CLOSE WINDOW

D3345
བོད་ཡིག

/paN+Di ta don yod rdo rje dang / khams pa lo tsA ba dge slong ba ris bsgyur ba'o//[ ]@##/ /rgya gar skad du/ o DI yA na kra mA rI ts+yai sA d+ha naM/ bod skad du/ u D+yan gyi rim pa'i 'od zer can gyi sgrub pa'i thabs/ 'phags ma 'od zer can la phyag 'tshal lo//dang por snying gar nyi ma'i gdan la hUM ngo / /de'i 'od zer gyis bcom ldan 'das ma bkug ste/ sna tshogs pa'i mchod pas yang dag par mchod la/ sdig pa bshags pa la sogs pa byas nas/ stong pa nyid bsgoms pa'i rjes su sna tshogs rdo rje'i rnam pa sems kyis bsams la/de yongs su gyur pa las rdo rje'i sa gzhi dang / rdo rje'i ra ba la sogs pa bsams la/ de'i dbus su dpal u D+yan gyi gnas gru gsum dkar zhing dmar ba'o/ /de'i dbus su nyi ma la gnas pa'i rdo rje rtse lnga pa hUM gis de'i lte ba mtshan pa'o/ /de yongs su gyur pa las byang chub sems kyi ngo bo nyid 'jig pa'i dus chen po'i me lta bu gyen du rnam par 'phro ba/zil gyis mi non pa'o/ /ha ha zhes dgod cing bdud rnam bzhi g.yon brkyang ba'i zhabs kyis mnan pa/ phyag bcu gnyis pa/ zhal drug pa/ spyan gsum pa/ mdog dmar po/ dang po g.yas kyi phyag drug rnams su ral gri dang /sna tshogs rdo rje dang / rdo rje rtse gcig pa dang / dgra sta dang / mda' dang / gtun shing bsnams pa'o/ /g.yon gyi phyag rnams su sdigs mdzub dang bcas pa'i khab dang / rtse gsum dang / mya ngan med pa'i yal ga dang / gzhu dang / zhags pa dang / tshangs pa'i mgo bo rnams so//mi mgo'i phreng ba 'phyang ba/ lus kyi yan lag dang / nying lag thams cad mdzes pa'o/ /stag gi pags pa'i stod g.yogs kyi gos can/ rtsa ba'i zhal ni dmar ba'o/ /dkar po dang / nag po g.yon pa'i zhal gnyis so/ /ser po dang nag po ni g.yas kyi zhal gnyis so//steng gi phag gi zhal ni nag po'o/ /ljags 'dril ba/ skra kham pa gyen du 'bar ba/ rnam par snang mdzad kyi dbu rgyan can/ sbrul dang rus pa'i rgyan gyis brgyan pa/ gnyug ma'i 'od zer gyis rnam pa thams cad kyi bdud 'joms par byed ma/ phyogs bcur 'bros bzhin pa'i mkha' 'gro ma dang /'byung po dang / ro langs pheM pheM gyi rnam pa dang / ha ha'i 'jigs pa'i sgra sgrogs pas yongs su bskor ba'i dur khrod brgyad kyis brgyan pa/ dpal u D+yan gyi 'od zer can gyi bdag nyid du skad cig gis bskyed la/ mgo bo dang / mgrin pa dang / snying ga rnams su oM AHhUM ngo //yan lag thams cad la phaT kyi rnam pa bsam par bya'o/ /de nas lte ba'i steng du sna tshogs pa'i pad+ma la zla ba nyi ma kha sbyor gyi dbus su hUM gi rnam pa pad snod kyi rang bzhin sna tshogs kyi mdog can gyi yi ge bsam par bya'o/ /oM badzra d+hA twI shwa ri sarba duSh+Tan ha na ha na/da ha da ha/ pa tsa pa tsa/ oM mA rI ts+yai mAM hUM hUM phaT phaT swA hA/ snying po'i sngags so/ /oM AHhUM/ bsgom pa'i sngags so/ /oM badzra be tA lI hUM phaT/ bzlas pa'i sngags so/ /oM mA rI ts+yai aM maM hUM hUM phaT bzlas pa'i sngags gnyis pa'o/ /de nas thun mtshams bzhir gtor ma'i sngags ni/oM Aral+li ho/ dzaHhUM baM hoHoM badzra DA ki nI sa ma ya s+t+waM dr-i sh+ya ho/ kha kha khA hi khA hi sarba yak+Sha rAk+Sha sa b+hU ta pre ta pi sha tso na mA da a pasmA ra DA kin+yA da yaH i daM ba liM gr-ih+Na thA pi pa thA mA ti krA ma thA ma hA su kha bi br-ita d+ha ye ma ma sa ha yi ka b+ha ba thA hUM hUM phaT phaT swAhA/ zas la sogs pa yang hrIH'i yi ge'am/