223a2 /[ ]@##/ /rgya gar skad du/ pradz+nyA pA ra mi tA swA d+ha naM/ bod skad du/ shes rab kyi pha rol tu phyin ma'i sgrub thabs/ sngar bshad pa'i cho ga'i rim pas yi ge a las byung ba'i zla ba la yi ge hrIHser pos bskyed pa'i sna tshogs pad+ma la yi ge haHser po yi ge a
223a3 la sogs pa dbyangs yig bcu drug gis yongs su bskor ba/phyi rol du ka la sogs pa brjod pa'i yi ge sum cu rtsa gnyis kyis yongs su bskor bar bya ba'o/ /de nas 'gying bag ma dang / phreng ba ma dang / gar ma dang / glu dbyangs ma dang / me tog ma dang / bdug
223a4 pa ma dang /mar me ma dang / dri ma zhes bya ba dang / rnal 'byor ma brgyad do/ /de dag rnams thams cad yongs su gyur pa las ye shes kyi zla ba'i dkyil 'khor yin te 'od zer rab tu 'bar ba dang ldan pa'o/ /de'i steng du ni pad+ma'o/ /de'i steng du ni shes rab kyi pha rol tu phyin pa'i po ti'o/ /
223a5 de'i steng du ni zla ba'i dkyil 'khor gnyis pa'o/ /de'i steng du ni po ti gnyis pa'o/ /de dag rnams thams cad kyang yongs su gyur pa las ni bcom ldan 'das ma shes rab kyi pha rol tu phyin ma yin te/ sku mdog ser mo/ zhal gcig phyag gnyis ma/ de bzhin gshegs pa lnga dbu rgyan la bzhugs pa/
223a6 chos 'chad kyi phyag rgya dang ldan pa/ 'dab ma kha dog sna tshogs pa'i pad+ma dang zla ba'i gdan la bzhugs pa/ rgyan thams cad dang na bza' dang ldan ma/ g.yas pa dang g.yon pa'i glo gnyis na ut+pal la bzhugs pa'i shes rab kyi pha rol tu phyin pa'i glegs bam bsnams pa'o/ /sngags ni/
223a7 oM AHhrIHhUM swA hA/ yi ge hUM ser po dpral bar ro/ /yi ge AHdkar po mgul par ro/ /yi ge d+hIHser po snying gar ro/ /yi ge hUM nag po lte bar yin te/ bzlas pa'i dus su yi ge bzhi pa'o/ /rjes su bsam par bya ba'o bya ba yin no/ /gser gyi mdog gi shes rab kyi pha rol tu phyin
ma'i sgrub thabs rdzogs so/