CLOSE WINDOW

D3218
བོད་ཡིག

/[ ]@##/ /rgya gar skad du/ ku ru kul+le swA d+ha naM/ bod skad du/ ku ru kul+le'i sgrub thabs/ thog mar re zhig sgom pa pos dri lngas dang po nyid du sa phyogs kyi nye 'khor legs par byugs la/ sdom brtson sems rangs shing mnyam par gzhag pas stan 'jam po la nye bar gnas te/de'i rjes la snying gar yi ge ra yongs su gyur pa las nyi ma'i dkyil 'khor 'bar ba'i phreng ba'i 'od zer gyi dra bas bskor ba'o/ /de'i lte ba la yi ge hrIHdmar po rnam par bsam par bya'o/ /de nas yi ge hrIHlas kun nas 'phros pa'i 'od kyi dra bas phyogs bcu kun na gnas pa'i sems can gyi khams snang bar byas shing /dpal dang ldan pa ku ru kul+le'i skur yang bkod nas phyir 'ongs par gyur te/ de nyid la rab tu zhugs par gyur pa'i 'od zer 'bar bar rnam par bsgom par bya ba'o/ /de'i phyi nas ni mdun gyi nam mkha' la lo brgyad pa gnyis kyi tshad du gyur pa dbu skra kham ser gyen du 'bar ba/dbu la thod pa lngas brgyan pa/ ro la bzhugs pa/ mgo bo'i phreng ba'i do shal du mdzad pa/ skyil krung phyed pa'i gar stabs kyis bzhugs pa/ zhal gyi mche ba cung zad rnam par gtsigs pa/ljags 'dril bar mdzad pa/ 'khor lo dang rna rgyan dang mgul rgyan dang dpung rgyan dang rked rgyan dang rkang rgyan du bya ba rnams kyis brgyan pa/ stag gi pags pa'i sham thabs bsnams pa/ dmar la zlum pa g.yon du 'dzugs par mdzad pa'i spyan gsum g.yo ba/snang ba mtha' yas kyi dbu brgyan pa/ phyag bzhi ma/ ut+pal dmar po'i mda' mde'u ma rna ba'i bar du khengs par bkang pa'i me tog dmar po'i gzhu bsnams pa/ phyag lhag ma gnyis kyis ni me tog dmar po las byas pa'i lcags kyu dang ut+pal dmar po bsnams par bsam par bya ba'o//'di nyid mchod pa'i don du rang gi snying ga'i nyi ma'i dkyil 'khor la gnas pa'i yi ge hrIHlas nges par byung ba'i nye bar mkho ba'i mchod pa me tog dang / bdug pa dang / mar me dang / dri dang / lha bshos la sogs pas mchod par bya ba'o//mchod pa dang / rnal 'byor pa mchog tu snying rje dang ldan pas gus pas btud la lus la sogs pas phyag btsal bar bya ba'o/ /de nas ni gang bdag gis bgyis pa dang / bgyid du stsal ba dang / bgyid pa la rjes su yi rang ba'i sdig pa de dag bcom ldan 'das ma'i mdun du mngon sum du bshags par bgyi'o//de'i rjes la 'khor ba'i rgya mtshor lhung bar gyur pa'i sems can gyi khams rnams legs par sgrol ba'i ngo bor gyur pa'i byang chub kyi sems spel bar bya ba'o/ /de nas tshangs pa'i gnas bzhi bsgom par bya ba'o//de'i rjes thogs la stong pa nyid bsgom par bya ba'o/ /de la ni sems tsam du byin gyis brlabs la gnas par bya ba yin la/ sngags 'di yin te/ oM stong pa nyid kyi ye shes kyi rdo rje'i rang bzhin gyi bdag nyid ni nga yin no zhes bya ba ni sems byin gyis brlab pa'o//de'i rjes la nam mkha'i dbyings su yi ger yongs su gyur pa las nyi ma'i dkyil 'khor 'bar ba'i phreng bas 'khrigs par rnam par bsams la/ de'i steng du yi ge hUM mthing nag yongs su gyur pa'i sna tshogs rdo rje las rdo rje sa gzhi dang ra ba dang rdo rje'i gur bcing ba rnam par bsgom par bya ste/'di ni srung ba'i 'khor lo'o/ /de'i dbus su e'i rnam par byas pa'i lha rdzas kyi chos 'byung ye shes kyi kha dog dkar ba rnam par bsgom mo/ /de'i dbus su yi ge hrIHdmar po las byung ba'i pad+ma dmar po 'dab ma brgyad pa'o//de'i lte ba'i steng du yi ge ra yongs su gyur pa las nyi ma'o/ /de'i steng du ra'o/ /yang de'i steng du mtshan sum cu rtsa gnyis kyi bdag nyid du gyur pa'i zla ba rgyas pa dkar po'o/ /de'i steng du nyi ma'i dkyil 'khor te/kha dog dmar po dpe byad bzang po brgyad cu'i ngo bo'o/ /de dag gi dbus su yi ge hrIHdmar po yongs su gyur pa las ut+pal dmar po'i mda' rang nyid kyi sems la zhugs par rnam par bsgom mo/ /phyi nas nyi zla