CLOSE WINDOW

D3217
བོད་ཡིག

/[ ]@##/ /rgya gar skad du/ ku ru kul+lA sA d+ha naM/ bod skad du/ ku ru kul+le'i sgrub thabs/ rang gi snying ga'i zla ba'i dkyil 'khor gyi yi ge hrIHlas byung ba'i ut+pal dmar po'i dbus na yi ge hrIHgnas par bsgom par bya ba'o//de dag yongs su gyur pa las 'phags ma ku ru kul+le ste/ sku mdog dmar po pad+ma dang zla ba dmar po'i gdan can/ 'od zer dmar po khor yug tu 'khyil ba/ kha dog dmar po rnam pa sna tshogs pa'i stod g.yogs dang smad g.yogs bsnams pa/ dbu rgyan snang ba mtha' yas te/ phyag bzhi ma/ rtsa ba'i phyag gnyis kyis ut+pal dmar po'i mda' mde'u dang rna ba'i mthar thug par 'then pas rnam par mdzes pa'i me tog gi gzhu bsnams pa'o/ /g.yon pas sdong bu dang bcas shing kha bye ba'i ut+pal dmar po bsnams pa'o//g.yas pas ni mchog sbyin pa'o/ /cher 'jo zhing sgeg pa'i nyams kyis 'gyur ldog dang ldan par dmigs la ye shes sems dpa' dang gcig tu byas te/ rang gi lus kyi 'od zer spros pa'i lcags kyus drangs pa'i lha dang / lha ma yin dang bya khyung dang / mi 'am ci dang /lto 'phye chen po dang / gnod sbyin dang / skyes pa dang bud med kyi tshogs brgya phrag dang / stong phrag la sogs pa rnams lus rab tu 'dud par byed cing / shin tu gus pa dang ldan pas mchog tu dbang du gyur pas phyogs bcu rnams su legs par lta blta bar bya zhing / oM ku ru kul+le hrIHswA hA/ bya ba'i sngags 'di bzlas par bya ste/ 'bum phrag nas brtsams nas ji srid mthar thug pa med pas bcom ldan 'das ma mngon du bya ba'o/ /de nas 'ga' zhig dbang du byed par 'dod pas bzlas pa 'bum phrag byas shing ji skad du bshad pa'i rnal 'byor la gnas te/gus pas rab tu 'dud par byed pa'i lha dang lha ma yin la sogs pa'i dbus su gnas pa'i bdag nyid kyi lus kyi 'od zer gyis drangs pa'i bsgrub bya mdun du legs par bzhag la/ rang gi snying gar ut+pal dmar po 'dab ma bcu drug pa de'i snying la yang rnam par bsams te/'phags pa rdo rje lus med las bshad pa'i rim pa ltar bung ba dang lcags kyu bsgoms pas de'i ming gi yi ge rang gi snying ga'i sngags kyis dang por kun nas mnan nas/ de bzhin du mdas snying phug cing chags pa chen po mos par gyur pa dang / gzhus rkang pa gnyis dang ut+pala'i zhags pas kyang ske ba bcings shing kun nas drangs pas rang gi rkang pa gnyis kyi drung du bsgyel bar bya'o//gal te skyes pa yin na ni lcags kyus snying phug par bya ba'o/ /ji ste bud med yin na ni chos 'byung nas so/ /oM ku ru kul+le che ge mo 'am che ge mo yang rung ste kun nas khug cig hrIHswA hA zhes bya ba'i sngags bzlas par bya'o//bsgrub bya kun nas drangs la yang sngags nyid kyis dbang du gyis shig ces bar du bcug pas bzlas par bya'o/ /brgya bzlas pas ni tha mal pa'i skyes pa dang / bud med kyi tshogs dang / rgyal po dang / blon po yang dbang du 'gyur ro/ /khris ni skye dgu'i 'jig rten pa rnams so/ /'bum gyis ni rgyal po'o/ /'bum phrag bdun gyis ni lha dang lha ma yin gyi bu mo rnams kyang ngo / bye bas ni bya khyung dang rab brtan la sogs pa'i lha'i dud 'gro rnams dang / tha mal pa'i dud 'gro rnams kyang ngo //dus ring por gus pa dang bcas shing rgyun mi chad pas mtha' yas par bzlas pas ni sa gsum ka yang dbang du byed par 'gyur ba yin no/ /ku ru kul+le'i sgrub thabs so/ /a b+ha ya'i zhal snga nas tshul khrims rgyal mtshan gyis bsgyur ba'o/