15a3 /paN+Di ta a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ ma hA mA yU rI sA d+ha naM/ bod skad du/ rma bya chen mo'i sgrub thabs/ sngar bshad pa'i cho gas sna tshogs pad+ma dang zla ba la yi ge maM ljang gu las byung
15a4 ba'i rma bya chen mo ste/sku mdog ljang gu zhal gsum phyag drug ma zhal re re zhing spyan gsum gsum ma/ g.yas pa dang cig shos kyi zhal ni nag mo dang dkar mo'o/ /g.yas pa'i phyag gsum na ni rim pa bzhin du rma bya'i mjug sgro dang mda' dang mchog sbyin pa'i phyag rgya'o/ /de bzhin
15a5 du g.yon pa'i phyag gsum na yang rin po che'i gdugs dang /gzhu dang phyag zed pa la gnas pa'i bum pa'o/ /rgyan rnam pa sna tshogs pa dang / sgeg pa'i nyams bag dang ldan pa dang / gzhon nu ma lang tshol babs pa dang / zla ba'i gdan dang / zla ba'i 'od zer dang ldan pa
15a6 dang /skyil krung gis bzhugs pa dang don yod grub pa dbu rgyan la bzhugs par bdag nyid bsgom par bya ba'o/ /de nas bdag gi mgo bo dang / mgrin pa dang / snying ga dang / lte ba la gnas pa'i yi ge zla ba la rim pa ji lta ba bzhin du/ oM AHmaM hUM zhes bya ba'i yi
15a7 ge bzhi spro ba dang /bsdu ba'i bya ba dang ldan par rnam par bsgom par bya ba'o/ /de nas sngags bzlas par bya ste/ oM ma hA mA yU rI bid+yA rA dzI hUM hUM phaT phaT swA hA zhes bya ba'o/ /'phags ma rma bya chen mo'i sgrub thabs so/ /a b+ha ya las tshul khrims rgyal mtshan
gyis bsgyur ba'o/