CLOSE WINDOW

D3314
བོད་ཡིག

/[ ]@## / /rgya gar skad du/ bA gI rA dza sA d+ha naM/ bod skad du/ ngag gi rgyal po sgrub pa'i thabs/ 'phags pa 'jam dpal la phyag 'tshal lo/ /ye shes mgon bdag phyag 'tshal nas/ /bya ba'i rgyud kyi rjes 'brangs te/ /dngos grub thams cad ster ba yi//de yi sgrub thabs bdag gis brjod/ /sngags pas dang por re zhig yid dang mthun pa'i gnas su ji ltar bde bar 'dug nas/ sdug bsngal gyi rgya mtshor lhung ba'i sems can rnams bltas nas smon lam gdab par bya ste/ sdug bsngal ba'i sems can 'di rnams 'khor bar 'khor zhing 'dug ste/de rnams bdag 'jam pa'i dbyangs su gyur nas/ sems can thams cad bla na med pa'i go 'phang la rab tu gnas par bya'o zhes bya'o/ /de nas thang sku la sogs pa dgram pa'i bcom ldan 'das 'jam pa'i dbyangs dang / bla ma dang / sangs rgyas dang byang chub sems dpa' rnams kyang mdun du dmigs nas me tog la sogs pas yang dag par mchod la phyag byas nas sdig pa bshags pa dang /slan chad gcod cing sdom pa dang / bsod nams la rjes su yi rang ba dang / yongs su bsngo ba dang / bdag nyid dbul ba dang / gsum la skyabs su 'gro ba dang /byang chub mchog tu sems bskyed pa yang bya'o/ /tshigs bcad 'di nyid kyis bya ste/ /dkon mchog gsum la skyabs su mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /byang chub mchog gi sems ni bskyed par bgyi//sems can thams cad bdag gis de la gzud/ /byang chub spyod mchog yid 'ong spyad nas su/ /'gro la phan phyir sangs rgyas 'grub par shog /de nas lam bstan par bya'o/ /de'i rjes su oM swa b+hA wa shud+d+haHsarba d+harmAHswa b+hA wa shud+d+hou0f85haM z hes pa'i don rjes su rtogs pas lan gsum du brjod nas rang bzhin gyis dag par mos par bya ste/chos thams cad bdag med par bsgom par bya'o/ /khams gsum stong pa nyid dang / mtshan nyid med par bltas nas rang gi snying gar yi ge a las zla ba'i dkyil 'khor de'i steng du yi ge muHgser bsregs pa lta bu de las byung ba'i 'od zer gyi tshogs kyis 'jig rten gyi khams thams cad du bkye zhing snang bar byas nas ji ltar snod dang ldan pa'i sems can gyi don bya ste/de bzhin gshegs pa thams cad bskul nas de'i tshe 'od de sa bon la zhugs pa dang / de thams cad yongs su rdzogs pa las bdag nyid 'jam pa'i dbyangs su bsgom par bya'o//zhal gcig phyag gnyis pa gser bzhu ba lta bu'i seng ge'i steng na pad+ma dang / zla ba'i gdan la skyil krung phyed pas bzhugs pa'o/ /zur phud gsum dang ldan pa rin po che'i dbu rgyan can zla ba'i dkyil 'khor gyi 'od can gzhon nu'i rnam pa'i gzugs dang ldan pa/rgyan thams cad kyis brgyan pa/ sgeg pa'i nyams dang ldan pa/ cung zhig 'dzum pa/ phyag gnyis na chos kyi 'khor lo'i phyag rgya bsnams pa/ shes rab kyi pha rol tu phyin pa dang bcas pa'i ut+pa la sngon po g.yon pa'i phyag na bsnams pa g.yon pa'i ngar gdong la brten pa'i khro bo chen po gshin rje mthar byed mdog sngo ba/zhal 'gyur zhing mche ba gtsigs pa/ skra kham pa 'khyil ba spyan dmar zhing zlum pa/ 'jigs par byed pa/ khro gnyer can/ mi bzad pa'i zhal can/thod pa'i phreng bas dbu la brgyan pa phyag g.yas kyis bcom ldan 'das kyi ngar gdong la reg pa/ g.yon na dbyug pa bsnams pa'o/ /de ltar rnam par bsgoms nas sku dang gsung dang thugs rnams su zla ba'i dkyil 'khor la oM AHhUM zhes bya ba'i yi ge gsum dkar po dang / dmar po dang / sngon po'i mdog can rim pa ji lta bas bkod nas/ de nas nu ma'i bar du zla ba'i dkyil 'khor la yi ge muHrnam par bsams te/ de nas mchod pa dang mchod pa po dbyer med par dmigs nas/ rnam pa sna tshogs pa'i lha mo rnams kyis mchod pa dang / yang dag pa'i bstod pa byed par bdag nyid bltas nas spro ba dang sdud pas ji srid skyo bar ma gyur pa de srid du bsgom par bya'o//de ltar rtag tu sgom par byed pa ni sangs rgyas kyi byang chub 'grub par 'gyur te/ tshe 'di nyid la thugs rje chen po 'jam pa'i dbyangs thob par 'gyur ro/ /bsgoms pas skyo bar gyur na bstod pa dang /rang gi snying gar zla ba'i dkyil 'khor la sngags kyi rnam par bkod la chags pa med pa'i yid kyis bzlas par bya'o/ /de la bzlas pa'i sngags ni 'di yin te/ oM d+harma d+hA tu bA gI shwa ri muHde ltar bzlas pa byas nas mi skyo bar gyur na bsgom par bya'o/ /gal te lang par 'dod na yang de bzhin du mchod pa dang bstod pa dang /dge ba yongs su bsngo ba byas nas tshigs bcad 'di yis bzod par gsol bar bya ste/ bdag ni rmongs pa'i dbang gis kyang / /nyes pa ji srid bgyis pa gang / /gang phyir lus can mgon po yis/ /de mgon khyed kyis bzod par bzhes//'gro la phan phyir smon lam gdab par bya'o/ /bdag gi bsod nams 'di yis ni/ /sangs rgyas nyid ni thob nas kyang / /srid pa'i rgya mtsho zab mo las/ /'gro ba ma lus sgrol bar shog /de nas chos thams cad mnyam pa nyid du lhag par mos nas 'gro ba thams cad 'jam pa'i dbyangs su bltas te/rang gi lha'i rnal 'byor gyi nga rgyal dang ldan pas ji ltar bde bar gnas par bya'o/ /de ltar thun mtshams bzhi'am thun mtshams gsum du bya'o/ /sgrub thabs 'di ni byas pa las/ /bdag gis 'bras bu gang thob pa/ /de yis srid gsum 'jig rten 'di/