CLOSE WINDOW

D3313
བོད་ཡིག

/oM muHzhes bya ba'i sngags bzlas par bya'o/ /'phags pa 'jam dpal gyi sgrub thabs rdzogs so/ /khams pa lo tsA ba ba ris bsgyur ba'o//[ ]@## / /rgya gar skad du/ many+dzu shrI badzra sA d+ha naM/ bod skad du/ 'jam dpal rdo rje'i sgrub thabs/ bcom ldan 'das dpal rdo rje sems dpa' la phyag 'tshal lo//rin chen pad+ma rA ga ltar/ /shes rab mchog ldan mdangs gsal ba/ /'jam pa'i rdo rje la btud nas/ /de yi sgrub thabs 'di brtsam bya/ /dang por mal nas langs te gdong la sogs pa dag par bya ste/ rang gi snying gar zla ba'i dkyil 'khor bsgom ste/de las byung ba'i 'od zer gyis bgegs rnams phyogs bcur bskrad par bya ste/ gsang sngags ni 'di'o/ /oM a mr-i ta kuN+Da li hUM phaT/ de nas nam mkha' la gnas pa'i sangs rgyas dang / byang chub sems dpa' rnams gsal bar dmigs te/ yid kyis mchod pa byas te/bcom ldan 'das 'jam pa'i rdo rje spyan drang bar bya'o/ /oM e h+ye hi b+ha ga bA na many+dzu badzra ma ma sha rI re ma tiSh+Tha naM ku ru swAhA/ de nas snying ga'i zla ba'i dkyil 'khor gyi steng du 'jam pa'i rdo rje sku mdog dmar po rgyan thams cad kyis brgyan pa/ phyag gnyis na rdo rje dang dril bu 'chang ba/ rma bya'i khri la rdo rje skyil mo krung du bzhugs shing /mo ha ku ma ri dang / rA ga ku ma ri dang / ir sha ku ma ri dang / ku la ku ma ri ste lha mo bzhi'o/ /dkyil 'khor gyis yongs su bskor bar bsam par bya'o/ /de dag kyang phyag gnyis ni rdo rje dang ral gri bsnams pa rma bya'i khri la rdo rje skyil mo krung gis 'jo sgeg dang bcas bzhin rab tu bzhugs pa'o//sku mdog ni bcom ldan 'das dang mtshungs par bsam par bya'o/ /oM hrIHmaM hoHmaM hUM/ de dag ni 'jam pa'i rdo rje'i yi ge drug pa'i gsang sngags so/ /oM bruM laM hUM/ oM traM traM hUM/ oM hrI maM hUM/ oM khaM taM hUM/ de dag ni lha mo bzhi'i yi ge bzhi pa'i gsang sngags so//mchod pa'i dus su phyi rol du pad+ma 'dab ma bzhi byas shing dmigs te/ dbus kyi lte ba la bcom ldan 'das 'jam dpal rdo rje ji lta ba bzhin bsam pa dang / shar phyogs la sogs pa'i 'dab ma bzhi la lha mo bzhi ji lta ba bzhin bsams la gsang sngags gong ma rnams kyis rim bzhin du mchod par bya'o//de nas gsang sngags 'dis 'byung po rnams la gtor ma sbyin par bya ste/ mchog sbyin gyi phyag rgya dang se gol lan gsum gtog cing / oM a kA ro mu khaM sarba d+harmA NAM/ Ad+ya nut+pan na twAta ces bya ba'i sngags 'dis sbyin par bya'o//de nas smon lam 'di lan gsum brjod par bya ste/ phyogs bcu nam mkha'i mthar thug pa'i/ /sems can khams ni rab grol zhing / /'jam dpal spyod pa ji bzhin du/ /de bzhin bdag ni spyod gyur cig /bcom ldan 'das dpal 'jam pa'i rdo rje sgrub pa'i thabs rdzogs so/