CLOSE WINDOW

D3342
བོད་ཡིག

/rtog pa las gsungs pa'i 'od zer can gyi sgrub thabs rdzogs so/ /paN+Di ta don yod rdo rje dang / khams pa lo tsA ba ba ri dge slong gis bsgyur ba'o//[ ]@##/ /rgya gar skad du/ kalapok+ta bi d+hi nA sI ta mA rI ts+yai sA d+ha naM/bod skad du/ rtog pa las gsungs pa'i cho gas 'od zer can dkar mo'i sgrub thabs/ 'phags ma 'od zer can la phyag 'tshal lo/ /dang po re zhig rang gi snying gar zla ba la maM yig dkar po'i 'od zer gyis mnyam par bkug pa'i bcom ldan 'das ma la sna tshogs kyi nye bar spyod pas mngon du mchod la sdig pa bshags pa la sogs pa byas nas/tshangs pa'i gnas bzhi bsgom par bya'o/ /oM shU n+ya tA dz+nyA na badzra swa b+hA ba At+ma kou0f85haM zhes brjod la paM las skyes pa'i sna tshogs pad+ma'i steng du zla ba la yang maM dkar po yongs su gyur pa las/ 'od z er can kun+da dang zla ba'i 'od dang mtshungs pa/zhal lnga pa/ phyag bcu pa/ zhabs bzhi pa/ skad cig gis bsam par bya'o/ /de la zhal gyi gtso mo ni sku'i mdog go/ /g.yas pa'i zhal ni nag po'o/ /g.yon pa'i zhal ni phag gdong dmar ba'o/ /zhal phyi ma ni ljang gu'o/ /mgo bo'i steng gi zhal ni ser po'o//rin po che sna tshogs kyis spras pa'i rtse gsum pa ral pa'i cod pan can no/ /phyag g.yas pa'i phyag lnga na nyi ma'i dkyil 'khor dang / rdo rje sngon po dang / mda' dang / lcags kyu dang / khab rnams phyag na'o/ /g.yon pa'i phyag lnga rnams su zla ba'i dkyil 'khor dang /gzhu dang / mya ngan med pa'i yal ga dang / zhags pa dang bcas pa'i sdigs mdzub dang / skud pa rnams phyag na'o/ /sna tshogs pa'i rin po ches spras pa'i rna rgyan dang / dbu rgyan dang / lag gdub dang / dril bu g.yer kha dang bcas pa'i ska rags kyis gos kyi rnam par brgyan pa'i lus so//lang tsho dar la bab pa sha 'gag dang / stod g.yogs dkar po mchod rten gyi khong du gnas pa'i phag pa bdun gyi shing rta la zhon pa'o/ /khyab 'jug dang / dbang po dang / bde byed dang / tshangs pa zhabs bzhis mnan pa'o/ / de'i shing rta'i dbus su gnas pa'i chu srin mnan pa'i bcom ldan 'das ma gzhan te/ de yang sku mdog nag mo phag gi gdong pa can/ rdo rje dang sdigs mdzub ni g.yas pa dang g.yon pa'i phyag na'o/ /g.yas phyogs su lha mo gzhan phag gi zhal dmar mo phyag bzhi pa lcags kyu dang /khab ni g.yas kyi phyag gnyis na'o/ /sdigs mdzub dang bcas pa'i zhags pa dang skud pa ni g.yon gyi phyag gnyis na'o/ /rgyan bzang pos yang dag par brgyan pa'o/ /g.yon phyogs su rje btsun ma gzhan te de yang phag zhal mdog dmar ba rna ba'i bar du bkang ba'i gzhu dang /mda' dang / rdo rje dang / mya ngan med pa'i yal ga ni g.yas dang / g.yon pa'i phyag na'o/ /sna tshogs pa'i na bzas brgyan pa ste/ shing rta 'dren pa'i phag gi 'og na nyi ma la sogs pa'i gza' chen po dgu dang / nye bar 'tshe ba'i nad kyi tshogs rnams lhung nas/ mi'i gzugs kyis gnas pa'o//de lta bu'i gzugs kyi bcom ldan 'das ma bsams la/ snying gar zla ba la maM las byung ba'i 'od zer gyis de bzhin gshegs pa bkug ste/ dbang bskur blangs nas dbu la rnam par snang mdzad kyis dbu brgyan par bsam par bya'o/ /de nas snying ga'i sa bon nyid las phreng ba'i rnam pa lta bu'i sngags kyi yi ge kha nas byung nas lte bar ro//lte ba nas kha ru/ kha nas yang lte ba la sogs par 'khor lo 'khor ba'i rim pas sngags bzlas par bya'o/ /mtha' gsum gyi de nyid yid kyis bya'o/ /de la 'di ni sngags yin te/ oM mA rI ts+yai mAM hU~M hU~M phaT phaT swA hA/rang gi sa bon gyi byin gyis brlabs la/ zas la sogs pa thams cad la rjes su gnas par bya'o/ /skyo na yi ge brgya pa'i sngags brjod la/ de ltar bde bas gnas par bya'o/ /rtog pa las gsungs pa'i cho ga'i 'od zer can dkar mo'i sgrub pa'i thabs rdzogs so/