CLOSE WINDOW

D3368
བོད་ཡིག

phyi nas bsgom pa dang ldan pas sngags kyi bzlas pa bya'o/ /oM ku ru kul+le swA hA/ rigs byed ma'i sgrub thabs rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur ba'o//[ #]@##/ /rgya gar skad du/ kal pok+tam ku ru kul+la sA d+ha naM/bod skad du/ rtog pa las gsungs pa'i lha mo rigs byed ma'i sgrub pa'i thabs/ 'phags ma rigs byed ma la phyag 'tshal lo/ /gang zhig dran pa tsam gyis ni/ /lha dang lha min mir bcas pa/ /nges par ci bgyi byed pa yi/ /sgrol ma de la phyag 'tshal nas/ /dang po re zhig sngags pas yid dang rjes su mthun pa'i gnas su/bud med kyi skye bo dang tshogs pa la sogs pas dben par nang par stan bde ba la 'dug ste/ rang gi snying gar dbyangs yig dang po yongs su gyur pa'i zla ba'i dkyil 'khor gyi steng du 'od zer dang bcas pa'i yi ge hrIHsa bon las byung ba'i 'od zer dmar po'i tshogs kyis 'gro ba gsal bar byas pa'i sngon du 'gro ba'i rigs byed ma'i ri la gnas pa'i rigs byed ma/bcom ldan 'das ma bskul nas spyan drangs nas mdun gyi nam mkha' la yang dag par bltas te/ snying ga'i sa bon las sprul pa'i me tog dang spos la sogs pa'i mchod pa sna tshogs kyis mchod par bya'o//de'i rjes la phyag btsal ba dang / sdig pa bshags pa dang / bsod nams la rjes su yi rang ba dang / bsngo ba dang / gsum la skyabs su 'gro ba dang / byang chub tu sems bskyed pa sngon du 'gro bas/ dkon mchog gsum la skyabs su mchi/ /sdig pa thams cad so sor bshags//'gro ba'i bsod nams rjes yi rang / /sangs rgyas byang chub yid kyis gzung / /zhes lan gsum gyi bar du brjod do/ /de nas tshangs pa'i gnas bzhi bsgom pa sngon du 'gro bas chos thams cad stong pa nyid rnam par bsgom par bya'o/ /de nas byin gyis brlab pa'i sngags brjod par bya'o//oM shU n+ya tA dz+nyA na badzra swa b+hA wa At+ma kou0f85haM zhes so/ /de nas 'gro ba sdug bsngal mtha' dag snying rje bsgoms la/ rang gi sems sa bon gyi gzugs su bltas te/ de yongs su gyur pa las ut+pa la dmar po'i steng du dbyangs yig dang po yongs su gyur p a'i zla ba la gnas pa'i sa bon gyi 'od zer rnams kyis sngon bzhin du 'gro ba snang bar bya ste/de bzhin gshegs pa bye ba dpag tu med pa rnams bskul te/ spyan drangs la bstim par bya ste/ de la ut+pal la sogs pa yongs su gyur pa las sku mdog dmar po pad+ma dmar po dang zla ba'i dkyil 'khor la bzhugs pa/na bza' dmar pos stod g.yogs byas pa/ 'od zer dmar po dang ldan pa/ rin po che'i rna rgyan dang ldan pa/ dbu rgyan dang ldan pa/ phyag bzhi pa/ g.yas pas mi 'jigs pa sbyin pa/ gnyis pa mda' 'gengs pa/ g.yon pas rin po che'i gzhu 'dzin pa/ gnyis pas ut+pal dmar po 'dzin pa/ 'od dpag med pa'i dbu rgyan can/ rigs byed ma'i ri phug na gnas pa'i sgra gcan gyi mgo bo la gnas pa'i chung ma dang bcas pa'i 'dod pa'i lha'i steng na gnas pa/ sgeg pa la sogs pa'i nyams 'phel ba'i dbang dang ldan pa/ dang po'i lang tsho dang ldan pa'i rigs byed mar bsgom par bya'o//de ltar dam tshig sems dpa' bskyed nas slar yang skad cig tsam gyis ye shes sems dpa' mdun du bkug