad lta bu yin no/ /phol mig lta bu yin no/ /zug
96b1 rngu lta bu yin no zhes bka' stsal te/bcom ldan 'das kyis phung po 'di nyid las brtsams nas/ de la de dang 'thun pa'i chos bstan te/ des na khyim bdag rmongs pas stan de nyid la 'dug bzhin du/ 'jig tshogs la lta ba'i ri'i rtse mo mthon po nyi shu ye shes rdo rjes
96b2 bcom nas/rgyun du zhugs pa'i 'bras bu mngon sum du byas te/ des bden pa mthong nas bsams pa/ gal te bdag gi lus 'di kho na lta bur ma gyur na/ bdag kyang legs par gsungs pa'i chos 'dul ba la rab tu 'byung ste/ chu bo rnams las yang dag par
96b3 brgal bar bya ba dang /sbyor ba rnams las yang dag par 'da' bar bya ba'i phyir/ brtson pa dang / bsgrub pa dang / 'bad par bya ba zhig gu snyam mo/ /de ltar rab tu 'byung ba'i sems bskyed ma thag tu khyim bdag de'i lus lag mthil bzhin du rma med par gyur to/ /de nas
96b4 de lhag par yang bcom ldan 'das la dga' bar gyur to//de nas de dga' bar gyur nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /
96b5 btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis dge slong tshur
96b6 shog ces bya ba'i tshig gis rab tu phyung ste/bsnyen par rdzogs par mdzad nas de la lung yang phog ste/ des kyang brtson pa dang / bsgrub pa dang 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams
96b7 gsum pa'i 'dod chags dang bral bar gyur nas/gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang / so
97a1 so yang dag par rig pa thob pa/srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas tshe dang ldan pa rmongs pa snga dro sham
97a2 thabs dang chos gos gyon te/lhung bzed thogs nas mnyan du yod par bsod snyoms la song ba las/ ba drus mas brdungs te bsad nas/ de 'chi kar dbang po rnams rnam par dang zhing / bzhin gyi mdog yongs su dag pa la pags pa'i mdog dkar por gyur to/ /de nas dge
97a3 slong mang po snga dro sham thabs dang chos gos gyon te/lhung bzed thogs nas mnyan du yod par bsod snyoms la dong ba las dge slong mang po mnyan du yod par bsod snyoms la dong ba rnams kyis yul shur par ka'i khyim bdag rmongs pa zhes bya ba gang yin pa de/ ba drus mas brdungs
97a4 te bsad nas de 'chi kar dbang po rnams rnam par dang zhing bzhin gyi mdog yongs su dag ste/pags pa'i mdog dkar bar gyur to zhes thos so/ /thos nas kyang dge slong mang po rnams mnyan du yod par bsod snyoms blangs te/ zan zos nas zas phyis len pa spangs nas/ lhung
97a5 bzed dang chos gos bzhag nas bcom ldan 'das ga la ba der song ste lhags nas/bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /phyogs gcig tu 'khod nas/ dge slong mang po rnams kyis bcom ldan 'das la 'di skad ces gsol
97a6 to//btsun pa 'di na bdag cag dge slong mang po snga dro sham thabs dang chos gos 'tshal te/ lhung bzed thogs nas mnyan du yod par bsod snyoms la mchis pa las/ yul shur par ka'i khyim bdag rmongs pa zhes bgyi ba de/ ba drus mas brdungs te bkum nas/ de 'gum
97a7 kar dbang po rnams rnam par dang zhing bzhin gyi mdog yongs su dag ste/pags pa'i mdog dkar par gyur to zhes thos lags na/ de'i 'gro ba ni gang lags/ de'i skye gnas ni gang lags/ 'gro ba'i sa ni gang lags/ bcom ldan 'das kyis bka' stsal pa/ dge slong
97b1 dag rigs kyi bu de ni nga'i chos kyi rjes su 'thun pa'i chos rtogs pas na nor du gyur pa yin no//dge slong dag rigs kyi bu de mya ngan las 'das kyis/ 'di'i rus bu la rus bu'i mchod pa gyis shig /de ltar bcom ldan 'das kyis tshe dang ldan pa rmongs pa mchog tu gyur par lung
97b2 bstan nas/dge slong mang po rnams kyis bcom ldan 'das kyis bka' stsal pa bzhin du mnyan te/ bcom ldan 'das kyi thad nas dong nas/ de dag gis de'i rus bu la rus bu'i mchod pa byas te/ rus bu'i mchod rten brtsigs nas bcom ldan 'das ga la ba der dong ste lhags
97b3 nas/bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /btsun pa tshe dang ldan pa rmongs pas las ci bgyis na/ las de'i rnam par smin pas/ ba drus mas brdungs te bkum lags/ bcom ldan 'das kyis
97b4 bka' stsal pa/dge slong dag 'di nyid kyis las de lta bu byas shing bsags pa'i steng du lhag par yang nga'i smon lam las gyur te/ puska ra'i sngon gyi rgyud las byung ba bzhin du rgyas par brjod par bya'o/ /gsol pa/ btsun pa tshe dang ldan pa rmongs pas las ci bgyis na/
97b5 las de'i rnam par smin pas phyug cing nor mang la longs spyod che ba'i rigs su skyes lags/ las ci bgyis na las de'i rnam par smin pas lus rma'i zhu lub tu yog par gyur te/ 'di'i lus las rnag khrag 'dzag cing 'di'i lus las dri nga ba 'byung bar 'gyur la/ 'dis bcom
97b6 ldan 'das mnyes par bgyis te/mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis te/ rab tu byung ba'i sems bskyed ma thag tu/ de'i lus la rma ma mchis par
97b7 gyur lags/bcom ldan 'das kyis bka' stsal pa/ dge slong dag da ltar 'ba' zhig ma yin te/ 'das pa'i dus na yang 'dis las de dag byas shing bsags pas na/ 'di nyid kyis las byas shing bsags pa de dag gzhan su zhig gis nyams su myong bar 'gyur
98a1 te/dge slong dag las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing
98a2 bsags pa rnams ni zin pa'i phung po dang /khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge
98a3 slong dag sngon byung ba 'das pa'i dus na/grong khyer bA rA Na sI na rgyal po tshangs pas byin zhes bya ba zhig rgyal po byed de/ de'i tshe bA rA Na sI na khyim bdag gnyis shig gnas pa las de gnyis phan tshun 'gras nas/ de'i nang nas gcig gis rgyal po la nor mang po zhig phul te/
98a4 khyim bdag cig shos rgyal po la brnyas nas de rgyal po tshangs pas byin gyis shags 'gyed pa'i tshe g.yo shags kyis pham par byas nas khyim bdag de la byin te/ des de rang gi khyim du khrid nas lcag gis zhen par gzhus nas/ lcag rma de dag gi nang du dug gi phye mas gtor te/
98a5 de'i lus de sha snag bu bzhin du gyur nas/ de phu nu rnams kyis nor mang po zhig gis blus te/ sman pa'i lung gis de'i lus sos par byas so/ /de nas phyi zhig na de skyo ba skyes nas bdag khyim na gnas pas chog gis/ dka' thub kyi nags tshal du 'gro'o snyam ste/ sbyin bdag
98a6 sbyin zhing bsod nams dag byas nas/dka' thub kyi nags tshal du rten bcas so/ /de der song nas slob dpon med pa dang / man ngag med par byang chub kyi phyogs kyi chos sum cu rtsa bdun dran par byas nas/ rang sangs rgyas kyi byang chub mngon sum du byas so/ /de nas des
98a7 bsams pa/khyim bdag des bdag gi rgyud las bsod nams ma yin pa chen po bskyed kyis/ bdag song la khyim bdag de'i ra mda' bya'o snyam nas/ gnas de nyid nas nam mkha' las khyim bdag de ga la ba der song nas/ 'bar ba dang / lam mer 'dug pa dang / char
98b1 'bab pa dang /glog 'gyu ba'i cho 'phrul rnams bstan to/ /so so'i skye bo ni rdzu 'phrul gyis myur du dad par 'gyur te/ de sdong po sog les bcad pa bzhin du de'i rkang pa la phyag 'tshal te/ smras pa/ skal ba chen po mar spyon/ bdag nyes par spyod pa'i 'dam du bying ba las
98b2 lag nas drang du gsol zhes byas so//de nas de kho na la snying brtse ba'i phyir sa la babs nas/ des de'i rkang pa la phyag 'tshal te/ bzod pa gsol nas smras pa/ 'phags pa khyod kyang bsod snyoms bzhed la/ bdag kyang bsod nams 'tshal bas/ bdag gi skyed mos
98b3 tshal 'di nyid du bzhugs shig dang /bdag gis yo byad thams cad kyis bsnyen bkur bgyi'o/ /de nas rang sangs rgyas des khyim bdag de la cang mi smra bas gnang ngo / /de nas khyim bdag des rang sangs rgyas de'i phyir yal ga dang lo ma'i spyil po phub nas/ yo byad thams
98b4 cad kyis bsnyen bkur byed pa la zhugs so//de nas phyi zhig na rang sangs rgyas des bsams pa/ bdag gis rnag can gyi lus 'dis bya ba gang yin pa de ni bdag gis byas zin gyis/ ma la bdag zhi ba'i dbyings su 'jug par bya'o snyam nas/ 'bar ba dang / lam mer 'dug
98b5 pa dang /char 'bab pa dang / glog 'gyu ba'i cho 'phrul rnams bstan nas/ phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas khyim bdag des de'i sku gdung la mchod pa byas nas/ sku gdung gi mchod rten brtsigs
98b6 te/mchod rten de la bkur sti chen po byas nas/ smon lam btab pa/ kye ma dge ba'i rtsa ba 'dis na bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog shig /'di bas kyang ches khyad par du 'phags pa'i ston
98b7 pa mnyes par byed par gyur cig /mi mnyes par byed par ma gyur cig /yon tan 'di lta bu dag kyang bdag gis thob par shog shig /bdag gis 'di la gnod par byas pa'i las de bdag la 'ong bar ma gyur cig /ci ste las 'di'i rnam par smin pa bdag la gdon mi
99a1 za bar 'ong bar gyur na yang /rab tu byung ba'i sems bskyed ma thag tu/ bdag gi bkra mi shis pa de med par gyur te/ bkra shis pa 'byung bar gyur cig ces byas so/ /dge slong dag ji snyam du sems/ de'i tshe khyim bdag tu gyur pa gang yin pa de ni
99a2 rmongs pa 'di kho na yin te/des khyim bdag de'i lus la lcag gis gzhus nas/ dug gi phye mas gtor ba'i las de'i rnam par smin pas ni gang dang gang du skyes pa de dang der lus 'di lta bur gyur to/ /des phyir yang rang sangs rgyas de la bkur sti byas nas/ smon
99a3 lam btab pa'i las de'i rnam par smin pas ni gang dang gang du skyes pa de dang der phyug cing nor mang la longs spyod che ba'i rigs su skyes te/dge slong dag nga rang sangs rgyas bye ba phrag 'bum bas kyang ches khyad par du 'phags pa nga lta bu 'dis mnyes par byas te/ mi
99a4 mnyes par ma byas la/rab tu 'byung ba'i sems bskyed ma thag tu de'i bkra mi shis pa med par gyur nas/ bkra shis pa byung bar gyur te/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ /gzhan
99a5 yang yang dag par rdzogs pa'i sangs rgyas 'od srung gi gsung rab la 'di rab tu byung ste/der 'dis tshe gcig tu tshangs par spyod pa spyad nas dbang po rnams yongs su smin par byas pa des na da ltar rnam par grol bar gyur to// //bram ze gsum zhes bya ba de la/ bram
99a6 ze dang po ni/gleng gzhi mnyan du yod pa na bzhugs te/ de'i tshe mnyan du yod pa na bram ze zhig gis mchod sbyin bya bar brtsams te/ mchod sbyin byed pa der rgyal khams tha dad pa'i bram ze rnams 'dus par gyur te/ de dag gis bsams pa/ mchod sbyin byed pa gang du
99a7 'thab mo dang /mtshang 'dru ba dang / 'gyed pa dang / rtsod pa 'byung ba'i mchod sbyin de ni mi 'grub bo snyam mo/ /de nas phyi zhig na mchod sbyin byed pa der ljongs na gnas pa'i bram ze dang / mthil na gnas pa'i bram ze yon gyi phyir 'dus pa rnams 'thab mo byung nas/ mthil
99b1 na gnas pa'i bram ze rnams kyis smras pa/khyed ni zhing blas kyis 'tsho ba tshol ba yin pas na/ yon 'di rnams ni khyod la 'os pa ma yin no/ /nged ni yon gnas yin pas na/ yon 'di rnams ni nged la 'os so zhes zer ro/ /ljongs na gnas pa rnams na re/ kye khyod rnams kyang
99b2 rgyal po'i dpa' bo la bsten pa yin pas na/khyod ni yon gyi gnas ma yin gyi nged ni yon gnas yin pas/ yon gyi 'os yin no zhes zer nas/ de dag der 'thab mo dang / mtshang 'dru ba dang / 'gyed pa dang / rtsod pas g.yem spyo zhing 'khod pa'i skabs su/ bram ze gzhan zhig gis
99b3 mchod sbyin byed pa'i gnas de nas gser dang /dngul dang / bza' ba dang / bca' ba mang po khyer te bros pa las/ de bram ze de dag gis bzung nas khu tshur dang / rdog pa dag gis shin tu zhen par brdegs te bor ro/ /de nas de brdegs btsogs pas 'chi bas 'jigs shing skrag nas/
99b4 rgyal bu rgyal byed kyi tshal du zhugs so/ /de der zhugs nas/ sangs rgyas la sogs pa dge slong gi dge 'dun spyod lam mdzes shing sgra bskyungs te/ ca co med par 'khod pa mthong ngo / /mthong ma thag tu de bcom ldan 'das kyi bstan pa la dga' bar gyur to/ /de dga' bar gyur nas
99b5 bsams pa/bdag bram ze byed pas chog gis/ bcom ldan 'das kyi bstan pa la rab tu byung bar bya'o snyam nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bla gos phrag pa gcig tu gzar nas/ bcom ldan 'das
99b6 ga la ba de logs su thal mo sbyar ba btud de/bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du
99b7 tshangs par spyod pa spyad par 'tshal lo//de nas bcom ldan 'das kyis de la dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs
100a1 nas/dgra bcom pa nyid mngon sum du byas te/ des dgra bcom pa nyid thob nas bsams pa/ bdag gis gdul bar bya ba 'ga' lta ci yod snyam ste/ des bltas na mchod sbyin gyi bdag po la sogs pa/ bram ze stong phrag mang po 'dul bar 'gyur ba
100a2 mthong nas/rgyal bu rgyal byed kyi tshal nas mi snang bar gyur te/ gnas de nyid nas nam mkha' la mchod sbyin gyi gnas der song nas mchod sbyin gyi bdag po dang / bram ze gzhan de dag gis dge slong de steng gi nam mkha' las 'ong ba mthong ngo / /mthong nas kyang de dag dge slong
100a3 de la shin tu dga' bar gyur to//dga' bar gyur nas de rnams kyis pang gis 'khyud de stan la bzhag nas/ rkang pa la phyag 'tshal te/ chos mnyan pa'i phyir mdun du 'khod do/ /de nas dge slong des de dag la de dang 'thun pa'i chos bstan te/ des na mchod sbyin gyi bdag po dang /
100a4 bram ze de dag gis stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so/ /'khor de dag gi nang nas phal cher ni sangs rgyas la gzhol ba dang / chos la 'bab pa
100a5 dang /dge 'dun la bab par byas te bkod do/ /de nas dge slong rnams kyis sangs rgyas bcom ldan 'das la zhus pa/ btsun pa bram ze 'dis las ci bgyis na/ las de'i rnam par smin pas 'dis bcom ldan 'das mnyes par bgyis te/ mi mnyes par ma bgyis
100a6 la/bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to/ /gsol pa/ 'dis smon lam gang du btab lags/
100a7 dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med
100b1 pa/lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i tshe bA rA Na sI na bram ze zhig gnas pa las/ gtan tshigs snga ma bzhin du gyur te/ rab tu byung nas des der tshe gcig tu tshangs par spyod pa spyad nas 'chi kar smon lam
100b2 btab pa/'di ltar bdag gis yang dag par rdzogs pa'i sangs rgyas 'od srung gi bstan pa la/ tshe gcig tu tshangs par spyod pa spyad kyang / yon tan gyi tshogs ci yang ma thob kyi yang dag par rdzogs pa'i sangs rgyas 'od srung gis bram ze'i khye'u bla ma lung bstan pa
100b3 gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ /
100b4 dge slong dag ji snyam du sems/ de'i tshe bram zer gyur pa gang yin pa de ni/ bram ze 'di kho na yin te/ des der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang
100b5 yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge
100b6 slong dag nga yang dag par rdzogs pa'i sangs rgyas 'od srung dang shin tu mnyam pa dang /shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/
