CLOSE WINDOW

D3197
བོད་ཡིག

/[ ]@##/ /rgya gar skad du/ badzra tA ra sA d+ha naM/ bod skad du/ rdo rje sgrol ma'i sgrub thabs/ rdo rje sgrol ma la phyag 'tshal lo/ /de nas sbyin sreg las mchog gis/ /'dod don kun grub de yi phyir/ /rdo rje sgrol ma'i sgrub thabs ni/ /bdag gis yang dag rab tu bshad//de la sngags kyi tshig ni 'di dag rnams yin te/ thugs rje chen po dang ldan pa'i byang chub sems dpa' sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /'di lta ste/ oM tA re tut+tA re tu re bdag gis dbang bgyis pa'i ma rungs pa dang rab tu ma rungs pa thams cad rmugs par mdzod cig /rengs par mdzod cig /rmongs par mdzod cig /chings shig hUM hUM hUM phaT phaT phaT ma rungs pa thams cad sgrol ma la swA hA/ ma mo'i dkyil 'khor dbus gnas par/ /lha mo sgrol ma rnam bsgoms te/ /zhal bzhi ma la phyag brgyad ma//rgyan rnams thams cad kyis brgyan ma/ /gser gyi sku mdog skal ldan ma/ /gzhon nu mtshan rnams mchog tu 'bar/ /sangs rgyas lnga yi dbu rgyan can/ /rdo rje nyi ma dbang bskur bzhugs/ /lang tsho bdo zhing mdangs bzang can/ /gser gyi rna gdub rnam par g.yo//sna tshogs pa yi gdan bzhugs shing / /'od zer dmar pos rnam par brgyan/ /rdo rje zhags pa de bzhin du/ /mda' g.yon gsal dang g.yas pa rnams/ /rdo rje lcags kyu ut+pal gzhu/ /sdigs mdzub mdzad rnams g.yon pa rnams/ /rdo rje skyil krung sbyor ba yis/ /sa gsum sgrub par byed pa yin//shar du me tog sgrol ma ste/ /yi ge oM yig las grub pa'i/ /kha dog dkar mo yid 'ong ma/ /zhal gcig ma la phyag gnyis ma/ /me tog phreng bas phyag brel zhing / /rgyan rnams kun gyis brgyan pa'o/ /lho na bdug spos sgrol ma ni/ /kha dog nag mo gzugs bzang ma//phyag na bdug pa'i snod bsnams shing / /rgyan rnams kun gyis brgyan pa'o/ /nub kyi mar me'i sgrol ma ni/ /mar me'i kong bu lag thogs shing / /ser mo rgyan chen gyis brgyan ma/ /gser gyi rna gdub g.yo ba'o/ /byang gi dri yi sgrol ma ni/ /phyag na dri yi dung bsnams pa'i//lha mo sku mdog dmar gyur pa/ /dkyil 'khor lte bar bsgom par bya/ /lcags kyu ma sogs rab dbye bas/ /de nas sgo srung bsgom par bya/ /shar gyi sgo ni rdo rje lcags kyu ma ste/ zhal gcig phyag gnyis ma/ lcags kyu dang ut+pal phyag na bsnams shing / zhal rnam par bsgyur ba mdog nag mo/ lho'i sgor ni rdo rje zhags pa ma ste/ mdog ser mo bzhin rnam par bsgyur ba/ zhal gcig phyag gnyis ma phyag na rdo rje'i zhags pa bsnams pa'o/ /nub kyi rdo rje lcags thag ma ste/ dmar mo zhal gcig phyag gnyis ma/ zhal rnam par bsgyur ba phyag na rdo rje'i lcags thag bsnams pa'o//byang gi sgo na ni rdo rje dril bu ma kha dog dkar mo ste/ zhal gcig phyag gnyis ma bzhin rnam par bsgyur ba rdo rje dril bu phyag na bsnams pa'o/ /de dag rnams ni nyi ma'i gdan la g.yon bskum pa'i stabs kyis bzhugs shing / nyi ma'i gzi brjid can/'bar ba'i phreng bas dkrigs pa/ sbrul gyis brgyan par bstan par bya ba'o/ /steng du ni gtsug tor rnam par rgyal