CLOSE WINDOW

D3149
བོད་ཡིག

/ //paN+Di ta chen po a b+ha yA ka ra'i zhal snga nas dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ badzra A sa na sA d+ha naM/ bod skad du/ rdo rje gdan gyi sgrub thabs//sngon du brjod pa'i rim pas stong pa nyid bsgoms pa'i rjes thogs la/ zla ba'i dkyil 'khor la yi ge hU~M mthing nag a la sogs pa'i dbyangs yig dkar po bcu drug gis yongs su bskor ba'o/ /de nas yi ge ka la sogs pa gsal byed dkar po sum cu rtsa gnyis kyis kyang kun nas bskor ba'o//de dag thams cad yongs su gyur pa las zla ba'i dkyil 'khor de'i steng du yang sa bon de nyid do/ /de yongs su gyur pa las rdo rje ser po'o/ de'i lte ba la sa bon ser po'o/ /de dag thams cad yongs su gyur nas rje btsun sangs rgyas dpal rdo rje gdan du bdag nyid skad cig gis rdzogs par bya ste/ser po zhal gcig phyag gnyis pa bdud bzhi legs par dkrigs pa'i seng ge'i khri chen po mchog tu gyur pa/ de'i steng du sna tshogs pad+ma dang rdo rje la legs par bzhugs shing / phyag g.yon pa mnyam par bzhag pa phyag g.yas pa sa gnon gyi phyag rgya dang ldan pa/sku la me tog ban d+hu dmar po'i 'od dang ldan pa'i na bza' bsnams pa yan lag dang nying lag thams cad blta bas chog mi shes pa'i skur bsam par byas la/ oM chos kyi dbyings kyi ngo bo'i bdag nyid ni nga yin no/ /zhes gnyis su med pa'i nga rgyal bya ba'o//de'i rjes la bcom ldan 'das kyi g.yas phyogs su byang chub sems dpa' byams pa gser mdog tu ser ba phyag gnyis pa ral ba'i cod pan dang ldan pa phyag g.yas pas rnga yab bsnams pa phyag gzhan g.yon pa na 'dab ma dang ldan pa'i klu shing bsnams so/de bzhin du g.yon na byang chub sems dpa' 'jig rten dbang phyug dkar po ral ba'i cod pan dang ldan pa rnga yab phyag g.yas pa na bsnams pa phyag g.yon pad+ma bsnams pa'o/ /de dag gnyis ka yang bcom ldan 'das kyi zhal mngon du rnam par blta bar blta ba'o/ / de nas go cha drug dgod par bya ste/ bcom ldan 'das kyi spyan gnyis la zla ba la gnas pa'i yi ge k+ShiM dkar po'o/ /rna ba gnyis la zla ba la gnas pa'i yi ge dzrIm mthing nag go/ /sna bug gnyis la zla ba la gnas pa'i yi ge khaM ser po'o/ /lce la zla ba la gnas pa'i yi ge ga~M dmar po'o//dpral bar zla ba la gnas pa'i yi ge kaM ljang gu'o/ /nu ma'i bar du zla ba la gnas pa'i yi ge sa~M dkar po'o/ /de nas snying gar zla ba la gnas pa'i yi ge hU~M las byung ba'i rdo rje'o/ /yang de'i lte bar zla ba dang bcas pa'i yi ge hU~M ngo / /mgrin par zla ba'i dkyil 'khor la yi ge AHdmar po las skyes pa'i pad+ma dang zla ba la gnas pa'i yi ge AHzhes bya ba ni bcom ldan 'das kyi gsung rnam par dag pa bsgom pa'o//mgo bor zla ba la gnas pa'i yi ge oM las byung ba'i 'khor lo rtsibs brgyad pa dang zla ba la gnas pa'i yi ge oM mo//zhes bya ba ni bcom ldan 'das kyi sku rnam par dag pa rnam par bsgom pa'o/ /lte ba'i gong du zla ba la gnas pa'i rdo rje dang bcas pa'i yi ge hUM ngo zhes bya ba ni bcom ldan 'das kyi thugs rnam par dag pa bsgom pa yin no/ /de nas snying ga'i sa bon gyis ye shes sems dpa' yang dag par spyan drangs la/mchod yon dang zhabs bsil dang / rnam pa sna tshogs pa'i mchod pa rnams kyis legs par tshim par bya ba dang bstod pa dang phyag 'tshal ba sngon du btang bas dam tshig sems dpas lhan cig tu byas la/ oM dam tshig khyod dam tshig khyod dam tshig khyod oM AHhU~M zhes bya ba'i sngags 'dis gnyis su med pa'i nga rgyal bskyed par bya'o/