19a4 /de'i rjes la bzlas pa ni/ oM tsaN+Da ma hA ro Sha Na hUM phaT/ khro bo chen po gtum po'i sgrub thabs so/ /a b+ha ya las tshul khrims rgyal mtshan gyis bsgyur ba'o//[ ]@##/ /rgya gar skad du/ mai tri ya sA d+ha naM/ bod skad du/
19a5 byams pa'i sgrub thabs/ sngar bshad pa'i tshogs zla ba'i dkyil 'khor gyi steng du yi ge meM ser po yongs su gyur pa las sems dpa'i skyil mo krung gis sna tshogs pad+ma la bzhugs pa/ zhal gsum ma/ spyan gsum phyag bzhi pa g.yas pa dang g.yon pa'i zhal ni nag pa dang
19a6 dkar ba/sku gser ltar ser ba/ phyag gnyis kyis chos bshad pa'i phyag rgya mdzad pa/ g.yas pa dang g.yon pa'i phyag gzhan gnyis kyis ni mchog sbyin pa dang / me tog rgyas pa'i klu shing gi yal ga mdzes pa bsnams pa/ sna tshogs pa'i rgyan dang ldan pa'i byams
19a7 pa'i skur bdag nyid dmigs la phyag rgya bcing bar bya ste/lag pa gnyis kyi sor mo khu tshur bsdams la mdzub mo gnyis mthe bong dag gi dbus su mchog tu gnas pas me tog gi rnam pa ltar gshibs pa'o/ /de nas bzlas pa bya ste/ oM meM mai tri ya swA hA/ byams pa'i
sgrub thabs so/