CLOSE WINDOW

D3184
བོད་ཡིག

/rgyal po chen po brjid pa zhes bya ba'i 'jam dpal gyi sgrub thabs so/ /mkhas pa las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ sid+hi ka bI ra sA d+ha naM/ bod skad du/ dpa' bo gcig tu grub pa'i sgrub thabs/sngon gyi zla ltar gsal 'bar ba'i/ /dang por 'jam rdor phyag 'tshal nas/ /mdor bsdus gsal ba'i mchog gis ni/ /de yi sgrub thabs bdag gis bshad/ /dang por re zhig sngags pas yid kyi rjes su mthun pa'i sa phyogs gtsang mar bde ba'i stan gyi dbus su gnas la/ rang gi snying gar yi ge a las nges par byung ba'i zla bar ral gri dang ba'i de kho na nyid maM rnam par dgod par bya ba'o/ /de'i 'od zer nam mkha' bkang bas bcom ldan 'das dang / rje btsun bla ma nam mkha' la bltas te/ de nas bcom ldan 'das kyi mdun du gnas la/ yid kyi rang bzhin gyi mchod pas 'jam dpal dang /bla ma rje btsun mchod par bya zhing phyag 'tshal lo/ /dge ba 'phel bar bya ba'i don du de nas sdig pa bshags pa thams cad ni bdag gis bshags par bgyi'o/ /bsod nams thams cad la ni bdag yi rang ngo / /de dag kyang bla na med pa'i sangs rgyas kyi byang chub tu bdag gis yongs su bsngo bar bgyi'o//byang chub kyi bar du sangs rgyas dang / chos dang dge 'dun la bdag skyabs su mchi'o/ /bdag gis brjod pa'i byang chub tu sems bskyed par bgyi ba'o/ /de nas bcom ldan 'das gnyug ma'i sa bon dang lhan cig gyur par bltas la/ khams gsum po thams cad kyi 'gro ba dang gnas pa'i rten cing 'brel bar 'byung ba rnams rmi lam dang / sgyu ma dang gzugs brnyan dang mtshungs shing dpyad mi bzod pa nyid du rnam par bsam pa ste/ rang bzhin gyis 'od gsal ba nyid yin pas bdag nyid yongs su dag pa 'ba' zhig tu bsgom par bya ba'o//oM rang bzhin gyis rnam par dag pas chos thams cad rang bzhin gyis dag pa ni bdag yin no zhes bya ba 'dis kyang brtan par bya ba'o/ /yang smon lam gyi stobs kyis bskyed pa'i zla ba'i ral gri la laM rnam par bltas la/ de'i 'od zer spros pas 'jam pa'i rdo rje'i bdag nyid la legs par bcug pa'i bdag nyid yi ge maM las byung bar bsgom par bya ste/sku ston ka'i zla ba ltar dkar ba/ zur phud lnga pa/ rgyan thams cad kyis brgyan pa/ phyag g.yon pas ut+pal sngon po bsnams shing / phyag g.yas pas mchog sbyin pa/ sna tshogs pad+ma dang zla ba'i gdan la rdo rje skyil mo krung gis bzhugs pa'o/ /de nas rang gi snying ga'i zla ba la nor bu shel gyi 'od dang mtshungs pa'i maM gi 'od zer gyis nam mkha'i mthas khyab pa'i skye dgu rnams kyi don byed par gyur pa/ khyad par gsal bar byed pa/ ji srid du skyo bar ma gyur pa de srid du bsgom par bya ba'o//bsgoms pas skyo bar gyur na gsang sngags bzlas par bya ba ni/ oM wA kye daM na maHdang nye ba'i snying po yang bzlas par bya ste/ oM hrIHhUM de nas yi ge brgya pa bton la/ 'jam pa'i rdo rje'i nga rgyal gyis langs te/ de kho na bzhin du rgyu bar bya ba'o/ /'dis ni zla ba drug gis ngag gi dbang phyug nyid nges par sgrub par byed do//rtag tu goms par byas pa'i sbyor bas skye ba 'di nyid