100b7 nyon mongs pa thams cad spangs te/ dgra bcom pa nyid mngon sum du byas so// //bram ze gnyis pa ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig gnas pa des/ thabs zlar bab pa las chung ma blangs nas/ de de dang
101a1 lhan cig tu rtse zhing dga' la dga' mgur spyod pa las/phyi zhig na de'i chung ma la bu chags nas/ de zla ba dgu'am bcu lon pa dang bu btsas te/ rigs dang 'thun par ming btags nas/ de 'o ma dang / zho dang / mar dang / zhun mar dang / mar gyi nying gus
101a2 bskyed bsrings te/gang gi tshe cher skyes pa de'i tshe/ de yi ge bslabs so/ /bram ze rnams kyi lugs kyis na/ tshes brgyad dang bco lnga'i nyin par bsang bar byed de/ res 'ga' ni grong khyer ltar 'gro'o/ /res 'ga' ni mu stegs ltar 'gro ba'am/ lha ltar 'gro ba'am/
101a3 yam sreg shing thur 'gro'o/ /de nas phyi zhig na bram ze'i khye'u des bsang dus la bab nas/ rgyal bu rgyal byed kyi tshal du song ngo / /de'i tshe bcom ldan 'das 'khor brgya phrag du ma'i nang na bzhugs shing chos ston te/ bram ze'i khye'u des thag ring po zhig nas sangs rgyas bcom ldan
101a4 'das mthong ngo //mthong nas kyang bcom ldan 'das la shin tu dga' bar gyur to/ /dga' bar gyur nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ /de nas bcom ldan 'das
101a5 kyis de'i rkyen dang 'tsham pa'i chos bstan nas skyabs su 'gro ba dang /bslab pa'i gzhi rnams la gnas par byas so/ /de nas des bcom ldan 'das kyi gtam gyi mjug rdzogs par rig nas/ bcom ldan 'das kyis gsungs pa la mngon par bstod cing rjes su yi rangs nas/
101a6 bcom ldan 'das kyi zhabs la mgo bos phyag 'tshal nas/ bcom ldan 'das kyi thad nas song ngo / /de nas phyi zhig na bram ze'i khye'u des mchod sbyin bya bar brtsams nas/ bram ze'i khye'u mchod sbyin gyi gnas na 'dug pas bsams pa/ gal te bcom ldan 'das
101a7 mchod sbyin gyi gnas 'dir gshegs te/longs spyod par mdzad cing / bcom ldan 'das gral gyi gtso la bzhugs na mchod sbyin gyi gnas mdzes par 'gyur ro snyam nas des bsams pa/ bcom ldan 'das spyan drangs te/ kye ma bcom ldan 'das mchod sbyin gyi gnas
101b1 'dir longs spyod cing gshegs par gyur cig ces bsams so//de nas bram ze'i khye'u des sems bskyed ma thag tu/ bcom ldan 'das rgyal bu rgyal byed kyi tshal nas mi snang bar gyur te/ mchod sbyin gyi gnas su gshegs nas/ mi snang bar bram ze thams cad kyi
101b2 gral gyi gtso la bzhugs so//bram ze'i khye'u des ni sangs rgyas bcom ldan 'das gral gyi gtso la bzhugs pa mthong ngo / /mthong nas kyang bram ze'i khye'u des bcom ldan 'das bde bar bzhugs par rig nas/ bza' ba dang bca' ba gtsang ma bzang po mang pos tshim
101b3 par byas te/bcom ldan 'das kyis kyang mchod sbyin gyi gnas de longs spyod nas/ mi snang bar bram ze thams cad la 'od zer btang nas rgyal bu rgyal byed kyi tshal du gshegs so/ /de nas bram ze de dag gis mchod sbyin gyi gnas thams cad snang ba chen pos khyab par mthong
101b4 ngo //mthong nas kyang de dag na re bdag cag gi mchod sbyin grub po zhes zer ro/ /kha cig na re bdag cag gi mchod sbyin gyi gnas su mi mjed kyi bdag po tshangs pa byung ngo zhes zer ro/ /gzhan kha cig na re 'di tshangs pa ma yin gyis/ dbang phyug de bdag cag gi mchod sbyin gyi
101b5 gnas su gshegs so zhes zer ro//gzhan kha cig na re 'di tshangs pa yang ma yin/ dbang phyug kyang ma yin gyis/ khyab 'jug de bdag gi mchod sbyin gyi gnas 'dir byung ngo zhes zer ro/ /bram ze'i khye'u na re khyod rnams thams cad ni bslus pa yin te/ mchod sbyin gyi
101b6 gnas 'dir ni bcom ldan 'das gshegs so zhes zer ro//de nas bram ze rnams bram ze'i khye'u la yid ma ches nas/ bram ze'i khye'us smras pa/ bdag gis sang nang par khyed kyi mngon sum du 'gyur bar bya'o zhes byas nas/ bram ze'i khye'u des phyi nyin bram ze thams cad
101b7 'tshogs pa'i nang du/bla gos phrag pa gcig tu gzar nas/ pus mo g.yas pa'i lha nga sa btsugs nas/ rgyal bu rgyal byed kyi tshal logs su phyogs te/ thal mo sbyar nas sems bskyed de tshig tu smras pa/ btsun pa bcom ldan 'das ni 'di lta ste/ 'das pa
102a1 dang /ma 'ongs pa dang / da ltar byung ba ci yang mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang mi mnga' na/ kye ma bcom ldan 'das dge slong gi dge 'dun dang / thabs cig tu bdag gi mchod sbyin gyi gnas
102a2 'dir gshegs te longs spyod par gsol zhes byas so//de nas de skad ces brjod pa'i mod la/ bcom ldan 'das dge slong mang pos zham ring byas te/ dge slong gi dge 'dun gyis mdun du bdar nas/ nam mkha' las mchod sbyin gyi gnas der gshegs te/ mi
102a3 snang bar bram ze de rnams kyis gdan bshams pa la bzhugs nas/bram ze'i khye'u des sangs rgyas la sogs pa dge slong gi dge 'dun mchod sbyin gyi gnas kyi dbus su bzhugs pa mthong ngo / /mthong nas kyang bcom ldan 'das ga la ba der song ste phyin nas/ bcom ldan
102a4 'das kyi zhabs la mgo bos phyag 'tshal te/bcom ldan 'das mnyes par byas so/ /de nas bram ze rnams na re khye'u 'di ni smyos te gcig pu ci yang bla zhing 'dug go zhes zer ro/ /de nas bram ze'i khye'us smras pa/ bdag ni smyos pa ma yin gyi/ bcom ldan 'das dge slong
102a5 gi dge 'dun gyis zham ring byas te/mchod sbyin gyi gnas kyi dbus na bzhugs so zhes byas so/ /de nas bram ze'i khye'u des de skad brjod ma thag tu/ ci nas bram ze de dag thams cad kyis/ bcom ldan 'das nyan thos kyi dge 'dun dang bcas par/ mchod sbyin gyi gnas
102a6 kyi dbus na bzhugs par mthong bar 'gyur ba de lta bur bzhugs so//de nas bram ze'i khye'u des 'jig rten thams cad kyi mngon sum du/ bcom ldan 'das nyan thos kyi dge 'dun dang bcas par bza' ba dang / bca' ba gtsang ma bzang po mang pos tshim par byas te/ ci bzhed
102a7 pa bstabs nas bcom ldan 'das bshos gsol zin te/bstsang sder ni gyu/ phyag ni bcabs par rig nas stan ches dma' ba zhig blangs te/ chos mnyan pa'i phyir spyan sngar 'dug go/ /de nas bcom ldan 'das kyis bram ze'i khye'u de la chos kyi gtam gyis yang dag par bstan/
102b1 yang dag par 'dzin du bcug /yang dag par gzengs bstod/ yang dag par dga' bar mdzad nas/ gdan las bzhengs te gshegs so/ /de nas bram ze rnams gzhi de las khro ba'i kun nas dkris pa chen po skyes te/ nged kyi phyir bza' ba dang bca' ba bshams pa de dag
102b2 dge sbyong gau ta ma la byin no zhes zer zhing de dag khros pas bram ze'i khye'u de gsad par byas pa las bros te/rgyal bu rgyal byed kyi tshal du song na/ 'on kyang bram ze'i khye'u de dag de'i phyi bzhin du 'brangs te/ rgyal bu rgyal byed kyi tshal gyi bar du song nas smras pa/ bdag cag gis
102b3 'di rgyal bu rgyal byed kyi tshal du gsad par mi nus te/khyim bdag mgon med zas sbyin gyis yongs su gzung ba yin pa'i steng du/ rgyal po gsal rgyal gyis khrims bcas so snyam du rig nas phyir log go/ /bram ze'i khye'u de ni 'jigs shing skrag nas/ bcom ldan
102b4 'das ga la ba der song ste phyin nas/bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ /de nas bcom ldan 'das kyis de'i bsam pa dang / bag la nyal ba dang / khams dang / shes pa dang / rang bzhin thugs su chud
102b5 nas/de dang 'thun pa'i chos bstan te/ de nas bram ze'i khye'u des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las
102b6 langs te/bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag gis dge ba'i bshes gnyen bcom ldan 'das la brten nas/ sems can dmyal ba dang / dud
102b7 'gro dang /rnams las phyung ste/ lha dang mi rnams kyi nang du gom pa 'dor du stsal ba dang / 'khor ba'i mthas gtugs pa dang / khrag dang mchi ma'i rgya mtsho rnams skams pa dang / rus pa'i ri bo rnams las bsgral ba dang / thog ma ma mchis pa'i dus nas
103a1 bsags pa'i 'jig tshogs la lta ba'i ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu thob par mdzad pa 'di lta bu ni/ bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams
103a2 kyis kyang ma bgyis/nang mi dang gnyen mang po rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /btsun pa bdag legs par gsungs pa'i chos 'dul ba la rab tu 'byung ba dang / bsnyen
103a3 par rdzogs shing dge slong gi dngos po 'thob tu rung na bdag kyang bcom ldan 'das kyi thad du tshangs par spyod pa spyad par 'tshal lo//de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog
103a4 ste/des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so/ /de nas dge slong rnams kyis sangs rgyas bcom ldan 'das la gsol pa/ btsun pa bcom ldan 'das bram ze'i khye'u 'di bram ze
103a5 rnams kyis 'gum par chad pa las/de 'jigs shing skrag nas rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i
103a6 dus na yang bram ze'i khye'u 'di bram ze 'di dag kho nas gsad par byas pa las/'di 'jigs shing skrag nas rab tu byung ste/ 'di ltar tshe gcig gi bar du tshangs par spyod pa spyad pa de nyon cig /dge slong dag sngon byung ba 'das pa'i dus na/ bskal pa bzang po 'di nyid la
103a7 skye dgu'i tshe lo nyi khri thub pa na/yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das
103b1 'od srung zhes bya ba 'jig rten du byung ste/de'i tshe bA rA Na sI na bram ze zhig gnas pa des/ thabs zlar bab pa las chung ma blangs nas/ de de dang lhan cig tu rtse zhing dga' la dga' mgur spyod pa las de la bu yang med/ bu mo yang med de/ phyi zhig na de'i lag pa
103b2 la rkom tshugs bcas te/bsam pa 'di ltar bdag gi khyim na nor dang / gser dang ldan par 'dug kyang bu yang med/ bu mo yang med pas/ bdag shi ste dus las 'das pa'i 'og tu ci bdog pa thams cad rgyal po dbang bar 'gyur la/ bdag la bu med pas
103b3 'jig rten du yang rung bar mi 'ong ngo snyam nas/sems khongs su chud nas 'dug go/ /de nas des 'di lta bur yi dam bcas te/ gal te bdag gi bu skyes par gyur na mchod sbyin du byas te/ bram ze rnams la yon mang po dbul bar bya'o zhes zer zhing de bu skyer re zhing
103b4 'dug ste/de ring ngam sang du bdag gi bu skye bar 'gyur ro snyam sems bzhin du/ de'i ngang du bram ze rgas nas bu yang med/ bu mo yang med par gyur to/ /de nas phyi zhig na bram ze des bsams pa/ bdag la bu yang med/ bu mo yang med pas/ sbyin pa gtong ba
103b5 ma byas la bdag kyang rgas kyis/da ni bdag gi bu skyes kyang rung / mi skye yang rung ste/ sbyin pa dag byin zhing bsod nams dag bya'o snyam mo/ /de nas phyi zhig na des mchod sbyin byas te/ bram ze rnams la yon mang po phul bas/ yon de dag 'gyed pa'i tshe/
103b6 'thab mo chen po byung ste/ mchod sbyin gyi bdag pos 'thab mo zhi bar bya'o zhes byas nas/ bram ze rnams kyis de nyid kyi steng du brgyugs te gsad do snyam pa las/ de 'jigs shing skrag nas drang srong smra ba'i gnas su song ste/ yang dag par rdzogs pa'i sangs
103b7 rgyas 'od srung gi bstan pa la rab tu byung ngo //de der rab tu byung nas/ tshe gcig tu tshangs par spyod pa spyad de/ 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srung gi gsung rab la/ tshe gcig tu tshangs par spyod pa
104a1 spyad kyang yon tan gyi tshogs ci yang ma thob kyis/yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig /mi mnyes par byed par ma gyur
104a2 cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ /dge slong dag de'i tshe bram zer gyur pa gang yin pa de ni bram ze'i khye'u 'di kho na yin te/ de'i tshe yang 'di bram ze rnams
104a3 kyis gsad par byas pa las/'di 'jigs shing skrag nas rab tu byung ste/ tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srung gis bram ze'i khye'u bla ma lung bstan pa gang yin pa'i sangs rgyas bcom
104a4 ldan 'das de/bdag gis mnyes par byed par gyur cig /mi mnyes par byed par ma gyur cig /de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag
104a5 par rdzogs pa'i sangs rgyas 'od srung dang /shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ da ltar yang 'di bram ze rnams kyis gsad par byas
104a6 pa las/'di 'jigs shing skrag nas rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// //bram ze gsum pa ni/ gleng gzhi mnyan du yod pa na bzhugs te/ de'i tshe mnyan du yod pa na/ bram ze
104a7 zhig gis mchod sbyin byas nas/gser dang dngul mang po bram ze rnams la yon du phul ba las/ de dag yon 'gyed pa'i tshe/ 'thab mo chen po byung nas/ der ljongs na gnas pa'i bram ze rnams na re/ khyed ni rgyal po'i dpa' bo rnams la brten pa yin gyi/ nged
104b1 ni yon gnas yin te/yon dbul ba'i 'os yin pas na/ yon nyi rim du dbang ngo zhes zer ro/ /mthil na gnas pa'i bram ze rnams na re/ khyod ni zhing blas kyis 'tsho ba tshol ba yin gyi/ nged ni yon gnas yin te/ yon dbul ba'i 'os yin pas na/ yon nyi rim du dbang ngo
104b2 zhes zer ro//de'i tshe sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba
104b3 las rnam par grol ba/skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i
104b4 seng ge'i sgra chen po sgrogs pa rnams ni/chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su
104b5 ni phongs pa dang /nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang / 'bras bu la gzhag par bya/ su ni nyes par spyod pa'i 'dam du bying ba las lag
104b6 nas drang bar bya/su ni 'phags pa'i nor bdun med pa las/ 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge
104b7 ba'i rtsa ba rnams yongs su smin zin pa las/ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ /rgya mtsho chu srin rnams kyi gnas/ /dus rlabs yol bar 'gyur yang srid/ /
105a1 gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis mnyan du yod pa na gnas pa'i bram ze rnams 'dul ba'i dus la bab par dgongs nas dge slong mang pos zham ring byas te/ dge slong gi dge 'dun gyis mdun du
105a2 bdar nas/sa de nyid nas nam mkha' las mchod sbyin gyi gnas der gshegs te/ dge slong gi dge 'dun gyi gung la gdan bshams pa la bzhugs te/ de mthong ma thag tu de rnams bcom ldan 'das la shin tu dga' bar gyur to/ /dga' bar gyur nas chos mnyan pa'i
105a3 phyir spyan sngar 'khod do//de nas bcom ldan 'das kyis bram ze de dag la bka' stsal pa/ grogs po dag chad pa drag po rnam pa lnga'i gzhir 'gyur ba'i 'thab mo'i rtsa ba 'di'i phyir 'thab tu ci yod ces bka' stsal nas/ bcom ldan 'das kyis chags pa de nyid spangs pa las
105a4 brtsams nas/de dang 'thun pa'i chos bstan te/ des na bram ze brgya phrag du ma dag gis stan de nyid la 'khod bzhin du/ kha cig gis ni dro bar gyur pa bskyed do/ /kha cig gis ni spyi bo dang bden pa dang 'thun pa'i bzod pa dang / 'jig rten pa'i chos kyi mchog dang mthong ba'i
105a5 snyoms par 'jug pa bskyed do//kha cig gis ni rgyun du zhugs pa'i 'bras bu mngon sum du byas so/ /kha cig gis ni lan cig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu
105a6 byung nas dgra bcom pa nyid mngon sum du byas so//kha cig gis ni 'khor los sgyur ba'i rgyal por 'gyur ba'i sa bon bskyed do/ /kha cig gis ni stobs kyi 'khor los sgyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang /
