CLOSE WINDOW

D3386
བོད་ཡིག

@##/ /rgya gar skad du/ shrI ma hA kA la sA d+ha naM/ bod skad du/ dpal mgon po nag po'i sgrub pa'i thabs/ dpal mgon po nag po la phyag 'tshal lo/ /de kho na bzhin du sngon du bstan pa'i cho gas stong pa nyid bsgoms la/ de'i rjes su sna tshogs pad+ma dang nyi ma la hUM nag po'o/ / de nyid yongs su gyur pa'i dpal mgon po nag po rje btsun zhal gcig phyag gnyis pa mdog nag po spyan gsum pa 'bar zhing che ba'i gri gug dang thod pa g.yas pa dang g.yon pa'i phyag na bsnams pa/ mgo'i phreng bas brgyan pa/ skra kham pa gyen du 'greng ba/ yan lag la do shal can mche ba gtsigs shing 'jigs par byed pa/sbrul gyis yan lag thams cad brgyan pa/ gzugs thung ba/ kha nas khrag 'dzag pa'i bdag nyid du skad cig gis rdzogs par byas la/ sngags bzlas par bya'o/ /de la sngags ni 'di yin te/ oM ma hA kA la hUM hUM phaT phaT swA hA/ dug dang khrag dang / sgog pa dang / yungs kar gyis nag po chen po la bdug spos byin la/ mon sran gre'u dang / 'bras bsres pa'i zan dang chang dang / me tog dang / bdug spos dang / byug pa dang / sha rnam pa lnga dang / bdud rtsi nag po chen po la gtor ma sngags 'dis sbyin par bya'o/ /'di lta ste/ oM ma hA kA lA yA/shA sa na u pa hA ri Ni/ e Sha a paSh+tsi ma kA lo/ a yaM i daM rat+na trA ya/ a pa kA ri NaM/ ya di pra tI dz+nyA sma ra si ta dA/ i daM duSh+TaM kha kha khA hi khA hi/ ma ra ma ra/ gr-ih+Na gr-ih+Na/ ban+d+ha ban+d+ha/ ha na ha na/ da ha da ha/ pa tsa pa tsa/ di na me ke na mA ra ya/ hUM hUM phaT phaT/ de la 'di'i nye bar spyod pa ni tsha ba gsum gyis bsgrub bya'i gzugs brnyan byas la/lus la tsher mas bkang la dug dang / ske tshes cho ga bzhin du byugs la/ me la gdung bar bya'o/ /gang gi ming nas gzung ba de de'i dus de nyid du mi snang zhing nyams par 'gyur ro/ /de bzhin du/ gang yang rtag tu slob dpon dang / dkon mchog gsum la gnod pa dang /sems can mang la 'tshe byed pa/ /nag po chen pos za bar 'gyur/ /de yi yan lag sha bcad cing / /khrag kyang rab tu 'thung bar 'gyur/ /de bzhin mgo steng gnas nas ni/ /til 'bru'i tshad tsam gcod par byed/ /ces bya ba la sogs pa rtogs par bya'o/ /dpal mgon po nag po'i sgrub thabs/