བོད་ཡིག |
179a1 /[ ]@##/ /rgya gar skad du/ hA la hA la sA d+ha naM/ bod skad du/ snying rje khros pa'i sgrub thabs/ snying rje khros pa la phyag 'tshal lo/ /sngar bzhin du stong pa nyid kyi bar du bsgoms la/ sa bon
179a2 gyi yi ge hrIHyongs su rdzogs pa las snying rje khros pa'i thugs rje chen po zhal gsum pa nyid yang spyan gsum pa ral pa dang dbu rgyan dang ldan pa ste/dang po'i zhal dkar ba g.yas pa sngo ba g.yon pa dmar ba zla ba phyed pa dang ldan pa'i dbu la thod pas thod byas pa ral pa'i
179a3 mtha' na ri dwags kyi pags pa rgyan thams cad kyis legs par brgyan pa shin tu dkar ba gangs kyi ri bo dang mtshungs par snang ba sgeg pa'i nyams dang ldan pas shin tu mdzes pa'o//zhal 'dzum pa dang ldan zhing phyag drug pa stag gi pags pa'i sham thabs mnabs pa ste/
179a4 phyag g.yas pa ni mchog sbyin pa'o/ /gnyis pa ni phreng ba'o/ /gsum pa ni mda' gar thabs su bsnams pa'o/ /g.yon pa mi bskyod pa dang ldan pa'o/ /de bzhin du gnyis pas ni pad+ma dkar po'o/ /gsum pas ni gzhu nyid do/ /pus mo g.yon pa nas mdog dkar ba'i lha
179a5 mos brten pa ste/g.yon pas pad+ma 'dzin pa phyag g.yas pas bcom ldan 'das la ched du 'khyud par mdzad pa'o/ /ral pa'i tshogs la me tog gis mdzes par gyur pa'o/ /g.yas kyi zur na sbrul gyis dkris pa'i mdung rtse gsum pa'o/ /g.yon gyi zur na pad+ma la
179a6 gnas pa'i thod pa me tog dri zhim pa sna tshogs kyis legs par bkang ba'o//pad+ma dmar po dang zla ba la g.yon bslang ba'i phyed krung gis bskyod par gnas pa'i bcom ldan 'das bsgom par bya ba'o/ /de nas gsang sngags bzlas par bya ste/ oM badzra d+harma hrIHhA la hA
la 'jig rten dbang phyug gi sgrub thabs rdzogs so/