35a6 / //paN+Di ta dA dang a b+ha ya las dge slong tshul khrims rgyal mtshan gyis bag tsha ba med par bsgyur ba'o//[ ]@##/ /rgya gar skad du/ nai rAt+ma sA d+ha naM/ bod skad du/ bdag med pa'i sgrub thabs/ sngar brjod pa'i cho gas stong pa nyid
35a7 kyi rjes la zla ba'i dkyil 'khor la/yi ge aM mthing nag las byung ba'i gri gug dang / sa bon dang / spro ba la sogs pa sngon du 'gro ba yongs su gyur pa las ro'i snying gar zla ba la gnas pa'i skyil krung phyed pa'i gar gyis bzhugs pa'i bdag med ma nag mo zhal gcig
35b1 ma skra kham ser gyen du phyogs pa/mi bskyod pa dbu rgyan la bzhugs pa/ mche ba rnam par gtsigs shing ljags 'dril ba/ g.yas pas ni gri gug bsnams par mdzad pa/ g.yon pas thod pa dang kha TAM ga bsnams par mdzad pa/ dmar zhing zlum pa'i spyan gsum
35b2 pa/phyag rgya lngas rnam par brgyan pa'o/ /de nas mgo dang / mgrin pa dang / snying gar oM AH hUM bya ba'i yi ge rnams so/ /snying gar zla ba la gri gug gi chang zung la yi ge AM bltas la sngags 'di dag bzlas par bya ste/ oM a A i I u r-i r-I l-i l-I e ai o au aM swA hA/ bdag
med ma 'ba' zhig gi sgrub thab rdzogs so/