105a7 kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do/ /'khor de dag gi nang nas phal cher ni sangs rgyas la gzhol/ chos la 'bab/ dge 'dun
105b1 la bab par byas te bkod nas/gtsug lag khang du gshegs so/ /de nas dge slong rnams kyis sangs rgyas bcom ldan 'das la zhus pa/ btsun pa bram ze 'di rnams kyis las ci bgyis na/ las de'i rnam par smin pas kha cig gis ni bcom ldan 'das mnyes par
105b2 bgyis te/mi mnyes par ma bgyis/ kha cig gis ni rab tu byung nas nyon mongs pa thams cad spangs te/ dgra bcom pa nyid du mngon sum du bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srung gi gsung rab la/
105b3 'di rnams las kha cig ni dge bsnyen du gyur to/ /kha cig ni rab tu byung nas der de dag gi tshe gcig tu skyabs su 'gro ba dang / bslab pa'i gzhi rnams bsrungs te/ dbang po rnams yongs su smin par byas pa des na/ da ltar rnam par grol bar gyur to// //las
105b4 brgya tham pa/bam po sum cu drug pa/ khyab 'jug ces bya ba ni/ bcom ldan 'das yul ma ga d+hAr ljongs rgyu zhing gshegs pa na/ dge slong gi dge 'dun mang po dge slong stong dang thabs cig ste/ thams cad kyang sngon gyi ral pa can sha stag go/ /de dag thams cad
105b5 kyang dgra bcom pa/zag pa zad pa/ bya ba byas pa/ byed pa byas pa/ rang gi don rjes su thob pa/ srid par kun tu sbyor ba/ yongs su zad pa/ yang dag pa'i shes pas/ sems rnam par grol ba sha stag dang lhan cig tu yul ma ga d+hAr ljongs rgyu zhing gshegs pa
105b6 las/yul ma ga d+hA pa rnams kyi mchod rten rab brtan zhes bya ba na smyig ma'i nags khrod kyi rgyud thog thag gshegs nas/ de'i tshe bcom ldan 'das rab brtan du byon nas/ ma ga d+hA pa rnams kyi mchod rten rab brtan gyi phyogs der bzhugs so/ /de nas yul ma ga d+hA'i
105b7 rgyal po bzo sbyangs gzugs can snying pos/bcom ldan 'das dge slong gi dge 'dun mang po dge slong stong dang thabs cig tu yul ma ga d+hAr ljongs rgyu zhing gshegs te/ yul ma ga d+hA pa rnams kyi mchod rten rab brtan zhes bya ba na/ smyig ma'i nags khrod du byon to zhes
106a1 thos so//thos nas kyang rgyal po'i 'byor pa chen po dang / rgyal po'i mthu chen po dang / shing rta khri nyis stong dang / rgod ma stong brgyad brgya dang / yul ma ga d+hA na gnas pa'i bram ze dang / khyim bdag stong phrag du ma dag dang thabs cig tu rgyal po'i khab nas
106a2 byung ste/bcom ldan 'das la blta ba dang / bcom ldan 'das la bsnyen bkur bya ba'i phyir bcom ldan 'das kyi thad du song ba las/ grong khyer gyi sgor byung ba na de'i mgo bo las cod pan lhung nas/ de 'di snyam du sems te bdag gis bcom ldan 'das blta ba ma legs pa zhig tu
106a3 mi 'gyur grang snyam mo//de nas lha rnams kyis sbran pa/ 'di ni legs par 'gyur te/ khyod kyis bcom ldan 'das la blta ba dang / bcom ldan 'das la bsnyen bkur bya ba ni legs par 'gyur ba yin no/ /de lta mod kyis khyod gang dag dang dge ba'i rtsa ba bskrun pa de dag kha cig ni
106a4 khri mon du bcug cing 'dug /kha cig ni yul dag na 'dug gi /rgyal po khyod kyis btson rnams gtang ba'i rigs so/ /ljongs dag tu yang dril bsgrags te/ de dag dang lhan cig tu bcom ldan 'das la blta ba dang / bsnyen bkur bya ba'i phyir deng shig ces byas so/ /de nas
106a5 de thos ma thag tu rgyal po gzugs can snying pos btson rnams btang nas/yul na gnas pa'i skye bo mang po thams cad bsdus te/ skye bo phal po che de dag dang lhan cig tu yul ma ga d+hA pa rnams kyi mchod rten rab brtan zhes bya ba na/ smyig ma'i nags khrod kyi rgyud thog thag tu song nas/
106a6 des rang gi dpung gi tshogs rnams la phyir bltas te/ des dmag tshogs chen po mthong nas rgyags pa skyes te/ byad gzugs dang mthu dbang nga dang mtshungs pa med do snyam mo/ /de nas bcom ldan 'das kyis rgyal po gzugs can snying po'i sems thugs kyis mkhyen nas de bas kyang
106a7 ches blta na sdug pa dang /ches byad gzugs bzang po'i rgyal po lnga brgya mngon par sprul nas/ de dag la chos ston cing bzhugs so/ /de nas yul ma ga d+hA'i rgyal po bzo sbyangs gzugs can snying po bcom ldan 'das ga la ba der song nas/ de ji srid bzhon pas 'gro bar
106b1 bya ba'i sa de srid du bzhon pa la zhon te song nas/rgyal thabs rnam pa lnga ste/ gtsug tor dang / gdugs dang / ral gri dang / nor bu dang / rnga yab rnams dang / lham khra bo rnams bzhag nas/ bcom ldan 'das ga la ba der song ste/ rgyal po gzugs can snying pos
106b2 bcom ldan 'das kyi spyan snga na/rgyal po ches gzugs bzang zhing ches mdzes pa lnga brgya chos nyan cing 'khod pa mthong nas de'i byad gzugs kyis rgyags pa gang yin pa de med par gyur to/ /de nas de 'di snyam du sems te/ gal te bdag gis bdag gi ming dang rus nas
106b3 ma smos na/bdag bcom ldan 'das kyis mi dgongs so snyam nas/ bcom ldan 'das ga la ba der song ste phyin nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ rang gi
106b4 ming rus lan gsum gyi bar du smos te/btsun pa bdag ni yul ma ga d+hA'i bdag po bzo sbyangs gzugs can snying po lags so/ /btsun pa bdag ni yul ma ga d+hA'i rgyal po bzo sbyangs gzugs can snying po lags so zhes byas so/ /de nas bcom ldan 'das kyis bka'
106b5 stsal pa/rgyal po chen po de ni de yin te/ khyod ni yul ma ga d+hA'i rgyal po bzo sbyangs gzugs can snying po yin no/ /rgyal po chen po rang gi stan gang yin pa la 'dug cig /de nas yul ma ga d+hA'i rgyal po bzo sbyangs gzugs can snying pos/ bcom ldan 'das kyi
106b6 zhabs la mgo bos phyag 'tshal nas/phyogs gcig tu 'dug go/ /yul ma ga d+hA'i bram ze dang / khyim bdag kha cig ni bcom ldan 'das kyi zhabs la mgo bos phyag 'tshal nas/ phyogs gcig tu 'khod do/ /kha cig ni bcom ldan 'das dang mngon sum du yang dag
106b7 par dga' bar 'gyur ba dang /yang dag par mgu bar 'gyur ba'i gtam rnam pa sna tshogs byas nas/ phyogs gcig tu 'khod do/ /kha cig ni bcom ldan 'das ga la ba de logs su thal mo sbyar ba btud nas phyogs gcig tu 'khod do/ /kha cig ni thag ring po zhig
107a1 nas/bcom ldan 'das mthong nas phyogs gcig tu 'khod do/ /de'i tshe tshe dang ldan pa lteng rgyas 'od srung ral pa can yang 'khor de nyid du 'dus te 'dug go/ /de nas yul ma ga d+hA'i bram ze dang / khyim bdag rnams 'di snyam du sems te/ ci dge
107a2 sbyong chen po de 'od srung gi thad na tshangs par spyad pa spyod dam/'on te lteng rgyas 'od srung ral pa can dge sbyong chen po'i thad na tshangs par spyad pa spyod zhig gu snyam mo/ /de nas bcom ldan 'das kyis yul ma ga d+hA'i bram ze dang / khyim bdag rnams kyi sems thugs kyis mkhyen nas/
107a3 tshe dang ldan pa lteng rgyas 'od srung la tshigs su bcad de smras pa/ lteng rgyas gnas pa khyod kyis ci mthong na/ /'dir ni me spangs drang srong brtul zhugs spangs/ /'od srung khyod kyis sbyin sreg ci'i phyir spangs/ /don de nga la kun nas brjod par gyis/ /gsol pa/ 'di na kha
107a4 cig zas dang btung ba rnams//khu bcud 'khor dang bud med bsngags par bgyid/ /de rnams phung po'i dri ma mthong bas na/ /bdag ni mchod sbyin me la dga' ma mchis/ /bka' stsal pa/ khyod ni 'dod pa rnams la mi dga' zhing / /zas skom stan rnams la yang mi dga'
107a5 na//khyod ni ji ltar lha mi'i 'jig rten na/ /yid dga' 'od srung dris pa'i lan thob shig /gsol pa/ phung po med pa zhi bcom ci yang med/ /'dod dang srid la ma chags gzhan mi 'gyur/ /gzhan gyis dkrir med go 'phang mthong bas na/ /bdag ni mchod sbyin me la
107a6 dga' ma mchis//mchod sbyin rnams dang brtul zhugs me rnams kyis/ /grol bar 'gyur snyam bdag gi yid kyang rmongs/ /'chi 'pho ma mchis gnas mchog ma mthong bas/ /skye 'chi'i rjes 'brang bdag ni long bar gyur/ /mi mchog skyob pas legs gsungs 'dus
107a7 ma byas//go 'phang de ni bdag gis da mthong ngo / /thub pa rnam 'dren gau tam bden pa'i rtsal/ /khyod ni skye bo mang phyir byung ba lags/ /bka' stsal pa/ rab tu rnam par phye ba'i chos rnams la/ /gnas kyis gshegs su bab pa gang yin pa/ de ni khyod kyis
107b1 legs par bsams pa yin//khyod kyis gtan la phebs pas legs par 'ongs/ /'od srung 'khor rnams skyo ba rab bskyed cig /de nas tshe dang ldan pa lteng rgyas 'od srung ral pa can gyis ji ltar sems mnyam par bzhag pa de lta bu'i ting nge 'dzin la snyoms par zhugs te/
107b2 shar phyogs kyi steng gi nam mkha' la mngon par 'phags nas/ spyod lam rnam pa bzhi byed de/ 'chag pa dang / sdod pa dang / 'dug pa dang / nyal bar byed do/ /me'i khams la snyoms par 'jug par byed de/ tshe dang ldan pa lteng rgyas 'od srung ral pa can me'i khams
107b3 la snyoms par zhugs pa'i lus las 'od zer rnam pa sna tshogs byung ste/sngon po dang / ser po dang / dmar po dang / dkar po dang / btsod ka dang / shel gyi kha dog lta bu rnams byung ngo / /cho 'phrul zung du yang ston par byed do/ /lus kyi stod nas ni me 'bar la/ lus
107b4 kyi smad nas ni chu grang mo'i rgyun 'bab bo//lus kyi smad nas ni me 'bar la/ lus kyi stod nas ni chu grang mo'i rgyun 'bab bo/ /shar phyogs su ji lta ba de bzhin du lho phyogs dang / nub phyogs dang / byang phyogs su yang de dang 'dra bar byas so/ /de nas tshe dang ldan pa lteng rgyas 'od
107b5 srung ral pa can gyis phyogs bzhir rdzu 'phrul gyi cho 'phrul rnam pa bzhi bzhi bstan nas/rdzu 'phrul mngon par 'du byed pa bsdus te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud
107b6 nas/bcom ldan 'das la 'di skad ces gsol to/ /bcom ldan 'das ni bdag gi ston pa lags so/ /bdag ni bcom ldan 'das kyi nyan thos lags so/ /bde bar gshegs pa ni bdag gi ston pa lags so/ /bdag ni bde bar gshegs pa'i nyan thos lags so/ /
107b7 bcom ldan 'das kyis bka' stsal pa/ 'od srung de ni de yin no/ /de ni de yin te/ 'od srung khyod kyi ston pa ni nga yin no/ /khyod ni nga'i nyan thos yin no/ /'od srung khyod rang gi stan ji lta ba bzhin du 'dug cig /de nas tshe dang ldan pa lteng rgyas 'od srung ral pa can rang gi stan
108a1 ji lta ba bzhin du 'dug go//de nas yul ma ga d+hA'i bram ze dang / khyim bdag rnams 'di snyam du sems te/ lteng rgyas 'od srung ral pa can de dge sbyong chen po gau ta ma'i thad na tshangs par spyad pa spyod pa yin gyis/ dge sbyong chen po lteng rgyas 'od srung gi thad na tshangs par
108a2 spyad pa spyod pa ni ma yin no snyam mo//de nas bcom ldan 'das kyis yul ma ga d+hA'i rgyal po bzo sbyangs gzugs can snying po la bka' stsal pa/ rgyal po chen po gzugs ni skye yang skye la 'grib kyang 'grib ste/ de'i skye ba yang rig par bya dgos la/ 'grib pa yang rig par
108a3 bya dgos so//rgyal po chen po tshor ba dang / 'du shes dang / 'du byed rnams dang / rnam par shes pa yang skye yang skye la/ 'grib kyang 'grib ste/ de'i skye ba yang rig par bya dgos la/ 'grib pa yang rig par bya dgos so/ /rgyal po chen po gzugs skye ba dang /
108a4 'grib pa'i chos can yin par rig nas/ gzugs de yongs su shes so/ /rgyal po chen po tshor ba dang / 'du shes dang / 'du byed rnams dang / rnam par shes pa yang skye ba dang / 'grib pa'i chos can yin par rig nas/ rnam par shes pa de yongs su shes so/ /rgyal
108a5 po chen po gzugs yongs su shes na/gzugs de la bdag gi bdag yin no snyam du 'dzin par mi byed/ len par mi byed/ gnas par mi byed/ mngon par zhen par mi byed do/ /rgyal po chen po tshor ba dang / 'du shes dang / 'du byed rnams dang / rnam par shes pa
108a6 yongs su shes na/rnam par shes pa de la bdag gi bdag yin no snyam du 'dzin par mi byed/ len par mi byed/ gnas par mi byed/ mngon par zhen par mi byed do/ /rgyal po chen po gzugs la mi 'dzin/ mi len mi gnas/ mngon par zhen par mi byed na/ dpag
108a7 tu med pa/grangs med pa/ mya ngan las 'das pa zhes nga zer ro/ /rgyal po chen po tshor ba dang / 'du shes dang 'du byed rnams dang / rnam par shes pa la mi 'dzin/ mi len mi gnas/ mngon par zhen par mi byed na/ dpag tu med pa/ grangs med pa/ mya ngan las
108b1 'das pa zhes nga zer ro//de nas yul ma ga d+hA'i bram ze dang / khyim bdag rnams 'di snyam du sems te/ ji ste gzugs bdag ma yin zhing / tshor ba dang / 'du shes dang / 'du byed rnams dang / rnam par shes pa bdag ma yin na/ bdag gam sems can nam/ srog
108b2 gam/skye ba'am/ gso ba'am/ gang zag gam/ shed bu'am/ shed can nam/ byed pa'am/ byed pa po'am/ smra ba po'am/ tshor ba po'am/ skyed pa po'am/ kun tu skyed pa por su zhig 'gyur/ ma skyes shing / ma byung la 'byung bar mi 'gyur na yang phung po 'di dag
108b3 ni 'dor la/phung po gzhan ni len par mi 'gyur ro snyam mo/ /de nas bcom ldan 'das kyis yul ma ga d+hA'i bram ze dang / khyim bdag rnams kyi sems thugs kyis mkhyen nas dge slong rnams la bka' stsal pa/ dge slong dag bdag bdag ces bya ba ni/ so so'i skye bo thos
108b4 pa dang mi ldan pa rnams kyis so sor bzung bar zad kyi/'di na bdag kyang med/ bdag gi yang med do/ /dge slong dag skye ba na/ sdug bsngal 'di nyid skye la/ 'gag pa na sdug bsngal 'di nyid 'gag go/ /skye ba na 'du byed rnams nyid skye la/ 'gag pa na 'du byed rnams
108b5 nyid 'gag go//rgyu de dag dang rkyen de dag la brten nas/ sems can rnams kyi 'du byed kyi rgyud 'jug par 'gyur ro/ /dge slong dag de bzhin gshegs pas ni sems can rnams kyi 'du byed kyi rgyud kyi nying mtshams sbyor ba thugs su chud nas/ 'chi 'pho dang / skye ba 'dogs par
108b6 mdzad do//lha'i spyan rnam par dag pa mi'i las 'das pas sems can rnams 'chi 'pho zhing 'dug pa dang / skye zhing 'dug pa dang / kha dog bzang po dang / ngan pa dang / bde 'gror 'gro ba rnams dang / ngan 'gror 'gro ba rnams dang / sems can las ji lta ba bzhin du
108b7 'gro ba rnams yang dag pa ji lta ba bzhin du rab tu mkhyen to//kye sems can 'di dag ni lus kyis nyes par spyod pa dang ldan pa dang / ngag gis nyes par spyod pa dang ldan pa dang / yid kyis nyes par spyod pa dang ldan pa dang / 'phags pa rnams la skur pa 'debs pa
109a1 dang /log par lta ba dang / log par lta ba'i las dang / chos yang dag par blangs pa'i phyir rgyu de dang / rkyen des lus dang bral te/ shi ba'i 'og tu ngan song ngan 'gro log par ltung ba'i sems can dmyal ba rnams su skye bar 'gyur ro/ /kye
109a2 sems can 'di dag ni lus kyis legs par spyod pa dang ldan pa dang /ngag gis legs par spyod pa dang ldan pa dang / yid kyis legs par spyod pa dang ldan pa dang / 'phags pa rnams la skur pa mi 'debs pa dang / yang dag par lta ba dang / yang dag pa'i las
109a3 dang /chos yang dag par blangs pa'i phyir rgyu de dang rkyen des lus dang bral te/ shi ba'i 'og tu bde 'gro mtho ris kyi 'jig rten gyi lha rnams kyi nang du skye bar 'gyur ro/ /dge slong dag ngas de ltar shes shing de ltar mthong bas na/ nga ni 'di skad du/ nga ni bdag de yin no zhe'am/ nga ni