ba steng 'og tu yang sum+b+ha rnam par bsgom par bya ba ni/ 'khor lo dang klu'i zhags pa dang ldan par bsgoms la/ sngags spros pas bzlas par bya ba ni/ oM tA re tut+tA re tu re swA hA/pha rol phyin bcu la brten pa/ /yi ge bcu las lha bcu ni/ /sbyor ba yis ni bsgom byas na/ /don rnams thams cad rab tu 'grub/ /sangs rgyas kun gyis phyag byas pa'i/ /sngags kyi gtso bo mchog de dag /brjod pas grub byed rno gyur pa/ /rdo rje gur las gsungs pa yin//sngags 'dis stod g.yogs kyi grwa la lan bdun mngon par bsngags te/ mdud pa bcings nas ri 'bigs byed la 'gro bar gyur na yang 'ga' zhig gis kyang gnod par mi nus so/ /stag dang / chom rkun dang / chu srin na kra dang / seng ge dang / sbrul dang / mche ba can dang / ma hi Sha dang /dom dang / ba men la sogs pa rnams kyang ming dran pa tsam gyis 'joms shing thul bar 'gyur ro/ /sngags 'dis ji srid du ut+pal brgya rtsa brgyad sbyin srig bya ste/ oM tA re tut+tA re che ge mo bdag gi dbang du khug swA hA/ sngags 'di khwa ta'i gshog sgrol lan sum cu rtsa gnyis kyi bar du yongs su bsngags la dgra'i sgor sbas te/nyi ma bdun na skrod par 'gyur ro/ /oM tA re tut+tA re tu re tsa la pra tsa la shA g+h+ri gA mi ni lha sbyin skrod cig hUM hUM phaT phaT/ de nas sbyor ba gzhan yang yod do/ /oM tA re tut+tA re tu re a mu ka a b+hi d+hA nA ku mA rI ma dz+ya bi bA he na ta s+yaHpi tA pra yats+tsha tu swA hA/ myos byed gtum po sa bon dang / / de bzhin smyon pa nyid dang ni/ /mya ngan med 'dab me tog kyang / /stong phrag lnga ni sbyin sreg bya/ /sbrang mar bu ram sbyin sreg ni/ /bu mo sgrub la rab tu bsngags/ /nyi ma bdun nas rnal 'byor pas/ /rang 'dod bu mo de rnyed do/ /de nas sbyor ba gzhan yang yod do/ /oM tA re tut+tA re tu re che ge mo rang gi gnas nas mngon par bkug nas bdag gi drung du khrid shog dzaHsngags 'dis 'bras bu bA Da rI kaN+De ka rang byung gi me tog gis byugs la stong phrag lnga sbyin sreg bya ba'o//bya ba 'dis ni mi'i bdag po'i bu mo yang 'gugs par byed pa yin no/ /de nas sbyor ba gzhan dag yang yod do/ /ra tsas lA'i ras la bcom ldan 'das ma zhal gcig phyag gnyis ma lcags kyu dang ut+pal dang zhags pa phyag na bsnams pa rnam par bris la/de'i mdun du lha rdzas kyi me tog mchog 'di dag bya ba la sogs pas mchod par bya ba'o/ /de'i phyi nas ni bsgom pa dang ldan pas bzlas pa bya ste/ oM tA re tut+tA re che ge mos bdag 'dod pa'i swa snaM ka tha ya hUM phaT bya bas stong phrag lnga nas 'ong bar 'gyur ro//zhags pas rked pa nas bcings shing lcags kyus phug nas bzung ba'i bsgrub bya rkang pa'i 'og tu bsgoms la/ bran mo'i tshul gyis longs spyod par bya'o/ /de nas sbyor ba gzhan yang yod pa ni sgrol ma'i gzungs kyis lan bdun du mngon par bsngags la/bdag nyid mig gnyis mnyes te/ rgyal po'i pho brang gi sgor zhugs par gyur na 'gal bar zhugs shing gus pa med pa yang de nas rgyal po de slob ma bzhin du gus par byed do/ /rab tu