CLOSE WINDOW

D3151
བོད་ཡིག

/'phags pa yi ge drug pa rig pa chen mo'i sgrub thabs rdzogs so// //dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ Sha Ta k+Sha ra sA d+ha naM/ bod skad du/ yi ge drug pa'i sgrub thabs/'jig rten dbang phyug yi ge drug pa la phyag 'tshal lo/ /gzhan la yang dag phan brtson par/ /yid kyi lus can rnams la dmigs/ /sdug bsngal ma lus nyer zhi zhing / /dam pa'i bde bas rab gnas pa/ /de yid snying la legs bsam la/ / bsgom par bya ba'o dag pa'i 'od/ /'od de spros pas lus can rang / /kun nas gsal bar bya ba yin/ /ngal sos sngags pas cho ga bzhin/ /rnam rtog dam pa min spangs la/ /'od dkar lhag par 'bar ba yis/ /gsal por sngags ni brjod par bya/ /rang gi lte ba'i dkyil 'khor du//de ltar rab zhugs snying gar bsdu/ /'di byed pa na lus ngag yid/ /rnam gsum dag pa bsgom par bya/ /de la rang lus legs gnas pas/ /bdag nyid lus sogs dag par ro/ /phyir 'phros pa yi sngags rnams kyis/ /srog chags rnams la'ang rnam par bsam//sngags brjod pa las bzhengs par ni/ /mdun du lha gsum blta byas la/ /sngags brjod sdud pa'i rim pa yis/ /re re zhing ni dgod pa dang / /sna tshogs mchod pa sprul pa dang / /de dag dbul ba nyid kyang ngo / /de dag dag pa yongs rdzogs nas/ / 'dod pa'i don du yongs su bsngo/ /de nas bzlas pa tshul bzhin bya/ /sngags bzlas pa yi tha mar yang / /mchod sogs snga ma bzhin byas la/ /lha rnams snying gar legs par bsdus/ /dang por ting nge 'dzin legs 'thob pa'i/ /sngags pas dben dang khyim sogs su/ /cho ga 'di ni thun tshod bzhir//'bum phrag bzlas par bya ba yin/ /spro dang bzlas pa kun spangs te/ /'tsho tshis sems khral bya ba min/ /sdig pa sbyang sogs thams cad la/ /dkyil 'khor gru bzhi byas la ni/ /thad ka la sogs mdun du bsgom/ /yang na rje dpon maN+Dal la/ /mchod byas mchod pa byas nas kyang //cho ga 'di ni bya ba yin/ /de las lha'i sku'i gdams ngag ni 'di yin te/ skyil krung dkar zhing phreng ba dang / /pad bcas thal mo kha sbyar ba'i/ /rje lta de dang mthun par ni/ /lha mo zhen pa med par bsten/ /'phags pa ser por bsam bya ste//g.yon pas rin chen gdugs 'dzin cing / /rin chen dbu rgyan phyag g.yas stong / /zhen pa med pas rjes su 'gro/ /'phags pa yi ge drug pa rig pa chen po rje btsun 'jig rten dbang phyug gi gdams ngag rgyud nas 'ongs pa'i sgrub thabs kyi cho ga'o// //dge slong tshul khrims rgyal mtshan gyis bsgyur ba'o/