109a4 sems can nam/srog gam/ skye ba'am/ gso ba'am/ gang zag gam/ shed bu'am/ shed can nam/ byed pa'am/ byed pa po'am/ smra ba po'am/ tshor ba po'am/ skyed pa po'am/ kun du skyed pa po yin no zhes mi zer ro/ /ma skyes shing ma byung la 'byung bar mi 'gyur na yang / phung
109a5 po 'di dag ni 'dor la/phung po gzhan ni len par mi 'gyur ro snyam du mi 'dzin to/ /chos kyi brda tsam ni ma gtogs so/ /de la chos kyi brda ni 'di lta ste/ 'di yod na 'di 'byung la/ 'di skyes pas 'di skye bar 'gyur te/ 'di lta ste/ ma rig pa'i rkyen gyis 'du byed rnams 'byung /
109a6 'du byed rnams kyi rkyen gyis rnam par shes pa 'byung / rnam par shes pa'i rkyen gyis ming dang gzugs 'byung / ming dang gzugs kyi rkyen gyis skye mched drug 'byung / skye mched drug gi rkyen gyis reg pa 'byung / reg pa'i rkyen gyis tshor ba 'byung / tshor ba'i rkyen gyis sred pa
109a7 'byung /sred pa'i rkyen gyis len pa 'byung / len pa'i rkyen gyis srid pa 'byung / srid pa'i rkyen gyis skye ba 'byung / skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/
109b1 de ltar na sdug bsngal gyi phung po chen po 'ba' zhig pa 'di 'byung bar 'gyur ro/ /'di lta ste/ 'di med na 'di mi 'byung la/ 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed rnams 'gag /'du byed rnams 'gags pas rnam
109b2 par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /
109b3 sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas/ rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag
109b4 par 'gyur te/de ltar na sdug bsngal gyi phung po chen po 'ba' zhig pa 'di 'gag par 'gyur ro/ /dge slong dag de ltar na rgyu byung na/ sdug bsngal 'byung bar 'gyur la/ rgyu 'gags na sdug bsngal 'gag par 'gyur te/ lam chad pas 'jug par mi 'gyur la/
109b5 nying mtshams sbyor ba med pas 'gag par 'gyur te/ sdug bsngal gyi mtha' ni de kho na yin no/ /de nas bcom ldan 'das kyis yul ma ga d+hA'i rgyal po bzo sbyangs gzugs can snying po la lan gnyis su bka' stsal pa/ rgyal po chen po ji snyam du sems/ gzugs rtag pa yin
109b6 nam/mi rtag pa yin/ gsol pa btsun pa de ni mi rtag pa lags so/ /bka' stsal pa/ mi rtag pa gang yin pa de sdug bsngal ba yin nam/ sdug bsngal ba ma yin/ gsol pa/ btsun pa de ni sdug bsngal ba lags so/ /bka' stsal pa/ mi rtag cing sdug bsngal la/
109b7 rnam par 'gyur ba'i chos can gang yin pa de la ci thos pa dang ldan pa'i 'phags pa nyan thos bdag tu 'dzin cing / 'di ni bdag gi yin no/ /'di ni bdag yin no/ /'di ni bdag gi bdag yin no snyam du 'dzin tam/ gsol pa/ btsun pa de ni ma lags so/ /bka' stsal
110a1 pa/rgyal po chen po ji snyam du sems/ tshor ba dang / 'du shes dang / 'du byed rnams dang / rnam par shes pa rtag pa yin nam/ mi rtag pa yin/ gsol pa/ btsun pa de ni mi rtag pa lags so/ /bka' stsal pa/ mi rtag pa gang yin pa de sdug bsngal
110a2 ba yin nam/sdug bsngal ba ma yin/ gsol pa/ btsun pa de ni sdug bsngal ba lags so/ /bka' stsal pa/ mi rtag cing sdug bsngal la/ rnam par 'gyur ba'i chos can gang yin pa de la/ ci thos pa dang ldan pa'i 'phags pa nyan thos bdag tu 'dzin cing / 'di ni
110a3 bdag gi yin no//'di ni bdag yin no/ /'di ni bdag gi bdag yin no snyam du 'dzin tam/ gsol pa/ btsun pa de ni ma lags so/ /bka' stsal pa/ rgyal po chen po de bas na gzugs gang yang rung ste/ 'das pa dang / ma 'ongs pa dang / da ltar byung ba nang gi'am/
110a4 phyi rol gyi'am/ rags pa'am/ cha phra ba'am/ ngan pa'am/ bzang po'am/ nye ba'am/ ring ba gang yang rung ba de dag thams cad ni bdag gi yang ma yin/ de ni bdag kyang ma yin/ de ni bdag gi bdag kyang ma yin te/ de kho na ltar yang dag pa ji lta ba bzhin du yang dag
110a5 pa'i shes rab kyis blta bar bya'o//rgyal po chen po ji snyam du sems/ tshor ba dang / 'du shes dang / 'du byed rnams dang / rnam par shes pa gang yang rung ste/ 'das pa dang / ma 'ongs pa dang / da ltar byung ba nang gi'am/ phyi rol gyi'am/ rags pa'am/ cha phra ba'am/
110a6 ngan pa'am/ bzang po'am/ nye ba'am/ ring ba gang yang rung ba de dag thams cad ni bdag gi yang ma yin/ de ni bdag kyang ma yin/ de ni bdag gi bdag kyang ma yin te/ de kho na ltar yang dag pa ji lta ba bzhin du/ yang dag pa'i shes rab kyis blta bar bya'o/ /de ltar
110a7 mthong ba'i thos pa dang ldan pa'i 'phags pa nyan thos ni gzugs las skyo bar 'gyur ro//tshor ba dang / 'du shes dang / 'du byed rnams dang / rnam par shes pa las skyo bar 'gyur ro/ /skyo na ma chags par 'gyur ro/ /ma chags na rnam par grol bar 'gyur ro/ /rnam par
110b1 grol na bdag ni rnam par grol lo snyam du ye shes gzigs pa 'jug ste/bdag gi skye ba ni zad do/ /tshangs par spyod pa ni spyad zin to/ /bya ba ni byas so/ /srid pa 'di las gzhan med do snyam du ye shes gzigs pa 'jug go/ /chos kyi rnam grangs 'di bshad pa na/ yul
110b2 ma ga d+hA'i rgyal po bzo sbyangs gzugs can snying po la sogs pa lha brgyad khri dang /yul ma ga d+hA'i bram ze dang / khyim bdag stong phrag du ma chos rnams la chos kyi mig rdul med cing dri ma dang bral ba skyes so/ /de nas yul ma ga d+hA'i rgyal po bzo sbyangs gzugs can snying pos chos
110b3 mthong /chos rnyed/ chos rtogs/ chos kyi gting slebs/ som nyi las brgal/ the tsom las brgal te/ gzhan gyi dring mi 'jog cing gzhan gyis kri ba med la ston pa'i bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas/
110b4 bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag ni 'phags lags so/ /'phags lags so/ /btsun pa bdag ni sangs rgyas dang / chos dang / dge slong gi dge 'dun la skyabs su mchi'o/ /
110b5 bdag deng slan chad ji srid 'tsho'i bar du khong nas dad pa'i dge bsnyen lags par gzung du gsol/ bcom ldan 'das rgyal po'i khab tu gshegs su gsol/ bdag gis bcom ldan 'das dang / dge slong gi dge 'dun rnams la bsnyen bkur bgyi'o/ /ji srid 'tsho'i bar
110b6 du bcom ldan 'das dge slong gi dge 'dun dang bcas pa'i na bza' dang /zhal zas dang / gzims cha dang / stan dang / snyun gsos dang / sman zong rnams sbyar bar 'tshal lo zhes gsol to/ /de nas dge slong rnams kyis sangs rgyas bcom ldan 'das la gsol pa/ btsun
110b7 pa bcom ldan 'das kyis rgyal po gzugs can snying po la sogs pa lha brgyad khri dang yul ma ga d+hA'i bram ze dang /khyim bdag stong phrag du ma skyabs su 'gro ba dang / bslab pa'i gzhi rnams dang / g.yung drung gi mthar thug pa grub pa dang / bde ba'i mya ngan las 'das pa la bkod pa
111a1 dang /gzhi de las bcom ldan 'das kyi grags pas 'jig rten kun tu rgyas par gyur pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang rgyal po gzugs can snying po la sogs pa lha brgyad khri dang /
111a2 yul ma ga d+hA'i bram ze dang / khyim bdag stong phrag du ma mang po 'di rnams bsam gtan bzhi dang / mngon par shes pa lnga dang / dge ba bcu'i las kyi lam la ngas ji ltar bkod pa dang / gzhi des na nga'i grags pas 'jig rten du rgyas par gyur pa de nyon cig /dge slong dag
111a3 sngon byung ba 'das pa'i dus na/grong khyer rdul ldan zhes bya ba na/ rgyal po phyogs kyi bdag po zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang /
111a4 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la/ bu gcig pa sdug pa la bya ba bzhin du chos bzhin du rgyal srid
111a5 byed do//de nas rgyal po de btsun mo dang / lhan cig rtse zhing dga' la dga' mgur spyod pa las btsun mo la bu chags nas/ de zla ba dgu'am bcu lon pa dang / bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ ming rdul
111a6 zhes bya bar brtags so//de nas khye'u rdul pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis/ 'o ma dang / zho dang / mar dang / zhun mar dang /
111a7 mar gyi nying gu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du skye drag par gyur to/ /de nas de gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi
111b1 bzo'i gnas dang /las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'phong dang / mdun du bsnur ba dang / phyir bsnur ba dang / g.yul las thar bar bya ba dang / lcags kyus gzung ba dang / zhags pas gzung
111b2 ba dang /mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcad pa dang / gsheg pa dang / lag pas gzung ba dang / rkang pa'i stabs dang / mgo bo bskyab pa dang / rgyang mar 'phang ba dang / sgra grags
111b3 par 'phang ba dang /gnad du phog pa dang / gdon mi za bar phog par bya ba dang / tshabs cher gtang ba rnams kyang bslabs nas gnas lnga la byang bar gyur to/ /rgyal po phyogs kyi bdag po'i mdun na 'don ni bram ze khyim bdag khyab 'jug ces bya ba yin te/ de yang mkhas shing
111b4 gsal la yid gzhungs pa/rtsis mgo'i thabs shes pa'i shes rab dang / dpyod pa dang ldan pa zhig ste/ de rgyal po phyogs kyi bdag po'i rgyal po'i phrin las su bya ba thams cad byed la/ rgyal po phyogs kyi bdag pos kyang / mdun na 'don bram ze khyab 'jug de la
111b5 rgyal srid gtad nas/khang steng na 'dug cing bud med 'ba' zhig dang / sil snyan gyis rtse zhing dga' la dga' mgur spyod do/ /phyi zhig na bram ze khyab 'jug gi chung ma la bu chags nas/ de zla ba dgu'am bcu lon pa dang / bu gzugs bzang zhing blta na
111b6 sdug la mdzes pa zhig btsas te/de'i btsas ston rgyas par byas te/ khye'u'i ming me skyong zhes btags so/ /de nas khye'u me skyong 'o ma dang / zho dang / mar dang / zhun mar dang / mar gyi nying gus bskyed bsrings te/ de gang gi tshe cher skyes pa de'i tshe/ yi ge dang /
111b7 bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang /
112a1 mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha don slob tu gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas
112a2 brgyad la byang bar gyur to//de nas de'i phas khye'u me skyong la smras pa/ bu khyod ni yab 'das pa'i 'og tu yab kyi thabs kyi rgyal sar 'jug par 'gyur la/ khyod ni 'di'i mdun na 'don du 'gyur gyi/ 'di la khyod kyis skor cig /snga nas bskor dang / khyod la 'bras
112a3 bu yod par 'gyur ro//me skyong gis smras pa/ jo bos ji skad bka' stsal pa bzhin du 'tshal lo zhes smras nas/ gzhon nu rdul gyi phyi bzhin du grib ma bzhin du 'brang ngo / /de nas phyi zhig na bram ze khyab 'jug shi nas/ de shi ba'i phyir rgyal po phyogs kyi bdag po shin tu mya ngan byed
112a4 cing /sdug bsngal la smre sngags 'don par byed do/ /de nas gzhon nu rdul gyis gsol pa/ lha khyod ci'i slad du bram ze khyab 'jug gum pa'i slad du/ shin tu thugs ngan mdzad cing 'o brgyal la/ smre sngags 'don cing bzhugs/ rgyal pos smras pa/ bram ze khyab
112a5 'jug ni nga'i rgyal po'i phrin las su bya ba thams cad byed byed de/de'i mthus pa'i snying khral chung ngur 'dug go/ /gzhon nu rdul gyis gsol pa/ lha khyod bram ze khyab 'jug gum pa'i slad du ha cang thugs ngan ma mdzad/ ha cang 'o brgyal bar ma mdzad ha cang smre sngags 'don par
112a6 ma mdzad cig dang /lha mkhan po de nyid kyi bu bram ze'i khye'u me skyong zhes bgyi ba/ pha bas kyang ches khyad par du 'phags pa zhig mchis pa de/ lhas mdun na 'don du bsko bar gsol/ 'on tang des lha'i rgyal po'i phrin las su bgyi ba thams cad bgyid par 'gyur ro/ /de nas de
112a7 thos ma thag tu rgyal po phyogs kyi bdag pos/bram ze'i khye'u me skyong dgug pa btang nas mdun na 'don du bcug go/ /de nas des kyang rgyal po de'i bya ba thams cad nyams su blangs so/ /de nas phyi zhig na rgyal po phyogs kyi bdag pos/ gzhon nu rdul rgyal sar bcug nas/
112b1 phyogs kyi bdag po shi'o/ /de nas de'i ming gzhon nu rdul zhes bya ba de med par gyur nas/ rgyal po rdul zhes bya bar gyur to/ /de nas rgyal po rdul gyis kyang bram ze'i khye'u me skyong dgug pa btang nas/ de la smras pa/ mkhan po khyod kyis ci ltar nga'i yab kyi rgyal po'i phrin
112b2 las su bya ba thams cad byas pa de bzhin du nga'i yang gyis shig /bram ze'i khye'us gsol pa/ lha de bzhin du 'tshal lo zhes gsol nas/ bram ze'i khye'u me skyong gis rgyal po rdul gyi rgyal srid kyi bya ba thams cad nyams su blangs so/ /de nas de'i ming me skyong zhes bya ba gang
112b3 yin pa de med par gyur nas/me skyong khyab 'jug ces bya bar gyur to/ /de'i tshe rgyal po rdul gyi sngon gzhon nu'i tshe/ mdza' zhing bshes la gcugs pa/ rgyal rigs gzhon nu drug cig yod pa de dag /rgyal po de'i thad du 'ongs nas smras pa/ lhas bdag cag gi yul
112b4 dbog tu gsol/de nas de thos ma thag tu rgyal pos me skyong khyab 'jug la bka' stsal te/ mkhan po khyod kyis sa chen po 'di cha bdun du bgos la/ cha drug ni gzhon nu 'di rnams la byin cig /cha gcig ni nga'i bya'o/ /des gsol pa/ lha de bzhin du 'tshal lo zhes
112b5 byas nas/me skyong khyab 'jug gis sa chen po 'di cha bdun du bgos te/ cha drug ni gzhon nu drug po rnams la byin no/ /cha gcig ni rgyal po rdul gyi skal bar lus shing 'dug go/ /de nas rgyal po rdul gyis rgyal rigs drug po de dag rang rang gi rgyal srid la bkod do/ /de nas
112b6 me skyong khyab 'jug ni 'dzam bu'i gling du tshangs par bkur te/bram ze khyab 'jug ni tshangs pa'i lam yin no snyam du 'dzin cing / tshangs pa'i lam yin par blta'o/ /de nas phyi zhig na/ bram ze khyab 'jug 'di snyam du sems te/ bdag ni rgyal khams thams cad kyi mi rnams
112b7 kyis tshangs par bkur te/bram ze khyab 'jug ni tshangs pa'i lam yin no snyam du 'dzin cing / tshangs pa'i lam yin par lta la/ gna'i bram ze rgas shing 'khogs la gtugs pa/ sde tshan gyi slob dpon chen po dag las bdag gis thos na/ bram ze gang gis dbyar zla ba bzhi'i
113a1 bar du byams pa dang ldan pa'i sems kyis gnas pa de la/mi mjed kyi bdag po tshangs pa bltar 'ong ngo zhes zer gyis ma la bdag gis thams cad spangs te/ khang steng du song la/ byams pa dang / snying rje dang / dga' ba dang / btang snyoms dang
113a2 ldan pa'i sems kyis gnas par bya gor ma chag snyam nas/rgyal po la gsol pa/ lha mkhyen par mdzad du gsol/ bdag ni dbyar zla ba bzhi tshangs pa'i gnas kyis gnas par 'tshal te/ de bas na lhas lha nyid kyi rgyal po'i phrin las su bgyi ba gang lags pa thams cad
113a3 bgyid pa'i mdun na 'don gzhan zhig bsgo bar gsol zhes smras so//de nas rgyal po rdul gyis smras pa/ khyod ci ltar dga' ba de bzhin du bya'o/ /de nas de thos ma thag tu bram ze khyab 'jug chen pos las su bya ba thams cad spangs nas/ khang steng du song ste/ khang
113a4 steng na 'dug cing /byams pa dang / snying rje dang / dga' ba dang / btang snyoms dang ldan pa'i sems kyis gnas so/ /de nas phyi zhig na de la mi mjed kyi bdag po tshangs pa bltar 'ongs nas/ mi mjed kyi bdag po tshangs pa'i kha dog gi mthus/ khang
