CLOSE WINDOW

D3165
བོད་ཡིག

sa ra ha'i zhal nas mdzad pa rdzogs so// //a b+ha ya'i zhabs drung nas pa tshab tshul khrims rgyal mtshan gyis bsgyur ba'o//[ ]@##/ /rgya gar skad du/ trai lokya ba sh+yaM ka ra lo ki shwa ra sA d+ha naM/ bod skad du/ 'jig rten dbang phyug 'jig rten gsum dbang du mdzad pa'i sgrub thabs zhes bya ba/re zhig dang por yid kyi rjes su mthun pa'i gnas su rnal 'byor pas thang ka bkram la/ de'i mdun du sa'i dkyil 'khor gyi dbus su gur gum gyis zla ba'i dkyil 'khor mdzes par bya ba'o/ /sngags 'dis bya ste/ oM rdo rje ri mo hUM dzaHhU~M baM pad+ma la bzhugs hoH//sngags 'dis spyan drangs la/ oM 'jig rten gsum dbang du mdzad pa rdo rje'i me tog hU~M bzhes su gsol swA hA/ sngags 'dis maN+Dal gyi dbus su 'jig rten gsum dbang du mdzad pa'i rje btsun 'jig rten dbang phyug mchod par bya ba'o/ /oM thub pa rdo rje muH'di ni gshegs su gsol ba'i sngags yin no//phyi nas ni rang gi snying gar yi ge aM bsam par bya ba'o/ /de yongs su gyur pa las nyi ma'i dkyil 'khor grub par bya'o/ /de'i steng du chags pa'i sa bon skya rengs dang po'i 'od zer dang mtshungs par bltas la/ 'od zer de dag gis kyang snang ba mtha' yas mchod cing sdig pa bshags pa la sogs pa yang byas la/slar yang lus la legs par gzhug par bya'o/ /de dag thams cad yongs su gyur pa las skad cig gis sa gsum gyi lug gnyis zhags pas sbrel ba'i thog gi pad+ma'i steng du rdo rje'i skyil mo krung gis bzhugs pa ste/spyan gsum rnam par phye ba ral pa dang cod pan dang ldan pa rdo rje kha dog dmar pos mtshon pa'i zhags pa dang lcags kyu bsnams pa'o/ /sprul pa sna tshogs pa mnga' ba'i rdo rje rnal 'byor ma rnams la dbang bskur bar gsol ba gdab pa'o/ /de bzhin du byang chub sems dpa' sna tshogs pa'i rgyan dang ldan pa rnams kyis mchod par byed do//rig pa 'dzin pa dang khyab 'jug dang dbang phyug dang tshangs pa dang rnal 'byor ma'i tshogs rnams kyis kyang gar dang rol mo'i sgra byed cing sna tshogs pa'i 'byung po'i tshogs la sogs pa rnams dang mi mgo'i thod pa'i phreng ba sna tshogs pas brgyan pa rnams kyis kyang ngo //de bzhin du sna tshogs pa'i gdugs dang rnga yab la sogs pa yang blta bar bya ba'o/ /de dag dmigs la dam tshig tu de bzhin gshegs pa snang ba mtha' yas mgo bo la blta bar bya'o/ /'di lta bu dag tu bdag nyid bsam par bya ba'o//de nas lte ba'i ltag tu nyi ma'i dkyil 'khor 'od zer gyi rang bzhin dang ldan par bsams la/ de'i steng gi g.yon du chags pa'i sa bon no/ /snying gar khro bo'i sa bon no/ /dbyangs yig AH'di rnams ni bsgom par bya ba'i sngags so/ /de dag thams cad bsgoms shing rdo rje'i bdag nyid kyi sngags brjod pas rdo rje'i bdag nyid du bsam par bya ste/oM stong pa nyid kyi ye shes kyi rdo rje'i rang bzhin gyi bdag nyid ni nga'o/ /rdo rje'i bdag nyid kyi sngags so/ /de dag goms par gyur pa'i sbyor bas g.yo ba dang bskyod pa dang / dbab pa byas la gnyis su med pa'i ye shes bskyod par bya ba'o//rnal 'byor pa de glang po bzhin du grag par 'gyur zhing shin tu dga' ba bzhin du rigs lnga 'du bar 'gyur ro/ /gal te rigs lnga 'du bar ma gyur na/ de'i tshe de'i lus la g.yo ba dang bskyod pa dang dbab pa la sogs pa gnas pa ma yin no//de ltar nyin re bzhin rigs lnga 'du ba des ni 'grub par 'gyur ba yin la/ grub pa thob pas kyang gzhan gyi lus g.yo ba dang / bskyod pa dang gab pa byas la/ 'dod chags dang zhe sdang la sogs pa dgag par bya ste/ dper na grub pa'i gser 'gyur gyis phug pa'i zangs ni mdog ngan pa dang bral bar 'gyur ro//de bzhin du lus nyid kyang 'bigs byed kyi bcud can gyis phug pas 'dod chags dang zhe sdang la sogs pa dang bral bar 'gyur ro/ /hU~M hU~M yI/ bzlas pa'i sngags so/ /oM hrI AHgnod sbyin dbang phyug ma 'phrog ma swA hA/ 'phrog ma'i sngags so/ / oM AM kroM hra'i dpa' bo dang dpa' mo'i dbang phyug ma'i tshogs 'khor dang bcas pa ma lus pa rnams a a a ba ta ra a ba ta ra phyogs bcu nas gshegs su gsol zhing 'jig rten dbang ba yang gtor ma 'di gr-ih+Na gr-ih+Na hU~M swA hA/ gtor ma'i sngags so/ /sa ra ha'i zhal snga nas mdzad pa/