CLOSE WINDOW

D3371
བོད་ཡིག

/[ ]@##/ /rgya gar skad du/ tre+e lokya ba shaM ka ra lo ke shwa ra sA d+ha naM/ bod skad du/ khams gsum dbang du byed pa'i spyan ras gzigs dbang phyug gi sgrub pa'i thabs/ 'phags pa spyan ras gzigs dbang phyug la phyag 'tshal lo/ /dang po re zhig yid dang mthun pa'i gnas su rnal 'byor pas thang sku bkram ste/de'i mdun du dbang chen gyi dkyil 'khor kyi dbus su gur gum gyis zla ba'i dkyil 'khor zlum po sngags 'dis bya'o/ /oM badzra re khe hUMHdzaHhUM baM hoH/ zhes bya ba'i sngags 'dis phab la dkyil 'khor gyi dbus su khams gsum dbang du byed pa'i rje btsun spyan ras gzigs sngags 'dis mchod par bya'o//oM trai lokya ba shaM ka ra ya badzra puSh+pe hUM pra tIts+tsha swA hA/ oM mu ne badzra muH'di ni bsdu ba'i sngags so/ /phyis ni rang gi snying gar AM yig bsam par bya ste/ de yongs su gyur pa las nyi ma'i dkyil 'khor rdzogs par bya'o/ / de'i steng du nus pa'i sa bon nyi ma shar ba lta bu'i 'od bltas la/ de'i 'od zer gyis 'od dpag med pa mchod nas/ sdig pa bshags pa la sogs pa byas te/ yang rang gi lus la gzhug go/ /de thams cad yongs su gyur pa las skad cig gis pad+ma'i steng du rdo rje skyil mo krung gis gnas pa phye ba'i spyan gsum pa ral pa'i dbu rgyan 'chang ba/mdog dmar ba rdo rjes mtshan pa'i zhags pa dang / lcags kyu phyag na'o/ /sa gsum gyi rang bzhin lug gnyis zhags pas bcings pa/ de'i steng du bzhugs pa sna tshogs pa'i sprul pa 'chang zhing rdo rje rnal 'byor ma rnams kyis dbang bskur ba rab tu sbyin pa/de bzhin du byang chub sems dpa' rgyan sna tshogs dang ldan pas mchod par byed pa/ rig pa 'dzin pa dang / khyab 'jug dang / bde byed dang / tshangs pa dang / sna tshogs pa'i rnal 'byor ma'i tshogs kyis gar dang brdung dkrol la sogs pa byed pa sna tshogs kyi 'byung po'i tshogs la sogs pas/sna tshogs kyi mi mgo dang keng rus la sogs pas brgyan pa de bzhin du sna tshogs kyi gdugs dang / rnga yab la sogs pa blta bar bya'o/ /de lta bu'i dus su de bzhin gshegs pa 'od dpag med pa spyi bor blta bar bya ste/ 'di lta bu'i bdag nyid bsam par bya'o//phyis ni lte ba'i steng du nyi ma'i dkyil 'khor gyi 'od kyi rang bzhin bsams la/ de'i steng du g.yon phyogs su nus pa'i sa bon snying gar khro bo'i sa bon dbyangs yig as brgyan pa zhes bya ba ni bsgom pa'i sngags so/ /'di thams cad bsams nas rdo rje'i bdag nyid kyi sngags brjod par byas la/de'i bdag nyid du bsam par bya'o/ /oM shU n+ya tA dz+nyA na badzra swa b+hA wa At+ma kou0f85haM/ rdo rje'i bdag nyid kyi sngags so/ /'di la yang goms pa'i sbyor bas 'dar ba dang / g.yo bas dbab par byas la/ gnyis su med pa'i ye shes skye bar 'gyur ro/ / 'di lta bu'i rnal 'byor pa ni glang po che smyon pa ltar myos byed kyi chu yis myos pa bzhin du rigs lnga la longs spyod do/ /gal te rigs lnga la mi spyod pa de'i tshe de'i lus la 'dar ba dang g.yo ba la sogs pa 'bab pa dang / gnyis su med pa'i ye shes mi gnas so/ /de ltar rtogs par byas nas rigs lnga la longs spyod de des ni 'grub par 'gyur ro//grub par gyur nas gzhan gyi lus la yang g.yo ba dang 'dar bas dbab par byas la 'dod chags dang / zhe sdang la sogs pa dgag par mi bya'o/ /de ltar grub pa'i dngul chus phug pa'i zangs ma'i nag po spangs pa bzhin du lus po nyid gnyis med kyi ro yis phug na 'dod chags dang /zhe sdang la sogs pa spong bar 'gyur ro/ /hrIHhUM aHbzlas pa'i sngags so/ /oM hrIHaHha ri ti ya k+She shwa ri swA hA/ 'phrog ma'i sngags so/ /oM aM kraM hrIM sa ka la ga Na nI de bI rI shwa ri NIM pa ri ka re a a a ba ta ra a ba ta ra a ba ta ran+tu da sha di ga lo ka pA la i daM ba liM gr-ih+Na gr-ih+Na hUM phaT swA hA/gtor ma'i sngags so/ /khams gsum dbang du byed pa'i spyan ras gzigs dbang phyug gi sgrub thabs slob dpon sa ra has mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur ba'o// //