CLOSE WINDOW

D3320
བོད་ཡིག

/yan lag med pa'i rdo rje'i 'jam pa'i dbyangs kyi sgrub pa'i thabs rdzogs so/ /khams pa lo tsA ba ba ri dge slong d+harma kIrtis bsgyur ba'o//[ ]@##/ /rgya gar skad du/ d+harma d+hA tu bA gI shwa ra sA d+ha naM/ bod skad du/ chos kyi dbyings ngag gi dbang phyug gi sgrub thabs/'phags pa 'jam dpal la phyag 'tshal lo/ /de kho na nyid bzhin du stong pa nyid bsgoms pa'i rjes su sna tshogs pad+ma'i steng du/ zla ba la a yig dkar po las skyes pa/ dpal chos kyi dbyings ngag gi dbang phyug yan lag thams cad dkar po zhal bzhi pa phyag brgyad pa/sangs rgyas lnga'i rin po che'i dbu rgyan can lha rdzas kyi gos dang rgyan dang sgeg pa la sogs pa'i nyams dang ldan pa/ phyag gnyis ni chos kyi 'khor lo'i phyag rgyas mtshan pa'o/ /ral gri dang mda' dang / rdo rje ni g.yas kyi phyag gsum na'o/ /shes rab kyi pha rol tu phyin pa'i po ti dang gzhu dang dril bu g.yon pa'i phyag gsum na'o//rdo rje skyil mo krung dang ldan pa'i bdag nyid du bskyed nas/ snying gar zla ba las hUM sngon po las skyes pa'i rdo rje sa bon dang bcas pa ni phyag rgya chen po'i rang bzhin no/ /smin mtshams su trAM yig ser po las skyes pa rin po che sa bon dang bcas pa ni chos kyi phyag rgya'i rang bzhin no//mgrin par hrIHyig dmar po las skyes pa pad+ma sa bon dang bcas pa ni dam tshig gi phyag rgya'i rang bzhin no/ /spyi gtsug tu AHyig dkar po las skyes pa sna tshogs rdo rje rgya gram sa bon dang bcas pa ni las kyi phyag rgya'i rang bzhin no/ /'dis phyag rgya bzhi dang ldan pa'i bdag nyid rnam par bsgom par bya'o//oM hUM hrIHb+ha ga bAn dz+nyA na mUrti bA gI shwa ra ma hA pA tsa sarba d+harmA ga ga nA ma la su pa ri shud+d+ha d+harma d+hA tu dz+nyA na gar+b+ha AH/ zhes bya ba'i sngags kyis byin gyis brlab bo/ /de nas rdo rje'i phyag rgya bcings la gung mo gnyis kyi tshigs gsum pa bcag pa ni ral gri'i rnam par gzung bar bya/mdzub mo gnyis mtheb chen langs pa'i steng du bskum par bya ste/ gzung ba de ni dam tshig gi phyag rgya'o/ /der rang gi lce la zla ba la gnas pa'i hrIHyig dmar po'i sa bon gyis byin gyis brlab par bsam mo/ /khro bo'i ngag gis bzlas pa bya'o/ /de la 'di'i ngag gi bzlas pa ni/oM badzra tIk+Sh+Na duHkhats+tshe da pradz+nyA dz+nyA na mUrta ye dz+nyA na kA ya bA gI shwa ra a ra pa tsa nA ya te na maH/ mtshan brgya rtsa brgyad dang / mtshan yang dag par brjod pa ji ltar dus gsum du bklag par bya'o/ /chos kyi dbyings ngag gi dbang phyug gi sgrub pa'i thabs rdzogs so/ /khams pa lo tsA ba ba ri dge slong d+harma kIrtis bsgyur ba'o// //