la yang dag par mchod de/ dam tshig gi phyag rgyas zhal nas gzhug par bya'o/ /de la dam tshig gi phyag rgya ni 'di yin te/ thal mo sbyar la gung mo gnyis rtse mor byas la srin lag gnyis nang du gzhug /mdzub mo gnyis gung mo'i rgyab tu sbyar la/ mtheb chen gnyis 'og tu byas pa de lta bu'i rnam pa'i ut+pa la'i phyag rgya'o/ /de'i rjes su/ byang chub rdo rjes sangs rgyas la/ /mchod chen ji ltar cher byin pa/ /bdag la bsrung ba'i don gyi phyir//nam mkha' rdo rje bdag la stsol / /zhes gsol ba btab la/ dbang bskur rdo rje chen po ni/ /khams gsum kun gyis phyag byas pa/ /sangs rgyas kun gyi gsang gsum gyi / /gnas las byung ba sbyin par bya/ /'di ltar brjod pa rnams kyis sangs rgyas kyi bkas spyan ma la sogs pas dbang bskur bas/dbu rgyan du snang ba mtha' yas bsam par bya'o/ /de ltar bsgoms la bzlas pa byas te/ skyen par ma yin/ bul bar ma yin/ mi gsal bar ma yin/ phyi mo dman par ma yin/ yang dag pa ma yin pa'i rtog pa spangs te/ oM ku ru kul+le hrIHhUM swA hA/ de ltar thun mtshams gsum gyi rim pas/khur ba dang / sha ka ra la sogs pa'i gtor ma sbyin pa sngon du 'gro bas/ gus pas yun ring por bsam pa brtan pos zla ba drug tu bsgom par byas na grub pa'i mtshan ma 'byung bar 'gyur ro/ /de nas zla ba dang po la nad la sogs pa'i gnod pa brgya nye bar 'ong bar 'gyur ro//gnyis pa la ston mo yid du 'ong ba ma bslangs par rnyed par 'gyur ro/ /gsum pa la gos sna tshogs rnyed pa dang / bzhi pa la sna tshogs kyi so rtsi rgyun mi 'chad par rnyed par 'gyur ba dang / lnga pa la rnam pa sna tshogs pa'i gzugs la sogs pa'i yon tan gyis brgyan pa'i bud med kyi tshogs dang phrad pa rnyed par 'gyur ro// drug pa la lha dang klu dang dri za la sogs pa bud med mdzes ma dang phrad par 'gyur ro/ /phal cher bcom ldan 'das ma bsgoms na bud med rnams kyis 'tsho bar byed do/ /de la bdud kyi las 'di rnams spangs te/ bcom ldan 'das ma sgom par byed pa la dngos su 'am/rmi lam du ston par 'gyur te/ ral gri dang / mig sman dang / rkang pa byug pa dang / mi snang ba dang / ril bu dang / dngul chu dang / bcud kyis len pa dang / mkha' spyod dang / sa 'og la sogs pa'i dngos grub la sogs pa 'dod pa rnams grub par byed do/ /gal te bstan par ma gyur na sngar brjod pa'i phyag rgya bcing ste /mchod pa dang / gtor ma sngon du 'gro bas/ zla ba drug gi bar du nya'i nub mo thog thag tu bzlas pa bya'o/ /de nas phyag rgya 'bar te 'grub par 'gyur ro/ /phyag rgya des tshangs pa dang / dbang po dang / nye ba'i dbang po dang / drag po dang / sred med kyi bu la sogs pa bkug nas 'ongs te/ pho nyar gyur nas sgrub pa po'i 'dod pa rdzogs par byed do/ /de nas bzung ste skye ba dang / rgas pa dang / na ba dang / 'chi ba dang bral te 'jig rten gyi khams gzhan du song nas de bzhin gshegs pa rnams mthong ste/ sa dang gzungs la sogs pa thob par 'gyur ro//'phags ma sgrol ma'i rtog pa'i rim pa/ ku ru ku l+le'i sgrub thabs slob dpon 'phags pa klu sgrub kyis mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur ba'o// //