18b6 / //'di ni 'od zer 'byung gnas grags pas mdzad pa'o/ /paN+Di ta chen po dA dang a b+ha ya las dge slong tshul khrims rgyal mtshan gyis bsgyur ba'o// //[ ]@##/ /rgya gar skad du/ tsaN+Da ma hA ro Sha Na sA d+ha naM/ bod skad du/ gtum po chen po'i
18b7 sgrub thabs/sngar bshad pa'i tshul gyis stong pa nyid bsgoms pa'i rjes thogs la pad+ma dkar po'i steng du nyi ma la yi ge hUM nag po yongs su gyur pa las me tog a ta si dang mtshungs par gyur pa'i bcom ldan 'das dpal dang ldan pa'i khro bo chen po gtum po'o/ /mtshan
19a1 gzhan ni mi g.yo ba ste/zhal gcig phyag gnyis pa/ spyan g.yo bar mdzad pa mche ba rnam par gtsigs pa'i zhal ches 'jigs par gyur pa/ man mgal bsdams pa'i tshems gtsigs pa rin po che'i dbu rgyan dang ldan pa/ dbu la mgo bo'i phreng ba
19a2 dang ldan pa/spyan gnyis shin tu dmar ba/ g.yas pas ni ral gri bsnams shing phyag g.yon pas sdigs mdzub dang zhags pa thugs kar ro/ /sbrul dkar po ga shal dag byed du mdzad pa/ stag gi pags pa'i sham thabs dang ldan pa/ rin po che sna tshogs kyis rnam par
19a3 spras pa'i rgyan mnga' ba//zhabs g.yas pa sa la btsugs shing g.yon pa cung zad smad pa/ nyi ma'i 'od zer gyi phreng ba dang ldan par bdag nyid rnam par bsam par bya zhing / dam tshig sems dpa' dang ye shes sems dpa' bsgom pa sngon du 'gro bas mi bskyod pa cod pan
gyi mtshams su bsgom par bya ba'o/