CLOSE WINDOW

D3374
བོད་ཡིག

/sgrub thabs la ni bzod par rigs/ /rgya nag po'i rim pa'i sgrol ma'i sgrub thabs slob dpon rtag pa'i rdo rjes mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus so//[ ]@##/ /rgya gar skad du/ badzra tA rA sA d+ha naM/ bod skad du/ rdo rje sgrol ma'i sgrub thabs/ bcom ldan 'das sgrol ma la phyag 'tshal lo/ /sbyin sreg las kyi cho ga yis/ /'dod pa'i don kun sgrub byed pa'i/ /rdo rje sgrol ma sgrub pa'i thabs/ /de nas yang dag bshad bya ba/ /de la sngags kyi tshig ni 'di yin te/ 'di lta ste/ na ma Ar+ya a ba lo ki te shwa rA ya/bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ oM tA re tut+tA re tu re ma ma kr-i te sarba duSh+TAM pra duSh+TAM dzam+b+ha ya/ stam+b+ha ya/ mo ha ya/ ban+d+ha ya/ hUM hUM hUM/ phaT phaT phaT/ sarba duSh+TAM staM b+ha ni tA re swA hA/ de la dang po re zhig rang gi snying gar zla ba la sa bon tAM bsam ste/ de'i 'od kyis bla ma dang / sangs rgyas dang /byang chub sems dpa' spyan drangs te/ mchod pa rnam pa sna tshogs kyis yang dag par mchod la/ sdig pa bshags pa la sogs pa bya zhing / gsum la skyabs su 'gro ba'i tshigs bcad brjod par bya'o/ /de nas tshangs pa'i gnas bzhi bsgoms la/ oM shU n+ya tA dz+nyA na badzra swa b+hA wa At+ma kou0f85haM zhes bya ba'i sngags brjod par bya'o//de nas paM las skyes pa'i pad+ma dang zla ba'i steng du yang tAM gi sa bon yang bsams te/ de yongs su gyur pa las/ ma mo'i dkyil 'khor dbus gnas pa'i/ /lha mo sgrol ma bsgom par bya/ /zhal bzhi ma la phyag brgyad ma/ /rgyan rnams kyis ni brgyan pa yi//gser gyi mdog can bsgom par bya/ /gzhon nu ma yi mtshan nyid 'bar/ /sna tshogs pad+ma'i gdan gnas pa'i/ /zla ba'i gdan la yang dag bzhugs/ /ser dang nag dang dkar dang dmar/ /g.yas skor du ni zhal bzhi'o/ /spyan gsum rdo rje skyil krung gnas/ /'od dmar sangs rgyas bzhi yi dbu rgyan can//rdo rje mda' dang dung dang mchog sbyin ni/ /g.yas kyi phyag na bsnams pa'o/ /ut+pal gzhu dang rdo rje lcags kyu zhags/ /sdigs mdzub g.yon pa'i phyag rnams 'chang ba'o/ /rdo rje skyil krung rnal 'byor gyis/ /sa gsum po yang bsgrub par bya/ /de'i mdun me tog sgrol ma ni//mdog ni dkar zhing yid 'ong ma/ /oM yig las ni yang dag rdzogs/ /me tog phreng ba phyag na bsnams/ /zhal gcig phyag ni gnyis pa ste/ /rgyan rnams kun gyis brgyan pa'o/ /lho phyogs bdug spos sgrol ma ni/ /gzugs mdzes mdog ni nag po ste/ / bdug spos snod ni phyag bsnams shing / /rgyan rnams kun gyis rnam par brgyan/ /nub phyogs mar me sgrol ma yang / /mdog ni ser zhing yid 'phrog ma/ /bzang mo mar me snod bsnams shing / /gser gyi rna cha rab tu g.yo/ /byang phyogs dri yi sgrol ma ni/ /dri yi dung chos phyag na bsnams//lha mo mdog ni dmar 'dra ba/ /snying po dkyil 'khor la bsgom bya/ /'di kun zhal gcig phyag gnyis pa/ /rgyan rnams kyis ni rnam par brgyan/ /rdo rje skyil mo krung gis so/ /lha mo drug po 'di kun ni/ /cung zad zhal ni gtsigs pa ste/ /'gying bag bcas pas yang dag gnas//'di dag dkyil 'khor gyi 'khor lo/ /bsams la shar