CLOSE WINDOW

D3261
བོད་ཡིག

oM hUM hUM swA hA zhes bya ba'o/ /rdo rje dri ldan pa'i sgrub thabs mkhas pa a b+ha ya las tshul khrims rgyal mtshan gyis bsgyur ba'o//[ ]@##/ /rgya gar skad du/ pra san+na tA rA yAHsA d+ha naM/ bod skad du/ sgrol ma rab tu dang ba'i sgrub thabs/ sgrol ma la phyag 'tshal lo/ / sngar gyi rim pa'i sbyor bas b+ha ga'i dbus su zla ba'i dkyil 'khor la lha mo sgrol ma rdzu 'phrul can gangs kyi mdog ste 'jigs chen ma/ spyan gsum ma ste zhal brgyad ma/ bcu drug phyag na rgyan du 'gyur/ skra kham ser gyen du 'khyil ba 'dzag pa dang ldan pa'i mi mgo brgya phyed kyi phreng bas do shal du brgyan pa/skye dgu rnams kyi skyabs mdzad pa'i stobs chen mo dang ldan pa/ g.yas bskum pa'i zhabs kyis gnas pa dang ldan pa bzhad pa dang ldan zhing gzhon nu ma lang tsho la babs pa/ rnam par bkra ba'i na bza' gsol bar gyur pa zhal gyi gtso bo ni ser mo'o/ /g.yas kyi gnyis pa ni mthing nag go//gsum pa ni ljang gu'o/ /bzhi pa ni nam mkha' ltar sngo ba'o/ /g.yon pa ni kun+da ltar dkar ba'o/ /gnyis pa ni dmar ba'o/ /gsum pa ni nam mkha' ltar sngo ba'o/ /steng gi zhal ni du ba'i mdog lta bu ste shin tu 'jigs su rung ba'o/ /zhal dbus ma ni rnam par bsgyur zhing tshems gtsigs pa'o//g.yas pa'i phyag rnams kyis ni ral gri dang / ut+pal dang / mda' dang rdo rje dang lcags kyu dang dbyug to dang gri gug dang mi 'jigs pa'i phyag rgya/ g.yon pa'i phyag rnams kyis ni zhags pa dang bcas pa'i sdigs mdzub dang thod pa dang gzhu dang /kha T+wAM ga dang rdo rje dang zhags pa dang / tshangs pa'i mgo bo dang rin po che'i bum pa bsnams pa'o/ /sna tshogs pad+ma dang zla ba la bzhugs shing nyi ma'i 'od zer gyis rnam par brgyan pa/ g.yon pa'i zhabs kyis ni dbang po ste zhabs g.yas pas ni nye ba'i dbang po'o/ /zhabs gnyis kyi bar na ni drag po dang tshangs pa yang mnan nas bzhugs pa'o//sgrib pa thams cad rnam par 'joms par mdzad pa rnal 'byor pas bsgom par bya ste/ sla bar dngos grub thob par 'gyur ro/ /bzlas pa'i sngags ni/ oM pra sa tA re za mr-i ta mu khi a mr-i ta lo tsa ne sarba a r+tha sA d+ha ni sarba s+t+wa ba sh+yaM ka ra hUM phaT hUM swA hA/