CLOSE WINDOW

D3237
བོད་ཡིག

mkhas pa a b+ha ya'i zhal snga nas dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ ba su d+hA ra sA d+ha naM/ bod skad du/ nor rgyun ma'i sgrub thabs/ nor rgyun ma la phyag 'tshal lo/ /sngar bzhin du stong pa nyid kyi bar du rnam par bsgoms la/skad cig gis dzam+b+ha la'i gzugs su bdag nyid bsgoms te/ rang gi snying gar zla ba'i dkyil 'khor gyi dbus su yi ge baM gyi sa bon las nges par byung ba'i bcom ldan 'das ma nor rgyun ma bsgom par bya ba ni gser gyi mdog can/ rgyan mtha' dag dang ldan pa/ lo brgyad pa gnyis kyi tshad du gyur pa/phyag g.yas pas mchog sbyin par mdzad pa/ phyag g.yon pas 'bras kyi snye ma'i drungs pa mchog bsnams pa/ mi bskyod pa dang ldan ba'o/ /mdun na ni bcom ldan 'das ma dpal gyi nor ro/ /g.yas phyogs na ni nor gyi dpal lo/ /rgyab na ni nor dpal gyi zhal lo//g.yon na ni nor dpal gyi blo gros ma'o/ /de dag kyang sa bon rang gi dang po'i yi ge las gtso mo dang mtshungs pa'i gzugs su bsam par bya ba'o/ /de ltar rnam par bsgoms la/ sngags legs par bgrang bar bya ste/ oM ba su d+h+wa ra Ni swA hA/ oM shrI ba su swA hA/ oM shrI ba su mu khi swA hA/ oM ba su ma ti shri ye swA hA/ nyi ma re re bzhin du ba lang gi lci ba khru gnyis tsam gyi tshad kyi maN+Dal grwa bzhi pa byas la/ me tog dri zhim pos thun tshod gsum du legs par mchod de/ 'bum phrag bzhi bzlas pa byas la/ me tog dri zhim pos thun tshod gsum du legs par mchod de/'bum phrag bzhi bzlas pa byas pas zla ba drug na yid la re ba rnams yongs su rdzogs par 'gyur ro/ /ji ltar rnyed par gyur pa'i me tog rnams kyis 'bum phrag bzhi'i sbyin sreg bya ba'o/ /sbyin sreg byas pas ni dpal shin tu chen po dang ldan par 'gyur ro/