33b5 tsun+da'i sgrub pa'i thabs rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus pa'o//[ ]@##/ /rgya gar skad du/ shrI dzaM b+ha la s+ya saMk+Ship+ta sA d+ha naM/ bod skad du/ dpal gnod gnas kyi mdor bsdus pa'i sgrub pa'i thabs/ dpal
33b6 gnod gnas la phyag 'tshal lo//sngar bstan pa'i cho gas snying gar zla ba'i dkyil 'khor gyi dbus su dpal gnod gnas gsum pa'i sa bon ni mdog ser ba stong pa'i lhas mnan pa zla ba phyed pas rnam par brgyan pa/ de nyid las rdzogs pa'i dpal gnod gnas kha dog ser po phyag gnyis
33b7 pa/g.yas pa'i phyag na bI dza pU ra ka /g.yon pa'i phyag na rin po che'i char rab tu 'bebs bzhin pa'i ne'u le 'dzin pa sangs rgyas lnga'i cod pan can zhabs gnyis kyis dung gi tshogs dang / pad+ma'i tshogs kyi gter chen po mnan pa/ ut+pal sngon po'i phreng ba 'dzin pa/ rgyan
34a1 thams cad kyis brgyan pa/dzaM b+ha la'i gzugs su bdag nyid bsgom par bya'o/ /rang gi khyim du yang rin po che sna tshogs la sogs pa'i char rab tu 'bab par 'gyur bar bdag nyid bsam par bya'o/ /de nas phyag rgya bcing bar bya ste/ lag pa gnyis khu tshur bcings
34a2 te gung mo dag ni dbu ma'i tshigs gsum pa bkug pa ni dzaM b+ha la'i phyag rgya zhes bya'o//oM dzaM b+ha la dza len drA ye swA hA/ sngags 'di nyid kyis rje btsun la chu gtor ba brgya rtsa brgyad dbul bar bya'o/ /phyi nas mchod pa bya ste sngags bzla bar bya'o/ /de nas dngos grub ni sbyin pa chen por 'gyur te the
tshom med do/