224b1 /sgrub thabs gsal por bris pa ni/ /sems can thams cad don phyir yin/ /shes rab kyi pha rol tu phyin pa'i sgrub thabs so/ /a b+ha ya'i zhal snga nas dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ sar swa ti swA d+ha naM/ bod skad du/ dbyangs can ma'i sgrub thabs/ dbyangs
224b2 can ma la phyag 'tshal lo//sngon du brjod pa'i rim pa dag gis ji srid du stong pa nyid mngon du byas shing byin gyis kyang brlabs la/ pad+ma dkar po khru bdun gyi tshad do/ /de'i steng du zla ba'i dkyil 'khor ro/ /de'i dbus su yi ge hrIHdkar po ste/ des pad+ma dkar po rang gi sa bon gyi snying po can du bsgom par bya'o/ /de las kyang
224b3 bcom ldan 'das ma dbyangs can ma chen mo rjes su bsam par bya ba'o//ston ka'i zla ba'i rnam pa ltar snang ba pad+ma dkar po'i steng na zla ba'i dkyil 'khor la bzhugs pa/ phyag g.yas pa mchog sbyin par mdzad cing / g.yon pas pad+ma dkar po yu ba dang ldan pa bsnams pa/ bzhin 'dzum pa dang ldan zhing / mchog tu
224b4 thugs rje'i rang bzhin can//tsan+dan dang me tog dang na bza' dkar po dang ldan pa/ mu tig gi do shal gyis thugs ka nas mdzes par gyur pa/ rin po che sna tshogs kyi rgyan dang ldan pa/ lo bcu gnyis mi'i tshad du gyur pa/ rked pa'i skabs dga' bar gyur pa/ yangs la mdzes pa'i brang lcong zhing phyal ba/ 'od zer gyi bkod pa
224b5 mtha' yas pa spro bar mdzad pas 'jig rten gsum kun du snang bar mdzad pa/de nas de'i mdun du ni bcom ldan 'das shes rab ma'o/ /g.yas su ni yid gzhungs ma'o/ /rgyab tu ni blo gros ma'o/ /g.yon du ni dran pa ma'o/ /de dag rnams ni rang gi gtso mo dang kha dog la sogs pa mtshungs pa dang / mngon du blta bas
224b6 gnas par bsam par bya ba'o//de nas rang gi lte ba'i yul phyogs su zla ba'i dkyil 'khor la yi ge oM dkar po bsgom par bya ba'o/ /de las lhag ma ma lus pa'i ngag gi rang bzhin gyi phreng ba nges par 'phros par gyur pas rgyun mi 'chad par rab tu 'byung bar bsam par bya zhing sngags bgrang bar bya ba'o/ /de la
224b7 sngags ni 'di yin te/oM hrIHma hA ma yAM ge ma hA sa ra swa t+ye na maHde ltar yang bsnyen gnas la gnas par gyur pa dang / ngag mi smra bar gnas pa dang / rtag par rgyun mi 'chad par lha'i nga rgyal gyis lhag par gnas pa dang / sngags rgyun du zlos pa dang / las gzhan la mi sems pas ni dbyangs can
225a1 ma'i gsung 'thob pa'o//zla ba gsum na tshangs pa yang 'grub par 'gyur ro/ /zla ba drug na dbyangs can ma dang mnyam par 'gyur ba yin no/ /de nas sman bshad par bya ste/ ra 'o 'jigs med tsha gsum pa tha dang / /shu dag si gu rgyam tsha rnams bsnyams la/ lan bdun mngon par bsngags te
225a2 mar sar dang //'thungs pas dbyangs can ma nyid 'grub pa yin/ /ra'o bzhi 'gyur dag tu bya ba yin/ /mar ni bskol ba srang gcig dag yin te/ /sman rnams srang re tsam du byas pas ni/ /dal gyis 'jam por ming ni blo gros bzang / /zla ba tsam du rab tu sbyar byas pas/ /ngag gi dbang ni bla na med pa 'thob/ /zla ba drug tu
225a3 nye bar sbyar byas pas//dngos su ngag gi dbang phyug nyid du 'gyur/ /mnyam med khu byug skad ni nges sgrogs pa'i/ /snyan pa'i dbyangs ni skye bar 'gyur ba yin/ /dngos rnams sna tshogs pa yi nus ldan phyir/ /'di la the tshom za bar bya ba min/ /zhes bya ba ni dbyangs can ma chen mo'i sgrub thabs so/ /mkhas pa
a b+ha ya las dge slong tshul khrims rgyal mtshan gyis bsgyur ba'o/