CLOSE WINDOW

D3231
བོད་ཡིག

/gshegs su gsol ba'i dus su ni oM mA rI ts+yai muHbya ba dang rang gi phyag rgyas gshegs su gsol bar bya ba yin no/ /'od zer can gyi sgrub thabs so/ /mkhas pa chen po a b+ha ya'i zhal snga nas dge slong tshul khrims rgyal mtshan gyi bsgyur ba'o/ /[ ]@##/ /rgya gar skad du/ au Ti ya na mA rI ts+yai sA d+ha naM/ bod skad du/ au T+yan nas byung ba'i 'od zer can gyi sgrub thabs/ au T+yan nas 'byung ba'i 'od zer can gyi sgrub thabs su gyur pa ni dang por re zhig rang gi snying gar yi ge aM yongs su gyur pa las nyi ma'i dkyil 'khor ro/ /de'i steng du sa bon dang po'i bcu gsum pa zla ba tshes pa dang /thig les brgyan pa'o/ /de kho na bzhin du sdig pa bshags pa la sogs pa thams cad byas la/ de nyid yongs su rdzogs pa las ni maM mo/ de dag thams cad yongs su gyur pa las 'od zer can de/ sku mdog dmar mo/ zhal drug ma/ phyag bcu gnyis ma'o//zhal dang po ni dmar mo'o/ /gnyis pa ni nag mo'o/ /gsum pa ni ljang gu'o/ /bzhi pa ni ser mo'o/ /lnga pa ni dkar mo'o/ /dbus la gnas pa'i drug pa ni steng na ste phag gi zhal nag mo'o/ /shing mya ngan med kyi mchod rten rgyan du byas pa/ rnam par snang mdzad ser po dbu la bzhugs pa/gsus pa 'jol ba/ thod pa'i phreng bas rnam par brgyan pa skra kham ser gyen du 'phur ba/ bya khyung gis rnam par brgyan pa/ stag gi pags pa'i sham thabs bsnams pa/ bgegs mnan pa'i phag la g.yas bskum pas gnas pa/ g.yas pa'i phyag rnams na ni ral gri dang rdo rje dang dbyug to dang mda' dang rdo rje rtse gcig pa dang mdung rnams so//g.yon pa'i phyag rnams na ni sdigs mdzub mdzad pas zhags pa dang thod pa dang shing mya ngan med 'dab ma dang ldan pa dang tshangs pa'i mgo bo dang gzhu dang mdung thung rtse gsum pa'o/ /spyan gsum dmar zhing zlum pa/zhal mche ba rnam par gtsigs pa shing rta'i dbus na bzhugs pa'o/ /lha mo gzhan ni phyag gnyis ma ste sdigs mdzub mdzad cing zhags pa dang lo 'dab dang bcas pa bsnams pa'i bcom ldan 'das ma nyid nga yin no bar bsgom par bya ba'o/ /de nas phyag rgya bcing bar bya ste/ rdo rje'i snyim pa legs par bcings la/ gung mo dag cung zad bskum pas rtse sprad de sgreng zhing dkyil bkug nas bskum pa'i rtse mo la mthe bong gnyis kyis mnan pa'o/ /sngags ni oM mA rI ts+yai/ oM maM hUM hUM phaT phaT swA hA/ au T+yan gyi 'od zer can gyi sgrub thabs so/ /a b+ha ya las dge slong tshul khrims rgyal mtshan gyis bsgyur ba'o/