CLOSE WINDOW

D3308
བོད་ཡིག

rgya gar gyi mkhan po bIr+ya b+ha dra dang lo tsA ba dge slong rin chen bzang pos bsgyur ba'o/ /[ ]@##/ /rgya gar skad du/ s+thi ra tsakra sA d+ha naM/ bod skad du/ brtan pa'i 'khor lo'i sgrub pa'i thabs/ 'phags pa 'jam dpal la phyag 'tshal lo/ /dpal dang ldan pa'i dbyangs can ma lus 'khrul pa spangs te rab tu rgyas shing 'bar ba yi//'od zer dkar po gyen du 'phro zhing dri med gzugs ni rgan yang byis pa'i cha lugs can/ /mdzes pa'i ral gri 'phyar zhing phyag na bsnams pa'i shes rab la yang gus pas rab tu 'dud/ /rin chen 'khor lo 'di ni bdag gi dran par bya ba'i phyir ni bri bar rab tu bya//kun mkhyen ye shes rgya mtsho ni/ /phyogs mtha' med par rnam par bsam/ /rab skrag sems can tshogs mang ni/ /yang dag yongs su bskyab 'dod pas/ /yid bzhin nor bu sems 'byung zhing / /sna tshogs dag gis de rnams mchod//byas nas 'jig rten bskyab don du/ /bdag gi lus yid dbul bar bya'o/ /de nas dge ba 'phel phyir sngags pas 'di bya ste/ /sdig pa thams cad dag ni 'jigs pas bshags par bgyi/ /dga' bas 'gro ba'i dge ba dag la rjes yi rang / /dkon mchog gsum la yang ni skyabs su 'gro bar bya//yang dag byang chub sems ni gzung bar bgyi/ /de yi rjes la yang ni brtsam par bya/ /gzung dang 'dzin pa spangs shing 'gro ba 'di ni rmi lam dang ni mig 'phrul lta bu ste/ /dag cing yang ni rang bzhin 'od gsal 'gyur ba de yang nam mkha' lta bur mnyam pa ste//bdag nyid kyang ni yid kyi rol pa dag tu rtog cing yang dag bsdus par nges byas la/ /yang ni muHyig 'od zer dra bas bskor ba de las byung ba dag ni bsgom par bya/ /de dag yongs su gyur pas yongs rdzogs dkyil 'khor te/ /kha ba'i 'od zer gur gum lde gus rab byugs te//dbyangs yig 'bar ba'i phreng bas mnyam par rab tu 'khrigs/ /phyogs sgo gsal zhing 'bar ba rnam par bsam par bya/ /de las yang ni sa bon muHlas yang dag byung / /dmar po'i 'od kyi dkyil 'khor rnam par bsgom par bya/ /ka kha la sogs ma lus yi ges mnyam par bskor//steng du mar me'i 'od dang 'dra ba sgron me 'od gsal dmar po ste/ /de la yang ni sngags pas muHyig bsam par bya/ /de las byung ba'i yid 'ong 'od 'bar 'dab ma ste/ /'bar ba'i ut+pal sngon po'i 'od kyi dra ba can/ /muHyi rnam pa'i sa bon dbus su rnam par bsam//de las byung ba'i 'od zer las ni sangs rgyas spros par 'gro ba rab tu 'gengs par byed/ /zla ba la gnas bung ba'i yan lag lta bu'i 'od kyis shin tu 'bar ba'i lcang lo can/ /shin tu mthug pa'i mun pa rab rib 'joms shing med par zhal gyi 'od zer dra bas 'byed//rnam pa thams cad mchog ni sbyin pa'i dpal ldan dbyangs kyi dbang phyug ni/ /'gying dang sgeg pa'i ro yis mngon du khyab par byed/ /g.yo zhing g.yang gi zhal gyis cher ni bzhad 'gyur ba/ /dpa' bo gzhon nu'i rgyan ni rab tu 'chang ba po/ /de yi go 'phang thob par 'dod pas bsam par bya//de ltar ngag dbang rnam bsams nas/ /muHyig snying gar bsgom par bya/ /'bar zhing dmar ba'i mdog gi 'od/ /byung nas sgrol ma'i dkyil 'khor la/ /de las skyes pa'i rtsibs brgyad pa'i/ /'khor los mi shes mun pa 'joms/ /sna tshogs 'od kyis dag par bya//ye shes rang bzhin dge bar blta/ /sprul pa'i nyi ma 'char ba'i 'od/ /sgrol ma gsal ba'i 'od tshogs 'dra/ /me tog dmar po'i rnam pa ltar/ /yi ge dmar po kun du dgram/ /de la re zhig 'khor lo'i rtsibs rnams su yi ge bsam par bya ste/ shar dang lho dang nub dang byang phyogs rnams su rim bzhin du a ra pa tsa'o//yi ge na ni lte bar ro/ /me dang bden bral dang rlung dang dbang ldan rnams su sngon bzhin du yang ni pra ban tsa yig go/ /de bzhin du bar dang bar rnams su a la sogs pa'i dbyangs kyi tshogs rnams so/ /phyi rol bu ka laM sogs pa'i gsal byed rnams so/ / 'di mi g.yo bar nges par byas la phyis ni 'khor lo'i yi ge'i tshogs kyi 'od zer gyis sems kyi mun pa'i dkyil 'khor 'joms pa/ rang gi lus po'i ba spu'i khung bu rnams nas phyir byung ste/ phyogs bcu'i 'jig rten gyi khams na gnas pa'i de bzhin gshegs pa'i ba spu'i bu ga nas thugs kyi ye shes kyi bdud rtsi dang lhan cig tu ro gcig cing mnyam par gyur nas de rnams phyir byung ste/ba spu'i bu ga de nyid du zhugs nas rang gi lus po gsal bar byed pa yun ring du bsam par bya'o/ /brtan pa'i sems kyis phyis ni spro ba dang bsdu ba'i rim pas ji srid mngon du gyur pa de srid du bsgom par bya'o//'jam dpal dang ni gnyis med go 'phang 'chang zhing yi ge bcas nyid yongs su yid la 'dod byed pa/ /'di ni 'khor lo gsal pos nye bar song zhing nyin dang mtshan mo bsam gtan byed la mngon sbyor bas/ /de yis sngon ma mthong ba'i ngag gi rang bzhin grangs kyi rig pa'i tshogs ni ma lus de yang ni//ji ltar bde bar yid ni rab tu 'jug cing nor bu'i sgron ltar rab gsal mthug pa'i mun 'joms pa/ /'khor lo 'dis ni phan par shes nas yid la byed pa yi/ /ngo mtshar ched du yang ni brtag par bya/ /yongs su brtags pas bde gshegs rang gi ngo bo nyid/ / ring por mi thogs par ni rab tu rtogs par 'gyur/ /gang zhig 'dir ni 'khor lo rnam par bkod pa'i bsod nams ci skyes pa/ /bdag gi yid dang skye 'gro yid rnams 'khor lo de yis gsal bar shog /'dir ni gti mug mun pa mthug po 'char ga nyi ma lta bu yis/ /'gro tshogs 'di ni gang gi gtso bo dpal gyi rol par 'gro bar shog /