sgor bsam pa ni/ /rdo rje lcags kyu 'od 'bar ma/ /phyag na rdo rje lcags kyus mtshan/ /yid 'ong ma yi bdag nyid do/ /lho sgor rdo rje zhags pa ma/ /nag cing shin tu 'dod la dga'/ /bzang po rgyan gyis brgyan pa'i lus/ /rdo rje zhags pa 'chang ba'i mchog /rdo rje lcags sgrog mdog ser ma/ /rdo rje lcags sgrog phyag bsnams shing / /sna tshogs rgyan gyis brgyan pa ni/ /nub kyi sgo ru bsam par bya/ /byang sgor rdo rje dril bu ma/ /rdo rje dril bu rab bsnams pa'i/ /mdog dmar bzang po yi ni gzugs/ /dge zhing rtag par blta bar bya//steng du gtsug tor rnam rgyal ma/ /gzugs bzang mdog ni ser ba ste/ /byang chub 'bras bu sbyin byed bsam/ /de nas sngags pas 'khor lo 'chang / /snying po dkyil 'khor 'og tu ni/ /dge zhing 'od 'bar ba yi gzugs/ /klu yi zhags pa phyag na bsnams/ /zhal gcig phyag ni gnyis pa ste//thams cad mkhyen pa yid 'ong ma/ /mdog nag rnam par bsgom par bya/ /yi ge bcu po 'di yis ni/ /lha mo bcu ni rnam par sprul/ /pha rol phyin bcu dag pa ste/ /chos kun rab tu 'grub par byed/ /de la yi ge bcu pa ni/ /oM tA re tut+tA re tu re swA hA/ rang gi snying ga'i sa bon gyi 'od kyis ye shes kyi 'khor lo spyan drangs te/dzaHhUM baM hoHzhes bya ba'i sngags kyis dgug pa la sogs pa bya'o/ /de bzhin du sku gsung thugs byin gyis brlab pa dang / dbang bskur ba dang / thig le dang / phra mo dang / bzlas pa la sogs pa bsgom par bya'o/ /sangs rgyas kun gyis phyag byas pa//sngags mchog 'di ni gtso bo ste/ /bzang po brjod pas grub 'gyur ba/ /rdo rje gur las gsungs pa'o/ /'dir sngags 'di nye bar spyod pa ni/ sngags 'dis gos kyi thu ba nas bzung ste lan bdun bsngags la mdud pa byas te/ 'jigs pa dang bcas pa'i sa gang du 'gro ba yang 'jigs par mi 'gyur ro//stag dang / rkun ma dang / chu srin dang / seng ge dang / sbrul dang / glang po dang / ma he dang / dred dang / rta la sogs pas kyang gnod par mi byed do/ /de bzhin du sngags 'dis ut+pa la brgya rtsa brgyad sbyin sreg byas na gang 'dod pa de dbang du 'gyur ro/ /oM tA re tut+tA re tu re a mu ki me ba sha ma nA ya swA hA/de bzhin du sngags 'dis khwa'i sgro la lan sum cu rtsa gnyis bsngags la/ dgra bo'i khang par sbas na/ zhag bdun gyis skrod par 'gyur ro/ /oM tA re tut+tA re tu re tsa la pra tsa la shI g+h+raM gA mi ni de ba dat+taM uts+tsha Ta ya hUM phaT ces bya ba ni bskrad pa'i cho ga'o/ /de bzhin du sbyor ba gzhan yang oM tA re tut+tA re tu re a mu ka a b+hI b+hA nAM/ku mA ri ma h+ya mud bA he na/ ta s+yaHpi ta pra yats+tsha tu swA hA/ myos byed gtum pa'i sa bon dang / /de bzhin smyo byed 'bras bu dang / /mya ngan med pa'i me tog 'dab/ /stong phrag lnga ni sbyin sreg bya/ /mar dang sbrang rtsi bu ram gyis/ /sbyin sreg bu mo 'grub la bsngags//de nas zhag bdun sbyor ba yis/ /rang 'dod bu mo thob par 'gyur/ /de nas sbyor ba gzhan la yang / /oM tA re tut+tA re tu re a mu kA b+hI d+hA nAM/ swAs+thA na ta A kaR+Sha ya ma mA na ti ke dzaHzhes bya ba'i sngags 'dis rgya shug gi tsher ma stong phrag lnga rang byung gi me tog la bsngags