113a5 de dag thams cad snang ba chen pos khyab par gyur to//de nas de mthong nas tshigs su bcad de smras pa/ bdag gis kha dog 'di 'dra ba/ /sngon cad ma thos ma mthong ste/ /kha dog bzang zhing gzugs bzang ba/ /grogs po khyod ni su zhig lags/ /mi mjed kyi bdag po
113a6 tshangs pas smras pa/gzhon nu brgya byin la sogs dang / /de bzhin lus can gzhan dag kyang / /bdag ni tshangs pa'i lus su shes/ /khyab 'jug de ltar shes par gyis/ /bram ze che zhing ma thob khyab 'jug gis smras pa/ tshangs pa khyod la 'dud par bgyi/ /tshangs pa khyod
113a7 la mchod par 'tshal//bdag gi tshig ni gsan nas kyang / /lan ni myur du bka' stsol cig /mi mjed kyi bdag po tshangs pas smras pas/ khyab 'jug khyod kyis smras pa yi/ /tshig ni bdag gis gzung bar bya/ /'dri ba yid la ci 'dod pa/ /bram zes nga la dri bar
113b1 gyis//tshe 'di yi ni don yang rung / /phyi ma'i tshe yi don yang rung / /khyod kyis dris pa de dang de/ /ngas ni nges par dpyad par bya/ /bram ze khyab 'jug chen pos smras pa/ bdag gi the tsom gzhan brtags the tsom rnams/ /bram ze kun 'gyed gzhon nu dri bar gyis/ /
113b2 gang la gnas shing ci la bslab bgyis na/ /rdul med mi yis tshangs pa'i 'jig rten thob/ /mi mjed kyi bdag po tshangs pas smras pa/ tshangs pa mi yis nga rgyal spangs byas la/ /rtse gcig btud de snying rjes mos byas shing / /dri nga med cing 'khrig pa rab spangs la/ /
113b3 de la gnas shing de la bslab byas nas/ /rdul med mi yis tshangs pa'i 'jig rten thob/ /bram ze khyab 'jug chen pos smras pa/ tshangs pa gang dag mi yi dri nga lags/ /chu 'gram chus yog bzhin du gang gis g.yogs/ /ngan song rgyu ste 'jig rten thams cad bsgribs/ /
113b4 tshangs pa thob pa'i lam yang yong mi shes/ /mi mjed kyi bdag po tshangs pas smras pa/ khro dang dang ngan sems 'tshe ba dang / /ngan du byed dang blo phyed phra ma dang / /chags dang sdang dang de bzhin gti mug dang / /'chab pa dang ni ser sna gtum tshig rnams/ /bram
113b5 ze 'di dag mi yi dri nga ba//chu 'gram chus yog bzhin du de yis g.yogs/ /ngan song rgyu ste 'jig rten thams cad bsgribs/ /tshangs pa thob pa'i lam yang yong mi shes/ /chos 'di rtag tu spyod pa yin/ /de rnams las ni 'das gyur na/ /tshangs pa dag tu skye 'gyur gyis/ /khyod
113b6 kyi brtan por bsgrims par gyis//de skad ces smras nas/ mi mjed kyi bdag po tshangs pa de nyid du mi snang bar gyur to/ /mi mjed kyi bdag po tshangs pa mi snang bar gyur nas/ /ring po ma lon par bram ze khyab 'jug chen pos bsams pa/ mi mjed kyi bdag po tshangs pas ji skad
113b7 bshad pa'i don bdag gis shes te/'di ltar bdag khyim par 'dug ste/ khyim na gnas bzhin du ni gcig tu brtul te/ ji srid 'tsho'i bar du tshangs par spyod pa ma 'dres pa/ yongs su rdzogs pa/ yongs su dag pa/ yongs su byang ba spyad par dka' na/ ma la bdag
114a1 gis skra dang kha spu bregs te gos tshon can rnams bgos la/yang dag pa'i dad pas khyim nas khyim med par rab tu 'byung bar bya gor ma chag snyam mo/ /de nas phyi zhig na rgyal po rdul/ bram ze khyab 'jug chen po ga la ba der song ste phyin nas/ bram ze khyab 'jug
114a2 chen po'i rkang pa la mgo bos phyag 'tshal te/phyogs gcig tu 'dug go/ /de nas bram ze khyab 'jug chen pos rgyal po rdul la 'di skad ces smras so/ /yul bdag rgyal chen rdul gyis ni/ /de ring bdag gi tshig gson cig /khyod nyid kyis ni rgyal srid srungs/ /khyab 'jug
114a3 bdag ni spro ba med//rgyal po rdul gyis smras pa/ khyod kyi 'dod pa ma skongs pa/ /de ni bdag gis nges par bskang / /khyod kyi gnod pa bdag gis bsal/ /khyab 'jug bdag ni ma dor cig /khyab 'jug chen pos smras pa/ bdag ni 'dod pa ma skongs med/ /bdag la
114a4 gnod pa byed pa'ang med//mi ma yin pa'i tshig thos nas/ /khyim na gnas par spro ba med/ /rgyal po rdul gyis smras pa/ bram ze su yi tshig thos pas/ /nga dang 'dod pa spong byed pa/ /mi ma yin pa ci 'dra ba/ /dris pa de ni bdag la smros/ /khyab 'jug chen pos smras pa/ snying rje
114a5 la ni gnas nas kyang //dben pa'i bsam gtan byed pa na/ /de tshe tshangs pa byung nas ni/ /phyogs rnams thams cad snang bar byas/ /bdag gis de yi tshig thos nas/ /khyim na gnas pa spro ba med/ /rgyal po rdul gyis smras pa/ mkhan po khyod nam bdag gi bu thu bo rgyal sar ma
114a6 bcug gi bar du sdod cig dang /mkhan po rab tu byung ba'i rjes su bdag kyang rab tu 'byung bar bya'o zhes smras nas tshigs su bcad de smras pa/ bram ze gang du 'gro ba der/ /bdag kyang der ni 'gro bar bya/ /bdag gis khyod kyi slob ma byed/ /bdag gi ston pa khyab 'jug khyod/ /khyab 'jug chen
114a7 pos smras pa/so so'i skye bo gar chags pa/ /'dod pa de ni spangs par gyis/ /'dod pa rnams la ma lta bar/ /bden pa'i chos la gnas par gyis/ /rgyal po rdul gyis smras pa/ tshangs pa dag par skye ba'i phyir/ /nam mkha' dri med lta bu dang / /nor bu bai dUr+ya dag ltar/ /
114b1 tshangs par spyod pa spyad par bya/ /khyab 'jug chen pos smras pa/ rgyal po chen po de'i dus la bab par mkhyen na/ de ltar mdzod cig ces byas nas/ bram ze khyab 'jug chen pos rgyal rigs kyi rgyal po drug la smras pa/ kye bdag ni skra dang kha spu bregs te/ chos gos tshon
114b2 can bgos la/yang dag pa'i dad pa kho nas khyim nas khyim med par rab tu 'byung bar 'dod na/ khyod ji ltar byed/ de dag gis smras pa/ mkhan po khyod lo bdun gyi bar du sdod cig dang / lo bdun lon nas bdag cag gi bu dang nu bo dag rgyal sar bcug la/ mkhan po rab
114b3 tu byung ba'i rjes su bdag cag kyang rab tu 'byung ngo //khyab 'jug chen pos smras pa/ kye lo bdun ni ha cang yun ring ches so/ /'dod pa rnams ni chags par 'gyur ba'o/ /longs spyod rnams ni rgyags par 'gyur ba'o/ /'tsho ba dang 'chi ba ni drod gzung dka'o/ /lo
114b4 bdun lon nas khyod rab tu 'byung ngam mi 'byung yang gtol med kyis/bdag je rab tu 'byung ngo / /de dag gis smras pa/ mkhan po khyod re zhig sdod cig dang / lo drug gam/ lnga'am/ bzhi'am/ gsum mam/ gnyis sam/ gcig gam/ de bzhin du zla
114b5 ba bdun nam/drug gam/ lnga'am/ bzhi'am/ gsum mam/ gnyis sam/ gcig gam/ zhag bdun nam/ drug gam/ lnga'am/ bzhi'am/ gsum mam/ gnyis sam/ gcig lon na/ bdag cag gis bu dang nu bo rnams rgyal sar bcug
114b6 nas/mkhan po rab tu byung ba'i rjes su bdag cag kyang rab tu byung ngo / /khyab 'jug gis smras pa/ kye zhag bdun yang ha cang yang yun ma / 'dod pa rnams ni chags par 'gyur ba'am/ longs spyod pa rnams ni rgyags par 'gyur ba'am/ 'tsho ba dang /
114b7 'chi ba'i drod gzung dka'o/ /zhag bdun lon nas kyang khyod rab tu 'byung ngam/ mi 'byung gtol med kyis bdag je rab tu 'byung ngo / /de dag gis smras pa/ zhag bdun yang btang ste/ deng nyid du bdag cag gi bu dang nu bo dag rgyal sar bcug nas/ mkhan po
115a1 rab tu 'byung ba'i rjes su bdag cag kyang rab tu 'byung ngo //khyab 'jug gis smras pa/ khyed kyis de'i dus la bab par shes na/ de ltar gyis shig /de nas bram ze khyab 'jug chen pos/ rgyal rigs kyi rgyal po drug gi 'khor bltas nas/ bram ze che zhing
115a2 mtho ba bdun bltas so//bram ze che zhing mtho ba bdun bltas nas/ bshes pa'i bud med bzhi bcu bltas so/ /bshes pa'i bud med bzhi bcu bltas nas/ bram ze'i khye'u lnga brgya bltas so/ /bram ze'i khye'u lnga brgya bltas nas/ shing rta kha lo ba rnams dang / glang po
115a3 che'i kha lo ba rnams dang /rta pa rnams dang / shing rta pa rnams dang / mtshon cha can rnams dang / 'phong ba rnams dang / zham ring ba rnams dang / tshal za ba rnams dang / drag shul can rnams dang / dpa' bo rnams dang / rab gnon rnams dang / tshan po che chen po
115a4 rnams dang /rgyal po'i sras du ma dag bltas te/ kye bdag ni skra dang kha spu bregs nas/ gos tshon can rnams bgos la yang dag pa'i dad pa kho nas khyim nas khyim med par rab tu 'byung na khyed ci ltar byed sems/ de dag gis smras pa/ bdag cag kyang mkhan po rab
115a5 tu 'byung ba'i rjes su rab tu 'byung ngo //khyab 'jug gis smras pa/ khyed kyis de'i dus la bab par shes na/ de bzhin du gyis shig ces byas nas/ bram ze khyab 'jug chen pos khyim gyi 'khor thams cad btang ste/ sbyin pa dag byin zhing bsod nams dag byas te/ du ma zhig
115a6 dbul bor te btang nas/skra dang kha spu bregs te/ gos tshon can rnams bgos nas/ yang dag pa'i dad pa kho nas khyim nas khyim med par rab tu byung ngo / /rab tu byung nas kyang nags khrod cig tu gnas bcas nas/ yal ga dang lo ma'i spyil po phub ste/ de de na 'dug
115a7 nas bsam gtan bzhi dang /mngon par shes pa lnga bskyed de/ rdzu 'phrul che zhing mthu che bar gyur to/ /khyab 'jug rab tu byung nas rgyal po rdul g.yog 'khor 'bum phrag du ma dang / skra dang kha spu bregs te/ gos tshon can rnams bgos nas/ yang dag pa'i dad pa kho
115b1 nas khyim nas khyim med par rab tu byung ngo //de bzhin du rgyal rigs kyi rgyal po drug gi 'khor dang / bram ze che zhing mtho ba bdun dang / bshes pa'i bud med bzhi bcu dang / bram ze'i khye'u lnga brgya dang / shing rta'i kha lo pa rnams dang / glang po che'i kha lo pa rnams dang /
115b2 rta pa rnams dang / shing rta pa rnams dang / mtshon cha can rnams dang / zham ring ba rnams dang / tshal za ba rnams dang / drag shul can rnams dang / dpa' bo rnams dang / rab gnon pa rnams dang / tshan po che chen po rnams dang / rgyal po'i sras du ma dag skra dang kha
115b3 spu bregs te/gos tshon can rnams bgos nas/ yang dag pa'i dad pa kho nas khyim nas khyim med par khyab 'jug rab tu byung ba'i rjes su rab tu byung ste/ bram ze khyab 'jug gis thams cad la yid la byed pa'i lung phog nas/ de dag gis kyang brtson pa dang / bsgrub pa dang /
115b4 'bad pas bsam gtan bzhi dang / mngon par shes pa lnga bskyed do/ /de nas bram ze che zhing mtho ba khyab 'jug gi ming bram ze che zhing mtho ba khyab 'jug ces bya bar gyur pa de med par gyur nas/ ston pa khyab 'jug ces bya bar gyur to/ /dge slong dag ji snyam du sems/ de'i
115b5 tshe ston pa khyab 'jug ces bya bar gyur pa gang yin pa de ni nga nyid yin no//de'i tshe rgyal po rdul ces bya bar gyur pa gang yin pa de ni/ rgyal po gzugs can snying po 'di kho na yin no/ /de'i tshe rgyal po rdul gyis mgo drangs pa'i skye bo 'bum phrag du mar gyur pa gang yin pa de dag
115b6 ni/rgyal po gzugs can snying pos mgo drangs pa'i lha brgyad khri dang / yul ma ga d+hA'i bram ze dang / khyim bdag stong phrag du ma mang po 'di dag kho na yin te/ de'i tshe yang ngas rgyal po rdul la sogs pa yul gyi mi du ma dang / bram ze dang / khyim bdag stong phrag
115b7 du ma rab tu byung nas/bsam gtan bzhi dang / mngon par shes pa lnga la bkod de/ gzhi des na nga'i grags pas 'jig rten rgyas par gyur to/ /da ltar yang ngas rgyal po gzugs can snying po dang / lha brgyad khri dang / ma ga d+hA'i bram ze dang / khyim bdag
116a1 stong phrag du ma dam pa'i chos kyi bcud kyis tshim par byas nas/g.yung drung gi mthar thug pa grub pa dang / bde ba'i mya ngan las 'das pa la bkod do// //las brgya tham pa/ bam po sum cu bdun pa ste tha ma/ 'thab mo zhes bya ba ni/
116a2 gleng gzhi mnyan du yod pa na bzhugs te/ de'i tshe mnyan du yod pa na skye bo phal po che 'thab pa dang / mtshang 'dru ba dang / 'gyed pa dang / rtsod pa la zhugs shing 'khod do/ /sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang /
116a3 ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa
116a4 brgyad la bsam gtan pa/mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus
116a5 drug tu sangs rgyas kyi spyan gyis 'jig rten la gzigs te/su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su
116a6 ni ngan song du bab/su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las/ 'phags pa'i nor bdun gyi dbang phyug la dbang byed
116a7 du gzhug par bya/su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i
116b1 'jig rten 'bras bu yod par bya snyam du ye shes gzigs pa 'jug go//rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis dgongs pa/
116b2 skye bo phal po che gdul ba'i dus la bab ste/ de dag ngas 'thab pa dang / mtshang 'dru ba dang / 'gyed pa dang / rtsog pa las bzlog ste/ g.yung drung gi mthar thug pa grub pa dang / bde ba'i mya ngan las 'das pa la dgod par bya snyam du dgongs nas/ snga dro sham thabs
116b3 dang chos gos gsol te/lhung bzed bsnams nas/ mnyan du yod par bsod snyoms la gshegs te/ skye bo phal po che ga la ba der gshegs nas/ skye bo phal po che de dag gis thag ring po zhig nas sangs rgyas bcom ldan 'das mthong ngo / /mthong nas kyang ngo mtshar
116b4 bar gyur te/bcom ldan 'das kyi phyir gdan bshams nas gsol pa/ bcom ldan 'das gshegs pa legs so legs so/ /bcom ldan 'das tshur gshegs bzhugs su gsol/ de nas gdan bshams pa la bzhugs nas/ bcom ldan 'das kyis skye bo phal
116b5 po che la bka' stsal pa/grogs po dag ci byed cing 'khod gzhan dang 'thab dgos na gzhan dang 'thab cing 'dug gam/ de rnams kyis gsol pa/ bcom ldan 'das bdag cag su dang 'thab 'tshal lags/ bcom ldan 'das kyis bka' stsal pa/ grogs po dag
116b6 'o na 'khod cig dang /ngas khyod la rgyas par bshad par bya'o/ /de nas skye bo phal po che de dag gis bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do/ /de nas bcom ldan 'das kyis skye bo phal po che de dag la bka' stsal pa/
116b7 khyod ni nyon mongs pa rnams dang 'thab dgos kyis/ nyon mongs pa spong ba'i phyir 'bad par gyis shig ces bcom ldan 'das kyis de dag la de lta bu dang 'thun pa'i chos bstan te/ des na de dag gi khro ba'i kun nas dkris pa med par gyur nas/ stan de dag nyid la 'khod
117a1 bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/rgyun du zhugs pa'i 'bras bu mngon sum du byas te/ de dag gis bden pa mthong nas bla gos phrag pa gcig tu gzar te/ bcom ldan 'das ga la ba de logs su thal
117a2 mo sbyar ba btud de/bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag cag kyang bcom ldan 'das kyi thad du tshangs par
117a3 spyod pa spyad par 'tshal lo//de nas bcom ldan 'das kyis de dag la dge slong tshur shog ces bya ba'i tshig gis rab tu phyung ste bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang 'bad pas nyon mongs pa thams cad
117a4 spangs nas/dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar
117a5 gyur pa/rig pas sgo nga'i sbubs bcom pa/ rig pa dang mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba dbang po dang / nye dbang dang bcas pa'i lha rnams kyis mchod cing rjed pa dang / gus
117a6 par smra ba'i gnas su gyur to//de nas dge slong rnams kyis sangs rgyas bcom ldan 'das la gsol pa/ btsun pa bcom ldan 'das kyis skye bo phal po che 'thab pa las zhi bar mdzad nas/ g.yung drung gi mthar thug pa grub pa dang / bde ba'i mya ngan las 'das pa la
