CLOSE WINDOW

D3150
བོད་ཡིག

/de nas bsgoms pas ngal na sngags bzlas par bya ste/ oM AHbadzra hU~M swA hA/ zhes bya ba 'di ni rdo rje gdan gyi sgrub thabs te rdzogs so//[ ]@##/ /rgya gar skad du/ Sha Ta k+Sha ra sA d+ha na/bod skad du/ yi ge drug pa'i sgrub thabs/ dang por re zhig sngags pas bde ba'i stan la nye bar gnas te/ gdong ba'i gtsang sbra la sogs pa byas la/ rang nyid kyi snying ga'i zla ba la gnas pa'i yi ge hrIHdkar po las rnam par 'phros pa'i 'od zer gyis/ bla ma dang sangs rgyas dang byang chub sems dpa' rnams mdun du bltas pas/legs par mchod cing gsum la skyabs su 'gro ba la sogs pa rnams bya ste/ dkon mchog gsum la bdag phyag mchi/ /zhes bya ba la sogs pas so/ /ji srid du sems can du bsdu bar bya bas bsdus par gyur pa/sgo nga las skyes pa dang / mngal las skyes pa dang / drod gsher las skyes pa dang / rdzus te skyes pa dang / gzugs can dang / gzugs can ma yin pa dang / 'du shes yod pa dang / 'du shes med pa dang / 'du shes yod pa yang ma yin 'du shes med pa yang ma yin pa ste/ji srid du gang 'ga' zhig sems can gyi khams su gdags par bya bas btags par gyur pa rnams/ thams cad kyang bdag gis phung po lhag ma med pa'i mya ngan las 'das pa'i dbyings su legs par dgod par bya ba'o/ /de nas oM rang bzhin gyis rnam par dag pas chos thams cad rang bzhin gyis rnam par dag pa ni bdag yin no zhes bya ba lan gsum brjod par bya ba'o//de'i rjes su stong pa nyid yud tsam cig dmigs par bya'o/ /de'i rjes thogs la snying gar pad+ma dkar po'i steng du zla ba'i dkyil 'khor ro/ /de'i steng du hrIHdkar po'i rnam pa'o//de la 'od zer 'bum phrag du ma kun nas 'phros par bsgoms la/ des sems can rnams kyi yang thog ma med pa'i dus nas bsags pa'i 'dod chags la sogs pa'i nyon mongs pa'i tshogs rnams lhag ma ma lus par rnam par sbyangs te/ slar yang de nyid la gzhug par bya'o//de yongs su gyur pa las bdag nyid 'jig rten dbang phyug gi gzugs su bsgom par bya ste rgyan thams cad kyis brgyan pa sku mdog dkar po phyag bzhi'i g.yon pas pad+ma 'dzin pa/ g.yas pa phreng ba 'dzin pa phyag gzhan dag gnyis kyis thugs kar thal mo kha sbyar nas gnas pa'o//phyag dang sku mdog de lta bu dang ldan pa dag gis nor bu 'dzin pa/ g.yas phyogs na pad+ma gzhan gyi steng na gnas pa'o/ /g.yon phyogs na de kho na bzhin du yi ge drug gi rig ma chen mo pad+ma gzhan la gnas pa'o/ /de'i rjes la/ oM rdo rje sems dpa' bde ba chen po dzaHhU~M ba~M hoH//dpa' bo khyod a la la la la hoHaHaHaHaHzhes bya ba byin gyis rlob par byed pa'i sngags kyi rgyal po brjod par bya'o/ /de ltar bsgoms la de nas sangs rgyas thams cad kyi snying por gyur pa yid bzhin gyi nor bur brtag par bya ba'i gsang sngags kyi rgyal po 'di bdag nyid 'jig rten dbang phyug gi snying ga'i zla ba'i dkyil 'khor la kha dog dkar po phreng ba'i rnam par kha nas phyir byung nas lte khung du legs par 'jug pa 'khor lo ltar 'khor ba'i tshul du mtshan ma med pa'i rnal 'byor gyis blta bar bya'o//de ltar bzlas pa byas nas/ g.yo ba dang gzhug pa la sogs pa 'thob ste/dad pa dang snying rje dang ldan zhing bla ma la gus pa'i rnal 'byor pa ni dus ring po mi thogs pan 'grub par 'gyur ro/ /oM ma Ni pad me hU~M/ bzlas pa'i sngags so/ /de nas langs pa'i dus na ni sngags kyi rgyal po 'di brjod nas langs par bya ste/ oM badzra satwa sa ma ya/ma nu pA la ya/ badzra satwa twe no pa tiSh+Tha/ dr-i d+ho me b+ha ba su toSh+yo me b+ha ba/ su poSh+yo me b+ha ba/ a nu rak+to me b+ha ba/ sarba sid+d+hi m+me pra yats+tsha sarba karma su tsa me tsit+taM shri yaM ku ru hU~M ha ha ha ha hoH/ b+ha ga bAn sarba ta thA ga ta badzra mA me muny+tsa badzrI b+ha ba ma hA sa ma ya satwa AHde skad brjod la ji ltar bde bar rgyu bar bya ba'o/