CLOSE WINDOW

D3226
བོད་ཡིག

@##/ /rgya gar skad du/ ma rI ts+yai sA d+ha naM/ /bod skad du/ 'od zer can gyi sgrub thabs/ sngar bshad pa'i cho gas yi ge paM las byung ba'i sna tshogs pad+ma'i steng du zla ba la yi ge maM las skyes pa'i 'od zer can dkar mo ste/zhal lnga/ phyag bcu/ zhabs bzhi par skad cig gis bdag nyid bsam par bya ba'o/ /de las rtsa ba'i zhal ni dkar mo/ g.yas pa ni mthing nag go/ /g.yon pa ni phag gi zhal dmar mo//zhal phyi ma ni ljang gu'o/ /dbu'i steng gi zhal ni ser mo ste/ rin po che sna tshogs kyis mdzes pa/ zur phud gsum gyis brgyan cing ral pa'i cod pan dang ldan pa'o/ /g.yas pa'i phyag lnga po rnams na ni nyi ma'i dkyil 'khor dang /rdo rje sngon po dang / mda' dang lcags kyu dang / khab bsnams pa'o/ /g.yon pa'i phyag lnga po rnams na ni zla ba'i dkyil 'khor dang gzhu dang shing mya ngan med lo 'dab dang bcas pa dang /sdigs mdzub dang bcas pa'i zhags pa dang skud pa bsnams pa'o/ /rnam pa sna tshogs pa'i rgyan dang ldan pa'i gzhon nu ma lang tsho bdo bar gyur pa stod shag dkar po bsnams shing /phag bdun gyi shing rta la gnas nas mchod rten gyi nang na bzhugs pa/ khyab 'jug dang / dbang po dang / bde byed dang / tshangs pa rnams zhabs bzhis mnan pa'o/ /chu srin ma la bcibs nas shing rta de'i nang mdun na gnas pa'i bcom ldan 'das ma gzhan ni nag mo phag gi zhal rdo rje dang /sdigs mdzub phyag g.yas pa dang g.yon pa gnyis kyis bsnams par mdzad pa'o/ /g.yas kyi phyogs pa bcom ldan 'das ma gzhan ni phag gi zhal la phyag bzhi ma ste/lcags kyu dang khab ni g.yas pa gnyis kyis bsnams pa'o/ /sdigs mdzub dang bcas pas zhags pa dang skud pa ni phyag g.yon pa gnyis kyis bsnams shing lha rdzas kyi rgyan dang ldan pa yang yin no/ /g.yon phyogs kyi rje btsun ma gzhan ni phag gi zhal dmar mo dang /rna ba'i bar du bkang ba'i mda' gzhu dang / g.yas pa dang g.yon pa'i phyag lhag ma dag gis ni rdo rje dang shing mya ngan med pa lo ma dang ldan pa bsnams pa/ sna tshogs pa'i rgyan dang ldan pa yang yin no//shing rta 'dren pa'i phag rnams kyi 'og na yang nyi ma la sogs pa'i gza' dgus nad dang nye bar 'tshe ba'i gdug pa rnam pa sna tshogs pa rnams kyang mi'i gzugs su 'og tu mnan par bsam par bya ba'o/ /de nas snying ga'i zla ba la gnas pa'i sa bon maM gyi 'od zer gyis de bzhin gshegs pa rnams spyan drangs shing dbang mnos pa dang /rnam par snang mdzad kyis rgyas btab par 'gyur ba yin no/ /de nas snying ga'i sa bon nyid las phreng ba'i rnam pa nyid sngags kyi yi ge nges par spros la/ kha nas lte bar lte ba nas khar kha nas phyir yang lte bar zhes bya ba la sogs pas 'khor lo 'khor ba'i rim pas sngags bgrang bar bya ba'o//de la sngags ni 'di yin te/ oM ma rI ts+yai mAM hUM hUM phaT phaT swA hA/ zas la sogs pa rnam pa thams cad la yang rang gi sa bon gyis byin gyis brlabs pa rjes su bsgrub par bya ba'o/ skyon yi ge brgya pa'i sngags nye bar brjod la ji ltar bde bar rgyu bar bya ba yin no/