CLOSE WINDOW

D3266
བོད་ཡིག

/[ ]@##/ /rgya gar skad du/ u ts+tshuSh+ma dzam+b+ha la sA d+ha naM/ bod skad du/ dzam+b+ha la tshon po'i sgrub thabs/ dpal dang ldan pa'i dzam+b+ha la chen po la phyag 'tshal lo/ /mig gsum rtsa lag gis ni spyi gtsug brgyan pa yi/ /nor bus zhabs dag la ni gtugs pa gang yin pa//phun tshogs phan chen dang ldan mchog gyur thub dbang sras/ /lha de thub pa gzhon nur gyur pa nyid yin te/ bla med yon tan gnyis med pa'i/ /rin chen char 'bebs 'dren pa po/ /nyid kyi phun tshogs skye dgu la/ /myur 'byung 'di ni bsten bya yin//de la thog mar re zhig bdag gis dpal dzam+b+ha la mnyes par byas la sa dang mngon par rtogs pa'i rim pas de'i bdag nyid du gyur te/ skye dgu rnams mngon par mtho ba dang nges par legs pa'i phun sum tshogs pa la rab tu dgod par bya ba'o zhes bya ba'i bsam pa dang ldan pas snying gi nang gi bug par dang bar 'gyur zhing 'od zer 'phro ba dang ldan pa'i yi ge a klad kor med pa ste/de las byung ba'i zla ba'i dkyil 'khor ro/ /de'i dbus su ni yi ge hUM mgo gyen la bstan pa ste/ phyi rol gyi nye 'khor na cung zad ser ba'i 'od zer gyi tshogs 'phro bar gyur ba'o//des bskyed pa ni rdo rje ste dbus kyi rtse mo la 'brel ba'i rtse dgu pa steng dang 'og gcig tu byas pas gsung rab yan lag dgu rnam par dag pa'o/ /kha dog ni yi ge hUM bzhin du bya ste/ lte ba'i nang du chud pa'i zla ba la gnas par de dang 'dra ba'i hUM dang ldan pa bsgom par bya pa'o//de nas yi ge hUM dang rdo rje las 'od zer spros par gyur pas oM aH zhes bya ba'i sngags brjod pa sngon du 'gro ba can gyis phyogs bcur sems can rnams kyi don mdzad pa'i dzam+b+hala'i sku mtha' yas pa mar me gcig nas gcig tu mched pa'i tshul gyis spyan drangs la mdun du de'i sku gcig pu rnam par bsgom par bya ba'o//'od zer gyis nye bar mkho ba'i mchod pa rnam pa lnga dang sdig pa bshags pa dang ji srid du btang snyoms kyi bar du'o/ /de'i rjes thogs la hUM dang rdo rje'i 'od zer rnams mtha' dag lus kyi nang du bstims la spros pa thams cad dang bral ba nyid kyis nang stong pa nyid kyi rang bzhin du gyur pa zla ba dang rdo rje dang sa bon dang 'od zer te/oM aH bya ba 'di spros pa des legs par drangs la bcom ldan 'das gzhug par bya ba'o/ /legs par bcug pa'i rjes la skad cig gis zla ba la sogs pa las legs par grub pa'i bcom ldan 'das tshon por bdag nyid de lo lnga lon pa'i gzhon nu'i rnam pa bongs thung ba/sna tshogs pad+ma la gnas pa'i zla ba'i steng na rgyan rnams thams cad kyis brgyan cing rin po che'i dbu rgyan dang ldan pa kha nas rin po che skyugs pa lus kyi mdog ser po phyi bkan la nyal ba'i nor sbyin dpral bar ni zhabs g.yas pas so//rkang pa gnyis g.yon pas gnon par mdzad pa zhabs g.yas pa bskum pas gyen du 'jog pa gcer bu rtags gyen la langs pa gsus pa 'jol ba/ khrag gis gang ba'i thod pa phyag g.yas pas thugs kar bsnams pa la zhal mngon du phyogs nas gzigs pa/kha 'og tu bstan nas rin po che'i tshogs skyugs par gyur pa'i ne'u le brla g.yon pa la legs par 'khril bar phyag g.yon pas bsnams pa/ nang che ba'i rna ba ma phug pa zla ba tshes pa lta bu'i zhal mche ba rnam par gtsigs pa/ spyan gnyis dmar zhing zlum pa khro gnyer dang ldan pa dpral bar thod leb mas bcings pa'i dbu skra kham ser gyen du 'phyur ba/sa gnon gyi phyag rgya dang ldan pa'i thub pa mi bskyod pa mthing nag gis dbu la rgyan btab pa/ ta mA la sngon po dang dga' bos dbu skra bcings pa/ 'jog po dmar pos rna ba'i gdub kor du byas pa pad+ma dkar po dang pad+ma chen pos do shal byas pa dUr ba ljang gu dang karko Ta ka tshangs pa'i dag byed du byas pa nor rgyas dkar pos smad kar byas pa 'khyil pa legs pa dang pad+mas rkang rgyan du byas pa/dung skyong ser pos lag gdub tu byas pa dung mdog /kar bur dang rigs ldan gyi dbu rgyan du byas pa/kha dog mthing nag la phyi rol gyi nye 'khor cung zad ser ba'i 'od zer ser po'i tshogs rnams spro bar byed par bsgoms la/ dpral ba dang kha dang dpung pa