dang mda' gcig tu gyur pa las/sngar bzhin du bdag nyid ku ru kul+le'i skur bsgom par bya ba'o/ rnam par bsgoms nas kyang rang gi snying gar yi ge ra las nyi ma'i dkyil 'khor ro/ /de'i mthil du phyis yang yi ge hrIHbsgom par bya ba'o/ /de las byung ba'i 'od zer gyis bskul la mgon po dpag med spyan drangs la gsang ba cig shos kyi mchod pas legs par mchod par bya ba dang //dbang yang gsol ba gdab par bya ba'o/ /de la gsol ba 'debs pa ni 'di yin te/ snang mtha' mgon gyis bdag dbang bskur du gsol//bya ba'o/ /de nas mgon po dpag med kyis bdud rtsi lngas gang ba'i bum pa rang nyid kyi snying gnas spro bar bya ba dang / gzhan dag kyang bsgom par byas la/ de nas bdud rtsi lngas yongs su gang bar gyur pa'i bum pa de dag gis mngon par bkru bar bya ba'o//khrus byas par gyur nas kyang bum pa rnams rang gi snying gar legs par gzhug par bya ba'o/ /de la rab tu bcug la rnal 'byor pas mgo la mgon po dpag med bsgom par bya ba'o/ /'di thun tshod gsum du rnam par bsgom par bya zhing sngags bzlas par bya ba'o//de la sngags ni/ oM ku ru kul+le hrIHswA hA/ tsan+dan dmar pos khyad par du bzlas par bya ba'o/ /oM AHhUM zhes bya bas kha byin gyis brlab pa dang lus so/ /de nas sngags pas skyes pa dang bud med dag dbang du bya bar 'dod na dkar po'i tshes gcig nas brtsams te smad g.yogs dmar po bcings shing lus kyi dkyil 'khor la yang gon la bcom ldan 'das ma'i sku la kun nas dmigs pas thun gsum du khri phrag re nyi ma re re zhing ngo //de'i rjes la rang gi snying ga'i nyi ma la gnas pa'i yi ge hrIHdmar po yongs su gyur pa las pad+ma dmar po 'dab ma brgyad pa/yu ba skye gnas kyi bar du rnam par zug pa rnam par bsgom par bya ba'o/ /de'i 'dab ma rnams la ni mtha' ma mtha' ma'i dbyangs yig yongs su rdzogs pa las shin tu dga' zhing rgyas la 'phro ba'i bung ba dmar po brgyad do//snga phyi rim pa'i go rims nges pas rang gi sna bug gi rlung gis bskyod nas 'phur te/ g.yas pa las cig shos kyi sna bug gi bu ga nas byung bas/ bsgrub bya'i sna bug gi bu ga g.yas par rab tu zhugs pas pad+ma rtsa ba dang bcas pa rnam par 'jib par byed do//dang po'i dbyangs brgyad brgyad po rnams kyis ni 'dab ma la dmar po cung zad ldan pa rnam par 'jib par byed pa 'di dag tu rnal 'byor pas blta bar bya ba'o/ /phyi nas ni ut+pal dmar po'i mda' gzhu rna ba'i bar du bkang ba mig chad par gtad pa'i sngags pas ze'u 'bru rab tu dbug par bya ba'o//de nas bung ba de dag rang gi dam tshig gis bskul bas dbyangs yig re re khyer te sna bug gi bu ga g.yon pa nas byung nas rnal 'byor ba'i sna bug gi bu ga g.yas pa nas legs par bya ba 'dis ni rang gi snying la rang dang gzhan gyi shes pa gcig gi ngo bor bya ba'o//phyi nas ni ut+palas mgul pa bcings shing / skye gnas lcags kyus zug rngu bskyed de/ mda'i dra ba'i rnam par bsam pas dbang du bya ba'o/ /zo chun gyi 'khor lo la bskyon pas bsgrub bya bkug la/ sngags kyi gzugs kyis sgrub pa pos gdams ngag dang bcas pa legs par rtogs par byas pas rtag tu dga' bas sngags bzlas par bya ba'o//oM ku ru kul+le hrIHche ge mo bdag gi dbang du gyis swA hA/ snying ma lus par bsreg pa ni mtshan mo bya ba'o/ /de nas de myos par gyur pa dag gi sngags kyis bskul nas 'ong bar 'gyur te/skra zhig cing gos med pa gang gis kyang ma gnyer zhing gzhan su'i yang dbang ma yin par ro/ /de thob nas yi dam gyi lha'i sbyor bas sangs rgyas kyi dkyil 'khor mchod par bya ba'o/ /dngos grub rgya chen po 'ga' zhig gis kyang rnam par 'joms par mi nus so//oMD+ya na nas des par byung ba'i ku ru kul+le'i sgrub thabs so/ /mkhas pa chen po byang chub sems dpa' ma la ba dA na shrI dz+nyA na'i zhal snga nas/ dge slong tshul khrims rgyal mtshan gyis bsgyur ba'o/