117a7 bkod pa la gzigs/bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas skye bo phal po che 'di dag bsam gtan bzhi dang / mngon par shes pa lnga la ji ltar bkod pa de nyon cig /dge slong dag sngon byung ba 'das pa'i
117b1 dus na ri khrod kyi grong zhig na bram ze zhig gis mchod sbyin byas te/mchod sbyin byed pa der bram ze rnams stan gyi phyir 'thab pa las de'i tshe dka' thub kyi gnas shig na/ drang srong 'khor lnga brgya yod pa zhig gnas so/ /de nas mchod sbyin byed pa der drang srong des bram ze de dag
117b2 'thab pa zhi bar bya ba'i phyir/de lta bu dang 'thun pa'i chos bstan te/ des na 'thab mo de yang zhi bar gyur la/ bram ze rnams kyang skyo ba skyes nas/ de nyid kyi thad du rab tu byung ngo / /de dag der rab tu byung nas bsam gtan bzhi dang mngon par shes pa lnga bskyed do/ /dge
117b3 slong dag ji snyam du sems/de'i tshe drang srong du gyur pa/ byang chub sems dpa'i spyod pa la gnas pa gang yin pa de ni nga nyid yin no/ /de'i tshe bram zer gyur pa gang yin pa de dag ni/ skye bo phal po che 'di dag kho na yin no/ /de'i tshe yang ngas skye bo phal po che 'thab pa zhi bar byas nas
117b4 bsam gtan bzhi dang /mngon par shes pa lnga la bkod do/ /da ltar yang ngas skye bo phal po che 'thab pa zhi bar byas nas/ g.yung drung gi mthar thug pa grub pa dang / bde ba'i mya ngan las 'das pa la bkod do/ /gzhan yang yang dag par rdzogs pa'i sangs rgyas 'od srung
117b5 gi bstan pa la 'di dag thams cad rab tu byung nas/der 'di rnams kyis tshe gcig tu tshangs par spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// //klu zhes bya ba ni/ gleng gzhi mnyan du yod pa na
117b6 bzhugs te/de'i tshe rgyal po gsal rgyal gyi blon po chen po zhig gyod cig la btags te/ ci bdog pa phrogs nas/ khri mon du bcug pa las/ de der zas dang skom gyis mnar te shi'o/ /de nas des smon lam log par btab nas/ shi 'phos te dus las 'das
117b7 pa'i 'og tu/gnod sbyin ma rungs pa zhig tu skyes nas/ des yul ko sa la de thams cad du mi nad btang ste/ skye bo phal po che de dag kha dag par gyur nas/ ltas mkhan dag gis smras pa/ blon po chen po des 'chi kar smon lam log par btab nas/ gnod sbyin
118a1 ma rungs par skyes te/des mi nad 'di dag btang ngo zhes byas so/ /de nas de thos ma thag tu skye bo mang po de dag ci bya gtol med par gyur to/ /de nas rgyal po gsal rgyal gyis bsams pa/ 'di ni sus kyang 'dul bar mi nus kyis/ da 'di'i phyir
118a2 bcom ldan 'das la gsol ba gdab dgos so snyam ste/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas rgyal po gsal rgyal gyis bcom ldan 'das
118a3 la 'di skad ces gsol to//btsun pa bcom ldan 'das kyis ni klu ma rungs pa dga' bo dang / nye dga' bo la sogs pa gzhan dang gzhan dag kyang btul/ gnod sbyin ma rungs pa 'brog gnas la sogs pa gzhan dang gzhan dag kyang btul na/ btsun pa blon po chen
118a4 po che ge mo zhig gis smon lam log par btab ste/gnod sbyin ma rungs par skyes nas/ des bdag gi yul du mi nad btang na/ bcom ldan 'das kyis thugs brtse ba'i slad du/ gnod sbyin ma rungs pa de gdul bar gsol/ de nas bcom ldan 'das kyis rgyal po
118a5 gsal rgyal la cang mi gsung bas gnang ngo //de nas rgyal po gsal rgyal bcom ldan 'das kyis gsungs pa la mngon par bstod de rjes su yi rangs nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo / /de nas bcom
118a6 ldan 'das kyi rdzu 'phrul gyis/gnod sbyin de rgyal bu rgyal byed kyi tshal gyi 'dab tu bzhag nas/ bcom ldan 'das kyis de btul ba'i phyir me chen po sprul te/ de'i kho ra khor yug nas bdag nyid me chen pos 'khor bar mthong ste/ bcom ldan 'das kyi zhabs kyi drung
118a7 'ba' zhig zhi bar mthong ngo //de nas de 'jigs shing skrag nas bcom ldan 'das ga la ba der song ste phyin nas/ bcom ldan 'das kyis gnod sbyin ma rungs pa de la bka' stsal pa/ bzhin bzangs khyod kyis sngon mi dge ba'i las byas pas/ rgyal po gsal rgyal gyis
118b1 bsad pa yin na/da yang khyod 'dir skyes nas skye bo mang po kha 'dogs par byed na/ 'di nas shi 'phos pa'i 'og tu khyod kyi 'gro ba ni gang yin/ skye gnas ni gang yin/ 'gro ba'i sa ni gang yin/ gnod sbyin gyis gsol pa/ bcom ldan 'das kyis bka' ci stsal/
118b2 bcom ldan 'das kyis bka' stsal pa/ sdig pa'i las 'di thong shig /gnod sbyin gyis gsol pa/ bcom ldan 'das kyis bdag la bka' ci stsal pa bzhin du 'tshal lo/ /de skad ces gsol te/ des skyabs su 'gro ba dang / bslab pa'i gzhi rnams blangs nas
118b3 bcom ldan 'das la gsol pa/btsun pa bdag gis sdig pa'i las btang lags te/ btsun pa deng slan cad mnyan du yod pa na gnas pa'i skye bo mang po rnams kyi srung ma dang / skyabs rnams ni bdag lags so/ /de nas dge slong rnams kyis sangs rgyas bcom ldan 'das la
118b4 gsol pa/btsun pa bcom ldan 'das kyis gnod sbyin ma rungs pa de btul nas/ skye bo phal po che de dag 'jigs pa med pa'i gnas su bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas gnod sbyin
118b5 ma rungs pa 'di btul nas/skye bo phal po che ji ltar 'jigs pa med pa'i gnas su bkod pa de nyon cig /dge slong dag sngon byung ba 'das pa'i dus na grong khyer bA rA Na sI na rgyal po tshangs pas byin rgyal po byed de/ de'i tshe yul ka shir klu gdug pa dug mi bzad pa zhig byung ste/ des
118b6 grong yang stongs par byed/ljongs kyang stongs par byed cing / bA rA Na sI'i phyogs su chas pa las rgyal po tshangs pas byin gyis thos nas/ de thos ma thag tu 'jigs pa chen po skyes te/ des dpung gi tshogs yan lag bzhi go bskon te btang nas/ khyed deng la klu gdug pa
118b7 de sod cig ces bsgo'o//de nas de dag gis de'i rkang pa la phyag 'tshal te/ gsol pa/ lha de ni dpung gi tshogs kyis dgum par mi nus kyis/ sngags sam sman gyis de dgum par nus lags so/ /yang na dge ba'i tshul gyis bkur ba'i dge sbyong dang / bram
119a1 ze rnams kyis gdul bar nus lags so zhes gsol to//de nas de'i tshe bA rA Na sI de nyid na gdol pa'i khye'u byams pa'i rang bzhin can/ snying rje che ba sems can la byams pa zhig gnas pa des/ skye bo mang po de dag ci bya gtol med par gyur pa
119a2 mthong nas/mthong ma thag tu de snying rje skyes nas des skye bo mang po rnams la smras pa/ khyod ci bya gtol med par bya mi dgos kyis/ bdag gis klu gdug pa de gdul bar bya'o zhes byas so/ /de nas de'i pha ma gnyis na re/ de ni dbugs gdug pa yin te khyod kyis
119a3 de gdul mi nus so//khye'u des smras pa/ byams pa'i go cha gyon pa la des cung zad kyang gnod par byed mi nus so zhes byas nas/ khye'u des phyogs gang na klu gdug pa 'dug pa'i phyogs der song nas klu gdug pa des thag ring po zhig nas khye'u de mthong ngo / /mthong nas
119a4 kyang khros nas khye'u de la dbugs btang ngo //de nas khye'u des byams pa la snyoms par zhugs nas byams pa'i lta bas klu gdug pa de la bltas te/ des bltas ma thag tu dug med par gyur to/ /de nas khye'u des klu sbrul de lag pa gnyis kyis blangs nas mi mi gnas pa'i
119a5 sa phyogs su bzhag go//de nas rgyal po tshangs pas byin dang / skye bo mang po gzhan dag gis gdol pa'i khye'u che ge mo zhig gis klu gdug pa btul lo zhes thos nas thos ma thag tu rgyal po de rang nyid gdol pa'i khye'u de'i thad du song nas des khye'u de la dam pa sna gcig 'dam du
119a6 bcug ste/khye'u khyod la dam pa sna gcig byin no zhes byas so/ /khye'us smras pa/ dge ba bcu'i las kyi lam yang dag par blangs te/ gnas par mdzod cig /yul na gnas pa'i mi rnams kyang dge ba bcu'i las kyi lam la gzud par mdzod cig ces byas so/ /de
119a7 nas rgyal po tshangs pas byin gyis khye'u de la longs spyod kyi byings chen po byin nas/dge ba bcu'i las kyi lam yang dag par blangs te 'dug go/ /yul na gnas pa'i mi rnams kyang dge ba bcu'i las kyi lam la bkod do/ /dge slong dag ji snyam du sems/ de'i tshe gdol
119b1 pa'i khye'ur gyur pa byang chub sems dpa'i spyod pa la gnas pa gang yin pa de ni nga nyid yin no//de'i tshe klu gdug par gyur pa gang yin pa de ni/ gnod sbyin ma rungs pa 'di kho na yin no/ /de'i tshe skye bo phal po cher gyur pa gang yin pa de dag ni/ yul ko sa la na gnas pa'i
119b2 skye bo mang po 'di dag kho na yin te/de'i tshe yang ngas klu gdug pa de btul nas/ skye bo phal po che 'jigs pa med pa'i gnas su bkod do/ /da ltar yang ngas gnod sbyin ma rungs pa 'di btul nas/ skye bo phal po che 'jigs pa med pa'i gnas su bkod do/ /gzhan yang
119b3 yang dag par rdzogs pa'i sangs rgyas 'od srung gi gsung rab la 'di dag thams cad dge bsnyen du gyur te/der 'di rnams kyis tshe gcig tu tshangs par spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// //shi bi
119b4 gnyis zhes bya ba de la/shi bi dang po ni/ bcom ldan 'das gyad kyi yul du ljongs rgyu zhing gshegs pa las/ chu klung mtha' ldan dang / grong khyer ku sha'i bar gyi lam nas gud du bzur te/ tshe dang ldan pa kun dga' bo la bka' stsal pa/ kun dga' bo de bzhin gshegs
119b5 pa'i bla gos bzhi bltab tu bgyis te thing shig dang /nga'i rgyab mi bde ba de re zhig bsti bar bya'o/ /de nas tshe dang ldan pa kun dga' bos btsun pa de ltar 'tshal lo zhes gsol te/ bcom ldan 'das kyis bka' stsal pa bzhin du mnyan nas/ bla gos bzhi bltab tu byas te/ bting
119b6 nas bcom ldan 'das la 'di skad ces gsol to//btsun pa de bzhin gshegs pa'i bla gos bzhi bltab tu bgyis te bting lags na/ bcom ldan 'das kyis da de'i dus la bab par dgongs su gsol/ de nas bcom ldan 'das kyis chos gos snam sbyar stug por bltab ste
119b7 'phongs su bzhag nas/snang ba'i 'du shes dang ldan pa dang / dran pa dang ldan pa dang / shes bzhin dang ldan pa'i 'du shes thugs la dgongs shing glo g.yas phyogs kyis gzims te/ zhabs gcig gi steng du gcig bzhag go/ /de nas bcom ldan 'das 'di snyam du
120a1 dgongs te/'khor 'dir so so'i skye bo'i dge slong ji snyed 'dus shing 'tshogs pa de dag thams cad ci sangs rgyas kyis 'dul ba yin nam/ 'on te nyan thos kyis 'dul ba yin zhig gu snyam du dgongs so/ /de nas yang bcom ldan 'das kyis dgongs pa/
120a2 'di na kha cig ni sangs rgyas kyis 'dul bar 'gyur ro/ /kha cig ni nyan thos kyis 'dul bar 'gyur snyam du dgongs nas/ tshe dang ldan pa kun dga' bo la bka' stsal pa/ kun dga' bo khyod byang chub kyi phyogs rnams las spobs par gyis shig /de skad ces bka'
120a3 stsal nas/bcom ldan 'das kyis ci nas 'khor thams cad du sgra des gang bar 'gyur ba de lta bur byin gyis brlabs so/ /de nas dge slong mang po dag gis tshig de lta bu gsungs pa'i sgra thos nas/ de dag gis bsams pa/ bcom ldan 'das kyis tshe dang ldan pa kun dga'
120a4 bo la/byang chub kyi phyogs kyi gtam gyis shig par bskul bas na da ni tshe dang ldan pa kun dga' bos sbrang bu'i sbrang rtsi btsir ba bzhin du chos snyan no cog ston par 'gyur snyam ste/ bcom ldan 'das ga la ba der dong ste lhags nas/ bcom ldan 'das la bskor te 'khod
120a5 do//de nas tshe dang ldan pa kun dga' bos dge slong rnams la smras pa/ tshe dang ldan pa dag dran pa yang dag byang chub kyi yan lag dben pa la rten pa 'dod chags dang bral ba la rten pa 'gog pa la rten pa/ rnam par spong bas yongs su bsgyur ba ni/ bcom ldan 'das
120a6 nyid kyis mngon par shes pas/mngon par rdzogs par sangs rgyas nas bstan to tshe dang ldan pa dag chos rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms yang dag byang chub kyi yan lag dben pa la rten
120a7 pa/'dod chags dang bral ba la rten pa/ 'gog pa la rten pa/ rnam par spong bas yongs su bsgyur ba ni/ bcom ldan 'das nyid kyis mngon par shes pas/ mngon par rdzogs par sangs rgyas nas bstan to zhes/ tshe dang ldan pa kun dga' bos byang chub kyi yan lag
120b1 'di dag nyid las brtsams nas dge slong rnams la de lta bu dang 'thun pa'i chos bstan te/des na nyan thos dang dge ba'i rtsa ba 'brel pa gang yin pa de dag gis stan de dag nyid la 'khod bzhin du/ nyon mongs pa thams cad spangs te/ dgra bcom pa nyid mngon sum du byas
120b2 so//de nas bcom ldan 'das kyis tshe dang ldan pa kun dga' bo'i gtam gyi mjug rdzogs par thugs su chud nas bzhugs te/ skyil mo krung bcas nas sku drang por bsrangs te/ dran pa mngon du bzhag nas bzhugs te/ bcom ldan 'das kyis tshe dang ldan pa kun dga' bo
120b3 la bka' stsal pa/kun dga' bo khyod brtson 'grus ston tam/ gsol pa/ bcom ldan 'das brtson 'grus ston lags so/ /bka' stsal pa/ kun dga' bo khyod brtson 'grus ston tam/ gsol pa/ bde bar gshegs pa brtson 'grus ston lags so/ /bka'
120b4 stsal pa/kun dga' bo brtson 'grus ni/ bla na med pa yang dag par rdzogs pa'i byang chub tu 'gyur ro zhes bcom ldan 'das kyis byang chub kyi phyogs 'di dag nyid las brtsams nas/ de lta bu dang 'thun pa'i chos bstan te/ des na bcom ldan 'das dang dge ba'i rtsa ba
120b5 'brel pa gang yin pa de dag gis stan de dag nyid la 'khod bzhin du nyon mongs pa thams cad spangs nas/dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam
120b6 mkha' dang lag mthil 'dra ba'i sems dang ldan pa/tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti
120b7 la mi lta ba/dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas de'i tshe dge slong zhig gis tshigs su bcad de smras pa/ snyan pa'i chos ni gsan pa'i phyir/ /ston pa snyun bzhin nyid
121a1 kyis bskul//khyod la byang chub yan lag rnams/ /yod na dge slong khyod shod cig /gnas brtan kun dga' mkhas shing grags/ /byang bar gyur pas legs zhes gsol/ /dpa' bo khyod kyi gsung rab la/ /dkar ba'i chos rnams de dag
121a2 mnga'//dran dang rnam 'byed brtson 'grus dang / /dga' dang rab sbyangs ting 'dzin dang / /btang snyoms 'di dag rdul med pa/ /khyod kyi byang chub yan lag lags/ /byang chub yan lag bcud thos nas/ /byang chub yan lag bcud kyang rtogs/ /bcom ldan snyun tshabs che ba las/ /gnod pa de las
121a3 zhi bar gyur//dam chos rin chen 'di ston pa'i/ /chos kyi mnga' bdag de nyid kyang / /dam chos gsan par bzhed gyur na/ /gzhan lta ci ltar de mi nyan/ /stobs bcu mnga' bas nye rgyal ni/ /dge slong rnams kyi shes rab mchog /bstan pa gang yin de nyid kyang / /
121a4 chos mnyan 'dod pas gzir bar 'gyur/ /mdo sde 'dul ba ma mo 'dzin/ /mkhas shing tshul dang tshul min shes/ /de dag dam chos nyan byed na/ /gzhan lta ji ltar de mi nyan/ /mkhas pa shes 'dod sems bzhag nas/ /chos bzhin nyan par byed pa ni/ /sangs
121a5 rgyas gsung rab skyon med la//de bzhin dga' ba thob par 'gyur/ /yid dga' lus kyang shin tu sbyangs/ /bde ba yang ni myong bar 'gyur/ /bde bar gyur nas sems nyid kyis/ /ting 'dzin la yang reg par 'gyur/ /sems ni mnyam par gzhag pa yis/ /'du
