14b1 /sems brtan par gyur pa'i sngags pas ring por mi thogs par shes rab skye bar 'gyur ro/ /'jam dpal shes rab kyi sbyor ba rdzogs so/ /khams pa lo tsA ba ba ri dge slong d+harma kIrtis bsgyur ba'o// //
14b2 @##/ /rgya gar skad du/ badzra aM ga many+dzu g+ho Sha sA d+ha naM/ bod skad du/ yan lag med pa'i rdo rje 'jam pa'i dbyangs kyi sgrub thabs/ 'phags pa 'jam dpal dbyangs la phyag 'tshal lo/ /sngon du bstan pa bzhin du sdig pa bshags pa la sogs pa byas nas stong par bsgoms
14b3 pa'i rjes su yi ge haM las skyes pa'i yi ge haM gi chang gzungs kyi dbus su mnan pa'i mda' dang ldan pa'i gzhu bsgoms nas/de yongs su gyur ba las yan lag med pa'i rdo rje zhes bya ba 'phags pa 'jam dpal mdog ser po phyag drug pa'o/ /rtsa ba'i phyag gnyis ni rna ltag gi bar du
14b4 bkang ba'i ut+pa la dmar po'i mde'u can gyi mda' dang ldan pa'i me tog gi gzhu 'dzin pa'o//g.yas pa'i phyag gnyis na ral gri dang me long bsnams pa/ g.yon pa gnyis na ut+pa la sngon po dang shing mya ngan med pa dmar po yal ga me tog dang bcas pa bsnams pa'o/ /mi bskyod pas byin
14b5 gyis brlabs pa'i ral pa'i cod pan can g.yon brkyang pa'i zhabs can/lo bcu drug gi rnam par byed cing cher sgeg pa'i skur blta bar bya'o/ /yang na phyag bzhi pa ste me long dang / mya ngan med pa'i yal ga me tog dang bcas pa bsnams pa'i phyag gnyis dang bral ba bsgom par bya'o/ /
14b6 de nas ye shes sems dpa' dang gcig tu byas nas/ oM many+dzu g+ho Sha hrIHdzaHzhes bya ba'i sngags bzlas pa bya'o/ /'bum phrag gcig bzlas la 'jig rten gsum po yang ci bgyi bar byed par 'gyur ro/ /yang na kha cig dgug par 'dod pas gong du gsungs pa bzhin du bsgom par byas nas/
14b7 de nga rgyal brtan po byas pa'i yid kyis rang gi snying gar pad+ma dmar po 'dab ma bcu drug pa mngon par 'phyang ba'i sdong bu dang / rtsa ba dang bcas pa dmigs nas de'i sdong bu'i dbus su yi ge hUM dmar po dgu blta'o/ /de'i 'dab ma la g.yas skor du dbyangs yig dmar po bcu drug bsgom
15a1 par byas nas/de'i ze'u 'bru'i steng du nub mo dang nyin mo ji ltar srid par nyi ma dang / zla ba'i dkyil 'khor dmar po'o/ /de'i dbus su yang yi ge hrIHdmar po gnyis kyi bar du bcug pa'i 'og nas bshad pa'i rang gi sngags blta bar bya'o/ /de nas dbyangs yig
15a2 dmar po de rnams sbrang ma dga' ba rgyas par rnam par bsgoms nas/rang gi sngags kyi 'od zer gyi tshogs kyis phyogs bcu bkang ste ji snyed mngon par 'dod pa'i bud med kyi gnas su song nas me rlung gi dkyil 'khor steng du stobs kyis bzhag nas 'od zer gyi rang bzhin nyid kyi zhags
15a3 pas legs par ske nas bcings nas/lcags kyu rnon pos chos 'byung nas phug ste mdun du yang dag par bkug nas thal mo sbyar te/ mgal me 'khor ba'i 'khor lo'i nang du bcug nas yi ge hUM dmar pos mig dang / snying ga dang / yan lag dang nying lag thams cad bkang bar bsgom
