24b7 khams pa lo tsA ba dge slong ba ris bsgyur ba'o// //[ ]@##/ /rgya gar skad du/ Ar+ya a ba lo ki ta shwa ra s+ya Sha Ta ak+Sha ra sA d+ha naM/ bod skad du/ 'phags pa spyan ras gzigs dbang phyug gi yi ge drug pa'i sgrub pa'i thabs/ 'jig rten mgon po la phyag 'tshal lo/ /dang po
25a1 re zhig sngags pas bde ba'i gdan la 'dug ste/kha dag pa la sogs pa byas nas sangs rgyas la sogs pa bltas te yang dag par mchod nas/ gsum la skyabs su 'gro ba byas nas/ dkon mchog gsum la skyabs su mchi/ /zhes bya ba la sogs pa bya'o/ /
25a2 ji srid sems can thams cad kyi grangs su gtogs pa/ sgo nga las skyes pa'am/ mngal las skyes pa'am/ rdzus te skyes pa'am/ drod gsher las skyes pa'am/ gzugs can nam/ gzugs med pa'am/ 'du shes can nam/ 'du shes med pa'am/ yod min med min gyi 'du
25a3 shes la sogs pa ji srid sems can gyi khams su gtogs pa brjod pa de thams cad bdag gis phung po lhag ma med pa'i mya ngan las 'das pa'i dbyings su gzhag par bya'o//de nas oM swa b+hA wa shud+d+haHsarba d+harmAHswa b+hA ba shud+d+hou0f85haM zhes bya ba lan gsum brjod la/ yud tsam gyis stong pa nyid d
25a4 u bsgom par bya'o//de nas rang gi snying gar pad+ma dkar po'i steng du zla ba'i dkyil 'khor/ de'i steng du hrIHdkar po/ de las 'od zer brgya stong phrag mang po byung bar bsams la/ sems can thams cad kyis thog ma med pa'i dus nas bsags pa'i 'dod chags la sogs pa nyon mongs
25a5 pa'i tshogs khams gsum du gtogs pa dag par byas nas/yi ge de nyid rang gi snying gar bcug pas/ de yongs su gyur pa las bdag nyid 'jig rten dbang phyug gi gzugs rgyan thams cad kyis brgyan pa/ sku mdog dkar ba/ phyag bzhi pa/ ral pa'i cod pan 'chang ba/ g.yon
25a6 pa pad+ma bsnams pa/g.yas kyis bgrang phreng 'dzin pa/ phyi ma'i phyag gnyis kyis snying gar thal mo sbyar zhing 'dzin pa/ 'od dpag tu med pa'i ral pa'i dbu rgyan can no/ /g.yas phyogs su nor bu 'dzin pa/ de dang 'dra ba'i mdog dang phyag dang mtshan ma can te/ phyi ma'i phyag gis thal mo
25a7 sbyar ba'o//g.yon phyogs su yi ge drug pa'i rig pa 'jig rten dbang phyug dang 'dra ba'i sku mdog dang phyag mtshan bsgom par bya'o/ /de nas oM ma hA su kha badzra satwa dzaHhUM baM hoH/ su ra ta s+t+waM a la la la la ho/ aHaHaHaHzhes bya ba'i byin gyis brlab pa'i sngags brjod par bya'o/ /
25b1 de ltar bsgoms nas 'jig rten mgon po'i thugs kar zla ba'i dkyil 'khor la phreng ba'i rnam pa lta bu'i dkar po zhal nas byung ste/ lte bar 'jug cing 'khor lo 'khor ba'i sbyor bas sangs rgyas thams cad kyi snying po yid bzhin gyi nor bu rtog pa sngags kyi rgyal po 'di bzlas par bya'o/ /de nas
25b2 'khor zhing 'jug pa la sogs pa thob nas/dad pa dang snying rje dang ldan pa bla ma la gus pa'i rnal 'byor pas dus mi ring bar 'grub par 'gyur ro/ /oM ma Ni pad+me hUM zhes bya ba'i sngags bzlas par bya'o/ /de nas ldang ba'i dus su sngags 'di brjod de gnas par bya'o/ /oM badzra satwa sa ma ya/
25b3 ma nu pA la ya/ badzra satwa twe no pa tiSh+Tha dr-i D+ho me b+ha ba/ su toSh+yo me b+ha ba/ su poSh+yo me b+ha ba/ a nu rak+to me b+ha ba/ sarba sid+d+him+me pra yats+tsha sarba karma su tsa me tsit+t+waM shre yaHku ru hUM/ ha ha ha ha hoHb+ha ga bAn sarba ta thA ga ta badzra mA me muny+tsa badzrI b+ha ba ma hA sa ma ya satwa AHzhes brjod la ji ltar bde bas gnas par bya'o/ /