121a6 byed yul gyi rnam par rig /srid pa'i 'gro las skyo bar 'gyur/ /chags med sems kyis grol bar 'gyur/ /rtag tu srid 'gro skyo gyur na/ /lha dang mi la chags pa med/ /bud shing med pa'i me bzhin du/ /dgra bcom rnams ni mya ngan 'da'/ /dam chos mnyan pa'i
121a7 phan yon ni//mang po gzhan yang rgyal bas bstan/ /de phyir 'di ni yod snyam du/ /ston pa'i bka' ni mnyan par bya/ /de nas dge slong rnams kyis sangs rgyas bcom ldan 'das la gsol pa/ btsun pa bcom ldan 'das ni legs par smras pa gsung ba dang / legs
121b1 par smras par bzhed pa lags te/legs par smras pa'i don gyi slad du/ bcom ldan 'das kyis tshe dang ldan pa kun dga' bo la bskul ba mdzad nas/ bkur sti dang ldan pas gsan kyang gsan/ bshad kyang bshad pa la gzigs/ bcom ldan 'das kyis bka'
121b2 stsal pa/dge slong dag de bzhin gshegs pa ni da ltar 'ba' zhig legs par smras pa gsung ba dang / legs par smras pa bzhed pa ma yin gyis/ de bzhin gshegs pa ni 'das pa'i dus na yang legs par smras pa gsung ba dang / legs par smras pa bzhed pa yin
121b3 te/legs par smras pa'i don gyi phyir/ ngas mchog tu dka' ba ji ltar spyad pa de nyon cig /dge slong dag sngon byung ba 'das pa'i dus na/ rgyal po'i pho brang bzhi ldan zhes bya ba na/ rgyal po shi bi zhes bya ba rgyal po byed de/ de'i ring la 'byor pa dang / rgyas pa dang /
121b4 bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba lang dang / ma he dang ldan par
121b5 'dug ste/gnod pa med cing tsher ma dkrugs la bu gcig pa sdug pa la bya ba bzhin du chos bzhin du rgyal srid byed do/ /rgyal po de yang byams pa'i rang bzhin can/ snying rje dang ldan pa/ sems can la byams pa'i sbyin pa la sred pa zhig ste/ de sbyin pa dag sbyin zhing bsod
121b6 nams dag byed pa la zhugs te/zas 'dod pa la ni zas sbyin par byed/ skom 'dod pa la ni skom sbyin par byed/ gos 'dod pa la ni gos sbyin par byed/ rgyan 'dod pa la ni rgyan sbyin par byed/ mal stan 'dod pa la ni mal stan sbyin par byed/ bzhon pa 'dod pa la
121b7 ni bzhon pa sbyin par byed/yo byad gzhan 'dod pa la ni yo byad gzhan sbyin par byed do/ /nad gso ba'i nad brang bcas te/ yo byad thams cad sbyar nas/ sman pa rnams dang / nad g.yog rnams bskos te/ nad pa rnams dang / mgon med pa rnams kyi rim gro byed do/ /
122a1 bza' ba dang bca' ba mang po dag kyang sta gon byas te/ nam mkha' la gnas pa dang / chu la gnas pa dang / thang la gnas pa'i srog chags rnams la sbyin par byed do/ /des yi dam 'di lta bu yang bcas te/ deng phyin cad bdag gis thams cad la
122a2 thams cad sbyin par bya ste/'jig rten dag dge ba bcu'i las kyi lam la dgod par bya'o zhes dam bcas nas/ des 'jig rten thams cad dge ba bcu'i las kyi lam la bkod do/ /der dge ba bcu'i las kyi lam yang dag par blangs pa'i phyir sems can phal cher shi
122a3 ba'i 'og tu lha'i nang du skyes nas/de dag gis lha'i gnas rnams gang bar gyur to/ /de nas lha'i dbang po brgya byin gyis bsams pa/ 'di ci zhig sgrub brgya byin du 'gyur ba sgrub bam/ 'on te tshangs par 'gyur ba sgrub zhig gu snyam mo/ /de nas des bltas na/ bla na
122a4 med pa yang dag par rdzogs pa'i byang chub sgrub cing 'dug go//de nas lha'i dbang po brgya byin gyis bsams pa/ ci 'di sems can brtan po yin nam/ 'on te sems can mi brtan pa yin pa bdag gis je brtags la/ gal te sems can brtan po yin na ni mchod par bya'o/ /
122a5 'di lta ste/ sems can brtan po ma yin na yang / 'di'i sems stobs bskyed par bya'o snyam nas/ lha'i dbang po brgya byin gyis/ bdag nyid srin po'i gzugs su mngon par sprul nas/ rgyal po shi bi'i khang bzangs kyi char khebs la 'dug ste/ tshigs su bcad
122a6 pa'i phyed smras pa/kye ma 'du byed rnams mi rtag /skye zhing 'jig pa'i chos can yin/ /zhes smras nas/ lha'i dbang po brgya byin mi ma yin pa'i cha lugs can cang mi zer bar 'dug go/ /de nas rgyal po shi bis lha'i dbang po brgya byin mi ma yin pa'i cha lugs can gyis tshig
122a7 de lta bu brjod pa thos so//thos nas kyang des bsams pa/ gcig tu na ni mya ngan las 'das pa'i rten cing 'brel bar 'byung ba'i sgo phye'o/ /gcig tu na ni yang dag par rdzogs pa'i byang chub kyi lam bstan to snyam mo/ /de nas rgyal po shi bis lha'i dbang po brgya byin mi ma
122b1 yin pa'i cha lugs can/khang bzangs kyi char khebs la 'dug pa mthong ngo / /mthong nas kyang skyen par langs nas/ bla gos phrag pa gcig tu gzar te/ lha'i dbang po brgya byin mi ma yin pa'i cha lugs can ga la ba de logs su thal mo sbyar ba btud nas/ smras pa/
122b2 grogs po tshigs su bcad pa de tshang bar smros shig dang / bdag gis slob ma bgyis te mnyan to/ /brgya byin gyis smras pa/ khyod kyis bdag gi slob ma byas pas ci la phan/ bdag ni bkres shing skom pas gzir te/ ci za gtol med par bla zhing 'dug go/ /byang
122b3 chub sems dpas smras pa/grogs po tshigs su bcad pa tshang bar smros shig dang / bdag gis khyod kha zas kyis tshim par bya'o/ /lha'i dbang po brgya byin mi ma yin pa'i cha lugs can gyis smras pa/ grogs po khyod kyis nga kha zas kyis tshim par byed nus sam/
122b4 nga'i kha zas dang skom ji lta bu yin pa de ni khyod kyis sbyin par dka'o/ /byang chub sems dpas smras pa/ khyod kyi zas skom ci yin/ des smras pa/ mi 'phral du bsad pa'i sha dron mo ni za/ khrag dron mo ni 'thung ngo / /de nas byang chub sems dpas bsams pa/ de lta
122b5 bu'i sha khrag ni gsod par ma byas kyi bar du mi rnyed la/bdag gis legs par smras pa'i don gyi phyir sems can gzhan su la yang gnod par byed mi phod do snyam nas smras pa/ gal te bdag gi sha khrag khyod za zhing 'thung phod na ni grogs po bdag gis sbyin nus ches kyis/
122b6 tshigs su bcad pa tshang bar smros shig dang / legs par smras pa'i don gyi phyir bdag gis khyod la rang gi sha khrag sbyin no/ /de nas lha'i dbang po brgya byin gyis tshigs su bcad pa tshang bar smras pa/ kye ma 'du byed rnams mi rtag /skye zhing 'jig pa'i chos can yin/ /
122b7 skyes nas 'gag par 'gyur ba ste/ /de dag nye bar zhi ba bde/ /de nas byang chub sems dpas tshigs su bcad pa tshang ba de gus par mnos nas/ yun ring po zhig tu/ kha ton du sbyangs nas bsams pa/ 'di ni mya ngan las 'das pa'i grong khyer gyi rten cing 'brel bar
123a1 'byung ba'i sgo yin no//'di ni mya ngan las 'das pa'i grong khyer gyi lam yin no/ /lam 'dis yang dag par rdzogs pa'i sangs rgyas thams cad nges par 'byung ngo snyam nas/ mtshon cha rnon po blangs te smras pa/ grogs po legs par smras pa'i
123a2 don gyi phyir yon bzhes shig ces byas nas/brang gi phyogs gcig nas sha bcad de/ lha'i dbang po brgya byin mi ma yin pa'i cha lugs can la byin te smras pa/ grogs po 'grangs sam/ des smras pa/ ma 'grangs so/ /de bzhin du brang gi phyogs ya gcig nas
123a3 sha bcad de byin no//de bzhin du dpung pa'i sha rnams dang / lus thams cad kyi sha bcad cing byin nas smras pa/ grogs po 'grangs sam/ des smras pa/ ma 'grangs so/ /de nas byang chub sems dpas bsams pa/ da ni lus ril gyis yongs su gtang ba'i dus kho
123a4 na la bab bo snyam nas/bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig
123a5 pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das su gyur cig ces byas nas/ tshigs su bcad de smras pa/ sbyin pa
123a6 chen por gyur pa 'di yis ni//srid pa dag tu rang byung sangs rgyas shog /sngon gyi rgyal dbang rnams kyis ma bsgral ba'i/ /skye bo phal chen brgal nas bsgral bar bgyi/ /de ltar bla na med pa yang dag par rdzogs pa'i byang chub tu smon lam btab nas/ smras pa/
123a7 grogs po bdag gis lus 'di ci ltar dga' bar gyis shig /de nas byang chub sems dpas sems bskyed ma thag tu sa rnam pa drug tu g.yos so/ /nam mkha' la 'khod pa'i lha rnams kyis kyang me tog gi char phab nas legs so zhes bya ba byin te/ grogs po legs so/ /
123b1 legs so khyod kyis mchog tu dka' ba'i las byas so zhes 'dzer to/ /de nas lha'i dbang po brgya byin gyis bsams pa/ byang chub sems dpa' 'dis mchog tu dka' ba byas te/ bdag gis 'di'i lus snga mkho bzhin du bsgyur bar ni nus mod kyis/ 'on kyang bdag
123b2 gis 'di nyid kyi spro ba tshod zin par bskyed dgos so snyam nas/byang chub sems dpa' la smras pa/ grogs po khyod bdag gis sha rnams gcod cing rgyus pa dang / rtsa brang breng rnams gse ba na/ sems mi dga' ba cung zad tsam skyes sam/ byang chub sems dpas smras pa/
123b3 grogs po bdag gi sha rnams gcod cing / rgyus pa dang rtsa brang breng rnams gse ba na/ sems mi dga' ba cung zad kyang ma skyes kyis/ bdag gis sdug bsngal myong ba na/ sems can dmyal ba dang / dud 'gro dang / yi dags su skyes pa'i sems can rnams 'ba' zhig
123b4 la/snying rje'i dbang du gyur to/ /lha'i dbang po brgya byin mi ma yin pa'i cha lugs can gyis smras pa/ grogs po khyod kyi tshig de la su zhig yid ches/ byang chub sems dpas smras pa/ bdag gis khyod la bden pa bskul ba de lta bus yid ches par bstan to/ /brgya byin
123b5 gyis smras pa/de ltar khyod kyis bden pa bskul bar chad na/ je khyod bdag gis lus 'di bden pa bskul bas snga mkho bzhin du gyur cig /de skad ces smras ma thag tu byang chub sems dpas smras pa/ bden pa dang bden pa'i tshig gang gis 'di ltar bdag gi sha rnams
123b6 gcod cing /rgyus pa dang rtsa brang breng rnams gse ba na/ sems cung zad tsam yang mi dga' ma skyes te/ bdag gis sdug bsngal myong ba na/ sems can dmyal ba dang / dud 'gro dang / yi dags su skyes pa'i sems can rnams 'ba' zhig la snying rje ba'i dbang du gyur na/
123b7 bden pa dang bden pa'i tshig de dag gis bdag gi lus snga mkho bzhin du gyur cig ces byas so/ /de skad ces brjod ma thag tu byang chub sems dpa'i lus snga mkho bzhin du gyur to/ /de nas de mthong ma thag tu lha'i dbang po brgya byin yi rangs te/ cha lugs mi snang bar
124a1 byas nas/rang bzhin gyi gzugs su bsgyur te/ byang chub sems dpa'i rkang pa la phyag 'tshal nas smras pa/ bdag gis khyod la gnod pa'i bsams pas mi dga' ba byas pa ni ma yin gyis/ khyod nyid kyi spro ba bskyed pa'i phyir bdag gis khyod mi
124a2 dga' bar byas par zad do//khyod kyi brtson 'grus 'di 'dra ba dang / spro ba 'di 'dra ba las na/ gdon mi za bar khyod yang dag par rdzogs pa'i byang chub mngon par rdzogs par 'tshang rgya bar 'gyur gyis/ de'i tshe bdag dran par mdzod cig /de nas lha'i dbang po brgya
124a3 byin gyis/byang chub sems dpa' la bzod pa gsol nas/ de nyid du mi snang bar gyur to/ /dge slong dag ji snyam du sems/ de'i tshe rgyal po shi bir gyur pa/ byang chub sems dpa'i spyod pa la gnas pa gang yin pa de ni nga nyid yin te/ de'i tshe yang nga legs par smra bas smra
124a4 ba dang /legs par smra bar 'dod par gyur na/ da ltar de bzhin gshegs par gyur pa na legs par smra bas smra ba dang / legs par smra bar 'dod par ci ste mi mdzad/ de ci'i phyir zhe na/ dge slong dag nga ni chos dang po byed pa yin pa'i phyir ro// //shi bi gnyis
124a5 pa ni/gtan tshigs dang / sngon gyi rgyu snga ma dang 'dra ba las/ lha'i dbang po brgya byin gyis byang chub sems dpa' la smras pa/ khyod kyis bdag gi slob ma byas pas ci la phan/ nga khyod la gnod pa zhig zer gyis/ gal te gnod pa de khyod kyis byed phod na ni/ de'i
124a6 'og tu tshigs su bcad pa de ngas khyod la brjod par bya'o//byang chub sems dpas smras pa/ grogs po tshigs su bcad pa de je brjod cig dang / khyod kyis bdag la gnod pa ci byed du bcug pa de dag thams cad bdag gis bgyi'o/ /grogs po tshigs su bcad pa de tshang bar
124a7 smros shig dang /de skad ces brjod ma thag tu lha'i dbang po brgya byin gyis byang chub sems dpa'i mdun du tshigs su bcad pa de tshang bar brjod do/ /de nas byang chub sems dpas bla gos phrag pa gcig tu gzar nas/ lha'i dbang po brgya byin mi ma yin pa'i cha lugs can ga la ba de
124b1 logs su thal mo sbyar ba btud nas/tshigs su bcad pa de tshang bar mnos te/ yun ring mo zhig tu kha ton sbyangs nas/ khab sor bzhi pa stong shing leb la btsugs pa de lta bu shing leb gnyis kyi bar du bdag nyid nyal te 'tshir bar byed do/ /de de na 'dug bzhin du bla na med
124b2 pa yang dag par rdzogs pa'i byang chub tu smon lam btab ste/kye ma dge ba'i rtsa ba 'dis na/ bdag 'jig rten long ba 'dren pa med pa/ ston pa med par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs
124b3 pa/'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas nas/ tshigs su bcad de smras pa/ sbyin pa chen por gyur pa 'di yis ni/ /srid pa dag tu rang byung sangs rgyas shog /
124b4 sngon gyi rgyal dbang rnams kyis ma bsgral ba'i/ /skye bo phal chen brgal nas bsgral bar bgyi/ /de nas yang shing leb kyi bar du btsir ma thag tu byang chub sems dpa'i lus thams cad la khrag 'bab par gyur nas/ sa rnam pa drug tu g.yos so/ /nam mkha' la 'khod pa'i lha
124b5 rnams kyis kyang me tog gi char phab nas legs so zhes bya ba byin no//lhag ma rnams ni shi bi'i gtam rgyud snga ma bzhin du bden pas bskul nas/ lus snga mkho bzhin du sor chud par gyur pa'i bar du brjod par bya'o// //kau shAM bI zhes bya ba ni/ sangs rgyas bcom
124b6 ldan 'das yul kau shAM bI na/khyim bdag gdangs can gyi kun dga' ra ba na bzhugs te/ de'i tshe kau shAM bI'i dge slong ma rungs pa mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba zhig gnas te/ de'i
124b7 dge slong grogs po mang po gzhan dag kyang yod la/de dag kyang ma rungs ba/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba sha stag go/ /yul yangs pa can gyi dge slong zhig kyang yul kau shAM bIr
125a1 'ongs te/de yang ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba zhig yin la/ de'i dge slong grogs po gzhan dag kyang yod la/ de dag kyang ma rungs pa/ mthu rtsal
125a2 che ba/mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba sha stag go/ /de nas de de dag dbyar gnas bcas nas/ nang khrims bcas te/ bdag cag gi nang nas gang gis chu ra stong pa ci yang med pa/ chu med pa mthong na de nyid
125a3 kyis dgang bar bya'o//yang na yo byad kyi zhal ta byed pa la sbran par bya'o/ /bdag gis kyang ma bkang yo byad kyi zhal ta byed pa la yang ma sbran na/ de bdag cag gis gzhi de las nyes pa 'chags su gzhug go zhes zer ro/ /de nas der dbyar gnas bcas pa rnams yang
125a4 dag pa'i gtam gtan la 'bebs pa na/tshig rtsub pos 'dres nas gcig la gcig glags 'ba' zhig lta zhing 'khod do/ /de'i tshe khyim bdag cig gis sangs rgyas la sogs pa dge slong gi dge 'dun khyim du bshos la spyan drangs nas/ bcom ldan 'das dge slong mang pos
125a5 zham ring byas te/khyim bdag de'i khyim du gshegs so/ /bcom ldan 'das gshegs nas/ yangs pa can gyi dge slong de chab khung sar song ste/ bkru bshal byas nas/ chu ra'i nang du chu nyung ngu zhig las ma lus par mthong nas bsams pa/ dge slong thams cad
