| བོད་ཡིག |
43a4 /[ ]@##/ /rgya gar skad du/ badzra yo gi nI sA d+ha naM/ bod skad du/ rdo rje rnal 'byor ma'i sgrub thabs/ rdo rje rnal 'byor ma la phyag 'tshal lo/ /oM AH hUM/ dang por re zhig sngags pa 'ga' zhig gis sa phyogs gang
43a5 yang rung bar stan ci yang rung ba la nye bar gnas la rdo rje rnal 'byor ma bsgom pa brtsam par bya ba'o//de la rang gi lte bar kha bye ba'i pad+ma kha dog dkar po bsgom par bya ba'o/ /de'i steng du rtsi'i kha dog lta bu'i chos 'byung dbus na yi ge hrIM gnas par bsgom par bya ba'o/ /de la
43a6 yang steng du rje btsun rdo rje rnal 'byor ma'o//de la gnas pa'i yi ge hrIM yongs su gyur pa las sku mdog ser mo ste/ rang nyid kho na rang gi gri gug dang / phyag g.yon pa gri gug bsnams pa/ rang gi dbu'i steng du gnas pa/ phyag g.yas pa ni thod pa dang ldan pa'o/ /dpung pa g.yon
43a7 pa ni gyen la brkyang ba'o//dpung pa g.yas pa ni 'og tu smad pa'o/ /gos med pa zhabs g.yas pa rab tu brkyang pa/ zhabs g.yon pa legs par bskums par bsgom par bya ba'o/ /oM 'dud pa la kun nas brten pa'i khrag gi rgyun rang nyid kyi zhal du rab tu 'bar ba/ gzhan
43b1 dag ni gzhogs gnyis kyis rnal 'byor ma gnyis kyi zhal du legs par 'jug pa 'di lta bur bsgom par bya ba'o//g.yon pa dang g.yas pa'i phyogs gnyis na ni kha dog sngon mo rdo rje'i kha dog ma dang / kha dog ser mo rdo rje rnam par snang mdzad ma ste/ g.yon pa dang g.yas pa'i gri gug dang ldan
43b2 pa'o//g.yas pa dang g.yon pa'i phyag na ni thod pa dang ldan ma'o/ /zhabs g.yon pa rab tu brkyang ba dang / zhabs g.yas pa rab tu brkyang ba dang / zhabs gzhan dag ni legs par bskums pa dang / skra lhug par gyur par bsgom par bya ba'o/ /shin tu 'jigs su rung bas gang bar gyur
43b3 pa'i dur khrod 'jigs pa'i dbus su zur gnyis na rnal 'byor ma gnyis dang ldan par snang la bsgom par bya ba'o//'di ni bsgom pa yin no/ /mchod pa brjod par bya ste/ maN+Dal byas la chos 'byung la gnas pa'i nyi ma'i dkyil 'khor bri bar bya ba'o/ /dbus su ni yi ge hrIMH dang
43b4 bcas pa'o//de nas sngar bshad pa'i bsgom pas rje btsun ma dbus su bzhugs su gsol bar byas la/ oM sarba bud+d+ha DA ki nI ye zhes bya ba la sogs pa'i sngags kyis chos 'byung gi dbus su mchod par bya ba'o/ /phyi nas ni mchod yon te/ oM sarba bud+d+ha DA ki nI ye swA hA/ zhes bya ba'i
43b5 sngags kyis so//de nas ni g.yon gyi phyogs su/ oM badzra wa r+Na nI ye swA hA/ zhes bya ba'i sngags kyis so/ /de nas ni g.yon gyi phyogs su ste/ oM badzra bai ro tsa b+hA ye hUM swA hA bya bas so/ /'di'i phyi nas ni gzhan yang / oM Da Di yA Na dang / pU r+Na gi ri dang / kA mA khya dang / shri ri ha T+Ta
43b6 zhes bya ba 'di dag rnams mchod par bya ba'o//gzhan yang chos dang longs spyod rdzogs pa dang / sprul pa dang / bde ba chen po zhes bya ba 'di dag go/ /oM sarba bud+d+ha DA ki nI ye/ oM badzra wa r+Na nI ye/ oM badzra bai ro tsa nI ye hUM hUM hUM phaT phaT phaT swA hA/ zhes bya ba 'di ni bzlas pa'i sngags so/ /