dang bar gyur pa yang legs par gsal bar byed do/ /mthun pa'i gtam smra bar byed do//g.yog po nyid du yang yong bar 'gyur ro/ /gtum po yin yang dbang du 'gyur ba 'di ni mthong bas yid ches pa dang nges par bden pa yin no/ /yang de nas sbyor ba gzhan du gyur pa ni/ sgrol ma'i gzungs lan brgya bzlas shing sbrul dug can ngo gnyis pa thal bar byas te/ba kha dog dmar mo'i mar dang shing nyi ma'i shing bal gyis sdong bu byas la legs par spar bas mig rtsi dbab par bya ba'o/ /mig rtsi de dang rdo rje nyi ma dang rdo rje chos gnyis dang legs par mnyes te rta mchog gi du ba bdugs la/ thal ba dang lhan cig tu mig la byugs par gyur pa'i mig rdo rje gang la bltas pa de gang gi tshe pad+ma gar gyi dbang phyug yin yang 'dzag par ma gyur na de'i tshe nga sgrol ma ma yin zhing ngas sangs rgyas bcom ldan 'das rnams kyi sku bcom par yang 'gyur ro//de nas sbyor ba gzhan yang yod pa ni bu chung so med pa'i lce blangs la sgrol ma'i gzungs kyis lan bdun mngon par bsngags te/b+h+r-ing+ga rA ja'i rtsa ba dang gi waM dang lhan cig gcig tu byas la dpral bar thig le byugs pa gang dang gang gis mthong ba de dbang du byed do/ /gzhan ya dga' bar mi 'gyur zhing gzhan du 'gro bar yang mi byed de/ bdag nyid kyang mi 'dor ro/ /de nas ni sbyor ba gzhan dag kyang yod de/ gsus pa'i 'bu la sgrol ma'i gzungs kyis lan bdun mngon par bsngags nas rdo rje chos dang lhan cig tu byas te/ tAm+bu la dang bu mo la sbyin na zos pa tsam gyis rnal 'byor dang ldan pa ni mi phyed par 'gyur ro/ /gzhan la dga' bar mi byed cing gzhan du 'gro bar yang mi 'gyur ro/ /rang gi khyim thabs kyang spong par 'gyur ro//de nas sbyor ba gzhan yang yod pa ni mar nag chen pos bdag nyid kyi lus la byugs la/ bsgom pa dang ldan pas sgrol ma'i gzungs khri bzlas par bya ba'o/ /bzlas pa dang 'bras shA li phye mar byas pa'i lde gus dri ma dril phyis byas pa/ gang la byin pa de nyi ma lngar yang mi phyed pa yin no//de nas sbyor ba gzhan yang yod pa ni zla ba gzas bzung ba'i dus su sgrol ma'i gzungs bzlas pa dang / sngon du 'gro ba yang byas pas de lta bur gyur pa'i 'jig rten dbang phyug blangs la dung 'de gu dang bcas pa bag ma la sbyin par bya ste/ nyi ma lngar yang rjes su byed par 'gyur ro/ /de nas sbyor ba gzhan dag kyang yod de/gang la sgrol ma'i gzungs kyi sngags kyis myos pa'i 'bras bu la lan brgya rtsa brgyad yongs su bsngags shing 'bras bu de dang rta mgrin lhan cig tu byas pa gang la byugs pa de dbang du 'gyur ro/ /de nas sbyor ba gzhan yang yod pa ni/ /oM tA re tut+tA re tu re che ge mo'i 'ching ba grol/ bar mdzod muHswA hA/ sngags 'di shing nyi ma'i yal ga la bsgrub bya'i ming bar bcug pa legs par bris la ku lA'i ra gar ta la bzhag nas bcings pa las grol bar 'gyur ro/ /rdo rje sgrol ma'i sgrub thabs rdzogs so// //paN+Di ta chen po a b+ha yA ka ra'i zhal snga nas dge slong tshul khrims rgyal mtshan gyis bsgyur ba'o/