125a6 dong zin pas/da ni su yang chab khung sar 'gro ba med kyis/ chu ra 'di rang gis dgang bar yang mi dgos/ yo byad kyi zhal ta byed pa la sbran yang mi dgos so snyam nas/ des chu nyung bzhin du bor te song ngo / /de song nas ring zhig lon pa'i 'og tu kau shAM bI'i dge slong de chab
125a7 khung sar 'gro bar chas pa las/des bltas na chu ra'i nang na chu nyung ngu zhig las med pa mthong nas/ des kyang sngar yangs pa can gyi dge slong des bkru bshal byas te song ba mthong nas/ des bsams pa/ dge slong 'di ni las rnam gnyis byed par 'gyur te/ yang na ni bdag nyid
125b1 kyis chu ra 'gengs par byed par 'gyur ro//yang na ni yo byad kyi zhal ta byed pa la sbron par byed do snyam nas de la sdod cing 'dug go/ /de nas de la lhan cig 'khod pa'i slob ma rnams kyis smras pa/ mkhan po dge slong thams cad ni dong lags na/ khyod 'di na ci la gzhes/
125b2 des smras pa/ bkru bshal bya bar 'dod de/ yangs pa can gyi dge slong des bkru bshal byas te song bas na/ de 'ongs te yang na ni kho bdag gis chu ra 'gengs par byed par 'gyur ro/ /yang na ni yo byad kyi zhal ta byed pa la sbron par 'gyur ro/ /de dag gis smras pa/ mkhan
125b3 po de 'khor dang bcas pa ni dong lags kyis/'dir ma gzhes shig /de nas des chu ra de dge slong rnams la bstan te/ khyod ltos shig chu 'di tsam gyis bkru bshal bya bar rung ngam/ de dag gis smras pa/ mkhan po khyod kyis 'di na chu med do zhes de nyi tshe zhig gsungs shig dang /
125b4 bdag cag gis khyod kyi rtsa 'jing dang / mthu dang grogs bgyi'o zhes byas nas dong ngo / /yangs pa can gyi dge slong de yang 'gyod pa skyes nas/ des lhan cig gnas pa'i slob ma rnams la smras pa/ kye bdag gis 'dir bkru bshal byas pa las/ chu ra'i nang na chu nyung shas cig
125b5 las ma lus bzhin du bor te 'ongs la/dge 'dun gyi nang khrims bcas pa ni yang na bdag nyid kyis dgang bar bya ba dang / yang na yo byad kyi zhal ta byed pa la sbran dgos pa yin na/ de bdag rang gis kyang ma bkang la/ yo byad kyi zhal ta byed pa la yang ma sbran na/ bdag 'dir 'ongs
125b6 pa'i 'og tu dge slong 'ga' zhig bkru bshal byed par mi 'gyur grang zhes byas so//de nas de dag gis smras pa/ mkhan po khyod kyis 'di skad du/ de'i nang na chu yod do zhes nyi tshe zhig gsungs shig dang / bdag gis khyod kyi rtsa 'jing dang / mthu dang grogs bgyi'o zhes byas nas dong ngo / /
125b7 de nas de dag khyim der zan zos nas phyir dong ngo / /de dag gi nang nas kau shAM bI pa rnams kyis bsams pa/ yangs pa can gyi dge slong des dge 'dun gyi nang khrims las 'gal bar byas kyis/ des nyes par byas pa'i phyir/ bdag cag gi nyes pa 'chags su gzhug go snyam ste/ gdan
126a1 bshams nas gaN+DI brdungs te/dge 'dun thams cad 'dus shing 'khod par gyur nas/ kau shAM bI'i dge slong des yangs pa can gyi dge slong de la gleng ba dang / des smras pa/ 'di'i nang na chu yod do/ /des smras pa/ chu de tsam gyis bkru bshal byar chog gam zhes byas
126a2 nas de dag gis de la yus med par bsnyon pa'i phyir dgar ba'i las byas so//de nas yangs pa can gyi dge slong de dag gis las de bshig ste/ gyes nas gso sbyong gi las logs shig tu byas so/ /de nas gzhi de las de dag 'thab pa dang / mtshang 'dru ba dang / 'gyed pa dang / rtsod
126a3 par gyur nas de dag 'thab cing mtshang brus la/bkye zhing rtsod nas 'khod do/ /de nas bcom ldan 'das kyis dgar bar bcad pa'i dge slong dang / dgar bar bcad pa'i rjes su 'brang ba dang / dgar bar bcad pa'i rjes su 'brang ba'i rjes su 'brang ba rnams bkug nas bka' stsal pa/ dge slong dag
126a4 khyed 'thab ste mtshang 'dru zhing 'gyed la rtsod par gyur pa bden nam/gsol pa/ bcom ldan 'das mad lags so/ /bka' stsal pa/ dge slong dag khyed 'thab ste/ mtshang 'dru zhing 'gyed la rtsod cing ma 'khod cig /dge slong dag khyod 'thab ste/ mtshang 'dru zhing 'gyed la rtsod par gyur cing
126a5 'khod na ni dge ba'i chos rnams 'grib par 'gyur gyis/'phel bar mi 'gyur bar rig par gyis shig /dge slong dag khyed mi 'thab ste/ mtshang mi 'dru zhing mi 'gyed la/ mi rtsod par 'khod na ni/ dge ba'i chos rnams 'phel ba 'ba' zhig tu 'gyur gyis 'grib par mi 'gyur bar rig par gyis shig /
126a6 dge slong dag gzhan yang dgar bar bcad pa'i dge slong gis ni 'di ltar bya dgos te/ dgar bar bcad pa'i dge slong ni ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba yin la/ dge slong grogs po mang po
126a7 gzhan dag kyang ma rungs pa mthu rtsal che ba/mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba g.yog 'khor mang ba yin na/ de dag gis bdag la 'dod pa ma yin pas gleng bar byed/ 'dod pa ma yin pas dran par byed kyis/ bdag gis kyang de dag gi nyes pa
126b1 gleng ba de chos bzhin du mnyan par mi bya'o//de dag gis kyang bdag mi snang bar dgar bar byed do/ /phyir bcos su med pa dang / phyir 'byung du med par sdig pa'i lta bas dgar bar byed de/ gzhi des na dge 'dun gyi 'thab mo dang / mtshang 'dru ba dang / 'gyed pa dang rtsod pa 'byung bar 'gyur
126b2 ro snyam du rig nas/gleng ba'i dge slong gi nyes pa chos bzhin du phyir bcos na ni legs/ de ltar phyir ma bcos na ni 'gal bar 'gyur ro/ /de nas bcom ldan 'das kyis dgar bar bcad pa'i dge slong dang / dgar bar bcad pa'i rjes su 'brang ba dang / dgar bar bcad pa'i rjes su
126b3 'brang ba'i rjes su 'brang ba rnams btang nas/dgar bar byed pa'i dge slong dang / dgar bar byed pa'i rjes su 'brang ba dang / dgar bar byed pa'i rjes su 'brang bar byed pa'i rjes su 'brang ba rnams bkug nas bka' stsal pa/ dge slong dag khyed 'thab ste/ mtshang 'dru zhing 'gyed
126b4 la rtsod par gyur pa bden nam/gsol pa bcom ldan 'das mad lags so/ /bka' stsal pa/ dge slong dag khyed 'thab ste/ mtshang 'dru zhing 'gyed la rtsod cing ma 'khod cig /dge slong dag khyed 'thab ste/ mtshang 'dru zhing 'gyed la rtsod cing 'khod na ni/ dge ba'i chos
126b5 rnams 'grib par 'gyur gyis 'phel bar mi 'gyur bar rig par gyis shig /dge slong dag khyed mi 'thab ste/ mtshang mi 'dru zhing mi 'gyed la/ mi rtsod par 'khod na ni/ dge ba'i chos rnams 'phel ba 'ba' zhig tu 'gyur gyis/ 'grib par mi 'gyur bar rig par gyis shig /dge slong
126b6 dag gzhan yang dgar bar byed pa'i dge slong gis 'di ltar bya dgos so//dgar bar byed pa'i dge slong ni ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba yin la/ dge slong grogs po mang po gzhan dag kyang ma
126b7 rungs pa/mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba yin te/ bdag gis de la 'dod pa ma yin pas gleng bar byas/ 'dod pa ma yin pas dran par byas nas/ des nyes pa de chos bzhin du mnyan par mi byed na/ de bdag gis
127a1 mi snang bar dgar bar byas te/phyir bcos su med pa dang / phyir 'byung du med par sdig pa'i lta bas dgar bar byas te/ gzhi des na dge 'dun gyi 'thab mo dang / mtshang 'dru ba dang 'gyed pa dang / rtsod pa 'byung bar 'gyur ro snyam du rig nas/ 'dod pa ma yin pas gleng bar ma byed cig /
127a2 'dod pa ma yin pas dran par ma byed cig /gal te 'dod pa ma yin pas gleng bar byed na 'gal bar 'gyur ro/ /de ltar de dag la bcom ldan 'das kyis bka' stsal kyang / de bzhin du 'thab cing mtshang 'dru la 'gyed cing rtsod de 'khod nas da dung yang gso sbyong byas par mi rtsi na/ skabs kyi gtam de dge slong
127a3 rnams kyis bcom ldan 'das la gsol to//de nas bcom ldan 'das kyis dgar bar bcad pa'i dge slong dang / dgar bar bcad pa'i rjes su 'brang ba dang / dgar bar bcad pa'i rjes su 'brang ba'i rjes su 'brang ba rnams bkug nas bka' stsal pa/ dge slong dag khyed 'thab ste/ mtshang 'dru zhing
127a4 'gyed la rtsod cing ma 'khod cig ces ngas bsgo yang /de bzhin du khyed 'thab ste/ mtshang 'dru zhing 'gyed la/ rtsod cing 'khod de da dung yang gso sbyong byas par mi rtsi ba bden nam/ gsol pa bcom ldan 'das mad lags so/ /dge slong dag khyed 'thab ste/ mtshang 'dru zhing 'gyed la rtsod par ma byed
127a5 cig dge slong dag khyed 'thab ste/mtshang 'dru zhing 'gyed la rtsod cing 'khod na ni/ gso sbyong byed dam skabs 'byed pa'i las byed dam/ gsol ba dang gnyis kyi las byed dam/ gsol ba dang bzhi'i las byed kyang rung ste/ las de dag 'jig par gyur te/ bzhag dgos pa yin no/ /
127a6 de ci'i phyir zhe na/ dge slong dag khyed ni de dag las tha dad par gnas par byed la de dag kyang khyed las tha dad par gnas par byed pa'i phyir ro/ /dge slong dag tha dad par gnas pa ni 'di gnyis yin te/ gang bdag nyid kyis bdag tha dad par gnas par 'dogs pa dang / gang dge 'dun
127a7 'thun pas tha dad par gnas par 'dogs pa'o//de la dge slong dag bdag gis bdag tha dad du gnas par 'dogs pa ci lta bu zhe na/ 'di ltar dge slong gis shes bzhin du chos bzhin gyi phyogs la chos bzhin ma yin pa'i phyogs yin par 'jog pa de lta bu ni/ bdag gis bdag tha dad par
127b1 gnas par 'dogs pa yin no//dge 'dun gyi chos bzhin du tha dad par 'dogs pa ci lta bu zhe na/ 'di ltar dge 'dun gyis dge slong mi snang bar dgar bar byas te/ phyir bcos su med pa dang / phyir 'byung du med par sdig pa'i lta bas dgar bar byed pa ste/ de lta bu ni dge 'dun gyi tha dad
127b2 par gnas par 'dogs pa yin no//dge slong dag lhan cig tu gnas pa ni 'di gnyis yin te/ gang bdag gis bdag lhan cig tu gnas par 'dogs pa dang / gang dge 'dun gyis chos bzhin du lhan cig tu gnas par 'dogs pa'o/ /de la bdag gis bdag la lhan cig tu
127b3 gnas par 'dogs pa ci lta bu zhe na/'di ltar dge slong gis shes bzhin du chos bzhin ma yin pa'i phyogs la chos bzhin gyi phyogs yin par 'jog pa ste/ de lta bu ni bdag gis bdag lhan cig tu gnas par 'dogs pa yin no/ /dge 'dun gyis chos bzhin du lhan cig tu
127b4 gnas par 'dogs pa ci lta bu zhe na/'di ltar dge 'dun gyis dge slong mi snang bar dgar bar bya ste/ phyir bcos su med pa dang / phyir 'byung du med par sdig pa'i lta bas dgar bar byed pa ste/ de lta bu ni dge 'dun gyis chos bzhin du lhan cig tu gnas par 'dogs pa'o/ /de nas bcom ldan
127b5 'das kyis dgar bar bcad pa'i dge slong dang /dgar bar bcad pa'i rjes su 'brang ba dang / dgar bar bcad pa'i rjes su 'brang ba'i rjes su 'brang ba rnams btang nas/ dgar bar byed pa'i dge slong dang / dgar bar byed pa'i rjes su 'brang ba dang / dgar bar byed pa'i rjes su 'brang ba'i rjes su 'brang ba
127b6 rnams bkug nas bka' stsal pa/dge slong dag khyed 'thab ste/ mtshang 'dru zhing 'gyed la rtsod cing ma 'khod cig ces ngas bsgo na yang / de bzhin du khyed 'thab ste/ mtshang 'dru zhing 'gyed la rtsod cing 'khod de da dung yang gso sbyong byas pa la gso sbyong byas par mi rtsi ba bden nam/ gsol pa/ bcom ldan
127b7 mad lags so zhes byas nas/de lta bu'i dge 'dun gyi chos bzhin du lhan cig tu gnas par 'dogs pa'o zhes bya ba'i bar du snga ma bzhin du sbyar ro/ /de ltar de dag la bcom ldan 'das kyis bka' stsal kyang de bzhin du 'thab cing mtshang 'dru la 'gyed cing rtsod de 'khod do/ /de nas khyim bdag cig
128a1 gis sangs rgyas la sogs pa dge slong gi dge 'dun khyim du bshos la spyan drangs nas/dge slong de dag der dong ngo / /de nas de dag bcom ldan 'das kyis yo byad kyi zhal ta byed pa la bshos 'dir drongs shig ces bka' stsal to/ /sangs rgyas bcom ldan 'das rnams ni rnam pa
128a2 lnga'i phyir/yo byad kyi zhal ta byed pa la bshos len du 'jug par mdzad de/ nang du yang dag par 'jog par bzhed pa dang / lha rnams la chos ston par bzhed pa dang / nad pa gzigs par bzhed pa dang / mal stan gzigs par bzhed pa dang / nyan thos rnams la bslab pa'i
128a3 gzhi bca' bar bzhed pa rnams kyi phyir ro//skabs 'dir ni bcom ldan 'das kyis 'dul ba la bslab pa'i gzhi bca' bar bzhed pa'i phyir ro/ /yo byad kyi zhal ta byed pa la bshos len du btang ngo / /de nas dge slong mang po khyim der dong ba rnams stan la 'khod nas 'thab ste/ mtshang
128a4 'dru zhing 'gyed la rtsod par gyur to//de dag 'thab ste mtshang 'dru zhing 'gyed la rtsod cing 'khod do/ /'tsham pa ma yin pa'i lus kyi las dang / 'tsham pa ma yin pa'i ngag gi las byed cing 'dug la/ ci tsam na rdeg par byed do/ /de nas bshos len du song bas bshos blangs
128a5 nas/bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /de nas bcom ldan 'das kyis bshos len pa'i dge slong de la bka' stsal pa/ dge slong ci dge slong gi dge 'dun kha zas
128a6 bzang pos tshim par gyur tam/gsol pa btsun pa de ni de lags te/ dge slong gi dge 'dun kha zas bzang pos ni tshim par gyur lags na/ btsun pa 'on kyang dge slong mang po khyim der mchis pa rnams 'thab ste/ mtshang 'dru zhing 'gyed la rtsod par gyur to/ /
128a7 de dag 'thab ste/ mtshang 'dru zhing 'gyed la rtsod cing 'khod de/ 'tsham pa ma lags pa'i lus kyi las dang / 'tsham pa ma lags pa'i ngag gi las bgyid cing 'khod la ci tsam na rdeg par yang bgyid do zhes gsol to/ /de nas bcom ldan 'das bshos gsol
128b1 nas/gtsug lag khang gi phyi rol du zhabs bkrus te/ nang du yang dag 'jog pa'i phyir gtsug lag khang gi nang du gshegs so/ /de nas bcom ldan 'das phye ma red nang du yang dag 'jog las bzhengs nas/ dge slong gi dge 'dun gyi gung la gdan
128b2 bshams pa la bzhugs so//gdan la bzhugs nas bcom ldan 'das kyis dge slong rnams la bka' stsal pa/ dge slong dag khyed khyim der dong ba rnams 'thab ste/ mtshang 'dru zhing 'gyed la rtsod par gyur nas khyed 'thab ste/ mtshang 'dru zhing 'gyed la
128b3 rtsod cing 'khod de/'tsham pa ma yin pa'i lus kyi las dang / 'tsham pa ma yin pa'i ngag gi las byed cing 'khod la/ ci tsam na rdeg par yang byed pa bden nam/ btsun pa mad lags so/ /de nas bcom ldan 'das kyis dge slong rnams la bka' stsal pa/ khyim
128b4 bdag der dong ba'i dge slong sde sder chad pa rnams la khrims su bya ba'i chos rnams ngas bca' bar bya ste/dge slong sde sder chad pa rnams kyis rtsod pa'i gcugs kyi gnas so cog spongs shig /dge slong tha mal par 'dug pa rnams kyis ni dge slong sde sder chad pa rnams dang / nyin
128b5 bar yang rung /mtshan mo yang rung / nang par yang rung / dro la yang rung ste/ gtsug lag khang gcig gam/ dgon pa'am/ grong 'dab gcig tu gnas par ma byed cig /lhan cig tu yang gnas par ma byed cig /lam gcig tu yang ma 'gro shig /lam du yang ma 'grogs shig /
128b6 brda yang ma byed cig /brda skad kyang ma byed cig /tha mal par gnas pas/ rtsod pa'i gcugs de khong du chud nas/ chos bzhin dang 'dul ba bzhin du zhi bar byed nus la/ ston pa'i bstan pa bsrung ba'i phyir/ 'thun par byed nus na ni zhi bar byed pa'i thabs dag cing /
128b7 'dul ba dang 'thun pa gcig gis rtsod pa'i gcugs de zhi bar byas pa zhes bya'o/ /las brgya tham pa las sdom gyi tshigs su bcad pa bcu pa rdzogs te las brgya tham pa rdzogs so// //
CLOSE WINDOW