shing sbyin sreg byas na 'dis ni rgyal po'i bu mo yang 'gugs par byed do//de nas gzhan yang sbyor ba ni 'di yin te/ rang byung gi me tog gis bskus pa'i ras la/ bcom ldan 'das zhal gcig phyag gnyis ma/ lcags kyu dang / ut+pa la'i zhags pa phyag na bsnams pa bris la/ de'i mdun du lha rdzas me tog bzang po 'di//zhes bya ba la sogs pas mchod pa byas la/ bsgom pa dang ldan pas bzlas pa bya'o/ /oM tA re tut+tA re tu re a mu ka ma me pa tsita swa p+naM ka thA ya hUM phaT/ stong phrag lnga bzlas pas 'ong bar 'gyur ro/ /zhags pas ske nas bcings te lcags kyus bu ga la rkang pa gnyis nas ut+pal yis bcings te/bsgrub bya mdun du bkug ste/ rkang pa'i 'og tu bsams la bran mo'i gzugs kyis longs spyad par bya/ de nas sbyor ba gzhan yang sgrol ma'i gzungs kyis lan bdun bsngags pa ste/ bdag nyid kyi mig gnyis byugs la rgyal po'i rigs kyi nang du zhugs na/rgyal po dang bcas pas bla mar byed cing gcig tu dbang du byed par 'gyur ro/ /de nas gzhan yang sbyor ba ni sgrol ma'i gzungs brgya rtsa brgyad brjod la/ sbrul gyi rgyal po mgo bo gnyis pa'i mgo thal bar bya ste/ ba dmar mo'i mar la arga'i spra ba la sdong bu byas te/me spar la dud pa bsags par bya'o/ /dud pa de dang rdo rje nyi ma dang / rdo rje chos gnyis dang bsres shing mnyes la rta mchog gis bdug par bya'o/ /de nas thal ba dang lhan cig tu mig la bskus na gang rdo rje mig gis bltas pa de/ pad+ma gar dbang 'dzag par 'gyur ro/ /de ltar ma gyur na bdag nyid sgrol mas bcom ldan 'das nges par bgrongs pa yin no//de nas sbyor ba gzhan yang lto ba'i srin bu la gzungs kyis lan bdun bsngags pa/ rdo rje chos dang lhan cig tu byas la/ so rtsi dang sbyar la sbyin no/ /de longs spyod na sbyor ba'i mchog 'dis rang gi chung ma bzhin du gtong bar mi 'gyur ro//de nas sbyor ba gzhan yang 'di yin te/ so ma skyes pa'i bu chung gi lce blangs la sgrol ma'i gzungs kyis lan bdun bsngags la b+h+r-ing+ga rA dza dang / gi'u wang dang gcig tu byas te dpral bar thig le byas te gang la bltas pa de dbang du 'gyur ro/ /sbyor ba gzhan zhag chen pos rang gi lus la byugs te bsgom pa dang ldan pas sgrol ma'i gzungs khri tsho gcig bzlas pa bya'o//bzlas pa'i mthar 'bras sA lu'i zan gyis dril phyis byas la dril phyis de bsdus te gang la byin pa ji srid 'tsho'i bar dbang du 'gyur ro/ /sbyor ba gzhan yang zla ba gzas zin pa'i dus su sgrol ma'i gzungs bzlas shing sngon du bsnyen pa byas na/de las byung ba'i spyan ras gzigs kyi dbang phyug tu dung gi phye ma sbyor bar bya'o/ /de gang la byin pa de ji srid 'tsho'i bar du rjes su 'jug par 'gyur ro/ /sbyor ba gzhan yang sgrol ma'i gzungs smyo byed kyi 'bras bu la lan brgya rtsa brgyad bsngags te 'bras bu de dang /rta mgrin dang lhan cig tu gang la byugs pa de dbang du 'gyur ro/ /sbyor ba gzhan ni/ oM tA re tut+tA re tu re a mu ka s+ya ban+d+ha na muk+tiM ku ru swAhA/ sngags 'dis arka'i 'dab ma la bsgrub bya'i ming bar du bcug ste bris la/ srin bu ka ka ru'i khung bur bcug ste sbas na/ bcings pa las grol bar 'gyur ro/