CLOSE WINDOW

D3170
བོད་ཡིག

/gzi brjid 'jam rdor mtshungs par shog /tshig lhug pa'i brtan pa'i 'khor lo'i sgrub thabs so// //dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ bA gI rA Ta sA d+ha naM/ bod skad du/ gsung gi mnga' bdag gi sgrub thabs/dngos grub thams cad rab byin pa'i/ /ye shes rang bzhin mgon la 'dud/ /kri ya'i rgyud kyi rjes 'brangs la/ /de yi sgrub thabs bdag gis bshad/ /de la re zhig dang por sngags pas yid dang mthun pa'i gnas su ji ltar bde bar nye bar gnas la/ sdug bsngal gyi chu bor bying bar gyur pa'i sems can gyi khams rnams la bltas pas smon lam gdab par bya ste/sdug bsngal bar gyur pa'i sems can 'di dag rnams 'khor ba na 'khor bar gyur pa de dag 'jam pa'i dbyangs su gyur nas/ bla na med pa'i go 'phang la legs par dgod par bya'o/ / zhes bya bar ro/ /de nas thang ka la sogs par gyur pa'i bcom ldan 'das 'jam pa'i dbyangs dang bla ma dang sangs rgyas dang byang chub sems dpa' rnams mdun du yang dag par dmigs la/ me tog la sogs pas legs par mchod cing yan lag lngas phyag 'tshal te/ sdig pa bshags pa dang slan chad mi byed par sdom pa dang /bsod nams la rjes su yi rang ba dang bdag nyid kyi dngos po yongs su dbul ba dang gsum la skyabs su 'gro ba dang byang chub tu sems bskyed pa rnams kyang bya ba ni/ tshigs su bcad pa gnyis po 'di dag gis yin te/ dkon mchog gsum la skyabs su mchi//sdig pa thams cad so sor bshags/ /bsod nams kun la rjes yi rang / /sangs rgyas byang chub yid kyis bzung / /bdag gis byang chub sems ni bskyed bgyi zhing / /'gro ba ma lus bdag gis mgron du gnyer/ /byang chub mchog gi spyod pa spyad bgyi zhing //'gro la phan phyir sangs rgyas grub par shog /de nas lam la brten par bya ba'o/ /oM chos thams cad rang bzhin gyis rnam par dag pas bdag kyang rang bzhin gyis rnam par dag pa'o/ /'di'i don rjes su rtogs pas lan gsum brjod la rang bzhin gyis rnam par dag par mos par bya ste/chos thams cad bdag med par bsgom mo/ /khams gsum stong zhing mtshan nyid med pa gzung ba dang 'dzin pa dang bral bar bltas la/ rang gi snying gar yi ge a las zla ba'i dkyil 'khor ro/ /de'i steng du gser btso ma'i mdog lta bu'i yi ge muH'o//de las kun du byung ba'i 'od zer gyi tshogs kyis 'jig rten gyi khams thams cad du khyab par byas shing kun du snang bar yang bya ste/ skal ba ji lta ba bzhin du sems can rnams kyi don byas shing de bzhin gshegs pa rnams kyang bskul nas/ sa bon de nyid la legs par gzhug par bya ba'o//de dag thams cad yongs su rdzogs pa las bdag nyid 'jam pa'i dbyangs kyi ngo bo nyid du bsgom par bya ste/ sku gser bzhu ba'i mdog dang mtshungs pa zhal gcig phyag gnyis pa seng ge'i steng na pad+ma dang zla ba'i gdan la phyed skyil gyis bzhugs pa/ zur phud gsum pa rin po che'i dbu rgyan can zla ba'i 'od kyi dbu yol dang ldan pa gzhon nu'i rnam pa'i gzugs mnga' brgyan rnams thams cad kyis brgyan cing /sgeg pa'i nyams dang legs par ldan pa ste/ phyag gnyis kyis chos kyi 'khor lo'i phyag rgya mdzad cing phyag g.yon pas shes rab kyi pha rol tu phyin pa dang bcas pa'i ut+pala'i mchog bsnams pa'o//ljang ngar g.yon pa la brten nas ni khro bo chen po gshin rje gshed de/ mdog mthing nag zhal bsgyur zhing mche ba rnam par gtsigs pa skra kham ser 'khyil ba spyan shin tu dmar zhing zlum pas phyag g.yas pas bcom ldan 'das kyis ljang ngar la 'jus pa g.yon pas dbyug tho 'dzin pa'o//de ltar rnam par bsgoms la sku gsung thugs kyi zla ba'i dkyil 'khor la oM AHhU~M zhes bya ba'i yi ge gsum po dkar po dang dmar po dang sngon po'i mdog tu rim pa ji lta ba bzhin du dgod par bya ba'o/ /de nas nu ma gnyis kyi bar du zla ba'i dkyil 'khor la yi ge muHbsams la de nas mchod par bya ba dang mchod par byed pa po tha dad med par dmigs te/rnam pa sna tshogs pa'i lha rnams kyis yang dag par bstod par gyur ba bdag nyid lta zhing spro ba dang bsdu bas ji srid du skyo bar gyur pa ma yin pa de srid du bsgom par bya ba'o//de ltar rtag tu bsgom byas na/ /sangs rgyas byang chub rab tu 'grub/ /skye ba 'di nyid rang la yang / /thugs rje chen po 'jam mgon 'thob/ /bsgoms pas skyo bar gyur na rang gi snying gar zla ba'i dkyil 'khor la sngags rnam par bkod la zhe na pa med pa'i yid kyis bzlas par bya ba'o//de la sngags ni 'di yin te/ oM d+ha rma d+hA tu bA gI shwa ri muM/ de ltar bzlas pa byas la bsgoms pas kyang skyo bar gyur nas gal te langs par 'dod na/ de kho na bzhin du legs par mchod cing yang dag par bstod la/ dge ba yongs su bsngos te tshigs su bcad pa 'dis bzod par gsol bar bya ba'o//rmongs pa'i blo can bdag gis ni/ /nongs pa cung zad gang bgyis pa/ /de las lus can skyob pa'i mgon/ /khyod kyis slar yang de bzod mdzod/ /skye dgu rnams la phan pa'i don du smon lam gdab par bya ste/ dge ba 'dis kyang bdag gis sangs rgyas nyid thob nas srid pa'i rgya mtsho rgal bar dka' ba las 'gro ba mtha' dag sgrol bar shog /de nas chos thams cad mnyam pa nyid du lhag par dmigs la thams cad 'jam pa'i dbyangs kyi rang bzhin du bltas te rang gi lha'i nga rgyal dang ldan pas ji ltar bde bar gnas par bya ba yin no//de ltar thun bzhi'am thun gsum du yang rung ste bya ba yin no/ /sgrub thabs 'di byas las byung ba'i/ /'bras bu bdag gis gang thob pa/ /des ni srid gsum 'jig rten 'di/ /ma lus 'jam dbyangs nyid gyur cig /'phags pa dpal dang ldan pa 'jam dpal gsung gi mnga' bdag gi sgrub thabs rdzogs so/