kho na la sangs rgyas nyid kyang sgrub par byed pa yin no/ /bsam gtan de lta bus gnas pas sngon du 'gro ba'i bzlas pa 'bum phrag bdun byas la/ ral gri la sogs pa'i dngos grub rnams bsgrub par bya ba'o//de nas nyi ma gzas bzung ba'am zla ba gzas bzung ba la khab len gyi lcags las brdungs pa'i ral gri rang gi lag tu bzung la/ zla ba la lta bas ji srid du btang bar ma gyur pa de srid du bzlas pa byas na/ ral gri'i rig pa 'dzin par 'gyur ro/ /de bzhin du rdo rje dang /'khor lo dang / mdung rtse gsum dang / tho ba dang / zhags pa dang / lcags kyu la sogs pa rnams kyang yin no/ /mig rtsi dang / rkang pa'i byug pa dang / thig le dang / dbang du bya ba'i rdzas rnams bsogs la bsgrub par bya ba'o/ /rig pas bcud kyis len legs par 'du byas la bsgrub par bya ba'o//'o thug gi bza' ba'am/ zho'i zas sam/ mar dang bcas pa'am/ sha ka ras lhung bzed khengs par byas la/ lag pas kyang bkab ste/ bzlas pa byas la bza' bar bya ste/ tshe lo lnga brgya thub par 'gyur ro/ /mon sran dre'u khar bcug la myu gu byung gi bar du bzlas pa byas te/de dag med par gyur na snyan dngags par 'gyur ro/ /thos pa dang 'dzin pa dang / ngag la dbang ba dang / yid gzhungs par yang 'gyur ro/ /shing thog pi wang dag gis 'bum phrag gcig sbyin sreg byas na 'jig rten gsum gyi rgyal srid nges par 'grub par 'gyur ro/ /ji snyed pa'i me tog dkar po rnams kyis 'bum phrag bzhi sbyin sreg byas pas/ngag gi grub pa thob nas ngag gi dbang phyug dang mtshungs par 'gyur ro/ /mar gyis byug pa'i 'bru lnga'i sbyin sreg 'bum phrag bzhi tsam gyis kyang gnod sbyin mo dang / sa 'og gi bu mo yang 'gugs par byed do/ /tshangs pa'i phye ma byi la spar pa tsam la len brgya rtsa brgyad mngon par bsngags te/nam mkha' byung ba dang maN+Dal byas nas phun sum tshogs pa ji lta bar bcom ldan 'das legs par mchod la mar dang gnyis sbu gus btung bar bya ba'o/ /shu dag zho phyed kyi tshad tsam de kho na bzhin du mngon par bsngags la/ mar ram 'o ma'am/ mar nag dang yang rung ste/ zla ba gcig tu btung bar bya ste/ glen pa dang lkugs pa nyid dang / ngar ngar po dag kyang rnam par 'joms par 'gyur ro/ /zla ba drug gas ni ma thos pa'i bstan bcos rnams kyang mngon sum du 'gyur ro/ /shes zin pa rnams las ni rnam par nyams par mi 'gyur ro//thos pa 'dzin pa dang / mtshungs pa med pa'i khu byug dang 'dra bar skad snyan pa dang / ngag gsal bar yang 'gyur ro/ /de la yi ge brgya pa'i sngags ni 'di yin te/ oM badzra satwa sa ma ya/ ma nu pA la ya/ badzra satwa twe no pa tiSh+Tha/ dr-iD+ho me b+ha ba/ su toSh+yo me b+ha ba/a nu rak+to me b+ha ba/ sarba sid+d+him+me pra yats+tsha/ sar+b+ba kar+m+ma su tsa me tsit+taM shre yaHku ru hUM/ ha ha ha ha hoH b+ha ga wAn sar+b+ba ta thA ga ta badzra mA me muny+tsa bidzrA b+ha ba ma hA sa mA ya satwa AH 'phags pa dpa' bo gcig tu grub pa'i sgrub thabs so/ /paN+Di ta chen po a b+ha ya ka ra gup+ta'i zhal snga nas dge slong tshul khrims rgyal mtshan gyis bsgyur ba'o/