CLOSE WINDOW

D3203
བོད་ཡིག

/ //a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ sI ta tA ra sA d+ha naM/ bod skad du/ sgrol ma dkar mo'i sgrub thabs/ zla ba drug tu sgrub pa la brtson pas/ /sgrol ma'i thugs kar 'khor lo bsgom pa la//'chi bdag skyon gyis gos par 'gyur ma yin/ /dngos grub rnams kyang thams cad thob par 'gyur/ /'chi ba slu ba bsdus pa las/ /sgrol ma dkar mo bton pa yi/ /bsgoms pas 'jigs pa sel byed pa'i/ /ngag gi dbang phyug gis 'di bya/ /sde bzhi dang po'i yig ldan las//'od zer nam mkhar rnam spros pas/ /pad dkar zla ba'i gdan bltas la/ /mdun du gsum la skyabs 'gro brjod/ /rang bzhin sgro btags gzhom don du/ /stong pa nyid du yud tsam blta/ /de nas smon lam stobs las ni/ /byang chub sems kyi yi ge yin/ /zla ba'i dkyil 'khor gdan steng na//rdo rje'i skyil krung legs par gnas/ /mchog sbyin ma dang ut+pal bsnams/ /ston ka'i zla ba ltar dkar zhing / /rgyab ni zla ba la legs brten/ /lo ni bcu drug ma yi lus/ /rgyan rnams kun gyis legs brgyan ma/ /rdzogs sangs de dag thams cad sras//yum gyur 'dod pa'i gzugs 'dzin ma/ /bsgoms la 'phags ma sgrol ma de'i/ /thugs kar 'khor lo'i 'od dkar ba/ /rtsibs brgyad la ni yi ge yang / /brgyad kyis yongs su dgang bya ba/ /oM hA gsal byed dbus gnas pa'i/ /bsgrub bya'i ming sogs lte bar ni//bsgom bya rtse gcig sems kyis kyang / /zla drug brtan pas nges bya zhing / /sems skyon ni bzlas bya ba/ /sngags kyi yi ge bcu po 'di/ /oM gyi yi ge dang por sbyin/ /phyi nas tA re legs par sbyar/ /'di dag rjes la tut+tA re/ /de mtha' swA hA las kun byed/ /tshangs dbang khyab 'jug nyi zla drug /phyogs skyod 'dod pa'i rgyal pos kyang / /dgag par mi nus spu yi rtse/ /'chi bdag 'byung las grol 'gyur zhing / /gnyer ma skra dkar skal ngan nad/ /dbul ba'ang kun nas zad par byed/ /seng ge la sogs 'jigs chen brgyad/ /sdug bsngal tshogs rnams 'jig par byed//gos skom khang bzangs rin chen sogs/ /btsal ba med par bde bar rnyed/ /ral gri mig rtsi rkang byug dang / /bum pa bzang sogs dngos grub 'byung / /yid gzhungs smra mkhas snyan dngags nyid/ /shes rab gcig tu dri med dang //'dod pa'i dngos grub gzhan rnams kyang / /'khor lo 'di las rab tu 'byung / /sgrol ma dkar mo'i sgrub thabs kyis/ /nad dang 'chi bdag rnam 'joms pa/ /legs byung dge ba gang yin des/ /skye dgu sgrol ma nyid du shog /sgrol ma dkar mo'i sgrub thabs/