20b6 @##/ /dang po re zhig sgrub pa po bde ba'i stan la nye bar 'dug ste/ rang gi snying gar yi ge oM dmar po yongs su gyur pa las nyi ma'i dkyil 'khor bsgom par bya'o/ /de'i steng du yi ge hUM sngon po bkod nas/ yi ge hUM las skyes pa'i 'od zer las byung ba'i gshin rje mthar byed la sogs pa'i
20b7 bla ma dang /sangs rgyas dang byang chub sems dpa' rnams dmigs nas me tog la sogs pas yang dag par mchod de phyag byas nas/ gsum la skyabs su 'gro ba la sogs pa byas nas stong pa nyid bsgom par bya'o/ /oM shU n+ya tA dz+nyA na badzra swa b+hA wa At+ma kou0f85haM zhes bya'o/ /de nas yi ge aM dmar po l
21a1 as skyes pa'i nyi ma'i dkyil 'khor gyi steng du yi ge hUM ngo //de yongs su gyur pa las rdo rjes mtshan pa'i dbyug pa yi ge hUM gis byin gyis brlabs la bsgom par bya'o/ /oM dang hUM gi 'od zer gyis bskul ba'i de bzhin gshegs pa thams cad gzhug pa sngon du 'gro bas/
21a2 de thams cad yongs su gyur pa las gshin rje gshed kyi rnam par bsam par bya'o/ /bdag nyid g.yon brkyang pa'i zhabs kyis gnas pa zhal gcig phyag gnyis pa/ mdog sngo ba/ phyag g.yas na rdo rjes mtshan pa'i dbyug pa sngon po 'phyar ba/ phyag g.yon pas zhags pa dang bcas pa'i
21a3 sdigs mdzub snying gar ro//de ltar gyur pa'i gshin rje gshed spro ba dang / bsdu ba'i gzugs sna tshogs pad+ma'i steng du nyi ma la gnas pa'i ma he la zhon pa bsgom par bya'o/ /de nas bcom ldan 'das kyi thugs kar nyi ma'i dkyil 'khor la yi ge hUM yongs su gyur pa las dbyug pa sngon po
21a4 yi ge hUM gis byin gyis brlabs pa'o//yi ge hUM las byung ba'i 'od kyis 'gro ba gsal bar byas nas yang de nyid du gzhug par bya'o/ /de lta bu'i rim pas ji snyed 'dod par spro ba dang bsdu bar bya'o/ /dam tshig la sogs pa'i cho ga sngon du 'gro bas de ltar thun mtshams gnyis dang gsum
dang bzhir bsgom par bya'o/