15a4 par bya'o//de nas de'i snying gar dbyangs yig dmar po bcu drug dang ldan pa'i sdong bu'i sbubs nas yi ge hUM dang bcas pa'i pad+ma 'dab ma bcu drug pa dmigs par bya ste/ 'on kyang dri ma dang bcas pa'i mdog can no/ /de'i dbus su yi ge hrIHde'i bar du bcug pa'i ming gi yi ge bsam par
15a5 bya'o//de nas rang gi sngags kyi 'od zer las byung ba'i rab tu dmar zhing phra ba'i lcags kyu rab tu rnon po dang / pad+ma'i sdong bu la gnas pa'i yi ge hUM gi 'od kyis steng du 'gro zhing bskul bas sbrang bu'i tshogs kyi rjes su 'gro bzhin pas/ rang gi sna bug g.yas las gzhan pa'i cig shos
15a6 kyi sgor byung ste/bsgrub bya'i sna bug g.yas pa'i sgo nas de'i snying gar zhugs te/ lcags kyu de yis de'i ming gi yi ge 'gugs par gnas par byed cing / sbrang bu de rnams kyis kyang dga' bas pad+ma de phyung zhing / rang dgas dum bur byed cing dbyangs yig rnams gzhib bar bya'o/ /zhes
15a7 yun ring du mi g.yo bar blta bar bya'o//de nas de kho na bzhin du dbugs kyis bskul ba'i lcags kyus de'i ming stobs kyis blangs te/ sbrang bu de rnams kyis kyang / rang gi dbyangs yig bkug ste/ de'i sna bug g.yon pa'i lam du byung bar blta bar bya'o/ /yang de blangs nas 'jug pa'i
15b1 rlung gis lcags kyu dang /sbrang bu rnams bkug ste/ rang gi sna bug g.yas pa'i sgo nas 'jug ste/ de'i ming gi yi ge rang gi snying ga'i sngags la bcug nas/ de'i ming gi yi ge rang gi snying ga'i sngags kyis drag por mnan nas/ dbyangs yig de rnams 'dab ma so so la sbrang bu
15b2 mchog gis dbang du byas pa'i rnam par bsam par bya'o zhes bya'o//rim pa 'dis rang gi rnam par shes pa dang / de'i rnam par shes pa de gcig tu byas pa blta bar bya'o/ /de nas de'i nu ma la ut+pa la dmar po'i mde'u rnon po dang ldan pa'i mdas phug nas 'dod chags chen pos brgyal
15b3 bar gyur bar bltas nas lcags sgrog lta bu'i gzhus de'i rkang pa gnyis dam par bcings nas/rang gis bsnams pa'i ut+pa la'i sdong bu'i rang bzhin gyi zhags pas ske nas bcings te/ yang dag par bkug nas rkang pa gnyis kyi drung du lhung bar byas nas/ mya ngan med pas snying gar
15b4 brabs pa'o//mngon pa'i nga rgyal med par byas la/ ral gris 'jigs par bya ste/ skyabs gzhan med par byas nas yang rang nyid ji ltar gnas pas skra grol ba shin tu 'dod chags kyis myos pa gcer bu gos med pa/ mi sbyor bas 'jigs shing shin tu chags par gyur pa me long
15b5 la brtan par byas nas rang rig pas rjes su chags par bya'o//oM hrIHa mu kiM A kaR+Sha ya many+dzu g+ho Sha hrIHdzaHzhes bya ba'i rang gi sngags ming dang bcas pa rtse gcig pa'i yid kyis bzlas par bya'o/ /de ltar gong du gsungs pa'i rim pas dkar po'i phyogs kyi chos gcig nas brtsams te/ ji srid
15b6 tshes bcu bzhi'i bar du khri phrag gcig tsam bzlas par bya'o//yang bco lnga la mchod pa rgya chen po byas nas mtshan thog thag bzlas pa bya'o/ /de nas tho rangs de nges par 'ong bar 'gyur ro/ /'ongs nas de la yang phyag rgya chen po'i dngos grub kyi don du rang gi lha mchod pa'i bsam
pas ji ltar bde bar longs spyod par bya'o/