g.yas pa dang g.yon pa dang g.yon pa dang snying ga dang rdo rje'i steng dang / brla g.yas pa dang g.yon pa dang rkang pa g.yas g.yon rnams kyi nang gi sbubs na gnas pa'i zla ba tshes pa'i dkyil 'khor rnams la oM dzam+b+ha la dza len+d+ra ye swA hA zhes bya ba'i yi ge ser po 'od ser po dang ldan pa blta bar bya ba'o//de'i rjes la sna bug gi rlung phyir 'byung ba'i dus su oM la sogs pa rnams kyi 'od zer dang snying ga'i rdo rje dang hUM gi 'od zer gyis kyang phyogs rnams su spros pas reg pa tsam gyis bcom ldan 'das kyi skur byas pa'i sems can thams cad kyi sems dang sems las byung ba dbugs 'jug pa'i dus su yi ge hUM la legs par bcug la sems gnas par bya ba'i don du mnan par bya ba'o//'jig rten gyi khams thams cad na gnas pa'i rin po che sna tshogs pa rnams kyang klu dang ne'u le dang nor sbyin rnams kyi khar legs par gzhug par bya ba'o/ /yang rlung phyir rgyu ba na ni klu la sogs pa rnams kyis med pa'i rin po che rnams mdun gyi g.yon du bsgom par bya'o/ de ltar yang dang yang du kun du spro ba dang legs par bsdu ba la sogs pa yang bya'o/ /skyo na de'i rjes la/ na mo rat+na tra yA ya/ na mo na Ni b+ha drA ya rma hA yak+Sha se na pa ta ye/ oM dzam+b+ha la dza len+d+ra ye swA hA/ zhes bya ba'i sngags 'di bzlas par bya ste/ bkod pa'i yi ge bcu po'i sngags kyang rung ngo //chu sbyin pa'i dus su ni lag pa g.yas pa'i kha bkan pa'i dbus su yi ge baM gyi 'od zer gyis lag pa bum pa bzang po bzhin du byas shing lag mgul du ni yi ge oM gyi 'od kyis lag gdub kyi rnam pa dang ldan par te/ baM gyi dbus su ni dzi ngo / /mdzub mo dang gung mo dang srin lag dang mthe'u chung dang mthe bong rnams kyi rtse mo la ni dzam+b+ha la dza len+d+ra'i yi ge rnams rim pa bzhin no//oM dang baM gnyis kyi bar du ni ya'o/ /yi ge a'i g.yas dang g.yon gyi glo gnyis la ni yi ge swA dang hA'o/ /yi ge la sogs pa de dag rnams ni rang rang gi gnas kyi sbubs na zla ba la gnas pa ste/kha dog ser po dang 'od zer po can du bsgoms la chu dang bcas pa me tog gi snying po can gyi lag pa kha dang thag nye bar byas te/ oM in+d+ra ni mu khaM b+h+ra ma ri swA hA/ zhes bya ba'i sngags kyis lan bdun du mngon par bsngags so/ /de'i rjes thogs la lag pa brkyang bas sbyin par gyur pa na chu rang gi kha nas zhugs par gyur te yi ge dzaM gyi 'od zer dang snying ga na gnas pa'i dza dang rdo rje dang yi ge hUM gi 'od zer gyis kyang byas pas rdo rje kha dog ser po'i kha nas nges par byung ste/lag pa nas bab pas skad cig gis mdun du bsgoms nas mdun gyis phyogs pa de'i 'am/bcom ldan 'das 'di'i sku gzugs kyang rung ste/ zhal gyi sgo oM dz+luM swA hA/ zhes bya ba'i sngags kyis lan brgya rtsa brgyad dang / na mo rat+na tra yA ya/ zhes bya ba la sogs pas kyang lan bdun du sbyin par bya'o/ /yang na mo rat+na zhes bya ba la sogs pa lan cig brjod pas bu ram dang bsres pa'i skya khur ram 'bru la sogs pa'i gtor ma bcom ldan 'das la dbul bar bya ba'o//de dag de ltar nus pa ji lta ba bzhin du thun gsum mam thun gcig la rjes su bsgrub par bya zhing / bstod pa dang smon lam yang gdab par bya'o//de'i rjes la bsgoms pa'i bcom ldan 'das oM badzra muHzhes bya bas gshegs su gsol lo/ /gzhan yang smin drug dang rta dang sa ga dang chu stod rnams sam/ nya gzhan gang yang rung ba'am/ dge ba'i nyi ma gzhan dag la yang rung ste/ rdo ba rangs par skad cig gis bcom ldan 'das kyi skur bskyed par bya zhing legs par yang mchod la/bzo bo bsnyen gnas blangs par gyur pas nyi ma gcig gnyis la sku bzhengs su gsol bar bya ste dpa' bo nyo ba ni ma yin pas so byas la yang bdag nyid bzhin du bcom ldan 'das kyi sku rim pa ji lta ba bzhin du yi ge dgod pa dang bcas pa rnam par bsgom la/chu sbyin pa la sogs pas mnyes par bya ba'o zhes bya ba 'di ni gdams ngag go/ /de'i tshe na ni gshegs su gsol bar mi bya ste/ sku gzugs kyi sku'i bcom ldan 'das ni gang gi phyir rtag tu gnas pa yin pas bsnyen bkur bar bya ba yin no zhes bya ba'o/